غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 25-03-2012, 09:22 AM
صورة سسمو جنوني =) الرمزية
سسمو جنوني =) سسمو جنوني =) غير متصل
©؛°¨غرامي فعال ¨°؛©
 
الافتراضي رد: رواية عزاه ياجسمن تعذب ولامات / بقلمي


مرره روعه ..
قريت البارت الاول وجزء من الثاني ..
ماحبيت بتول على طول تصدق كل واحد ..
بس كأن الأجزاء صغيرة ؟
ودققتي وااايد ب الطول والوزن..
يعطيك العافيه قلبوو ..
متابعة ب اذن الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 25-03-2012, 05:10 PM
صورة حـوريـة الرمزية
حـوريـة حـوريـة غير متصل
©؛°¨غرامي متألق ¨°؛©
 
الافتراضي رد: رواية عزاه ياجسمن تعذب ولامات / بقلمي


اقتباس:
المشاركة الأساسية كتبها سسمو جنوني =) مشاهدة المشاركة
مرره روعه ..
قريت البارت الاول وجزء من الثاني ..
ماحبيت بتول على طول تصدق كل واحد ..
بس كأن الأجزاء صغيرة ؟
ودققتي وااايد ب الطول والوزن..
يعطيك العافيه قلبوو ..
متابعة ب اذن الله

هلآ والله حبيبتي ..

ايه صغار عشان اجس النبض اذا فيه حد حابب اكملها ولا لاء

لكن خلص ان شاء الله البارت الرابع رك يكون اطول من هذول

ودققت بالطول والوزن عشان اكون دقيقه هههههههههههههه << أرحمينا

الله يعافيك يَ قلبي ..

ومتابعتك لي هي سبب كبير من اسباب النجاح بأذن الله ..


تحياتي ، ـ


سلآم .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 26-03-2012, 01:22 AM
صورة حـوريـة الرمزية
حـوريـة حـوريـة غير متصل
©؛°¨غرامي متألق ¨°؛©
 
الافتراضي رد: رواية عزاه ياجسمن تعذب ولامات / بقلمي


البارت الرآبـع ..








محمد بلهفه يتصل على سلطان ، لآنه كان يدري انه صاحبه معجب ببتول !
سلطان : وش فيك حرقت الجوال شصاير ؟
محمد بلهفه : اطلع بسرعه بسرعه وتعال المكان الي كنا فيه
سلطان مستغرب : ليه وش فيك ؟
محمد : تعاااال بسسرعه
سلطان: زين زين هذاني جايك

،

في منتصف اليل الساعه 12 بالتمام
في الاحساء ..
وفي عتمت اليل صرخات متتاليه متتاليه متتاليه
ولكنها مكتومه ومطمومه داخل جوف عهود .. هذه الانثى المسكينه
لآ تعلم ! مالذي حصل ؟ أخذو عذريتها ولا لاء ! تشعر بألآم غريبه بين افخاذها
الجميع نائمون ماعدى هي ، تفكر وتفكر وتفكر .. وتبكي دموعآ حارقه للآجفآن ..

عهود كانت جالسه بالمجلس لحالها .. ومشغله لها موسيقى وتصيح
عهود : لا مارح اخاف انا لازم اكون قويه ومحد يحس فيني آآآآآآآآآآهـ مالازم حد يعرف بالي حصل
ايه مالازم حد يعرف ، مارح اقول لحد مارح اقول لحد ،

،

عهود ظلت تتكلم بنفس هذا الكلام وترددهـ لمن سحبها سلطان النــوم ..

