غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-06-2012, 05:40 PM
صورة اتنفسه عشق الرمزية
اتنفسه عشق اتنفسه عشق غير متصل
©؛°¨غرامي جديد¨°؛©
 
11302798202 رواية روحين بروح /بقلمي


رواية انفاس عشق /بقلمي
كانت الساعة 6:00 الصباح
كانت الغرفة بااردة و مظلمة ومافي غير نور الأباجورة
دخلت امها تقعدها من النوم
:فطووم فطييم يمة قوومي
فاطمة فتحت عيونها وابتسمت وقامت تتمغط:صباح الخير
ام فيصل:صباح النور قومي لبسي ونزلي عشان تفطرين وقعدي اخوانج تعبت وانا اقعدهم
فاطمة:اوكي انتي نزلي وبعدين انا اذا خلصت بنزل
ام فيصل:ايه انزين انتظركـ تحت
قامت ام فيصل ونزلت
قامت فاطمة وطلعت لها ملابس عشان بتتروش
تروشت ولبست جينز اسود و بلوزة لونها احمر ومكتوب عليها بالأسود LOVE ومرسوم قلب
وسوت شعرها ذيل حصاان وحطت قذلتها على جنب وتعطرت
وراحت عشان تقعد اخوانها دخلت
وشافتهم نايمين عالأرض والفيشار منثور عالأرض و الأكل منثور
وكان فيصل رجله في وجه فهد وفهد نايم ولا حاس بعمره
وكانت اشكالهم تووحفة
قامت بتقعدهم قربت من فهد وهزته:فهد فهيييد قققووم
فهد:همممم
فاطمة:قووم
فهد:طسي بررا
فاطمة: لا مب طاسة بتقوم ولا شلون
فهد:لا مب قايم
راحت لعند فيصل:فيصللللوووه قووووم
فيصل:اقول انقلعي لا اقوم امسكك من كشتكـ واطلعك برا
فاطمة:لا مب منقلعة
فيصل:شكلك بتاكلين كف مني
فااطمة:طيب انا اوريكم
فاطمة قامت بتطلع
فهد:صكي الباب وراكـ
فاطمة:ايه انزين
وسكرت الباب
فهد:غريبة ماسوت شي خلها تولي خلني اكمل نوم
***********************
فاطمة بنفسها:مصدقين عمرهم بخليهم يكملون نوم هههههه
راحت المطبخ شافت ابوها
فاطمة:صباح الخير
بو فيصل:هلا ببنيتي صباح النور
راحت وفتحت الثلاجة
ام فيصل:هااه اقعدوا
فاطمة:قعدتهم ولا رضوا يقعدون بس انا اعرف شلون اقعدهم
اخذت ثلج من الثلاجة وجيك موية باردة
وقامت بتصعد فوق
ام فيصل:وش بتسوين
بوفيصل:وش ناوية عليه
فاطمة:ماعليك انا اعرف شلون اقعدهم
ام فيصل :الله يستر
بو فيصل:الحين بتشوفينهم جاين يركضون
صعدت لغرفتهم
وفتحت الباب بشووي شووي وقامت وقربت من فهد وحطت بظهره ثلج وهو مب حاس
وراحت لعند فيصل وحطت له ثلج
حس فهد بأن شي بارد على ظهره قام ونقز وكبت عليه موية هو و فيصل وانحاشت
قام فيصل لحق وراهاا
فيصل:يا دوووبة انا اوريكـ ان صدتكـ بكفخكـ
فاطمة:ههههههه هذا اذا صدتني
وفهد ورااهم
قامت فاطمة ونزلت من الدرج بسررعة وراحت دخلت المطبخ وانخشت ورى امها
ام فيصل:هييييه وش فيكم على بنتي
بو فيصل:انا موقلت لج
ام فيصل:ههههه
فيصل:بذبحها هالبنت
فهد:تعالي انا اوريكـ ان ما كسرت راسك
بو فيصل:وش تذبحونها وتسكرونها ترى ماعندي غير هالبنت بتذبحونها من وين اجيب بنت مثلها
فهد:من زينها عااد
ام فيصل:فطيم وش مسوية بأخوانك وش هالماي
فاطمة ببراءة:مامي ماسويت شي
فيصل:شوفي وش مسوية فينا وتدافعين عنها وتقول بعد ماسوت شي
وقال لها فهد السالفة
بوفيصل:هههههههههه زين ماسوت فيكم والله طلعتي مب هينة بس زين ماسويتي فيهم
فاطمة ابتسمت لأبوها بفخر هع
ام فيصل:بس تستاهلون محد قالكم ماتقعدون ماينفع معاكم الا العين الحمرة
فيصل وفهد فتحوا عيونهم بكبرهاا
فهد:والله يمة حراامة عليكم اللي تسويه فينا
فيصل:اي والله حرام
ام فيصل:روحوا لبسوا وصلوا وبعدين تعالوا فطروا
فهد وفيصل:انشاءالله
