غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-03-2012, 08:15 PM
صورة بنت تبوك. الرمزية
بنت تبوك. بنت تبوك. غير متصل
©؛°¨غرامي مشارك¨°؛©
 
Upload004d4df318 رواية : أحلام مجتمع / كامله


الســـــلام عليــــــكم

هـذي روايــه انشــــاء اللـه تعجبكم وابــــي رايــــكم فيـها
لان رايـكم هـو اللى يخليـني استمـــرررر
اخليكــــــم مـع القـصه ( اللــهم انـي اسألك خيـرها واعـوذ بـك مـن شرهـا )
هههههههه

--------------------------------------------------------------------
الجـزء الاول
ام فهد وهي جايه من بعيد : ان لله يابنت ارحمي نفسك شوي من ذا الكمبيوتر 24 ساعه عليه
وجدان وهي تناظر الشاشه : يمااااااا اصبري شوي
ام فهدوهي تسمع صوت زوجها : هه هذا ابوك جا بخليه هو اللى يأدبك
وجدان وهي قايمه تركض ابو فهد يناديها : وجدااااااااااااااااااان وين قايمه ... ولا عشاني جيت
وجدان : هلا يباا لا شدعوا ( وتسلم على ابوها وتحب راسه ) تقول بخاطرها ( ياربي بعد علي حركه مثل وجهي )
ابو فهد : هلا .. وانتي ولدك في حضنك طول الوقت .. الله يكون بعونه بس ( يقصد لاب توب )
وجدان : هههههههه
ابو فهد: المهم يالله تعالي تغدي بس
وجدان وهي رايحه لغرفتها: ان شاء الله يباا

وجدان بنت عمرها 22 سنه 24 ساعه على النت قلبها ابيض وحبوبه مملوحه مرررررره وملامح وجهها بريئه وناعمه .............

نجود وهي مستغربه : شعووول شفيييييييييك ؟؟
مشعل بحزن وبصوته الناعم : ابوووووووووك هذا .. وانا اسلم عليه رمى علي كلام الله لا يوريك
نجود : يعني مستغربه ابوي كذا دايم
مشعل بشرهه : بس معاي اناااا بس انتم لاااا ليش ؟ ماني بنته .. او علي قولته ولده ( يقولها بستخفاف )

نجود: يعني ما تعرفين ابوي مو عاجبه الوضع اللى انتي فيه يبيك رجااال هههههههههههههه
مشعل: لا تضحكين مالت عليك يا الدبااااا
نجود: طيب يالله تعالي تغدي معنا ولا تشيل هم يا حلووو عفوا اقصد لا تشيلين هم يا حلوه
مشعل يناظرها بنص عين وقال: ماراح اجي بروح انام عندي موعد المغرب
نجود: بطقاق( وراحت تتغدى مع اهلها )

مشعل عمره 17 معتبر نفسه بنت وتصرفاته تصرفات بنات ويزعل اذا احد كلمه على اساس ولد وابوه مو راضي على حال ولده ويبيه رجاااااااال واخواته مبسوطين عليه بس يتريقون ......

نجود عمرها 19 بثالث ثانوي قريبه من اختها وجدان لان فارق السن اللى بينهم مو كبير مره ملامح وجهها حاده طويله اطول من اختها وجدان ........
وهم جالسين على الغداء ....
ام فهد: الا يا ابو فهد ما كلمك فهد ؟؟
ابو فهد وعيونه بصحنه : لا والله ما كلمني بس هو قال انه بيرجع بعد 5 شهور
وجدان: والله من زماااااااااااااان عن فهد له فقده بشكل
ام فهد: أي والله والله انك صادقه يا وجدان فقدناه ( وهي تتنهد) الله يرجعه بسلامه
الكل : آميـــــــــــــن

--------------------------
في بيت ابو نواف اخو ابو فهد
نواف وهو بقمه عصبيته : اناااااااا قلت لا يعني لا يا سويره ما تفهميييين
ساره خايفه ومقهووره من اخوها: وانت وش دخلك فيني انا كنت اكلم ابوي انت ليش تتدخل
نواف وهو يناظرها : تفهمين عربي انتي..
ساره واللى كانت شوي وتصيح
نواف يكمل كلامه بعصبيه: بعدين تعالي هنا وش مالي دخل انا لي دخل غصب عنك رضيتي ولا ما رضيتي
ابو نواف: تعوذوا من ابليس يا عيال شفيكم انتم اخوان

ساره والدموع بعيونها: وانت ما تشوفه يبا يدخل فيني كانه هو ابوي مو انت
نواف: بدخل وبد خل عندك شي
ساره: اذا كنت ولي امري تعال تكلم ( تقول الكلام وهي مييييييييييييييييييييته خوف من اخوها)
نواف وهو قايم بيطقها: انتي ما ينفع معك الا العين الحمراء والعقال
ابو نواف وهو يمسك ولده: اجلس يا نواف واذكر الله ( يناظر ساره) خلاص يا ساره انا واخوك قلنا لا يعني لا
ساره وهي تصيح: ليييييييييش والله حرام كل الناس والبنات عندهم جوالات ليش انا لا وش ناقصني

نواف: ايه تبين تصيعين بالجوااااااال قلنا لا يعني لا
ساره وهي تناظره بطرف عين وقهر

