منتديات غرام روايات غرام أرشيف الروايات المغلقة - لعدم إكتمالها أبيك تعرف إن لك صاحب بكل مافيه يغليك / بقلمي
·.¸¸.·نـ·.¸¸.·ـوفــ·.¸¸. ©؛°¨غرامي جديد¨°؛©

بسم الله الرحمن الرحيم
هاهي اناملي تكتب لكم حكايه سطرتها الحياه باقلام الياس والامل والسعاده والشقاء
وهاهي الحياه بكل كبرياء تكمل مسيرتها غير مهتمه باحد ولن تقف بل ستستمر وتنسينا الايام
مافعلته بنا قساوه الحياه ولابد لظلام الليل ان ينجلي
بحثت عن انسان سعيد لم اجد
فالفقير حزين والغني حزين مابالهم ايعشقون الحزن غريبه هي النفس البشريه
كم تحب الحزن وتعشق البكاء

~آإبيڪْ تعرفْ آإنْ ~ لـِـِڪْ . . . | صآإح‘ـبْ بڪلْ مآإفيـہ يـغ‘ـليڪْ ~

فالنبدا معا :

الساعه 9 والجو خيالي ويفتح النفس
جالس ويده عى ذقنه وافكاره تروح وتجي ويغلب العبوس على ملامحه
قطع تفكيره عمه ناصر
ناصر : عمر وش عندك جاس لحالك
عمر : مافي شي بس الجو خنقني داخل
ناصر بشك : عمر فيك شي ؟ من اللي اتصل عليك وقمت من المجلس
عمر : واحد من الشغل
ناصر : قم والله فله المجلس لايفوتك
عمر : ناصر والله الاخلاق زفت عندي رايح للبيت اريح اعتذر لي من الشباب تكفى
ناصر ويده على كتف عمر : عمر في شي
عمر : لا مافي شي بس تعبان شوي وابي ارتاح
ناصر : طيب تبغاني اوصلك للبيت
عمر ابتسم : لا مو لهدرجه اقدر اسوق
ناصر : طيب انتبه للنفسك
عمر : ان شاء يلاا سلمني على الشباب

رجع ناصر للمجلس عند الشباب وجلس وباله بعمر وش اللي غير مزاجه فجاه من من هالمكالمه ياترا
حمد : ناصر وين عمر ؟
ناصر : تعبان شوي ورجع للبيت
حمد : تعبان قبل دقايق مافيه شي
ناصر : والله ماادري ياحمد
غالب : طيب انا استاذن
حمد : غالب وين انت بعد
غالب : عندي شغله اخلصها واجيك
مازن يغمز لغالب : شغله هاه ولا
غالب ابتسم ووقف : يلاا في اامان الله

دخل سلطان وبيده صنيه العشاء
سلطان بصوته المزعج: ووين ووين
غالب : رايح
سلطان : اقعد اقعد اتعشا وبعدين توكل
غالب : لا والله مستعجل
سلطان : اقول تعوذ من ابليس واقعد
غالب اللي عارف سلطان اللحووح: طيب++
سلطان : يلااا سموا العشاء
ثامر وبيده كيس البيبسي والمويه ويوزع على السفره
سلطان : الا عمر وينه مااشوفه
حمد : طلع قبل جيتك بشوي
ثامر رفع راسه باهتمام : وش فيه صاير شي
حمد : والله ماادري
سلطان : عمي وش السالفه
ناصر : لا سالفه ولاشي بس تعبان شوي وطلع



دخل عمرالبيت
مرام تو طالعه من المطبخ وبيدها صحن فشار : اخ عمر غريبه بدري اكيد عمي ناصر اطردك من الاستراحه اعرفك اخووي وغثيث
عمر بنص عين يدف مرام مع كتفها : اخت مرام خلك في حالك وبعدين صاحيه للحين ماوراك دراسه
مرام : جامعه لو سمحت
عمر : شايفه نفسك بهالجامعه
ريم نازله مع الدرج وقفت بنص الدرج : عمررررررررررررررر غريبه
عمر طنش ريم وطلع لغرفته
ريم باستفهام : وشفيه ؟؟
مرام : ماادري والله
ريم انتبهت لصحن الفشار : الله فشار وش عندك
مرام: ماادري فاضيه وقلت اسوي فشار

فتح عمر باب غرفه امه
عمر : يمه
ام عمر اللي مشغوله بترتيب الغرفه : هلا يمه
عمر نزل راسه بالارض
ام عمر تركت اللي بيدها وركضت لعمر : عمر وش فيك ؟
عمر بضيقه : احس ان مافي هواء
ام عمر عرفت ان عمر متضايق : بسم الله عليك تعال انسدح على السرير
انسدح عمر على السرير وحضن امه يحتويه
عمر رفع عينه لامه : يمه اتصلت اليوم
ام عمر وهي تمسح على شعر ولدها : ياولدي مهما كان هي
عمر بقهر : يمه لاتدافعين عنها
ام عمر : بس
عمر : يمه انتي اكثر وحده تاذيتي منها
ام عمر : ياولدي مايجوز اللي تسويه
عمر : مايجوز وهي اللي سوته يجوز
ام عمر : عمر الله يهديك هي غلطت بس الحين ندمانه
عمر قام من حضن امه : ليه يمه انا اجيك ابيغاك تخففين عني تزدين علي
ام عمر :والله ياولدي مااقول الا اللي في صالحك
عمر بعصبيه : من صالحي اروح لها واسامحها على كل شي يمه هي كسرتني
ام عمر : خلاص وانا امك انساها وكانها شي ماصار
عمر باس راس : اعذريني يمه

