منتديات غرام روايات غرام أرشيف الروايات المغلقة - لعدم إكتمالها البرد ماهو رجفة يدين وعظام البرد برد الروح لا غاب غاليها / الكاتبة : هزتني الذكرى
رهينة ذكرياتي ©؛°¨غرامي مشارك¨°؛©

دخلت وبعد معاناة ، قبلوهآ
مشت مع بنت اسمها جيسيكآ ، تستقبل الزبائن وتوصلهم لمقاعدهم ..
و وقفت عند المرايا ، مدت يدها بتردد وشالت الحجاب من على راسها ودخلته بالدولاب اللي فيه ملابس النادلات
ولبست لبس النادلات المخصص
تنورة سوداء ضيقه قصيرة لتحت الركبه ، وكعب اسود مع بلوزه اكمام بيضاء رسميه وفيونكه سودا عالرقبه
عطتها جيسيكا دفتر وقلم عشان تسجل طلبات الزبائن !
غمزت جيسيكا لـ مدى وهي تقول بابتسامة : تبدين جميلة عزيزتي
مدى بابتسامة : شكراً
وبدأت العمل ، في اول يوم لهآ

..

ابو نواف : يلااا قوووم
نواف بنعاس : يبه بعدييين
تقدم ابو نواف وسحب اللحاف من على ولده وهو يقول : ما فيه بعدين يلا قوم اشوف
نواف يقلب للجهة الثانية : يا يبه يا حبيبي ربع ساعه بس ..
لف ابو نواف وشاف كآس مويه مغطي ، شال الغطا وكبّ المويه على ولده
شهق نواف وقام بسرعه وهو يقول : لاااا ششعري ، اقصد سريييري ، خلاص بقووم بقوووم
طلع ابو نواف وهو يضحك واتجه لغرفة مشاري وشاف ابو مشاري يحآول بولده يقوم وهذآك " No talking " > لآ كلآم
ابو نواف : ما بينفع معهم الا كاس مويه
مسك ابو مشاري كاس المويه وكباها على ولده
قام مشاري وطالع بوجه ابوه وقال : عيب يا يبه انا ولدك تسوي فيني كذا ؟!
ورجع نام
ابو مشاري بطفش : بيجنني هالولد بيجننــي !
ابو نواف فتح الستاير وطفى التكييف وشال اللحاف ورماه ع الارض ،
راح جاب ثلج وحطه بآلمويه ليين ذآب ، وكباه على مشاري اللي اول ما حس ببرودة المويه نقز من السرير وهو يرتجف
مشاري : خلاص بقووم والله بقوم خلااااص
وسحب المنشفة و راح لدورة المياه وانتوا بكرامه وهو يقول : شهالأهل هذوول ، ما يقدر الوااحد ينام براحته اووف
طلعوا ابو نواف وابو مشاري وهم يضحكون ..
ليين قاموا كل الشباب

سعد يتثاوب : انا واحد اخر مرة اجي معكم ، ياخي توهم امس شايفيني واليوم يجلسوني بمويه باردة !
خالد حط راسه على المخدة وقال وهو يحاول يفتح عينه : وانا واحد رجلي على رجلك ما بتجي ما اجي
تركي نشيط : هههههههههههههآي ، ما شفتوا شي ! المرة الجايه انا معهم
فيصل نقز : لا مرة جايه ولا بعدهآ .. مآ بجي اصلاً خلاص تووبه
سامر وماهر منسدحين عـ الأرض وراحوا بسآبع نومه
راكان يناظرهم : والله محد فآلها غير هذول ، لو يكبّون عليهم نآر مآ يقعدون
نواف قام : انا بقوم اغسل وجهي للمرة المليون عشان يطير النعآس
مشاري منسدح عالكنب : تكفى خذني معك ..
نواف ينآظره بنص عين : نام نام الله يهديك ، انا داري انك ما نمت الا متأخر ، مدري وين طآلع بنص الليل !
مشاري فتح عينه وطآر النعآس : آيش ؟
نواف : هههههههههههه ، شفيك اخترعت .. حسيت بك لما دخلت الغرفه مدري ايش سرقت وطلعت ..
مشاري ارتبك : هاه ، آيوآ آيوآ ..
وقآم راح يغسل وجهه
ناصر : شفيه هذا ؟
محمد : علمي علمك ،
ناصر ناظره : لآ يالحبيب غلطت ، انا داخل ادبي
محمد ينآظره : تلعب على مين انت ؟ ، نسيت اني معآك بنفس الصف
ناصر يحك راسه بهباله : آوه صح نسيت
الشباب : ههههههههههههههههههههه

