غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 24-04-2012, 05:26 PM
صورة أحلام عمان الرمزية
أحلام عمان أحلام عمان غير متصل
ह♥♣ دَمعہ آلغَلے ♣‎♥ह
 
Upload1120a2f436 يمه تكفين / بقلمي








خالد نزل للصالة شاف امه وابوه واخته ندى سلم عليهم

الكل رد السلام

خالد: انا بطلع الحين تامرون على شي؟

ام خالد تصرخ بأعلى صوت عندها: خلؤد رد علي ..وين رايح؟

خالد ببرود لانه تعود عليها: يمه جلت لج الصباح بروح مسقط.

ام خالد ونفس مستوى الصوت: ويش عندك بمسقط؟؟ كل يومين ناط مسقط؟؟

خالد ما رد عليها ومسك مقبض الباب يبي يطلع من البيت..

ام خالد زادت صريخ: لما اكلمك يا خلؤد رد علي ..حسبي الله عليك من ولد ان شاء الله روحه بلا رده اووف منك من ولد..

خالد لف جسمه ووعينه بعين امه وبصوت مخنوق: ان شاء الله يا الغالية .. كل اللي تبينه بيصير..

وطلع خالد من البيت خلاااص تعب من امه كل يوم تدعي عليه وعلى اخوانه حرام اللي تسويه فيه..

لكن ام خالد ما كفاها هذا وجلست تتأفف

ابو خالد اخيرا نطق: وبعدين معج كل يوم تدعي على العيال حرام عليج خافي ربج في عيالج.

ندى اللي ما تحملت السكوت: يمه دعوة الوالدين مستجابة.

ام خالد تشرب من القهوة: نخلص من خالد تجي انتي.

ندى تقوم من مكانها وتطلع لغرفتها: الله يهديج بس.

ام خالد رجعت تصرخ: شايفتني مجنونة؟؟ انا ماعرفت اربيج يا قليلة الادب.



في بيت ابو فهد:

هند في غرفتها اللي صايرها مخزن من اغراض عرسها.. كانت حاطة كل اغراض عرسها على الارض وترتبهم وتفرزهم.. واللي قطع عليهاصوت جوالها

هند تشوف على الجوال: ندووش شتبغي الحينه ..ألوو

ندى بصوت مخنوق: الوو هندوي

هند بخوف: ندوش شفيج ليش صوتج جذي؟

ندى: تعبت هندوي تعبت والله تعبت

هند: شفيج شو اللي متعبج؟؟

ندى: اميه الله يهديها كل يوم تدعي علينا حرامعليها حنا عيالها مو غريبين عنها

هند: الله يهديها.. خلاااص ما تعودتوا عليها

ندى: الله يهديها.. "وتحاول تغيرالموضوع" مشغوله انتي الحينه؟؟

هند فهمت عليها انها تبي تسكرت الموضوع: ايه مشغولة وانتي قطعتي علي

ندى تضحك: ههههههههههههههه لا تقولي ترتبين اغراض عرسج

هند: ايه عندج مانع

ندى: هههههههههههههههههههه لا ما عندي مانع اجول تعالي عندي والله ضايج خلقي

هند تجمع الاغراض على صوب: وليش انتي ما تيين عندي انا ما يصير ايي عندج

ندى تحب ترفع ضغطها: وليش ما يصير خلؤد ما في البيت

هند: خلود في عينج واعرف انه مو بالبيت

ندى: هههههه يا عيني على اللي ما يرضون على الحبايب.. تعالي بس تعالي

هند: مشغولة اجولج

ندى: بيتنا جنب بيتكم مو بالصين تعالي بس تعالي

هند: اوكي نص ساعة وانا عندج

ندى: انتظرج..

وسكرت من ندى واخذت الاغراض وحطتهم على الكرفايه" السرير" ونزلت عند امها.. حصلت امها بالصالة

هند تبوس راس امها : اميه بروح عند ندووش

ام فهد تحط الفنجان من يدها: ويش عندك تروحين لها

هند تاخذ الريموت من الطاولة: ولا شي بروح اغير جو مليت من البيت

ام فهد تطالع في هند: لا تنسي انك ممتلكة لخالد مو كل يوم تنطين عندهم

هند تركز على امها: يمه حنا ممتلكين يعني خلاااص صرت زوجته.. ولا تنسين حنا كم مرة نطلع مع بعض..

