غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 08-05-2012, 01:11 PM
صورة غيمةعطر الرمزية
غيمةعطر غيمةعطر غير متصل
©؛°¨غرامي مجتهد¨°؛©
 
01302798240 رد: بنيت البيت طوبه طوبه لحد ما صرنا حموله / بقلمي ..غيمه عطــر



رنا وهي تمسح على ظهر ليا اللي متمدده على فراشها : ليا ولله آسفه ما اقصد ..
لياا بحرقه : لا تتأسفين .. ما قلتي شي غلط .. بس اتركوني شوي ابي اجلس لحالي ..
رنا ما قدرت تناقش طلعت ..



امها بعد ما طلعت رنا دخلت واول ما حست فيها ليا تكلمت تختصر على امها ..: خلاص يمه ما صار شي .. وبعدين ما كذبوا يتيمه يتيمه ..
امها صرخت عليها من قهرها عليها : لااااا .. لا مانتي يتيمه .. عندك اللي ما عندهم .. فيصل ما قصصر عليك ولا راح يقصر .. .. عاد وش فرق رنا عنك اللي ابوها مو جود وماهو موجووود ..
ليا انفجرت فيها وكبرت شرهتها وصاحت : حتى ولو حسه يكفي .. هيبته تكفيها لو بيتكلم احد عليها يحسب حسااااب .. صرخت بصوت اقووووى وصياح اشد وحرقه .. على الاقل ماتشوف نظره الرحمه والشفقه اللي اشوفها .. ولا تسمع لاحد لا طلعت وقالوا خفوا عليها يتيمه .. داروها ..
فيصل دخل عليهم وهو سامع كل الكلام اللي قالته ..
....................: من اللي قالك هالكلام ؟؟
امها التفتت وبحزن وعيونها تدمع :محد يمه .. قعدناك من نومك .. والتفتت على بنتها وهي تهددها بنظرتها لها وهي تقول : كله منك ومن لسانك ودلعك .. قام اخووووك ...
ليا انقهرت هي وين وامها وين ما عرفت شتسوي صرخت عليهم وكبرت شرهتها ومن ضعفها باللحظه هذي دخلت الامووور ببعض :براااا كلكم برااا هذا همك .. لا يزعل فيصل ..قومتي فيصل.. ازعجتي فيصل .. فيصل وفيصل وفيصل ......
فيصل طير عيونه تطول صوتها على امهم وكان معصب ويعد للعشره لا يرتكب فيها جريمه وهي مستمره بخناقها وصوتها اللي وصل لآخر الشارع
ومنصور اللي صعد لما وصلت اصواتهم لهم تحت ..
فيصل وهو يقرب لها ويشدها من عضدها ويخانق : قصري حسك فضحتينا .. وصوتك لا يعلى على امك .
ليا ماكانت واعيه للي هي فيه : بععععد ايدك عني واطلعوا برااااا ... دفته ودفت امه بعد وكانت بتطيح لو ما مسكها وانقهر لما شاف امه تبكي .. التفت عليها وهو يحمّي لها كفففففففففف على وجههها طيحها بالارض .. على دخله منصوررر ..
امهم شهقت : أأأأأااههههئئئئئئئئئئئ ... وبعدت عنهم : ليش يمه ليش...؟؟ .. منصور رفعها من الارض قومها ..
وهي مو مستوعبه اللي صااار ناظرت فيهم وهي تحس كل شي بالكون سكن من الكف اللي خذته وهي تشوف تعابيرهم ..
فيصل مو مصدق اللي سواه ويناظر بيده .. امها حاطه يدها على افمها تستوعب.. عمها اللي يوقفها على طولها.. خيال جدتها داخله وصور بدت تضلل بالاسود ودنيا معتمه وجسمها يتهاوى بالارض وصرخت امها ..ومسكت عمها منصور من يدها؟؟؟ وعمتها بدريه تطبطب على خدها وصياااح امها ؟؟ وجدتها اللي تسمي وتقرا عليها وضعف ورجفه بداخلها و بالاصوااااات حتى السكووووون ...
الجده تترجى : فيصل شفييييييك اتحرك اعمل اي شي ..
صيته جلست وحظنت بنتها وهي تصييح : لياا اااا .. ليااا يمه قومي شفيييك ؟؟ لياااا .. والتفتت على فيصل .. واول مره تعصب :: شفيييك سو اي شي لاختك .. ورجعت تلتفت عليها وتهزها .. يمه قومي يمه ..
منصور من وراهم : ياجماعه شفيكم ؟؟ بعدو عنها خلنا نشيلها .. بعدوا وشالها وحطها على سريرها ..الجده لبدريه .. : قومي اخوك خلي يجي يشوفها ..؟؟هذاا متصنم ..<<تقصد فيصل
وطلعت بدريه تركض لابو سعود تقومه اللي جا يركض ..
جاء عمها وهو يسمع لنبضها وضغطها لقاهم منخفضين شوووي .. وهو يشوف ايد فيصل على وجهها ..
التفت عليهم وهو يسمع صياح امها وفيصل اللي وجهه اسود وواقف عند الباب قال يطمنهم: شفيكم ياجماعه .. ما فيها الا العافيه .. انهارت شوي وضغط منخفض عادي .. اعطيتها ابره تريحها .. لا تكبرووون الموضوووع ..
وقام وهو يقول لفيصل تعال معاي .. وطلع ومعاه فيصلل

ابو سعود : شفيكم يا بوك عسا ماشر ليش ضربتها . ..
فيصل ساكت ومنصدم ويحس ايده متخدره وماهي معاه ما يحس فيها ..
ابو سعود : يابوك مهما كان اللي صاير هذي اختك ماترفع يدك عليها .. مالها احد غيرك لا تخليها تحط حواجز بينكم .. ارفق عليها يتيمه ول تقول اللــ ماكمل كلامه الا وفيصل يصارخ : هذا بلانا هالكلمه ماتحب تسمعها .. ولا انا مابيها تحس انها اقل من غيرها وانا عايش ..طول عمري اداريها واداري خاطرها واحاول اسوي كل اللي تبيه عشان بس ما تحس بشعور هالكلمه .. مــ....
عمه يهديه : بس خلاص وانا عمك اهدا .. كلنا عارفين وشايفين ولله لو ابوك عايش الله يرحمه ما سوى ربع اللي سويته محد ينكر .. بس هذا اختك شنسوي فيها حساسه من اي كلمه لو نعاملها بطيب شديد قالت يتعاطفون معاااي ..
فيصل وهو يجلس على الكرسي : شفت رغم كل اللي سويته .. تحس بهالشعووور ..
عمه : قول لا اله الا الله وقوم شوفها .. واذا ما رجع ضغطها طبيعي بعد نص ساعه تعال خذ الابره ..
الجده طلعت مع بدريه :لا اله الا الله .. قدر الله وما شاء فعل يمه لاتضيق صدرك .. ونزللت ..
بدريه : ما تشوفون شر ..
عمه : يله قووووم ..
قام فيصل وراح لعزلتهم ودخل وهو يشوف امه تمسح دموعها وتكمد الكف اللي بوجهه ..
حس حراره تغلي بجسمه من القهروهو يشوف امه واخته كذاااا .. وهو يشوووف اغلى ثنتين بحياته متضايقين ..
جلس بالصاله وهو يسند راسسه للكنب ..



