روايتي الأولى :هويت روحك

[Broken. angel]

[CENTER]

رّۇۈۉأَيّتًيُ أُلِأِوِلِى // هويت روحك ..





الكـاتبة ..: broken angel


السلام عليكم ورحمة الله وبركاته

أتمنى أني قد وفقت في اختيار منزل روايتي الاول
واتمنى ايضا رؤية حماسكم لي للمتابعة


ها أنا أضع بين ايديكم احداث روايتي الاولى
بكل ما فيها من حب وكره مشاعر متبادلة و مشاعر ينبض بها طرف واحد
قصتي من أحدااث وتجارب واقعيه ولا انفي وجود بعض الخياال فيها
فقد مزجت بعض الخيال فيها حتى نتلذذ بما نقرأه ولنكن على يقين لا يوجد شي اسمه مستحييل في عالمنا
ويوجد بها نوع من الاكشن والغموض ...

رأيكم يهمني وهو الداعم لإستمراري
أتقبل النقد و التوقع.. ربما شاركتموني في وضع الخاتمة


كل يوم راح انزل لكم بارتين على الاقل واذا تأخرت في التنزيل اتريوني ...بس صدقوني اذا لقيت تفاعل واذا عجبتكم الروايه راح اسوي المستحيل بس لاطيب خواطركم


ملااحظه هااامه :. :. يرجى عدم سب أو الدعاء بالسوء لاي شخصيه فالروايه ..لانهم حقيقيوون ..فلطفا يا قارئي فكر جيدا قبل ان تنطق

والملاحظه الثانيه :. امااانه يلي بينقل الروايه تذكر اسمي broken angel ....


دعوآتكم لي ما أريد .. اسألوا الله التوفيق
قراءه ممتعه ^^


ودي لكم

[Broken. angel]

هويت روحك

:ليش ضحيتي بنفسج لجله..؟
:ما ادري احس اني مسؤوله عنه وغصبن علي اهتم فيه تقدرين تقولين شي انا املكه وملزوومه اداريه
:تحبيه ..!
بعد تفكير:انتي تدرين اني أميل لولد خالتي وهويحبني
:بس أنتي قلتيها تميلين وهم انتي هب متأكدة من مشاعرج له يمكن تكون مشاعر
إعجاب لا غبر
تاخذ نفس: ما أدري-كل إلي ادريبه حمدان انا مسؤؤله عنه
:أتحادج لو ظهرتي ما تحبيه!
:اممممممممم المهم خاطري بكوفي ممكن تسويلي
:اوووف منج فنانة بتغيير السوالف
:هاع أعشقني


من هذولي وشو سالفة التضحية والحب؟!ومن هاذا حمداان ..!؟
لنبدا بالبارت الأول لنعرف التفاصيل

[Broken. angel]

تفتح الباب بالقو وتزعق: حميداان...حماادووه ..دندوووون .....يلا قووموا أنا يييييت قووموو
محمد وحمدان يفزو من مكانهم زيغانين وشوي ألا ينتبهو ويصارخو:أووهوو علينا الاعصار يا"
حمدان:الله يغربل إلي يابج ويغربل الوزير إلي خلا اليمعه مافي دوامات يايه هنا تحشرينا..طلعي برع بنااام
محمديضحك ويضربه ع راسه: ايه شو تطلع برع وبعدين لا تغربل على أبوك لأنه هو إلي يايبنها واحترم أكبر عنك..هلا ليون ..صباح الخير
لينا واقفه وشاقه الحلج : صباح الجوري و القشطة مخلوطة مع السكر يا أحلى أخوان فالعالم ..بسكم مديح يلا قومو الساعه 10 (وتصرخ) بسسسسسسررررررررررعه
حمدان: تبينا نزهب لج الريوق الشيخه
لينا: لا دندوني مشكوور بس عمي يقولك أسبح وراك صلاه يمعه
محمد: قام من مكانه ووقف يم لينا وقال لها: مرة 2 لا تصارخي زين ما يتني السكته القلبية(وسار الحمام )
لينا تضحك عليه وتشوف حمدان يحك راسه وحميد ولا فالأحلام فسابع نومة مايدري عن الدنيا شي ..أطالعته وأبتسمت أبتسامة خبث
حمدان شافها وفهمها: شو ناوية عليه وأنا معاج؟!
لينا: فاهمني يا ولد الأصول (وتبتسم) ماأبي منك شي غير أنك ما تنام وأنا رايحة وراجعة أوك ..
طلعت لينا من الغرفة وراحت المطبخ خذت لها دبة ماي باردة من الثلاجة ورجعت لغرفة الأولاد ..وتكب الماي فوق حميد ويفز حميد من مكانه وينتبه ويطلع وراها بنعل ولينا ميتة ضحك وحميد يتوعد لها ..ظهرو بالحووش
لينا: ألحين صار لي ساعة أزعق عليكم وأنتو عاطيني أحلى طاف
حميد: ماعليه أنا براويج يا أم الدويس عافان الله ماتخلي حد يتهنى برقاده ..(وينفض شعره ليخوز الماي )..مب جني اكببر عنج تسوين فيني جي
محمد حاط الفوطة ع خصره وواقف صوب الباب ويضحك
حميد طاف من صوبه وقال له: الشيخ ضحكنا معاك..>>وراح عنه
محمد: أنتي مابتبطلين حركاتج هاذي لازم حد يسبج ولا ما بتقعدي
لينا:نياهاهاهاهاهاهاي أعشقني بجنون
محمد: الله يعين إلي بياخذج ((وراح عنها داخل
دخلت لينا وسارت صوب غرفتها التفتت لغرفة الأولاد و شافت حميد رد ينام صرخت عليه :حميييييييد
فز من مكانه: والله العظيييم أتريا حمدان يظهر من الحمام والله ..اووووف..نكد من صبااح الله خيير
وضحكت عليه ودخلت غرفتها –شافت شما نايمة ويمها كتب المدرسة وشكلها مضحك ..تركتها نايمة وبدلت ملابسها وراحت الصالة لقت أمها قاعدة تقرى الجريدة باستها على راسها
أم سلطان ببتسامه حب:.هلا والله تو ما نور البيت هلا بالغاليه هلا
لينا ابتسمت وحظنت امها (مرت عمها ):.النور بوجودج يالغالية .(وتبوسها عراسها )
أم سلطان:.ها ليون اخبار الدرااسه ..؟لا يكون تتلعبي ..!
لينا :.والله الدرااسسه تسلم علييج يالغالية بس صدقيني ما اتلعب
ام سلطان :. خير انششاالله ..إلى متى وصلتي .؟!
لينا :.اممممممم قبل شوياات ليش ابوي (وتعض شفايفها )اقصد عمي ألي هو ريلج ماشفتيه ..!
أم سلطان :. لا غناتي ما شفته ..وبعدين ليش كل هالتعريف عن عمج قولي عمي وخلاص
لينا :.هههههههه والله اماايه انا ما ادري شو المشكله لا قلت لعمي يبا
أم سلطان :. هو قالج ... ابوج والله يطول بعمره للحين عايش اذا لا سمح الله الله اخذ امانته بعدها تقدرين تقولين له يباا
لينا :.شو يعني ابوي مب اخوه يعني كلهم واحد وبعدين امي عايشه بس وهم اقولج يما يا اغلى واعز ام فالدنيا وهي ما تقرب لج ششي
أم سلطان :.المهم غيري الموضوع اخوانج للحين نايميين ..!؟
لينا :.نياههههههههااي ليوون هييير واخوانها نايميين للحين مستحييل
يدخل بوسلطان :.السسلاام علييكم
الكل :.وعليكم السلام
بوسلطان :.لييون صحيتيهم ..!
لينا .:مثل ما وصيت المهمه تمت
أم سلطان تطالع بو سلطان باستغراب وبضحكه :لييون مره ثانيه ..؟
لينا براءه :. شو ماماتي
بو سلطان : لا تسوين عمرج الملاك البريء ...انتي تحشريهم وتنكدين الجو عليهم وانا آخر شي أنا ألي انسسب وانتي السبب
لينا :.ههه (وتقرب من عمها )ما عااش من يسسبك وراسي يشم الهوا

[Broken. angel]

