غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 21-04-2012, 04:43 PM
خواطر الزهور خواطر الزهور غير متصل
©؛°¨غرامي جديد¨°؛©
 
الافتراضي رد: تبي تعرف من دونك من أكون


الــــــــبارت ( 2 )
*
*
*
*
*
*
*
*
*
*
*
*

بعد اسبوع من نقل عائلة ابو فيصل الى الفيلا اللي طالما ابو فيصل كان يحلم فيها لكن الظروف ما سمحت له .. و لما تعدلت الظروف اشتراها

فيلا اكبر من الفيلا اللي كانوا فيها بكثير نقدر نعتبرها قصر ، تتكون من 3 ادوار :
الدور الاول : في صالتين واسعين صالة على جهة اليمين و صالة على جهة اليسار و في حمامات جنب كل صالة و مطبخ واسع بجنبه غرفة طعام
الدور الثاني : فييه جناحين جناح على جهة اليمين لابو فيصل و ام فيصل و الجناح اللي على جهة الشمال لمحمد
الدور الثالث : مثل الدور الثاني تماما فييه جناحين جناح على جهة اليمين لحلا و جناح على جهة الشمال لفيصل

كان هذا اليوم فييه عزيمة في بيت ابو فيصل احتفال بعقد الشراكة اللي حصل بين الشركتين و بمناسبة الفيلا الجديدة
المعازيم للحفلة
( ابو خالد - ابو ريان - ابو تركي - ابو فهد )
سبق و تعرفنا على عائلة ابو خالد و عائلة ابو ريان
-----------------------
عائلة ابو تركي

ابو تركي : اخو ابو فيصل و ابو ريان .. عمره 42 سنة

ام تركي : تكون بنت خالة ام فيصل و ام ريان .. عمرها 39 سنة

تركي : عمره 25 سنة .. مستلم قسم من اقسام الشركة .. شاب وسيم و حلو وجهه مرسوم عيونه عسلية و شعره اسود يوصل الى كتفه .. فيه غمازة في خده اليمين

ندى : عمرها 20 سنة .. بنت اجتماعبة و متفهمة

مشاعل : عمرها 18 سنة .. بنت حلوة و جميلة

مشعل : عمره 12 سنة

------------------------------

عائلة ابو فهد

ابو فهد : اخو ابو فيصل و ابو تركي و ابو ريان الصغير عمره 40 سنة

ام فهد : اخت ام تركي و بنت خالة ام فيصل و ام ريان . عمرها 37 سنة

فهد : عمره 24 سنة .. يشتغل في الشركة مع اولاد عمه

عبير : عمرها 20 سنة

سارة عمرها 10 سنوات

-------------------------------------

من الصبح الى الساعة 4 المساء و ام فيصل ما هدأت .. كان الشغل ماخذ كل عقلها و لا كأنه فيه خدم كثير .. الا انها واقفة على راسهم و تراقب الاشياء حتى ما تكون ناقصة .. كانت الحفلة بالنسبة لها مهمة كثير
اما حلا طووول الوقت نايمة و لا معطيه الحفلة اهمية

-----------------

في المطبخ

ام فيصل : جهزوا الحلويات ؟؟
الخدامة : اي مدام
ام فيصل : و الموالح وصلوا
الخدامة : لسا ما وصلوا
ام فيصل : دقي على السائق قولي له لا يتأخر
الخدامة : حاذر مدام
ام فيصل : اي صح وين حلا
الخدامة : حلا نايمة في غرفتها
ام فيصل : الله يساعدني عليها هالبنت هاي اللي بتفشلني .. روحي صحيها
ام فيصل : حاضر مدام

صعدت الخدامة الى جناح حلا و فتحته و دخلت غرفتها اللي الخدامة وقفت عند الباب من درجة المكيف ( كانت حلا حاطتها على درجة التجمد )
الخدامة : مدام حلا
حلا : ..............
الخدامة : مدام
حلا : ..............
رفعت الخدامة من صوتها : مدام حلا
حلا : ...........
هزت الخدامة حلا على خفيف لعل و عسا تلقى جواب : مدام حلا
حلا : اممممم
الخدامة : مدام تقول لك ماما قومي جهزي نفسك للحفلة
حلا : اوكي .. اطلعي و سكري بعد الجناح وراك
الخدامة : قومي ماما ها
حلا : لا و تتأمرين يالله انقلعي عن وجهي
الخدامة : ماما في يقول جدي
حلا : اقول لك اطلعي انتي ما تفهمين
الخدامة : اوكي

