غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-02-2012, 03:53 AM
Sak0o0ra Sak0o0ra غير متصل
عضو موقوف من الإداره
 
B6 ربيع عمري / بقلمي ، كاملة


لا أدعي الخبره ... ولا ألقب نفسي روائيه او كاتبه ... انماا انا فتااه بربيع شبابي اهوى القصص والحكايا
فأردت ان اجرب صناعه عالمي الخااص واحذو حذو غيري من الكتاااب والكاتبات
اضع بين يديكم اول تجربه لي ...
اتقبل النقد المفيد فانا كما قلت مبتدئه

اختكم (( فيلسوفه ززماني ))
ملاحظه || لا اسمح ولا احل لاحد ينقل روايتي دون ان يكتب هذه الجمله ___ بقلم (( فيلسوفه ززماني ))


^^^^^ *** ربيع عمري ****^^^^^^

في شوارع العاصمه الامريكيه ( واشنطن ) ....
كانت تمشي بكل حيويه ونشاط تسابق اختهاا (رزاان) ... محد يشوفهاا الا يقول انهاا بنت سعيده وعايشه بسعاده
قالت وجهها المحمر من الحر : هيييه دانيا انتظريني وجع ما تشوفيني اربط خيط الجوتي
ردت عليها : هههههه ساعه ياختي
رزاان : والله انتي اللي استعجلتيني ولا انا ما كنت بالبسه
داانيا بعد ما اختفت ابتسامتهاا: مو كفايه اني ما اشوفك الا يومين بالاسبوع
رزاان وهي عارفه ان اختها بتفتح سيرتها المعتااده اللي مالها نهايه : اوكي ماعليناا الا اقول دنوو متى رح يجي عمو عبد الرحمن
داانيا وهي تعدل الكاب اللي لابسته فوق الحجااب وتناظر السمااء : مدري رزوون مدري
رزاان وهي تجري بسرعه وتطاالع ورااها : ههههههههههه يا متنحه بسبقكك هههههههه
دانياا وهي تلحقهاا وبقلبها تقول : ياارب انك تحفظهاا لي غااليه علي وربي غاااليه

"""""""""""""""""""""""""""""""""""""""""""""""""" """""""""""""

يمشي مستعجل الجواال بأيده واليد الثانيه ماسك فيهاا الملفاات ويأشر على السكرتيره تجيب له قهووه ويدخل مكتبه الكبيير بعجله وبكل دفااشه يرمي الملفاات على المكتب
وجلس على كرسيه يلقط نفس
بعد تنهيده قصييره : يا يبه هذاني وصلت ...... ايه انا شيكت على الموضوع ... لا لا مايحتااج ترسله .. يبه الله يخليك ليه تجي ... خلاص انا بتفاهم معاهم ... طيب حاضر .. على هالخشم .. مع السلامه

بعد ما نزل شمااغه اللي مستحيل يتخلى عنه حتى وهو ببلد اجنبي الا انه يلبس الزي السعودي بكل فخر
نزل راسه وهو يفكر بالورطه اللي هم فيهاا || فرع شركتهم الموجود بهالبلد واللي يمثل نص ارباحهم ولهم فيه اسهم كبييره تعرض لعمليه اختلاس كبيره لازم لها حل سريع حتى لا يأثر على بقيه فروعهم
رفع راسه وهو ينادي سكرتيرته : رووز روز

"""""""""""""""""""""""""""""""""""""""""""""""""" """""""""""""""""

خوييلد خلووووووود خلوودي
جاها صوت من وراهاا : انتي متى بتستحين على وجهك وتحترمين اخوك
نورره : يمه وش فيك علي امززح معه لا اكثر ههههه
امهاا : ههههههههه وليه ما تمزحين مع ناصر وتنادينه نويصر بعد
نورره : هههههههههههههه لا بالله يمه تخيليني اسويها و اضرب كتفه واطيح المياانه كلهاا
خاالد وهو طالع من المطبخ بكوب نسكافييه وراافع حاجبه : ولييه لا
نورره : هاا خااالد يابعد هلي والله وينك لي ساعه ادورك
خاالد :وش تبين
نورره : بروح السووق
خاالد وهو يجلس ويحط رجل على رجل ويشرب من كوبه : واناا وش دخلني
نورره وهي تنزل بدفاشه وعصبيه من الدرج : شلون وش دخلك من رح يوديني السوق غيرك
خاالد : روحي مع اقبال ولا شمس <<< السواقين حقانهم
نورره : خلوود عااد كنك ما تدري انهم ماخذين اجازه من ابوي
خاالد : زين انتظري حتى يرجعون
نورره : يااربيه خلاص ما بي منك شي يلعنها روحه سوق اذا بقعد اترجااك
خاالد طنشها وطلع جواله لقى 9 اتصالات
نورره تتحلطم بداخلها : ااف الحين وش بقول للبنات لكن اوريك خويلد مو انا اللي تقول كلمه وترجع عنهاا
مشت وهي حدهاا معصبه من تصرفات اخوهاا هاليومين ورن جوالها
نورره: الوو ... مين هدى ...خخخخخ ونا شسوي مع اصواتكم ... اييه اكيد .. لا بجي مع تاكسي .... وش اسوي بعد .. اوكي على الموعد ... باااي
خاالد اللي ما همه من المكالمه الا كلمه وحده قااام بسرعه يلحقهاا



<<<<<<<< تاااكسي >>>>>>

خالد: نويير بتروحين مع تاكسي هاا
نورره : ايه وش اسوي بعد اااذا اخوي مو فاضي لي
خاالد : احس اني روقت بعد السكافيه اااااه
التفت نوورة بسرعه : يعني بتوديني ؟؟
خاالد الي مستحيل يرفض لاخته الوحيده طلب : اجل تروحين مع تاكسي واخووك بالبيت احسن
نورره : فديتك والله

"""""""""""""""""""""""""""""""""""""""""""""""""" """"""""""

في بيت مو بعيد عن عن نويير وخاالد
بيت عمهم (( عبد الله ))
جالسه على الكنبه تنتظر اخواتها
اروى وهي تنزل بالدرج : هد هد من بيرووح معناا
هدى: نويير اممممم ويمكن بنات خالاتها
اروى : اهاا
عليااء : وهي تسكر عبايتها : ما اتوقع ان بنات خالاتها بيروحون معناا
هدى : ليه؟؟
عليااء : لو بيجوون معناتها ياسر راح يجيبهم ونورره مستحيل تقبل
اروى : بس يمكن نويير تمر عليهم وتجيبهم
هدى رن جوالهاا : بنات اكيد نويير مشت يالله نلحقها
مشوا هدى و اروى وعليااء لسيارتهم
"""""""""""""""""""""""""""""""""""""""""""""""""" """""""""""""""""""""

