غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-05-2012, 05:19 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
Uploadfef5c031fd روايتي الأولى : أهل الحب صحيح مساكين




كاتبة قطرية
حبت تجرب الكتابة وهذي اول محاوله
وحبت تعرضها لكم .. وكلها امل انها تعجبكم لان بكم نرتقي ^^


~\*ملاحظة:

* اللي يشوف ان الدنيا في الخليج مو بخير وكلها اغتصابات وواجبار البنات على الزواج والاساليب الاجباريه والمتوحشه .. فمارح تلقونها بروايتي ! وفي مليون اخت غراميه ومتألقات في كتاباتهم عن هالمواضيع .. انا بالنسبه لي الدنيا في خليجنا الحمدلله للحين بخير وللحين الطيبين ماراحوا
حابه انوه اني والله ماقصد الاساءه لاي كاتبه غراميه بالعكس والله اني احترم اقلامهم ومن معجبينهم بس هي مجرد ملاحظه




( في روايتي رح تلقون العشق والجبروت والظلم والاحتيار .. وهدفها توعية النسوان اللي لاهية عن ريايلهم بطريقه ما او بأخرى .. ومابعد الاهمال ؟)






مقدمة



::

::

::

::




في غرفة النوم المعفوسة فوق تحت ... قاعد ينبش الأوراق ماخلى وروقة الا وماطلعها من الدروج مثل المجنون قاعد يدور اي شي اي دليل يريح قلبه ويهديه ... يهدي اللواهيب اللي من بعدها وهي شابه وكل مالها تزيد .. مشتــــآآآق ... مشتاق واييد فوق الخيال ... ماعمره اشتاق لهدرجة ماعمره تصور ان الشوق يلعب به وبقلبه وبشراينه ما درى ان ثلاثة بهالدنيا يذبحون القلب لو هو ينبض : الندم والحسرة والشوق !
تعب وهو يدور ... وبكل دفاشه رفس الكمدينو وقعد ع الارض مقهووور قلبه ينعصر عصار مو بس شوق ووله .. ندم .. هو نددددم لكن الحين شيفيد الندم ؟
دفن وجهه بيده وحاس بغصه ويحاول يطلعها بتنهيدات لكن هيات تطلع

هو : آآآه .. وين الاقييج وين احصلج ويين ويييييييين



هي ...




دخلت الغرفة وانصعقت من المنظر ! صار له ساعة بالغرفة على اساس رايح ياخذ شور وتأخر قالت تجي تجيك عليه


هي : خير ؟ شصاير ؟؟؟


هو : .....................


هي : شدور عليه ؟؟؟


هو : .....................


هي : ليش عافس الدار جي ؟؟؟؟


هو : ....................


هي وحنت على منظره وراحت صوبه حطت ايده على شعره : حبيبي عسى ماشر شفيك ؟


هو بصوت مكسور : في ورقة وايد مهمة ضيعتها


هي وقلبها مقبوض : شورقته ؟


هو : ارض


هي : ارض ؟؟؟؟


هو : ...................


هي : شورقته اللي خلتك تعفس الغرفة بهالشكل !


هو بعصبية : قلتلج ارض شنو ماتفهمين انتي


هي وقلبها للحين مقبوض : شأرضه ؟ ارض تخليك بهالحال ؟؟


هو : انا لله


هي : زين اذا ارض ليش لهدرجة معصب اطلب نسخه ثانيه بس السالفه فيها ان وماهي سالفة ارض وانا قلبي مقبوض ... عبدالعزيز ليكون


هو قاطعها : ليكون شنوو ؟؟ انتي شفيج خلااص صرتي معقده ؟ لي متى بتمين جي شكاكة ؟ ياخخخي اذا انتي مو واثقه فيني شتبين ؟ قلتلج ارض كنت ابي اشتريها

كفرت يعني ؟؟؟


هي : اها ... ارض كنت بتشتريها يعنننننني ........... وسكتت و حطت ايدها بشنطتها وطلعت ورقة : يعني مو هذا اللي ادوره ؟


هو التفت وشاف الورقة عيونه لمعت !




::

::

::



(قبل ساعه ونص)




قاعد يشوف الجزيره ومندمج حده بالاحداث اللي تصير ... بطلنا مهوس بشي أسمه مصر فمتابع احداث الثورة اول بأول وياويل اللي يقطع عليه اندماجه حتى الباعوضة وهي الباعوضه اصغر الكاءنات طيراناً تندم ع الساعه اللي تخلي حد من عيالها يمرون صوبه ماتلقى الا وطراخ بصفقته يذبحهم ههههههه ... الخدامة يوميا تبجي وتنوح عند المدام لانها اذا جت تنظف ولا تعطيه كوب الماي يلعن ابو سلافها اذا مرت جدام التلفزيون ... بس اكو حد يقدر يقاطعه ومايقدر يقول شي بحكم انه مايبي مشاكل !



هي


هي وبس !


اي .. يمكن كان في حد بس حاليا هي وبس !



وفعز اندماجه .... الباااب انصفق بقوو وهني قدر يسكت ويمسك اعصابه ويقطع اندماجه لان مثل ماقلت ... هي تقدر !



توقع المشهد اللي رح يشوفه .. كل يوم يشوفه ومايمر يوم بدونه .. هي تدخل وتصرخ وتكون معصبة ومتنرفزه بسبب ولا بدون .. يمكن من سواق يمكن من خدامة يمكن من ربعها , اهلها , او حتى منه هو ! بس اليوم في شخص جديد .... الدكتور اللي راحت له لانها تبي تركب تقويم ! خلاص اكيد هو



هي : ......................


هو : غريييييييبة ! حبيبتنا تدخل عقب صفقت الباب اللي زين ماطاح من صفقتها وماتحجى ؟


هي : ......................


هو وعشان مايبي سوالفها المعتاده : يبا خلاص اتغشمر


هي : ......................


هو : شخبار حبيبتنا اليوم ؟؟


هي : ......................


هو : بك ! حبيبتي علامها ؟


هي : طلقني !




