اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 23-04-2012, 08:28 PM
صورة فأبتسم الرمزية
فأبتسم فأبتسم غير متصل
©؛°¨غرامي مشارك¨°؛©
 
الافتراضي رد: أريد منك أكثر مما أريد / بقلمي


الســــــــــــــــــــــــــــــلام عليكم
ي هلا والله ... البارت من اوله حمااااس
ما يطلع منك الآ مميــــــــــــــــــــــــــــــــــــــــز
اسعتدني واااجــــــــــــــــــــــــــــــــــــد حروفك
دمتي لنــــــــآآآ ~ كوكو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 24-04-2012, 01:17 AM
صورة الكريستال الرمزية
الكريستال الكريستال غير متصل
©؛°¨غرامي مجتهد¨°؛©
 
الافتراضي رد: أريد منك أكثر مما أريد / بقلمي


السلام عليكم ورحمة الله وبركآآته ..

مسآآؤكم \صبآحكم

رحمة ومغفرة من رب رحيم ...

أرحب بكل من أنظم لقآآفلتنآآ ألي أبحرت حتى تعآآنق أموآآج الخيآآل ... ضمت خوآآت
وحبآآيب على قلبي ..وجودكم فخر .. والحروف ألي تنآآثرت منكم
وسآآم على صدري أعتز فيه ... ولكل عضوة توآآجدت ..
لكل من خط حرف للكريستآآل
ألله لا يحرمني منكم ... ويجمعنآآ في هالمتصفح على خير ومودة ومحبه ...
مآآكآآن رآآح أرتقي ألا فيكم وبتوآآجدكم .. نقدكم هذآآ
ثمرته ( مولودتي الثآآنيه ) .. بدعمكم أرتقيت بنفسي أكثر .. شكرآآ لكم بحجم
أبدآآعكم وتوآآصلكم والنصح ألي يطلع من قلب صآآفي بصفآآء الذهب ..
طبعآآ من الردود أنطرحت كذآآ أستفسآآر وعدم تقبل أشيآء من الأحدآآث
ألي فالبآآرتين ألي أنزلوآآ ..
فالبدآآيه ببدى بأسم ليليآآن ..^ ^
تعرفون زين أن الروآآية مكتوبه من سنتين .. طبعآآ مو نفس الأسلوب المعروض
وألي بين أيديكم .. لأني وبقولهآآ بصرآآحه قبل سنتين أسلووبي كآآن بسيط
جدآآ جدآآ ..والحمدالله قدرت أطوور من قلمي كثير حتى وصلت لهالمرحلة ..
أختيآآري لهآلأسم والله مآآآ أخذت بآآلي له كثير وأنآآ بفترتهآآ
كنت حآآبته ..هذآآ قبل سنتين ..
الأمر المهم يوم فتحتهآآ وقررت أبدى أنزلهآآ مآآكآآن عندي أمكآآنيه أغير فيه شي ..والسبب لأني لو غيرت
بطيح في مطبة الضيآآع والتشويش ..ومآآكآآن عندي خيآآر أغير أي من أسمآآء
الشخصيآآت أبد .. أعرف نفسي لامسكت مسآآر الأحدآآث خلاص أي تبديل
فيهآآ بقلب الأمور فووق تحت ...
النقطة الثآآنيه : ليليآآن والشكل ألي كآآنت فيه :
( رآآح يكون له حيز كبير برجعة فهد ومآآبي أقوول شي ثم أحرق الأحدآآث)
النقطة الثآآلثه :
ليش أحآآول أربط فهد بليليآآن وأني مهمآآ حآآولت مآآرآآح يكون منطقي لوحده
فآآشله درآآسيآآ ومخترع بمكآآنة فهد . وأنه مآآفيه توآفق عمر ولا ثقآآفه ولافكر بعدين يقوول كيف أتنآآزل لهآآ ثم يحبهآآ وووووو...
ردي يآآغلاي أنتي .. هو الأتي ...
الحكم على أحدآآث في البدآآية هي من أكبر الأخطآآء ألي يقع فيهآآ
القآآرئ في حق الكآآتب ... كوني أحط في بآآلي بيصير ويصير وأبني على هالشي رآآيي وأقول حكمي ي فيه هو الشي الغير منطقي ... لأني أنآآ
للحين فالبدآآيآآت
مآآزلت أرسم حدوود هالمملكه معكم ... أظهرت بعض من شعب
هالمملكة وشعب للحين خلف ستآآر أفكآآري ..
فآآ مو من المعقول تحكمين على شي مآآصآآر ... غير هالشي وممكن أنتي لامستي الشي ألي للحين أحآآول أطرحه ... مو أي فآآشل درآآسيآآ هو فآآشل في حيآآته ... خليج متيقنه أن أحيآآن الظرووف توقف عآآئق لأي أحد .. هل معنآآه
أنه رآآح يكون فآآشل في حيآآته .. في فكره وثقآآفته ...بالعكس مثلا
ليليآآن : شخصيه قويه .. فآآشله درآآسيآآ مو لأنهآآ فآآشله ..هي تحسب عمرهآآ
فآآشله وتركض ورآآ هآلأعتقآآد .. غير هالشي لو نركز شوي ولو أني فالبدآآيآآت ... البيئه ألي كآآنت فيهآآ ليليآآن ... عآآئله شبه متفككه ..
أم في ديرة وهي عآآيشه مع أبوهآآ وزوجة أبوهآآ وأخوهآآ السكير ...
هالنمآآذج متوآآجده كثير غلاي ... لمآآ يقولون مآآنبي ندرس .. نلقى فالجهه
الثآآنيه من يعير هالشي عدم أهتمآآآم .. أو وش رآآح تستفيدين من الدرآآسه ..؟!
فـــ .. يظل هالشي رآسخ في ذآآتهآآ أنهآآ فآآشله ووجهآآ مو بوجه درآآسه ...
نقطة أنج مآآقتنعتي في حس الرسآآله ألي تقنع البنآآت في خبآآلهم بكلمة ليليآآن (أنآآ مو وجه درآآسه )
ومن قآآلج أني بهالشكل أطرح رسآآله ... وليش حسبتيهآآ رسآآله ...؟!!
هي مشكله متوآآجده فالمجتمع لامستهآآ في شخصيه ليليآآن ألي تتعرض لتغيير
جذري ..( رآآح تعرفوونه بالأحدآث) ^ ^.
وبأذن الله .. يكون الحل موجود ... وفالأخير الروآآية تعرض قضآآيآآ
وحلول من منظور الكآآتب ..ورسآآله صآآفيه وسآآميه ..
مآآزلت أكرر لا تستعيلووون بالأحدآآث وتحكمون على شي مآآصآآر ولا أستوى لحد الحين ...
النقطة الأخيره .. كيف أخوهآآ رمآآهآآ بالصحرآآ وهي عرضه
( للأحدآآث تكمله .. )
لبى قلووبكم فعلا فعلا تعليقآآتكم تشرح الصدر وتوآآجدكم وأن شالله رديت عليهآآ
بالرد الوآآفي ...
محبتكم
كريسوووووووول






الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 24-04-2012, 02:00 AM
؟أبو نورة المجروح؟ ؟أبو نورة المجروح؟ غير متصل
©؛°¨غرامي مشارك¨°؛©
 
الافتراضي رد: أريد منك أكثر مما أريد / بقلمي


دائما يبدع قلمك

بداية رائعة ممتازة

أنا أبدي إعجابي وبشدة

تحياتي / أبو نورة المجروح (( عالم من الجروح ))

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 24-04-2012, 02:23 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: أريد منك أكثر مما أريد / بقلمي


صباح الخير كرستولة ........البارت الثاني بدى يوضح لنا معالم بعض الشخصيات .......فبل اعلق على الاحداث اعتقد انو مثل مامر على بداية الرواية سنتين من الاحداث بيمر بعد فترة زمنية مقبولة من الاحداث الجاية ومن خلالها بتصير تطورات كثيرة للابطال مااحس فهد بيرجع قريب وبسهولة لانو لحد الان عايش نشوة النجاح بأقتراحاته مازال عنده طاقه على البعد عن اهله والا كان ماصبر سنتين غيره تنازل عن كل شي ورجع لابد بيوم بيحس بحرقة الي سواه موشي بسيط انو الواحد يعيش حياة مختلفة مع ناس ماهم ناسه ولا يتكلمون لغته ولا يدينون بدينه ولا يعيشون على عاداته وتقاليده لابد بيصيبه حنين الاهل والوطن ومابيرجع الا ندمان والا ماراح يستفيد من رجوعه بنفس الجنسية اول شي لازم يسويه استرجاع جنسيته وبعدين محاولة الصلح مع اهله


ليليان بصراحة انا بعد مستنكرة الاسم لو كان ليان بيكون مقبول اكثر اسمها اجنبي بالنسبة لاصلها سارة المصرية ممكن يناسبها اسم ليليان وبسهولة ليتك تبدلي بينهم اومثل ماغيرت ليليان جنسيتها تقدر بسهولة تغير اسمها مولازم اسم بعيد عن اسمها الاولي لانو احس الاسم مهم جدا جدا لكل شخصية بنت من اصل خليجي صعب نتقبل اسم غير شايع بيننا .......
نجي لشخصيتها تفاجأت انو يوم تلتقي بفهد كان عمرها بس 14سنة طفلة وتفكيرها مدمر بصراحة مالوم فهد لو عرفها بعدين واحتقرها وحتى جدتها مالومها على معاملتها في بنت متربية تشكك بشرفها علشان تلقى الامان خربت على نفسها بتهورها ولو تدري انو لقائها الي متلهفة عليه مع فهد بيكسر احلامها كلها كان ماتمنت هالامنية

انا مااشوف ظروفها يوم عند اهلها موصعبة بالعكس عادي لو هذيك الفترة ماكملت دراستها بس مو معناته يسكتون لها ويخلوها تضيع عمرها بدون دراسة شبتسوي وحدة بعمرها جالسة بالبيت لاشغلة ولاعملة لازم يتخذون معاها اجراء صارم لمصلحتها وهي ملزومة تطيعهم وغصب عنها بعد دامها متنعمة بالعيشة معاهم ومنها مخها يتفتح اكثر تكون متأخرة دراسيا والا انها تجلس بالبيت على الاقل يكون عندها الشهادة الثانوية

ماراح يكون لقائها بفهد قريب مازالت هناك الكثير من الاحداث في اعتقادي لالتقاء الاثنين وخصوصا صعوبة وضع فهد موبسهولة رجوعه للكويت

عبير شقصتها مع تغريدوه شكل هالتغريد موهينة لاهي ولا امها لانو الاخلاق تغيرت من سمعو طاريهم والله يستر منهم اكيد وراهم مصايب

الجوهرة ماشكلها جايبة عيال من علي وعلي ماشكله عنده عيال مثلا من زوجة قديمة او لايكون مافيه عيال احسه اعقل من زوجته الي ماادري شتبغي اهم شي نظرة الناس لها اجل ليه رضت تتزوج واحد متزوج والحين تسبه وهو ميت من البداية هي الغلطانة مافي حرمة بترضى يكون لها ضرة

هذي اهم الشخصيات لحد الان وننتظر تطورات الاحداث وظهور باقي الشخصيات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 24-04-2012, 03:21 AM
صورة يا افا ضاع الوفا الرمزية
يا افا ضاع الوفا يا افا ضاع الوفا غير متصل
©؛°¨غرامي فعال ¨°؛©
 
الافتراضي رد: أريد منك أكثر مما أريد / بقلمي


يا هلا والله بالغاليه كريستاله

اشتقنا لج ولروائعج المذهله

سوري ادري انه ترحيب متأخر شوي بس والله

ما تصدقين فرحتي يوم شفت دعوتج

بس كان عندي مشاكل بالنت واليوم رجعت

وان شاءالله لي باك بعد القراءه

فرحتيني بعودتج الله يسعدج دنيا واخره

يعطيج الف عافيه ياااا كريستالتنا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 24-04-2012, 04:26 AM
صورة عبق اللرياحين الرمزية
عبق اللرياحين عبق اللرياحين غير متصل
©؛°¨غرامي متألق ¨°؛©
 