بواشنطن

و بمحل من محلاتهاا

رزاان والسماعه على اذنها : الله يساامحك يا خالي .....هههههههههه والله ما نسيتك ......... الا انت ليه ما جيتنا هالشهر .. هههه ..... صح على سيرتها كيف حاالها ياراا
دانياا وهي تختار ملابس وتجربها وكل شوي تطلع توريها اختها رزاان طلعت من غرفه التبديل بعد ما خلصت : رزوون من تكلميين عماا قاعده تلفتين الانتباه
رزاان : لحظه خالوو شوي .. اكلم خالي بدر تعالي سلمي عليه
دانياا نطت جمب اختها وسحبت الجوال منها : اهلين خااالي شلونك
خالهاا بدر : هلا والله وغلا بدندووونه الحمد الله بخير نسأل عنك
دانياا : تماام مشتااقين لك متى تجيناا
بدر : تشتاق لك العافيه قلبي تدرين المسااافه بين شرق الارض ومغربهاا مو هينه دندوونه
رزاان وهي تأشر لدانياا تحط سبيكر عشان تسمع
دانيا بعد ما حطت سبيكر : محد قالك خاالي تعيش باليابان .. اليابان عااد والله بعيده
بدر : ادري بس وش اسوي بعد اليابان عشره عمر
رزااان :هههههههههههههههههه اماا عشره عمرر خاالو ليكون حاط عيونك على البيض الناعمات الي عندكم ترى اعلم خالتوو عليك
بدر : مايملى عيني بعد ام يارا حد فديتها وفديت عيونهاا
رزاان : عااد خاالتو لميس عيونهاا كبار مشاء الله اكيد تقهر اليابانيات هههههههههه
بدر : فديتها طبعاا تقهرهم
دانياا : الله الله كل هذا غزل بعيونها بس
زوجه خالهم لميس السوريه جت جمب زوجهاا وبدر حط سبيكر عشان تنضم لهم
رزاان : محظوظه خاالتو لمووسه وين نلقى بهالزمن رجال اوفيااء
لميس : هههههههههههههه اكيد وين بلائي متلو ( اكيد وين الاقي مثله )
دانيا ورزاان بترحيب مختلط كل وحده ترمي بكلمه
لميس : ههههه تؤبروني حبياتي شلونكن
دانياا وهي ماسكه روحها ماتضحك
على خالتها اللي تحاول تتكلم سعودي ومو ظابط : ببخير حبيبتي
رزاان : الا خالتوو وينهاا ياراا ؟؟
بدر : حبيباتي الساعه كم عندكم هههههههههههههه
رزاان اللي اتذكرت انهم بهذا الوقت باليابان يكون باللليل ومتأخر بعد : اييه اكيد الشيخه نايمه هخخخخخخ
لميس : اي والله نايمه بتؤبرني تعبت من كتر الدراسه
دانياا : خالي متى راح تجينا
بدر : انشاء الله احاول هالاسبوع اجيكم
رزاان : وانتي خالتوو بتجين معه ترى حدناا مشتاقين للتبوله
لميس : هههههههه ع حسب ياارا ودراستها
دانيا : ما عليك خاالتي يوم يومين مرح تأثر
بدر : الا اقول بنات عمكم عبد الرحمن ما زاركم ؟
دانياا : لا بس هو قال بيجي قريب
بدر : اهاا
دانياا : خاالي يالله ما اطول عليك
بدر : بدري حبيبتي .. توك تتذكرين
دانياا : هههههههههههه وش اسوي بعد ههههههههه الواحد ينسى روحه معكم
بدر : اوكي يالله تأمرون بشئ
دانياا : لا تسلم
بدر : اوكي حبيبتي مع السلامه
دانياا: مع السلامه
"""""""""""""""""""""""""""""""""""""""""""""""""" """"""

وهو جاالس يحووس بالملفاات والتقارير الي قداامه تنهد بقووه وهو يحضن راسه بين كفييه : اااخ وش السواات مع ذا المصيبه ياربي وذا الثاني وش فيه ما يرد
رجع راسه على ورا وهو يفتح ازارير ثوبه مع ان الجو بارد الا انه يحس انه بيختنق من الحر
براا عند السكرتيره كاان فيه ازعااج

هو واااصله معااه لدرجه انه ما تحرك
شوي انفتح الباب
بدون ما يفتح عيوونه ( بالانجليزي ) : رووز ماذا هنااك ؟
تردد صدى ضحكته بالمكتب : اجل انا روزز هااا يا ناصر
نااصر فتح عيونه على صديق عمره وابن شريكهم بالشركه والي هو بحسبه اخووه : رااشد
راشد وهو يجلس : ذي الرووز مع انها تجنن الا انها عنيده
ناصر : وش سوت فيك
راشد : ساعه وانا اطلبها تدخلني عندك وهي رافضه اخرتها دخلت غصب
نااصر: ههههههه ياخي متى بتترك الهمجيه تراناا بين بشر نظامين
راشد : صدقت هه
نااصر وهو يطالع الاوراق بضيااع : عرفت وش صاار
راشد وهو يطالع الناس من زجااج الدريشه : ايه
ناصر : طحنا طيحه بس ربك ستر
رااشد : اااه بس لو اعرف الحثاله الي اختلسواا اااااااخ
ناصر : ربك يجيبهم ويكشفهم
راشد : يالله انك تحفظ شغل 23 سنه ما يضيع مناا
نااصر : اامين

""""""""""""""""""""""""""""""""""""""""""""
بأحد مجمعات الرياض

نورره : ااااه تعبت مراح امشي معكم
هدى : يوووه نويير مو وقتك قومي عااد يالله
عليااء وهي تجلس جنب نويير : الا وقته ونص روحو لحالكم وبعد شوي نلحقكم
اروى : بس قاال سعوو
عليااء تقاطعهاا : يوووه مو وقت مثالياتك اروى روحي خلاص
هدى الي فهمت ان علياء تبي تجلس مع نورره لحالهم : اوكي اروى تعالي نرووح ذاك السوق الي من شوي
اروى : اوكي
بعد ماراااحو هدى و اروى
عليااء : نويير وش فيك ؟؟؟
نورره : مافيني شيء
عليااء : مو علي يا نورره مو علي قولي وش فيك
نورره وهي تتذكر الي صار قبل ربع سااعه
..................
نورره : ههههههههههههه من قال انها رجاليه بالعكس
هدى : بذمتك في بنت تلبس سااعه كذا
عليااء : نويير من جدك
نورره الي بدت تعصب شوي : وش فيكم الساعه عاجبتني وباخذهاا عندكم ماانع
اروى اللي مو معهم قاعده تطالع الي صار له مده وهو يراقبهم
علياء : شوفي سعرهاا
نورره : مشت تحاسب وطنشتهم
علياء : ما فيها فايده نوير
هدى : اروى وش فيك متسمره محلك
اروى رفعت اصبعها لفمها بعفويه : مو تقولون انه سهى وندى مرااح يجون (( تقصد بنات خالة نورره )) طيب اخوهم ياسر هناا صار له سااعه
علياء التفتت بسرعه تدور نويير ما تبيها تنتبه له
لكن
نورره وهي تحاسب ع الساعه الي شرتها
بصووت اقرب للهمس يقترب لنورره : كم مرره قلت لك لا اشوفك متلثمه
نورره تغمض عيونهاا لعل الصوت يكون سراب او شبيه لصوته
لكن أيده وهو يلفها لجهته ماخلت لها فرصه تفكر : ما تسمعين اكلمك اناا
نورره : ....
عليااء وهي تمسك ذراع نورره وتسحبهاا : نويير تأخرناا على البناات
نورره : دور الرجل الغيور ترااه ما يناسبك.. وتطالعه من فوق لتحت
يااسر : نورررره احترمي نفسك
نورره : اقول جاي تعلمني احترم روحي طس عني بس
ومشت مع عليااء وطلعووا من المحل