،

في الرياض .. الساعه 1:30

سلطان يفتح الباب بالقوا ويدخل . .
سلطان : يمه يمــــــــه يمـــه ..
ام سلطان تطلع من غرفتها وتنزل الدرج بسرعه : وش فيك تصارخ وش فيك ؟
سلطان يقرب منها وهو يهمس بغصب : كيف تخطبين لي بدون لاتقولين لي ؟؟
ام سلطان : بس انت قايل لي ادور لك
سلطان يتنهد : قلت لك قلت لك بس ليه ماقلتي لي يوم رحتي
وكيف توافقين على كل شي بدون لاترجعين لي وبدون لا ادري عن شي يمه ليه تسوين فيني كذا ؟
ام سلطان : البنت حلوه واصل وفصل وحسب ونسب واخت صاحبك وش تبي
اكثر من كذا ؟
سلطان :أستغفر الله ماقلنا شي بس الجوري ماتصلح لي
ام سلطان : وليه ماتصلح لك ؟ وش فيها ؟
سلطان : الي اعرفه عن الجوري انها فاشله بدراستها وتعيد السنه
وانا مابي كذا يَ يمه وانتي تدرين
ام سلطان : الحين انت مقوم الدنيا وجاي لي يمه ويمه عشان تقول لي
تيعد السنه ، وخير ياطير خليها تعيدها وين المشكله ؟
سلطان بقهر : يمه انا مهندس شلون تبيني اتزوج وحدهـ كذا شلون ؟
ام سلطان : لمن تتزوجها قول لها تهتم لدراستها
سلطان : اهلها كلهم يكلمونها عشان تنجح بحياتها
بس هي انسانه فاشله من الاعماق
ام سلطان:لاتجلس تفلسف علي الحين ، انا وحدتن تعبانه وابي انام
سلطان: ياللـــــــــــــــه ..
ام سلطان : ايه صح ، وانت شلون عرفت ؟
سلطان : محمد قال لي ، والله احرجتيني احرجتيني الولد بنفسه يدري انها ماتصلح لي
هو منحرج مني ومايدري شنو يسوي وانا منحرج اقول له اختك مابيها
ام سلطان : والله يَ سليطين ان قلت له انك ماتبيهااا لأقلب الدنيا فوق راسك
هذا الي ناقص بعد تبي تحرجني قدام الحريم
سلطان : وانااا وحياتي اناا ، يمه انتي ليه ماتفكرين فيني ليه ماتفكرين بمشاعري
انتي ام قاسسيه قاااسيييه وماتحسين فيني الي يهمك جوك مع الحريم وانا ولدك
قطعه منك ماتهتمين لمشاعري ، كيف تفكرين كيف ؟
ام سلطان توها بتتكلم الا سلطان طلع وسكر الباب بقوهـ

ام سلطان تطلع وراه بخوف : سلطااااان سلطااان تعاااال يَ ولدي تعال وش فيك
سلطآن يفتح باب السياره: لاتقولين ولدي ، قسم بالله عيشه تقصر العمر يَ يمه ذي حياه
مو لعبه عشان تسوين فيني كذا (يدخل السياره ويمشي بسرعه) ..

ام سلطان ترجع تدخل البيت : ابو سلطااان يَ خااالد خاااالد قووووم
ابو سلطان : وش فيكم تصارخون ازعجتوني ، وش تبين ؟
ام سلطان : ولدك طلع من البيت ومدري وين راح !
ابو سلطان : ماهوب ولد صغير عشانك تخافي عليه خلي عنك لا تخافي بيرجع
ام سلطان : أخاف يسوي بنفسه شي ، هو طلع وهو متضايق بالمرا
ابو سلطان يرفع حاجبه : وش مسويه يَ أم المصايب انتي ؟
ام سلطان بخوف: بـ..ٍس رحـ..ـت خطبت له الجوري
ابو سلطان بصدمه : ومن الجوري ذي ؟ وكيف انا ما ادري ، خبله انتي ؟ وش تبيني اسوي فيك الحين انتي حرمه انتي الحمير احسن منك ، شهالتفكير كل شي تسوينه من راسك
وكأنك تفهمين
ام سلطان : الجوري بنت ابو عبدالله سليمان ، بس والله كنت بسويها لكم مفاجئه
ابو سلطان : انا متزوج انسانه انا ، انتييي ليييه ماتفكرين غير بحالك لييه ؟
ام سلطان: هذا الي صار وبعدين البنت مافيها شي وربي جمال واخلاق وحسب ونسب
ابو سلطان : الزواااج مو بس جمااال يهالهبله الزواج تكافئ اجتماعي وثقافي وشخصي
بأي عصر انتي عايشه ؟ ولا تبين ولدي يعيش الحياه الي انا عايشه معك من ورا تفكير الحريم الغبي تروحين تخطبين من كيفك وكن الشي خاص فيك
انت ماتفهمين ماتفهميييييييييييييييييين
ام سلطان : .....
ابو سلطان : وش فيك سكتي ؟ ارتحتي هذا الولد طلع الحين ، وخل يصير فيه شي يَ مويضي
والله والله والله لأرجعك مثل الكلبه بيت اهلك ..(صعد ابو سلطان وهو معصب وسكر الباب وراه)

