منتديات غرام روايات غرام أرشيف الروايات المغلقة - لعدم إكتمالها روايتي الأولى : ماهو ذنبي إن سهيت بأسمك لأن أسمك أول جرح أنجرح فيه قلبي
نزف الشوق ©؛°¨غرامي جديد¨°؛©

بسم الله الرحمن الرحيم

لا احلل من ينقل روايتي دون ذكر اسمي نزف الشوق

هاهي الورد شارفت لظهور
و هاهي العصافير بدئت بان تعلن عن اجمل الحانها
ها غيوم احزاني بدءت تبتعد عن سمائي
هاهي شمس سعادتي بدءت تشرق من جديد
و تعيد لي كل بسمات الصباح الدافئه التي غابت عن شفتاي
ها هو ربيعي المشرق
هاهي اول صفحات حياتي المشرقه
و هاهي اول اسطر روايتي المتواضعه
اصفها لعلي بها اداعب خيالي و خيالكم بها
هي مولودتي و طفلتي فاتمنى اني اراها تكبر وسط حب قلوبكم

( ماهو ذنبي ان سهيت باسمك لان اسمك اول جرح انجرح فيه قلبي )

البارت الاول
:توليييييييييييييييييييييييييين ويييييينك ترا بمشي عنك
تولين : الدحميييييي حبيبي دقايق بس بسلبس شوزي لحظه لا تمشي عني
الدحمي: يا السلحفاه قلتلك اني مستعجل خلي ركون يوصلاك سلام يحلوووو
تولين : لاااااااااااااااااااا خلصت خلصت استنا
الدحمي : يلا قدامي
تولين في خاطرها:(وجع من ذل اخوان بس مستعجلين اف ما يخلون الواحد يكشخ )
عبدالرحمن وهو يطق راسه ومن ثم طق راس تولين
تولين : وجع في يدك رجيت مخي يا الدفش
عبدالرحمن : نسيت اجيب الهارددسك تبع عزيز بيذبحني كله منك يا وجه النحس
طبعا تولين من سمعت اسم عبدالعزيز وهي فصلت عن الواقع تفكر وش الي خلا عزيز يتغير عليها وهو الي كان يقول لها انها حياته في هل لحظه ما حست الى بدمعه حاره تحرق خدها و على طول مسحتها وهي تقول بنفسها مو انا الي ابكي عشان واحد عايفني
الدحمي :هييييييييي انتي مين اكلم لي سنه وين رحتي
تولين :احمم معاك معاك الا تعال انا وش دخلني انت الي مستعجل مو انا والله العظيم
الدحمي :اقول بنرجع البيت انزلي وجيبيه من فوق كمودينتي ولا تتمخطرين لي ترا والله بالجزمه
تولين : لا والله ليه انا الي ازل طال عمرك عندك رجولك نزلك و تمشيك ماني نازله
الدحمي :طييييب طيييييب شوفي مين يوديك عند بنات عمامك مره ثانيه
تولين : الله يخلي ركوني و سلطوني ( لو عليهم
ما رحت بيت عمامي ولا بعد قرن لووووول )

نزل الدحمي من السياره مستعجل يجيب الهارددسك
لقا في وجه سلطان
سلطان : السلام لله يبو الشباب وين طاير
الدحمي : بروح اجيب اغراض الغثه لا يذبحني
سلطان :ههههههه ياحليله عزيز
الدحمي :ترا الجمعه في بيت عمك ناصر لا تنسا كلنا مجتمعين سلااام
سلطان :هههههههه اثار اخوي خبل و توني ادري
نزلت شادن وهي تدندن مجنونه فيك وماني بعاقل خل العقل للي يلوموني
سلطان دخل معها في الجو :ايوا عاشو عاشت شادن بنت محمد ايوااا
شادن : ههههههههه والله انك نكته وانا اختك
سلطان : طالع عليك يا روحي
شادن : اجل يا حظك لنك طالع علي و مشت وخلته يتحلطم عليها

"""""""""""""""""""""""""
نتعرف على ابطال روايتي
بيت بو صالح الجد
عنده 3 اولاد و بنتين
اكبر عياله صالح (بو عبدالعزيز) . ابو حنون على عياله و مايرضا عليهم وهو ماسك شركه ابوه مع اخوانه
زوجته ساره حنوووونه على اولادها مررره وتخاف لا الشوكه تغزهم ربي ما عطاها بنت بس تعتبر تولين بنتها
اولادهم 4
عبدالعزيز: فاتح له بزنس خاص فيه و ناجح دووووم يا رب عمره 28 سنه كاان يحب تولين حب مو طبيعي بس شي وخلاه يبتعد عنها بنعرف السبب في البرتات الجايه
هو جمييييل الجمال النجدي البدوي و طويل و ابيضاني
سعود :ياخذ من عزيز شوي لاكنه اسمر منه يدرس طب اخر سنه طيبب ولكنه عصبي عمره 25 سنه
محمد: عاد هذا مجنوووون العايله كلن يحبه فلاااااااوي لابعد درجه و مغازلجي كبيييير عمره 22 سنه يدرس اداره اعمال و ينجح بالحفه
اما اخر اللعنقود سامي عمره 14 سنه طيب و اهم شي عنده البي بي و الوي

