منتديات غرام روايات غرام روايات كامله - يتم نقل الرواية هنا بعد اكتمالها رواية لبيه ياللي وحدك لو قلت لبيه / بقلمي , كامله
أحاسيس _أنثى ©؛°¨غرامي متألق ¨°؛©

نهى (واهيه تقاطعه ) :- احمد .. تعال وانا عمتك .. ويايه خل نودي عمتك ريم المستشفى ماشي وقت

تاخرنا واايد

احمد (واهوه يركض بسرعه ويدخل بالداخل لجناح نهى ويرى عمته واهيه على السرير فيحملها بين

يديه ويخرج بها للخارج وماان راوها الجميع حتى صعقوا لمنظرها ...

ابو سالم :- ريم بلاها ؟؟

أحمد (واهوه ياخذ انفاسه وريم بيده ):- عن اذنك يدي بودي عمتيه المستشفى السموحه منكم

اترخص ..

ابو سالم : -انا بيي وياكم ..

لطيفه (واهيه تشير لابو سالم ):- وانا بيي وياكم ..

فهيد (وبقلق على منظر عمته ):- وانا بعد ..

وبتلك الثواني كانت تامي تنصت لهم وبالنسبه لتامي ريم هيه الام الثانيه والاقرب لها بعد وفاه امها فكم

تعلق قلبها بريم وتحبها فوضعت على راسها وقايه (شيله صلاه ) وخرجت وصادفت فهيد ..

فهيد (وبقلق وتعب ):- شفيج .. الظاهر كنتي تصيحين ؟؟

تامي (وبهدوء ):- لاحبيبي ماكنت اصيح المهم انا بروح وياكم ..

فهيد (واهوه يحضن تامي ):- الحين عرفت السالفه لاتحاتين انا متاكد عموه بالف خير ..

تامي :- ان شاء الله ..

اما بالجهه الثانيه وبالتحديد في غرفتها وبعد ان خرجت اختها من غرفتها متجهه لبيت عمها اخذت

بهاتفها المحمول واتصلت على سكرتيره مكتبها للتاكد من جدول مواعيدها فعرفت انه اليوم المفروض

التوقيع على العقد مع شركه اللؤلؤه التجاريه واللتي احد اعضائها لمى عبد العزيز (اخت تركي )

فقررت ان تاخذ حمامها المسآئي وبالفعل اخذته وماان انتهت حتى ارتدت لبسا عمليا جدا وبينما كانت

تضع شغابها (الحلق ) قاطعها اتصال لمى ,,,

لمى (وماان اتاها صوت ميره ):- يآمسآء الورد ..

ميره (واهيه تنزل الحلق من يدها ):- مساج ورد وزهر وطيب وكل شي حلو بالدنيا .. اخبارج غلآيه ؟؟

لمى (وبهدوء ووناسه ):- وش ابي اكثر دام صديقتي بالف صحه واخوي رح يصير جنبي بعد يومين ..

ميره (وماان قالت لمى هكذا حتى اعترتها مشاعر الخجل ):- يوصل بالسلامه ..

لمى :- الله يسلمك ياروحي بس حبيت اذكرك بالموعد اليوم ؟؟ حق شركتنا وشركتكم ..

ميره (واهيه تضحك ):- هههههههههههه حبيبتي والله بس انا عندي سكرتيره مرتبه جدولي واهيه

تخبرني

لمى (واهيه منحرجه ):- وايه ويعني ماتبغين تسمعي صوتي ؟؟

ميره:- ههههههههههههههه منو قال جيه الحينه ؟؟

أحاسيس _أنثى ©؛°¨غرامي متألق ¨°؛©

اصلن فيه احلى من صوتج الواحد لاسمعه يذووب ..

لمى (واهيه مستحيه ):- يازين حظه اللي بياخذك مير (لكن ) ماياخذك وتنسيني؟؟

ميره :- مستحيل انساج حبيبتي انتي .. يالله حبيبي اخلص ونتقابل بالاجتماع اوك

لمى :- اوك ياقلبي ..

