منتديات غرام

منتديات غرام (/)
-   روايات كامله - يتم نقل الرواية هنا بعد اكتمالها (https://forums.graaam.com/152/)
-   -   ماتقبلت الفراق فالحالتين وما ليدي فيه حيله / بقلمي , كامله (https://forums.graaam.com/483243.html)

الفل للحلوين 14-04-2012 10:25 PM

ماتقبلت الفراق فالحالتين وما ليدي فيه حيله / بقلمي , كامله
 
السلام عليكم ورحمة الله وبركاته
آل غرام أضع اليوم بين أيدكم بذرتي الأولى التي ستنمو بمتابعتكم وتزهر بردودكم
(ماتقبلت الفراق فالحالتين وما ليدي فيه حيله ) عشق ينتهي بفراق و واقع مرفوض يبدأ بصداقة تتوالد منها أحاسيس تتفجر منها مشاعر حب تنتهي بعشق بين قلبين هل سيكون الفراق نهايته؟
وقبل ان اضعها (لا أحلل من تنقلها لمنتدى آخر دون ذكر اسمي أوتنسبها لها )

والرواية من نسج الخيال أتمنى أنها تعجبكم

البارت الاول

ماتقبلت الفراق وما ليدي فيه حيله
آه لو ان الظروف المقبله تكشف قدرها
لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها
ما هقيت الليله اللي جابت الفرقا طويله
لين صارت ليلة امس بعيني اطول من شهرها
والعذاب اللي يذوب بعين من يفقد خليله
عندي اكبر من عذاب العين لو تفقد نظرها
(شعر حامد زيد)

اليوم يمر على ذكرى وفاته 4 سنوات صورته بين يديها آآآآآآآآآه
رحت عني وينك ياسعود فراقك عذاب مانسيتك حبك ينبض به القلب رحت وسلبت روحي معك ونزلت دموعها بغزاره الله يرحمك اليوم بس حققت امنيتك وخلصت دراسة وبتفوق بعد زي ماوعدتك ياليتك تجي وتشوف بنتك حور تشبهك ياسعود كملت الحين اربع سنوات وشهرين كنت لي كل شي احبك اشتقت لك ادعيله يايمه بالرحمة التفتت وشافت عمتها اشتقت له وحشني ابيه ابيه ماقدرت انساه احبه يايمه احبه جات عمتها واحضنتها وبكت لحال بنت اخوها اللي من توفى زوجها وهي مانسته جسد بلا روح حتى الدراسة كملتها عشانه
اشـتـكيته لـلرفوف ولـلبراويز iiالـهزيله وانذعرت من النياح اللي سمعته في صورها
رحت اسولف للجبال الصم عن قصة iiرحيله مـاتركت متونها الا ينحت الدمع iiبصخرها


نعرفكم على الشخصيات
ابو سلطان :انسان عملي وتاجر طيب لابعد حد ربى عياله افضل تربية
العمة ام سلطان: انسانة حبوبة ورزينة عندها ولد وبنتين
سارة:26 متزوجة ولد عمهانواف اخو سعود زوج جمانة تزوجوا بليلة وعندها ولد 4 وبنت 3

سلطان :عمره 27 طبيب ماله سنة متخرج انسان حبوب وصديق عمره ماجد الروح بالروح ويحب اخت ماجد نورة ومملك عليها

ريم : عمرها 24كبر جمانة بالضبط حبوبة ومملوحة تخرجت مع جمانة

جمانة بنت أخو ام سلطان توفوا أهلها صار لهم حادث وكانت امها حامل فيها واضطروايولدونها بسرعة ثم توفت امها بعد الولادة مباشره

ورضعتها العمة مع ريم وكأنهم توأم بس اللي يشوفها يقول جمانة على اسمها جمال (أخذته من أمها اللي ترجع لأصول جدتها التركية)بيضاء البشره الشعر كستنائي العيون وساع ولونها رصاصي الانف طويل الفم صغير وتوتي ملكة جمال
تزوجت سعود وهي صغيرة حبته بعد الزواج الا عشقته وجابت منه بنت وولدتها قيصري(لأسباب مجهولة) وتوفى وعمر بنته شهرين
بحادث بعد وصوله للرياض بعد (رحلة علاج) جمانة بغت تموت انهارت وتعبت حيل قلبها مات من بعده
حور: بنت جمانة صغيره ودبدوبة وبيضاء مملوحة عيونها سود وشعرها نااااااااعم أسود وخشمها طويل وشفايفها حمراء وخدودها متوردة أشباهها على أبوها وكلامها يجنن (راح يكون بلهجتها وانتو ترجموه:)1b43976db777979e034
عائلة ابو سعود
ابو سعود انسان عملي مثل أخوه ابوسلطان بس عيبه لما يضيق على شي (موقفه مع جمانة)

ام سعود انسانه حبوبه وهادئة

سعود البكر توفى بحادث بعد زواجه بسنة وشهرين
عمره يوم يموت 30 كان يحب جمانة بجنون لكن كان يعاني من مشكله ورحل يتعالج عشانها بس توفى بعد شفائه

نواف عمرة 29 متزوج بنت عمه سارة

ماجد :البطل عمره 27 صديق سلطان الروح بالروح جميل لون بشرته برونزي بعيون عسلية وانف حاد وشعر ناعم يدرس وتوه خلص دراسة برى ادارة اعمال وبيعمل بشركات ابوه يحب وحدة ويفكر فيها ووده يتزوجها وكان مقرر بعد مايخلص يكلم أبوه بس ماكل ما يتمنى المرء يدركه

نورة عمرها 24 سنة مملوحة صديقة جمانة وريم مملكة على سلطان

نرجع لجمانة خلاص يايمه خلاص الميت ماتجوز له الا الرحمة
جمانة:الله يرحمه الله يرحمة ومسحت دموعها
يايمة قومي غسلي وجهك وانزلي اخوانك مجتمعين تحت يحتفلون بتخرجكم يالله ياحبيبتي يالله
حور: ماما وينث (وينك) الكل يدورث (يدورك)
جمانة:يالبى عيون امها ننزل يالله
حور:ماما وث فيك (وش فيك) تبكين مين ذعلك
قولي بث أكيد خالو ثلطان قولي بث اوريث فيه
جمانة:ياعمري انت انا ابكي عشان فرحانة اني تخرجت
حور: يالله ماما ننذل تحت

نزلت جمانة ولقت الكل فرحان شافت أبوها وحبت على راسه وبارك لها

سلطان : الف مبروك التخرج ياجمانة
جمانة: الله يبارك فيك ياغالي
حور: وث تقولين هدا مو غالي هدا ثلطان
سلطان : وش ثلطان حاف يالدبا خالو سلطان
حور: لا لا ثلطانوه بعد وث عندك هاه بتضربني ماتقدر ذدتو وذدو في ماتقدر وطلعت لسانها
الكل التفت عليها يناظرونها بتعجب
قام سلطان : خلوني عليها
راحت تركض لجدها
جمانة حور عيب عليك ياماما هذا خالك ويحبك عيب قولي آسفة وروحي حبي راسه
حور: بث هو ليه يدنني ليه ويقرص حدودي ويقول لي دبا ليييه انا ذعلانه

ريم:لوتشوفين وش سوا بها قرص خدودها وعضها لين بكت
جمانة:شهقت حرااام سلطان تحمل أجل مايجيك تراك مدين لها باعتذار
الكل ضحك
سلطان: اجل مزعلك ياالدبا هين ولا الحين مدين باعتذار أوريك بس لأقول لعمو ماجد عنك عشان يزعل ولا يجيب لك حلاوة
حور: عمي مادد حبيبي ولا راح يدعل علي
طيب ثلطانوه انا لاح أعلم عميمة نولة وادول ثلطانوه مايحبث ويدول انث دبدوبه
وادول لها لا تحبينه
سلطان طير عيونه: لا لا خلاص انا أعتذر وانسحب اذا فيها نورة أكيد بتصدق وتزعل تعالي حبيبة خالو انت
وراضاها وعطاها من جيبه حلاوة
الكل ضحك متعودين على هواش سلطان وحور
في هاللحظة جمانة ضاقت بها الوسيعة وتذكرت شيء لازم تقرره اليوم بالذات
ريم: جمانه وين سرحتي ساعة وأنا أكلمك وين
جمانة : ابد مافيه شيء
ريم: نورة دقت على جوالك ولقته مقفل وتقول خليها تدق علي
جمانة:يووووه تصدقين نسيت أفتحه مقفلته من أمس وكملوا الجلسة وسوالف وضحك
بعد أذان العشاء
الكل قام يصلي وبعد الصلاة سلطان راح للمستشفى يبي يخلص أوراق عندة دورة شهرين لبريطانيا قرر زواجه يكون قريب عشان يروح هو ونورة
والام بالمطبخ وريم على النت وحور تلعب بالحديقة معها الشغالة
أما جمانة في غرفتها غارقة في التفكير انضرب الباب
جمانة تفضل ياقلب جمانة
الاب: كيف عرفتي انه انا
جمانة: بالقلب
الاب:جمانة وش قررتي؟أنا مابي أغصبك على شي وأنا أبوك
جمانة:(بعد ماصلت استخارة وبعد تفكير باللي بتسويه) طال عمرك أنا موافقة على ماجد أنا مابي الشينة لك ياغالي وماجد ولد عمي ولا الغريب
الله يكملك بعقلك ألحين فرحتيني أببشر أخوي أبو سعودطلع من هنا اجهشت بالبكا آآآآآآآه ماأبيه ماأبيه بس خايفه ياخذون بنتي خايفة (تذكرت تهديد عمها لها و ولو ماوافقت عليه راح ياخذ بنتها ويقاطع أخوه وهي تعرف وش أبو سعود عند أبوها لو رفضت بيجي شيء لأبوها)
بلغ أبو سلطان أبو سعود وانبسط وبلغ أم سعود
وأخيرا يابوسعود وافقت اللهم لك الحمد جمانة ماتتعوض وهي مناسبة لماجد بس يالغالية أنا قسيت عليها بالحيل بالحيل ونزلت منه دمعة الا دموعك يابو سعود يالغالي جمانة ماتشيل على أحد وبتعرف بعدين ان هالزواج في مصلحتها

وماجد ماراح يلاقي مثلها أبد
أم سعود: كلمت ماجد؟
أبوسعود: ايه كلمته وقال بيفكر

نروح لبريطانيا عند ماجد من بعد اتصال أبوه وهو لاليله ليل ولانهاره نهار
متضايق لأبعد حد مايبيها مايبيها وهو عارف بعد انها أكيدما تبيه
في نفسه يقول :ياااااااارب ماتوافق
يارب وش أسوي لو أرفض بأغضب أبوي وامي وباخسر أعز أصدقائي لا والاكبر حبي بأخسره
ياااااااااه ياالعنود وينك أكيد ماتدرين عن هوا داري أحبك يا كثر ماجيت في بالي وانا ناطر
يمكن تحس بغلاك اللي سكن صدري
تدري وش اللي يحز ويكسر الخاطر
انك تمر بخيالي وانت ماا تدري