بيت محمد (بو عبدالرحمن ) ماسك الشركه مع اخوانه شخصيته قويه والي في راسه بسويه ولكنه يتحول لشخص اخر مع تولين بنته بحبها حب مو طبيعي
زوجته نجاه حنوووون لابعد درجه وام من الدرجه الاولى
اولادهم
عبدالرحمن عمره 27 يشتغل مع عبدالعزيز
شادن عمرها 25 مملكه على ولد عمتها تركي يحبون بعض من هم صغار جميله لكن مو ذالك الجمال
ركان هادي و حليم لكن اذا عصب يتحول بركان ملمحه عاديه مو جميل عمره 24 يدرس طب سنه خامسه
تولين و سلطان التوؤم المختلف في كل شي
تولين بيضا و حللللللوووووه وجسمها مليكان اما سلطان اسمر و الجمال الاقل من عادي وسمين
اعمارهم 19
اما اخر العنقود اصايل فيها من تولين شوي من ماحيه الجمال و دلوووعه عمرها 7 سنوات
اخوهم الثالث رائد عمره 35 مع لا حياه مع الزواج عايش حياته بطول و العرض

الخوات
سعاد (ام تركي ) فلااااويه لابعد درجه و حنونه كل الي اقدر اقوله عنها انها صديقه اعيلها ما يخبون عنها شي متزوجه ولد عمها ولكنه توفا قبل 10 سنين هذا الي خلاها قريبه من عيالها
اولادها
تركي يشتغل في شركه جده مع خواله محترم و كلن ياخذ برايه عمره 30 مملك على شادن بنت خاله ويحبها من كانو صغار
نورا عمرها 25 سنه رافضه فكرة الزواج نهائيا
مساعد : عمره 22 يدرس مع محمد ولد خاله نفس الشخصيه تقول فوله و نقسمت سبحان الله
و اخر العنقود نجد و نجود توؤم لكن نجد عربجيه ام نجود بنت عن جد و حقيق
الفرق في الشكل ان نجد عيونها عسلي و نجود بني وشعر نجد بوي اما نجود لا طويييييييييل
الاخت الاخيره فايزه ربي ما عطاها الا بنات 5 بنات ولكن يسوون في عيون امهم وابوهم الدنيا وما فيها
يارا عمرها 22 سنه تدرس صيدله هاديه وحنونه
اماني عمرها 21 سنه تدرس رياض اطفال عشقها شي اسمه اطفال حنووونه مررره
غدير عمرها 19 تدرس هندسه ديكور هذي غريبه الاطوار ما حد يعرفه لها ابد
غلا عمرها 17 ثاني ثانوي رجه مرررره
غزيل عمرها 11 سنه تحاول تجاري غلا برجاجتها لكن مو قادره هههههه

هذول هم شخصيات روايتي ادري كثار بس سامحوني و البقيه انشاء الله بنتعرف عليهم في البرتات الجايه باذن الله
اتمنى البرات الاول انال عجابكم و لاتبخلون علي في ارائكم
دمتم بود
نزف الشوق

وردة الزيزفون
✿ إدارة الإقسام ✿

صباح الخير .........ياهلا فيك بغرام .........موفقة بطرحك بس ياليت تطولي البارت علشان تعطي مجال للتفاعل والتوقعات

