غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 08-02-2012, 03:47 PM
صورة بنيه من البنات الرمزية
بنيه من البنات بنيه من البنات غير متصل
©؛°¨غرامي جديد¨°؛©
 
Uploadfef5c031fd ساعات غربتي في زمن ضايع / بقلمي


السلام عليكم والرحمة الله وبركاته

هذي اول روايه لي اكتبها واتمنى انها تعجبكم ..

رواية "ساعات غربتي في زمن ضاآآآيع ".. بقلمي ..

الروايه تتكلم عن مجموعة شباب ..مغامره ..هبال ..فله ...الخ"

قريبا ...

انتظروني ...



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-02-2012, 03:31 AM
صورة بنيه من البنات الرمزية
بنيه من البنات بنيه من البنات غير متصل
©؛°¨غرامي جديد¨°؛©
 
الافتراضي رد: ساعات غربتي في زمن ضايع ..بقلمي


بسم الله وعليه توكلت ولاحول ولاقوة الابالله ......
روايتي الثالثه "ساعات غربتي في زمن ضايع "بقلمي
"تساقطت افكاري كالعقد المتناثر لتحبك لكم روايه هي رواية الحقيقه ..في واقعنا الالييم .....وكم تألمت مع احداثها وبكيت وضحكت .....فهكذا هي ايامنا ..يوم لك ويوم عليك ..
وكما قلت سابقا في روايتي الاولى ..لا أبيح من ينسبها بأسمه دون ذكر اسمي
الآن اترككم لهمسات الواقع....."

الجزء الاول.....

نظرت في عينيها فوجدت ومضات
بداخلها تعبر عن مدى حزنها
همست إليها وقلت أخبريني
مالذي يحزنك........؟؟
فإذا بدمعة تخرج من عينيها
مسكت يدها بشــــدة
بدأت دموعها تنزف بغزاره
شيئا ً فشيئا ً تحولت إلى
سيـــل من الدموع تغسل بها
قلبها من الأحزان......
حضنتها بحرارة اشعرتها بالدفء
والأمان...
اخبرتها بأني معها اساندها ولن
أتخلى عنها ماحييت
مسحت دموعها بيدي
فأرتسمت ابتسامة على شفتيها
فرأيت بداخل عينيها طفلة
تبحث عن الحنان والحب
فمنحتها إيـــــــاه....

"م \ن"
لقطات من المشاهد........
"دك....... دك....... دك...... >>عقارب الساعه وهي تدق

"دخلت العجوز على غرفة ريم وهي تشوف ريم منسدحه على الارض وتقراء كتاب متشقق صايره قاريته اكثر من مره وهي ماسكه ملعقه حديده تلتهب نار محمره
..............
وقف عند باب البيت وهو يتأمله بحزن وبعدها بدقيقتين ركب سيارته ومشى >>حوووووووووووووووو
حست فشي غريب بداخلها وطلت براسها من البرميل الي غاطسه فيه وهي تتلفت بشغف وكأنها تدور على شي......"
"وصل هو للبحروقعد على اصابع رجوله ....وفجاءه حس بيد تمسكه والتفت بسرعه ....."
"رجعت هي للبرميل وهي في قمة خوفها وحزنها..."

