مشاعل السعودية دانـ♥ــه •• مِنْ أَجْممَل تَفَاصِييلٓ عُمْرِيٓ|~

^
^
^
^


سبقتوني يا الدبات ..


مشاعل .. ابدعتي ابدعتي ابدعتي .. << اكيد بتبدع ما دام اسمها مشاعل فديتنا .. << فيس الكشخه ..

اي والله اشتقنا لها حيل ..

كل عام وانتي بخير ..






اوز ورجوعها ..

اتوقع راح تقلب موازين البيت راح ترجع العصيان والثورات فيها ..


شاهر ..
راح تسبب له اوز مشاكل كثير راح تجبرة على التفاف لها .. وراح يعشقها ..


مضاوي وذيب ..

خرجت من الغرفة وهي متطمنه ان ذيب مع عمها بالعلا .. وما توقعت رجوعها .. وخرجت بلا غطاء والزين مكشوف .. خطفها ذيب .. واكيد ما راح ترجع لغرفتها .. وعيديه ما حلم بها ذيب ولا مضاوي .. وصباحيه مباركة ^_*


ماريا الكبيرة ..
اتوقع ابوها بيرجع ومعاه عريس لها .. اكيد مو مخلينها بدون رجل ..


مدين ..

قطعت قلبي .. اتوقع راجح يتزوجها .. واكيد ما راح تقدر تعارض ..


ام تركي ..
مرادي وطول عمرها تبحث عن مرادها ولا حصلته ..
اتوقع تتزوج عم مضاوي زيد < على ما اذكر .. نسيت اسمه > .. بس اذا كانت اخت العمه فاتوقع ابو ذيب يطلقها ويتزوج ام تركي ..

اممم مين بعد .. مو متذكرة اذا تذكرت شي رجعت وعلقت ..

دمتي بخير شعوله .. واخر الغيبات ان شاء الله ..

وردة الزيزفون
✿ إدارة الإقسام ✿

صباح الخيرات .......صباح الاشواق ......الف الحمد لله على السلامة ....اشتقنا لك ياعسل ولا بداعك ولابطالك ....وننتظر تغير حالهم للافضل

روزا وشاهر

شاهر مهما كان عشقه لنوير بس مايجوز الي يسويه ......هي راحت عند ربها وهو بعز شبابه وعنده زوجه لها حقوق عليه .....وحتى المقارنة الي قاعد يقارنها مالها داعي .......كم سنة مرت على موتها خلاص ينسى ويعيش حياته الي ربي كتبها له ......

اما روزا للحين ماعرفنا قصتها بالظبط وايش دخل مشاعل فيها ........وهل بياخذو حقهم من هذيك الحقودة ولا خلاص انتهى دورها وشرها ....بدون مانعرف سبب كرهها لبنات عم زوجها
هل بعد ماالتقت بمدين بتقدر تتركها وهي شايفة حالتها ونفسيتها ...ولا علشانها بتجلس وبتصحي التفكير الاعوج والظالم الي في رجال عايلتهم وخصوصا الشايب جدها الي ماحد سلم من افكاره المخرفة

ماريا الكبيرة

مااعتقد بتظل بدون زواج فترة طويلة ويمكن يزوجوها هي قريب مو ماريا الصغيرة .......دامها في عز شبابها ليش تدفن عمرها بدل ماتعيش انوثتها وتجيب لها عيال يسندوها في كبرتها اعتقد اذا جاها الي ماينرد بيزوجوها مثل عادتهم وشورها ماله اهمية


مدين وراجح

للان متوقعة انو هو الي بيستر عليها حتى لو كان فرق العمر كبير ....بس سؤال هل هو الي كان يتكلم عن صديقه وعن العلاقة المحرمة طيب هو شدخله الغلطان خوييه الي مات وهو مرتكب معاصي استغفر الله ربي ....شيبغي من الحرمة او العشيقة ليش هي الي موتته ولا هي الي جبرته يقيم علاقة معاها كان فيه خير كان نصح خويه عن الحرام


مضاوي والذيب

الى متى وحالهم المايل شهالزواج الي مخالف لشريعة رب العالمين ...... مافي شي يمنع حياتهم يعيشو كأي زوجين استغفر الله ربي ماهم صغار ولا مراهقين ....اعتقد انو ذيب بينهي هالسخافة هذي رضت مضاوي او لا لاهو عيب ولا حرام الا زواجهم وطريقته ماتجوز يحرمو حلال رب العالمين ........ان شاء الله هالمرة نشوف تحول بحياة هالثنائي مو مثل قبل .........وبعد شاهر وروزا