\
/
\
/









تعديل ليل الغرباء; بتاريخ 26-05-2012 الساعة 10:10 PM. السبب: تغيير التصميم بطلب من الكاتبه
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-05-2012, 05:26 PM
روح مبعثرة روح مبعثرة غير متصل
عضو موقوف من الإداره
 
الافتراضي رد: روايتي الاولى : اختر الحل الصعب ياتفارق .. ياتحب / بقلمي


بدايهه ححلوه ومشوقهه

اعتبريني من متابعينككِ

ننتظر البارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-05-2012, 05:38 PM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: روايتي الاولى : اختر الحل الصعب ياتفارق .. ياتحب / بقلمي


السلام عليكم ورحمة الله

حياك الله اختي بغرام .. بداية مشوقه وطريقة حلوة لتحفيز القارئ
لطلب المزيد .. ان شاء الله لي عودة ثانيه حتى اشوف وش هي هالورقة
الي هبلت بالاثنين ^ ^
اعتقد ان هي الاولى مو هي الثانيه
الثانيه الي طلبت الطلاق ليه ترجع تدور عليه وتحس بتاخره اذا كانت ناويه عالطلاق
والاولى شكلها لاقت الورقه واستفادت منها بابلاغ الثانيه حتى تفسد بينهم ...



https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


بالتوفيق ان شاء الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 17-05-2012, 07:38 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
الافتراضي رد: روايتي الأولى / اختر الحل الصعب ياتفارق ياتحب


/* همسه : أتمنى ان روايتي ماتشغل اي حد عن صلاته ~



( البارت الاول )


,


,




قبل 3 سنين




في عز الصيف .. بعد دوار .. وخط معروف بعدم زحمته وعلى صوت السوالف بين سعود وهدى اللي متزوجين صار لهم سنين لكن ربي مارزقهم بحد يملي حياتهم .. صار حادث ! حادث غير حياة ناس ... ناس كانت تنطر ربي يرزقها !
ومصائب قوم عند قوم فوائد !!




###





عبدالعزيز آل .....





شاب طموح موظف بالحكومة حاله حال كثير من الشاب .. معاشه يالله يسديه هو وأمه اللي يصرف عليها بحكم انه ابوه مو معترف بزواجه من امه علني ! وكان يصرف عليهم بس صار له سنتين منقطع ولا دز لهم حتى ريال واحد ! فهو على الله وعلى هالمعاش امه تحتاج ادوية وغير معاش الخدامة والسواق ومصاريف البيت واللي يبقى له هبابه يكفيه لباقي الشهر .. !





خلونا بالاول نعرفكم على عبدالعزيز الكبير !




جد العيلة



عبدالعزيز بن سعود بن عبدالعزيز آل ......



عنده ولدين سعود وفهد




سعود تزوج هدى ومثل ماذكرت ماربي رزقهم بذرية



وفهد تزوج مريم وجاب منها ريم وشيخة



عيلة صغيره ومعروفة لكن الغير معروف ان سعود متزوج بالسر وعنده عبدالعزيز !!





بعد الحادث !





اسهم سعود المرحوم بالشركة رح تورثها العيلة ! والعيلة محد بقى فيها الا هالاخوان وواحد توافى عيل يورثها منو ؟ فهد !



كان فهد مرتاح لان واخيرا الشركة بتصير له وبس محد يشاركه فيها



ريم بنت فهد مطلقة من واحد ينقال له ناصر وعندها بنت اسمها مريم



اما شيخة اختها فهي بنوته صغيره





نرجع لعبدالعزيز



في منطقه صغيره وبيت صغير عبدالعزيز يشوف قناة الجزيرة وسمع امه تناديه وفز للغرفه خايف تكون تعبانه كالعاده بس لقاها متربعه ع الارض ومجابلة صندوق اطلع منه اوراق


ام عبدالعزيز : حبيبي ابيك تسمعني للاخر ولا تقاطعني


عبدالعزيز : يمه خرعتيني شفيج


ام عبدالعزيز : بتسمعني ولا شلون ؟


عبدالعزيز : اسمعج يمه اسمعج


ام عبدالعزيز : يمه هذي ورقه زواجنا وهذي شهاده ميلادك تثبت انك ولد سعود بن عبدالعزيز بن سعود بن عبدالعزيز آل ....... ابيك تاخذها وتروح لشركة ينقالها (,,,,,,,,,,) تروح تقابل صاحب الشركة وتطلب انك تاخذ حقوقك واي اعتراض منهم رح توكل محامي ويجيب حقك وزياده وهم مارح يقدرون يسون لك شي ...


عبدالعزيز : يمه ابوي ماعترف فيني وهو حي هذا اللي يبيه يبيني مابين


ام عبدالعزيز : مالنا خص ... الريال مات والله يرحمه ويغفرله وانا متأكده ان هالتصرف رح يريحه الحين ... انت ياولدي شقيت وتعبت سنين من الفقر وماعمرك شكيت ... بس عيونك تشكي وانا امك تكفى لا تردني


عبدالعزيز : بس يايمه هالطلب بيجيب لنا مشاكل مالها اول ولا تالي


ام عبدالعزيز : وانا راضيه ... مارح نتعب قد محنى تعبانين الحين


عبدالعزيز : بس يايمه


ام عبدالعزيز : لا بس ولا شي ... تروح ولا انا اروح ؟؟؟؟


عبدالعزيز وهو يتغشمر : اووووووووه ؟ الوالده بترووح عيييل ؟؟؟ شرايج يمه جذي ندخل عليهم ثنيناتنا نسوي فلم اكشن


ام عبدالعزيز : الا فلم رعب


عبدالعزيز : خخخخخخ ليش عاد


ام عبدالعزيز : فهد عمك اقشر ويموت ع البيزه الله يعينه لا يوقف قلبه من الروع باجر


عبدالعزيز : ولله يمه قلبي مو مطمني


ام عبدالعزيز : هذا حقنا يمه .. حد يرفس الخير والنعمة ؟


عبدالعزيز : ارفس روحي ولا ارفسها هههههههه خلاص يمه تم بس ضحكي نبي نشوف امي الثرمة


ام عبدالعزيز : اه يالهيس انا ثرمة


وقامت تضربه وهو ميت من الضحك



###


وبعد أسبوع صار اللي صار

وعبدالعزيز يداوم في شركة العيلة وله نص الاسهم والارباح اللي فيها يشارك عمه بنص بكل شي واخيرا افتك من الحكومة والفقر اخيرا بعيش حاله حال الناس


::

::

::



وفعز شغله وراحته بالاسبوع الثاني من الدوام دخلت عليه وحده وماخلت كلمة ماقالتها ! بردت حرتها كلها


وبعد ماخلصت


كان هو معطها ظهره ولما خلصت كلام لف الكرسي وشافها !!!!!


هي : العن مو جمال !


هو : العن مو لسان !