اما بالجهه الثانيه وبالتحديد وبعد ان فرغ القصر باكمله من الاشخاص ولاول مره مشاعرهم وقلوبهم

واحده ولاول مرا يجتمعون بمجملهم على شخص واحد وجميعهم برابط الخوف عليه او كان هذه

المشاعر متاخره حقا متاخره وبصدق ولكنها حدثت حدثت .. وفي وضع لم يكن متوقعا ابدا .. كان جالسا

في المارينا مول وبالتحديد في ستار بكس ,, يتناول قهوته المسائيه مع صاحبه ويتداول اطراف الحديث

معه

مسلم :- بو فهيد وين وصلت وانا اخوك ؟؟

أحمد :- وياك وياك الغالي ..

مسلم :- لاحشا انت هب ويايه فكرك هب ويايه

أحمد :- ماشي وانا اخوك مشاغل الشغل والبيت والعيال

مسلم :- الله يعينكم والله بس لايكون سالفه موت اختك ماثره فيكم وانا اخوك ماعليه البقا براسك

والسموحه منك رغم انها متاخره ..

أحمد (واهوه مصدوم ):- ختيه انا .. ميته .. لاياخويه شكلك مخربط ..

مسلم (وبثقه ):- ادري انه الصدمه كبيره عليكم بس ماعليه

أحمد (واهوه يقف بعصبيه وبجديه ):- انت شو يالس تقول انا خواتي مافيهن الا الخير ..

مسلم (واهوه وقف لوقفت احمد ):- تعرف راشد بن علي ..

أحمد (واهوه باعصاب فالته ):- اللي يشتغل بالشرطه قصدك ..

مسلم (وبثبات ):- هيه ..

أحمد :- شو فيه ؟؟

مسلم :- هاك اليوم تجابلنا بديوانيه واحد من الشباب المهم ونحن ناخذ ونعطي بالسوالف قاللي قاللي

انه عبدلله ولد سالم ولد عمك ذبح حرمته وانا يوم شد بي الفكر ذكرت انه عبدلله ماخذ ختك ..

أحمد (واهوه بعصبيه ترك المكان واتجه للخارج وترك صاحبه واتجه لسيارته وقادها بسرعه جنونيه ..

قادته كل الافكار .. شعر ولاول مره بمشاعر الخوف على نهى .. هوه يحقد عليها وييكره ولكنه مهما

كان هناك بقعه بيضاء في قلبه من ناحيتها .. تتحرك عند قلقه عليها .. فار دمه .. ومليون سؤال في

مخيلته لما قتلها .. لما .. لما فعل ذلك .. فبوصولها هيه لقصرهم اتجه هو لقصر عمه سالم .. وماان

وصل الى قصر عمه حتى طرق الباب كثيرا وماهيه الا ثوان حتى اتاه احد الخدم ...

سالي :- خير بابا انته يريد احد ؟؟

أحمد (وبعصبيه متناهيه ):- بابا كبير وين ؟؟

سالي :- مافي احد داخل بيت كله بره ..

أحمد (واهوه لم يستطع السيطره على مشاعره ):- وين راحوا .. وينهم اتكلمي ...

سالي :- بابا كبير وماما كبير يروح مشوار بعيد مافي معلوم وين ..؟؟ وماما سلامه يطلع من واحد

ساعه وماما ميره يروح شغل مال اهيه .. وباباعبدلله مافي معلوم اهوه زمان مافي يجي بيت كبير

أحمد والشرار يطلع من عينيه ولاخر لحظه يريد التاكد من صحه ذاك القول فقرر الاتصال على نهى ,,

اتصل مره فالثانيه فالثالثه وليس من مجيب فبربكه الاحداث نسيت نهى ان تاخذ جوالها معها .. وكان

يرن ولكن ليس من مجيب .. فقررر وبينما اهوه في سيارته الذهاب لاقرب حل وهوه ميره .. تطلب

وصوله الى عمل ميره بضعا من الوقت مايقارب الساعه

وبوصوله ذاك وماان اوقف سيارته فالباركن الخاص بها .. حتى نزل

اما بالجهه الثانيه والجهه البعيده جدا عن هذا العالم .. بعيده لدرجه ان لااحد يستطيع تخيل ذاك البعد

وتصوره وفي عاصمه الضباب (لندن ) وبينما كان جالسا معها وبعد ان انتهى من مكالمته الهاتفيه مع

عبدلله ..