ام تركي

ليش تخرب حياتها وتهدمها وهي عندها عيال بدل ماتوفر لهم العيشة المتماسكة بسبب سوء تصرفاتها وطولة لسانها تهدم حياتها ليش يعني شالمبرر وترجع تكرر السالفة مع الثاني ولا تتعظ .....شستفادت غير حرقة قلبها على عيالها ويمكن تتزوج المرة الجاية وتستقر ويمكن يكون ابو ذيب وبصراحة من حقه ابوه الظالم شهالتفكير عليه مزوج واحد من عياله ومضيع شبابه من وحدة اكبر منه بسنين طويلة كيف رضت تظلم غيرها بس ........بصراحة تعاطفت معاه ام ذيب ماعادت تنفع تكون زوجة يتزوج ويعيش حياته الي ماعاشها دامه بصحته وقوته .......وعجوزه مابتفتح فمها تحمد ربها ماتزوج من زمان عليها ......يمكن تكون ام تركي هي الزوجة الي تعوض شبابه الي ضاع بسبب معتقدات فاشلة وظالمة


في انتظارك

شفافه روحي ©؛°¨غرامي جديد¨°؛©

الحمدلله على السلامة
واخيرا فتحت الروايه بصراحه اشتقنالك وخفنا عليك لمى اختفيتي
بس الحين الحمدلله على رجعتك
وفي انتظار ابداعك

أمــــل خسَرتْ أغّلَى سنِيّنْ العُمر أدَورّ بَعضِي المَفقُود

صباحك مغفره
كل عام وانت بخير اشتقنا لك ميشو إن شاء الله آخر الغيبات

اوز وشاهر
رجعة لهم بعد غياب طويل وكلهم كارهينها بسبب قوتها وهم ماتعود من بناتهم القوه
تعودا الرضوخ للاومر وبس
وهذه غيرهم الباقيات بس ليش هربت من الأول
وشكلها احتمت في شاهر واضطر يتزوجها لانه ابد مو حابها عكس نوير اللي مأخذه عقلها وقلبه وزي ماقالت زيزو المقارنه بينهم راح تنظلم فيها أوزا
واللي باين لنا ان مافيه علاقه بينكم بعد يمكن بسبب عدم تقبلك لها كزوجته
رجعة أكيد بيصير فيها أحداث قويه مناسبه لقوة شخصيتها

مضاوي
شكل ذيب هو اللي صادك وانت ماشاء الله الزين كله من حقه يام ماريا انت
ليش يحرم نفسه منك ويمكن بعد تقدرين تجبين له عيال

ام تركي
طوالة لسانك ضياعة منك عيالك ولا أخذت عبره منها رجعتي تزوجتي
وبعد تطلقتي مره ثاينه بس أخوك بيخليك كذا من دون زواج يمكن يكون ابو ذياب من تصيبك
الرجال توه صغير وتزوج وحده أكبر منه وبحاجة حرمه في حياته

مدين
بعد رجوع أختها بتقويه على مصيبتها ربي يكون في عونها


ميشو ابدعتي

مشاعل السعودية دانـ♥ــه •• مِنْ أَجْممَل تَفَاصِييلٓ عُمْرِيٓ|~

امم خطر في باللي توقع ..

من بين سطور الاحداث ..

مضاوي قالت ان محمد اخذ اوز وزوجها لـ ابن صديقه << ما ادري من قال مضاوي او عمها ابو ذيب ..
فاتوقع ان محمد اخذ اواز وقال انه بيزوجها من ولد صاحبه وهو طلب شاهر وامنه عليها وخلاها امانهه عنده ..
وشاهر خاف ان اهله يعرفون بانها عنده فغير اسمها لانه يناديها بالحان << ويمكن مو اهي .. يمكن اخو تركي اللي يتكلم باسرار وغموض ما عرفنا شي منها ..


راح افكر واتوقع وارجع افحط ..


تقبلي تفحيطاتي .. ^_^

عبق اللرياحين ©؛°¨غرامي متألق ¨°؛©

السلام عليكم ورحمه الله وبركاته

صباح الخير...صباحك نفحات من رضا الرحمن
الحمد لله على السلامه ...منورتنا من جديد يالغلاااا..جعلها اخر الغيبات ..وربي يسر امورك ويسهل
دروك ويوفقك لما يحب ويرضى.....

شاهر و روزا
شاهر الى الان عايش على الاطلال ومو راضي بالواقع الي هو فيييه ..يعني بعد هالسنين مو راضي ينسى زوجته الولالى ...ومخلي روزا كذا واجهه عنده بالبيت هذا لايرضي لاا الله ولاا رسوله..وحتى مو طبيعي يعني مو متخيله
انه في رجال الى هالدرجه يوفي لزوجته الميته...بس هذا مو وفى ذا هباااال يعني الى متى وهم على هالحال البنت مصيرها بتمل وتبي تعيش طبيعي وتبي بيت وزوج واعيال تمارس معهم امومتها الضايعه....