جلست مرام وريم على الكنب
مرام : ريم شفتي الريموت
ريم : لا والله
مرام : ياربي وين راح
ريم :وش دراني انا
مرام : اكيد مع احمد
ريم : انا بروح اساله
دخل ابو عمرالبيت شاف بناته
ابو عمر : السلام عليكم
مرام : هلا يبه
ريم : وعليكم السلام
ابو عمر : سياره عمر برا
مرام : ايه يبه قبلك بربع ساعه جاء البيت
ابو عمر : غريبه الساعه 10.14 عمر مايجي البيت الا 12
ريم : وشكله معصب
ابو عمر : وينه
ريم : طلع غرفته
ابو عمر : ابوي نايم
مرام : اي تعشى وحط راسه ونام
ابو عمر : خلني اروح اشوفه

نتكلم شو عن عايله ابو عمر
ابو عمر رجل كبير بالسن ماديته عال العال ساكن مع زوجته واولاده وابوه الاعمى
ام عمر زوجته ربه بيت وحنونه جدا
عمر الابن الاكبر عصبي ونادر مايضحك
ابراهيم علاقته بعمر متوتره كثير ومايحب يتناقش معه او يجمعه مع عمر اي حوار
مرام حبوبه ومرجوجه وتحب اخوانها كلهم
ريم هاديه ومطيعه
احمد اخر العنقود
اممم راح نعرف عن هالعايله من خلال الروايه





بالاستراحه ..
ناصر : يلاا توكلوا كل واحد لااهله
سلطان : عمي الساعه 12 والله بدري
ناصر : انا وراي شغل بكره
ثامر : افا تطردنا ياعمي
ناصر بنفاذ صبر : ايه اطردكم يلا خذ اخوك ولبيتكم
سلطان يمثل الزعل :يلا ثامر
طلع سلطان ومعه ثامر
ناصر : حمد معهم
حمد : والله من صرت تنام بالاستراحه ماشفنا خير
ناصر : ااقول الخلا
مازن يعدل الفراش : خالي
ناصر : خالي خالي خالي انت ماتعرف تسوي شي بدون خالك
حمد: خخخخخخخخخخخخخخخخخخخخ والله دلخ
مازن بقهر : ناصر وين تنام هنا ولا هنا
ناصر : كل تبن واخمد
حمد : هذا اللي يخلي بزر ينام عنده عمي انام عندك بس توسط لي عند ابوي
ناصر : تبي تذبحني بالدخان
حمد : اصلا تبت من زمان
مازن من تحت البطانيه : خالي لاتصدقه بعد ماتعشا طلع برا ودخن
حمد رفس مازن برجله : كل هواء
مازن فتح الغطاء بعصبيه : اااااااي خالي كسر ظهري
ناصر : يالليل ماطولك


دخل ثامر البيت ووراره سلطان
ثامر : السلام عليكم
ام سلطان : وعليكم السلام
ثامر : نوره جيبي لي مويه
نوره : طير بس
ثامر جلس جنب امه : يمه خليها تجيب لي مويه
ام سلطان قامت من بين عيالها
سلطان : وين يمه
ام فارس: ماني ناقصه وجع راس
ثامر : بتقومين ولا شلون
نوره : تحلم
ثامر : سحب ريموت التلفزيون وغيرالقناه
نوره : رجع
ثامر : انقلعي
نوره تحاول تسحب الريموت من يد ثامر : هاته
ثامر : تحلمين
نوره : يمه شوفيه
ام فارس ويده على راسها : الله يعيني عليكم بس
سلطان الي تحالف من ثامر ضد نوره
سلطان : ثامر شووت الريموت علي
ثامر : خذ
بدا اللعب ونوره داخت بينهم
نوره : هاتوه والله لااصارخ
سلطان : صارخي
نوره : سلطانوه والله اسويها
ثامر : شوفي بنعطيك الجهاز بس بشرط
نوره : وشوو
ثامر : صيري هلاليه
نوره : روح انتحر احسن لك
سلطان : من زين اللي تشجعينه
نوره وهي تبوس الاسوار اللي لابستها : مو شغلك
ثامر : سلطان والله مالنا امل
سلطان دخل الريموت بجيبته : غيري من الاسيفر جعل اصابعك للكسر
نوره : طيب والله كل االلي قلتوه وسويتوه يوصل لابوي بكره
ثامر يهمس لسلطان : رحنا فيها
سلطان : تكلمي وشوفي وش يصير لك

