منتديات غرام روايات غرام أرشيف الروايات المغلقة - لعدم إكتمالها روايتي الأولى: جرحن جرحته يجي يوم وتاخذ مثله
3ltee-fr8aak ©؛°¨غرامي جديد¨°؛©

[
SIZE="5"]بسم الله الرحمن الرحيم
السلام عليكم ورحمة الله وبركاته

هذي اول روايه لي اكتبها واتمنى انها تنال على اعجابكم
[/SIZE]

[FONT="Arial Narrow"]
تـــــــدري وش زاد الطـــــــين بلـــــــه انــــــــــي بـــــــــعد فراقــكـ حبيتكـ اكثر[/FONT]



.................................................. ......

























<<<<<<<<>>>>>





















>>>


دش البيت ولقى امه قاعده تتقوى راح باس راسها وقعد جمبها :صباح الخير يا احلى واغلى ام في الدنيا كلها
ام ناصر:مساء النور والسرور فداك الكون شعندك مروق اليوم؟؟
منصور:ابد سلامتج بس جذي ..الا اقول يما ممكن اتكلم معاج بموضوع
ام ناصر:عساها دوم مو يوم ..عيون امك انت قول اللي تبيه
منصور:ان نويت اتزوج ..(سكت وهويشوف تعابير الفرحه بوجه امه)
ام ناصر:كللللوش هذي الساعه المباركه ومنو بنت الحلا اللي تبيها؟؟
منصور:هههه شوي وشوي علي انا ابي رواء بنت عمي عبدالرحمن
ام ناصر: وهذي الساعه المباركة يازين من اخترت
منصور:صج انزين يماا الله يخليج دقي عليهم الحين
ام ناصر: اصبر ترى الصبر مفتاح الفرج..بعدين ابوك للحين ماعنده خبر خله يجي وانت قوله بعدين ادق عليهم
منصور:يمااا انا شنو ينطرني ابوي اليوم قالي انه بيطول بالشغل يعني عالساعه 7ولا6 اهوا يرجع
ام ناصر:هههههه الله يهداك يامنصورهي كلها كم ساعه ويجي شوراك؟؟؟
منصور:ماوراي شي يايما....بس شوفي اذا مادقيتي عليهم انا بدق على عمي واقوله انا ابي بنتك رواء على سنة الله ورسوله ها شقلتي؟
ام ناصر:ماقلت شي ولا بقول شي لانك ماراح دق على عمك خلاص قلت لما يجي ابوك
منصور:ياربي بعد شسوي لازم ارضى بالامرالواقع ..انشالله ..انا اليح نبروح انام واذا جا ابوي قعدوني روح
ام ناصر : انشالله ..بس وانت صاعد قعد نوره عشانها بتروح السوق
منصور: ليش بتروح السوق ؟؟منو بيوديها؟؟
ام ناصر:منصور يما شفيك نسيت اليوم في عشا في بيت عمك ابو معاذ وهي بتروح تشتري لها نفنوف (فستان)
منصور:انشالله الحين روح اقعدها تآمربن امر انتي يالغاليه ..وصعد رايح لغرفة نوره
في غرفة نوره فاتحه كبتها(دولابها)وماسكه فونها:انزين حياتي ترى انا يمكن اليوم ماجي بيتكم
؟؟؟؟:لاوالله يعني لما قلت لج بشوفج تقولين ماني جايه
نوره: ياحياتي ان تاتغشمر معاك شفيك؟
؟؟؟؟:مافيني شي بس مشتاق لج يانوره من زماان موشايفج
نوره:موبس انت حتى انا مشتاقتلك يا
"طق طق طق طق طق طق "
نوره بصوت واطي :حياتي انا الحين اخليك مع السلامه وسكرت ..نوره :تفضل
منصور:انتي قاعده وامي ع بالها انتي للحين نايمه انزين وين نور
نوره:لا من زمان قاعده بس ماطلعت من الغرفه مادري يمكن ناايمه
منصور: اها انزين بترووحين السوق ولا لا ؟؟
نوره: يب بروح لاني دورت لي نفنوف حلو مالقيت واحد عجبني واللي عندي بقطهم وبشتري غيرهم
منصور: ليش بتقطينهم ؟
نوره:بس احس راحت موضتهم
منصور:انزين شرايج اطلع لج نفنوف واذا ماعجبج اوديج السوق واشتريلج على حسابي
نوره :اممممممممممممممممم والمكان اللي ابيه اناok اتفقنا
منصوردخل معاها الغرفه:اتفقنا
وفي غرفه ثانيه في نفس البيت: اقولك ماني جاي
:ليش انشالله ؟؟ شفيك انت اثول؟؟ اقولك اليوم العشا بيت عمي ابو معاذ
فراس: تصدق والله راح عن بالي الا صج ليش عمي عبدالعزيز مسوي عشا
نواف:فراس انت فيك شي صح ؟؟ ولا تستعبط فوق راسي
فراس:ياخي انت الللي شفيك معصب علي؟؟ يعني شسوي نسيت مانسى عشانك
نواف:اي مومنك من امس اكيد بتنسى كل شي
فراس:نوافخلاص يعني لازم تذكرني خلاص
نواف:لاموخلاص يافراس انت سمعتها باذنك وهي تقولك ان ماحبك ليش تقط نفسك عليها اللي مايبيك انت ماتبيه فهمت؟
فراس:لامافهمت خلاص سكر السالفه انزين يلا مع السلامه ....وسكر التليفون بوجهه
نواف تنهد بصوت عالي وقام ياخذ له شاور
وفي غرفة استبرق كانت نايمه ...ترن ترن ترن ترن ترن ... استبرق وهي مغمضة عينها: ياربي الواحد مايرتاح حتى بنومته.. وردت :نعم خير؟ منو في احد يدق بالهوقت ؟شلون يعني ما انام انا ياربي ابي اعرف ليش ساكته يوم انج بتسكتين شحقه دقين علي يالثوله شوفي اذا مارديتي بسكره بوجهج
؟؟؟؟: ليش انتي خليتيني اتكلم؟؟
استبرق شهقت :اهئ منو انت ؟؟منو عطاك رقمي ؟؟
؟؟؟؟:انزين انتي سكتي وخليني اتكلم
استبرق:ومنو انت عشان تتكلم معاي وتستكتني ؟؟
؟؟؟؟:انتي اللي منو ؟
استبرق: شنو انتي منو انت اللي داق علي تستعبط ويا وجهك صح يلا مع السلامه ومره قانيه لادق على هالرقم
؟؟؟؟:انزين انتي بس لاتعصبين وماراح ادق مره ثانيهok
استبرق:المطلوب الحين؟
؟؟؟؟:انج ماتعصبين وبس مابي شي ثاني
استبرق هدت: لو سمحت مره ثانيه لا دق علي لان مابي مشاكل مالها اول ولا تالي
استبرق:لا عادي حصل خير يلا مع السلامه ..توها بتسكر
؟؟؟؟:لحظه لحظه ماقلتي لي اسمج ؟؟
استبرق: شنو شنو عيد ماسمعت شنو قلت؟ انت على بالك قاعد بامريكا ولا باستراليا عشان تقول ماقلتي اسمج اقول بابا اصحى ترى احنا قاعدين بالكويت يعني احترم نفسك ولا تتفلسف ok
؟؟؟؟: okانا اسف لا تعصبين
طق طق طق ..استبرق :خير انتي الثانيه
سيتي: مدام بيشو ماما انتي يقول يلا قومي
استبرق:جم مره اقولج لا تقولين مدام قولي مس بيشو فهمتي وقولي حق ماما بيشو يبي ينام
سيتي:انزين انتي كل يعصب على انا والله انتي مجنونه
استبرق:مالمجنونه غيرج انتي يلا ذلفي وسكري الباب
