غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 23-05-2012, 07:33 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
الافتراضي رد: روايتي الأولى : أهل الحب صحيح مساكين


اقتباس:
المشاركة الأساسية كتبها زهر الأقحوان مشاهدة المشاركة
صبآآآآآح الخخخيـر

" أمــووولــةة "

كيفـج وكيـف ماشيـة أموورج عساج بخخخيـر ؟! ..
بصصرآآحـةة مـا قدررت اصصبـر وانتظرر ليـن بعد الاختبارات واقراها
فـ سرقت اللاب من " اللاعودة " >> غرفة ماما وبابا ..
وحالتهـ ما تسسر أبـد هالمسككين >> تقصصد اللاب ..
المهـم ما علينا من قصصة حياتـي .. اللي يهمكك توقعآآتـي وانطباعاتي عن البــارت الأول والثـاني ..
البــارتات صرآآآحـةة روووعـةة روووعــــةة ي الغلآآآآآ ..
بــس قاهرنـي هالدعلـةة عبدالعزيـز .. والله لو مككانهـ مـن أول موقف على طوول طلقتها ووريتها نجوم الظهر بس مدري ليش احسساسي بيقوول بيلتفت لهآ بعديـن يعني بيوريها شغلهـا .. أو بيححب موزة ولا شيخةة فديتهـم ..
وريــم هذي ماحبيتها أبـــد أبـــد ياختي حقيـرةة !..
مووزةة وشيخـةة مـن أووول بـــارت وأنـا حابتهـم .. ومن الوصصف حسيت حالتهم المعيشية مو ذاك الزوود فكيف وصلوا لمصصر .!

وبعـد في أشياء ثانية وودي اقولها لكك لككن الأوضاع اللي انا فيها ما تسساعـد أبـد
والله يوفقكك بروايتكك الدميلـةة مثلكك ..
علـى فككرة أنـا >> خلصنـا عااااد
آسفـةة طوولت عليكك ..
تحيآآآتـي لكك ولإبدآآآعكك وتقبلي مرووري ..
انا صرت بخير بعد هالكلام الطيب هههههههههه ذكرتيني بأيام المدرسه امي كانت تاخذه مني بعد
حياتي انتي وكلامج اروع من روايتي :$
توقعاتج كلها حلوووه وهم ماخذين علاج على حساب الدوله
بنتظارج عقب امتحاناتج لا تحرميني من تواجدج .. والله يوفقج يارب


اقتباس:
المشاركة الأساسية كتبها خيلآء أنثى مشاهدة المشاركة
السلآم عليكم
اممم توقعاتي
عبدالعزيز يآ كمية الصبر هذه الي بقلبه عـ ريم وريم ايش الي مغيرها كذآ
والله مو عيششة الي عايشينهااا هذه .,
وموزة وشيخة لهم دور مهم بالروآية
يآ كم متحمسسسة أقرأ البارت الثاني
بس ما أتوقع يمديني الا بعد الاختبارآت


ودي
عليج السلام :$ وتوقعاتج صحيحه .. والحين بنزل البارت الثاني ... والله يوفقج بامتحناتج بنتظارج


تعديل # للأمل جــولات; بتاريخ 23-05-2012 الساعة 07:40 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 23-05-2012, 07:41 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
الافتراضي رد: روايتي الأولى : أهل الحب صحيح مساكين



( البارت الثاني )

ماتت لهفتنا المجنونه ... ما اقساك وما اقساني !

بعد اسبوع

في الشركة *

عبدالعزيز اكتشف ان ريم مكلمة سهى ولاغية الحجز وغير انها طردت كذا شخص ! بنظرها ان في حد يقدر يروح يكمل الشغل هناك بدل عبدالعزيز .. وطبعا سوت كل هذا بدون شوره كالعاده ّ !

وعبدالعزيز دخل معصب مكتبها ومسكها من ذراعها بقو .. خلاص الريال مايشوف اللي جدامه ولا هامه انهم بالشركه ولا بالبيت !

ريم : ايييييي يعور ياعزيز .. تكفى هد يييدي

عبدالعزيز يحاول مايعلي صوته بس بصوت متنرفز : وقعت كل السكرتيريه على اوراق انهم اذا اخذوا قرارات منج بأسمي ينطردون

ريم : مافهمت !

عبدالعزيز : شرايج تطرديني انا بعد بالمره ؟

ريم : انا اطردني ومااطردك

عبدالعزيز : جان زين تنطردين وتفتك هالشركة منج ومن غبائج

ريم بصدمة : عزيز !

عبدالعزيز : شوفي هذي اخر مره اقولج مالج خص فيني

وخذ اوراق المناقصة اللي خذتهم من مكتبه

وهو طالع التفت عليها : حجزت مره ثانيه ورح اتم هناك شهرين ثلاث عشان اخذ رست منج لاني اذا بتم بطلقج بدون تفكير صدقيني ياريم هالمره مو حجي .. وايه , رجعت المطرودين ورويني شلون بتكنسلين شي انا اقرره

ريم بلامبالاه : انا مادري ليش وايد يهمونك هالاشكال

عبدالعزيز : صعب تفهمين لانج وحده غبية

ريم انصدمت منه : غبية !

عبدالعزيز : اي غبية ! وايد اثرت فيج يعني ؟

ريم وهي ادافع عنه : ليش ماتقول انت الغبي اللي تراكض وراهم وورا مصلحتهم مادري على شنو

عبدالعزيز : ولا عمرج بتفهمين .. هذا فوق مستواج

ريم : ليش ماتقول يمكن لانك كنت واحد فقير حالك حالهم

عبدالعزيز تنرفز : وصلت لهلمواصيل يعني ؟

ريم تحسفت ! فسكتت

عبدالعزيز : على فكره الفقر مو عيب .. بس الغرور واللامبالاه عيب

وطلع وصفق الباب وراه

كل اللي يفكر فيه شلون خذ هالانسانه ! شلون تغيرت 360 درجة ومتى بترجع مثل اول مره شافها ؟ متى ؟

متى ؟

متى ؟

.
.


في محل النظارات هي تقيس النظرات وهو بس يشوفها وهي كل مالتفت تضحك عليه .. راحوا السينما وطول الفلم قاعد يشوفها وهي تقوله خلاص الفلم حلو وبيفوتك بس هو مافيه مو راضي يشيل عيونه راحوا المطعم وعبدالعزيز نفس الحااال

ريم : عبدالعزيز خلاص والله استحيت

عبدالعزيز : فديت اللي يستحون انا .. اموت فيهم

ريم : انا بعد :$

عبدالعزيز : يابختي :$

.
.


ياكثر المواقف اللي مثل هاذي ! آه لو ترجع مثل اول ! كل اللي يعرفه ان الحين هو متظايق ومحتاج يدير هالمناقصة عشان يسافر ويبعد عنها فتره جود انها تتغير بعد مايرجع


وراح مكتب عمه محتاج توقعيه على اوراق

وكالعاده اول مايدخل يشوف الموظف الجديد اللي ينقاله بو ركان

وملاحظ ان عمه وايد مطمئن له ! كل يوم يجيب له ورقه ويوقع عليها ولا يقرا بالله جان هو يبووقه مثلا ؟!

عبدالعزيز بدون نفس : بوركان اطلع برا ابي عمي بموضوع خاص

وبو ركان طلع بسرعه لان يهاب عبدالعزيز

بو ريم : انت شفيك ليش تكلمه بهالاسلوب

عبدالعزيز : عمي انت اللي شفيك ليش كل هالثقه توقع بدون ماتخلي حد يقرا ولا انت تقراه ! شدعوه عطني انا بقراهم وعقب اجيبلك اياهم توقع !!