.......ابو فارس هو الاخ اللي بعد ابو عمر علاقته بابو عمر قويه

ام فارس : مدير باحدى المدارس عصبيه شوي
فارس : هو اكبر العيال متزوج وعنده ولد وعايش ببيت لحاله
سلطان : ثاني عيالهم مقلوف بشكل وكثير كلام ومزعج بسس اللي حوله يحبونه
وراعي خوات وفزعات

ثامر : نفس حاله سلطان بس هو اهدى منه شوي يحب يستفز اخته كثير
راعي مشاكل
نوره : اختهم الوحيده طبعا صفاتها مايحتاج نفس اخوانها بكل شي



دخل سلطان غرفته فسخ ثوبه ورماه على الكرسي ونسدح على السرير
شاف جواله فيه 6 مكالمات لخالد
اتصل على خالد طبعا خالد صديق سلطان الروح بالروح من ايام ثالث متوسط وكملوا درستهم مع بعض
ودخلوا الجامعه مع بعض
سلطان : الووو هلا ابو محمد
خالد : هلا والله وينك يالظالم
سلطان: تو جيت من الاستراحه الا وينك ماجيت على الاستراحه
خالد : كنت بالاستراحه مع الشباب
سلطان : خالد وش تبي فيهم والله ماارتحت لهم
خالد : والله من الفضاوه اجلس معهم
سلطان : افا وانا والعيال وين رحنا
خالد :سلطان انتم عيله وحده مع بعضكم ليش احشر نفسي بينكم
سلطان : وش هالكلام ؟
خالد : انا ...
سلطان: كل تبن وبكره هات العشاء وتعال للاستراحه
خالد : ماعندي سياره
سلطان : وش فيها سيارتك
خالد : طفت علي امس عند الاشاره
سلطان : اوف وش فيها
خالد : ماادري شكله سلك البطاريه
سلطان : امرك الصبح
خالد : لا بدر يوصلني على طريقه انت مرني بعد صلاه العشاء
سلطان وهو يتثاوب : ان شاء الله
خالد : والله جبت لي النوم
سلطان :يلا اشوفك بكره
خالد : ان شا الله

همسات وردة ©؛°¨غرامي فضي¨°؛©

السلام عليكم ورحمة الله


http://forums.graaam.com/458176.html


ياليت تطلعي على هالموضوع اكيد بيفيدك


http://forums.graaam.com/420685.html


بالتوفيق ان شاء الله

·.¸¸.·نـ·.¸¸.·ـوفــ·.¸¸. ©؛°¨غرامي جديد¨°؛©

||ياصباح االخير يالريااض ||



الساعه 6 الصبح
في بيت ابو فارس
البيت كله صاحي ومروق الا سلطان اللي باقي نايم
ام فارس : سنيده روحي قومي سلطان
سنيده : ان شاء الله ماما
ثامر وصوته نوم : ياويلها من سلطان متحلف فيها
ام فارس : الله يهديه هالولد حاط دوبه ودوب هالخدامه
دخل ابو فارس اللي كان بالمسجد الى شروق الشمس
ابو فارس : السلام عليكم
.....: وعليكم السلام
عدل ثامر جلسته احترام لابوه
ابو فارس : وين القهوه ياام فارس
ام فارس اللي قامت من مكانها : دقايق
ثامر يهمس لنوره : الوالد مسوي رعب للوالده
نوره قرصت ثامر : وش رايك اقول لابوي عن اللي سويته امس انت والاخ سلطان
ثامر وقف وعدل فلينته وراح لغرفته
نوره ابتسمت : ماينفع معه الا كذا
ابو فارس ابتسم لبنته :/ نوير وش عندك وانا ابوك
نوره جلست جنب ابوها : مافي شي يالغالي
ابو فارس : والله ماادري عنكم

فتحت سنيده باب غرفه سلطان
سنيده واقفه بعيد عن سرير سلطان : سولطان قووم
سلطان : ZzZzZzZz
سنيده تحرك رجل سلطان : قووم ساعه سبعه
سلطان فتح عينه على الخفيف : خير
سنيده برعب مو طبيعي : سولطان ساعه 7
سلطان كشر بوجهها : انقلعي براا
سنيده اللي رجعت وراء : ماما قول قوم سولطان
سلطان سحب المخده ورماها عليها : انقلعي
سنيده طلعت برا الغرفه
سلطان بصوت عالي : سكري الباب ورجعي المخده
سنيده رجعت المخده لسلطان واعطته المخده من بعيد
سنيده :قــوم
سلطان سحب المخده : انقلعي برااا وجــــع
سنيده سكرت الباب ونزلت تشكي لابو فارس هو اللي يعرف لسلطان


صووت النبه ........
فتح ناصر عيونه بكسل سحب الساعه اللي فوق راسه
فز بسرعه :يالله ماصليت الفجر
ناصر يسحب البطانيات : شباب يلا الصلاه فاتنا
غالب يحك راسه :وش فيه ؟
ناصر اللي يسحب فراشه ورماه على جنب : قووم ياشيخ ضيعتوا علينا الصلاه
غالب : مازن مازن
غالب بصوت مرتفع : عمي شف لك صرفه معه نومه ثقيل هالبزر
ناصر اللي يتوضا : انت وياه ماتنامون عندي ثاني مره
غالب سحب فراشه ورماه جنب فراش عمه وطلع عشان يتوضا
غالب وعيونه لشمس : والله اشرقت الشمس ؟ورانا تاخرنا بالنومه