هي : نعم ؟!


هو : خلصتي ؟؟


هي : خلصت خلص عمرك قول انشاءالله


هو : انشاءالله ..... يومج قبل يومي


هي : جعل ربي يشب فيك نار تحرقك مثل ماحرقت قلبي من وين طلعت لنا انت انا متأكده انك جذاب لكن هين ان ماشلتك من هالمكتب


هو : هههههههههههه بنشوف


هي : ضحكت من سرك بلى


هو وقام وراح لها وهو عينه عليها وماشالها ومبتسم وهي قلبها طبول ترقع من حلاته


وقف مجابلها : مو حرام لسانج طويل وكل هذا الجمال فيج


هي : ..........................


هو ويأشر على عقلها : ياخبله شغلي هذا شغلييه حرام عليج تنحشين الريايل منج


هي : ......................


هو مد يده يسلم : انا عبدالعزيز ولد عمج المصون


هي : .......................


هو مسك ايدها ورفعها وحطها بيده الممدوده ويهزها مثل السلام


هي : .............................


هو : الحمدلله على السلامه مابغيتوا ترجعون من السفر ونشوفكم


هي : ..........................


هو : يصير تقعدين ؟


هي تمت تشوووفه


هو : يلا تعبت من الوقفه


هي : ......................


هو : كيفج انا بروح اقعد


هي مشت بسرعه وسبقته وقعدت على كرسيه




ومن هنننننني بدت قصتهم



ريم حبت عفويته وطريقته بالكلام والتعامل وهو حب فيها ثقتها بنفسها وجمالها كان كل يوم يحط ورده على مكتبها واول ماتدخل المكتب اول شي تشوف اذا حط لها ورده اليوم ولا ؟ كان يستغل اي فرصه من ورا عمه عشان يطلعون مع بعض احيان يكنسل مواعيده وبس يقعد معاها فالمكتب عشان يشبع منها وهي تضحك على حاله ... وحالها مو احسن من حاله .... هي بعد تعشق الارض اللي يمشي عليها انسان اسمه عبدالعزيز .... تحب اهتمامه فيها تحب شلون يفهمها شلون يحبها شلون يعاملها .... ماعمرها تصورت انها بتحب حد وبترجع تفكر بالزواج بعد ماتطلقت لكن هالريال قلب كل توقعاتها ..... ومرت الايام وهم زي السمنه ع العسل على قوله اخوانا المصريين ... بس !




بعد سنة



عبدالعزيز : حياتي


ريم : عيون حياتك


عبدالعزيز : امممم ما ودج نسافر


ريم : عبدالعزيز وين اسافر الله يهديك ماتشوف الكرشه


عبدالعزيز : لحووول .. ودي انا وياج نسافر نجدد العلاقه ومواقف جديده وحبنا مايعتج


ريم : اووووووووه عبدالعزيز فكني واللي يرحم والديك


( عبدالعزيز تزوج ريم بعد شهر ونص عاشوا قصه حب فيها وقرر يتزوجها على سنه الله ورسوله وتزوجوا .. مع انه انصدم لما عرف انها كانت متزوجه من قبل وعندها بنت بعد بس امه قالت له وين تلاقي احسن من بنت عمك وعمه فهد من عرف ماصدق خبر لان يبي يحافظ على اسهم الشركة هو تزوجها لانه يحبها وكل اللي يعرفه ان لما يحب يحب ! فمارح يقدر ينساها فليش يتركها عشانها ام ؟ خلاص يربي بنتها لان طليقها لاهي عنهم ولاهو قد مسؤولية ياهل على حسب كلام ريم , تزوجها لانها بنت رومنسية ناعمة وشخصيتها حلوه وجذابه ... تمت مثل ماهي لين حملت ! بعدها صارت عصبية وتتنرفز على اتفه الاشياء سواء عليه ولا على بنتها ولا على غيرهم ! قال بيصبر النسوان كلهم بالحمل لهم طقوسهم الخاصة وهي فترة وبتعدي ..)



###



بعد ايام



ريم : عبدالعزيز قوم بنروح بيت هلي


عبدالعزيز : زين خلينا قعود هني مع بعض


ريم : عبدالعزيز انا عطيتهم كلمه خلاص اوف


عبدالعزيز : زين


ريم : قوم يلا


عبدالعزيز : ريم اقوم من الحين اقعد فالسياره وانتي لين تبرزين مع بنتج وخدمج يبيلكم ساعه دريولج انا


ريم : عبدالعزيز قوم بلبس عباتي والبنت جاهزه


عبدالعزيز قام بدون مايتكلم وطلع يشغل السياره



وبعد ماجات ريم


ريم : لا تفشلني بليز


عبدالعزيز : الحين انا افشل ؟


ريم : لا بس تفشلني بحركاتك احياناً


عبدالعزيز : انتي من صجج ؟


ريم : اييي كم مره تكلمنا بالموضوع


عبدالعزيز : ليش لاني اضحك على ابوج ؟ اللي من يعرف ان في شي يبي فلوس يغير الموضوع ؟


ريم : اوووه هذولا اهلي ترا


عبدالعزيز : وانا ريلج ترا


ريم : واللي يرحم والديك فكني


عبدالعزيز : هههه



بعد ساعتين



وفي



بيت فهد (بو ريم)



ام ريم : ودي بلندن


فهد وجاه طاري السفر وارتبك : شتبين فيها مب من زينها


عبدالعزيز ابتسم بسخرية لان حس قلب فهد بيوقف السالفه فيها مخاسير وريم خزته


ام ريم : وحشتيني من متى مارحت


ريم : اي والله حتى انا


فهد بعصبية : انا ماني موديكم عن التلميحات اللي مالها حلاه


ام ريم غسلت يدها من هالموضوع


ريم : اي لييييش عاااااااااد ؟؟؟


فهد : معاشج عندج تبين روحي


ريم : زين ودنا انت على حسابي


(عبدالعزيز متابع بصمت وكل شوي يبتسم بسخريه)


فهد بعصبية : قلتلج مافي سفر وبعدين ليش على حسابج كاه ريلج عندج خله يوديج


عبدالعزيز : اوديها وين ماتبي عيوني لها ماقصر انا شدعوه قالوا لك وسكت .........


