غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 22-02-2012, 02:58 PM
صورة قـلـب زايـد الرمزية
قـلـب زايـد قـلـب زايـد غير متصل
©؛°¨غرامي جديد¨°؛©
 
الافتراضي لا صار عطرك عجز لا يوادع أكفوفي و شلون يوادعك قلب مات بك كله / بقلمي


السلام عليكم و رحمة الله و بركاته

مسائكم وورد .. انا عضوو جديد ف المنتدى .. و شاركت فيه عشان انززل روايتي الاولى


هذي اول رواياتي .. قصتها طوويله جدا

راح انزل لكككم البارت كل اثنين و اربعاء و جمعه

بس اتمنى انككم تتفاعلون معاي عشان اقدر اكمل كتابتي و انزل بارتات اطوول و اكثثر


البارت الاول
* بدايـــة الهــبوط *

ابكي واقول ياليت الامور ماجت بين ايديه
البعض صار حاقد ويحب فعل الشرللبريه
**
توها يايه من المدرسه .. حطت شنطتها في الغرفه على سريرها وبدلت ثياب المدرسة ةو قعدت ترتب عمرها .. كانت لابسه بجامه ورديه هاديه .. عطت جسمها حلاوه زايده .. وسرحت شعرها بنعومه .. وراحت فتشت جوالها لقت كم من مكالمه من آهلها .. كانت يوعانه طلعت من غرفتها و لقت اخوانها يتهاوشون .. والي يطالع التلفزيون و ابوها توه ياي من الميلس الداخلي ..
راشد : هلا .. هلا والله بشيخهة البنات ..
شيماء منحرجه : هلا يبه شحالك ..؟
راشد : بخير .. امج مايات معاج ..؟
شيماء : لا يبه .. الخدامه ياتني مع الدريول .. ماقالو لي ان امي بتيي معانا ..
راشد متملل : اها اكيد بتيي مع وحده من ربعها ..
شيماء : يمكن ..
بدر توه داخل البيت : السلام عليكم جميعاً..
الكل : وعليكم السلام ..
راشد اونه معصب : من وين ياي آخوانك هني من زمان ..
بدر : اووه يبه انت هني ..
راشد : اي هني .. و جاوب لا اتغيبا ..
بدر: تكلمني يبه .. يعني وين بكون الله يهديك .. كنت في الدكان مع ربعي ..
سالم : اي اي يبه .. يبون يروحون الحياله ( البر الي ورا الفريج ) .. و يقعدون يحرقون الشجر و مادري بعد ناويين يشوون ..
بــدر متنرفز من اخوه : جــب .. يالجـذاب هاي كله عشان مب ماخذينك ..
راشد معصب من عياله : نعم نعم .. هذا و انا قدامكم .. شلون بعد عيني .. و انت يالعود .. هذا اللي ننطره منك .. اليوم بتقعد مكانك في البيت فاهم ..؟؟
بدر : اوهو .. شهالحاله في البيت في البيت لي متى جي .. صرنا حريم على غفله ..
كانت نورة توها داشه البيت : السلام عليكم ورحمة الله و بركاته ..
الكل : وعليكم السلام ...
راشد يكمل حواره : الي سمعته وجرب و اطلع وشوف شيصير ..
بدر : اي يصير خير ان شالله ..
نورة : خير ان شالله شفيكم ..؟؟
شيماء : تصبحون على خير ..
راشد : تعالى يمه تغدي بعدين روحي نامي ..
شيماء : يبه شكلكم مطول فــ لين حزة الغدى بكون قعدت ..
سالم : اي والله صاجه بس قعدي احسن لج ..
شيماء : اوك ..
نورة دخلت تبدل ملابسها ودخل وراها بدر ..
بدر : يمه . اليوم بطلع مع خلود و بتول , البر ملل في البيت ..
نوره : لا والله خوش شور والله .. شقال ابوك ..؟!
بدر : شنو ماسمعتيه .. قاعد يصارخ ..
نوره و هي تبدل : خلاص يعني تقعد مكانك ..
بدر معصب : هو على كيفكم ..
نورة : اوك يمه الي تبيه سوّه ..
بدر طلع من عند امه و راح الغرفه ..
قعدوا يتغدون .. كلهم .. وهم على نفس الحال صراخ وهواش ..وهي مب طايقه شي .. بس تبي تقوم .. ويوم وصلت حدها قامت ..
شيماء بصووت عالي : الحمدلله ..
__

عائلة ( شيماء ) البطله
راشد : ابو شيماء .. اكبر من امها بوايد يعني بــ20 الى 30 سنه وعمره 60 سنه , قلبه طيب و ابيض , وروحه مرحه , بتقبل كل شي بسهوله , و حزات يصير عنيد , قصير , لحيته بيضه , مب متين جسمه اوك , عيونه عسليه محدده بأزرق >> مال امريكا هاي
نورة : ام شيماء عمرها 29 , طيبه , حليوه , هي في مشاكل مستمره مع عيال ريلها راشد , طويله , بيضه , شعرها اسود ليل , ناعم بس انه كيرلي , و احلى مافيها عيونها الواسعه
شيماء : البنت الوحيده لنوره , و اكبر وحده من اخوانها ,عمرها 12 , صف سادس ابتدائي , حبوبه , مرحه , الزعل هواخر شي تفكر انها تفدر سويه , دومها وحيده , تحاول تحل مشاكل عايلتها , و دومها تحبس ضيقها و حزنها و اتحمل كلشي , شعرها غليظ و كيرلي , عيونها بنيه غامجة , و مب واسعه وايد لكن تناسب شكلها , و ضعيفه .
بدر : اصغر منها بسنه يعني عمري 10 , صف خامس ابتدائي , متسلط , عليه دفاشه الله لا يوريكم , يحب يتهاوش و يسوي عمره البطل , ضعيف و و طويل , شعره اسود ناعم , و مملوح , خفيف دم .
سالم : عمره 9 , صف ثالث ابتدائي , طيب ع الاخر , عنيـد محد يقدر اييب له راس , ومايحب يتحداه , قصير , لونه اسمر ع وردي ,ويهه مدور , وقصير ع ابووه , شعره غليظ مثل اخته , و هو اكثر واحد معاها
خالد : عمره 8 ,صف ثاني ابتدائي , دلـوع امه , اي يحد يلمسه يصيح , ضعيف ضعف المسطره , و شكله جنان خشمه حاد , و شعره ناعم بس مو كثيف وايد , وشفته صغيره ومعطه فيسه جمال .
سعود : عمره 3 سنين , حركي بزياده ,اسمر , عيونه واسعه مكحله , شعره حرير ناعم و كثيف واسود ليل , قصير و معصقل >> ضعيف ,
سلطان : عمره سنه , لحين مانقدر نوصفه , بس شكله , ابيض واحد في عايلته كامله , عيون واسعه و رمووشه كثيفه و طويله , حواجبه شبك , وشفته ورديه سايحه تينن , حلــو .