يدخل محمد :صباااااح الخيير يا اغلى وأثمن بنوووك العااالم
أم سلطان :.هههه صبااح النووور يالمفلس
بوسلطان:.,حتى بهالتحيه مدخل فرع من فروع الفلوس ياهي حاله وهاذا وانت تشتغل
الكل يضحك ..حمدان يدخا ويتحرطم:.اباااه انا كم مره قايل لك خل هالشيطاان بأرضه حشى زين ما يتني الجلطه بغيييت اموووت
الكل يضحك: ههههههههههههه (وفاهمين منو يقصد ..((هاذي هي عادت عائلة بوسلطان كل جمعه لما لينا تكون موجوده فالبيت )
يتبع حمدان حمييد :.السسلاام علييكم
الكل :.وعليكم السسلاام والرحمه
((الكل تجمع ع سفرة الاكل ليتريقوون >>ليفطرون <<))
بو سلطان يضرب حمدان بلطف:.انت مره ثانيه بدل عن تتحرطم من صباح الله خير لما بتدخل على امك وابوك سلم كم مره بعلمك
حمدان ياكل ولاكنه يسمع شي >وهاذي عادته اليوميه ..
لينا تلتفت لحميد :..حمييد اصب لك شااي ..!
حميد :.امايه كبي لي حلييب
لينا فهمت ان حميد زعلاان منها :."فصبت بالكوب حليب وعطته لحميد
حميد قام من السفره وقعد يطالع تلفزيوون بالصااله ...ليوون تتبعه وقعدت يمه
لينا ببراءه :.حميييداان حبيبي صديقي ..اخووي ...عزيزي ..آآسفه يا عمري انت
حميد :........لارد...
لينا ترفع حاجبها اليمين وبخاطرها (نسييت ان انت من النووع الصعب ارضاائهم )
لينا تقرب الكوب منه :.حمييد يلا عااد ....انزين حمييد ااسفه مابعيدها مره ثانيه واذا يرضييك بعطييك دبة مااي وكبها علي
حمييد :......لارد ..ويفرفر بين القنواات
لينا :.انزيين خلااص الاسبووع الياي مارااح انزل بظل بالسكن ف دبي عشاان خااطرك يلا عااد
حميد التفت لها :.مب عكييفج وبعدين جنه هااذي اول مره تسويها لي مثلن
لينا ببتساامه عرييضه :.يعني رضيييت ...!
حمييد :.لااااا....(لينا تناظره بغرابه)..اصلن انا متى زعلت عسسب ارضى..!؟
لينا تطرش له بوسساات :.انت اقمممممل واااحد فالدنيااا كولاااهاا
حميد :.ههههه قنعيني ..!
لينا :.طااع هاذا اقوولك اششرب الحلييب وقووم ازهب ورااك صلااة يمعه ..قووم لا اشووتك.:
حميد :.ايييه انتي احترمي اكبر عنج .
لينا :.انششاالله يدي حمييد
حميد :.يدييه بعييينش
لينا :.عيل الى ما عينشش ..انزين اقولك طلعه اخاف اعوره
حميد :.منو اطلع :.؟؟
لينا:.انت تتقول يدك بعيني طلعه اخاف اعوره
حميد : ما اسسسخفك من فتتااه انقلعي
لينا :.حسنا يا استتاذ حسنا سأنقلع .....هههههههه خبل
ورجعت مكانها ع الطاوله
بوسلطان :.عسى بس مارضى
لينا :.ههه حراام عليك عمي هاذا ااخووي ما يهوون علي
محمد :.ليش هو زعل عسب يرضى قاعد يتغلى يعني ما تعرف حركات حميد انت
ليناا :.لهييك احووووبكم
بوسلطان يبتسم وينزل رااسسه ويفكر
لينا :.حمادووه باجر متى بتطلع بوظبي ..!
محمد:. اممممم لييش ..!؟
لينا :.مابترووح الدوام :؟؟
محمد :. اهاا الاثنين برووح ليش .؟
لينا :.قلت يمكن فطريقك تنزلني السكن فدبي
محمد :.حميد بيظهر الساعه 4 الفير روحي معاه .
لينا :.الله 4 الفير ليييش وهو دوامه يبدا وحده الظهر
محمد:.ما ادري سأليه
يدخل سلطان :.مرحب السااع بالحلويين عندنا اليوم
لينا :.مرااحب فييك يالطيب (وتروح تتخاشمه )
يقعد سلطان وتكب له لينا شاي >عادة لينا كل جمعه لما تكون بيت اهلها تكب الشاي للكل

بعد مامر الوقت الشباب قامو ليزهبو عمارهم لصلاة اليمعه وأم سلطان قاعده تتبخرهم وبعدها توكلو للمسييد
(ألا صلاتي ما اخليها ..^^)
خلا الجو لأم سلطان ولينا
أم سلطان :.ليون .
لينا :.لبييه
أم سلطان :. محتاجه فلوس ..!!
لينا :. لييش ...!؟؟
أم سلطان ..:مب انتي قايله يوم الثلاث بتروحين بيت رفيجتج ..؟
لينا :. يب
أم سلطان :.ما بتاخذين لها شي
لينا:.لزووم يعني ...!!
ام سلطان :. من الاصوول غناتي
لينا :.اممم انششاالله اميه بششوف يووم فااضي وبرووح اخذلها اي شي هاذا اذا مانسييت
أم سلطان توقف :.يالله زيين والحين قومي صحي اختج بسها رقاااد
لينا :.انششااله بس انتي وين بتروحي ..!!
ام سلطان :.برووح اناام تبي شي .؟؟
لينا :.سلاامتج ^^"
تتوجهة ام سلطان لغرفتها ولينا ظلت بروحها بالصاله تتحرطم
لينا :.حد يقوم وحد ينام ...عششنا في سلااام
قامت لينا وراحت الغرفه وصحت شما وقالت لها تقوول لمها انها ما تبي غدا بتناام وراحت فسابع نووومه

[Broken. angel]

----------------------------------------------------------------
فمكاان ثاني بعييد عن لينا وعائلتها >دبي تحديدا ..فقصر بو خليفه ..