ريم بعصبية : عبدالعزيز شتقصد ؟؟؟


عبدالعزيز بهدوء لان الرسالة وصلت : اقصد شقالوا لكم قحي ؟؟؟؟


فهد : ماشفتك فزيت تحجز


عبدالعزيز : حياتي ريم تبين احجز لنا ؟


ريم منفسه : مابي اروح معاك ... يبه تكفى نبي تودينا انا وامي


عبدالعزيز عصب من حركة ريم ومو جديده عليها خذ البوك وسويج السياره وقام : عن اذنكم احنا صار لازم نروح البيت مريم عيونها تغمض المسيكينه


ريم : منو قالك نبي نروح .؟


عبدالعزيز : ريم قلتلج يالله


ريم : تو الناس شفيك


عبدالعزيز : صار لنا ساعتين


ريم : اوووف روح ناد الخدامه تجيب اغراض مريوم وعباتي


عبدالعزيز وهو طالع ومعصب : يلا زيين



وراح السيارة



ريم انحرجت وخذت بنتها وقشها وخدمها وطلعت لعبدالعزيز برا وكان يدخن


ريم : انت شنو ماتحس ؟


عبدالعزيز : انتي ؟


ريم : انا شنو ؟


عبدالعزيز : تحسين ؟


ريم : انا اللي اسألك ؟؟


عبدالعزيز بصراخ : فكينا يلااا عاد ودخلي السياره


ريم : انت ليش قاعد تصرخ علي جدام الخدم ومساعه جدام هلي شفيك على الاقل مثل انك تحترمني


عبدالعزيز : امثل اني احترمج !!!!!!!! انا طول عمري محترمج بس انتي مو كفو


وقط الزقاره وراح خذ مريم وركبها السياره وركب وشغل السياره ينطر ريم


ريم واقفه محلها والخدم يشوفونها ومنحرجه وعصبت عليهم : شتشوفون ركبوا السياره يلا


عبدالعزيز فتح الدريشة : بتجين الحين ولا بتباتين بيت هلج ونمشي ؟


ريم مشت وماسكه صيحتها عبدالعزيز مايعاملها مثل اول دخلت السيارة : على فكره اسلوبك صاير زفت


عبدالعزيز : لاااااااااا ... كلش عاد انتي اللي اسلوبج عسل


ريم : شسويت لك انا ؟؟


عبدالعزيز : مادري ... شوفي شسويتي وزعلني


ريم : ماشاءالله الحين بدل مازعل انا انت اللي تزعل


عبدالعزيز : وانا متى حقي ازعل ؟؟؟ حتى لو كان حقي مستحيل تعترفين


ريم : جوف ترا هذا مو اسلوب


عبدالعزيز : الحين انا ساكت عن معامله ابوج وقاعد يحسسني اني مقصر وياج ماجني كل يوم اقولج امشي نسافر تصكينها بويهي وتجعميني ! صح ولا لا ؟؟؟


ريم : زين ابوي اللي يسوي انا شلي خص ؟


عبدالعزيز : انتي متى كان لج خص ؟ متى غلطتي ؟ مره بس قوليلي امانه ؟


ريم : انت بطيت جبدي انا وامي وابوي نبي نسافر مع بعض انت شكو


عبدالعزيز : انا لمن تكلميني تكلميني بأسلوب احسن وبحترام فاهمه ؟


ريم : انت شفيك ليش صاير حساس


عبدالعزيز : مو حساس السالفه انها طالت وتشمخت انا اعدي لج اشياء وايد اقول مابي ازعلها بس المسأله انج تكلميني بأسلوب خايس مارضى


ريم : انا اكلمك بأسلوب خايس ؟؟؟


عبدالعزيز : صكي الموضوع واللي يعافيج لاني عارف فالنهاية مارح نتفق ابد


ريم سكتت ودموعها بدت تنزل


عبدالعزيز مايبي يشوفها لان يعرف انه مجرد مايشوفها بهالمنظر بيضعف


ريم ساكته طول الطريق


وهو احترم سكوتها


الخدم ومريم ناموا لان بيت اهلها بعيد عن بيتهم كلن ساكن بمنطقه



عبدالعزيز التفت عليها : آسف


ريم : ................


عبدالعزيز : قلنا اسف شدعوه عطينا ويه


ريم : .................


عبدالعزيز : زين ولله اسف شاسوي عشان ترضين


ريم : ..................


عبدالعزيز قام يصرخ بصوت عااالي : انا اسففففففف انا كلب اسمعووني ياعالم انا كلب لاني زعلتها


ريم : خلاص عبدالعزيز عن الفضايح


الخدم قاموا متخرعين : بابا شنوو فييي ؟؟؟


ريم : ههههههههههه


عبدالعزيز : اييي جذي تعجبيني


ريم : لاااا ؟


عبدالعزيز : يعني رضيتي ؟؟؟


ريم : وانا ازعل عليك ؟


عبدالعزيز : ماقدددر اناااا ماقققققدر اشق اهدوومي ماقددر وقام يمسك ثوبه ان بيشقه


ريم : عبدالعزيز عاد خلااص يه مايسوى علينا امسك السكان اوف


عبدالعزيز وهو يقلدها : امسك السكان اوف


ريم : ياشينك .. سوق سسسوق



###



اليوم الثاني مثل اللي قبله واللي قبله واللي قبله



ريم وعبدالعزيز لازم يتهاوشون :)



ريم في غرفه مريم وتهاوش الخدامه لانها خلت مريم تلبس من البدل اللي هي رافعتهم حق العيد
والخدامه تصيح


وعبدالعزيز توه راجع من الشغل وهو يصعد الدري ينفخ من الملل لان عارف ان مارح يرتاح


عبدالعزيز وصل غرفه مريم وتسند على حد الباب وبملل: خيرررر شصاير ؟


ريم : شوف الهبلة قايلتلك انا مابيها مابيييها شنو هو غصب ؟؟


عبدالعزيز : هاذي رقمها 9 تخيلي انا جبت لج تسع خدم تنحشينهم ورا بعض وانا تعبت اساسا مكتب الخدم لاعت جبودهم مني ... حتى المقهوجي هناك ماقام يقهويني حالي حال المعازيب خلاص صرت منهم