الافتراضي رد: أريد منك أكثر مما أريد / بقلمي


السلام عليكم ورحمه الله وبركاته

صباااح الخيراااات كريستووو الف مبروك على مولدتك الثانيه وان شاء تلاقي نجاح اكبر من اختها
وهذ شيء مو جديد عليك ياقلبي انتي الابداع ومنبعه

شوفي ياقلبي انتي انا من اول بارت مافهمت الروايه عشان كذا ماعلقت بس مع البارت الثاني بدت بعض الشخصيات
تتضح معالمها مع ان الغموض الى الان هو السااااائد وهو الي معطي الروايه جو مثيروحماسي

فهد
ماحبيته بالمره اجل يتخل عن جنسيته واصله عشان مكانه علميه ومدري ايش واذا الفرنسين اكثرشعب يعتز بلغته
وجنسيته ليييييه طلبوا من ينضم لهم كان ادعموه وهو عربي ومسلم والا مازالت عنجهيتهم هي السائده وهو الخبل الي
طاوعهم قال ايش مستقبلي جعل ماااالك مستقبل
وكيف رضى ياخذ جنسية شعب يكره الاسلام والمسلمين ويتمنون زوالهم وعااااااد احلم انك ترجع لاهلك او هم راح
يتقبلونك لانك انت عفتهم من قبل
ليليان
انا مع زيزوووو ماحبيت اسمها بالمره ياااريت تغيرينه ولان اسمها فعلاا مو متداول خليجياااا
وهذا وعمرهااااا 14 وهي قويه عين واتهمت الرجااااال الله يستر بس وش استفاده من الي سوته وهذي جالس
تجني نتيجة تهورها عن طريق معامله جدتها وخالهاااا
ومدااااام امها ياحظي مديره ليه ماتصر على بنتها تكمل تعليمها على الاقل تاخذ ثانوي والا باب النجار مخلوع
وحبيت في ليليان التزامهاااا باللبس المحتشم والعباه الساتره
الجوهره
مالت عليك من ام اللحين بدال ماتاخذين عيالك بحظنك وتعوضينهم عن الي فاااات تصير معاملتك معهم جافه
لييييه والا محملتهم ذنب ابوهم وشيء طبيعي ان بنتك تدافع عن ابوهاااا لو انه ماكلها ترااااااب والميت ماتجوز عليه
غير الرحمه والله ان رجلك صاير احسن منك واحن على عيالك منك وانتي ماهمك الاالمظاهر قدام الناس والا عيالك
اخر همك

تغريد
ياترى من هي هالتغريد الي سيرتها قلبت وجيهم وعفستهم شكل لها دوووور كبير بالروايه وليه هالشبه
الكبير بينها وبين ليلياااان معقوله يكون خوات

كريستاله تسلم يدينك ياعسل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 24-04-2012, 10:23 AM
صورة اتحادية شديدة الرمزية
اتحادية شديدة اتحادية شديدة غير متصل
©؛°¨غرامي مشارك¨°؛©
 
الافتراضي رد: أريد منك أكثر مما أريد / بقلمي


لاااااااااااااااااااااااااااااااااااااااااااااااه ايــــــــش الرواية الدمار الشامل هذي .. وقسسسسسسسسسم لكي وحششششششة وربي والرواية هذي شكلها قنبلة نوووية والله اعلم ووحشتنـــــــي كلمة كتتتتتتتتتتتتتتت مرررررة << ههههههههههههههههههههههه.

رواية صراحة باين انها شيقة ومليانة بالاحداث الخطيرررررة صراحة ..

نبدا بالتوقعـــــات يالقمرة :

ليليان : يعجبني عنادها ودفاعها عن ابوها بالرغم من انو ماكان عندو شخصية .. و اتوقع انها تسمع الجدة وام سعود وتعرف انو اللي انقذها يصير ولد ام سعود .. وهذا الشي رح يجدد امل البحث عنو داخلها ....

فهد : باين عليه البطل هذا خطيــــر وشياكــــــــــة واكششن << ههههههههههههههههههه ..

الجدة حمده : حبيتها بالرغم من قسوتها الا انو معزة ليليان لها شي حلو .. واتوقع بالرغم من معالمتها الجافة مع ليليان الا انها مارح تقدر على فرقاها في يوم من الايام ..

الجوهرة & علي : زوجها والله انو اعقل منها .. فيها شي موعاجبني يعني ليش عشااان بنتك تدافع عن ابوها تقعدي تكرري الموضوع هذا دايما صحيح غلط عليكي الاب كثير ولكن خلاص انتي الان متزوجة عيييب مررة صراحة ايش هذا وبالمناسبة احسها مسوووية فيها قلك اني ياارض انهدي ماحد عليكي قدي وربي مارح يعقلها الا علي اساسا << معليش الين هنا وكفاية انفعلت شوية الظاهر << ههههههههههههههههههه

هذا اللي توقعتو الان .. وفي انتظــــــار البارت الجاي على نــــــــــــار كريستولينهو << دلع جديد هذا مني ههههههههههههه...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 25-04-2012, 03:28 AM
صورة الكريستال الرمزية
الكريستال الكريستال غير متصل
©؛°¨غرامي مجتهد¨°؛©
 