(العنود بنت خالته من وهم صغار مع بعض وكانت خالته تقول ماجد لها وهي لماجد طبعا هي مملوحة بس مو مثل جمال جمانة وطبعا هذا الكلام وهم صغار ولايدري عنها هل هي تحبه والا لا وهي طبعا ماتكن له أ ي مشاعر تملك قلبها ولد عمها)
نرجع لماجد:يرن جواله طالع الشاشه أبوي
هلا والله بالغالي حبيب الكل
الاب: هلا بوليدي كيف حالك؟
بخير دامك بخير
وشلون أمي والكل طيبين
الاب: كلهم بخير جعلك بخير فكرت في الموضوع جمانة وافقت
ماجد ضاقت به الوسيعة: فكرت وأنا موافق
الاب: مبروك ياوليدي مبروك الله يوفقكم
ماجد:الله يبارك فيك
الاب : على موعد وصولك؟
ماجد: ان شاء الله عليه
الاب:فمان الله
ماجد: قفل من أبوه ودق على سلطان
بس مارد وينك رد رد ياااه منت صاحي ياماجد تشكيله انك ماتبي تاخذ اخته؟
يااااه ياماجد تاخذ أرملةسعود انا لازم أفكر في حل لازم
جلس ماجد يفكر وجمانه تفكر في نفس الوقت الكل قال لقيتها لقو حل يرضي الطرفين
(بس ياترى وش هو الحل ؟ وهل فعلا بيرضيهم؟هل راح يتم الزواج؟هل راح تنمو مشاعر الحب بينهم؟)


انتظروني في البارت القادم

وردة الزيزفون 15-04-2012 12:42 AM

رد: ماتقبلت الفراق فالحالتين وما ليدي فيه حيله
 
صباح الخيرات .........ياهلا فيك بغرام .........بداية موفقة ان شاء الله ........بس ياليت تنسقي بالرواية السطور متقاربة ومتعبة في القرأة ......والحوار متشابك ماتعرفين مين الي يتكلم فرقي بينهم وحطي هالعلامة عند كل حوار : يعني مثلا لما جمانة تتكلم تحطي جمانة قالت :

بيكون ارتب واوضح واسهل للقارئ .....


القوانين / الإطلاع هام و الإلتزام ضروري

وياليت تطلعي على هالموضوع راح يفيدك

قضايا

قطرة أمـJ 15-04-2012 01:19 AM

رد: ماتقبلت الفراق فالحالتين وما ليدي فيه حيله/بقلمي
 
بداية موفقة
متحمسة لاعرف شو الحل الي وجدوه جمانة وماجد
بانتظار البارت الجاي

الفل للحلوين 15-04-2012 11:38 AM

رد: ماتقبلت الفراق فالحالتين وما ليدي فيه حيله / بقلمي
 
أختاي (وردة الزيزفون) (قطرة أمل)مروركما أسعدني مشكورتان
وان شاء الله أتلافى هالأخطاء بالبارت الجاي تقبلوا تحياتي

الفل للحلوين 15-04-2012 12:56 PM

رد: ماتقبلت الفراق فالحالتين وما ليدي فيه حيله / بقلمي
 
البارت الثاني


بعد أنا مانسيت سعود ياماجد ولا راح أنساة مات ومات قلبي معه

ماجد: بس كيف راح اوصلك ياجمانة ؟

جمانة: كيف راح أوصل لك ياماجد؟

جمانة: يووووه نسيت افتح الجوال وش بيفكني منها الحين؟
فتحت الجوال الا الرسائل ورى بعض ماقدرت تقراها الا دقت نورة

نورة: ولا كلمة وينك؟

جمانة: الناس تقول السلام بالاول

نورة: السللااااااااااام عليكم ويييييييينك؟

جمانة:وعليكم السلام معليش نسيته مقفل

نورة:من بعد ماكلمك أبوي؟ الا وش قال لك؟

جمانة:(نورة صديقة جمانة الروح بالروح وعلاقتها فيها أقوى من أختها)ماقالي شي(آه محد يحس ولا يفهم ماابي ماجد ماابيه)
نورة:أنا أعرفك أكثر من نفسك وش اللي قلب كيانك وافقتي بها السرعة؟

جمانة: نورة الله يخليك ما أقدر اقول

نورة:براحتك مصيري عارفة بس ترى ماجد وافق

جمانة:وا وافق هنا دموعها ماعاد تقدر عليها

نورة:حبيبتي خلاص هدي انا عارفة وش كان سعود يعني لك بس سعود راح الى متى ياجمانة الى متى تدفنين نفسك
جمانة:حتى انت يانورة مثلهم

نورة: أنا أبي لك الخير ترى سعود مايرتاح بقبرة وانتي على هالحالة شوفي حياتك بعدين ماجد مناسب لك وراح تقولين نورة قالت

جمانة:ما أقدر انسى ماأقدر انتو ماتفهمون

نورة:لا نفهم بس الحياة تمشي مر عليك اربع سنوات
ياجمانة وانت توك صغيرة حرام عليك وااااو تدرين لما يشوفك ماجد بيطير عقله وبينجن لا والادهى أنه انت وياه بينكم اشياء مشتركه كثيرة بعدين حور محتاجة حنان الاب فكري

جمانة:بعد ماهدت عن الفلسفة وش هالكلام انا مانصلح لبعض انا قلبي مات مع سعود مات وهو عاشق العنود ويبيها قلوبنا ماهي ملكنا

نورة:اقول الظاهر انا راح اقفل بانجن منك بس والله بتخقين عليه وتعشقينه سلااااااام

جمانة:طوط طوط هين يانويرة

(قفلت جمانة وهي تفكر كيف راح تكلم ماجد)

اليوم موعد وصول ماجدالكل بالمطار ابو سعودوابو سلطان وسلطان وحور

حور:ثوفو عمي مادد داء

لمحهم ماجد وهو يدف العربية وسلم عليهم التفت وشاف حور اللي انهبل يوم شافها تغيرت
ماجد : تعالي سلمي على عمو

حور:ركضت وحضنته هلا أمو ماذد الحمد لله ألى الثلامة انا احبك اكثل من ثلطانوه .

ماجد:الله يسلمك ياروح عمك انت

سلطان:فتح فمه وطير عيونه تونا حلوين عودنا
سلطان: والله لاعضك

ماجد: مات من الضحك على هواشهم وقال عيب ياعمو قولي خالو

حور:لا لا تحاول امو هدا دايم يعول ادودي ويأضدني بقوة ويديب لي حلاوة وعه

سلطان:انا ياحوير طيب وعدك بالبيت

ماجد اللي خلاص بطنه وجعه من الضحك قال: شوف الطريق وسق زين بس لانصدم مغير هواش بس يادينهم البنيات

حور:تدلع وهي بحضن عمها

سلطان:وش فيك ماجد؟احس فيك شى

ماجد:كلمة خوية ضربت على الوتر الحساس وش يقوله ماأبي اختك ؟لا بس تعبان من السفر
سلطان :ماتشوف شر اوديك البيت وارتاح وانكمل حديثنا بعدين

نزل ماجد للبيت ونزلت حور معه وجلست عند عمانها
الكل فرحان ام سلطان وام اسعود ماخلو شي كل اللي يحبه ماجد طبخوه
دخل وسلم عليهم وتغدى وراح يرتاح ويفكر كيف يكلم جمانة

أما جمانة ماراحت لبيت عمها أبد من وفاةسعود ماتبي تنهار
ومن درت ان ماجد وصل وهي ضايق صدرها

هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم


شيصيــر لوضـاقت علـــي كـل
ســاعه؟


الكل مجتمع في بيت العم ابو سعود وفي مجلس الرجال تكلم أبو سلطان وطلب بتقديم الزواج

أبو سعود: أنا ماعندي مانع ومنها نخلي الفرحةفرحتين

ماجد:اللي انقبض قلبه

سلطان مال على ماجد وغمز له وقال: يعني بتعرس يابو الشباب ولا قلتلي واقول وش فيه

ماجد:اسكت ياسلطان لاحد يسمعك

سلطان: ومنهي سعيدة الحظ هي بنت أبو
توه بيكمل قرصه ماجد
سلطان:وجع وش فيك قرصتني؟

ماجد: لاتفضحنا

العم ابتسم قال:سعيدة الحظ أم حور

انلجم سلطان والتفت لماجد اللي نزل راسه

سلطان:بس كيف يابوي شرتوها هي موافقة؟

الكل:ايه
سلطان:وافقت وأنا آخر من يعلم؟

طلع سلطان وضاقت به الوسيعة كيف تجي كيف
ماجد عاشق غيرها وهي عاشقة سعود وعلى ذكراه لايا أم حور الا انك تتعذبين

لحقه ماجد: سلطان سلطااااااااان وينك

لقى سلطان يركب السيارة
وركض الين وصل له وهو يلهث
قال ماجد:الله يهديك وش بلاك نقزت كأنك مقروص؟

سلطان: انت باذات لا تتكلم تطبخون من وراي حرام عليك ياماجد اللي فيها مكفيها والله حرام كافي عذاب لها
مو قلت بتخطب العنود كيف تاخذ ها وقلبك عاشق غيرها كذا تعذبها ماراح تقدر تعطيها ولاهي تقدر الا اذا شاء الله وحور ياماجد بتضيع بينكم

ماجد: ساكت ولارد واكتسحت ملامح وجهه الحزن

سلطان:تكلم قول يااااه ياخوي للاسف ماتوقعت اهون عليك

جاء بيركب الا ماجد ماسك يده التفت له
سلطان وقال: وش تبي بعد

ماجد قال :لا ياسلطان الاهذي لاتزعل ياخوي خلني أفهمك انا محتااااااااااااااااجك ياسلطان

سلطان: انا أقدر ازعل عليك بس ضايقتوني أنا آخر من يعلم اركب

ماجد ركب معه وطلعو لكوفي

وبلغ سلطان بكل اللي صار وهو مايدري اصلا كيف وليه وافقت وهو عارف وش سعود لها

وطلب ماجد من سلطان قال: انا ابي اكلمها قبل الملكة

سلطان:وليه اذا ملكت كلمها

ماجد:واللي يعافيك ياسلطان لا تقفلها بوجهي

سلطان: وليه طيب تبي تكلمها؟

ماجد: لا تقفلها بوجهي ياخوك بعدين أقولك

في بيت ابو سعود اتفقوا على ان زواج الاثنين يكون الخميس لان سلطان بيسافر الخميس

نورة: تتصل على جمانة يارب ترد

جمانة:هلا نورة

نورة:شفتي زواجنا الاربعاء الاسبوع هذا

جمانة:كأن أحد ضاربها كف زززواجنا

نورة:جمانة الو جمااااااااانة ردي شكلها قفلت لها الدرجة ميتة على ماجد

جمانة: معك بعدين وش ميته(هنا تذكرت سعود وانعصر قلبها ونزلت دموعها)