البارات الاول
"طالعت نفسها بالمرايه بعيون بريئه وتنهدت :اه متى ارتاح
انفتح الباب بااقوى ماعنده وبصراخ قوي:ررررررررررررررريم ووووووووجع ان شاء الله
ارتعبت ريم وهي توقف وتطالعها بتجمد:...........
وهي تقترب منها وتمد يدها وتمسك اذنها وتلويها لناحيتها :انا كم مره قلت لك ماتصعدين غرفتك لحد مااقولك هاه
ريم بألم :بس ياعمه انا ....
العمه:لاتقولين عمه عمة عينك يالخايسه جعلك تخيسين في ذا "وترميها تحت رجولها وهي تدوس عليها برجلها اليمين:يالله نزلي اشوف وغسلي الحوش وبعد ماتخلصين روحي للمطبخ ساعدي الخدامه بشغلها انتي فاهمه
ريم هزت راسها بصمت كالعاده وهي تطالع الدريشه تشوف ضوء الشمس مابعده غاب تنهدت بألم كيف تغسل الحوش بهالشمس الحارقه لكن كان اهون عليها من سوط عمتها الي تهددها فيه دائما "
"نزلت للمستودع واخذت المكنسه وادوات التنظيف وراحت للحوش ...
ووقفت ولملمت قميصها المتقطع من تحت وربطته لحد ركبتها ورفعت السروال الطويل لحد الركبه بعد ولملمت شعرها الناعم المتموج وشبكته بشباصه ورفعت اكمامها لحد اكتافها واخذت تدخل داخل تجلب من الماء بسطل لان ماكان عندها خرطوم وقعدت ترش وتفرك وبدت تغسل ومرت الدقائق عليها وبينما هي تجلب المويه دق الجرس.......
دنندن دندن ..
العمه من داخل وكالعاده بصراخ :ماتسمعين الباب يدق افتحيه يمال الصمخ
ريم بصوت عالي وهي مازالت ماسكه السطل المليان مويه وبخوف:حاظر حاظر
واقتربت من الباب وبصوت ناعم :مين عند الباب
"لكن كان الشخص الي وراء الباب مطنشها او بالاحرى ماسمعها كان يكلم بالجوال:لا لا انا الحين عند الاهل اكلمك بعدين يالله سلااام "وفور ماسكر الجوال افتحت هي الباب لانها كانت خايفه من عمتها وكانت تحسب انه من الاهل يعني حرمه بما انها ماتكلمت لكن الصدمه كانت قويه على الاثنيييييييييييييييييييين"
"وقفو يطالعون بعض لدقايق معدوده وقلوبهم تدق مثل عقارب الساعه تماما ......دك ......دك .....دك ....دك...."
"نشف ريقها حست على حالها وبربكه ورعب رمت السطل على وجه وانحاشت ... ماكانت تدري ليش سوت هالحركه ....
اما من ناحيته فماغمض طرفه ابد حتى بعد مانتثر عليه المويه وهو بعد ماكان يدري وش الي جذبه لها مع ان كان ملابسها رديئه وشوشتها طايره الاان عيونها الخضر سحرته "
"مرت من عمتها وهي طايره بالمكنسه الي ماسكتها وماتدري ليش مارمتها بس كانت متمسكه فيها بقوه ولمى مسكتها عمتها بيدها اليسرى حتى توقف فكت عصى المكنسه وبحركه سريعه وغير مقصوده طاحت على رجل عمتها ....قعدت العمه تناقز من الالم :آآآآآآي آآآآآآي حسبي الله عليك من بنيه .......آآآآي والله لاوريك
آآآآآي....
قاطعتها ريم بخوف :انا اسفه والله ماكنت اقصد بس ...
العمه وهي تقاطعها بصراخ وألم :آآآآي انقلعي عن وجهي حسابك بعدين
......
"دخلت غرفتها وهي طايره وسكرت الباب وبدت انفاسها تتضارب مع دقات قلبها اقتربت من المرايه وبدت تطالع وجهها وكأنها تتأمله لاول مره ومدت يدها لقلبها وغمضت عيونها بهدوء وهي تقول ببرائه:انا وش صار لي وبسرعه فتحت عيونها على صراخ عمتها :ريموووووووووووووووووووووه ووجع