ام سلطان تجلس ع الكنب : اففف سوي خير تلقى شر وهالرجال ماعنده غير يصارخ
ماقول الا مالت عليك انت وولدك صج مايفهمون

،

الساعه 2 باليل

في بيت ابو عبدالله ..
في غرفة الجوري بالتحديد .. جوالها : قد ماهويتك قد ماهويتك من عيني طار النوم قد ماهويتك
كل مانسيتك نبض القلب يشتااق كل مانسيتك .
الجوري تمد يدها ع الجوال وترد : الوو مين
هند : الجووووري لحقيي عليي
الجوري تجلس وتشغل الابجورهـ : بسم الله ، وش فيك ؟
هند : اخوي جاي البيت سكران وانا مادري وش اسوي
تكفين جالس يضرب عيال اختي الله يرحمهاا قولي لي شسوي
الجوري بصدمه : سكرآآآن !!! والله مادري شتسوين
هند : الجوري تكفين خلي احد من اخوانك يجي يطلعه برا البيت
الجوري: انتي مجنونه ؟ تبيني اخلي اخواني يروحون لأخوك الغبي هذا
هند تصيح : والله بيذبح هالصغار ومدري وش اسوي
الجوري بعدم اهتمام: اتصلي ع الشرطه
هند : وش شرطته هالحزه تبيني انفضح وبعدين انا ماعندي غير اخوي هذا
اذا خذوه الشرطه كيف بنعيش انا وامي وبنات اختي بعدين
الجوري بملل : شسوي لك يعني ؟ شنو ذنبي انا مجلستني من النوم تقولين لي هالكلام البايخ وش اسوي لك انا ولأخوك ذا مافيه غير الشرطه تبين ولا ضلي موتي
هند تصيح بقوه : الجوري انا ماعندي غيرك يَ الجوري ساعديني والله مارح انسى لك
هالمعروف طول عمري ، بس خلي اخوانك ياخذونه برا البيت بيذبحهم والله ويضرب امي
وانا والله مقدر ادافع عنهم والله
الجوري : من غبائك ، وخري بس ، يلا باي ( وسدت السماعه) ..

،

عند محمد ..

محمد كان جالس يرسم مخطط ، لأنه مو قادر ينام ويحس انه يبي يشغل نفسه
بأي شي ، وفجآهـ
جوال محمد يرن ..
محمد : الو السلام عليكم ..
ابو سلطان : يَ ولدي ماشفت سلطان ، ماجاك اليوم ؟
محمد بخوف : لييه وش فيه ؟
ابو سلطان : سلطان تهاوش مع امه وطلع من البيت وانا ادور عليه
ولانيب لاقيه ، قلت اتصل عليك يمكن جالك
محمد : لا والله مهوب عندي ، لكن انا اعرف الاماكن الي يحب يروح لها
الحين انا بطلع ادورهـ ، يلا مع السلامه
ابو سلطان : تعاااال محمد
محمد سكر السماعه بسرعه وقام يتصل على سلطان

الرقم مغلق الرجاء الاتصال في وقت لاحق ..

محمد يضرب ع الطاوله : اووووووووووووووووووووووه
يفتح الباب بسرعه ويطلع وينزل من الدرج وهو يركض ..
ويركب سيارته ويروح الحديقه الي كانو فيها !

