منتديات غرام روايات غرام أرشيف الروايات المغلقة - لعدم إكتمالها وينك يا حب أبحث عنك ومن الاقيكـ تبتعد عني / بقلمي
tamy ©؛°¨غرامي جديد¨°؛©

هلا والله بالكل بغيت انــــزل لكم اوووول روايه اكتبها و اتمنى منكم التفاعل و اذا ما عيييبتكم الروايه ما راح اكملها


أخليكم مع الروايه

tamy ©؛°¨غرامي جديد¨°؛©

بعرفكم اول شيء على العوائل الي في روايتنا
اولا
عائلة سعيد
الابو اسمه سعيد عليه جمال رباني يعني كل شيء حلو فيه و حرمته اسمها سميرة عادي جمالها يعني ما نقول مب حلوة و عندها ولد اسمه خالد اكبر واحد يا اخي هو جمال لا تتخيله الابصار عمره 19 و عنده اختين غلا يعني جاملها طالعه على امها عمرها 16 و امل هي احلى من اختها بشوي عمرها 14
ثانيا
عائلة جمال
الابو اسمه جمال جماله عادي و حرمته اسمها عائشة حتى هي جمالها عادي عندها ولد اسمه فهد عليه جمااال يا حلو شعره يوم ايي على ويه عذاااب يا ناس عمره 18 و عنده اخو اسمه حمد احلى من فهد بشوي عمر ه 17 وعنده اخت اسمها مريم طالعه على ابوها نسخه عمرها 16
ثالثا
عائلة عادل
الابو اسمه عادل جماله عادي و حرمته اسمها انجود عليها جمااااال يخطف الابصار عندها بنت اسمها اليازيا عمرها 17طالعه نسخه من امها و عندها اخو اسمه سعود عاادي جماله عمره 15 و عمر عادي جماله عمره 13










فوق هذا الحب أحبك وبعد أكثر كثير..
يالي تدري إن قربك أنا أحتاجه كثير..
يمكن أكثر من غلا روحي لروحي..
وأنت من نساني بالدنيا جروحي..
ونساني نفسي وخلاني أحبه..
هو صحيح إني قدرت أوصلك..
لكن ماني عارف وين أباوصل بالمحبه..
لقيت بك عمري الي ضاع..
ولقيت
ياقلبي
أنا
فيك
الحنان





