اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 13-06-2012, 04:39 PM
صورة *حروف الغلا* الرمزية
*حروف الغلا* *حروف الغلا* غير متصل
©؛°¨غرامي مشارك¨°؛©
 
الافتراضي رد: بردان ياحضن الدفا عطشان واظماني الجفا / بقلمي


بداااية رائعة اسستمري وننتظرك في البارت القادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 14-06-2012, 12:32 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي


اقتباس:
المشاركة الأساسية كتبها عبق اللرياحين مشاهدة المشاركة
السلام عليكم ورحمة الله وبركاته

مساء الخير...مساء الوردوالرياحين....مساء الابداع ..مساء المفاجات الرووووعه

لالالالا ميشووووو والله وصرنا من اصحاب الاقلام المبدعه وين مخبيه عنا هالروعه ...تسلم يدينك
ياعسل فعلاا بدايه محمسه ومشوقه مع ان راسي افتر من كثر الابطال لااله الا الله عليهم

بس والله الروايه جنان وتشد الواحد وتراني معاااااااك الى الاخر ياقلبي

الجد ابو نايف
لييه الاستبداد والسيطره على حياة سطاام وشهالكره الي مالي قلبك تجاه بو سطام وعائلته كنه ذابح
لك احد
شكلكم متهاوشين على بنيه وواحد فيكم فاز فيهاااااا
ويمكن وفاه زوجتك وولدك وبنتك خلاك تتعلق بسطام اكثر لانه هو ذراعك اليمين
بس ولو مو تاخذه من عايلته وتحرمهم منه وتمنعه من زيارتهم وتحرق قلب والدين
على ولدهم جعل يحرقون قلبك

الجد والجده
الله يعينكم والله انا عورني قلبي عليكم والله كسرتوا خاطري تتشفقون على شوفة ضناكم وهو
لاهي عنكم غصبا عنه وخاصة ان الكل حواليكم الا هو بس ربي عوضكم عن غيابه
بوصل راكان وزياد لكم وعقبال الاقي ويكتمل عددكم

سمر وراكااان
حلوو الواحد انه يحقق حلمه وياخذ البنت الي يتمناه من صغر ه بس شكل خالتا لعازه لها راي
ثاني وبتتدخل بحياتكم وتحولها الى جحيم وتحاول قد ماتقدر انها تفرق بينكم بس ياريت
ماتسمحون لها تتحكم فيكم مثل ماتحكمت بسطام وزوجته

منيرووووووه
جعلها السلال الي يسل بدنهااااا هالحقيره ذي وشتبي ناشبة بحلق خلق الله ومناشبتهم عيشتهم
والبلاا مو منهاااا من ثورها هادهااااا على الناس تطين عيشتهم ...وبدال ماتسافر بروحك
خذها خذا الله روحك وياهاااا
الا يام السحور والطبوب جعلك تحترقين بناااار جهنم انتي ومن يساعدك اللحين من قل الفلوس
الي على قلبك والا نفسك الدنيه والطماعه تبي زياده ولااه همها تبين تبلين اعيال ختك بقرودك
حسبي الله عليك جعلك تطيحين بشر اعمالك

عناااد زغرام
ههههههههه شكله مابعد عداوه الا محبه بس ترى عيييييييييييب ان البنت تطاول مع عيال عمها
مهما كاااان بس فيه عوايل كذا عندهم عادي .....وشكل عناد بيحط غروم بباله وبيصر انه يتزوجها
عشان على قولة يادبها وشكلها هي تادبه

نوال وسعووود
ياشين سوء الفهم دائما يسوي بوي الواحد في غنى عنهاا .........وبتصير بينهم مصادمات
وهواش
نايف وخواته
ياقلبي عليه شكله شايل هم خواته بقلبه وساكت ....لانه ماعنده احد يقدر يفضفض له
ولان اخوانه بعاد عنه ...بس يوم امن انه عند عمامه ويقدر يعتمد عليهم ويساعدونه
قرر انه يقول لهم ...شكله خاله الساحره لاعبة بحسبتهم لعب ومشية الكل على كيفها

طلال وسيف
يووووووه ليه الغيره الي بينهم مهما كان هم اخوان وكبار بالعمر
بس شكل معاملة الابو والتفرقه الي جالس يسويهااا هي الي سببت الفجوه بينهم
وزاده من حده الموقف

تسلم يدينك ميشووووووو على هالابداااااع لااخلاا ولا عدم
هلا وغلا عبوقة
ادري ان ردي متاخر بس جد انشغلت واليوم فضيت الحمد لله
اصبتي ببعض النقاط وبعدتي عن نقاط ثانية
فديت هالمرور الحلو ربي لايحرمني منه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 14-06-2012, 12:33 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي


اقتباس:
المشاركة الأساسية كتبها سيدة سن توب . مشاهدة المشاركة
ابداااااااااااااااااااااااااااااااع الروااايه بطللله واخيررا لقيت رواية تبرد القلبب ^ـ^ اتمنى تكملينهاا
هلا وغلا
ان شاء الله اكون عند حسن ضنك
اذا الله ارد وشاء اكملها


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 14-06-2012, 12:37 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي


اقتباس:
المشاركة الأساسية كتبها .. حزينة .. مشاهدة المشاركة
ما شاء اللله تبارك الرحمن روايتج عجيبة وانتي مبدعة وتستاهلين لقب كاتبة
بس الشخصيات واجد وما قدرت احفظهم كلهم هههههههههه
المهم اني بانتظارش ومعاش للنهاية ان شاء الله
هلا وغلا
مشكورة على هالمرور الرائع
ويامرحبابك واتمنى ماخيب ضنك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 14-06-2012, 12:39 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي


اقتباس:
المشاركة الأساسية كتبها noor u.a.e مشاهدة المشاركة
مرحباااااااااااااااااا

اهلين دندونه ماشاء الله وين كنتي مخبيه الموهبه والبداع هذا وحارمتناااااا منها


بدايه موفقه والله يوفقج
مرحبابك وياهلابك
تسلمين يالغلا ومشكورة على هالمرور واتمنى مااخيب ضنك
وياك يارب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 14-06-2012, 12:41 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي


اقتباس:
المشاركة الأساسية كتبها انا قلب عجزيفهمه انسان مشاهدة المشاركة
بدايه موفقه الروايه روعه مره
متى موعد تنزيل البارت
هلا وغلا
ومشكورة على هالمرور
الاسبوع الجاي راح احدد الموعد لان الى الان مااستقرت ضروفي
وان شاء الله يارب ما اخيب ضنك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 14-06-2012, 12:42 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي


اقتباس:
المشاركة الأساسية كتبها *حروف الغلا* مشاهدة المشاركة
بداااية رائعة اسستمري وننتظرك في البارت القادم
هلا وغلا
الاروع مرورك
وان شاء الله يعجبك البارت الثاني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 14-06-2012, 12:45 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي




السلام عليكم ورحمة الله وبركاته

الصلاة والسلام على سيدا محمد وعلى اله وصحبه اجمعين

يقال .." من لا يشكر الناس لا يشكر الله "

فشكرا لكل من شجعني لكمال الرواية من اعضاء في المنتدى او صديقات واخوات اعلم بمتابعتهم لي من خلف الكواليس
واشكر كل من انتقدني بانتقاد لبق بتنسيق احرف رائعة ومهذبه
وشكرا لمن مر مرورا كانسمه خفيفة ترسم بسمه على شفاتي
شكرا وشكرا وشكرا لحبيبات قلبي اللي غثيتهم شوي شويتن يمكن ثلاث ويعرفون انفسهم ^_^

اتمنى اذا احد يبي ينقل الرواية لمنتدى اخر يبلغني او يكتب اسمي تحتها >> مشاعل السعودية <<
واذا نسبتها لنفسها >> فحسبي الله ونعم الوكيل <<

وصل لي نقد عن اعمار الامهات وتشابه مابين احداث روايتي واحداث رواية اخر
اولا : يجوز بتشابه في الخواطر ولكن يشهد الله اني غير متقصدة نسخ لرواية اخر
ثانيا : جميع شخصيات الامهات انا مركبتها لشخصيات عايشه معاهم امي وخالاتي وعماتي وجاراتي حتى بأعمارهم
ثالثا : الرواية في بداياتها كثير من احداثها عشتها وتألمت منها او عاشوها اقرباء لي واحسست بآلامهم ومعاناتهم
رابعا : في الرواية رسائل قد نراها بسيطة او ليست ذو فائدة ولكن تجلب مشكلات وظلم لنفسنا تجعلنا نعض اصابعا ندم على اهمالها
خامسا : لم اتجرا على انزال الرواية لتسلية قرات كثير من الروايات وقد رأيت نقاط لقصص تعجبت من حدوثة وتخيلات كاتباتها ولكن من ما رأيت لم يحدث لمن هم حولي جعلني اصدق كل شيء
اخيرا : اتمنى ان اكون قد امالكم اللي .. امم ..مدري شنو اقول لان فعل عجزت عن هذا التعبير .. بكيت وخفت ومدري شنو صار لي بس قلت هذا تحدي ولازم اكون قدة واتمنى اتمنى اتمنى بجد اني مافشل احد فيك او اخيب اماله واعذروني اذا قصرت واعذروني اذا اخطات

اعذروني طولت هذرتي ... اختكم .. مشاعل السعودية


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 14-06-2012, 12:47 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي


باذن الله راح انزل البارت الليله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 14-06-2012, 02:18 AM
صورة مشاعل السعودية الرمزية
مشاعل السعودية مشاعل السعودية غير متصل
دانـ♥ــه •• مِنْ أَجْممَل تَفَاصِييلٓ عُمْرِيٓ|~
 