ابتمست فاطمة بأنتصار
ناظر فهد بفاطمة:انا اوريكـ
مدت فاطمة لسانها عليه
وقعدت على طاولة الأكل عشان تفطر
**************************
الساعة 3:00 العصر
قاعدة على اللابتوب تكلم رفيجتها ريماس
فاطمة:رموس من زمان ما قعدنا وتجمعنا وسهرنا سهرة حلوة
ريماس:ايه وانتي الصاجة
فاطمة:وش رايك اكلم البنات وتجون اليوم عندي عشان نسهر ونسالف
ريماس:اخاف امي ماترضى
فاطمة:كلميها وردي علي خبر واذا مارضت انا بكلمها
ريماس:ااممم اووكي
فاطمة:تيب سي يو بكلم البنات وانتي اذا كلمتي امك و وافقت اتصلي علي وخبريني
ريماس:اوكي باي
قامت فاطمة وكلمت البنات وقالت لهم ولما خلصت نزلت الصالة عند امها
ام فيصل:هلا ببنيتي الحلوة
فاطمة: ماامي ترى اليوم بيجون البنات عنـدي وبنسهر
ام فيصل:حياهمالله
فاطمة:وبخلي السايق يجيب لي كم غرض من السوبر ماركت
ام فيصل:لا انا ابغاه عشان بروح الحين السوق مع خالتك
فاطمة:يؤؤ يمة اجل من يجيب لي اغراض حق السهرة
ام فيصل:قولي لأخوك فيصل
فاطمة:ااف اكيد مابيوافق
ام فيصل:انا بكلمه
فاطمة باست راس امها:فديتك يا احلى ام بالدنيا
ام فيصل:ايه مصالح
فاطمة:هههههههه
وراحت صعدت غرفتها
الا وفيصل نازل
فيصل:يمة يا امي الحلوة
ام فيصل:ااايييه اكيد تبغى شي
فيصل:هههههههه بقول لكـ اليوم بيجي رفيجي مشاري وبينام عندنا لأن بنسهر
ام فيصل:وش فيكم انتوا على هالسهرات
فيصل:ليه منوا بعد بيسهر
ام فيصل: فطوم بيجون رفيجاتها ايه صج وعلى طاري فطوم تراها تبغاك توديها السوبر ماركت عشان
سههرتها اليوم
فيصل:والسواق
ام فيصل:السواق باخذه عشان بروح السوق مع خالتك
فيصل :طيب وابوي
ام فييصل:ابوك طالع مع بو خالد
فيصل:اجل الله يعيني
ام فيصل:انا بروح عشان اجهز واروح السوق ولا تنسى تودي اختك
فيصل:انشاءالله
ورااح لغرفة فاطمة
طق الباب
فاطمة:مييييين
فيصل:انا الذيب
فاطمة:ههههههههههههه سخيف ادخل
فيصل:قومي لبسي خلني اوديك السوبر ماركت لأن بعدين مب فاضي
فاطمة:اوكي بس البس عباتي
فيصل:بنتظرك تحت
فاطمة رن تلفونها:الوو
:...
فاطمة:ها وافقت تجين
:.......
فاطمة:اشوى اجل بعد صلاة العشاء تعالي
:......
فاطمة:ايه كلمتهم بيجوون
:...
فاطمة:اوكي باي
وسكرت التلفوون
ونزلت
فيصل:يلا مشينا
راحت ركبت السيارة
_____________
في السوبر ماركت<<<مسرع وصلوا هههههههههه
ماسكة السلة بيدها وتشتري بطاطس وعصيرات وكذا
جا وااحد
الولد:هلا بالحلو والزين كله
فاطمة مب معطيته وجه
الولد:ليه الحلو ساكت
قامت فاطمة بتمشي
الولد مسك يدها
فاطمة في نفسها هذا صج مايستحي:اترك يدي يااقليل الأدب
الولد:مابتركها
فاطمة:اترك يدي
فيصل سمع صوت فاطمة وجاا
مافي تفاهم ماشافت الا اخوها جاي وهد ضرب في الولد
والولد يبغى يفك عمره وبالموت فك عمره وانحاش
فاطمة كان قلبها يدق بقووة وخايفة وراحت تركض لأخوها:فيك شي؟
فيصل ابتسم :لامافيني شي خلصتي؟
فاطمة هزت راسها بمعنى ايه
وحاسبت الأغراض وركبت السيارة
وكان طول الطريق ساكتين
____________________
في البيت
توها واصلة دخلت الأغراض المطبخ وجهزت كل شي للسهرة
الأكل و الأسطوانات للأفلام والديفيدي يعني جهزت
وراحت تروشت ولبست لها بلوزة لونها اصفر نص كم مرسوم عليها بنت
ولبست جينز سكيني لونه اسود و استشورت شعرها وخلته مفتووح وحطت لها ميك اب خفييف
سمعت جرس الباب وراحت بسرعة بتفتح الباب