طلعت الخدامة من جاح حلا بعد ما عصبت حلا حتى تصحى
قامت حلا من على سريرها و النوم لاعب دوره قفلت المكيف و توجهت للحمام تاخذ لها دووش تصحصح فييه و تفتح عينيها شويه .. بعد نصف ساعة طلعت من الحمام مفرفشة توجهت لدولابها و احتارت شنو تلبس .. قررت اول شيء تسوي شعرها و بعدين تجلس تدور لها فستان تلبسه

-----------------------------

في بيت ابو خالد


كانت شوق متحمسة لهذي الحفلة و تحمست اكثر وقت اللي سمعت ان فيها بنات في عمرها .. بعد التعديلات و التجهيزات اللي سوتها استقرت على فستان لونه احمر ناهم فيه حركة بسيطة تحت الصدر مع كعب كعب اسود و سوت لها تسريحة بسيطة مع ميك اب ناعم

اما نوف اللي كانت جالسة في بيت ابوها لفترة محددة لوقت ما يرجع عمر من سفره .. لبست فستان بطيخي مع كعب بطيخي عالي و ميك اب ناعم و حلو

اما خالد لبس ثوبه و تعدل و تعطر و لبس ساعته

---------------------------

نرجع الى بيت ابو فيصل

ام فيصل بعد ما تأكدت ان كل شيء جاهز في المطبخ و ما في شيء ناقص راحت تجهز نفسها
اما حلا طلعت حلووة لبست فستان اسود مع حركة بسيطة جنب الرقبة و كعب عالي و مكيب اب اسود ناعم مع روج احمر و شعؤها سوته تسريحه ناعمه و بسيطة كانت اشبه بالملاك
بعد ربع ساعة وصلت عائلة ابو تركي .. جلست ام تركي مع ام فيصل يسولفوا اما البنات انطلقوا الى جناح حلا : هلووووووو حلا
حلا : هلا والله تو ما نور الجناح
مشاعل : منور بأهله
حلا : شهالحلا يا مشاعل
مشاعل : اي ادري انا حلوة بس انتي كنسلتي عليي
حلا : هههههه مو لهذي الدرجة
ندى : بلا لهذي الدرجة واكثر .. صدق اللي سماك حلا
حلا : بس عاد خجلتوني
ندى + مشاعل : هههههههههه الخجولة
حلا : بسكم عاد
ندى : ههههههه اوكي
قطع عليهم السوالف دخول البنات ( شادن و جوري و عبير ) بطريقة مفاجئة ارعبت اللي قاعدين
حلا : شفيكم داخلين جذي بسم الله خبلتوني
شادن :ههههههههههههه
جوري : اووف ما كملت تعديل
مشاعل : وليه ما كملتي تعديل شقاعدة تسوين في بيتكم
جوري : نمت و قبل شوي قاعدة اقول لهم انتظروا شوي بكمل مو راضين و حملت فستاني معاي و الميك اب من عندك حلاتي
حلا : ههههههههههه اخذي راحتك حبيبتي
ندى : اش فيك عبير
عبير : و لا شيء بس تعبانة شوي
ندى : عسا ما شر
عبير : الشر ما يجيك
حلا : يالله خلونا ننزل تحت الضيوف قريب بيوصلون
جوري : انتظروني
عبير : لما تكملي انزلي تحت ما بنهرب حنا
جوري : اووف بس شويه انتظروا
حلا : حنا تحت كملي و تعالي
تركوا جوري و نزلوا الى صالة الحريم

--------------------------------

من جهة ثانية في صالة الرجال كان الكل موجود ما عدا الضيوف لسا ما وصلوا بعد ربع ساعة من الحديث وصلوا عائلة ابو خالد .. دخل ابو خالد و خالد الى صالة الرجال و اقبل الكل لتحيتهم و جلسوا يكملوا سوالفهم مع بعض

--------------------------------

في صالة الحريم كانوا البنات في جهة و الحريم الكبر في جهة بروحهم
البنات كان لهم جوهم الخاص
حلا : حلوو اسمك شوق
شوق : هذا من ذوقك .. و انتي اسمك مناسبك
حلا : تسلمين حبيبتي
عبير : كم عمرك شوق
شوق : 18 سنة و انتوا
حلا : انا و جوري و مشاعل 18 و عبير و شادن و ندى 20
شوق : حلوو .. اعماركم متساوية
عبير : اي و انتي ما عندك بنات عم ؟
شوق : بلا عندي بنات عم
مشاعل : كم عددهم ؟
حلا : شهاذي اللقافة مشاعل
شوق : ههههه عادي خليها .. عندي 4
شادن : الله يخليكم لبعض
شوق : من الخوات فيكم الحين ؟
شادن : انا اختي جوري .. و مشاعل اخت ندى و عبير وحيدة و حلا وحيدة
حلا : و انتي عندك نوف بس صح ؟
شوق : اي نوف .. و متزوجة و كله في بيت زوجها و انا اجلس وحيدة في البيت من بعدها
ندى : كم اخو عندك ؟
شوق : اخو واحد الا هو خالد
ندى : اها الله يخليكم لبعض
شوق : انشاء الله
ام فيصل : ياله بنات قوموا العشاء جاهز