ابو نواف بعصبيه : نواااف وش هالكلام عيب عليك تقول عن اختك كذا
نواف: السموحه يبا بس بنتك رفعت ضغطي
ابو نواف: حنا قلنا لا يا ساره لا تحاولين تقنعينا لانك ماراح تستفيدين شي
ساره راحت غرفتها ودموها تنزل على خدها ومو راضيه توقف ليش الظلم .. يعني خايفين علي .. أي انشاء الله هم اصلا ما فكروا فيني .. بس يبون يقهروني ويحسسوني بالنقص .. ورمت نفسها على السرير وحقدت على اهلها وجلست تصييييح لحد ما نامت

نواف الولد الكبير لأبو نواف متزوج من سنتين وزوجته ما جابت له عيال عمره 26 معقد مره ومتحكم بأخته ..........
ساره البنت الوحيده لأبو نواف مكبوت عليها وتحس بالنقص والكبت اللى تعيشه من اهلها كانت تحس بالظلم دايم وان اهلها ما يحبونها ..... كان فيها غرور طبعا من النقص ........
-------------------------
في بيت ابو فهد بعد صلاه المغرب
مشعل: وجدان يالله عااااااااااااااد بلا ثقاله دم اكحلي عيوني يرضيك اطلع وعيوني كذا مافيها شي
وجدان وهي ميته ضحك: من جدك انت هههههههههههههههههههههههههههههههه
مشعل بعصبيه ونعومه: وجدااااااااان انا كم مره قلت لك كيف تكلميني
وجدان وهي تضحك: طيب طيب بسم الله علي شفيك عصبتي هههههههههههههههه
مشعل: طيب يالله قومي واتركي عنك لاب توب
وجدان وهي تبعد عن لاب توب وتقرب من اخوها ... عفوا اقصد اختها خخخخخ
وجدان: هااااااا ارتحتي كحلت عيون المها استغفر الله
مشعل وهو يبتسم: ابي اللى يشوفني مايقدر يشيل عينه من عيوني
تدخل ملاك عليهم اختهم الصغيره
ملاك بحومه كبد: استغفر الله الله يقرفكم وعععععععععع
وجدان وهي ميته ضحك على شكل اخوها
مشعل بغرور: شفيييييييك غايره ادري انك غايره مني عشاني احلى منك بس ياربي ايش اسوي ربي خالقني حلوه اشوه نفسي مثلا
ملاك: اقول انطم بس ما شفت وجهك ترا شكلك يضحك وانت على بالك حلو وععععععع الله يقرفك يا مقرف

وجدان: ملاااااااك شفيك على اختك شوي شوي عليها تراها رقيقه ما تتحمل بسم الله عليها

ويسمعووون صوت جدتهم تنادي على ملاك

وجدان : ملاك روحي لـ اما عاشه
ملاك: تكفيييييييييييين عارفه وش تبي حطي على المفاصيخ
وهي ماشيه ملاك تشوف جدتها وش تبي منها اللى كانت ساكنه معهم بنفس البيت
ملاك: سمي
اماعاشه: حطي لي المفاصيخ ( ستار اكاديمي )
ملاك : مو الحييين يبدا البرايم ولا اليوميات
اماعاشه: ادري لا تسوين فاهمه اقصد حطيهم وهم ياكلون وينامون يالله تغربلهم
ملاك وهي تحط القناه وتقول بخاطرها( وش ذ1 الجده )

في غرفه وجدان
نجود وهي داخله على اختها : ياااربي طفشانه يا وجدان
وجدان: وش تبين اوسوي لك
نجود : خلينا نقول لابوي نسافر لشرقيه والله طفشت هنا
وجدان : تصدقين والله ياليت حتى انا مليت ودي اغير جو بس هو وينه
نجود: عند اما عاشه جالسين
وجدان: طيب يالله
قامت وجدان واختها نجود وطبعا الاب توب بيد وجدان وما يفارقها
وجدان ونجود: السلام عليكم
الكـــــــــــــــــل : وعليــــــكم السلام
نجود : يباااا تفكى خلنا نروح الشرقيه مره طفشانين
وجدان واللى نست تتكلم مع اختها عن سالفه السفر وجلست تسولف مع اللى عندها في الماسنجر وتضحك
ام فهد تكلم وجدان: هو بسم الله عليك انهبلتي وش فيك تضحكين
وجدا ن وعيونها على لاب توبها وما ترد على احد
ام فهد: من تسولفين معه؟؟؟؟؟؟؟؟؟؟؟؟
وجدان: هااا ..... مع نوره




وش سالفة نوره .............؟؟؟؟ وهل بيروحون لشرقيه.............؟؟؟ وايش راح يصير هنااااااااااااااااااااااك ................؟؟؟؟


تعديل وردة الزيزفون; بتاريخ 16-03-2012 الساعة 01:51 AM. السبب: تعديل كلمة ان شاء الله
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-03-2012, 08:46 PM
صورة بنت تبوك. الرمزية
بنت تبوك. بنت تبوك. غير متصل
©؛°¨غرامي مشارك¨°؛©
 
الافتراضي رد: احلام مجتمــــــع


---------------------------------
في بيت ابو نواف الساعه 6
ابو نواف : هااااه خلصتووا
ام نواف وساره : ايه خلصنا
ساره: اقول يباا
ابو نواف ومن غير ما يناظر بنته: نعم
ساره: نواف بيروح معنا هو ورغد ( رغد تكون زوجه نواف)
ابو نواف: لا امس كلمته ويقول عندي شغل
ساره بخاطرها: الحمد الله اللى ماراح اووف فكه
ام نواف: خسااره والله كان ودي يروح معنا بس يالله خيرها في غيرها

