شاعرأحزانه العجمي ©؛°¨غرامي مجتهد¨°؛©

( صباح الخيرمع شي في خاطري غير)



يامحمدبن الذيب لاباس لاباس  
  الله يفرج كربتك والمصيبه
مافي ولاءك للخليفه تحساس  
  مثل النخل ثابت ولوبان شيبه
وافي معه وافي ولافيه مقياس  
  وأبوك قبلك والشواهدقريبه
يابن خليفه جاك علم(ن)من أنجاس  
  وليتك عرفت العلم قبل تغدي به
ماعاف طاريكم ولاعاف مجلاس  
  وأسمك يقوله بالشعرويحكي به
يمدح جنابك وأنت وافي ونوماس  
  شعبك يحبك والمشاعرتجيبه
محمدأبن الذيب شاعرونبراس  
  يمدح وينقدمن طناخه عجيبه
ماهوجديدالشعرولابه تعوماس  
  والمسأله ماهي قصيده عطيبه
زادواعليك الكيل والكيل حساس  
  قالواوزادواثم عادوابغيبه
ياويل قلبي كيف ضامواعلى الناس  
  لجل المصالح والمصالح مريبه
ياشيوخناياحيف ياعصبت الراس  
  وين الحميه وين يام العريبه
محمدبن الذيب يشكي ومحتاس  
  من ينتخي بالصوت من ينتخيبه
عجمان تكفون لاجاكم انعاس  
  قومواوشيلوابالعزوم الكتيبه
رحتوا لحكام الجزيره على ساس  
  مابين يام وبين مشعل عطيبه
وجيتوابعدمازانت نفوس الأجناس  
  مابه جماله بين ربع وقريبه
فزعة نباكم يوم مره على فاس  
  ماتنتسي والناس ماهي غريبه
لاكن ركودالحميه تنجاس  
  خلاني أكتب بالشعروأعتزيبه
راكان بن حثلين ومعضدومحماس  
  وأبن جفن ومعيض راحوامصيبه
جمعه مع هتلان من خيرة الناس  
  ياوجدروحي بالذكروأقتني به
ماتت ولاكن باقي الصيت ماأنحاس  
  هيبه توفواوذكرهم فيه هيبه
الله يعجل بالفرج والتنوماس  
  وأشوف وجهه بعدمده كئيبه
أشرب معه فنجال وأقول لاباس  
  يالله عساهايابوراشدطبيبه
بقلمي

مسكت ©؛°¨غرامي مشارك¨°؛©

قصيدة جزلة من شاعر متمكن في الحقيقة قرأة لمحمد بن ذيب قصيدة
مثيرة للجدل ربما تكون تلك القصيدة سبب إيقافه
يعطيك العافية وبيض الله وجهك


الاميرة الحالمة جولييت لا اُشبـه طُـهر الملائكـة,لكـني لـم أصـل للخُبـث يـومـاً

صح لساانك
قصيده حلووه كثير
تسلم يمينك

وصايف جده ©؛°¨غرامي متألق ¨°؛©

محمدبن الذيب يشكي ومحتاس
من ينتخي بالصوت من ينتخيبه
عجمان تكفون لاجاكم انعاس
قومواوشيلوابالعزوم الكتيبه
رحتوا لحكام الجزيره على ساس
مابين يام وبين مشعل عطيبه
وجيتوابعدمازانت نفوس الأجناس
مابه جماله بين ربع وقريبه


نــــــاصــــر الــــعـــجـــمــــي


تسلم ياالجزل على هاالدرة الجميلة

اللي مايكتبها الا شاعر عملاق

والحقيقة تستحق الاهتمام

وانا لااملك الا ان اقول بيض الله وجهك وجمل الله حالك

وصح لسااااانك بدون عد ولاحساااب

والله يفرج هم إبن ذيب ويفك سجنه وينصره



تقبل فائق احترامي


بنت الشايب ©؛°¨غرامي ماسي ¨°؛©

صح لسـآآآنك آخوي ..ناصر
مبدع كمـآ عودتنـآ دوووم ..
قواك الله

saydsalem ©؛°¨غرامي مشارك¨°؛©

أسعدني التواجد بين حروفك
التي تتهادى على ضفاف
غدير البوح الصادق
دمت بكل خير

د. السيد عبد الله سالم

Fahd _ alShammari ©؛°¨غرامي مجتهد¨°؛©

ناصر يسعد ايامك ولياليك

شهادتي فيك مجروحه

وقصيده مطنوخه من راس مطنوخ

ويستاهل ابن الذيب والله ماعرفوا لكن حسب ما اسمع

طيب وكريم وراعي فزعه

على فكره سلامات وش صاير عليه ؟؟

فك الشفره هنا عشان الجميع يعرف


لاهنت ودمت


متفاااااائله سـنـيـورة الأنـوثـه ♥~

الشاعر القدير /

صح الله لسانك

لاهنت ولاهان منطوقك

قصيده رائعه بحق

بإنتظار مايفيض به قلمك

جل التحايا

$المشاعل$ &ارى انني جوهره غاليه &


اخي الفاضل
افضل الصمت في حضورك
اخشى ان اشوه جمال تلك الشامخه بحروفي
لك ارق التحاايا
زمرده
صامته هنا




عهود منسية ©؛°¨غرامي ذهبي¨°؛©

صح لسانك ملايين ... يالعجمي ،،،

مو جديد عليك الابداع ،،

قصيده جزله وحرف عذب ،،

ابداعك يلجم السنة الاعجاب ،،ما شاء الله عليك

ودي وتقديري ،،

عهود


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1