الافتراضي رد: أريد منك أكثر مما أريد / بقلمي


<
السلام عليكم ورحمة الله ..
هذآآ أنآآمن جديد ^ ^
نزل علي فيس مفآآجأة مع أني والله دآآآيخه وأكتب لكم
وأنآآ أبي النوم بس قلت بنفسي دآآم أني كتبت جزئيه كبيرة بنزل لكم
ومآآبخليكم تنطرون لين السبت ..
وبعد بقوولكم ..وصلني أعترآض عن موعد وآآحد فالأسبووع
فقلت نترك يوم السبت وببدى أعلن في آآخر كل بآآرت موعد
البآآرت القآآدم وبجذيه مآآتكونون تنطرون لأيآآم كثيرة
وأنآآ أكون عطيت نفسي فرصة أكتب لكم بآرت وأنزله ..
تحيآآتي وودي لكم ...
××××××××
الفصل الثآآلث
××××××
الجده حمده بقسآوة : وولدي شنو سوآآ له يوم يحط رآآسه بالترآآب ... مو خلاه
في مكآآن الغآآلي ,,,!!!
عآآيشه بصوت أمتلى عبرة : دآآخله على الله ثم عليج يآآآحمده ... أنتي ألي من بعد رب العآآلمين بتحتوين
هالولد ..مآآترضين أنه يظل ضآآيع برآآ بين هالكفآآآر ...
الجده حمده تتنهد : حنآآ ألي سيرتنآآ وآآصله بين القبآآيل وألي شلنآآ هالديرة يطلع من بينآآ
وآآحد فرنسي ... ألله يذكر أمج بالخير ألي توفت على أرض هالديرة تدآآفع عنهآآ ...
ولا نسيتي هالشي..!!
عآآيشه بصوت أمتلى عبره : كيف أنسآهآآ وهي توفت أيآآم الغزو يوم أنهآآ تركت بيتهآآ
تعآآلج فيه الجرحى .. ويوم دروآآ عنهآآ مآآترددوآآ يذبحونهآآآ في بيتهآآآ
الجده حمده بصوت نفض غبآآر المآآضي وبحزن : عرآآقيه ومآتت تدآآفع عن الأرض
ألي ضمت يتمهآآ لاعندهآآ لا أبو ولا أم .. ايييييييييييه هالديرة طيبه مآآتضم ع ترآآبهآآ ألا الأجآآويد.. كآآنت المسيكينه تعآآني جوع وعطش
وشوفيهآآ كيف مآآتت رآآفعتن رآآسهآآ لفوق .. ألله يرحمهآآ والله أنهآآ بنت أصل .. ومن ذبحهآآ ..
وآآحد من أهل ديرتهآآ ....!!
عآيشه برجآآ : خآآلتي ... عشآآن معزة أمي بقلبج ... لو أنهآآ موجودة تتوقعين أنهآآ بترضى
تتركه لحآآله ... ؟؟ تعرفين أمي زين ...
الجده حمده : .............................
عآآيشه وكأنهآآ حست من سكوت حمده أنهآآ لانت شي وهي أكثر وحدة شآآيله عليه من بعد أبووه :
أنتي خليه عندج .. في بيتج وسووي فيه ألي تبين ... يكون خدآآم عندج بس خليه يرجع
الجده حمده بأنفعآآل : شنووووو ...؟ لاعمري أشووفج تقوولين هالحجي قدآآمي .. المهونه مآآتحوش
عيآآلنآآ وحنآآ موجودين
عآآيشه : .................
الجده حمده بعد صمت وبنبرة تردد : طيب يآآعآآيشه .. ولو أن ألي في قلبي على هالولد شين كبير ..
بس دوآآه عندي ... بقول لبو سعود أنه بوجهي وبدخل عليه لايقرب من الولد ولا له شغل فيه ...
وأنآآ ألي بعلمه علوووم الريآآجيل ألي تربينآآ عليه
عآآيشه بفرح وهي تبوس رآآسهآآ : ألله يخليج لنآآ ذخر ..( بكت ) مشكورة يآآخآآلتي
الجده حمده : كفكفي دموعج يآآبنت الحلال .. والله أنه مآآيستآآهل هالدمووع .. لو أن فيه
خير مآآسوآآ ألي سوآآه ...
عقدت حوآآآجبي ومن شفتهم سكتوآآ تحركت حتى أضرب كتف وحدة ... مسكت كتفي
وطآآلعتهآآ ألا هي بنت أم سعود .. أعرف أن أسمهآآ عبير .. بس مآآبلعتهآآ أبددد ...
عبير بصوت هآآدي : هآآي
ليليآآن بدون نفس وهي تتكتف : وعليكم السلام والرحمة ...
عبير تمد يدهآ بأبتسآآآمه : أخبآآرج ليليآن .. خآآلتي الجوهرة دآآيم كآنت تحجي لي عنج ..
ودآآيم ودي أسوولف معآآج بس مآآيآآت فرصه منآآسبه
ليليآآن تفتح عيونهآآ على الأخر وبغصب تسلم عليهآآ : ولا رآآح تصير فررصه يآآحلووة ... لأني مآآرتحت لتس
وأصلن أنآآ مآآحب أختلط بالغرب .. لا تزعلين من كلامي بس أنآآ تسذآآ ألي بقلبي على لسآآني,,
عبير غرقت عيونهآآ بالدموووع : ....................
الجوهرة تطلع وترووح لمهم وخلاص وصلت من بنتهآ : أنآآ شنو وصيتج فيه أنتي ..؟
ليليآآن : أوووووووووووووبس نسيت
الجوهرة تطآآلع عبير ألي نزلت رآآسهآآ وبكت : بسم الله عليج عبوورة .. شنو فيج .. لايكون
من ألي أنقآآل بالمجلس
قربت منهآآ أمي وبحنآآن لفت أيديهآآ حول كتوفهآآ وضمتهآآ تهديهآآ
عبير بالعآآفيه تتكلم وبصوت غليض من البكآآ : لااا .. بس بنتج مآآتبيني ... أنآآ مآآسويت لهآآ شي
لالالا .. تكفوووووووون أبنسدح عند هالدلع ... طآآلعوآآ ذي .. ورآهآآ أستغفر الله ...
قلبتهآآ مشهد ترآآجيدي ...
الجوهرة تطالع ليليآن :هالحين أنتي شنو سآآلفتج بالضبط ...؟
ليليآآن تهز كتوفهآآ بدون أدنى تعبير : مآآسويت شي ... مآآحبيتهآآ يمه .. غصصب ...
الجوهرة بعصبيه : ليليآآن أقصري الشررر ... ترآآ أنآآ عآآد وصلت من تصرفآآتج ..
ليليآآن : مآآعرف أكذب ولا أحب أجآآمل .. بنتس هذآآ هو طبعهآآ ومآآألومتس لأني كبرت