في بيت ابوعمر
ام عمر بالمطبخ مع ريم
وابوعمر وابوه بالصاله يتقهون
دخل عمر المطبخ
عمر يحرك رقبته بتعب : يمه وين الفطور
ام عمر : وشلونك اليوم
عمر فتح الثلاجه : الحمد لله
ام عمر : ريم روحي قومي مرام
ريم : تعبت وانا اقومها خليها تشبع نوم
احمد دخل المطبخ : يمه ابوي يبي الفطور
ام عمر : خذ الخبز واللحين عمر يلحقك بالصنيه
احمد : طيب


في احد البيوت المتواضعه


ام بدر : يابنات يلا وراكن مدارس الله يصلحكن قومن
يسن تتقلب على السرير : يمه الساعه كم ؟
ام بدر : سبعه الا
يسن : هيهيهيهيهي
قامت من على السرير بسرعه
يسن وهي تشيل روب الحمام : يمه انا قلت لك امس قووميني بدري حاطه على شعري زيت
ام بدر : والله عجزت وانا اقومكن
يسن وهي تدخل الحمام : الله يسامحك يمه
ام بدر تحرك وعد :وعد وعد يمه قومي
وعد بملل : هااااااااااه
ام بدر : قومي
وعد: يمه قومي الساعه 7وربع
ام بدر : قومي الحين تقومين يلااا
وعد : يمه تكفين فكيني ورحي لعيالك
ام بدر : قومي رفعتي ضعطي
وعد شالت الحاف وجلست على السرير :قمت يمه
ام بدر : روحي سوي لاخوانك فطور
وعد ضربت صدرها بقوه : يااااااااويل قلبي
ام بدر : قومي الله يصلحك
وعد : ان شاء الله هذا اناقمت
طلعت ام بدر من غرفه البنات ودخلت المجلس اللي ينامون فيه العيال
ام بدر طفت المكيف وفتحت االشباك وشالت الستيار
فيصل عمض عيونه : يمه وش هالنكد
ام بدر : قم صل الفجر
فيصل : يمه انا صليت شوفي رائد وخالد وبدر
ام بدر : الله يهديهم
ام بدر : رائد بدر قوموا
وعد دخلت على امها وهي تقوم اخوانها
وعد : يمه تبغيني اساعدك واصحيهم معك
ام بدر : اتعبوني هالعيال صحيهم معي
وعد صرخت : قوووووووووووووووووووموووووووووووووووووا
رائد وقف بعصبيه : وووووووووووووووجع افصري صوتك
وعد وراء ظهر امها : طيب قوموا
رائد بعصبيه : ماني قايم عندك شي
فيصل: خخخخخخخخخخخخخخخ رائد شوي شوي عليها
خالد : فيصل سمعت صوتك وانت تضحك
ام بدر : الله يصلحكم صليتوا
خالد : الحمد لله انا صليت بالمسجد ورائد وبدر لحقوني للمسجد بس فيصل فاتته الصلاه وصلى بالبيت
ام بدر : فيصل يامل الصلاح
فيصل يناظر بخالد نظرات حقد
خالد : شوي شوي انت وهالعيون
بدر شال فراشه وحطه على جنب وطلع من المجلس
بدر وهي يمشي شايل منشفته معه : وعد اجهزي انا اللي اوديك اليوم
وعد اللي تحترم بدر وهو بمكانه ابوها : ان شاء الله
دخلت وعد المطبخ طلعت توست من الثلاجه وحمصته وسوت حليب
يسن : وعد اعطيني توست تكفين
وعد مدت التوست : خذي وش عندك مستعجله
يسن : حبيبتي الطابور الساعه 7.30 وكل يوم يوقفني بسبب تاخيري
وعد : الله يعينك على الاخ فيصل
يسن وهي تاكل : لا تقولين فيصل اللي يوديني هالاسبوع
وعد حركت حواجبها
يسن : ياربي
طلعت يسن من المطبخ وهي تنادي فيصل
فيصل: خير وش عندك
يسن : فيصل استعجل تكفى
فيصل : طيب بس اصبري البس ثوبي
رائد ومفتاح السياره بيده : فيصل
فيصل ابتسم بوناسه واخذ المفتاح وباسه : فديت سوسو ياناس
رائد : انتبه عليها
فيصل : بعيوني
خالد جلس جنب فيصل ومنشفته على كتفه
خالد : يسن مارحتي
يسن : خالد تستهبل لو رحت ماشفتني واقفه قدامك
فيصل : خخخخخخخخخخخخخخخخ تعجبيني
خالد : قم ودها الحين تصيح علينا
فيصل:طيب يدك على 10 ريال
خالد : خير ان شاء الله واللي امس وينها
فيصل: بح
خالد : ماعندي شي
فيصل: احلف
دخل بدر الصاله
بدر : فيصل اخرت البنت قم ودها
فيصل : طيب ابي 10 ماافطرت وغير كذا سوسو تبغى بنزين
بدر طلع من جيبته 100
بدر : خذ تكفيك الاسبوع هذا لاتطلب مني ولا من اخوانك
فيصل باس خد بدر : تامر امر
خالد : منتهي هالولد
بدر : امي وينها
خالد : تلقاها على فراشها تقرا الاذكار
بدر : ياحليلها الوالده
التفت بدر لرائد اللي سرحان كالعاده
بدر : رائد ماوراك شغل
رائد : .........
خالد قرب من اذن رائد : راااائد
رائد ضرب خالد على وجهه:خالد استخفيت
خالد :اااخ وجهي راح فيها
وعد نزلت صحون الفطور
وعد : سمــــــــــوا
بدر : وعد روحي البسي
وعد :اصبر علي خمس دقايق
خالد : ااي هين .....
وقف خالد :يلا
خالد يكلم بدر : وصلوني معكم سيارتي بالورشه
بدر : الله يعين عليك قم البس
خالد : اصبر خلني افطر
بدر : ومن يجيبك من الجامعه
خالد :سلطان

