غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 20-04-2012, 09:09 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: شياطين الحب / بقلمي


اقتباس:
المشاركة الأساسية كتبها |~ سـرآب ~| مشاهدة المشاركة
مـرحباً ~

إستمتعت بقراءة الجزء الثاني ~

شخصصيات كثيره ظهرت ~

جميـل عزيزتي رؤية إسمك هنـآ مرة أخرى ~

ما بك غاليتي أليس من المفروض أن يكون الجزء متواجد من الأمس ~

أرجو أن تكوني في تمام الصحة والعافيه ~
أهلين وسهلين ومرحبتين منورررررره الصفحه ..
سوري يالغلا كوني بالقرب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 20-04-2012, 09:11 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: شياطين الحب / بقلمي


اقتباس:
المشاركة الأساسية كتبها شبابيه للابد مشاهدة المشاركة
اهلين حبيبتي
روايتك عن جد روعه
بس متى موعد تنزيل البارتات
بنتظاااااااااااركـــــــــــــــــ
ودي لك
هلا فيك يالغلا منوررررره إنتي الاروع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 20-04-2012, 09:58 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: شياطين الحب / بقلمي


أعتذر لكم المفروض البارت أمس ينزل بس كانت عندي ظروف
تعب بابا الله يطول بعمره آآآآآآمين وسفر أخوي الغالي الله يوفقه

وأعتذر للمره الثانية شوي أنتظروني

ودي لكم : عطني الأمان بحياتك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 20-04-2012, 10:20 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: شياطين الحب / بقلمي


((الــبـــارت الـــثــــالث3))

•. والله إنّي من قسآه مآ قويتْ !! •.

~{شــــيـــآطـــيـــــن الـــــــــــﮀ ـب•• }~ بــقــلــمــي•.


كثير من البشر يسأل عن اسباب الحـزن بيه
وكثير من البشر يريد يعرف بدنيتـي شنو صـار اليه


وليش اللي يقابلني يشوف الدمـع بعينـي
وانا توني صغيره السن حزيـنه وشـارد ه ومنهـاره


انا بتكلم وقول الان عن اللي صار فـي سنينـي
ولكن قبل لا اتكلم اريد منكم تحكمـو يـا اخيـار


تعالو واشهـدو يانـاس تعالـو وشوفوني
تعالو شاهدوا جسمي غدى ناحل وعقلي طـار


انا مانـي تـرى مدمـنه ولا مضيعه ملايينـي
وربي يعلم بحالـي سبايـب وقتـي الغـدار


تعالو واسمعوا منـي شنو اسبـاب الحـزن بيه
وشنهو سبب دموعي شنو اللـي بدنيتـي اسـرار


يتيمٍه ايه انـا عايـشه يتيـمه محـدٍ يراعينـي
ولحدٍ عني جاء يسـأل وحيـدٍه جالـسٍه بالـدار


يتيـمٍه مافـي بالعالـم رحـومٍ جـاء يواسينـي
يتيمٍه عايشه بحسـره وضيقـه عيشتـي امـرار


ترى هذا سبب واحد من اسباب الحـزن فينـي
يكفي يابشـر ولا اكمـل وافشـي الاسـرار


في المجمع السكني خمس فلل جنب بعض في الوسط فلة (الجد أحمد) وساكنه معاه بنته ندى وأولادها

وجنب فلته من اليمين فلة جلال وسلمان المتوفي مهجوره من زمان

وعلى اليسار فلة فايز وسعيد وتجمعهم حديقه وحده كبيره ومسبح كبير وعلى الجهة الخلفيه ملحق