ريم : ولله يقهويك مايقهويك انا مالي شغل


عبدالعزيز : روز خلاص روحي تحت


ريم : انت هييي .. انا احاجيك وانت همك الخدامه


عبدالعزيز : اسمي عبدالعزيز


ريم : اووهووو انا وين وانت وين


ريم : وقفي روز ولله مب احسن لج تمشين


عبدالعزيز : روز روحي


ريم : لاا


والخدامه محتاره ماتعرف شتسوي



عبدالعزيز بعصبيه : روز روحي حطي غداء حق بابا



واخيرا روز راحت



ريم بعصبيه وصراخ : انت شفيك ؟؟؟ ليش مايهمك امري


عبدالعزيز : غلطانه لو مايهمني جان ماسألت


ريم : متى سألت


عبدالعزيز : اول ماجيت


ريم : انا مابيها يب لي غيرها


عبدالعزيز : وانا مارح ايب غيرها


ريم : اي ليش عاااااد ؟


عبدالعزيز : وليش اكنسلها ؟


ريم : لانها مول ماتسمع الحجي انا قايلتلها هالهدوم حق العيد لا تلبسها مريوم بس هي اللي براسها تسويه


عبدالعزيز : انا لبستها


ريم : جذاب


عبدالعزيز بملل التفت على بنتها : حبيبتي مريوم منو لبسج هالهدوم ؟


ريم : بابا عزيز


عبدالعزيز : هه ! سمعتهي


ريم : وانت شلك خص بثياب مريوم ؟؟؟ وليش ماسألتني اصلا


عبدالعزيز : ايي سوري حزتها كنتي فبيت هلج تتريقين وعقب بتروحين الشركة خو شغل الشركه كل
ابوه فوق راسج ها ؟


ريم : لو سمحت لا تتطنز


عبدالعزيز : ما اطنز بس هذا الصج احنا شغلنا كله توقيع ارواق ! والباقي هم يشتغلونه احنا بس نشرف ونوقع


ريم : اذا انت جي انا لا


عبدالعزيز : هههههههه اوكي اانا بس جي



والتفت على مريم : مريومه يلا نرووح ناكل غداااء ؟


مريم : ماما خلاث اتم بهالثياب ؟


ريم : ............


مريم : الله يخليج ماما انا من الثبح لابثتها


عبدالعزيز : ماما ؟؟؟


ريم : قلعتج


عبدالعزيز : استغفرالله العظيم تعالي ماما مريم تعالي




###




ومرت الايام وهم على هالحال !




وفيوم ...



عبدالعزيز يكلم السكرتيره تبع شركتهم في مصر ويسألها عن الاحوال ويأمرها بترتيب الاجتماع ورح يكون هناك في هالمناقصه لمده شهر وطلب منها ترتب له المكتب وسألته اذا تحجز له بالفندق ولا رح يسكن مع سعيد في الشقه فضحك لانها خلاص صارت تعرف سستمه


ودخلت ريم معصبة : الحين عرفت ليش تعاملني بخياس نفس .... منو هالحقيره اللي تحاجيها ؟؟؟


عبدالعزيز : خلاص سهى نفس ماقلتلج ترتبين لي المكتب وانا رح استلم هالمناقصه بنفسي


ريم سحبت منه الجوال : ياحقيرا ,,, انتي ماعندج اهل يربوونج ؟؟


سهى : عفوا يامدام انا السكرتيره اللي بشركتكوا فمصر انا سهى


ريم وانحرجت وسكرت الجوال بويها !


عبدالعزيز : خلاص ؟ ارتحتي ؟؟


ريم : ...........


عبدالعزيز بوناسه : تغارين ؟


ريم : ههههههه امبيه ترا حده تفكيرك راح بعيد انا بس مابي حد ياخذك مو غيره عبدالعزيز : حلفي ماتكابرين ؟


ريم : عبدالعزيز شنو غيره وماغيره اكيد لا


عبدالعزيز : عيل شتفسرين تصرفك


ريم : قلتلك ! مابي حد ياخذك


عبدالعزيز : ليش؟


ريم : لان مابي اتم بروحي مره 2


عبدالعزيز : يعني بس تفكرين بعمرج ؟


ريم : .........................


عبدالعزيز : مليت يارييم ملييييييت ! لي متى اصبر قوليلي ؟؟؟؟؟؟؟؟


ريم : .......................


عبدالعزيز : انا كارهج وكاره البيت وكاره نفسي وشغلي ودنيتي بسبتج


ريم بعصبيه وصدمه : عبدالعزيز !


عبدالعزيز : جعل مابه عبدالعزيز


وتل الجوال من يدها وطلع


ريم لحقته : عبدالعزيز اسمعني


عبدالعزيز ينزل الدري بسرعه وماله نفس يسمعها


ريم : عبدالعزيز شوي شوي عشاااني


عبدالعزيز : ..........


وبهاللحظة !


ريم طاحت ... وهو بسرعه حاول يصعد كم دريه عشان يلحقها قبل لا اطيح لين تحت
ولما مسكها كان خايف ... خايف على اللي ببطنها !!!!!!!!!



###



بعد مارجعوا من المستشفى وفي غرفتهم



ريم منسدحة وهو واقف مو راضي يسامح عمره : تكفين سامحييني


ريم : عبدالعزيز خلاص سندرتني ولله ولله


عبدالعزيز : المفروض اوقف اسمعج


ريم : حبيبي كل شي مقدر ومكتوب خلاص خلني انام


عبدالعزيز : سامحيني


ريم : مسمووح يابعد عيني مسموووح خلاص بدل هدومك وتعال نام تكفى بسك


عبدالعزيز : .........




###




/* يتبـــــــع *\


تعديل ليل الغرباء; بتاريخ 26-05-2012 الساعة 10:12 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-05-2012, 07:55 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
الافتراضي رد: روايتي الأولى / اختر الحل الصعب ياتفارق ياتحب


بعد اسبوعين


في الشركة


دخل عبدالعزيز مكتب ريم وعيونه تتطاير منها شرار من كثر ماهو مفور منها


عبدالعزيز : انتي منو عشان تاخذين قرارات عني ؟


ريم : مرتك وحقي !


عبدالعزيز : غلطاااانه ... بالشغل مافي ابوي وريلي ! البزنس بزنس


هي : اوه لا تبط جبدي ماحب هالحجي


عبدالعزيز : انتي اللي لا تبطين جبدي اللي طردتيهم على اساس انه قراري رجعتهم كلهم وياويلج ياريم ياويلج ياسواد ليلج لو دريت قررتي قرارات تخصني ومن وراي .. شغلي مالج خص فيه سامعه ؟


وراح صوب المكتب وخذ ملفات الموظفين المطرودين وطلع وصفق الباب وراه



ريم : اوف ياربي مادري ليش هالريال يحرق اعصابه على هالناس !