ام فهد : انزين بس لا تتأخرين عندهم..

هند بفرح: اوكي ميرسي مامي..

ام فهد عصبت: تكلمي مثل الناس.. الله يهديكم بس

هند: هههههههههههههههههههه





محمد للحين في الكرفاية واللي قطع عليه صوت الجوال.. محمد يركز على الجوال يشوف من المتصل

محمد بنعاس: الووو شعندك خلؤد متصل الحينه

خالد ميت ضحك على اخوه: ههههه الحينه؟؟ شوف الساعة كم الحينه؟؟

محمد يفرك عيونه: الساعة كم ؟؟؟

خالد يكتم ضحكته: الساعة ستة المساء وانت للحين نايم قوم صلي يا النوام

محمد يتمدد على السرير: انزين بقوم شعندك متصل؟؟

خالد تغيرت نبرت صوته: ولا شي بس حبيت اتكلم معك

محمد: صج فاضي.. اجول ما وصلت مسقط؟؟

خالد: بعدني الحين في الطريق بعدني ما طلعت من الباطنة

محمد: اهاا دير بالك على الطريق خط الباطنة خطير

خالد: ان شاء الله.. حمود

محمد يعصب من هالاسم: حمود في عينك

خالد: ههههه احترم اكبر منك انا

محمد: وانت احترم اللي اصغر منك

خالد ميت ضحك: هههه اصغر مني اللي يسمعك يقول عمرك 18 ما كأنك واصل 24 سنة

محمد: ههههه اخلص علينا

خالد بجدية: محمد قول لامي اني مو زعلان عليها

محمد: ليش ويش صاير؟؟

خالد: كأنك ما تعرف امك كل يوم تدعي علينا

محمد: الله يهديها بس من توصل مسقط طمنا عليك

خالد: ان شاء الله يلااا سلم على الكل..

محمد: يوصل

سكرت محمد الجوال ودخل الحمام الله يكرمكم وغسل وراح يصلي..







هند وصلت عند ندى وقالبات الصالة ضحك وسوالف

ندى: ما جلتي لي شعنده خالد فمسقط

هند تنزل عيونها: راح يجيب كم غرض لبيتنا

ندى بضحك عاليه: ههههههههههههههههههههههه بـــيتـــناا هههههه لا ومستحية بعد هههه

هند خلااص الحين بتقتلها: خفضي صوتج يا الغبية

ندى: هههههههههههههههههههههههههههههههه

هند تبي تقوم: انا الغبية اللي يالسة عندج

ندى تمسك يد هند وتجلسها: جلسي امزح معج ههههههه

هند تجلس: سكتي بس سكتي



ونزل محمد

محمد: السلام عليكم

هند وندى: وعليكم السلام

محمد: مرت اخي هون يا مرحبا

هند مستحيه من محمد: الله يحيك

ندى: زين قمت من النوم والله بتخيس من هذا النوم

محمد يأخذ الريموت: مو شغلج اصلا انا تعبان من الدوام

ندى: صدجني يعني هههه

ورن جوال محمد: هذا فهد شعنده الحين

هند: فهد اليوم مدوام مساء

محمد يرد على الجوال: الوو فهيدان

فهد بصوت يحاول يخفي البكاء: الو محمد تعال بسرعة المستشفى

محمد: اجول فهد انا ما عندي دوام مساء مثلك شوف شغلك بنفسك

فهد ما قدر يخفي شهقاته: محمد تعال بسرعة ارجوك

محمد خاف وقام بسرعة: فهد ويش صاير

فهد بين شهقاته: تعـ.. تعـــال بسر.. بسرعة

محمد سكرت الجوال وبسرعة يبي يطلع

ندى تصرخ على محمد: محمد ويش صاير

محمد يلف عليها: ما ادري والله ما فهمت شي من فهد

ندى: بروح معك

محمد بحزم : وين تروحين اجلسي





محمد وبسرعة جنونية وصل مستشفى الرستاق بسرعة مايعرف كم اشارة قطع اللي يهمه بس يوصل المستشفى بسرعة

