منتديات غرام روايات غرام أرشيف الروايات المغلقة - لعدم إكتمالها رواية : كذابة ماتحبيني خنتيني وجرحتيني وتركتي قلبي يتعذب
حنين العشاق ©؛°¨غرامي جديد¨°؛©

سلااااااااااام للجميع

هذي الرواية انقلها لكم من الكاتبة نفسها الكاتبه شوقي للوصال يزيد واتمنى تنال اعجابكم

طبعا هي مزيج من الـــ واقع والخيـ ـال

رومانسيه
و
تحاكي التماسك الاسري ايضا
و
تنقل الفكر الخاطئ

انقل لكم ..... بعض الاحداث بالرواية كمقدمة

........: اااااااه والله قهر ياريت اهلنا مثل بعض هالعوائل
.........: اييي وقسم كاان وناااسه سكتي بس الاخو مايعرف اخوه
________________
.......: الياس الياس لالا ااااااااااااااااااااااااا
.........: حبيبتي انا السبب فيما جرى لك اتمنى منك مسامحتي فدمعي لايفارق عيني حبك سكن في قلبي المكسور لن انساك لو تركتني ولن اترككي لو تعافيتي ... فأنا عاشق لضلالك
__________

........: يمى انا رديت دكتور يمى

___________

....: ياااه شفتي هالبحر يا ليال

....: اييي قلبي شفيه

......: ودي اخذك وارميك بنصه ههههههه

.....: شنوو قالو لي منت تبع سوالف حب ورومانسيه مالت حتى مالت
....: تعالي شفيك
_______________

............: خمسيين الف ريال !!
......: اييه بحسابك
.........: ياربي اهئ اهئ لييش سالم رد لي ماابي فلوس ..............

_____________________

انتظروا البارت الاول

مع خالص ودي ..........


همسات وردة ©؛°¨غرامي فضي¨°؛©

السلام عليكم ورحمة الله

حياك الله بغرام .. بس ياليت تستعجلي بتنزيل البارت

https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


موفقه بنقلك ان شاء الله


حنين العشاق ©؛°¨غرامي جديد¨°؛©

انشاءالله مارح اطول

حنين العشاق ©؛°¨غرامي جديد¨°؛©

البارت الاول

اتمنى ماتحكمو عليها من الحين قصتها وموضوعها ترى وايد حلو ومميز

وطبعا نسيت اذكر ان هالرواية نالت أكبــــر نسبة متاابعه

في الصباح الباكر وفي ارجاء تلك المدينة الهادئة وفي ذلك القصر الضخم الذي يقابله البحر والعشب والاشجار هناك اصوات تغريد العصافير الجميله ترى العشاق والاطفال والشبان في ارجاء ذلك الكورنيش.

نزلت رند بكل حيويه ونشاط الى قاعة الطعام الراقيه بأثاثها وترتيبها

رند: هآي مام وين داد

ام يزن: تكلمي عربي مثل الخلق ولا روحي غرفتك احسن

رند: اف يمه شفيك هذي تصبيحة بس

ام يزن : اي اشوف صدق سمعت صباح الخير والنور

رند: خلاص يمه ولا تزعلين احلى صباح الى احلى ام بالدنيا

ام يزن : سألتي عن ابوك راح المصنع

رند: طيب يزن و اريام وين !!

ام يزن: يزن راح الشركة بدري عندهم اجتماع اما اريام نايمه هي وبنت عمتك سنين

رند: اووه نسيت انها عندنا اليوم اكيد سهروا ومابيجلسون الا العصر لكن انا لهم راح ازعجهم عن اذنك

ام يزن: هي وين وين يلا على الجامعه الساعة 8 ونص

رند: لايمه ماعلي محاضرة اليوم

رند راحت لهم جناح اريام

رند: حررررررريقه بسرعه آآآآه آآآآه

اريام طفرت من مكانها : وين وين سنينو قومي حريق

سنين قامت بسرعه : ها شنو قوموا قوموا

رند ماقدرت تتحمل اشكالهم المتخرعه وشعرهم المنكوش: هههههههههههههه ويلي

اريام: ياثقل دمك تدرين تونا نايمين جد ماعندك سالفة نامي نامي سنينو
وناموا وماكأنه صاير شي