طلعت سيتي ..استبرق :عمى غثيثه هالخدامه ..طالعت فونها: وانت للحين ماسكرت يلا سكر
؟؟؟؟:انزين انتي ليش معصبه؟؟ خلاص انا اسف
استبرق:وانت شكو موشغلك فاهم وبعدين ترى انت ازعجتني خلصني بنام
؟؟؟؟: انتي هي على بالج انا سايقكم مالت عليج مو كفو واحد يعتذر لج وبعدين في احد ينام هالساعه انسه استبرق
استبرق:قلت لك موشغلك ..لحظه لحظه انت تكلم منو؟؟ منو استبرق ؟؟
؟؟؟؟:انتي اسمج استبرق شفيج خفتي ترى ماقلت شي
استبرق:وااي ترى انت تقهرني شنوما قلت شي وانت تناديني باسمي
؟؟؟؟:اقول مع السلامه ادري اني ازعجتج بس لي اتصال ثاني معاج
استبرق:وليش انشالله بعد
؟؟؟؟:لاني بشتاق لصوتج الحلو ياحلوة
استبرق:اشتاقت لك الجنانوه قول امين صج قليل ادب وما تستحي على وجهك عمى بعينك عمى وسكرت بوجهه وردت ردت استبرق عليه: نعم ياخي خلاص انت ماتستحي على وجهك
؟؟؟؟:دقيت لاني بقولج مع السلامه ولاتنسين الوعد وسكر منها
استبرق حطت فونها جمبها وردت نامت .....ونرد لغرفة نوره ..منصور:هاشرايج بهذا خلاص تعبت هذا اخر نفنوف
نوره: تصدق عاد اما نثرت الكبت "دولاب" كله وماشفت هذا معاهم المهم مشكور حبيبي بتعبك معاي
منصور:لاعادي مافي تعب ماسويت شي
نوره:ادري بس انا اقصد انك بترد اللي طلعتهم من الكبت داخل الكبت
منصور:اقول ماكانه عطيتج وجه زياده عن اللزوم ,يلا بروح انام وطلع من الغرفه
**************************************************
ابوناصر:45سنه طيب ويحب عياله حيل
ام ناصر:45سنه حبوبه وطيبه
ناصر:24سنه يكمل دراسته بماليزيا وبعد كم اسبوع شهر بيرد حلو
منصور:23سنه يشتغل مع ابوه في الشركه طيب حلو ابيض
نوره:22سنه جميله حنطاويه
نواف:21سنه حلو ويهبل برونزي يشتغل مع ابوه واخوه فالشركه
استبرق:20سنه اخر العنقود حلوة وحنطاوية ولسانها يلوط اذانها
************************************************** ******************
في بيت ابورائد في الصااه كلهم مجتمعين سوالف وضحك
ابورائد:الله يرجك ياراكان هذي سالفه تقولها لنا
راكان:ههههه شسوي يبا هذي اللي طرت على بالي
ريان :ان%4صور: ليش بتفEول نكته..
ام رائد:يلا قوليهاشناطره..؟؟
ريان:في نذل تزوج وبعد ثلاث سنين جاله ولد سماه "توك تجي"
الكل:هههههههه
راكان باستعباط:هههه آآآآه يابطني حلوه بس لاتعيدنها
ريان:صج والله انت شتبي الحين المهم اهما ضحكوا
راكان:ههه والله انج مسكينه اهما ضحكوا يجاملونج
ابورائد:خلاص راكان ..ام رائد ترى اليوم العشا يعني الكل موجود في بيت ابومعاذ لاتنسين روحي انتي والبنات مونفس ذيك المره
ام رائد: انشالله تامر امر
راكان:شعليك حموود منور تقولك تامر امر بعد شتبي اكثر من جذي
الكل:ههههه
ابورائد:راكان وجع في احد يكلم ابوه جذي تكلم عدل وجم مره قلت لا تقول حمود قول يبا
راكان يستعبط:شدعوه حموود ماتبيني ادلعك خلاص زعلت مره ثانيه بقولك احمد زين ؟؟
ابورائد: شوف الخايس يبي يرفع ضغطي
راكان راح عنده وباس راسه:ماعاش من يرفع ضغطك بس انا اتغشمر معاك يبا
ابورائد ابتسم له ....رائد: يبا انا بسافر
ابورائد:ليش؟؟وين بتسافر؟؟
رائد:بس جذي بغير جو والله يايبا مادري يمكن باريس او لندن ومعااي واحد من الربع
ابورائد:على راحتك وانا ابوك بس لاتطول
رائد:انشالله انا بقعد اسبوع او اسبوعين وراجع
ريناد:رئودي حياتي ابسافر معاك
رائد:انتي اللي حياتي ويا حياتي انا بروح مع واحد من ربعي انت وين رازه فيسج ؟؟
راكان:كاااااااااااااك.. ضحكوا عليها فشلها هههه
ابورائد:راكان خلاص ترى دوختني بس اسكت
راكان: اي الحين انا صرت الغلطان يعني اهوا رايح مع رفيجه انتي شكو
ريناد:ياربي عليك في احد قال لك انك صاير تتدخل بشي مايخصك
راكان:لامحد قال ولا بيقول انزين
رائد: راكان شفيك عاد اللي يقول اهيا صج بتروح معاي خلاص انا بروح مع رفيجي
ريناد:انزين انا ضايق خلقي ودي اسافر
رائد: خلاص روحي مع امي وابوي اهما بيسافرون
ام رائد: صاج اخوج احنا بنسافر بعد جم اسبوع
ريان:صج يما؟؟ انزين وين بنساافر ؟
ام رائد:الللي يقوله ابوج احنا معاه
ريان: يبا قلبي احنا وين بنسافر ؟؟
ابورائد: اللي تبونه انتوا وانا حاضر منو عندي غيركم
ريان:يبا اناودي اروح تركيايبا الله يخليك العام رحنا روما
ابورائد:هاشرايكم نروح تركيا ولاغيرها ؟؟
ريناد:لايبا نروح تركيا بس متى بنروح
ابورائد: انا اقول لما يرد رائد عشانكلنا نروح مع بعض شرايك ؟؟
رائد: والله يايبا انا قلت لك يمكن اطول انا اقول انكم تسافرون وانا اخلص واجي لكم هناكمو احسن
ابورائد:خلاص عيل بس تخلص ريناد الامتحانات نتوكل على الله لان انا ماعندي شي
ريناد:الله ونااسه واخيرا من زمان مومسافره ..وراحت لغرفتها
************************************************** ******************
ابورائد:43 محترم وطيب ومايرضى بالغلط
ام رائد:42سنه طيبه وحنونه وحبوبه وتموت بعيالها
رائد:24سنه حلو برونزي مجسم طويل شوي يشتغل مع ابوه في الشركه
ريان:22سنه حلوه حنطاويه شعرها طويل لاخر ظهرها تحب الرسم صغير في وعندها مرسم في غرفتها
راكان:21سنه ابيض جميل طوله زين هنده عضلات بس مونفس رائد وبعض المرات يصير طايش يشتغل ببنك
ريناد:20سنه حلوه وملسونه شعرها طويل نفس اختها بس الفرق بينهم هي شعرها نوعا ما خشن *_^
************************************************** **********************
في بيت ابويوسف
وهي نازله من الدرج قاعده تغني :جرح قلبي وانا احبه جرحني وزادلي همومه..
قاطعها بسام: الناس تسلم بالاول
رؤى:نسيت اسفه
بسام:والحين تذكرتي يعني سلمي
رؤى:ياربي يعني انت الحين بتموت اذا ماسلمت