نورة:جمانة وش فيك أنا أعرفك انت تبكين والله آسفة أمزح زواجي أنا وسلطان اما انتو فملكة بس

جمانة: هدت شوي وقالت طيب اذا ماتبين كلمي سلطان واجليها لين يرجع كوده ياخذ عليك شقراء

نورة: وش وش تقولين فالك ماقبلناه يتزوج علي والله أذبحه والمكالمة انت تعرفين اني ضدها

جمانة:انت الخسرانة يانويره اذا أجلتيه

نورة:عناد لك جمانوه ماراح ااجله

جمانة: تضحك على هبالها حور وينها؟

نورة:مع خالتي وامي
جمانة:نورة لحظة باب الغرفة ينضرب أكيد الشغالة
مين؟
أنا سلطان

جمانة:هلا والله تفضل ياغالي الطيب عند ذكره

سلطان:وش ذكرة وتغمز له جمانةوتشر على الجوال يقرب ويقول لها: الغلا نورة تكلمك يااااه قولي لها مشتااق لها من بعد الملكة حرام مانعتني من مكالمتها وشوفتها

نورة اللي ذابت من الحيا وبصوت خفيف قالت: جمانوه وينك

جمانة:يووووه نسيت نوير

سلطان:لو سمحتي جمانة عن الغلط نورة أقول من حور
طالعة بالعيارة عليه

هنا خلاص نورة وجهها طلع ألوان تحبه ومشتاقه له

جمانة:نورة ابسكر منك سلطان يبيني بموضوع مع السلامة

نورة:سلمي على سلطان

جمانة:يبلغ و التفتت لسلطان ابتسمت تسلم عليك هنا
سلطان ماصدق وقال: كان خليتيني أسمع صوتها اشتقت لها يا جمانة

جمانة:سلطان وش هالرومانسيات ترى كل المدة بين الزواج والملكة شهر

سلطان:شهر طويلة علي ماصدقت هالدورة تجي عشان آخذها ونسافر ونبعد عن الكل نعيش لحالنا وننبسط و(ما أمداه يكمل) ألا

جمانة: هيه سلطان لا لا بالله فصخت الحيا

سلطان: مات من الضحك عليها

جمانة: وش بغيت؟

سلطان:ليه ماقلتي لي؟

جمانة:نزلت عيونها وقالت ماقدرت ياسلطان أنت أدرى واحد في حالتي وحالة ماجد

سلطان:أنتي تدرين أن ماجد
جمانة:أدري يا سلطان يحب العنود

سلطان:طيب ليه رضيتي ليه أنا خايف عليك وعليه جيت بامنع الزواج بس ماقدرت لما شفت الفرحة بعيون الكل وبعيون حور مابغيت أكسرها وش اللي خلاك توافقي ياغالية ؟

هنا جمانة:نزلت دموعها ماأقدر أقول ياسلطان ماأقدر وأجهشت في البكاء

(حضنها سلطان لين هدت
سلطان:خلاص ياجمانة الله يخليك أهدي أدري وش كثر صعب بس قولي لي تكفين يمكن أقدر أمنعه ولا تتعذبون )
جمانة:ما أقدر ماأقدر بعد أذنك أبي أكلم ماجد

سلطان:حتى هوطلب (في نفسه وش تفكرون فيه الله يستر بس )مني انه يكلمك ورفض يقولي بعد
أنا راح أعطيه رقمك وانتظري منه مكالمة.

جمانة:خله يدق ألحين ياسلطان أنا تعبت وما أقدر
لازم أريح بالي

سلطان:راح أبلغه الحين

جمانة:كيفها حور

سلطان: ماعليها حوير ماخلتني في حالي هبلت فيني

جمانة:ما أدري متى بتفكون هواشاتكم
سلطان:لما آخذ حبيبتي واهج منها لبريطانيا

جمانة:يااااه بفقدكم

سلطان:سبحان الله نفس كلام مويجد توه قايل من ساعتين بأفقدكم قلت له عندك جمانة وحور بيملون عليك حياتك

يرن جوال سلطان:هلا ماجد اذنك طنت نتكلم فيك

ماجد:أكيد تحشون

سلطان:لا وش دعوة

ماجد:قلت لها

سلطان:ايه وحتى هي تبي تكلمك

ماجد:ماأبي أحد يدري ياسلطان

سلطان:اافا تشك فينا يابو محمد

ماجد: ابي أكلمها

سلطان:ارسل لك رقمها الحين

ماجد:من جوالك

سلطان: عندي شغل بالمستشفى يابوالشباب مأجله على شانك والا نسيت

ماجد:خلاص ارسله انتظرك

سلطان:يالله مع السلامة

التفت على جمانة وقال :راح يكلمك الحين انا طالع مع السلامة

جمانة :الله يحفظك بدت تحس بخوف غريب يارب قدرني أقول اللي قررته يارب

ماجد اللي منسدح على السرير ينتظر رسالةسلطان
الا تجيه ويسجل الرقم حس ماجد برهبة غريبة يارب قدرني اقول لها اللي أبي

الــهـــم و الـحــيــرة و ضـيــقــات الـــقـــدر
و الـدّمـع فــي عـيـن المـفـارق و الـهـيـام
والــجــرح و الـغـمّــه بــأطــراف الـســهــر
و اوقـــاتــــي الـــرّثــــه تــــســــاوي انــــهــــزام
يــــا شــيـــن ايــامـــن .. تـوطّــاهــا الــكِـــدر
و دروب كــــذّابـــــه يــســمّــوهـــا غـــــــــرام
عــطــرن تـعـطّـرتـه عــلــى صــــدري عُــمــر
خـلـتــه وفــــي(ن) مــيــر مِـهــرتــه الــكـــلام
هـاذي الحكـاوي مـا حـكـى فيـهـا بـشـر
مـيـقــاتــهــا يــــبــــدا و خــــلـــــق الله نــــيـــــام
وش حـيــلــة الـمــحــروم لا مِـــنـــه انــتــثــر
دمّــه عـلـى نـصــل الـهـقـاوي و الـســلام
مــن حيـرتـي و الـهـم / و ايــام الـضـجـر
مـــن كـــل قـلـبّـن مـــا خــفــا عــنّــي مــــلام
حـزنــن كـبـيـرن مـثـلـمـا عَــــزف الـشـجــر
لا هــــاج زلـزلــنــي و انـــــا بــيـــن الــزحـــام
حـلـمــن رعـيـتــه .. ثــــم غـافـلـنـي و فَـــــر
و أقـصــى جــفــونٍ لـمّـتــه حــيــن الـمـنــام
عَــلّـــم عــيــونــي ويــــــش مــعــنــاه الــقــهــر
وشلون تبكي صمـت فـي جنـح الظـلام
اسـقـيـتـهـا عــشــقــن تــنــاثــر و احــتــضــر
عــنَــتـــه أيّــــامــــه و قــاومـــهـــا .. و قــــــــام
لــي حــاول ايلـمـم / غـرامـن / مِنـكـسـر
ما يدري ان الكسـر فـي روحـي / مَـدام
ان الهوى في جوف ذاتي .. قد صغـر
و الجـرح واصـل بـي الــى حــد العـظـام
و القلب ميّـت بعـد مـا ذاق .. و خبـر
طعم الأسى و الحزن في عمق السهام
الــهـــم و الـحــيــرة و ضـيــقــات الـــقـــدر
و الظلم بإسم الحب و صنوف الغـرام
و الحزن لا اخفى .. الهمايل و استتر
كلّـي علـى بعضـي مـع الحلـم (انعـدام)



(بريشة جنونــ الشعر منتدى شعر نت)


شوي يضغط الرقم جاري الاتصال رن مرة مرتين
في هاللحظة رن جوال جمانة رقم غريب ضغطت وردت ويدها ترتجف

ماجد:الو السلام عليكم

جمانة:بخوف اول مرة تكلم رجال غريب بس لازم لازم
بصوتها الناعم وعليكم السلام

ماجد:كيفك جمانة؟

جمانة: الحمدلله

ماجد:انا آسف جمانة أدري غلط اني أكلمك بس لازم اتكلم معك بخصوص الزواج

جمانة:هنا جمانة تشجعت شوي وقالت حتى انا بعد ابي أكلمك بخصوصه
بها اللحظة ماجد وهي حسوا براحة لان كل واحد فيهم راح يتقبل كلام الثاني

ماجد: جمانة ليه وافقتي على هالزواج

جمانة:لسبب أقوى مني ومنك لا تتوقع ياماجد اني نسيت سعودأنا مانسيته ياماجد ولا راح أنساة مات ومات قلبي معه اناأعرف بحبك للعنود وعشقك لها وانك تستنى تتخرج وتخطبها وتتزوجها بس
انت ياماجد وافقت ولا تكلمت وقلت ابي العنود ليه يا ماجد ليه ليه ما رفضت ليه تعذب نفسك

ماجد: ماقدرت ياجمانة أقول لابوي لا وأزعلهم مني وأفرق بينه وبين عمي ما أقدر

جمانة:أنا مثلك بعد ماأقدر ازعلهم

ماجد:انا عندي حل غير الغاء الزواج

جمانة:وش هو (بنفسها قول وريحني)
ماجد:راح نتزوج بس بدون أني أشوفك راح آخذك الخميس بالليل على المطار وراح نسافر للشرقيةراح ادير شركة نواف وهو بيجلس هنا شهرين اتفقت أنا وياه بحجةانه يرتاح و اني أناأحب الشرقية وحور تحب البحر وبقضي شهرين فيها نجلس بفلتنا مدة هالشهرين ابيك تتحجبين عني وكأني ماجد على حياة سعود لك وحور غرفة ولي غرفة لحالي واللي خلقني اني ماأظلمك ولاأهينك لك الكرامة لحد مايرجع سلطان ونورة ثم ندر حجة وننفصل

جمانة:اللي حست براحة اناموافقة ياماجد ولك علي أنفذ اللي طلبته بس حور مابيها تضيع بينا

ماجد:لاتخافين حور بعيوني ولا راح أظلمها بعد
عندك شي تبين تقوليه
جمانة: لا

ماجد:فمان الله
قفلوا من بعض وكل واحد حس براحة عجيبة

بس ياترى وش راح يصير ؟
تابعوني بالبارت القادم

الفل للحلوين 16-04-2012 11:50 AM

رد: ماتقبلت الفراق فالحالتين وما ليدي فيه حيله / بقلمي
 
:graaam (220)::ويييييييييييييييينكم ي آل غرام ولا رد بعد البارت الثاني يشجع الواحد ليكتب
ويكمل :graaam (69):