رند : افف يعني اجلس لحالي لاليش اروح الى سديم صديقتي حبيبه قلبي ابرك لي

__________________________________
( رند انسانه حبوبه وطيبه وجميله حيييييييل تهبل واناقتها تزيدها جمال ورشاقه وعمرها 21 سنه)

امها ام يزن طيبه وتحب عيالها كثير عمرها 44 وابوها ابو يزن انسان جدي وواقعي ومتفهم وعنده مصانع وشريك مع اخوه واخته بشركة ضخمة ولها اسمها
اختها اريام ( عمرها17 سنه تحب الهبال والوناسه والمغامرات جمالها جمال هندي وايد حلوه)

يزن الولد الوحيد اخو اريام ورند( وسيم عمره 24 تخرج من جامعة كامبردج تخصص ادارة اعمال يحب شغله ومهتم فيه)
+++++++++++++++++++++++++++++++++++++

شـــــركة الـ ........ القابضه

يزن : اناقلت لك يالارين الف مره عندي اجتماع مهم ولد عمي دانيال منبه علي وموكلني بهالصفقه وانتي ادرى وحده بأهمية هالاجتماع عشان اخر صفقه

لارين: (لبنانيه) استاز عن جد بعتزر بس كمان هيدا شي مهم

يزن: طيب شنو هالشي المهم اقلقتيني في شي صاير بالشركة مادري عنه؟

لارين بتردد: امم بصراحة هو بخص حياتنا الشخصيه مش العمليه يزن انت بتعرف اني بحبك ومع هيك عم تتجاهلني وماكأنوا شي صار بينا .

يزن : نعم شنو بينا مابينا

لارين : يزن لاتحاول تخفي زواجنا اكتر من هيك

يزن بحده: لارييين حنا صار لنا اكثر من 4 اشهر متطلقين وانا قايل لك تنسين كل شي صار

لارين: يزن انت ع بالك بأدر انسى لاتقول لي كان بس مدة شهر يزن انا بحبك فهمني

يزن بصراخ : لارين وبعدين معاك انتي ماتفهمين بعدين لاتجبريني افنشك من شغلك ها

لارين بنفس مستوى الصوت وهي تبكي: عم بتهددني ماخوفتني لئلـك ليه مابتعترف فيني عند اهلك ليه انا مو انسانه ولا شو مش انت اللي طلبت تتجوزني حرام عليك يايزن انا انا حامل يزن حامل

الياس كان رايح الى يزن وبالصدفة سمع اخر كلمه وفتح الباب على طول وبعصبيه : شـ شنو يزن هاذي شقاعدة تقول صوتها الى بره يزن انت شمسوي !

يزن : الياس بعدين افهمك الموضوع

الياس : شتفهم تكلم شمغبر

لارين طلعت بسرعه وهي تبكي

يزن : الياس لاتفهم غلط

الياس : انت تدري شنو رح يصير فيك لو اللي في بالي صج

يزن: الياس لو سمحت انا متربي زين ومااسوي اللي تفكر فيه

الياس : زين تكلم فهمني

انفتح باب مكتب يزن
راشد: انتو وينكم ابوي ينتضركم من زمان
ألياس : انا كنت جاي اخبره بس خذتنا السوالف

