غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-03-2012, 03:34 PM
eng.noory eng.noory غير متصل
©؛°¨غرامي مشارك¨°؛©
 
الافتراضي روايتي الثانية : ليه يازمن كل ماضحكت تبكيني , كامله


ليه يادنيا كل ماضحكت تبكيني..!!)


البارت الاول... الجزء الاول...



بيت ابو سامي::
(سامي راشد الـ........... 25 سنه "طوله عادي وعريض وابيض ومملوح شوي وشعره اسود كثييييف
في حاله ولا احد يدري عنه بس انه اذا عصصصصب عصصصب
متخرج ويشتغل وطبعا مو ثابته له وضيفه وكل شوي غيرو له وضيفته لانه مو ملتزم بالدوام ابداً)
(سلطان راشد الـ............ 22 سنه "طويل وضعيف وابيض وملامحه عاديه يعني ماينقال له وسييييم ولا شين عادي جداً وشعره اسود قليل
كلا سرحاااااان ومستحيييل يعصب بس فيه نذاله مو طبيعيه خخخخخ
ماعنده طموح وبس يبي يخلص دراسته ،يدرس سنه رابع/ ادب انجليزي/)
(سمر راشد الـ........... 18 سنه "طويله وجسمها حلو وبيضه ومملوحه وشعرها اسود كثيف وطويل
هااااااديه مع انها تحب تجلس مع كل الناس وتستانس بس لازم عندها تخصص وقت تجلس فيه مع نفسها
تدرس ثالث ادبي ومستواها زين بالدراسه واحسن من اخوانها")

بيت ابو تركي::
(تركي حمد الـ............ 29 سنه "طوييييل وضعيييييف وحنطاوي وشعره خفيييييييف اسود
هاااااادي وطييييب وحنووووون وفي حاله وماعليه من احد
مهندس ميكانيكي ومسؤول كبيييير لان شهادته افضل من اللي معاه
متزوج وعنده ولد")
(صقر حمد الـ.......... 22 سنه "طوله زيين ومجسم شوي ،اسمر وشعره اسود كثيييييف وفيه وسامه
بسررررررعه يتنرفز ويعصب بس انه فلاوي ويحب الوناسه والضحك
طموووح يدرس رابع سنه/ هندسة ديكور/")
(علا حمد الـ...........15 سنه "طويله وعريضه شوي وسمره وشعرها اسووود قلييييل ووسييييمه
طيوووبه وتحب كل الناس مستحييييل تكره او تحقد على احد بدون مايكون مسوي لها شي
تدرس بثالث متوسط ومستواها كوييييس بالدراسه")

بيت ابو منيره::
(منيره محمد الـ............. 19 سنه "طولها زين وجسمها حلو مو بيضه بيضه بس تعتبر بشرتها فاتحه وشعرها بني غامق طويل
مفهيييييه ومع انها بسرعه تعصب بس بسرعه تهدى
تدرس اول سنه طب ومهتمه بدراستها كثيييييير")
(العنود محمد الـ............. 15 سنه "طوييله وجسمها عادي وحنطاويه وشعرها اسود طوييييل
اهم شي عندها وناستها وانها ماتزهق وتطففففر اللي يحاول يستفزها
تدرس بثالث متوسط ومجتهددددده بدراستها)

بيت ابو باسل::
(باسل ماجد الـ............ 25 سنه "طوووله عااادي مايعتبر طويل مو ابيض ابيض يعني على حنطاوي بشرته وشعره اسود عادي
اهو في حاله دائما وماعليه من احد بس لما يكون مشغول بشي فيه خير اللي يكلمه <<يعني بيقوم الدنيا عليه
متخرج ويشتغل مهندس كهربائي")
(عز ماجد الـ............ 22 سنه "مو طويييل طوله عادي واسمر وشعره بني غااااامق خفييييف
هااااااادي وطيييييب ومايعصب على أي شي
يدرس سنه رابعه/ حقوق/")
(لميس ماجد الـ............. 18 سنه "طويله بس طولها يعتبر زين بييضه وشعرها اسود
عصبيه وبالموت تهدى وزعووله شوي بس طيوبه
تدرس بثالث علمي وطمووووحه جداً)

بيت ام زياد::
(اشجان خالد الـ........... 24 سنه "طولها عادي وسمررره وشعرها اسود ومو طويل كثير
مو عصبيه بس اذا عصبت اعوذ بالله واهي فلاويه وتحب الوناسه
تدرس ماجستير")
(زياد خالد الـ............ 19 سنه يعتبر قصير ،حنطاوي وعريييييض وشعره اسود خفييييييييييييف
هاااااااااادي وفي حاله دايم وماعليه من الناس
يدرس اول سنه /سياسه/")

بيت ابو ناصر::
(ناصر عبدالله الـ........... 22 سنه "طويييييييل وعريييييييض وابييييض ومو مملوح كثير بس فيه بياض وشعره بني غامق ومو كثيف
مفهييييي درجه اولى ومايدري وين الله قاطه بس من تحت لتحت
يدرس اخر سنه ادب عربي)
(ظميا عبدالله الـ............. 15 سنه "قصيييره وضعييفه وبيضه وفيها حلااه يعني عكس اخوها وشعرها بني
تحب الوناسه والضحك همها الوحيد بس احيانا تكون حساسه بزياده
تدرس بثالث متوسط وكويسه بدراستها")

بيت ابو ميساء::
(ميساء عمر الـ.......... 18 سنه "طويله وحنطاويه وشعرها اسود طويل
هاديه اغلب الاحيان بس تجيها حالات تششب
تدرس بثالث ثنوي علمي ومجتهده")
(ميرا عمر الـ........... 16 سنه "طولها زين وبيضه وشعرها اسود
تحب الوناااااسه بس مو شبببببه كثير
تدرس باولى ثانوي ومتاززززمه وماتحب الدراسه اصلا)
(راكان 16 سنه " طوييييل وجسمه عضل شوي مع انه مو كبير شعره اسود كثييييف
اغلب وقته هادي مع انه اجتماعي درجه اولى طبعا اهو لقيط بس اهم مربينه من واهو صغير
يدرس باولى ثنوي ومتفوق على ميرا بكثييييييييييير)

بيت ام بسام::
(بسام نايف الـ........... 30 سنه ، عزابي وشكله مايبين عليه انه بهالعمر كلهم يحطون له عمر 20ويمكن اصغر بعد
لانه ضعيييف واملط "يعني ماله لالحيه ولا شنب" ابييض وشعره اشقر اللي يشوفه مايصدق انه سعودي
دكتور علم نفس، وطيييييب وحبووووب مستحيل احد يجلس معاه ويمل من سوالفه ^_^)
(رائد نايف الـ.............. 23 سنه ، اخو بسام من ابوه توفت امه بعد ولادة اخوه نواف ،عزابي ومسافر برى يكمل دراسته عكس بسام تمااااماً طوييييييل وعريييض ومجسسسسم وابيض وشعره كثيييف اسود وصوته حاااااد
الكل يحترمه لهيبته ،عصصصصبي ومع كل مواصفاته هذي الا انه طيووب وحياته لعب :D / يكمل دراسته آخر سنه /صحافه)
(نواف نايف الـ........... 22 سنه ، اخو رائد من الام والابو توفت امه بعد ولادته واللي ربته ام بسام ،اسمراني ومملوح وجسمه عريييض عكس اخوه ولا فيه من اخوه شبه"
عااااااطل عن العمل طول وقته فاضي ويدور في المجمعات، مغازلجي درجه اوووولى وهذا شغلته في الحياه /خلص الثانويه وتم بالبيت)
عندهم اخوات توأم ثنتين (صبا و ربا نايف الـ........... 19 اصغر من نواف "من نفس ام بسام" متشابهيييييين ولا احد يقدر يفرق بينهم
حنطاويات وشعورهم سوووده كثيييفه بس اللي يفرقهم ان صبا شعرها قصير وربا طويييييييييل
يدرسون بنفس التخصص / طب اسنان)

بيت ابو محمد::
(محمد ياسر الـ......... 33 سنه ،متزوج وعنده بنتين بس دااااايم مع الشباب وعايش حياته :p
عريييض واسمر وملامحه خششششششنه/ طيب بس عصصصبي يعني كل شي عنده له حدوووود ومستحيل أي احد يتمادى معه
مهتم بعيلته كثيييييير بس مو كل وقته لهم يعني عارف يقسم وقته
دارس فلك ويشتغل من فتره طويله ومعررووووف)
عنده 3 خوات
(ريتاج ياسر الـ........... 22 سنه ، تدرس طب ،فيها من اخوها محمد كثيييير حتى ملامحها ماخذه منه الا الاسلوب
من توفى خطيبها واهي متغير طبعها وصايره هاديه بزيااااااده ودايم بحالها وغير اجتماعيه
دايم منعزله وتقرى وماعليها من احد)
(ملاك ياسر الـ............ 18عكس اختها تماااااما شكلا وطبعاً وكل شي غيرهاااا ، طولها مناسب وشعرها بني وبشرتها مايله للاسمر شوي
مززززززعجه ومعروفه في البيت اذا مافي صوت اكيد مو موجوده
همها بالحياه انها تصير حلوه وتهتم بمظهرها كثيييير ومغرووووره)
(رانيا ياسرالـ.......... 16، اللي يشوفها يقول مو اختهم "بيضه وقصيره وشعرها اسود قصير واللي يشوفها يقول بمتوسط لان شكلها صغير" عايشه بعالم ثاااااني مسويه جو في البيت بس مو مثل اختها
مايهمها أي شي بالدنيا الا سعادتها وراحتها/ ماتعصصصب ولا تفكر تعصب اصلا وتعرف شلون تقهر اللي قدامه اذا نرفزها
طمووحه بس مو لذيك الدرجه)
((ابو محمد اخو ابو باسل))
^^^^^^^^^^^^^^^^^^^
^^^^^^^^^^^^^^^^^^^^^^^^^^^^^^^^^^
في السعوديه ـــــــــــــــــــ الشرقيه ::
في احدى الحارات المتوسطه:: وفي احد بيوتها:: بيت ابو سامي::
سلطان يصرخ: سموووووووور يالهبله عقلي
سمر راحت تركض ورقت الدرج: لين تجيب جوالي اعطيك اياه
سلطان: سمور بلا غباء خلصينا عطيني الكتاب مو فاضي لك انا
سمر وقفت في اخر الدرج واهي تلهث: جيب جوالي
سلطان طلع جوالها ومد يده على الدرج بيقطه: تبين جوالك ينزل قبلك علشان ماتتعبين..!!
سمر طاااااارت عيونها وراحت تسرع له ومدت الكتاب: هاك كتابك بس جوالي لايصير فيه شي ياويلك ان انكسر
سلطان اخذ كتابه واهو يطالعها بنص عين ومد يده لها: بوسي يدي واعطيك اياه
سمر صقعت يده: وكسر والله لو تموت قدامي مابوس يدك
سلطان مسك الجوال بصبعين واهو منزله بيقطه
سمر: سلطانوووووووووو
سلطان: نعم نعم ماسمعت
سمر: قصدي سلطان اقول انت طيب يعني يلا عاد
سمعو صوت الباب لفو شافو سامي طالع من غرفته واهو بينزل وشافهم واقفين: شفيكم واقفين عند الدرج..!!
سمر: سامي شوف سلطان ماخذ جوالي ولا براضي يجيبه
سامي لف يطالع تحت: كان ابوي جا..!!
سلطان قام يطل وماحس الا بسامي سحب الجوال منه وعطاه سمر
سلطان: ايا النذل
سامي راح واهو نازل ويضحك عليهم
سمر قامت ترفع حواجبها تقهر سلطان وراحت غرفتها
سلطان فتح كتابه واهو يتحلطم عليها وراح جلس في الصاله اللي فوق واهو يذاكر