____
الشباب لابسين :
نواف : https://www.jbkkick2001.com/M/M8923.jpg
مشاري : https://www.jbkkick2001.com/M/M8924.jpg
تركي : https://www.jbkkick2002.com/M/M10046.jpg
راكان : https://www.jbkkick2002.com/M/M10116.jpg
محمد : https://www.jbkkick2002.com/M/M10118.jpg
خالد : https://www.jbkkick2002.com/M/M10042.jpg
ناصر : https://imagecache.te3p.com/imgcache/...1e1a16bd0d.jpg
فيصل : https://imagecache.te3p.com/imgcache/...7ae085a148.jpg
ماهر وماهر : https://imagecache.te3p.com/imgcache/...eea61d1a68.jpg
سعد : https://imagecache.te3p.com/imgcache/...7f6bb46bf6.jpg

..

البنات ما قاموا الا الساعه 12 ،
ونزلوا وكل وحدة تضرب الثانيه وموب شايفين قدامهم شي > مدلّعين خخ
وكانوا لآبسين :
رنا : https://forum.mn66.com/imgcache/2/294896women.jpg
شوق : https://www.cooolgirls.com/uploaded/6...1329670466.png
غادة : https://www.cooolgirls.com/uploaded/6...1329671295.png
دانة : https://www.m5zn.com/uploads2/2012/2/...9xm0r1fd8h.png
عذاري : https://www.m5zn.com/uploads2/2012/2/...60j146x1ro.png
هنادي : https://www.m5zn.com/uploads2/2012/2/...h25k7jlhbl.png
ليان : https://forum.mn66.com/imgcache/2/294881women.jpg
رغد : https://forum.mn66.com/imgcache/2/294888women.jpg
لانا : https://forum.mn66.com/imgcache/2/294...en.jpgimgcache
رنيم : https://forum.mn66.com/imgcache/2/294894women.jpg

ام راكان : صح النوووم ..
ام نواف : كان ما جلستوا بعد !
هنادي : انتوا ما جلستونا ايش نسوي مثلاً
ام مشاري شهقت : ايش ايش ايش ، ما جلسناهم قالت
أم سامر : مدري مين اللي طفى التكييفآت ، الظاهر جدي !
غادة بنعآس : الله يرحمه ويسكنه فسيح جنآته
ام سامر شهقت : غادووه ، لآ تدعين على ابوي
غادة فتحت عينهآ وطآر النعآس : آيش ؟ ، ايش قلت انا ؟ .. آستغفر الله اسحب كلامي
الحريم : ههههههههههه
أم نواف : تعالوا افطروا
البنات كل وحدة سوت لحآلهآ سندويش جبن ومشوا وهم مطنشين
أم راكان : هذول ما يستحون
أم مشاري : تفكرينهم مثلنا بالأول لو يضربونا بحديد من نآر ما تكلما
ام سامر : آيييه وآلله بنآت هالزمن مآ يستحون ابد
ام نواف : الله يهديهم
الحريم : آميين