الافتراضي رد: بردان ياحضن الدفا عطشان واظماني الجفا / بقلمي




لا اله الا الله

البارت الثاني


في الرياض
نايف وصل منار من المطار ونزلها بالبيت
( منار نسخة ثانية من العنود بس فيه اختلاف بسيط اللي يعيش معاهم كم يوم يعرف يفرق بينهم ويشوف الفرق الواضح اللي بينهم بس اللي يشوفهم مره وحده او مابين فترات طويلة يفكرهم شخص واحد منار تشبه امها " شمه " بالملامح والعنود تشبه امها " شيخة " بالملامح لذالك الشبهة كبير بينهم لانهم امهاتهم خوات تؤام منار تجي فترات لـ الرياض هي ساكنه عند جدتها بجده عندها حريه كبيره وخالتها شريفة مالها دخل بها لانها ما تملك ثروة ماليه مثل العنود تحب العنود وساره ونايف وتجي الرياض على شانهم كم يوم وتسافر )
منار تدق الباب على العنود وساره
العنود / مين؟
منار بفرح / عنوده انا منار
العنود فتحت الباب / هلا منار الحمدلله على السلامة
منار تسلم عليها / الله يسلمك .. التفتت جهة ساره وشافتها نايمه على الكنبه
العنود / توها نايمه ... تعالي اجلسي مسويه شاي والبسكويت اللي تحبينه
منار بعد ما فسخت عبايتها / اهاا تيب.. وجلست على الكنبة.. وخذت لها قطعة بسكويت ... كيف الشرقية وكيف البيت بغيابي
العنود تبتسم / كل شيء على حطت يدك بس اللي زاد ان خالتي شريفه تبي تزوجني لعبدالله قريب
منار بخوف/ لا تقولين
العنود بابتسامة وسخرية / هذا اللي صار وانتي اعطيني اخبارك
منار بحزن على حال اختها وحبت تفرحها / امممم راح اكون بجده على طول بعد ثلاث شهور خلاص جهز كل شيء وراح يصير الامر بيدي وجدتي معاد تقدر تامرني
العنود بفرحه/ الله يوفقك ياعمري وانتي تستاهلين .. وبعدين جدتك تحبك فلا تزعلينها .. ضمت منار العنود
منار وهي تبكي / عنود ليه .. ليه ما تدافعين عن نفسك ليه ما تصرخين بلا انتي قوية والله قوية
العنود / حبيبتي كل شي بالهداوة يصير ... وبهمس .. اتممن اموركم بسر والكتمان .. وحبه حبه
منار رفعة راسه وتطالعها باستغراب ... ابتسمت لها العنود وغمزت لها
ــــــــــــــــــــــــــــــــــــــــــــــــــ ـــــــــــــــــــ
بتال وطلال مع سلطان في مكتبة الخاص اللي بالقصر
سلطان يطالع على ملف المشروع الجديد / هذا المشروع اللي بالرياض راح يكون تحت ادارتك انت يا بتال وهذا الملف فيه كل الدراسة والامور المتعلقة به راح ياخذ حوالي من 6 الى 10 شهور كتأسيس وبعدين فيك تكلف احد يتابعه
بتال / عندي فكرة كامله بالموضوع وان شاء الله راح انزل الاسبوع الجاي لفرعنا بالرياض واجهز اموري وبعد زواج طلال راح نبدأ بأول خطوة من المشروع
سلطان / وانت يا طلال من كلفت يمسك شغلك اللين ترجع
طلال / اخوي سيف وكلمت ابو مبارك يتابع معاه كل شيء وبهذي الطريقة يتعلم الشغل اكثر
سلطان / وانت واثق بسيف يقدر يتحمل صلاحياتك
طلال / ان شاء الله قادر وسيف ذكي وبسرعة راح يتعلم ومنها يحس بان له وجد وقيمة
سلطان فهم عليه/ اممم على خير ان شاء الله... وانت ناقصك شيء جهزت بيتك
طلال بابتسامه / تسلم يا عمي مو ناقصني شيء والبيت الحمدلله كملته وجهزته مما جميعه مو ناقصه الا تشريف العروس
سلطان يضحك / هههههه خلاص راح الكثير ما بقى الا القليل ... يكلم بتال .. امم كم تذكره حجزت لبيروت
بتال / امي واختي وسعود وفارس وعمتي العنود وبنتها مرام
سلطان / وزيد وحده لبنت عمتك الثانية
بتال وطلال باستغراب / غرام
سلطان / ايه انا وعدتها تروح مع سمر
بتال يبتسم / ان شاء الله تامر يبه
طلال نزل راسه يحاول يخفي ابتسامته
ــــــــــــــــــــــــــــــــــــــــــــــــــ ـــــ
سعود خارج من الفله ومتوجه لـ عيال عمته بعد ما عرف انهم متجمعين بالحديقة
وقف قدام بيت عمه عبدالعزيز بعد ما شاف سيارة غريبه واقفه قبالها ونزلت منها نوال
راح بسرعة لجهتها والشرار يطلع من عيونه وقبل ما تدخل البيت مسك يدها
سعود بحده/ من هذا اللي جيتي معاه؟
نوال فلتت يدها بقوة / وانت ايش يخصك!
سعود بعصبية / جاوبي وبس
نوال بعناد/ مالك دخل من انت حتى تسالني؟
سعود بعصبية / ولد عمك ومكسر راسك
نوال بعصبية مماثلة / تخسي
سعود جاء بيمد يده والا بيد سيف مسكته .. سيف بغضب / سعود ويش تسوي ؟
سعود بعصبية / اختك جايه مع واحد غريب ولما اسالها مع من جايه تقل مالك دخل
سيف بحدة / وهي ما غلطت انت ويش دخلك ابوها اخوها زوجها
سعود عصب اكثر وتركهم وهو في داخله يتحلف بنوال وراح يخليها تترك هالوظيفة وتقعد بالبيت بس بطريقة يقدر هو الوحيد المتحكم بها البوه المتمردة
سيف دخل وراء نوال وشافها تفسخ عبايتها .. بحدة / نوااال
نوال التفتت علية وبهدوء/ نعم
سيف بعصبية / من اللي جيتي معاه
نوال / دكتور ايمن وصلني مع اخته
سيف / وليه يوصلك ما عندنا سايق والا ما عندك اخوان لو اتصلتي علية كان جيتك
نوال بحده / شوف جوالك كم اتصال فيه وما رديت عليه وبعد طلال ما يرد والسواق مشغول مع امي واتصلت على ابوي وهو طلع مشغول واستاذنت منه ان صديقتي توصلني وهذي مي اول مره وابوي سمح لي واذا عندك اعتراض روح قولة لابوي .. مشت وتركت سيف واقف
ــــــــــــــــــــــــــــــــــــــــــــــــــ ـــــــــ
شجون وغرام وهم يفتحون الشنطة وانفتحت فجاه وبسرعه نطت بوجههم اماني