البيت كله سكووووون ..
الجده وحريم عيالها تحت ما عدا ام فيصل ..
جتهم شيخه وهي تقوول احط لكم العشاء .. وجدتها قالت مو مشتهيه وابي ادخل انام .. والاغلب معها ..
البنات جسوا يتعشون ..
شيخه تصب شاهي لهم .. وتحط ليمون بكاسه ريم ..
وكانوا يتكلمون دقيقه ويسكتون ساعه بغير العاده.. ما دروا الا رنا صايحه ..
شيخه : بسم الله شفيييك ؟؟
رنا :كله مني .. انا ضحكت وهي خذت كفف ..
ريم تشرب الشاهي وشهقت وشرقت : أأهههئ اعطاها كف .. كح كح كح ..
شيخه تهديها لانه بجد متضايقه باللي سببته عليها : خلاص يا بنت الحلال اللي صار صار ..الله كتب كذا ..
ريم بحقد كلش عندها ولا الضرب ... : ويي يا مال الكسر اللي يكسر يده .. شقالو له حيوان يضرب .. ولله ولله لو الكف جايني اني لا ارجعه لوجهه ..
البنات كلهم فتحوا افاميهم ..عسى ما شر هذا فيصصل وشو ترجعه لوجهه ..وسمعوا ضربه الباب ..
شهقت شيخه وهي تقوم تشوف وتقوول : أأأأأهههئ من اللي سمعك .. وما امداها.. طلع وراحوا البنات يشوفون من الشباك ولا هو فيصل طالع بسيارته ..
سما : اهههههئ يالمقروده وما تطيحين الا بفيصل ..
ريييم ولا همها : ولله انكم انتم اللي مسوينه قصه وحاطين له هالجبروت ..
شيخه ما عجبها الكلام وقالت : تعشوا ولا خلصتوا لفووووه لا تخلونه بالارض.. وراحت ..


صعدت ومرت على امها صيته ..
طقت الباب .. صيته وهي عارفه من اللي عند الباب : ادخلي شيخه ..
شيخه دخلت ولقتها بالصاله جالسه .. وتمسح دموعها ..
شيخه : السلام ..
ام فيصل : وعليكم السلام .. هلا يمه ..
شيخه : خلاص يمه ما يصير .. ليش تغثين روحك ..
ام فيصل : مو بيدي يمه .. طولت لسانه على ودفتني انا وياه ما تحمل وضربها .. وهي ما تتحمل طاحت من طولها ..شبتسوي لا صحت ولله لا تقوم البيت وما تقعده .. وخايفه لاتتعب زياده ..
شيخه بتعجب : تتعب ؟؟
صيته تداركت نفسها : ايه تعبها اللي بالعاده ..
شيخه وهي شاكه اصلا من انها فيها شي من مداراتها لها وخوفها عليها اللي بزياده وهالحين تأكدت بس يا ترى شفيها هنا السوااال ..
دخل فيصل وبأيده كيس جاااي من الصيدليه .. سلم ودخل لها علطول ..
فتح الكيس وهو يطلع المحلول الصغير ويمسكه بقبضه يده يدفيه .. وبعدها حقنه بالابره .. نزل الابره وهو يرفع كمها .. مسح يدها بالمسحه الطبيه وسمى وغرزها بأيدها ..
عقدت حواجبها وحركت راسها .. سحب الابره بهدووووؤ وحط البلاستر ..
راعى لها شوي وقااام ..
طلع للصاله وقال : انا طالع عندي شفت اليووم .. وطلع .. ما كان فيه مجاال للمناقشه ..
ونزل للصاله وكانت هدوووو وهو يتمنى لو شاف اللي تكلمت بس ما فيه احد ركب سيارته وراح للمستشفى ...




الصبح ..
الجده تفطر ومعها ريم وبدريه ..
الجده : هالحين اي احد ينزل من عمامك تروحين معه..
بدريه : ايه ..عبد الاله طلع قبل تنزلين ولا كان رحتي معه..
ونزلوا شوي شوي .. ام سعود وام خالد وابو خالد ..
الجده : وهذا ابو خالد جيت وجابك الله ..
ابو خالد : هلا بالغاليه صبحك الله بالخير .. آمريني ..
الجده : صباحك نور .. وما يآمر عليك عدو .. بس ريم تعبانه وابي توديها المستشفى بوجههك لها ثلاث اياام ..
ابو خالد : لاااا ما تشوفين شر ... انشالله .. بس شفيك ؟؟
ريم : سلامتك عمي .. سخونه عادي جدتي مكبره الموضووع ..
ابو خالد : لااا ولله ما تكبر الموضوووع .. انتم مستهنين بالحراره ..؟ الله يكفيك شرها ..
هالحين اخلص ونطلع تجهزي .. وخلص وطلع معها للمستشفى ...


ووصلوا للمستشفى .. كشفت الدكتوره عليها وقالت انها مآخذه فيروس من الهواء ..
عمها : طيب خلينا نسوي فحوصات وتحاليل ..
ريم بلا مبالاه ومعرفتها بنفسها : لا .. ليش ما يحتاج ..تحاليل عشان سخونه ..
عمها : لا تستهترون بالسخونه .. السخونه ما تجي الا من التهاب لا سمح الله ..
الدكتوره : برحتكو .. وطلبت من الممرضه تسحب منها دم .. وطلعت معاها وعمها جلس ينتظرها عشان يرجعها للبيت .. ..
راحت ربع ساعه ورجعت ..
عمها : هاه خلاااص ..
ريم بتعب : ايه خلاص ..
عمها : شفيك لا يكون تخافين من الابره ..
ريم بأبتسامه شاحبه : ههه لا . ماني دلوعه لهالدرجه .. بس حسيت بدوخه بعد ما سحبت مني دم ..
عمها : ايه طبيعي ..
رجعت الدكتوره وهي تقوول : خلاص بأمكانكو تروحوا .. والتحاليل بكرا انشالله تطلع ..
عمها : يلا يعطيك العافيه ..
وطلعت وطلع عمها رجعها للبييت وراح لدوامه ..