راشد: ياخي يلا ترى ابوي وعمي معصبين منكم عاد تحملو شنو يجيكم
__________________________________
بقصر ام عبد الهادي ( اخت ابو يزن وأبو خالد )
ام عبد الهادي توفى زوجها من 7 سنوات عندها ثلاث اولاد وثلاث بنات عبد الهادي ( دارس هندسه معماريه ووهو متحمل المسؤولية بعد ابوه يحب خواته واخوته وامه كثير ويحاول يعوضهم عن حنان الاب ولو انه ماله عوض عمره 27 جماله متوسط )
وراشد( يشتغل بالشركة مع خواله طويل وعيونه عسليه عمره 26) ووافي ( احلى واحد بين اخوانه وكول مره يدرس بلندن طب عمره 23)
لين وليلى توأم ( متشابهين مره بس الفرق بينهم لون شعرهم ليلى بني غامق اما لين بني فاتح جميلات وبشرتهم بيضاء وعمرهم 19)
سنين( اخر العنقود عمرها 17 وطايشه ومهبوله وجمالها متوسط )
عبد الهادي : يمه انا قررت افتح لي مؤسسة للهندسة المعمارية بحكم تخصصي

ام عبد الهادي : اي حبيبي اللي تبيه سوه بس يايمه اذا انت بتستقل بمؤسسه واخوك وافي مسافر يدرس من يجابل الحلال بشركتي انا وخواني

عبد الهادي: يمه شفيج نسيتي راشد ماشاءالله عليه يكفي ووفي
ليلى ولين : هاااي
عبد الهادي : شعندكم؟

ليلى بزعل : على الاقل رد علينا اول
لين : يمه سنين تقول موبجاية الا بكرا

ام عبد الهادي: ليه انشاءالله

ليلى : توهم ينامون المهم يمه انا ولين طالعين السوق

عبد الهادي : وانا جاي معكم ابيكم تساعدوني بأختيار الملابس والساعات من زمان ماروح اتشرى

لين: اوك
ليلى : هالنصاب توه راجع من بريطانيا وشاري له مليون شي

ام عبد الهادي : خلوه براحته

لين : يمه بس نخلص رايحين قصر خالي ع طول عشان الليله العشا
ام عبد الهادي: اوه زين ذكرتيني
++++++++++++++++++++++++++++++++++++++
الياس : والحين!
يزن: مدري انا طلقتها من قبل 4 شهور شلون تقولي حامل الحين
الياس: انا مو شغلي يزن اللي اعرفه انك لازم تتأكد من هالحمل وعقب تتزوجها لو كان صج ولدك

يزن: شنوو؟ زواج ؟

الياس : لا اصكك كف على وجهك اي زواج رسمي تحمل غلطتك لا تفضحنا

يزن: الياس انت فاهم شنو تقول ! زواج يعني مسؤوليه الموضوع فيه ولد وانا ماكملت ال24

الياس بحده : شوف عاد هادا مو اختصصاصي يوم انك ماتبي ليه تسوي شي ماتقدر عليه

يزن: لحضة ضعف وطيش تزوجتها بس خلاص انتهى كل شي

الياس: مافي شي انتهى خلها تروح تحلل وتأكد من كل شي وبعدها نقولك مبروك عاد فهمتني
وطلع عنه

يزن : اففف ياربي شسويت انا جنيت ع نفسي من غبائي
_____________________________
بالليل كانوا كل العائلة مجتمعين
رند : هههههههههه الياس موقادرة عليك شوف شكلك


ناظرها بغضب: هين ارويج
وجاب الماي وكبه عليها

رند: لالا نحيس وقسم اهئ

الياس: ويلي راح السشوار والتعب ههههههه

رند بتمشي وزحلق لها الماي وطاحت : ااااااااااه ظهري ااااي

+++++++++++++++++++++++++++++++++++++++++++

انتهى البارت عارفة انه قصير

بس انشاءالله المره الجايه رح انزل اكثر من بارت عشان تتضح لكم الرواية خبروني اذا اكمل اولا اتمنى منكم التفاعل رجاءا


حنين العشاق ©؛°¨غرامي جديد¨°؛©

البارت الـــثاني

اتمنى يكون في ردود مشجعه وخبروني اذا اكمل اولا !