بسام هز راسها يبايجاب:يب وبعدين انتي شنو خسرانه ترى كله سلام والسلام لله
رؤى:السلام عليكم..هاعد تبي شي ثاني
بسام:لا بس مره ثانيه لاتنسين وو
قاطعته رؤى:يالليل بولمبه بسام خلصني شتبي ؟؟
بسام: انتي هيه شفيج منفسه علي حمدلله والشكر الشرهه موعليج الشرهه علي يوم اني كلمتج
رؤى:اولا:ماني منفسه عليك وثانيا: مر ثانيه لاتقول حمدلله والشكر شنو شايفني مينونه وانا مادري
بسام:لاحشى منو قال انتي مينونه اصلل اللي قال انتي مينونه شكله اهو المينون ..المهم لو سمحتي روحي المطبخ وقولي حق نسرين تحط لي الغدا تراني يوعان ماتغديت
رؤى تخصرت:صج والله وليش مو انت اللي تقولها اشتغل عندك وانا مادري
بسام:صدقيني يارؤى بهفج باللي يمي الحين اذا ماتكلمتي عدل انا سالتج ترى قولي اي او لا
رؤى:وانا اقولك لا انزين اووف
بسام :اي خلاص خلج جذي مره ثانيه جاوبي على قد السؤال ..
رؤى:بسام احسك بارد زياده عن اللزوم
بسام:ليش؟؟
رؤى:مادري بس توقعتك اخر شي بستويه لي بتهفني بنعالك "اكرمكم الله" ولا بتعطيني ذاك الطراق اللي ينسيني مو انت
بسام:هههههههههههههه شدعوه عاد مولهدرجه.. والحين لوسمحتي ممكن تروحين تحطيلي غدا ولا لا؟
رؤى:خلاص كسرت خاطري ببروح احطلك بنفسي
بسام: تحسسيني انج انتي اللي طابخه الغدا اقول روحي حطي لي واايد احسن ..راحت رؤى
رواء وهي نازله من الدرج وتركض توها بتنزل ولا :ااااااااااااااااااااااااااااااااااااااه ..طاحت من الدرج
بسام شافها:كااااااااااااااااااااااااااك ..امبيه مو من صجج يعني شاللي حادج وخلاج تركضين جذي
رواء قامت تبجي من العوار لانها طاحت على ايدها مو رجلها:ااااه بساام تعال شوفوالله العظيم يعور اهئ اهئ
بسام راح لها وهو يضحك: هه والله انج دلوعه مافيها شي بس تلقينها رضى خفيفه
رواء:مالت عليك الحين اقولك ايدي تعورني تقول رضى انزين امش ودني المستشفى
بسام:اووه مره وحده المستشفى انزين قولي المستوصف
رواء: ياربي الحين بتوديني ولا انطر ابوي ويوسف
بسام:لاانابوديج بس خليني اكل واقول رواءوه مره ثانيه ركضي عدل
رواء: وييع بسام مومن صجك تراك ذليتني
رؤى وهي يايه حطت الصينيه وراحت عندهم:شفيكم رواء شفيج
بسام:يوووه بدينا عاد بالافلام الهنديه اقول سكتي انتي الثانيه
رؤى بستعباط:ليش رواء سوت فلم قبلي ؟
بسام: ياصبر ايووب على بلواه ترى غثيتوني انتوا الثنتين رؤى وين الغدا
رؤى: هناك حطيته ..راح بسام .. رواء شفيج؟؟
رواء: ماكو شي بس وانانازله زلقت وطحت على ايدي والحين بسام بيوديني المستشفى
بسام بصوت عالي:لاتجذبين بوديج المستوصف
رواء ورؤى ضحكوا :هههه ..رواء: انزين خلاص انا بروح ابدل على ماتخلص وراحت
رؤى قعدت: صج نعال امي وين ؟؟
بسام:على حسب ظني انها راحت عند خالتي
رؤى:ليش راحت الحين بعد شوي احنا بنروح لها
بسام:صج والله ليش وانتي ماعندج الا هالخاله يعني ؟؟ والثانيه وين راحت ؟؟
رؤى: اها تقصد راحت عند خالتي ام زياد
بسام يقوم :عليج نوور والحين لوسمحتي ممكن تروحين مره ثانيه وتنادين رواء على ماشغل السياره
رؤى:انزين بسام بروح معاكم والله ضيقت خلق
بسام: :ياربي شنو اهيا عزيمه عشان تيين معانا ترى احنا رايحين المستشفى ورادين
رؤى:توك تقول بوديها المستوصف ..بسوم حبي الله يخليك بروح معاكم ياحياتي لاتكسرخاطري
بسام:هونت بوديها المستشفى ياربي يعني لازم تروحي يعني رواء بتموت اذا مارحتي معاها
رؤى: اي بالله ريلها مكسوره وماتقدر تمشي وطبعا انا موجوده واساعدها
بسام:يامشالله على التأليفه الخايسه اقول روحي لبسي ودقيقه بس والقاكم تحت
************************************************** **************************
ابويوسف:46سنه طيـــب
ام يوسف:45سنه طيبه وحبوبه وحنونه
يوسف:24سنه حلو ابيض طوله زين وبعض المرات يصير عصبي يشتغل مع ابوه
باسل:23سنه حلو حنطاوي يشستغل مع ابوه
رواء:22سنه حلوه ورقيقه صج انها اكبر من رؤى بس دلوعه عالاخر حنطاويه
بسام:21سمه حلو طويل شوي حنطاوي
رؤى:20سنه حلوه خبله ومصرقعه وبنفس الوقت ملسونه بس بعض المرات تصير رقيقه بمعنى الكلـــــــــــــمه ...
************************************************** *************************************************