((( البارت الاول )))
اليوم هو اليوم المميز لـ اليازية لان اليوم عيد ميلادها كلهم كانوا متيمعين في بيت عادل و مسوين لها حفله كبيرة وكان شكلها يخبل زيادة على جمالها كانوا الريايل يالسين في صوب والحريم يالسين في الصوب الثاني كانت انجود يالسة حذال بنتها
انجود : يزوي كل عام وانتي بخير وهذي بوسة مني [ امواااااااح ]
وفي ناس يفور بركان من داخلهم بس مب مبينين هالشيء
فهد في نفسه : يا ريتني انا امها 24 ساعه بيلس وياها و ما بفارجها و
اشكره بعد تبوسها جدامنا
تضايق فهد ومن القهر قام و طاف جدام اليازية
فهد : كل عام وانتي بخير
اليازية بدلع : وانت بخير
فهد : انزين تأمريني على شيء ؟
اليازية : سلامتك لكن ما قلت لي وين بتسير ؟
فهد : امممـ بسير اتمشى اشوي و بعدين برجع البيت
اليازية : انزين ايلس اشوي لما يقطعون الكيكه عقب سير المكان الي تبيه
فهد : لا لا انا بسير و هذوا حمد بيكون مكاني
اليازية بترجي : فهووود عاااد تعال لا تسير
فهد في نفسه : يا ربي الحين كيف اطلع من هذي البلوة
اليازية : اذا سرت لا تكلمني اوك لاني حبيت اسوي حفلة عيد ميلادي والاهل كلهم هني
فهد : جوفي يعني انتي ما بتسوين الحلفة لاني انا بسير
اليازية و هي زعلانه : خلاص خلاص سير
فهد : زعلتي ؟
اليازية : خلاص قلت سير
فهد : انزين جاوبيني زعلتي مني ؟
اليازية عطته ظهرها وسارت تمشي و اتقول : سير سير مب لازم اتعرف اذا زعلانه و لا لا
فهد سار ركب سيارته وهو يفكر كيف يراضيها ويت على باله فكره
في بيت عادل وبعد نص ساعه تقريبا كان وقت قص الكيك خذت اليازية السكين و كانت بتقص بس وقفت من سمعت صوت فهد
فهد : صبري صبري بقص وياج الكيك
سار فهد مسك ايد اليازية الي كانت ماسكه السكينة و قطعوا مع بعض كانت اليازية مستانسة لكن اونها زعلانه منه
فهد : لا حوووول انتي بعدج زعلانه
اليازية : ليش رجعت انشاء الله ؟
فهد : اقوول لج شيء تعالي اشوي وياي
اليازية : وين
فهد : في الممر
اليازية : انزين ليش ؟
فهد : تعالي وبتعرفين
سارت اليازية و يا فهد عند الممر و طلع فهد من جيبه بكس صغير
فهد : كل عام وانتي بخير وعقبال 1000 سنه
اليازية : مابا
فهد : افا ما هقيتها منج ترديني
كان بيمشي طالع من البيت بس وقفه صوت اليازية
اليازية : فهد
فهد لف بسرعه : شو قلتي
اليازية : فهد
فهد وهو مستانس ان سمع اسمه : آآآآآخ نعم
اليازية : اسفه
فهد : انزين ممكن تقبلين مني هذي الهديه المتواضعه
خذت اليازية البكس الصغير وفتحته و تفاجأة ان الهدية عبارة عن ساعه من الماس سارت وحظنت فهد واشوي اعتدلت وهي متقفطة من الحركه الي سوتها واحمر ويها
فهد : ادري ان هديتي متواضعه لاني ما كنت اعرف شو اشتري لج
سارت اليازية وكفخت فهد على جتفه
اليازية : هذي الحين متواضعه هذي وايد علي
فهد : لو احطي الكون في ايدج شوي عليج
اليازية : وربي ما تقصر مشكوور على الهدية وتعبت نفسك
فهد : ما شي تعب يالغالية و قدرج اكبر من جي يلا البسيها الحين
اليازية : انزين سكرها ما اقدر
مدة ايدها عشان يلبسها فهد الساعه وعقب ما لبسة
اليازية : انزين تعال داخل يلا عشان تاكل كيكه
فهد : بس بشرط
اليازية : اطلب آمر تدلل
فهد : اول قطعة كيكه ابغيها من ايدج
اليازية وهي منصدمة ما تعرف شو تقول و تعتع : بـ....س مممـــ....ا يستــ.....وي
فهد : هذا شرطي ان ما نفذتيه ما باكل كيكه
اليازية : مستحييييل
فهد : مستحيييييل !!!
اليازية : هي مستحيل
فهد : عشان خاطري
اليازية : بس انا استحي ما اقدر شو بيقولون عنا الي يالسين داخل
فهد : خلي يقولون الي يقولونه