و قامت راحت غرفتها انسدحت على فراشها .. وقعدت تفكر .. رمضان قرب ما بقا له شي الا اسبووع ..
نامت العصر .. و عقبها على صلاة المغرب قامت .. غسلت ويهاا و صلت العصر و المغرب لأنها مالحقتها
طلعت من غرفتها و شافت امها عند الباب ..
نورة : هلا شيوم صليتي ..؟
شيماء : اي يمه ..
نوره : انزين رتبي غرفتج و بدلي ..
شيماء باستغراب : ليش ..
نورة : لا مافي شي .. بس ام عبدالله و بنتها بيون ..عندنا ..
شيماء : امــا انزين بس متى ..؟
نوره : الحين يعني عقب الصلاه ..
شيماء : اوك ..
دخلت رتبت غرفتها و عدلتها .. وبدلت ملابسها و طلعت تقعد مع امها .. و شوي الا تدخل ام عبدالله ..
ام عبدالله : السلام عليكم ..
نوره و شيماء : وعليكم السلام ..
راحت شيماء عند الباب سلمت على ام عبدالله وعليا بنتها ..
نوره / يا هلا والله تو مانوو البيت ..
وتبتدي السلامات و الحاله و شخبارج ووينكم و الــخ ..
ام عبدالله : شلونج يا ام بدر عساج طيبه ..
نوره : والله بخير انتي شحالج و ابو العيال و العيال ..؟
ام عبدالله : بخير .. اخبارج شيماء و علوم المدرسه وياج ..
شيماء : تمام ..
نوره : وعليا اخبارها ..؟
عليا : والله بخير ..
نورة : شيوم يمه قومي اخذي عليا و روحو داخل ..
شيماء : ان شالله يمه .. يالله عليا امشي ..
نوره تنادي الخدامه : سومي ..سومي تعالي ..
سومي : نعم ماما ...
نوره : جيبي القهوه ..
راحت الخدامه اتييب القهوه .. ودخلت عليا مع شيماء غرفتها .. قعدت ام عبدالله تسولف مع نوره .. و سالفه تجر سالفه ..
في غرفه شيماء ..
شيماء : امم تكلمي .. شفيج ساكته ..؟
عليا : مافي شي بس شقول ..؟
شيماء : اي شي في خاطرج قوليه .. بس لا تسكتين ..
عليا : اخبارج ..؟
شيماء تضحك : تمام والله انتي شحالج ..؟؟
عليا تضحك ع عمرها : طيبه والله ..
شيماء : انزين اخبار الدراسه ..؟
عليا : تمام .. و خبرج ربشة الاعداديه رووعه ..
شيماء : ليش شتسووون ..؟
عليا : ولا شي بس بنات ثالت يتحرشون فينا و في ينات اول .. و بويات و تشبيك و الخ ... من هالسوالف ..
شيماء : الحمدلله و الشكر ..
عليا : واللي تكلم واحد و تطلع معاه .. واللي عايشه قصه غرام و حب .. وجي يعني
شيماء : هذول وين اهاليهم عنهم .. لا إله الا الله .. وكملت شياء باستغراب ..و انتي ليكون بعد ..؟
عليا : لا وين انا لا تلفون عندي .. و لاني بويه و اشبك .. و لا شي من هذا .. و بس .. وسكتت
شيماء تسألها : بس شنو ..؟
عليا سكتت و قاعدة تفكر ..
شيماء : والله كيفج .. عن اذنج بروح اييب عصير ..!
راحت شيماء اتييب العصير حق عليا .. الي كانت للحين ع حالتها .. قطعت شيماء افكار عليا و هي تقول
شيماء : بل شكلج تحبيــن ..؟!!
في الميلس ..
راشد : اخبارك يا بو عبدالله ..؟!
حسين : طيبين ياخوك انت شحال عيالك وينهم ماايجون ...؟
راشد : شقول لك يا بو عبدالله . . مثل ما انت شايف محد منهم يمر او يتصل الا اذا يبغي شي و انت عارف ..
تكلم حسين و هو يواسي رفيق دربه : الله يعينك .. ( وكممل كلامه ) زين ما قلت لي اخبار بوحمود ؟
راشد : طيب والله توه امس جايني ..
حسين لاحظ حزن ابو بدر و قاله : يا بوبدر انت مب محتاج لهم كثر ماهم محتاجينك و اذا اليوم ماجوك و لا كلموك اكيد بيجي اليوم الي بتشوفهم حواليك و بتمل منهم و من شوفتهم
راشد : ابيهم حولي يابو عبدالله .. البيت واسع و بيشيلهم ودي اجوفهم ايد وحده قبل لا الله ياخذ امانتي
حسين : تفاءلو بالخير تجدووه
و كان الصمت سيد الموقف بينهم حسين مب عارف يحل موضوع اخوه و ونيس دربه
عند شيماء و عليا
عليا مرتبكة : لا وين احب شفيج .. اي اي ( التوتر لاعب دوره ) بصراحه كان ودي اقولج احسج بتفهمين
شيماء : انزين شرادج قولي .. كلي اذان صاغيه ( و هي تلعب باظافرها )
عليا نزلت راسها : انا احب ولد خالتي عبدالرحمن
شيماء ببرود : و شكبر هذا ؟
عليا : مادري اكبر مني بخمس سنين يعني
شيماء بملل : و عساه مو متزوج ؟
عليا متخرعه : لا لا .. بس اخاف يتزوج
شيماء ببرود ذبح عليا : اوك زين الله يوفقه
عليا قفلت : اوهووو شفيج انا ابيه لي
شيماء ضحكت من قلبها : اي اي يصير خير
عليا بضيقه : احبه شيوم ماتفهمين ..
شيماء : لا افهم يمه .. بس بعد افهم انه الي يحب انسان يتمنى له الخير معاه او مع غيره
عليا : شفتي انج ماتفهمين .. انت ماتحبين صح ؟
شيماء : اي اكيد ماحب .. لان الي اعرفه ان الحب شي الواحد يسلي فيه نفسه بالعربي يقص على روحه انا احب و بلا بلا
عليا منصدمه : حلفي !.. يعني انا ماحب عبدالرحمن و قاعده اقص على عمري
شيماء ببرود : شدراني .. انتي الي تحبين مب انا
عليا : لا انا صج احبه .. اوف منج شيوم ضيعتيني
شيماء تسالها : انتي متاكدة
عليا : اي اي اووف منج
شيماء : خووفي والله
عليا : ماعلي منج .. المهم عندج جوال
شيماء : اي عندي .. هاج استمتعي فيه
عليا : من الي يتصل لج عليه
شيماء : خواتي و الاهل يعني من بيتصل غيرهم ؟
عليا : اها .. تصدقين جفت ف جوال حمني اخوي اسم خلود ابي اتاكد اذا هاي بنت و لا ولد
شيماء ضحكت على غباء رفيجتها : ههههههه و انا شيخصني الشيخه .. عندج جواله و روحي دقي و تاكدي
عليا تحاول تقنعها باللي ف بالها : لا مايصير تبينه يذبحني
شيماء : شدخل يذبحج
عليا عرفت انه مافي امل : اوك عطيني رقمج و يصير خير
شيماء : اوك *********
و شوي الا نوره دقت باب الغرفه
نوره : شيوم يمه خلي عليا تطلع بيروحون بيتهم
شيماء : انشالله يمه
و طلعو البنات الصاله .. و سلمو على بعض و راحت عليا
____
عائلة عليا
حسين : ابو عليا كبير ف السن .. و طيب و روحه مرحه طوله زين و ضعيف بزيادة و هو رفيج راشد من عمر
مريم : هي ام عليا اصغر من ريلها بسنتين طيبه و حليوه .. و ملتزمه و قصيره وايد بالنسبة حق زوحها
عبدالله : اخوها العوج .. طيب لكنه شديد .. متين و عمره 25 و يهه مرتب و ملامحه جامده .. يشتغل ف موسسه اتصالات
حمد : اصغر من عبدالله بسنتين عمره 23 .. طيب وايد و حنون جدا مافيه شي من عبدالله جسمه مرتب و معضل يشتغل ف البترول
محمد : عمره 20 .. و هو ف الجامعه .. هذا طيب و سيم و جميل عيونه واسعه وخسمه حاد و مزيوون شعره اسود
عبدالرحمن : عمره 18 طويل و عريض .. عصبي جدا مايحب يتفهم و متسرع بشكل مب طبيعي
علي : عمره 15 سنه .. ثالث اعدادي .. ضعيف و حليو .. حياتته كلها سوني و نادي و لعب عيونه واسعه شعره كيرلي بس طالع عليه حلو
عليا : عمرها 14 صف ثاني اعدادي .. قصيره ع امها تشبه علي ف كل شي طيبه و حليوه ناعمه وايد و هي البنت الوحيده و اخر العنقود
عليا و امها دخلو البيت عقب ماوصلهم دريول نوره
علي قام يبوس امه : هلا بـ امي
مريم : هلا علي يمه وين ابوك
على ياشر ع المكان الي فيه ابوه .. : يمكن هناك .. و رد يكلم عليا ..: علييوه من يابكم ؟
عليا وهي رايحه غرفتها : الدريول بعد منو ؟
علي عصب : شنو من وين يا هالدريول ؟
عليا ردت بعصبية : دريول بيت عمي راشد زيين
علي ارتخى شوي : اها عمج راشد .. زين تلعبين
عليا متنرفزه منه : اوهو طير مناك .. و راحت
و تسكر الباب بويهه
...
كانت قاعده تطالع فيلم رومنسي و تراسل بنت خالها .. اللي ف الامارات .. و فجاءه سمعت صوت الرساله
:
يالدبه ليش ما تتصلين ابرك لج من هالرسايل
خل نسمع صوتج الجميل

و توها بترد الا يمر بدر : مغازله 24 ساعه لي متى يعني ؟
شيماء تخرعت من صوته : اووف .. خرعتني عبالي عندك سالفه !
بدر يستفزها : يعني شـ افهم .. اشكره تغازلين .. ( كمل بعصبيه متصنعه ) .. قولي من تكلمين مادري تراسلين ؟
شيماء ببرود و هي تكتب ف الجوال : مرتك يالحبيب
بدر يسوي نفسه منحرج : من هي
شيماء انسدحت ع الكرسي بتكمل الفيلم : توك من تغازلين و احين من هي
بدر : تصدقين اعرف من هي
شيماء طولت ع الصوت : بس عيل اذلف
بدر راح بس رد بسرعه
شيماء طالعته : اوهو شتبي بعد
بدر : يه شفيج بس بتاكد شسمها ؟
شيماء بمكر : مسكين صدق انها مرته .. المهم اسمها .. لا لا بعدين بقولك
بدر متنرفز : لعبه عندج انا ؟
شيماء تضحك : اسمها لمياء بنت خالك اوك
بدر : عبالي بعد .. يالله سلااام
و راح بدر .. كملت هي رسايلها ويا بنت خالها .. ردت عليها
:
سوري ماعندي وقت عشان اسمع اهل الامارات صوتي اخاف يذوبون و اتوهق فيهم