###



قد ايه من عمري قبلك راح .... راح
وعدى ياحبيبي ... قد ايه من عمري راح
ولا شاف القلب قبلك فرحه وحده ولاداق في الدنيا غير طعم الجراح



حاره متوسطه الحال من حارات مصر الشعبية وفي قهوة يعبيها صوت ام كلثوم وانت عمري بالذات وام وبناتها الثنتين قعود معاها ويشربون شاي



موزه : فرحة وحده ولا داق في الدنيا غير طعم الجراح ابتديت دلوقت بس احب عمري ابتديت دلوقت اخاف اخاف لا العمر يجري


شيخه : كل فرحة اشتقها من قبلك خيالي التقاها في نور عينيك قلبي وفكري ياحياة قلبي يا اغلى من حياتي ليه ؟ ليييييه ؟؟


موزه : ليه ليييييه


شيخه : ماقبلنيشش هواك ياحبيبي بدري


أم عبدالله : اقول .. اللي يسمعكم الحين يقول هذيلا عاشقانين ولا متزوجات وريايلهم ميتين عليهم ومزينين حياتهم ... مو عوانس


شيخة : حشى علي يمه ... عانس مرة وحده !


موزه : يمممه شهالتحطيم :(


شيخه : ولله ! قولي متأخرات قولي ماجربوا الحب بس عوانس عاد !!


ام عبدالله : ايه عوانس انتي جم عمرج ؟


شيخه : اوهوووو


موزه : عمري 28 سنه


شيخه : 30 :)


ام عبدالله : هه ! عوانس ولا مب عوانس ؟


موزه : لا


شيخه بزعل : عوانس عوانس


ام عبدالله : تزعلين من الصج


موزه : يمه شيخه خطبوها بس هي ماتبي ! مو انا مالت للحين ولا حد شرف


ام عبدالله: وليش انشاءالله ماتبي


شيخه : يمه واللي يرحم والديج سكري الموضوع خلصنا منه سنين واحنا نتحجى


ام عبدالله : مب احسن لج من هالعيشه


شيخه : شفيها عيشتي ؟؟؟ شفيها قوليلي


ام عبدالله : قصي على نفسج


شيخه : ........................


ام عبدالله : شفتي تدرين ان كلامي صح


موزه : يمه هي سكتت لان تعبت من هالموضوع يعني هي ياها العدل عشان تقول لا


ام عبدالله : خلي الاول اللي مايشتغل وخلي الثاني المتزوج الثالث شفيه؟


شيخه : ابداً سلامتج مافيه شي بس كبر ابوي الله يرحمه بس !


ام عبدالله : العمر مايهم هذا انتي اكبر من بناته ! عمرج 30


شيخه : اوهووو


ام عبدالله : زين الثاني ؟


موزه : اي كان مزيون ليته خاطبني


شيخه : متزوج شفيكم !


ام عبدالله : الشرع حلل 4


شيخه : ..............................


موزه : خلاص فكونا تكفون احنا عوانس وبنتم عوانس عادي يعني شفيها ؟ نبي نقعد وياج نخليج بروحج يعني ؟؟؟ وراحت تلم امها


ام عبدالله : ولله عسل بس انا اخاف بعد عيني


شيخه وموزه : اسم الله عليج بعيد الشر


موزه : يمه خلاص تكفين احنا يايبينج علاج وبتتعالجين انشاءالله


شيخه : ودي يوم ماتقولين لنا هالكلمه بس يوم واحد



###



في بيت عبدالعزيز


رجع البيت تعبان و لحين متنرفز من حركة ريم .. راح صوب الدري عشان يصعد ينام شاف مريم على طاولة الطعام وفيدها الايباد تلعب بروحها ... قعد يشوفها فتره ... هالبنت كاسره خاطره دايم بروحها وامها همها الفلوس والشركه وبس ! ياما عبدالعزيز حاول مع ريم انها تقعد بالبيت بس هي ماعمرها سمعت كلامه


راح عندها وحبها على راسها


عبدالعزيز : منو حبيب بابا عزيز ؟


مريم : مريم :$


عبدالعزيز : يمه فديت مريم انا .. وباسها مره ثانيه


مريم : بابا عزيز


عبدالعزيز : ياعيونه


مريم : ماما وينهي ؟ انا قالت لي اليوم بوديج الالعاب واحين ثار المغرب وهي ماودتني


عبدالعزيز : ...............................


مريم : بابا , الالعاب مايثكرون اذا تأخرت اكثر ؟


عبدالعزيز : بس ماما مشغوله .. ماتقدر اليوم


مريم : ليث عاد


عبدالعزيز : لانها بترجع تعبانه تخيلي انتي تروحين المدرسه لي الليل تتعبين ولا لا ؟


مريم : ..................


عبدالعزيز : زعلتي ؟


مريم : .................


عبدالعزيز : مريووومه زعلااانه ؟


مريم : خلاث بروح العب في الحديقه شاثوي بعد


عبدالعزيز : طاع هاذي ازعلت .. قوومي بدلي انا اوديج افا عليج بس


مريم : ثج ولله ثج ؟


عبدالعزيز : اي ولله ثج ,, بث اول عطيني بوثه


مريم : ييييث .. وراحت تركض تبوسه


ميري جات تاخذها عشان تبدلها ملابسها وعبدالعزيز وصااها ماطلع ملابس جديده عشان ريم ماتعصب وضحكت الخدامه لان كل مره يذكرها بهالشي !!!!!!


راح غرفته وقاعد يفكر يعني حتى وانا معصب وزعلان لازم افكر في زعل الانسه ريم .. يالله حدي تعبان ومالي خلق الملاهي ودوشتها بس شاسوي كاسره خاطري هالمريم .......



خذ له شور سريع عشان يصحصح ولبس له بدله اريح حق الملاهي وهو يتعطر الباب ينطق كذا مره وعرف ان هذي مريم ماتقدر تصبر اكثر راح فتح الباب : خلاص مارح نروح برقد


مريم : عاااد باااابا


عبدالعزيز : هههههههه اضحك وياج ... سوي لي حياتي وفتح يدي عشان تحضنه


وشالها وحطها على كتوفه ونزل تحت وخذ الخدامه وياهم عشان تعابلها وياه بروحه مارح يقدر وطلعوا وهو رايح صوب السياره جات ريم بهالوقت



ريم : على وين ؟


عبدالعزيز : ...................


ريم : عشتو , لحين زعلان ؟


عبدالعزيز : ....................