اليازية : انزين بس مابا استحي
فهد : اوك بس اوعديني عقب العرس اتريق من ايدج واتغدا من ايدج و اتعشا من ايدج
اليازية هي مب فاهمه شيء : اي عرس .!!!؟
فهد : عرسنا انشاء الله
اليازية : ..........
فهد : اقوول لا اتنحين يلا يلا بنسير ناكل كيك
سارت اليازية و فهد ياكلون كيك وعقب ما كلوا كيك فهد كان بيطلع لكن اليازية جافته وصرخة
اليازية : فهد
فهد التفت : نعم
اليازية : وين ساير
فهد : بسير حق واحد من الربع
اليازية وهي مبوزة : يعني واحد من الربع احسن من انك تحظر حفلتيي
فهد : لا ليش اخلي القمر و اسير حق النجوم
اليازية : انزين يلا اتصل حق اربيعك و قول له انك ما بتسير له
فهد : فديتج و ربي احبج انزين ممكن تعطيني تلفونج
اليازية : انزين انت عندك فون
فهد : فوني في السيارة ما فيني اسير اييبه
اليازية : بس تخيل لو اتصل اربيعك على هذا الرقم مرة ثانية
فهد : هي صح كيف ما فكرت بهذي
اليازية : انزين هات سويج السيارة بسير اييب لك الفون
فهد : هاج مسكيه
سارت اليازية عند السيارة و قفة جدام السيارة و هي تتأملها و تقول بصوت خفيف بس مسموع
اليازية : يعني يا سيارة انتي اتعرفين فهد اكثر مني تتوقعين يحبني ولا لا
ياها صوت مفاجئ من ورا : امووووووووووووووت فيج
التفتت اليازية جافت فهد و نزلة راسها
فهد : دشي داخل انا باخذ التلفون وبدق حق اربيعي وياينج
دخلت اليازية قبل فهد وسارت قعدة و يا خالد و يلس مقابلها
خالد : كل عام وانتي بخير وعقبال مليون سنه
اليازية : تسلم
خالد : انزين المهم اشحالج ؟
اليازية : بخير الحمد الله
خالد : اليووم اجوفج طالعه حلووووة
اليازية : عيونك الاحلى
خالد : انزين ما قلتي لي انتي الحين وين تدرسين في اي جامعه ؟
اليازية : في جامعة زايد
خالد : زييين ما شاء الله
اليازية : انت في اي جامعة ؟
خالد : جامعة العلوم والتكنلوجيا الي في العين
اليازية : ثاني سنه جامعه صح ؟
خالد : هي كيف عرفتي اني ادرس في الجامعه و هذي ثاني سنه ؟
اليازية : دائما اسأل
خالد : انتي اول سنه و لا ثاني سنه ؟
اليازية : اول سنه
خالد : ما شاء الله عليج والله الي يجوفج يقول انج في الابتدائية
اليازية : الثانوية بنقول اوكي لكن الابتدائية لا لا واايد صغرتني انا ما صدقة بفتك من المدرسة وانت اترجعني لها
خالد : والله
اليازية و خالد : ههههههههههههـ
ويا عمر يلس وياهم لما سمعهم يظحكون
عمر : هااا شو عندكم
اليازية : ما شيء
عمر : يلا يلا قولوا شو عندكم ظحكتكم واصلة لأخر الصالة واتقولون ما شيء
خالد : عمووور قوم قوم اقلب ويهك
عمر : صفحة كم ؟
خالد : قام البزر ينكت
عمر : حووووو انا هب بزر
اليازية : لا حوووول اقول لكم شيء انا بسير اسولف ويا البنات وانتوا كملوا ضرابه
خالد : لا لا تعالي
اليازية : برايه خذوا راحتكم انا بسير عند البنات
خالد : والله ما سرتي تعالي بعدني ما كملة كلامي
اليازية : انزين ليش تحلف
خالد : ما ادري
اليازية : هههه ما اعرف شو اقوول ها يلسنا
خالد : توة جفتج طالعه برع
اليازية : منو انا
خالد : هيه
اليازية : هييييه ما شيء بس سرت اييب حق فهوود الفون ماله
خالد : اها
و دخل عليهم فهد سار يلس حذال اليازية
فهد : شو اها
خالد : ما شيء بس كنت اسالها ليش طلعة قبل اشوي برع
فهد : انزين
اليازية : انا بسير
و قامت و ما حست الا اييد فهد تمسكها و يلسها
اليازية : شو فيييييك
فهد : وين سايرة
اليازية : ما بسير مكان بس بيلس عند البنات
فهد : لا ما شيء سيرة اتميين وياي
اليازية : بس
فهد : لا بس ولا شيء
اليازية : انزين لز اشوي عني ما احب حد يقعد احذالي
