Mjroo7h ©؛°¨غرامي فعال ¨°؛©

بسم الله الرحمن الرحيم


سلآلآلآلآم علاكم قصدي عليكم

كيييفكم ؟؟

أر يو تمام ؟؟ << لآعد تحاولين تتكلمين انجليزي

المهم هالموضوع عجبني وحبيت أنه تقرونه وتضحكون زي ماضحكت :)


وهذا الموضوع زي ماقريته


::::::::::::



اول شي انت تدرون ايش هوا افضل شعور عندي في العالم<<<ابو التعبير يا معلم

تراني انا يومي اضغط على ايقونة موضوع جديد يجيني شعور مدري وشو بس احس اني مبسوووط مرهـ <<< برااااا

طبعا بعدها تبدأ سعادتي انا... اما انتم تبدأ معاناتكم الدائمه مع المواضيع اللي مدري ايش تبي بس اهم شي اني اقرقر شوي على روووسكم وبس <<< انت بتخلص والا كيف ؟>>> لا كيف <<< بطل سماجه ياملقوف >>> ايش تبي انت موضوعي وبكيفي

الموووهييييييم

طبعاً شرطنا في هالموضوع أن القراءه تكون للي فوق الـ 18 سواء المدير العمده ولا آخر عضو سجل ...
..

لكن دام هالكلام مر عليه اكثر من عشر سنين مهيب مشكلة ...

طبعاً النفس البشريّة توّاقة لمدري وشو ..<<< لاحظو التشكيل على الحرووف

والوسائل الحياتيّة في الماضي السحيق مهيب مثل الوسائل الحياتيّة في الحاضر البقبقيق ..<<<<اذا فهمتوها عطوني خبر

يعني من اول عشان الواحد يسمع صوت بنيّة كان يتعذّب ويطلع براسه كوع لا سمع الصوت

أما الحين حتى البزر اللي بالابتدائي صار عنده صديقة <<< صفو النيه

أوّل ماوصلنا للمتوسّط وبدت أجسامنا تكبر والشنب صار أخضر وفيه شعره وحده بالدقن والصوت كنّه صوت مكينة حلاقة وفي رواية كنّه صوت دبّاب توصيل المقاضي حق البقالات وبدت البنات يتغطّون علينا وحاصرتنا الهموم والأوهام وصراع فراق الطفولة والانغماس في المدري وشو ...

وبدت قواميس الكلام الوصخ في توسّع ولا تهون النكت الوصخة والصور الخليعة <<< الله لا يبلانا

كنا إذا شفنا صورة نجوى كرم على غلاف شريط كاسيت انواااع السعااابيل على الغلاف لدرجة انك تجي بعد فتره ما عاد تعرف ذا البيت لنجوى كرم والا لسعد جمعه <<< هووووووووع

عاد تتداول في المدرسة سواليف النصب كل واحد يقول إنه يعرف وحدة ويكلمها تليفون والنصّاب بعمره ماسمع غير صوت أمه واخته وشغالتهم << هذا إذا عندهم شغاله بعد ...

والشباب الحليلين يصدقون يقومون يرجعون للبيت ويبدأ المشوار ... << صفو النيه





كل واحد عقب ماينامون أهله يروح يسحب سلك التليفون وياخذه لغرفته ويبدا مشوار الاتصال على الأرقام العشوائية عسى إنه ترد عليه بنت ترحمه من العذاب اللي هو فيه

ويسمع أنواع السب والتهزيء والدعوات المستجابة والغير مستجابة ...

الاهم من ذا كله ...

كبرنا وكبرت أمانينا في البحث عن النصف الآخر دون جدوى

أول ما صرنا نسوق كان الترقيم على الرقم الثابت لأن الجوالات غاليه وقتهاا ... << غباار

ولأن الموتر ماهوب من زينه فما كان فيه أمل وحدة تدق ...

وإن دقّت فأمي لها بالمرصاد بتلعن تاريخ أفكارها ومهيب مقفلة لين تقنعها إنهم يصلون الفجر جماعه وإلاّ تتوبين غصب عن اتصالات الليل ....

والله عانينا ياشباب قسم بالله وذقنا المر ولا أحد حس فينا للأفس الدشيش <<< بدت الشحدهـ

عاد يوم أنتهى العيد وبدت الدوامات قبل فترهـ بسيطه وجلسنا نتجاذب أطراف الزوليه ...