كبير ساكن فيه أبو وائل سواق أحمد مع زوجته وولده

متجمعين الحريم والبنات في الحديقة و يسلفون

ندى لفت عليهم :أقول ما كأن الشباب نسوا نفسهم وبلادهم

حنان : والله تعبت وأنا أقول لي خالد أرجع

نوف : حتى ياسر كل مره يتصل يقول قريب
أن شاء الله

ندى بخبث :لايكون بس متزوجين هناك وعشان كذا ماودهم يرجعوا

حنان بشك: أقول ندى لا تفري مخي على ولدي

ندى وهي تعدل جلستها :وأنا وش علي منك بس حبيت أفتح عيونكم على شي غافلين عنه

نوف وهي تدري بلعانة ندى :مشكوره ما قصرتي

تقدمت منه وحطت الكي على الطاوله :تامرون بشي ثاني

نوف ابتسمت لها :مشكوره فوزيه

ندى :أقول فوزيه كم صار لك تشتغلين عندنا إنتي وزوجك

فوزيه ابتسمت :عشرة عمر صار لي 30 سنه

نوف :أخبار بنتك ساره من زمان عنها بعد ما تزوجت ما شفناها

فوزيه :الحمد الله بخير والحين معاها أربعة أولاد و ماتقدر تخليهم

حنان :أيه الله يوفقها

فوزيه :آآآآآآآآآآآمين عن اذنكم


( فوزيه :من زمان تشتغل في بنت أحمد من أيام أم ندى
زوجها : سيف السواق لي أحمد ومن زمان عنده وأحمد ما يثق إلا فيه
وائل :العمر 29 سنه حلو طبيب أطفال
ساره : متزوجه وعندها أربعة اولاد )

في جهة المسبح البنات موجودين هناك

قمر :والله مشتاقه لي فرح

الزين :أي والله لها وحشه

غرور : أقول صبايا مين بتروح معاي الموال

قمر بعصبيه :إنتي كل يوم بموال ماعمرك جلستي في البيت مثل الخلق

غرور :إنتي وش دخلك فيني ملقوفه

الزين :خلاص بنات وش فيكم

قمر : الله بلاني في أخت مستهتره

غرور : إنتي وبعدين معاك

الزين :خلاص كل وحده تسكت هذا حالكم لا تجمعتوا

كل ذا تحت نظر ألمار التايهه فيهم وفي حركاتهم ما تحب تجلس معاهم بس الزين أصرت عليها

قمر : أقول زيون

الزين :فديت من قال زيون تصدقين له وحشه

قمر بلقافة :مين هو

الزين :ياسر أخوي

رجفت يدها ومسكت كاسة العصير بس فلتت من يدها وطاح الكاس ونكسر والعصير جا منه على غرور

إلي صرخت بعصبيه :وش سويتي يا لمجنونه

حست نفسها مخنوقه والخوف رجع لها دفت الطاوله إلي قدامها وطاحت الكاسات والصحوان إلي

عليها وصارت تبكي بشكل مو طبيعي وترجف وتصرخ داخلها "أنا مو مجنونه والله مو مجنونه "

وقفت الزين مصدومه وهي تقرب منها وتمسكها :ألمار حبيبتي خلاص

كانت تبكي بشكل يقطع القلب وترجف

قمر نقزت على طوال ركض لي جهة الحريم تصرخ

:ألحقوا ألمار

وقفوا وراحوا وراء قمر وصلوا وشافوا ألمار وهي تبكي والزين ضامتها وتهديها

تقدمت نوف :ألمار حبيبتي

صرخت الزين :قمر أتصلي في عمي جلال

بسرعه قمر أتصلت ويديها ترجف وهي تشوف ألمار تتعامل بعنف مع الزين إلي تحاول تمسكها وهي تدفها

غرور بشماته :مجنونه الحمد الله على نعمت العقل ومشت متجه للفله وماهما شي

سمع أصوات العاليه راح وشاف منظر غريب أو بمعنى أصح ثاني مره يشوفها كذا
تقدم :يمه

لفت ندى :هلا بشار

بشار :وش في

ندى :هذي بنت عمك المجنونة شكل جتها الحالة

بشار تقدم من ألمار وجلس قريب منها :ألمار

كانت ضامه نفسها ويدها مغطيه أذنها وشاده عليها وترجف كأنها تتذكر شي أو ماتبغا تسمع شي مد يده
وبطريقه عنيفه ضربته على يده وهي تبكي بقوه وتزحف عنه لي وراء عشان ما يقرب

قمر ودموعها تنزل :البنت بتجن أذا جلست على ذا الحال

سمعوا صوت من وراهم

:ألمار

وجا يركض لها وهو خايف عليها تقدم منها وسحبها بقوه وضمها وكان شكلها بيبي وهو يضمها

ويقول :خلاص بابا أهدي أنا بابا حبيبتي

ابعد وجها ومسكه :ناظريني حبيبتي أنا بابا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 20-04-2012, 10:30 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: شياطين الحب / بقلمي


ناظرته وهي تدور الامان بوجهه دفنت وجها بصدره وهي ترتخي بيده ويغمى عليها مسكها ورفعها

والكل يناظره وضمها له وهو يمشي فيها لي الفله

بشار بهمس :الله يعينه

الزين ودموعها تنزل :والله تكسر الخاطر وركضت عنهم

وقمر مشت بصمت وهي زعلانه على بنت خالها "يالله رغم جمالها إلي أنها تعاني الله يصبر خالي ويشفيها "
والكل رجع لي داخل
..............