الياس: رند رند

رند: الياس يانحيس كله منك آآه ظهري اه

الياس يمسك يدها : خلني اساعدك

رند بغضب: مابي وخر عني . وقامت وهي تعرج وركبت المصعد لان مابتقدر تركب الدرج

الياس : اففف لالا انا ممااقدر اصبر اكثر من كذا
_______________________
بمجلس الرجال

الياس : يبى

ابو الياس : سم

الياس : يبى بغيت اكلمك بموضوع يخصني

ابو الياس : اسمعك تكلم

الياس : اممم والله يعني بصراحة يبى انا ابي اخطب

ابو الياس بصوت عالي الكل سمعه : اوه اوه مبروك مبروك واخيرا

الياس انحرج لان الكل ناظره : يبى شفيك احرجتني
راشد : اوووووه اخيرا عزمت
عبد الهادي : والله وغلبتنا
يزن : ههههههههه بل مستعجل ماقدر يصبر ليما يرد البيت

الياس : اقول جب انت وياه

ابو الياس : خلاص اجل روح قل الى امك تشوف لك عروس

الياس : لايبى بصراحة انا ابي ابي امم رند بنت عمي

ابو الياس : والله وزين مااخترت ياولدي هاه سمعت يابو يزن

ابو يزن : هلا؟
ابو الياس : والله حابين نطلب يد بنتك رند الى ولدنا الياس

ابو يزن بفرح لان مابيلقى احسن من ولد اخوه: وهذي الساعة المباركة ياخوي والله اذا علي دانيال ولدي ورند بنتك بس لازم ناخذ رايها بعد تعرف

يزن بنص عين: ها ولد العم حاط عينك على اختي اجل ها

الياس : شف اذا ماسكت ويأشر له بيده يعني بيقول عن سالفة يزن

يزن : لا تكفى ان شاء الله بسكت خلاص

_________________________

عائلة ابو الياس تتكون من ابو الياس اب ناجح يحب ولده الياس لانه وحيده عمره 49 ام الياس عمرها 44 امرأة اعمال معروفه بس مع كثر شغلها ماانشغلت عن ولدها وزوجها وبيتها

اما الياس ( شاب وسيم مرررررررره عمره 26 متخرج من الجامعه الامريكيه يحب رند من زمان بس ماحد يددري عنه حتى رند )

:::::::::::::::::::::::::::::::::::::::::::::::

بعد ماخلصت جمعة العايلة والكل رد بيته

ام يزن : صدق والله يابو يزن والله فرحتني انشاءالله بس رند توافق والله انه خوش ولد

اريام: وااااااااو وناسة وناسة بيصير عندي عرس اخت
يزن : بس هذا المهم عندك انتي
اريام : اف ياشين رزة الوجه


ابو يزن : يا عليا ( ام يزن) روحي انتي كلميها يمكن تستحي مني

ام يزن: من عيوني

:::::::::::::::::::::::::::::::::::::

بجناح رند
طق طق طق
رند بتعب : تفضل

ام يزن : وي شفيك يابنتي

رند : ولا شي يمه بس انزلقت من الماي آمري

ام يزن : سلامتك مايأمر عليك عدو بغيت اكلمك بموضوع

رند : تفضلي يمه

ام يزن: بعد انتي يابنتي تدرين انك كبرتي ماشاءالله صرتي فاهمه وعاقله ووش زينك وهذي سنة الحياة يابنتي تتزوجين وتجيبين عيال وتزوجيهم بعد انشاءالله

رند : يمه شقصدك بهالكلام

ام يزن : والله ياحبيبتي عمك ابو الياس طالب يدك الى ولده الياس وعاد الياس يابنتي مافي مثله جمال واخلاق ومال

رند انصدمت : أ ....ألياس اي يمه ماقلت شي بس

ام يزن : لالا يايمه انتي فكري وصلي الاستخارة وردي علي وخذي الوقت اللي تبين

رند : حاضر يمه
بعد ماطلعت ام يون من الغرفة
رند: هه الياس ماغيره اممم والله لأ طلع طيحتي هذي من عيونك هههه يامسكين
:::::::::::::::::::::::::::::::::::::::::::::::::: :::

