فديت كوني وجنوني ©؛°¨غرامي جديد¨°؛©

يالي تبغى نبذة عن حياة مجروح
يكفيك عن طول الشرح روس الاقلام

اول حياتي بدنيتي انسان مجروح
وزادت جروح القلب مع مر الايام

كن الزمن علي بالجرح منصوح
وكن الجسد مشتاق للجرح بهيام

ياكثرها اطعون هالوقت بالروح
وياكثر خناجر متعلقه بين الانسام

بعض الجروح يجي لنزفها فوح
لامن رجعت بالذاكره وطيفها حام


القلب حزّن وصافي الدمع مسفوح
وقت مضى تبكي عيوني وانا انام

من دون ما أشعر وانا نايم انوح
وصحي واشوف الدمع بوسادتي حام

كنت احسب اكبر همومي هي جروح
ماكنت ادري اني في دنيا الأوهام

زادت على جروحي حرمان وشحوح
محروم اتهنا حتى في طيف الاحلام

حتى السعاده لو حلم عيت لي تلوح
ومدري بعد وش تخفي الايام قدام

صفحة حياتي كتب بها الوقت مجروح
وكتب محروم وزادت الظلمه اظلام

دفتر حياتي بيديك ياوقت مفتوح
اكتب دام الحزن هو حبر الأقلام

وش حيلة الي بسيف الاحزان منطوح
وماعنده الا الصبر له درع وحزام

ابصبر دام الوقت بالجرح مشفوح
ولا ضاق صدري مع البر سجيت الأقدام

عاهدت قلبي اني اصبر ولا ابوح
وعاهدني يشيل الهم على طول الأعوام

واعدني وواعدته بصوت مبحوح
مانخون لين نلف انا وياه بابيض الخام

حبيت اوضح لحبيبتي خافي الروح
ماودي من حبيب الروح اني انلام

ابيه بس يعذرني لاجيت ابا روح
وابيه يدعيلي كل ماصلى وقام

هذي حياتي بديتها انسان مجروح
واليوم محروم في دنيا الاوهام


صمــت آلمشــاعر ©؛°¨غرامي نشيط¨°؛©

يـــســلــموؤوو خيتو
ويشرفني اول من يرد عليچ

تقبلي مروري

Fahd _ alShammari ©؛°¨غرامي مجتهد¨°؛©

لم يتم تحديد المصدر ؟

اي نص دون تحديد مصدر ينقل لقسم المنقولات الادبيه

اذا كان النص بقلم العضو يُطالب به ويعاد

واذا كان منقول يكون نُقل لمكانه الانسب

احترامي


عبدالله عبيدي عضو موقوف من الإداره

يعطيك العافيه على روعه النقل
لكن المعذرة بنقل طرحك
لقسم المخالف للفترات الزمنيه
لان لك طرح في القسم و ننتظر جديدك
https://forums.graaam.com/495436.html

أدوات الموضوع
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1