غرام وشجون صرخوا بخوف / يييييممممممممممممممممممممممممممههههههه
شجون مسكت اماني/ انتي شنو تسوين بالشنطة
اماني بارتباك/ ااااااااااااا كنننننت ابببببببببببي اسويلك سربرايز هههه هههه
شجون رافعة حاجب/ معصقل انا اعرفك ما تدخلين غرفتي الا وتأخذين شيء اعترفي احسن لك
اماني تحاول تهرب وغرام تحاول تبعدها عن الشنطة بس شجون ماسكه الثنتين
فجاه شجون حست بان يد ماسكتها من القفاء وعرفته على طول من ريحة عطره
عناد بحده / انتو ماتستحون على وجهكم هذا شكل بنات عوائل
( شجون كانت عبايتها مقلوبه وحافيه والبرقع خيطه نص العين ومايل وشوشه طالعه نصها وغرام عبايتها مرفوعه جنب عن جنب وشبشب نوعين والغطاء مرمي باهمال واماني معفسه من كثر ماجلست بالشنطة)
شجون مي عارفه ايش ترد بس ماسكه غرام واماني بقوة
عناد بعصبية لغرام/ انتي يالخبله ويش تبين بالشنطة هذي بتهاجرين
غرام بعباطة / لا قاعده على قلبك ... بس ابي اسافر كم يوم مع سمر لبنان وراجعه
عناد بعصبية / انخبلتي بنت مسافره تجهز نفسها للعرس ويش دخلك انتي
غرام ويدها على خصرها وتهز واصباع على راسها/ حوووووووووورررررررررره اسوي اللي ابيه محد يمنعني ابوي وامي موافقين انت ويش يخصك
عناد بحده / ما انتي برايحه وتنثبرين هنا مفهوم
غرام تحط يدينها على صدرها يعني انه خافت / ييااااااااااي خوفتني ياوووووووممممممااااااه ... وبصوت عالي ... هياااا انت اعرف حدودك لانت ابوي ولا اخوي حتى تحكمني... أيه والله اعطيناكم وجه وبزياده .. وتبون تتحكمون فينا .. تبي تنافخ نافخ على اختك ذي البطة مو علية يا معقد...
سند وفارس وياسر متفاجئين من الحوا ر اللي بين عناد وغرام..!
وصقر يحاول يبعد البنات عن عناد بدون ما يضربهم لان باين انه وصل حده ...
عناد فك اخته واتجه على غرام يبي يضربها بس سند وقف في وجهه
سند بحده/عنااااد احترم حدودك ولا تغلط انت مالك حق تعاقبها على شيء اذا شفت الغلط تخبرنا وحنا نتفاهم معاها
في هذي الحظة هربت اماني وغرام سحبت الشنطة بسرعة وشجون ما انتبهت لهم الا بعد ما بعدوا عنها
شجون طلعت غرفتها وهي مقهورة من عناد وغرام واماني ومتحلفه فيهم طبعاً قصدها غرام واماني لان عناد صعب
ــــــــــــــــــــــــــــــــــــــــــــــــــ ـــــــــــــــ
بتال وطلال طلعوا من مكتب سلطان وهم خارجين شافوا وليد وريان يلعبون كرة قدم
بتال وطلال نزلوا يلعبون معاهم شوي مرت من جنبهم اماني ونادت ريان و وليد
اماني / رييييييييااااااان وليييييييييييد تعالوا سرقت شريط بلاي ستيشن من شوجي مصارعة يجننننننن
ريان طالع وليد .. وليد طنشها وكمل لعب مع بتال وطلال وريان
اماني " هذا كله وما سمعوني خليني اروح عندهم"
اماني اتجهت لهم / ريانوه وليدوه ما تسمعوني يامل اصمخ
وليد برفعة حاجب/ سمعناك تتفاخرين بسرقة
اماني بابتسامه من تحت غطاها / ايه سرقة شريط المصارعة من شجونوه تعالوا نلعب فيه
بتال وطلال وقوف يسمعون للحديث بصمت والابتسامة على شفتهم
وليد رافع حاجب/ شيء بسرقه ما نبيه وبعدين المحلات ماليانه وغرفتي مليانه ليه حق شجون يعني
اماني تطالع ريان / هيه انت ما تبي تروح معاي تلعب بلاي ستيشن
ريان برفعة حاجب ونفس طريقة وليد بالكلام/ لا ابي العب مع وليد
اماني تطالع وليد / وليه ان شاء الله ما تبي تلعب معاي حضرة الاستاذ وليد
وليد برفعة حاجب / لانه سرقتيه ما اخذتيه باستأذن وهذا غلط
اماني فاتحة فمها متفاجأه لانه يتكلم نفس طريقة بتال / ياااااااااالله عقدك بتال حراااااااااام ضاعت طفولتك يا ولد عمي يالخبل احلا شيء لمن تاخذ لعبة وتلعب بها وهي ميب حقتك لها طعم ثاني والله اسال مجرب
بتال يطالعها / هييه ويش عقدته لانه قال الصح البزر وانتي يالخبلة ياكبرك ماتعرفين ان السرقة حرام
اماني طالعتهم وصدت وهي معصبها متجهة للبيت لانها متاكده راح تطلع وهي متعقده وكارها البلاي ستيشن
وليد بصوت عالي / احسن لك تروحين لشجون وتلعبين معاها اذا سمحت لك
اماني بخوف / لالالالالالا بعد اللي شفته لا لو اموت ما روح لها ... وراحت تجري لبيتهم
ـــــــــــــــــــــــــــــــــــــــــــــــــ
بعد ايام ....
بلبنان
سمر وغرام ومرام والجوهره والعنود وسعود وفارس في لبنان .. بأحد دار الازياء .. سعود وفارس عند كوفي مقابل الدار والجوهرة والعنود مع احد المسؤولات عن الدار وتوريهم احدث التصاميم والبنات يطالعون لباقي التصاميم المعروضة
سمر / غرام شوفي هذا الفستان ايش رايك فيه
غرام / ما عجبني كثير الا اذا غيرتي شوي فيه يعني من هنا.. تاشر على فتحت الصدر.. فتحتها كبيره حيل ... وشوفي الخصر .. راح يبين انك دوببااا ومطعج خصرك .. ماحبته
مرام جايتهم ومعاها فستان اسود قصير توب / غرام .. سمر ايش رايكم بها الفستان
سمر وغرام / واووووووو
غرام / ناعم ورايق يشبهك مرومه حياتي
سمر" تاشر على فستان طويل وضيق للخصر وبعدين يتسع فيروزي
لف على الرقبه وقصت الصدر رايقه وحلوة / غرام ايش رايك بالفستان هذا
مرام / مره روعة لونه وموديله يخلي الوحده كانها حورية البحر
غرام طالعته وكثير عجبها / روعه
سمر بابتسامه / هذا هدية مني انا ومرام لك