رمها على الارض وهي تبكي بخوف وصارت تحت رجلين واحد جالس على الكرسي ومبتسم بخبث

رفعت راسها وناظرت أخوها :أيش في

عدل جلسته وبما أنها قريبه منه مد يده ولمس خدها الناعم بعدت عنه وكأنها مقروصه ودموعها تنزل ضحك :خلاص وصلت ولك إلي أتفقنا عليه

غمز له بلال :اتمنى تعجبك

ضحك بخبث :لا عجبتني مرررره والحين تقدر تروح لي منذر وهو بيعطيك الفلوس

بلال :أوكي طال عمرك طالع

وقبل يطلع ناظرها بنظرات غريبه ولف عنها

ناظرته وبخوف وقلبها يدق بقوه وقفت وهي تبكي وتمسك يد بلال :وين بتروح خذني معاك

كان مبتسم وهو يناظرها وهي تترجا أخوها

بلال بكره دفها عنه :ابعدي عني ولف عنها

رجعت مسكت فيه وهي تشهق بضعف :تكفى يا خوي خذني معاك حرام عليك أنا مستعده أسوى كل شي تقولي عليه بس خذني من هنا

ابعدها عنه بشراسه وطلع وهو يسمع صوت بكاها

لفت بسرعه وهي تسمع صوت الشخص إلي جالس وهو يقول بكل خبث ووقاحه :وش فيك يا حلوه خايفة

ناظرته بخوف ودموعها تنزل وعيونها حمر وتشهق ودقات قلبها سريعة "الله لا يسامحك يا بلال وصلت فيك ترميني على رجال ما أعرفه حرام عليك "

ميل فمه وبحده :وش فيك تناظريني كذا

نزلت راسها بخوف وهي ترجف ما عاد في يدها تسوي شي خلاص شكل حياتها انتهت

صرخ بصوت عالي :ميري

جت تركض :نعم بابا

وجه نظره على ريسان :وين رقيه ناديها

ميري هزة راسها : طيب وراحت

وقف وتقدم منها وجلس عندها رفع وجها وهي غمضت عيونها ما تبغا تشوفه ابتسم على

حركتها :اسمعي أبغاك تكوني مؤدبه فاهمه ترى والله لا سويتي أي شي ما تلومي إلا نفسك ياحلوه

هزة راسها بخوف وهي مغمضة ما تبغا تشوف وجهه

سمعوا صوت :هلا هاني بدك شي

هاني لف :رقيه سمعي خذي وأشر على ريسان ونزل راسه لها :إلا ماقلتي لي وش أسمك

ريسان وهي منزله راسها وبهمس وصوت ناعم فيه خوف :ريسان

لف هاني وهو يوقف ويأمر رقيه :خذيها ووديها الجناح وشوفي شغلك أوكي

تقدمت من ريسان وهي ترفعها من الارض :ان شاء الله أستاذ هاني

ناظرها بطرف عينه وبعدها طلع من غير ما يقول شي

أول ما حست انه طلع

بكت وناظرت رقيه :تكفين طلعيني من هنا الله يخليك

رقيه مسحت على ظهرها بحنان :وش فيك خايفة اذا على الاستاذ هاني والله أنه طيب وحنون

غطت وجها يديها وهي تبكي " الحين ذي كيف أفهمها آآآآآه يا خالتي لو تدرين عن بنت أختك وين الحين "

رقيه مشتها معاها :تعالي ياحلوه عشان تاخذي شور وترتاحي

دخلتها جناح مره فخم بالون البنفسج الغامق المحروق ناظرت المكان وفخامته مسكتها رقيه وودتها

الحمام أكرمكم الله :يلا ياحلوه خذي شور

دخلت الحمام ودموعها تنزل من القهر نزعت ملابسها وهي مهمومه دخلت تحت المويه البارد تبغى

تطفي النار إلي بجسمها ودموعها تنزل ما وقفت مرة عليها نص ساعه وهي تحت المويه ما حست

بنفسها إلا لما دق الباب :يا بنتي خلاصتي

تنهدت وهي تقول بصوت مبحوح : لحضه

شوي وطلعت من الحمام وعليها روب

رقيه بحنان وهي تمد لها البجامه :خذي مشان ما تبردي

أخذتها وأشرت رقيه لها على غرفة التبديل راحت بدلت وخرجة بالبجامة البرمودة الصفراء

رقيه :والحين ارتاحي وإذا بدك شي اتصلي فيني وأشرت على التلفون بس أضغطي رقم واحد

ريسان هزة راسها وهي ضايعة بدوامه كبيره مو عارفة وش تسوي ضمة نفسها وبكت على حظها

................


