منتديات غرام

منتديات غرام (/)
-   سجل الأعضاء - للتواصل بين الأعضاء (https://forums.graaam.com/69/)
-   -   الاستشاره ثم الاستخاره بين اللغة الانجليزية والحاسب الالي (https://forums.graaam.com/493559.html)

oblivion 02-06-2012 01:45 AM

الاستشاره ثم الاستخاره بين اللغة الانجليزية والحاسب الالي
 

السلام عليكم ورحمة الله وبركاته

لما الواحد يحتار ويتردد
ماله الا الاستشاره اولاً
ثم يستخير رب العالمين ان كان الامر خيره له او ابعده ربي عنه


انا واعوذ بالله من كلمة انا
تخرجت من الثانوي العام وجلست في البيت سنه كامله قلت يمكن خيره ماقبلوني الجامعة عشان السنة الجديدة ادرس بـ رغبة قوية وطموح وارادة اقوى

والحين وللحمد لله تيسرت
وحابه اكمل دراستي
بس وقفت محتاره عند التخصص
اما الانجليزي اللي هو رغبتي الاولى وطموحي
او الحاسب الالي رغبتي الثانية


صحيح عندي رغبة قوية إني اتعلم اللغة الانجليزية وخصوصاً انها مهمه في حياتنا اليومية
ولأني كل ماقدمت على وظيفة يشترطون اجادة اللغة الانجليزية < فيس يصيح

اللي خايفه منه مو عارفه كيف طريقة تدرسيهم
ابي اعرف يدرسوني من البداية

أساسيات اللغة مثل القواعد والكلمات وطريقة صياغة الجمل والقطع والكتابة ؟
او لا


انا من خلال دراستي من سادس ابتدائي الى ثالث ثانوي ماكنت فاهمه في الانجليزي شي
كنت اذاكر على عماي واختبر على عماي :graaam (175):





السؤال الثاني : هل الحاسب الالي يدرسوني باللغة الانجليزية او بالعربية

فرضاً / درسوني الحاسب باللغة الانجليزية او نقول اغلبه انجليزي
هنا انا احتاج ادرس اللغة الانجليزية عشان افهم الحاسب الالي
كلامي صحيح او لا ؟




على فكرة دراستي راح تكون
تعليم الكتروني عن بُعد
وبعد ما اجتاز الترم التحضيري والمستوى الاول والثاني بمعدل 3ونص من 5
راح يحولوني انتظام بـ اذن الله

ماكنت حابة ادرس تعليم عن بعد بس ماقدامي الا هذا الطريق
لان نسبتي مع الاسف الشديد 76.14 وما قبلوني الجامعة السنة اللي راحت


بيني وبينكم انا مستانسه على نسبتي و ما اشوف انها تفشل :graaam (79):








خطوه خجل 02-06-2012 01:51 AM

رد: الاستشاره ثم الاستخاره بين اللغة الانجليزية والحاسب الالي
 
الله يوفقك ان شالله
واهم شيء تقه بنفس

؛أنفاس المطر؛ 02-06-2012 03:05 AM

رد: الاستشاره ثم الاستخاره بين اللغة الانجليزية والحاسب الالي
 
الأستخاره اول كان المفروض عليك ماتقدمي استشارة العباد على استخارة رب العباد
والله يوفقك

oblivion 02-06-2012 03:22 AM

رد: الاستشاره ثم الاستخاره بين اللغة الانجليزية والحاسب الالي
 
خطوة خجل
ان شاء الله < كذا تنكتب يا عزيزتي ^_^
آمين
بس وش دخل الثقه بموضوعنا ؟




انفاس المطر
راجعي كتاب الحديث للصف الثالث الثانوي
تلقين موضوع عن الاستخاره
اللي درسته وتعلمته
اول شي تستشرين ولما تقررين تستخرين ربك واذا فيه خير ربي بيسهل امورك واذا فيه شر ربي بيبعده عنك
وهذا الموضوع كثير يجهلونه

وانا مستحيل اقول شي مو متأكده منه !!



اقولك مثال
اذا تقدم لك خطيب
اول شي تسئلون عنه < هذا يسمى استشاره
بعدين تشوفينه يشوفك
بعدين تستخيرين

^_^

بآقي أمل.. 02-06-2012 03:46 AM

رد: الاستشاره ثم الاستخاره بين اللغة الانجليزية والحاسب الالي
 





هلا اختي .,

اول شي هو يعتمد على رغبتك في التخصص

رأيي لو ان عندك رغبه في الحاسب توكلي على الله وادخليه لأن مستقبله افضل من الانجليش

لأن الانجلش مع الوقت راح تتعلمينه , وبعدين اذا تخرجتي من الجامعه ومعك شهاده انجلش هالشي راح يربطك اما انك تدخلين مجال التدريس او الترجمه ما اعتقد فيه شي غيره

اما لو اخذتي حاسب وقويتي نفسك باللغه بعدين من خلال دورات يكون كسبتي الجانبين اللي هم الحاسب واللغه

ما ادري عن نظام التعليم عن بعد بس اللي اعرفه انه اغلب الجامعات الحين صارت تدرس التخصصات العلميه بالانجليزي

وانتي استخيري ربك واللي تميل له نفسك ادخليه


آلظبي آلسروح 02-06-2012 01:37 PM

رد: الاستشاره ثم الاستخاره بين اللغة الانجليزية والحاسب الالي
 
هلا وغلا
ي حلوة
اخبارك

والله من رأيي حاسـب
لانهم يعلمونه بالنقلش
ورح تستفدين من الجهتين

.

والله يوفقك ي رب

مداوية القلوب 04-06-2012 08:13 PM

رد: الاستشاره ثم الاستخاره بين اللغة الانجليزية والحاسب الالي
 
وعليكم لاسلام ورحمة الله وبركاته

حكتبلك تجربتي بالأول
قبل ما ادخل تخصص الحاسوب
ماكنت مفكرة فيه لانه ما كان رغبتي
بس صليت استخارة واتكلت على الله

بعدين ما ندمت
ولغتي الانجليزية صارت منيحة كتير لاني درسته بالانجلش مع انها كانت سيئة رغم اني بنص الطريق

فبنصحك بالحاسوب لانه تخصص كتير حلو وبيفيدك لكنه صعب وبده تركيز
اما الانجلش مو صعب وبتقدري تعملي دورات او حتى تدرسيه لوحدك بالبيت


الساعة الآن +3: 03:59 PM.


موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1