تحت عند سامي::
سامي كان يكلم جوال: أي أي وين اشوفك..؟؟
:وين ماتبي
سامي لف يطالع اذا احد جا: طيب خلاص اجل اشوفك اليوم الساعه 10!!
: مناسب بس ماقلت وين؟؟
سامي: اممممم في المطعم اللي شفتك فيه اخر مره
: أي عرفته خلاص اشوفك
سامي: يلا اجل اخليك الحين
: ok
وسكر وراح جلس في الصاله يطالع التلفزيون
ــــــــــــــــــــــــــــــــــــــــــــــــــ ــــــــــ
بيت ابو تركي::
علا كانت جالسه في الصاله وعيونها بجوالها ولا بحول احد << اصلا مافي احد بالغرفه الا اهي
دخل صقر واهو مخللللق حده وصقع بالباب
علا رفعت راسها له: ياخي اخلاق
صقر خزها ومشى ولا عطاها وجه لانه ان تكلم بيبرد حرته فيها
علا سكتت ماتبي تناقره
دخل تركي واهو يبتسم بعده: سلام
علا ابتسمت: أي هذا الاخوان وعليكم السلام
تركي: شفيه صقووور مطنقر..!!
علا: لييييه اصلا اهو من متى دخل البيت له خلق احد ويتكلم زي الناس.!! كلا معصب وبس يصرخ طول عمره كذا هالمخلوق
تركي: ههههه لا مسكين يمكن علشان الدراسه
علا: أي يصير خير
تركي: انزين وين عبود..؟؟
علا: نايم مع امه فوق
تركي قام: اجل بروح انا فوق يلا سلام
علا ابتسمت له: Ok
راح تركي فوق وتوه رايح الا دخل صقر مره ثانيه الصاله بس واهو نازل ويكلم جوال ويضحك: ههههه أي طيب ثواني
ناصر: كلنا ترى بنروح
صقر: مين كلكم..!!
ناصر: عز وباسل وسلطان
صقر: الحين ذولا كلكم..!! وين سامي وراكان وزياد ونواف..الخ؟؟
ناصر: راكان عنده اختبار ولا بجاي وسامي وزايد من متى جاو معنا اصلا..؟؟ والباقي بيجون بعد محمد ونواف وعبدالعزيز وبسام
صقر: اممممم طيب خلاص بجيكم بس مو الحين انا بروح اتغدى لان توني من شوي جيت من الجامعه بعد المغرب اجيكم
ناصر: ايالنصاب توك تقول ثواني..!! بعدين احنا بنلعب كوره على المغرب يعني حاول تجي بدري
صقر: ايه خلاص
ناصر: طيب بس عاد وقول لتركي اخوك يجي بعد
صقر: خلاص يوصل
ناصر: يلا سلام
سكر صقر من ناصر واهو يطالع علا: ايش الغدا..؟؟
علا: مو انا اللي طابخته والله
صقر: عن الاستهبال خلصينا
علا: أي علينا اعوووذ بالله ماتنتكلم بس لكل الناس رااااايق ولك خلقهم
صقر تنهد: لا يكثثثر
علا: روح المطبخ وشوف شالغدا
صقر: كش عليك مالت على اللي يسالك
علا بهمس: أي مالت عليه بقوه بعد
صقر سمعها ومايدري شيصقعها فيه لان باطه كبددده بس مشى وتركها لانه روق ولا يبي يعكر مزاجه شي
ــــــــــــــــــــــــــــــــــــــــــــــــــ ــــــــــــــــ
بيت ابو منيره::
منيره جالسه في حديقة بيتهم واهي تذاكر وتبي بس تخلللص "اوووووف ياربي شبسوي انا بعدين..!! ضغغغغغغغط"
طلعت العنود واهي تناديها: منووووووووووووور منييييييير وينك..؟؟
منيره: اووووف هذا انا هنا شتبين..؟؟
العنود شافتها وراحت لها: شتسوين..!!
منيره قامت تطالعها واهي ماسكه اعصابها: يعني جالسه بالهدوء وماسكه كتاب شسوي مثلا..!! اصور وياه يعني؟؟
العنود: أي يمكن
منيره: اقول قومي عن وجهي مالي خلقك انا موصله معاي من هالكتاب اللي مو فاهمه منه شي تجين انتي بعد تكملينها علي..!!
العنود: اقول سكتي مالت عليك جايه بسولف معاك تطرديني خلك هنا بروحك تستاهلين
منيره لاحت عليها القلم واهي رايحه: لا ميته عليك انا
راحت العنود ودخلت داخل وجلست على الكنب واهي تتحلطم: مالت عليها من اخت
وسمعت صوت احد نازل راحت بسرعه: يبا
ابو منيره: سمي
العنود: سم الله عدوك بس وين رايح..؟؟
ابو منيره: بيت عمك ابو ميساء
العنود: طيب وصلني على طريقك بيت عمي ابو تركي
ابو منيره: يلا بسرعه عاد لان مابي اتاخر على عمك مواعدنا اهو
العنود راحت: طيب يلا بسرعه بلبس عبايتي وبجي
ابو منيره: واختك مو جايه؟؟
العنود وقفت: لا بتذاكر
ابو منيره هز راسه بالموافقه واهو طالع: يلا انتظرك بالسياره لاتتاخرين
العنود راحت بسرعه لبست عبايتها وطلعت مع ابوها ووصلها بيت ابو تركي وراح بيت اخوه بو ميساء
ــــــــــــــــــــــــــــــــــــــــــــــــــ ــــــــــــــــــــ
بيت ابو ميساء::
ميساء جالسه مع ميرا بغرفتها
ميساء: الا وين ركووون.!!
ميرا: تحت في الصاله مع لميس
ميساء: لمييس..!!
ميرا: أي ابوي مجمع عمامي وعماتي هنا ولميس جايه مع امها
ميساء: وانتي تدرين ومخليتها تحت..؟؟
ميرا: اهي جالسه مع ركون خلاص ليه اناديها
ميساء قامت واهي طالعه: ماعندك سالفه والله مسكينه البنت جايه بيتنا وتخلينها تحت
ميرا حست انها جد غلطت بس مو قصدها اهي شافتها مع راكان وراحت عنهم وخليتهم لحالهم "اووف شدراني انا..!! خلاص هذا اهي تناديها ماصار شي"

ميساء نزلت ويوم لفت للصاله شافت لميس ابتسمت: اهليين
لميس لفت عليها وردت لها الابتسامه: هلا فيك
جات ميساء وسلمت عليها وجلست: آسفه لميس بس ميرا ماقالت لي انك هنا توني ادري
لميس: لا عادي شدعوه
راكان حط عيونه بكتابه يوم جات ميساء
ميساء قامت: تعالي معنا فوق خلي ركوون بيذاكر
لميس لفت على راكان ورجعت تطالع ميساء: امممم طيب Ok انا بس بشوف ابوي متى بيمشى والحقك
ميساء: طيب احنا بغرفة ميرا
لميس هزت راسها بالموافقه
راحت ميساء الغرفه وجلست لميس جنب راكان
راكان رفع راسه لها: روحي لهم
لميس: وانت؟؟
راكان ابتسم على جنب: عادي متعود اجلس لحالي وبعدين انتي عارفتني ماحب اتكلم كثير
لميس: طيب انا بتم معاك مابي اروح لهم الحين اكلم ميساء اقول لها اني بمشى واتم هنا
راكان: طيب ليه تسوين كذا؟؟ روحي لهم انا بزهقك لاني بتم ساكت
لميس: كيييييفي انا ابي اتم هنا
اخذت جوالها وارسلت مسج لميساء انها بتمشي البيت الحين ونزلت جوالها واهي تطالع راكان
راكان يرتاح للميس كثيييير ويحسها اكثر وحده تفهمه ومايخش عنها شي ابد ابتسم لها: براحتك
لميس: في شي بتقوله صح..؟؟
راكان: لا
لميس قامت تطالع عيونه واهي رافعه حاجب: حط عينك بعيني اشوف
راكان قام يطالع عيونها
لميس: يلا قول بسرعه شفيك؟؟ كل الناس تخش عليهم الا انا ماتقدر
راكان تنهد وحط كتابه
لميس: يلا تكلم اسمعك انا
راكان: انا مو مرتاح
لميس: من ايش..!!
راكان: انا مو مثل قبل الحين كبرت وكل شي تغير لميس انا ودي اعرف من انا ولده..!! ليه اهلي رموني كذا؟؟
لميس عورها قلبها عليه لانه ولا مره تكلم معاها بهالموضوع بس سكتت تنتظره يقول كل اللي عنده
راكان تغارقت عيونه ونزل راسه: اتمنى القى جواب على اسئلتي انا مو قادر اتحمل اعيش هنا اكثر ياليتني مت ولا صرت كذا كل اللي يسالوني عن اسمي ويعرفون ان مالي اصل يطالعوني نظرات احتقار وكاني جرثومه لان يمكن انا مو ولد ...........
لميس قاطعته: لا راكان لاتقول كذا انت ماتدري ايش الضروف اللي صارت لامك وابوك علشان صار فيك كذا
راكان رفع راسه واهو معصب ووجهه احمر: أي ضروف هذي..!! الضروف تجبرهم على انهم يقطون ولدهم بالشارع؟؟ يصير ولد شوارع..؟؟ الكل يحتقره لانه بدون اصل ولا ام ولا ابو
لميس مسكت دموعها يوم شافت دموعه نزلو على خده وواضح انه يتألم
قربت منه وحطت يدينها على كتفه: خلاص راكان لاتفكر كثير بهالشي ادري انك بتقول بقلبك اني ماجربت علشان كذا مو حاسه فيك بس والله انا حاسه بس مابيدنا شي هذا اللي ربي كاتبه لك
راكان ضمها واهو يصيح بصوت يقطع القلب ولميس مو عارفه شتسوي له ومو متحمله تشوفه بهالحال: راكان خلاص امانه اسكت خلاص لاتفكر كثير ولا تهتم لهالموضوع احنا اهلك كلنا واذا انت مو مرتاح بيت عمي تعال بيتنا او تقدر تروح أي مكان انت تبيه انت بس اختار
راكان وخر عنها واهو يمسح دموعه: انا مرتاح هنا ويشهد الله ان ابوي مو مقصر علي شي بس انا ابي اهلي الحقيقيين يطلعون ويبررون لي بس ليه سوو كذا؟؟ ليه جابوني على هالدنيا اذا بيرموني
لميس توها بتتكلم الا دخلو عمامها مع ابوها الصاله واهم يسولفون
ابو ميساء: عاد لاتقطعون عيدوها
ابو تركي: اكيد ان شالله بنعيدها احنا اخوان وين بنرح يعني؟؟
ام باسل: يلا لميس مشينا
راكان كان لاف وجهه عنهم
لميس حطت يدها على كتفه واهي تاشر له بعيونها وكانها تقول له لايصيح: يلا مع السلامه
راكان بهمس: مشكوره
لميس ابتسمت وراحت مع امها ماشيه البيت
ــــــــــــــــــــــــــــــــــــــــــــــــــ ــــــــــــــــــــــــــــــــــــ



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-03-2012, 03:36 PM
eng.noory eng.noory غير متصل
©؛°¨غرامي مشارك¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


في المزرعه::
تجمعو كل الشباب واهم يلعبون بلايستيشن
باسل: ههههههههههه 3 واحد يلا اللي بعدو
ناصر: انت كلا تفوز؟؟ متى بتخلص يعني.!!
باسل: لايكثر يلا يلا من اللي يبي ينهزم بعد
تركي جا وجلس: اتحداك يلا
باسل: شتراهن عليه..!!
تركي: مو مهم اللي تبي لاني واثق اني بفوز
باسل: ههه أي نشوف امممم يلا تعشي كل الشباب على حسابك اذا خسرت
تركي: ok واذا فزت انت تصير الحارس اليوم في المباراه
باسل: اتفقنا
وبدو يلعبون