ابو نواف وهو ماسك جواله بيتصل على اخوه: السلام عليكم
ابو فهد: هلا وعليكم السلام
ابو نواف : ها ما خلصتووو
ابو فهد : الا الحين طالعين انتم خلصتوو؟؟؟
ابو نواف: ايه خلاص الحين ام نواف بتشيل السفره ونمشي انشاء الله
ابو فهد: خلاص اجل نتقابل في الطريق
ابو نواف : انشاء الله .............. يالله مع السلامه
ابو فهد: مع السلامه
-------------------------------------------
في الطريق
ساره: يباااا الله يخلييك بركب مع عمي في السياره
ابو نواف: اقول انثبري ما تشوفين ولده مشعل معهم
ساره وتضايقت من كلام ابوها اللى هي دايم تسمعه وتقول بخاطرها: اووووووووووووف ذا المشعل والله كأنه بنت ياربيييييييييييه )

في سياره ابو فهد
كانوا مشغلين اغاني ومبسوووووووووووطين ع الاخر
ملاك وهي تتريق على اخوها مشعل: اقول مشعل شرايك تقوم وتهز لنا بخصرت ترا يصير شكلك جنااااااااااااااااااااااان( على قوله اخوانا القراوى خخخخخخخخخخخ ) تقصد كلمه جنان

مشعل بنعومه: تتريقيييين بس ادري انك محتره مني لانى اهز
ملاك ووجدان ونجود كانوا ميتين ضحك على اخوهم بعكس ابو فهد اللى ما عجبه الوضع

وصلوووا العائلتين لشرقيه
وراحوا لشاليهات ( قريه الخليج)


وسلموا البنات على ام نواف وساره واللى كانت ساره اكثر وحده مبسوطه بين البنات
بعد الغداء عند الحريم
ساره: بنات شرايكم نطلع نتمشى برااااااااااا

نجود: ايه والله يالله بنات
قاموا البنات وطلعوا برا يتمشوون

------------------------------------------
عند الرجال

ابو فهد: الا ياا ابو نواف فواز ما يكلمكم ؟
ابو نواف: الا والله يكلمنا بين فتره وفتره
ابو فهد: انشاء الله ماشي في دراسته هناك
ابو نواف : انشاء الله
ابو فهد: الله يوفقه يارب
ابو نواف: امين

فواز عمره 21 سنه يدرس برا هندسه وسيييييييييييييييييييييييييييييييم مره مره

ابو نواف: الا وش اخبار فهد انشاء الله زين
ابو فهد: الحمد الله
ابو نواف: يكلمكم؟
ابو فهد: ايه

فهد عمره 27 متزوج وظروف شغله اجبرته على السفر وبيرجع بعد 5 شهور

---------------------------------------
عند البنات
وجدان : بنات والله فقدت لاب توب مره
نجود: ياااربيييييييه اقول انتي سلامات الحمد الله ياربي
وجدان : والله جد
ساره : يوووووووووو لدرجه هذي ما تقدرين تفارقينه
ملاك : اختي هذي مدمنه
ساره وهي تضحك: عاد تخيلوا بنات تجلس تتقلب علينا هنا وتصرخ تبي النت
الكل ضحك على كلام ساره
وخلص يومهم الاول ضحك وتريقه على العالم وعلى اللى راح واللى جاي

في اليوم الثاني
صحت نجود قبل الكل وطلعت برا
وهي جالسه مر من عندها واحد كان شكله ملفت
جلست تناظره نجود لحد ما قدرت بعدها تشوفه
نجود وتقول بخاطرها: يووووووووووووو والله حلووو وفوق كذا شكله كبير يعنى مو بزر يا حلوه
طلعت عليها وجدان اللى قطعت حبل افكارها
وجدان: هييييييييييييييييي انتي وين رحتي اكلمك من اليوم وانتي مو لمي
نجود : هاااااااااااه ............ فاااااااااااااااااااااااتك يا وجدان فاتك
وجدان بحماس: وشو وشو
نجود: تخيلي تو مر واحد مو يذبح رجاااااااااااااااااااااااااااااااال وكبير وحلو حلو
وجدان: يووووووووو خساره ياليت شايفته
نجود : ولا يهمك والله اطلعه
وجدان : ايه هذي اختي هههههههههههههههههههه
نجود: جلست تضحك على كلام اختها
وجدان : نجود تخيلي في واحد تعرفت عليه في منتدى ياربي فيه ثقل مو طبيعي
نجود منسجمه مع اختها في السالفه : ايه
وجدان وهي تكمل كلامها: عاد انا جلست اتميلح عنده لحد ما طلب ايميلي لو تشوفيني ترحميني
نجود: ههههههههههههههههههه كان قلتي له انتي ابي ايميلك
وجدان : من جدك انتي انا ببين له اني ثقيله وما اعطي احد وجه حتى لما طلب ايميلي ما قلت أي خذه على طول ثقلت عليه شوي <<<<<< كل ابو البنات كذ1 هههههههههههههه
نجود: أي احسن طيب وبعدين
وجدان: بس عاد الحين اخذت ايميله وجلست اسولف معه سواليفه تجنن
نجود: يووووووووووو حمستيني اشوف سوالفه
وجدان: خلاص طيب اذا كلمته بجمعك معه
نجود: وجدااااااااااااااااااان اخاف ثقل ثقل واخر شي كلميني زي الباقي
وجدان: لا انشاء الله
نجود: أي افرحي اسبوع بعدين خلاص
وجدان: والله شكله كلهم كذا اسبوع يتميلح وفي الاسبوع اذا عجبتيه نشب كلميني واذا قلتي لا اول مره يحس تثقلين ما يدري ان من جد ما تبين ومره ثانيه لحد ما يطفش ويتركك ولا اذا كلمتيه اسبوع سوالف بعدين ابي اشوفك بعدين ابي اجلس معك لحالنا ما ابي في مكان عاااااااااااااااام <<<<< كاشفينكم يا الشباب هههههههههههههههههه