_______________________


انتهـــى البـــــآرت

رهينة ذكرياتي ©؛°¨غرامي مشارك¨°؛©

_ الـــفـــصـــل الــخـــآمـــس _

أيّ حُبّ ذلكَ الّذِي يَجعلنـإ ..
نبكيُ غيرههَ ؟!
..
عـ السآعه 10 الليل ..
انتهت من عملهآ ، جلست عالكرسي بتعب بعدما خلصت تنظيف الطاولات والارضيه
وجلست بجنبهآ جيسيكآ !
مدى بقلق : أين سوف أنام ؟ ، لآ يوجد مكآن أذهب إليه ..
جيسيكآ بابتسامه : ألم أقل لكِ مسبقاً أن في الأعلى شققا للموظفين اللذين مثلنآ ؟
مدى بفرح ( الححمدلله ) : وهل ندفع الإيجآر ؟
جيسيكا : بالطبع ، تسلمينهم 400 شهرياً
استغربت مدى ، 400 بس ! .. ورآتبهآ الشهري 7000 ، غريبه !
ركبت مدى مع جيسيكا اللي وصلتهآ لشقتها وعطتها المفتآح
اخذت مدى المفتاح وراحت لشقتها رقم " 23 " ، فتحت الباب ودخلت .. وفتحت عينهآ عالاخر
وهي تشوف الشقه كلمة زبآله قليلة بحقهآ ، وغير كذا ألوانها الكئيبه ، كأنها ناقصه كئابه يعني !!
تنهدت وراحت تجيب اغراض التنظيف ، وبدأت تنظف الغرفه اللي بتنام فيها
وتغسل اللحاف والمخده وتعدل الشقه ،
انتهت عـ الساعه 12 ونص الليل ، ناظرت الساعه وهي تقول : دوآمي يبدأ 7 الصباح .. الحمدلله يمدي انام !
انسدحت عالسرير بتعب ونآمت
..
شوق : بنات شرايكم اليوم نطلع ؟
ليان : وين نروح ؟
شوق : اممم ، مجمع .. آلبحر .. آي مكآن
رنآ : سوآقج اللي بيودينا ؟
شوق فتحت عينهآ : الا سوآقي لآ تقربون جنبه ، الشباب ايش وظيفتهم ؟
عذاري : هاهاهاهاهاها .. ومرة واثقه انهم بيطلعونآ ؟
شوق غمزت : آكييد ، إذا دروا انو رايحين مجمع او بحر طييرآن
البنات : ههههههههههه
غادة : عشآن المغآزل
شوق : هههههههههههههه ، بآلضضضبط
لانا : خلاص اجل دامنا خلصنآ فطور وحدة منكم تكلم الشباب
البنات ناظروا بعض : نو وي يرضون
لانا بحماس : خلاص اجل اخخوي يقنعهم ..
تحمسوا البنات
رنيم : يلا اتصلي
لانا بخيبة : ما بيرضى انا ، وحدة منكم تكلمه !
البنات الا عذاري : مو انــآ
طالعوا البنات بعذاري وابتسموا بقووووه
عذاري انتبهت : بسم الله ، شـ صآير ؟
رنا تقدمت : عذاري انا احبج
دانة تقدمت : وانا اعششقج
غادة : انا اموت فيج
شوق : انا اتنفسسسسج
عذاري عقدت حواجبها : يا ساتر ، وانا احبكم .. بس ايش صاير ؟
البنات : بتكلمين راكان عشان يطلعنا ويقنع الشباب صصح ؟
عذاري فتحت عينهآ عـ الآخير : ايشششش ؟ لااا مسسسستحيل لو تدفعوون لي مليييون رييييييآل
هنادي : لا تصيرين نحيسه
رغد : احنا بنات اعمامج وعمتج ونعتبر خواتج لا ترديينآ
عذاري بتردد : بسس
لانا طالعتها بدموع التمآسيح ..
عذاري باستسلام : جيبي موبآيلك
البنات صارخوا بفرح ، ولانا نقزت لموبآيلهآ وعطته عذاري
عذاري تدور بالارقام : ايش اسم اخوج عندج ؟
لانا : شموخ دنيتي
اتصلت عذاري بتردد ، وانتظرت يرد
..
رن جوآله ، وطآلع الاسم " دلوعتي "
استغرب ليه متصله !
رفعه وبصوته اللي فيه بحه خفيفه : آلوو
عذاري بتردد : آ .. آلوو
استغرب زياده ، هذا موب صوت اخته
راكان : مين انتي ؟
عذاري : انا عـ.. عذاري !
بلع ريقه وقلبه بدأ يدق بقووه ، هذي حبه .. تمآلك نفسه
راكان بابتسامة : هلا والله ، كيفج عذاري ؟
عذاري : الحمدلله تمام وانت ؟
راكان قام وطلع برا المجلس وقال : دوم ان شاء الله ، الحمدلله
عذاري بحياء : راكان طلبتك يا ولد العم لا تردني
راكان بابتسامة : ما عاش من يردج يا بنت العم
عذاري : تكفى اقنع الشباب يطلعونا نروح مجمع ، نبي نشتري اغراض وكذا
راكان : اوكي ولا يهمج ، قوموا البسوا عباياتكم وخمس دقايق واطلعوا
عذاري فرحت : مششكور ..
وسكرت بوجهه
طالع الجوال وضحك ، ومسح ابتسامته بسرعه ودخل المجلس وبصرامه : يلا كل واحد يمسك مفتاح سيارته بنطلع البنات
الشباب : ايـــش ؟
نواف : مجنون انت ؟
سامر وماهر اللي توهم جآلسين : تستهبــل ؟ ، لالالالا قوول انك تستهبل