دخل وكأنه مجنون شاف فهد ينتظره.. كانت حالة فهدحاله اللي يشوفه يقول مصيبة صايرة

محمد بخوف: فهد ويش صاير طيحت قلبي

فهد بصوت مخلوط ببكي: تــ .. تعال معــــ.. ـي

مشى فهد ومحمد وراه لحد ما وصلوا الثلاجة اللي فيها جثث

محمد بخوف: فهد ليش ييابني هنيه

فهد: لازم تشوفه لازم

محمد مستغرب: منووو؟؟

محمد فتحة الغطاء اللي كان على الجثة وصرخ :لااااا مو هو لاااا انت تكذب عليه

فهد يحضن محمد ويحاول يهديه: هو اطلب له الرحمه

محمد يبكي بكى هستيري: مو .. مو هـــو أأ.. أأناقبل ش.. شوي مكلمة

فهد: الله يرحمه..





في بيت ابو خالد

ام خالد بعصبية: للحين ما رد وينه

ندى بخوف: الله يستر بس

ام خالد: عيالي غير عن عيال الناس..

ام فهد بعصبية: ايش هالكلام يا ام خالد

ندى: يمه الله يخليج مو قته الحينه

دخل محمد ومعه فهد وكان مبين عليهم البكاء بصورةكبيرة

قامت ندى من مكانها بسرعة: محمد ويش صاير ليش تبكون

محمد وهو يبكي: را... رأأح خلاااص .. راااح

ندى: من اللي راح

محمد وهو يقترب من امه: خـ.. خلاااص يـ.. يمه صــاراللي تبينه رااح

ام خالد بصدمه: من اللي رااح

محمد يصرخ بصوت عالي: خلاااص ارتاحي راح خالد رااح "وانهار محمد من البكي"

هند اللي مو مستوعبه اللي صار وتقرب من اخوها فهد وتمسكه من كتفه: من خالد؟؟

فهد يحاول يهدي اخته: ادعي له بالرحمة

ندى بصدمة: كذاابين.. هذا واحد من مقالبكم صح محمد صح كلاامي

ام خالد وهي تبكي: وين ولدي خالد وينه

ندى: خالد في مسقط صح

محمد يصرخ اجولكم راااح رااااااااااااااااااااااح

في هالحظة انهارت ام خالد واغمي عليها ندى راحت عند امها تصحيها اما محمد ما تحرك من مكانه ما كان يعرف ليش يمكن يحس انها تستاهل لانه بسببها راح خالد او انه مستغرب امه تبكي اللي حياتها صريخ

دخل ابو فهد وابو خالد

ابو خالد: شعندكم صوتكم واصل للشارع

ابو فهد اللي ركز على الوجوه اللي تبكي: خير ويش صاير

هند تقرب من ابوها وعمها: يبه عمي جول لهم انهم يكذبوا خالد ما مات

ابو خالد اللي كأنه حد صب عليه ماي بارد: من اللي مات

ندى وهي تبكي: يبه يجولوا انه خالد مات صج هالكلام؟؟

ابو خالد وبين دمعاته: وينها وينها.. ارتاحت الحينه

محمد وهو يأشر على امه: هذه مغمي عليها

ابو خالد يمسح دموعه: حسابنا بعدين.. وين اخوك وكيف صار اللي صار

فهد: عمي خالد سوا حادث في خط الباطنة دخلت عليه شاحنه من شاحنات النقل وتوفى والحين هو بمستشفى الرستاق..

ابو فهد يهدي اخوه: اطلب له الرحمه يا اخوي..وانتي يا هند روحي البيت انتي الحينه بالعده

هند تمسح دموعها وللحين مو مستوعبة اللي صار بس نزلت راسها...



وانتشر خبر وفاة خالد بسرعة

ومرت ايام العزاء بسرعة... وبقية هند في العدة..



بعد ايام العزاء الثلاثة

وفي بيت ابو خالد

محمد وهو يشوف على امه: ندى اميه ما كلت شي؟؟

ندى وهي تمسح دموعها: على هالحال من يوم وفاتهالله يرحمه

محمد يبوس راس امه: يمه خالد قبل لا يموت كان متصل فيني وكأنه حاس انه بيروح من الدنيا وجالي ابلغج انه مسامحج ولا ماخذ علىخاطره ..