غرام دمعت عيونها بتفارق مرام وبعدها سمر حست العبره خانقتها / الله يخليكم ليه .. وضمتهم
سمر / بس ما نسينا شجون والا تذبحنا ما يكفي سافرنا وتركناها هناك
غرام تضحك / ايه تذكرت يوم شافتنا راكبين السيارة رايحين المطار هههههههههه
سمر / حزنتني وانا قلت لبابا يكلم عمي خالد ويسمح لها بس قالي ان عناد اخوها رافض وزعلان
غرام / هذا الشخص معقد قبل اقول اخوانك بس الحين لمن شفت سعود حسيته حبوب
سمر / كل اخواني حبوبين بس مايبينون
غرام/ محد مثل اخواني لبى قلوووووووبهم ياناس رواقاااااااااه
مرام / مادام ابوهم فهد وامهم العنود اكيد بيطلعون حلوين
العنود ضمتهم من وراء/ قاعدين تحشون فيني انا وابوكم
غرام بابتسامه / لا يمه قاعده امدحكم اقول لبى اخواني اللي رايقين بسبب امي وابوي
العنود بشوق / والله اشتقت لهم
الجوهرة بغمزه / اشتقتي لعيالك والا لابو العيال
العنود بضحكة / اكييييييييد للعيال وابوهم لبى قلب فهودي فديته والله
الكل / ههههههههههههههههههه
ــــــــــــــــــــــــــــــــــــــــــــــــــ ـــــــــــــ
سعود وفارس بالكوفي وسعود كل ما يتذكر نوال يعصب
فارس / ويش فيك انت ترا البنت ما غلطت السواق ماجاها واخوانها مقفله جوالاتهم ووصلتها صديقتها مع اخوها وابوها عنده علم يعني ما غلطت
سعود بعصبية / وليه ما اتصلت على وحده من بنات عمها تجيها مع واحد من عيال عمها او ترسلها سواق البيوت ممتلئة سواقين والا لزم ترز وجهها مع الغريب
سعود تذكر نقابها وعيونها وزاد غضبه (لان نوال لبسه برقع واسع فتحت عيونها ومو مغطيتهم بالشيله
وعيونها واضحه ونوال تتميز بعيون ساحره وساع وناعسة ورموشها كثيفه وسودا ومكحله رباني)
سعود ضرب الطاولة بيده " والله لربيك يا نوال واذا ما سويتها ما كون اخو بتال"
فارس استغرب عصبية سعود الزايدة وسعود معروف ببرودة اعصابه
ــــــــــــــــــــــــــــــــــــــــ
بالرياض نايف عرف بموضوع خطوبة عبدالله للعنود
نايف بعصبيه / والله لو يكون اخر واحد به الدنيا ما راح يتزوجها لو تقعد طول عمرها عانس ببيت ابوها مو مقصرين عليها وعبيد دواه عندي واحسن لكم تبعدون عنا لانه فاض بي من سوأياكم
ام عبدالله / نويف لا ترفع صوتك عليه تراك مانت بقدي لساتك بزر والعنود غير عبدالله مي ماخذه وزواجهم بعد رمضان 6 العيد ووريني يانويف ويش بتسوي
نايف بعصبيه / تشوفين يام السحور اذا ماخليتك تبكين دم على ولدك بدال ماتفرحين ماكون نايف اخو راكان وطلع من البيت معصب
ام عبدالله تفكر وخافت من نايف يسوي شيء .. وهو مثل راكان مو سهل بس لساته عضمه طري .. وراكان مايقعد بالبيت لو كان يقعد كان تصرفت بس مايقعد .. ولا ياكل عندهم واذا اكل ماياخذ غير من العنود كانهم شاكين بشيء.. زاد الخوف نايف ليش قال ام السحور اكيد يعرف شي قطع تفكيرها صوت خديجة
خديجة بغباء / شريفه ويش تسوين مع نايف .. ؟
شريفة بقرف / ما سوينا شي واسكتي ماني فايقة لك .. وبتفكير " لساتك بزر مو قدي ولا قد عبدالله اقدر اروضك بسيطة يا نويف بسيطة "
خديجة / انا رايحة البيت زوجي جاي من السفر وابي اروح استقبله
شريفة بقرف / ايه روحي روحي اركضي له روحي
ـــــــــــــــــــــــــــــــــــــــــــــــــ
في استراحة راكان بالرياض بتال وراكان وزياد وصديقهم تركي توه داخل
تركي / السلام عليكم
الكل / وعليكم السلام .. وبعد السلام والسؤال عن الحال .. جلس تركي بجنب زياد
زياد / هلا وغلا من طول الغيبات جاب الغنايم
تركي يبتسم / هههههه لا غيبات ولا شي سفره قصيره ورجعنا
راكان / لوين سافرت هالمره
تركي / للمغرب ... الحين ما تعرفوني على الوجه الغانم
راكان / ولد عمي بتال بن سلطان الفارس وقريبا اخو زوجتي
تركي عقد حواجبه / ولد عمك واخو زوجتك مو فاهم
راكان بابتسامه / خطبت وزواج قريب حيل ان شاء الله
تركي / اووووووووه على البركه وعقبال العزابيه .. بس اسمك مو غريب علية كاني سامعة
راكان / بتال رجل اعمال وله كلمته بالسوق
تركي بنبرة غريبه / اهااا والنعم
بتال / والنعم بحالك
دخل نايف وهو معصب ولا رد السلام قعد مقابل المسبح وكانت جلست راكان واللي معاه خلفها وما انتبه عليهم
كان لبس جنز لنص الساق وبلوزه سوداء وفيها كتابات وشعرها واصل لحد كتفه وبعض الخصل طايحه على وجهة
بتال بقرف / هذا مايعرف السلام ولا يعرف الاصول
زياد مستغرب بان نايف يدخل بها الطريقة/ انا رايح اشوفه ويش فيه
راكان معصب/ وقله ينقلع من هنا ولا عاد يطب ها المكان
زياد التفت لراكان / انا ماراح اطرده اذا انت ودك قله
زياد راح لعند نايف وجلس جنبه ونايف ما انتبه انه فيه احد بالاستراحة
زياد / نايف فيك شي؟
نايف انتبه لزياد / هلا زياد ما انتبهت لك اعذرني وقبل راس اخوه احتراما له
زياد / ويش صاير معاك
نايف" من متى تهتم يا زياد عمرك ما سالتنا دايم مع راكان" بدو نفس / ولا شيء
راكان جاء عندهم وبحده/ انت ما تستحي
نايف نقز من الصوت/ هلا راكان انت موجود ما انتبهت .. التفت وراء راكان وشاف بتال وتركي
نايف رافع حاجب / بتال وتركي موجودين كمان والله ما انتبهت
راكان / انت ما تستحي لبس لي لبس ما ادري كيف صاير ومطولي شعرك وكمان متعرف ترد السلام