نجود وهي تضحك على كلام اختها : والله صااااااااااااااااااااااااااااادقه هههههههههههههههههههههههههههههه
طلعت لهم ساره وقطعت كلامهم
ساره: اناااااااااااااا جييييييييييييييييييييت
وجدان : بشري امك ههههههههههههههههههههه
ساره: ياربي بطنى حرام عليك وجدان من وين جبتي خفت الدم لالا ما اقدر ( تتريق)
وجدان ونجود ضحكوا من كلام سااره

ومن بعيد
الشخص الاول..........:: مشاء الله عيونها حلوه وشكلها بنت فله
..الشخص الثاني .............:: طيب رقمها
الشخص الاول ...............:: مدري
الشخص الثاني..............:: ياخييي شفيها مسوي نفسك الرجل المثالي
الشخص الاول.......:: مو كذا بس مدري انا مو متعود ارقم بنت
الشخص الثاني........:: تبيني اعلمك
الشخص الاول.........:: ياخف دمك بس ............ بس شكلي برقمها لانها خشت مزااااااااااااااااجي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-03-2012, 08:46 PM
صورة .Zzz الرمزية
.Zzz .Zzz غير متصل
اللهم صلِ وسلم على نبينا محمد *
 
الافتراضي رد: احلام مجتمــــــع


شكلها حمااااااااااس .. بس ان شء الله اقراها بعدد مااخلص الروايه الي اقراها

استمممممممممممممري يالغلااا ..

يعطيكك العافيه ..






.
.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-03-2012, 09:50 PM
صورة جرح الايآم الرمزية
جرح الايآم جرح الايآم غير متصل
©؛°¨غرامي مشارك¨°؛©
 
الافتراضي رد: احلام مجتمــــــع


اي وقسسسسسسسسسم روووعه
خصصوصصا مششششعل فكره تفقيييييييع عجبتني
واصصلي حبوبه
تحياتي : عهد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-03-2012, 10:47 PM
صورة جرح الايآم الرمزية
جرح الايآم جرح الايآم غير متصل
©؛°¨غرامي مشارك¨°؛©
 
الافتراضي رد: احلام مجتمــــــع


بس قلبوشي ترى ممنوع تمطين الكلام في العنوان
" أحــــلام مجتمع " هذا ممنوع
أكتبيها عادي " احلام مجتمع " تسذا
هع وسسوري ع الإطاله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-03-2012, 10:51 PM
صورة بنت تبوك. الرمزية
بنت تبوك. بنت تبوك. غير متصل
©؛°¨غرامي مشارك¨°؛©
 
الافتراضي رد: احلام مجتمــــــع


انا نزلت الثلاث اجزء عشان يزيد تفاعلكم معاي اخليكم مع الجزء الثالث
------------------------------
الجزء الثالث
طارق: السلام عليكم
ام طارق وابو طارق: وعليكم السلام
ام طارق: ابو طارق وش رايك نروح الشرقيه مع اختي امس اتصلت علي تقول تعالوا معنا
ابو طارق يفكر : انا ما اتوقع اسافر معكم تبون تروحون يروح معكم طارق
طارق: ليش يباا ؟؟
ابو طارق: والله عندي اشغال وتعرف يا ولدي الشغل تعطل اسبوع عشان سفرتي للكويت
ام طارق : يعني ما راح تسافر معنا
ابو طارق : لا والله خيرها في غيرها عندي اشغال
ام طارق: اللى يريحك ........... خلاص يا يما طارق احجز لنا بنسافر بـ طياره
طارق : انشاء الله يما
ام طارق وهي قايمه: اجل اروح اعلم البنات عشان يتجهزون

طارق رجال ولا كل رجال عمره 25 مسالم وطيب مره....

جيان بفرح: لا عاااااااااااااااد
بيان وبفرحه اكبر: والله يما

ام طارق وهي تضحك على بناتها: ايه اجل امزح معكم
جيان: احلى شي ان بنات خالتي ام فهد فيييييييييييه... بنات فلللللللللللللللللللله
بيان وهي تغمز لاختها: وحلوات بعد
جيان: اقول تكفين اسكتي ( وهي تناظر امها) طيب متى يما؟
ام طارق : انا قلت لـ طارق يحجز لنا بس ترا ابوك ماراح يروح
بيان وجيان مستغربين : ليييييييييييييش؟؟
ام طارق وهي طالعه: يقول عندي اشغال
جيان : اهاااااااااااا