وروزا اعجبني قوتها المصطنع هوانها قدرت تواجه عمها واعياله ولاا تبين ضعفها قدامهم ...بس هالقوه تلاشت من شافت مدين والحال الي وصلت له ...ليتها تستمر بقوتها عشان تطلع اختها من الحال الي هي فيه واتوقع انها تصر تجلس
عندهم عشان حال اختها والي ماتقدر تتخلى عنها....بس شعوله الى الان الي ما عرفنا قصة روزا والا وش صار معها وكيف صارت زوجة شاهر....وش سر العداوه والكره بينها وبين مشاعل وليه هي حاقده عليها لهالدرجه...

مدين وراجح
الشخص المناسب لمدين بهالظروف هو راجح الي يقدر انه يستر عليها وينتشلها من الحاله الي هي فيها..
وخاصة انه كان شاهد على الي صار وانه كان غصب عنهااااا....

ابو ذيب وام تركي
ياااا الله على اني كارهته وماني طايقة تصرفاته ببنات اخوه وتحكمه بمصيرهم الا انه معه حق اذا فكر يتزوج
من جديد....لان ابوه اظلمه بزواجه من موضي وشهالعادات والتقاليد الي تفرض على واحد صغير انه ياخذ بنت عمه الي تكبره بعشرين سنه بس عشان ما جاووها خطااااب ....الصراحه انظلم الرجال معاها هو توه يعتبر شباب وعنده قدره على الزواج ومحتاج لمره تقوم فيه ..بعكس موضي يالله حسن الخاتمه كبرت ولاا لها بال بالرجل

واتوقع انسب وحده له ام تركي هي مطلقه مرتين وبعد عوبه كود تركد على يده اوهي تخربه حدا الشايتين ههههههههههه
وام تركي ه اوحده اذا فشلت مره ..تحاول بكل جهدها انها تتلافى الفشل مرره ثانيه بس انتي لاا كنتي مصره على غلطك
والنتيجه انتي بمكان واعيالك بمكان ثاني تبعد بينكم الاف الكيلو مترات وشوفتهم لك بالحسره والشوق لهم اضناك تتمنين
بس طلتهم عليك وتترجين فلات وفلنتان عشان يجوبونه ملك..وتشوفين غيرك عايش بين اعياله ومتهني وتتحسرين على عمرك وتحطين حرتك بغيرك ..هذا طبخ يدك واكليه ...

مضاوي وذيب
رب صدفه خير من الف ميعاااد ..سبحان الله نزلتي وانتي متطمنه ان البيت خالي من الرجاجيل مادريتي ا نذيبك
جالس لك يتحرغزالته عشان ينقض عليهااااا....وهذا شيء طبيعي الى متى هالحال المايل بينكم....و زوجك وانتي حلاله
عيشوا حياتكم وتمتعوا فيهاااا...زي ما هو محتاج لك انتي بعد محتاجه لرجل يوقف جنبك ويساعدك على تحمل المسؤليه

ميشووووو مبدعه كالعاده ...... تسلمين يالغلاا جعل من جابوك للجنه ...بانتظارك

TOMH ©؛°¨غرامي مشارك¨°؛©

مساج الله بالخير يالغاليه

الف الحمد لله ع السلامه ....نورتي فديتج
وان شاء الله اخر الغيابات ...