كان عشاء الحريم في طاولة الطعام الموجودة في الحديقة
اما عشاء الرجال في غرفة الطعام
*
*
*
*
*
عن الحريم

ام فيصل : حلا روحي قولي للخدم يقدموا الحلويات و الموالح و الشاهي
حلا : حاضر يما
قامت حلا و دخلت من الباب اللي وراء حتى ما تلتقي بأحد من الرجال لكن اللي حصل العكس و التقت بـــــــــــــ


>>>>>>>>>>>>>>>>>>>>>>>>>>>> يتبع

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 04-05-2012, 10:33 AM
خواطر الزهور خواطر الزهور غير متصل
©؛°¨غرامي جديد¨°؛©
 
الافتراضي رد: تبي تعرف من دونك من أكون


>>>>>>>>>>>> يتبع



التقت بالانسان اللي ما ودها تشوفه ( خالد )
خالد : اوه سوري
رفعت راسها حلا الا و خالد بوجهها .. خالد : حلا
حلا : و انت اش عرفك باسمي
خالد : شتسوي هنا !
جلا : ههه هذا بيتي بعد شسوي هنا
خالد باستغراب : يعني انتي بنت ابو فيصل ؟
حلا : ايووه .. لو سمحت ممكن تبعد من هنا ؟
خالد : اي اكيد و مسامحة مرة ثانية

دخلت حلا المطبخ و قلبها يدق بسرعة و مو عارفة شنو اللي صار و ما تدري هي بالاساس ليه في المطبخ
حلا : شقالت تبي امي
الخدامة : اكيد يبا الحلويات و الموالح و الشاهي
حلا : ايييي صح .. تقول لك الماما روحي قدميهم
الخدامة : حاضر
طلعت الخدامة من المطبخ اما حلا جالسة تفكر شلون صار لها هذا الموقف و مع خالد ما غيره و كيف عرف اسمها
جوري : هلووو حلا اش فيك جالسة هنا
حلا : شفته
جوري : من ؟
حلا : خالد
جوري : ف وين ؟
حلا : و انا داخلة المطبخ
جوري : اش صار احكي لي
حلا : صدمت فييه !
جوري : ايش !!!!
حلا : صدمت فيه و قال لي حلا .. و هو اش عرفه باسمي ؟؟
جوري تذكرت ان هي اللي قالت لها الاسم : ما اعرف
حلا : يعني شافني كذا
جوري : خلاص انسي و قومي امك الضيوف ينتظروا
حلا : اسبقيني راح اعدل الروج و الحقك
جوري : اوكي و لا تتأخري
حلا : اوكي
صعدت حلا جناحها و عدلت الروج و نزلت و بحركة سريعة ركضت الى الحديقة حتى لا تلتقي في احد مرة ثانية


---------------------------


اما في صالة الرجال

خالد في عالم ثاني بعيد عن الاحاديث كلها
فيصل : هلوو وين رحت خالد ؟
خالد صحى لنفسه ان هو قاعد بين ضيوف : كنت سرحان شوي
محمد : من اللي ماخذ عقلك
خالد : ههههههههه ما في احد
سلطان : اذا فيك شيء عندنا دكتور هنا
خالد : و من دكتوركم ؟ ؟
ريان : فصووول
خالد : اووه ما شاء الله ما يبين عليك دكتور
فيصل : شنسوي بعد
سلطان : عن حسب استحى
الكل : هههههههههههههههههه
فيصل : ههههههههههههه اسكتوا احسن .. احمدو ربكم عندكم دكتور
تركي : الحمدلله حتى نتعالج بدون فلوس
فهد : ههههههههههههههههه مصلحة
تركي : هههههههههههه اي
فيصل : اوكي تمسخروا .. بس لا تجوني تقولون لي تعال عالجنا
تركي : لا كل شيء و لا حضرة جنابك دكتور ما نستغني عنك
فيصل : قول كذا من البداية
خالد : ههههههه حلوة جمعتكم ما ينمل منها
فيصل : تسلم يالحبيب
ابو خالد : يالله حنا نستأذن منكم
ابو فيصل : بكير
ابو خالد : لا تأخرنا كثير .. المرة القادمة في بيتنا
ابو فيصل : اوكي و لا يهمك
ابو خالد : يالله مع السلامة
الكل : في امان الله