انـتهى البارت
توقعاتكم للبارت الجاي


دلـوعه خـورآفيهہَ ©؛°¨غرامي جديد¨°؛©

وااااو روآيتك نآآآآيس

3ltee-fr8aak ©؛°¨غرامي جديد¨°؛©

هذا تعديل للبارت الاول


جرحن جرحتـه يجي يوم وتاخذ مثله






>>>>>>>>>>>>>>>>>>>>>>>>>>>>>>>>>>>>>>>>>>


















































































أبتركك للغير منهو يسليك
وأببتعد وأنسى ماضي مسيرك
دامك هويت الغير فالله يهنيك
وأنا باعيش أذكر على الدوم خيرك
خلك معه خلك.. يمكن يراعيك
بس لاتجيني لامن خلاك وحب غيرك


































>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>>>>>>

دش البيت ولقى امه قاعده تتقهوى راح باس راسها وقعد جمبها :صباح الخير يا احلى واغلى ام في الدنيا كلها
ام ناصر:مساء النور والسرور فداك الكون شعندك مروق اليوم؟؟
منصور:ابد سلامتج بس جذي ..الا اقول يما ممكن اتكلم معاج بموضوع
ام ناصر:عساها دوم مو يوم ..عيون امك انت قول اللي تبيه
منصور:ان نويت اتزوج ..(سكت وهويشوف تعابير الفرحه بوجه امه)
ام ناصر:كللللوش هذي الساعه المباركه ومنو بنت الحلا اللي تبيها؟؟
منصور:هههه شوي وشوي علي انا ابي رواء بنت عمي عبدالرحمن
ام ناصر: وهذي الساعه المباركة يازين من اخترت
منصور:صج انزين يماا الله يخليج دقي عليهم الحين
ام ناصر: اصبر ترى الصبر مفتاح الفرج..بعدين ابوك للحين ماعنده خبر خله يجي وانت قوله بعدين ادق عليهم
منصور:يمااا انا شنو ينطرني ابوي اليوم قالي انه بيطول بالشغل يعني عالساعه 7ولا6 اهوا يرجع
ام ناصر:هههههه الله يهداك يامنصورهي كلها كم ساعه ويجي شوراك؟؟؟
منصور:ماوراي شي يايما....بس شوفي اذا مادقيتي عليهم انا بدق على عمي واقوله انا ابي بنتك رواء على سنة الله ورسوله ها شقلتي؟
ام ناصر:ماقلت شي ولا بقول شي لانك ماراح دق على عمك خلاص قلت لما يجي ابوك
منصور:ياربي بعد شسوي لازم ارضى بالامرالواقع ..انشالله ..انا اليح نبروح انام واذا جا ابوي قعدوني روح
ام ناصر : انشالله ..بس وانت صاعد قعد نوره عشانها بتروح السوق
منصور: ليش بتروح السوق ؟؟منو بيوديها؟؟
ام ناصر:منصور يما شفيك نسيت اليوم في عشا في بيت عمك ابو معاذ وهي بتروح تشتري لها نفنوف (فستان)
منصور:انشالله الحين روح اقعدها تآمربن امر انتي يالغاليه ..وصعد رايح لغرفة نوره
في غرفة نوره فاتحه كبتها(دولابها)وماسكه فونها:انزين حياتي ترى انا يمكن اليوم ماجي بيتكم
معاذ:لاوالله يعني لما قلت لج بشوفج تقولين ماني جايه
نوره: ياحياتي انت اتغشمر معاك شفيك؟
معاذ:مافيني شي بس مشتاق لج يانوره من زماان موشايفج
نوره:موبس انت حتى انا مشتاقتلك يا
"طق طق طق طق طق طق "
نوره بصوت واطي :حياتي انا الحين اخليك مع السلامه وسكرت ..نوره :تفضل
منصور:انتي قاعده وامي ع بالها انتي للحين نايمه انزين وين نور
نوره:لا من زمان قاعده بس ماطلعت من الغرفه مادري يمكن ناايمه
منصور: اها انزين بترووحين السوق ولا لا ؟؟
نوره: يب بروح لاني دورت لي نفنوف حلو مالقيت واحد عجبني واللي عندي بقطهم وبشتري غيرهم
منصور: ليش بتقطينهم ؟
نوره:بس احس راحت موضتهم
منصور:انزين شرايج اطلع لج نفنوف واذا ماعجبج اوديج السوق واشتريلج على حسابي
نوره :اممممممممممممممممم والمكان اللي ابيه اناok اتفقنا
منصوردخل معاها الغرفه:اتفقنا
وفي غرفه ثانيه في نفس البيت: اقولك ماني جاي
:ليش انشالله ؟؟ شفيك انت اثول؟؟ اقولك اليوم العشا بيت عمي ابو معاذ
فراس: تصدق والله راح عن بالي الا صج ليش عمي عبدالعزيز مسوي عشا
نواف:فراس انت فيك شي صح ؟؟ ولا تستعبط فوق راسي
فراس:ياخي انت الللي شفيك معصب علي؟؟ يعني شسوي نسيت مانسى عشانك
نواف:اي مومنك من امس اكيد بتنسى كل شي
فراس:نوافخلاص يعني لازم تذكرني خلاص
نواف:لاموخلاص يافراس انت سمعتها باذنك وهي تقولك ان ماحبك ليش تقط نفسك عليها اللي مايبيك انت ماتبيه فهمت؟
فراس:لامافهمت خلاص سكر السالفه انزين يلا مع السلامه ....وسكر التليفون بوجهه
نواف تنهد بصوت عالي وقام ياخذ له شاور
وفي غرفةنور كانت نايمه ...ترن ترن ترن ترن ترن ... استبرق وهي مغمضة عينها: ياربي الواحد مايرتاح حتى بنومته.. وردت :نعم خير؟ منو في احد يدق بالهوقت ؟شلون يعني ما انام انا ياربي ابي اعرف ليش ساكته يوم انج بتسكتين شحقه دقين علي يالثوله شوفي اذا مارديتي بسكره بوجهج
؟؟؟؟: ليش انتي خليتيني اتكلم؟؟
نور : منو انت ؟؟منو عطاك رقمي ؟؟
؟؟؟؟:انزين انتي سكتي وخليني اتكلم
نور:ومنو انت عشان تتكلم معاي وتستكتني ؟؟
؟؟؟؟:انتي اللي منو ؟
نور: شنو انتي منو انت اللي داق علي تستعبط ويا وجهك صح يلا مع السلامه ومره قانيه لادق على هالرقم
؟؟؟؟:انزين انتي بس لاتعصبين وماراح ادق مره ثانيهok
نور:المطلوب الحين؟
؟؟؟؟:انج ماتعصبين وبس مابي شي ثاني
نور هدت: لو سمحت مره ثانيه لا دق علي لان مابي مشاكل مالها اول ولا تالي يلا مع السلامه
؟؟؟؟:لحظه لحظه ماقلتي لي اسمج ؟؟
نور: شنو شنو عيد ماسمعت شنو قلت؟ انت على بالك قاعد بامريكا ولا باستراليا عشان تقول ماقلتي اسمج اقول بابا اصحى ترى احنا قاعدين بالكويت يعني احترم نفسك ولا تتفلسف ok
؟؟؟؟: okانا اسف لا تعصبين
طق طق طق ..استبرق :خير انتي الثانيه
سيتي: مدام بيشو ماما انتي يقول يلا قومي
نور:جم مره اقولج لا تقولين مدام قولي مس بيشو فهمتي وقولي حق ماما نونه يبي ينام
سيتي:انزين انتي كل يعصب على انا والله انتي مجنونه
نور:مالمجنونه غيرج انتي يلا ذلفي وسكري الباب
طلعت سيتي .نور:عمى غثيثه هالخدامه ..طالعت فونها: وانت للحين ماسكرت يلا سكر
؟؟؟؟:انزين انتي ليش معصبه؟؟ خلاص انا اسف
نور:وانت شكو موشغلك فاهم وبعدين ترى انت ازعجتني خلصني بنام
؟؟؟؟: انتي هي على بالج انا سايقكم مالت عليج مو كفو واحد يعتذر لج وبعدين في احد ينام هالساعه ياانسه مادري شنو اسمج
نور:قلت لك موشغلك ..
؟؟؟؟:حمدلله والشكر
نور:عليك
؟؟؟؟:اقول مع السلامه ادري اني ازعجتج بس لي اتصال ثاني معاج
نور:وليش انشالله بعد
؟؟؟؟:لاني بشتاق لصوتج الحلو ياحلوة
نور: اشتقت لك الينانوه " الجنانوه" قول امين وسكرت بوجهه دق مره وردت ردت استبرق عليه: نعم ياخي خلاص انت ماتستحي على وجهك
؟؟؟؟:دقيت لاني بقولج مع السلامه ولاتنسين الوعد وسكر منها
نور حطت فونها جمبها وردت نامت .....ونرد لغرفة نوره ..منصور:هاشرايج بهذا خلاص تعبت هذا اخر نفنوف
نوره: تصدق عاد اما نثرت الكبت "دولاب" كله وماشفت هذا معاهم المهم مشكور حبيبي بتعبك معاي
منصور:لاعادي مافي تعب ماسويت شي
نوره:ادري بس انا اقصد انك بترد اللي طلعتهم من الكبت داخل الكبت
منصور:اقول ماكانه عطيتج وجه زياده عن اللزوم ,يلا بروح انام وطلع من الغرفه
**************************************************
ابوناصر: 45سنه طيب ويحب عياله حيل
ام ناصر: 45 سنه حبوبه وطيبه
ناصر: 24سنه يكمل دراسته بماليزيا وبعد كم اسبوع شهر بيرد حلو
منصور:23 سنه يشتغل مع ابوه في الشركه طيب حلو ابيض
نوره:22سنه جميله حنطاويه
نواف:21 سنه حلو ويهبل برونزي يشتغل مع ابوه واخوه فالشركه
نور:19 سنه اخر العنقود حلوة وحنطاوية ولسانها يلوط اذانها
************************************************** ******************
في بيت ابورائد في الصااه كلهم مجتمعين سوالف وضحك
ابورائد:الله يرجك ياراكان هذي سالفه تقولها لنا
راكان:ههههه شسوي يبا هذي اللي طرت على بالي
ريان :انزين انابعد بقول نكته..
ام رائد:يلا قوليهاشناطره..؟؟
ريان:في نذل تزوج وبعد ثلاث سنين جاله ولد سماه "توك تجي"
الكل:هههههههه
راكان باستعباط:هههه آآآآه يابطني حلوه بس لاتعيدنها
ريان:صج والله انت شتبي الحين المهم اهما ضحكوا