نايف بحده/ قلت لك ما انتبهت وخير يا طير بلبسي وشعري بايش مضايقك فيه
راكان بغضب/ انقلع من استراحتي ولا اشوفك فيها وروح لصاحبك عبدالله واشباهك
نايف بغضب / انا ما حدني على عبدالله الا انتم يا اخواني
راكان مسك كتفه / لعرفت درب المرجلة تجي معانا ام اذا انت بهذا الشكل ما نبي نشوف وجهك
نايف ينزل يد راكان بقرف/ ما ابي مجالس تضم مثلك انت واخوك
تركهم وقبل ما يطلع من الاستراحة اعطى نظره لتركي ومشي
ــــــــــــــــــــــــــــــــــــــــــــــــــ ــــ
ام عبدالله تكلم عبدالله بتليفون
شريفة / اسمع تخليه يصير خاتم بصبعك.... اذا ما نفذت كلامي بتضيع منك العنود
......انت ماتفهم .. انا اسوي كل شيء علشانك انت ... حنا نحتاج نايف ولازم يكون معانا
ايه ... من الليله اذا تقدر ... انت ادراء ... فكر بس انا افكر يالله روح وبشرني بالاخبار الزينه
.... مع السلامه .... وسكرت الخط وهي مخططه على دمار نايف حتى تسيطر على اكبر
قدر من المال ما فكرت في مراقبة بناتها او تقربت الا الله وانتظار حسن الخاتمة
ــــــــــــــــــــــــــــــــــــــــــــــ
قبل زواج طلال بيومين رجع سعود وفارس والجوهره والعنود وبناتهم
سلطان يستقبل الجوهره بابتسامه / ياهلا وغلا تو مانورت الشرقية والسعودية بكبرها
ويضمها قدام عياله وبنتها ويقبل جبينها وسمر خجلت ووجهها حمر
سامر / احم احم احم نحن هنا
بتال / ايه يبه ارحم قلوب العزابيه
سعود / انا وصلت تراني مسافر معاهم كأنكم نسيتوني
بتال / افا يالعضيد ينساك الموت يالغالي ... ويسلم عليه
سامر يضم سمر/ وحشششششششتيني يادباااا
وجلسوا الكل يسال عن الحال والاحوال
سلطان / ها ان شاء الله جهزتوا وخلصتوا
الجوهره / ايه الله يسلمك العنود ومرام وغرام ماخالونا
سمر / مرام كانت مجهزه وخالصه بس راحت معانا حتى تساعد
رن جوال بتال بنغمة رسالة وكانت من راكان يبي يطمئنه
ابتسم بتال وطالع لسمر / هذي رساله من راكان يسال عن الحال... ويش تبونا نرد ... نقوله اجل شوي
الجوهره / بسم الله على بنتي ربي يتمم لها على خير
سلطان / طمنه ولا تشغل باله هو في الطريق جايب اهلة علشان عرس طلال لا تخليه يسرع ويتوتر
بتال باتسامه / ان شاء الله
سلطان بخبث / وفستان العروس
سمر حمر وجهها واستأذنت وطلعت لغرفتها
الجوهره بابتسامه/ احرجتها الله يهديك .. وان شاء الله الفستان يوصل بعد 10 ايام وراح يعجبك
سلطان بغزل / مادام انتي اللي اخترتيه اكيد بيعجبني ومسك يدها وقبلها
بتال وسعود وسامر سحبوا نفسهم وقاموا قبل الفشيله
ــــــــــــــــــــــــــــــــــــــــــــــــ
غرام راحت تركض جهة بيت عمها خالد ومعاها هدية لشوجي
غرام وكأنها تغني / شششششششششششوووووووووجييييييي
عناد نازل مع الدرج لبس جينز وتيشيرت .. عناد سد اذونه بيدينه من قوة الصوت .. ولما شافها عصب / هييه انتي ماتعرفين الادب ماتربيتي
غرام / اوووووووووه انا رايقه ومالي خلق اسمع عقدك شششششششششششششوووووجييييي
شجون نازله بسرعه ومانتبهت لعناد / غغغغغغغغغغررررررررررراممممي
وراحت تبوسها وتضمها وانفتح وجهه غرام لشدة ضمت شجون وعناد شاف وجهها وعصب
عناد صد / تغطي ياللي ماتستحين صدق قلة ادب وما تربيتي
عناد من كثر مايعيد هذا الكلمه جرحت قلب غرام وعزت نفسها
غرام بحده / انا متربيه امي وابوي ربوني احسن تربيه واحترم نفسك مو كل شوي ماتربيتي ماتربيتي
في هذي الحظة دخل ابوعناد ولمن شاف غرام ابتسم / هلا غرامي كيفك حبيبتي
غرام خانقتها العبرة / هلا عمي وقبلت راسه ويده
ابو عناد / كيف لبنان واجواها وان شاء الله مرام وسمر خلصوا جهازهم
غرام مي قادره تستحمل / الحمدلله ... عن اذنك عمي .. وقبل ما يرد عطت الهدية شجون وطلعت بسرعة
ابو عناد / ويش فيها غرام ليه طلعت بهذي الطريق
عناد لسه معصب / لانها قليلة ادب وما تربت >> بعد ما تاب
ابوعناد التفت على عناد بعصبيه / عنااااااااااد ويش ذا الكلام
عناد / وهذي الحقيقه يبه ها البنت ما تربت اهلها ما عرفوا يربونها و....
طررررررررررررررررررررررررررااااااااااااااااخ
عناد حس بالحراره على خده وحط يده على خده وهو منصدم
ابوعناد / والله انا اللي ماعرفت اربيك غرام تاج راسك
والله ياعناد ان سمعت انك مضايقها مايصير لخاطرك طيب
وتركه ابوه وهو واقف منصدم وشجون راحت تجري بعد ماشافت ابوها معصب
بدر صادف شجون بصاله اللي فوق ووجها متغير لونه
بدر بخوف / خير ويش فيه؟
شجون بارتباك / ابوي ضرب عناد كف علشان زعل غرام
بدر متفاجأ / تقولينه صدق والا تمزحين
شجون / والله صدق وعناد عصب حيل
بدر / الله يستر الليلة بتولع الاستراحة من عصبية عناد
ــــــــــــــــــــــــــــــــــــــــــــــــــ ـــــــــــــ
في المطار بالرياض كان باستقباله راكان وزياد واستقبلوه احلا استقبال
رعد / كيفها احوالكم ان شاء الله بخير
راكان/ الحمد لله تمام وانت
رعد / الحمدلله على كل حال
راكان ورعد كانوا بسيارة وحده لكزس 2012 لراكان وزياد معاه الارمادا تبع ابوه وفيها
ابو راكان وام راكان و شريفة و خديجة ومها وحنان وساره ومنار
ابونايف ما قدر يروح قال انه تعبان وما يقدر يروح وخلود تعبت نفسيتها واما العنود ..