بعصر نفس اليوم .. عصر يوم الثلاثاء .. وبكرا ملكه ندى .. جننت فيهم شوي تضحك وشوي تصييح .. مشاعرها متلخبطه الى حد ماااء ..
ندى ورنا وشيخه راحوا للمشغل عشان تتضبط ندى ..
ليا بغرفتها ما طلعت ..
وريم تحت .. قالوا لها البنات تعالي معنا وعيت تقول تعبانه ..
وسما وامها عند خوالها اللي هم ام تركي .. وتركي والخال ناصر ..
ام تركي لبنتها : موضي .. روحي مع اخوك اشترو الدبل من امس وهو رايح جااي على هالمحلات ومحتار ويجيب على الشوور ويرجع ..
يقول يبي يبهرها ..
سما : ههههههه ولله انه خاب عمره وهي بالبيت تصيح ..
امها نغزتها بكوعها ..
ام تركي وكان احد كب على وجهها ماء بارد ..: هااه وشووو يعني هي مو راضيه ..
ام سععود تتحلطم على بنتها حسبي الله عليك : لااااا يما وشو مو راضيه بس تخبرين ندى تبي هذا كذا وذاك كذا تتدلع ومتوتره لا تأخذين ببالك ..
ام تركي : اشوووا ولله ارتخت رجولي كلش ولا الغصيبه ..
وجاء تركي ومعه كم علبه من محل مجوهرات والابتسامه شاقه وجهه من هنا لهنا ..
ام سعووود : هلا وغلا يععععلللللي ازفك معرس يا رب ..
تركي :آآآمين ..
سما : مبرووورك تريييك .. ولله و وكبرت وانا بنت اختك ,,,
تركي وهو ينزل العلب على الطاوله وضرب راسها وهو يقول : خالك الله يهديك خالك ..
الكل : هههههههههههههههههه
موضي : وشفييييك .. تعال اساعدك انا اعرف ذوقها
نزلهم على الارض وجلسوا يشوفونهم واحتاروا فعلا واحد ازين من الثاني ..
سما وهي تمسك واحد : هذا هذا ولله عجيييب واذا ما عجبها اعذرني حرمك ما بيكون عندها ذوق من اليوم ورايح ..
تركي يعاندها : يعني جايبه شي جديد هذا انا مختاره قبلك ..
سما : لااااا ولله يو اخترته قلت انت انا اخترته ..
ضربها من راسها : مو انا جايبهم معناه انا مختارهم بس عجزت ارسي على واحد وادري انهم كلهم حلوووين بس محتااار ..
ام سعوود . لا بجد اللي معك يلفت اكثر ..
تركي : اجل توكلنا على الله .. خلني ارجع الباقي ..
امه : يله يمه اللي يجعله مبرروك عليكم ..


وخذاهم وطلع ..




ببيت الجده ..
بدريه والخدم ينظفوون المجلس والصالات ..
وام خالد طالعه تشتري بعض اغراض يحتاجونها ..



خالد ومحمد كانوا يمشون مع بعض بممر المستشفى .. وقابلهم تركي اللي توه داخل وهم طالعين ..
خالد : هلاااااا بالمعرس اللي نسف الشغل على جنب ..
محمد : ههههههههه لو مو اختي العروس كان جريتك جر من اذنك تكمل شغلك الخال احتاس اليوم بدونك ..
خالد وهو يحك ذقنه : تصدق توي ادري انك لك فايده بهالمستشفى ..
محمد : ههههههههههههههههههههههههههههههههههه
تركي : طايح من عينك انا ..
ورن جوووال خالد ورفعه وانقلب وجهه وبان على وجهه ولا حظه محمد .. ومشى بس مسكه محمد من يده لان تركي استأذن ..
خالد التفت .. نعم ..
محمد بخوووف وهو ملااااحظ هالتغيير على خالد وساكت : شفيك من اللي اتصل ..
خالد: .. محد انا برووح مستعجل ..
محمد مسكه وهو مصر ما يتركه الا لما يعرف ..
خالد توهق وهو يعرف محمد ما راح يتركه .. وقلبه يرجف .. لانه حارس العماره ما يتصل الا اذا صااار شي كايد ..
ورجع رن جواله ..
محمد وهو يمسكه ويسحبه من يده رفع السماعه وانهمر عليه المصري بالكلاام : استاز خالد البنت اليوووم مالهاش صوووت خالص دنا خاييف لا يكون حصل ليها حاقه ..
محمد طير عيونه من الكلام اللي سمعه .. معقوووله خالد يكون راعي بنات .. ولا وشقق بعد .. قلب وجهه اسود ..
سحبه خالد منه بثقه وهو يقول نعم حسب الله شصاير ..: منا ائولت لك البنت مالهاش صوووت خاااالص
خالد : زييين جااي جاااي ..
مشى خالد ومحمد يقووول بعصبيه : خالد شاللي سمعته .. شيخربط هالرجال .. انت يا خالد انت ..
خالد رجع لها وهو يحط وجه بوجه محمد وما يفصل بينهم شي وقال : لا يروووح فكرك بهذاك الراااي ..ومشى ..
محمد لحقه وقال : وين بترووح ..
خالد بضيق بلحق على البنت ..
محمد : طيب فهمني قولي ..
خالد . اذا رجعت ..
محمد .. وقف لا ترووح بروووح معك ..
ركب خالد سيارته وركب محمد .. ومشى ..
ومحمد فكره يوديه ويجيبه .. وانصدم زيياده لما عرف طريق الشقه هذا شقه العيله .. لها الدرجه متجرء
وقف خالد ونزل وجاه الحارس يركض .. استاز خالد انته فين .. ما مريتش اليووم ولا حتى اتصلت ..
خالد وهو ماشي : لييه شفيه .. شفيك عفستنا
الحارس : ما عرفش اليوووم ما سمعت ليها اي صووووت وخفت لحسن يكون فيها حاقه..
وقف محمد عند الحارس وخالد دخل .. فتح الباب .. وكان ظلاااااام خرمس.. والقزاز والحجر والاباجوره بمكااانهم ..
راح يركض للغرفه فتح الباب ويشوفها بعد ظلااام .. فتح النوووور وهو يشوفها بالفراااش علا وضعها وتبكي ويدينها وجسمها مثل الخيووط ..
قرب وهو يشوفه خيط شاف محل الخيط وكان مربووط بالسرير ومنفك وهي ما تقدر تقووووم اذا ما مسكته وكانت معتمده على الله ثم على هالخيط واليوم انفك .. رفع راسها من الوساده حركها .. البنت مو حاسه فيه.. حاول يصحيها يطبطب علا وجهها مو بوعيها .. اخذ علبه المويا اللي بجنبها ورش وجهها فيييه تنهههدت وبدت تصحى فيه .. خالد وهو يرفعها يعدلها : شفيييك ؟؟
انكسر قلبه وهو يشوفها كذاااا ..
مد يده بيقومها و يعدلها هي نفضت يده ويالله تجر صوتها وبأسى .. بعععععععععععد بععععد يا دعوه امي عللللي ..
ما اهتم .. قومها وهو يجلسها .. صرخت من طريقه تقويمه لها آآآلمها بقووووه ..
ومحمد سمع صرختها وكان بيدخل بس تردد ..
حارس العماره كبير مشى وهو يقووول : لا حول ولا ئوه الا بالله فيه حد يعمل بمراته كدا ومشى ..
محمد صدمه صدمه صدمه .. وش يخربط هالشايب ..وش هالصراخ اللي داخل ..

زينه وهي ترتجف بين يديه وهو يحاول يمسكها من الضعف اللي حل بجسمها ..
زينه من قلبها : الله يوريني يوم فيك يا خالد .. انشالله تشوفها باللي تحب .. ربي ما يحرمني يا خالد .. حسبي الله عليك حسبي الله عليك ..
خالد تنرفز عليها عقب ما تعاطف معها تدعي وتحشي وهو مايعرف الالم اللي مسببه لها وهو يرميها على السرير : انتي هيه ..شقاعده تخربطين شسووويييت ..
زينه وهي تلتفت عليه بتعجب : شسوييييت .. كل هذا ووش سووويت ..
خالد بنفاذ صبر : قصرررررري حسك لا ادفنك بأرضك هالحييين ..
زينه كانت تفوووور بداخلها ما تدري شتققووول .. يغللط ويعذب ويجرح وبالاخير يرجع يخانق .. كانت رده فعلها انها : اتفوووووووووووووووووو بوجهه .. اصلا مانت برجال يوم تسوي بمره كذااا ..
وكانت بععععييين محمد لما دخل ..
خالد غمض عيونه وعد للعشره يمسك نفسه عنها بس ما قدر .. لف وجهها بكف قوووووووووووووييي