في الصباح

اريام : امبيه سنينو من جدك انتي؟

سنين: اي والله من جدي ها شرايك مع البنات وفله ها شماغ وثوب والله حركات

اريام : اممم لالا مستحيل اخاف احد يشوفنا ولا شي

سنين: لااااااااا يلايلا عن الهلس الساعة 10 انا عند الباب ان تأخرتي والثياب لاتحاتين بجيب لك ياكثر ثياب راشد ويجون مقاسنا

اريام : اففف ياربي طيب طيب باي

::::::::::::::::::::::::::::::::::::::::::::::

بقصر ام عبد الهادي

ليلى : لاااااااااا سينيو انتي مجنونه رسمي

لين : اي والله

سنين : انتو مالكم داعي اصلا

ليلى : شلون مالنا داعي والله ترى اخبر عبد الهادي

سنين: لا ياوجه البومه في ذمتك ها

ام عبد الهادي : انتو شتتساسرون فيه ؟ شعليه تخططون

لين : يمة نقول ودنا نروح الشالية كل العايلة وكذا حركات

ام عبد الهادي : والله وجبتيها يالين من زمان مانطلع الى الشالية لا واخوي ابو الياس توه مسوي فيه صيانه ويقولون طالع غير شي يبي لنا نروح بكلم اخواني اجل ويدبروها

سنين : هههههههههه وبهمس والله وعرفتي تقلبيها يالين

ليلى تضرب يد سنين بخفيف بمعنى اسكتي
__________________________
بقصر ابو الياس
ام الياس : طيب على شنو مستعجل خلي البنت تاخذ وقتها يه

ابو الياس : اركد ياولد

الياس : اوووه يمه يبه شفيكم علي كله سؤال اكلتوني حتى قشور مابقى مني يلا عن اذنكم تأخرت على الشركة

ابو الياس : بس يبي يتهرب اي شركة اليوم جمعه

الياس: اووو قصدي الشباب اليوم طالعين نخيم بالبر يومين
ام الياس : حلووو ومنها نفتك من حنتك

الياس : الى هالدرجة مليتو مني هذا وانا وحيدكم

ابو الياس: لا يايبه امك ماتقصد اللي فهمته
___________________________

بمكاان بعيد عن المملكه

ايطاليا

ليال : وااااااااو جد جد بابا

ابو خالد: اي اي جد بكره راجعين

ليال : ماتدري يبى شقد مشتاقة الى البلد واهلها بعد سنه مرت ثقيلة

ابو خالد : انشاءالله يايبه نرجع ويهون كل شي بعد خلا ص فلسنا ماعندي عشان نجلس اكثر في ايطاليا ههه

ليال : الله يخليك لنا يبه يعني خالد خلاص شفى صح ؟

ابو خالد: اي صح الله يدوم العافيه عليه

ليال : اشتقت الى امي ابي متى متى بس ارجع .
________________________


رند: اي يمه انا انا مو.ا.فقه

ام يزن: وي كلللللللوووووووش ههههه يابعد عمري والله وكبرتي وصرتي عروس ( وبدت تبكي )

رند: يمة ليش الدموع الحين ترى والله ارجع بقراري

ام يزن :لالا ياحبيبتي هذي دموع الفرح خلني ادق افرح ام الياس

رند: اممم لا يمه تكين مو الحين يوم الاربعاء الجاي احسن

ام يزن : اي بس ليش

رند : اي يمه مايصير نرد بسرعة خليه تحترق اعصابه شوي شنو بقولون ميته عليه على طول وافقت

ام يزن: شدعووه بس يلا براحتك اللي تبيه بيصير
اريام : يمه انا طالعه مع سنين باي
ام يزن : وين
اريام : المول نتمشى شوي رند تجي معنا؟
رند: لا مالي مزاج
______________________

بالسيارة

اريام : السلام
...............
اريام بصريخ : اقووول السلام

سنين واروى: وجع اذانا راحت ماتت طاحت

اريام: احسن يعني صوتي قتل اذنكم والاغاني لا نزلوا الصوت يلا

سنين: راهيم نزل صوت مسجل

سنين : خذو بنات يلا البسو الثوب والشماغ
اروى: هاتي
اريام: بس يعني مابي
سنين: اووه زودتيها انتي خذي
اريام: طيب يلا مع القوم ياشقرا
__________________________________________________ ______