فهد فهم ان ما تبغي حد يعرف انهم يحبون بعض فقام فهد و يلس في الكنبة الي احذال الكنبة الي يالسة عليها اليازية
خالد : انزيييين انا اترخص
اليازية : وييييين ساير
خالد : بسير ما اعرف وين
اليازية : انزين تم اشوي
خالد : لا مشغوول اشوي
اليازية : بلييييييز خللللللود تم
خالد : مشغول والله مشغول
اليازية : بليييز عشان خاطري
خالد : خلاص خلاص لا تترجين اوكي عشان خاطرج بخلي الشغل يولي
اليازية ابتسمت
اشوي التفتت على فهد و لاحظت ان الغيرة باينه فيه فحبة اتزيد اشوي
اليازية : خللللللود تبغي شيء
خالد : اممم ابغي شاي
اليازية : من عيوني انت بس آآمر
خالد : الله لا يحرمنا منج
اليازية : ومنك
سارت اليازية اتصب حق خالد الشاي ورجعت يلسة مكانها
اليازية : فهد شو تبغي
قام فهد من مكانه و ويهه متغير معصب و اتوجه للباب و طلع وقف عند السيارة و ركضت اليازية وراه و اول ما وصلت جافت عيونه محمره و ويه متغير
اليازية : فهد شو فيك
فهد : ......
اليازية : شو فيك
فهد : عقب هذا كله شو فيك
اليازية : ادري انك كنت اتشوفني بس ما فهمت شو يعني
فهد : ما فهمتي انزين يووم بتفهين تعالي رمسيني
اليازية : انزين شو فيك
فهد : ليش جي اتقولين حق خالد
اليازية : بس جي ليش ؟؟
فهد : اغآآآآآر بلييز لا تعذبيني
وبدة دموع عينه تنزل
اليازية تقطع قلبها على شكل فهد وجربة من وحطة ايدها على جتفه
اليازية : خلاص خلاص الله يخليك ما اتحمل اشوف دموعك انا الي اتعذب مب انت
فهد رفع راسه ويلس يحدق في عيونها
اليازية : شو فيك اتشوفني جذي
فهد : اوووووششششششش
و يلس يجوفها و يحدق في عيونها اليازية نزلت راسها بعدين حط ايده تحت عند رقبتها و رفع راسها
فهد : شكلج عذبني
اليازية وخرت ايده : انزين يلا تعال داخل
فهد : انتي تعالي اركبي وياي
اليازية : وين اركب
فهد : اركبي السيارة بوديج مكان واايد حلو
اليازية : لا مستحيل
فهد : بلييز يزوووي
اليازية : انزين اول شيء قول وين بنسير بعدين بقرر
فهد : البحر
اليازية : اممم استحي لا لا ما بسير
فهد : يلا عشان خاطري
اليازية : انزين بسير اعدل استايلي و برجع
فهد : لا تعالي انتي جي حلوة
ركبوا السيارة و اول ما وصلوا نزل فهد ويا اليازية عند البحر وتموا يتمشون و يلسوا على الرمل
اليازية : يا حلوو الجو
فهد : هيييه الجوو وايد حلو
اليازية : بس برد وانا المشكله ما يبة جاكيت
بطل فهد الجاكيته وقال : انزين هاج مسكي هذا الجاكيت دفي نفسج
اليازية : بس انت لابس قصير ما بتتحمل
فهد : لا ماعليج انتي لبسي انا عادي عندي
لبسة اليازية الجاكيت
فهد : ههههههههههههههههههههههههههههههههههههههه
اليازية : اووووووششش
فهد : ههههههههههههههه
ضربته اليازية على جتفه
اليازية : بلاك جي انفجرة علينا مرة وحده
فهد : شكلج يظحك و الجاكيت كبير عليج
اليازية بوزة : الجاكيت كبير و شكلي يظحك
قامت وبطلة الجاكيت وفرته و سارت لحقها فهد و مسكها من ايدها
فهد : فديت الي يزعلون بسرعه المشكله ما اروم على زعلهم انزين كيف اراضيهم
اليازية : خووز عني
فهد : يزووي اتمصخر انا
اليازية : عاادي انزين خووز عن دربي
فهد شدها من ايدها بقوة و دزته و قامت تبتعد عنه
فهد : شو فيج
اليازية بتهديد : فهد خووز عني ما فيني على المشاكل
فهد :انزين خلي عنج التهديد تعالي هني
اليازية : ما ابي
فهد : شو في عنادج يعجبني
جربة منه اشوي اليازية : هآآ شو تبا
فهد : اييوه جذي ابغيج
اليازية : خلص شو تبغي
فهد : احبج
اليازية : وبعدين
فهد : شو بعدين انا احبج
اليازية : والله انكم غصة يالريايل اي بنت عيبتكم اتعلقتوا فيها
فهد : !!!!!