،

سلطان بتردد: الوو السلام
بتول وهي شبه نايمه : الوو مين ؟
سلطان : انا سلطان ، مسحتي رقمي ؟
بتول تفز : سلطااان ! بسم الله الرحمن الرحيم
لا والله مامسحته بس انا نايمه ومانتبهت
سلطان : ادري ان ازعجتك
بتول تقاطعه : لا لا والله بالعكس اصلآ قريب تصير الصلاهـ
سلطان : مشكورهـ يَ بتول
بتول : صوتك مبحوح ، وش فيك يَ سلطان ؟
سلطان قلبه قام يدق : لا مافيني شي
بتول : يلا عااد احنا قلنا نصير اخوان فضفض لي انا اختك
سلطان بقهر : تهاوشت مع امي وطلعت من البيت
بتول بصدمه : لييييه ؟ والحين هم مايدرون وينك ؟
سلطان : ايه
بتول : ليه تسوي كذا سلطان ، انا خبري فيك رجال حكيم شلون تسوي كذا
مايصير انك تطلع من البيت وتخلي اهلك يحاتونك
سلطان ( 14 سنه ، وتقول هالكلام ! ) : هاا
بتول : وش فيك ؟
سلطان : انتي متأكده عمرك 14 سنه
بتول : والله العظيم ماكذبت عليك
سلطان : لا والله مو قصدي انك كذابه لكن كلامك ماتقوله بنت عمرها 14 سنه
بتول تحس انها متعوده على هالكلام : الحين مو وقته تقول كذا قول لي انت ليه طلعت من البيت يَ سلطان ، ترا والله مايصير تسوي كذا !
سلطان : امي ماتعرف تفكر ( يتنهد ) خربت حياتي
بتول بصدمه : لهدرجه ؟ ليه شنو سوت امك ؟
سلطان : هاا
بتول : اقول لك وش سوت امك
سلطان : خطبت لي بدون لا تقول لي
بتول تبتسم : وبس ، يمكن تبي تسوي لك مفاجئه ، ومبروووك
سلطان منصدم : وش مبروك وش بطيخ البنت هذي انا مابيها
بتول : ليه وش فيها ؟ انت تعرفها ؟
سلطان : اخت صاحبي
بتول منصدمه من كلامه : اخت صاحبك وماتبيها ، لييه عاااد !
سلطان : هذي انسانه فاشله وغبيه واخوها دايم يقول لي انه تفكيرها
بس بالموضه ومثل كذا ..
بتول : أمممم طيب انت ماله داعي تعصب وتسوي كذا ريح نفسك
ريلااكس ، وروح البيت واعتذر من امك وابوك ولكل حادث حديث
سلطان : وش فيك يَ بتول : شلون تبيني اكون ريلاكس وانا حياتي كلها انتهت
انا ماقدر احرج امي وخويي واقول اني مابي البنت ، خلاااص انا مجبر اخذهااا
بتول : وش فيك محتطم يمكن البنت مو كذا
سلطان : شنو مو كذا وهي ترسب !
بتول : يمكن صارت لها ضروف وخلتها ترسب
سلطان : اي ضروووف اصلآ هي مدلعه اربعه وعشرين ساعه
وماتهتم اصلآ ذي للضروف
بتول : شفيك تتكلم عنها وكأنك تعرفها ؟
سلطان : من كثر ما سمعت عنهاا ومن القهر
بتول : لاتتكلم عن البنت وانت ماتعرفها ، هدي نفسك الحين وروح نام
ولمن تصحى اتصل علي ورح اقنعك فيها
سلطان : مستحيل
بتول : سلطان روح ارتاح ..
سلطان يحس انها ذكيه وكلامها ريحه : اوكيه انا بروح انام الحين
تبين شي ؟
بتول : روح البيت واعتذر من اهلك وسلامتك
سلطان بدون لايحس : من عيوني
بتول : تسلم عيونك ، يلآ مع السلامه
سلطان : الله يسلمك ..

،

في اليــوم التــآإلي .. الخم ـيس ..

الساعه 8 الصباح .. في الاحساء ..