ركضت وفتحت الباب وهي تعدل ثوبها وشعرها بالطريق وتدعي ربها بسرها ان اليوم يعدي على خير ..."
"وصلت لعمتها وهي تطالعها بخوف :نعم عمتي
العمه وهي تقترب منها وتمد يدها وتغرس اظافرها بجسمها وتقبصها بااقوى ماعندها :الحين انا ماقلت لك لاتصعدين غرفتك الاباامر مني
ريم وهي تتألم :آآآآآآي بس انا ياعمه
العمه وهي تزيد من قبصتها وتصر على اسنانها:انا كم مره قلت لك لاتقولين عمه هاه ؟؟؟"وترميها على الارض وتطالعها بإحتقاروتكمل :الله يلعن الساعه الي عرفتك فيها يالخايسه ..."وبصراخ :يالله قدامي اشوف للمطبخ وحظري القهوه والحلى
مشت ريم وهي تتوجع وتمسح يدها بخفه كانت متعوده لهالشي ودخلت المطبخ وفتحت الثلاجه وطلعت ثلج وحطتها على الجروح وقعدت على الكرسي وماامداها تقعد الا والخادمه تصرخ عليها :هبيبي قومي ودي هازا قهوه مافي دلع
ريم بابتسامه ألم وبمراااااااره:اللهم صبرني عليكم انتي وعمتي مثل بعضكم طينتكم وحده .....وبعدين اخذت القهوه وهي رايحه للمجلس تبي تحطها على الباب وتنادي عمتها تأخذها وهي في طريقها تتحرطم :في احد يشرب قهوه في الظهر وحلى بعد"وهي تتذكر شكله الي سحرها وهي فاهيه:بس بصراحه يستاهل كل خير "واخذت تنادي عمتها "عمه عمه القهوه "
"وهو واقف يبتسم من تحرطمها وراها ويطالعها وهومتكتف ومستند على الجدار على جنبها كان رايح ينشف وجهه وشافها بطريقه بحيث هي ماانتبهت له "
"وتكمل ريم بتحرطم وهي تطالع يدها الي ألمتها :آآآي احسها بدت تزررق وهذي ماجت تأخذ القهوه الحين وش يفكني من لسانها وضربها "واخذت تنادي ...عمه عمه "
"هو يوم شاف يدها المتورمه بخوف مشى لها لكنه تراجع يوم شاف العمه اقتربت منها وهي معصبه:ليش تأخرتي هاه ؟؟
ريم بخوف:عمه انا ما.....
العمه وهي تسد فمها بقوه وتتلفت يمين ويسار تخاف احد يسمعها ...من ناحيته اتخبى وراء الزاويه بحيث يقدر يراقبهم ومايشوفونه ..."
"العمه بعصبيه وهي تصر على اسنانها :لاحول انتي غبيه دلخه ماتفهمين تبين تفضحيني مع الناس وش تبينهم يقولون عني ....يالله فارقي عن وجهي روحي رتبي الغرف والصاله
ريم وهي ماشيه :حاظر عمتي
العمه وهي تصكها على راسها بالنعله بعد مافسختها :هذي الي ابذبحها تبي تجلطني اقولها لاتقول عمتي تعيدها مره ثانيه "وهي تأخذ صحن القهوه وتكمل :الله يااخذك ويفكني منك وترجع للمجلس "
"مسحت ريم راسها بألم ومشت في طريقها من دون ماتتكلم خايفه تنضرب مره ثانيه ودخلت "
"طلع وهو في قمة صدمته من هالعجوز الجريئه الي ماتخاف الله ورجع للمجلس واستاذن منها وطلع من البيت وقبل لايركب السياره رفع راسه يطالع البيت ولمح ظل شخص ينظف ويمسح الدريشه طالعها بتأمل لكن ماطلعت واضحه طرد الافكار من راسه :حرام تطالع حرمه غريبه عليك ....
"وركب سيارته وحررررررررررررك >>حوووووووووووووووووووو
"سمعت صوت السياره وهي تتحرك طلت براسها وهي تطالع سيارته الي تمشي بعيد عن البيت تنهدت :الله يحفظك يارب "ورجعت تمسح من جديد "
........