وتحطم و يلس على الارض فجأه و سارت اليازية تيلس على الكراسي لانهم كانوا يالسين على الرمل و فهد لم جسمه خلى ريله مقابل صدره و يلس و دموعه تنزل مب متحمل كلام اليازية الي عقته و سارت عنه و حتى ما افتكرة فيه تمت يالسة اليازية و استغربة ان فهد ما قام من مكانه فحبة اتسير اول ما سارت جافته يصيح جربة منه و قعدة حذالة
اليازية : انت صدق زعلة
فهد : لاااا ناقع من الظحك
اليازية حطة راسها على جتف فهد و ايدها على ايده
اليازية : حبيبي لا تزعل
فهد استغرب من كلامها و لف بسرعه
فهد : شو قلتي
اليازبة : حبيبي لا تزعل
فهد مسك ايدها بقوة و باسها
فهد : اموووت عليج يزوووي كيف يهوون عليج اتصيحيني
اليازية : حبيبي لا تصيح انا ان جفت دمعه تنزل من عينك اندمر واحتظر
فهد : فديتج والله امووت فيج صدقيني
فجأه رن تلفون فهد سار فهد سكراه وتغيرة تعبيرات ويهه
اليازية : شو فيك ليش سكرت التلفون ليش ما رديت على الي متصل
فهد : هااااه لا بس لاني مالي نفس ارد ما ابغي اكلم حد و انا مستانس اخاف يعكر مزاجي
اليازية : ههههههه انزين يلا انسير لاني ابغي امر المطعم ابغي اطلب لي عشاء
فهد : يلا انزين
وهم على الطريج سايرين السيارة اليازية ظربها فضول تبغي اتعرف منو الي اتصل و خله ويه فهد بتنكر كانت اتدور على خطة عشان اتعرف ويت على بالها فكره
وصلوا عند المطعم
فهد : انا بنزل اطلب شو تبغين
اليازية : امممـ اي شيء
فهد : شو اي شيء
اليازية : برجر
فهد: اوك
نزل فهد و نسى تلفونه في السيارة لانه دائما اذا نزل اماكن يعني بسرعه ويرجع ما يشل العده يخلي في السيارة فـ استغلت اليازية الفرصه و فتحت الفون و سارة صوب المكالمات المستلمه و لقت الرقم و خذة آخر رقم وصل له و رجعة سكرة التلفون بسرعه و رجعته مكانه و حفظته في فونها طلبوا وجذي و عقب رجعوا البيت
اليازية : مشكوور ما تقصر
فهد : فديتج انا تحت امرج
اليازية : ليش ما بتنزل ؟
فهد : لا مشغول بسير عند واحد من الربع
اليازية : انزين يلا بحفظ الله
دخلت البيت و سارة على طول غرفتها بدلة ملابسها وجي خذة تلفونها ودقة على الرقم الي خذته من فون فهد دقة اول مرة كان مشغوول و رجعت دقة مره ثانية بعد مشغول عقب نص ساعه ردة تتصل كان مغلق بعدين عشر دقايق رن و ردة
*** : الووو
اليازية : الووو
*** : منوو؟
اليازية : انا حبيت اتعرف عليج انتي منو
*** : انا شهد انتي منو ؟
اليازية : اها انتي شهد انزين شهد انتي اتعرفين واحد اسمه فهد ؟
شهد : هي اعرفه زيين ما زيين
اليازية : انزين شوا تعرفين عنه ؟
شهد : كل شيء انتي منووو؟
اليازية : انزين شهد انتي شو تصيرين له ؟
شهد : انتي منو اولا ؟
اليازية : جاوبي على سؤالي اول شيء
شهد : ما اصير له شيء بس حبيبته انزين يلا قولي انتي منو ؟
اليازية : انتي حبيبته !!
شهد : هيه حبيبته
اليازية : انزين انا من ساعه كنت ادق ليش ما تردين
شهد : كنت اكلمه
اليازية : اها و ليش كان مغلق تلفونج
شهد : ايييييييه اجووف اسالتج زادة انا ما بجاوب على اي سؤال اول شيء قولي انتي منو ؟
اليازية : انا وحده
شهد : ادري انج وحده انزين لكن شوا سمج
اليازية : اسمي ليلى
شهد : انزين ليلى شو تبغين مني بالضبط
اليازية : جاوبي على سؤالي و بعدين بقول لج الموضوع كله
شهد : قبل اشوي كان تلفوني مغلق لان فهد كان وياي وهو طلب مني ان اسكر فوني
اليازية : وياج !! وييين
شهد : شقتي لاااه
اليازية : اهاااا
شهد : انزين يلا قولي شو السالفه
اليازية : لا ماشيء بس حبيت اعرف انتي منو
شهد : انا حبيبة فهد الي انتي اتعرفينه
اليازية : انزين انزين يلا باي