تذكّرنا أيّام العيد يوم كنا صغار كنا ماغير طراطيع وصواريخ ومزح بايخ

نشب الطرطيع ونحطها بجيوب بعض وتنفجر ونرجع بيوتنا نعرج لمدة سبع سنين <<< احس اني بديت ارحمك ههههههههههه >>> اطلع منها انت وجبهتك

أما الحين الوضع جداً مختلف...

أذكر مره كنت معزوم عند واحد من الزملاء قبل فترهـ مهيب ببعيدهـ في بيتهم كان عندهم مناسبه كبيره ...

المهم شفت البزارين كل واحد فيهم ماسك جوال وقاعد مدري وش يسوي فيه

عاد طقّتني اللقافة كعادتي ورحت قعدت بجنبه قام حاول يحط الجوال بجيبه عشان لا أشوف

قلت له وش جهازك ؟ قال إن 80 قلت هو زين ؟؟ قال أيه رهيب مره بس إذا نزل جهاز بعده بغيره << عاد أنا للحين على إن 70 ولا قدرت اغيره <<<<< هههههههههههه مدري ايش تحس به وانت تكتب خخخخخخخخخ

عاد قعدت أسحّب فيه يمين ويسار وقلت له كم فاتورتك؟
قال 600

قلت أووف ليييه؟ تغازل؟؟ قام تلوّن وجه الولد

توّه بثاني متوسّط قال لا لا وش اللي أغازل

قلت عادي يابن الحلال يوم كنت كبرك كنت أعرف 3 <<< إيه هيّن

قال والله يا ابو الشباب كلنا نعرف بنات مهوب بس أنا

قلت من غيرك يعرف؟
قال فلان وفلان وفلان وفلان

كلهم أصغر منه ...

كنت بقول عرفوني على وحدة تكفون بس استحيت لأني توني كاذب عليه وقايل له إني يوم كنت بالمتوسط كنت أعرف 3 يعني بالنسبة والتناسب المفروض الحين أكون أعرف 300

قلت شلون تتعرفون عليهم؟

قال نروح الأسواق ونشغل البلوتوث ونرسل أرقامنا ونتعرف عليهم << تطور الشعب

قلت له البنات كبار ولا صغار؟
قال فيه بنات كبار وفيه بنات بعمرنا

ماقدرت أكمّل السالفة معه بصراحة ...
أحس اني وقفت بوسط المجلس وفجأة صارت فيه خلفية موسيقية بصوت ربابة حزينة ودمعتي نزلت وقلت ليه يايبه استعجلت وجبتني ذاك الوقت ليه ليه ليه <<< ههههههههههههههههه وربي اثاريك مسكين ارحموه يا عيال >>> لا تقط في اخوياي يا اللي تكتب بين الاقواس

يعني هذا البزقه الصغير بالنسبة والتناسب بعد 10 سنين بيصير يعرف حوالي 3175 بنت ..

وحنا اللي ضاع شبابنا وحنا نغازل بالأسواق ونتهزأ ونتصفّق <<حلال فيك

إيييه كنا نتصفق لين ندووخ على أيام كنا نسمع علي عبدالكريم مطرب الشباب ماكان فيه إلا محمد عبده وطلال الله يرحمه وعلي عبدالكريم هم المتسيدين الموقف ومكتسحين الساحة...

المشكلة كنا نسمع أغاني حب وحنا ماحنا لاقين نملة تسولف معنا نعنبو القهر <<< انا ما قلت انك مسكين

مين رماااني رماااني فيييك يابحر الإثاااارة

ناعم الأوصاااف وررردي وررردي العبااارة <<< عليك اغنيه خخخخخخخ >>> انت يا غبي قدر شعوري


وذا المبزرة البزقه تاركني أعاني وهم شغالين مسجات غزل ورسايل وسائط وأغاني ...


عاد تذكّرت واحد من عيال الحاره كان عندهم بنت جيران اسمها منيرة <<< ركزووو

حاول يغازل منيرة مليار الف مرة لكن ماتعطيه وجه ....

معها عذر والله .. لعنبو شكله عليه خشّة تقول خشّة قرد مضيّع بلنتي بكاس العالم ...