راكان:ههه والله انج مسكينه اهما ضحكوا يجاملونج
ابورائد:خلاص راكان ..ام رائد ترى اليوم العشا يعني الكل موجود في بيت ابومعاذ لاتنسين روحي انتي والبنات مونفس ذيك المره
ام رائد: انشالله تامر امر
راكان:شعليك حموود منور تقولك تامر امر بعد شتبي اكثر من جذي
الكل:ههههه
ابورائد:راكان وجع في احد يكلم ابوه جذي تكلم عدل وجم مره قلت لا تقول حمود قول يبا
راكان يستعبط:شدعوه حموود ماتبيني ادلعك خلاص زعلت مره ثانيه بقولك احمد زين ؟؟
ابورائد: شوف الخايس يبي يرفع ضغطي
راكان راح عنده وباس راسه:ماعاش من يرفع ضغطك بس انا اتغشمر معاك يبا
ابورائد ابتسم له ....رائد: يبا انا بسافر
ابورائد:ليش؟؟وين بتسافر؟؟
رائد:بس جذي بغير جو والله يايبا مادري يمكن باريس او لندن ومعااي واحد من الربع
ابورائد:على راحتك وانا ابوك بس لاتطول
رائد:انشالله انا بقعد اسبوع او اسبوعين وراجع
ريناد:رئودي حياتي ابسافر معاك
رائد:انتي اللي حياتي ويا حياتي انا بروح مع واحد من ربعي انت وين رازه فيسج ؟؟
راكان:كاااااااااااااك.. ضحكوا عليها فشلها هههه
ابورائد:راكان خلاص ترى دوختني بس اسكت
راكان: اي الحين انا صرت الغلطان يعني اهوا رايح مع رفيجه انتي شكو
ريناد:ياربي عليك في احد قال لك انك صاير تتدخل بشي مايخصك
راكان:لامحد قال ولا بيقول انزين
رائد: راكان شفيك عاد اللي يقول اهيا صج بتروح معاي خلاص انا بروح مع رفيجي
ريناد:انزين انا ضايق خلقي ودي اسافر
رائد: خلاص روحي مع امي وابوي اهما بيسافرون
ام رائد: صاج اخوج احنا بنسافر بعد جم اسبوع
ريان:صج يما؟؟ انزين وين بنساافر ؟
ام رائد:الللي يقوله ابوج احنا معاه
ريان: يبا قلبي احنا وين بنسافر ؟؟
ابورائد: اللي تبونه انتوا وانا حاضر منو عندي غيركم
ريان:يبا اناودي اروح تركيايبا الله يخليك العام رحنا روما
ابورائد:هاشرايكم نروح تركيا ولاغيرها ؟؟
ريناد:لايبا نروح تركيا بس متى بنروح
ابورائد: انا اقول لما يرد رائد عشانكلنا نروح مع بعض شرايك ؟؟
رائد: والله يايبا انا قلت لك يمكن اطول انا اقول انكم تسافرون وانا اخلص واجي لكم هناكمو احسن
ابورائد:خلاص عيل بس تخلص ريناد الامتحانات نتوكل على الله لان انا ماعندي شي
ريناد:الله ونااسه واخيرا من زمان مومسافره ..وراحت لغرفتها
رائد كان يلعب في تلفونه ..ترن ترن: الو وعليكم السلام اي جاي بس ماني مطول عنده لا لا ولايهمك عشر دقايق وانا عندك يلا مع السلامه
ابورائد: شفيك ياولدي
رائد: مافيني شي بس طلال بالمستشفى والشباب رايحين له ودقو عليوانا الحين رايح معاهم يلا عن اذنكم .. وطلع قبل لايسمع ردهم
************************************************** ******************
ابورائد:43 محترم وطيب ومايرضى بالغلط
ام رائد:42سنه طيبه وحنونه وحبوبه وتموت بعيالها
رائد: 24سنه حلو برونزي مجسم طويل شوي يشتغل مع ابوه في الشركه
ريان:22 سنه حلوه حنطاويه شعرها طويل لاخر ظهرها تحب الرسم صغير في وعندها مرسم في غرفتها
راكان:21 سنه ابيض جميل طوله زين هنده عضلات بس مونفس رائد وبعض المرات يصير طايش يشتغل ببنك
ريناد:19 سنه حلوه وملسونه شعرها طويل نفس اختها بس الفرق بينهم هي شعرها نوعا ما خشن *_^
************************************************** **********************
في بيت ابويوسف
وهي نازله من الدرج قاعده تغني :جرح قلبي وانا احبه جرحني وزادلي همومه..
قاطعها بسام: الناس تسلم بالاول
رؤى:نسيت اسفه
بسام:والحين تذكرتي يعني سلمي
رؤى:ياربي يعني انت الحين بتموت اذا ماسلمت
بسام هز راسها يبايجاب:يب وبعدين انتي شنو خسرانه ترى كله سلام والسلام لله
رؤى:السلام عليكم..هاعد تبي شي ثاني
بسام:لا بس مره ثانيه لاتنسين وو
قاطعته رؤى:يالليل بولمبه بسام خلصني شتبي ؟؟
بسام: انتي هيه شفيج منفسه علي حمدلله والشكر الشرهه موعليج الشرهه علي يوم اني كلمتج
رؤى:اولا:ماني منفسه عليك وثانيا: مر ثانيه لاتقول حمدلله والشكر شنو شايفني مينونه وانا مادري
بسام:لاحشى منو قال انتي مينونه اصلل اللي قال انتي مينونه شكله اهو المينون ..المهم لو سمحتي روحي المطبخ وقولي حق نسرين تحط لي الغدا تراني يوعان ماتغديت
رؤى تخصرت:صج والله وليش مو انت اللي تقولها اشتغل عندك وانا مادري
بسام:صدقيني يارؤى بهفج باللي يمي الحين اذا ماتكلمتي عدل انا سالتج ترى قولي اي او لا
رؤى:وانا اقولك لا انزين اووف
بسام :اي خلاص خلج جذي مره ثانيه جاوبي على قد السؤال ..
رؤى:بسام احسك بارد زياده عن اللزوم
بسام:ليش؟؟
رؤى:مادري بس توقعتك اخر شي بستويه لي بتهفني بنعالك "اكرمكم الله" ولا بتعطيني ذاك الطراق اللي ينسيني مو انت
بسام:هههههههههههههه شدعوه عاد مولهدرجه.. والحين لوسمحتي ممكن تروحين تحطيلي غدا ولا لا؟
رؤى:خلاص كسرت خاطري ببروح احطلك بنفسي
بسام: تحسسيني انج انتي اللي طابخه الغدا اقول روحي حطي لي واايد احسن ..راحت رؤى
رواء وهي نازله من الدرج وتركض توها بتنزل ولا :ااااااااااااااااااااااااااااااااااااااه ..طاحت من الدرج
بسام شافها:كااااااااااااااااااااااااااك ..امبيه مو من صجج يعني شاللي حادج وخلاج تركضين جذي
رواء قامت تبجي من العوار لانها طاحت على ايدها مو رجلها:ااااه بساام تعال شوفوالله العظيم يعور اهئ اهئ
بسام راح لها وهو يضحك: هه والله انج دلوعه مافيها شي بس تلقينها رضى خفيفه
رواء:مالت عليك الحين اقولك ايدي تعورني تقول رضى انزين امش ودني المستشفى
بسام:اووه مره وحده المستشفى انزين قولي المستوصف
رواء: ياربي الحين بتوديني ولا انطر ابوي ويوسف
بسام:لاانابوديج بس خليني اكل واقول رواءوه مره ثانيه ركضي عدل
رواء: وييع بسام مومن صجك تراك ذليتني
رؤى وهي يايه حطت الصينيه وراحت عندهم:شفيكم رواء شفيج
بسام:يوووه بدينا عاد بالافلام الهنديه اقول سكتي انتي الثانيه
رؤى بستعباط:ليش رواء سوت فلم قبلي ؟
بسام: ياصبر ايووب على بلواه ترى غثيتوني انتوا الثنتين رؤى وين الغدا
رؤى: هناك حطيته ..راح بسام .. رواء شفيج؟؟
رواء: ماكو شي بس وانانازله زلقت وطحت على ايدي والحين بسام بيوديني المستشفى
بسام بصوت عالي:لاتجذبين بوديج المستوصف
رواء ورؤى ضحكوا :هههه ..رواء: انزين خلاص انا بروح ابدل على ماتخلص وراحت
رؤى قعدت: صج نعال امي وين ؟؟
بسام:على حسب ظني انها راحت عند خالتي
رؤى:ليش راحت الحين بعد شوي احنا بنروح لها
بسام:صج والله ليش وانتي ماعندج الا هالخاله يعني ؟؟ والثانيه وين راحت ؟؟
رؤى: اها تقصد راحت عند خالتي ام زياد
بسام يقوم :عليج نوور والحين لوسمحتي ممكن تروحين مره ثانيه وتنادين رواء على ماشغل السياره
رؤى:انزين بسام بروح معاكم والله ضيقت خلق
بسام: :ياربي شنو اهيا عزيمه عشان تيين معانا ترى احنا رايحين المستشفى ورادين
رؤى:توك تقول بوديها المستوصف ..بسوم حبي الله يخليك بروح معاكم ياحياتي لاتكسرخاطري
بسام:هونت بوديها المستشفى ياربي يعني لازم تروحي يعني رواء بتموت اذا مارحتي معاها
رؤى: اي بالله ريلها مكسوره وماتقدر تمشي وطبعا انا موجوده واساعدها
بسام:يامشالله على التأليفه الخايسه اقول روحي لبسي ودقيقه بس والقاكم تحت
************************************************** **************************
ابويوسف:46سنه طيب
ام يوسف:45سنه طيبه وحبوبه وحنونه
يوسف:24سنه حلو ابيض طوله زين وبعض المرات يصير عصبي يشتغل مع ابوه
باسل:23سنه حلو حنطاوي يشستغل مع ابوه
رواء:22سنه حلوه ورقيقه صج انها اكبر من رؤى بس دلوعه عالاخر حنطاويه
بسام:21سمه حلو طويل شوي حنطاوي
رؤى:20سنه حلوه خبله ومصرقعه وبنفس الوقت ملسونه بس بعض المرات تصير رقيقه بمعنى الكلمه
************************************************** ***************************