عند باقي الشباب::
بسام كل ثانيه يشوف الساعه
عبدالعزيز: شسالفة امك انت كل شوي تشوف الساعه..!!
<<عبدالعزيز صديق ناصر وكان جاي معهم
بسام: ترى جايكم وتوني جاي من الدوام راااااااسي مصدددع وداااااايخ ابي اناااام
محمد: ماحد قال لك غصب تعال انت اللي جيت بنفسك
نواف: تركه يولي دجاجه مايشبع نوم امس يمكن نايم من 9 وماقام اليوم الا 7 على وقت الدوااااام ولا متأخر بعد ولا شبع
بسام: جب جب انت آخر واحد يتكلم يالبطاال ماعنك لا شغله ولا مشغله ونايم طول النهار واحنا كررررف في الدوام
نواف: يازين النوم بس شلي بالشغل وعوار الراس!!
عبدالعزيز: الحين الشغل عوار راس..!! يعني بتتم حظرتك طول عمرك في البيت كانك حرمه..؟؟
ناصر: هههههههه عادي يسويها
نواف: اييه وش وراي انا..!!
بسام: بيجي يوم بتتحسسسف انك قاعد ماعندك شغل
نواف: الله يعافي الواسطات تقدر تشغلني بالمكان اللي ابيه
عبدالعزيز: ايييييه ان شااااااااااالله
بسام رفع يدينه يدعو: ياااااارب ياكريم انهم يقطونك في العسكريه علشان تكرف كررررف اليهد وتعرف شلون يعني شغل
نواف طارت عيونه: وللللل عليك مو اخو عدو
سلطان: هههههههههههه تستاهل
بسام حط راسه على رجول صقر وغمض: اذا جا المغرب قعدوني
صقر: باقي ساعه بس
توه غفى الا انتبه على صرررررررررخة باسل: لااااااااااااااا
لفو كلهم واهم ساكتين
تركي: ههههههههههههههه ماقلت لك بفوز ترى المفروض العشا عليك بس انا طيب وخليتك بس تصير حارس
باسل قام واهو يسوي انه مو مهتم: عادي فزت 3 مرات
بسام رجع حط راسه على رجل صقر: الله يذيك روعتني على بالي في شي اثرك بس خسرت