قاعده دلال فغرفتها وتخطط ليوم الثلاث [يوم لمة الاحباب ] تسمع دقات الباب
دلاال : من ...؟!
:. Me
دلال :.ادخل الباب مفتوح
:.شو تسوين ..!؟؟
دلال :. اكتتب الاشياء الازمه ليوم الثلاثاء
:. قصدج يوم لمة الاحباب ع قولتج ..؟
دلال :.يب
:. من الحين ..ياحرمه اليوم اليمعه باجي لج جم يوم اجلي شوي
دلال :. شسوي حمدااان ابغي اخلص من الحين وافتتك ولا تتنسى الدراسسه تلهي وانت ادرى بهالشي
حمدان :. انزين تبيني اساعدج ..؟
دلال :. مششكوور السايق بررع مووجوود ^^
حمدان :. برااحتتج
لحظة صمت <<حمدان يراقب دلال وهي تكتب ومركزه يقطع عليها التركييز
حمدان :.امممممم دلولتي
دلال :.آآمر الشيخ
حمدان :.ما يامر عليج عدو ...منو بي من رفيجاتج
دلال تطالعه بنص عين :. وانتت شيخصك ..؟!
حمدان :. اسأل فيها شي ..؟!
دلال :. هي فيها ..ومايخصك
حمدان :.انزين اسفيين ...(بصوت خفيف) ..عافان الله
دلال :.سمعتك
حمدان :. ماقلت شي
دلال :.اببد
حمدان :.المهم عادي اقعد معاكم ..يمكن وحده تحبني وربج بعد
دلال تمسك المخده ألي صويها وتفرها عليه وحمدان برمشة عين واصل يم الباب وواقف برع مدخل بس راسه
حمدان :. امزااح معااج ي حررمه
دلال :. اصبر والله لا اعلم ابووي
حمدان :.شو بتعلميه لغه عربيه ولا مصريه يختي (ويسويلها حركات المصاروه )
دلال :.حمداانووه والله لا اخبر علييك ابووي اصبر بسس
حمدان :.ههههاااي اونه بتقول لابوي ..بروحه بيقولج وانا مايصير البس عباه وشيله واقعد معاكم
دلال تضحك .:ههههههههه لا تسمعك امي تذبحك
حمدااان :. انزييين ..من زيين ربيعااتج الحين اقعد معاهم مافي شغله شو بروح اصلي احسن عن مقابلة هالويووه سلاام.(.وظهر من الغرفه )
دلال تصرخ :. احسسن عن ربعك زيين
وتكمل تخطييط ...
-------بعد ما مر الوقتت وصار التايم 3 المسا ------
فبيت بو سلطان ..(غرفة ليون وشموه )
شما تحاول تصحي ليون :.لييوون قووومي صلي الظهر يالكاافره قوومي بتفووتج الصلااه
ليوون ...:........لارد......
شما تصرخ :.ليوووووووووون
لينا :.وصمخ وصمخين وعشرين قولي امين ..شو تبي ..؟
شما :.اامييين ..شو اباا ابااج تقومي تصلي
لينا :. انشااله سيدتي الجميله
شما تناظرها وتضحك
لينا :. خير في شي بويهي يضحك
شما :. هيييه كل شي
لينا :. ما ااسسسخفج
شما:.تررررررن
لينا :. شو ها بعد .؟
شما :. اكمل لحن الاغنيه لااه ..هااع
لينا :.يظريفه انتي قومي من جداام ويهي خليني ارووح اصلي احسسن لي
دخلت لينا الحمام (اكرمكم الله )..قعدت شما ع السري وتدريجيا تروح البسمه عن شفاتها وهي منزله راسها تفكر تلعب بخصلات شعرها
بعد تفكير : . هالششي احسن لي لو ما اختفى كنت بكره حيااتي اكثر واكثر (وبخاطرها):.ليش انتي انانيه تدرين كيف كانت اختج تحبه وتعزه مثل ابوها واكثر بعد كانت تعتبره سند ظهرها بالحياا ه
(شوي تصرخ):.لاااا يليييت خبر وفااته يووصلني اليوم قبل باجر يلييت
---------فزاوية ثانيه غير غرفة البنات --------
سمع تلفونه يرن ..رفع التلفون وقعد يغمض ويفتح عيونه ما مصدق الاسم الظاهر ع الشاشه
يحاول يركز عدل ..وبعد تردد كبير رد
:. ألووو...
:.الووو
:.أخباارك ...؟
:.لييش تهمج ..؟
:.يب تهممني :.
:. هه كفاايه جذب
:. ما بتصدق كيفك
:.بعد كل ألي سويتيه تبيني اصدق ..عيشتيني بحلم من الطفوله وانا اكبر وابني عشرين شي على هالحلم والحين وانا بهالعمر هدمتيه بسهوله وبلا مقدمات ...خليتيني اني كل احلاامي وطموحاتي عليج وبالاخيير وبكل سهوله تتخلي عني ..والسبب لذة حياه ..لييش ..بس فهميني ليييش ..؟
:.صدقني حبيتك ..بس يا حــــــــــــــمـــــ(يقاطعها)
:.قلت لج يكفي جذب يكفي ..ارحميني يا بنت الناس ارحميني انا هب غريب انا ولد عمج
:.انت اسمعني
:.شسمع بعد ..في شي ماقلتيه ..؟..أنا رخصت روحي عشانج وكنت شاريج ......وانتي شو عطيتيني غير الاوهام ...
:.....لا رد......
:. ههه انتي تدري وانا ادري
:. شو ..؟
:.مو منج السبب ..من خوااتج ..كل هاذا عسب حمود ماخذ اختج
:.انـــ ــــ ـــ ـــا آسـ ــــــ فــ ــــ ــــه (يسمع صوتها وهي تبكي ..سكر الخط بويها وقصعد يعض شفاته وهو يحاول يخبي دمعاته وبالاخير الدموع خانته وقعد يبكي مث الطفل الي فقد امه