"دخل للشقه وهو يشوف الشباب متسدحين نايمين وهو يدور على مكان يجلس فيه لكن مالقى من رجولهم الي متداخله وعلى بعض جلس بالوسط واخذ رجل واحد من الشباب وحط راسه عليها ومد رجوله على رجل واحد من الشباب بعد وقرر ينام قيلوله وغمض عيونه بهدوء وبحركه سريعه فتح عيونه يوم شاف صورتها لكن تعوذ من ابليس ورجع ينام وماامداه ينام الا وراسه مرمي على الارض رفع راسه وهو معصب :احمدووه مد رجلك
احمد بسابع نومه :لارد
"قام وعض رجله ورجع ينام بسرعه ....قام احمد وهو يتألم ويحك رجله ويطالع الشباب مايدري وينه هو ولا وش صار له ورجع ينام مره ثانيه ..طالعه بنص عين وبقلبه :ان ماطيرة النوم من عينك ماكون طلال ال...نيههههاي"واقترب بشويش واخذ عصا وفسخ شرابه ولبس العصا ومدها للخشمه واخذ يدغدغه فيها بخبث
احمد وهو يحرك مناخيره حس بريحه معفنه وقام بسرعه وطالع الشباب وشاف الكل نايم وماشاف شي غريب على الارض وهو يطالع شاف رجول طلال وحده عليها شرّاب والثانيه لا "ابتسم بداخله وهو يضحك بخبث وبقلبه:على هامان يافرعون طيب انا اوريك ورجع يتمغط بنص عين ونام على الجهه الثانيه وهو يطالعه بطرف عينه وشاف طلال تحرك يحسبه للحين مادرى واخذ العصا وماامداه يمدها الا واحمد يقوم ويمسكها باقوى ماعنده ويمدها له لكن طلال قام بااسرع ماعنده واخذ يركض واحمد يلحقه بالعصا ويتوطون ارجول الشباب قامو الشباب وهم يطالعون المنظر وكانوا اصلا متعودين على هالمنظر الي شبه دائم ورجعو ينامون لكن ماامداهم الا والعصا تطيح على راس واحد منهم وهو نايم
طررررررررررررررررررررررررخ >>صوت العصا وهو يطيح على الارض بعد ماصقع راس واحد من الشباب
قام وهو يتحسس الضربه وهو يمغط عيونه الي فيها نومه ومايدري وش السالفه
طلال بضحك:هههههه حرام عليك بغيت تكسر راس خالد
احمد بعصبيه:اقول اسكت لاامرمر خشتك في القاع ماكأنك انت السبب
الشباب رجعو نامو ماعدا طلال واحمد وخالد الي مازال يتحسس الضربه
احمد وهو يجلس ويمسح عيونه :طيرة النوم من عيوني حسبي الله على عدوينك
خالد وهو يأخذ العصا بهدوء ويصك راس احمد بخفه ...طالعه احمد بدهشه :ليش؟؟
طلال انفجر ضحك على منظرهم :ههههههههههههههههههههههههههههههههههههههههههههههههه ههههههههههههههههههههه
خالد وهو يسحب العصا ويغمز لااحمد لكن احمد سحبها بقوه :انت شكلك مانت صاحي ......" واخذها ورماها للمطبخ
خالد بعصبيه:كان خليتني اخذ حقي منه طار النوم بسببه
طلال وهو يربت على كتف خالد بابتسامه :معليش معليش خيرها بغيرها
خالد وهو يمسك يد طلال ويلويها وراء ظهره :...........
طلال وهو يضحك :ههههههههه خلاص خلاص يالرجال ماعيدها
خالد وهو يفكه ويرميه على الكنب ويعدل نفسه :وش عندك جاي بدري
احمد وهو يطالع الساعه:ايه والله عادتك تجي الساعه ثنتين ونص والحين وحده ونص وش عندك؟؟؟؟؟؟؟؟؟؟؟؟؟؟؟؟؟
طلال وهو يتذكر شكل ريم وهو يتنهد :ابد بس الوالد اتصل فيني وانا في الشركه وقالي مر على خالتك شفها معتازه شي تبي شي خبركم لاعيال ولاشي
خالد وهو عاقد حواجبه:اي خاله؟؟؟؟خبري ماعندك خاله...؟