مريم : ماما , تروحين ويانا ؟


ريم : اي بروح


عبدالعزيز : لا ماله داعي ماما تعبانة الحين


ريم راحت ركبت السياره


عبدالعزيز : no comment



###



بيت فهد



ام ريم : يافهد .. ريم مو عاجبني حالها


فهد : ليش انشاءالله ؟


ام ريم : مادري .. عيشتها مع ريلها مب ماشيه وانت بعينك شفتهم مو الاولين


بو ريم : ماعليهم شي .. الريال متحملها ويصرف عليها


ام ريم : وهذاك قلتها بنفسك .. متحملها ! بعدين شدخل الصرف الحين انت كل همك الصرف


بو ريم : اكيد بفكر بالصرف وبنتج صرفها عادي ؟ تصرف عن عشر ربي كل الحمد وبعدين هو يحمد ربه ان بنتي وافقت تتزوجه وتعيش وياه


ام ريم : ليش انشاءالله ؟ ناقصه يد ولا ريل ؟


بو ريم : ناقصه عقل


ام ريم : انت اكثر واحد تعرف انه ماعليه قصور والف وحده اتمناه ليش ماتقول ان هو اللي زين منه تزوجها على الاقل بنتك معرسه من قبل ومعيله !


بو ريم : اوهووووو ,,, شالمطلوب الحين ؟


ام ريم : اقعد وياها فهمها عقلها باجر الريال يطير من يدها


بو ريم : زين زين يصير خير .....



###



سعيد عند اللفت : ياهلا بأهلنا


شيخه بدون نفس : يحيك


سعيد : شدعوه عاد


شيخه وموزه : ................................


سعيد : سلموا ع الوالده انا استأذن


موزه : يسلمك ... والتفت على شيخه :" امشي يلا خلينا نروح


وراحوا شقتهم ! اما سعيد انصدم للحين في بنات جي حتى السلام مايبونا نسلم عليهم لان مانعرفهم



###


في الملاهي


عبدالعزيز نازل من القطار وماسك يد مريم وجاتهم ريم


ريم : صورتكم صور حلوه


عبدالعزيز : ............


مريم : بابا خلنا نروح الثينما بليذ


عبدالعزيز : مره ثانية بليز بابا تعبان


ريم : فديت التعبان انا ليت التعب فيني


عبدالعزيز يعرف ريم لما تتحسف على شي سوته تقعد تسوي جي وهذا يعني انا اسفه بس هي مستحيل تعترف وتتأسف وكالعاده يجاوبها لانها تكسر خاطره ومايقدر يسكت


عبدالعزيز بنبره جدا عادية : لا اسم الله عليج


ريم : يعني رضيت ..؟


مريم : بليذ بابا خلينا نروح


عبدالعزيز : بابا انا تعبان ولله


ريم : زين انا اكلمك تقوم تكلم مريوم


مريم : بليذ عاد بابا


عبدالعزيز : عشان هالبليذ رح اوديج ونزل يبوووسها : وهذي بوسه بعد شتبين


ريم : حسستني بنتك صج على فكره


عبدالعزيز بعصبية : رييييييييييييم


ريم : خلاص خلاص مافينا شده زعل مره ثانية


عبدالعزيز طنشها لانه تعب وشال مريم وراح صوب السينما اما ريم راحت تتسوق


وفي السينما اول ماطفوا الليتات عبدالعزيز كان بسابع نومه ومع الوقت مريم بعد رقدت من التعب



###



ريم بعد ماتسوقت راحت كافيه تبي تشرب لها قهوه واتصلت على صديقتها تشتكي لها الحال ورفيجتها قالت لها ان الغلط راكبها وريم كالعاده ماترضى وتعصب عليها وتسكر ... واتصلت بعدها على عبدالعزيز مو عشان تراضيه وتتأسف ! لااا ! ريم ماتعرف الاسف


عبدالعزيز قام من صوت الجوال واليهال كلهم يشوفونه ومعصبين قطع عليهم الكارتون : اسف اسسسف


رد بسرعه : نعم ؟


ريم : هاي حياتي .. وينكم ماخلص الموفي ؟


عبدالعزيز : روحي عند باب المواقف ورح نجيج ... وكسر بدون مايسمع ردها


التفت على مريم وشافها نايمة ضحك عليها وعلى حالهم شالها شوي شوي وطلع


.


.


ريم بعد ماسكر منها عبدالعزيز مصدومه ! اول مره مايقولها تعالي عندنا ! او هو يجيها اول مره يقولها روحي انتي وبعدين بنحصلج عند الباب قبل ولله مايرضى !! ليش هالمعاملة زين وتمت تفكر لين وصلت الباب طلعت للمواقف وتمشي مع انها ماتعرف وين تروح ماحفظت رقم الباركنق ماتوقعت يصير لها جي ! هو اللي يحفظ كل مره !!!! بس الخدامه اللي شاله اكياسها داله السيارة ووصلوا بسلام بس السيارة مقفوله فتموا واقفين لين جاوا مريم وعبدالعزيز ورجعوا البيت ....



###



بعد يومين في الشركة


في مكتب فهد (بو ريم)

بو ريم قاعد مع بو ركان اللي توه مرافجه وجايبه الشركة يوضفه !


بو ركان : ها بشر متى استلم الوظيفه


بو ريم : خلاص خلصنا اوراقك الحين وتقدر من باجر اداوم


بو ركان وهو يبتسم : كفوو ماقصرت ولله ... يالله انا استأذن



###




بيت عبدالعزيز



عبدالعزيز في المطبخ ويسوي له قهوه ... تعود يسوي لنفسه كل شي ريم خلاص من حملت ماتهتم ابد فيه ! واول ماخلصت القهوة خذها



يوم جاء بيطلع دخلت ريم وخذت القهوه من يده وباسته : شكرا حبيبي انا متأخره باي



عبدالعزيز وجهه جي ( ! ) : ويأشر بيده باي !


,


,




(نهاية البارت الاول)


تعديل # للأمل جــولات; بتاريخ 17-05-2012 الساعة 08:45 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-05-2012, 07:58 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
الافتراضي رد: روايتي الأولى / اختر الحل الصعب ياتفارق ياتحب




(البارتات) رح تنزل كل خميس الساعه 8 بالليل

اختكم
# للامل _ جولات


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 18-05-2012, 01:14 AM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: روايتي الأولى / أهل الحب صحيح مساكين


صباح الخير

عبدالعزيز وش كمية الصبر الي متحلي فيها على ريم
ياصبر الارض بس .. انا وانا اقرا البارت كرهتها ومو طايقتها ابدا شلون
هو الي مقابلها صابر عليها !! اعتقد من الاحداث وتطابقها مع المقدمه ان الي
تطلب الطلاق هي ريم ...