القوانين / الإطلاع هام و الإلتزام ضروري

وهذا الموضوع راح ينفعك ويفيدك ياليت تطلعي علية

قضايا

نزف الشوق ©؛°¨غرامي جديد¨°؛©

البارت الثاني
في السياره عند الدحمي و تولين كانو مشغلين اغنيه وسع صدرك ل عبدالله سالم و محمد العامر
الدحمي :تولين
تولين : همممم
الدحمي : الى الان تفكرين في عزيز
لفت عليه تولين : لا مو مثل اول بس ابي اعرف وش الي غيره علي اذا كان يحب احد ثاني الله يسعده لاني اعده الحين اخو لي لا اكثر والله اني راح افرح له من كل قلبي
الدحمي في خاطره : والله ثنينكم كاسرين خاطير انتي تكابرين و هو يظحي ما اقدر اقول الا الله يسامح الي كان السبب
تولين وهي تلوح بيدها في وجه الدحمي :هي بو الشباب وين سهيت
الدحمي : ولا مكان سهيت فيك يا قلبي وهو يسبل لها بعيونه
تولين تكشر بوجهه :ماللت الله يقرفك كرهتني بحركتي المفضله لا تعودها
الدحمي : تولين ممكن سؤال
عصلقت تولين حواجبها وقالت : ايوااااا ؟؟؟؟
الدحمي : كم بيني و بينك ؟
تولين : ثمان سنوات لييه ؟؟
الدحمي وهو يضربها على راسها : تقولين لاخوك الكبير مالت
تولين : ههههههههههههههه حسبت انو عندك سالفه
الدحمي: لو انه رويكان ما قلتيله صح ونظرها من طرف عينه
تولين : تعرف رويكان يخوف
وقف الدحمي بيت عمته :يلا نزلي يا الخوافه يااااو يلك لو تنسين تسلمين لي على الحب
تولين : اي ابشر من عيوني سلاااام
الدحمي حرك سيارته متجه لبيت عمه ناصر
""""""""""""""""""""""
في مكان اخر و منطقه اخرا في احد ارقا مناطق الرياض
قاعد مع امه و ابه و اخوانه
: يمه انتي متاكده من الكلام الي قلتيلي اياه
الام : اي يا ولدي تبيني انسا بنت اختي الي حرومها منها
: يمه ترا هذول الناس صعب التعامل معهم
الاب : معليه وانا ابوك لازم بنت خالتك تشوف امها و تتعرف على اخوانها
: طيب ليه انا ليه مو اولاد خوالي ولا اولاد خالتي يعني جات علي انا
الام : يايمه ماحد يقدر يسويها غيرك انت اعتمادنا يا ولدي رجيتك لا تحرق قليب خالتك زياده على بنيتها
:نشاء الله يمه , قام من مكانه وستاذن مواعد ربعه انه يقابلهم في الاستراحه
"""""""""""""""""""""""""""""""""""
دخلت تولين بيت عمتها فايزه استغربت الهدوء المرعب الي فيه ما هي الا ثواني و ما حست الى بمويه تسبحها من راسها الى رجولها
غلا :ههههههههه توهههه لين اهههه شكلك خطير ههههههههه وتطيح على الارض ما هي قادره تسند عمرها من الضحك
تولين صاير يطلع من راسها بخار من العصبيه لوووول : غلااااا يا صخيفه يا بايخه يا حقيييره خربتي شكلي اكرهك
الى بدخلت اماني , اماني وهي تحط يدها على فمها : تولين حبيبتي مين سوا فيكي كذا
تولين و هي شوي و تبكي : الدبه غلا
غلا : امانه اماني شكلها مو تحفه
اماني وهي توجه نظرت عتب لغلا : تولين حبيبتي تعالي بدلي ملابسك لا يجيك برد مو كويس لك
تولين وهي ترفع يدها : الله يخليك لدحمي و يخلي الدحمي لك و عطتها نظره
اماني حمرت خدودها من الحيا : اميييين
"""""""""""""
عند الشباب في بيت العم ناصر
عزيز : يالله انك تحييهم
الدحمي : الله مير يحييك
عزيز : شخبارك وش علومك
فجاءه ينط محمد : اقول يا الربع توكم اليوم شايفين كشش بعض في الدوام فرجائن بلا ملاااقه
عزيز : وانت وش عليك ولد عمي واسئله عن حاله
مساعد : محمد لقط وجهك ويييييو فشلوك وييييو
محمد : اقول انثبر لا بطراق بس
مساعد : الا صح شباب مين تتوقعون يفوز الهلال و لا الشباب
عزيز و الدحمي في نفس الوقت : الهلال اكيد ناظرو بعض و قعدو يضحكون
ركان اول مره يتكلم بحماس : لااا انا اعتقد الشباب مشاء الله صاروا صح بالعب
محمد : انا مع الي يفوز انشاءالله الوحده انا مع الفايز
مساعد وهو يحمي نفسه بالمخده : الفايز ولا الراجحي
ماحس الى بالي ركب فوقه وقعد يضرب فيه
محمد : الفايز ولا الراجحي هااا انا اوريك الراجحي
مساعد وهو يحاول يعد محمد : دوعااابه ياخي دعاااابه ما تتقبل الدعابه
محمد وهو ينفض ملابسه : دعابه مثل وجهك ما نبي سامع
مساعد : يالله لهذي الدرجه معجب في جمالي وساكت ليه ما تكلمت من اول ليه معذب نفسك ( ويسوي نفسه يمسح دمعه من تاثير الكلام )
سلطان : جورج كلوني على غفله اسكت معجب في نفسك انت لا تسمعك تولين تجي تمردغك هنا
عبدالعزيز شرق باالشاي : كح كح
عبدالرحمن وجه نظره لوم لسلطان و مسح على ظهر عزيز :بسم الله
عليك ترفق وانت تشرب الشاي حار
عبدالعزيز قام من مكانه وستئذن
ما حس سلطان الى بمساند المجلس كلها عليها واكله كم تهزيئه محترمه
عبدالرحمن : انت بقره ما تفهم كم مره اقولك لا تجيب طاري تولين قدامه
سلطان : وانا شعرفني افكر انه نساها
ركان : الي يحي يا سلطان مو بساهل ينسى الي يحي
مساعد: ابي افهم بما انه يحبها وهي تحبه ليه ما يخطبها !
عبدالرحمن بهمس : لو تدرون كان عذرتوه المسكين

"""""""""""""""
عند عبدالعزيز في المكان الي ياما شال و يشيل اهمومنا بدون لا يشتكي و اذا شتكرا يريحنا بصوته
عند البحر وقف سيارته و فتح الباب ونزل و سرح بتفكيره
ليه هي الي حبيتها من بد بنات عماني و عماتي ليييه و انا عارف انها مستحيل تكون لي في يوم من الايام ليييه يا ربي لييه
طيب هي وش نبها انا اظلمها و عمي ظلمها ظلم يهد جبال الله يسامحك يا عمي الله يسامحك

""""""""""""
عند ناس اول مره اتكلم عنهم اول عصفورين
تركي و شادن
مثل كل خميس تركي يمر شادن يطلعون يتمشون و يغيرون جو
تركي : شدون حبيبتي
شادن وهي خجلانه من تركي قالت بهمس : لبيه
تركي ابتسم من حياها : حبيبتي متى بتبطلين من ذا الحيا انا زوجك مو غريب
و غمز لها وبعد كم شهر بنسكن تحت غرفه وحده
شادن ولعت من الحيا و قالت : ترررررركي
تركي : ياعيون و قلب تركي انتي امري
شادن اشوي وتصيح من الحيا : خلاص ترا والله استحي رجعني البيت بليييز
تركي : افااااا يا الغلا مسرع مليتي مني ل
قاطعته شادن : لا والله ما مليت بس تاخرت
تركي :لا ما انا اخذت الاذن من عمي انا بنتاخر
شادن : اذا على كذا اوك
يلا برا نخليهم ياخذون راحتهم حكرناهم بالكلام