تبغِي تضيقْ خإطرِي !
.................. جعلهِ فدَإك ?
مهُوب آنإ آلليْ يعإتِبك فيْ حلَإلكْ


--------
:أنا كم مره قلت لك مالك شغل فيني

ناظرته بخوف :مــ ـ ا

صرخ فيها :انكتمي فاهمه

نزلت راسها ودموعها متجمعه بعيونها "ما كان قصدي شي بس حبيت أساعده ليش يعاملني كذا "

ناظرها بحده :اسمعي خالتي راح تجي اليوم يا ويلك لو سمعت أنها متضايقه منك فاهمه

هزه راسها هذي حالته لازم يعصب عليها ويهزاء فيها كل يوم وتكمل لما خالته العقرب تجي تزورهم ما تطلع من

البيت إلا وسوت لهم سالفه وهي الضحية :........

صرخ مره ثانيه :وش فيك ما تنطقين لا يكون بلعتي لآسانك

رفعت راسها ودموعها بعيونها :فاهمه

صرخ فيها ويحس مو طايقها :انقلعي من وجهي

تحركت فرح بسرعه وطلعت من الجناح وهي نازله صدمت في رغد أخت مهند :بسم الله عليك فرح وش فيك

شهقت :خلاص كافي عذاب مو قادره أتحمل

رغد عرفت أن أخوها مثل كل مره غاسل شراعها :لالا يا فرح هذا و إنتي صبوره وبصبرك راح تكسبيه

رفعت راسها وهي تهزه ودموعها تنزل : الصبر له حد وأنا خلاص ماعاد فيني طاقه

سحبتها رغد لي غرفتها دخلتها وسكرت الباب :حبيبتي صدقيني وراح يجي يوم وبتقولي رغد قالت راح تكسبيه وراح يحبك

فرح :مهند يحب غلا ما يحبني

رغد بعصبيه :هذا أكيد مخه مقفل أنا قلت خلاص بيتعود عليك وكل يوم أقول يمكن ينساها غبي ليش

ما يفهم وينها عنه يوم صار عليه الحادث وهي خطيبته حتى ما كلفت على نفسها تزوره وبعد ما طلع

من المستشفى فسخت خطبتها عشان أيش عشان يده مبتوره

فرح بهمس :المشكله أنه لا شافها يتغير علي مره

رغد :كيف

ناظرت عيون رغد نفس مهند :توصل فيه يضربني المهم يطلع حرته فيني

شهقت رغد بصدمه: ضرب

فرح تمسح دموعها :اسمعي رغد انا ما قلت لك عشان تنصدمي أو تفكري إني أتكلم وأطلع أسراري

الزوجه المفروض محد يعرف بس أنا راح أنفجر خمس شهور على ذا الحال


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 20-04-2012, 10:41 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: شياطين الحب / بقلمي


جلست جنبها رغد وضمتها :حبيبتي يا فرح الله يسامحك يا مهند مو مقدر الجوهره إلي عندك ولسه يفكر في الحقيره

هدت فرح شوي وابعدت عن رغد وهي تبتسم :مشكوره رغد

رغد بحنان :ما سويت شي حبيبتي

فرح :بالعكس ريحتيني كنت متضايقه ومحتاجه أفضفض لي أحد

رغد بمزح :خلاص أول ما مهند يشرشحك تعال عندي أريحك

فرح :ههههههههههه خلاص

رغد :يلا يا قمر روحي تكشخي العقرب راح تجي لا تخليها تلاحظ شي و للمره المليون حاولي بطيبتك وصبرك تكسبي مهند

فرح بحماس :أوكي
...........

( بــــاســـــــبـــانـــيـــا )


كل واحد منهم هرب من ماضيه بس لين الحين يطاردهم

يمكن هروبهم ضعف منهم بس راح نعرف ماضيهم

سحبه بقوه وهو يدف البنت عنه ويصرخ فيه :ياسر وبعدين

ناظره وصار يتكلم بثقل وهو يتمايل : أنا خـــ ــ لاص تــ ـعـ ـبـ ت ابغا ارتــ ـ اح

مسكه وهو يمشيه معاه :تبغا ترتاح ولا تبغا تضيع وأنت كل يوم على ذا الحال

ضحك : تصدق أنــ ها حــ لـ وه

خالد بعصبيه وهو يدخله الحمام أكرمكم الله ويحط في البانيو ويفتح عليه المويه :ياسر صحصح وش فيك

ياسر وهو يرجف من برودة المويه :........