تمو يتراسلون هي و بنت خالها لين شبعو و الرصيد طلب النجدة يعني خلص .. فاضطرت ترد تطالع الفيلم .. و اندمجت لين دخل الوالد بعد ماراح حسين عنه
راشد يكلم بنته : شقاعدين يطالعون هالحلوين ؟
شيماء : هلا يبه .. و لاشي بس فيلم غبي
راشد : و امج وينها ؟
شيماء و عينها على التلفزيون : امي في ... و تمت تفكر و عيونها ع الفيلم .. مادري يبه
راشد : ماتنفعون حق شي لا انتو و لا امكم بعد
شيماء : اها يبه زين مشكور
و راح ابوها و هو معصب .. راشد مزاجي و بعد هو كبير ف االسن ف اكيد هالشي بيكون فيه
المهم تاخر الوقت وراحت غرفتها بدلت ثيابها و لمت شعرها و نامت

ف غرفة بدر و سالم
سالم يكلم امه : يمه تدرين ولدج العود ليحين ماشرف لو يدري ابوي شبيسوي ؟
نوره لفت عليه و هي تكمل الترتيب : ليش هو وين ؟
سالم : مادري .. يمكن مع المحترمين ربعه >> قصده الصيّع
نوره : الله يهديه هالولد
و الا يدخل راشد عليهم .. سكتو و تمو يطالعو بعض
راشد معصب : شفيكم شايفين بليس و لا شنو ؟
سالم يضحك : يحليلك لو شايفين بليس جان قلنا اعوذ بالله بننطرك
نوره طالعت ولدها : سالم عيب يمه
راشد عصب اكثر : لا لا خليه تربيتج ما انلام فيه
نوره : اوهو انت شقصدك ترا انا الا ام بس انت الابو ماتعرف تربي و لا كل شي ع الام
راشد : انا ابو بس كلام و اسم ف الجواز ماقدر اسوي شي
نوره ببرود : من قايضك لا تسوي شي
راشد : هههه اذا سويت شي بتاكليني بلسانج الي يذبح
سالم : اقول عندكم برا مو عندي ف الغرفه .. و ع فكره ترا انتو الاثنين مو معبرينا كلش
راشد عصب اكثر و اكثر : جججب لا بارك الله فيك ..
و يقوم يضربه .. و نوره طلعت و لا جنه ولدها الي ينضرب .. و ف هاللحضه بدر كان عند الباب
بدر : يالله باتل اشوفك الصبح
باتل : انا باجيك انت خلك هنا
سعود : و انا بعد بجي هنا
بدر : تعالو بس انا يمكن اروح مع ابوي
خالد : مساكين نسينا انا نقلنا من المدرسه
سعود : خلاص عجل بكلم ابوي و بروح مع بدر المدرسه
باتل : و نلتقي 1 و نص بعد المدرسه ف الدكان
خالد يكلم بدر : الا وين سلوم من زمان عنه
بدر : تلاقيه داخل يتهاوش ويا خلود
باتل و هو رايح : يالله رايحين مع السلامه
بدر : مع السلامه
نوره شافت بدر داخل البيت
نوره بصوت عالي : بدر بدر تعال هني اشوف
بدر و هو يبوس راس امه : هلا يمه امري
نوره : مايامر عليك عدو
بدر : مع ربعي و انا قلت لج بطلع معاهم
عند سالم .. لما خلص راشد من الضرب
راشد : وين هالناقه الي معاك
سالم بصياح : روح دوره بروحك
راشد : و انت للحين لسانك كذا
سالم : و لين بكره انتو الاثنين ماتعرفون تتفاهمون كله بالضرب
راشد : مابقى الا انت تعلمنا
و طلع راشد من الغرفه و راح الصاله و شاف بدر يدخل البيت
راشد يكمل عصبيته ف بدر: ايوه ايوه وين كنت يا بو الشباب
بدر : كنت ف الحياله >> البراري ورا البيوت .. مع ربعي
راشد : و بامر من طلعت
بدر : امي
راشد راح عند نوره و يصارخ : نوره نوره
نوره قفلت : نعم ليش تصارخ خل سلطان رقد
راشد وهو ياشر ع بدر : بامرج طالع ؟
نوره و هي مب منتبهه : من هذا ؟
راشد : ولدج بدر بعد من
نوره : انا قلت له اسمع كلام ابوك و اقعد عصب ف قلت له سو الي تبيه
راشد: بالعربي بامرج .. هالدلع بيودي ولدج ف داهيه
نوره : ياربي اطلع الصاله و انا يايتك الا و تقعد الولد
راشد راح الصاله و هو معصب مسكين يحس انه ماله كلمه و محد يسمع كلامه
بدر كان قاعد ف الصاله ينتظر شبيصير عقب
...

في الملتققى انشالله

اننتظر ردودكم

فـ امان الله



تعديل ♫ معزوفة حنين ♫; بتاريخ 22-02-2012 الساعة 03:41 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 22-02-2012, 03:02 PM
صورة ملاّمَح يمنيهہ ! الرمزية
ملاّمَح يمنيهہ ! ملاّمَح يمنيهہ ! غير متصل
صَه / يَاوَجَع
 
الافتراضي رد: رواية ( من صغري و انا ودي ) للكاتبة * قـلـب زايـد *


آلسلام عليكم ورحمه وبركآتةة
.
آختي
موفقة بآذن الله
كلمه آنشاء الله خآطئه
والصحيحة آن شاء الله
.
.
بآذن الله لو آلقى وقت
سف آتابعك
لان الدراسه شآغلتني .. مع الاسف ><
آتمنى لكِ التوفيق



** سوريآ لك آلله



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-02-2012, 03:41 PM
صورة ♫ معزوفة حنين ♫ الرمزية
♫ معزوفة حنين ♫ ♫ معزوفة حنين ♫ غير متصل
©؛°¨غرامي فضي¨°؛©
 
الافتراضي رد: من صغري و انا ودي / بقلمي





حياك الله ..

اطلعي عالقوانين لاهنتي ..
https://forums.graaam.com/458176.html

وموضوع القضايا راح يفيدك كثير حتى تتلافي اغلاط غيرك ..
https://forums.graaam.com/420685.html




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-02-2012, 03:59 PM
صورة قـلـب زايـد الرمزية
قـلـب زايـد قـلـب زايـد غير متصل
©؛°¨غرامي جديد¨°؛©
 
الافتراضي رد: من صغري و انا ودي / بقلمي



البارت الثاني
* خطوة اولى في الهبوط *
نوره دخلت الصالة بعد خمس دقايق
نورة : ها شفيك هالصراخ كله لان الولد طلع ويا ربعه
راشد : ماقلت شي عن طلعاتهم .. بس لازم يسمع كلامي و انا ابوه و لا الولد مرافج عيال مابه اردى منهم ف الفريج
نوره : والله ولدي و اعرف من يماشي و كلهم زينين و انا اعرف اهاليهم ماعليهم قصور ف التربيه
راشد : كلامج يكبر راس الولد علينا و مب كل بيت ريحته حلوه متروس عطور و اخرت هالربع مصيبه بيطيح فيها ولدج
بدر وقف : يبه انا ماسويت شي غلط و احنا نطلع نتمشى بس
راشد عطى بدر نظره خلته يرد يقعد مكانه : شوف يا ولد امك لا تحسب اني غافل عنك و عن علومك معاهم السجاير و الحرايق الي باخر الفريج وورا بيوت العرب .. و ترا بو زايد كلمني و قالي انه شايفك و بيدك سويكه
بدر نزل راسه و ارتبك
نوره : والله بدال ما انت ماسك ولدي باخر الليل و تقوله اغلاطه روح عند عيالك الي ماتدري عنهم و مادرو بك الا لصالحهم كل ليله ماسك عيالي و غاثهم ترا نفستنا تعبت روح لهم و لا تخاف يمدون يدهم
بدر حس ان الموضوع كبر ف راح غرفته بسرعه
راشد : مالج خص فيني و ف عيالي و عيالج مايبتيهم من الشارع كلهم عندي نفس الشي و انا مب ساكت عن الغلط و قام راح غرفته
نوره : حمد لله و الشكر والله هالشيبه غثنا بتالي الليل
و راحت عند بدر ف الغرفة
نوره : بدر يمه ترا اليي تسويه غلط انا ماقلت شي جدام ابوك عشان ماخليه يضربك بس الغلط غلط
بدر منحرج من امه : يمه اسف ..
نوره : انتو كبرتو و الي تسونه غلط اسمعو كلام ابوكم ترا شيبه و كبير و يتحسس من كل شي و رحتو و لا جيتو تراه ابوكم و غصب تسمعون كلامه لا تراددونه .. وطالعت سالم .. و انت طولة لسانك هذي هدها هذاك ابوك مب رفيجك و لا اصغر عيالك اليوم خليته يضربك و باجر بخليه يذبحك