وآخر شي ملّت منه وراحت علمت أبوها قام أبوها علّم أبوه ... وأبوه كعادته تسبب في عاهة مستديمة لولده من كثر الطق ((باللّي)) البرتقالي حق الاسطوانه

المهم جينا راجعين من المدرسه قال تعال نبي نروح للبقاله قلت يالله مشينا....
راح هالولد اشترى بخّاخ بويه وكتب على جدار بيت جيرانهم

" الله يلعن أمّك يامنيرة " << بدون الشدّات والهمزات طبعن عشان كذا كفشووهـ

حب عنيف مهوب حب هالأيّام اللي الواحد لو قالت له حبيبته انا مشغوله ماقدر أكلمك اللحين جلس زعلان عليها سنه ....


احس اني بجيب العيد اذا واصلت عشان كذا بسكت الى وقت لاحق ...<< مدري من وين طلعت لاحق ذي


وسلاامتكم .


::::::::::



هوووع

هأأأ اش رايكممم ؟؟

ي ربّ يكون أعجبكم



Melaa ©؛°¨غرامي مشارك¨°؛©

ههههههههههههههههههههههههههههههههههههههههههههه
وربي ما قدرت اوقف ضححك
اختي نايمه .. وكل بعد شويه تصحى
^^^ ترى اختي فيها عرق لقافه ههع
اهم شي لعنبو شكله عليه خشّة تقول خشّة قرد مضيّع بلنتي بكاس العالم ...
يعطيك العافيية خيتو
ششوودي ~.~

ياتفارق ياتحب... ©؛°¨غرامي فعال ¨°؛©

هههههههههههههههههههههههههه

يجنن مررررة

اكيد اعجبني

دمتي بووووووووووووووووووووود

آتعبني غلآك** ©؛°¨غرامي نشيط¨°؛©

~‘‘&‘‘~



‏‎ ‎ههههههههههههههههههههههههههههههههههههههههه
والله رحممته

يسلمو والله





~‘‘&‘‘~

اتحادي مووت عضو موقوف من الإداره

هٍهَهُهٍهّهْهِهًهَهٍهِهَ..~

يُسٍلمُـوُوٍـوُـوٍ..~

مُـرٍ مُنٍ هُنـآإ..~

ـآإتُـحآإديٍ مُـوٍوًتِ..~

*صاأحبة العيون الناعسه* ©؛°¨غرامي مجتهد¨°؛©

هههههههههههههــــــآي...

مسكيـــــــــــــن بعدين احسن له المغزل موب حلوو قرف خخخ... عجبني كثير...

يسلمـــــــــــــــــــــــــــــــو...

و يعطيكــ ـ ـ العأآإفيهــ على الطرح النآيس ...

بإآأنتظأآر جديدكــــ ـ ـ...

هيبة وداع .!« ‏أعيش بداخلي أكثر .. الخارج ليس أكثر من صدى.

ههههههههههههههههه حسبي الله عليه من ولد ههههههههههههههههه ياكثر هرجه ماشاء الله ...
اجل منيرة ياجعلك مانيب قايلة وليه ليه ليه يابوي جبتني ذاك الوقت ههههههههههههههههههههههههههههههههههههههههههههههه طيب خلاص ههههههههههههههههههههههههه انتو يالخلجيين كل بنت تكلموها اسمها منيرة شكلكم ههههههههههههههههههههههههههههههه حتى في الروايات دخلت منيرة غلط هههههههههههههههههه مانقدر عليك ياعبد الحليم حافظ ههههههههههههههههههههههههههههههههههههههههه يابن زيدون هههههههههههههههههههه
راق لي يالغلا ماراق لك فعلاً لاخلا ولاعدم ....

إغاثه. ©؛°¨غرامي فعال ¨°؛©

هههههههههههههههههههه بصراحه يححححزنن رحمته خخ
يثلمموو..

عاشقة مخاوي الليل ©؛°¨غرامي نشيط¨°؛©

ههههههههههههههه

يسلمووووو

RedbullAD ©؛°¨غرامي متألق ¨°؛©

،،


،،



هُهُهُهُهُهُُّهُهُهُهُهُهُهُهُهُهُ ،،


يسلمؤ ع آلمؤضؤععُ


تحيآتي



,,

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1