مشاري : هيه ابو الشباب ، تدري ايش يعني نطلع البنات ؟ ، يعني ازعاج يعني مرضض يعني غيبوووبه
تركي قام وركض برا : انا رايح عندي مشوار
راكان طالع الباقين وبصرامه : البنات ما يطلعون الا نادراً محد يطلعهم ، بسرعه قوموا شغلوا سياراتكم ويا ويييل واحد اشوفه هارب
قاموا الشباب باستسلام وشغلوا سياراتهم
خمس دقايق وطلعوا البنات بسرعه !
..
رنّ المنبه عـ الساعة 6 ونص ،
مدّت يدها بـ كسل وطفته ، نآظرت الساعه وهي مغمضه عين ومفتحه الثآنيه
جلست عـ السرير وهي تتثآوب ، قآمت بصعوبه واتجهت لدورة المياه ( وانتم بكرآمه )
غسلت وجهها وآسنآنها واخذت شآور سريع ..
جففت شعرهآ بـ آلمنشفة ، ولبست آلزي آلمخصص للعاملات ، نآظرت الساعة ولقتهآ 6:50
بقى عشر دقآيق ويفتحون .. لبست جزمتها " وانتم بكرآمه "
وطلعت من شقتها بسرعة ، قفلتها وحطت المفتآح بـ جيبهآ ، نزلت للطآبق الاول ، آخذت منشفة وبدأت تنظف الطاولات بسرعة
وتنظف الآرضية ، خلصت بسرعة قصوى ونآظرت المكآن برضى !
حطت المنشفة بمكانها ورآحت تقلب اللوحة اللي معلقة على الباب إلى ( Open ) ..
تدريجياً بدأوا الموظفين بـ المطعم يشتغلون ، اللي ينظف واللي يوصل الطلبات للطاولات ، جيسيكا ومدى يآخذون الطلبات
وقفت مدى عند طآولة بآين عليها طآولة اثريآء ، وابتسمت لهم
مدى : ماذا تريدون ؟
نآظرهآ واحد كان جالس بآلوسط ، على اليمين بنت وعلى اليسار وآحد من آصحآبه ، ابتسم لهآ وبعدها لف على البنت وقال : شنو تبين عمري ؟
قالت بغنج : آمم ، آبي آي شي على ذوقك سعّوديَ !
طآلعتهم مدى باستغراب ، شكل الرجآل مآ يوحي آنه عربي آبداً ، يمكن فيه عرق آجنبي
آلتفت سعود لمدى وقآل ( بالانجليزي ) لأنه يظنها آجنبيه من شكلهآ : فطآئر محشوة بآلجبن وزيتون ، وهآتي كأسين من عصير الليمون
كتبت مدى الطلب بسرعة والتفتت لـ الشاب اللي جآلس على يسار سعود ، وتكلمت بـ العربي
مدى : شنو تبي ؟
طالعوها ثلاثتهم باستغراب ، عربيه ..
سعود نآظر صآحبه وبهمس : نادروه ، الحين هذي عربيه ولا آجنبيه وتعرف تتكلم عربي ؟
نادر بنفس الهمس : والله مدري ، شكلهآ يوحي انها اجنبيه .. يمكن فيها عرق آجنبي
سعود : يلا يلا قول لها طلبك لا تفشلنا
ناظرها نادر وابتسم وهو يقول : توست بالجبن وزيتون ، وبيض مع عصير برتقآل
كتبت مدى الطلب وابتسمت لهم وقالت : إن شاء الله ما يتأخر ..
ولفت عنهم ، شقت الورقه وحطتها على الطآولة ، وسحب الموظف الورقة و وداها للطبآخين
رآحت للطآولة الثآنية ، واخذت طلبآتهم .. ابتسمت لما سمعت منهم كلام المدح والاعجاب في شكلهآ وملآمحهآ الناعمه
شكرتهم ولفت عشان تودي الطلب ، انتبهت لـ سعود يطآلعهآ بـ نظرآت
وحبيبته تكلمه وهو موب منتبه .. طآلعته بـ استغراب !
طنشته ورآحت تعطيهم الطلب وتكمل شغلهآ
..
رآحوآ للظهرآن مول ،
دخلوا وبعدهآ انقسموآ لمجموعآت ..
آلشبآب على طول رآحوآ الكوفي ، مآ عدى شلة مشآري ونوآف يدورون بآلمجمع !
آما البنآت ، غآدة + شوق + دآنة = مع بعض
رنآ + ليآن + رغد + رنيم = مع بعض ، عذآري + هنآدي + لآنا = مع بعض
( عند الثلاثي المرح )
دانة : شوووق ، شوفي شوفي هذآ خوقآآق
غادة : استغفر الله وانتي ما بتتوبين
شوق ودانة طالعوهآ بصدمه
شوق : عيدي عيدي مآ سمعت ، انا حاسة السمع عندي عدم هالايام
دانة بصدمه : قالت ايش ، قالت وانتي ما بتتوبين
شوق طالعت دانة : تفكرين باللي افكر فيه ؟
دانة طالعت شوق : ايش تفكرين فيه ؟
شوق : يمكن سكنهآ جني بسم الله الرحمن الرحيم
دانة بخوف : يمآآآه ، تتوقعيييين ؟
شوق : اجل شفيهآ صآيره مطـ....
قآطعت غادة شوق وهي تقول لهم ومطيرة عيونهآ في وآحد : يمآآآآآه ، امسكونــي سوف اذووب
دانة وشوق طالعوا فيها وضحكوا ، هزت شوق راسها وهي تقول : استغفر الله ، هذي تتوب ؟