بو ريم : هو وظيفته يقرا كل ورقه لازم اوقعها

عبدالعزيز : زين واذا يعطيك توكيل وتوقع انت ! شرح تسوي بعدين ؟

بو ريم : مالك شغل يلا عاد ... فلوسك بأسمك وفلوسي بأسمي لو باقني انت مالك شغل فلوسك بالحفظ والصون ولا تمثل انك خايف علي

عبدالعزيز : خايف على فلوس مرتي وعيالها

بو ريم بعصبية : اه يالهيس بتورثوني وانا حي

عبدالعزيز بلا مبالاه : كيفك باجر تندم

بو ريم : شوف انا اشك فيك ولا اشك فيه

عبدالعزيز : كيفك

بو ريم : اي كيفي وانت مالك شغل.. وبعدين اترك عنك كثره الشك مب زين لك ياريال انت ترا نهايتك مستشفى الامراض العقلية

عبدالعزيز : وانت الصاج.. وقع على هالورقتين وخلني اتوكل على الله

بو ريم : شنو هذا ؟ اقراه لي اول

عبدالعزيز : مو زين لك الشك ترا باجر يقطونك مستشفى الامراض العقلية وياي

بو ريم ضحك لا ارداياً : جب يلا عطني اوقع وفكني من شيفتك

علاقتهم ببعض والحمدلله صارت احسن ! يعني صاروا شركاء عمل مش اعداء بس ماوصلوا لمرحلة علاقه اسرية !

###


بيت فهد (بو ريم)


ريم بحزن : يمه صار عزيز ثاني والله ثاني

ام ريم : منج يايمه انتي بعد ماقصرتي فيه

ريم : يممممه !

ام ريم : هذا الصج بعد !

ريم : الحين انا جايه ابي منج العون صرتيلي فرعون

ام ريم : اسمعي .. اطلعي من الشركة وجابليه وجابلي بيتج وعيالج يا الخبلة بكره يمل منج ويقطج علينا

ريم : بطلع بطلع لاني صايره ثقيله بطني كبر والحركه صعبه علي مو نفس اول ... يعني بطلع وضع مؤقت بس لين اولد

ام ريم : يعني مو عشانه "؟

ريم : لا ... بس والله احبه

ام ريم : وهو بعد يحبج صدقيني بس انتي اكسبيه لا اطفرينه

ريم : بفكر بكلامج عن الشركه وانتي ادعي لنا

ام ريم : كفو على بنتي السنعة


###


في بيت عبدالعزيز



ريم كاشخه ومتمكيجه ومتعدله ومزهبه العشاء وحركات لعبدالعزيز عشان تراضيه وهي متأكده انه يموت عليها وبيرضى .. دخل عبدالعزيز جناحهم

عبدالعزيز بطنازه : اووه .. romantic dinner شخباري

ريم : كل هذا لعيون حبيبي عزوزي

عبدالعزيز بملل : تدرين متى اخر مره سويتي لي عشاء ؟

وقط سويجه ع الطاوله اللي يم الباب وراح قعد باهمال ع الكرسي اللي مجابلها

ريم مفتشلة : لهيت مع شغلي ... بس خلاص باخذ اجازه :$

عبدالعزيز يكلمها بنبره عادية جدا للحين ماخذ بخاطره : اها




بعد فتره !



ريم : مارح تسافر مو ؟

عبدالعزيز : امبلا .. ورجاء بدون نقاش لان قراري نهائي

ريم : واذا قلتلك مو راضيه ؟

عبدالعزيز : بقولج باردو" بس مو لازم ترضين

ريم : واذا قلتلك بزعل وبروح بيت هلي ؟

عبدالعزيز : بقولج قومي برزي عشان اوصلج

ريم عصبت : من صجك ؟

عبدالعزيز حاط ريله ع الثانية ويحك ويهه حركه ادل ع الملل : اي لان بتكونين ياهل حزتها

ريم قامت وطيحت الصحون كلها ع الارض متنرفزه منه

عبدالعزيز قاعد مكانه ماتحرك وحركتها ماهزت فيه شعره : خلصتي افلامج ؟ ولا باقي بعد

ريم : قوم وصلني بيت هلي

عبدالعزيز قام وخذ سويجه : يلا مشينا ؟

ريم صرخت صرخه اطلع النار اللي فيها وراحت تنام عند مريم بنتها


###


في السينما



فلم لبطل يحبونه مقطعهم "مرته تقول لامه : انا بحبو !

شيخه : حتى انا
موزه : وحتى انا

والتفتوا على بعض : هههههه .. ضحكوا على هبالهم

ام يوسف : بس يابنات .. يقولوا عليكوا ايه

موزه التفت عليها : انشاءالله عميمة سناء

ورجعوا يكملون الفلم

وباللقطه الاخيره

شيخه تصيح كالعاده

ماعمرها ماصاحت لي خلص فلم ولا مسلسل ! على كل شي تشوفه في حياتها من يوم هي ياهل لي الحين

وموزه قامت تبي تطلع قبل لا يفتحون الليتات عشان ماتنفضح بسبه صياح اختها

طلعت برا وصدمت واحد بقو : آآآآآآآآآه

الريال : اسف اخوي تعورت ؟


* انصدمتوا ؟ موزه مسويه عمرها صبي لان بنظرها انها بهالطريقه بتحمي اختها وامها ! عبدالله اخوهم من مات وهي تخاف عليهم بشكل خرافي ! تلبس كاب اللي يكون صوف وطويل شوي يخش اذنها وشوي من رقبتها وتخش شعرها القصير عدل وتحط سكارف .. هي تفكر ان اذا سوت جي محد يقرب لهم ولا يزعجبهم اما صوتها فهو في بحه قويه ! يعني مساعدها !!! وحجمها هو المشكله بس عادي وايد نشوف شباب ضعاف وضئيلين


نرجع للقصة


شيخة توها طالعه وتمش دموعها وام يوسف تضحك عليها

موزه وهي تعلي صوتها لان الريال كان رايح : العن شكلك يالهيس

شيخه سحبت موزه من يدها على جنب : شفيج انتي كله تتهاوشين

موزه متنرفزة : ياخي دعمني وقالي اعتذري

شيخه بخوف : صج قالج اعتذري ؟ تهقين حس انج بنت

موزه : مالت عليج يابقرا مو منج من الصياح

شيخه : شفيج علي توج تقولين قالي اعتذري

موزه : اي يالغبية قالي اعتذر بس انا وياج حطيت (ي) ولا تبيني حتى معاكم امثل؟

شيخه : جبح .. خلاص كلتيني مايسوى علي والله

موزه وضربت راس شيخه

وشباب وراهم : حرام عليك هذي ماتنضرب

والتفت موزه لهم وتلاسنت وياهم وشيخه طلعت برا السينما تنطرها لان تعرف يبي لها ع الاقل ساعه ساعتين ثلاث لين تخلص ... ياحبها للمشاكل


موزه طلعت ووراها ام يوسف .. كانت معصبه وضربت راس شيخه مره ثانيه : وانتي ليش شردتي

شيخه : وانتي اشوله شارده قبل لا يخلص الفلم

موزه : ههههههههههههههههه نفس السبب

شيخه : خلاص عيل لا تضربين

ومشت عنها وخلتها

ولحقتها موزه : تهقين امي شنو بتقولنا الحين ؟

شيخه : شنو بتقول بعد ؟؟؟

شيخه وموزه مع بعض : تو الناس جان تأخرتوا شوي بعد ؟؟

ام يوسف وشيخه وموزه : هههههههههههههههههههههههههههههه



###


اليوم الثاني


قام من الرقاد خذ له شور سريع وكشخ للسفره وطلع يسوي له قهوه واستغرب ان البيت خالي ! لا خدم لا ريم لا مريوم !!!!!