انتهى البارت
اتمنى يكون نال اعجابكم
توقعاتكم ....................
سنين واريام شنو راح يسوون واهلهم بيدرون اولا
الياس ورند هل بيملكوا
ويزن ولارين شنو بيصير معاهم!!
اتمنى تفاعلكم

مع ودي واحترامي للجميع
حنين العشاق


cute..u.a.e..girl ©؛°¨غرامي مجتهد¨°؛©

واااااااااااااااااااااااااااااااااااااااااااااااو و الله انه الرواايه روووووووووووووووووووووووووعه و عجبتني هاي رند خخخ ههههه بليز كمليها و نزليها كامل و الله حمااااااااااااااااس مع انه المفروض اناا ذاكر علي امتحاننات بس عادي الرياضيات سهل..\\


التوقعات :

سنين و اريام: مدري شو بيسوون مع الثوب و الشماغ الصراحه

رند و الياس : بيملكوا بس و الياس بيفرح بس رند تزوجته بدافع الانتقام خخخخ

يزن و لارين : بينكشفوا و أعتقد الياس بيقول لرند السالفه عنهم و رند بتخبر الكل


و كملي الروايه بليييييييييييييز

حنين العشاق ©؛°¨غرامي جديد¨°؛©

حبيبتي مروورك اروع واروع
ولا يهمك انشاءالله انزل بارت بكرا
بس ذاكري ماوصيك ربي يوفقك اميييييييين


حنين العشاق ©؛°¨غرامي جديد¨°؛©

البــــــــــارت الثـــــــــآلـث


لارين : مييين؟

فتحت الباب
لارين : يزن

يزن :لا والله خياله وبصرخة يلا وخري خليني ادخل

لاررين : ماشي ماشي تفضل

لارين بأرتباك : بتشرب شي؟

يزن : ماني جاي اجابل وجهك واروق معك اجلسي خلصي

لارين: يزن ماعم بفهم سبب تعاملك القاسي معي

يزن بسخريه : بالله ماتدرين ! وبحدة المهم انتي صدق حامل!

لارين: شو رأيك يعني عم كزب عليك متلا

يزن: شوفي اذا ماتتكلمين معي عدل اذبحك بمكانك

لارين نزلت دمعتها : حرام عليك يزن حرام شو انا مش انسانه عم تعاملني هيك اهئ اهئ

يزن اشفق عليها وحس ع نفسه : افف لارين سمعيني انا انصدمت لما قلتي لي انك حامل انا انا اصلا مدري شلون بتحمل هالمسؤوليه شوفي انا مابسألك اذا ولدي اولا انا عارفك وعارف اخلاقك بس بس بصراحة ابي اتأكد انك حامل قومي معاي انروح المستشفى

لارين: شوو انت شو بتقصد بكلامك لاوكل هيدا وواثق فيني ماهيك

يزن وهو يظغط على اسنانه: شوفي بتقومي بالطيب ولا شلون

لارين وهي تمسح ادموعها : ماشي ماشي وراح اثبت لك انوا ابنك كمان اذا بدك
:::::::::::::::::::::::::::::::::::::::::::::::::: ::::::

بالمجمع

سنين: ههههههه ويلي خلاص مو بقادرة بنات قصدي شباب

اروى: ههه والله انه احساس حلو وانا اقول الشباب مستانسين انهم شباب ههه

اريام: تكفون خلاص خلونا نرجع بليز

سنين : جب جب انتي يالجبانه

اروى : شوفي خلونا نغازل هذول البنات شكلهم خوافين

سنين : يلا

اروى : هلاهلا بالحلوه ويش هالعيون ياربييه

سنين تغني : اذوب بعينك الحلوه وسكرها وحتى الدنيا انساها ولا اذكرها

اروى : انا اللي سكر عيونك يذوبني دخيلك لاتذوبني وسكرها

البنت تكلم اللي معاها : يمه بسرعه بسرعه خلنا نمشي
البنت الثانيه : ياربي يلحقونا بسرعه