بعد ماخلصو لعبهم الشباب واذن المغرب قامو صلو جماعه وراحو يبدلون علشان يلعبون كوره
صقر ركب سيارته وفتح النوافذ كلها واهو يتكلم بصوت طويل علشان يسمعون: انا ماشي الملعب وانتم لحقوني
عبدالعزيز ركب جنبه: اها يلا انا وياك بخلي سيارتي هنا
صقر: Ok حياك
سلطان: صقووووووووووووور لحظه بجي معاك
عبدالعزيز: تركه يولي بسرعه امشي
صقر على انه وده ينتظر خويه بس يوم شاف عبدالعزيز متحمس مشى بسرعه وسحب على سلطان
سلطان وقف واهو يطالع سيارته واهي تمشي: شوف النذذذل
محمد ركب سيارته: روح بسيارتك
سلطان: لالا اكيد نواف بعدهم والله السبع بيوديني معاه
نواف: ها..!! من ذا نواف؟؟ تصدق اول مره اسمع هالاسم!! عرفني عليه المره الجايه يلا اشوفك في الملعب
ومشى بسيارته
بسام كان توه صاحي من النوم وطلع واهو يطالع: وين نوافو..!!
محمد: يسلم عليك
بسام: وانا من يوصلني ان شالله..!!
محمد: انت ماعندك سياره صح؟؟
بسام: لا جاي مع نوافووو النذل
محمد: تعال اجل معاي حيااااااك ان ماشالتك السياره اشيلك بعيوني
بسام جا وركب: مابي عيونك ابي توصلني معاك بس
ومشو اهم بعد وسلطان يتفرج
ناصر سكر الباب لانه اخر واحد وقفل كل شي وبس ركب سيارته جا سلطان وركب معاه: اها يلا وصلني على طريقك مابي اسوق
ناصر مايدري شالسالفه وشغل السياره واهو ماشي: اوصلك شبينقصني؟؟
ومشو رايحين للملعب
ــــــــــــــــــــــــــــــــــــــــــــــــــ ـــــــــــــ
في بيت ابو محمد::
كانو جالسين ملاك ورانيا مع امهم في الصاله
ام محمد: شخبار الدراسه معكم؟؟
رانيا: ماشي الحال
ام محمد: وانتي؟؟
ملاك كانت ماسكه مجله وتشوف كريمات للبشره وللشعر وو..الخ ولا بحول امها اللي تتكلم
ام محمد: اكلمك يابنت
رانيا التفتت عليها: ملاك امي تكلمك ردي
ملاك قامت واخذت المجله واهي توري امها: يما شوفي هذا ابغاه وو بعد ابي اصبغ شعري نفس هاللون
ام محمد: وانتي هذا همك؟؟ انا اسالك عن الدراسه
ملاك قامت تطالع امها: ها..!! أي دراسه؟؟
ام محمد: المدررررسه اقول
ملاك: ايييي المدرسه أي أي زين
ام محمد: زين والا كالعاده بتنجحين بالددددف؟؟
ملاك: لالا يما انا شاده حيلي شوي بس خلاص بتخرج واخيرا واخلص من الدراسه وعوار القلب
ام محمد: مانتي داخله الجامعه..!!
ملاك: امممم افكر
ام محمد: والله انتي ماينعرف لك
رانيا رن جوالها وردت عليه: الووو
لميس: الووو هلا
رانيا: هلا فيييك شخبارك؟؟
لميس: تمام وانتي؟؟
رانيا: بخير دامك بخير
لميس: تسلمين اقول لك بكره تعالي بيتنا
رانيا: متى؟؟
لميس: امممم المغرب
رانيا: طيب شالمناسبه..!!
لميس: انتو كلا بالبيت وتزهقييييين وبكره الخميس واحنا نجتمع مع عيال خوالي وخالاتي تعالي معنا واعرفك عليهم
رانيا: لا شكرا بس ماقدر ماعرفهم
لميس: يلا عاد رنووو لاتسوين فيها اني واني اها عاد انتي ماتستحين اصلا يلا تعااااااالي
رانيا: امي ماراح ترضى
لميس: اكلمها وبترضى بس تعالي يلا
رانيا: بشوف ملاك وريتاج
لميس: لا تكفيييييين الا هالمليقات خواتك مانبيهم تعالي بس انتي يلا انا عازمتك ترديني..!!
رانيا: امممم طيب بشوف وارد لك خبر
لميس: بسرعه ردي بكره في المدرسه اذا شفتك قولي لي يعني الحين ابيك تسألين امك وتقنعييينها مو بس تقولين كذا
رانيا: هههه طيب ولا يهمك
لميس: يلا بايووو
رانيا: باي
سكرت منها وحطت جوالها ومو عارفه شلون تقول لامها
رانيا بارتباك: يما
ام محمد: نعم
رانيا: يما هذي لميس بنت عمتي
ام محمد: أي شفيها عسى ماشر..!!
رانيا: لا اهي بخير بس عازمتني بكره في بيتهم
ام محمد: شالمناسبه؟؟
رانيا: ولا شي بس بيجون عيال خالاتها وخوالها واهي لزززمت علي اني اروح معهم ولا ابي احرجها ها شقلتي؟؟
ام محمد: شوفي خواتك واذا راضين خلاص قولي لابوك وروحو
رانيا: لا يما شنو فشله اهي عازمتني انا
ام محمد: اجل مافي روحه اعتذري لها
رانيا: يما شنو يعني بياكلوني!! فشله البنت عازمتني وملزمه اني اروح
ام محمد: مافي يعني مافي
ملاك: عاد من حلاتها هاللميس المغروره
رانيا سكتت لان ماتحب تعصب وتنفعل
دخل ابو محمد البيت: السلام عليكم
:وعليكم السلام
راح وجلس جنب رانيا: هلا والله شخبارك؟؟
رانيا ابتسمت لابوها: الحمدالله انا بخير وانت يبا شخبارك؟؟ عساك بخير!!
ابو محمد: أي انا الحمدالله تمام مدامك انتي بخير
رانيا: تسلم
ام محمد قامت تطالع رانيا لان واضح من شكلها متضايقه شوي واهي تلمح لها انها ماتقول لابوها شي
ابو محمد قام يطالع النظرات اللي بينهم ولف لرانيا: شفيك؟؟ ناقصك شي!! لاتستحين انا ابوك
رانيا: لا يبا سلامتك مو ناقصني شي
ابو محمد: اجل شفيك؟؟ احد مضايقك..!! قولي بس انتي واوريه انا
رانيا: لا يبا بس لميس كلمتني وعازمتني بكره
ابو محمد: بنت عمتك شفيها اذا عزمتك..!! روحي وانا ابوك مافيها شي
رانيا ابتسمت بوناسه: جد يبا عادي اروح..!!
ابو محمد: أي اكيد ليه كنتي متوقعه ماوافق..؟؟
رانيا: لا بس قلت يمكن يعني
ابو محمد: لاتخافين مو قايل لك لا هذا يلا قلت لك روحي الوقت اللي تبينه و بعد اذا تبين انا اوديك بنفسي
رنيا باست راس ابوها: تسلم يبا الله يخليك
ابو محمد ابتسم: انا شابي من هالدنيا الا اني اشوفكم مستانسين
قامت رانيا واخذت كتابها: يلا بروح اذاكر انا
ابو محمد هز راسه بالموافقه
راحت رانيا تذاكر واهي مبسوووووووطه ان ابوها رضى تروح لهم
ــــــــــــــــــــــــــــــــــــــــــــــــــ ـــــــــــــــــــــــــــ
بيت ام بسام::
"ابو بسام متوفي بجلطه من سنتين وبسام اهو اللي شايل البيت"
ام بسام كانت جالسه في الصاله وربا فوق راسها تحن: يما يما يلا عااااااد
ام بسام سدت اذانها: الله يصبرني على حنتك اللي ماتخلص
ربا: يما والله شعري يع ماطيقه ابي اقصه يمااااا
ام بسام: يوم طولتيه وحتى صار الحين اطول من ظهرك تبين تقصينه..!! خبله انتي ماتتحسفين عليه؟؟
ربا: لا ماتحسف يما شعري وكيفي مابيه مثل ماطولته بكيفي الحين ابي اقصه بكيفي
ام بسام: لا والله مو بكيفك حرام تقصينه بعد ماطولتيه كل هالطول انا قلبي بيعورني على هالشعر انتي موهامك
صبا: يما شفيك؟؟ خليها تحلقه كيفها شعرها تولي
ربا: أي صح كلام اختي العزيزه شعري وكيفي
ام بسام: اقول قومو عن وجهي ثنتينكم مو ناقصتكم انا اها يلا قومو كل وحده تمسك لها كتاب تقرى لها كلمتين من جيتو من الجامعه وانا ماشوفكم ذاكرتو شي
صبا + ربا مع بعض: ماعندنا دوام بكره
ام بسام: اجل قومو عن وجهي لانكم رفعتو لي الضغط
قامت ربا معصبه واهي بتروح الا شافت نواف وبسام دخلو البيت
بسام: السلام عليكم
:وعليكم السلام
بسام راح بيرقى وشاف ربا واقفه عند الدرج ومتكتفه قام يطالعها واهو رافع حاجب: شفيك الحمدالله والشكر مكشره ونافشه الكشه..!!
ربا: مافيني شي
راح بسام وتركها
نواف قام يطالعها: وش فيها اختي الحلوه زعلانه؟؟
ربا تنهدت بعصبيه: مالك خص
نواف: افاااا انا نواف تقولين مالي خص؟؟ لالا ماهقيتها منك
ربا: ابي اقص شعري وامي مو راضيه قول لها نواف تكفى تكفى اقنعها
نواف ارتاع منها على طول هدت الكلام عليه: توه مالي دخل..!!
ربا: يلا عاد نواف والله اني احبك بس اقنعها
ام بسام: لا تحااااول قص شعر مااااااافي
صبا قامت واهي تضحك ووقفت جنبهم: ههههههاي احسن هذا اللي تطول شعرها واقول لك قصيه قصيه تقولين لالا ابيه طويل احلى تستاهلين
ربا: جب جب انتي تسكتين
نواف: يما آخر كلام مافي قص؟؟
ام بسام: مافي
نواف غمز لربا: أي خلاص مافي يعني مافي
ربا مافهمت من تعابير وجهه في فباله شي
نواف رقى الدرج ومسك يدها ولصق فمه في اذنها واهو يهمس لها: تعالي غرفتي شوي
ربا راحت وراه على طول وطبعا صبا ذاااااابحتها اللقافه وراحت وراهم
دخل نواف وسحب كرسي مكتبه وحطه قدام المرايه: تعالي
جلست اهي وماتدري شالسالفه
راح نواف وجاب مقص ومشط ووقف وراها واهو يبتسم: ولا اخلي في خاطرك انا بقصه
:لاااااااااااااااااااااااااااا
لفو ثنينهم على صبا اللي جنب الباب مرتاعين
صبا: خبله انتي بتسلمين نفسك لنوافو والله يقص اذانك الحين
نواف رمى المشط عليها: انتي طلعي برى شتبين جايه..!!
ربا: أي شتبين انتي؟؟ خله يسوي اللي يبي اهم شي يقص شعري
صبا: نصحتتتتك كيفك ان صار شي مالي دخل
وطلعت برى الغرفه ونواف راح اخذ المشط وجاب فوطه ولفها على رقبتها واخذ شعرها كلللله وطلعه على برى واهو يطالعه
ربا: يلا شتنتظر؟؟
نواف: عاد تصدقين حسافه على هالشعر
ربا: اقوووول لايكثر نواف بتقصه والا شلوووون..!!
نواف: لالا بقصه بس اول شي
ربا: ايش؟؟
نواف لفها عن المرايه علشان ماتشوف وجهها: بعد ماخلص تشوفين
ربا: Ok
نواف اخذ ماي ورشه على شعرها كله ومسك طرف الشعر كلللله وقصه بسرعه لنص ظهرها
ربا حست في شعرها قصر مسكته بيدها تتحسس لوين وصل
نواف: تحسفتي؟؟
ربا خايفه بس تكابر: لا عادي كمل بس لاتخربه
نواف: لا ماعليك
وبعد ماقصه لنص ظهرها اخذه كله وقسمه اربع اقسام وبدى من اليمين وقصه لتحت اذنها
وسوى نفس الشي مع اليسار ومن ورى وبعد ماخلص ووخلى كل الشعر طول بعض
اخذ اخر قسم اللي فوق وقام يقصصه بشكل عشوائي واقصر من اللي تحت
وبس خلص قام يحرك شعرها ويشوفه وكان مموج شوي
ربا شافته وقف بلعت ريقها واهي حاسه بشعرها اللي رقى فووووووووق: نواف خلصت؟؟
نواف: لا بروح شووووي وبرجع لاتتحركين ولا تشوفين شعرك ياوييييلك
ربا: طيب
راح بسرعه غرفة صبا وربا وفتح الباب واخذ الاستشوار ورجع غرفته وركبه واهو يستشور شعرها على تحت
وخلص من شعرها كله وقومها وشال الفوطه: غمضي عيونك ولفي على المرايه
ربا غمضت وقلبها يدددددق خايفه تشوف الشعر ماتدري شسوى ولعب فيه
لفها على المرايه واهو واقف وراها ويبتسم: يلا فتحي
فتحت عيونها وماصدقت يوم شافت شعرها شهقت ذيك الشهقه
نواف خاف: شفيك؟؟ ماعجبك
ربا مو مستوعبه ان هذا شعرها كان لتحت اذانها واهو كان يغطى ظهرها وزياده بعد بس كانت القصه مرتبببه وكان اللي مسويها خبير
نواف: هيي يااختنا في الله شفيك هجدتي؟؟
ربا لفت على نواف وتعلقت على رقبته واهو مسكها لاتطيح
ربا: والله اني احببببببببك يااحلى اخو انت
نواف: ههههههه عارف اني حلو خلاص وخري عني زنطتيني بموت
ربا وخرت عنه وباسته على خدددده: تسسسلم