ام خالد صارت تبكي بس ما تكلمت

محمد يكمل: اتصل فيني وكنت اخر من كلمه ضحكنا معبعض لو كنت اعرف انه اخر مرة اكلمة كنت ...." وصار يبكي"

ندى وهي تبكي: الله يرحمه

ام خالد تكلمت من بعد ثلاث ايام: انا قتلت ولدي انا

محمد يهدي امه: لا يمه لا تقول هالكلام هذا يومه

ام خالد: قتلته بدعواتي عليه الله ياخذني الله ياخذني

ندى تحضن امها: لا يمه بس خلاااص خلااااص

دخل ابو خالد وبصوته الخشن: انتي السبب ولدي رااح من بين ايدنا بسببج كم مرة نجولج لا تدعي على العيال

بس محد قدر يرد على ابو خالد.. ابو خالد يكمل:ارتحتي الحينه خالد راح

ام خالد: ما كنت اعرف والله والله

ابو خالد: ايش اللي ما كنت تعرفيه.. ما كنتي تعرفي انه دعوت الوالدين مستجابة .. تكلمي..

ام خالد اكتفت بالبكااء..

ندى ومحمد انسحبوا من الصالة

محمد طلع من البيت كامل ما صار يحب يجلس فيه كل شي يذكره بخالد

ندى راحت عند هند اللي للحين في العدة



عند هند دخلت ندى الغرفة كانت مظلمة شافت هند جالسة على الزاوية

ندى بسرعة راحت عند هند: حبيبتي حرام اللي تسويه بعمرج

هند وهي تشاهق: راا... راااح خلا.. خلااااص

ندى: اطبي له الرحمة

هند تقوم من مكانها وتروح عند الكرفاية: شوفي كل هالملاابس .. هذي جهازي للعرس ... تشوفي هذا اللبس بلسبة للصباحية خالد يحبه هواختاره لي.. وهذا بلبسه لما نسافر شهر العسل وهذا وهذا... وصارت ترمي بالملابس وتبكي

ندى تمسكها وتهديا: حبيتي خلاااص خلاااص

هند تمسك يد ندى: ليش راح وتركني هو قال انه بيعيشني احلى عيشه ليش راح ليش ما اخذني معه

ندى تحاول تتماسك عشان هند: هذا المكتووب هم السابقون ونحن اللاحقون..









هذي القصة شريط قصير من سينما الواقع

الكثير من الاهالي يدعون على اولادهم وكأنها كلمه عادية ما يدرون انه دعوة الوالدين مستجابة..

للعلم فقط طريق خط الباطنة من اخطر الطرق في السلطنة معظم الوفيات تحصل على هذا الطريق لانه فيه تمر شاحنات النقل من الامارات والسعودية المحملة

وطريق محتاج للصيانه ووضع اشارات مرور عليه...

اللهم ارحم موتى المسلمين..





كل الشكر لكم



تعديل ليل الغرباء; بتاريخ 24-04-2012 الساعة 07:57 PM. السبب: فك التشابك بالكلمات و اضافة الوسام
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-04-2012, 06:02 PM
صورة رنة وتـــر الرمزية
رنة وتـــر رنة وتـــر غير متصل
©؛°¨غرامي مجتهد¨°؛©
 
الافتراضي رد: بقلمي/ يمه تكفين



الله يعطيك العافيه على سردك للقصه

والحمد الله ما قد شفت او سمعت انه احد الوالدين يدعوا ع أولادهم

و ربك يهدي كل شخص يدعي لشخص تاني بشر .....اللهم امين ..

وانتظر جديدك .....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 24-04-2012, 10:31 PM
صورة ســجــى الرمزية
ســجــى ســجــى غير متصل
©؛°¨غرامي ذهبي¨°؛©
 
الافتراضي رد: بقلمي/ يمه تكفين


مؤثره جدا

يعطيك العافيه ع السرد الجميل


شدني عنوانها



يعطيك العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-04-2012, 10:54 PM
صورة روان حياتي الرمزية
روان حياتي روان حياتي غير متصل
©؛°¨غرامي مجتهد¨°؛©
 
الافتراضي رد: بقلمي/ يمه تكفين


سلــمت الآيآدي على الا نتقـــاء الذوُوُوُق .~!
دآم حرفك / وسلم قلبك
؛
كل الؤرد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-04-2012, 11:24 PM
صورة أهواك يا نصر الرمزية
أهواك يا نصر أهواك يا نصر غير متصل
©؛°¨غرامي مشارك¨°؛©
 