ناصر (وبثقه ):- انسه جيهان ..

جيهان (وبزهق لانها للحين مو عارفه هالشخص وش يبي منها ):- يا نعم ؟؟

ناصر (واهوه فاهم لها ):- ماعليه اسف اذا بتعبك معنا بس يااختي كنت ابي اسالك عن اقرب مركز

علاج طبيعي لهالفندق ..؟؟

جيهان (وبصدمه ):- هوه انته عايز مركز علاج طبيعي طب ماتئول من الصبح ... وكل اللفه دي عشان

ده .. قوم طيب ..

ناصر:- مشكوره يااختي ..

وبالفعل انتقل من بعدها ناصر وجيهان كلا بسياره مستقله احتراما لها والتزاما بالحدود الموجوده ..

وماان وصلوا الى مركز العلاج الطبيعي الل1ي تعالجت به نهى منذ سنين .. حتى قال

ناصر:- هذا اهوه المركز ؟؟

جيهان :- ايووه هوه ده ؟؟ بس ولا مواخزه انا شايفاك كويس ومافيكشي اي حاجه ؟؟

ناصر(واهوه يبتسم ): -اناا الحمدلله بخير .. بس ياجيهان والله مو عارف وش اقول ؟؟

أحاسيس _أنثى ©؛°¨غرامي متألق ¨°؛©

جيهان (وبخوف ):- فيه ايه ؟؟ قول انا بسمعك ؟؟

ناصر (واهوه يذكر كلام عبدلله بالتفاصيل ):- السالفه ومافيها انه

جيهان :- ايه ..

ناصر:- ماينفع اقولج السالفه هنيه .. اذا في كوفي قريب من هالمركز ..

جيهان :- مفيش اي مشكله .. ايه رايك نمشي وتقول لي الحكايه كلها بالتفصيل يمكن اقدر اساعدك ..

ناصر:- مشكوره صدق انج ذوق ..

جيهان :- وانت رجال محترم خالص .. وانا بجد حابه اساعدك ..

وبالفعل اتجه من بعدها جيهان وناصر لاقرب محل كوفي وجلسا واخذا يتناولان اطراف الحديث وبدأ

ناصر بقص حكايه صاحبه على جيهان كامله منذ لحظه علاج نهى الى ان وصل بصاحبه الحال

للسجن .. ومع حكايته هذه تذكرت جيهان بعضا من تلك الاحداث وللتاكد ..

جيهان (واهيه تقلب بين ارقام الهاتف لديها ):- مرات صاحبك دي اسمها نهى ؟؟

ناصر (وبتاكيد ):- ايوووه .. هيه نهى بنت محمد ... انتي تعرفينها ...

جيهان (واهيه دمعتها بعينها ):- ياعيني عليكي يانهى كل ده حصل معاكي .. دي ماشفتشي يوم حلو

فحياتها انا بجد عوزة اساعدك .. وان شاء الله مش حقصر واللي اسمها سيرين دي مالهاش الا خيط

واحد داهيه لما تاخذها

ناصر:- سيرين ماتت ؟؟

جيهان :- ياخرررررابي ... ياخررابي .. سيرين مااتت ؟؟

ناصر(وبخاطره يضحك بس مسك نفسه ):- ايه والله ماتت ..

جيهان :- احسن .. المهم قوم بينا .. وخلينا نفك اول خيط ممكن يقربنا من الحكايه دي ..

ناصر :- مافهمت ..

جيهان :- الحل مش فمركز العلاج الطبيعي ياناصر ..