( عند عذاري + هنآدي + لآنا )
لآنا : هنوو ، هذا الكريم حلوو وينآسب بشرتج
هنادي تمسك الكريم : متأكده ؟
لآنا : آييوآ ،
عذآري تمسك زيت للشعر وتوقف شوي ، وترجع تآخذ علبتين ثآنيين وتحطهم بآلسله
وتوقف جنب لانا وهي تقول : لآنآ ، ايش الكريم اللي ينآسب بشرتي ؟؟
وقفت لانا وهي تفكر ، وأشرت على ثلاثة كريمآت وهي تقول : هذول ينآسبون بشرتج ، اختاري وآحد منهم
عذآري نآظرتهآ : افضل نوعيه ايش هي ؟
سحبت لانا واحد واعطته عذاري وهي تقول : هذا
اخذت عذاري علبتين منه ورآحت تحآسب و ورآهآ هنآدي ولآنآ
وطلعوا من المحل
لانا : نروح هذآك المحل ؟
هنآدي نآظرته : ندخل نشتري اكسسوارات اول شي ، وبعدهآ نروح له
دخلوا محل الاكسسوارات واتجهت عذآري للقلايد اللي فيهآ حروف
وقفت عند قلاده على شكل قلب آحمر وحوآفه بآلذهبي مقسوم نصين النص الاول مكتوب عليه حرفهآ والنص الثآني مكتوب عليه حرف الـ r
ابتسمت وقلبهآ يدق بقوه ، آخذت القلاده وحطتهآ بالسله الصغيره اللي اول مآ دخلت اخذتها
تعشق شي اسمه اكسسوارات ، لآزم ما تطلع الا وهي موب مخليه بخآطرهآ شي ، وآكثر وحده تطول بمحلات الاكسسوارات هي
سحبت قلآدتين بحرف الـ r ، وقلآدتين بحرفهآ ..
و وقفت عند الاساور
جو لهآ هنآدي ولآنآ
هنادي : ما خلصتي
عذاري وهي مندمجه بالاساور : لآ ،
لانا : بسرعه عشان نروح نشتري ملآبس كمآن
عذاري : روحوا انتم ، بعدمآ آخلص بجي لكم
هنادي ولانا : آوكييه
وطلعوا