سيدة سن توب . 16-04-2012 03:30 PM

رد: ماتقبلت الفراق فالحالتين وما ليدي فيه حيله / بقلمي
 
الرواااايه بدااايتهااا مررره حلوووه اتمنى تكملينهااا^ـ^

الفل للحلوين 17-04-2012 03:14 PM

رد: ماتقبلت الفراق فالحالتين وما ليدي فيه حيله / بقلمي
 
مساااااااااااااااااء الخير اليكم البارت الثالث

البارت الثالث


من سكرت من ماجد وهي حاسة براحة كبيرة (ألحين أنا مرتاحة يعني ماراح يشوفني أبد يااااااه الحمد لله نفس اللي كنت راح أطلبه منه واللي ريحني أكثر أنه شهرين مدة ماهي طويلة


نرجع لماجد(ياااااااه الحمد لله وش كثر مرتاح ريحتني أنها تقبلت اللي طلبته منها الحمد لله ياااه يالعنود شهرين بس وأخطبك )


(ماتدرون وش بيصير لكم فها الشهرين)


اليوم الاثنين موعد وصول نواف وساره وعيالهم استقبلهم سلطان وماجد


وصلوهم عشان يرتاحون لبيت أبو سعود اللي الكل فرحان بجيتهم


وطلع ماجد وسلطان لسوق يقضون نواقص


نرجع لبيت ابو سلطان حور كانت مبسوطة بالحيل عشان عيال خالتها وعمها راح يجون لهم الليلة لان ابو سلطان حاط عشاء لهم

اما ام سلطان من درت بالعشا وهي بالمطبخ هي وجمانة مع ان ابوسلطان ما قصر حاط طباخة وشغالتين بس هي اللي تطبخ وجمانة صايرة مثلها

ام سلطان :جمانة يمه

جمانة: سمي يايمة وش بغيتي

ام سلطان:بخرتي المجالس والملاحق

جمانة: ايه

جمانة: يمه السواق جاب أغراض الحلى

ام سلطان: ايه وحطتهم الشغالة بالثلاجة

الا ريم عند الباب تناظرهم واللفافت بشعرها وقالت:وش حلاه وش له الشقا؟



جمانة: لا شقا ولا شي تعالي ساعديني بدال وقفتك

ريم: آسفة حبيبتي واللي وراك وش تسوي (تقصد الطباخة)

ام سلطان: أقول ريم تعلمي منها بسم الله عليها بأضيع من بعدك ياجمانة

جمانة: لا يالغالية انا كذا بكنسل هالزواج

ام سلطان: لا يابنيتي وهي تضحك (وهي بنفسها تقول الا بفقدك الحمد الله الي فك عقدتك الله يهنيك ويوفقك ويسخر لك ماجد)


ريم :أقول جوجو وش بتسوين؟

جمانة: تشيز كيك

ريم: وااااو من زمان عنه ومن يدك شي ثاني الا سارة متى بتجي ؟

ام سلطان : أكيد مع عمانها بالليل

ريم:ياني مشتاقة لها ولعيالها

ابتسمت جمانة: كلنا مشتاقين لهم الا ريم تعالي شوفي كيف ازين التشيز كيك

عشان لما أروح عنكم (وبنفسها بس راجعه لكم بعد شهرين) تعملينه

ريم: لا حبيبتي وهي تبتسم لما اشتهيه ابدق عليك وزينيه وارسليه

الكل ضحك

نرجع خلصت جمانة وطلعت لجناحها مع حور والبست ونزلت الا بجيت عمانها سلمت عليهم الكل كان مبسوط بمجيء سارة ونواف وزواج ماجد وسلطان

بمجلس الرجال الكل مبسوط لاكن ماجد يظهر الفرح وجواه حزن كبير

العم: ماجد ماجد

صحا ماجد من هواجيسه: سم

العم: وينك من زمان وأنا أنادي

سلطان : اللي مااااااااااااخذ عقلك ويغمز

الكل: ههههههههههههههههههههه

ماجد: لا أبد مافيه شي

التفت ماجد على سلطان وقال له: طيب ياسلطان اوريك

ماجد يكلم ابوه: ابوي اجل زواج سلطان

سلطان: طير عيونه وفتح فمه متفاجئ وش هو

الكل:هههههههههههههههههههههه

نواف اللي ميت ضحك : بسم الله عليك وش بلاك لا تنجلط علينا

سلطان: لا الا ذي ياعم

ماجد:ههههههههههههههههه ميت من الضحك شفت ياسليطين ترى أقدر امنع الزواج

سلطان :حرام عليك مجود

ماجد: احين مجود اخس بعد تدلعني توك قايل مويجد

سلطان: انا اقدر ازعل حبيب قلبي مجود

ماجد: عن اللواقة والتميلح (وهو يضحك) باسحب كلامي خلاص

هدوء بالمجلس التفتوا (التفتوا ماجد وسلطان) الا الكل يناظرهم ههههههههههههههههههههههههههه

الكل: الله يخليكم لبعض ولا يفرقكم

ابو سلطان يسأل ماجد:متى تبي تملك؟

ماجد: بحزن داخلي:( ان شاء الله الخميس المغرب وباخذها ونسافر الشرقية بنفس اليوم )

العم: ماودك تبكر بالملكة

ماجد: لا نملك من هنا ونطلع جميع للقاعة عشان زواج سلطان (ترى كل هذا عشان مايشوف جمانة)

العم ابو سلطان : على بركة الله

ابو سلطان : الا يا اخوي ماكلمت العمة ام خالد بتجي

(ماجد انصفق وجههه وبنفسه راح يخرب كل اللي خططنا له ياجمانة)

ابو سعود: ايه بس اعتذرت تقول بتجي عقب شهر

(هنا ماجد ارتاااااااااااااااااااااح)


العمة ام خااااااااااااااالد ماتطرقت لها بالبداية هي ام ام سلطان وجدة جمانة وعمة ابو سعود وابو سلطان (اخت ابوهم) ساكنه بمزرعة بالقصيم مع حفيدها من ولد ضرتها (عبدالله) الله منعم عليهم مثل مستوى عائلة ابوسلطان وابو سعود

نرجع للحريم الكل مجتمع يسولف وجمانة وريم يصبون القهوة

واقفة جمانة تصب لنورة قهوة وتقول لها: زين جيتي توقعت ماتجين؟
والا الشوق ذابحك لسلطان؟

نورة: جمانة اسكتي لاحد يسمعك هذا سبب والسبب الثاني جايه اشوفك قبل ما أسافر وتسافرين ووش بتسوين مع ماجد بتقولين له؟والا أقوله وتغمز؟

جمانة: انت صاحية لاحد يسمعك بس لا بالله لا حيا ولا مستحا حرارتك مرتفعة أكيد ضرب فيوزك من شوقك لسلطان

نورة: عن الغلط

جمانة :قومي معي قومي نرتب السفرة قومي ومسكتها مع يدها وطلعو

جمانة: يمه عن اذنكم بنرتب السفرة

ام سلطان وام سعود مبسوطين لآخر حد العلاقة اللي بينهم قوية جدا

كانهم خوات اسرارهم عند بعض لا تستغربن علاقة ام سلطان معها اقوى من اختها العنود


وسارة وريم بجهه والاطفال بالحديقة يلعبون مع المربيات


نرجع لنورة وجمانة في غرفة التقليط يفرشون السفر(لا تستغربون صح تجار بس ما غيرهم الغنى والثروة عن الاحتفاظ بعاداتهم وتقاليدهم)

يفرشون السفر ويرتبون

جمانة لنورة :الموضوع أمانة يانورة مايطلع لحد

نورة: انت صدقتي اقوله مابعد فصخت الحيا بس وش راح تقولين له بعدين؟

جمانة: ما أدري يانورة ما أدري بس اللي يعرف انا وانت واتوقع نواف يعرف بحالة سعود الله يرحمه

نورة: كل هذا حب لسعود أجل بعذرك يوم تاخذيني معك مرافقة وتوقعين على العملية وترفضين التنظيف معها مع ان الدكتورة حذرتك من النزيف

جمانة: ايه ياشينها من أيام

نورة:جوجو تذكرين يوم يجيك نزيف بعد العملية ورفضتي التنظيف ياني بكيت عليك بكي قلت بتموت بس ربي ستر

جمانة: ياليتني مت يانورة ياليته ولا فقدت سعود

نورة: جوجو خلاص فكري باللي جاي حياتك مع ماجد

جمانة: نورة واللي يسلمك خلاص بس امانة يانورة لا تقولين لسلطان شي

نورة: أكيد

خلصوا من ترتيب السفرة وجهزو كل شئ وتعشوا الرجاجيل والحريم

وبعد العشا جلست سارة مع جمانة وقعدو يسولفون

جمانة: سارة وش فيك احس فيك شئ ؟

سارة: متضايقة احس ان نواف فيه شئ احس ماعاد يحبني زي اول وقته كله برى

واحيانا صرنا نتهاوش بس زادت من كم يوم تعبت بالحيل اخاف يتزوج

جمانة: وش هالكلام وليه كل هالوساوس شوفي كل الازواج كذايمرون بهالمرحلة اللي هي فتور بالمشاعر وبعد تلقينه عنده شي يفكر فيه وشاغلة بالعمل ولا يبي يقولك
لا تفكرين عدم ثقة لا مايبي يشغلك ويمكن يفكر انه مايهمك بعدين انت بعد اكيد لهيتي عنه بالعيال ترى الرجال زي الطفل الصغير يحتاج حنان وحب

(ياويل حالي عليك ياماجد عز الله بتذوب في هواها )

شوفي انت محتاجة للتجديد في حياتك وانسب حل لك

تبتعدي فتر عن نواف واقعدي عند اهلي ولا تشوفيه مدة اسبوع واطلبي منه هالشئ عشان تشتاقون لبعض ولازم تغيرين لوك جديد وتسوين له ليالي رومانسية
ادخلي للمنتديات وشوفي لا تقعدين كذا تندبين حظك لازم تنعشين الحب بين فترة وفترة انا طالعة بكرة للسوق باخذ بعض الاغراض تعرفين نواقص واطلعي معي

سارة :ان شاء الله مشكورة ياجمانة احس حمل وطاح الله يريحك
بس تتوقعين نواف يرجع زي اول ؟

جمانة: أكيد وقولي جمانة ماقالت(عز الله رحت فيها يا نواف )

سارة: الا على فكرة تراي نظفت الفلة وملينا لكم المطبخ من كل شئ وحطيت لك بالغرفة اللي بتنوم فيها حور شنطة وغمزت لها بس هاه لاينجلط ماجد ادري الوقت ضيق ولا راح يمديك تجهزي بسرعة

جمانة:مشكورة سارونة وعدنا بكرة

سارة:ان شاء الله

العمان بعد ماخلصوا سهرة راحولبيتهم

باليوم الثاني طلعوا للسوق جمانة وسارة وشرت لاختها كل شئ

وهبلت فيها سارة يالله اقنعتها تشتري بعض الاشياء

اما جمانة: فشرت لها جلابيات كثيره وفساتين ناعمة

وعطورات وبخور واغراض لحور

في محل النظارات والعدسات

جمانة: لوسمحت ممكن عدسات تجميلية بلون (أزرق وعسلي واخضر ورصاصي)