وأنتي مو عندي
الجوهرة ترفع يدهآآ وبحدة : روحي لغرفتج أحسن لج ... روووحي ....
ليليآآن تطالع أمهآآ : أشفيتس عصبتي .. دآآيمآآ أنتم تسذآآ ... الصرآآحه مآآتعجبكم ... يعني أنآ
مآآقلت شي غلط رحتي عني وعمري 9سنين ... وهالحين 16 سنه ... ع بالتس بظل نفس مآآ أنآآآ
الجوهرة : ......................
الجده حمده تفتح البآب وتطلع : الحمدالله ع كل حآآل ( أول مآرفعت رآسهآآ ولمحت عبير )
أفآآآ أفآآ شنو عندهآآ بنيتي تبجي ...ألا بنيتي مآآرضى عليهآآآ
الجوهرة للحين عيونهآآ على ليليآآن : ولاشي يممه ... تعرفين عبورة قلبهآآ مآآيتحمل ..
ليليآآن تلف للجده وبنص أبتسآمة : أظن قلبهآآ قلب فرخ.. خوذيهآآ يآآجده لحلالتس
والله لايطلع قلبهآ من تشوف وحدة من نيآآقتس ..ههههههههههه ...
أم سعود : ههههههههههههههه..
الجده حمده : الحلال مآآسنعج أنتي يآآبنت أبوووج دووب يسنع غيرج
الجوهرة تصد عيونهآآ : ...................
الجده حمده حست أن بنتهآآ فيهآآ شي : يالجوهرة .. فيج شي ..؟
عبير تبعد عن الجوهرة وهي تطالعهآآ : أنآآ مآآقصدي أضآآيقج والله ...
أعتلى صوت الجرس يعلن وصول أحد ... ومآآهي لحظآآت وطلعت وحدة من الخدم من المطبخ ورآآحت تفتح
البآآآب ... وأنآآ ظليت وآآقفه أطآآلع أمي ..
أم سآآلم تدخل : السلام عليكم ...
الجده حمده بفرح : يآآهلا .. يآآحيآآالله من لفآآنآآ ..
دخلت أم سالم وورآآهآآ دخلت بنتين ومن شآآفت وحدة عبير رفعت يدهآآآ بفرح ... وورآهآآ
دخلت حرمة شآيله ولد صغير وعلى طوول نزلت نقآآبهآآآ
عبير تمسح دموعهآآ بسرعه : ...............
الجوهرة تحط أصآآبعهآآ على خدود عبير : مآآعليج حيآآتي أمسحيهآآ بويهي ..!!
أم سعوود تبتعد عنهم وتروح لأم سالم : هلا هلا وغلا بأم سالم وزوجته...تفضلي حيآآج
الجوهرة تقرب من ليليآآن : قدآآمي رووحي سلمي ع الحريم .. رووحي
ليليآآن بملل : لاتكفين ..مآآحب هالسوآآلف
الجده حمده تطآآلع ليليآآن وألي قالته : شنو قلتي يآآبنت ... قدآمي سلمي على الحريم لا والله أعلمج السنع
أنتي بعد ...
أنآآ بعد ... ؟؟
كأن أحد كآآن قبلي سوآآ شي وسنعته جدتي وخلصت ...!!!
ليليآن تأشر على عبير: وورآآ ذي وآآقفه مآآتروح ترحب فيهم ....!
الجوهرة ترفع رآآسهآآ لسقف مبتعده عنهم وورآآهآآ مشت عبير: أللهم طووووووولك يآآروح ...
أن شالله نعدي هالليله على خير ..
الجده حمده تمسك يد ليليآآن بقسآآوة : هالحين البيت من بيته يآمقطوعة الرجآآ .. أنتي مآآتستحين ..؟
ليليآآن ويد جدتهآآ بدت توجعهآآ : آآآآآآآي جده .. ترآآتس قآآعدة تشدين على شعري .. طيب طيب ..
فكيت يد جدتي ألي كآآنت مآآسكه نص شعري ورحت أمشي متوجهه للحريم ...
الجوهرة تمد أيديهآآ : منآآيرر عطيني هالكتوت ...( شالت الولد لفوق ومسرع مآآبآآسته )
فهوووووووووودي .. هلا حيآآتي هلا رووحي
منآآير بصوت هآآدي : الجوهرة رفيجآآتج وين قآآعدآت ...؟
الجوهرة : بالمجلس ألي عنده دورة الميآآه .. ليه متأخرين اليوم هذآ وأنآآ موصيتكم
أم سآآلم وهي تنزل برقعهآآ : أسألي منآآير وزوجهآ المصون ... ورحيم مسيكين .. محترق
ليش أن سيف سآآبقه لحد هنيه ..
منآآير تطآآلع خآآلتهآآ : فستآآني يلا لحقت أطلعه من الخيآآآط .. لأخر لحظة قررت أني مآآأحضر
الجوهرة تقرب من منآآير : نزلي نزلي عبآآيتج خليني أشووفه ... لج أسبووع
وأنتي بس تسولفين لي عنه ...!
منآآير : هههههههه ... خليني أرووح أعدل شكلي شويآآت ... عشآآن أطلع بعيونج حلوة ولا تضحكين علي ..
ألا وين بنتج ..؟
أم سآآلم وهي تسلم على ليليآآن : مآآآشالله تبآآآآرك الله ..مآآشالله
منآآير أبتسمت تطالع الجوهرة : ذي بنتج .... !!!
الجوهرة وهي شآيله فهد وتحرك جسمهآآ يمين ويسآآروبصوتهآآ النآآعم : لا تقولين مآآتشبه لي ...
منآآير : مآآتغيرت عن صورتهآآ وهي صغيرة مآآشالله .... فيهآآ منج بس مو كثير طبعآآآ ..
سلمت عليهم ورحت بطلع لغرفتي نفس مآآقآآلت لي أمي .. أصلن مآصدقت تقول لي رووحي ..
أبصرآآحه سوآآليفهم ممله ... تشبه لك ..مآآتشبه.. بسسس ...
تقولين أطبآآء متخصصين بالورآآثه ...!!
بس فجأة أمدت يد أمي حتى تسحبني من ورى بقوووة
الجوهرة : على وين ..؟
ليليآآن تمسك شعرهآآ : آآآآآآي يمه .. أشفيكم على شعري اليووم .. برووح لغرفتي
مو قلتي لي أرووح أنطق هنآآك
الجوهرة : أنآآ ليش ألله رآآزقني بوحدة لسآآنهآآ طويل ..
ليليآآن : وين تبيني أرووح ..
الجوهرة تأشر على عبير والبنتين ألي معهآآ : روحي أجلسي مع عبوورة ومريم ووردة