بدر و سالم : انشالله يمه
نوره : يالله نامو وراكم مدرسه باجر .. تصبحون ع خير
بدر و سالم : و انتي من اهله
__
ف بيت حسين
عليا منسدحه ع السرير و تفكر بعبدالرحمن
عليا ف مخها : اخاف يتزوج .. بس احبه شلون اخليه يروح من يدي ..لازم اكلمه بس ماعندي تلفون .. شيوم بتساعدني اكيد .. اووف هاي شلون تساعدني يبين عليها شديده ماتحب تسمع صوت ريال .. لازم اجوفها باجر و اقنعها
مريم قطعت افكار عليا : عليا يمه يالله تلحفي و نامي باجر وراج دوام
عليا : ها اننشالله يممه .. تصبحين ع خيير
مريم : و انتي من اهله
طلعت مريم من عند عليا وراحت عند حسين
حسين سرحان و باله مب عنده
مريم: بوعبدالله شفيك ؟
حسين : ماشي بس بوبدر همه كبير
مريم : الله يفررج همه انشالله قوم اررقد خلاص ماينفع لك السهر
حسين : انشالله بس باخذ ابرة السكر بالاول يالله تصبحين ع خير
الشباب قاعدين ف ميلس خوالهم
احمد : عيسوووه قوم نلعب سوني
عيسى : زين باروح اييب لكم سي دي
سعيد : احمدوه انا بروح البيت لا امي تعصب علينا مب ناقصين
ناصر : و انا باروح معاك
احمد : زين روحو باجر دوام و انا بلعب قيم و بلحقكم .. عززوووز رووح معاهم
عبدالعزيز : اسسف انا مب مداوم عيزان اجوف المدرسين
احمد : انت شفيك شكل مالك مستقبل .. انا هاي اخر سنه و بطلع مابي اكمل بخلي ابوي يدور لي شغل
عبدالعزيز : كيفك انا برقد ف البيت
عيسى : يالله احمدووه تعال خل نلعب
و تمو يلعبون و عبدالعزيز يلعب ف جواله
فـ بيت ام احمد
سعيد و ناصر دشو البيت سلمو على امهم الي ف الصاله باسو راسها و راحو
ام احمد تكلم بنتها الكبيرة مرام : ابوكم نزل لكم فلوس هالشهر ؟
مرام : مادري يمه بكلمه بكره و بشوف
ام احمد : زين خلوه يزيدكم ترا المصاريف كثرت و لا فلوسه بس حق نوره و عيالها
مرام وهي تقوم : يصير خير يمه .. تصبحين ع خير
دشو عائشة و مي الصاله
عائشة : يمه ابي اككل يوعانه
ام احمد : روحي طلبي لج اكل و خل اييون بسرعه وراج دوام باجر
مي : يمه ابي فلوس
ام احمد : باجر بنجوف اذا ابوج نزل لكم و لا و بعطيج
مي : زين عيل تصبحين ع خير
عائشة انسدحت تطالع التلفزيون لين يجي المطعم
__
الساعة 5 و نص ف بيت راشد
نوره دخلت غرفة شيماء و سكرت المكيف و فتحت الليتات
نوره : شيماء .. شيماء قوومي يممه
شيماء بتعب : همم .. انشالله اكاني قايمه
نوره : الله يهديكم و يوفقكم و يصلح بالكم
و راحت عند بدر و سالم ونفس الشي سكرت المكيف و فتحت الليتات
و صرخت : بدوووور .. سلووووم يالله قومو بتتاخروون
راشد ف الصاله و سلطان ف حضنه و سعود احذاه و خالد راقد ف الكرسي
راشد : خالد خالد قووم يالله تعال تريق معانا
خالد : زين يبه
سعود : بابا ادي الوح مدثه ( بابا عادي اروح مدرسه )
راشد يضحك على ولده الي كله مستعيل : اي يبه عادي بس مب الحين بعدين لي صرت كبير
سلطان يلعب ف لحية ابوه و يضحك
خالد نزل ياكل معاهم و جا بدر و وراه سالم و تمو يترقون و يسولفون لين الساعه 6
شيماء ف الغرفة تسوي شعرها و تتعطر و لبست عبايتها و طلعت
كلهم راحو .. الدريول يوصل اخوانها بعدين يرجع لها و امها راحت مع ابوها
وصل الدريول .. و نادت الخدامه و راحت
__
عليا قايمة متاخر و راح الباص عنها فاضطر عبدالله يوديها
وصلت المدرسه و على طول عند رفيجتها مريم
مريم : صباحو عليووه
عليا و هي تسلم عليها : صباح النور مريوم . . تعالي ابيج
مريم : تونا يايين يمديج تبيني .. قولي شمصيبتج ويا حمني بعد
عليا : لا مصيبتي ويا شيوم الي قلت لج عنها
مريم : اي شفيها يحليلها
عليا : ابيها ادق ع الرقم الي قلت لج عنه و هي مب راضيه
مريم : زين احسن لها
عليا : زين جي شلون اعرف اذا هي بنت و لا ولد
مريم : و انتي شحارج ف الولد اخوج مب صغير و هو حر يكلم الي يبيه
عليا : انا اقولج لازم اعرف بنت و لا ولد و اذا ولد بنلعب عليه
مريم : و تبين تستغلين شيماء و تخلينها تكلمه
عليا : لا بخليها تقص عليه معاي .. بس هي راسها يابس
مريم : لا توهقينها و هي صغيره ع خرابيطج
عليا : اليوم بخليها اتيني و باقنعها
مريم هزت راسها بانها مب راضيه باللي بيصير
و مشو الصصف
___
شيماء دشت المدرسه حطت شنطتها و قعدت ف الكراسي الي ف الساحه
ياو البنت شوي شوي ووصلت نور رفيجتها
نور : صباح الخير شيوم
شيماء : صباح النور نوروه .. اخبارج
نور : زينه .. وين البنات
الا رشا و نجلاء ياين صوبهم
شيماء ابتسمت و تاشر عليهم
شيماء : اكاهم يايين صوبنا
نور : قامت سحبت رشا و راحت تلعب ويا البينات الصغار ( صف اول )
نجلاء و هي تقعد : ها شيوم ماتبين تشوفين بشور الصغيره
شيماء : امبلا والله .. ماشالله عليها اتينن خل نروح معاهم بجوفها
نجلاء : والله مادري شتحبون ف هالكائنات الصغيره
شيماء طالعت نجلا وقامت : تكفيين يالكبيره ترا بس جسمج عود و لا عقليا انتي اصغر منهم
ضحكت نجلاء و مشو لي بنات صف اول تمو يبوسونهم و يسالونهم اساله غبيه
شيماء : بشور وين ؟
وحده من البنات : بتاير ماتدي الحين ( بشاير ماتجي الحين )
ضحكو عليها و باسوها و مشو كلهم مع بعض لين بدى الطابور
عائشة في المدرسة
اسماء : عووش .. وينج امس مادشيتي المسن
عائشه : ميوه اختي قاعده عند راسي ماقدرت ادش
بتول : ولا قدرتي ادشين قيمزر بعد
عائشه : شي طبيعي ماقدرت
حصة : اي تصدقين حمود يسال عنج عباله صادوج
عائشه : خخخ وين يصيدوني مستحيل اصلا
اسماء تغمز لها : اموت ع الواثق انا
و رن جرس الطابور و راحو يصفون
. . . . . . . . . . . . . . . . . .
في مدرسة ثانية و في اجواء ثانية كانت واقفة في الطابور و حولها بنات صفها الي يحبونها
و يحبون حنانها عليهم رغم صغرها الا ان السنين و المواقف علمتها اشياء الي ف عمرها ماراح يفهمونها
استغنت عن العابها و مرحها و لعبها و طفولتها و فكرت فيهم فكرت باهلها و تبي تنهي مشاكل باي طريق

فـ لأي طريقٍ تاخذوني
و هـل ذاك الطريق مريحُ
أأتحمل مشاقه ام سـ انزل من مركبتكم
هل سأتألم ام اكتفيتكم من تعذيبي .؟