انتهى البارت
توقعااااتكم للبارت الجاي

3ltee-fr8aak ©؛°¨غرامي جديد¨°؛©

في بيت ابو فيصل
؟؟؟؟:مابي اروح موغصب
ام فيصل:لاغصب بتروحين فاهمه يا دلال وترى انتي اول وحده بتركبين السياره معانا
دلال بصوت مبحوح:وانا قلت مابي اروح شلون يعني ؟؟
ام فيصل: ليش ماتبين تروحين قوليلي شنو السبب اللي يخيج ماتزورين عمامج اكثر من اسبوع شفيج يادلال في احد مضايقج بكلمه؟؟..يعني منتي قايله شفيج خلاص على راحتج نا ماراح اتكلم بس انا بقول حق ابوج وبخليه يتصرف معاج تصرف ثاني
دلال:يما الله يخليج انا اليوم مابي اروح اللله يخليج واذا تبين باجر اروح عندهم وبعد انام عندهم بعد
ام فيصل: وانا ابيج تروحين معانا اليوم موباجر فاهمه ؟؟
دلال خلاص بتبجي:وانا قلت مابي اروح يعني ماراح اروح انزين ولو يصير اللي يصير ماني رايحه ..وصعدت فوق لدارها وهي كاتمه بجيتها
ساره:يما شفيج معصبه ترى موزين عليج الحين يرتفع الضغط عندج وبعدين ترى انا بروح يعني هي اذا ماتبي خلاص خليها على راحتها
ام فيصل:وانا ابيها تروح واذا هي ماراحت والله لاتصرف معاها تصرف ثاني
ساره راحت عند امها وقعدت:يما هي ماتبي تروح لاتغصبينها على شي هي ماتبيه
ام فيصل بضيق : نا ماني غاصبتها انا ابيها تروح بارادتها ابي دلال اللي لما كنت مارضى اخليها تروح بيت عمج اكثر من مره فاليوم وينها؟؟ دلال تغيرت وين دلال اللي ابتسامتها ماتفارقها وينها ؟؟
ساره:خليهابراحتها يايما وهي بنفسها بتجي وتقولج شفيها انتي بس لا تتضايقين يالغاليه وانا الحين بروح اكلمها واقنعها تجي معانا بعد شنو تبين
ام فيصل: دامج بتقولين لها تجي معانا مابي الا سلامتج
ساره ابتسمت لامها وراحت لدلال
في غرفة دلال دشت غرفنها وقفلت الباب ورمت نفسها على فراشها وهي تبجي بصوت واطي:ليش ليش ؟ انا الللي انكتب علي جذي ليش كل مارحت ابي اصارحه القاه يصدني ليش وين ماطقها عويه اهئ اهئ اهئ ياربي صبرني عالى فراقه ياربي صبرني
طق طق طق طق طق
دلال مسحت دموعها بسرعه: منو؟ يمى اذا انتي اللي عند الباب مرح افتحه لج
ساره:انا دلول فتحي الباب امي تحت والله
دلال:ساره روحي خلاص انتوا ليش ماتفهمون انا مابي اروح
سارهك انزين خلاص لا تروحين بس فتحي الباب بكلمج شوي
دلال ترددت وبعدين راحت فتحت الباب: نعم؟ شنو تبين ؟؟
ساره: ماتبين دخليني ؟
دلال دشت الغرفه ودشت وراها ساره وقفلت الباب: شفيج حياتي قولي لي انا اختج الكبيره قولي اللي بقلبج وانا بسمعج لي اخر كلمه بتقولينها
دلال: ماعندي شي اقوله لج
ساره: دلال شفيج متغيره علينا والكل لاحظ تغيرج حتى ابوي بس امي قالت له مافيها شي
دلال ماقدرت تستحمل وبجت راحت لها ساره وحضنتها: ياقلبي انتي لاتبجين
دلال: ماقدر استحمل اكثر من جذي ياساره تعبت والله تعبت اهئ اهئ
ساره: بس بس ياحياتي شفيج تبجين
دلال: ساره انا حبيته وعقته ومادريت اني حرام اكون له عاشقه وحبي له يروح عالفاضي
ساره:دلال تكلمي عدل ليش تتكلمين بالالغاز منو هذا حبيتيه ؟؟
دلال: تقصدين اللي كنت احبه
ساره: خلاص انزين بس منو هذا اللي كنتي تحبينه ؟؟ وقولي لي السالفه كلها فاهمه
دلال قالت كل السالفه لساره من طق طق لي السلام عليكم ...وبجت بحرقه على حبها اللي راح عالفاضي
ساره حزنت على حال اختها : ياربي عليج يادلول انزين ليش تبجين خلاص خليه يولي اذا هو مايحبج انتي بعد لاتحبينه انسيه وهو اللي بيجيج
دلال رفعت راسه:ههه ضحكتيني انسى منو انسى اللي احبه هه انتي شكلج للحين ماحبيتي ساره انا اذا بنساه يعني اموووت ساره انا موبس احبه انا اعشق التراب اللي يمشي عليه ماقدر اسوي هالشي بالذات
ساره: دامج تحبينه وماتقدرين تنسينه خلاص خليه يحبج
دلال:خلاص ساره سكري الموضوع
ساره:بسكره بس لما تروحين معنا العشا
دلال:ساره انا قلت ما..
ساره قاطعتها: اذا موعشاني عشان امي اللي قالت انها ماراح تروح عشان امي
دلال:اممم خلاص بروح
ساره: صج عيل خلاص انا بروح اصلي والبس واجي القاج جاهزه لان امي قالت على الساعه 6 احنا عندهم
دلال وهي تطلع روبها : انزين اذا طلعتي سكري الباب
ساره وهي تطلع:انزين يلا باي
دلال تهندت: صدقيني ياساره انا من غيرج مادري شنو كنت بسوي..وراحت تاخذ لها شاور
في غرفة ساره لبست نفنوف قصير لونه اسود وسوت شعرها ستريت وحطت حمره لونه فوشي
ولبست كعب اسود وهيلوهب"كلسات" اسود شفاف وخلصت من كل وجهزت عبايتها وراحت عند فراس بتشوفه
في غرفة فراس كان منسدح بفراشه يتذكر اللي صارله امس
فراس:انا احـــبج وابـــيج
؟؟؟: وانا ماحبك يا فراس
فراس: ماتحبينـــي؟؟
؟؟؟:المحبه من الله يافراس وانا ماحبك لانك بحسبة اخوي
فراس: ماتحبيني ومثل اخوج وبس
؟؟؟:اي مثل ماقلت لك مثل اخوي وبس ولاتفكر بيوم اني ممكن احبك لان هالشي من سابع المستحيلات ومثل ماقلت اني ماحبك الحين بقولها الف مره لك يافراس ولوسمحت لاتحاول تقرب مني باي طريقه عشان ماقول لابوي عنك وانت تعرف ابوي يافراس
فراس:ماني مقرب صوبج بس صدقيني يارؤى رح يجي اليوم اللي تقولين لي فيه فراس انا احبك وتدرين شنو بقولج وانا ماحبج وبصدج مثل ما صديتيني الحين
رؤى:ههه لاتحاول يافراس لان الحين انت من هاللحظه وجودك عندي مثل عدمك يعني افهمها انت ماتهمني ..وراحت وخلته بصدمته
طق طق طق ..ساره:فراس ممكن ادخل ؟
فراس بقلبه: ياربي يعني مايخلون الواحد يرتاح حتى بخياله
فراس: دشي سويره شناطره بعد ؟؟
سارهكشعندك قاعد فالبيت العاده مانشوفك الا على صلاة الفجر وبعض المرات كلش مانشوفك
فراس:ساره خلصي شتبين ترى مزاجي معكر لاتعكرينه زياده انتي الثانيه
ساره باستعباط: ليش منو الاولى
فراس بقهر: تبين تعرفين منو ر.. حس على نفسه لانه كان بيقول رؤى هي اللي عكرت مزاجي ..رشود الخبل
ساره: ومنو هذا الخبل اللي عكر زاجك
فراس: ياربي عليج انتي شكو خلاص طلعي برا والله تعبان
ساره :سلامتك من التعب بعدوينك انشالله
فراس: مشكوره حبيبتي والحين ممكن تطلعين برا
ساره: قطيعه تقطع بليسك شفيك صاير جنك هذيج الحرمه مره تضحك ومره معصبه حمدلله والشكر والله انتوا الاثنين مجانين وكلكم بالهوى سوى
فراس: ومنو هذيج الحرمه اللي نا وياها بالهوى سوى
ساره: رؤووه في غيرها
فراس ابتسم بداخله : اها انزين انشالله تطليعن بره بنام وقولي حق امي لاتقعدني اذا بتروحون انا اقعد بنفسي وسكري الباب وراج
ساره :انزين وسكرته وراحت عند دلال
طق طق طق
دلال وهي تطلع نفنوفها: دشي ساره
ساره: للحينج مالبستي
دلال: كاني توني خلصت من شعري وبلبس الحين
ساره: شنو بتلبسين
دلال: هذا شرايج فيه
ساره: يهبل وحطي حمرا حمره
دلال كان نفنونها سود بابيض وفيه سحاب طويل وهو قصير يوصل لين اخر الركبه: اوك خلاص الحين اروح ابدل
************************************************** **************
ابوفيصل: 44 سنه طيب
ام فيصل:42 سنه طيبه
فيصل: 23 سنه يشتغل مع ابوه بالشركه ابيض
فارس: 22 سنه يشتغل بالشركه مع ابوه ابيض
ساره: 21 سنه بيضه شعرها قصير شوي
فراس: 20 سنه ابيض يشتغل مع ابوهفي الشركه
دلال:19 سنه بيضه شعرها لنص ظهرها
************************************************** *********
في بيت ابو معاذ في غرفة اريام
اريام: انزين انا باجر يمكن مااداوم ..زين برور الله يخليج باحر سجلي المحاضره لاني ماني مامداومه
ابرار: انزين ليش مومداومه؟؟
اريام: برور لاتستعبطين مو اليوم العشا حق ابوي
ابرار: صج ليش شفيه عمي؟؟
اريام:لاوالله تخلين نفسج ماتدرين يعني ؟؟
ابرار:يوووووووه اريام شفيج انا لو ادري عمي شفيه وليش مسوين له عشا جاان ماسالتج
اريام:اقول ماما لاتصرخين لابط لج اذنج .. وقالت بصوت عالي.. مسوين عشا لان ابوي رجع من السفر وسوا العمليه عرفتي الحين ولا لا؟
ابرار: ويعه انزين يازفته ليش تصرخين ترى انا اسمع مو صمخه واذني ابيها
اريام:هههههه المهم بتجين مع خالتي
ابرار: مادري بس اذا بجي ما اطول شوي وارد
اريام: ليش
ابرار: باجر عندي امتحان وللحين ماخلصت
اريام:خلاص خلصي وتعالي وخلي الاء تجي لاتنسين اريام: بايات ...وسكرت