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 25-04-2012, 03:31 AM
صورة الكريستال الرمزية
الكريستال الكريستال غير متصل
©؛°¨غرامي مجتهد¨°؛©
 
الافتراضي رد: أريد منك أكثر مما أريد / بقلمي


حركت عيوني صوووبهم وهم جآآلسين بوسط الصآآله على كنبة طويله
... عبير .. مآآشالله مآآشالله ..ملكة فالجمآآل ومو غريب
هالزين من وين جآآبته دآآم جدتهآآ عرآآقيه ... بس من مريم ومن وردة ...؟
بس أنآآ مآآعآآد لي خلللللق
ليليآآن تقرب من أمهآآ وتميل برآآسهآآ على كتفهآآ : يمممممممه .. تعبآآنه
الجوهرة بخرعه تحضن بنتهآ : بسم الله عليج حيآآتي ..
ليليآآن بصوت تتصنع فيه التعب : رآآسي يوجعني وعظآآمي .. وبعد يمه أحس أني بدوووخ ..!!!
الجوهرة حطت أيديهآآ على كتوف بنتهآآ وتحس قلبهآ بيوقف من الخوف : قآآريه على نفسج
ليليآآن : من الدوخه مآآتذكر ...!!
الجوهرة تحضن بنتهآآ بقوة وليليآآن تلف أيديهآآ حول خصر أمهآآ : عين يآآيمه مآآصلت على النبي ...
بدق على علي نرووح للمستشفى .؟
ليليآآن عآآيشه الدور صح : لاااااا يمه مو قآآدره أتحرك ... لا رتحت أكيد بكون أووكي
الجوهرة تروح تمشي مع بنتهآآ : تعآآآلي بآآخذج لغرفتج ...
وتمآآيلت كالعصفور الجريح متوجهة ألى بآآب غرفتي ..آآآآآآآآه يآآغرفتي يآآفؤآآدي ..
وقفوآآ وقفوآ مدري شنو فيني قمت أخووور .. لايكون بس صدقتوآآ هالتمثيليه ألي سويتهآآ على أمي ...!
يآحيآآتي يآآأمي ... قلبهآآ قلب فرخ .. من أقوول آآي ..قآمت تتنآآفض من الروووعه
بس شسوي والله ... طقت رووحي من هالمعآآزيم وبصرآآحه الدلوعه النعووومة عبير حسيتهآآ
رجل دجآآجة نآآشبه في بلعووومي ... هالبنت أظن لا مسكت يدهآآ بتقوم تصآآرخ أو
يمكن عظمهآآ يذوب من الدلع والنعوووومة ...
ليه مآآتصير نفسي .. ؟؟ تربيت في الصحرآآ ويآآحلاة الصبح لارحتي عند النيآآق
وقعدتي تتفرجين عليهم وتسمعين سوآآلف أوول .. ريحتهم ..ريحتهم شي ثآآآآني ..
فتحت أمي بآآب الغرفة
وأخذتني لسريري وخلتني أتمدد وغطتني باللحآآف ..
الجوهرة تسحب ريموت المكيف وتشغله : لا تتحركين دآآمج تعبآآنه والعشآآ بآآييبه لج
بنفسي
ليليآآن تهز رآآسهآآ وهي مغمضه عيونهآآ : طيب طيب ..يمه أمكن أنآآم .. قلت أقوولتس
عشآآن لاشفتيني نآآيمه مآآتتخرعين
الجوهرة تنحني وتبوس رآآس بنتهآآ : يلا حيآآتي برووح
أبتسمت لهآآ ومن طلعت وسكرت البآآب أبعدت اللحآآف عني ... الحمدالله أني أرتحت
من كل شي ... وبعدين الجوووو حررررر .. يآآرب ترحمنآآ برحمتك ..
رفعت يدي وحطيتهآ على جبهتي وأنآآ أطالع السقف ...متى يمر الوقت بسررعه
وأرجع لبيت جدتي ...؟
أمي يآآمآآ حآآولت فيني نرووح نسكن عندهآآ بس أنآآ رفضت ... بيت جدتي أحلى مآآفيه
أنهآآ عآآيشه لحآآلهآآ صح أن الكل يزورهآآ يعني بيتهآآ مآآيفضى لا من الحريم ولا من
عيآآلهآآ .. ألي يصير ولد عمهآآ وألي يجي يسلم عليهآآ ويمشي .. بس أهم مآآفي االموضووع
رجآآل سآآكن فالبيت معهآآ بشكل منتظم مآآفيه .. أنآآ رفضت أرووح عند أمي