الافتراضي رد: بقلمي/ يمه تكفين


’،




مُــؤثِــرَهْ جِــداً ..!!
خَـنَــقـَتْنـي الْــعبْـرَة
تَــذكـرتْ قِصَــة وَآقِــعِيّة مُــشآبِهَـة لِلقِصّــة هَــذِي



’،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 25-04-2012, 12:11 AM
صورة ليل الغرباء الرمزية
ليل الغرباء ليل الغرباء غير متصل
©؛°¨غرامي مبدع¨°؛©
 
الافتراضي رد: بقلمي/ يمه تكفين





السلام عليكم


للأسف بعض الناس سواء أكان الوالدين أم غيرهم من البشر تخف على ألسنتهم الدعاء على غيرهم،فلا يعلم أحدنا لعلها توافق ساعة إستجابة



قصة جميلة و هادفه


بإنتظار جديدك







الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-04-2012, 08:38 PM
صورة أحلام عمان الرمزية
أحلام عمان أحلام عمان غير متصل
ह♥♣ دَمعہ آلغَلے ♣‎♥ह
 
الافتراضي رد: بقلمي/ يمه تكفين


اقتباس:
المشاركة الأساسية كتبها §..حنين الروح..§ مشاهدة المشاركة
الله يعطيك العافيه على سردك للقصه

والحمد الله ما قد شفت او سمعت انه احد الوالدين يدعوا ع أولادهم

و ربك يهدي كل شخص يدعي لشخص تاني بشر .....اللهم امين ..

وانتظر جديدك .....
بالعكس كثير موجوود
تسلمي يا الغلا على المرووور
كل الشكر لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-04-2012, 08:39 PM
صورة أحلام عمان الرمزية
أحلام عمان أحلام عمان غير متصل
ह♥♣ دَمعہ آلغَلے ♣‎♥ह
 
الافتراضي رد: بقلمي/ يمه تكفين


اقتباس:
المشاركة الأساسية كتبها ســـــــــــجى مشاهدة المشاركة
مؤثره جدا

يعطيك العافيه ع السرد الجميل


شدني عنوانها



يعطيك العافيه
الله يعاافيك
اشكرك كل الشكر على المرور
بارك الله فيك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-04-2012, 08:40 PM
صورة أحلام عمان الرمزية
أحلام عمان أحلام عمان غير متصل
ह♥♣ دَمعہ آلغَلے ♣‎♥ह
 
الافتراضي رد: بقلمي/ يمه تكفين


اقتباس:
المشاركة الأساسية كتبها روان حياتي مشاهدة المشاركة
سلــمت الآيآدي على الا نتقـــاء الذوُوُوُق .~!
دآم حرفك / وسلم قلبك
؛
كل الؤرد
تسلمي قلبوو
منورة بمرورك
كل الشكر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-04-2012, 08:41 PM
صورة أحلام عمان الرمزية
أحلام عمان أحلام عمان غير متصل
ह♥♣ دَمعہ آلغَلے ♣‎♥ह
 
الافتراضي رد: بقلمي/ يمه تكفين


اقتباس:
المشاركة الأساسية كتبها الأثــير مشاهدة المشاركة
مُــؤثِــرَهْ جِــداً ..!!
خَـنَــقـَتْنـي الْــعبْـرَة
تَــذكـرتْ قِصَــة وَآقِــعِيّة مُــشآبِهَـة لِلقِصّــة هَــذِي
والكثير من القصص
تسلمي على المرور
نورتي
انار الله دربك بحبه


الرد باقتباس
إضافة رد

يمه تكفين / بقلمي

الوسوم
بقلمي/ , تكفين
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
فوق الجروح اللي بقلبي من سنين يكفي دخيل الله لا تجرحوني / بقلمي ، كاملة الهـــودج روايات كامله - يتم نقل الرواية هنا بعد اكتمالها 2402 15-10-2019 06:29 AM
رواية يا دنيتي تكفين إرحميني / بقلمي عيوني تذلڪ أرشيف الروايات المغلقة - لعدم إكتمالها 78 08-11-2010 11:37 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
رواية تكفين يا دنيا الألم تراني بالأخير إنسان / بقلمي لكبريائيـ روايهـ ارشيف غرام 1 17-09-2010 02:17 AM
قمر و خالد المسافر511 ارشيف غرام 1 18-08-2007 05:29 AM

الساعة الآن +3: 01:08 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1