----------------------------
الشخص الثاني.......: اقول تبيني اضبطها لك
الشخص الاول.....:: والله انى اخاف تودينا في ستدين داهيه
الشخص الثاني.. وهو يطق على صدره: افاااا عليييييييك اخوووووووووك اطمن
الشخص الاول..:: مدري والله
الشخص الثاني.......: اقوووووووول انا بقوم ( وراح وترك صديقه اللى ما عارض ان صديقه يقوم ويضبط البنت له)


-----------------------------
مشعل كان يلعب مع بسس عائله جايبتها ومبسووووط عليهم
مشعل : وااااااااااااااااااااااي يجننون
صاحبه البسس وهي حايمه كبدها من شكل مشعل وطريقه كلامه: هههههههه تبي تشتري وحده؟؟
مشعل: تبيعيييييييييييييييييييين
صاحبه البسس: أي ابيع تبي
مشعل: أي والله ياليت .......... بس استني اخذ من بابي فلووووووس
صاحبه البسس تقول بخاطرها: وععععععععععععع بابي يا شينه وهو يقولها شين الكلمه وعععع
----------------------------
عند البنات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-03-2012, 10:51 PM
صورة بنت تبوك. الرمزية
بنت تبوك. بنت تبوك. غير متصل
©؛°¨غرامي مشارك¨°؛©
 
الافتراضي رد: احلام مجتمــــــع


الشخص الثاني ........(( حمد )) وهو ياكل البنات بعيونه: هلاااا بنات ....... هلا والله بعيون المها اللى جننت صديقي( وهو يناظر نجود اللى غطت عيونها)

حمد: افاااا ليش كذا
نجود بعصبيه: نعم وش تبي
ساره واللى كانت خااااااااااااااااااااايفه مره لانها مو متعوده على الحركات هذي من الشباب
حمد وهو يجلس : شفيك معصبه
ساره جلست تصيح من الخوف
حمد يناظر ساره: وش جايبين معكم بزر
وجدان: انت هيه وش تبي خلصنا
حمد: وانتي وش دخلك انا برقم وحده لـ خويي
نجود: ريح نفسك ما راح نكلمه
حمد وهو يمسك يد نجود عشان يحط الرقم فيها جلست ساره تصرخ ووتصيييح
حمد: هيه هيه انتي شفيك لا تفضحيينا

الشخص الاول يشوف صديقه من بعيد ولما شاف وحده منهم تصيح حس ان خويه جاب العيييييييييييييد
الشخص االاول وهو رايح لـ خويه ويطقه من كتفه بعصبيه : انت هيييييييييييييه وش سووويت
حمد واللى ما توقع ان خويه بيسوي كذا: شفيييك هذا عشانك ابي اضبط لك
الشخص الاول (( عبد الله )): ومن قالك تضبط لي
ساره والبنات كانوا خايفين وساره ماتت من الصيااااااااااااااااااااااااااااااح
حمد بعصبيه: عبد الله شفيك علي
عبد الله وهو يسحب حمد : اقووووووول امش معاي بس ( ويناظر البنات ) اسفييييييييييييييييييييييييييين على اللى صار والسموحه منكم


-----------------------------------
مشعل وهو يركض: يباااا يباااا اللللللحق في اثنين جالسين يتحرشون في اخواتي
ابو نواف وهو قايم ويناظر ابو فهد: وش قلت لك ولدك هذا ما منه فايده
ابو فهد : طيب يالله تعال نروح عندهم

-------------------------------------------------
البنات داخلين جوا ويحالون يهدون ساره
نجود: خلاص عاد شفيك ترا كلها كلمتين
ساره: انتي ما تعرفين ابوي والله يرجعنا الرياض اذا عرف
وجدان: ومين بيقوله
ساره : مدري مدري خايفه بناااااااااات
وجدان : لا تخافين ولا شي عمي ماراح يعرف

وبالحظه هذي دخل ابو نواف وهو بقمه عصبيته
ابو نواف : سووويييييييييير
ساره وهي خايفه وتصيح: ما قلت لكم عرف عرف الحين بيذبحنييييييي
نجود : ساره خلاص شفيك ماراح يسوي شي
ودخل عليهم في الغرفه

ابو نواف وهو يمسك ساره من شعرها: وش مسوويه
ساره وهي تصيح وتحاول تفك يد ابوها : والله العظيم ما سويت شي هم اللى جو وتحرشوا فينا
ابو نواف: هم ما يجون الا وشايفين شي وش مسووووووووووين
ابو فهد ويحاول يهدي اخوه: خلاااااااص يا ابن الحلال ما صار الا كل خير
ابو نواف: اقووووول الليله نرجع الرياض
ساره وهي تصيح : لا يبا تكفى خلنا نجلس يوم واحد بس والله ممدى انبسطت الا وقلت يالله نرجع
ابو نواف: ايييييييييييه لو اجلس يوم واحد والله بتخربين مع بنات عمك
ابو فهد وعصب من كلام اخوه: ابو نوااااااااف وش قصدك من ذا الكلام يعني انا ما عرفت اربي
ابو نواف: شوف بناتك وش يسوون واحكم وحده متلثمه ( ويأشر على بنته نجود) ووحده مدري وش تسوي
نجود : لا عمي ابوي مربينا احسن تربيه
اما عاشه: بسسسسسسسسسسسسس خلااااص وش فيكم كله عشان ذباانه تتهاوشووون (ذبانه أي ولد قليل ادب )
ابو نواف: اليوووم نرجع الرياض
اماعاشه : لو رجعت كلنا رجع معك
ابو فهد: لا يماا هو بيرجع بكيفه بس انا ما راح ارجع
اما عاشه: بتكسر كلامي
ابو فهد: يما الله يخلييك وش اكسر كلامك البنات توهم ما بعد شبعوا من السفره
ابو نواف: يالله انتي قومي ( ويسحب ساره ويطلع )
مشعل واللى كان مصدوم من اللى يشوفه ويتكلم بصوت مو مسموع: يالللللللللللله ايش العنف هذا لالالا الحمد الله ياربي انى مو بنته ولا كان موتني من زماااااااااااان