سمعت صوت تصفيق و انتبهت ان الكل يصفر و يصارخ و نور رفيجتها تدزها على شان تطلع .. لاحظت انه في مدرسة تاشر عليها و هي تناديها بالمايك سمعت اسمها يتردد في المدرسة و تزيد قوة التصفير و التصفيق
: شـيـمـاء راشـد . . .
طلعت شيماء و هي ماتدري شـ السالفة .. خذت هديتها و شهادتها و مشت تبتسم لهم تجاملهم و هي تفكيرها بذاك البيت و بالناس الي فيه .. تعبت منهم و معاهم و عليهم
اعلنو عن انصرافهم للحصص و كل صف راح حصته

مريم : عليووه خلي البنت في حالها
عليا بشر : ماقدر بردوها يذبحني مابيها اتم جي .. و كله هادية تحسبنها سرحانه في العدم
مريم بدت تيأس : حرام عليج البنت لها ظروفها و يمكن هدوئها شي فيها و لا حد جرحها لا تدمرينها
عليا بثقة : ماراح يصير لها شي هي عاقلة و تعرف تطلع منها و بعدين احنا بنلعب بس
مريم : يارب تنسين
عليا عطتها ظهرها : تحلمين
مريم تضايقت من تفكير رفيجتها .. مع انها ماتعرف شيماء لكن تحسها بنت في حالها
و في الجانب الثاني كانت عليا تجهز الاسامي المستعارة و الاعمار الي بيمشون فيها على المجهول
____
: اقووول عوووش تهقيين حمود يحبج ؟
عائشة تضحك و تغمز لها : هههه الا يعشقني
: انتي وايد واثقة ترا ثقتج مالها داعي
: اسووم شفيج على عووش
اسماء : مافي شي بس الي ف قيمزر كلهم ميتين عليها
عائشة طالعتها و ابتسمت : اليوم بحولهم لج و لا تزعلين .. و غمزت لها .. الا بتول رشودج ليحين معاج
بتول لفت ويها : وووع من صجج اكممل معاه .. لو تشوفون ويهه بترجعون
عائشة و اسماء : هههههههههههههههههههه
عائشة : الله يغربل بليسج هههههه جان جاملتيه
اسماء : ههههههههه شتجامل فيه والله انه متييييين و يخرررع
بتول : اووف سكتو لا تذكروني لوعتو جبدي
و تمو يضحكون و نص الحصص شاردين منها .. و رررن جررس انتهاء الدوام و كلن رااح سيارته
: مافي بنات ؟
: الا فيه .. بس في وحده راسها يابس و نبيها
: شتنطرون ؟
: اقولك راسها يابس و محتاجين وقت و اغراءات تجذبها لنا
:عيل شدو الهمه ترا تمللنا و احنا جي .. ضبطو لنا الوضع
: ليش وين الي خبري خبرك .. يعدل مزاجك
: موجود بس يسفووه محد و انا مارتاح الا و هو موجود
: غريبه هالياهل متعلم كل شي منك
: تربيتي ياولد هههههههه امشيه وين ما ابي
: ليكون دفعة البنات له فيها نصيب
: اكيد و يغمز له .. و له احلاهم بعد
رجعت البيت و حطت اغراضها ف الغرفة و بدلت لبست بجامتها و طلعت تتغدى مع اهلها
صمتها كان يجرحها . . .
ماتقدر تكمل اكلها . .
قامت راحت غرفتها و هي تحس ان المشوار بعيد . . و تحس انها مب قادرة توصل من ضيقتها .. و هي تمشي رن تلفون البيت
شالته
شيماء : الو
: هلا شيوم
شيماء : هلا حبيبتي من معاي ؟
: معاج عليا يالدبه
شيماء: هلا عليا شلونج
عليا : تمام والله .. و انتي ؟
شيماء : زينه .. و سكتت
عليا : شيوم تعالي عندي اليوم
شيماء : ليش ؟
عليا : بقعد معاج تعالي
شيماء تشوف امها : نطري بجوف امي . . بمه عادي اروح عن عليا بنت حسين ؟
نورة : اي يمه روحي
شيماء تكلم عليا : زين باييج عقب المغرب
عليا بفررح : اوك انطرج لا تتاخرين
شيماء ببرود : يصير خير .. باي
عليا : باي
شيماء كملت طريقها للغرفه
و راحت تنام . . النوم هو الشي الحلو في حياتها . . الشي الي ترتاح فيه من الدنيا و الي فيها من الهواش و الصراخ
عائشة قاعدة على الكمبيوتر و اختها مي راقدة .. دخلت قيمزر
عائشة : هلا حمود حبيبي شلونك
محمد : عيوني انتي وينج عني
عائشة بكذب : موجودة بس كنت تعبانه شوي
محمد : ماتشوفين شر حبيبتي فيني و لا فيج
عائشة تصرفه : حبيبي ابوي يبي اللاب شوي و اكلمك ..بررب
محمد : تيت عمري لا تتاخرين
..
<< نتعرف على عائشة و اهلها
ام احمد : طليقة راشد عمرها 45 سنة .. حاقدة بشكل مب طبيعي . . تحب الفلوس . .منافقة تمثل البراءة
مرام : بنتها الكبيرة بنت راشد .. عمرها 18 سنة ..اخر سنة ثانوية عامة . . طيبة و خلوقة تاخذ من حقد امها شوي لكن مع الاحداث بتتغير
احمد : ولدها الكبير . . عمره 17 . .صف 3 اعدادي يزيد السنة بشكل متواصل . . طيب و في حاله مايحب يحتك في اخوانه الباقين . . امه مقنعته انه مرت ابوه ( نوره ) راعية مشاكل و ماراح ترحمهم و هو راعي وناسة و لعب و شاليهات يعني مايحب الاجواء العائلية
مي : عمرها 16 سنة اول ثانوي . . تحب تدرس و تبي اتجيب نسبة عاليه . . ماتحب عيال ابوها و لا تحب تحتك فيهم
و تكره جمعتهم الي تكون كل جمعة و مستانسة لانهم بدو يقطعونها
عبدالعزيز : 15 سنة صف اول اعدادي و مايبي يداوم فاشل في كل المجالات .. ماعنده اسلوب في التفاهم و الكلام يوديه و يجيبه ماعنده قرارات شخصية . . و حياتها كلها نوم و لعب
سعيد : 14 سنة . . صف ثالث اعدادي . . هادئ و يحب المزح و الغشمرة . . و مع الايام بتطلع شخصيته
ناصر : 13 سنة صف سادس عايد السنة . . هادي و مالها اي صوت باي مكان
عائشة : اصغر بنات راشد و هي كبر شيماء لكن بينهم شهور عمرها 12 سنة صف سادس . . شرانية و منافقة تاخذ من طبايع امها وايد .. دشت طريق اسود و الاحداث بتبين لنا اذا بتطلع منه او لا
>>

نررجع للاحداث


قامت شيماء من قيلولتها و راحت تصلي العصر و تتجهز عشان تروح عن عليا
لبست عبايتها و راحت تكلم الدريول عشان ييجيي ياخذها و ياخذ الخدامه معاها
هوست على الجرس . . و انتظرت شوي
علي : هلا . . و هو مبتسم
شيماء تغطت : هلا عليا موجوده
علي : اي حياج تفضلي
شيماء انتظرته يوخر عشان تمر . .و هي مشت داخل سلمت على عليا و امها و ابوها و دخلو المجلس الداخلي
عليا : مابغيتي اتيين من امساع و انا انطرج
شيماء : قلت لج بايي عقب المغرب و انتي مستعيله
سمعو . . الله و اكبر . . الله و اكبر
شيماء راحت الحمام تتوضا . . و طلعت
شيماء : عليا ابي اصلي
عليا : ان شاء الله احيين اييب لج سجادة
شيماء ابتسمت لها و حاسه انها مخنوقة تحس انه بيصير شي يضايقها هني
خذت السجادة و بدت تصلي . . خلصت و رجعت سجادتها مكانها
عليا : ها شيوم فكرتي و لا ليحين ع رايج
شيماء باستغراب : افكر بوشو
عليا و تلعب باظافرها : عشان خلووووود
شيماء : اي خلود ؟
عليا بقهر : الرقم الي حصلته عند حمني اخوي و . . .
قاطتعها شيماء : ههههههه انتي ليحين مادقيتي
عليا انقهرت اكثر : لا مادقيت من وين بدق يعني ما عندي جوال
شيماء : و جوال امج و اخوج شلة مادقين من عندهم ؟
عليا : انتي خبلة و اذا طلع خالد مب خلود شسوي انا ابتلش فيه
شماء طالعتها : وشنو يعني انا اتوهق فيه .. سمعي عليوه انا مالي بهالمصخره
عليا تحاول تقنعها : احنا بس بنسمع الصوت و بنسكر و اذا رد يدق لج لحها الف حلال
شيماء برفض : لا و الف لا
عليا : شيوم تكفين . . خل نعرف من هاي و اذا طلع ولد بنقولها انه اسمج نور و انا نورة و جي مايعرف اسامينا
شيماء بعصبية هادية : خير يبه مجهزة كل شي انتي جايفة عمرج
عليا تحن : شيوم بنقوله انج 17 و انا 18 شفيج خل نلعب عليه . . بس يمكن تطلع بنت
شيماء اعصابها تلفت من عليا : قلت لج لا مابي حد يعرف رقمي
عليا : يعني مب خايفة من اهللج خليفة ع رقمج
شيماء : اهلي واثقين فيني و يدرون اني مابسوي جي
عليا : عيل ماراح نتعب خل نسوي الي نبيه و نستغل ثقتهم
شيماء قامت : انجلعي انا برووح
قعدتها عليا : شيوم زين انا بكلمه انتي ماعليج لا تقولين له شي
شيماء تعبت من حنتها : اوك و تحذف الجوال ف حضنها
عليا فررحت لانها سوت الي تبيه
و دقت على الرقم *********
ياها الصوت : الــــــــــــــــــو
عليا توسعت عيونها و شهقت من رجولة الصوت و سكرت ف ويهه
شيماء ببرود : انشالله ارتحتي
عليا بصدمة : بدق مرة ثانية ماقدر
شيماء و هي تروح الحمام : استمتعي و طلعيني منها
دقت مره ثانيه
: الـــــــــــو
عليا :
: الــــــــو . . احـم احـم
عليـا بدلع : الـو