انهال عليها ضرب ورفس وهي خلااااااص انتهت وعرفت انها نهايتها غمضت عيونها ..
وبعدها حست انه شي بداخلها انفجر وحرارته انتشرت بجسمها من طيحتها بالارض .. لما انهها برفسه قويه بظهرها ..
ومحمد يمسكه عن البنت اللي تحت رجلينه .. واالي خوفه زياده سكونها ..
محمد بعصبيه وصررراااخ : بعععععععععععععععد ذبحتها .. رماه على جنب .. ونزل للبنت بيقومها وهي نفضت يده وتدعي عليه ..
طلع خالد من الشقه ومحمد لحقه ..وهي تكورت تبي تهدي من الالم اللي اجتاحها
محمد يمسكه وهو متوجهه لسيارته وبقمه جنونه .. : خاالد شفييك .. ؟؟ شاللي يصير ؟؟ من هالبنت ؟؟ وليش حاطها هنا ؟؟ مو خايف احد يجي ويشوفها ؟...
خالد كان يلهث ووده يرجع يكمل ... حرته ما بردت بعّد محمد بكل قوته عن وجهه ورجع بيكمل عليها .. ومحمد ركض وراه وهو مو عاااارف شاللي صارله اول مره يشوفه بهالشكل ..
دخل وهو يشوفها بمكانه بأرضه رفعها بيده وهو يصرخ بوجهها : وللله ولله يا زينه جنيتي على عمرك ودخلتي نفسك جهنم ..
زينه وهي تدفه وتستهتر فيه وتستفزه : يعني هالحين انا بالجنه .. هه هه ضحكتني ..
دفها وطيحها على السرير وهو يقول : زين استهتري وتحملي اللي بيجيك ..ولله لا اوريك نجوم الظهر ..
طلع وهو يقفل عليها الباب ..
محمد مصدوووووم .. كان شاك بأن اللي قدامه خالد .. خالد (الحنون اللي ما يأذي القطو كذا يسوي بأنسانه آآدميه )
خالد وقف وراء الباب يستوعب ومحمد يناظر فيه شافه كيف يتنهد ومنزعج ومو راضي عن نفسه وتصرفاته ..
محمد ما عرف شيسوي جاه بالهداوه قاله تعال تعال قولي شها الفلم اللي شفته ..








بالبيت الساعه 9 ونص باليل .. بعد ما تعشوا كل واحد راح يشوف له شغله ..
بدريه : لا ولله يا خوووي ما اسمح لك .. تسافر وملكه بنتي بكرا وانت كبيرنا ..
عبدالمحسن : اروح الصبح وارجع قبل المغرب ..
بدريه : وش يضمن لي ان الطياره ما تتأخر ..
الجده : وهي صادقه .. لا تروووح ما فيه شي يطيير ..
عبد المحسن : بكرا اربعا وهم ما يفتحون الا السبت بيتعطل الشغل ..
بدريه : ولله يا خوي ما ودي تروووح وتخلينا بهالمناسبه ..


ليا كانت جالسه بغرفتها دخل فيصل ..
لفت تشوف الا وهذا فيصل ..
دخل وهو يجلس جنبها على السرير .. وهي سكتت ..
فيصل : انا آسف ليا ,, ما كان قصدي بس انتي الله يهداك استفزيتيني ..
ليا ابتسمت :......
فيصل استغرب : قلت شي يضحك ..
ليا .. : طيب آسف حقتك هذي بتشيل لي اثر ايدك من وجهي ..
فيصل يهاديها مو عارف شيقول قال: حطي كريم وتخف انشالله ..
ليا وعيونها تدمع : وقلبي احط عليه كريم ويطيب جرحه .. ؟؟
فيصل التفت عليها .. وقام مقهور من نفسه ومن هالجرح اللي جرحه اخته .. يالله شكثر كبرت هالبنت وكبرت كلماتها معها ما تحمل ..
ليا حز بخاطرها وقبل يطلع قالت بصوت تخنقه العبره : مسمووووح يا خوي مسموووح ..
فيصل التفت وهو يناظر فيها مشاعره وعواطفه مختلطه مره يقول انا ابوها انا ربيتها ومره يقول مو من حقي امد يدي عليها فتح له يديه وهي جته وضمته وقال : تنقص يدي اذا مديتها عليك مره ثانيه ..
ليا ودموعها نزلت :وانا بعد ينقص لساني لا مديته عليك وعلى امي ماكنت اقصد وصاحت

امهم من وراهم .. الله يرضى عليكم يمه .. لاعاد تسون فيني اللي سويتوه ولا انا اللي بزعل ..
فيصل وهو يبعد اخته .. انشالله ..




محمد بذهووول : يــــالله يا خالد كل هذا شايله ومخبيه ..
خالد وهو يحس بشي من الراحه بعد ما تكلم : يآكل ويشرب معي هالهم ..
محمد بحل منطقي : زين طلقها منت مجبور فيها ..
خالد بأبتسامه بائسه جانبيه وكأنه يسخر من هالقدر اللي حطه بهالمكان : واتركها لكلاب الشوارع ..
محمد وهو يلتفت عنه للجهه الثانيه : لااااا بس اجرم فيها كل يوووم .. ويمكن كلاب الشوارع على قولتك ارحم منك ..
خالد بقهر : ولله هي اللي تستفزني ..احيانا اقول ماهي طبيعيه .. اهزئها تبتسم .. وهي اللي تدفعني لهالشي ..
محمد وهو يطق صدر خالد بصبعه :مقهور من ابوها تطلع حرتك فيها .. حسبي الله عليه من ابو .. وانت ما تقصر تكوفنها وتمسح بها الارض اعنبوك آآدميه اللي بين يديك .. تذكر هالجمله كل مره بتكوفنها .. آآآآآآآآآآدمــــــــــــــــيييه ..
خالد :تستفزنيييي اتغاضى عنها بس ما اقدر .. !!
محمد : بذمتك يا خالد .. انتبه .. سرحها بأحسان ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 11-05-2012, 05:53 AM
صورة أنفاسي عطر الرمزية
أنفاسي عطر أنفاسي عطر غير متصل
©؛°¨غرامي متألق ¨°؛©
 
الافتراضي رد: بنيت البيت طوبه طوبه لحد ما صرنا حموله / بقلمي ..غيمه عطــر


ليا عندها اخو مثل فيصل وتتشكى المفروض ترضى باللي ربي كاتبه لها واكيد احد بيحبها ويتزوجها وبيعوضها عن حنان الاب

خالد وزينة زينة زودتها المفروض تسايره على الاقل الين تتشافى مااستفادة غير زاد الامها النفسي والجسدي

مصيره فيصل يوصل للسان ريم ويقصه ههههههههه

يسلمووو على البارتات يا عسل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 11-05-2012, 08:00 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: بنيت البيت طوبه طوبه لحد ما صرنا حموله / بقلمي ..غيمه عطــر


صباح الفل ..........صباح الرياحين ........صباح الابداع ..........تسلم ايدك ياقلبي على البارت الحلو ......