ههههههههههههههههههههه ههههههههههههههههههههههههههههههههههاي
عليااء: نوير وش فيك الناس تطالعنا
نورره : من يظن نفسه
عليااء : مو قلناا خلاص ننسااه رجعنا للطير يالي
نورره : لا هو ولا عشره امثاله القلب عااافهم عااافهم
عليااء تطلع جوالها : نواااره بتصل على سعوود يجيناا
نورره : اوكي ونا بكلم خالد
عليااء : اوكي برووح اشوف خواتي وين طسووا


"""""""""""""""""""""""""""""""""""""""""""""""""" """"""""""""""""""""""""""""""""""""""""

خالد : يبه اجل بكره بتسافر ؟
ابوه : ايه
خاالد : انا بروح معك
ابووه بارتباك ماغاب عن خالد وامه : لا وانا ابوك ما يحتاج بعدين اخوك نا صر موهنا من بيقعد مع امك واختك
ام ناصر : ايه صح كلام ابوك ااقعد وش له تسافرون كلكم
خاالد مامشت عليه ترقيعات ابوه وامه : اوكي على راحتكم

طرااااااااااااااااااااخ...... انفتح باب بيتهم الداخلي بعنف
ياااانا يااانا يااانا ياااانااااااا <<< تعرفونهاا اليي يغنيهاا منااحي ^_^
ابو ناصر بعصبيه : ماااااجد
مااجد تسمر بمكاانه : باااباا أاااقصدي يبه
ابو ناصر : وش فيك انهبلت ليه تفتح الباب كذاا
مااجد : اييه اناا كنت هذااا شسمه مستعجل
ابو ناصر وهو يطالع اصغر عياله ماجد باول متوسط : لا حول ولا قوه الا بالله
وقاام طلع لغرفته
ام ناصر : عجبك كذا زعلت ابوك هااا
ماجد : ماا ماا والله ما كنت ادري انكم بالبيت الدوبه نوووره قالت طلعتوا السوق
خاالد : ههههههههههههههههههههههههههههههههههههههه مو بصااحي ههههههههههههه
ماجد : خير انت بعد
خالد : لا ابد سلامتك خيي .... ورن جواله : الوو .. ايه نويير .. خلاص جاايك الحين ... باي
قاام خالد ومر جنب ماجد ومسح على راسه بسرعه __ يدري انها حركه يكرهها
ماجد وهو معصب : كمممم مررره اقول لحد يلمس راااسي يووووووووه منك حمااار
خاالد : ههههههه دامك تقول ماما وبابا بمسح ع راسك زي البزارين .. ومشى
قامت ام ناصر بتطلع لغرفتهاا ..
مااجد : ماما والله اسف لا تخلين بابا ينام زعلان علي تكفين
ام ناصر : حبيبي ابوك مو زعلان عليك لكنك عصبته قم بعدين على صلاه العشاء بوس رااسه اوكي
ماجد : اوكي
"""""""""""""""""""""""""""""""""""""""""""""""""" ""

بغرفه بو ناصر وام وناصر
جالس على كرسيه والسبحه بيده وواضح من شكله انه غاارق بأفكاره
ام ناصر تجلس على كرسي التسريحه مقابله : خلاص معزم على الي بتسويه
ابو ناصر : ااه يالعنود ذي اواامر الوالد ما منها رجعه
ام نااصر : طيب تهقى يوافقون
ابوناصر : اكيد انا بروح لهم بنفسي
ام ناصر: عبد الرحمن اناا ودي بصرااحه ااا
ابو ناصر : وش فيك تكلمي
ام ناصر ودي اقول للعيال عن اا
ابو ناصر يقاطعها : انتبهي بس تلمحين لهم حتى والله ما تلومين الا نفسك
ام ناصر مستغربه عصبيه زوجهاا : خلاص كلمه وسحبناها
ابو ناصر : على العموم انا حجزت تذكره على واشنطن والرحله بكره الساعه 8 الصبح فاجهزيلي شنطتي الحين الله لا يهينك
ام ناصر : حاضر


"""""""""""""""""""""""""""""""
"""""""""""""""""""""""""""""""""""""""
"""""""""""""""""""""""""""""""""""""""""""""""""" """"""""
"""""""""""""""""""""""""""""""""""""""""""""""""" """"""""""""""

ادري انه باارت قصير ويمكن ما وضحت الروايه لكم
لكن بالبارت الثاني رح تتوضح لكم الروايه صح

هذا اذا عجبتكم انشاء الله بكون انزل الروايه بالاسبوع مره وحده يوم الجمعه

^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-02-2012, 04:45 AM
صورة وردة الزيزفون الرمزية
وردة الزيزفون وردة الزيزفون متصل الآن
مشـ© القصص والروايات©ـرفة
 
الافتراضي رد: ( ربيع عمرري )


ياهلا فيك اختي بيننا بغرام ...بداية جميلة ومشوقة ...

تحمست اعرف قصة نورة وياسر وسبب النفور او الكره ......وابو ناصر ايش الي خافيه ومايبي زوجته تعلم احد فيه


قوانين القسم اتمنى الاطلاع عليها


وهذا الموضوع راح يفيدك كثير ياليت تطلعي عليه

قضايا

موفقة حبوبة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-02-2012, 11:43 AM
صورة الوان الحـــــياة الرمزية
الوان الحـــــياة الوان الحـــــياة غير متصل
©؛°¨غرامي جديد¨°؛©
 
الافتراضي رد: ربيع عمري


يسلموووووو على الرواية


بداية رائعه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-02-2012, 12:06 PM
Sak0o0ra Sak0o0ra غير متصل
عضو موقوف من الإداره
 
الافتراضي رد: ربيع عمري


مشكووره اختي ورده الزيزفون
وانا اطلعت على القوانين وانشاء ما اطلع عنها



الواان الحيااه يسعدني مرورك


وانشاء الله اكون عند حسن ظنكم


اختكم ....... فيلسوفه ززماني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 10-02-2012, 01:20 AM
Sak0o0ra Sak0o0ra غير متصل
عضو موقوف من الإداره
 
الافتراضي رد: ربيع عمري


يسعدني تقبلكم وجودي بينكم
وانشاء اكوون عند حسن ظنكم
.
.
انا بنزل فصل وااحد بس من البارت الثاني اذاا شفت تفاعل نزلت التكمله اليوم
رجاااء ردوو علقوو افيدوني لا تحسسوني اني انزل على الفااضي .
البارت الثااني
<<<< الفصل الاول >>>>