اتصل على ريم

عبدالعزيز : اليوم السبت ! مافي دوام وين مريوم والخدم ؟

ريم : نسيت شقتلك امس ؟ رديت بيت هلي

عبدالعزيز عصب : الحين بدل ما ازعل انا انتي اللي زعلتي ؟؟؟؟؟؟

ريم : ايه انا اللي ازعل !

عبدالعزيز منقهر حده : تدرين شلون ... احسن فكه وسكر الخط بويها

وراح غرفته يجهز شنطته للسفر ! الحين بدل مايقوم يلقى فطوره جاهز يسمع له كم كلمه حلوه يلقى من يزهب شنطته !!!!!
يرقد وهو معصب ويصبح وهو معصب

حالياً

كل اللي يدور بباله كلمتين

( انتي طالق )

.
.
.



###


بعد يومين


- ريم للحين فبيت اهلها
- عبدالعزيز في مصر
- مريم ملت لان محد معطها ويه ويطلعها
- بو ريم للحين يوقع بدون لا يقرا


في الشركة *

بو ريم وبو ركان يسولفون ودخلت عليهم ريم وارتبكوا ! وخصوصاً ابوها

ريم : شفيك ؟

بو ريم : ولا شي حيااج

بو ركان : انا استأذن

بو ريم : اذنك معاك

ريم قعدت وعلى طول فتحت الموضوع : يبه ابي اقعد فالبيت ومعاشي يمشي ممكن لين اربي بس !

بو ريم : ليكون عبدالعزيز جابرج ؟

ريم : لا بس انا كارهه كل شي وثقيله

بو ريم : دام جذي انا حاضر تأمرين يا الريم :$

ريم : Thanks Daddy

بو ريم : حياج

ريم ببتردد : Daddy

بو ريم : عيونه ؟

ريم : امممم .... عزيز ماكلمك ؟


###


في مصر *



في الشركة سعيد و عبدالعزيز يسولفون بالمكتب

سعيد : وراه حاجز بالفندق ؟ تكبرت اجوف قبل كله بشقتي

عبدالعزيز : افا بس .. انا اتكبر ؟ وعلى منو ؟ عليييك !

سعيد : عيل امش شقتي

عبدالعزيز : اصلا بدون ماتقول بتلقاني كل يومين ناط عندك

سعيد : اذا جذي رضينا

عبدالعزيز : مو عشانك .. عشان محاشي وحمام ام يوسف جارتك

سعيد : لا ويين خبرك عتيج .. في شي عندها اهم من محاشيها

عبدالعزيز : مافي احلى من محاشيها ودي الحين فيها

سعيد : آآآآه آآه آي والله اسكت ... بس في شي احلى من ام يوسف ومحاشيها صدقني

عبدالعزيز : مع اني اشك ... بس شنو ؟

سعيد : سكنوا معاها ناس قطريين

عبدالعزيز : اووووه !

سعيد : ايي والله و مو اي قطريين البنت يمه يمممه قلبي تهبل

عبدالعزيز : اه يالملعون .. اليوم انا اجيب قشي عندك

سعييد : اهي دلع اهي جمال اه بس اه

عبدالعزيز : الله

سعيد : بس

عبدالعزيز : ها بعد كل هذا في بس !

سعيد : بس

عبدالعزيز يتوقع : متزوجه ؟؟؟؟؟؟؟

سعيد : لا اسم الله عليها

عبدالعزيز : عيل

سعيد : ثقيلة :@

عبدالعزيز : افا ... يلا معليه الكايد احلى

سعيد : من ناحية كايد ... كااايد

عبدالعزيز : هااا ترا اقول حق نورو

سعيد : لا واللي يرحم والديك كله ولا الحب

عبدالعزيز : ما جدمتوا العرس ؟

سعيد : قول مااخرتوا العرس ؟

عبدالعزيز : الله يكون بعونك هذول الحريم مايعرفون الا التأجيل

ورن تلفون المكتب

عبدالعزيز : نعم ؟

سهى : حضرتك ... اللي حكتلك عنها موجوده دلوقتي وعايزه تئابلك من امبارح بس حصل الاجتماع وماحصلتش فرصه انها تأبلك ينفع دلوقتي تديها من وئتك ؟

عبدالعزيز : سهى بليز لا .. حدي low bat.

سهى : حاضر ..

وسكرت الفون

الزايره : ها بشري شقال ؟

سهى : انا اسفه حضرتك مش حينفع دلوقتي

الزايره وتقلد كلام المصرين : طب امتى حينفع ياسهى دي المره التانيه اللي بتكسفيني بيها

سهى : عسل والنبي .. خلاص انا حديكي موعد بوكره الساعه 11 الصبح انشاءالله

الموظفة : okay.Thanks

سهى : يا اهلا وسهلا


###


عبدالعزيز طلع من المكتب مع سعيد رايحين يتابعون المبارة ويتعشون

عبدالعزيز : سهى باجر الغي كل مواعيدي اللي قبل 3 العصر

سهى : والي لسى مشية وانا مدياها موعد الساعه 11 الصبح حرام

عبدالعزيز رافع حاجبه وبنبره الملل : عطيها موعد ثاني ياسهى

سهى : هي ماستبش رقمها !

عبدالعزيز : بسيطة باجر تجيج ع الموعد عطيها موعد ثاني بعد باجر بنفس الوقت

سهى : طيب .. حاضر


###



ريم : يمه ترا صار له 3 ايام ماتصل لي

ام ريم : لانج زودتيها

ريم : اوه يمه واللي يعافيج لا تزيدينها علي

ام ريم : هذا الصج بعد محد قالج شيلي قشج وطلعي من بيته

ريم : انا الغلطانة اشتكي لج :(

ام ريم : خلاص دامج تحاتينة هالكثر دقي عليه

ريم : مابي ابي اشوف لي متى مايدق

ام ريم سحبت الجوال من يدها ودقت عليه وعطته اياها

ريم تمت تنطره يرد بس سكر فويها !


###


نرجع لمصر


بالليل

في بلكونه سعيد قاعدين ويشيشون

عبدالعزيز : حالتي كسيفة مع هالريم صاير ماتحمل دلعها

سعيد : شوف انت من وظفتني وياك وشفتك متولع فيها قلتلك عبدالعزيز لانت من ثوبها ولاهي من ثوبك ! البنت ماتصلح لك بس انت تقول مسحور فيها حذرتك مليون مره ياعزيز قلتلك البنت رضت تطلع معاك وانتوا مابينكم شي مو حلوه قلتلي انا ولد عمها وتدري اني بتزوجها !!!!!! قلتلك ودلعها قلتلي انا بدلعها كثر ابوها واكثر ! الحين جاي تقولي ماتحمل دلعها

عبدالعزيز : حبيتها شاسوي بعد تعرفني لي حبيت حبيت من قلب ولي كرهت كرهت من قلب

سعيد : وانت كارها من قلب الحين ؟

عبدالعزيز : انا للحين احبها بس كاره دلعها وحركاتها

سعيد : يبه اسمعها مني .. حالتنا مع النسوان صعبه بس تراها بدونا اصعب شوفني انا ونوره.....( فجأه عبدالعزيز حس ان صوت سعيد راح بعيد لانه سرح فشي ثاني مو معاه ومع فلسفته ! راسه مال مايبي يشوف سعيد يبي يشوف اللي وراه !!!! في البلكونه الثانية مع ان مايشوفها عدل لان ظلام وللحين مالفت صوبه عشان يشوف ملامحها بس هي قاعده وتمش الغبار من البلكونه وتغني واول مالفت صوبه شهقت رجعت لفت الصوب الثاني وركضت داخل )

عبدالعزيز : هههههههههههههههههههههههههههههههههههههههههه

سعيد : الحمدلله والشكر شفيك ؟

عبدالعزيز : جيرانكم القطرين

سعيد : ها ؟

عبدالعزيز : اللي وراك

سعيد : اللي وراي !