اروى : ههههههه خلاص حرام وقفي سنينو

سنين : طيب خلنا نمشي نجلس بكوفي
اريام : لاتكفون خلنا نطلع
البنت : هاي شباب

اروى : هايات ياهلا

البنت : اممم بصراحة انت عجبتني ( تكلم اريام) ممكن الرقم

اريام: ها اامم لالا ماارقم

سنين: لالا هو قصده انه مو حافظ رقمه توه جديد شاري الشريحة سجلي عندك انا عندي رقمه

البنت تمسك جوالها : ههه اوكي كم !

بعد ماطلعو من المجمع وهم متلثمات

اروى : ههههههههههههه ويلي سنينو قدرتي تجيبينها

سنين : هههه اي يلا اركبوا السيارة بس

اريام ماصدقت ركبوا السيارة ومسكت عباتها بتلبس (( طبعا السيارة سوداء وفخمه ومضلله)

سنين : خير خير ريوم بنروح الكورنيش

اريام: نعم ماابي روحي انتي واروى انا راجعه البيت

اروى : اريامو بلا ثقالة دم يلا تكفيين عشر دقايق بس

اريام: اففف بس والله اذا احد شافنا بحطها فيكم مالي ذنب انا

سنين : قسم !!

راهيم ( السواق الفلبيني) : مس سنين كلاص وصل

سنين : يلا بنات

:::::::::::::::::::::::::::::::::::::::::::::::::: :::

ألياس : ابو صلوح

صالح: سم

ألياس : عطني قهوه اذا ماعليك امر

صالح : ماطلبت تفضل

ريان: اقول الياس نفسيتك اليوم غير شطاري اليوم اشوفك متشقق

ألياس : ابد والله مافي شي

صالح : ماعليك وراه شي

ألياس : الا اقول شباب قوموا نشوي اللحم من الحين ماباقي شي على الظهر

ريان: اييييييييوه احلى تصريفه

صالح : هههههههههه حلوه منك

ألياس : اقول انت وياه بلا كثرة حكي لو في شي قلت لكم


يتبع............

شوي وراجعه اكمله

حنين العشاق ©؛°¨غرامي جديد¨°؛©

تــــابع البارت

بقصر ابو يزن

رند : هلا والله هلا بسديم حبيبتي

سديم : هلا فيج يالغلا

رند : تفضلي شفيك واقفه

سديم: مدري عنك انتظرك تبعدي عن الباب عشان ادخل

رند: هههه لالابصراحة احرجتيني هههههه

سديم: ههه من متى انحرجتي انتي

رند بنص عين : شقصدك

سديم : مو مهم( ومسكت يد رند بحماس تسحبها عشان تجلس )يلايلا متحمسه خبريني بسرعه


رند: شنو اخبرك

سديم: بلا عباطة عاد عن خطوبتك

رند بدلع : اييي والله يمكن مااوافق

سديم تضربها بيدها : نعم ليه ليه

رند: ههه الا رديت على امي بالموافقه

سديم وهي تصفق من الفرح وتحضن رند : ياااااااي ياعمري بتتزوج صديقتي

رند: ههههه على هونك
__________________________

بالكورنيش

سنين : تبون ايس كريم

اريام : لا فاضيه انتي خلاص ابي ارجع يلا صار لنا ربع ساعه نتمشى خلاص قلتوا مابتطولون

اروى : اافف تراك اقلقتينا

.......: شباب تشوفون اللي اشوفه ؟
..........: شنو
......: هذول اللي قدامنا الثلاث

.......: اي شباب شنو
...........: ههههههه والله انك على نياتك ناظر عدل هذول بنات مبين

........: روح ياخي
......: طيب بثبت لك الحين تعال معي
سنين : ياربيييييي هذا راشد وخويه جاين لنا امشوا بسرعه

بس خوي راشد كان اسرع منهم

....... مد يده الى اريام : السلام عليكم كني اعرفك اخوي !