بسم الله الرحمن الرحيم
*********************************************
صحت من النوم وشعرها الاشقر الي تتخلله خصل بنيه ينسدل على كتفهاا عيونهاا كباار مثل امهاا ولونهم
عسلي فاتح وجسمهاا معتدل الطول والوزن وبشرتهاا بيضاء
قامت من سريرها وهي تعدل اطرااف بجامتها تتجه للحمام
بعد ماخذت لهاا شور يعدل مزاجهاا بعد النوومه الطويله طلعت تفطر مع امها وابوهاا : اوهاايووو
بدر جالس على لاب توبه والنظارات على عيونه : صبااح النور
امها لميس وهي تدهن الساندويتش بالجبن : صبااح الخيراات
ياراا وهي نجلس على طاوله المطبخ تسحب لهاا ساندوتش: يااااااه ما ابي اداوم اليوم
بدر يطالعها بنص عين : ليه
ياارا : خلاص مافي شيء مهم عشان اداوم له
لميس : ع راحتك حبيبتي لكن اخر الاسبوع ماتؤلي بدك تسافري مع ابوكي
ياراا: هااا صدق بابا بتسافر نهايه الاسبوع عند دانياا ورزاان
بدر : ايه بعد قلبي والله مارحت لهم صار لي شهر ....لكن
ياراا : لكن ايش بااابا
بدر : لا يجي على بالك اخذك معي وانتي متأخره بدروسك بسبب غيابك
ياراا: لا لا خلاص اصلاا بداوم هههههه كنت امزح معكم ...وقامت جري على غرفتهاا تدور ملابسهاا عشاان
ترووح مدرستهاا
لميس : فديتهاا بنتي ههههه
بدر : يااحلو الفدى من فمك هههههههههه
لميس وهي تطالع بنتهاا الي جايتهم : حبيبي خلاص ما كبرنا على هالحكي
بدر : لا ههههههههههههه
ياارا: يالله مع السلامه تو مو ياا تنتظرني براا
""""""""""""""""""""""""""""""""""""""""""""
(( دانياا ))
بنت عمرهاا 19 سنه ماعندها اخت غير رزاان وهي تمووت فيهاا وتخااف عليهاا
ابوها يوسف رجال طيب وحنوون وعقليته متفتحه اتزوج فايزه امهاا الي كااانت من عائله وقبيله ثاانيه
زعل عليه ابوه شوي لكنه رضخ للواقع خاصه بعد شااف انهم عايله والنعم فيهاا
لكن اعمااامه الي زعلواا عليه وقالووا ان الي يرخص ببنات عمه نرخص به وماهو منا ولا نعرفه
حز بخااطر ابوه وهو يشوف ولده يوسف يحاول يقنعهم وان هذا مهو من الدين
لكن كانواا يطردونه وينهرونه
بالنسبه ليوسف ماتحمل يشووف ابوه يدافع عنه دووم بوجه اخوانه ويترجاهم يسامحونه
لأنهم نااس متحجره
فطلب منه ابوه يطلقهاا حسماا للمشاكل
لكن يوسف العنيد مارضى اماا ابوه الي زعل عليه وقال بيتبرى منه ومن عياله
يوسف ماهمه لانه بقراره نفسه دااري بابوه الي يحبه وهو مقتنع بالي يسويه بأنه مو حراام ولا عيب
سافر لأمريكاا يكمل دراسته هنااك ومنهاا نماا اربااح شركتهم الي كانت وقتها ببدايتهاا
عاش هناك 6 سنين مافكر يزور السعوديه لومره لكن كاان على اتصاال مع اهله خاصة اخواانه الي كانو احيانا يزورونه
رزقه ربي بدانياا ورزاان ونسوه الدنياا وبلاويهاا قطع عهد انه بيسخر عمره وغااليه عشانهم بس
لكن
ربك شااء انه يموت مع فايزه امهم بحاادث سيااره
(( سبحاانك ربي بعد كل هالعناا و التعب ماات بلمحه بصر وبعز شبابه ))

ابو يوسف او جد دانياا ورزاان مارضى يعترف ببنات يوسف ابد وخلاهم بالغربه
كان يرسل لهم الفلوس اخر كل شهر و ارسل لهم مبارك وسعديه رجل وزوجته كباار شوي
ربي مارزقهم بعياال فكانواا يربونهم ويعتنوون بهم
اما بانسبه لخالهم فكان وقتها توه متزوج والفلوس مو قد انه يروح ويجي بين امريكاا والسعوديه فقرر انه يسافر ويعيش معهم
لكن جته بعثه عمل باليابان ومستحقاتهاا و عرضهاا زين لواحد يدور فلوس
كان يبي ياخذ دانياا ورزان لكن جدهم ما رضى وقال احناا اولى فيهم

بالنسبه ل دانياا كانت تحس نفسهاا وحيده
كاان ودهااا تشووف نااس غير عمهاا وخالهاا كان ودهاا تعيش بالسعوديه
ومقهوره من جدهاا الي حرمهاا من هالشيء وحرمهاا حتى من خالهاا
كانت تحس انها بسجن من نوع اخر مو سجن اربع جدراان لا سجن حرماان من الوطن والاهل

دانياا
زي ماقلنا بنت عمرهاا 19 سنه بتسجل قريب بجامعه واشنطن
هي بنت حلوه شعرهاا طويل لنص ظهرهاا وكيرلي لونه بني فاااتح مايل للاشقر تبان شقاارته بالشمس
عيونهاا كبار لونهم زيتي على رمادي وهي اكثر شيء يخليك تتأمله فيهاا لانك تحاول تحدد لونهاا زيتي او رمادي
ثاني شيء يجذب فيهاا شفايفهاا الحمراا الملياانه وحبه الخال الي فوق شفتهاا اليمنى معطتهاا جماال وتميز اكثر
طولهاا معقول وتميل للنحافه بيضااء البشره

كانت جالسه بغرفتهاا تنتظر مكاالمه مهمه

"""""""""""""""""""""""""""

بنفس البيت وبغرفه ثانيه

كانت (( رزاان ))
جالسه على كرسي التسريحه وتطالع شكلهاا
بنت ما تقل عن اختها دانياا بالجمال لكن تختلف عنهاا
شعرهاا نااعم حريري وكثيف يوصل لكتفها نفس لون شعر دانياا
عيونها بعد زيتيه على رماادي و وسااع لكن شفايفهاا صغار ووجهها دائري وبشكل عاام طفوولي
جسمهاا اقصر من اختها دانياا و ملياان اكثر لكن ما توصل لنقول عنها سمينه
بالعكس جسمها ينمدح
عمرهاا 17 صف ثاني ثنوي تدرس بمدرسه داخليه للبنات
عشان كذا ما تشوف اختها الا يومين بالاسبوع

وهي مازاالت تطالع شكلهاا وتلمس شعرهاا
ابتسمت بمكر للي ناويه تسويه


"""""""""""""""""""""""""""""""""""""""""""""""""" ""

بالسعوديه ( الرياض ) قبل الفجر بساعه

جالسه براا غرفتهاا على بلكونتها جالسه على الكنب ولامه رجولهاا لصدرهاا
وانوار غرفتهاا مظلمه لكن بدر ليله 16 ما يخفى بريق نوره
تسير بذكرياتهاا لما ....