ناصر :- عيل شو ؟؟

جيهان (وبابتسامه هادئه انه الموضوع علي ولعبتي ):- الحل في المكان اللي قصادنا ده ..

ناصر :- شنو .. انا ادخل night club على اخر عمري لا ياحرمه ..

جيهان :- ناصر اسمع الكلام اللي بقولهولك وماتتعبنيش

ناصر :- جيهان الا هذي .. مستحيل شو اللي يالسه تخبصينه

جيهان (وبنفس الابتسامه ):- ومين قال انك بتدخل night club انت يهمك اللي جوه المكان ده مش

المكان نفسه

ناصر :- فهميني وش قصدك ؟؟

جيهان :- حتفهم لما نوصل

اما بالجهه الثانيه وبالتحديد وبعد ان وصل وبركن سيارته وثوره الغضب تعتري كل جزء به لم يستطع

ان يقول شيئا سوى الركض بهروله نحو الداخل وبدخوله صدمها ولم ينتبه بانه صدمها ..

لمى (وبصراخ ):- وجع ان شاء الله .. وش تحس فيه ؟؟

أحمد (وهوه دمه فاير عالاخر ومب ناقص تزيد عليه ) :- وجع يوجعج .. اقول قومي عني ماناقصني

غير انتي ..

لمى (واهيه رافعه حاجب ):- ابغا افهم حاجه على ايش شايف نفسك انته .. جد ناس ماتستحي غلطان

وكمان تصارخ ,,

أحمد (واهوه من كثر مادمه فاير ومو حاس بتصرفاته ):- ترمسين عربي نفسنا كفو عليج والله متى

خذتي الجواز ؟؟ اقول اذلفي عن ويهي يالله

وبتللك الثواني كان ميره نازله لانها نسيت ملفها بالسياره فصادفت وجود احمد ولد عمها ولمى ..

ميره (وبهدوء ):- من وين الشمس ظاهره ؟؟

لمى (واهيه ترد على كلمه ميره واهيه تهوي بيدها ):- اي شمس الا قوللي وش الفيروس اللي انتشر

بالجو على غفله ؟؟ انت ياهيه ترى انا سعوديه وش خذتي الجواز اقول احكي عدل بلا بشكلك

أحمد (واهوه يقترب من ميره وعصبيته زاايده وبصراخ ):- اخووج الزباله ذبح اختي وعمي محد

مايرد على اتصالي اكيد ماله ويهه يجابل ابوي عقب سواته .. حسبي الله عليه

ميره (واهيه من وجهه فهمت معنى الكلام ):- احمد رجاءا انا بمكان عمل وماعندي وقت للسخافات

عندك شي سر تفاهم ويا الوالد ..

أحاسيس _أنثى ©؛°¨غرامي متألق ¨°؛©

لمى (واهيه مصدومه من سمعت كلمه قتل ومن غير ماتحس ):- امااااااااااااا قتل يووووه حالتك صعبه ... وجعت قلبي تصدق

ماعليه سامحتك قول كذا طيب .. احسن الله عزا

أحمد واهوه من اسلوب لمى المآسآوي وكيف قالتها بحنان ودفئ متكامل وطيبه التفت لها وبركاده

وقال ):-


ماعاد تسأل عن ظروفي وتهتم . .
ماعاد حالي . . مثل أول يهمك . .!!
ياخي تألم خل عندك شوي دم . .
تعبت من قاسي عذابك وظلمك . . .!!


زمان اذا جيتك وفي داخلي هم . .
تشيل همي قبل ماتشيل همك . . .!!
واليوم اجيك من العنا . . وأتألم . .
واروح ماحركت قطره في دمك . . !!