جيت وش جابك حبيبي من بعد طول المغيبي
ولا ناوي يا حبيبي تغرق الغرقـان اكـثر
تقـول اني ما اهمك يا برودة والله دمك
كنت فى عيني اضمك وتغزل بك واسهر
اللي جابك هو حبي ولا شئ مستخبي
يالي ساكن وسط قلبي ليه من حبي تنكر
انت فى دنياك لاهي وعن حبيب القلب ساهي
التغلي مو تباهي حس بشوقي وتذكر
يا دروب الحب صيحي ويا دموع العين طيحي
صرت من بعده جريحي وقلبي عن غيره تسكر
روح يا طاير وقله قلبي فىه ألفين عله
الحياه بعده ممله وحالى من بعده تدهور
بصالة بوسلطان ..
ام سلطان وشما يطالعون مسلسلهم المعتاد وابو سلطان على اللابتوب يخص معاملاته
وحمدان قاعد يلعب بالابلاك بيري ...دخلت لينا وهي تلتفت يمين شمات
أم سلطان :ـ.ـ مضيعه شي ...؟
لينا ..:مااي فوون
بوسلطان :. يمكن تحصلينه بالسباره روحي خذي المفتاتح ودوريه هناك .
(خذت لينا المفتاح وظهرت بالحوش فتحت السياره ودورت فونها ولقته وهي داخله سمعت صوت واحد يبكي حاولت تقترب من الصوت فجاه رن فونها وتراجعت )
لينا :. هلا بألي متصل لي خلاني افز من محلي
:.اهليين ...يوووه كل هالغنه لي انا من قدي
لينا :. تتستاهلين ..كيفك دلوولتي ..؟
دلال :.منيحه وانتي ..؟
لينا :. دام اني مع الاهل فأنا بأـفضل حاال
دلال :. عسىى دووووووووم يا ربي
لينا :. آمين وياج
دلال :. شو تسويين ..؟
لينا :. امممممم تصدقي نسييت تشو كنت ناويه اسوي !!!!
دلال :. يالله ما ادري منو متصل لج
لينا :. والله صج نسييت
دلال :.المهم بخبرج سساالفه طاازجه تتوها ظاهره من بطن امها
لينا :. يالله الله والسسالفه عاد وبعدين انا ما ادري ليش انتي مشاركه بالخدمه اختصري وكلميني ع ا ل بي بي
دلال :. لا ي عيوني هيك السالفه بيصير لها طعم حلو وبعدين انا ما يمر علي يوم بدون عن اسمع صوتج
لينا :. هههه بخق الحين ..!
دلال :.يحلالج.... المهم بخبرج تدرين هيفا شو مسويه ..؟؟
لينا :. أي هيفا ..؟
دلال :.هيفا اخت هيا راعيياات السواالف هذوولي ..!
لينا :. ايوااه عرفتهم بلاااهاا
دلاال ....................................
(نخليهم يخلصو من سوالف تالحش الي ما تخلص ونروح البحر )
قاعد ع الرمل ويحااول يوقف دمووعه
:. آآآخ يا دنيا اشكثر بتخليني اعااني ..؟؟...(حط ايده ع راسه يحاول يكتم دموعه بس مافي فايده ) :.اشقد انتي قاسيه يا دنيا ...بس ما اقوول غييير يااهم لي رب كبييير (ويصرخ ).:ياهم لييي ررررررررب كبيييييييييييييييررررر .......لأي رب كبيير
آحرموني منك آحرموني عنك الحب آبعدوني
ما درو اني بدونكـ .. الدنيـآآ ظلمهـ في عيوني
آحرموني منك احرموني عنك.. الحب ابعدوني
ما درو اني بدونكـ.. الدنيــآآ ظلمهـ في عيوني
وآنتي عمري و الغرآآم كيف انـآ بعدكـ
انــآآآم آظلموو صدق المشاعر نفترق والله حرآآآآم
----------------------------------------------------------------
فدبي ...))
قاعد فالكوفي مع ربعه ويلعب بال bb سأله وااحد من ربعه
:.إلى وين البودجارد مالك (ويضحك بسخريه )
يطالعه بطرف علين ورافع حاجبه اليمين :. وأنت مضايج لييش ..؟
:. ما مضايج ولا شي بس قلت غريبه بروحك سايق السياره اليوم ...!؟
:. هاذي مو أول مره وبعدين انا اذا خذت البودجارد معاي بخذهم للخقه (ويغير نبرة صوته بكلمة الخقه ) فااااهم ..!!
قطع عليهم واحد من الربع ..:عبدالله انت حارق اعصاابك لييش خله اييبهم ولا لاا هو حرر ..!!
عبدالله :.ايييه لا تكبروو الموضووعت مايصيير نمزح يعني ولو شوي ..؟!
نهيان :.امزح بابا امزح بس بوقته ..(ويصد الصوب الثاني :.إلى بخبرك حمدان يقولوون اليوم المول ملياان .^^
عبدالله يغني :.ملياان قلبي ملياان ..يلاا يمووع كمل ...يمعه يدق ع الطااوله :.
نهياان:.هاهاهاهاههاها من زمان ما ضحكت
حمدان :. وانت شو تبا من المول ناقصنك شي ...!؟
يمعه وهو ملتتتهي بال بي بي :. يالفيصل افهم يقولك المول مليان يعني البنات اليوم طاغييييييييييين
حمدان يلتفت لنهيان :.تباني اكفخك الحين ..ارضى ع خوااتك بعدين ارضى ع بنات الناس
الكل يناظره باستغراب
نهيان :. الله اكبببر حمدااان يقوول هالكلاام من ويين طالعه الشمس ..؟؟
عبدالله :. مطوعنا من متى ..؟
حمدان يضحك :. ههههههه قاعد اجرب يليق علي اكووون صاالح ولا لاا
عبدالله :. تبا تتتغير اسمك من حمدااان لصااالح يالدني
حمدان :. الدنيه حرمتك وبعدين بلا غلااسه هاا
عبدالله يزعق :ايييييييييييييييييييه حدك هنااا كلا ولا الزوجه المستقبلية ما ارضى
يمعه :. الله والحرمه الحين انا ما اقول غير الله يعينك عليها بتشوفها 24 ساعه فالمطبخ شرااتك ويلييتك تمتن
عبدالله :. يحلالهااا وااه فديتها فوديتتاااه
الكل يضحك ع استهبااله
يمعه :. هههههههه بس هي اخس عنك معسكره فالمطبخ يم التمر
(صوووت ضحكااتهم صار مثل الصدى مر بكل زااويه فالكافييه )
عبدالله:.ما يضحك زيين (يحااول يكتم ضحكتها ثواني ونقع من الضحك) ههههههههههه ما اتخيل طالع من الغرفه نص الليل واشوف وحده قااعد يم السسسح امييييييييه
حمدان يمسح دمووعه ألي نزلن من كثر الظحك :.غربلاات بلييسسكم فضحتونات سكتو الكل يطالعنا
يمعه يغني :. شعلينا من الناس يحبيبي شعلينا
نهيان بإصرار:.يلا شباب خلونا نتمشى
عبدالله :. انت اليوم ناوي ع شي ..إلى تبا تشوف البنات شو عندك منو موااعد اعترف ....؟
حمداان :.يلاا اعترف منو هي ..؟؟
نهياان (يحط ايده ع قلبه ):.آآخ ي قلبي
الكل يناظره باستغرااب
نهياان :. شفيكم ...؟
حمداان :. منو هاذي الي سرقت قلبك ..؟
نهياان :. ملااك ناازل ع الارض
يمعه :. نهيااانوووه من متى وليش ما قلت لنا ...!!؟؟
نهيان :. شوي شوي علي يا يمووع قلبي رهيييف
عبدالله يصررخ :.اوووووووووووووه الريااال عشقاااان
حمدان :. وبأقوى درجه بعااااد
يمعه :. يلاا اشووف خبرنا التفااصييل
نهياان :.ماقلتت لكم لاني هب متأكد من مشاعرها للحين ..وهالبنت عرفتها من امممم سنه تقريبا..وألي خلاني احبها شخصيتها روحها الطفوليه كل شي فيها ينحب (يقاطعه عبدالله )
عبدالله :.يالخاايس ونحن ااخر من يعلم وكيف هب متأكد من مشاعرها واساسن انت كيف عرفتها ....؟؟
نهيان :. أولن انتو اول نااس تدروون وثانين هب متتأكد من مشاعرها يعني للحين هي في فترة التتجربة عدت بأول 3 اختبارات وباجيلها واحد وعرفتها سلمكم الله عن طريق الصدفه اتصلت كذا مره بالغلط ...حمداان تذكر سالفتها صصح ...!؟
يمعه :. لا يكوون هاذييج البنت
حمداان يغمض عيينه بالقو وبخاطره ..:(أنششااله مايقصد هياا بس )
نهياان :. علييييك نووور هي البنت
حمداان حس بشعر جسمه وقف وصرخ :. هيااا ...!!!!
نهيان :. منو هياا ...؟؟
حمدان :. ألي تحبها ...؟
نهيانن .:نوووب اسمهااا نهى
حمدان بخاطره :(.انا متأكد انها هياا والرقم ألي شفتته نفس رقمها ..شو نااويه عليييه بنت الكلب ..؟)
عبدالله :.انزييين وجي سالفتك عييل ..يلاا شبااب سريناا
وهم يتمشوو بالمو شافو شلة بنات وثواني ويختفي نهيان ويطرش لهم مسج "ثواني ورااجع "
حمداان :. لحظه ..!!
يمعه :.شفييك ..؟
حمداان :. تذكرون هيا ...؟
عبدالله :. لحظه بذكر ..هيا هيا هياا ..وايدين اعرف هياا
حمداان :. هيا بنت عدنان
عبدالله :. ايوااه ذكرتها بلاهاا ...!!
حمداان :. هي ألي يحبهاا نهياان ...ّ!
يمعه :. نعمم ..مستحيييل هو قاال اسمهى نهى
حمداان :. هي تجذب عليه انا شفت الرقم مره عند نهيان هو نفس الرقم الي عندي
عبدالله :. هو من مرو شلة البناات اختقى ...حمداان تتعرف كييف شكلهاا
حمداان :. في حد ما يعرفه استغفر الله
يمعه :. يخوفي بس تطلع هي ..><
حمدان :. انا متأكد الحين راايح يشوفها ...خلونا ندورهم وبنعرف
--------------------- ------------- ----------------------
لينا دااخله الصااله :.ماماات ويين حمييد ..؟
أم سلطاان :. ما ادري ..!
حمدان :. اظن ططلع مع ربعه
لينا :. هيييه اووكي خيير انششالله ..((تتصل لحميد تلقى فونه مغلق ) .:ظاهر مع ربعه ابا افهم ليش غالق تلفوونه
حمدان :. انزين هو مابيشرد اتري نص ساعه وبعدها بتشوفتيه هو متعود يرد البيت كل ما ينزل الساعه 9
لينا :. اووووف يااااه
تدخل شما وبإيدها صحن الانناس وتقعد يم امها
شما :. مام بدك ..؟
أم سلطاان :. مششكووره بالعاافيه علييج
شما تحط حبة انناسه بحلجها :.الله يعافييج ..ليوون تبيين ...؟
ليناا :. نووو ثاانكس
شما :. ولكم ...وتااكل
حمداان :. وانا مالي رب تعزميني
شما :. انتت ما تقول لا يعني ليش اسألك ..!!
حمدان :. عافااان اللله كلي يعلج بسسهااال يخليييج معسسكره فالحماام
شمااااا تغااايض فيييه وتتاااكل الننااس بشهيه .:آآميييييييييييين
لينا قامت من مكانها وتوجهت لغرفتهات وهي فطريجها شافت باب غرفة حميد مفتووحه وفي احد نايم فالغرفه
لينا بخاطرها :.منو هاذاا حمادووه مستحييل ينام بغرفة حميد هم اذا بيجمعو بيجمعو بغرفة حمدااان فيها كل شي وحمييد ظااهر مع رببعه ..اميييه لا يكوون جني
دخلت وخوزت اللحاف شافته ناايم وحاظن مخدته بإيد وايد فيها الفون
لينا تحاول تصحييه :. حميييد ..حمييدااان ....قووووم
حميد يفتح عينه بصعوووبه :. خييير
لينا :. اقعد ابي اكلمك
حميد :.قعدنا وش تبيينت ..ـ.ـ؟
لينا تنااظر حمييد بغرااابه ..:شفيهاا عيينك هييك ..؟
حمييد :. كييف يعني ..؟
لينا :. محمره ..جنك صاايح ...ومنتفخه ...!!!
حميد يعدل من قعدته ويحك عينه :.مافيها شي بس تتعباان من الدواام وابي اناام
لينا :. متأكد ..!!
حميد :. يب
لينا :. خيير انشاالله ...المهم انتت بتوصلني السسكن ..!؟
حميد :. ومحمد ..؟
لينا:.محمد بيطلع الاثنين ..انت بتتطلع من الفير صح ..؟
حمييد :. هييه الفير بظهر ..وبعدين انتي ليش تروحي السبت والسبت مافي دواماات ..؟
لينا :. ابا ادرس ابا انجح بتحسدني بعااد ..؟
حمييد :..انزيين يالدحيحه خلااص بوصلج
لينا :. حلووو ..بس انت لييش بتظهر من الفير ..؟..دواامك الظهر ..!؟
حميد ..: بس هيييك عسسب اووصل واريح وبعدها ارووح نشييط
لينات :. خييييير انششاالله اخووي الغاال اخلييك تكمل نوووم ..نوم العواافي ..(وتظهر من الغرفة وراحت غرفتتها )
لينا :. انات متأكده فيه شي ....(رن فووونها )
:. هلا
لينا :.اهليييين ي الله حييه فطوووم متصله
فاطمة :. الله يحيييج ..اخبااارج ...؟
لينا :. بخيير داامكم بخييراات ..وانتتي ...؟
فاطمة .:مديم ..الحمدلله ماشي الحاال
لينا :. الحمدلله ..إلى اخباار الاهل ...؟
فاطمة :. بخيير وبااجر انششااالله بتشووفييهم كلهم بييتكم
لينا :. لييش ..؟
فاطمة :. مسوويين عزييمة بييتكم ما خبرووج ..؟
لينا :. يمكن قالو لي بس نسييت
فاطمة :. عيل بنشووفج ...:؟؟؟
لينا :.للاسف لاا بااجر بظهر من الفير
فاطمه :. منو بودييج ..؟
لينا :. حمييد
فاطمه :. يعني ما بيحظر ..؟
لينا :.لا
فاطمه :. لييش ..؟
لينا :. والله ما ادري يقوول اشغاال ورااحه وشي من هالنووع
فااطمه :......لا رد .....
لينا :. فطوووم يالسووده
فاطمه :. معــ ــــ ـ اج ..معااج
لينا :. ليش سكتي ..؟
فاطمة :. ولا شي
لينا :. كلمتيييه ..!!
فااطمه .:......يب مسااعه
لينا :. اهااا
فاطمة :. ليووون امييه تبيني اخلييج الحيين مع السلاامه
لينا :. مع السسلاامه
سكرت الفون ..وبخاطرها ( اظن فهمت كل شي الحين ))(وبعد تفكيير عمييق ))
ليناا :. اوووه خاالتي وحشتتني
تمسك الفون وتتتصل لخالتها
لينا :. سلااام
أم مايد :. وعلييكم السلاام
لينا :. اخباارج خاالووه عسااج بخييير ..؟
ام مايد :. الحمدلله بخيير وانتي
لينا :. بأحسسسن حاال ...إلى اخباار حموود ونصوور وهنووده ..؟
ام ماايد :.كلهم بخيير ..
لينا :. واخباار ميوود ..ماقاالكم متى بيرجع ...؟
ام مايد :.الحمدلله بخيير انشااله جريييب
لينا :. انشاالله
ام ماايد :. اخباار الدرااسه
لينا :. ترتوووب ...تصدقي خاالووه اشتقت للج حييلاات
ام ماايد :.وانا اكثر غناااتي
لينا :. إلى خاللوه مشغووله ..؟
ام مايد :. لا حبيبتي بس كنت قااعد مع بو مايد شفت رقمج وودرته
لينا :ز اووه لا لا سووري خااله ...وهاذاا رييلج انا اخااف منه ..اخلييج معااااه مع السسلاامه
ام مايد :. هههههههه عاادي حبيبتتي ..مع السسلاامه
(تسكر لينا الفوون )
لينا :. آآخ ي ميوووود اشتتقت لسواالفك
----------------------------------------------------