""""""""""""""""""""""""""""""
عند البنات وما ادراك ما البنات قلبوا بيت العمه قاعة افراح معلين على صوت الاغاني لدرجه انه واصل لبيت الجيران
نجد تتخانق مع غلا على الاغاني كل وحده تبي اغنيه شكل
نورا : بس انتي و ياها انا بختار حطو من عيوني ميريام
يارا: اي صدق بنات حطوها خلو تولين تقلدها
تولين وهي ترفع غرتها : سوري حبيبتي انا ما ارقص في اي مكان
نجد : مالت عليك الى مالت يا حظك مين يطلع له يرقص في بيت فايزه و ما يرقص
الى بدخلت العمات
فايزه : نجيد ووجع فايزه حاف بدون خالتي
نجود : كوم اون انت فايزه بي كووول
سعاد : بي كول ماي سستر فايزه وش علامك على ذول المطافيق
فايزه : امشي وانا اختك انتي من صرتي مع هل مخابيل وانتي ماش مو عاجبتني
تولين : ياحركات يا سعوده صرنا نقول بي كول
نورا : اصغر عيالك امي تنادينها سعوده بس احنا عيالها نسميها سعوده سامعه هذا الي ناقص
ولفت راسها عنها
غدير : بنات بقول لكم موقف صار لي في السوق امس
غلا تحرك راسها بلا لا تقولين بس غدير ما سمعت منها ....

نهايه البارت الثاني

نزف الشوق ©؛°¨غرامي جديد¨°؛©

المشاركة الأساسية كتبها وردة الزيزفون اقتباس :
صباح الخير .........ياهلا فيك بغرام .........موفقة بطرحك بس ياليت تطولي البارت علشان تعطي مجال للتفاعل والتوقعات

القوانين / الإطلاع هام و الإلتزام ضروري

وهذا الموضوع راح ينفعك ويفيدك ياليت تطلعي علية

قضايا
اي اكيد. انشاءءالله كل خميس بنزل بارتين. وانشاءالله مع الوقت اطول البرتات. شكرا لك اختي. ورد الزيزفون

نزف الشوق ©؛°¨غرامي جديد¨°؛©

مرحبا جميعا حابه انكم تشاركوني توقعاتكم للبارت الجاي

دمتم بود
نزف الشوق

FOoOoOF- ©؛°¨غرامي مشارك¨°؛©

مشكووره ياليت تتطولين البارت وتحطين اسئله نهايته البارت
يختي الدحمي ذا فله عادي يسولف ولد عمه عن اخته قدامه والله شي لو احنا كاان الله يرحمهم خخخخخ
ومشكووره يالغلابدايه طيبه وانشاء النهايه كذالك
اسفه ع الاطاله اتمنى يكون نقدي هاادف وليس من باب الزعل

نزف الشوق ©؛°¨غرامي جديد¨°؛©

المشاركة الأساسية كتبها FOoOoOF- اقتباس :
مشكووره ياليت تتطولين البارت وتحطين اسئله نهايته البارت
يختي الدحمي ذا فله عادي يسولف ولد عمه عن اخته قدامه والله شي لو احنا كاان الله يرحمهم خخخخخ
ومشكووره يالغلابدايه طيبه وانشاء النهايه كذالك
اسفه ع الاطاله اتمنى يكون نقدي هاادف وليس من باب الزعل
انشاء الله بس تعرفين اول روايه لي ف مرتبكه وماني عارفه ايش اسوي
وانشاءالله اليوم بنزل بارت اعوض فيه البارتين الي قبله
وصدقيني النقد على ما قد يكون يزعل فهو يبني و يحثني اقدم الافضل
سعدت بمرورك وشكرا لك

نزف الشوق ©؛°¨غرامي جديد¨°؛©

البارت الثالث

أناماأبي من الدنيا سوى( لحضة ) لقى وحده-
أبي أطيح من طولي على صدرك وتحضني!!
تعبت أشد بك حبل //الشوق// وأمده..
أبي أشكي على صدرك عطش هالحب !!
أرويني..دخيلك لاتخليني ترى صبري / وصل حده.. /
"أهيم بعالمك طفل أمانه لا تخليني؟؟!
"أحبك"
/
\

خل السوالف أنا مشتاق لعيونك.
عجل وشف لك طريقه نلتقي فيها.
لاتخلي الشوق يذبح حال مجنونك.
لاجتك فرصه طلبتك لاتعديها
إترك "هلا بك " وكيف الحال وشلونك.
جلسه معك تسوى الدنيا و مافيها..
/
\

ِانا وشلون أبتغلى وكل اللي معي يفداك
وأنا وشلون أناديلك ومثل الروح تسكني
وصفتك للخيال .. وفز من طوله يبي لقياك
وترى عن وصف باهر وصوفك عجز فني
حبيبي وين أدورلك شبيه بس في طرياك
وأنا ياوين ألقى لك كلام بك يجملني
أبسكت دام كل اللي بقوله فز وجاك
تصور هالكلام اشلون من حبك هرب مني
رحمت البدر بوجودك
حشا ماهوب متهني
"تصـــــــــدق" ... لودرى هالنحل عن طعمك وعن ملفاك
ترك كل " الزهور" وجاك وخوفي انه (يشاركني)
تعال ... أبجمع الحسبه
وبحلف بالذي سواك
إذا موتي على يدينك أنا طالبك تمهلني ..
/
تحياتي منقوووول