خالد يغسل له وجهه :ياسر

رفع راسه وناظر خالد :ليش

خالد :تبغا تضيع نفسك مع الخايسات وتقولي ليش

ياسر ضم رجله لي صدره :ابغا أنسا ياخالد رفع راسه ودموعه تنزل عندك دواء يخليني أنسا

خالد جلس على طرف البانيو وبغموض :ياريت في دواء كان كل واحد نسى همه

ياسر يناظره وهو ساكت خمس سنوات مع بعض رغم جرح خالد إلا انه أقوى منه :.....

خالد : ياسر وش فيك ضعيف وتعذب نفسك خلاص شي صار له خمس سنوات

ياسر بعصبيه وصراخ وهو يضرب على راسه وقلبه :لكن شي أنحفر هنا ياخالد أول مره أحس بالغلطه ذي تدري كنت مو مهتم في أحد بس

قاطعه خالد :أنت تسوي شي ولا أحد يقدر يتكلم عليك وتسوي إلي براسك

ياسر :تتوقع نست إلي صار

خالد بهم :ماعندك أخبار

ياسر بغموض :من خمس سنوات ماعندي أخبار من يوم إلي صار

خالد مد يده وقوم ياسر وطلع من الحمام أكرمكم الله وياسر وراه رمى عليه المنشفه :لا تهتم

ياسر :حاقد

خالد ابتسم بخبث :بقوه

ياسر :بتندم

خالد مشى طالع من الغرفة وهو يأشر بيده من وراء بلا :أجرب ندمك عشان أرتاح

صرخ ياسر :تتوقع

لف عليه وهو عند الباب :من زمان

ياسر :خلك مثل ما أنت لا تتغير صدقني بتندم

خالد :قلت لك أذا كان مثلك راضي أهم شي أبرد قلبي

ياسر بغموض :لا تخلي شيطانك يلعبك

خالد ناظره وعيونه بعيون ياسر وهمس :خلاص لعب فيني وسكر الباب وياسر يفكر بكلامه يمكن لي

حد الحين مجروح "بس بتندم ياخالد اذا صرت مثلي "
......................

سكرت دفتر خواطرها وهي كاتبه

{ البَقَاء مَع شَخْصٌ اَنتَ حَقًّا تُحِبهُ ,
حَتى لَو كُنتَ تَعلَمُ اَنّكُم ﻻ تَستَطِيعُونَ البَقاء مَعاً - !
كَـ اللّعِب تَحتٌ ¬{ المَطرِ , مُمتِع !
لكنّكَ تَعلَمُ انّكَ سَــ تَمِرضٌ , }



نزلت بهدوء هي تسمع أصواتهم العاليه وسوالفهم تنهدت بهم وهي تتذكر كلامه "الله يعدي الليلة على

خير " ناظرت شكلها لابسه فستان ماسك على جسمها لونه أزرق فاتح بلون البحر وشريطه تحت

الصدر فوشي رافعه شوي من شعرها بمشبك فوشي والباقي طايح ومنزله غرتها على جنب وكعبها

الفوشي ومكياجها ناعم بارز جمالها تقدمت بهدوء ودخلت :السلام

أم منهد ابتسمت :هلا والله بمرة ولدي

ردت لها الابتسامه وهي تتقدم من أم غلا وتسلم عليها :أخبارك ياخاله

أم غلا من غير نفس :بخير

ناظرت غلا ومدت يدها :أخبارك

غلا بهمس تسمعه فرح بس :بخير دام الحبايب بخير

تنرفزت بس ضبطت أعصابها وهي تجلس جنب رغد: مقهوره

رغد بهمس :ماعليك منها خليك قويه

فرح :ان شاء الله

رغد صارت تناظر غلا وتناظر فرح وتقارن بينهم من جد مافي مقارنه غلا حلوه بس متكبره ومغروره ودلوعه وخبيثه

إما فرح حلوه وناعمه طيبه وصبوره حتى كلامها يريح إلي تتكلم معاها هي وملامحها الهاديه

تنهدت "والله ماادري وش مسويه فيك غلا يا خوي ودي أعرف وش تبي فيها بعد ما أهانتك قسم بالله فرح تسواها هالخبيثه لكن أنا لها وبنشوف فرح ولا غلا "

رغد بخبث وبصوت عالي :يمه تصدقين

فاطمه ناظرت بنتها :هلا يمه

رغد : صديقاتي خاقين على فرح

أم منهد :أكيد حبيبتي الله يحميها

فرح خجلت وذابت من كثر المستحى :....