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-02-2012, 04:04 AM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: ساعات غربتي في زمن ضايع ..بقلمي


السلام عليكم ورحمة الله


https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


بالتوفيق ان شاء الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-02-2012, 07:50 AM
صورة تَوكلت ع الله الرمزية
تَوكلت ع الله تَوكلت ع الله غير متصل
©؛°¨غرامي مشارك¨°؛©
 
الافتراضي رد: ساعات غربتي في زمن ضايع ..بقلمي


ؤآآآوو

مرهه جنآآن

بكون متابعتكك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 12-02-2012, 04:51 AM
صورة كابتشنو الرمزية
كابتشنو كابتشنو غير متصل
©؛°¨غرامي جديد¨°؛©
 
الافتراضي رد: ساعات غربتي في زمن ضايع / بقلمي


بدايه موفقه
نتنظرك في البارت الجايه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 12-02-2012, 03:43 PM
صورة بنيه من البنات الرمزية
بنيه من البنات بنيه من البنات غير متصل
©؛°¨غرامي جديد¨°؛©
 
الافتراضي رد: ساعات غربتي في زمن ضايع ..بقلمي


اقتباس:
المشاركة الأساسية كتبها همسات وردة مشاهدة المشاركة
السلام عليكم ورحمة الله


https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


بالتوفيق ان شاء الله


يسلمووووو ....

على المروووور الجميل ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 12-02-2012, 03:45 PM
صورة بنيه من البنات الرمزية
بنيه من البنات بنيه من البنات غير متصل
©؛°¨غرامي جديد¨°؛©
 
الافتراضي رد: ساعات غربتي في زمن ضايع ..بقلمي


اقتباس:
المشاركة الأساسية كتبها يجمآل ذيكـ الاحلآم مشاهدة المشاركة
ؤآآآوو

مرهه جنآآن

بكون متابعتكك
يشرفني يالغلا ذلك

ويسلمووو على المرور الرائع والرد الجميل ....

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 12-02-2012, 03:47 PM
صورة بنيه من البنات الرمزية
بنيه من البنات بنيه من البنات غير متصل
©؛°¨غرامي جديد¨°؛©
 
الافتراضي رد: ساعات غربتي في زمن ضايع / بقلمي


اقتباس:
المشاركة الأساسية كتبها كابتشنو مشاهدة المشاركة
بدايه موفقه
نتنظرك في البارت الجايه
يسلمووو على المرور الرائع والرد الجميل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 12-02-2012, 03:49 PM
صورة بنيه من البنات الرمزية
بنيه من البنات بنيه من البنات غير متصل
©؛°¨غرامي جديد¨°؛©
 
الافتراضي رد: ساعات غربتي في زمن ضايع / بقلمي


البارات الثاني

شوقي فضحني في عيوني وصديت
الــدمــع مـايــرحــم ومـاقــويــت أشـيــلــه !!

"في بيت العجوز



"دخلت العجوز على غرفة ريم وهي تشوف ريم منسدحه على الارض وتقراء كتاب متشقق صايره قاريته اكثر من مره وهي ماسكه ملعقه حديده تلتهب نار محمره واقتربت منها بهدوء من دون ماتحس عليها ريم لانها كانت معطيتها ظهرها ومنسجمه مع الروايه ومدت يدها ومسكت رجولها بااقوى ماعندها رصت الملعقه بفخذها وكوتها بالنار ولارحمت صراخها وبكائها الي يقطع القلب
بكت ريم وتوسلت لها وحاولت بكل قوتها تدفها اوحتى تدافع عن نفسها لكن ماقدررت لان العمه قاعده على رجولها وراصه الملعقه بقوه وكأنها تستمتع بتعذيبها استسلمت ريم وهي تشوف عمتها تكويها بالنار وابتسامة الخبث على وجهها وحست ان الدنيا تدور وبدى يظلم كل شي حولها....
قامت العمه ورفستها برجولها :علشان ماتتجرئين وترمين علي المكنسه مره ثانيه "واقتربت من راس ريم وشدت شعرها بقوه:احسسسسسن تعذبي تعذبي مثل ماتعذبت انا "ورمتها على الارض بقوه وراحت وتركتها من دون حتى ماتشوف هي ماتت او حيه"