غدير : غلا لا تزعلين بس لازم يدرون
غلا لفت عنها : بكيفك بس انا قلت لك و انتي ما تسمعين الكلام
تولين دخلت عرض : خلاص انتي وهي اذا الموضوع مهم قوليه واذا لا لاتقولين
غدير سكتت شوي : خلاص مو لازم وقامت من مكانها
نورا وهي تحط على اغنيتها المفضله : صدق ما عندكم سالفه قومو نرقص بس و تسحب اماني
اماني : ايييييي يا دبه عورتيني
نورا :هههههه امشي الله يعين دحومك عليك و تسبل لها بعيونها
اماني و خدودها حمرت : وجع يا دبه
تولين : بنات كنو غدير متضايقه ايش فيها , لفت على غلا , غلوي
غلا: همممم
تولين: تعالي ابك في موضوع
غلا كانت فعلا محتاجه تتكلم مع تولين و قامت
تولين : ايوا قولي ايش فيك مع غدير
غلا : ولاشي بس انتي تعرفين غدير كيف تفكيرها غريب
تولين :طيب ايش كانت تبي تقول وانتي منعتيها رفعت حاجب
غلا : وجع تعرفين اني ما احب هذي النظره
غلا وهي تعدل جلستها وتقول لتولين , تولين تدرين ان غدير تحب ؟
تولين صارت تسبل بعيونه من الصدمه : نعم نعم نعم مين الي تحب غديييييييييييييييييييييير لاا ما اصدق
غلا : والله العظيم صدقي , تولين انا مررره خايفه عليها الولد سمعته في الحظيظ و انتي تعرفين بنت عمتك ما تسمع الى لنفسها قولي لي وش اسوي والله خايفه عليها
تولين : والله يا غلا مدري ايش اقولك بس الي اقدر اقولك ادعي ربي يصرفه عنها اذا كان شر لها
غلا : الله يستر عليها ويبعده عنها
تولين : طيب ايش الموقف الي صار معاها ومنتي راضيه تخلينها تقولوه
غلا : اسفه توتي مقدر اقوله ما ابيك تاخذي فكره سيئه عن اختي , قومي خلينا نرجع للبنات لا يحسو فينا طولنا
تولين : يلا قومي

""""""""""""""
الموقف الي غلا ما تبي احد يعرف فيه هي كانت طالعه مع غدير يتمشون في مجمع الراشد
غدير : غلا مو كانو هذاك ركان ولد خالي
غلا : الا هو
غدير : تتوقعي ايش جاي يسوي
غلا و هي تظرب راس اختها : ابي اعرف من وين تفكرين اكيد جاي يقضي له
غدير :خلينا نروح نسلم عليه و تسحب غلا
غلا وهي تاحلول توقف غدير : هييييي انتي ما تشوفين انو معها اصحابه
ما سمعت كلامها غدير و ظلت تسحيها الى ما وصلوا لركان : ركان كيفك
ركان رفع حاجب يعني خيييييير جايه تسلمين : تمام انتي كيفك . وعطاها نظره يعني امشي لا اذبحك
غدير : والله الحمدالله , اي ايش جاي تسوي هنا ما
قاطعتها غلا : يلا ركان احنا نستئذن
ركان : اوك اذنك معك و ابتسم
على قد ما تقهره غلا بحركاتها الى انه يحب فيها خوفها من ربها
لما مشوا غدير: ايش فيك انتي
غلا : احسابك بالبيت يا ماما
غدير : صدق تخلف