...وفي الغرفه اللي يمها "جمبها" كان منسدح على فراشه ويفكر شلون يشوفها
؟؟؟؟:ماكو الا اقول حق دلول ولا سويره لا لا اذا قلت لهم بيفضحوني وبعدين منو يفكني من امي وابوي... ياربي شلون اشوفها.. نخلي معاذ هايم بافكاره ونروح لغرفة بندر
بندر وهو يكلم فارس:ههههه من صجك انت اصلا انا توقعته بيهفه بنعاله .."يكرم السامع"..
فارس:ههههه انزين هو ليش قاله جذي وهو يدري انه مايحب احد يتكلم معاه جذي
بندر: يقول بسوي فيه مقلب
فارس:هههه والله انا اشهد ان هالولد خبل
بندر:اقول فروس امس ليش ماييت الديوانيه؟؟
فارس:والله اليوم كان عندي امتحان ومادرسته امس ونسيت وانا راكب سيارتي تذكرته ورديت درست
بندر: اي امتحان؟
فارس: امتحان المحاسبه
بندر: اها ..المهم لاتنسى تقول حق الشباب يجون اليوم
فارس: ولايهمك يلا مع السلامه
بندر: مع السلامه .. شغل التلفزيون وظل يطالع فيلم غاجيني
وفي غرفة اريج توها طالعه من الحمام "اكرمكم الله"وراحت تلبس نفنوفها "فستانها" كان لونه رمادي فيه ورود سودا قصير ... ترن ترن ترن
اريج بدون ماتشوف الرقم: هلا والله تو الناس
رتاج: هلا فيج ههه والله يااريج كنت مشغووله بمعنى الكلمه
اريج: حياتي انتي والله اني عاذرتج بس فقدتج شهرين ادق عليج ماتردين اروح لج البيت مالقاج
رتاج بحزن: اريج انتي ماتدرين شنو صار فيني بهالشهرين جسوم سوا حادث وصار معاق وانتي تدرين ابوي مايقدر يخلي الشركه ويروح وامي ماتقدر تخلي فروحه وحمود وحتى وليد محاول ياخذ له اجازه بس ماقدر عشان جذي انا سافرت مع جسوم امريكا والحمدلله رد مثل اول واحسن امس المغرب ردينا وفوني كان بالجنطه وانانمت وتوني قعدت ودقيت عليج
اريج: ياحياتي ياجسوم الحمدلله على سلامته .. انزين ريتو اليوم تعالي عندنا مسوين عشا لابوي
رتاج: عسى ماشر شفيه عمي
اريج: تعب من ريله " رجله" ولماراح المستشفى قالوا له ريلك فيها ورم ولازم نبترها لك بس لما سافر برا للعلاج قالوا له فيها ورم وسوو له عمليه وشالوا الورم والحمدلله رد لنا بالسلامه
رتاج: الحمدلله على سلامته ومايشوف شر انشالله
اريج: انشالله انزين مو تنسين وخلي خالتي تجي معاج ومرت وليد بعد
رتاج: منو شوق ماعتقد بتجي ولا امي بس بحاول انشالله
اريج: انزين انا الحين بحط مكياج واسوي شعري وبنزل اساعد امي تبين شي ؟
رتاج: سلامتج ياقلبيي يلامع السلامه
اريج : مع السلامه... وراحت تحط لها مكياج وتسوي شعرها
************************************************** *
ابومعاذ:47 سنه حبوب و طيب
ام معاذ:46 سنه طيبه وحبوبه
معاذ:23 سنه حلو حنطاوي طوله زين يموت في شي اسمه نوره يشتغل في بنك
بندر:22 سنه حلو حنطاوي طوله متوسط يشتغل في شركه قريبه شوي من شركة ابوه
اريج: 20 سنه حلوه حنطاويه شعرها لاخر ظهرها نعومه وماتحب شي اسمه المقالب اخر سنه لها بالكليه
اريام: 18 سنه اخر العنقود في العايله حنطاويه عيونها عسليه شعرها لاخر ظهرها لونه يميل للبني الداكن اول سنه لها بالجامعه
************************************************** **********
نخلي ابطالنا ونروح لبطله جديده
كانت قاعده عالكراسي تنطر الدكتور يطلع من غرفة العمليات
طلع الدكتور وجهه مايبشر بالخير .. راحت عنده وهي خايفه وتتمنى انها امها تطلع بالسلامه
:هادكتور بشر نجحت انشالله نجحت العمليه
الدكتور نزل راسه باسف: انا اسف المريضه عطتج عمرها العمليه كانت صعبه وخطيره جدا عشان جذي مانجحت واحنا لازم نسوي اجراءات الدفن