على الساعه 7.30
جهزت وعد ولبست ودخلت على امها
وعد باست راس امها : يمااا دعواتك
ام بدر نعسانه : الله يوفقك
وعد: يما الفطور بالصاله ورائد جالس بالصاله
ام بدر : الله يصلحه هالولد
وعد : يلاا يمه تامرين شي
ام بدر : انتبهي على نفسك
وعد: ان شاء الله
طلعت وعد من غرفه امها ودخلت الصاله لفت انتباها رائد مبتسم ويكلم بالجوال
رائد : لا .هههههههه . فديت هالضحكه .سحر ...مشتاق لك
وعد فتحت عيونها على الاخر ( سحر ....رائد معازلجي ياااكبرها )
قطع تفكيرها صووت جوالها توترت
وعد وجوالها بيدها تحاول تقفله
التفت رائد بصدمه لوعد
رائد نزل جواله من اذنه : وش عندك
وعد بخوف : ولاشي يلا تاخرت على بدر سلااام
ركضت وعبايتها بيدها وشنطتها بيدها الثانيه
رائد : الو هلا حياتي ... مافي شي .. بعدين اكلمك يلاا باي
سند رائد راسه على الكنب
رائد : معقوله سمعتني وانا اكلم ااكيد سمعتني ولا ليش كانت خايفه
ام بدر : رائد بسم الله عليك تكلم نفسك يمه
رائد : لا يمه كنت افكر شوي
ام بدر : ماوراك شغل ؟
رائد : لا مالي خلق دوام وملفات
ام بدر : رائد وش فيك يمه وجهك مو عاجبني
رائد ابتسم لامه : الحمد لله يمه مافيني شي
ام بدر نزلت راسها وكانها تعزي نفسها بولدها اللي مات وهو حي
ام بدر ( اااخ ياوليدي متى تنسى وتريح عمرك وتريحنا معك )


|||||وهذا صبااح ابطال روايتي كل يووووم |||||

·.¸¸.·نـ·.¸¸.·ـوفــ·.¸¸. ©؛°¨غرامي جديد¨°؛©

هل روايتي كبدايه اعجبتكــــــــــــــم ؟؟

صمتكم يحيرني ...

·.¸¸.·نـ·.¸¸.·ـوفــ·.¸¸. ©؛°¨غرامي جديد¨°؛©

في الكليه
وعد : مررررحبا بنااااااات
.....: اهلين
وعد : صباح الخير افري بدي
غدير : صباح النور
وعد وعيونها على غدير : ياعيني ياعيني وش هالحلاوه

غدير وهي تلعب بشعرها : وش رايك باللون
وعد : والله روعه
هنا بقرف : وووع
غدير بقهر : وجع
وعد : ماعليك منها والله حلو
هناء : انا بروح محاضرتي بدت الله يعني على الغثاء متى محاضرتك انت وياها
غدير : انا وعد الساعه 10محاضرتنا
هناء تهمس لغدير : الله يعنك عليها هالعجوز
وعد : هناء وجعتين عيني عنيك حش يااختي اصبري لين اطس وحشي
هناء : يمااااا كلتيني بقشوري
وعد وجوالها باذنها : الوو هلا مرام وينك ؟
هناء تهمس لغدير : غدير وشفيها اسلوبها صاير خايس
غدير : ماادري عنها وبعدين انتي تستاهلين
هناء شالت مذكرتها وعلبه المويه : يلا سلام بنات هاتوا لي فطور معكم
غدير : طيب على هالخشم يلا محاضره ممتعه
وعد : طيب
قفلت وعد ونزلت جوالها على الطاوله
غدير :اايه وينها
وعد : عند الباب
غدير: قومي نستقبلها
وعد : خخخخخخخ لا لا مافيني حيل اقول
غدير: صدق عجوز
وعد ابتسمت وسندت نفسها على الكرسي
مرام وهي تحاول تاخذ نفس : السلام
غدير : خخخخخخخخخخخخخخخخخخخخخخخخخخخ مرام وش فيك ؟ ليش وجهك متورم وشعرك كذا
مرام : يعني وحده توها صاحيه وشلون تبغين وجهها بس اخذت احتياطاتي
مرام فتحت شنطتها وطلعت محفظه متوسطه وعلبه شدو
وعد : هههههههههههههه بايعتها البنت
غدير فتحت المحفظه : تعالي اعدلك وجههك
مرام : وعد حبيبتي شعري عدليه لي تكفين
وعد سحبت الكرسي وقفت : طيب تامرين امر كم عندي مرام انا
مرام : فديت صديقاتي
فتحت وعد شعر مرام اللي يوصل لكتفها ولونه شوكلاته رتبته لها ولمته بشكل مرتب