تعودني عليك أيام أبد ما أفــــــــــــــارقك ليله

واذا عنك أروح اليــــــوم أقول لك نلتقي باكر

تعودني على لطفك وأسلـــــــــــــوبك وتدليله

وتتــــــــــــــــوقع أنا بحيا بدونك يوم بتسافر

أنا مـــــــــــا ودي أشكي لك ولكن قلت الحيله

أليمه فرقتك والله وأنا ع البعد مب قــــــــــادر

دخيلك أجل المــــــــــــوعد اذا تقدر ع تأجيله

دخيلك حـــــط دمعاتي في عينك قبل ما تسافر

يا شين الـــــــــوقت في بعدك دقيقه كنها ليله

شيصبرني وأنا أحبك ومثلك فــــي البشر نادر

تعلق قلبي بقلبك يسمـــــــــــع منه ويحكي له

تدلل قـــول بس إطلب أقول لك غالي وحاضر

أنا مدري اذا قلبي رفـــــض يصبر شسوي له

تخيل حالتي بعدك أنا إتحطمت ع الآخــــــــــر

أكلم نفسي فغيابك ألـــــــــوم القلب وأشكي له

وأصبر نفسي بالقوه وأقضي الليل وأنا ساهر

تلاقينا فبعض صدفه سولف لي وأنا أحكي له

ومن أول نظرة حبيته وصــــرت لشوفه أبادر

ذبحني السحر فعيــــــونه يا ويله قلبي يا ويله

أنا أفهم لغة العيـــــــون ولكن صرت مب قادر

أنا أتمنى قبل لا يــــــروح يلمس دمعي منديله

أبيه يحس بإحساسي أبيه يقـــــــــول لي تامر

أبي حضنه يدفيني خليل يــــــــــــــودع خليله

وأقـــول بصوت به شهقه..فمان الله يا مسافر

وأرجع م المطار وحـــدي يشلني الهم وأشيله

شيصبرني أنا شهرين وهـــو بس توه مسافر

عزاي إنه أخذ قلبي في وســـــط عيونه يشيله

وأنا أصبحت في بعده وحيد وأ**ر الخـــــاطر
--------------------------------------------------
انتهى البارت الاول ومن خلاله عرفنا تفاصييل صغيير عن ابطالنا وتهنا بالمجهوول معاهم
رااايكم .....!^^"

[Broken. angel]

البارت الثاني


كَمْ رَغِبْنَآ ، كَمْ حَلُمْنَآ
كَمْ تَمَنّيْنَآ ’ وَ شِئْنَآ
وَ شَآءَ الْهَوَى ’
فَامْتَثَلْنَآ ..!
{ وَ لآزآلَ لِلْحُلْمِ بَقِيّةٌ ~ لَمْ تَكْتَمِلْ ..