ليا وفيصل وريم


ليا حشى صابتها عين كله من رنا والباقي عيونهم حارة ماتسوى عليها الطلعة والجوال ماتهنت فيهم ........بس ليا غلطانة بالي سوته بأمها وفيصل مو مقصر تشوف ريم يتيمة لاام ولا ابو ولا اخو يعني حالها احسن من غيرها ندى نفس الشي ابوها مو معاها ...........الحاسية الزايدة بتتعبها وهي مريضة اصلا بس ماادري اتوقع القلب يمكن


اما فصول موقفه مؤلم صعب لما تعطي بكل ماتقدر وغيرك مايقدر جد صدمته واحبطته الله يهديها ....... يالله عساها ماتنعاد ويرجعون مثل اول واحسن

اما ريم جد ماعجبني تصرفها وكلامها شدخلها هي بالي يصير بس فيصل بيربيها وبيعلمها طوالة اللسان والوقاحة كيف تكون بيتزوجها غصب عنها وبياخذ حقه


زينة وخالد

زينة زودتها وين لسانها هذا يوم ابوها يتهمها ويطردها ويدبس خالد فيها مهما كان هو الي فاتح لها بيته لو طلقها وين بتروح هل ابوها بيفتح بابه لها وهو طاردها وبعدين هي مكسرة وبتموت من الضرب ليه هالعناد والمكابر وطوالة اللسان ماينلام خالد فيها مهما كان الرجال مايتحمل الي يغلط عليه ومن ابسط حقوقه احترامها له كيف يغير نظرته لها وهي لسانها وكلامها مثل وجهها ...........بصراحة الغلط غلطها هي


ندى وتركي

ندى ان شاء الله تركي يهجدها شوي عن خبالها ويعلمها المسؤلية الي تنتظرها .........مو مهم للبنت تتزوج المهم كيف تتصرف مع زوجها واهله والاستهبال والرجة ماتنفع ........اعتقد ماراح تبطل حركاتها الا بمواقف وانتقادات من تركي .......لاتخلي تركي يتأثر فيها مو حلو الرجال يصير خفيف واهبل اذا ندى البنت حركاتها ماتنبلع كيف لو رجال

في انتظارك ياعسل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 11-05-2012, 05:04 PM
صورة غيمةعطر الرمزية
غيمةعطر غيمةعطر غير متصل
©؛°¨غرامي مجتهد¨°؛©
 
11302798202 رد: بنيت البيت طوبه طوبه لحد ما صرنا حموله / بقلمي ..غيمه عطــر


اقتباس:
المشاركة الأساسية كتبها أنفاسي عطر مشاهدة المشاركة
ليا عندها اخو مثل فيصل وتتشكى المفروض ترضى باللي ربي كاتبه لها واكيد احد بيحبها ويتزوجها وبيعوضها عن حنان الاب

خالد وزينة زينة زودتها المفروض تسايره على الاقل الين تتشافى مااستفادة غير زاد الامها النفسي والجسدي

مصيره فيصل يوصل للسان ريم ويقصه ههههههههه

يسلمووو على البارتات يا عسل
يا هلا وغلا ..
شفتي كلن بالي عنده مو راضي .. بس كل شي يزود عن حده ينقلب ضده..لمااا يعااملوها بحذر ولاتزعل ولا يصير بخاطرها شي .. بتحس بالنقص .. اما لو يعاملوها عادي كان ما يفرق عندها ..

للحين ما كشفت الجانب الثاني من شخصيه زينه .. ولو بس تراجعين اول البارتات ولالاحداث بيتضح لك .. وما جت فرصتها للحين بأن اظهر شخصيتها الثانيه ..

مايدرى عن ريم شلون بينقص لسانها ..

الله يسلمك .. ويخليك ..
.
.
.
.
.
.. غيمه عطر ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 11-05-2012, 05:14 PM
صورة غيمةعطر الرمزية
غيمةعطر غيمةعطر غير متصل
©؛°¨غرامي مجتهد¨°؛©
 
الافتراضي رد: بنيت البيت طوبه طوبه لحد ما صرنا حموله / بقلمي ..غيمه عطــر


اقتباس:
المشاركة الأساسية كتبها وردة الزيزفون مشاهدة المشاركة
صباح الفل ..........صباح الرياحين ........صباح الابداع ..........تسلم ايدك ياقلبي على البارت الحلو ......

ليا وفيصل وريم


ليا حشى صابتها عين كله من رنا والباقي عيونهم حارة ماتسوى عليها الطلعة والجوال ماتهنت فيهم ........بس ليا غلطانة بالي سوته بأمها وفيصل مو مقصر تشوف ريم يتيمة لاام ولا ابو ولا اخو يعني حالها احسن من غيرها ندى نفس الشي ابوها مو معاها ...........الحاسية الزايدة بتتعبها وهي مريضة اصلا بس ماادري اتوقع القلب يمكن


اما فصول موقفه مؤلم صعب لما تعطي بكل ماتقدر وغيرك مايقدر جد صدمته واحبطته الله يهديها ....... يالله عساها ماتنعاد ويرجعون مثل اول واحسن

اما ريم جد ماعجبني تصرفها وكلامها شدخلها هي بالي يصير بس فيصل بيربيها وبيعلمها طوالة اللسان والوقاحة كيف تكون بيتزوجها غصب عنها وبياخذ حقه


زينة وخالد

زينة زودتها وين لسانها هذا يوم ابوها يتهمها ويطردها ويدبس خالد فيها مهما كان هو الي فاتح لها بيته لو طلقها وين بتروح هل ابوها بيفتح بابه لها وهو طاردها وبعدين هي مكسرة وبتموت من الضرب ليه هالعناد والمكابر وطوالة اللسان ماينلام خالد فيها مهما كان الرجال مايتحمل الي يغلط عليه ومن ابسط حقوقه احترامها له كيف يغير نظرته لها وهي لسانها وكلامها مثل وجهها ...........بصراحة الغلط غلطها هي


ندى وتركي

ندى ان شاء الله تركي يهجدها شوي عن خبالها ويعلمها المسؤلية الي تنتظرها .........مو مهم للبنت تتزوج المهم كيف تتصرف مع زوجها واهله والاستهبال والرجة ماتنفع ........اعتقد ماراح تبطل حركاتها الا بمواقف وانتقادات من تركي .......لاتخلي تركي يتأثر فيها مو حلو الرجال يصير خفيف واهبل اذا ندى البنت حركاتها ماتنبلع كيف لو رجال

في انتظارك ياعسل
مسأءك احلى واجمل .. مساءك قهوه وهيل .. وعلبه حلاااوو من عيونك اللي قرت ,,
واللعه يسلمك من كل شر يارب ..


ليا .. حساسه ودلوعه بعد .. بس لما وصلت مرحله ضعف قويه خبصت ودخلت الامور ببعض .. يعني هي معصبه وحمقانه وامها جابت طاري اخوها اللي تغارمنه وتغار عليه فاااا لخبطت الدنياااا علا بعضها .. مرضهها ؟؟؟ القلب!!!! ماندري نشوووف ؟؟ *.^..
وفيـــــصل كثر الحرص ما يصلح .. صح موقفه صعب ويجرح بس الشكوى لله اخته بالنهايه ودلوعه وحساسه ومرحله مراهقه وتعبانه ووو...


تدرين شاللي يقهرني بجد .. انه لما يصييير موقف بين اي ولد وبنت قالوا يتزوجها ويأدبها لااا يا عينني لا .. لا تخلين هذا تفكريك فكري اكككثر وشوفيي يطلع معك شي ثاني ..
حتى اختي لما قرت هالمقطع قالت اكيد تزوجينهم ولله انقهرت . ههههههههه سوري ..