في الملتقى باذن الله
ردودكم بتزيد البارتات


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-02-2012, 01:41 AM
قلوب محبة قلوب محبة غير متصل
©؛°¨غرامي مشارك¨°؛©
 
الافتراضي رد: من صغري و انا ودي / بقلمي


السلام عليكم اخي...عندي انتقاد بسيط.. انت الحين قلت ان عمر البطلة 12 والباقي كلهم اصغر في العمر لكن المشكلة ان احداث الرواية ماتناسب اعمارهم اللي يتابع الاحداث يتوقع ان اعمار الاشخاص فوق العشرين ...وكمان بدر وسعد اللي اقل من 10 سنوات مايتناسب حوارهم مع عمرهم وشخصيتهم لان تصرفات بدر تصرفات مراهق متمرد عاصي لاهله فكيف يكون عمره 10 سنوات ...حتى شيماء وعليا انا في البداية توقعت انهم في 20 ....الرواية تحتاج لتنسيق اكثر...بالتوفيق وحياك الله في المنتدى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-02-2012, 09:40 AM
صورة قـلـب زايـد الرمزية
قـلـب زايـد قـلـب زايـد غير متصل
©؛°¨غرامي جديد¨°؛©
 
الافتراضي رد: من صغري وأنا ودي / بقلمي


عزيزتي قلوب المحبة . .

هذي رواية واقعية . . و انا اطرح لكم احداث حقيقة تحدث في احدى المنازل

و هذه التصرفات . . موجودة و مطبقة من ذوي الاعمار المطروحة

البارتات الجاية بتثبت لج صحة الكلام

و شكرا حبيبتي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-02-2012, 06:19 PM
صورة قمري الحزين الرمزية
قمري الحزين قمري الحزين غير متصل
©؛°¨غرامي مشارك¨°؛©
 
الافتراضي رد: من صغري وأنا ودي / بقلمي


حاسه ان خالد بيزعج شيماء وبتستوي مشاكل..نتريا البارت الياي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 24-02-2012, 09:11 PM
صورة قـلـب زايـد الرمزية
قـلـب زايـد قـلـب زايـد غير متصل
©؛°¨غرامي جديد¨°؛©
 
الافتراضي رد: من صغري وأنا ودي / بقلمي


البارت الثالث
* وصلت الى بر الوحل *

عليا : الـو
: هلا . . من ؟
عليا : انت متصل لي
: متى . . الشيخة انتي متصلة لي من شوي
عليا بكذب : لا انا جايفة رقمة اتاكد من انت
: معاج خالد . . و اسمحي لي اذا ازعجتج
عليا : لا عادي
خالد : اوك . . تامرين بـ شي .
عليا : لا سلامتك . . باي
<< عند خالد
كان مرتبك من الصوت الي سمعه و نبرة الدلع الي فيه
: خلووود شفيك مفهي . . و يغمز له . . من الي داق لك
خالد : حمني لا تسمع الصوت . . بحالمية . . تروح فيها والله
عبدالرحمن يضحك عليه : قول جي يا ريال دق و تعرف عليها شتنطر
خالد ماصدق خبر : ما طلبت شي . . و على طول دق لها
>> عند عليا
شيماء رافعه حاجبها : ها عليا بنت و لا ولد
عليا خاقة : ولد بس احسه عذاب
شيماء خذت جوالها و لفت الصوب الثاني : الله يعينج . . ناقصة حنان تراج
عليا ماعجبها الكلام : شيوم شفيج نكدية . . ترا الدنيا ماشية جي
شيماء تنهدت ببرود : اخبرها ماشية بالحلال . . و الحرام هو النكد بعينه
عليا عصبت : شيوم شقصدج . . انا اخاف من الله و ادري انه ذي غلط بس ترا ملل و ماعندنا شي نسويه
رن تلفون شيماء . . طالعته باستغراب و ردت
شيماء : الو
خالد مبتسم : هلا والله
شيماء بحدة : نعم !
خالد مستغرب : لا سلامتج
و عليا سحبت التلفون بقووه من يد شيماء و مشت عنها و تاشر لها تسكت
عليا : الـو
خالد ابتسم مره ثانيه : هلا والله
عليا تنهدت بشويش شيماء طالعتها بقهر و فتحت الدريشة تطالع حديقة بيت عليا
بينما عليا تكمل مكالمتها
خالد : ممكن نتعرف ؟
عليا : شلون يعني ؟
خالد ضحك بخفه : يعني انا اسمي خالد و انتي شـ اسمج ؟
عليا تبدا لعبتها : انا نور
خالد : اه لبى الاسم والله
عليا انحرجت منه : تسلم
خالد يكمل : تدرسين ؟
عليا : اي و انت ؟
خالد : اي ادرس اخر و احين ثالث اخر سنة
عليا : اها الله يوفقك انشالله
خالد : و انتي اي صف و كم عمرج ؟
عليا ضحكت عليه : انا اول ثانوي عمري 16
و تمت تسولف و تضحك معاه . . و شيماء مب معاهم كلش
كانت مع الهوا اللي تتنفسه . . تبي تبعد عن العالم تكون في مكان بروحها . . تفكيرها بارد و قاتل
تفكر ليش و هي بهالعمر و تفكيرها اكبر منها . . متحسفه على عمرها
قطع شرودها ضربت عليا على كتفها
شيماء طالعتها ببرود : خلصتي ؟
عليا و هي فرحانه : اي خلصت . . يالله الباقي عليج
شيماء : انسيني انا مانفعج ف الغلط
عليا و هي تسحبها : لا بتنفعيني . . بتكلمينه يابلفيت انج نور
شيماء بملل : يصير خير اذا رديت عليه . .
عليا بترجي : عاد شيوم لا تخربين علينا خلينا نستانس شوي
شيماء : زين زين . . باكلم الدريول
عليا . . كملت مخططها و جلساتها الجاية مع شيماء بتخليها تكلمه و تكمل معاه

مرام تتصل على ابوها
مرام : الو
راشد : هلا بالزين هلا ببنتي والله
مرام : هلا يبه . . اخبارك و اخبار مرتك و عيالها ؟
راشد : كلنا طيبين . . وش هالقطاعه و انا ابوج . . ماتزوروني و انا ابوكم و لا نسيتوني
مرام : موجودين يبه بسس تدري دراسة و مشاغل ماعندنا وقت
راشد بحزن : وش الي بيشغلكم عن ابوكم
مرام : تدري بعد , , المهم يبه بغيت اسالك نزلت لنا شي هالشهر
راشد بضيقة : اي يبه كلمو امكم تعطيكم مصاريفكم و سلمي على اخوانج مع السلامه
مرام حز ف خاطرها حال ابوها . . و قالت : مع السلامه
و هو سكر بدون مايسمع ردها . . قلبه تقطع على عياله الي مايدقون له
الا عشان مصالحهم

كـنـت اعـلـم انـك نـار حـارقـة
قـلـت اتـقـي بـدفـئـك شـر الـبـرد
و إذا لـهـيـبـك يـحـرقـنـي
و يـوقــفـنـي عـن الـحـركـة