عبدالعزيز : شفنا حبيت القلب

سعيد ولف يشوف : والله ؟؟؟؟

عبدالعزيز : والله مالحقت اشوفها بس شافتني اشردت داخل

سعيد : مع ان لي شفتها ماتدخل اتم قاعده واطقع لي !

عبدالعزيز : مو متحجبات ؟

سعيد : هي متحجبة اختها مادري ! بس دوم بالكاب

عبدالعزيز : ياخي انا استغرب من هالعوايل شلون يخلون ناس وناس

سعيد : بويه

عبدالعزيز : مالت على ويهك طايح لي ساعه اهي جمال واهي دلع واهي رقه واخر شي طلعت بوية ؟

سعيد : مالت عليك انت ! اقصد الثانية اللي مو متأكد اذا متحجبة بس للحين ماشفت شعرها ولا مره

عبدالعزيز : يمكن شردت لانها المتحجبة

سعيد : تاكل القلب لا ؟

عبدالعزيز : سمنديقا انت ؟ اقولك لفت شافتني شهقت ودخلت مامداني

سعيد : احسن لك وانا اخوك اخاف تبطل تعرف تبي ريم ماتبيها !

عبدالعزيز : اوله ! لهدرجه جميلة ؟

سعيد : تصدق لا ! هي حلووه مو لي ذاك الزود في وايد احلى بس مايسون اللي تسويه فيك

عبدالعزيز : دعاية جالكسي هي ؟ تحجى عدل

سعيد : يعني بنظرك مثلا ... ريم احلى منها ! بس يمكن لي شفتها تحس بشي ماحسيته مع ريم ... شلون اطالعك ! يمكن شلون اطالع الواحد وتعابيرها وحركاتها او صوتها مادري ماااادري بس كجمال والله عادييه ... حلوه بس مو قتاله ماعرف اشرح لك ... باجر او بعد باجر او اللي عقبه بتشوفها بعينك وبتفهم

عبدالعزيز قام بيروح


سعيد : على وين ؟

عبدالعزيز بطنازه : بروح ادق بابهم اشوفها مافيني صبر لي باجر او بعده او بعد بعده

ورجع يقعد مكانه


اما سعيد مااااااات من الضحك على حركته

سعيد : لا جد هي جسمها عادي يعني مليانه البنت فوق 60 ! يمكن 65 ولا 70 وقلتلك مو جميله ... حلوه واللي يسمع هالمواصفات مايحس انه يمكن تهزه بس وحياتك ... عيونها شلون اطالعك ولا طريقة كلامها تحس شي غريب

عبدالعزيز يسمعه ويهز راسه بطنازه انه متابع

سعيد : شفيك ؟

عبدالعزيز : ماكو بس صاير المتنبي وانا اخوك كل هذا بحس فيه باجر مادري عقبه

سعيد : باجر تجيني غشيان لا تقولي حس فيني ! من الحين اقولك ... شاطر حق الطنازه وبس

عبدالعزيز : اقول قوووم قوم المباراة بدت خل عنك الخبرابيط لا اقول حق نوره تكنسل العرس بالمره مو بس تأجله


###

قطر

في الشركة *



بو ركان في مكتبه ويكلم مرته : لا تخافون كل شي ماشي تمام التمام !

مرته : زين متى بتبتدي ؟

بو ركان : هذا شغلي انا انتوا مالكم خص خلاص يه

مرته : بعد شاسوي بنتك وريلها ذبحوني من الاسئله

بو ركان : كلن له نصيبه بس اصبروا مو الحين

###

وفي بيت فهد



ريم : يمه تهقين يطلقني ؟

ام ريم : استغفرالله هذي المره السادسه تسأليني واقولج لا

ريم : شدراج ؟

ام ريم : لانه يحبج وللي صبر عليج سنه وشي يصبر عليج زود

ريم : يمه اخاف يهدني مثل ناصر

ام ريم : بالله انتي تقارنين عزيز بناصر ؟؟؟

ريم : اوووووف مادري

ام ريم : يالخبله انتي حامل مارح يهدج وولده ببطنج

ريم : لو اليهال يمسكون الريايل جان مسكت ناصر كاه مريم مقطوطه ولا درى عنها

ام ريم : قلتلج لا تقارنين ... اصابعج مو سوا

ريم : يمه وحياتج احبه والله احبه

ام ريم : سكتي لو اسمعج ابوج وداج ورى السماء شهالحجي

ريم : خله يسمع مايهمني هذا ريلي وقريب بوعيالي


###


في مصر



عبدالعزيز لغى كل مواعيده امس لان بأختصار بيسهر ع المباراه وعقب بيروحون المسرحية ومارح يرجعون الا ويه الفير وينامون فمارح يداوم الا عقب الغداء

الساعه 8 الصبح


موزه وهي تنط على السرير : شيخوو قومي حشا مو رقاد انتحار

شيخه : فكيني موزو والله مالي خلقج

موزه قعدت عند راس شيخه : قومي خلينا نودي امي الموعد

شيخه : اوووف ابي انام روحي يه من ماسكج انا حلمانه ان ام كلثوم ادرسني شلون اغني

موزه : الحمدلله والشكر

شيخه : ........................

موزه تعرف شلون تقيمها راحت فتحت درج من دروج شيخة وطلعت شريط ام كلثوم وحطته وشغلته وطولت عليه حده وطلعت من الغرفه

لقت امها مع ام يوسف يتريقون

وامها عصبت من الصوت العالي

ام عبدالله : شفيها ذي سود الله ويها قوليلها تسكره

موزه : انا حاطته يمه هاي الطريقه الوحيده اللي بتقعدها

ام يوسف : يابت مش عايزين مشاكل يقولوا ايه علينا الجيران دلوقتي

موزه : كلهم بيقومون حق الدوام وبعدين سعيد مايسوي شي مسالم

ام عبدالله : اتق شر الحليم اذا غضب

موزه : عشتوووو

وطلعت في البلكوونه تشوف حياه مصر اليوميه وتسلم ع اليهال اللي يمرون تحت في الشارع

وفجأه انفتح باب البلكونه اللي يمهم بقووو والتفت متصروعه

بس يوم شافت شكله ماتت من الضحك

شعره معفس وتوه قاعد من النوم غير بجامته

موزه : ههههههههههههههههههههه

عبدالعزيز : لااا وايد يضحك ؟؟؟

موزه : فوق ماتتخيل

عبدالعزيز : قصروا لا انط الحين فبلكونتكم واكسر المسجل فوق راسكم

موزه : واذا ماقصرنا ؟

عبدالعزيز يحك شعره بدفاشة يعبر عن قهره : مينونه انتي مينونه ؟؟؟ الساعه 5 وجذي معلية ع الصوت

موزه : بابا الساعه صارت 8

عبدالعزيز : حتى ولو ياخي استحوا خيلوووا في ناس رقوود

موزه وهي تصرخ : ماني مقصره شلووون يعني ؟؟؟؟

وكالعااااااااااااده !

مستحيل تفوت هوشه تمووت تمووت لو ماتهاوشت

شيخه قامت على صراخها وعلى صراخ ام كلثوم

طفت المسجل ورجعت شغلته وقصرت عليه وتأسفت لام كلثوم ... وغسلت ويها وبدلت وحطت الشال على راسها وطلعت

حبت امها وام يوسف على راسهم : خير شصاير من صباح الله خير

ام عبدالله : انا غسلت يدي من هالبنت خلها تولي

ام يوسف : معليش ياشيخه حاولي تكلميها اصلي مابحبش الجيران يتكلموا عليكوا وعليا انا

شيخه طلعت تشوف شالسالفه

شافت واحد توه داخل شقه سعيد وسعيد يتأسف من موزه

سعيد : شلونج شيخه ؟

شيخه : الحمدلله ! خير شصاير ؟

موزه واشرت على اللي توه دخل : هالتبن ماخلى كلمه ماقالها ويبني ماغلط عليه بعد

سعيد : خلاص عاد ياموزه تأسفنا مايحتاج تغلطين

شيخه : امسحها بويهي انشاءالله اخر مره

موزه التفتت معصبه على اختها : على كيفج انا الحين بروح اشغله مره ثانية وبطول عليه (وتحط صبعها لاعلى راسها حركة ادل على ان كيفها) واليوم انزل اشتري لي سبيكرات ومايك عشان اعلمه ولد ال...