كان عمرهاا 7 سنين وهو 11 سنه
نورره : هيييه خااالد نااولني الكوره
خاالد: روحي غيري مريولك اول بعدين العبي
نورره : خاااااااالد عطني الكووره ولا بعلم ناااصر
خالد : ايه علميه والله لا اقوله انك دووم تطلعين الشاارع وشوفي وش بيسوي لك
نورره : الله يااخذك.. وبدت تبكي لكن تحاول ما تبين
افااا من يبكيك نواارتي
التفتت نورره ووجهها محمر من الشمس وشعرهاا السايح الي بكلتها صارت بنصه من نعومته
هذاا خاااالد ما يخلي .. تحاول تمنع شهاقهاا .. ماا يخلليني ا االعب معه
ياسر وهو ينزل شنطته من ايده : تعاالي اوريك من يمنعك وانا موجوود
نورره : يعني بتخليه يعطيني الكوره العب
ياسر يمسك ايدها وايده الثانيه يمسح دموعها الي على خدها ويرفع شعر قصتهاا عن جبينها : ما بخليه الا غصب عنه يعطيك
نورره بفرح : والله
ياسر يناظر على جنب :اييه... لكن اول ابي بوسه
نورره تمسك راسه بيدينها الصغار وتبوس خده : هاا خلاص
ياسر يمسكهاا :يلا

.....................

ذكرى اخرى مرت ببالهاا
كان عمرها 12 و يااسر 17
نااصر : لا عااد اشوفك برى ما تسمعيين
نورره الي لابسه بنطلون جينز واسع برمودا وفانيله رياضيه لفريق الهلال ورابطه شعرهاا اي كلام: بس انا كنت العب مع خالد ورائد
نااصر وللع من العصبيه : نوررررره قلت لك لا تطلعين الشارع انتي بنت مو ولد
خاالد و رائد الي واقفين ساكتين مو قادرين يسوون شي لنووره
ناصر : بعدين لا تكشفين قداام العيال انتي كبرتي والله لو ا
.... خلاص نااصر نورره صغيره لا تصارخ عليها قدام العيال كذا
ناصر : يااسر انت تشوف انه صح بنت بأول متوسط تطلع تلعب كوره مع العيال
ياسر : لا بس مو تهاوشهاا كذا حراام راعي مشاعرها شوي
ناصر : محد مكبر راسها غيرك ..... ومشى عنهم
ياسر : خلاص نواارتي لا تصيحين
نورره الي شايفه نفسهاا كبيره : هه مااااااااااهمني كلامه ولا حركه شعره مني
ياسر : انتي تدرين نواارتي انك كبرتي الحين وصرتي حلووه لازم ما تكشفين على العيال
نورره : كللللللهم حتى رااائد ؟؟
يااسر بشويه غييره : وش معنى رائد ترااه على قدي مو صغير
نورره : مدري هههههههههه
ياسر : خلاص من بكرره لا تطلعين قدام العيااال كلهم لا رائد ولا غيره
نورره : حتى انت .....
ياسر :..................
نورره : هاا حتى انت ؟
ياسر : ايه حتى اناا بس تدرين ؟
نورره : وشو
ياسر بأبتسامه جانبيه : مو للأبد
نووره : يعني شلوون ؟؟
ياسر : لانك اذا وصلتي الثنوي بتزوجك
نورره لأول مرره تستحي من يااسر : ههههههههههههه بروح ابدل ملابسي مع السلااااااامه ههههه
وقامت ركض للبيت
........................................
نووره : اااااخ منك يا ياسر
(( نورره ))
بنت عمرهاا 19 سنه سجلت بالجامعه
طويله وجسمها مملوح وبيضااء عيونهاا سود ووسااع وكثيفه الرموش لدرجه انهاا تباان مكحله
شعرهاا اسود حرير لكنهاا قاصته طبقات عشوائيه معطيه منظر اكثر كثافه يوصل لكتفهاا
مع هذا كلله ما تحب تبين جماالها ملابسها دوم سبورت وعمليه التنانير والفساتين ما تعترف فيهم
عنيده و جريئه و مررحه

تردد صوت الاذان في كل الاتجاهات يعلن عن صلاه الفجر
قاامت من على الكنبه لداخل غرفتهاا

"""""""""""""""""""""""""""""""""""""""""""""""""" """"""""""""""""""""""""""""""

ببيت ابو ناصر
خاالد : يمه وين ابوي
ام ناصر : علامك متدري انه سااافر
خالد : هو ما قالي متى
ام ناصر : سافر الساعه 7
خاالد : اوكي يمه تامرين بشيء
ام ناصر : تسلم حبيبي مابي الا سلامتك
خاالد : اجل استاذن برووح الشركه
ام ناصر : اذنك معاك
"""""""""""""""""""""""""""""""""""""""""""""""""" """"""""""""""
ببيت ابو ياسر

ندى : سهى سهى قوومي
سهى : وش تبيييييييين
ندى : مو انا الي ابيك
سهى : اجل من
ندى بمكرر : مااجد
سهى الي قامت مفزووعه : ميييييييييييييييييييييييييييييين
ندى : اقولك امي امممممممممممي ما تسمعين
سهى : ااااااااه اييه طيب طيب بقووم
ندى تطالع اختهاا الي قامت وتبتسم

(( ندى ))
بنت عمرها 18 صف ثالث ثنوي
بنت نعووومه مرره وهااديه وشبه انطوااائيه
ضحكهاا قليل جسمها معتدل القواام لكنها للنحافه تمييل اكثر
بيضاء وشعرهاا طويييييل لفخذهاا لكن عندهاا قصه دوووم تحطهاا على جنب من قداام وتخفي ملامحهاا الهااديه والناعمه
وورى هذاا كله سبب

(( سهى ))
بنت عمررها 11 صف اول متوسط
البنت هااذي خليط من الشخصياات تلقاها دلوووعه وتلقااها طفوليه وسااعات تكون عاقله وحكيمه ومررات مشاااغبه حركيه وهذا الغاالب
لكن بكل حاالاتهاا البراااءه هي الي تغلب عليهاا
حياتها دووم بمشااكل مع مااجد ولد بو ناصر
لأنهم رابطينهاا فيه ( سهى لمااجد ومااجد لسهى ))))
مثل ماكانوا يربطون ياسر بنورره
وهذا المحال بالنسبه لسهى


بصاله بيت بو يااسر
ابو يااسر وام يااسر على طاوله الفطوور
ندى : سلام وعليكم
ابو و ام ياسر : وعليكم السلام ورحمه الله وبركاته
بو ياسر : وين سهى ؟
ندى : الحين تنزل
بو ياسر : و يااسر لساا نايم ؟
ندى : مدري
ام ياسر بحزن : الولد هذا حااله ماايسر
ابو ياسر : لله يعين
ندى بنفسهاا : ااااه يا ياسر انت الي جبته لنفسك ولا نوورره مافي مثلهاا

""""""""""""""""""""""""""""""""""""""""""