ندى الله يهداها .. ولله كثير من البنات عقب الزواج تعقل وتتغير .. لما تحس بالمسؤوليه تجاه الزوج وامه وخوات زوجها اذا فيه تتغير ..


ربي يخليك .. نشالله ويسلموو على الرد ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 11-05-2012, 09:43 PM
صورة عبق اللرياحين الرمزية
عبق اللرياحين عبق اللرياحين غير متصل
©؛°¨غرامي متألق ¨°؛©
 
الافتراضي رد: بنيت البيت طوبه طوبه لحد ما صرنا حموله / بقلمي ..غيمه عطــر


السلام عليكم ورحمه الله وبركاته

يسعد لي مساااااءك بكل خير ومحبه
تسلم يدينك ياقلبي على هالبارت الرووووووعه والله الود ودي كل يومين بارت لان فعلاا قلمك رائع
ويشد الواحد غصب

زينه وخالد
لاااااااا حرااااام عليه خالد وش هالهمجيه بس يجي يطلع حرته فيها ويمشي حرام عليه هي اللحين بذمته ومسؤال
عنها وبدال ما يراعيها ويحميها يقوم يزد من قسوته عليها وبعدين وش هالحركه الحقيره مو اهو عارف ان وضعها
الصحي مايسمح لها تتحرك كثير يقوم ينثر الي نظفته الصراحه كرهته

زينه اصبري مااااالك الا الصبر لان مالك الا خالد اللحي هو كل اهلك لان ابوك ومرته الحيزب اكيد ما راح يستقبلونك
لوتركتي خالد فحاولي انك تكسبينه ولااتعصبين به وتستفزينه اكره ما على الرجال ان المره لسانها طويل
فحاولي انك ترضينه لانه بتعاملك الحلو معه هو بيلين لك

لياااا
طعم اليتم مررر حيل واي نظره او كلمه من اي شخص حتى لو مو مقصوده تجرح اليتيم بشكل فظيع
الله يكون بعونها هي بنت حساسه حييييل ونعومه ماتتحمل اي شيء لان فقدها لابوهاااا كسر جواتها اشياء كثيره
وخاص وانها تشوف تعامل عمامها مع بناتهم حتى لو عاملوها زيهم او ان فيصل يعوضها تظل تحس بالنقص
ولابو مافيه احد بالدنياااا يعوضه
وهي انفجرت بوجه الكل بسبب تراكمت مرت فيهااا وفجرتها باقل موقف بس حلووو انها عرفت غلطها وتاسفت
لاخوها وامهاااا بس المفروض تخفف من حساسيتها الزايده لانه عندها فيصل وامها الي معوضينها ويلبون
لها كل طلباتها ومو قاصرها شيء

فيصل
الله يعينك حملت مسؤليه امك واختك وانت توك صغير بس اديت الواجب الي عليك باكمل وجه ولاتاخذك الظنون
انك مقصر بحق ليا بالعكس انت كفيت ووفيت بس يظل فقدهالابوها بياثر عليهاااا
ويعجبني فيك اهتمامك وبرك بامك احب الرجل الي يبر بامه ويبديها على روحه يكبر بعيني بشكل

ندى وتركي
يااااليل البعارين ندى ذي بروحها حفله ياخوفي بكره تجنن تركي معهااا وخاصه وانه شكله طاير فيها بس
اتمنى ان تركي يهجدها مو هي الي تطيره

شيخه
ياااااااالبى قلبها هالبنت احسها مثل النسمه البارده بعز الصيف شامله لكل باهتمامها وحبها وجالسه
تحاول الكل بقدر استطاعتها والله ان سويلم خسر خساره كبيره يوم فرط فيك

تسلم يدينك يالغلاا على هالرائعه لاخلاا ولاعدم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 12-05-2012, 09:31 PM
صورة NO ONE.. الرمزية
NO ONE.. NO ONE.. غير متصل
©؛°¨غرامي جديد¨°؛©
 
الافتراضي رد: بنيت البيت طوبه طوبه لحد ما صرنا حموله / بقلمي ..غيمه عطــر


السلام عليكم ورحمة الله وبركآته ..

مسآء الخير .. مسسآء الابدآع والتميز .. مسآء الحرف الرآقي ..

اللي قآلت لي عن الروآيه زيزو حبيبتي هي ، قلتلك زيزو ذوقك لا يعلى عليه ذوق رآقي جميل .. وقريتهآ ونفس مآ توقعت من قبل زي كل الروايات اللي قالت لي عنهآ رآئعه مميزه من طريقه الاحدآث آو من الشخصيآت بـ طريقه آسهل الروآيه كآمله رآئعه مآ آقدر آوصفهآ ..

تسلمي غيمة عطر مبدعه ويعطيك العافيه حبيبتي ..

---------------------------

آمآ عن الشخصيات :

خآلد و زينه . .
حرآم عليه يسوي فيهآ كذآ يعني هي لهآ ذنب انو خلته يتزوجهآ غصب مآلهآ دخل باللي صار لو فيه خير يروح لـ آبوهآ مو هي ويجي يمد يده عليهآ بعد مآ يشوف اللي فيهآ آوكي غلطت عليك وكلامهآ جآرح والرجآل مآ يرضى آنه تنجرح كرآمته بس مهمآ كآن مآ يمد يده عليهآ كذآ يعاقبهآ بس بـ طريقه غير ...

آمآ زينه لسآنهآ طويل يعني مسويه بطله وقويه قدآمه وين قوتهآ يوم زوجه ابوهآ الحقيره تمد يدهآ عليهآ ولا دآفعت عن نفسهآ ، تعرف انه بيوريهآ شغلهآ اذا طولت لسآنهآ وتزيد المفروض تفكر بنفسهآ وتشكره اللي ضافهآ بـ بيته ورآحمهآ وتتسكت ...


فيصل ..
شخصيه تجنن يعجبني كل شيء فيه من تصرفات من افعال واقوآل بس قهرني يوم ضرب آخته المفروض يراعي شعورهآ آنت مآ قصرت معهآ بشيء بس مهمآ كآن الابو مكآنته غير مو مسأله محتآجه شيء ولا تلقآه لا المشكله آنه شعور الابوه هي مآ حست فيهآ عالجت الخطآء بـ خطآء ثاني هي كآنت منهآره وآنت زدت عليهآ ...

بس ممره حنونه يآحظ اللي بـ تكون من نصيبه مدري عندي آحسآس آنهآ شيخه مدري يمكن آو ريم بس الاكثر شيخه ....

لييآآ ..
آنسانه حساسه ممممره ودلوعه بعد كآنت بـمرحله ضعف محد يلومهآ لو حست بالاحسآس هذآ فآقد الشيء غير الصرآحه بس هي زودتهآ شوي يعني مهمآ كآن مآ تغلط على آمهآ وآخوهآ الكبير يكفي اللي مسويه لك وآمك بعد مهمآ كآن هذي آمك ... آمآ عن مرضهآ يمكن قل منآعه يعني مآ عندهآ منآعه زآيده واذا مآ خذت دوآهآ تمرض من آي شيء وبسرعه بعد ...