الى هنا توقف نزف قلمي لهذا البارت القاكم البارت القادم باذنه تعالى الاسبوع القادم حبايبي ويارب

يارب يكون البارت عجبكم وحبيتوه .. مني لكم كل الحب .. وانتظر ردودكم وتوقعاتكم وياويلها اللي تقول

مافي توقعات هذا البارت وااايد احداث فيه وتوقعات هههههههه لا امزح تواجدكم يكفيني وربي ... يالله

اصدموني بتوقعاتكم وتخميناتكم حبيباتي

كل الحب :-

أحاسيس _أنثى

Eiman- ©؛°¨غرامي مشارك¨°؛©

بااااااارت حمااااااااس وخطيييير
مبسوووطه انه انا اول وحده تعلق على هالباارت هههههه
اول تووقع هوو انه احمد رااح يتزووج لمى عماقريب..ههههه بديت من
آخر البااارت..

وريم يمكن تكوون حاامل..صح؟!

جيهان يمكن بتخلي ناصر يقابل الدكتوور اللي عالج نهى

بصراحه الخربطه اللي صارت بسالفة انه نهى ماتت عجبتني
هههههه وحمستني اشووف ردة فعل البااااقيين..

بنتظااار الباارت الجااي
"بالتوفيق"

أحاسيس _أنثى ©؛°¨غرامي متألق ¨°؛©

eiman ياروح قلبي والله وانا رح ابدا من اخر التوقع وانا مبسوطه انه استراتيجيه الروايه اعجبتك تاج على راسي والله ياحبيبتي شفتي شلون كل شي يمشي على نظام احاسيس ههههههههههههه تخميناتك صاروخيه كالعاده وانا ابتعد عن الرد عنها لو قلت شغله برمي خيوط الختام معك هههههههه حبيبتي انتي خلك بالقرب ولك الجديد بس اهم شي انه عجبك البارت عساني ماانحرم منك ولا من تواجدك واول مرررا بالتاريخ ايمانتي اول رد هههههههههه


أحاسيس _أنثى

زهرة المايا ©؛°¨غرامي متألق ¨°؛©

بارت يجنننننن
والله عجيب البارت اخيرا احمد حس على دمه وتذكر نهى اخته والله اني كنت احب استهباله زمان عليها لكنه تغير
هل بيكون له لقاء ثاني مع لمى او بيكون مجرد لقاء عابر بس والله اكثر يعجبني في سب السعوديين بلا بشكلك ههههه صدق يطلع الجنان السعودي عند العصبيه تصدقي احاسيس شكلي بديت اشك مين اللي راح يقول الكلمه اللي قلتي عليها هههههه
ميره المفروض ماتقولي مواضيع سخيفه لان الموضوع كبير والا خايفه على سمعة الشركه انتي حاولي تهديه شوي وتحاولي تعرفي القصه

جيهان والله وطلعتي ذوق بس كويس متعاطفه مع نهى ومانسيتها وقصدها يمكن في النايت كلوب الدكتور مادري اوشي لعه علاقه بسيرين فكي اللغز حسوسه
ريم يمكن حامل والله نسيت الدفتر وسنينه
فهيد عمى في عينك ليش تسب حمود
ابو سالم اخيرا دمعت عيونك وعرفت غلطتك حتى ام ناصر ظلمتها امممممممم مين باقي ماظلمته في الروايه


امتعتينا بالبارت حسوسه وحبيناه كثير اكثر شي لمى وهي معصبه على احمد
ننتظر البارت الجاي بس والله احس اني ماقدر انتظر كثير الله يصبرني حتى موعد البارت

amosha ©؛°¨غرامي فعال ¨°؛©

يسلمو ي الغلا البارت حماسي والله ... مسكينه نهى كل ماتطلع من مشكله تطيح بالثانيه كسرت خاطري ..تامي ياليت عطوها كف يبرد قلبي فيها قهرتني هالبزر ...وفهيييد مايدري عن السالفه ضايع هههههه.....جيهان احس انها هي اللي راح تحل المشكله وراح يطلع عبدالله من السجن ....ريم ي قلبي ليه اغمى عليها اتمنى اشوف ايش راح يصير لها ......لمى اكيييييييد راح تحب احمد من هالصدفه اللي بينهم ....ابو سالم شكله بيحن قلبه بعدين على عيال سالم وعلى مرته الثانيه وبيجيبها بيته .........