امريكاا (( واشنطن ))
دانياا وهي تعدل حجابهاا قدام المرايه : سعديه انا برووح مشواار ضروري
ديري بالك على رزاان
سعديه : رززون بعيوني يا حبيبتي لا تخافين عليهاا
دانياا : ادري بس هاليومين احسها ورااها شيء
سعديه : لا تخافين عليهاا
دانياا : اوكي انا طاالعه بس لا تقولين لهاا وين رحت
سعديه : اكيد
دانيياا بعجل : باااي

"""""""""""""""""""""""""""""""""""""""""""""" "


انتظر ردوووودكم عشاان انزل التكمله
بليز
لا تطنشون
واذا كانت الروايه مو بالمستوى الي يعجبكم قولوا عشان انسحب بكراامتي



اختكم ............... فيلسوفه ززماني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 10-02-2012, 12:24 PM
Sak0o0ra Sak0o0ra غير متصل
عضو موقوف من الإداره
 
الافتراضي رد: ربيع عمري


وين ردودكم
ردوو علي حتى لو ما عجبتكم الروايه
عشاان اغلقهاا
مو تتركوني معلقه

بلييز


اختكم ............. فيلسوفه ززماني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 10-02-2012, 02:11 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: ربيع عمري


البارررت روووعة

اتوقع رانيا راحت تستقبل عمها بالمطار

بانتظار البارت القادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-02-2012, 02:23 PM
Sak0o0ra Sak0o0ra غير متصل
عضو موقوف من الإداره
 
الافتراضي رد: ربيع عمري


مشكووره جوود
وانشااء الله انزل بقيه البارت بعد شوي
يسعدني مرورك



اختك ............. فيلسوفه ززماني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-02-2012, 03:20 PM
Sak0o0ra Sak0o0ra غير متصل
عضو موقوف من الإداره
 
الافتراضي رد: ربيع عمري


[COLOR="Purple"][<<<<<<<<<<<<<<<<<<<<<<<<<<<<<


التكمله
الفصل الثاني من (( البارت الثااني ))


جالسه مع عمهاا بحديقه واشنطن العامه تطالع الرايح والجاي وتفكر بكلام عمهاا
بو ناصر ( عبد الرحمن ) وهو يطالع بنت اخووه يحاول يستنتج رده فعلهاا من كلامه وهو مازاال يطالعها
لاحظ انه فاتنه و ملفته بشكلها وهي سرحاانه كانت عليهاا هااله جذااابيه قويه
ونظراات الناس الرايحه والجايه اكبر دليل محد يمر جنبهم الا يلتفت يطالعهاا
الله يهديك يا يبه بنت زي هاذي تتركهاا بالغربه لا سند ولا عون الا مباارك الشايب ومرته
من كل قلبه دعى " يالله انك تحفظها و تصونهاا " والحين صرت مصر اكثر على قراري
عممممي وش فيك ؟؟
بو ناصر : سمي نااديتيني
دانياا : ههههه ايه عمي صار لي سااعه اناديك
بو ناصر : هاا وش ردك
دانياا : ...........
بوناصر : يا بنتي هذاا طلب جدك الوحيد منك بتردينه ؟؟
دانياا :..............

بعد 10 دقايق من الصمت
دانياا : ...... اا عمي بصراح
قاطعها صوت جوال عمهاا
بو ناصر : معليش بنتي برد .. الوو
خالد : هلا والله بالوالد
بوناصر : اهلين وش تبي
خاالد بضحكه قوييه سمعتهاا داانياا : هههههههههههههههه افاا يايبه ما عندك وقت ع طول وش تبي
بوناصر : خويييييلد قل وش عندك ترااني مو فاضي
دانييا ولسبب مجهول نبض قلبهاا للي قاعد يكلمه عمهاا
خااالد : اااه بصراحه بسااافر
بو ناصر : لوين انشاء الله ؟
خاالد : لبريطانيا
بوناصر الي بدا يفهم خالد : اييه داام كذاا ع راحتك لكن امك واختك
خاالد : ايه انا موصي ولد خالتي ياسر عليهم
بو ناصر : يصير خير يلا تبي شي ولا اسكر
خاالد : هههههههه شكلك جد مشغوول لا تسلم مابي شي بااي
بو ناصر : مع السلامه

"""""""""""""""""""""""""""""""""""""""""""

نااصر :يوووه ذاا وين طس
قاام متوجه لمكتب رااشد

(( نااصر ))
شاب عمره 26 سنه اكبر عياال بو نااصر
طويل و جسمه رياضي بسبب السبااحه ( هوايته المفضله )
عيونه كباار سود و رموشه كثيفه يشبه اخته نوره كثير لكن يختلف عنها برسمه حواجه
شعره اسود نااعم مقصص يوصل لأخر رقبته
ابتسااامته سااحره والكل يحب صوت ضحكته لكنه مو على شيء يضحك
والبناات خااقين عليه دووم
صوته مميز بين الناس فيه بحه فخمه تخليك غصب تسمعه
شخصيته قيااديه جرئ لكنه غاامض ما يبين مشاعره بسرعه


فتح مكتب خوييه راشد بعصبيه وصدمه منظره


""""""""""""""""""""""""""""""""""""""

امريكاا ( واشنطن )
طلعت من الحماام وهي مرتبكه من الي سوته
رزاان بنفسهاا : يوووه وش فيني الحين اختبصت مو هذا الي ابي اسويه من زماان
بس لو درت دانييا وش بتسوي يووووووووه هي اكيد بتشوفني الحين ولا بكرره
بس اناا للحين متحمسه اشوف رووحي
قااطعهاا صوت البااب : رزاان رزااااان
رزاان تجري للباب تتأكد انه مقفل وتحط اذنهاا على الباب : هلا خاالتو سعديه في شيء
سعديه : لا بس تعالي سولفي معي جاالسه لحالي
رزاان بربكه : اووه سعديه الحين انا تعباانه بناام
سعديه : ع راحتك بس مو كنك تنامين كثييير
رزاان : هههههههههههه تدرين مراهقه ههههههههه
سعديه : اوكي نوم العوافي
رزاان وهي تنط ع السرير و تتلحف: يوووه لهادرجه خااايفه حتى اني اشوف نفسي بالمرايه
ياااربي وش فيني كذا متحمسه ااااااه بناام شوي بعدها اشوف شكلي
وتدفت زييين وناامت

"""""""""""""""""""""""""""""""""""

السعووديه ((الرياض ))
بيت بو سعود ( عبد الله )

عليااء منسدحه على كنبه الصاله الطويله وسرحاانه تفكر ..
(عليااء)
بنت عمرهاا 19 سنه مسجله بالجامعه مع بنت عمهاا نوره
طويله ونحيفه وشعرهاا بني غاامق وكثيف لنص ظهرها وناعم يشبهونها بالممثلات الهنديات نجمات بوليود
وخاصه عيونهاا البنيه الواسعه رموشها مو ذاك الكثافه لكنهاا طويله و فمهاا صغير
وهي ثاني وحده بالعايله تتميز ببحه صوتها الفخمه بعد ناصر ولد عمهاا
ماتختلف عن نوره بشخصيتهاا لأنهاا صديقه نوره المقربه
لكنها اعقل منهاا واحيانا تغلب عاطفتها عليهاا بعكس نوره