رغد تقهر غلا إلي عيونها على فرح بتاكلها : يمه تذكرين صديقتي جود

أم منهد :ايه وش فيها

رغد :أول ماشافت فرح حس بالها تقرب لي وقالت لي تبغا تخطبها

أم منهد :هههههههه يحليلها ماتدري أنها زوجة ولدي

رغد :لا يمه وانا قلت لها أنها زوجة منهد ما صدقت و تهبلت عليها والحين في الجامعه ما تعرفني على طول مع فرح

أم منهد :هههههههههه تستاهل مرة ولدي حلوه

غلا بغنج :خالتي

ناظرتها أم منهد صح مقهوره منها من يوم رفضت ولدها بس وش تسوي بنت أختها :هلا

غلا ناظرت فرح بنص عين : أخبار منهد

فرح ورغد أنصدموا من جراءتها

أم منهد ناظرت أختها وبنتها :الحمد الله مرتاح مع زوجته الله يخليهم لي بعض ولا يفرق بينهم

سمعوا صوت :احم احم ياولد

رغد بحقد ناظرت غلا :ممكن تتغطي آنسه غلا

غلا ابتسمت وبدلع :تيب

وتلثمت وكانت عيونها روعه مع اللثمه وهي راسمتها ولثمتها خفيفه كأنها مو متغطيه

فرح بهمس لس رغد : الحين يقال أنها تغطت

رغد بمكر :ماعليك منها وتابعي المسلسل وإنتي ساكته

فرح عقدت حواجبها :مسلسل

رغد تغمز لها :وتركي بعد بس انتبهي

أم مهند :تعال يمه

دخل وهو منزل راسه :السلام عليكم

الكل :وعليكم والسلام

أم منهد :هلا يمه تعال أجلس

رغد نقزت من عند فرح وهي تقول وداريه أن أخوها ماراح يجرح فرح قدام إي أحد حتى قدامه لهم خمس شهور عمره ما أهانها قدامهم :تعال جنب الأمورة زوجتك

مهند رفع راسه وطاحت عيونه على فرح إلي منزله راسها تقدم وجلس جنبها وهو يمد يده اليمين

خلفها وصارت لاصقه فيه :أخبارك ياخاله

أم غلا :هلا يمه أخبارك أنت

مهند رفع نظره وطاحت عيونه بعيون غلا :بأحسن حال

أم غلا :أن شاء الله مستانس

مهند وهو يحرك عدست عيونه ويبعد نظراته عن غلا :الحمد الله

أم غلا :أقول يمه مهند

مهند:هلا ياخاله

أم غلا :صار لكم متزوجين خمس شهور وزوجتك ماحملت ليكون فيها شي

فرح خلاص حمرت وخضرت ودها تقوم من بينهم عضت على شفايفها ودموعها بعيونها

رغد هنا عصبت وهي تناظر وجه فرح كيف أنقلب :أن شاء الله ست سنوات يصير لهم توهم عرسان ولاحقين على الغثاءخلهم يستانسون

أم غلا :أنا وش قلت بس قلت يمكن البنت فيها شي

فرح من وقت مادخل وهي منزله راسها مارفعت حست بيده تلتف على خصرها ويميلها على صدره

وهو يقول بجديه : الحمد الله زوجتي مافيها شي

فاطمه :بسم الله عليها وش زينها وان شاء الله قريب تسمعي أنها حامل

رغد تغير الموضوع وهي تحس بفرح متضايقة : يمه

فاطمه :هلا يمه

رغد :ترا صديقاتي معزومين بعد بكره الاربعاء عندي

فاطمه :في عيوني صديقاتك

رغد توجه الكلام لي مهند: ابغا فرح تنزل بكره معي السوق يا حلو ويوم الاربعاء ما أشوف وجهك فاهم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 20-04-2012, 10:52 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: شياطين الحب / بقلمي


مهند بخبث :طيب اذا أشتقت لي زوجتي ما أجي

رغد بداخلها وهي تناظر غلا المقهور من جلوس مهند وكلامه "يس ": لا تعال أخاف تموت من الشوق

غلا حست نفسها بتنفجر من رغد مقهوره منها وبدلع :أخبارك ياولد خالتي

مهند :بخير

وقف ومد يده لي فرح إلي رفعت راسها وطاحت عيونه بعيونها :يلا حبيبتي

بتردد مدة يدها وصارت بكف مهند إلي شدها له لين وقفت ولف يده على خصرها :عن أذنكم

وهم طالعين رغد غمزت لي فرح وكأنها تقول "مسلسل تركي ولا "