"في الشقه"
طلال :يابن الحلال خالتي مرة ابوي
احمد:ايه هذي ام سلطان
طلال وهو يتذكر ريم :ايه ايه
خالد وهو يتفحص طلال :وش فيك مانت على بعضك
طلال وهو يقوم ويطل بالدريشه :ابد بس ضغوط الشغل مهلكني
احمد وكأنه تذكر :على طاري نسيت اقولكم البارحه كلمني راكان وقال هو راجع
طلال وهو يلتفت بابتسامه:احلف
خالد بابتسامه:طيب متى ؟؟؟وليش ماقلت لنا؟
احمد :والله هو مكلمني من كوريا قبل مايسافر وبعدين نسيت اقولكم
طلال وهو يجلس :يحليله والله له وحشه هالخايس
خالد :اي والله .....طيب ماقالك متى؟
احمد :لا ماقال يبيها مفاجاءه
طلال وهو عاقد حواجبه :غريبه ماقعد في كوريا
احمد بضحكه:هههه تبيه يقعد عقب الي صار له
خالد :من عذره عاد...........
يقاطعهم رنين الجرس .....
رررررررررررن ررررررررررررررررن >>صوت مزعج لدرجه الشباب كلهم قامووو والي يحك راسه والي يمغط يديه والي يحك عينه والي يحك رجله ومايدرون وش السالفه......قام احمد يفتح الباب وعيون الشباب كلها على الباب يبون يشوفون من المزعج هذا الي طير النوم من عيونهم ...
احمد وهو يفتح الباب :لحظه لحظه كسرت الجرس اوووف>>فتح الباب لكن مالقى احد طالع يمينه ويساره بس مالقى احد ويوم جى بيسكره دخل شخص وهو يغني ويدندن ويصفق بيديه
"من ارخص خلي ....من ارخص خلي .....
خالد واحمد وطلووول ....من ارخص خلي ......
فهد وريان ومحمدوه .......هلا هلا
هم ماارخصوني هم مارخصوني
حظي المقرود وصار
ويش اسوي..."
"صدمة الشباب وهم يطالعونه يغني وبعدها قعدو يتقامزون عليه والي يحبه والي يضمه والي يرصه على صدره والي يحب راسه مو مصدقين الي يشوفونه قدامهم "
:خلاص خلاص خنقتوني وه
احمد بضحكه :ماتترك عوايدك ابد
طلال :قلنا اكيد عقل راكان
خالد :ركون يعقل مستحيل
راكان بضحكه :كششش مييير على الغيراااااااااانيييين
فهد وهو يضربه بوكس على بطنه :والله ولك وحشه ركيييين
ريان وهو يسحبه :اجلس اجلس يارجال واحكي لنا متى وصلت ومتى سافرت وليش .؟؟؟؟كل شي كل شي
"وجلسوا وبدو يسولفون ......"

"في بيت العجوز
بعد ماطلعت العجوز من غرفة ريم مرت من عند غرفة ولدها واستغربت اقتربت وهي تشوف بابها مفتوح ومطرّف شوي فتحته وطالعت يمين ويسار وبسرعه التفتت وراها وصرخت بقوه:مــــــــــــــــــــــــــــــــــــــــــــ اري ....مـــــــــــــــــــــــــــــــــــــــــــــ ــــــــــــــــــــــاري وصمخ الله ياخذك
الخادمه بخوف رمت الملابس الي كانت تعصرها بالسطل المليان مويه وركضت لناحيتها لحد ماوصلت لها وهي تلهث :نع هه نعم هه ماما؟؟
العجوز بعصبيه وهي تأشر بيدها اليسرى للغرفه :من الي فاتح غرفة سلطان
الخادمه ماري:ماما انتي في قول لمدام ريم روخي نظف غرف وصاله كيف ينسى ماما
العجوز بعصبيه:انقلعي انقلعي فكيني من بربرتك الزايده يالله اشوف
"راحت ماري للشغلها وهي تتحرطم بالهندي ....اقتربت من السرير الي كان ينام عليها ولدها ومدت يدها تتحسس الفراش وبسرعه نزلت دمعتها على خدها
يامسندي قلبي على الدوم يطريك
ماغبت عن عيني وطيفك سمايا