انـيـسـة درويـش

****
بعد مرور سنة كاملة على الاحداث البسيطة
فـ بيت راشد
: الـو
: هلا يبه شلونك ؟
راشد : هلا مرام . . انا طيب ياابوج و انتي اخبار اخوانج ؟
مرام : كلنا طيبين . . يبه بغيتك في سالفه حد حولك ؟
راشد يطالع مجلسه : لا يابنتي محد حولي عسى خير ؟
مرام انحرجت : يبه اليوم بييك ابراهيم ..
راشد ابتسم على خجل بنته : حياهم الله يابنتي . . و الله يجدم الي فيه الخير
مرام : انشالله يبه . . يالله اسمح لي بسكر احين
راشد : الله يحفظج بس خليهم يكلموني
و سكرت هي من الاحراج . .
راشد على طول اتصل على عياله
راشد : الو
: الو هلا يبه
راشد : هلا احمد . . علوم الشغل معاك
احمد ابتسم : طيب يايبه اموري ماشيه والحمدلله
راشد : انطرك اليوم في بيتي . . اختك بييونها معاريس . . ابيك تكون موجود انت و اخوك عبدالرحمن
احمد : اي يبه قالت لي مرام . . انشالله بكون عندك
راشد : والله و كبرتو ياعيالي
احمد فرحان من فرحة ابوه : اي والله يبه .. يالله اجوفك بعدين
راشد : الله يحفظك يابوي مع السلامة
في غرفة ثانية من البيت
شيماء كانت نايمة . . و قامت على رنة التلفون
شيماء بصوت راقد : الـو
: لبى هالصوت والله
شيماء عصبت : نعم ؟ شبغيت ؟
: ابيج انتي
شيماء : انت ماتفهم ؟ قلت لك لا تتصل مابيك
: بس انا ابيج شيوم لا تحبيني خليني انا بس احبج و شاريج
شيماء عصبت و تربعت على السرير : اسمع زايد ان جفتك متصل والله مايصير لك خير و خل عندك كرامة انا مابيك و خنتك و كلمت مليون غيرك و انت مابيك خلاص عاد عافك الخاطر
زايد : انتي خنتيني كيفج . . بس انا للحين احبج ماتفهمين شنو يعني احبج . . و انا اقولج من الحين لا تفكرين اي بخليج تتزوجين واحد غيري انا خاطبج خاطبج
شيماء : تخسسي . . و سكرت ف ويهه
شيماء : الله يسامحج يا عليا دخلتيني في طريج انا مابيه . . و علقتي ولد الناس فيني . . خليتيني العب و العب و محد مستانس غيرج . . و طالعت السقف ( الله يسامحج و يهديج يا عليا )
تذكرررت كلام امها
نوره : شيووم انتي شلوون ترضين على نفسسج
شيماء منزلة راسها : يمه والله مب بيدي هي كانت تحن علي و ترا نصهم انا ماكلمتهم هي الي كانت تكلمهم
نوره عطتها ككف : عليا الكلاام بيووصل حق امها . . التربية اذا من الحين فاشلة لي كبرتو شبيصير فيكم
شيماء : لا لا يمه تكفين ام عليووه لا تدري . . لا تضرينها مابي حد يدري و اذا تبين انا بقطع علاقتي فيها بس هي لا تنضرب و لا يقوولون لها شي
نورة : و ادافعيين عنها بعد خرربت سمعتج و انتي تقولين لا تضربونها
شيماء : يممه هم مايعرفون اسمي و لا يعرفون عني شي
نورة : عطيني جووالج الحيين و حسابكم عندي بعدين
شيماء : ان شاء لله يمه
طلعت من ذكرياتها . . و دمعت عينها . . مر عليها شخص . . فضحها عند امها و ابوها و فضح عليا
لانها ماكانت تسمع كلامه . . كانت بتبتعد عن هالطريق الخايس و كانت رايحه في حالها لولا الاتصال الي ياها في ذاك اليوم
: الو
شيماء : هلا
: معاي . . هههه و سمعت ضحكت الشر الي فيه
شيماء مرتبكة بس مابينت له : نعم بغيت شي ؟
: اي نعم بغيتج . . جفتج اليوم و دشيتي مزاجي فما يصير يعدي اليوم و ما اسمع صوتج
شيماء مر في خيالها . . كان يلاحقها في الحديقه . . تقوله وخر عني . . و يرد عليها لقانا الليله ياشاطره
مشت عنه . . ولقته في ويهاا . . (( تراج الليل بترقدين على صوتي )) . . كلامه يرن في مخيلتها
انتبهت انه على الخط . .
: ها يا شيماء . . راشد . . الـ
شيماء قلبها بيوقف من الخوف : انـ ـت مـ ـن وش تـ بـ ـي
: ابيج ياحلوه . . و خلج معاي زينه علشان مايصير شي مايعجبج
شيماء عصبت من اسلوبه : مابقى الا انت اسمع كلامك . . و سكرت في ويهه
و كانت يهددها برسايله انه بيقول حق اهلها عن كل شي . . ماخافت منه لين كلمهم و قال كل شي
من ساعتها و هي ماتحتك في احد بشكل ملحوظ . . كل همها كتبها و دراستها
, ,
قفلت ع هالذكرى في قلبها و مشت تغسل ويها و تتوضى و تصلي
____
ام احمد : عوووش تعالي هننني بسسرعه
عائشة : ها يمه شفيج تصارخين
ام احمد : سمعي انتي سوالف انفضحت كلها . . مالج قعد هني اخوانج بيذبحونج
عائشة : وين تبيني اروح انشالله
ام احمد : روحي بيت ابوج و هناك شيوم علميها بعد
عائشة : ارووح بيت ابووي اي . . لكن اعلم شيوم لا
ام احمد : طيبتج خليها عنج لازم تنتقمون لي . . ابوكم طلقني عشان امها الي ماتستحي
عائشه مشت عنها : يصير خير
المغرب في مجلس راشد
راشد : حيا الله بوفيصل شحالك . .
بوفيصل : طيب يابو محمد . .
راشد : والله هذي الساعة المباركة . . الي زرتونا فيها
بوفيصل : والله يابومحمد . . احنا طالبين القرب منكم بغينا بنتك مرام . . لاخوي ابراهيم
راشد : والله قربكم يشرفنا . . لكن تعرف الاصول نسال البنت و نرد عليكم
احمد : الله يجدم الي فيه الخير
عبدالرحمن : مبروك ياابراهيم . . عساها من نصيبك انشالله
ابراهيم : الله يسمع منك
و ضحكو الي في المجلس على رده
ف الليل
تلفون البيت يرررن
سالم : الو
عليا : هلا .. ممكن اكلم شيوم
سالم يطالع شيوم : عليا تبيج
شيماء قامت و راحت عند التلفون
شيماء : هلا عليا
عليا : هلا اخبارج ؟
شيماء بملل : زينه . . و انتي
عليا : تمام . . شفيج مادقين و لا شي
شيماء : ولاشي والله بس ماعندي وقت و كله اكلم فطووم
عليا انقهرت : اها قولي فطوم خذتج مني
شيماء : شدخل والله غلاتكم وحده بس هي تتصل و تاخذ الوقت كله
عليا : زين . . متى بتيين عندي ؟
شيماء : مافي وقت اذا انتي تبين تعالي
عليا : زين باييج باجرعقب المغرب
شيماء : اوووك انطررج .. يالله باي
عليا : باي
عبدالرحمن : زينب . . يا زينب
زينب : هلا حبيبي . . شفيك
عبدالرحمن و هو يشيل ولده من حضنه : تعالي شيلي سلوم . . ابي اروح عند ابوي
زينب : زين فديتك بس دقايق اغسل يدي
سالم : بابا
عبدالرحمن يتعبث في التلفون : نعم بابا
سالم : بلوح اند ايديد ( بروح عند يديد )
عبدالرحمن : لا بعدين عميمه شيوم بتاخذكم
خالد ولده : لا بابا اثمها عميمه سيمان
عبدالرحمن يضحك : لا تسمعك والله تكسر ضروسك هههههه
زينب دشت و حطت سالم في حضنها : من بيكسر ضروس من ؟
عبدالرحمن : سمعي عيالج لعبو في اسم شيوم
زينب : هههه اي والله
سالم يضضحك : اميمه الوه ( عميمه حلوه )
زينت : اي والله و حليوه معاكم
عبدالرحمن يقوم : اي والله لولاها جان مالقينا لنا بيت
زينب : الله يوفقها انشالله
عبدالرحمن : يالله انا رايح ميلس ابوي
زينب : سلم على خالي
عبدالرحمن : يوصل
و هو يفتح الباب الي بينه و بين بيت ابوه . . دخلت شيماء و معاها سلطان
شيماء : هلا بو خلود اخبارك
عبدالرحمن : طيب . . روحي عيالج يبونج داخل
شيماء تجر شعرها : حتى انتو نسبتو عيالكم لي
سلطان : انتي ماما
شيماء : لا انا مب ماما انا شيوم
سلطان : زين ثيوم
عبدالرحمن ضحك بقو : هههههههههههههه
شيماء : هذا التحريف الثالث حق اسمي . . قولي شسوي اعيش بدون اسم احسن
عبدالرحمن : روحي داخل لا تذبحيني من الضحك
شيماء و هي تدخل : تشاو اخوي العود
دخلت شيماء ملحق اخوها
و قعدت تلاعب عياله و اخوها سلطان معاهم
__ _