( عند رنا + ليآن + رغد + رنيم )
ليآن : رنوو ، هذي التنوره تنآسبج ..
رنآ : امم ، بس اللون مكرر عندي كثير ، آبي زرقآ
وقفت ليآن وهي تدور نفس الموديل باللون الازرق
ورغد ورنيم بالجهة اللي جنبهم
رنيم : هذي البلوزه حلوه
رغد : لالا عندي وحده مثلهآ
رنيم تسحب وحدة ثانيه : وهذي ؟
رغد : امم ، لآ مآبيها
طالعتها رنيم وبقهر : انتي ما يعجبج شي ابد ، بشتريها لي
واخذتها ومشت عن رغد وهي مقهوره
ضحكت رغد وسحبت نفس البلوزه اللي اخذتها رنيم وراحت بسرعه جنبها وهي تقول : ولآ تزعلين يالدوبه ، شريت مثلج

..
( عند عذاري )
طلعت من المحل وهي مبسوطه ، كالعاده بعدما تطلع من محلات الاكسسوارات
مشت وجذبهآ فستآن آسود قصير لفوق الركبه بشوي ، بدون آكمآم ضيق من عند الصدر ومن تحت الخصر يبدأ يتوسع
وطبقات من تحت ،
حست بأحد بجنبها ويقول : بيطلع حلو عليج !
لفت بسرعه وشآفته ، دق قلبهآ بقووه وتوردت خدودهآ ،
عذاري بارتباك وحياء : ر .. راكان ، ايش اللي جآبك هنآ ؟!
لف عليها وهو مبتسم : مدري والله ، شفتج بروحج وما طآوعني قلبي اخليج .. تدرين يعني مو حلو اخليج بروحج والشباب يملون المكان
ورجع لف عالفستان وهو يقول : عاجبج ؟
عذاري باستفسار : ايش هو ؟
راكان : الفستان ؟!
عذاري لفت عالفستان وقالت : امم ، حلوو
دخل راكان المحل ، دخلت بعده على طول وهي تقول بداخلها : هالمجنون شـ بيسوي !!
شهقت وهي تشوفه ياخذ الفستان ويروح يحآسب بسرعه بعدما انتبه لها
عطى اللي يبيع الفلوس وآخذ الكيس ومده لعذاري وهو مبتسم
اخذت عذاري الكيس و وجههآ صار احمر وقالت : ليه كلفت على حآلك
راكان : ههه ، لآ كلآفه ولآ شي ،
عذاري بحياء : مشكور
طلعوا من المحل و وقف راكان وهو يقول بجديه وتوتر : عذاري
طلع قلبها ، كآن ودها تمشي تدور عليه > برآ خخخ
عذاري : هلا ..
ناظرها راكان : لو اخطبج توافقين !؟
طلعت عيونهآ ، ييمآه ، ارتبكت وما عرفت ايش تقول
راكان نآظرهآ : عذاري ، انا احبج وابيج بالحلال ، اذا انتي موافقه قولي وريحيني عشان اول ما نرجع افاتح ابوي بالموضوع !

_________________________



انتهــى البـــــارت ^^



أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1