بعد ما خلص يومهم الثاني اللى كان متكهرب شوي بـ غرفه البنات
نجود: وجدان
وجدان : هاااه
نجود: لا تقولين هاااه
وجدان: اوووووووف نئم ........... كذا حلو
نجود: تدرين مين اللى جا يهاوش الولد
وجدان وهي تحاول تتذكر الولد: أي ولد
نجود: اللى جااا وهاوش اللى كان يتحرش فينا
وجدان : ايييييييييييييييييييييييييييي عرفته عرفته شفيه
نجود: تتوقعين مين
وجدان: وانا وش يعرفني
نجود: هو نفسه الولد اللى قلت لك حلوووووووووووووو
وجدان وهي مستغربه: جد واللللللللللللله
نجود: ايه ما توقعته كذا
وجدان : ليش هو يا حلوه يدافع عننا
نجود: لا يا حبيبتي ما سمعتيه يوم قال من قالك تضبطها
وجدان : ايييييييييييييييييي صح صح يعني هو صديقه هذا اللى جلس عندنا
نجود: ايه
وجلسوا البنات يسولفون لحد ما ناموا
-------------------------------------------
ام فهد: هلا والله هلا باللى جانا
ام طارق: هلا فيك
ام فهد: متى وصلتوا؟
ام طارق: من شوي
جيان: هلا خالتي ( وتروح تسلم علي خالتها )
وتدخل عليهم بيان
ام فهد: مين بيان
بيان: هلا خالتي
ام فهد: والله كأنك ولد مو بنت ليش مسويه بنفسك كذا
ام طارق: شفتي شلوون اقنعها تصير زيها زي باقي البنات بس ما فيه فايده
بيان: انا مرتاحه كذا وش اللى مضايقكم
ام فهد: مضايقنا حالك نبيك بنت مو تشكين انها بنت ولا ولد
جيان: خالتي وين البنات؟
ام فهد: روحي صحيهم نايمين
ام طارق: اووو نايمين لحد الحين الحين الساعه 11
ام فهد: ايه ما ناموا الا الساعه 6 الصباح روحي صحيهم يا جيان
جيان: لا خالتي اخاف يبون ينامون
ام فهد: لااااااااا اذا شافوكم بيروح النوم

وراحت جيان ولحقتها اختها بيان لغرفه البنات
جيان بصوتها العاااااااااااااااااااالي: يالله يالله قوموا قوموا انا جييييييييييييييت
نجود ويالله يالله فتحت عيونها: مييييييييييييين .......... جيان( وتبتسم )
جيان: أي يالله قوموا عااااااااااااااااااد
نجود: طيب طيب يالله بقووم

بيان : وجدان يالله قومي بلا دلع بنات
وجدان : ياااربي يا بياااااااااااااااااااااان
بيان : شفيك
وجدان: خلاص بقوم بس بعدي عني ............. بسم الله علي فيل مو بنت
وكل ابو البنات ضحكووووا

ام فهد: يالله يا بنات نبي نتغدى برا

جلسوووا يتغدوون البنات ومعاهم اما عاشه والخاله ام طارق وام فهد طبعا

بعد الغداء
مشعل: نجود تعالي ابيك
نجود: نعم
مشعل وش رايك بالبسه هذي حلوه
نجود: اللللللللللللللللللله تجنن
مشعل: افكر اشتريها
نجود: أي أي اشتريها
مشعل: طيب خلاص روحي
وراح مشعل عن اخته
نجود وهي تمشى سمعت احد يناديها التفتت نجود
وستغررررررررررررررررررررررررررررررررربت لما التفتت وشافت اللى يناديها
نجود خافت وحست بربكه وما تدري ايش تسووووووووي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-03-2012, 01:48 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: احلام مجتمــــــع


صباح الخير ..... ياهلا فيك عزيزتي ....... احس روايتك لحد الان مافيها احداث يعني مافهمت ايش مضمون الرواية مجرد حوار وهواش مافيها شي ملموس .....اتمنى توضحي احداث روايتك علشان يكون لها هدف

قوانين القسم ضروري قرائتها والالتزام فيها

وهذا الموضوع راح يفيدك كثير ياليت تطلعين عليه
قضايا

بالتوفيق

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-03-2012, 05:22 AM
صورة ضمني بين الاهداب الرمزية
ضمني بين الاهداب ضمني بين الاهداب غير متصل
©؛°¨غرامي مجتهد¨°؛©
 
الافتراضي رد: أحلام مجتمع / بقلمي


السلام عليكمـ...
.
.
أكيد زيزفون الهدف والمضمون...ياليت نلمس شي حسي با الحورات...