وسكرة في ويهها ودقة على فهد
فهد : الوووو بالقمر
اليازية : انزين انزين وين كنت قبل اشوي
فهد : حياتي كنت عند واحد من الربع
اليازية : شو اسمه
فهد : و انتي شو تبين في اسمه
اليازية : لا ماشيء بس ياني فضول
فهد : اسمه علي
اليازية : اها يعني كنت عند اربيعك
فهد : يييس انزين حبيبتي تبغين شيء
اليازية : تدري انك ما بتعترف
فهد : شو ما بعترف
اليازية : بعد تبغي اتعرف يلا يلا بااي
وسكرة على ويهه
فهد رجع يتصل ويحاول بس ما كانت ترد عليه
اليازية : صح يوم قلت انك ما بتعترف والله كنت عارفه ان ورا هذي الاشكال مصايب اذا هو يحبها ليش يحبني انا بعد و شو بعد يسير عندها الشقة امحححق اووووف الحين شو اسوي امممممممـ انا بوقفه عند حده وبقوله اني ما احبه انا براويك يا فهوود على بالك نحن البنات لعبه في ايدك في اليوم الثاني قامت اليازية و خذت شور سريع ونزلة عشان تتريق
في بيت جمال فهد كان قايم من النوم و نزل تحت وكان مزاجه متعكر من كلام اليازية الي عقته امس و سكرة التلفون على ويهه سلم على امه وابوه يلس يتريق
حمد : فهوود بلاك اليوم
فهد بدون نفس : مافيني شيء
سار حمد يلس حذال فهد و قال : فهوود تدري شو الي ناقص على الريوق
فهد : شوو !!
حمد : سوالفك و ظحكاتك اتقول جنه بريكات باص خربان
الكل : ههههههههههههههههههههههههههههههههههـ
قام فهد من الريوق وكان معصب
حمد : ياخوي انا اتمضخر تعال ايلس كمل اكل بلا دلع
فهد : انسدة نفسي
حمد : انسدة نفسك ليكون مني انا
فهد : في حد غيرك
حمد : افا ما هقيتها منك يا اخوي
فهد :خوز عن دربي بسير الغرفة ببدل بطلع اغير جو
حمد : بسير وياك
فهد : سؤال بس سؤال
حمد : شو
فهد : انت عندك سيارة ولا لا
حمد : هيه عندي
فهد : انزين يلا خوز عن دربي
حمد : انزين بس حراام اطلع ويا اخوي
فهد : لا مب حرام بس انا بسير مشوار روحي
حمد : انزين انا ابغي اسير وياك
فهد : انزين انزين اووف سير البس فكني
حمد : دام هذا ردك هونت ما بسير
فهد : يكوون احسن
حمد : مشكور يا اخوي
فهد : العفو
سار فهد غير ملابس وجي و ركب السيارة و شكله جنان والي يزيد من حلاة النظارة العذاب الي لابسنها اتصل فهد حق اليازية عسسب بيمر بيتهم
اليازية : نعم بغيت شيء
فهد : وين السلام
اليازية : السلام عليكم بيغت شيء
فهد : وعليكم السلام .. بمر بيتكم
اليازية : انزين تعال
فهد : انتي شو فيج ؟
اليازية : تبغي بعد شيء ثاني
فهد : سلامتج انزين شو فيج ؟
اليازية : دام ما تبغي شيء يلا باي
فهد : اليازية اليازية
اليازية : نعم
فهد : صبري
اليازية : صبرنا نعم بغيتي شيء
فهد : شو فيج
اليازية : ما فيني شيء يلا باي
وسكرة في ويهه .. اول ما وصل فهد عندهم يلس في الصالة و كان يتريا اليازية تنزل اتقول احم اتمر على الاقل اتقول شيء
فهد : مريوم و ين اختج اليازية ما شفتها ؟
مريم : ما ادريبها اعتقد انا ميلسه فوق
فهد : سيري ازقريها
مريم : سير روحك
فهد : انتي شو اتخبلتي وين انا اسير فوق
مريم : سير عادي بتشوفها يالسة في الصاله ويا لابها يعله يحترق او بنقع قول اميين
فهد : هههههـ
مريم : !!
فهد : انزين يعني عادي اسير
مريم : ما تبغي اتسير برايك انا بسير المطبخ
فهد : انزين خلاص بسير
سار فهد فوق عند اليازية



>>>>> شوووو تتقوعوون بيصيير وياهم !! <<<<<

همسات وردة ©؛°¨غرامي فضي¨°؛©

السلام عليكم ورحمة الله


http://forums.graaam.com/458176.html


ياليت تطلعي على هالموضوع اكيد بيفيدك


http://forums.graaam.com/420685.html


بالتوفيق ان شاء الله

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1