وفتحت الباب وشهقت وصار قلبها يدق بقوة وانتبهت على عمرها وسكرت الباب
وحطت يدها على قلبها يؤؤ صج اني غبية واقفة بعد قدامه طلع رفيج اخوي مشاري
نزل اخوها فهد بيفتح الباب :انتي ليش واقفة هني دخلي داخل
دخلت داخل بسرعة
وكان مشاري مو مستوعب وفي نفسه:وش هالجمال لا هذي اكيد مب بنت هذي ملاك تجنن ضحك
لما تذكر حركتها واقفة وفاتحة فمها مب مستوعبة وبعدين انتبهت وسكرت الباب بوجهه
فهد فتح الباب:هلا ميشوو
مشاري:هلا فهيد
فهد:ادخل حياك
ودخل وصعدوا فوق للغرفة
فيصل:هلا هلا بمشاااري
مشاري:هلا فيك هلا بفيصللوه
وقعدوا يسالفون
ومشاري مب معاهم وهو سرحان يفكر في فاطمة
فهد:اللي ماخذ عقلك يتهنا به
مشاري:ههههههههه
فيصل:انت من جيت وكلا سرحاان وش فيكـ
مشاري:لا مافيني شي ويبي يضيع السالفة
الا صج جبت الفلم اللي قلت لك عنه خلنا نطالع
فيصل:ايه جبته فهيد انزل تحت وجيب الأكل
فهد:وليش انا مو انت انا اللي نازل فاتح الباب يعني انت الحين انزل
فيصل:لأن انا الكبير
فهد:والكبير خير ياطير عسى اصير عبد عندك عشانك بس اكبر مني بسنتين
فيصل:اقول خلني انزل بس واجيبه انا وانت ريح
**********************
ونزل المطبخ وشاف
فاطمة قاعدة بالمطبخ وسرحانة صج اني هبلة هههه قاعدة فاتحة الباب واناظر وفاتحة عيوني بكبرها
ههه والله اني هبلة بس ووه شكله خقة يهبل اف متى يجون البنات عشان اقول لهم كل اللي صار
فيصل:يااااهووه
فاطمة انتبهت عليه:هااه وش تبي
فيصل:اقول لك وين حطيتي الأكل
فاطمة:هني في الثلاجة ماتشوف
فيصل:ايه انزين
اخذ الأكل وطلع فوق
********************
فهد:كان نمت بالمطبخ
فيصل:كنت ادور عالأكل واكلم الهبلة فطيم بسئلها وين حطت الأكل وهي ولا حاسة بعمرها
فهد:هههههههههههه
مشاري بنفسه:هو ماعنده الا اخت وحدة هذي اكيد اخته اجل اسمها فاطمة
مشاري:يلا شغل الفيلم
فهد:اقول مشاري احنا نشتغل وانت قاعد قوم عالأقل طف الأنوار
مشاري:انا ضيف عندكم
فهد:اقول قم طس بس طف الأنوار عشان يصير رعب خخخخ
مشاري قام طفا الأنوار
وقعدوا وشغل فيصل الفييلم
مشااري:لالالالا انتظروا اضغط ستوب
فيصل:وش فيك
مشاري:بروح الحمام
فيصل:لاحوول رح بسررعة وتعال
مشاري:اوكي
ونزل تحت
وكانت فاطمة ماسكة بيدها الأكل بتصعد فوق غرفتها ولقته بوجهها وطاحوا الأغراض من يدها
وطاحت عينها بعينه
*********************************
هل بينزل فيصل ولا فهد وبيشوفهم؟
و وش بتسوي فاطمة وشنو بيصير؟
وشنو بيصير بسهرة البنات من مواقف ؟

هالله هالله بالردود ترى تكسرت يدي وانا اكتب

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 03-10-2012, 12:24 AM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: رواية روحين بروح /بقلمي


اقتباس:
3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام

تغلق الروايه


رواية روحين بروح /بقلمي

الوسوم
رواية ...رومنسية ..
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية قلبي لك يا من ملكت كل القلوب ~خيآل الواقعْ أرشيف الروايات المغلقة - لعدم إكتمالها 7 31-03-2013 05:54 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2006 23-11-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM

الساعة الآن +3: 03:53 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1