شيخه سكرت حلج موزه بيدها عشان ماتخليها اتكمل

والتفتت على سعيد : يبا حقك علينا .. السموحه



وخذت اختها ودخلتها داخل




.
.
.

(نهاية البارت الثاني)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 23-05-2012, 08:14 PM
صورة دلـوعه خـورآفيهہَ الرمزية
دلـوعه خـورآفيهہَ دلـوعه خـورآفيهہَ غير متصل
©؛°¨غرامي جديد¨°؛©
 
الافتراضي رد: روايتي الأولى : أهل الحب صحيح مساكين


ثثآنكككككسُس..حقرآها وارد عليككِ..^$

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 23-05-2012, 08:35 PM
صورة طُهُر المشاعِر. الرمزية
طُهُر المشاعِر. طُهُر المشاعِر. غير متصل
©؛°¨غرامي نشيط¨°؛©
 
الافتراضي رد: روايتي الأولى : أهل الحب صحيح مساكين


رواايتك رووعه
حبيت مزوه ريم ماحبيته كرهته
البارت قصير تكفين طوليه
متى اوقات تنزيل البارت؟
ويعطيك العافيه ع الروايه الرائعه يالغلا.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 23-05-2012, 08:56 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
الافتراضي رد: روايتي الأولى : أهل الحب صحيح مساكين


اقتباس:
المشاركة الأساسية كتبها glvenchy مشاهدة المشاركة
ثثآنكككككسُس..حقرآها وارد عليككِ..^$

بنتظارج :**



اقتباس:
المشاركة الأساسية كتبها ـــ بدوون اسم ـــ مشاهدة المشاركة
رواايتك رووعه
حبيت مزوه ريم ماحبيته كرهته
البارت قصير تكفين طوليه
متى اوقات تنزيل البارت؟
ويعطيك العافيه ع الروايه الرائعه يالغلا.

حياااتي وجودج اروووع ... اي لاحظت انه قصير ونزلت بارت 3
واوقات التنزيل رح يكون كل خميس بارتين او بارت طويل


تعديل # للأمل جــولات; بتاريخ 23-05-2012 الساعة 09:08 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 23-05-2012, 08:56 PM
صورة HnOoOoD الرمزية
HnOoOoD HnOoOoD غير متصل
©؛°¨غرامي نشيط¨°؛©
 
الافتراضي رد: روايتي الأولى : أهل الحب صحيح مساكين


بارت اكثر من رائع

يعطيييييج الــ 1000ــف غافيه خيتوو

شوقتيني ودي اعرف شنو راح يصير

توقعاتي

1) عبدالعزيز راح يعقل موزه ويخلها تتعلق فيه وتتحبه واهوا يميل لها بس ما راح يحبها لان حب ريم اقوى

2) ان ريم راح تسققط اللي في بطنها وترجع ريم القبل اللي تهتم في عبدالعزيز

3) ابو راكان راح ياخذ كل شي يملك ابز ريم

تحياتي
فقد مررت هنا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 23-05-2012, 09:05 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
الافتراضي رد: روايتي الأولى : أهل الحب صحيح مساكين


(البارت الثالث)


ليت الذي خلق العيون السوداء .. خلق القلوب الخافقات × حديدا !

شيخه سكرت حلج موزه بيدها عشان ماتخليها تتكمل

والتفتت على سعيد : يبا حقك علينا .. السموحه


وخذت اختها ودخلتها داخل


شيخه : موزو ترا انتي تمثلين انج صبي بس شفيج صرتي صبي صج

موزه : ماسمعتيه شقال ولد اللذين

شيخه : انتي غلطانه مويز

موزه : غلط جيله يوم جابه

شيخه وتمللت منها : اووف موزو خلاص فكيني مالي خلقج

ام عبدالله : الحين بتودوني الموعد ولا شلون

موزه ركضت عند امها وتحب راس امها : اوديج افا عليج بس كم لولوه عندنا ؟

شيخه : يلا قوموا انا عندي موعد عقب

# # #


في المستشفى


عبدالله آل ... شخص مصاب بالقلب والسرطان في وقت واحد وللاسف قلبه مايستحمل انه يسوي عملية السرطان ! فالدكاتره في لندن قالوا له ارجع مؤقت لين يقوى القلب وحزتها نقدر نسوي عملية حق الخبيث عشان نشيله ! بس هو رجع قطر وللاسف القلب مايقوى كل ماله يضعف والبطارية اللي ركبوها له ماسوت شي ! قدم اوراقه للشؤون عشان يسفرونه المانيا بس تأخر الرد بحكم ان كثير من القطريين كاتبين الكتاب نفسه ! وهو شكله يخرع ومستشفى حمد مو عارفين شيسون فيه ! احتاروا معاه فقرر يسافر باللي ورثه من امه مصر يعالج بحكم ان مصر ارخص بكثير من الخارج ! وهو مايقدر يتعالج بحسابه في الخارج صعبة جدا عليه خصوصا بعد ماقدم استقالته من شغله ! ماعنده لا شغل ولا عنده حد يعاونه ! محد كان عنده الا امه وخطيبته ... خطيبته اللي لعبت بعقله لين حبها وعشقها واول مادرت عن حالته تركته وراحت تزوجت ولد خالتها .. وامه توفت من نفس المرض الله يكافيكم شره (السرطان) ! وسبحان الله بنفس الطريقه قلبها مايستحمل ولما سألوها الاطبة اذا هي مستعده تخاطر وتجرب العميلة يمكن تنجح ويمكن لا ! قررت انها تسويها لكن الله خذ امانته وعبدالله في لندن خيروه وقال مايبي العملية (تعقد من سالفه امه) =( !

عبدالله قبل لا يدخل الحلقة يتلفت يدورهم .. صار له فتره ينطر ولا حد بين فقرر يلحق على باقي الحلقة ...

وفي الحقلة النفسيه تبع اليوم

.
.

عبدالله : السلام عليكم

الكل : وعليكم السلام والرحمه

دكتور علي : يا هلا بعبدالله

عبدالله : مو غريبة اليوم ماجت ام عبدالله ؟

دكتور علي : يمكن صارت لهم ظروف وماقدرت تجي

( دكتور علي دكتور عراقي شاطر بالحلقات النفسية .. يساعد المرضى في التغلب على اليأس اللي يصيدهم بعد استقبالهم لخبر المرض ... والحلقة شبة يوميه وفيها يجيب ناس تغلبوا على المرض عشان يساعدون المرضى الحاليين الدراسات اثبتوا ان النفسية اهم العوامل اللي تساعد المريض في الشفاء خصوصا للي مثل حاله عبدالله ! لانه بمراحل متقدمه من المرض وحالته شوي ميؤوس منها لانهم مو قادرين يشيلون الخبيث ولا قادرين يعاملون قلبه الضعيف .. ! )

في الحلقة النفسية !

