الدلع2000 ©؛°¨غرامي مشارك¨°؛©

السلام عليكم
لو سمحتو انا صارت مشكله بيني وبين زوجي ابي الحل اللي بيرسل انتقاد او حاجه زي كذا اتمنئ مايرد لأني انا شبعانه
مارأيكم في زوج يقول لزوجته بجي بعد نصف ساعه وراحت تزينت ورتبت وانتضرت الزوج وصارت نق ساعه واكثر وساعه وساعه ونص وتدق عليه مايرد وترسل ولايرد يوم جا وش بك تأخرت والله جالس اذاكر لولدي طيب ولدك طول اليوم وانت عنده طبعآ ع جاره المهم قال ماكفئ الوقت قلت اقل شي ارسل قل بتأخر شوي لاتكذب علي قال انا ماكذبت وهو اللوم ع راسي وزعلان طيب وش اللي مزعلك انت ماجيت ع نفس مؤعدك المهم وصلت لطلاق يقول اذا طلعت من الغرفه راح يصير شي ماتتوقعينه واللحين نام ماهمه وش الشي اللي اسويه معه انا سراحه تعبت معه وعندي بنت وش اسوي يا اهل العقول الراقيه

بعد نظر(! ©؛°¨غرامي ماسي ¨°؛©

وعليكم السلام اختي

طولي بالك وتعوذي من الشيطان لا يلعب براسك

قال انا ماكذبت وهو اللوم ع راسي وزعلان طيب وش اللي مزعلك انت ماجيت ع نفس مؤعدك المهم وصلت لطلاق يقول اذا طلعت من الغرفه راح يصير شي ماتتوقعينه
طيب انتي عارفه الحين اختبارات والكل حريصين على مذاكرة عيالهم
لو كنت في محلك والله لا قوله الأسبوع هذا كله تفرغ لمذاكرت ولدك
لأن ولدك هو ولدي ماهو نص ساعة وانسي جارتك مؤقتا اعرف انك
ما تبينه يجلس عندها هذي اقل تضحية تقدمينها له وتكبرين بنظرة
بدل ما تخلينة يعتقد أن نجاح ولده ما يهمك وبعدين اعترف لك في خطاه
وحطي نفسك في محلة وتخيلي الموقف ما يبي يشتت ذهن الولد عن المذاكره

هذي وجهة نظري الخاصة وارجو ما تزعلك والله يوفقك ..

ابو شروووق ✿ إدارة الإقسام ✿

اهدأي .. لن تحل الأمور هكذا
اذا كان الزوج علي موعد معك وتأخر
مهما كانت الأسباب .. استقبليه وكأن شئ لم يحدث
ولا تستعجليه فور وصوله بالسؤال والإلحاح عن سبب التأخير أو الغياب
ربما يكون هناك شئ قاهر استدعي ذلك وسبب له بعض الضيق أو المشاكل
يكون وقتها متقلب أو عصبي المزاج
انتظري حتى يهدا .. وتحاوري معه .. اشعريه انك انتظرتيه كثيرا .. وكنتي قلقة عليه
ترجيه بدلال ألا يتأخر عليكي مرة تانية ..
ولا تجعلي للشيطان أن يأخذ فرصته بينكم
فكل البيوت بها مشاكل .. وزعل .. فهذه بهارات الحياة الزوجية

الله يهدي لكم الأمور ان شاء الله

CrAzy iDEAs ©؛°¨غرامي فعال ¨°؛©

هلا حبيبتي وعليكم السلام
انا صج مو متزوجه وماعرف شقول
بسس لاتخربين بيتج باييدج
ع شي تافه مثل هالشي ومثل ما قالت الاخت الي قبلي لازم تحسسينه بان مثل مايهمه ولده يهمج
وروحي تاسفي صج ان موغلطانه بس تاسفي وبعد مايهده كلميه بشويش وفهمي غلطته بس بدون هواش
وتقبلي مرروري خيتو

رقة أنثى ©؛°¨غرامي مجتهد¨°؛©

اساسا حنا شعب مايحترم المواعيد ابد

عنده الخمس دقايق يعني نص ساعه.... وانتبهي تعصبين على هالشي لان بكل بساطه بيصير اللوم عليك!!