طلع ابو خالد و خالد من من بعد ما اتصل خالد لاخته حتى يطلعوا و توجههوا لبيتهم
اما الباقي كملوا جلستهم بسوالف و اكل جتى الساعة 11 مشوا كلهم

عـــــــند جـوري في غرفتها

كانت جالسة و تفكيرها كله في هذا الانسان اللس دخل حياتها و خربطها و الصدف الغير متوقعه معه
ما كانت تقدر تخبي اعجابها بهذا الشخص الا انها مو عارفة شنو يبي قلبها

-------------------------


صبـــــــــــآآح يوم جديد

في بيت ابو فيصل

كانت حلا تختار لها ملابس من الدولاب حتى استقرت على سكني اسود مع قميص وردي فيه كتابات بالاسود و مشطت شعرها و نزلت لقت امها و ابوها يفطروا
حلا : صبــــــــآآح الخير
ابو فيصل + ام فيصل : صبـاح النور
حلا و الكتاب في يدها و تحفظ : انا بروح يالله مع السلامة
ابو فيصل : كلي لك شيء حتى يتفتح مخك للامتحان
حلا : باكل في الجامعة .. بآي
ام فيصل : مع السلامة
خرجت جوري من الفيلا و ركبت في السيارة متوجهين الى الجامعة

في الجامعة

كانوا البنات كلهم يسولفوا ما عدا حلا المشغولة بالامتحان
جوري : يكفي دراسة والله بتنجحي
حلا : اقول لك ما درست شيء و هو الامتحان مو سهل من اصعب المواد
جوري : الله يوفقك
ندى : بروح بشتري لي ساندويش و عصير من يبي
حلا : انا ابي ساندويش جبن .. اخذي الفلوس من شنطتي
ندى : ما يحتاج انا بدفع
عبير : التفتوا وراكم شوفوا شهد
البنات لفوا وجيههم
حلا : من هاي ؟؟
عبير : بنت الوزير
جوري : وليه شايفة نفسها كذا و اذا كانت بنت الوزير اش حصل
شادن : الفلوس تغير النفوس
عبير : الحمدلله حنا مو كذا
جوري : شوفيها كيف بتعامل البنات مثل الخدم عندها
حلا : حسبي الله و نعم الوكيل وليييه يطيعوها
شادن : يمكن تخدعهم بكم ريال
حلا : الله يكفينا شرها
كملوا البنات سوالفهم حتى ابتدت المحاضرة الاولى و كل وحدة توجهت للصف تبعها

---------------------------

في شركة ابو فيصل
محمد يتكلم مع السكرتيرة : وين سلطان و ريان و فهد و تركي ؟؟؟؟؟
السكرتيرة : ما ادري وينهم طال عمرك
محمد : شكرا
راح محمد يدور عليهم في مكاتبم
دخل مكتب سلطان ما لقى غير المكيف على ابرد شيء و ما في احد في الغرفة
دخل مكتب ريان لقى الشاهي على الطاولة و ما في احد
دخل مكتب فهد و ما لقى شيء
دخل مكتب تركي لقاهم كلهم هناك
محمد : شتسون انتوا هنا
رياان : تفضل عندنا شاهي و حلويات و موالح
محمد : اذا انتوا جلستوا هنا .. الشغل على من انشاء الله ؟
سلطان : علينا بس حنا نغير جو و بنرجع لمكاتبنا
محمد : ما اتوقع ترجعوا عندنا اجتماع الساعة 10 فيعني تجهزوا الاوراق و الملفات قبل الاجتماع و الحين باقي عن الاجتماع ساعتين .. اذا دخلت قاعدة الاجتماع و انتوا مو موجودين قبلي راح اوريكم
فهد : راح نكون قبلك
محمد : راح اشوف .. مع السلامة
تركي : بآي
كملوا السوالف و اشرب الشاهي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 08-06-2012, 05:24 PM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: تبي تعرف من دونك من أكون


اقتباس:
3 / يتم إغلاق الروايه في حال طلبـ ..الكاتبــ \ ــة...إغلاق الـرواية..أو...لـتأخرها...أهمالها ..أو..لـتجاوزات في الردود
او في حال تأخر الكاتبة لـ أكثر من عشرة أيامـ وتفتح حين جاهزية الأجزاء..

تغلق الروايه


موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1