""""""""""""""
نعود لبطلنا المجهول كلم اصحابه و اعتذر انه ما يقدر يجيهم اليوم
قاعد يدور بسيارته شبر شوارع الرياض كلها وهو يفكر
من وين طلعت لي هذي و ليييه انا من بد اولاد العايله
الله يهديك يا جدي ما لقيت غيري , طيب ايش اسوي وكيف اجيبها لخالتي كيف اواجه ابوها يالله , يارب كون في عوني ضرب الدركسون بقوه من التشتت الي عايش فيه
ما حس الى باخته وتوئمه تتصل عليه
: هلا عذبه امر
عذبه : فيصل حبيبي لا تضايق نفسك مو زين لك
فيصل : كيف ما اضايق نفسي وجدك و امك قاعدين يطلبون المستحيل مني
عذبه : ادع ربك يسهلها و انا اختك
فيصل : الله كريم الله كريم , يلا حبيبتي انا بسكر اذا وصلت البيت جيتك
عذبه : اوك حبيبي انتبه لنفسك و لا تسرع
ابتسم فيصل على حنيت اخته و دعى لها في خاطره : انشاءالله وانتي كذالك سلاام
قفل من اخته و رجع لافكاره الي تبحر فيه في بحر ما يدري وين بيرسي فيه
"""""""""""""""""""""""
نعرفكم على احد اهم ابطال روايتي
بيت فيصل
ابو فيصل رجال حنون على عياله يشتغل في شركه ابو زوجته
ام فيصل ام مثل كل ام تحب عيالها ما ترفض لهم طلب
فيصل : عمره 31 سنه رجاااال بكل ما تعنيه الكلمه عليه جمال يخوف ماهو صاحي جماله ماسك شركة جده ابو امه جده يعتمد عليه بكل كبيره و صغير
عذبه اقرب وحده لفيصل مثل ما شفنى عمرها 25 سنه مطلقه من واحد كانت تحبه حتى هو كان يحبها و سبب الطلاق راح ينذكر في البرتات الجايه
عذوب عمرها 20 سنه تدرس حقوق
اما اخر العنقود متعب عمره 17 سنه دااااااشر لابعد درجه يخاف من شي اسمه فيصل
"""""""""""""""""""""""""""""""
اليوم الثاني ك عادت العوايل يجتمعون بيت الجد ابو ناصر
الجد ابو ناصر : ها يعيال كيف الدوام معكم عساكم امبيضين الوجه
تركي : الحمدالله يا جدي كل شي مثل ما انت تبي انشاءالله
الجد : زيين زين , وانا ابوك متى ناوي تدخل على بنت خالك
شادن خجلت من كلام الجد و قامت : عن اذنكم
البنات و الشباب صارو يتريقوا على وجه تركي الي انصبغ و قومت شادن الي اكيد قاعده ترشرش مويا على وجها من الخجل
لكن مع كل هذا الضحك في قلوب تنزف من جرح الحبيب و في قلوب كارها لبعضها
عبدالعزيز على قد ما يحاول يلهي نفسه عنها الا ان قلبه عينا ان يصد عن سماع صوتها و تذكر صورتها
ام عبدالعزيز : يمه تولين ما عليك امر صبي قهوه لعمامك و الشباب
تولين : ولو ماما ساره من عيوني وقامت , وقفت قدام دلات القهوه و الشاي : عمامي ايش تبون شاي ولا قهوه
محمد ولد صالح : صبيلي وانا عمك قهوه
تولين ما ردت عليه و قالت : بابا و عمي ناصر ايش تامرون فيه اصب لكم
الجد : صبي لهم و انا جد قهوه
تولين : سم انشاءالله , تولين تحس في عيون تناظرها بس ما عطتها اي اهتمام لنها اقنعت نفسها انها بتنساه
وزعت القهوه على اعمامها واولاد اعمامها و قفت عند عبدالعزيز وهي ناويه تبن له انها ما عادت تفكر في
تولين : عبدالعزيز تبي قهوه
ناظرها عبدالعزيز بنظره اربكتها : لا تسلمين
هزت اكتوفها بلا موبالها تخفي توترها : براحتك و من ثم رجعت مكانها
غيمت عليهم سحابه سكون غيريب الا ما قطعتها صرخت غلا : لااااااااااااااااااااااااااااااااااااااااااااااااا ااااااااااااااااااااااااااااااااا ما ابي
كل الي في المجلس لفو يطالعون فيها و في وجيهم اكبر علامه استفهام
الجد : وجع بذل حلق ما تعرفين تتكلكين مثل البنات
نجد بصوتها الجهوري : يا صالح وش بلاك متنرفز البنت زعقت لن بكرا دوام الله يقلع ذا الدوام
سعاد : نجيد استحي تنادين جدك بسمه
غلا : كم داون خالتي عادي عادي جدي توه شباب لا نكبره
تولين : صحيح يا عمه انا و الصبايا قررنا نزوج جدو بنت ولا كل البنات
طبعا الجد فرح بالكلام : سعاد وش فيتك وانا ابوك على البنات خليهن ياخذون راحتهن بالحكي
كل الشباب و البنات الي في المجلس صارو يزعقوا و يصرخوا من الحماس
مساعد : يمه يمه لقطي وجهك
سعاد رمت التكايه على مساعد : استح على وجهك انا امك يا قليل الحيا
نجود : جدي اذا ما عليك امر ودنا نخيم بالبر الجو حلو هذي الايام
البنات و الشباب باصوات متفاوته : اي والله , والله فكره خطيره , من زماااااان عن البر
قطع كلامهم الجد : على خير انشاءالله , وجه كلامه لركان : ركان وانا ابوك تكفل انت بالموضوع
ركان : انشاءالله يبه تامر
سلطان : توتي توؤمي وش رايك تقولين لبيت صاحبتك هنادي بما انهم اصدقاء العايله
توتي: مدري والله بشوف , جدي عادي نعزم صحباتنا
الجد : اي وانا ابوك اعزمو الي تبون
البنات : هيييييياااااااااااااااااااااااااااااااااااااااهههه ه وناااااسه
الشباب : الحمد الله و الشكر