جلس خالد بعصبيه على الكرسي ويده على دقنه
سلطان انتبه لخالد : خالد وش فيك ؟
خالد التفت لسلطان وحاجبه مرفوع من العصبيه واعطاه نظرها معناتها كل تبن
ورجع نظره لقدام
سلطان بضحكه : الدكتور امجد صح والله عارف من قلت بروح اكلمه وانا عارف انا بتصير مشكله
خالد وصوته يعلى بسبب عصبيته :اعطيته البحث ومع هذا رفع صوته علي قدام الطلاب وش على باله اصغر عياله
سلطان : طيب هدي عمرك الحين رافع ضغطك عشانه والله ماعندك سالفه
خالد وبنفس العصبيه : سلطان مو اول مره يرفع صوته علي وكل مره امشيها له بمزاجي
سلطان : وش تبي تسوي يعني
خالد ابتسم بقهر : اصبر علي والله لابلعه لسانه
سلطان يضرب خد خالد بشويش : ياحلو ايام الثانوي راحت
خالد : خخخخخخخخخخخخخخخخخخخخخخخخخخخخخخخخخخ
سلطان : وش فيك ؟
خالد ويده على بطنه : صاحي انت تبغاني اكسر قزاز سيارته ولا انسم كفرات سيارته خخخخخخخخخخخ
سلطان : والله هذا اللي طرا ببالي
خالد بابتسامه : هذي للمبزره حنا اكبر عليها ولا ضربنا نوجع
سلطان وقف : كبير ياخالد كبير
خالد : اشم ريحته تطنز
سلطان ابتسم لخالد : ابو محمد معك
خالد : هذا العشم فيك يا سليطين
سلطان مسك خشم خالد : سليطين هاه
خالد : ااااه طيب فك
سلطان : كم مره اقولك لاتنادين سليطين
خالد وصوته مسخره : ان شاء الله بس فك
سلطان وهو يضغط زياده على خشم خالد
خالد ويده فوق يد سلطان : تكفى
سلطان فك خشم خالد وجلس على الكرسي مايقدر يمسك نفسه من الضحك
خالد يعدل خشم : اااخ ااضحك اضحك
سلطان : ههههههههههههههههههههههههههه
خالد وهو ماسك خشمه اللي قلب احمر : قم لانتاخر
سلطان : لا تكفى والله مشتهي اخذ تهزيئه
خالد : قل يطردنا من المحاضره بعد
سلطان بنظرات شووق : ياريت
خالد : والله اخاف نحمل الماده مره ثانيه
سلطان : عااادي
خالد : لا مو عادي بالله قل لي وشلون بقابل اهلي مرتين احمل هالماده
سلطان : اهم شي بالحلال
خالد فيه ضحكه : ابو سرور مو وقت مزحك قم للمحاضره

دخل منصور للفصل
منصور بتعب: السسلام عليكم
الطلاب: وعليكم السلام
منصور ياشر على الطالب : انس قم امسح السبوره
انس: ان شاء الله استاذ
جلس منصور على الكرسي وجلس يتصفح الكتاب
انس ببراءه : استاذ بروح اغسسل
منصور حرك راسسه يعني رووح
علت اصوات الطلاب
وقف منصور وتمغط له شوي وتوجهه للسبوره
منصور : نحل واجب امسس
احد الطلاب : انا حليت الواجب استاذ
منصور : شاطر
طالب ثاني : وانا بعد استاذ
وعلت اصوات وكل واحد يقول انا انا انا انا
ابتسسم منصور لبرائتهم
منصور بابتسسامه : شااطرين عيالي

بالمحاضره......
سلطان : ابو محمد
خالد وعينه على الدكتور ويده شغاله كتابه :هاااه
سلطان بملل : خل عنك وسولف معي
خالد : كل تراب
سلطان : اافاا
خالد : اكتب
سلطان : لا ليشش اكتب وانا اجمع دفاتر الدوافير واصورها
خالد : الحمد لله والششكر
حسس خالد بحركته جواله اللي على الهزاز وطلع جواله قفله وبعدين رجعه لجيبته
سلطان باستفهام : من ؟
خالد : يااخي وحده تتصل علي
سلطان فتح عيونه : والله
خالد : بعطيك الجوال تشوف الرسايل بعد المحاضره