استضاف الدكتور علي بنت سورية كانت تظن انها رح تموت بعد كم يوم من سماعها للخبر ... فطلعت من الجامعه لان بنظرها ليش تدرس وتتعب واهي اصلا بتموت بعد كم شهر ؟ قاطعت صديقاتها كلهم لانها تعتقد انها بهالطريقة بتهون عليهم استقبالهم لخبر وفاتها ! وأشياء كثيره بس بعد ماحضرت الحلقات النفسية مع الدكتور علي حاولت تتغلب على الوضع والحمدلله بعد اراده الله وقوه ارادتها انكتب لها عمر جديد فجات خصوصي لهم عشان تقويهم وتقص قصتها

ساره : أنا عنجد مابعرف ليش هيك عملت ! ماكان لازم اعمل هيك ابداً .. هاد مستقبلي وعلمي .. كان لازم اكون اقوا بكتير كان لازم اتمسك فيه لاخر نفس بحياتي مو استسلم بسهولي هيك ! ماكان لازم اترك اصحابي واتغير عليهون .. كنت حداً كتير غير !

ماكنت بحب اطلع وماكنت حب حاكي حدا وماكان عندي امل ابدا انوا رح ارجع يوم وقف على رجلي وكمل حياتي طبيعي

عبدالله : عفواً انتي لما قالوا لج انتي مصابه بمرض السرطان , قالوا لج بمراحلج المتأخره ؟

ساره : لاءا .. ماقالوا لي بمراحلك المتأخره بس قالوا لي انو انا بمرحلة متقدمه وانوا الكيماوي مارح ينفع معي وانو الاحسن اخوض العملية بس انا كتير كنت يائساني وتركت كل شي ورا ضهري انا اصلا حتى ادويتي ماكنت موازبي عليهون

عبدالله : بعدين ؟ شلون قررتي تسوين العملية ؟؟

ساره : ابدا ماكنت متوقعي .. متل ماخبرتكون انا دكتور علي عرض عليي انو احضر معون بالحلقات النفسية بالاول كنت كتير كرهاني الجو ! انا عنجد عم بحكي لا تقولوا هاد بس حكيي لقويكم ! انا بعد الحلقات وبعد ماقابلت ناس متلي هيك هلاء عم يجوا ويحكوا قصصهم ... قلت انا بدي هيك !! انا بدي كون متلون بدي اجي واقوي الناس اللي متلي الناس اللي عم يموتوا يوميا بس يشوفوا اعمارون بالمراي فقلت للدكتور علي اني رح خوض العملية والحمدلله ... اللهي كتب لي عمر جديد ورح يكتبلكون انشاءالله لا تقولوا ان السرطان هو النهاية ! بلكي هلأ انا اللي صحيت وشفيت منو موت هلأ قبلكووون من اي شي تاني ! الموت رح يجي رح يجي سواء كنتوا بخير ولا مرضانين ! فمشان الله حاجتكون يأس وحياتكون بكرا بتندموا بس تعملوا العمليي وتصحوا ! رح تقولوا لي ماعملتا بدري !


عبدالله ارتاح .. بس تذكر امه .. وشلون ماتت بعد العملية ! رجع لافكاره المتشائمة وبعد ماتذكر امه تذكر ام عبدالله ! وسرح قعد يحاتيها ! ليش ماجات خايف فيها شي يمكن ماتت ؟! لااا لااا بعيد الشر اذا ماتت حزتها هو بييأس من قلب !! اغلى شخصين بحياته يروحون !! بنفس المرض اللي هو مصاب فيه

وصحى من سرحانه بهزه الدكتور علي لكتوفه : وين وصلت ياعبدالله

عبدالله : انا احاتي ام عبدالله


من صوب ثاني !

كانوا توهم واصلين المستشفى وموزه سحبت امهم ركضت فيها عند غرفه الحلقات النفسية

ام عبدالله اتحنطم على بنتها ماتقدر تركض

اما شيخه تمت تضحك على هبال اختها

ويوم صلوا دخلت موزه بسرعه ووقفت اول ماشافتهم وتمت تنهت من التعب

تبي تسلم مب قادره


موزه : الس..لام

ام عبدالله قعدت على اول كرسي : لا بارك الله فيج

موزه وهي تساسرها : فيك فيييك انا ريال نسيتي

ام عبدالله : بروك ياويلك لو عدتها فاهم

الدكتور علي : ههههه مبارك شفيها امك شمسوي لها

وراح الدكتور لام عبدالله يسلم عليها ويقولها عن الحلقة اللي طافتها

اما موزه قررت انها ماتضيع الفرصه راحت عند عبدالله وقعدت عنده

عبدالله : وينكم ليش ماجيتوا

موزه : شاسوي بعد صار حادث في الشارع واخرونا هاي مصر كلها زحمات وبعد يصير حادث خلاص انسى توصل

عبدالله : هههههههه وانت الصاج

موزه : على فكره احنا طالعين 8 وشوي بس ماكو فايده .. انت في ام الدنيا (وهي تقول اخر جمله فتحت يدها الثنتين ورفعتها فوق تسوي دراما)

عبدالله : ههههههههههههههه سود الله رقاعك دايم تضحكني وانا ماودي اضحك (وقال جملته وهو حاط يده على كتف موزه)

في هاللحظة وصلت شيخه وبققت عينها وشهقت

موزه شالت يده بسرررعه كنها منقرفه ! : لو سمحت لا تمسكني ابد مره ثانية

عبدالله تظايق من خاطر وقام بيطلع .. وهو طالع التفت عليها : ترا السرطان مايعادي :) وطلع وخلاهم !

موزه دفنت ويها بيدها

شيخه تمت تعض اظافرها ماعرفت شتسوي !


دكتور علي : معليش هو نفسيته تعبانه هالايام

ام عبدالله : شفيه عسى ماشر

دكتور علي : نفس الموضوع

ام عبدالله : لحول الله

دكتور : حاولي ماتغيبين عنه تراه يهمه وجودج

موزه وهي يم شيخه وبصوت واطي : ياحيج يمه

شيخه بطلت عينها وتأشر ع الدكتور بمعنى اسكتي لا يسمعج الدكتور

الدكتور : ولا يهمج يا ام عبدالله بعد ساعه رح نعيد الجلسه وتقدرين تحضرينها

موزه : خلاص ... رح نحضرها

شيخه خذت موزه وطلعتها برا الغرفه وضربتها على راسها مثل ما موزه تضربها : شفيج انتي غبية انا عندي موعد

موزه وهي تضربها على راسها : صايره تعرفين تضربين بعد

شيخه : من مدرستج حبيبتي

موزه وهي تقلدها : من مدرستج حبيبتي .. وبعدين انا شاسوي فيج عندج موعد روحي بروحج انا عن نفسي مارح اروح وياج لان انا وحده عندي كرامه مو انتي ربي لك الحمد والشكر داقه درب كل يوم وترجعين لانه مكنسل الموعد حضرته

شيخه رفعت يدها جدام موزه : بليز خلاص خلاص .. حبطتيني من قلب هذا بدل ما ترفعين معنوياتي


###


في الشركة



بو ركان : طال عمرك هذي اخر ورقه بس وقع عليها

بو ريم : تأمر امر

بو ركان : مايأمر عليك عدو

بو ريم : اقول بو ركان

بو ركان وهو عارف شبيقول بو ريم ! فقال بسرعه : انا عندي شغل لازم اروح الحين اشوفك بعد الدوام


طلع


###



في شركة مصر



وصلت شيخة الشركة اللي يمكن تطلع وهي مستانسة ويمكن لا ! لانها تبي تمديد اجازه وحاسة انهم مارح يوافقون !!!!