"""""""""""""""""""""""""""""""""""""
بررررررررررررررررب

نزف الشوق ©؛°¨غرامي جديد¨°؛©

باااااااااااااااااااااااااااااااك

ام فيصل تكلم اختها في التليفون : هلا يختي شلونتس و شلون عيالتس
ام فهد : الحمدالله و انا اختس انتي وشلونتس وشلون ابوي
ام فيصل : الحمد الله كلنا بخير و ابوي كلا يسالن عنتس
ام فهد : الله يسلمه , الا يوخيتي وش صار على موضوع بنتي بشوفها والله ان قلبي محترق عليها كبرت وهي بعيده عني
ام فيصل : ادعي ربك ان ربك يرجعها لحظنك مره ثانيه
ام فهد : اللهم امين , وش قال فيصل
ام فيصل : وش يقول كلمه مني و كلمه من جده و اقتنع
ام فهد : والله لو اني ماني واثقه فيه ما كلفته
ام فيصل : وش هل كلام وانا اختك فيصل مثل ماهو ولدي هو ولدك
ام فهد : ما تقصرون يا اختي
""""""""""""""""""""""""""""""""""""""""""
بشرح لكم قصه ام فهد
ام فهد كانت متزوجه من ابو عيالها الحين جابت منه فهد و فهاد و تصارت لها ضروف هي و زوجها و تطلقوا لما كان عمر فهاد سنه
فاخوها سعود قرر انه يزوج اخته عشان يقهر زوج اخته و يرد كرامت اخته الي يفكر انها انجرحت
فزوجها من اعز اصحابه و ضلت معاه كم شهر و طلبت الطلاق لان طلقها قال لها بيحرمها من اولادها شرحت لزوجها و قرر انه يطلقها حرصا عليها و على راحتها مع انه مال لها و حبها في هل كم شهر
ولكن الي ما كانت تعرف ام فهد انها كانت حامل من زوجها الثاني مما خلاهم يستنون على الطلاق لين تولد ولما ولدت وجابت بنت قرر زوجها الثاني انه ياخذ البنت و يقول لها انها ماتت و تعيش بنته عنده و فعلا صار مثل ما كان مخطط ولكن تجري الرياح بما لا تشتهي السفن
لان ام فهد درت ان بنتها ما ماتت و انها الى الان عايشه عند ابوها
عشان كيذا قررت انها ترجع بنتها لحظنها و مين الي ينفع لهذا المواضيع طبعا فيصل
>>...اتمنى اني وصلت لكم القصه
""""""""""""""""""""""""""""""
يوم السبت في جامعه تولين
هنادي : والله مدري بقول لبابا و بشوف
تولين : هنو بليييييز حاولي تدرين ابوك ما يرفض لك طلب
هنو : اوك بحاول انشاءالله بابا يرضا
تولين : انشاءالله , خلينا نعجل لا نتاخر على المحاظره
هنو : اييي والله عاد ذي الدكتوره كريييهه
""""""""""""""""""
في مدرسه نجد و نجود و غلا
كلهم في صف واحد و ياويل الي يفرقهم مجنين الابلااااات كل ابله تطلع تبكي منهم
نجد : غلاوي
غلا : خييييير
نجد : وش ناخذ معانا للبر
قاطعتهم المدرسه : وش قاعدين تتساسرون شاركونا في حكيكم
نجد : ابد استاذه اسئلها ايش ناخذ معانا للبر
المدرسه صار يطلع من راسها دخان من العصيه لوووووول : اعتقد انو حنى في حصه رياضيات مو في الدوانيه لجل تتكلمون في هذي المواضيع
غلا : اااااا ا والله توني ادري انو حنى في الحصه اصلن توي انتبه انك هنا ما طلعتي
المدرسه : صدق انتم ناس ما تستحي و ما تربت
نجود ولاول مررره تتكلم باندفاع عكس اسلوبها الهادي : هيييييييييييييييييييييييييي انتي احنا متربيات قبل لا تنوجدي انتي بالحياه شوفي مين الي ما تربا غيرنا سامعه , ثاني شي لا تخليني اعلمك كيف الادب على اصوله
المدرسه : لااا وطال لسانك اخت نجود يلا وريني كيف التربيه اشوف
نجود : اوكي اوكي انسه خلود , الا صح استاذه خلود كيف مؤيد معاك عساه بيض وجهنا عند
الاستاذه خلود ارتبكت : ان انتي وش عرفك ف في ممؤيد ؟
نجود : يماما مو من جمالك يتغزل فيك ولا يحبك احنا عطيناه كم قرش عشان يعيشك في عالم الحب بس صدق من قال سو خير وقطه بحر حنا ما سوينا كيذا الى لانو حنا عارفين ان مستحيييييييييييييييل تنحبين ( لا يا نجود لا تقولين كذا الدنيا دواره اذا اليوم لك ف بكرا عليك انتبهي )
المدرسه طلعت من الصف تبكي
كل البنات لفوا يطالعوا الثلاثي المرح الي تقول : كفوا بردتوا خاطرنا , لا حرام ما تستاهل , والي تقول احسن فكه والي فقط متفرجات
غلا : نجود ما تعرفين تنسقين كلامك مو كيذا الناس تسعق
نجود : مدري مدري رفعت ضغطي و النفجرت
نجد : مااااالت عليك الا مالللت استنيتي اجيب صورهم وهي معاه
غلا : نعم نعم حنا قلنا مكالمات بس اما يتواعد معاها لااااا ما اتفقنا
نجود : خليها هي الي قالت له تبي تطلع معها فقال لنا وقلنا له يصورها
غلا : لا بناات ترا بكرا ربي راح يعاقبنا ( لااا احلفي عاد تراك طرف في الخطه )
نجد : كيفها ماحد قال لها تسلك بهذا الطريق
غلا : كيفكم بس انا مالي علاقه اذا كبر الموضوع
نجد : صدق جبانه

""""""""""""""""""""""""""""""""""""""
في بيت العم محمد
الدحمي : يمه يبه ابيكم في موضوع
سلطان : و هل موضوع ما ينفع تتكلم فيه و حنا موجودين
الدحمي رد و برود : لااا
العم محمد : على خير انشاءالله
تولين : بابا ايش فيك مو على بعضك
الابو ضل يناظر في بنته : لا يا روحي ما فيني شي من الدوام تاعبني
سلطان : متاكد يا ابو عبدالرحمن اذا في شي تبي تقوله كلنا اذان صاغيه
ركان : سلطان ما تعرف تاكل و انت ساكت
سلطان : اوكي اوكي بسكت بس حاب اقول للوالد مصير السر راح ينكشف و قام من الطاوله
تولين : وش فيكم اليوم تتكلمون بلالغاز اقولم غرفتي احسن
الابو : وين و انا ابوك ما اكلتي
تولين : الحمدالله بابا شبعت سفره دايمه و صعدت لغرفتها
الدحمي : ماما خلي الطباخ يرتب شاي و قهوه عزيز ولد عمي بيجي عندي اليوم
ام عبدالرحمن : حياه الله , انشاءالله يمه الحين اقوله
الدحمي : الله يعافيك
قام الكل من الطاوله ما ضل فيها الا ركون و الدحمي و شادن
شادن : عبدالرحمن عبدالعزيز مو عاجبني هذي اليومين ايش فيه
الدحمي : ما فيه الا العافيه
شادن : ما قدر ينساها صح
ركان رد وهو متنرفز : شلون ينساها نسيتو ايش تعني تولين لعبدالعزيز نسيتوا ايش سوا عبدالعزيز لتولين و بعد كل هذا تبونه بنساها مدري من وين تفكرون وقام من الطاوله وطلع من البيت معصب هو اكثر واحد زعلان عليهم
شادن : ايش فيه اخوك صاير كبريبت
الدحمي و هو يقوم هز كتفه بعلامت مدري
شادن في خاطرها : والله بيتنا غريب اروح غرفتي ابرك لي