عشآآن علي زوجهآآ ...أبصرآآحه أكره الرجآآل وسيرتهم ... أحس فيهم نذآآله
ومآآيروون النآآس شي والشغله عندهم بمية يوم ... سحبت اللحآآف بخرعه
أول مآآفتحت أمي البآآب وهي تتكلم
الجوهرة : مدري شنو صآآر فيهآآ فجأة .. تقول أنهآآ تحس بدوووخه .. خلنآ
نوديهآ المستشفى
ضميت اللحآآف بيديني وفتحت عيوني على الأخر أول مآآتنحنح علي بصوته الغليض
علي وآآقف ورآآ البآآب : أدخل ..؟
الجوهرة تطالع بنتهآآآ وترجع تطالع زوجهآ : أييه أدخل
لايمه لاتكفين ..أومآآ جآآيبه زوجتس لي ... رحتتت ووووطي ..
علي يدخل الغرفة ويمشي بأتزآآن وهو مبتسم لين وقف عند السرير : ليليآآن قآآلوآآ
أنج تعبآآنه .. سلامتج يآبنتي .. شنو فيج ...؟
ليليآآن بتلعثم وفجأة قآآمت ترجف : أنآآ تعبآآنه ..؟
علي بضحكة : لا أنآآ ..أييه أنتي
الجوهرة تمشي وتوقف جنب زوجهآآ : هالحين أحسن
ليليآآن وعيونهآآ مفتوحة على الأخر : مين .؟
الجوهرة عقدت حوآآجبهآ وتمسكت بيد زوجهآآ : شفت البنت قآآم تخرربط ... قلت لج عين
ومآآصلت على النبي والله مآآكآآن فيهآآ شي عآدي تسوولف قبل شوووي
علي يغمض عيونه ومسرع مآآفتحهم : يآآبنت االحلال أستهدي بالله ولا تصيرين بهالشكل ...
البنت أن شالله مآآفيهآآ غير العآآفيه ..
ليليآآن أستوعبت : آآهآآ ... لا أحس أني بدوووخ
علي كتم ضحكته وحس أن الدعوووة كلهآآ لعب في لعب : بدوووخين ... مآآدختي لحد الحين
سبحآآآن الله ...!!
ليليآآن : وعظآمي تعورني ورآآسي يوجعني و....
علي يقآطعهآآ ويلف لزوجته وبهدوء يقرب منهآ : حيآآتي تقدرين تروحين تجيبين لي مآآي
الجوهرة : أي مآآي .. البنت قدآآمك تعبآآنه .. رووح شغل سيآآرتك خلنآآ نآآخذهآ للمستشفى
علي يهز رآآسه وهو عآآرف قلب زوجته أبد مآآيتحمل : طيب طيب .. روحي جيبي لي مآآي
وأن شالله خير .. يلا
تحركت أمي ونوت تطلع بس أنآآ على طوول رميت اللحآآف ورحت ونزلت من السرير
مسرعه لهآآ
ليليآآن : يمه وين بترووحين ..؟
الجوهرة بخرعه : شنو فيج يمه مخترعه هذآآ بمكآآنة أبووج .. أنآآ برووح أييب مآآي
له ورآآجعه مآآبطوول ..
نويت أتكلم بس أبد مآآعطتني مجآآل وبسرعه طلعت ..
علي يأشر لسرير : تعآآلي أجلسي ...
ليليآآن بأندفآآع : لو سمحت أطلع من الغرفة..
علي رفع حوآآجبه كردة فعل تلقآآئيه : شلوون ... ؟؟!
ليليآآن ترووح توقف عند البآآب وهي من دآآخل تحس أنهآآ تنهآآر : يعني لا تسوي لي فيهآآ الطيب
والمثآآلي أو تحآآول أنك تتقرب ... لأنك بحيآآتنآآ مرفووض ..
علي أبتسم بهدآآوة : طيب ورآآج وآآقفه عند البآآب
ليليآآن بربكة وهي تقرب كثير من أطآآر البآآب: لأني مآآبيك .. وبس
علي يروح يجلس على السرير ويرفع أيديه و يميل بعقآآله لورى شوي و
الغترة نآسفهآآ على كتوفه بهيبه : تكلمي عن رووحج يآآبنتي ...ولا تضميين معج أحد ..
ليليآآن ترفع حوآآجبهآآ : .. بدينآآ والله أسمعني عآآآد أنآآ وأخووي وآآحد ... وأنآآ
أعرف وحدة بخووي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 25-04-2012, 03:32 AM
صورة الكريستال الرمزية
الكريستال الكريستال غير متصل
©؛°¨غرامي مجتهد¨°؛©
 