"


"في الشقه
طلال بضحكه:هههه طيب وين فيصل ماجاء معك؟؟؟
راكان :صارت عنده شغله ضروريه
محمد:غريبه توكوم جايين من كوريا انتم؟؟؟؟؟
راكان بابتسامه:ايه قبل يومين واصلين
طلال :اي الخايس ولاقلت لنا
راكان :وشلون تصير مفاجاءه اذا قلت لكم هاه؟
ريان وهو يطالع الساعه :مابقى عن الاذان الاربع ساعه قومو وتوضوا وخلونا نروح للمسجد
الشباب وهم يقومون :يالله ......
"

"دقت اجراس الساعه لتعلن بداية غروب الشمس ...
الساعه 6 المغرب
"العجوز وهي متمدده في الصاله تنادي بصوت عالي :ريـــــــــــــــــــــــــــــــــــــم
ريم وهي مازالت على وضعيتها طايحه بالغرفه ماتتحرك:........
العجوز بصراخ وهي تنادي:ريمووووووووووووووووووووه وصمخ
ريم :لارد
العجوز وهي تقوم :مـــــــــــــــــــــــــاري مــــــــــــــــــــــاري
ماري وهي تجي:نعم ماما
العجوز :روحي شوفي الخبله هذي ليش ماترد علي
ماري وهي تهز ر اسها :حازر ماما
...........
"ماري وهي تدخل على ريم وتلقاها متمدده وماسكه الكتاب بطرف اصبعها وشوي بيطيح :مدام ...مدام قومي
ريم :لارد
استغربت الخدامه بالعاده لانادت عليها تقوم بسرعه وبخوف بعد هالمره ماترد .اقتربت بشويش ومدت يدها ومسكت يد ريم لكنها تزحلقت من يدها بخفه
انهبلت الخدامه وراحت تركض للعجوز تحت
...............................
"ماما ماما ماما ماما ماما ماما ماما ماما ماما
العجوز وهي تعدل جلستها :وجع وجع وجع وجع وشفيك ؟؟؟؟؟؟؟؟؟
الخدامه وهي تبلع ريقها بخوف :ماما ماما هزي مدام في موت
العجوز بصدمه :ايش؟؟؟ماتت؟؟؟؟
الخدامه وهي ترتعش :يس ماما انا في خوف واجد
العجوز وهي تجلس بخوف وتفكر:وش هالمصيبه هذي؟؟؟
الخدامه:انا في خوف ماما
العجوز :اسكتي وخليني افكربهالمصيبه..... الله يااخذك ان شاء الله انتي بعد
"وهي تقوم و تروح لغرفة ريم تبي تتاكد انها ماتت "

............................................

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 12-02-2012, 03:51 PM
صورة بنيه من البنات الرمزية
بنيه من البنات بنيه من البنات غير متصل
©؛°¨غرامي جديد¨°؛©
 
الافتراضي رد: ساعات غربتي في زمن ضايع / بقلمي


انتظر نقدكم وتوقعاتكم على روايتي المتواضعه بفارغ الصبر ...

ساعات غربتي في زمن ضايع / بقلمي

الوسوم
..بقلمي , ساعات , غربتي , ضايع
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1735 03-04-2019 02:16 PM
وحيدة أدس غربتي تحت رداء الصمت / بقلمي sarabromanziere أرشيف الروايات المغلقة - لعدم إكتمالها 30 20-05-2013 03:54 AM
أهديتني الوساده وسرقت مني النوم بيـاضَ * مواضيع عامة - غرام 6 29-12-2011 02:29 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
رواية غربتي فبعدك عذاب / بقلمي همس الدفا أرشيف الروايات المغلقة - لعدم إكتمالها 63 01-08-2010 01:08 AM

الساعة الآن +3: 08:37 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1