حمدان :. قلت لكم هيا تبي تردها فينا
عبدالله :. ونهيان شو يخصه ..هو لا يدري بالسالفه ولا له خص ...!؟؟
يمعه :. هاذي ال .***** ماقدرت على حمدان تبي تفو ع حساب نهيان
حمدان :. مالقت غير نهياان ...!...(وبخاطره)((مالقيتي إلى نهيان ..صحيح انه بيغاازل حااله حاال اي شاب فالدنيا بس ما بيفكر يلعب بقلوبهم ..نهياان غيير...وخااصه الي صاار له مب شوي ..))
يمعه :. نحن لاازم نكشفها ع حقيقتها ..ما عااش شخص يجذب على اخويااي ..طوفوو نكشف له كل شي
حمدان :. لا خلكم مكانكم
عبدالله :. انت شتقوول ..؟ حد ظاربك ع رااسك ..؟يهوون عليك تشووف اخووك يعييش بجذب ..؟
حمدان :. ما يهوون بس ما باليد حيله ..وانتو تدروون ان نهيان صعب يصدق والبنت ضااربه ع مخه ...ماشفتتوه قبل شوي كيف جان طاير من الونااسه اول مره اشوفه جي من بعد وفاة امه واخته
يمعه :. انزين شو نسوي ..؟
حمدان :. راح افكر فيها ..(قطع عليهم دخول نهيان )
نهيان والبسمة منرسمة ع ويهه:.سلآآآم
الكل :. وعلييكم السسلاام
نهيان :.شفيكم ...؟...ألي يشوفكم بيقول ميت عندهم حد ..
عبدالله :. ما ماات بس جرييب بمووت لو ما سوينا شي
الكل يطالع عبدالله
نهيان باستتتتتتتتغراب ..: شو تقصد ..؟
حمدان حب يغير الموضوع :.مايقصد شي ..وبعدين انت ما تعرف سوالع عبوود المهم انت وين رحت.؟
نهيان وهو يلعب بشعره ويسرحه باهمال :.ارييح قلبي
حمدان وعبدالله ويمعه يناظرون بعض
حمدان :. عند هيــ (ويعض شفااته ) ..اقصد نهى ..؟
نهياان :. يب
وقف عبدالله ماقادر يسمع اكثر :.يالله عييل الساعه 10 ونص انا استأذن
حمدان وعبود فهمو عليه
نهيان :. يا ريال تعال اسمع قصة اخوك العشقاان
عبدالل وهو رايح :. جديييمه ...مع السساامه
الكل :. الله معااك
نهياان :. اونه جديمة..شعرفة بالحب هاذا ..؟ المهم بقولكم شو صار ..
يمعه يقاطع نهيان :. اقولكم انا نسيت اني ياي مع عبوود بلحقه قبل لا يروح عني سلاام اشوفكم يوم ثاني
نهيان والغصه تعتريه :. مع السسلاامه
حمدان حس ع نهيان :.نهيان شفيك ..؟
نهيان بحزن :. الحين انا قصتي صارت جديمة ..؟ لهدرجه انا ما اهمهم اذا حبيت او لا ..؟..مب جني انا اول واحد يلجؤوون له اذا احتاجوو
حمدان :. من قاللك انك ما تهم ..؟
نهيان :.شفتهم بعينك كيف يتهربون
حمدان :. لتا يتهربون ولا شي ..وانت تدري عبوود وراه بيتت يحرسه بغياب ابوه ويمووع بيته جريب من بيت عبوود فراح مع عبود ليوصله وبعدين اتحداك اذا ما سألوك او سألوني بعدين عن الي صااار
نهياان .:اوووف يلا زيين خلناا نرووح
حمدان :. انزيين قولي شصاار معااك .!
نهيان :. فالطرييج
حمداان :. اوك سرينا
على ذاك الطريق اللي يسمونه غرام أحباب
وطت رجلي على دربه و لا أدري وش نوى فيني
تبعته لآخر دروبه ألين أن القمر قد غاب
تعب قلبي و لا تعبت مسافاتٍ توديني
-------------------------------------------------------------------
فبيت بو خليفة ..>الكل قاعد فغرفة الطعام ما عدا حمدان
أم خليفة :.دلوول ..خلااص المووعد بيكوون الثلاث ..؟
دلال :. يب مام
أم خليفة :وشفتي شو ناقصنكم ..!
دلال :. يماه من ناحية الطعام بعتمد ع الخدم بس الاشياء الثانيه بخلي السايق اييبهن
ام خليفة :. المهم تسدين الحاجاات
بو خليفة (ينزل الكوب ):.شرايج هالاسبوع تمين فالبيت بدل روحت السكن عندج غرفه اكبر عن الصاله شتبين ..؟
دلال :. بابا الاسبوع الي رااح انا كنت هني
بو خليفة :. بس ما شبعنا منج ..وانتي فالبييت نحن مرتاحين اكثر تاكلين وتنامين جدام عيونا
دلال :.باباتي حبيبي انته ..انا متفقه مع رفيجتي سبوع عندها وسبوع هني
بوخليفة :. رفيجتج بتشوفج بالكولج ..
دلال :. داادي بلييز ..هاذي حيااتي عمري رووحي
ام خلييفه . لو نحن ما بتقولي عنا جي
دلال :. ههه انتو نوور دربي ..بس ماما تبين الصج انا فالجامعه بدونها اضييع
بوخليفه :. خلااص وانا ابووج ..شراايج تكتبيين عنها قصيده بالمره ..!
الهنوف تنزل الي بإيدها وتلتفت لابوها :. دادي
بو خليفه :. عيوون ابووج
الهنوف:.شراايك بااجر نرووح البحر ..يعني نقعد جم يووم نبيت فيهم ع اليخت ..؟
بوخليفه :. والمدرسه ..؟
الهنوف :.انزين بنقعد يومين باجر والاحد واذا على غياب يوم الاحد ..فهو يوم واحد ما بيفرق
بوخليفه :. من هالناحيه اوكي ما عندي مانع بس ما يصير نروح بدون دلول
دلال :. عفيه عليك باباتي لا تخلاها بخاطري ..
الهنوف :. لا تروحين الاحد ابسنت واحد ما بيأثر
دلال :. واخلي رفيجتي بروحها نو وي خذوها بالويكند احسن
الهنوف :. ماابي مافيني حييل اتريا للويكند دادي
أم خليفه :. مايصير نخلي الطلعه بخاطرج ولا خاطر اختج
بو خليفه بعد تفكير :. انزين بابا دلول خلي رفيجتج اتي معانا
دلال :. نععم ..اتي معانا ..؟
بوخليفه :. هييه شوفيها ..؟
دلال:. دادي انت متخيل الوضع ..!!
بوخليفه :. شوفيها مش انتي تعزيها وما تقدرين تستغني عنها ..؟ خليها تروح معانا ..
دلال :. بابا وحمداان ..(وبهاللحظه يدخل حمدان )
حمدان :. شفيه حمدان ..؟
أم خليفة :. باجر بيطلعون رحله ع اليخت بنقعد لنا يومين
حمدان :. يا سلام والرحله ما تظهر الى وقت الدوامات
دلال ..: انت بتروح ..؟
حمدان :.اكييد لا .باجيلي انذارين وبعدها فصصل نهاائي
الهنوف بتصرخ :. يعني بنروووح وناااسسسه ثاانكيوو حمدااان
حمداان :. لييش شو المشكله يعني ..؟
دلال :. بابا يقول عزمي رفيجتج خليها تروح معانا بس المشكل هانت بتروح ولا لا
حمدان :. جذي السالفه عيل
بو خليفة :. الحين انت بتروح ولا لا ..؟
حمدان :. للاسف الشديد مابرووح
دلال :. عيل خلني ارووح وابشرها ..(تتجهه لغرفتها)
حمدان يتبع دلال لغرفتها ..دخلت دلال وقعدت ع السرير ووراها مباشره حمدان
دلال :. خيير حمدان ..!
حمدان :. ابغي اقولج سالفه ..
دلال :. اقعد زيين ..بس انطر لين ما اخلص من هالمكالمه
قعد حمدان يم دلال ..دلال تتصل لروحها
دلال :. مساااء الخيير ليوون
لينا :. مسااء الحب والعشق والسكر
دلال :. هههه شو تسوين ..؟
لينا :. السااعه جم ..؟
دلال :. امممم جريب ال11
لينا :. طييب ي حبيبتي هاذا هو وقت نومي
دلال :. من متى هالكلام ..؟ أنا الي اعرفه ليون ما تنام إلى جريب ال4 وشوي
لينا :. الكلام هاذا فالسكن يحوبي انا الحين فالبيت دار الامان
دلال :. شقصدج ..؟
لينا :. قصدي فالسكن انتي سبوع عندي وسبوع عند هلج وبالاسبوع الي انتي فيه عند هلج انا اخاف
دلال بمكر :. ي حيااتتي انتي تخاافي من الوحده ..!
لينا :. وكييف ما اخاف وانا من صغري اعيش بوحده اليمه تصدقين تعودت ع الوحده ..يعني ما استبعد ا نبي يوم وانتي صايره شخص ثاني
دلال (بتحسف ):.الله لا يفرقنا ...
لينا : ااميين
دلال :. متى بتوصلي السكن بااجر ..؟
لينا :. امممممممم اشوووف ..حمييد بيظهر 4 الفير وبيمشي ع راحته امممممممم بنوووصل السكن 8 وشي على ما اعتقد بس لييش ..؟
دلال :.جرييب ال8 حلوو ... انزيين ما اوصيييج يبي معااج ملاابس تناسسب طلعة البحر
لينا من تسمع طاري البحر يفز قلبها :. اا عيدي الي قلتيه اخاف السمع عندي فيه خلل
دلال :. هي بنرووح البحر بنبييت يومين ع اليخت
لينا :. الله وناااسه مع منو بنرووح ..؟
دلال :. مع هلي ..؟
لينا .: !!!!..هااا ...!!!!
دلال :. هي حبيبتي زهبي عمرج بنظهر الساعه 12 ومثل ما قلت لج بنبييت يومين
لينا :. و أخووج ..!؟
دلال :.لا تخاافي لاهي بالكولج ما بيرووح معانا ..اذا غاب هالمره بيظل له انذار واحد خل يوفر ال2 للمستقبل
لينا :. ههههههه هاذا اخوج شي ثاني
دلال :. اكييد شي ثاني مب اخو دلول
لينا|:. لا تكثرين بس
دلال :. تعيش بنت السعوديه تعيش
لينا :. ااااخ بس اشكثر اعشقهم
دلال :.هههههه..اوك ليوون اخلييج الحييين ..تصبحيين ع خيير
لينا :. ووانتي من اهله
تسكر دلال الفون وتلتفت لحمدان
دلال :. آآمر الشييخ
حمدان :. ما يأمر عليج عدو ..اسمها لينا ...؟
دلال ..: من ...؟
حمدان :. رفيجتج التويه
دلال :. يب
حمدان :. وين عدنان عنها .هههااي
دلال :. س خي ف
حمدان :.مب اسخف عنج ....هاذي لينا سعوديه ..؟
دلال :. نوووب موااطنه وعندها الجنسيه بس تعشق السعوديه
حمدان :. اها زين ...شوقالت عني ..؟
دلال :. ما قاالت شي
حمدان :. عي لانا اسمعج تقولين لها اكيد شي ثاني دام انه اخو دلول
دلال :. انت قاط اذنك هني ما شالله
حمدان :. من الملل وبعدين انتي طولتي الصراحه
دلال المهم شو سالفتك ..؟
(حمدان يقول لها سالفة نهياان والي صاار له )