فرح ناظرتها وهي تقولها وكأنها تفهمها "تمثيل " طلعوا من عندهم

لين نص الدرج تركها وطلع قبلها وهي تناظره من الخلف وتناظر ظهره "ياريت يامهند صدق تحبني آآآآه من شي يوجعني بداخلي "

لحقت وراه أول مادخلت الجناح ناظرته وهو يقول بحده :ترا كل إلي صار تحت تمثيل ولا تصدقين

نفسك ولف عنها ودخل غرفة النوم خلها تناظره ودها تعاتبه وتفهم تصرفاته

...
عائلة مهند :...
الاب :( صالح ) شديد شوي لكن يحب أولاده رجل أعمال
الام :(فاطمه) حنونه وتحب أولادها
مهند :30 سنه من بعد ماصر له الحادث صار عصبي ويكره إي أحد يفرض عليه شي حلوه أبيض وبشرته صافيه شعره بني خشمه طويل وعيونه حاده طويل وعريض عنده يده اليسار مبتوره بسبب حادث صار له
رغد: 22 سنه مخطوبه لي ولد عمها نزار حبوبه ودلوعه وعليها أفكار خطيره حلوه تشبه أخوها مهند بيضاء وشعرها بني لين كتفها طويله وجسمها حلو
....ــــــــــــــــــــ....

:بلال وين ريسان تكلم أحسن لك

ابتسم وهو يجلس ويناظرهم :وانت وش دخلك ليش أختك هي

مصعب بعصبيه :ليش تعرف أنت أيش الاخوه

بلال بسخريه :لا تعرفها أنت

ناظرته ودموعها تنزل :بلال أنا خالتك قولي وين وديت بنت أختي

ناظرهم بخبث :المريخ

ساميه بعصبيه :بلال بلا سخافه بنت أختي وين واسمع انا راح أخذها وماراح تشوفها

بلال يستفزهم :هذا اذا ليقا توها خوذيها ولا عاد أشوفها

مصعب ناظره وبصدمه :ليش ليكون ذبحتها ياحقير

ضحك وهو يناظرهم مصدومين :لالا ما توصل لي كذا صح أكرها بس فكيتها مني وأنا أفتكيت منها

مصعب قرب منه ومسكه من ثوبه : أنت بتتكلم ولا شلون مخلينا على أعصابنا

بلال نزل يد مصعب :ريسان في بيت زوجها

نور ساميه مصعب :كـــــيـــــــف

ساميه بصدمه :ايش تقول أنت ومين زوجها

مصعب بعصبيه :ليكون زوجتها واحد من أشكالك

بلال حرك حاجبه و بنرفزه : لا يا حبيبي زوجها هاني الـ......

مصعب بصدمه أكبر :مين

بلال :ليش ما سمعت أعيد لك هاني الـ.....

نور ناظرت امها :يعني ماراح نشوفها

مصعب ناظرهم بصدمه وطلع وهم لحقوه

نور ناظرت مصعب قربت منه ومسكت يده :مصعب

مصعب قاطعها :نور خلاص

سكتت لي أنها تدري ان مصعب يموت على ريسان وكذا مره قال لي أمه يبغا يخطبها بس هي تأجل

لين راحت ريسان بنصيبها

............
فتحت بلكونة غرفتها وطلعت فيها شافت المجمع هادي وكانت الساعه 1: في الليل ابتسمت وهي

تناظر الهدوء
سكت البلكونه كانت لابسه بجامه بلون العشبي أكمام طويله أخذت شال صوف وجوالها وطلعت من

غرفتها بهدوء مثل كل مره الهدوء ياخذها لي ذا المكان طلعت من الفله وهي تبتسم تلفتت حوالها

ومشت لي الجهه الخلفيه للفلل بتجاه

الملحق لكن بعيد شوي ناظرت المكان كان ظلام

قربت من عند الشجرة وابتسمت وهي تشوفه ساند نفسه عليها

مدة يدها وحطتها على عيونه

ابتسم وهو يتحسس يدها ناعمه مثل نعومتها همس :حبيبتي

نزلت يدها وهو يلف عليها :عيونها

ناظر عيونها إلي يعشقها :أخبارك

ضمت نفسها بالشال الصوف :تمام حبيبي وأنت كيف يومك

مسك يدها وجلس وجلسه جنبه :الحمد الله خفيف

مدة يدها ورفعت شعره ورجعته لي وراء :دوووووم حبيبي

مسك يدها وباسها :دام نبض قلبك

رفعت راسها وناظرت النجوم وظلت ساكته

همس لها :قمري وش فيها

نزلت راسها وناظرت وجهه :قمرك ما فيها شي

مسك يدينها بين يديه : علينا

قمر بهمس :أحبك وائل

ناظرها وسكت يتأملها :مو كثري

قمر بعناد : أنا أحبك اكثر

ابتسم على عنادها :بس مو كثري يالقمر وائل يحبك بجنون تعرفي وش جنون

ابتسمت وهي تسمعه شوي رفعت جوالها وناظرت الساعه 2:44 :يالله وش كثر الوقت يمشي بسرعه