موفقه بطرحك

.
.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-03-2012, 12:12 PM
صورة بنت تبوك. الرمزية
بنت تبوك. بنت تبوك. غير متصل
©؛°¨غرامي مشارك¨°؛©
 
الافتراضي رد: أحلام مجتمع / بقلمي


ام طارق: الا وين نجود

ملاك: مع مشعل شفته يناديها
جيان: لا من شوي مار من هنا
ام فهد: اجل وين نجود
ملاك وهي قايمه: اكيد تتمشى


نجود واللى يدور في راسها ميه شي وشي ........... ياربي اروح ولا اسفهه ياربي شسوي واللى كان باين عليها انها مرررررررره مرتبكه نجود وهي تكلم نفسها
نجود: ارووووووح ياربي مدري اروح ولا لااااااااااا
نفسها: لالا لا تروحين
نجود: بس يمكن يبيني بشي مهم
نفسها: وش بينك وبينه عشان يبي شي منك لالا تروحيييييين
نجود: يعني مااروح
نفسها: لااااااااااا وين لاتروحين
نجود والحيره بتاكلها وما تدري ايش تسوي وفي اللحظه هذي

قرب من عندها ......
عبد الله: انا عبد الله
نجود بتردد واضح وبصوت متقطع:: مـ..يـ..ن عـ..بـ .د الله
عبد الله: امممممم نسيتيني بس ما علينا .... انا بصراحه اعتذر على اللى صار وانا والله العظيم ما قلت له روح وسوا اللى سواه وانا اسف واحلف لك اني مالى شغل باللي سواه وانا زعلت عليه ومتضايق من اللى سواه لكم وانا الحين ما اكلمه ..
لحظه صمت قصيره جدا
عبد الله : ووووووووو ..... وياليت تسامحيني على اللى صار
نجود: اوكى اناا بحاول اصدقك لانك حلفت بسسس
عبد الله: لا تكفين لا تحاولين صدقي لانى من جد مالي أي يد باللى صار والله والله العظيم مالى شغل
نجود: طيب طيب .......... ممكن اروح الحين
عبد الله واللى اعجب بـ نجود زياده: ايه تفضلي ( وهو يبتسم واللى خقت نجود من ابتسامته)



ابو فهد: هههههههههههههههههه الله يقطع سوالفك يا طارق

طارق : عمي لا يفوتك شوف بيان وشوف مشعل اشكالهم نكته ( عمي من باب الاحترام )
ابو فهد: والله لو يتبادلون مشعل وبيان كان صرنا بخير
طارق: بيان كانها واحد من العيال
ابو فهد وطارق جلسوا يضحكون ويسولفون

في بيت ابو نواف وفي غرفه ساره بتحديد

ساره واللى كانت تكلم مريم صديقتها: ايييي اقولك عاد انا لما جلس هذا يتحرش فيني تغطيت لانه طفشني مره
مريم: وانتي وش كنتي اول... فاتشه؟؟؟

ساره: اييييه متحجبه طبعا حنا اذا سافرنا ابوي يخلني اتحجب اذا في السعوديه بس برا لالا ما اتحجب ولا اتغطى اطلع كذا بدون شي
مريم: اللللللللللللللللللله ابوك فله
ساره: ايه ابوي مره فري
مريم: يمكن عشانك البنت الوحيده
ساره: لالالالالا ما اتوقع ابوي مره فري اصلا ... بس يمكن

مريم: طيب بنات عمك وجدان ونجود
ساره: شفيهم
مريم: وش سووا لما صار كذا
ساره: جااا عمى وجلس يصرخ عليهم وهاوشهم
مريم: يووووووووووووو يا حرام ايوا
ساره: وابوي يهديه بس ما في فايده جلس يهاوشهم بعدين قال ما تجلسون هنا نرجع الرياض
عاد ابوي قال مدام عمك بيرجع خلاص بعد حنا لازم نرجع ورجعنا
مريم: يووووووووووووو عمك معقد
ساره: ايه مره الله يعيين بناته والله
مريم: أي والله

وجدان: عاد انتي مصدقته؟؟؟

نجود اللى قالت كل شي لاختها وجدان: امممممممممممم والله يعني ....... مرات اقول ايش اللى بيخليه يكذب ويحلف كذب
وجدان : والله ما ادري يمكن
نجود: بس ياربيييييييييييييييييييييييييي يا حلووه
وجدان: أي مشاء الله حلو حلو
ودخلت عليهم جيان : مين اللى حلو حلو
نجود تصرف بنت خالتها: مين يعني محمد بن فيصل( رئيس نادي الهلال)
جيان: يووووووووووووووووو يا وجدان وانتي لحد الحين خاقه عنده
وجدان: الى بكرا بعد اااااااااااااااه يا حلوه
جيان ووونجود اللى يضحكون على شكل وجدان وهي ذايبه
جيان: هههههههههههههه طيب طيب خلاص لا تدوخين علينا


ام طارق: صصصصصصصصدق الله يبشرك بالخير يا ولدي يا ابراهيم ... انشاء الله هي بخير وولدها

ابراهيم: أي الحمد الله كلهم بخير
ام طارق: الحمد الله
ابرهيم: متى بترجعون انشاء الله ؟
ام طارق: انشاء الله بكرا
ابراهيم: انشاء الله...... طيب خالتي ما اطول عليك مع السلامه وسلمي على طارق
ام طارق: مع السلامه ... يوصل انشاء الله

ام طارق: ام فهد ابشرك نوف ولدت
ام فهد بفرح: صدق يتربى بعزها .. متى ؟؟
ام طارق: اليوم الظهر