يعقوب يفتح الباب ويدخل البيت : السلام عليكم
عهود وبتول وايمان : وعليكم السلام
يعقوب: غريبه مو نايمين
أيمان : ايه متعودين نجلس من الصبح
يعقوب : زين زين وها شخبارك يَ عهود
عهود : الحمدالله بخير
يعقوب : وانتي يَ بتول ؟
بتول تضحك ضحكه عريضه : انا زيـــــــــنه الحمد الله
يعقوب: عسى دوم ان شاء الله ..

،

في الرياض في بيت ابو سلطان ..
الساعه 9:10 بالصاله ..

سلطان كان جالس ينتظر امه وابوه عشان يتأسف منهم ، سلطان تأثر بكلام بتول
وقرر انه يسوي الي قالت له ..
دخلت ام سلطان الصاله ..
سلطان قام بسرعه وباس راسها : يمه انا اسف
ام سلطان : شبعدهـ أسف بعد ماخليت ابوك يعصب علي ويقول لي اني مافهم
سلطان : يمه بعد انتي الله يهداك ماكان لازم تسوين كذا ، لكن عموما انا اسف
وان شاء الله ماعيدها مره ثانيه ..
ام سلطان تبتسم وتحضن سلطان : فديتك يَ ولدي اعرفك طيب وتحب امك

بنفس هذه اللحظات يدخل ابو سلطان
سلطان قام بسرعه لأبوه : أنا اسفه يبه
ابو سلطان : وش فيك انت ؟ كيف تطلع من البيت وتخلينا ندورك ، بزر انت ؟
سلطان : انا اسف وان شاء الله ماعاد اعيدها ..
ابو سلطان يبتسم وهو رآضي عن سلطان : والله جبت رجآل
سلطان : من بعدك يَ يبه
ام سلطان : شرايكم بكرآ تروحون تتفقون على كل شي عند بيت بو عبدالله ؟
ابو سلطان : والله اذا سلطان موافق انا بروح وبخطبها له وكل تكاليف عرسه علي انا
سلطان :









،



أنتهى البارت ..

تتوقعون سلطان يوافق ؟ عهود شنو بتسوي ؟
هند ! شسالفتها ؟ محمد شنو موقفه ؟
بتول هل هي صدق تحس سلطان اخوها ؟

كل ذا رح نعرفه بالبارت الخامس ..

أستنى توقعاتكم ، وردودكم ..



تحياتي ||~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 26-03-2012, 05:32 PM
صورة fnoOOo الرمزية
fnoOOo fnoOOo غير متصل
©؛°¨غرامي مبدع¨°؛©
 
الافتراضي رد: رواية عزاه ياجسمن تعذب ولامات / بقلمي


اهليت قلبو
الروايه حده روعه
بس عندي سؤال
متى تنزلين البارتات يعني ليكي ايام معينه وكم بارت الروايه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 26-03-2012, 06:07 PM
صورة وردة بيضاء_ الرمزية
وردة بيضاء_ وردة بيضاء_ غير متصل
©؛°¨غرامي متألق ¨°؛©
 
الافتراضي رد: رواية عزاه ياجسمن تعذب ولامات / بقلمي


تتوقعون سلطان يوافق ؟ عهود شنو بتسوي ؟
لا سلطان ما بيوافق
هند ! شسالفتها ؟ محمد شنو موقفه ؟
اللي فهمته ان اخت هند ميتة و لها عيال و اخو هند صيع و ضايع و يعرف شلة ماهي زينة و ممكن بعد يشرب مخدرات و خمر
بتول هل هي صدق تحس سلطان اخوها ؟
هي من كلامها معه اي بس اكيد راح تحبه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 26-03-2012, 06:07 PM
صورة وردة بيضاء_ الرمزية
وردة بيضاء_ وردة بيضاء_ غير متصل
©؛°¨غرامي متألق ¨°؛©
 