نواف: الله يسلللللمك الحين عاد ياحلوه نادي الخدامه تكنس الشعر اللي بالارض وان قالت لك امي من قص شعرك شتقولين؟؟
ربا بغباء: نواف
نواف: اييييييه علشان اقص لساك ورى شعرك يالهبله
ربا: اجل شقول؟؟ اكذب..!!
نواف: قولي لها انتي اللي قصيتيه انا مالي شغل فيك
ربا بلا مبالاه: أي يصير خير بعدين اقول لها
نواف: يلا الحين اشوف طلعي نادي الخدامه وانا بدخل اخذ شاور
ربا: ok نعيما مقدما
نواف: ينعم بحالك
اخذ فوطته ودخل الحمام
وربا طلعت توري اختها شعرها وتنادي الخدامه
ــــــــــــــــــــــــــــــــــــــــــــــــــ ــــــــــــــــــــــــــــــــــ
بيت ابو تركي::
كانو توهم بيتعشون والعنود كانت عندهم
واخذت جوالها اتصلت على ابوها ووصلها رده: الووو
العنود: هلا والله يبا
ابو منيره: هلا فيك
العنود: يبا متى بتجي تاخذني؟؟
ابو منيره: هذا انا توني واصل وبتصل عليك يلا طلعي انا انتظرك
العنود قامت: طيب ثواني واكون برى يلا سلام
وسكرت منه واهي تلبس عبايتها
وكان صقر توه نازل وشافها تلبس: ها عنوود ماشيه؟؟
العنود لفت شيلتها واخذت شنطتها: أي والله ابوي برى اممم علا راحت فوق اذا نزلت قول لها اني مشيت طيب!!
صقر: Ok سلام
العنود طلعت لابوها وكانت علا توها نازله قامت تطالع الصاله واهي رافعه حاجب
صقر: عنود مشت من شوي ابوها جا
علا: يووووووه عاد ليه ماقلت لها تتم؟؟
صقر: ابووها جا اقول يعني شنو نرجع عمي فاضي مسكين
علا: اوووف
صقر راح وجلس قدام التلفزيون
علا توها بتدخل الا تذكرت ورجعت: أي صح صقر قوم تعشى يلا
قام وراح معاها وجلسو يتعشون واهم ساكتييين
ابو تركي: ها صقر شمسوي ويا الجامعه ان شالله ماشي؟؟
صقر: أي تمام
ابو تركي: الحمدالله زيين
وسكتو للحظات
وقطع صمتهم ابو تركي: اليوم انا ببيت ماجد اخوي والله كبرو بناته من زمان ماشفتهم
ام تركي: أي ماشالله عليهم
ابو تركي: ولا ميساء ماشالله عليها صارت مره
ام تركي: أي انا افكر بس يخلص صقر اخطبها له
صقر كشر وقام يطالعهم: نعم..!!
ام تركي: والله ميساء ماتنعاب ياصقر انت لو تشوفها بتعجبك
صقر: اولا انا للحين ماتخرجت علشان تخططين تخطبين لي وثانيا من قال لكم اني ابي ميساء..!!
ام تركي: وش فيها ميساء؟؟
صقر: مافيها شي بس مافكرت فيها
ام تركي: فكر فيها وبعدين انت بنفسك اللي بتقول لي اخطبها لك
صقر تنهد وحط الملعقه واهو قايم: الحمدالله شبعت
وراح غرفته واهم مستغربين منه
ابو تركي: تركي
تركي: هلا يبا
ابو تركي: وش فيه اخوك اليوم؟؟
تركي: مافيه شي هذا هو بخير
ابو تركي: مامدى قلنا له كلمه الا عصب
تركي: اهو كذا من قبل بسرعه يعصب
ابو تركي: الله يهديه
ام تركي: مادري ليه مو داخله مزاجه بنت عمه
علا: مو غصب مايبيها
ام تركي: وش فيها علشان يعافها؟؟
علا: اصلا انتو مادري شمستعجلين عليه الرجال توه يدرس بالجامعه خله يخلص ويشتغل ويكون نفسه ويصير خير
ام تركي: احنا بس نقترح عليه
علا: مو عاجبته البنت ولا بداخله مزاجه بكيفه حياته واهو حر من يختار
تركي: من جد خلوه براحته اهو متى ماتخرج واشتغل وعزم يتزوج بيجي بنفسه ويقول لكم تخطبون له واذا بباله وحده بيقول لكم عنها بس تو الناس عليه توه شاب وطايش
ام تركي: يمكن
ابو تركي قام: الحمدالله
عبدالله قام: يبا
ابو تركي: هلا ؟؟
عبدالله: ابي اروح وياك عند الرجال
ابو تركي ابتسم: تامر امر يلا خلصت اكلك؟؟
عبدالله هز راسه بطفوله: ايه
ابو تركي: يلا تعال نغسل واخذك معاي
وراح مع جده يغسلون وبيروح المجلس معاه
وعلا قامت بعد ماخلصت العشا وبتراجع اختبارها وبترتب كتبها وبتنام
~~~~~~~~~~~~~~~~~~~~~~~~~~~~~~~~~~



تعديل eng.noory; بتاريخ 16-03-2012 الساعة 04:15 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-03-2012, 06:56 PM
eng.noory eng.noory غير متصل
©؛°¨غرامي مشارك¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


انتظر الردود علشان اكمل ^.^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-03-2012, 03:35 AM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


السلام عليكم ورحمة الله


https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


بالتوفيق ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-03-2012, 12:58 PM
eng.noory eng.noory غير متصل
©؛°¨غرامي مشارك¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


بدون ردود ماقدر اكمممل :"(

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-03-2012, 07:29 PM
eng.noory eng.noory غير متصل
©؛°¨غرامي مشارك¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


يتبببببببع...


تعديل eng.noory; بتاريخ 19-03-2012 الساعة 08:32 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-03-2012, 07:36 PM
eng.noory eng.noory غير متصل
©؛°¨غرامي مشارك¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


في اليوم الثاني::
بيت ام زياد::
اشجان كانت بغرفتها تلبس علشان بتروح الجامعه
وطق باب غرفتها
اشجان: قاااااااعده
زياد: طيب يلا بسرعه نزلي بمشي انا
اشجان: لا تمن على هالتوصيييله
زياد: لايكثر خلصينا
اشجان خلصت وفتحت الباب: اقول احترم شوي انا اكبر منك
زياد راح عنها بدون مايرد: انتظرج تحت بسرعه لاتتاخرين
اشجان ولا كانها تسمعه دخلت شالت شنطتها وعبايتها على راحتها ونزلت وجلست على طاولة الطعام واهي بتفطر
زياد: خلصينااا بسرعه
ام زياد: شفيك عليها خلها تفطر لاتروح الجامعه على جوع
اشجان ولا كانها معاهم وتاكل على روااااااقه
زياد: طيب بسرعه عشر دقايق وبنمشي مابي اتاخر
اشجان: اعصاابك طيب ماحد قال لك تطق الصدر وتقول بتوصلني لو مخليني مع السايق ابرك لي
ام زياد: مافي سايق اخوج موجود خلاص
اشجان: مالي دخل اهم شي احد يوصلني الجامعه
ام زياد: طيب تعال اكل زايد
زياد: اكلت
ام زياد: وش اكلت..!! هذا الفطور مانقص منه شي
زياد: الا اكلت شوي لان مو مشتهي
ام زياد لفت على اشجان: يلا بسرعه كلي انتي وقومي مع اخوك لاتتاخرون
اشجان قامت: طيب شفيكم علي اليوم بس تحنوووون
وراحت لبست عبايتها أي كلام ووقفت قدام اخوها واهي رافعه حاجب: خلصنا يلا قوووم
قام واهو ماله خلقها ولا عطاها وجه وطلع واهي طلعت وراه وركبت
زياد: متى اليوم تطلعين؟؟
اشجان: ماعندي الا محاضره وحده
زياد: انا ماطلع الا متاخر اليوم
اشجان: يعني..!!
زياد: بشوف ادبرها لان ماقدر اجيك
اشجان: المهم ان احد ياخذني مابي اتم في الجامعه لين تطلع
زياد وقف جنب جامعتها وفتحت الباب ولفت عليه: عاد كلمني وعطني خبر من بياخذني من الجامعه
زايد: Ok
نزلت ودخلت جامعتها واهو كمل طريقه لجامعته
ــــــــــــــــــــــــــــــــــــــــــــــــــ ـــــ
المدرسة الثانويه::
كانت ملاك تمشي مع صديقاتها في المدرسه بغرووووورها المعتاد
واهي تمشي صقعت في كتف بنت ولفت واهي معصبه: هي انتي..!!
لفت الجازي عليها واهي تطالعها من فوق لتحت: نعم
ملاك: شفيك تطالعيني كذا..؟؟ شنو شايفه قدامك؟؟
الجازي تكتفت بطفش: شتبين بالضبط؟؟
ملاك: هي هي انتي كلميني عدل
جات لميس: الجااااازي
لفت عليها: هلا
لميس: يلا قومي الشله هناك تنتظرنا وش تسوين هنا انتي؟؟
الجازي: ولا شي يلا مشينا
توهم بيروحون الا صرخت ملاك عليهم: هيييييي انتي وياها
لفو ثنتينهم ولميس يوم شافتها كشرت: شتبين انتي؟؟
ملاك: اقول كلميني عدل
لميس قربت شوي منها واهي تطالعها باحتقااااار وتكتفت: وليه يااخت ملاك وشلون تبيني اكلمك ان شالله..!!
ملاك: تكلميني زي الناس من انتي اصلا علشان تكلمييني وتطالعيني كذا..؟؟
لميس: انا لميس
ملاك: ومن لميس ان شالله..!!؟؟
لميس: لميس الـ........ فوق راسك وراس اللي اكبر منك غصب عنك عجبك والا ماعجبك
ملاك انقهررررت من اسلوب لميس: اقول انتي هي لا تسوين فيها ترى انتي وامثالك ماتسوين اللي في رجولي
لميس: احتررررررمي نفسك احسن لك ودامي للحين هينه معاك توكلي لا والله ماتشوفين خير
ملاك بدلع: لا يمممممه خفت منك انا
لميس قامت تتكلم بدلع: يااااااي يالركيكه ،وكملت بصوتها الطبيعي: مادري على ايش هالدلع من الجمال الزايد والا الشعر الاشقر والعيون الزرق ترى ابد مو لااااااايق عليك يالشيفه والا تبيني الحين اجيب سطل ماي واوخر هالاساس اللي بوجهك وتطلع البلاوي كلها..!!
ملاك: لميسوووووووو احترمي نفسك
لميس: اسمي لمييييس مو لميسووو وبعدين اذا انتي مو قدها ليه تتحرشين بخلق الله خليك بحالك لانك موووووو قدي يابابا
ملاك تنقهههههر من اسلوب لميس اللي عندها رد على كل شي ودايم تطلع منتصرررررره
لفت على صديقاتها واهي تحاول تبين انها مو متفشله: قومو نمشي ونترك هالمبزر
لميس ابتسمت على جنب: لقطي وجهك
ملاك حقرتها وراحت مع صديقاتها
لميس مسكت الجازي ومشت معاها لعند صديقاتهم
الجازي: مو هذي بنت عمك؟؟
لميس كشرت: ايه الله يقرفها
الجازي: ولا كأنكم عيال عم ابد اعدااااااااااء
لميس: ماعليك منها اصلا انا مالي علاقة فيهم بس مع رانيا
الجازي: امممم طيب خلاص هدي ماعليك منها
وراحو جلسو مع صديقاتهم
ــــــــــــــــــــــــــــــــــــــــــــــــــ ــــــــــــــــ
المدرسة المتوسطه::
كانو جالسين في القاعه كل البنات لانهم مسوين حفل تكريم::
عند علا والعنود وظميا::
كانو جالسين جنب بعض وطفو الانوار علشان بيشغلون العرض
العنود: اوووف
ظميا: هذا احلى شي الحين تكلمي ماحد يشوفك
علا: ايييييه وناستين
وقفت المديره على المسرح ومسكت المايك: بسم الله الرحمن الرحيم
اخواتي المعلمات...بناتي الطالبات...
اليوم غير كل يوم... اليوم جمعناكم هنا لتكريم الطالبات المتميزات...
الطالبات اللاتي رفعن رأس اهلهن ومدرستهن بتفوقهن...
لايعني هذا ان باقي الطالبات فاشلات..لا بل الفشل قد يكون بداية للنجاح..
فلا تيأسي ايتها الطالبه...
ظميا: ياخي قللللللق مالا داعي كلامها
علا: من جد هههههههه
العنود: والله على كثر مانجتهد ونجيب درجات مايعجبهم مايكرمون الا اللي جايبه المجموع الكلي عاد الناس مو كلهم يقدرون يجيبون المجموع الكامل عقولنا مو متساويه يعني على كثر ماجبت امتياز بالموت يكرمووني اصلا انصدم اذا قالو اسمي