ننتظرك بالبارت الجديد ودي لك ي الغلا

أام يوسف .¸¸۝❝رغم أسوار الفراق العاليه سـنلتقى ذات يوم❝۝¸¸.


بااااااارت حلو كثر بس خلي توقعاتي لبكرا لني مافيني حيل اتكتب

أحاسيس _أنثى ©؛°¨غرامي متألق ¨°؛©

المشاركة الأساسية كتبها زهرة المايا اقتباس :
بارت يجنننننن
والله عجيب البارت اخيرا احمد حس على دمه وتذكر نهى اخته والله اني كنت احب استهباله زمان عليها لكنه تغير
هل بيكون له لقاء ثاني مع لمى او بيكون مجرد لقاء عابر بس والله اكثر يعجبني في سب السعوديين بلا بشكلك ههههه صدق يطلع الجنان السعودي عند العصبيه تصدقي احاسيس شكلي بديت اشك مين اللي راح يقول الكلمه اللي قلتي عليها هههههه
ميره المفروض ماتقولي مواضيع سخيفه لان الموضوع كبير والا خايفه على سمعة الشركه انتي حاولي تهديه شوي وتحاولي تعرفي القصه

جيهان والله وطلعتي ذوق بس كويس متعاطفه مع نهى ومانسيتها وقصدها يمكن في النايت كلوب الدكتور مادري اوشي لعه علاقه بسيرين فكي اللغز حسوسه
ريم يمكن حامل والله نسيت الدفتر وسنينه
فهيد عمى في عينك ليش تسب حمود
ابو سالم اخيرا دمعت عيونك وعرفت غلطتك حتى ام ناصر ظلمتها امممممممم مين باقي ماظلمته في الروايه


امتعتينا بالبارت حسوسه وحبيناه كثير اكثر شي لمى وهي معصبه على احمد
ننتظر البارت الجاي بس والله احس اني ماقدر انتظر كثير الله يصبرني حتى موعد البارت
مسآء الورد يااروحي منورتني بتواجدك يازهره المايا شفتي هالبارت كثير طلع اشيااء ههههههههه وهل بيكون له لقاء ثاني مع احمد نخليها للبارتات الجايه ونعرف ياترى بيكون ولا لا هههههههههههه حبيتي الضرابه بينهم ههههههههههه شفتي عاد مين يقول لمى الرايقه تصارخ وتسب ههههههههههههه احم احم قلتلك قبل لو تلفين وتروحين فوق وتنزلين تحت مرح تعرفين مين اللي بيقول الكلمه لانه اخر توقعاتك الحين اقدر اقول تفكيرك بدى يصير صح هههههههه وميره طبعا الحياه العمليه بدت تاثر فيها وكانها بتصرفها هذا تذكرنا بريم لما كانت بالشغل بس ريم خلاها تطخ ناصر ميره وش اللي بيهديها وجيهان مسكينه وطيبه ومربط الفرس عند جيهان اللغز رح ينفك ان شاء الله تقريبا نقول باقي 3 بارتات ونخلص هههههههه وريم انتوا تنسون انا مافيني انسى ههههههههههه كل شي بتكتيك معين ماشي حتى الدفتر وابو سالم عرف بس على قولت نهى متاخر متاخر واايد واوعدك الاكشنات ماتوقف لاخر بارت نه اخر بارت لحاله فيه صدمه من الطراز الثقيل مااعرف اذا رح تكونون متحملينها او لا ههههههههههه ياحبيبتي انتي اهم شي استمتعي بقراءه البارت هذا هدفي والله كنت احاتي لانه طويل تملون وانتوا تقروونه لاني من النوع اللي مااحب اقرى كلام كثييير حياتي انتي يااروحي المستعجل ماعليه كذا احلى تتتحمسون له وعساني ماانحرم تواجدك

أحاسيس _أنثى

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1