وصلت مكتب السكرتيرة سهى

شيخه :
Hellooooooooo

سهى : اهلن بيكي انسه شيخه

شيخه : تكفين لا تقولين لي انلغى ! تراني تاركة امي بالمستشفى وجايتكم

سهى : انا بجد اسفة .. مش عارفة اقولك ايه دنتي ماسبتيش رقم الموابيل علشان اكلم حضرتك قبلها .. هو لغى كل مواعيدو اللي قبل الساعه 3 العصر

شيخه : زين بقعد لين 3 ... امرنا لله بس لا تكنسلين الموعد

سهى : متأسفه حضرتك .. اصلو مرتبط بمواعيد تانية وبعدها حيخوش اجتماعات

شيخه بتعب : يعني متى اقدر اقابله ... انتي قوليلي .. شوفه عينج انا كل يوم اجي وتكنسلينه لي ! يعني ماصارت لو طالبه اشوف المترشحين للرئاسه جان شفتهم شدعوه ياحافظ مو شغل هذا !

سهى : انا عارفه واللهي ومتأسفه جداً بس اعمل ايه

شيخه : انتي بعد مالج خص مسيكينة ... طيب قوليلي بقى انا امتى اقدر اقابلو ؟

سهى : بوكرا انشاءالله

شيخه : هههههه بعد بتقولين لي بكرا ؟ لا يبه انا بسجلج رقمي على ورقه وانتي رجعي دقي علي وعطيني موعد

سهى : لا واللهي هو بنفسو اللي حدد الموعد ليكي بوكرا بنفس الوقت انشاءالله

شيخه : اكيييييييييد؟

سهى : انشاءالله المرة دي تزبط

شيخه : انشاءالله




راحت صوب اللفت وسمعت 2 يشتكون من معاملة صاحب الشركة و معاملته القاسية والدقيقة لهم

وبصوت واطي قالت : عز الله مافلحنا اخلص من تحبيط مويز تجون انتوا

واحد منهم : نعم ؟ قلتي ايه حضرتك ؟

شيخه التفت لهم : لاا لاا ولا شي هههههههه


###


اليوم اللي عقبه



عبدالعزيز في الشركة وماله خلق حد
وحد امه تعبان وتوه قاعد من الرقاد وكان سهران مع سعيد كالعاده
قاعد ع المكتب يشرب قهوته وسهى فوق راسه تزن

عبدالعزيز فجأه بنص كلامها : بس بسسس خلاص تكفين صدقيني مو وياج ولا يهمني من بقابل سندرتيني بهالجدول كل يوم تسمعين لي قسمن بالله مو معاج ولا اهتم .. كل اللي يهمني الحين الموظف الناقص انا محتاج حد عنده خبره في مجال ال ( العلاقات العامة ) ابيه ضروري

سهى : انا لقيت كتير بس ولا حد عجبك اعمل ايه

عبدالعزيز : لان ولا واحد يحسسني انه رح يقنع الشركه تختار مناقصتنا كلهم نفس بعض مجرد شغل انا بي حد حرك حد يحسسهم براحه حد يكون حي ويسوي هالشي عشان يبي ينجح المناقصة مو عشان يشتغل ويحصل فلوس وبس !

سهى : انشاءالله انا حقدم لك دلوقت الموظفين المتقدمين وصدقني كلوهم (حيين) زي ماتقول حضرتك

عبدالعزيز : ههههههههه

سهى : ايوا بقى فوكها ياعم .. تأمرني بحاجة تانية ؟

عبدالعزيز : خلاص مشكوره تقدرين تروحين وعطيني ملفات المتقدمين ودخلي اول واحد

###


قطر

بيت فهد



ريم محترقة اعصابها ... عبدالعزيز كلش ماتصل عليها يعني لين متى ؟ هي تحسفت والله وعرفت غلطها وتتصل عليه بس مايرد والمشكله من امس وهو مسكر جواله !

ريم وهي تقط الجوال ع الكرسي : هييين ماشي ياعبدالعزيز


###


شيخه تسمع ام كلثوم : والعاشقيين دااابوووا ماتابووا ... طووول عمري بقووول لا انا قد الشووووووووق

ام عبدالله : يمة شويخ صارت الساعة 9 قومي روحي الشركة

شيخه : تو الناس

ام عبدالله : مو تو الناس احنا بنروح المستشفى وانتي قومي لين تبرزين صارت 10

موزه : يمه وعليه عليها بتبرز وبدق درب واخرتها بيقولون تكنسل

شيخه : انتي شفيج ليش جي تحبطييني يمه شوفيها !

ام عبدالله : مويز فكينا وشويخ قوموا برزوا


###


في الشركة


عبدالعزيز توه مخلص مقابلاته مع المتقدمين ومعصب حده لان للحين مالقى حد يبرد قلبه وخذ كل الملفات وطلع من المكتب وقطهم في الزباله جدام المتقدمين في صالة الانتظار وابتسم

وصلت لهم الفكره ! ان لا !


وراح عند سهى

سهى : ليه بس كده يا استاز .. دنتا كسفتهم واللهي

عبدالعزيز : الغي المواعيد اللي قبل الاجتماع

سهى : ماينفعش يا استاز عزيز دي شيخة رابع مره تيجي .. ع الاليله قابلها بس هي ونلغي كل المواعيد التانية .. ها قولت ايه ؟؟

عبدالعزيز : اوكي بس بليز مابي تجين بعدين تقولين لي بس قابل فلان وعلان

سهى : لا خلاص واللهي حلغي المواعيد التانيه

عبدالعزيز راح يتمشى فالشركة يبي يشوف شغل الموظفين ويبي يسمع رايهم فيه وفي الشغل بس الاكثر (رايهم فيه) وبدون مايسأل يعني بيمشي وبدون مايدخل مكاتبهم بيسمعهم شيقولون عنه يذمونه ولا يمدحونه

.

.

.


في هالوقت وصلت شيخه مكتب سهى وواقفه عند الباب وتمثل انها بتطلع : ها اروح ؟

سهى : هههههههههههههههه

شيخه دخلت : هههه ازيك

سهى : كويسه انتي عامله ايه ؟

شيخه : انا بخير اذا مانلغى الموعد

سهى : هههههه لا مانلغاش.. ماتخفيش

شيخه بغلاضه : الله يرحمه

سهى : ايه ؟

شيخه : تقولين مات (خفيش) قلتلج الله يرحمه كااك فهمتيها ؟

سهى : هههههههههههه

شيخه : لاتلوميني من التوتر والله

سهى : لا انشاءالله كل حاجه تمام التمام ماتتوتريش

شيخه بطلت عيونها : حتى توريش مات ! لحول الله ولا قوة

سهى خلاص ميته من الضحك

شيخه : هههههههه حبيتيها

سهى : اوووي ... عسل والنبي


شيخه : يلا انا بروح اقعد تعبت وانا واقفه اهذر وياج
wish me luck

سهى : best of luck


,







عبدالعزيز رجع مكتبه وقبل لا يدخل التفت على سهى : تدرين شكلي بطلع

سهى : تطلع ايه بس يا استاز .. دي البت قات قبل الموعد بساعه حرام عليك

عبدالعزيز : صج ؟

سهى : واللهي

عبدالعزيز : ماعرفتي شتبي ؟

سهى : لا واللهي ماحكتليش , بس هي بت على طول بتضحك حتى لما بتكنسل المواعيد بتبقى زي ماهي رايئه

عبدالعزيز بملل : رايئه ها ؟ وينها الرايقه خلينا نشوف شقصتها

سهى وهي تأشر على شيخه اللي قاعده بأخر كرسي : اهيي .. تحب اندهلها تدخل المكتب

عبدالعزيز : لا انا بروح اشوف شتبي عشان عقب اطلع اشم هواء قبل الميتنق

راح وشافها ماسكه فايل مندمجه وتسولف مع نفسها بصوت عالي وقال بصوت واطي : حلو ناقصنا مجانين فالشركه بعد !

عبدالعزيز : السلام عليكم !

شيخه ولا التفت عليه

عبدالعزيز على صوووته شبه صراخ : السلاااام

شيخه تخرعت : سمعنا والله سمعنا ورجعت تسولف

عبدالعزيز : جان رديتي دام سمعتي

شيخه : .............