·.¸¸.·نـ·.¸¸.·ـوفــ·.¸¸. ©؛°¨غرامي جديد¨°؛©

دخل عمر المكتب شاف عيسى جالس ومشغول بالملفات
عمر : السلام عليكم
عيسى رفع راسه : هلا وعليكم السلام
جلست عمر : اااخ ياظهري
عيسى : سلامات وش فيك
عمر : ابد ماارتحت بالنومه امسس
عيسى : الله يعينك كان مادومت اليوم
عمر : وش يجلسني بالبيت
عيسى : وش فيك شكلك متنكد
عمر وهو يعدل المكتب : مافي شي

سلطان بصوت عالي : ااااخيرررررراااا
خالد يتمغط : اااااخ والله ظهري تكسسر من الكرسي
سلطان وكانه ذكر شي : ابو محمد هات جوالك
خالد ابتسم : ماتنسسى شي
سلطان : هات خلصني
خالد طلع جواله من جيبته وسلطان اخذه بسرعه
سلطان : كم الرمز يااخي
خالد : خمستين واحد صفر سته كم مره اقولك
سلطان : والله انسى

ابتسم رائد بثقه وهو يشوف مخططاته تمشي مثل ماهو مخطط لها
رائد : هين ياابو مششعل
شاف سحر بعبابتها الضضيقه وهي تمششي ناحيته بدلع
رائد وعينه فصلت جسم سحر وراشاقتها وانسيابيه جسمها وبياض يديها وعيونها بشكلها الساحر ورسمه الكحل الخليجي
سحر ببحه صوتها اللي تذوب اي رجل بالدنيا
: رائد
رائد بثقه وثقله اللي يذبح سحر وتموت بهالثقل : ليش تاخرتي
سحر : مانتبهت للوقت
ركبت سحر سياره رائد
رائد لبس نظارته وركب السياره
سحر وهي تدور بعيونها على السيار ه : اووه مانتبهت سياره جديد
رائد مركز على السواقه: مستاجرها
سحر اتجرات ومسكت يد رائد
رائد مغصه بطنه من حركتها بس ماحرك يده
سحر وهي تلعب باصابع رائد :وين بيغديني
حبيبي
رائد : كل شي بالشقه
سحر : انا ابغى مطعم
رائد : ليش جوعانه
سحر وهي تشد على اصابع رائد : اي جوعانه بس مو اكل جوعانه للحبيبي رائد
رائد ابتسم بازدراء لسحر
مرت ربع ساعه ورائد ساكت وسحر نفس الحاله بس كانت تلعب بيد رائد

فيصل وهو ينادي خالد من بعيد ويصفر : خااااالد
خالد يكلم سلطان : لازم يحرج على بالكليه
سلطان وهو مشغول بجوال خالد : ااخسس ياابومحمد البنت تحبك
خالد : خخخخخخاااي ادري اني حبوب وحليوه يااخي بس اللي مجنني البنت ماتعرف عني شي غيري صوتي
سلطان : طيب وش اللي صار لما كلمتها
خالد ينبه سلطان : ابو سرور بيني وبينك
سلطان انتبه لفيصل وسكت
خالد : وش اللي جايبك بالجامعه عندنا
فيصل : خلصت محاضرتي وجيتك متى تروحون
خالد : والله ماادري عن سلطان
فيصل : زين وش دخلك بسلطان
سلطان باستهبال حاوط خالد بيده اليمين وضمه له : يااخي هذا خويي
فيصل اللي يعرف علاقتهم والصداقه اللي بينهم : خخخخخخخخ يلا اليوم سامح لك بااخوي
خالد : اايه مو انا على كيفك انت وياه
سلطان : شباب وش رايك نطلع نفطر برا
خالد : والله عليك افكار بس انا اسحب يدي ماادفع ولا ريال
سلطان : اصبروا اتصل على ثامر
خالد : لايكون عنده محاضره بس
سلطان وجواله ع اذنه : والله اخوي هايت داج ووجهه مو وجهه محاضرات
فيصل : يالبيه هذا الششخص المطلوب
خالد : مايحتاج فيصل ويبغا واحد مثله
سلطان : يلا شباب الاخ ثامر سحب على المحاضره قال اوافيكم برا
خالد : فيصل انا بركب مع سلطان
فيصل : لحظه ياابوي تبغوني اركب لحالي
سلطان : لا معك ثامر
فيصل : اوكيششن هذا الكلام الاوكيه

دخل الشقه وجلس على الكنب بتعب
سكرت سحر باب الشقه وفتحت عباتها ونزلتها على الكنبه اللي جنب رائد
كان لبسها فاضح لدرجه
فستان لتحت الركبه لونه بيج مع تموجات المششمشي ضيق على جسمها بفتحت صدر كبيره والظهر مفتوح للاخر كانت قاصه شعرها اللي كان يوصل لااخر الظهر
رائد انتبه لقصه شعرها وانقهر من داخله بس سكتت
جلست بحضن رائد وضمت رقبته بيديها
سحر طبعت بوسه بخد رائد : اموووواح فديتك مشتاقه لك
رائد ابتسم لسحر وبانت حده عيونه
سحر وهي تحرك اصبعها على انف رائد الحاد الطويل : حبي
رائد رفع حاجبه : لحظه امي تتصل لااسمع صوتك
رائد : هلا يالغاليه
سحر انسدحت على كتف رائد وتهمس له بكلمات جننت رائد وتششتت تفكيره وهو يكلم امه
رائد بتوتر : يمه انا مشغول اكلمك بعدين
قفل رائد من امه
رائد : سحر