قبل يومين
العنود بغموض / وليه ما اروح
شريفه بحدة/ كذا انا امرت انك ما تروحين والا عاجبك الهرج يوم انهم يقولون يبون يزوجونك لاحد من عيالهم لا يا حلوه العبي غيرها انتي لولدي عبدالله وبس
ساره / بس حرام العنود ماعمرها حضرت عرس خليها تروح
شريفة / اذا موعاجبك انتي بعد لا تروحين
ساره شهقت / لالا انا ابي اروح خلاص ما اتكلم
منار / ليه ماتروح خليها تتونس
شريفة بحده/ اقول مناروه موانك بتروحين جده خلاص مالي سلطة عليك والله والله يامناروه لو احطك براسي تعرفين ويش اسوي
العنود تركتهم وراح لغرفتها وساره ومنار كانوا بيلحقونها ووقفتهم شريفه
شريفة / هيه انتي وياها تعالوا هنيه ابيكم
ساره ومنار جلسوا وهم مرعوبين من شريفة
شريفه / سمعي يا منار ان رحتي لشرقيه اياني وياك تتلاطفين معاهم ابي السانك على الجنب الحد ادري عنك لسانك موس لعصبتي واسمك العنود مو منار وانتي ياسوير ياويلك ان طاح لسانك على السانهم اقصه لك
منار / وليه هم ما يعرفوني ؟
شريفة/ لا ما يعرفون ان عند شمه بنت وهي بنت سطام بالرضاعة .. لمن تروحين لهم يكون اسمك العنود لانكم تتشابهون وهم شافوا العنود مره وحده وراح يفكرون انها انتي
منار منصدمه من تفكيرها / يعني تبيني اكرههم في العنود
شريفه بابتسامة خبث/ اييييييييه عفيه على الشاطرة وان سويت اللي قلت لك عليه تروحين جده وانتي سالمه
"ساره ساكته مرعوبة ومنار كذلك "... ام عبدالله ../. ها فاهمين
ساره ومنار هزوا راسهم بالايجاب وصعدوا لجناحهم