سنين مضخمة صوتها : لا والله مانعرفك يلا يا محمد امشي

.....: لالا وين لسى ماتعرفنا عليكم
اروى : والله ياخوي تأخرنا لازم نرجع بالاذن

..... مسك يد اروى : وين وين

اروى خافت : هد يدي

...........: هههههه ها شفت انهم بنات
ناظرهم عدل : سنييييييين
___________________________________

بالمستشفى

يزن : طيب يعني دكتورة الجنين كم عمره !

الدكتورة : خمس شهور تقريبا

يزن: خمس شهور امم طيب مشكورة دكتورة

لارين : دكتورة نحنا بدنا نحلل dna

الدكتورة بتعجب : Dna ليش انتوا مش متزوجين
لارين : امبلا متجوزين بس في رجال مابيثقوا بزوجاتهم

يزن بحدة : لاريين يلا قدامي

لارين بهمس: شو انت مابدك تعرف اذا كان ابنك او لا وبصوت عالي : دكتورة تقدري تساعدينا ولالا

الدكتورة : اذا بدكم مافي مشكلة

يزن : لادكتورة شكرا
وسحب لارين من يدها وطلعوا برى المشفى

وركبوا السيارة ويزن معصب وماتكلم ولا كلمه
ولما وصلوا الشقه

يزن مد يده وعطاها كف خلاها تطيح ع الارض
لارين : ااااااااااه يزن بليز خلص
يزن وبصريخ : ممكن اعرف شهالمسخره اللي سويتها ها مينونه انتي ها

لارين : مشانك مو انت بدك هيك ها

يزن : شسوي فيك انا ها اذبحك وافتك منك فضحتينا زين سكتت الدكتورة وماسوت سين وجيم

لارين: انت هيك بدك مانك مصدقني

يزن : بس ولا كلمه وخليني افكر فهالمصيبه

لارين : هلأ انا صرت مصيبه يزن انا بحبك ماتعمل معي هيك رجاءا

يزن : ايه مصيبه واللي في بطنك اكبر مصيبه وبلا كل كلمة والثانيه بحبك بحبك مفهوم

ووتركها تبكي وطلع من الشقه

___________________________________

بقصر ام عبد الهادي

راشد: قدامي ياللي ماتستحون يا......... وهو يشد شعر سنين

سنين : ااه يزن خلاص فكني

راشد: بس ياحقيرة وانتي ( يكلم اريام وهي تبكي) تبي اخبر اخوك وخالي هاا

اريام : اهئ اهئ لا راشد تكفى

سنين: راشد اريام مالها ذنب خلها تروح ولا تخبر احد انا اللي اصريت عليها ولا هي ماكانت تبي

راشد: جب واحمدي ربك ان امي وعبد الهادي مو بالبيت ولا كان رحتي فيها

ليلى : راشد شصاير
راشد: شنو بعد غير ام المصايب طالعة لي بالشارع بثوب وشماغ مع بنت خالك اريام وصاحبتهم

ليلى لانها تدري بالموضوع : اممم طيب ماعليه راشد فك شعرها انت تدري فيها طايشه

راشد: انا اعلمها السنع سمعيني زين عتبة البيت ماتطولينها فاهمه وبتجلسين بغرفتك

ليلى : مو الى هالدرجه راشد

راشد: ليلى لاتكوني تدرين

ليلى : ها لا مادري
.................................................. ..

انتهى البارت
اتمنى ينال اعجابكم

توقعاتكم

يزن شنو بيقرر بخصوص لارين

وراشد هل بيخبر احد عن سالفة سنين واريام

,,,,,,,,,,,,,,,,,,,,,,,,,,,,,,,,,,,,,,

cute..u.a.e..girl ©؛°¨غرامي مجتهد¨°؛©

ثاااااااااانكس عالتكمله يلا بقراه

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1