شيخه ..
حبيبتي هي فديتهآ عقل وثقل تحمل مسؤوليه وطيبه وحنآن وكل شيء .. ربي يكتب لك اللي فيه الخير الله يعوضك يارب ..


ندى ..
هـ الانسآنه ذي مطفوقه مخروشه خفيفه مو وجهه زوآج والله ... بس يالله خليهآ تفلهآ قبل الزوآج ههههههه وتعقل بعده آن شاء الله عآد اللي بيآخذهآ تركي شكله كآن يحبهآ من قبل ومتعلق فيهآ وجته فرصه وقال انه يبيهآ ... آن شاء الله معآه تتغير وتعقل ..


بـ آنتظآر مآ تخطينه من آبدآع .. وكلنآ معآك بـ آذن الله الى مآ ترسو سفينتك على شوآطئ الامآن ..

دمتي بـ حفظه سبحآنه ..


تعديل NO ONE..; بتاريخ 12-05-2012 الساعة 11:19 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 12-05-2012, 10:18 PM
صورة غيمةعطر الرمزية
غيمةعطر غيمةعطر غير متصل
©؛°¨غرامي مجتهد¨°؛©
 
الافتراضي رد: بنيت البيت طوبه طوبه لحد ما صرنا حموله / بقلمي ..غيمه عطــر


لي عوده للردود انشالله ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 12-05-2012, 11:52 PM
صورة غيمةعطر الرمزية
غيمةعطر غيمةعطر غير متصل
©؛°¨غرامي مجتهد¨°؛©
 
11302798202 رد: بنيت البيت طوبه طوبه لحد ما صرنا حموله / بقلمي ..غيمه عطــر


اقتباس:
المشاركة الأساسية كتبها عبق اللرياحين مشاهدة المشاركة
السلام عليكم ورحمه الله وبركاته

يسعد لي مساااااءك بكل خير ومحبه
تسلم يدينك ياقلبي على هالبارت الرووووووعه والله الود ودي كل يومين بارت لان فعلاا قلمك رائع
ويشد الواحد غصب

زينه وخالد
لاااااااا حرااااام عليه خالد وش هالهمجيه بس يجي يطلع حرته فيها ويمشي حرام عليه هي اللحين بذمته ومسؤال
عنها وبدال ما يراعيها ويحميها يقوم يزد من قسوته عليها وبعدين وش هالحركه الحقيره مو اهو عارف ان وضعها
الصحي مايسمح لها تتحرك كثير يقوم ينثر الي نظفته الصراحه كرهته

زينه اصبري مااااالك الا الصبر لان مالك الا خالد اللحي هو كل اهلك لان ابوك ومرته الحيزب اكيد ما راح يستقبلونك
لوتركتي خالد فحاولي انك تكسبينه ولااتعصبين به وتستفزينه اكره ما على الرجال ان المره لسانها طويل
فحاولي انك ترضينه لانه بتعاملك الحلو معه هو بيلين لك

لياااا
طعم اليتم مررر حيل واي نظره او كلمه من اي شخص حتى لو مو مقصوده تجرح اليتيم بشكل فظيع
الله يكون بعونها هي بنت حساسه حييييل ونعومه ماتتحمل اي شيء لان فقدها لابوهاااا كسر جواتها اشياء كثيره
وخاص وانها تشوف تعامل عمامها مع بناتهم حتى لو عاملوها زيهم او ان فيصل يعوضها تظل تحس بالنقص
ولابو مافيه احد بالدنياااا يعوضه
وهي انفجرت بوجه الكل بسبب تراكمت مرت فيهااا وفجرتها باقل موقف بس حلووو انها عرفت غلطها وتاسفت
لاخوها وامهاااا بس المفروض تخفف من حساسيتها الزايده لانه عندها فيصل وامها الي معوضينها ويلبون
لها كل طلباتها ومو قاصرها شيء

فيصل
الله يعينك حملت مسؤليه امك واختك وانت توك صغير بس اديت الواجب الي عليك باكمل وجه ولاتاخذك الظنون
انك مقصر بحق ليا بالعكس انت كفيت ووفيت بس يظل فقدهالابوها بياثر عليهاااا
ويعجبني فيك اهتمامك وبرك بامك احب الرجل الي يبر بامه ويبديها على روحه يكبر بعيني بشكل

ندى وتركي
يااااليل البعارين ندى ذي بروحها حفله ياخوفي بكره تجنن تركي معهااا وخاصه وانه شكله طاير فيها بس
اتمنى ان تركي يهجدها مو هي الي تطيره

شيخه
ياااااااالبى قلبها هالبنت احسها مثل النسمه البارده بعز الصيف شامله لكل باهتمامها وحبها وجالسه
تحاول الكل بقدر استطاعتها والله ان سويلم خسر خساره كبيره يوم فرط فيك

تسلم يدينك يالغلاا على هالرائعه لاخلاا ولاعدم
ويسعدلي مساااك انا يا عيني .. الله يسلمك ويخليك ربي لعين ماتحبين وترجين ..
وانا بعد ماودي ولله اتأخر عليكم بس معليش .. تعذروني انتم بس فتره اختباراتي الفاينل ..وبعدها حددو الايام اللي تبوون ومن عيوووني ..

زينه وخالد لسى بأول الطريق بيعيشووون حياه شد وجذب .. حركاته هو معاها بيختبر صبرها واستفزازها له بتختبر تحمله ..ولي مغزى في اللي قاعد يصير بزينه .. وكمان بعد انتي قلتيها الرجااال مايحبوون المره طووويله للساان ... (هالفتره هذي البنات يعيشووون الدور خاصه اللي توه متزوجين عباله بتجيبه على كيفها .. ماتدري ن الرجال ما يجي الا بالكلمه الحلوه )..

بالنسبه لليا .. لما يزيدوون الجرعه عمامها من ناحيه انوه ما جابوا لبناتههم جابوا لها وما خذوا من بناتهم خذو منها معععع دلال فيصل يولدووون عندها طاقه من الدلع ةالحساسيه اللي اي شي يهزه ويوتره ويخرب عيشتها .. حلوه معاملتهم وما فرقوووا بس الاب لبنته غييير ..
وفيصل هنا بره بأمه قصدت فيه المغزى الثاني .. وكيف بره يصير بعد زواجه بيزيد ينقص بيختفي ..

ندى الي شنيتووا عليها حمله هههههههههه بـ........... لا لا لا ما اقووول انتظرووو
ولله مابي اكشف خيوووط وتنحرق لروايه .. هههههه


جدا جدا جدا عجبني تشبيهك لشيوخ ..

واعيونك اللي قرت تسلم لي انشالله .. ومثل ما قلت فتره الاختبارات وتعدي .. ونعقد اتفاق جديد بالبارتات ... بأختياركم انتم ..

بحفظ الله يا غاليه ..
.
,.
.
.
..غيمه عطر ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 13-05-2012, 12:16 AM
صورة غيمةعطر الرمزية
غيمةعطر غيمةعطر غير متصل
©؛°¨غرامي مجتهد¨°؛©
 
11302798202 رد: بنيت البيت طوبه طوبه لحد ما صرنا حموله / بقلمي ..غيمه عطــر


اقتباس:
المشاركة الأساسية كتبها no one.. مشاهدة المشاركة
السلام عليكم ورحمة الله وبركآته ..

مسآء الخير .. مسسآء الابدآع والتميز .. مسآء الحرف الرآقي ..