الافتراضي رد: أريد منك أكثر مما أريد / بقلمي


علي يحط أيديه على السرير ويضغط عليهم حتى أرتفعت كتووفه : شووفي أنآآ تركت شغلي وييت
ع السريع ع بآآلي عندج سااالفه وصج أنج تعبآآآنه ..
ليليآآن تكتفت : لا تحسب نفسك بمكآآنه أبوووي ... لاااااااا .. مآآعرفتني زززين ...
من هالحين أحذرك .. تحط بينك وبينآآ حدووود ولا تخلي ألي يصير حررب بكوون
أنآآ فيهآآ الكسبآآآنه ... لأني من ظهر ذيب ..!!!
وقف بهدوء وهز رآسه حتى يمر من عندي .. لصقت فالبآآب وبسرعه
أبعدت عنه مآآبيه يكون قريب مني .. مدري كيف طلع هالكلام مني
بس لازم أكوون قوويه .. ومآآأخليه يتحكم فيني وفي أخووي ...
من يدري أن نوع من الرجآآل هو ....؟!!
أهم شي عندي أخووي مآآبيه يتعرض لأهآآنه أو يجرحه أحد ...
مآآبيه يكون تحت سلطة أحد يتحكم فيه نفس مآيبي ....
أول مآآطلع بقوووة سكرت البآآب .. وجع يووجع عدوووينه ...
أفف منه .. زين أني قلت هالكلام له ووقفته عند حده ...
بس مآآقآآل شي ولا علق على كلامي
أخآآف يقول عني وحدة مآآتستحي ..؟!
يقول ألي يقووله .. وش علي أنآآ ... أنآ مآآتجرأ ألا بشغله وحدة
لو أحد قرب صووبي أو صوب أخووي .. مو أصير جريئه يمكن أبيده
من الوجود ....
غمضت عيوني وطرت صورة أخوي صالح في بآآلي بس بسررعه
نفضت كل شي من بآآلي وأبعدت عن البآآب حتى أجلس على السرير
وأنآآ أحس نفسي مقهوورة ومرتفع ضغطي .. مآآعلي لا جت أمي بقوولهآآ
لا تخلي علي يتدخل بشي من خصوصيآآتنآآ .. مآآبقى ألا هو ...!
والله حآآله ..
دق جوآآلي وعلى طوول لفيت له والشآآشه تشتغل وتطفي ... صآآر الجوآآل يتحرك
بسرعه لأني حآآطته على الهزآآز .. قمت على طوول ومديت
يدي حتى أفتح الخط بقهر ويستقر الجوآآل عند أذني ...
ليليآآن : ألوووووو
............: مآآتوقعت تردين والله ....!
فتحت عيوني على الأخر وقمت أتنآآفض من سمعت صوت رجآآل على الطرف
الثآآني ... يدي من الخرعه حسيتهآآ أنشلت وقلبي من كثر مآآيضرب
حسيته بأي لحظة بيوقف ..
...........: عرفتيني ليليآآآن ..؟
هذآآ يقول أسمي .... يممممه ... ظليت أتنفس بقووووة وأعرق
من الروووعه ...
............: أكيد مآآنسيتيني ونسيتي حبي لتس
توقفت الحروف على شفآآتي وحسيت نفسي عآآجزة .. أصآآآبعي أزريت حتى أحركهآ
وأسكر الخط في وجهه .. ووجع حسيته حآآصرني من كل جهه .مصدره قلبي ..
هذآآ ..هذآآ هو .. أييه هو..
.......: طآآلبتس .. لا تسكرين الخط بوجهي .. والله أني شآآريتس يآآبنت العم...
من سمعت هالكلمتين أبعدت الجوآآل عن أذنهآآ بقووة وبسرعه صآآرت تفك الجوآآل من ورى
وبدون أية مقدمآآت طلعت الشريحة وكسرتهآآ ... رمتهآآ فالزبآآآله وجلست على السرير
.... رجليهآآ مو قآآدرة تشيلهآآ وقلبهآآ صآآر تثقله أشيآآء كثيرة ,,,
كيف لقى رقمهآآ مآآتدري ...؟
كيف تجرأ ودق عليهآ مآآتدري ....
سآآفرت ورحلت عن ديرتهآآ وكآآن بأعتقآآدهآآ رحلت عن كل شي ..
عن ذكريآآتهآآ
أحلامهآآ
وصورة مآآزآآلت مشوه في دآآخلهآآ ...
قررت تغطيهآآ في لحآآف الحزن
وفي زآآوية النسيآآن تركنهآآ ...
تتركهآآ مغطيه نفس مآآهي ..
لأن قآآنون الحيآآة ألي تعلمته ..
جمآآل الأشيآآء يبقى مثل مآآهو
ألا أذآآ أمتدت يد نجسه وحآآولت تعبث فيه ..
كل تفآآصيل هالجمآآل بتموت بدون رجعه...
وكل ذيك المشآآعر ألي تحتوينآآ تغآآدرنآآ
مثل طيور حره ... تلقى صدر السمآآ لهآآ مكآآن ..
يتلاشى مثل أطيآآف ليل دآآهمه الصبح على غفله ...!
رفعت يدهآآ وصآآرت تطآآآلعهآآ بجمود .. ترجف بدون سبب ...
ومسرع مآآنسدحت وضمت عمرهآآ ... كل شي فيهآآ صآآمت ...
مآآتدري وش تقوول ..
والمآآضي يمد يده لهآآ .. يبتسم ببرآآءة ... تشوفه ينآآديهآآ برحلة بيختصرهآآ بثوآآني بس
يبي يحلق فيهآآ بين صفحآآته .. ورغم هالرفض المستميت بدآآخلهآآ بس
متيقنه أنه مآآفي مفر منه ..
أبد مآآفيه مفر ...
××××××××××××××
الجوهرة تجلس وتطلع منهآآ آآه :: الحمدالله ألي هالعزومة مرت ع خييير
منآآير وبحضنهآآ ولدهآآ فهد نآآيم : جوآآهر .. وين أحط ولدي
الجوهرة تقووم بفرح : عطينيهآآ أنآآ بآآخذه لغرفة التلفزيون مآآفيهآ أحد
منآآير بصوت دآآفي : يآآحيآآتي مآبي أتعبج ويآآي .. خليني أخذه أنآآ
الجوهرة تقرب منهآ : لا والله مآآتقومين .. تعب فهوود رآآحة ( سحبته من منآآير بهدووء
وضمته بين أيديهآآ وبصوت هآآدي ) يآآحيآتي متعمق بالنومة
منآآير : هههههه ... تعب من اللف في بيتج بمشآآيته ...
الجوهرة تنحني وتبوسه وعيونهآآ مآآفآآرقته : ألله يخليه لج ويرزقني بالذريه ألي تفررح علي
أم سعوود بصووت وصل للجوهرة : آآآمين يآآآرب ...
الجوهرة والأبتسآآمه مآآفآآرقت شفآآتهآ : أييه يآآعآآيشه لا تبخلين علي بدعآآويج
حمده تلف لأم سعود وبنظرآآت من ورى برقعهآآ : زوجج وينه ...؟
أم سعود : بالديوآآنيه خآآله مع العيآآل وكلهم هنآآك مجتمعين
أم سآآلم تنآآدي : مريم ... يآمريم
مريم تدخل بسرعه .. وقفت وهي ترجع خصلات من شعرهآآ لورى أذنهآآ : سمي يممه
أم سآآلم : أختج تعشت
مريم :بلعت يمه لييين قآآلت بس مع عبآآدي وسيف ورحيم
مرت الجوهرة من مريم طآآلعه وهي شآآيله فهد


الرد باقتباس
إضافة رد
الإشارات المرجعية

أريد منك أكثر مما أريد / بقلمي،كاملة

الوسوم
مما أريد , أريج , أريد\بقلمي , منك أكثر , أكثر , الكاتبة , الكريستال , تحليل , رواية , كاملة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حبيبتي ذات الخطيئه/ بقلمي،كاملة WHO A...M I روايات كامله - يتم نقل الرواية هنا بعد اكتمالها 77 12-12-2016 06:21 PM
رواية و بدأ الحب يحكي قصة عشق ليس له مثيل / بقلمي،كاملة s5s5 روايات كامله - يتم نقل الرواية هنا بعد اكتمالها 593 02-07-2015 06:55 PM
رواية منافسة على سباق الحب / بقلمي،كاملة انثى ينحني الورد لرقتهاّّ روايات كامله - يتم نقل الرواية هنا بعد اكتمالها 53 27-11-2013 11:31 PM
جمر الخيانة على خدي ينزل بشكل قطرات / بقلمي،كاملة انثـى بجنـ~~ــون طفلة روايات كامله - يتم نقل الرواية هنا بعد اكتمالها 313 10-09-2013 01:14 PM
رواية يا الجاذبية / بقلمي،كاملة على كيييفي روايات كامله - يتم نقل الرواية هنا بعد اكتمالها 42 29-07-2013 11:21 PM

الساعة الآن +3: 01:24 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1