"""""""""""""""""""""""""""""""""""""""""""""""""" ""
عند عزيز جالس في مكتبه يوقع على المعاملات المهمه مر في باله صوره تولين يوم كانو صغار
تولين : عزيز انا الحين صار عمري 10 سنوات و انت صار عمرك 19 صح
عزيز : اي صح
تولين : طيب انا صح صغيره و انت كبير
عزيز استغرب سؤالها و قال : اي له
تولين : ليه كلا تلعب معاي و كلا تجلس معاي و انت كبير و انا صغير
عزيز ابتسم لها و قال : تولين بقولك كلام يمكن ما تفهمينه الحين بس لا تنسينه اوكي ؟
تولين وهي ترفع صبعها : والله والله ما انسا
ضحك عزيز من حركتها و قال :
يضيق الكون في عيني واشوفك في خيالي كون
أشوفك كلما أغفى لأنك حلمي الساهر
أحبك في تفاصيلك أحب أسلوبك المجنون
أحبك في طلوع الشمس أحبك يا أمل باكر
أشوفك داخلي أطفال مع ريح الفرح يمشون
أحبك في أبتسامه طفل أذا ناديت يا شاطر
أحبك ياصدى صوتن بحاسيس الهوى مشحون
أحبك ياربيع أخضر أحبك ياشتا ماطر
أحبك لذة السكر أحبك ريحة الليمون
أحبك في قصيدة شوق كتبها في الهوى شاعر
أنا صادق بحبي لك وقلبي أول العربون
أنا لا جيتك الاول بلا ثاني بلا عاشر
حقيقه أسمك الفاتن حقيقه قلبي المفتون
أنا من كثر ما أحبك أردد دوم ياساتر
منقول

عقدت تولين حواجبها دليل انها ما فهمت , مرر عزيز اصبعه بين حواجبها يفك التعقيده و قال مصير بتفهمين الي بقلبي
رجع عبدالعزيز للواقع لما السكرتير قاله انو عنده اجتماع
قام عبدالعزيز و هو يحرك راسه يطرد صورة تولين من باله

"""""""""""""""""""""""""""""""""""""""""
عند طليق ام فهد
: والله يا مره ماني عارف وش اسوي بنتي ما ابيها تبتعد عني
زوجته : اخخخخ منك قلت لك الحقيقه مصيرها بتوضح
: بسئلك انتي حبيتي بنتي اعتبرتيها مثل عيالك
زوجته : وش فيك استخفيت ترا اذا هي بنتك هي بنتي نسيت اني انا الي ربيتها و شفتها تكبر و تتفتح قدام عيني و شتقول انت ,,, و قامت وتركته في حيرته لكن ما حسوا بلي سمع كل الكلام الي دار بينهم

"""""""""""""""""""""""""""""""

عند شخص اول مره راح نحكي عنه عمهم رائد
في اراضي امريكا هو مقرر انه راح يعيش هنا و يدير فرع شركتهم الي بامريكا
انا راح اتكلم با العربي على طول
رائد : كاثرين ترا والله مالي خلقك ابعدي عني
كاثرين : بس انا احبك ايش اسوي
رائد : انتي تكذبين على مين انتي ما تحبيني انتي تحبين فلوسي
كاثرين : لااا مين الي عطاك هذي الفكره السئه عني
رائد : كاثي بالمختصر انا ما احبك و مستحيل احب وحده مو من بلدي سامعه
كاثرين : ليه طيب
رائد وهو معصب : بس ما تفهمين ما عندك كرامه انتي اووووف , ومشا وتركها

دق جوال رائد ما انتبه للاسم خييير نعم
تولين : اسفه عمي شكلي داقه وقت غلط
رائد : لا معليه دامك تولين كيفك حبيبتي
تولين : انا كويسه انت ايش فيك اكيد الغثه كانت عندك
رائد : مو راضيه تفهم اني فاهم حركاتها و اني كا شفها
تولين : هههههههه ايش تسوي اذا انت مزيون على بنت اخوك توتي
رائد : اقول شكل ودك احد يهزئك انتي بعد
تولين : لاااااااااااااااا كل شي ولا انك تهزئني ما ني ناقصه افقد اذني
رائد : بنات اخر زمن لازم بنخرشون عشان يتئدبون
تولين : رئودي تدري انو حنا راح تروح للبر
رائد يسلك لها لانو متفق مع ركان انه بيجي البر بس يبي يسويها موفاجئه : اه والله حلو امبسطوا
تولين : ياليتك معانا ما تحلا طلعت البر الا فيك
رائد : انشاءالله الجيات اكثر , توتي انا مظطر اقفل اكلمك بعدين
تولين : اوك عمو تك كير سلام

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1