سارة: وش له

جمانة: لك لزوم التجديد

بعد ماجهزها البائع ودفعو السعر

قالت جمانة لسارة: ممكن تروحي تشتري لنا من السينابون

سارة :راحت تشتري

اما جمانة رجعت وشرت لها كمية من العدسات البني الغامق المائل للسواد تكفي شهرين (وش وراك ياجمانة ماتبين ماجد يشوف العيون الذباحة الرصاصي)

طلعت الا سارة توها تجي

جمانة لسارة: خلصتي

سارة: ايوه

ودقوا على السائق وطلعوا من السوق



اليوم الاربعاء بالليل الساعة وحدة :جمانة تجهز اغراضها واغراض حور بالشناط

ونورة ماقدرت تنام تهوجس

اليوم الخميس الظهر : الكل مشغول سلطان وماجد بمركز كبير تنظيف بشرة وسونا (ياعيني عليهم معاريس)

نورة الكوافير عندها تتمنى جمانة عندها بس تعرف بظروفها وكيف رفضت تكون بالقاعة
اما ام سلطانو بناتها بعد عندهم وحده تزينهم

قبل المغرب بشوي خلصو حتى حور بعد زينوها باقي جمانة اللي مابعد سوت شئ قالت لامها: يمه تكفين بزين نفسي لا تجي

حلفت عليها امها الا تتزين ام سلطان: يامه لازم تتزينين الليلة ليلة عرسك لازم

بعد حلف امها دخلت الكوافيره اللي من شافتها قالت: بسم الله مشا الله يخزي العين شو هيدا الجمال الرباني ماشا الله

ام سلطان: قولي ماشاء الله

سوت لجمانة مكياج خفيف وتسريحة ناعمة ولبست فستان ناعم

بعد المغرب الكل مجتمع بمجلس الرجال وريحة العود منتشرة واختلطت بريحة عطورهم سلطان وماجد كل واحد بالعباية البيج
الشهود سلطان ونواف عطو ماجد يوقع آآآآآه بس لاتوقع ياماجد واللي يصير يصير شاف ابوه وعمه مبسوطين وفرحانين وشاف سلطان اللي الارض موب سايعته وشاف حور اللي بفستانها الابيض والفرحة بعيونها ياااه ياحور وش هالفرحة بعيونك ابوي عمي مافرق بينكم ولا امزق علاقة اخوتكم وصداقتهم وقع ياماجدوقع

وقع ماجد







اخذ سلطان الدفتر ورقى لغرفة جمانة اللي الكل مجتمع عندها دخل وشافها

سلطان : ماشاء الله تبارك الله

ابتسمت جمانة له ورفعت عيونها وشافت الدفتر بين يديه

ما اصعب ان تشتاق الى شخص وهو تحت الثرى...

مــا اصعب أن تبتسم ودموعك على وجهك كالانهمار

مــا اصعب أن تضحك وداخلك جرح يصرخ

مــا اصعب أن تحب شخص لا يعلم بحبك (حالك ياماجد)


مــااصعب أن تحب شخص ذهب ولن يعودابدا

مــا اصعب أن تحـاول نسيان من أخذ قلبك ورحل

مــا اصعب أن تندم وقد فات الأوان( حال ماجدوجمانة)

مــا اصعب أن تبني الأمل المجهول وتبحث عن عذر لما انت فيه(خوف كل من ماجد وجمانه على ابيه وخوفهم على طفلة محتاجة لاب)

مــا اصعب أن يقســى عليـك القدر

مــا اصعب أن تحب شخص ويأتي القدر بكل سهوله ويفرق بينكم (حالك جمانة)

مــا اصعب أن ترى كل أحلامك تتحطم أمام عينك (حالك ياماجد)

مــا اصعب أن تفقد شخص كـان هو كلأحلامك

مــا اصعب أن تتمنـى المــوت من شدة ماتحس به من ألم

مــا اصعب أن يجبرك الزمن علـى شيء لم تكن تتصور فعلــه في حياتك(زواجكم جمانة وماجد)



ودها تقول له خلاص ما أبي اوقع مابي خذ ياعمي حور واحرمني منها بس ابوي لا لا ياجمانة تقدرين تحملين فراق حور بس أبوي ينكسر مني ومن عمي لا لا لا لا شافت امها فرحانة وريم وسارة وحور والفرحة بعيونها صدقتي يانورة صدقتي حور محتاجة ابو

اخذت الدفتر ووقعت الكل فرحان ويبارك آآآآآآآآآه ماتدرون فرحتكم سكين تغرزونها بقلبي

حور: ألف مبلوك ياماما

جمانة تضم بنتها : الله يبارك فيك ياروح ماما (ودها تصرخ اطلعوا برى خلوني ابكي خلوني فرحتكم انزفت قلبي خلوني الملم احزاني واتأقلم مع واقعي خلوني)


نزل سلطان وبارك لماجد وقال: الف مبروك ياعريس

هنا ماجد حالة مثل جمانة بس وش يسوي دفن الحزن وابتسم:الله يبارك فيك

الكل بارك له عمه وابوه

دخل ابو سلطان وعمها يباركون لها قامت وحبت روسهم وباركو لها

وطلع ابو سلطان يجيب عباته

ابوسعود: مبروك ياجمانة

جمانة:الله يبارك فيك

ابو سعود: شايلة علي وأنا عمك( وش شايلة عليك الا بغيت تموتها بتهديدك الله يهديك بس) هنا رقت عينه بدمع (وش بعدة ) سامحيني

رفعت جمانة وشافت عمها ودمعته :لا ياغالي الا دموعك يشهد علي ربي ماشلت عليك وادري ماتختار الا اللي في مصلحتي (كأنك دارية)

ابو سعود: الله يكملك بعقلك

الا ابو سلطان: هاه اخوي نمشي

ابو سعود:يالله

طلع ابوها وعمها انهارت ماعاد تقدر تتحمل وينك ياسعود وينك


الكل راح للقاعة كان حفل مختصر عشان الملكة كانت كبيرة والسفرة جات بسرعة


دخلوا سلطان على نورة
نترككم مع سلطان: يااااااه واخيرا يانورة بدخل عليك واخذك ياااه أنا الحين ادخل وأشوفها جالسة بفستانها الابيض ياااه حورية احبها


امانورة: من قالوا لي بيدخل قلبي قام يرقع شفته ياحلوك والا بها البشت طالع شي وينك ياجوجو رفضت تحضرين اكيد انت ومويجد وراكم شي يووه بس خلوني اتمقل في حبيبي يويل حالي قرب ويرفع طرحتي ويطبع قبله على جبهتي ياويلي استحيت لا وعند ابوي وعمي واخواني وجهي قلب الوان

نشوف سلطان: ياحليلها وحياها وملحها يااااااااااناس احبها ودي أدخلها بقلبي


سلطان:مبروك واخيرا مابغينا

نورة :الله يبارك فيك

وصورو مع الاهل ومع بعض وطلعوا للفندق ووصلهم نواف

وطلع ماجد مع ابوسلطان وسارة وحور لجمانة واللي تعمد يأخر انه ياخذها يتحجج بتأخرهم عن الرحلةبس عشان تطلع ولا يشوفهاوهي اللي من درت وهي لابسة عباتها ومجهزة( عشان مايشوفها)

وقفوا عند البيت وطلعت لها سارة وقالت:يالله ياجمانة جاهزة ماجد بالسيارة ويقول بسرعة بتفوتكم الرحلة مايقدر يدخل والله عليه طلعات(قومك ماتدرين وش بينهم)

جمانة اللي قلبها يرقع وحالتها حالة: يالله

سلمت على ابوها وهو يدعو لها بالتوفيق

نرجع لجمانة:طلعت برى وانا متغطية حتى عيوني واحس قلبي يطبل ونفسي مكتوم شفت البنتلي واقفة والشغالة تركب الاغراض لمحت ماجد من بعيد مجلس حور فوق السيارةويسلفون ويضحكون ياااااه فيه من سعود كثير تذكرت سعود ياناس لا لا تبكين خليك قوية

وفتح لي ابوي الباب اللي قدام وهنا كأن احد كب علي ماء بارد الا ثلج ودي ارجع البيت بس ما أقدر وركبت

ركب حور ورى ثم ركب وسلم ويالله رديت السلام أحس مخنوقه بس وش أسوي

ماجد:السلام عليكم

جمانة: وعليكم السلام

ماجد:مبروك

انا هنا خلاص نفس صوت سعود يااااه ياسعود رديت:الله يبارك فيك

وتركت الدموع تسيل من عيوني

نرجع لماجد لما طلعت جمانة لمحتها من العباية لا تقولون تمقلت فيها بس والله لمحه ماشاء الله محتشمة ماشفت منها شى حتى ريحة العطر ماشميته ماشاء الله والا صوتها وهي ترد ماأدري هو ببكا والا حيا وخوف والا الاثنين

( الا تمقلت ما ألومك(أجل لو شايفها وش بتسوي) بس وش نسوي بالظروف يمكن لو ما قليبك متعلق بال عنود كان ماصار هذا حالكم بس اللي كاتبه ربي يصير )

ونترك ماجد غرقان بالافكار توديه وتجيبه

اما حور انا بأد حلوني اتكلم اليوم بث احث فلحانة ذواد أمو وماما

ي ثلااااام لو أقدل اذغلط ذي دتو كان ذغلطت (ههههههه يا حليلك بس)

وصلوا للمطار وحدهم وصلوا وهم ينادون على الرحلة وركبو الطيارة ماجد وحور ثم جمانة الصمت يعم بين جمانة وماجد اللين وصلوا

نزلو من السيارة للفله الدبلكس حقت اهله اذا سافروا للشرقية دخلوا وماكان بينهم اي كلام الا
ماجد: ام حور
ام حور: نعم
ماجد: غرفتك انتي وحور اللي تواجهك على طول

طلعت هي وحور ودخلت الغرفة والحمد لله حتى الحمام داخل (زين داخل)
وتروشت ونامت هي وحور بعد ماقفلت الباب

اما ماجد فدخل وتروش ونام

بس وش بيصير بينهم ؟

وسلطان ونورة؟

وسارة ونواف؟

والعمة ام خالد وش سبب زيارتها؟

تابعوني بالبارت الجاي مساء الخميس باذن الله

الفل للحلوين 20-04-2012 12:29 AM

رد: ماتقبلت الفراق فالحالتين وما ليدي فيه حيله / بقلمي
 
البارت الرابع

وصلهم نواف للشيراتون ووصلو الجناح وادخلو

سلطان :يااااه وأخيرا يا حبيبتي

هنا نورة وجهها الوان من الحيا

دخلت للغرفة وسلطان يراقبها بحب واخذت لها دش ولبست لها قميص فخم مرة

من بعد ماخلصت نادها سلطان :نواري حبيبتي

نورة واكتسحها الخجل:نعم

سلطان:العشا

جات بخجل ولما شافها انهبل وخق عليها ونعومتها (خلاص عاد هيه سلطان كلتها)