عليااء بنفسها : يااااه يا نوره بأيش تفكرين الحين
هدى تنزل بسرعه : بنااات بنااات
عليااء الي صحت من تفكيرها : وش فيك
هدى : اول وين اروى
علياء : خلصيناا قولي وش عندك

( هدى )
بنت عمرها 18 صف ثالث ثنوي
طولهاا متوسط وجسمهاا حلوو شعرهاا بني غاامق وقاصته لأخر رقبتها من وراا ومن قداام طويل ينزل شوي على كتوفهاا
بيضااء البشره و عيونها مثل اختها عليااء حتى لما يلبسون نقااب ما حد يميز بينهم الا من طولهم او بصوت عليااء المميز
هااديه وخجوله شوي وتحب وااحد رح تعرفونه بعدين

هدى : تدرين عمي عبد الرحمن وعياله ناصر وخاالد مسافرين
علياء : حتى خالد ؟ مو كان امس موجود
هدى : ايه بس اليوم سافر
اروى بمقاطعه : والزفت ماااجد وش فايدته

( اروى )
بنت صف ثاني متوسط مسجلينها بدري ولا هي عمرهاا 12 مفروض اول متوسط
الصديقه الصدوقه ل سهى وتدافع عنها ضد مااجد
شخصيتهاا قياديه وتحب المغامرات على قولتها وتمووت بهانا مونتانا
تشبه خواتهاا بالملامح لكنهاا طفوليه اكثر

علياء راافع حااجب : هههههه البزر هذا وش بيسوي يعني
اروى بقهر : ايه ادري هو بس فالح يطلع رجولته على سهى
عليااء : هههههههههههههههههههههه
هدى :يوووه منكم هم مو لحالهم سمعت ان ياسر بيقعد عندهم
عليااء : اييييييييش ياااسر
هدى : اييه وش فيك
عليااء : بنات ما يصير لازم نروح عند عمتي ونوره
هدى وهي داريه انه في شئ بين نوره وعليااء لكن ماتحب تتدخل : كنت افكر كذا بعد
اروى : مرااح اجي معكم
عليااء و هي تطلع الدرج : بكيفك
هدى : يالغبيه ياسر عندهم اكييييييد سهى وندى معه ولا ما تبين سهى
اروى : هااا الا خلاص برووح
وقاامو لغرفهم يتجهزون

""""""""""""""""""""""""""""""
ناصر وااقف مصدووم يناظر

راشد على كرسيه المواجه للمكتبه الي رووز جالسه عليه بكل جراائه تضحك معه

راشد بالانجليزي : اووه روز المعذره لكني الان مشغول
روز الي للحين معطيه ظهرها الباب ولا تدري بناصر : لماذا حبيبي ؟؟
راشد وهو يطاالع ناصر المقهور وماسك ضحكته عليه : اخشى ان يرانا المدير نااصر انتي تعرفين غضبه
روز بخوف : اااه صحيح
وقامت تبي تطلع وانصدمت ووقفت مبلمه وفاتح فمهاا وبعدهاااا ركض على مكتبهاا

ناصر وااقف على جنب وميل جسمه على الباب ومكتف يدينه
رااشد : هههههههههههههههه وش فيك تطالعني كذاا
نااصر : لو اني تأخرت اكثر كاان الله اعلم وش بتسوون بعد
رااشد : وش دعوه مو لهادرجه بعدين هي الي جتني تغاازلني

( راشد )
شاب عمره 26 سنه وصديق نااصر المقرب
طويل وعريض وجسمه رياضي لانه يحب السبااحه << مو صديق نااصر المقرب ^_^
عيونه عسليه وحواجبه كثيفه لكنهاا تزيد وسامته
جريء مرره

نااصر : رااشد ما علينا منهاا خلناا بالمهم
راشد : لوين وصلت ؟
نااصر : عرفت كيف اجيبهم
راشد : منهم ؟؟
نااصر : ترى مو قت دلاختك مين يعني الي اختلسوا
رااشد : ههههههههه ايه ايه
ناصر : الله يستر عليك قم ونا خوك تعال لمكتبي والله اني شاك بروز انها سوت لك حركه للحين باقي تأثيرها عليك
راشد : ههههههههههه شكلك خبرررره .... ويغمز له

ناصر : اقول لا يكثر...
قاطعهم الازعااج الي بكتب نااصر
نااصر عصب من الي بكتبه بدون اذنه وفتح معصصصب

..........................
..........................

ناصر : خاالد
خالد : اشتقتلك ياابعد رووحي
رااشد :ههههههههههههههههههههههههه
ناصر : وانت ليي .. وتوه ينتبه للي جالس على كرسيه
راااائد ..... خير ليه جاايين ولاحقيني لبريطانيا
رائد : افاا ذي طريقه ترحب بخوك و ولد عمك
راشد: ههههههههههههه قسم بالله اني شاك ان ناصر جايته سكته قلبيه من المفاجأت اليووم
خاالد: ليه وانت وش مسوي له
راشد : ابد كنت اغازل سكرتيرته
رائد : ههههههههههههههههه لا تقوول روز
راشد : الا هي
رااائد يطاالع خاالد ويضحكوون هههههههههههههههههههههههههههههههه
ناصر : خير وش السالفه
رائد : بلاكم ما تدرون ان خاالد كاان يغاازلها بعد
خاالد : يالكذاب هي الي كاانت تغازل مو اناا

( خالد )
اخو ناصر عمره 24
طويل و بشرته حنطيه من كثر لعب الكووره
مررح ويحب اخواانه مرره وطيب لكنه مغازلجي شويااات
وعيونه السود الواسعه تسااعده على مهمته << خخخخ
لكن وقت الجد ناادر ما ييمسك اعصاابه وينخااف منه وقتهاا

ناصر وهو يحس براحه بوجود خويااه جنبه : ايه عااد انت بالمره مظلووم يا خويلد
خالد : تعرفيني ماحب الحركاات هاذي

قاطعهم دخوووله : سلام عليكم
كلهم ردو السلام االا نااصر الي يطاالعه بصدمه
هههههههههههههههههه وش بلاك ناااصر مو مصدق اني جيت
ناصر الي طنشه وطللع برى يتلفت ورجع : اقول ليكون مااجد بعد جبتووه معكم
خالد وراشد ورائد وتركي :ههههههههههههههههههههههههههه
ناصر ابتسم على اشكاالهم : ههه مدري عنكم كل شوي يطلع واحد
تركي : لا لا انا اخر وااحد
راشد : ووين كنت
تركي : والله كنت اسولف مع المزيونه رووز
الكل ضحك ههههههههههههههههههههه
رائد : اكلهاا اخوي الكبير بعد ههههههههههه

( رائد )
اخو تركي عيال عم ناصر وخالد
شاب عمره 23 يعشق الكووره
بشرته حنطيه وجسمه مايل للنحافه لكنه حلو
شعره ناعم ويسويه سبايكي احيانا وكذاا يطلع خقق
راافض فكرره الزوااج نهاائيااااا