؛¤ّ,¸مــشـآعلـ¸,ّ¤؛ ©؛°¨غرامي مشارك¨°؛©

السلام عليكم ورحمه الله وبركاته ...
..
..
الجو جدا جميل في المدينه المنورة ..مطر غزير ..وبرّد...
..
..
نبذه عن بارت الساعه الثالثه صباحا ....
..
..
بسم الله الرحمن الرحيم..
..
..
البارت السادس..
..
..
يطيح جفن الليل و أهز كتفه
........نجم يشع وباقي الليل مطفي
..
..
ليت الشوارع تجمع اثنين صدفه
.........
لا صار شباك المواعيد مجفي
..
..
يا بنت تو الليل ما راح نصفه
.........
و يا ليل بعض اللي مضى منك يكفي
..
..
.................................................. .......................
أبعدت الملاءات عن جسدها بكسل ..
تشعر به متفككا وكأن مجهود شهر اجتمع به ..
أعادت أبعادها مره اخرى .....تحمل رائحه غريبه كما لو كانت رائحه ..
..
..
رجل..
..
..
اقترب حاجبيها من بعضيهما ..أنزعاجا..
.كان حلما مرعبا ..فظا ..
من شده روعي أحس بأن مازالت رائحته تلتصق بجسدي..
..
..
بل حتى أنني حفظت ملامحه..
واختلاجاتها ..وانا اللتي لم تره يوما ..
..
..
وكعادتها جمعت ملاءتها بين فخذيها ..عدلت من وضع وسادتها ..
تسمرت للحظه ..هذه ليست وسادتي ..تغرقني رائحتها الغريبه ..
..
..
حركه اخر سريرها المزدوج ..كيف وقد كان فردي ..
..
..
جلست مضطربه ..غير مركزه ..
رفعت شعرها عن وجهها ..
تأملت المكان من جهتها ..
لفتها ماكان على طرف السرير بلون تعرفه ..
تأكدت من جسدها العاري ..
شهقت وارتجفت بعنف ...
انتفض صدرها من هول ما حل بها ..
..
..
اغمضت عينيها والتفت ليسارها ..
دعت بقلبها الفتي .."أن يارب حلمي هذا وسوف استيقظ منه الأن ..."
..
..
فتحت عينيها الواسعه واثار كحل سابق تحددها ..
هناك أسمر ضخم يتأملها في الناحيه الأخرى ..
بوجه جامد ..وجسم صنم لا يتحرك ..
..
..
وكأن الفراغ صفعها بقوة ..وكأن الروح نزعت منها غصبا ..
..
خانها لسانها ..
أرتجفت يدها ممتده الي ردائها بطرف السرير ..
لازال يتأملها صامتا ..مركزا ..
..
..
كساها الحياء من منظرها ..من وضعها ..
ومن تفكيرها فيما حدث مسبقا ..
كيف لا والجسد لم يعد لي وحدي..وهناك من شاركني به ..
..
لبسته مسيره ..لم تفكر اين قد تكون بقايا لباسها ..
وقفت وانسدل يغطي جسمها ..
يالله أ لهذه الدرجه يصعب الوقف ..ويتعذر السير..
..
..
هزه عظيمه وموجه رعناء حلت بها لم تتمالك وقفتها ..
شددت بكفها على فمها ..
توجهت لحمام غرفته ..
أفرغت ماببطنها ..كساها الأشمئزاز والقرف وكره الذات ..
كافحت مخرجه مابجوفها ..
..
..
مازالت عينيها تحدق الى العدم ..محاوله تصديق امرها وتفسيره..
..
..
احاول ان أجهش باكيه الا أن الدموع لربما تحجرت ..
سندت نفسها بتعب للمغسله ..رشت الماء على وجهها..
شهقت من برودته ..
..
..
خرجت ترتجف من مكانها ..ترتجف خوفا ,,غضبا ..استحياء..واشياء اخرى ..
..
ياربي أي جبروت يتمثل بهذا الرجل أي غرور أي برود ..
يراقبني اهرب من سريره مشمئزه ويتأملني بصمت ..
ارتعد صدرها ..و ذاك داهمته رجفه..
..وهي تتجه الى الباب ..
..
..
كانت تمد يدها للمقبض لولا استوقفت نفسها وهمست له دون ان تلتفت اليه .."في عقد القران كان هذا شرطي وانت رضيت فيه .."
..
..
تسمع صوته للمره الاولى من هذا القرب ..
..
رد لها الهمس بصوته المميز"كسرته ..."
..
..
ألتفتت أليه غاضبه وجدت وجهه يحمل ابتسامه قذره ..
عرفت لماذا ارتجف ..فوق غضبي ..وخوفي ..حيائي..
..
..
لهذا الرجل حظور غريب ومسيطر ..لابد بأنه ميزان الرجال في قياس اكتمال الرجوله ..
أرتجف صوتي ..."بس انا ماكسرت هالشرط .."
..
..
لم يرد علي واكتفى بجموده..عند لمسي لمقبض الباب تذكرت تفاصيلا صغيره منه ..
عندما اقترب مني هنا ..رفعت عيني للحائط بجانب الباب...
شعيرات صغيره رماديه على طرف وجهه..رسمه حاجبيه ..سماره ..طوله ..عرض صدره ..رائحته التي تلتصق بي..
..
أشياء تجعلني ارغب في التقيء مره اخرى ..
....
أبى الباب ان يفتح تجمعت الدموع في عينيه وهي تدير المفتاح خارجه ...
..
راقب خروجها ..تمدد على مكانها في سريره مازالت الوساده تحمل بروده شعرها الرطب ورائحتها ...
..
همس عقله لقلبه ..في سريري كانت أنثى ..
أبتسم عندما لمح بواقي لباسها في طرفه من السرير..
..
...........

وعد الماضي ©؛°¨غرامي مشارك¨°؛©

الحمدلله على سلامه..
مبدعه كالعاده ....

رجوع اوز راح يغير الكثيرررر

مدين الله يكون بعونها بس برجوع اختها راح تقوى

ذيب ?????? غريب الاطوار

وبنتظارك باقي الاحداث...

ودي لك

Q8_PRINCESS ©؛°¨غرامي مشارك¨°؛©

يعطيج العافيه
روايه روووعه


شوقتينا
تحمست ابي اعرف شصيير معاهم

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1