في مجلس راشد
عبدالرحمن : السلام عليكم و رحمة الله و بركاته
راشد : و عليكم السلام . . هلا بوخالد
عبدالرحمن : شحالك يبه علوم الشغل معاك
راشد : والله كل شي تمام و ماشي حاله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-02-2012, 09:49 PM
صورة قـلـب زايـد الرمزية
قـلـب زايـد قـلـب زايـد غير متصل
©؛°¨غرامي جديد¨°؛©
 
الافتراضي رد: من صغري وأنا ودي / بقلمي


عبدالرحمن : متى بترد مرام علي الريال . . نبي نفرح فيها
راشد : انشالله قريب . . الله يتمم لها على خير
عبدالرحمن : امين و نفرح في الباقي
راشد : امين .. انت اخبار اخوانك و اختك هيا طيبه
عبدالرحمن : كلهم طيبين انشالله قريب بيزورونا
<<
نروح عند عبدالرحمن و اخوانه
محمد : ولد راشد الكبير من زوجته الاولى . . عمره 31 . . مريض و من انولد و هو ( ذوي الاحتياجات الخاصه )
و مع الاحداث بنعرف شصار معاه
عبدالرحمن : عمره 27 سنة . . ضابط . . طيب و حنون . .لكن افكاره منحرفة . . يعني راعي بنات و خاين للعشره الزوجيه . . متزوج بنت عمته الي هي زينب عمرها 24 و عندها ولده خالد 4 سنوات و سالم 3 سنوات . . جسمه عريض و طوله عادي . . لكن حدة ملامحه معطته جاذبية . . تخلي البنات يركضون وراه
عبدالله : توأم عبدالرحمن عمره 27 سنه . . مايلتزم بدوام معين . . كل شهرين يشتغل في مكان . . عايش في الامارات مع يده و يدته و اخوه محمد و حميد . . متزوج بنت عمه ريما عمره 21 و الحين حامل
حميد : اصغر اخوانه عمره 20 .. انولد في نفس فترة مرام و هيا بينهم شهور تقريبا . . يشتغل في شركه في الاماارات يحب بنت عمته اخت زينب . . لككن هي متزوجه و الاحداث بتوضح حالته حاليا
هيا : البنت الكبيرة لراشد . . امها تركتها و هي في شهرها الاول و عايشة مع جدة عبدالرحمن و متربية معاهم عمرها 19 متزوجه ولد عمها حمد و عندها بنت وحده اسمها هيفا عمرها 5 سنين و ولدها احمد عمره 4 سنوات و الحين حامل
>>
انتهى اليوم في بيت راشد و الككل دخل غرفته
بدر ينادي سالم : سلوووم
سالم : ها شتبي
بدر : كم بقى على رمضان ؟
سالم يطالعه بغباء : شدراني
بدر : اوووف انا مادري ليش اسالك
سالم : اي والله مادري ليش تسالني
بدر عصصب و تلحف و ناام
سالم تلحف بهدوء و نام
__
كانت منسدحه . . تتذكر بدايتها في الطريق المظلم
: خالد . . ممكن اسكر بنام
خالد : لا نور لا تسكرين تمللت بروحي
شيماء : زين اوك
خالد : تمللتي مني حبيبتي
شيماء بضيقه : لا بس مابي اكمل معاك
خالد انصدم : شنو
شيماء : الي سمعته ماقدر اكمل معاك هالشي غلط و مابي اكمل فيه
خالد : بس انا احبج و شاريج
شيماء : الي يحب يروح يخطب . . و انا ماحس اني احبك و مابي يكون بيني و بينك شي و اكيد الف بنت تتمناك
خالد تحطم : انتي متاكده ؟
شيماء : اكيد متاكده و زين كلهم شهرين الي كلمتك فيها ماقدرت احبك او انعجب فيك لان الغلط غلط و غلط اني احب الغلط
خالد : زين الله يستر عليج
شيماء : و عليك ياخوي
و سكرت منه . . تذكرت ردة فعل عليا على الي سوته شيماء مع خالد . .
عليا : انتي شلون تقولين له جي و هو يحبج
شيماء : بس انا ماحبه .. و بعدين تمللت من هاللعبه الطويله
عليا بصراخ : انتي شلون تسوين فيه جي ماعندج قلب حتى ماكسر خاطرج
شيماء بنظره حاده : انا ماعندي قلب و خاطر في الحراام
و عطتها ظهرها . . و عليا تحاول تمسك نفسها لاتزيد عصبيتها و قررت تحول لشخص ثاني ممكن انه يعجب شيماء
عليا : شيوم زين خل نسمع اغاني
شيماء : والله تبين تسمعين سمعي محد ماسكج
عليا : زين باجر تعالي لي البيت بوريج شي
شيماء : زين باييج مب مشكله بس شيلي سالفه خالد و غيره من راسج
عليا : زين زين
غمضت عينها بقوو . . و قرت المعوذات و نامت
اليوم الثاني في المدرسة
عليا : مريووم جفتي شلون . . انفضحنا و دافعت عني و انا الي لعوزت حياتها
مريم : والله شيوم معدنها طيب ماتحب المضره حق حد
عليا : اي والله . . بس زايد يحبها ماتشوفينه شلون ماذيها
مريم : من زايد ؟
عليا : واحد من الي طيحتها معاه .. بس والله يامريوم شكله ماعرفها غيرها روحه متعلقة فيها
مريم : بس بعد علاقات الفون اكبر غلط
عليا : هاي كلام شيوم . . بس هو يبي يعرف بيتهم عشان يقدر يخطبها
مريم : بس شيوم توها اول اعدادي
عليا : يعني حق المستقبل و هي مب معطته فرصه
مريم : والله ان هالشيوم العقل كله ماشالله عليها
__
شـفـتـك بـعد غـيـبـه و حـاولـت احـاكـيـك
مـهـوب مـن قـلـبـي و لا مـن جـراتـه
بـغـيـت اقـول فـلان و ازريـت انـاديـك
و كـنـي سـمـعـت اسـمـي مـع الالـتـفـاتـه
فـزيـت مـن نـومي و انـا اقـول لـبـيـك
و اثـرك رويـا فـي مـنـامـي و جـاتـه
صـفـقـت كـف و قـلـت يـاحـلم يـشـويـك
جـددت لـي جـرح . . هـنـى فـي مباتـه
حمد البريدي
فز من نومه على همسها . . صوتها يتردد على جدران قلبه في عرقه في كل مكان .. كل ليله يرسم لها صوره في عينه و قلبه . . و كل نهار يشم لها عطر و يدور ملمس لها . . يحبها
يتنفس اسلوبها . . يحب هدوئها . . يعشق خياناتها الي يدري انها مب بيدها
يحب عصبيتها و صدها له . .
مسح على ويهه بتعب و ضيق . . و حرقة عاشق مايعرف شي عن حبيبته . . غير اسمها
رن تلفونه
: الو
: هلا زيود قووم و لا مالك نية تروح المدرسة
زايد : الا بروح . . بس مشعل تكفى قل لي وين احصلها
مشعل يعذبه حال ولد عمه : قوم و انا اخوك و اذا لك فيها نصيب بتاخذها
زايد : و شلون و هي ماتبيني
مشعل : اذكر الله و تعال انا انطرك ف الحوش
زايد : الف من ذكره .. اغسى وجهي و ابدل و اجيك
مشعل : انتظرك
زايد قام و غسل ويهه . . و لبس و هو طالع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 24-02-2012, 11:07 PM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: من صغري وأنا ودي / بقلمي


السلام عليكم

جميله ملاحظة قلوب المحبه....

موفقه بطرحك...

لا صار عطرك عجز لا يوادع أكفوفي و شلون يوادعك قلب مات بك كله / بقلمي

الوسوم
شعري
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
روايتي الأولى : جمعتنا الصدف و فرقنا القدر بس / كاملة الاليت القدر روايات كامله - يتم نقل الرواية هنا بعد اكتمالها 1321 27-05-2017 05:35 PM
للأوجاع قلوب لاتسيرها عاطفة / بقلمي نَيرُوز أحمَدْ , أرشيف الروايات المغلقة - لعدم إكتمالها 1006 05-04-2012 06:20 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
أخاف بيوم تغيب شمسك عن عيني / الرواية الأولى بقلمي قلبه عنواني ارشيف غرام 2 24-01-2009 05:28 PM

الساعة الآن +3: 11:40 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1