سلطان قال لها:وش هالحيا انا الحين زوجك تعالي حبيبتي جنبي (الله عليك (وش الحيا) ماأدري وش تبون لوما استحت قلتو قليلة ادب عليكم طلعات)

المهم تعشوا ولما خلصوا قامت تغسل وطلعت الا سلطان وراها وهمس باذنها احبك هنا نورة خلاص ماتت حيا

(عيب عليكم مشفر ههههههههههههههههههه)


نرجع لسارة ونواف

تطبق اللي قالت لها اياه جمانة

شافها بالغرفة عند نورة بالقاعة وخق عليها
وضاق صدرة لانها طلبت تقعد عند اهلها اسبوع بحجة ان ماتبي البيت يفضى عليهم بعد جمانة(والله لقيتي لك عذر سارة)

وراح تبدأ بالتغيير وانعاش الحب (قدها يا سواري )



اليوم الثاني:

جمانة: قمت الصبح بدري ولبست لي جلابيه ولبست العدسات الغامقة والمصيبة عيوني صارت أحلى(ماشااااااااء اللة بدونها حلوة )
وتنقبت زي ماتفقنا ولبست لي شيلة طويلة و نزلت تحت

شفت البيت نظيف اشوى رحت المطبخ وزينت القهوة والشاهي
وفطور بان كيك وعصير اسهل واسرع تعرفون جمعة واكيد بيصحى بدري
فعلا ما أمداني أخلص والف الا ماجد عند باب المطبخ ياني تخرعت وأكيد بان علي

لابس بجامة ومتركي على الباب ومتكتف ويناظرني انا استحيت وقال ماجد لي : وش مقومك

يوووووووووه نزلت عيوني وقلت: اجهز الفطور

قال لي ماجد :ليش تعبين نفسك ابجيب من برى(بتحرم الاكل من برى لما تذوق طبخها ) وانشاء الله اجيب لك طباخة وشغالة

نزلت عيوني ويالله قلت: لا مابي طباخة ولا شغالة مايحتاج (كفو جوجو قدها )

نا ظرني وابتسم ياااه على شكله جنان لاتقولون وش لون انا مادري وشلون شفته (صدقتي يا نواري خقت هههههههه )

قال لي وش مسوية:

جاوبته وقلت :بان كيك


ثم سألتة: معه كابتشينو والا عصير فرش؟


قال :وش تفضلين؟

قلت وانا ماعاد اتحمل الحيا ذبحني قلت: افضل عصير

سألته :وين تبي تفطر؟

عدل وقفته والابتسامة مافارقته وقال: كيف يعني وين ؟

انا خلاص بغا يغمى علي :بالطاولة اللي برى والا بالطاولة هنا؟


ماجد:على طاولة اللي بالصالة

ابيه يروح ابجهزه احس نفسي انكتم من الحيا قلت له :ثواني ويكون جاهز
وراح اشوى اوووووووووه بس وجهزت له الفطور رحت ابلغه لقيته عند التلفزيون ما عرفت وشلون اناديه كل ماجيت بنادي عليه مايطلع صوتي يااااالله قدرت اقول ما ماااجد ومتى طلعت الفطور جاهز


ورحت للمطبخ أنظفه واجهز القهوة والشاي بالصواني واروح اصحي حور

نروح لماجد

ماجد: طلعت من الغرفة الا ريحة القهوة واصلة فوق نزلت ورحت للمطبخ وشفتها تجهز الفطور ويوم التفتت وشافتني شكلها ارتاعت بسم الله عليها تركيت على الباب وسالتها وتعمدت اطول معها يوم شفت خجلها حتى عيونها مارفعتها لي الا مرة انسحرت من عيونها ياويل قلبي تذبح حسيت بشعور بقلبي ماادري وش هو بس يمكن اوصفه رعشة خفيفة (هههههههه والله وطحت ) حتى نسيت اقول لها افطري معي
بس كيف عرفت باني احب البان كيك مع العصير الا أعشقه
واو من زمان عنه جيت ولما شفت ترتيب الطاولة تفتح نفس الواحد

واو على الطعم

التفت الا اشوف حور عند الدرج لابسة بجامة وردي عليها رسمات دباديب وشعرها منسدل واو على شكلها يجنن

قلت: اهلين حور

قالت: ثباح الحير أمو مدود

ما كتمت ضحكتي: ياحليلها تدلعني مدود صباح النور ياقلب عمو انت

حور :وين ماما عمو ؟

بالمطبخ حبيبتي

شوفها راحت تمشي واو عليها دبدوبة ماشاء الله ياناس احبها

خلصت فطور وما أدري وش جاني دفعني الفضول اطل عليهم بالمطبخ

بس عسى ماترتاع مني هههههههه ياحليلها رحت وشفتها تفطر مع بنتها وتسولف وتضحك معها كانت معطيه الباب ظهرها

ههههههه من قلت حور وهي متخرعة ههههههه وغطت وجهها بسرعة

التفتت حور علي وقالت: نعم امو

ياحليلها المؤدبة قلت لها :بعد الصلاة نطلع البحر

هنا حور شهقت وقالت: والللله يا ثلام البحل

قلت لها :ايه ياروح عمو تجهزي



طلعت فوق خلاص مابقى على الصلاة شي


في بيت ابو سلطان ام سلطان جالسة ومجهزة القهوةوالفطور

وتهوجس بجمانة طاقتها هواجيس جاء ابو سلطان وجلس ماحست فيه

نادهاابو سلطان: ام سلطان

ام سلطان ماهي معه تفكر

مرة ثانية :هو ام سلطااااان

التفتت وقالت :نعم

قال ابو سلطان: اللي ماخذ عقلك

ضحكت وقالت: بنتي جمانة خايفة عليها

قلت :لا تخافين عليها

ثم قالت :كلمتني امي بنفس ذاك الموضوع عن عبدالله وريم

وتقول ماعاد لها عذر

وتقول شوريهم وردي علي

ابو سلطان: الولد ماينعاف رجال حتى لو طلق ويكفي عارفينه

ام سلطان:ادري وماهي لاقيه زية لا وقالت لي سبب طلاقه

ان اللي خذها عايفتها ولا تبيها وخيرته بينها وبين امي واختار امي تدري ماقالها الا بعد ماحلفت عليه

ابو سلطان: لا حول ولا قوة الا بالله انا اشهد انه رجال الام ماعنها والزوجة بدالها واجد

ام سلطان :صدقت يالغالي يعني اشاورها

ابو سلطان :ايه يالغالية

ام سلطان وهي تصب قهوة وتمدها لابو سلطان:اخاف ترفض

ابوسلطان: لا ريم عاقلة واذا عرفت السبب ماراح ترفضه






نرجع لجمانة بعد ما طلع من عندي شفت الساعة وجهزت له البخور انا احب ابخر ابوي وسلطان قبل مايروحون الجمعة حتى سعود

ماجد طلع فوق وتروش ولبس ثوب وشماغ ونزل

ياااااااااه لقيتها واقفة بالعود تستناني

وقالت: تطيب آسفة ماأعرف وين غرفتك بالضبط عشان اجيبه لك

ماجد:اول وحده يمين وتبخرت

وقبل ما اطلع نادتني سعووووووووود:أنا التفت عليها

وطاحت عيني على عيونها بس نزلتها بسرعة و آآآآآآه من عيونها
عيناها عينا المها ولرموشـــهــــا السود سحر
ٌ يا ربي ما أدري مالخبر
هي تلك العيون بحـــــر مـــــــــــن الجمال مــــا أجمل المنــــظــر
لا أستطيع إطالة النظر فالعقل يســبــح فـــي الفــضـــاء بـمـجـرد النظر
أقف أمامها وكــــأنــي لست أمامها فجمالها يخطف العقل بلمح البصر


الا قالت:آآآآآآسفة ماكان قصدي نسيت

قلت بغيتي شي:
قالت: فيها شي لو رتبت اغراضك اللي بالغرفة

قلت لها: لا

ماجد(لما شفتها واقفة بالعود تستناني ما ادري وش جاني ما ادري


بس اللي فاجأني انها نادتني بسعود عشان تستأذني تنظف الغرفة
يااه لهالدرجة متعلقة به قالي سلطان بس ماصدقت( سعود مع انه مات بس عايش بقلبها الله) الله يرحمك يوووووه وش له اشغل بالي وينك بس ياعنودتي
سأبقى بالأمل أنتظرك لنستعيد أجمل ذكريات طفولتنا على دفتر الزمااان نقشناها
(توك ماجد توك )


نرجع جمانة:(يااااه ياسعود
ذكرياتك قابعة ً في كياني
برغم الايام لم أفقد قطرة ً من حناني
أحس بحبك يعتريني ويتدفق بشراييني
لم يزل حبك النابض بي يحييني
يقولووون بالبعاد يخف الشووووق
تجف ينابيع الحب وشرايين القلب
تنتهي الآلآم الأحلااام وحتى معاناة الحب
لا ليس صحيح فما زلت أحبك
كذب من قال الحب ينساه البعيد
فما زااااااااال حبك في تجدد

لما جاء بيطلع تذكرت استاذنه انظف غرفته اخاف يتضايق لما انظفها بس ناديته سعود من غير قصد والله بس هو ذكرني به والله

اصحي ياجمانة هذا مو سعود مااجد آآآآآآآآآآآآه بس ياسعود ونزلت دموعها ممزوجة بالحنين والشوق لحبيب فارقهاومن ألم واقع انفرض عليها وتحتم عليها ان تعايشه


صحت من أفكارها على بنتها وهي تمسح دموعها بيدينها الصغيرة وتقول لها : ماما ليه تثيحين؟

قالت لها جمانة:مافيه شي بس اشتقت لامي

حبت حور ومسحت على شعرها وقامت

نظفت غرفته على السريع وكوت ملابسه ورتيتها بالدولاب وبخرت البيت وسوت الغداء


ولبست حور لانها بتطلع البحر ثم راحت تاخذ شور وصلت وجلست تقرأ سورة الكهف

ماجد تعمدت اتأخر بعد الصلاة (دخلت البيت وريحته جنان بخور روعة طليت بالمطبخ مالقيتها ماأدري وش جاني ادورها رحت للصالة لقيت القهوة والشاهي وحور عند التلفزيون دريت انها فوق طلعت ببدل عشان اخذ فنجال قهوة واطلع حور للبحر طلعت ودخلت غرفتي لقيتها مرتبه فتحت الدولاب ولقيته مرتب حتى الثياب والاشمغة مكوية ويوم جيت بلبس البدلة واو ريحتها جنان مبخره ومعطرة ماشاء الله عليك ياجمانة طلعت من الغرفة لقيتها توها تطلع من غرفتها