ام فهد: الحمد الله على سلامتها
ام طارق: الله يسلمك
في بيت ابو نواف
ام نواف: والله احس فشلتها عند بنات عمها
ابو نواف: ما علينا فشلتها ولا لا بس اللى سوته غلط والشباب ما يجون الا وشايفين شي
ام نواف واللى كانت مقتنعه من كلام زوجها وراحمه بنتها : بــــــس
ابو نواف: من غير بس ولا تكثرين قرق فوق راسي فارقي عني ترا راسي صدع منك
ام نواف وهي قايمه: انشا ء الله
جيان: صدق يما ولدت نوف
ام طارق: ايه يا حليها
جيان: يما الله يخلييك خلينا نرجع
ام طارق: أي اكييييييييييد


نجود واللى كانت ماسكه الجوال وتبلتث
ويوصل نجود بلوتوث ( هلا نجود ... كيفك.. انا عبد الله ابي منك طلب وانشاء الله تسوينه ولا تفهميني غلط باللى ابيه )
عبدالله اللى عرف ان هذي نجود ارسل مقطع بصوت عاااااااااااااااااااااااااااالي وفضحها هالشي
نجود ( هلا.. وامر ايش تبي )
عبد الله( انا اليوم راجع الرياض ويا ليييييييييت تكلميني ع الجوال)
نجود( لا معليش انا ما راح اكلمك)
عبد الله( تكفين والله انا ابي شي نتواصل فيه لو مسجات )
نجود(لالا معليش تبي نتواصل عطني ايميلك)
عبد الله( انا والله مالي بالنت )
نجود( ولك بالجوال)
عبد الله( والله لا هذي ولا هذي بس انا حبيت اكلمك لانك مرررررره جذبتني)
نجود ( معليش انا مااكلم .. )
عبد الله ( ع العموم هذ1 رقمي واذ1 حبيتي تتصلين اتصلي ********** ويالييييييييييييييييييييت تتصلين علي )
بعد كذا نجود ما ردت عليه وجلست تسولف مع اهلها اللى قرروا كلهم انهم يرجعون بكرا
في الرياض بعد ما رجعوا العائلتيين
نجود وهي تكلم صديقتها ندى
ندى: طيب بتكلمينه؟؟
نجود: لااااااااااااا
ندى: ليييييش يا الخبله؟؟
نجود: من جدك انتي
ندى: ايه شفيها هذا انا اكلم جاني شي .. بعدين انا اكلم اكثر من واحد ولا جاني شي
نجود: بس انتي متعوده
ندى: اقوووول مالها دخل متعوده ولا مو متعوده انا اول مره بعد ما كنت متعوده
نجود: امممممممممم مدري
ندى : انا اقول كلميه بس بحدود
نجود: اممم انتي تقولين كذا
ندى: أي انا اقول كذا بس كيفك.. يالله انا اهلي ينادوني بيباي
نجود: بيباي
سكرت نجود من صديقتها ندى واللى خلتها بـ حيرتها انها تكلمه او لا جلست نجود تفكر لحد ما تعبت نجود من التفكير وراحت تجلس مع اهلها
اماعاشه: اقووول مشعل وينهو بوه ( معلومه اما عاشه من القصيم هع هع)
وجدان: أي والله وينه

ام فهد: مدري عنه من رجعنا من الشرقيه وهو مو طبيعي

مشعل واللى كان جالس في غرفته ودموعه تنزل على خده واللى يحس بغصه كل ما يتذكر اللى صار له في الشرقيه

شله شباب جالسه على البحر ويناظرون مشعل ويستهبلون عليه وواحد من الشله هذي قال : اقوول يا حلوه تعالي اجلسي معنا
صديقه الثاني: يا الاحول هذا ولد مو بنت ههههههههههههههههه
صديقهم الثالث: وانت وش يعرفك
الثاني: والله تصدق بديت اشك تعال او تعالي خلينا نكشف عليك ههههههههههههههههههههههه
والكل ضحك على كلام خويهم
مشعل واللى كان يسمع الكلام ووده يرد بس خايف ودموعه بتطلع بس يحاول يمسكها
وواحد من الشله: اقول انت مدري انتي ما رحتي للمستشفى كشفتي هههههههههههههههههه
مشعل وكل ما يتذكر الموقف اللى صار له تزيد دموعه وما تتوقف كانت تنزل مثل الشلال وحس بل اهانه والذل لانه ما قدر يرد عليهم وكان مشعل يسمع تريقه من كثير من الشباب بس ما اثرت فيه مثل هذي
يمكن لان اخوياه اللى مثله مو معاها بس حس بشي غريب غير كل مره اللى كان يحس انهم غايرين منه بس المره هذي حس ان احد يدوس على كرامته وما يقدر يرد ولا ياخذ بحقه .....











ايش بيصير مع مشعل .؟؟؟؟؟؟؟؟؟؟؟؟؟؟؟؟؟؟؟ وونجود بتكلم عبد الله اللى بين لها انه ماله شغل باللى صار وان بس سوالف اللى بيصير بينهم

الرد باقتباس
إضافة رد

رواية : أحلام مجتمع / كامله

الوسوم
مجتمــــــع , احلام
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
نيران الحب / كاملة روح زايــــد روايات كامله - يتم نقل الرواية هنا بعد اكتمالها 105 03-11-2014 09:42 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM

الساعة الآن +3: 03:15 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1