عبدالعزيز قعد يمها : اوله لهدرجة بزي ! ماتقدرين حتى تردين على السلام

شيخة حطت الفايل اللي بيدها على ريلها بقو حركه ادل على الانزعاج : خير ؟

سهى شافتها وضحكت ! لانها عرفت انها مش عارفه عبدالعزيز

عبدالعزيز قعد يشوف عيونها

شيخه متنرفزة : خير ؟؟

عبدالعزيز بداخله ( موجميلة جدا عاديه البنت بس تجذب ! )

شيخه تهز راسها : خيرررررر ؟

عبدالعزيز : خليجيه ؟

شيخه تنهدت وابتسمت بملل : صومالية :)

عبدالعزيز : ههههههههه شفيج زين ليش معصبة

شيخه : اوووهو .. وصدت عنه ورجعت شالت الفايل وتسولف مره ثانية مع نفسها

عبدالعزيز منصدم من حالتها وقرر يسمعها

شيخه : والله كلها شهرين زياده انشاءالله وارجع واشتغل احسن من اول بعد تكفى مددها انا بحاجه هالاجازه و ....

قاطعها عبدالعزيز : تعرفين اللي بتقابلينه ؟

شيخه : منو مايعرفه انا اول ماسمعت انه وصل مصر قلت بجي احاول وياه ولو اني ادري مابذنه ماي

عبدالعزيز مغمض عين وحده و يحك وجهه : اكيد يعني تعرفينه ؟

شيخه لفت صوبه : امبيه انت ماتعرفه ؟؟؟؟

سهى حست ان شيخه جابت العيد فراحت تركض عندهم وتأشر بعيونها على عبدالعزيز عشان تسكت

عبدالعزيز وعجبته الفكره لان اخيرا بيعرف انطباع الناس فيه كصاحب شركه : لا عشان جي اسألج حدي متوتر .. عساه حليوو ؟

شيخه وهي تسكر الفايل واشتطت : هههههههه قال حليو قااال

عبدالعزيز ماسك ضحكته : عاد انا هني كلهم قالوا لي اقشر

شيخه : اقشر وبس قول عله قول مصيبه

عبدالعزيز : لاا عاد لا تقولين !

(شيخه مو عادتها تكلم حد ماتعرفه وتسولف عادي بس السالفه فيها تفريغ شحنات توتر ! خلاااص ابو الراحه الحين وهي تسولف .. حتى بالجامعه كانت جي ! حتى لو موظف النظافه قعد ع الكرسي اللي يمها عادي تسمع البرزنتيشن له)

* احب انوه ان هالصفه مو حلوه واتمنى لو كلنا نمسك عمرنا فهاللحظات لان مهما كان اللي نكلمه هذا شخص غريب !


/


شيخه : اقول اسكت .. طاريه يجيب لي اللوعه يغثني احس بزوع

عبدالعزيز بقق عيونه !

شيخه : شفيك بسم الله !

سهى وللحين تأشر بعينها كل شوي على عبدالعزيز : احممم

عبدالعزيز وقام : لا ولا شي انا بقوم لان دوري

شيخه ": مسكين الله وياك


,

,

,


اول ماوصل المكتب مات من الضحك على اللي صار

واحد مكانه بيعطيها كلمتين بالصميم وبيطردها

مهما يكون اللي تكلمت عنه يكون عمه

بس هو حالته غير عمه بالنسبه له شريك بالعمل وبس

سهى : ليه بس كده يا شيخه دنتي بوزتي الدنيا

شيخه : ليشش ؟؟

سهى : ليه ؟ هو انتي لسه حتسألي !!! تفضلي سعادتك

شيخه : دووري !!!!!!!!!!!

سهى : ايووا تخضيتي كده ليه

شيخه : لا لاا ولا شي ...

وراحوا صوب المكتب وقبل لا تفتح الباب

سهى حست فيها : ههه انتي خايفه كده ليه ؟ ماسبتيش حاقه ماقلتيها من دقيقه ودلوقتي متوتره وخايفه تأسفي وخلاص ... ماتخفيش

شيخه : ما قلنا الله يرحمه خلاص بقى

وافتحت الباب وهم اثنيناتهم يضحكون

وشيخه اشرت بيدها باي لسهى

والتفت صوب اللي بتقابله ومشت خطوتين واول مارفعت عينها وشافته !!

رفعت الفايل على ويها عشان تخشه

.

.

.


عبدالعزيز بهاللحظة مستمتع لاخر درجه ! يحب هالمواقف يعشقهههها


شيخه نزلت الفايل شوي شوي لين طلعت عينها عشان تشوفه لقته يبتسم ابتسامه شريره رجعت حطت الفايل وراحت صوب الباب تبي تطلع

عبدالعزيز : وقفي مكانج !

:
:
:



(نهاية البارت الثالث)



تعديل # للأمل جــولات; بتاريخ 23-05-2012 الساعة 11:23 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 23-05-2012, 09:58 PM
صورة HnOoOoD الرمزية
HnOoOoD HnOoOoD غير متصل
©؛°¨غرامي نشيط¨°؛©
 
الافتراضي رد: روايتي الأولى : أهل الحب صحيح مساكين


ههههههههههههههههههههههههههههههههههههههه

تكفيين ككمليي
اابي اعرف شنو راح يصير

عشاني بس هالموقف موقف عبدالعزيز وشيخه

بللييييييز

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 24-05-2012, 12:20 AM
نبض احآسيس نبض احآسيس غير متصل
©؛°¨غرامي جديد¨°؛©
 
الافتراضي رد: روايتي الأولى : أهل الحب صحيح مساكين


السلام عليكم
اخبارك اختي للأمل جــولات
ماشاء الله عليكي روايتك الأولى بطله و طريقتك بالسرد و الاحدااث مره كووول

==========
نجي لتوقعاتي
اممم اتوقع الورقه اللي بالاول ورقه زواج حق عبدالله ممكن بيتزوج شيخه
و موزه عبدالله بيكون سبب بأنها تتغير و تصير بنوته عادي و هو بيسوي العمليه
اممم ريم شخصيتها زفت ما حبيتها كلش
ابوركان و ابو ريم في شي كايد بينهم
اتوقع بو ركان بيبوق بو ريم و خليه على حديده ممكن يقوعه على ارواق مثل ما قال عبدالله

===========
الله يوفقك و تكمليها لنا
ننتظر البارت الجي لا تطولي
في امان الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 24-05-2012, 12:46 AM
صورة حكاية احاسيس الرمزية
حكاية احاسيس حكاية احاسيس غير متصل
©؛°¨غرامي مشارك¨°؛©
 
الافتراضي رد: روايتي الأولى : أهل الحب صحيح مساكين


ههههههههههههههههههههههه و الله قصتك روعة
هالشيخة اذا بدات ما توقف ههههههههه
تبارك الرحمان و بداية موفقة
الله يكون بعونها ههههههههههههههههههههههه
و الله قصة روعة ننتظرك بفارغ الصبر هههههههههه

روايتي الأولى : أهل الحب صحيح مساكين

الوسوم
الاحتيار بين كوكبين
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
روايتي الأولى : لن أضحي بكبريائي من أجلك ! ضجيج السكون أرشيف الروايات المغلقة - لعدم إكتمالها 177 14-05-2010 05:09 AM
رابطة أولمبياد بكين 2008 , أخبار , نتائج ... إلخ سفير السعادة رياضة متنوعة - سباحة - كرة تنس - كرة سله - مصارعة 67 16-12-2008 12:49 AM
هلال تحول الى فانووووس! U Think U Know Me كووره عربية 45 13-09-2006 04:05 PM

الساعة الآن +3: 08:46 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1