قلت :مشكورة تعبتي نفسك

قالت وهي منزلة عيونها: لا تعب ولا شي هذا واجبي

قلت لها: تجهزي بنطلع البحر

قالت : مرة ثانية

قلت: براحتك ماحبيت اضغط عليها

قالت: ماتتغدون قبل؟

قلت :لما ارجع


لوهي عنود كان غصبتها


نزلت واخذت فنجال قهوة واو حتى قهوتها غير (وش بلا ك مجووود؟)

طلعت انا وحور


وقالت: متى نوثل امو

يا حلو عمو في فمها

شوفيه حبيبتي
حور :ياثلاااام حلوالبحل حلو

طيب حور حبيبتي ماما تحب البحر: ايه امو مله تحبه

ماجد بنفسه:غريبةماطلعت (والله وبدت تشغل تفكيرك)

جلست معها على البحر وشريت لها العاب البحر وانبسطت كثير

صلينا العصر ورجعنا البيت وطلبت تحط الغدا حطته لي واو ماشاء الله جنان طعمه
( انتبه ماجد ترى الطريق الى قلب الرجل معدته والله بتطيح ماجد)

بعد الغدا جلست بغرفتي على النت ثم طلعت ولا رجعت الا متأخر 11)


اما انا بعد ما طلع مر الوقت تعشيت انا وحور نظفت وخلصت وطلعت انام طبعا مرهقه ولازم اقوم الفجر واجهز له فطور

دخلت البيت لقيت ريحته ماشاء الله ودخلت مافيه احد هدوء طلعت لغرفتي وبدلت ونمت


نررررررروح للعشاق سلطان ونورة بعد ماوصلو سكنو بشقة

على اساس الصباح يروح للدورة اصلا مدتها 3ساعات باليوم وباقي اليوم تمشية (ههه ياحليك يا سلطان بس )



اما نواف الشوق دب فيه لسارة وهي بعد يالله ماباقي لك الا5 ايام

(لا تضعفين سارونة)


نرجع لجمانة: دق المنبه الفجر طلعت وتوضيت وصليت يارب اقومه والا هو بيقوم لا باقومه

رحت وضربت الباب بهدووء
شوي


الا سمعت ماجد :نعم

جمانة:قوم صلاة الفجر

ماجد: ان شاء الله

صليت جلست اقرا قرآن الين اشرقت الشمس وصليت الشروق ونزلت تحت اعمله الفطور اكيد اول يوم دوام لازم بيبكر

سويت بيض اوملت وعصير وجهزت على الطاولة الا بنزلته

قال ماجد:ليه متعبة نفسك افطر بالدوام

قلت:هذا واجبي

جلس يفطر وانا رحت المطبخ باجهز له كوفي يشربه على الطريق تعودت كذا مع سعود وسلطان وفعلا ماامداني
اخلص الا هو بيطلع لحقته وناديته سعووود سعود التفت لي

وقال ماجد:نعم

قلت الكوفي:
اخذه وابتسم وقال :شكرا

قلت: انا اسفة مو عن قصد

قال لي : لا تتاسفين وهو يبتسم أدري وش كثر تعشقين سعود وهو عايش بقلبك وماتقدرين تنسينه

وطلع وانا ماني مصدقة كلماته ترن بقلبي ( لا تتاسفين أدري وش كثر تعشقين سعود وهو عايش بقلبك وماتقدرين تنسينه) يحس فيني

بكيت وبكيت وانا اقول يارب عدي هالشهرين على خير يارب


ماجد صحتني للفجر وصحيت ثم صليت ونمت قمت باروح الدوام نزلت لقيتها مجهزة لي الفطور لا وبالأكل اللي أحبه و وتو باطلع الا لحقتني بالكوفي بس كانت تناديني سعود مرتين ياااه لها الدرجة تعشقه اخذت الكوفي منها وطاحت عيني على عيونها ومن قريب
ارتعش قلبي ورديت عليها وطلعت

مرت 4الايام وهذي حالهم وجمانة تفطره الصبح قبل يطلع للدوام و يرجع يتغدا ثم ينام ويرجع للدوام ومايجي الا بالليل متأخر
(هههههههه ترى
يبي يهرب ولا يحتك بها كثير )


اليوم الاربعاء نفس الروتين بس نسيت لي ملف مهم وجيت بعد المغرب وانا داخل لقيت حور تلعب بالحديقة بألعاب الاطفال وجمانة:فارشه على الثيل وجالسة با لقهوة والشاي والحلا(تشيز كيك)وفطائر ومكسرات

شافتني حور:امو تأآل

رحت الا جاتني تركض وضمتني وقالت: اثتقت لك

التفت ابي اشوفها ما ادري وش جاني عليها الا هي تطالعنا

وقالت بحيا:تفضل القهوة

قلت:مستعجل

قالت: طيب فنجال

جيت وصبت لي وقطعت لي قطعة من التشيز ومدتها لي ذقتها نفس اللي اكلتها عند عمي يوم العشا ومن غير شعور


قلت لها:انت اللي مسويتها؟

قالت: ايه

قلت :ماشاء الله لذيذة

قال :تدرين اني اموت عليه بس هذا طعمه غير لذيذ

قالت :فيها العافية

ثم سألتني :كلمت سلطان؟

قلت: لا مايرد ولما جيت بارسل بالواتس اب كاتب تحت اسمه اذا مجود لاترسل ماني فاضي عندك ام حور



قالت:حتى نورة كاتبه لي كذا

سألني: مشتاقة لها

قلت :مثل شوقك لسلطان (وبنفسي وش كثر محتاجة لها)

قال ماجد: اكيد محتاجة لها بالحيل

قلت :فوق ماتتصور نورة ماهي بنت عمي وبس هذي اختي بدونها احس اني ضايعة

قال: اذا انت كذا وش اقول انا محتاج لسلطان بالحيل واحس اني ضايع بدونه


ماجد الا ياام حور :كلمتي الاهل ترى الاهل يسلمو عليك

قلت: الله يسلمهم تو مسكرة امي مني وتسلم عليك

قال ماجد:الله يسلمها ثم قام وتوه بيمشي الا التفت علي

وقال : ام حور:

قلت: نعم

قال لي : ممكن نكون اصدقاء ادري متفاجئة بس حالتنا وحدة يا ام حور بعد سلطان عني وبعد نورة عنك وحاجتنا لهم ابيك تفكرين وردي علي


قلت:ماجد ماتحتاج تفكير




قام وقال :انا طالع عندي شغل

قلت : في حفظ الله


طلع من عندي ماجد بعد ماطلب مني نكون اصدقاء وافقت على طول حسيت محتاجة بقوة للصديق بعد سفر نورة

ماجد:
اما انا فعلا حسيت بحاجتي لسلطان بس وين لا ومن بعد الواتس اب غسلت يدي محتاج لصديق فطلبت منها نكون اصدقاء

رجعت بالليل متاخر اليوم 12 ودخلت والكل نايم

(نوااااااااف وسارة)

طبعا سارة حجزت لهم جناح بفندق وارسلت لنواف اللي طار من الفرح

البعدوالشوق ذبحه

اماهي فسوت نفسها عروس صبغت الشعر زي ماقالت لها جمانة ولبست فستان وتمكيجت وطلعت وااااو

ريم تكفلت بعيالها الليلة جلست تفكر بموضوع زواجها من عبدالله


طبعا وصل نواف وطلعت له

من غير مقدمات قال:وحشتيني حرام عليك وش سويتي فيني؟

سارة:اللي من سمعت كلامه وهي الفرحة مو سايعتها وانا اكثر

وصلوا الفندق ودخلو الجناح ولما فصخت عباتها وشافها انجن عليها

وااااو سارونة وش هالزين : احبك

هنا :ذابت سارة :وقالت اعشقك

(عيب ههههههههه مشفر)



نرجع لجمانة وماجد:

اليوم الخميس ما صحيت الا الظهر نزلت مستعجل للصلاةرجعت لقيتها بالصالة مع حور مجهزة القهوة
سلمت وردت السلام

شافتني حور:وجات تركض وحضنتني وباستني وقالت :وينك امو ليث نايم طويل اليوم ؟ ابتسمت لها وبستها

التفتت علي :وقالت احط الغداء

قلت :ايه واااااو اللي احبه واشتهيه القاها مسويته



بعد المغرب لقيتها بالحديقة كالعادة

جلست معها وبديت اسولف معها
عن نفسي ودراستي وعنا انا وسلطان ومقالبنا ولعبنا مع العنود ووش كانت تقول خالتي

حتى هي بعد سولفت علي بس ماتطرقت لحياتها مع سعود

فجأة سألتني: العنود تدري بحبك لها؟

جاوبتها:تدرين ماأدري بس يمكن


قالت : وكيف ماتدري ياماجد



قالت:تبي اتـأكد لك ؟

قلت: تقدرين؟

قالت: أقدر اكلم ريم الحين وأجيب لك العلم

قلت :تكونين سويتي فيني خير

رحت اخذت جوالي ودخلت داخل واتصلت على ريم رن مره ومرتين

ثم ردت وسولفت معها ثم توي بسألها عن العنود الا

قالت لي:؟؟؟؟؟؟؟؟؟؟؟؟؟؟؟؟؟؟

شهقت وطاح الجوال من يدي وادمعت عيوني



ياترى وش قالت ريم لجمانة وخلاها بالحالة هذي؟

وليش ماتكلمت عن سعو د؟

وهل بتوافق ريم على الزواج من عبدالله؟ وليه مصر ياخذها؟


ووين بيودي طريق الصداقة ماجد وجمانة؟


تااااااااااااااااااابعوني بالبارت الخامس

الفل للحلوين 22-04-2012 09:54 AM

رد: ماتقبلت الفراق فالحالتين وما ليدي فيه حيله / بقلمي
 
الباااااااااااااااااااااااااااااارت الخامس


طاح الجوال من يدي وشهقت وتجمعت الدموع في عيني والخبر اللي قالته يرن باذني

مادريتي: العنود تملكت على ولد عمها فارس

التفت شفته جالس ينتظرني وباين عليه الحماس واللهفة عشان يعرف

هي تحبه والا لا

لو بقوله انها تملكت وش بيصير له بيجيه شي بس انا لازم اتصرف ولا اقوله (دور الصديق جوجو همتك)



طلعت:وقلت له تقول بتجس نبضها

ماجد قال :انتي وش قلتي لها؟

قلت لريم :شوفي العنود في بالها احد لان في ناس يدورون لولدهم ودي اذكرها لهم

وقالت لي ريم: خلاص اجس لك نبضها

قال ماجد: مشكورة

قلت له :ماجد تتوقع وش شعور العنود تجاهك؟

قال: ما أدري بس يمكن تحبني

ثم سألني:انت وش تتوقعين؟

قلت:اتمنى كلامي مايضايقك بس ابيك تسمعني لين الاخر صديقتك وتهمني ابيك تفكر زين ترى يمكن تكون تحبك ويمكن لا ماجد انت بنيت حبك وعشقك على ذكرى طفولة بينكم نمت بقلبك وعلى الكلام اللي كانت تقوله خالتك ان انتو لبعض بس هالذكرى نمت بقلبها والا بقت زي ماهي ذكرى طفولة
ترى يمكن تكون تحبك ويمكن لا ادري كلامي قاسي بس فكر فيه زين ارجووووووك ماجد