تتذكر العنود وكلامها وايش وصتها ماخافت على نفسها كثر ماخافت على خواتها

العنود / لاتفكرين فيني انت طلعي من هالبيت واكيد انا راح اطلع مادام الله معاي ما راح تقدر تسوي لي شيء
منار بصدمة / تبيني اشوهه صورتك عند اهلك؟
العنود تبتسم لتطمئنها/ ماعليك مني واهلي انتم اما هم مايهموني الا اذا جاء الوقت راح يعرفوني زين بس المهم انتي خلصي عمرك وروحي لعمامك قبل ما تسوي لك شيء
منار / بس يالعنود....
تقاطعها العنود / لابس ولا شي ...

قطع عليها تفكيرها صوت ساره بهمس / في ايش تفكرين؟
منار بهمس/ في العنود .... وسكتوا منار وساره وتفكيرهم بالعنود
ــــــــــــــــــــــــــــــــ
نايف رفض يروح الزوج والعنود بالرياض
نايف / لاتخرجين من غرفتك ابد وانا راح اكون ملازم لعبدالله
العنود بتنبيه / انتبه منه هو وامه مخططين عليك بشيء ما ادري ايش
نايف يفرك راسة يحس بصداع بيفجر راسه / لا تخافين علية انا... منتبه زين لنفسي ... اهم شي انتبهي للجوال واي شيء يصير ارسليه رساله وانا راح اكون باسرع مايمكن عندك
العنود / ان شاء الله انتبه على نفسك وهذا ترمس الشاهي اللي تبيها تبي شيء ثاني
نايف / لا سلامتك
اخذ نايف ترمس الشاهي ومشي بعد ما طلعت اخته للجناحها وتأكد من تقفيل الباب عليها
ــــــــــــــــــــــــــــــــــــــــــــــــــ ـــــــــــــــــــ



الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1