طريقة تصافحهم والعلاقه الفري بالبدايه خاطئه جدا والمفترض ماتكون متواجده
ببيئه زي بيئتنا ولا باوامر دينا الي تغافلوا عنها ,,,

ام عزيز تم تناسيها بشكل تام وكانها لم تكن مع انه ولدها الوحيد والمفترض فيه
مسكنها معاه بنفس البيت ..

اعتقد ان تقسيمك للورث خاطئ بتواجد الجد والابن ..

موزة وشيخه ؟؟ منو يطلعون .. ماذكر تم ذكرهم من قبل

ابو راكان شكله بيكون له دور فعال مستقبلاً ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 18-05-2012, 02:39 PM
صورة # للأمل جــولات الرمزية
# للأمل جــولات # للأمل جــولات غير متصل
©؛°¨غرامي فعال ¨°؛©
 
الافتراضي رد: روايتي الأولى / أهل الحب صحيح مساكين


اقتباس:
المشاركة الأساسية كتبها همسات وردة مشاهدة المشاركة
صباح الخير

عبدالعزيز وش كمية الصبر الي متحلي فيها على ريم
ياصبر الارض بس .. انا وانا اقرا البارت كرهتها ومو طايقتها ابدا شلون
هو الي مقابلها صابر عليها !! اعتقد من الاحداث وتطابقها مع المقدمه ان الي
تطلب الطلاق هي ريم ...

طريقة تصافحهم والعلاقه الفري بالبدايه خاطئه جدا والمفترض ماتكون متواجده
ببيئه زي بيئتنا ولا باوامر دينا الي تغافلوا عنها ,,,

ام عزيز تم تناسيها بشكل تام وكانها لم تكن مع انه ولدها الوحيد والمفترض فيه
مسكنها معاه بنفس البيت ..

اعتقد ان تقسيمك للورث خاطئ بتواجد الجد والابن ..

موزة وشيخه ؟؟ منو يطلعون .. ماذكر تم ذكرهم من قبل

ابو راكان شكله بيكون له دور فعال مستقبلاً ...


ياهلا بج .. منورتني اختي همسات :$


حابه انوه ان الجد اساسا متوفي :) فاللي ورثوا الشركة هم عياله الاثنين سعود وفهد تقاسموا كل شي بالنص ! بعد الحادث سعود توفى .. ف عبدالعزيز ورث قسم ابوه !
(ماعتقد في خطأ) :"( لا تكسرين مجاديفي < برا هههههههه


بالنسبة للتصافح .. انا قاصدة اني اسويها جي وانشاءالله رح تعرفين ليش عقب ماانزل بارتات اكثر وصدقيني انا رح اشدد على هالنقط وافهم القراء ان كل شي محسوب على البنت حتى لو الريال تغاضى عن الفكره نفس ما صار مع ريم وعبدالعزيز !



اما بو ركان وشيخه وام عبدالعزيز الاحداث بتوضح انشاءالله بالبارتات الثانيه !



اسعدني تواجدج وشاكرة خواتي الغراميات القائرات :$

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-05-2012, 09:44 AM
صورة قمر وربك محليها الرمزية
قمر وربك محليها قمر وربك محليها غير متصل
©؛°¨غرامي مشارك¨°؛©
 
الافتراضي رد: روايتي الأولى : أهل الحب صحيح مساكين


بارررت خطيييييييييير
اعجبتني البدايه
رحممت عبد العزيز ياصبرهةة على رييم لا وبعد مهتم ببنتها وهي مطنشهة
مدري كيف صارت امم صراححه كرهتها من البدايههه
ننتظرررك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-05-2012, 11:26 AM
صورة Anaat Al R7eel الرمزية
Anaat Al R7eel Anaat Al R7eel غير متصل
©؛°¨غرامي مجتهد¨°؛©
 
الافتراضي رد: روايتي الأولى : أهل الحب صحيح مساكين


السلام عليكم ورحمة الله وبركاته

بالنسبة للمصافحة اللي تكلمت عنها همسات وردة هذا شيء من طبيعة المجتمع .. يعني هي ما كتبت شيء من برع

واايد اشياء تصير اكبر من المصافحة .. اذا ناس كبار بدولنا عندهما مصافحة الحريم عاادي شو بيكون من الشعب ^^

ولو هي ما تطرقت لهالشيء فروايتها فبتكون بعيده عن الواقع .. صح ان هالشيء محرم والله ما يرضا فيه بس هي بطريقتها وابداعها بتبين هالشيء ^^

نرجع لرواية ..

ما اقول الا الله يعين عبد العزيز عليها خخخخخخخخخ

بس حبيبتي انتي كاتبة شيختين في الرواية .. شيخة اخت ريم وشيخة اخت موزة ><

اخاف بعدين نتشتت بينهم اذا بيكون لهم ادوار ^^

عندي ملاحظه بسيطه وهي سرعة الاحداث من بعد ما قالت ام عبدالعزيز لولدها يروح الشركة .. لو طولتي شوي وبينتي الكره اللي كان فنفوسهم من ظهوره فحياتهم

وبينتي معاملة فهد له بيكون شيء حلوو .. لان سرعة الاحداث تخلينا نفوت احداث واايد ^^

في ملاحظه ثانية على لفظ الجلالة ( الله ) انتي تكتبينه ناقص الالف .. فياليت تنتبهي لهالشيء ^^

تحياتي لج |



تعديل Anaat Al R7eel; بتاريخ 19-05-2012 الساعة 02:14 PM.

روايتي الأولى : أهل الحب صحيح مساكين

الوسوم
الاحتيار بين كوكبين
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
روايتي الأولى : لن أضحي بكبريائي من أجلك ! ضجيج السكون أرشيف الروايات المغلقة - لعدم إكتمالها 177 14-05-2010 05:09 AM
رابطة أولمبياد بكين 2008 , أخبار , نتائج ... إلخ سفير السعادة رياضة متنوعة - سباحة - كرة تنس - كرة سله - مصارعة 67 16-12-2008 12:49 AM
هلال تحول الى فانووووس! U Think U Know Me كووره عربية 45 13-09-2006 04:05 PM

الساعة الآن +3: 09:59 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1