ظميا: ههههههههههه أي والله صار مستحيل تسمعين اسمك الا اذا جبتي مجموع كامل ويمكن مايكرمونك بعد لانك يوم من الايام ماشاركتي خخخخ
علا: ههههههههههههههههههه خلونا نسمع يمكن يقولون اسم وحده مننا بالغلط ههههههههههههههه
الطالبه (اللي تقرى العرض): اولا سنبدأ بتكريم الفصول المتميزه
الصف الاول المتوسط
1/1 _ 1/3 _ 1/5
الصف الثاني المتوسط
2/1 _ 2/2 _ 2/3 _ 2/5
الصف الثالث المتوسط
3/1 _ 3/3 _ 3/6
وبدو الطالبات والمعلمات يصفقون للفصول
علا: والله زيييين كرمو فصلنا
العنود: لاني انا فيه
ظميا: روحي زييييين
علا: خخخخخخ بس بس سكتو لاتتهاوشون
الطالبه: والآن مع تكريم الطالبات المتميزات من الصف الثاني المتوسط
ظميا: يالليل ومتى يوصلونا يعني
علا: اوووه باقي خيير
العنود: لا والله ثاني مافي دفاره كثير
علا: ههههه أي مو علشان كذا بيطولون لان مافي دفاره ولازم يكرمون فبيكرمون كل البنات لانهم نفس المستوى ههههههه
ظميا: ههههههه امـا
العنود: يلا يلا وصلو ثالث الحين فصلنا
الطالبه بدت تعدد الاسماء وظميا والعنود وعلا يترقبوووون اسمهم
الطالبه: علا حمد الـ............ تتفضل تستلم جائزتها
ظميا والعنود قامو يصرخووووووون علشان جا اسم علا
علا قامت واستلمت جائزتها وسلمت على المديره ورجعت جلست
ظميا: ايالدفره ياعلوووه
علا بثقه: احم احم شسوي بعد اذا انا شاطره ماشالله علي
العنود: اقول لايكثر
الطالبه: نرجو التفوق لباقي الطالبات وشكرا
ظميا: شف شف ماقالو اسماءنا
العنود: لنا الله قومي بس
ظميا وعلا قامو معاها وراحو بيرجعون فصولهم
ظميا: مانبي نرجع الفصل
علا: شعلينا؟؟
العنود واهي تتذكر: امممممم على ما اظن على ما اظن انه انقلش
ظميا: يعععععععععععع ياغثها من ماده وياغث ابلتها الشينه
علا: الله يعين بعد وش نسوي يلا مشينا للفصل
العنود: لالا خلنا نتاخر شوي على الحصه
علا: لا يمه اخاف يمسكونا او شي قومو اقول وقصرو الشر
ظميا: يلا عاد علوووه لاتصيرين خوافه بس هالمره تعالي معنا
العنود راحت: بروح الحمام شوي
ظميا: بجي معاك
علا: انا برجع الفصل وانتو لاتتاخرون عاد تعالو
راحو اهم واهي رجعت الفصل
ــــــــــــــــــــــــــــــــــــــــــــــــــ ــــــــــــــــــ
ايطاليا::

في الجامعه::
رائد كان توه طالع من محاضرته وهو يمشي مع بنت ايطاليه خاقه عليه
رائد بابتسامه: Vai ora avete una lezione <<(اذهبي الآن لديك محاضره)
الايطاليه لصقت فيه: Posso vedere oggi? <<(هل اسطيع رؤيتك اليوم؟؟)
رائد رفع حاجب واهو يتذكر:no ammmm <<(امممممم لا)
الايطاليه طالعته بترجي تبيه يرضى
ورائد ماله خلقها حط يده على شعره من ورى واهو يبي يصرفها "ياللييييل ذي نشبت شيفكها الحين..!!"
جا سعود <<صديق رائد>> ووقف جنبه وشاف ذي الايطاليه واضح انها ناشبه له: ها شفيك؟؟
رائد: ياخي ذي مو راضيه تفهم وتروح مصرره تبي تشوفني اليوم
سعود: شمسوي لها؟؟
رائد: شمسوي لها يعني؟؟ سحر مثلا..!!
سعود: لا يعني قصدي البنت حبتك يمكن
رائد: يعني شالمطلوب؟؟ لا يكون ياخ تبيني انا احب واعشق بعد..!!
سعود رفع كتوفه: وش فيها يعني؟؟
رائد: روح زين لاباللي برجلي الحين انا اذا عطيتها وجه طول هالفتره ترى تسليه وخلصت منها الحين مو رايق لها عاد
سعود: هههه يعني ماتعقل..!!
رائد تنهد ولف على كاثرين: Caterina ora ti vedo domani occupato <<(كاثرين انا الآن مشغول اراك غدا)
كاثرين هزت راسها بالموافقه واهي مستسلمه: ok
راحت محاضرتها ورائد مشى مع سعود وراحو جلسو برى على كرسي
سعود: الا اقول رؤود..!!
رائد: همممم قول
سعود لف على رائد واهو يطالعه بنص عين: قول الصراحه الصراحه؟؟
رائد رفع حاجب: وشو الصراحه الصراحه ذي حقتك...؟؟
سعود: تحب..!!
رائد ابتسم بسخريه: انا احب..!! لا ياحبيبي انا بس اتسلى
سعود: اترك المليون الف بنت اللي من جينا وانت من وحده لوحده انا اقصد انت اساسا تحب
رائد تنهد وتسند: لا
سعود: والبنت اللي امس قلت عنها
رائد قام يطالعه باستغراب: أي بنت؟؟
سعود: البنت اللي شفتها باسعوديه اللي تقرب لبنت عمتك مدري خالتك وعاجبتك وحابها
رائد للحين يطالعه: لحظه لحظه متى قلت انا؟؟ وش هالبنت اللي طلعت لي قصه اني احبها..!!
سعود: ياحلو انت اذا كنت دااااااايخ وميت نوم اذا نمت ماتحس بعمرك لو احد يسألك عن شي تخر الاكو والماكو
رائد تحمس: طيب شقلت انا؟؟
سعود: اسمع الله يسلمك انا سمعتك تنادي لميس بنت مادري شتقرب لك وتقول لها ابي اشوفها وقلت بعد ان انا احبها وقولي لها بس بقول لها كلمتين ماراح اطول
رائد رفع حاجب: وشلون عرفت اني اقصد وحده تقرب للميس؟؟ يمكن اقصد وحده من قرايبنا..!!
سعود: لحظظظظظه جايك بالكلام
رائد: اها كمل..!!
سعود: انت قلت اسم هالانسانه
رائد قلبه قام يدق وبلع ريقه: وش قلت؟؟
سعود: قلت...... وسكت
رائد: اها خلصصصصصصني
سعود: رانيا
رائد: والتبن ان شالله
سعود: ها..!!
رائد: من وين جبت لي رانيا؟؟ اصلا ماعندنا بنت عم والا عمه اسمها رانيا يالكذاب
سعود: عاد والله هذا اللي قلت يمكن وحده تصير لهم من هنا والا من هنا
رائد قعد يتذكر لان الاسم مار عليه: رانيا رانيا
سعود: شفيك قمت تهلوس فيها؟؟
رائد: لا سامع فيه الاسم
سعود: ايه انت ماتم بنت ماعرفتها اكيد مار عليك
رائد ماعطى اهتمام لكلام سعود واهو يفكر وجا بباله موقف
اول مارجع من السفر قبل 9 شهور::
...
كان من زماااااااان مارجع واول مارجع سوو له عزيمه كبيييييييره عزمو كل المعارف والاقارب
وكان اهو طالع من مجلس الرجال ويكلم جوال: صبووو بلا ثقالة دم
صبا: هههههه لا من جدي والله
رائد رفع راسه واهو يطالع بكل مكان من الساحه اللي بالمزرعه الكبييييره: انا ماشفت شي وينج؟؟
صبا: شوف شوف انا ورى مع البنات بجي الحين من جنب
رائد تنهد: طيب وخلي اختج تجي بعد ماشتغل عندكم انا كل شوي رايح وجاي علشان وجيهكم
صبا: ماااااااالت هذا بعد جزاي اقول مشتاقه لاخوي وابي اشوفه
رائد: المهم لايكثر هذا انا جاي
صبا: ok
سكر رائد منها وقام يطالع وكان في جهتين يلف فيهم على ورى احتار وين يروح وراح الاقرب له
لف وشاف وحده لافه ومعطيته ظهرها وقدامها وحده من خواته التوأم وكانت مزله راسها مانتبهت له
رائد مشى شوي شوي وضم ذي من وراها
اهي شهققققققققت
ربا رفعت راسها وشهقت اكثر: رؤوووووووود
رائد باسها: اشتقتي لي..!!
ربا سدت وجهها: لاااااااااااااا
رائد وخر عنها واهو رافع حاجب ووقف جنبهم ويوم لف على البنت شاف انها مو اخته انصععععععععق ووجهه عطى الوااااااااااان
رانيا راحت بسرعه عنهم
ربا وخرت يدينها عن وجهها واهي تطالعه: وش سويت انت؟؟
رائد بلع ريقه: من هذي؟؟
ربا: هذي رانيا بنت عم باسل وعز
رائد تم مسببببه من الموقف البايخ اللي صار
ربا مسكت ضحكتها على وجهه: خلاص عاد
رائد: جب كلا منك انتي واختك الهبله
ربا جاته وضمته: اها بس يلا انا اشتقت لك معليه تكبر وتنسى
رائد وخرها عنه: لا والله..!! والحين وين صبووو؟؟ اهي اللي متصله علي ومقلقتني تعال تعال ولا اشوف خشتها..!!
جات صبا تركض وضمته: رؤوووووود وحشتنييييي
رائد: طيب لايكثر
وخرت عنه: مالت عليك شفيك تكلمني كذا؟؟
ربا كاتمه ضحكتها: شفتي رانيا؟؟
صبا: لا ليه؟؟
رائد: جب انتي
صبا: لالا علموني شصاير؟؟
رائد: بلا لقافه يلا انا ماشي
وراح عنهم وربا اخذت اختها واهي تقول لها شصار لرائد مع رانيا

...
صحى رائد بعد ماتذكر على صوت سعود: رؤوووووووووووووووووود
رائد: ها ها ها..!! وجعه اسمع انا
سعود: أي مو لي سنه اناديك
رائد: شتبي؟؟
سعود: قوم نمشي خلاص خلصنا دوام شيجلسنا هنا..!!
قام رائد معاه وطلعو من الجامعه راجعين للسكنهم
ــــــــــــــــــــــــــــــــــــــــــــــــــ ــــــــــــــــــــــــــــــــــــ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-03-2012, 07:53 PM
eng.noory eng.noory غير متصل
©؛°¨غرامي مشارك¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


تااااااااابع


تعديل eng.noory; بتاريخ 19-03-2012 الساعة 08:33 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-03-2012, 08:02 PM
eng.noory eng.noory غير متصل
©؛°¨غرامي مشارك¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


نرجع للسعوديه:: في الجامعه::
زايد كان يشوف الساعه "يووووه الحين اشجان بتشب علييي وانا مادري من بيرجعها عندي محاضره بعد نص ساعه مايمديني"
اخذ جواله واهو يتصل على سلطان ووصله رده: ايوا
زايد: هلا والله سلطان انت وين؟؟
سلطان: بالجامعه
زايد: طيب خلصت دوام والا؟؟
سلطان: أي خلصت ليه تسأل..؟؟
زايد: اشجان بتطلع الحين وانا شوي عندي محاضره
سلطان: انا مع صقور جاي
زايد: يعني بتطلعون الحين والا..!!
سلطان: أي الحين
زايد: أي خلاص مروها
سلطان: Ok تكرررم
زايد: مشكور
سلطان سكر منه ولف على صقر اللي يسوق: روح جامعة اشجان
صقر لف: طيب كلمها احنا قراب من جامعتها
سلطان طلع جواله: ok
اتصل واهو ينتظر ردها ولا ردت: ماترد
صقر وقف بالاشاره اللي جنب الجامعه واخذ جواله واتصل عليها
اشجان: الووو هلا
صقر: هلا فيك
اشجان: هلا صقر شفيك متصل هالوقت غريبه..!!
صقر حرك يوم اشتغلت الاشاره: يلا انا الحين دقيقتين واصير عند باب الجامعه بسرعه طلعي لاتتاخرين
اشجان: اها طيب خلاص
سكرت منه وقامت بسرعه لان واضح انه معصب وان تأخرت بيطلع اللي فيه كله فيهاااااا واهي اللي بتطيح فيها
وقف جنب الجامعه وعلى طول اشجان طلعت وشافته ركبت: سلام
سلطان: وعليكم السلام
اشجان طالعت صقر في المرايه: السلام لله
صقر: وعليكم السلام
سلطان: اقول اشجان لازم ترجعين البيت الحين؟؟
اشجان: يعني وين بروح؟؟ جايه من الجامعه اكيد برجع بيتنا
سلطان: كلمي امك قولي لها انك معنا وبنروح نتغدى ونتمشى شوي
صقر: سواق عندك الظاهر
سلطان: لا الرجال موووصل حددده شكله خلاص سحبناها ودنا بيوتنا
اشجان: ههههههههاي تستاهل اول مره يبرد قلبي فيك ويفشلك
سلطان مارد عليها لان جواله رن ورد عليه: نعم
ام سامي: خلصت دوامك؟؟
سلطان: أي طلعت من الجامعه الحين
ام سامي: بتتغدى معانا؟؟ والا برى؟؟
سلطان: لا هذا وصلت البيت
ام سامي: خلاص اجل يلا مع السلامه
سكر سلطان يوم وقف صقر وفتح الباب ولف على صقر: نشوفك اليوم؟؟