ثامر ياكل بشراعه :ياشباب والله احبكم
سلطان وفمه مليان اكل : عااد ثامر
خالد : يلعن بليسسكم كولوا مثل الاوادم
سلطان : ارحمنا يالفتى اللبق
فيصل : اللي يمص اصابعه :يااخي هالكبده مسكته
خالد : ابوسرور والله عليك مطاعم يالبيه بسس
سلطان بصوته المزعج كالعاده : محمد هاات صحن فول وكاسه شاي بحليب
محمد : واهد واهد
ثامرغص من كثر الضحك : كح كح كح كح
سلطان وعيونه دمعت من الضحك : فيصل عط ثامر مويه
خالد ابتسم على خفيف : المسكين ماقال شي
فيصل ياشر على ثامروسلطان : والله منتهين انتم

وقف باص الثانوي باخر الحاره نزلت وسن بعد ماودعت صديقاتها
والجو حار والشارع فاضي والبيت مسافه بعيده شوي بالنسبه لها
صارت تمشي بسرعه
وسن وقلبها يطق بسرعه : ياربي مايطلع اليوم بعد
سكتت صوت عقلها صوت ناصر
هلاااااا وغلاااااا
فديت اللي يمشى مستعجل هدي ياابوي
وسن وخطواتها تسرع اكثر من اول
الى وصلت لباب بيتهم بالسلامه واختفى ناصر اللي طول الطريق يتحرش فيها بالكلام
دخلت البيت وركض على غرفتها احمدت ربها مافي احد بالصاله
سكرت باب الغرفه وصدرها يطلع وينزل ودموعها بعيونها
وعد بخوف : وسسسن شفيك
وسن جلست على السرير تحاول تاخذ نفس,
: الحيوان ناصر
وعد بقهر : يااختي هذا ماينسكت عليه قولي لااخواني وارتاحي
وسن : احلفي بس
وعد : ااي خلك على هالحاله لاانتي راضيه ان العيال يوصلونك ولا راضيه تخبرينهم
وسن : لا والله الباص وناسه واطلع من صديقاتي
وعد بتهديد : خبري اخوانك ولا انا بخبرهم
وسن بترجي : وعد تكفين انتي تعرفين رائد وخالد وفيصل والله يذبحونه
وعد بلامبالاه : خلهم يذبحونه
وسن : انتي تبغين اخوانك يدخلون السجن
وعد بتفكير : اي والله ماعندهم وقت اخواني طيب بقول لبدر
وسن : اي عشان يرتفع الضغط عنده
وعد بقله صبر: تعال مع بدر وخلصيني
وسن : لاحبيبتي وصديقاتي
وعد وهي تفتح باب الغرفه : تدرين الله لايردك

فيصل : ماشا الله عليه والله ياسلطان ونعم الصديق
خالد وكانه فاقد شي : ااي
فيصل : وش تدور
خالد : جوالي معك
فيصل عقد حواجبه : لا والله
خالد يحك جبهته : والله شكل هالكبده جابت العيد فيني
فيصل : الله يستر لايجيني الدور
خالد : يالليل والله انسسسى وين رميت جوالي ماادري
فيصل : ياخوفي خليته بالجامعه ولا بالبوفيه
خالد :يوووووووووووووه جوالي مع ابو سرور
فيصل : خخخخخخاااي تو امدحه واقول صديق
خالد : ااي سرق جوالي هاات جوالك
فيصل وهو يمد جواله لخالد : سم
خالد اتصل على سلطان : هلا ابوسرور
سلطان : ههههههههااي ياسرعك اشتقت لي
خالد : ااي ميت من الشوق
سلطان : ادري مو لله جوالك مو جايك اليوم
خالد : افا والله
سلطان : والله ياعليها رسايل هالبنت
خالد : خخخخخخااي شفت الناس كلها تحبني
سلطان : ماالومها لو انا بنت حبيتك
خالد : الحمد لله انك ولد
سلطان : اص اص دقت دقت
خالد :ابو سرور تكفى لاترد
سلطان : يلا برب
خالد : سلطان سلطان
طوط طوط طوط طوط طوو ط طوط

ضمني بين الاهداب ©؛°¨غرامي مجتهد¨°؛©

السلام عليكم
.
.
موفقه بطرحك
.
.
.

همسات وردة ©؛°¨غرامي فضي¨°؛©

1 / لاتحذف أي رواية بـشكل نهائي ..مهما كان السبب..لكن تراسل المشرفه بـ رغبة الكاتب بـ التعديل أو التحرير حتى يتم طرحها مرة أخرى بـصيغة أفضل بشرط أن يكون مضى على طرحه شهر وإلا سوف نقوم بـ التعديل بنفس الموضوع

تغلق الروايه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1