تركي : ليه وش سوت رووز من ورااي
خالد : ابد مغازله ..ويمد اصابيعه بطريقه طفوليه .. راشد ورائد وانا وانت يا حظي
راشد : بس الي مستغرب منه ليه ما تقرب صوب نااصر
نااصر وهو يقوم راائد بدفاشه عن كرسيه ويقعد : هه والله من ثقالتي مو زيكم مخفاات
خاالد : الا قوول من شينك
نااصر : اقول شبااب اجلسو وخلونا بالمهم

"""""""""""""""""""""""""""""""""""""""""""""

امريكاا ( واشنطن )
دانياا : عمي بصرااحه ما اقدر انا بسجل بالجامعه هناا
بو نااصر : يا بنتي .... اثر الكلمه بدانياا كثيير ياا بنتي ياااني اشتهيت اسمعهاا من ززماان..... يابنتي يادانياا تقدرين تدرسين بالرياض
دانييا : وش ذكره فينا الحين بعد ما خلانا هناا وش يبي فيناا الحين وبدت عيوونهاا تدمع
عمهاا : والله ادري انه ظلمكم لكن كل هذاا عشاانه يحبكم صدقيني
دانياا : شلوون وهو متبري مننا وتاركناا هناا حتى خاالي منعه ياخذنا معه وتقوول يحبناا شلوووون
بو ناصر وهو ينااظر سماا واشنطن الصافيه والجو المغيم والهوااء البارد الخفيف : يابنتي ابوي بعمره ما كرهكم كل الي سوااه عشان يحميكم من اخواانه وعيالهم
انتي ماتدرين كيف كاانوا يعاملون ابوك وهو ولد اخوهم شلون بيرحمونك وانتي واختك وهم مو حاسبينكم من العايله اساسا
دانياا : عمي تكفى لو كاان يحبنا فعلا خله يتركنا هناا احنا مرتااحين
عمهاا : انا مرااح اخذ ردك الحين وخلينا نروح لرزااني ابي اسلم عليهاا
قاامت دانيااا مع عمهاا متجهين لبيتهم


""""""""""""""""""""""""""""""""""""""""

السعوديه ( الرياض )
بيت بو ناصر
نوره توهاا طالعه من الحماام وتجفف شعرهاا بالمنشفه كانت لابسه بنطلوون بني غاامق وفييه خيط ذهبي على طوله من اطرافه
وفانيله واسعه بلون البيج فيهاا تطريز بالذهبي
ردت على جوالها الي ثاني مره يدق : الوووو
عليااء : الو وينك سااعه ادق
نورره بروااقه : يوووه انتو يالسعوديين تحبون المبالغه كلهاا دقيقه
عليااء : ما علينا انا الحين جايتك مع خوااتي
نورره : جد زين والله لأني زهقاانه مرره
علياء الي تحسب نووره زهقاانه من وجود يااسر : اكيد حبيبتي ونا اقدر اخليك بوضعك هذا اوكي الحين بركب السياره
نوره : اوكي يلا بااي
عليااء : بااايات

بالصاله
ام ناصر : هلا والله بندى وسهىى شلونكم
ندى : الحمد الله نسأل عنك خالتي
ام ناصر : بخير تسلمين .... بعدها طالعت سهى الي جالسه تهز رجلهاا بعصبيه وااضحه
ام ناصر : علامك سهى
سهى : الي استحت من خالتها : ههه لا ولا شيء
مااجد : الحمد الله والشكر معصبه من لا شيء
.... ماجد هو السبب من الاول الي كان يطالعها بتكبر
سهى مطنشه
ام ناصر تطالع ماجد بنظره هو فاهمهاا : اقول مجييييد " وشدت على مجييييد قم نااد اختك تسلم على بنات خالتك
قاام مااجد مقهور بعد ماشاف ابتسامه سهى على تصغير امه لأسمه : حاضر

ويفتح البااب بعنف زي عاادته
نورره شالت المنشفه عن راسها وشعرهاا السايح عل وجهها وتطالع الباب الي يروح ويجي من قوه فتحه: خيييييييييييييييييييييييير
انشاااء الله يعل ايدك الكسر
مااجد بلع ريقه وهو يعرف ضرب نورره لا عصبت : اييه امييي تبيك احممم لأن شسمه
قاطعهم رنين جوال ماجد : اااا امي تبيك تسلمين على بنات خالتي بالمجلس ..وحط رجله وهرب
نورره : اووه بنات خالتي بعد زين على زين .... ومشت متوجه للمجلس الكبير ببيتهم
والي ما كانت تدري ان امها وبنات خالتها كاانو بصاله العاديه

نزلت من الدرج ولفت للمجلس من جهه اليسار والصااله الي فيهاا بناات خالتهاا بجهه اليمين
فامحد انتبه للثاني
فكت الباب بدفاشتها المعرووفه وجوالها لزاال بأيدها وتناظر فييه : هلا والله ومسهلا ببناات الخااال...
رفعت عيونها عشاان تنصدم بالي موجود بالمجلس ويطالعها بترقب

""""""""""""""""""""""

امريكاا ( واشنطن )
بعد ما تركت عمهاا بالصااله طلعت تناادي اختهاا رزاان
خمس دقايق وهي تدق الباب بأدب ما تبي تخرع عمهاا الي تحت عرفت ان اختها نااايمه لأن نومهاا ثقيل
فا جابت النسخه الثانيه من المفاتيح عشان تفتح الباب
وفتحته
دانياا وهي وااقفه قداام المراايا وتشيل الحجااب وتعدل شعرهاا : رزاان رزاان قومي عمي عبد الرحمن هنا
رزااااااااااااااان وصممه قومي عمي هناا اقولك
رزاان قاامت من ازعاج اختهاا : هااااااااااااه ابي اناام .. وتحك شعرهاا وهي مغمضه عيونها
دانيا التفت : قومي ااا
وشهقت من الي تشووفه

************************
******************************
************************************


انتهى البارت الثااني
توقعااتكم تفيدني كثير
بلييز افيدووني بردودكم وتوقعاتكم


ان شفت تفااعل نزلت الباارت الجااي بكرره

اختكم ................... فيلسوفه ززماني /COLOR]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 10-02-2012, 10:43 PM
Sak0o0ra Sak0o0ra غير متصل
عضو موقوف من الإداره
 
الافتراضي رد: ربيع عمري


وين تفااعلكم
ابي تعليقاتكم وتوقعاتكم
تراها تفيدني

بليز

اختكم .........فيلسوفه ززماني


الرد باقتباس
إضافة رد

ربيع عمري / بقلمي ، كاملة

الوسوم
روايه ربيع عمري , روايه سعوديه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6846 09-02-2020 10:31 PM
أنا أول ما تبدي أية حكاية تسبقني أفكاري لأحداث الرواية / بقلمي ، كاملة عَصْفُورهَ =$ روايات كامله - يتم نقل الرواية هنا بعد اكتمالها 1722 23-04-2015 01:02 AM
كل يوم لك حال جديد .. مره قريب و مره بعيد / بقلمي ، كاملة ملح الحياة وسكرها روايات كامله - يتم نقل الرواية هنا بعد اكتمالها 978 29-04-2011 01:52 AM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 10:38 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1