[Broken. angel]

مآ أعذّبَ آلصّبَـآحَ حِينْ يتنْفسَ
{ بذِگرَ آللّـہ ] . .<3
أصّبحَنْآ ۈ أصّبحَ آلمُلگ للّـہ ،
فَصّبآحَگم شّہدَ ، ۈ ۈجّہگم سعّدَ ،
ۈ طّريّقگم ۈرّد . .<3 :$

مر الوقت والفجر توسط الاياام ..الساعه ..4:5 فجرا
حميد :. ليوون يلا رايحيين
لينا تودع امها وتركب السياره واتجهو لدبي ..فالدرب لينا تلعب بال بي بي وحميد حاط ا لاف ام ويسمع الموجود
لينا تنزل البيبي وتلتفت لحميد
لينا :. حمييد عطني سبب مقنع لطلعتك من البيت هالحزه
حميد :. قلت لج لاروح الشقه واريح عسب اغدى نشيط (ويبتسم لها )
لينات :. اقنعني زين
حميد (وقف يم الكفتريا ):. تبين شي
لينا:. جست كوفي
طلب حميد 2 كوفي وكمل دربه
لينا:. انزيين لا تغير الموضوع شو صاير لك ..
حميد :. ماصاير شي
لينا بإصرار:. انا متأكد هان فيك شي انت هب طبيعي
حميد يصرخ :. اووف فيني ارتحتي
لينا حست انها تعدت الحدود شوي فسكتت
حميد :. فطووم اتصلت
لينا :. كلمتها ..؟
حميد :. للاسف هيييه
لينا :. لهييك ظااهر بهالحزه عسب ما تحظر العزيمه ...؟؟
حميد :. هييه
لينا سكتت ما تبا تتزيد عليه ونزلت الكرسي لتريح ..حميد طول على اغنيه يعني خلاص لرابح صقر ولينا تسمع الاغنيه وهي فاهمه كل حرف وين يلمس بقلب حميد
يعني خلاص مافيه امل ترجع تداويلي الجروح
معني كلامك اتآكل وافضها سيره واروح

يعني دموعي حسرتي بالنسبه لك ماتعني شي
هانت في عينك عشرتي ماصرت عندك اسوى شي

ماتدري وش سويت بي اتعبتني وضاع تعبي
صرت استحي اني اقول انك حبيبي وصاحبي

وصلت نفسي للعنا ويحق لي اشره عليك
اشره علي حظي انا الي رامني في يديك

تدري القهر واكبر قهر لاصرت فاقد لك عمر
وانا انتهي عمري معاك ماهي سنه ولا شهر

ضنيت قلبك حبني تبيني قد ماانا ابيك
ياللاسف خدعتني قلي انا وش سويت فيك
قلي انا وش سويت فيك.............. قلي انا وش سويت فيك