اللي قآلت لي عن الروآيه زيزو حبيبتي هي ، قلتلك زيزو ذوقك لا يعلى عليه ذوق رآقي جميل .. وقريتهآ ونفس مآ توقعت من قبل زي كل الروايات اللي قالت لي عنهآ رآئعه مميزه من طريقه الاحدآث آو من الشخصيآت بـ طريقه آسهل الروآيه كآمله رآئعه مآ آقدر آوصفهآ ..

تسلمي غيمة عطر مبدعه ويعطيك العافيه حبيبتي ..

---------------------------

آمآ عن الشخصيات :

خآلد و زينه . .
حرآم عليه يسوي فيهآ كذآ يعني هي لهآ ذنب انو خلته يتزوجهآ غصب مآلهآ دخل باللي صار لو فيه خير يروح لـ آبوهآ مو هي ويجي يمد يده عليهآ بعد مآ يشوف اللي فيهآ آوكي غلطت عليك وكلامهآ جآرح والرجآل مآ يرضى آنه تنجرح كرآمته بس مهمآ كآن مآ يمد يده عليهآ كذآ يعاقبهآ بس بـ طريقه غير ...

آمآ زينه لسآنهآ طويل يعني مسويه بطله وقويه قدآمه وين قوتهآ يوم زوجه ابوهآ الحقيره تمد يدهآ عليهآ ولا دآفعت عن نفسهآ ، تعرف انه بيوريهآ شغلهآ اذا طولت لسآنهآ وتزيد المفروض تفكر بنفسهآ وتشكره اللي ضافهآ بـ بيته ورآحمهآ وتتسكت ...


فيصل ..
شخصيه تجنن يعجبني كل شيء فيه من تصرفات من افعال واقوآل بس قهرني يوم ضرب آخته المفروض يراعي شعورهآ آنت مآ قصرت معهآ بشيء بس مهمآ كآن الابو مكآنته غير مو مسأله محتآجه شيء ولا تلقآه لا المشكله آنه شعور الابوه هي مآ حست فيهآ عالجت الخطآء بـ خطآء ثاني هي كآنت منهآره وآنت زدت عليهآ ...

بس ممره حنونه يآحظ اللي بـ تكون من نصيبه مدري عندي آحسآس آنهآ شيخه مدري يمكن آو ريم بس الاكثر شيخه ....

لييآآ ..
آنسانه حساسه ممممره ودلوعه بعد كآنت بـمرحله ضعف محد يلومهآ لو حست بالاحسآس هذآ فآقد الشيء غير الصرآحه بس هي زودتهآ شوي يعني مهمآ كآن مآ تغلط على آمهآ وآخوهآ الكبير يكفي اللي مسويه لك وآمك بعد مهمآ كآن هذي آمك ... آمآ عن مرضهآ يمكن قل منآعه يعني مآ عندهآ منآعه زآيده واذا مآ خذت دوآهآ تمرض من آي شيء وبسرعه بعد ...


شيخه ..
حبيبتي هي فديتهآ عقل وثقل تحمل مسؤوليه وطيبه وحنآن وكل شيء .. ربي يكتب لك اللي فيه الخير الله يعوضك يارب ..


ندى ..
هـ الانسآنه ذي مطفوقه مخروشه خفيفه مو وجهه زوآج والله ... بس يالله خليهآ تفلهآ قبل الزوآج ههههههه وتعقل بعده آن شاء الله عآد اللي بيآخذهآ تركي شكله كآن يحبهآ من قبل ومتعلق فيهآ وجته فرصه وقال انه يبيهآ ... آن شاء الله معآه تتغير وتعقل ..


بـ آنتظآر مآ تخطينه من آبدآع .. وكلنآ معآك بـ آذن الله الى مآ ترسو سفينتك على شوآطئ الامآن ..

دمتي بـ حفظه سبحآنه ..
مسآءك احلى .. مســآءك اجمل .. مسآءك فخر قلم انتي احد قرآءه .. مسآء الخييير ..
زيزو آآه يا زيزوو.. قولي لي وش حنا من غير زيزووو .. ربي يخليها ..وكلها خير وبركه الله خلتك تطلين علينا ..


الشخصيات ..
ترى زينه كذاا من قبل تعرف خالد بس صدمتها بأبوها الجمتها .. وسكوتها عن خالد وقسوته بسبب ضعفها وما ن حست بنفسها وبقل حيلتها حاول تتسلح بشخصيتها القديمه .. بالنهايه لقت حتفها .. ما يقصر خالد .. حتى خالد مو كذا شخصيته نفس اللجام اللي الجم زينه الجمه .. هي غلطت وهو غلط بالاول .. بس السوال من بيسشتسلم ويكبر عقله من بيضحي ويسكت من بيتحمل هنا الكلام كل هذا واكثر انشالله بالبارتات الجايه

ببرر موقف فيصل .. تخيلي انوه قايمه من النوووم .. وتلقين احد يصاارخ على امك .. وانتي ما تدرين شالسالفه وسامعه بس تراطيش كلام .. ولا الام تدافع عن اللي نايم لا يصحى وانتي بقمه ضعفك بتزيدين حرتك وتدخلين كلامك ببعض وتطلعين الاولي والتالي وايشش يسكتك .. ما يسكت المتفعل بالنسبه للرجال الا ضربه تفوقه وتصحييه .. وضربه ليا كانت كف .. وزي ما قلتي الابو غييير .. وتوفير الاحتياجات مو كل شي .. فيه شي ما يقدر يعطيه الا صاحبه ..

** توضيح ** شيخه تكون اخت لفيصل من الرضاعه هي ومحمد ..

مرض ليا اعراضه تبين بالبارتات .. واستنتجووه ..

ندى حكايات لن تنتهي .. وتركي مو قليل شر ..

شيووخ ربي يخليها نكهه حكايتنا ..

وثقي ثقه تامه بأن قاربي لم ولن يجروء علا الابحار لو لم يكن له عيون تنتظره ليصل كل يوم اثنين وخميس ..
حياك ربي من جديد .. وبأنتظارك بنهايه كل بارت ..
بحفظ الله يا غاليه ..

.
.
.
,
,
..غيمه عطر ..


الرد باقتباس
إضافة رد

بنيت البيت طوبه طوبه لحد ما صرنا حموله / بقلمي؛كاملة

الوسوم
ماصرنا , البيت , تنجب , حموله , غيمه , طوبه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جعلت مني شيطان فجعلتها بركه من الدماء / بقلمي Angel sinless روايات - طويلة 59 03-03-2019 02:00 PM
لو تعرفين وش يعني قهر الرجال ما أبتسم ثغرك لـغيري رجل /بقلمي؛كاملة النور- روايات كامله - يتم نقل الرواية هنا بعد اكتمالها 1565 22-09-2018 12:58 PM
حبيتك وما دريت اني بحبي جريح/بقلمي ashwa8ee روايات - طويلة 196 29-03-2016 02:55 PM
الحقيقه اللتي لاتريدون الاعراف بها ان الذكر متفوق بكل المجالات عليكم beloved. ارشيف غرام 360 29-03-2015 10:05 PM
البحث عن الطفلة "رزان" المختفية في جدة منذ الأحد ــــــــــــــ أخبار عامة - جرائم - اثارة 10 19-03-2015 04:31 AM

الساعة الآن +3: 12:28 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1