لا تكون مثلي انا حبيت سعود وضحيت بنفسي عشانه ولا جا ببالي اني بفقده ابد بس فقدته ومات كل شي معه لا تكون مثلي حط هالشي في بالك ومن الحين

قال ماجد :ريم قايلة لك شي ؟

قلت له :لااااااااا ماقالت لي شئ تقول يبيلها فترة وانت عارف صعوبه الامر بس صديقتك وابي لك الخير وما ابي تمر باللي مريت به اوعدني تفكر بعقلك ثم بقلبك


ناظرني وابتسم وقال: اوعدك

طلع ماجد برى وطلع على البحر وبدا يفكر

(كلامها ضرب وتر حساس عندي انا كيف مافكرت كيف اعماني الحب وعشت على انها تحبني وانا مدري كيف فتحتي عيوني على شي ماعملت له حساب وجلس يفكر) (برافو جمانة حليتيها بحكمة)


جمانة :الحمد لله يعني لو درى ماراح ينصدم او يجيه شئ (ماتدرين وش بيجيك اذا درى)


يوووووووووه باتصل على ريم واتصلت وقالت :وينك

قلت :ابد خلص شحن الجوال (ههههههه مااسرع رقعتيها )

جمانة: ومتى تملكت ؟

قالت: امس والشبكة والعشاء نهاية الشهر

جمانة :انت وش عندك صوتك يقول فيك شي

ريم :عبدالله عود يخطبني ولا عاد عندي عذر للرفض

جمانة:ريم ترى عبدالله ماينعاف رجال وراعي طاعة ودين

ريم:بس مطلق من قبل وانا خايفة مع ان امي قالت لي السبب بس احس مترددة

جمانة:وش السبب

ريم:لانها مابغت عمتي

جمانة:بالعكس حبيبتي المفروض هذا السبب يخليك تتعلقين فيه اكثر وتوافقين لا تردينه وتخسرين بعدين استخرتي

ريم :ايه ومرتاحة

جمانة :اجل توكلي على الله وبلغي امي

ريم:ريحتيني الله يريحك ببلغها بكره

جمانة: الا تعالي سارة وش علومها سحبت علي

ريم:ههههههههههه تقول سلمي على جمانة خلاص تقول انعشت الحب ورجع زي اول واحسن وسافروا لمكة اليوم

جمانة:وانا اقول وش فيها ههههههههه الله يوفقهم ويوفقك

يالله مع السلامة

قفلت منها وانا مرتاحة بالحيل احس دخول ماجد كصديق بحياتي ريحني

التفت لقيت حور نايمة ياحبي لها وطبعا بكرة جمعة ولازم اصحى بدري



اسبوعين مرو وصداقتي مع ماجد تقوى اكثر واكثر صار يجي بعد المغرب ويتقهوى ولا عاد يطلع ابد

حتى ماسألني عن موضوع العنود!!!!

صرت افضفض له واتكلم عن سعود بكل اريحية ياااااااه احس مرتاحة بس اليوم لما اقبل علي يتقهوى معي حسيت برعشة خفيفة لما شفته احساس الصداقة يمكن والتعود (الصداقة لها رعشة جوجو)

وسولفنا وقال بكرة بيطلعنا الشاليه





ماجد اما انا فخلاص صرت احس بها الجمانة قريبة مني حيل صرنا نمزح ونضحك مع بعض تخيلو تعرف اللي بخاطري فرحان زعلان متضايق
حتى سعود صارت تتكلم عنه يااااااه صرت افهمها ياناس

جاتنا حور اللي صارت تتعلق فيني اكثر واكثر حتى انا بعد تعلقت فيها كثير (يقولوا الوالد عم مجود)


حور: امو بنلوح البحل

ياحلوهم بس قلت حور:لاتقولي عمو قولي

جمانة:ماجد لا لا لاااا بصوت باكي الله يخليك لاتقولها لا تخليها تقولها تكفى ياماجد الله يخليك (تكفى تهز رجال مجود)

التفت عليها وشفت دموعها واوجعني قلبي وهزتني دموعها ودي احضنها واخفف عنها بس مااقدر

قلت: ليه علامك ياام حور؟

قالت بصوتها الباكي:لا تخليها تقولها وهي بتفقدك قريب مابيها تتعذب لما ننفصل الله يخليك مابيها ينكسر قلبها كفاية نظرات الرحمة بعيون الناس مابيها تذوق الفراق بعدها صغيرة الله يخليك
ماجد بعدها صغيرة




رفعت عيونها الباكية وناظرتني شفت عيونها غرقانة دموع ونظرات الخوف والالم واحساس الفقد فيها خفق قلبي بشدددددددددة ماأدري ليه حسيت مخنوق

لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهدعيونك وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع

قلت : هدي الله يرضى عليك والله نسيت نسيت يكفي ام حور يكفي واللي خلقني ما أقولها لها ابد

ماجد هدت شوي الا يأذن العشاء استأذنت وطلعت اصلي وافكر

معاد احس برعشة قلبي صار يخفق لها ماعرفت احدد هالشعور ابد
وش هالشعور يااااااااارب حتى العنود ماعاد اتذكرها كثير وش صار فيني
لما قالت ننفصل حسيت :كأن سيف مغروز بقلبي وبقوة ماأبي افقدها ولا ابتعد عنها وابي العنود آآآآآآآآآآه محتاااااار بالحيل

أحس هالجمانة استولت على تفكيري ياااااااه ياقلبي وش جاك؟؟؟؟



مأصعب هذا الشعووووووور


اصعب شي على الانسان ياماجد ان يعيش شعور الحب تجاه امرأة ولا يستطيع تفسيرة

نرجع لجمانة:

لما طلع ماجد هديت شوي أول مرة انهار وابكي قدامه ويشوف ضعفي بنتي أحبها ولا أبيها تتعذب لما ننفصل بس لما التقت عيونه بعيوني حسيت بعيونه شي مادري وش هو

صليت العشا واحس تعبانة ومحتاجة ارتاح وفعلا ماجات 9 الا انا وحور نايمين

الساعة 12 رجعت البيت متأخر طبعا وصعدت فوق ورحت لغرفتي والتفت لبابها ودي اطمن عليها بس لما شفت النور طافي من تحت الباب دريت نايمة

ماجاني نوم افكر بحالتي ووش جاني واحاتيها شوي الا أذن الفجر س
استناها تجي تقومني كالعادة

اتسمع على الباب ابي اسمع ضربها الا تضرب الباب

قالت:مااااجد

قلت:نعم

قالت :الصلاة

قلت ام حور: انتظري

وفتحت الباب الا هي قدامي منزلة راسها :قلت كيف نفسيتك الحين

قالت :الحمد لله أحسن ولا تشغل بالك

احس ارتحت

طبعا اليوم عندي اجتماع ضروري ومااقدر أنام لو نمت بسحبها نومة وبيفوتني

طبعا بروح مواصل الله يعيني نزلت لقيتها مجهزة الفطور

وافطرت واخذت الكوفي منها وعيوني جات ب عيونها وآآآآآآآآآآآآه من عيونها لونها اليوم رصاصي فاتح غريييييييبة انا انسحرت

كيف لونها كذا ياربيه اكيد ذذا من قل النوم قلب لي لونها


جمانة:
لما اعطيته الكوفي جات عيوني بعيونه حسيت برعشه ورجفه
بقلبي عيونه فيها ولمعة صابتني بالصميم


تجهزت انا وحور عشان بنطلع للشالية وجهزنا أغراضنا جلسنا ننتظر بس مو بالعادة يتأخر الا مبلغني (تطورنا جوجو)

الساعة 9 بالليل وماجد ماجاء

الايدخل ما أدري وش فيه لاسلم ولا شي ميب العادة بس حسيت متضايق ما أدري لازم أشوف وش بلاه رحت صلحت له كاسة عصير نعناع بالليمون عشان تهديه وطلعت فوق وانا مترددة اول مرة بادخل غرفته وهو فيها بس مايهون علي اشوفه متضايق ضربت الباب وقال مين:

قلت: جمانة

فتح الباب وأول مرة اشوفه كذا ماجد يبكي ومنهار لا ماأصدق

قلت :ماجد وش فيك؟
ماجد يناظرني

آحس الضيقـــة بصــدري مديــنه مالـــهااا أســــوار
مدينه تعيش بآعمـــاااقي وتتفــــــرع شوارعـــهــــااا
....
في قلبي شـــــي ما يوصف حقيقه لا ولا ينقـــــــاال
حــــروف (ن) غصـــــت بحلقي ولا أقــــدر اطلعهـــااا
....
كــــثر مــا احس بك تغيير احـس ان الزمن بي جــــااار
آداري حـــزني بـــــعيــــني وتفضحني مدامعهـــــاااا
....
دخيـــلك لا تكـــلمني ولا تــــسآل عــــــن الأحـــوال
آخــــاف انهار قــــدامـــــــك ونفسي يبااان موجعهااا
....
آخــــاف اســـر دلك حكايــــة وقصة هالـزمن لا دااار
آخـــاف آكشفـــلك اوراق (ن) عرفت شلون تلعبهـــاا
....
آخـــافك تلــــمح بعيني جــــروح بعمقهااا تخــــتااال
آخااف انك تشوووف الـــروح في لحظة منـــازعهــــاا
....
انـــــا ما ابي ابينــلك وش اللي بي عشااانك صــــااار
ولا ابـــي تظن بانـك يوم قــدرت النفــــس تخدعهـــااا
....


ماجد يكلمني بصراخ:العنود ياهاااااااانم راحت من بين يدي وانت انت السبب

انا كأن أحد كاب علي ماء مثثثثلللللللج


انت كنتي تدرين بس ما قلتي لي ليه ليه خليتيني اعرف من فارس ليه
بصراخ انت وش شايفة نفسك هاه وش كنت تبين يوم تخبين علي هاه تبين قلبي يفضا لك وأحبك احبك انتي (الا تحبها ياماجد) ههههههههه غلطانة انت انسانة قلبك ميت من زمااااااااان مات مع سعود ماعاد تحسين باللي حولك ولا باللي بقلوبهم وياليتك متي معه وارتحت من شقا قلبي وغمه و حيرته

(توكم وش زينكم وش جاك مجود والا الحب يعمل عمايلة؟؟؟)

توي بكلمه ابيه يهدأ ما حسيت بنفسي الا ...........؟؟؟؟؟؟؟؟؟؟؟؟؟؟؟

وش صار لجمانة؟؟؟؟؟؟؟؟؟

تابعوني بالبارت الساااااااادس


الساعة الآن +3: 01:50 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1