لذلك من اليوم وطالع انتي من نفسك اي احد يحدد لك وقت انتي توقعي التأخير منه عشان مايرتفع ضغطك

انا حاليا صارت هذي سياستي ..النص ساعه يعني ساعه عالاقل والساعه يعني ساعتين وهكذا

وفهمي زوجك بعد انك من النوع الدقيق في الوقت عشان مره ثانيه يحسب حساب لها الشي ويكون دقيق معك او يرسل مسج اذا صار ظرف طاريء يستدعي التاخير

طلال مداح1 ©؛°¨غرامي ذهبي¨°؛©

قال صلى الله عليه وسلم (ليس الشديد بالصرعة,انما الشديد الذي يملك نفسه عند الغضب)

على رسلك

ليس من المنطق ان تكذب الزوجة زوجها
الا تعلمي ان كلمة [تكذب/كذاب] للرجل تسبب مشاكل
كثيره مو مع الزوجين بل حتى لو واحد من ربعه وكذبه
ممكن توصل للفراق
لذلك تجنبي هذه الالفاظ وتعوذي من الشيطان
وبادري بالاعتذار من زوجك وانتبهي لبيتك وبنتك

موفقه...

tired ©؛°¨غرامي فعال ¨°؛©

الزوج غلطان والمفروض يدق ويعتذر اما ما يرد ويطنش هذا كلام فاض حتى ولو كان يذاكر لولده المفروض يراعي مشاعر من كان في انتظاره وعلى وعد !
المهم اختي هذا رائيي حول الموضوع
واقتراحي تهدين النقاش في الموضوع والحياه الزوجيه تحتاج تنازلات لتستقر ولتنعمي بالسعاده ولو ان موقفه كان سلبي الا نه لا يمس كرامتك ولكن لحظة الزعل وطول الانتظار زاد من حدة الزعل وقوة النقاش فلا يمنع تلافي وصول الموضوع الى مستوى الطلاق الذي لا يرقى لمستوى المشكله

الله يوفقك ويفتح على قلبك


احمد498 ©؛°¨غرامي مشارك¨°؛©

غريب امر النساء صاحبي زوجته غايبه عن بيتها 21يوم ويوم وصلت طلعت المدام معزومه على عشاء وبعد جدال طويل وافق الزوج بشرط انها تخرج ساعتين المدام خرجت الساعة 9ولا رجعت الى السلعة2،30 وزعلانه لهأسبوع ويحاول زوجها يراضيها وهي رافضة

tired ©؛°¨غرامي فعال ¨°؛©

المشاركة الأساسية كتبها احمد498 اقتباس :
غريب امر النساء صاحبي زوجته غايبه عن بيتها 21يوم ويوم وصلت طلعت المدام معزومه على عشاء وبعد جدال طويل وافق الزوج بشرط انها تخرج ساعتين المدام خرجت الساعة 9ولا رجعت الى السلعة2،30 وزعلانه لهأسبوع ويحاول زوجها يراضيها وهي رافضة
فرق كبير بين مشكلة صاحبك ومشكلة اختنا هنا

لكن سلم لي على صاحبك وقله مثل الحرمه هذي حراااااااااام ما ياخذ عليها ثنتين ويخليها ديكور


الحكمة ضالتي ©؛°¨غرامي مشارك¨°؛©

بصراااحه صدمتيني...
يعني توصل للطلاق عشان تاخر ساعه!!!
يقول الرسول(ص) فيما معنى الحديث : التمس لاخيك سبعين عدرا
وانتي مع انه جاب لك سبب مقنع ومنطقي ما انتي راضيه تقبليه!
ترى الحياة الزوجيه فيها كثير مشاكل وخلافات
لو مع كل قصه بتسوي هالمشاكل ما راح تستمر علاقتكم
المفروض تركزي على ايجابياته وتحولي تنميها
بدال ما انتي قاعده تدوري عليه الزله
انصحك لا تدللي عليه زياده ترى لو زودتيها بيطفش منك
ولا عاد يهتم حاولي تكسبيه لا تخسريه
الله يسخر لك زوجك ويسعدكم دوووم يارب

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1