الافتراضي رد: رواية عزاه ياجسمن تعذب ولامات / بقلمي


بلييييييز متى البارت الجاي و الرواية كم بارت؟
يارب تنزلين حكاية عهود في البارت الجاي لاني ابي اعرف شنو صار لها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 26-03-2012, 07:08 PM
صورة حـوريـة الرمزية
حـوريـة حـوريـة غير متصل
©؛°¨غرامي متألق ¨°؛©
 
الافتراضي رد: رواية عزاه ياجسمن تعذب ولامات / بقلمي


اقتباس:
المشاركة الأساسية كتبها بنت الـمـمـلـكـة مشاهدة المشاركة
اهليت قلبو
الروايه حده روعه
بس عندي سؤال
متى تنزلين البارتات يعني ليكي ايام معينه وكم بارت الروايه
هلا حبيبتي ، البارتات كل يوم انزل بارت واذا زاد عندي الكرم انزل اكثر من بارت

يعني على حسب
لكن الاكيد انه كل يوم بارت ، ـ

وأممم والله مادري كم بارت رح تكون ، لكن مارح اتاخر عليكم أبد ..


تحياتي لك ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 26-03-2012, 07:10 PM
صورة حـوريـة الرمزية
حـوريـة حـوريـة غير متصل
©؛°¨غرامي متألق ¨°؛©
 
الافتراضي رد: رواية عزاه ياجسمن تعذب ولامات / بقلمي


اقتباس:
المشاركة الأساسية كتبها وردة بيضاء_ مشاهدة المشاركة
بلييييييز متى البارت الجاي و الرواية كم بارت؟
يارب تنزلين حكاية عهود في البارت الجاي لاني ابي اعرف شنو صار لها
البارت الخامس اليوم بنزله هنا ~

والروايه مدري والله كم بارت بتصير ..

وعهود ان شاء الله بالبارت الجاي رح نعرف شنو بيصير لها ..

تحياتي لك يَ وردهـ ~



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 26-03-2012, 07:31 PM
صورة وردده خجوله الرمزية
وردده خجوله وردده خجوله غير متصل
©؛°¨غرامي مشارك¨°؛©
 
الافتراضي رد: رواية عزاه ياجسمن تعذب ولامات / بقلمي


رووووووووووعه بدايه موفقه
التوقعات:
سلطان راح يوافق ما راح يكسر كلمة امه وخاااصه ان اخت صديقه
هند االله يعينها ع اخوها وليه الجوري ما ساعدتها وش هالصداقه ما تساعد صديقتها
اذا كان قصدك ع موقف خطبت اخته احلى ما في الموضوع انه عارف سلطان معجب في بتول علشان اذا صار شيء يكون عارف
لا ما اتوقع انه تحس انه اخوها واضح تحبه بس كذا قالت له
موفقه كملي بنتظار البارت القادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 26-03-2012, 07:42 PM
صورة حـوريـة الرمزية
حـوريـة حـوريـة غير متصل
©؛°¨غرامي متألق ¨°؛©
 
الافتراضي رد: رواية عزاه ياجسمن تعذب ولامات / بقلمي


اقتباس:
المشاركة الأساسية كتبها وردده خجوله مشاهدة المشاركة
رووووووووووعه بدايه موفقه
التوقعات:
سلطان راح يوافق ما راح يكسر كلمة امه وخاااصه ان اخت صديقه
هند االله يعينها ع اخوها وليه الجوري ما ساعدتها وش هالصداقه ما تساعد صديقتها
اذا كان قصدك ع موقف خطبت اخته احلى ما في الموضوع انه عارف سلطان معجب في بتول علشان اذا صار شيء يكون عارف
لا ما اتوقع انه تحس انه اخوها واضح تحبه بس كذا قالت له
موفقه كملي بنتظار البارت القادم

ماشاء الله عليك ، تقرين افكاري يالدوووبه هههههههههههههه

يعطيك العافيه ع المتابعه غناتي ..


تحياتي لك ..



الرد باقتباس
إضافة رد

رواية عزاه ياجسمن تعذب ولا مات / بقلمي , كاملة

الوسوم
لفآت , تعذب , روآية , عزآهـ , ـ(ن)
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6838 08-08-2019 05:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 09:55 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1