----------------------------------------------------------------------------




بمكان بعيد جدن عن دولتنا الحبيبه يالس يقرى الجريده وبحظنه اغلى انسانه بهالوجوود ....نزل الجريده وقعد يمسح ع راسها
: والله لا ادفعهم الثمن غالي وراح انزل اسمهم بالقاع ...(سكت لما حس بإيد الغاليه تسحب كندورته صدلها ):تبغين شي امايه .(اشرت له بإيدها تبي قلم وورقه )عطاها وكتبت له :. لا تسوا شي بتندم عليه يكفي ان نحن الغلطانين
رد عليها وهو مقهوور :. مستتحيييل اسكت عن حقنا يماه ولا تقولين مره ثانيه ان نحن الغلطانين نحن ما غلطنا بشي اذا يظنون ان نحن بنسامحهم غلطاانيين ..اول شي قتلو ابووي ولا تتنسي ان هم السبب بألي انتي فيه هم السبب فشللج ....والله يا عايلة محمد أحمد خلفان ال ......لا أخلي حياتكم سوودا مثل ما سودتو حيااتتي ...راح اصيير لكم مثل الوسواس فكل مكان تروحون له تلقون الموت ...بس انطرو شوي
----------------------------------- ------------------
بركن حميد السياره وصد جهة لينا وهو متردد يرد المقلب ولا لا..... حميد بخاطره (الفرصه ما تتي مرتين ..) فخطط لمقلب صغيرون ..قرب لاذنها وصرخ بأعلى صوتته ولينا من الخووف كملت الصرييخ معاه وحظنت ريولها حميد يطالعها ويضحك بالقو
حميد :. ههههههههههههههههههههههههههههههههههههههاااي يوم ليك ويوم عليك
لينا انتبهت انه مقلب وصدت صوبه وظربتته ع صدره :. نذذل قلبي طااااح عبالي صاار شي
حميد :. حسيتي بألي نحن نعييشه ..ههههه..المهم وصلنا يلا نزلي
لينا :. ويا رااسك العوود ...(نزلت من السياره )
حميد يصرخ :. جنطتج ما تبيها ..؟ولا من الصرخه نسيتي كل شي
لينا تطل عليه من الجامه :. هاهاها ي ظريف (خذت الجنطه ودخلت السكن وتتوجهة لغرفتها لتكمل نوم بعد العذااب الاخوي
----------------------------------------------------------------
فزت ع صوت المنبه ..وهو يذكرها بالوقت ..الساعة الآن التاسعة صباحا
دلال تفتح عينها بالقو وتتمدد ..وهي تحاول تذكر مخططها للييوم ....تصرخ ..:ليوون
تمسك فونها وتتصل لها ..أول مره ..لارد ...ثاني مره ..لا رد ...وثالث مره ردت
دلال :. صبااح الخيير
لينا بصوت نعسان:.صبااح النور
دلال :. نايمه ..؟
لينا:.لا ارقص شرايج انتي ..؟
دلال تضحك :. ههههه متى وصلتتي ..؟
لينا :. اظن 8 ونص
دلال :. اها ..دقايق وبكون عندج
لينا :. اووكي ..باي ..وتتسكر الفون بويه دلال
دلال :. طااع ..مب نووم محتلنج هالكثر ..وقامت دخلت الحمام (اكرمكم الله )
-------------------------------------------------------------
فغرفة الطعام
بو خليفة :. وديمة ..وديمه
وديمه : آمر يبا
بوخليفه :. روحي صحي اخوج قوليله يوصل دلول السكن
وديمة :. وانت ..؟
بو خليفه :. تذكرت شغله بروح اخلها وبي
وديمه :.انشااالله داد ..>وتوجهة لغرفة حمدان
تدخل دلال وتبوس راس امها وابوها وتقعد يم ابوها
بوخليفة :. زهبي عمرج وع فكره حمدان ألي بيوصلج
دلال :. لييش وانت ..؟
بوخليفه :.رايح اخلص معامله وبرجع
دلال :.اهااا ...بس منو بييبنا
بوخليفه :. السايق موجود
دلال :. اها
يدخل حمدان بشكله الخوقاقي ويحرك شعره بإهمال (لابس كندوره شبه قطريه والنظاره معلجه بالكندوره )
دلال تصفر :.دادي دخيلك هاذا الي بيوصلني (تأشر على حمدان )
حمدان :. ليش في شي غلط ..؟...(ويطالع عمره من فوق لتحت )
دلال :. ابد حندوش بس خيفانه ع البنات
حمدان معقد حواجبه :. شايفتتني يني مثلن ..!
دلاتل :. يالدلخ ...اخافهن يطيحين من طولهن من يشوفووك
حمدان بخقه يلبس النظاره ويحرك شعره ويلتفت للدلوول :.دلولتيت رايحيين عن نتتأخر
بوخليفه وام خليفه يضحكو ع خبال ولدهم وفاهمين شو قصده
دلال :. ههههه بلا خقه برذر
حمداان :. هههه المهم لحقيني انا بالسيااره
تووقف دلال تاخذ جنطتتها وتظهر
حمدان قاعد فسيارتته (فيراري ايتالي )ودخلتت دلول وثواني وتحرك حمدان
-----------------------------------------------------------
فنص الدرب
حمدان :. لقيتي حل ..؟
دلال :. بخصوص نهيان ..؟
حمدان :. يب
دلال :. اسمعني عدل (تعرظ خطتها ع حمدان )
حمدان :. ولييش نتريا كل هالمده
دلال :.يمكن بهالفتره نهياان يكتتشفها بنفسسه وثاني شي عسسب نهيان ما يششك بشي
حمدان :. بس بيتحطم حراام
دلال نازله من السياره :. يتحطم ولا انه يبني كل شي وبالنهايه يندمر نهائيا
نزلت دلال وخلت حمدان وسط دوامه من التفكيير
----------------------------------------------------------
تسمع صوت احد يدق الباب بالقو وهي مب راضيه تبطل عينها وبالاخير استتسلمت وراحت فتحتت البا وواقفه يم الباب ببجامة نوم
دلال :. ما ندخل مثلن
لينا والنوم طار من عينها :. دلوولتي حبيبتي (وتحظنها )
دلال :. إلى يوم واحد ما شفتيني فيه
لينا :. بالنسبه لي سنه
دلال وهي تقعد ع السرير :. ههههه عن اصدق بس ..
لينا ترد مكانها لتكمل نووم
دلال :. قومي بسج نووووم
لينا :. ما شبعت حرام عليج
دلال تسحبها من ايدها وتدخلها الحمام وترش الماي ع ويها لينا تصرخ :. خلااااااااص قمت خلاااص
دلال ظهرت من الحمام وسكرت الباب وراها
دلال تصرخ ع لينا :. يلا تغسلي بتريااج
دقايق وتظهر لينا من الحمام وتقعد يم دلال
دلال :. يلا خبريني شو صار ..؟
لينا :. شو بيصير يعني كالعاده
دلال :. مافي شي يديد ..؟
لينا :.. للاسف ..وانتي ..؟
دلال :.. بخبرج سالفة نهيان ولد عمي
لينا وكلها فضول تعرف السالفه ..(تبدا دلال تسرد الحكايه وبعد ما خلصت )
لينا :. ي حراااام كسسر بخاطري
دلال :. انتي تعرفي من هاذي اصلن ..؟
لينا :. نو
دلال :. اخت هيا
لينا فاجه عينها :. هيييييييييييه حلفي عشر وعشرين مره
دلال :. ههههههه وين تبي
لينا :. وانتي كيف عرفتي ..؟
دلال :. لا تنسي انها كانت معذبه اخوي باتصالاتها
لينا :. اسمينهم عائيله فااسسقه ..عافاان الله
دلال:. فيهم فسوووق قوي ...المهم جهزتي ملابسسج
لينا :. يب
دلال :. حلوو
لينا تبتسم ..
دلال :.فيج شي ..؟
لينا:.ابد
دلال :. اقنعيني
لينا :. لا شي مهم صدقيني
دلال :. يعني فيه
لينا :. فيه بس ما يهم ..المهم خلينا تنروح المطبخ حدي يوعانه
دلال :.جوعااانه مو يووعاانه..!؟
لينا :. اييييييه جوعاااااانه
دلال :. اسميينهم مخبلييين فيييج خباال اهل السعووديه
لينا :.. واااه فديييتهم فوديتاااااه ...والله خااطري بس لو ابوووس تراااب السعوديه واشم هواها
دلال :. ههههه انششاالله جريييب ..يالله طووفي نروووح نطبخ
دخلو المطبخ ..لينا قعدت ع الطاوله وحطت ريل ع ريل
دلال :. يعني كالعاده انتي اليوعانه وانا الي اطبخ لج
لينا تبتتسم ابتتساامه عرييضه اسنانها ظاهره فيها ..وتتعفقد حواجبها مثل الاطفاال
دلال :. لا تسويين هالحركه
لينا :. أي حركه ...؟هااذي ...(وتتعيييد تسوييها )
دلال :. لا تخليني احلف ما اسويلج شي
لينا تقعد بادب :. خلااااث تتوووبه ماما
دلال :. عفيه ع الشطاار
طلعت من التثلاجه جبن وسخنت التوست بالمكينه وسوت كوفي وزهبته بالصينيه وقربته للينا
دلال :. تفضلي سيدتي الجميله
لينا :. شووكرااان اووختي الجمييله .....ما تبيين ..؟
دلال :. نو حبيبتي بالعافيه عليج كلت فالبيت .
لينا :. وانا اقوول ..(وتتسوي عمرها زعلانه )
دلال .: ليوونتي يلا عااد ...شسوي ماماتي اصرت علي
لينا تبتسم الابتسامه السخيفه مره 2 :. استهبل ي الحووب
دلال :. ويا هالفييسس ..يلا خلصينا
لينا بدت تااكل ...وبعد ما خلصت تولت مهمتت التنظيف وبعد ما انتتهو توجهو للغرفه
لينا تقعد ع السرير :.ليوون انا الحين بقابل اهلج اول مره ...امج ..ابووج ...واختتج ..واختج ..وما اعرف شي عنهم ابد ..اخاااف افششل عمري او اسوي أي تتصرف غبي ..وبعدين ما اعرف شو اقول او كيف اتصرف .........(تقاطعها دلال )
دلال :. ليش كل هالتوتر ..؟
لينا :. شرايج انتي :؟اول مره بقابل عايله كامله وبقعد يومين معاهم وانا ابد ما اعرف عنهم شي
دلال :. انا بعرفج عليهم الحين
لينا ..بتسوي خييير ..بس هم ما بينفع
دلال :. المهم انتي سمعيني ..!..ببدا بالشيييخ .ماي داد محمد احمد حمدان ال،،،،،،، حبووب ويفهم الكل من عيووونه اووكي ااند مااي ماام مثل ماتعرفي عنها لبنانيه بس لهجتتها بلهجتنا ما بتفرقيين بينها وبين المواطنه ااند كوووول والله انها عسسسل والهنووف 18 سنه امممم يمكن تواجهي مششككله صغيروونه معاها لانها ما من النوع الي بيوثق بسهوووله وكتكوت البيت ديووم 15 سنه صحيح صغيرونه بس عقلها كبييير وحبووبه من الخااطر ...وو بسس هذولي هم
لينا :. الله يحفظهم انششااالله ويعيني
دلال :. ااميييين ...ويلا قوومي نزهب قبل السااعه 11 ونصي لان الساايق بيمر علينا هالحزه
لينا :. اوووك ...
-------------------------------------------------------


لآ يزآل المرءبـ خير .. مادآم .. له / .. حيآئه ...!!
حتى .. ينزعه ..!!
فـ إذآ .. نزعه .. لم تجده .. إلا .. مكروهآ .. ومنبوذآ .....!!
--------------------------------------------


خلص البارت ال2 وادري ان للحيين ماصاار شي بس يقولوون فالتأني السسلاامه وبالعجله النداامه فلناخذها قااعده ^^"
توقعاااتكم واراائكم ^^"
شو بيصيير بنهياان ...؟.....لينا بتتكيف مع عائلة بو خليفه او لا ..!؟......وبظنكم حميد ه والي كان يبكي بالبارت الاول ..؟....وشو بيصييير فرحلة اليخت وعزيمة بو سلطان...؟ومنو هالمجهوول الي ظهر لنا بنص الباارت وشو ساالفته ...؟

لنكمل قرااية الرواية بالبارت ال3 لنعرف التتفااصيييل أكثر ....بس بعد ما نااخذ بريييييك لنتلذذ فييه بآرائكم ^^"

[جود الدنيا]

الروووووووواية رووووعة

يعطيك العافية

[Broken. angel]

انتي الروعه حياتي

الله يعافيييك ^^"

[Broken. angel]

اتمنى لكم قراءة ممتعة ^^"