وائل قرب منها وباس جبينها :يلا حبي عشان ترجعي

وقفت ومسكت يده وصلها لين قربوا من الفله لفت عليه : يلا حبيبي روح

وائل : طيب أول ماتدخلي غرفتك كلميني

قمر :أوكي وراحت

ناظرها لين اختفت ورجع

.............
صحت وناظرت نفسها في مكان غريب وشوي وتذكرت كل ط

إلي صار قامت وراحت لين الحمام أكرمكم الله خذت شور وطلعت لقت ملابس جاهزة بغرفة التبديل

بدلت ولابسة بنطلون أحمر سكيني وبلوزه بيضاء كت ماسكه عليها وصندل أبيض ناظرت نفسها با

المراية" يا لله من زمان ودي ألبس كذا بس وش السالفه ليش انا هنا " مسكت المشط ومشطت

شعرها وتركته مثل ما هو حست بألم في ظهرها

جلست على الكرسي وهي عاضه شفتها شوي وسمعت باب الجناح ينفتح

رفعت راسه وطاحت على رقيه المبتسمة :صباح الخير ياحلوه

ابتسمت وبانت غمزاتها :صباح النور

رقيه بحنان وهي تقرب منها وتمسح على شعرها :مشاء الله الله يحميك يا بنتي

ريسان :رقيه

رقيه :شو بدك

ريسان بتردد:أنا أنا

رقيه جلست جنبها : شو فيك حبيبتي

ريسان :رقيه انا ليش هنا

رقيه ابتسمت :الاستاذ هاني راح يحك يلك

ريسان سكت "يا ترى مين أنت يا هاني وش تبغا مني "

رقيه وقفت :يلا ياحلوه عشان تفطري

مشت معاها وهي لسه تفكر نزلت تحت معاها

وهي تمشي وراء رقيه طاحت عيونها على هاني يقرا الجريده

وكان وجهه مو باين وشكله مندمج مع الاخبار ارتجفت لما حست فيه

ينزل الجريده وهو يسمع صوت رفع عيونه :رقيه.......
وسكت
............


الى هنا أقف بأنتظار توقعاتكم وردودكم :..
أنتظروني يوم الخميس ودي لكم : عطني الامان بحياتك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 20-04-2012, 10:57 PM
صورة عطني الأمان بحياتك الرمزية
عطني الأمان بحياتك عطني الأمان بحياتك غير متصل
©؛°¨غرامي مجتهد¨°؛©
 
الافتراضي رد: شياطين الحب / بقلمي


اقتباس:
المشاركة الأساسية كتبها شبابيه للابد مشاهدة المشاركة
مايشوف شر حبيبتي الله يطول بعمره ويخليه لكم
خوذي راحتك ياقلبي
حنا بنتظاااااااااااارك
ودي لك
الشر مايجيك يالغلا آآآآآآمين فديت قلبك غلاي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 21-04-2012, 12:48 AM
صورة هجـآفـي ~ الرمزية
هجـآفـي ~ هجـآفـي ~ غير متصل
©؛°¨غرامي متألق ¨°؛©
 
الافتراضي رد: شياطين الحب / بقلمي


حمااااااااس ~

والله ذكرتيني بورود ونصصصر لبى قلبهم مستحييييل أنسااهم ~!

يعطيك ربي العافيه ، أعتذر عن التوقعات لأني مستعجله ~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 21-04-2012, 06:29 PM
صورة شبابيه للابد الرمزية
شبابيه للابد شبابيه للابد غير متصل
©؛°¨غرامي فعال ¨°؛©
 
الافتراضي رد: شياطين الحب / بقلمي


وااااااااااااااااااااااااو
البارت مررررره روعه
بنتظاااااااااااركــــــ ياقلبي
ودي لك

الرد باقتباس
إضافة رد

شياطين الحب / بقلمي ، كاملة

الوسوم
الحب , شياطين , \بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6835 28-05-2019 01:18 PM
وكان أسمها صبح / بقلمي , كاملة مغرومه بلا حد روايات كامله - يتم نقل الرواية هنا بعد اكتمالها 26 22-10-2016 06:07 AM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 11:32 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1