صقر بدون نفس: يمكن
سلطان: Ok سلام
ونزل ودخل بيتهم واشجان نزلت ركبت جنبه واهي تطالعه ورافعه حاجب: صقور..!!
صقر: همممم
اشجان: خلصني قول شفيك؟؟ من طلعت وانت مطنقر زياده عن العاده
صقر: مافيني شي لاتحنين
اشجان تسندت بعدم اهتمام: احسن عساك ماقلت عاد كللللش انا ميييته علشان اعرف شفيك
صقر مارد عليها وكمل طريقه لبيتهم لان بيتهم جنب بعض
ــــــــــــــــــــــــــــــــــــــــــــــــــ ــــــــــ
بيت ابو سامي::
سمر دخلت البيت ووجها احمممممممر من الشمس ولان السواق تأخر عليها ورمت الشنطه على الكنب وجلست: اووووووووف
سامي رفع حاجب: شفيك انتي؟؟
سمر: مالك خص
سامي: اعوووذ بالله ماقلنا شي بس سألت سؤال
سمر: وانا مابي اجاوب
جات ام سامي: سمممر..!!
سمر: لا كباب..!! من الشمس صرت كباب
ام سامي: قومي اقول شيلي شنطتك وديها فوق وبدلي ملابسك
سمر: مافيني حيييييييل بتغدى قبل
ام سامي: قوووومي اشوووف بدلي مافي غدا الا لما تبدلين
سمر قامت واهي مطنقره زياده وشالت شنطتها ورقت غرفتها
طلعت ملابسها وجهزت فوطتها وراحت تشوف الجدول حق اليوم اللي بعده واهي تطالع: اممممم الخميس اليوم الـ.....
وقفت شوي واهي تطالع: اليوم الخميس وناااااااسه تو استوعب خلاص يعني بكره ويك آند وهـ شلون نسيت انا من الغباء الزايد
تذكرت انها اليوم بتطلع استاااااانست حدددددها وراحت تاخذ شاور يبرد عليها واهي حدددددها مبسووووووطه

بغرفة سلطان::
طبعا بس رجع من الجامعه راح يبدل وياخذ شاور على مايجي ابوه وينزلون يتغدون
شال كتابه بيحطه بمكانه على المكتب وطاحت منه ورقه
اخذها واهو مستغرب وفتحها واهو مصدوم من اللي يقراه
(سلطان انا هنادي تركت لك هالرساله واهي آخر شي مني...
مستحيل انسى اللحظات الحلوه اللي بيننا...
وكلامك الحلو... وكل شي يخصك ماقدر انساه... لاني احبك...
بس خيانتك لي كانت اكبر من كل شي... حاولت انساك...
بس ماقدرت... علشان كذا قررت اختفي من هالحياه...
اذكرني بالخير وادعي لي...)
سلطان تجمد مكانه واهو يقراها مو قادر يتحرررك
بلع ريقه بخوووف وقلبه يدقققققق "لايكون من جدها بتنتحر...!! اروح فيها انا يالله ستتترك"
حط الورقه بسرعه وفتح جواله واهو بسرعه يدور على اسمها
اول مالقاه اتصصل واهو خاايف ويتمنى ترد عليه
بس مالقى ردد منها
سلطان هنا جد خااااف مايدري ايش ممكن صار فيها
قرر يرسل لها مسج ومتى ماشافته ترد عليه
بس ارسله طق باب غرفته
سلطان: مين؟؟
سمرفتحت الباب وطلت: تعال تغدى
سلطان: دقايق واجي سبقيني
سمر: Ok
سكرت الباب وراحت واهو حط جواله واهو خايف ونفسه انسدت من الخوف ونزل تحت
<<< نعرف قصة هنادي مع الاحداث ^_^
ــــــــــــــــــــــــــــــــــــــــــــــــــ ــــــــــــــــــــــــــــــــــ
بيت ام بسام::
طبعا ربا نزلت لامها بعد ماقص نواف شعرها اليوم اللي قبله وجاتها تهزيييييييئه محترمه من امهااااااا
بس امها قلبها طيب وبسرعه نست السالفه
كان جالس نواف بالصاله وعيونه بجواله ولا بحوول اللي معاه
بسام: نوافووو
نواف: ......................
بسام: نوااااااااااااااف
نواف ابتسم واهو يطالع جواله وكمل ولا بحووووووول اخوه
بسام سحب علبة المناديل ورماها عليه
نواف صقعته بيده ومسكها واهو عاقد حواجبه ولف لاخوه: اححححح
بسام: تستاهل لي ساعه اناديك
نواف: نعم شفيك؟؟
بسام: كلمت رائد امس والا اليوم؟؟
نواف: أي كلمته امس
بسام: طيب ماقال لك متى بيجي؟؟
نواف: يقول مو جاي الا نهاية السنه مره وحده
صبا: اللللللللللللللللللللللللللله باقي شهر ونص بعد يعني ننتظره؟؟
ربا: من جددددد صار لنا فوق النص سنه مو شايفين خشته على الطبيعه
نواف: عادي اهو يخلص بعد شهر انتو تخلصون بعد شهر ونص يعني اربع اسابيع واهو هنا
صبا: والله اشتقت له هالدب
ربا: الحين اهو متى يخلص
بسام رفع حاجب: خرفتي..!! هذا السنه آخر سنه له
نواف تذكر: أي والله صحححححح هالسنه يتخرج رؤود شلون نسيت انا
صبا: ايييييييييييييه صححححح لازم نجهز له على مفاااجأه اذا جا
بسام: اولا تو الناس مابعد يجي بعدين انا مالي خص بهالسوالف ولا اعرف فيها شي
نواف: الله يعين زوجتك عليك بس
بسام: جب
نواف مارد عليه: المهم خلاص ولا يهمكم انا اتكفل بكل شي
بسام: أي هذا اللي فالح فيه انت
صبا: لا عاش اخوي والله أي هذا السنع خلاص فكر بمفاجأه كذا حلوه ونبدى نخطط لها
نواف: ابشري انتي بس اعتمدي علي ولا يهمك
صبا ابتسمت بوناسه
نواف لف على بسام: اقول بسام
بسام: همممم
نواف: اليوم في طلعه والا..!!
بسام: انت اللي تقول لي هالاخبار العاده
نواف: والله مادري ماكلمت الشباب
بسام: خلاص شوف انت اذا احد قال لك
ربا: نوااااف ترى انت اللي بتودينا اليوم بيت خالتي ام باسل
نواف: وش تسوون هناك؟؟
ربا: نصور مع البيت ونرجع
نواف رفع حاجب
ربا: شراااايك يعني؟؟ بنروح هناك بنتجمع
نواف: غرييييييبه العاده ماتهجدون في بيت
ربا: وش نسوي بعد هالمره مالنا احد بنروح هناك
نواف: Ok متى بتروحون؟؟
ربا لفت على صبا: متى؟؟
صبا: قبل صلاة العشا بشوي
نواف هز راسه بالموافقه: خلاص قبل صلاة العشا بربع ساعه ابي اشوفكم مرتزيييييين هنا خالصين دقيقه تأخير بمشي ولا علي منكم
صبا: لالا نخلص
نواف: أي نشوف
بسام قام واهو يمدد يدينه: يلا بروح انام شوي قبل المغرب دخخت
ربا: نوم العوافي
بسام: يعافيج اذا ماقمت بعد المغرب صحيني
ربا: ok
راح بسام غرفته ينام
ــــــــــــــــــــــــــــــــــــــــــــــــــ ـــــــــــــ
بيت ابو ميساء::
راكان كان نايم من رجع من المدرسه وجلس على صوت المنبه مد يده وطفاه واهو منزعج وقام يشوف الساعه شافها 4 ونص "اووف امدى..!!"
قام من فراشه ودخل غسل وجهه وبدل ملابسه ونزل الصاله وجلس
شوي الا دخل ابو ميساء وشافه جالس لحاله راح وجلس جنبه: هلا راكان
راكان: هلا يبا
ابو ميساء: شخبارك؟؟
راكان: الحمدالله بخيير وانت؟؟
ابو ميساء: انا بخير دامك انت وخواتك بخير
راكان ابتسم
ابو ميساء: وينهم؟؟
راكان: مادري انا توني صحيت ونزلت ماشفت احد بس على الاغلب انهم بالبيت ماطلعو
ابو ميساء هز راسه بالموافقه
راكان كان وده يقول لابوه شي بس متردد وخايف يزعل او يفهمه غلط: يبا..!!
ابو ميساء: هلا..!!
راكان: يبا انا بقول لك شي بس لاتزعل
ابو ميساء: قول اسمعك
راكان: انا بروح بيت عمتي ام بسام
ابو ميساء: أي روح ماحد منعك ليه يزعلني هالشي..!!
راكان: لا يبا انا بنام عندهم
ابو ميساء: ليه؟؟ احد ضايقك هنا..!! ناقصك شي؟؟
راكان: لا حشا والله يبا ماناقصني شي ولا احد ضايقني وانا عاد نفسي واحد من اهل هالبيت انا ولدكم
ابو ميساء ابتسم: الحمدالله اجل شفيك؟؟
راكان: بس يعني بغير جو مافيها شي عمتي وبروح انام عندها كم يوم
ابو ميساء: اذا هذا قصدك وانت تبي هالشي ماراح امنعك خذ راحتك
راكان: تسلم يبا
ابو ميساء قام: يلا انا بروح الحين انام توني جاي من الدوام
راكان: ok
ابو ميساء: امك طالعه اذا جات قول لها اني جيت ورحت انام
راكان: لا تحاتي بقول لها
ابو ميساء راح غرفته ينام شوي

راكان ذابحه الملل مافي احد بالبيت وخواته بغرفهم يمكن نايمين اهو مايدري عنهم واساسا مايجلسون معاه كثير
اخذ جواله واتصل على نواف ووصله رده: هلا
راكان: هلا فيك
نواف: ايوا
راكان: نواف انت بالبيت؟؟
نواف: أي بالبيت
راكان: انا والله مييييييت من الزهق ومافي احد هالوقت صاحي غيرك
نواف: ههههه اذا بتجي حياك هذا انا ماعندي شغله
راكان: ايه وانا قلت لابوي وقال لي اجي عندكم عادي
نواف: واخييييرا بتجي يلا حياك العين اوسع من المكان
راكان: تسلم يلا بجهز اغراضي وبجي
نواف: تمام انا بالبيت انتظرك بس توصل كلمني
راكان:صار يلا سلام
سكر منه وقام يجهز اغراضه لاسبوعين بيجلسهم بيت عمته
ــــــــــــــــــــــــــــــــــــــــــــــــــ ـــــــــ
بيت ابو تركي::
اشجان كانت عند علا جايتها لان بيتهم فاضي كالعاده وملل
علا: ههههههههههه بس والله بموت ضحك
اشجان: ههههههههه انا من الضحك جاني النوم
علا: امـــا شدخل..!! هههههه
اشجان: عاد انا عندي كل شي له دخل بشي
علا: يعني بتنامين؟؟
اشجان: اعتقد ذااالك
الا سمعو صوت احد يطق على الباب
علا: ادخل
دخل عبدالله وبيده علبه فيها حلاوه وراح ومدها لهم: تبون..!!
اشجان اخذت واهي تبتسم له: شكرااااا ياحلو
علا اخذت منه: اقول اشجانوو
اشجان: هممم
علا: الحين عيد ميلاد اخوك بكره؟؟
اشجان: لا من قال؟؟ وبعدين شهالاهتمام المفاجأ لزيدوو..!!
علا: لا بس لاني ذاكره عيد ميلاد احد بكره بس مادري مين ياربي
اشجان: اممممم من الشباب يعني؟؟
علا: أي
اشجان: اليوم عيد ميلاد رائد
علا: يب عارفه بس ذا مو هنا
اشجان: اممممم ماعرف اعياد ميلاهم كلهم بس مو سلطان ولا نواف ولا صقر اممممم راكان..!!
علا تذكرت: أي أي الا راكان
اشجان: متأكده؟؟
علا: أي الا متأكده مليون بالميه
اشجان: ياحياتي ركوون عاد لازم نسوي له شي
علا: أي اكيييييد ذكري الشباب اليوم واهم يعرفون شلون يجهزون له
اشجان: ايه وانا وياهم اكيد هذا راكان مو أي احد
علا: أي ياعمري يكفي اللي فيه خله يستانس
اشجان: طيب شرايك اليوم نسوي له؟؟
علا: يمدي؟؟
اشجان: أي الحين نروح لصقر تحت نخليه يروح يجيب الكيكه وباقي الاشيا سهله نروح معاه احنا ونشتريها
علا: اممممم لا خليه بكره احسن وقولي لكل الناس انهم مايجيبون له طاري عيد ميلاده وكذا واحنا بنضبط له كل شي
اشجان: تمام بس ذكريني اكلم رؤود بعدين لايزعل اليوم عيد ميلاده
علا: ok قومي ننزل تحت الحين؟؟
اشجان: أي يلا
اشجان قامت مع علا وعبود اللي مقابلهم وياكل بالحلاوه
ــــــــــــــــــــــــــــــــــــــــــــــــــ ـــــ
بيت ابو باسل:: بعد المغرب::
لميس لبست وجهزت وطلعت من غرفتها واهي نازله تحت وقابلها في الدرج عز: ترى جاو
لميس: مين جا؟؟
عز: جات رانيا
لميس: وبعد..!!
عز: بس
لميس: الحين رانيا جااااااااو..؟؟ كلها وحده
عز مشى عنها: المهم لايكثر نزلي شوفيها تحت بالصاله
لميس نزلت بسرعه وراحت الصاله
شافت رانيا جالسه ابتسمت وراحت لها: هلا والله
رانيا ابتسمت لها: هلا فيك
لميس جلست جنبها: زين جيتي لانك ماعطيتيني خبر خفت انك مو جايه