جتها صدمه قويه حست كل شي فيها وقف :دكتور انت شتقول امي ماماتت صح انت تجذب علي صح امي ماماتت طلعوا امها وهه مغطينها راحت لامها وهي تركض عشان توقفه
وشالت الغطى عن امهاوهي تهزها:يمى يمى قومي لاتخليني انتي وعدتيني اول ماتطلعين من المستشفى نروح عند ابوي يلا يمى قومي لاتخليني بروحي انا ماعندي احد غيرج صرخت بصوت عالي خلى نص اللي بالمستشفى يطلعون من الغرف : يماااااااااااااااااااااااااااااااااااه قومي قومي لاتخليني وطاحت عالارض وهي تبجي بحرقه على امها اللي تركتها بروحها وهي ماتدري شنو ناطرها
عند رائد وصل المستشفى وراح عند الرسبشن عشان يشوف طلال باي غرفه وهو يمشي
شافها شلون تبجي وتصرخ كسرت خاطره حيل وكان وده يروح لها ويقول لها خلاص لاتبجين بس خلاص.. هو مايحب يشوف احد قدامه يبجي .بس شاف رفيجه حمد ياشر له وراح له
حمد: شفيك واقف هناك طالع البنت
رائد: مافيني شي بس كسرت خاطري شكلها ماعندها احد غير امها" الله يرحمها"
حمد: انزين يلا امش ..ودخلوا داخل الغرفه
رائد سلم عالشباب وراح يسلم على طلال: الحمدلله عالسلامه خوفتنا عليك عالفاضي
طلال:هههه ابي اشوف غلاتي عنكم قلت اسوي فيكم جذي
الشباب: ههههههه
رائد وقف: يلا عن اذنكم انا الحين استاذن
طلال: توالناس ماقعدنا معاك
رائد: والله عمي مسوي عشا اليوم ودشداشتي بالمصبغه ماطلعتها وبروح الحلاق
طلال:الله معاك بس باجر تعال لاتنسى
رائد وهو يسلم عليه: انشالله يلا مع السلامه شباب .طلع توه بيركب المصعد ولا يشوف البنت اللي كانت تبجي وتصارخ على مكانها ماتحركت وقاعده تكلم نفسها ..ماتردد بالروحه لها راح لها وقعد جمبها...
رائد بدون مايناظرها: لاتبجين ترى دمووعج ماراح تفيدج
طالعته ودموعها تنزل بصمت: لاتقولي لاتبجين شلون ماابجي و الغاليه راحت حلا دنياي راحت وخذت روحي معاها امي راحت انا ماعندي احد غيرها بهالدنيا ابوي راح عند زوجته الثانيه وخلاني انا وامي بروحها وامي تعبت من فتره وانا صرفت كل الفلوس اللي ابوي خلاها عندنا على عملية امي قولي وين اروح انا مادري ابوي وين امي تدل مكانه بس انا لا وانا ماعندي غير هالاثنين واحد راح وخلاني والثانيه راحت من هالدنيا بكبرها اهئ اهئ اهئ
رائد:انا اسمي رائد تعالي معاي وانا عندي شقه بعمارة ابوي قعدي فيها وانا مارح اجي لج الا لما انتي دقين
طالعته بصدمه: انت شتقول انا ماعرفك عشان اقعد بشقتك
رائد: ادري انج ماتعرفين بس وعد مني لج اني ماقرب لج وانا ماعندي الا مفتاح واحد للشقه وماعندي غيره عشان جذي بعطيج المفتاح
طالعته:انا مظطره اجي معاك لان انا حتى بيتنا بعته لاني كنت محتاجه الفلوس
رائد:اوك خلاص انتي الحين روحي غسلي وجهج وانا بروح اخلص الاجراءات واجيج لاتروحين ..
كان بيروح بس تذكر: تعالي صج انتي شنو اسمج
اضحكت وهي تمسح دموعها: انت صار لك اكثر من نص ساعه معاي وللحينك ماتعرف اسمي ؟؟
اسمي شموخ ....ابتسم لها وردت له الابتسامه وكل واحد راح
بعد عشر دقايق خلص رائد وراح لها لقاها في مكانها واقفه تنطره
رائد:خلاص خلصت كل شي وانشالله باجر ندفنها ..ومشى
شموخ مشت وراه ودموعها تنزل بصمت ..... وصلوا السياره وركب رائد وشموخ ظلت واقفه متردده تقعد قدام ولا ورا رائد شاافها: تعالي قعدي قدام عادي لاتخافين ترى مارح اسوي فيج شي
شموخ ويها"وجها" صار احمر من الفشله وركبت وظلت ساكته وقفوا عند الاشاره وتكلم : تقدرين تقولين انا شفت اللي شفتيه طالعته تنتظر منه يكمل: كنت متزوج واللي متزوجه كنت احبها بعد ثلاث سنين صار بعض المرات يغمى عليها اكثر من مره وديتها المستشفى يكشفون عليها ويشوفون شفيها بعد جم يوم طلعت النتايج ورحت اجيبها وهي تنطرني ...وقال بالم: طلع فيها الخبيث وانا اول ماشفت النتايج خفت عليها لاتروح مني وحجزت لنا تذاكر عشان اوديها تعالج وطبعا انا ماقلت لها وشلت النتايج عنها بس اهي لقتهم وشافتهم ورفضت انها تروح للعلاج وانا ماعارضتها سكت وخليتها براحتها كنت كل يوم اشوفها تدعي ان الله يشفيها وجا اليوم اللي كنت خايف منه كانت غير عن كل الايام اللي طافت كانت تضحك مع الكل وتسولف ويوم جا بالليل كننت منسدح بفراشي جت عندي وقعدت يمي وقالت ليك رائد انت تدري اني احبك وام انك اموت فيك وانا رفضت العلاج بره لاني كنت ابي اقضي اخر ايام عمري مع الكل وخاصة انت لاتنساني يارائد وانشالله تلقى بنت الحلال اللي تسعدك و لفت وجهها عني ونامت انا سكت وما قلت شي لاني ادري انها راح تفارقني
وقعدت الصبح قعدتها فتحت عينهاوابتسمت لي وقالت "احبــــــــــــــك" وقالت الشهاده وماتت ومانزلت مني دمعه وحده وحضرت الدفن وبعد ماخلص الدفن رحت لاول مكان التقيت فيها وقعدت ابجي وابجي كني ياهل ضايع عن امه ماقدرت استحمل فراقها مع اني كنت ادري انها بتفارقني بس ماتوقعتها تموت وتخليني بروحي ... انا احبها حيل حيل احبها ياشموخ بس هي راحت وخلتني ... بس انا الحين تقدرين تقولين انا قاعد انساها شوي شوي
شموخ كانت تسمعه ودموعها تنزل بصمت طلعت منها شهقه ماتوقعت انه يكون مكسور لهالدرجه:شنو كان اسمها
رائد وهو يوقف السياره لانه وصل عند الشقه:اسمها مها

همسات وردة ©؛°¨غرامي فضي¨°؛©

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام

تغلق الروايه


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1