رانيا: لا هذا جيت بس شكلي جايه بدري..!!
لميس: لا الحين شوي ويجون
جات الخدامه معها كاسين ماي وعطت رانيا
الا رن الجرس
لميس: ريتا روحي شوفي مين في الباب
راحت الخدامه تشوف من بالباب وفتحته دخلو صبا وربا مع نواف
صبا: اهلين وين لميس؟؟
ريتا: داخل في صاله
راحو ثلاثتهم ودخلو الصاله << طبعا عادي متعودين على بيت خالتهم
اول مادخلو كانت لميس مع رانيا جالسين بالصاله
صبا مسكت نواف: لحظظظظه وين رايح؟؟
نواف: شتبين انتي؟؟
صبا: اقول اهجد هنا في احد معاها
نواف: اووف طيب روحي شوفيها وقولي لها تنادي اخوها عز انا انتظره بالسياره
صبا: ok
راح نواف سيارته وصبا وربا دخلو الصاله للميس: اهلين
لميس: هلا والله
جات صبا وجلست: قولي لعزوز ينزل نواف برى ينتظره
لميس لفت تطل على الباب: وينه مادخل؟؟
ربا: لا لان شفت رانيا قلت له لايدخل تعرفين نوافو وحركاته عاد
لميس: هههههههه ايه الله يرجه مو صاحي
صبا: طيب يلا قومي نادي اخوك
قامت لميس: طيييييب شفيك اذيتينا؟؟
وراحت فوق وطقت باب غرفة عز: عززز
عز فتح الباب وطلع وسكره: نعم
لميس: نواف برى ينتظرك
عز: ok هذا انا نازل له
لميس نزلت معاه الصاله وشافت اشجان وعلا وسمر داخلين
وشوي جاو الباقي كللللللهم وجلسو بالصاله
ــــــــــــــــــــــــــــــــــــــــــــــــــ ـــــــــــــــــــــــــ
عند الشباب::
عند سلطان::
طبعا من جاته رسالة هنادي وهو مو عارف يفكر بشي ويبي يتأكد بسرعه من السالفه اذا جد او لعبه منها
كان واقف برى واهو يضرب برجله على الارض بارتباك ويتصل عليها لان جوالها مفتوح بس ماترد عليه "يلا ياهنادي رددي"
سكر منها واهو يتنهد لان هذي المره العشرين اللي يتصل عليها
"بحاول اخر مره"
اتصل عليها ورد عليه
سلطان فزز قلبه: هنادي وينك ماتردين علي؟؟ صاير لك شي..؟؟ اللي وصلني جد والا لا؟؟ انتي راسلته لي..!!
: من انت..!!
سلطان سكت شوي
:الوووو
سلطان باستغراب: موجوده هنادي؟؟
:هنادي..!! انت مين؟؟
سلطان: هذا مو رقم هنادي؟؟
:الا هذا رقمها بس مين حضرتك؟؟
سلطان: انتي اللي مين؟؟ لو سمحتي عطيني هنادي بسرعه ابغاها
:يا أخ لاتسوي مشاكل للبنت وقول لي انت ميين وشتبغى من هنادي؟؟
سلطان بلع ريقه خايف ان صاير شي: انا سلطان زميلها
: انت سلطان اجل..!!
سلطان: ايه ليه في شي؟؟ وبعدين انتي للحين ماقلتي لي من انتي..!!
: انا نهى صديقتها
سلطان: طيب يانهى واللي يرحم والديك عطيني هنادي طيحتي قلبي صاير لها شي؟؟ وينها اهي؟؟
نهى: هنادي بسبتك الحين هي بالمستشفى واذا اهلها عرفو عنك ماراح تشوف خير ياسلطان بعد عنها احسن لك
سلطان: بأي مستشفى اهي؟؟
نهى: ماتسمع انت؟؟ اقول لك بعد عنهاااااا
سلطان: خلصيني قولي اهي وينها..!!
نهى تنهدت: مستشفى الـ......... لانها حاولت تنتحر وزين ان الله ستر وماراحت البنت
سلطان: طيب يلا سلام الحين
وسكر منها قبل يسمع ردها وركب سيارته بسرررررعه للمستسفى اللي فيها هنادي

طبعا باقي الشباب كانو موجودين بنفس المكان اللي كان فيه سلطان
صقر يوم سمع صوت سياره طلع راسه من الباب يشوف وشاف سلطان طاااااااير بسيارته: وش فيه ذا؟؟ وين راح..!!
عز: مادري عنه فجأه طار بسيارته
نواف: اصلا من جا واهو مو على بعضه
صقر اخذ جواله واتصل عليه وطلع برى المجلس ووصله رد سلطان: ايوا
صقر: وين رايح ياأخ وطاير بسيارتك كذا؟؟
سلطان: صقر الحقني هنادي انتحرت
صقر انصدم: ماتت؟؟
سلطان: لا بالمستشفى الحين وانا رايح لها
صقر: مجنوووووووون انت؟؟ ارجع بسرعه بتروح ايش بتقول لهم؟؟ بصفتك ايش رايح لها..!!
سلطان: اخو زميلتها
صقر تنهد: طيب اهي ليه سوت كذا انت شسويت لها؟؟
سلطان: ماسويت شي
صقر: علينا
سلطان: مو وقتك صقور بعدين اقول لك كل شي
صقر: طيب طمني عليها
سلطان: ok وقول للشباب اني معزوم او أي شي رقع لي
صقر: خلاص ولا يهمك يلا سلام
سلطان: مع السلامه
وسكر منه ودخل للشباب شافهم كلهم قايمين
صقر: ها عسى ماشر وين؟؟
نواف: نطلع نتمشى بدال الجلسه هنا
صقر: أي احسن
ناصر: ها كلمت سلطان؟؟
صقر: أي يقول عنده كم شغله مايقدر يجي معنا
ناصر: اها براحته
نواف: طيب صبوووي تقول اهم زهقانين بعد
عز: وش صبوي؟؟
نواف رفع حاجب: صبووو اختي
عز: اها طيب وش نسوي لهم يعني نصنع لهم وناسه مثلا؟؟
نواف: عزز لاتسوي فيها ضريف اقول بنمرهم يعني ونطلع كلنا
بسام: طيب يلا مشينا
طلعو بيركبون سياراتهم
بسام: خل نقسم نفسنا مانبي نروح بكل السيارات
نواف: انا بروح للبنات باخذهم وواحد يجي بعد بسايرته اخاف مايكفي
صقر: خلاص انا بجي
بسام: بركب معك صقوووور
عز ركب سيارته وشغلها: يلا باقي الشباب تعالو معاي
بسام: سؤال وين بنروح؟؟
نواف: امممممم أي مجمع..!! والا تبون البحر؟؟ والا مطعم..!!
باسل: لا وش مطعمه انت بعد..!! يامجمع يابحر
عز: ماحب الازعاج البحر احسن مكان
نواف: يلا قوووووو
ومشو بسياراتهم للبنات وعز سبقهم للبحر
ــــــــــــــــــــــــــــــــــــــــــــــــــ ــــــــــــــــــــــــــــــــ
ايطاليا::
رائد كان جالس بغرفته وسرحان
دخل سعود وشافه جالس على نفس الوضعيه صار له نص ساعه ولا تكلم ولا قال شي على غير عادته: رؤوود!!
رائد عقد حواجبه ولف عليه: هلا
سعود: بسم الله عليك شفيك وانا اخوك؟؟ مو على بعضك
رائد عدل جلسته وتنهد: لا ولا شي بس اشتقت للسعوديه واهلها
سعود: يلا هانت ماباقي شي
رائد: أي الله يصبرني آخر شهر
سعود: ماعلينا لاتضيع السالفه انت مو هذا اللي فيك انا خويك وعرفك عدل مو علي تخش يلا قول
رائد: تصدق من جبت لي طاري رانيا وانا احاول اتذكرها مو ذاكر شكلها
سعود: ههههههههههههههههههههههههاي
رائد: ابله انت؟؟ وش اللي يضحك الحين؟؟
سعود: هذا اللي شاغل بالك؟؟ مالت عليك بس هههههههه شوف لاتقول حبيتها وهالسوالف لان ابد مايليق عليك
رائد: لا كلش عاد انا قلت اني احبها والا اموت فيها بس يعني غريبه انا من زمان شايفها ونسيت شكلها وسالفتها شاللي خلاني احلم فيها واناديها؟؟ احس غريبه السالفه
سعود: لا غريبه ولا شي انساها بس
رائد ماهتم: ايه اصلا مادري ليه معور راسي معاها
سعود: قول لنفسك والله انزين يلا قوم الحين نطلع نتمشى شوي زهقت من الجلسه بالبيت
رائد: بس مانبي نطول عندنا دوام بكره
سعود: أي يصير خير
رائد قام وفتح الدولاب وسحب اقرب تيشيرت مع اول جنز قدامه: طيب وين بنروح؟؟
سعود: امممم تبي اكلم الشباب اشوف؟؟
رائد فصخ تيشيرته واهو يطالع سعود: أي شباب؟؟ ثلاث ارباعهم تخرجو ورجعو كل واحد من مكان ماجا
سعود: لا ماعليك من ذولا انا اقصد الشباب اللي معنا اللي لسا ماتخرجو
رائد: طيب شوف اذا مافي اليوم سهره نروح نتمشى انا وياك
سعود: ok البس وخلص وانا بطلع اكلمهم
رائد بس طلع سعود دخل الحمام بسرعه اخذ له شاور سريع ولبس بسرعه
وطلع للصاله وشاف سعود كان توه مسكر: هممم شقالو؟؟
سعود لف عليه بأسف
رائد: عسى ماشر؟؟
سعود تنهد: كاثرين تعبانه
رائد: وش فيها؟؟
سعود: مادري يقولون الشلله كلهم الحين عندها قوم نروح لهم
رائد: أي يلا مشينا
سعود: غريبه ماتكشخت؟؟
رائد: مولازم وبعدين بنروح نزور مريضه مافرقت
سعود: لالا لازم تكشخ عدل
رائد رفع حاجب: شنو رايح بارتي انا؟؟
سعود دفه ودخله الغرفه وفتح دولابه وطلع له بدله رسميه: يلا البس هذي
رائد شافها ابتسم: هذي من ربا اخر مره رجعت جابت لي اياها والله واحشتني هالانسانه
سعود: أي يلا البسها علشان تتذكرها
رائد اخذها ودخل يلبس
سعود سكر الدولاب واهو ينتظر رائد يطلع
رائد طلع من الغرفه واهو يسكر ازرار قميصه
سعود: ايه كذا رؤود اعرفه
رائد ابتسم وراح وقف قدام المرايه ولبس جاكيته الرسمي وخلى اول زرارين مفتوحين
سعود: يلا..!!
رائد: أي يلا مشينا
وطلعو ثنينهم رايحين بيت كاثرين::
اول ماوصلو وقف سعود بالمواقف ورائد يطالع السيارات ورافع حاجب: كل هالناس عندها..!!
سعود: ايه تعرف كاثرين مايتم احد ماتتعرف عليه
رائد سلك للموضوع وراح مع سعود واهم بيدخلون البيت
رائد: طيب قلت لهم ان احنا جايين؟؟
سعود: أي تو قلت لبشّار ان احنا وصلنا
فتح رائد باب البيت بشويش ودخل وكان نور خفيييييييييييف
اهو عقد حواجبه: شالسالفه ترى ماشوف شي
دخل سعود وراه وسكر الباب واشتغلت انوار كثيييييره بالمكان
وماسمع الا اصوات اللي حوله:
Happy birth day to you
Happy birth day to you
Happy birth day to raed
Happy birth day to you
رائد ابتسم واهو بمكانه ماتحرك
جات كاثرين وضمته: Ogni anno e si sta bene<< (كل عام وانت بخير)
رائد مسكها: E stai bene<< (وانتي بخير)
وخرت عنه واهي تطالعه وتبتسم
رائد لف على سعود واهو يهمس له بين اسنانه: اجل كاثرين مريضه؟؟ هذا هي ناقزه لي مثل القرده وضامتني
سعود مسك ضحكته: حرام عليك البنت ماسوت لك شي وبعدين ثلاث ارباع التجهيزات منها اهي والبيت بيتها بعد
رائد ماهتم ولف يطالع الناس اللي يباركون له واحد ورى الثاني وكاثرين كانت واقفه جنبه
ــــــــــــــــــــــــــــــــــــــــــــــــــ ــــــــ

نهاية الجزء الاول.. البارت الاول..

يتبع...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-03-2012, 08:20 PM
صورة Ghorob الرمزية
Ghorob Ghorob غير متصل
©؛°¨غرامي جديد¨°؛©
 
الافتراضي رد: روايتي الثانيه// ليه يازمن كل ماضحكت تبكيني :"( ... eng.noory


بدايهـ موفقة أختي...

وان شاء الله تكون روايتك بالمستوى المطلوب

^____^


الرد باقتباس
إضافة رد

روايتي الثانية : ليه يازمن كل ماضحكت تبكيني , كامله

الوسوم
eng.noory , بقلمي●●
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 612 27-08-2017 06:27 AM
روايتي الثانية : أحمل جنازة قلبي على أكتاف الضياع / كاملة Mian روايات كامله - يتم نقل الرواية هنا بعد اكتمالها 220 14-02-2017 02:18 AM
روايتي الثانية : أبغى تكون إنت داري و أنا دارك و أوعدك ما أخذلك / كاملة اذكر الله ياخفوقي روايات كامله - يتم نقل الرواية هنا بعد اكتمالها 131 15-06-2016 08:25 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2030 15-04-2011 07:51 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 07:53 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1