منتديات غرام روايات غرام أرشيف الروايات المغلقة - لعدم إكتمالها روايتي : ياحلو الأيام لو ترجع على كيفي ما كان قلبي شكى فراق مواليفه
جذابه وعيونها خلابه ©؛°¨غرامي فعال ¨°؛©

((السلام عليكم ورحمت الله وبركاته))

اهلا بل بنات وشباب
اقدم لكم روايتي الثانيه واتمنى من كل قلبي تعجبكم وابغا ردود حلوه حلوه وتشجيع منكم
رواية((يا حلو الايام لو ترجع على كيفـــــــي
ما كان قلبي شكى فرقا مواليفـــــــــه))^_^
راح انزلكم بارت بارت
في كل اسبوع
ويمكن اقدم
او اخر
على حسب
تشجيعكم لي
^
نبدا
^
((( بسم الله )))

##$$$##

((لا اله إلى الله))
\
\الجزء الاول
**في بيت ام صالح**
///أختي الصغيره مناير تصيح ....تبغا من أمي فلوس عشان تطلع مع بنت الجيران إلي فوقنا وتشتري من بقالة جدتهم
مناير :مامي والي يخليك عطيني بس خمسه ريال تكفين مامي الله يخليك^^^%%
أمي في المطبخ تصلح الغدا عشان اذا رجعنا من المدرسه ومناير تزن فوق راسها
أمي:يابنيتي والله مامعي ولا ريال والله
مناير:طيب قولي لأبوي
أمي:ليه متقول يله أنتي
مناير لا ماما أنا أخاف من أبوي اذا شافني على طول يصرخ في وجهي
تدخل أختي الكبيرة ألي هي ملاك
((ملاك أختي أبوي زوجها من واحد اكبر منها بكثير بس عشان ابوه من الشيوخ الكبار وراعي شركات وفلوس))
ملاك :السلام عليكم
أمي:وعليكم السلام ورحمة الله وبركاته
مناير:ماما يله أبي اروح بسرعه
ملاك:خالتي وش فيها مناير
امي: تبي فلوس
ملاك :ااه تعالي يامناير خذي هذي عشره ريال خذي منها خمسه وغبي الباقي عندك اوكي
مناير :طيب شكرا ملاك
ملاك:عفوا يله روحي بسرعه
طلعت مناير اختي وراحت لبيت الجران عشان البنت الي كبرها لميس
امي :ليش تعطينها انا مابي تخرب علي زي في ذيك المره يوم عطيتيها خمسه صارت ماتطلب الى خمسه
ملاك :خالتي خليها شوي وتكبر وتتفهم الوضع زي اخواني
امي :حسبي الله ونعم الوكيل بس لواقدر اعطي صالح سياره
وسالم جوال
وسلمى لابتوب
(كنت دايم اطلب من امي لابتوب واخوي التوم سالم جوال وصالح اخوي الكبير يبي سياره وامي تقول والله لو اني اشتغل كان كل راتبي لكم بس ياليتني اشتغل ياليت )
ملاك:خالتي سيجعل الله بعد عسرا يسرا اصبري و كل اخواني متفهمين ومناير بتكبر وتتفهم
امي :الحمد الله على كل حال الحمد الله
ملاك اجل استاذن
امي:وين

ملاك:والله اني تعبانه شوي وابي انام
امي اجل يله نشوفس بكره انشاله
ملاك:انشاله
(راحت ملاك)
دخلة انا وسالم وصالح بعد جهد وسلمنا
على راس امي

انا:يومه شفتي سالم ولدك هل مجنون بغا يموت
ام صالح :ليه بسم الله على ولدي
صالح:يقطع الشارع لا يشوف لايمين ولا يسار ويجيك راعي الجيب طاير بس الله ستر وقف فرامل في اخر لحظه
سالم:يومه احس بدوخه و ابي اكل جوعان
ام صالح:يله هذا الغدا بخلص رح غير وتعال تغدا
سالم:انشاله
ام صالح:الله يحفظكم ويخليكم لي بس
دخلت الغرفه رميت الشنطه وغيرت ملابسي وتوني استلقيت ابغا ارتحاح الى اسمع صالح ينادي امي
صالح:يومه يومه تعالي بسرعه سالم سالم
جت امي لم صالح وانا اركض وراها
دخلو الغرفه :سالم على الارض وصالح مقعده ويهزه
صالح:سالم سالم قم وشفيك
سالم بالم وجهد:مادري احس بدوخه وراسي يوجعني اه يومه اه والله يوجع
ام صالح:بسم الله عليك يا وليدي صالح قوم خلنا نوديه
صالح:يومه وشلون ابوي مب فيه
ام صالح:اه بس ياليت معك سياره ياليت.. طيب قول لابو لميس خله يعطيك سيارته
صالح :يمه ترانا اتعبنا الرجال معنا
ام صالح :بس يوليدي حنا مظطرين
راح صالح وهو كاره لم جارهم ابو لميس وقاله ابغا سيارتك عشان اخوي سالم تعبان...(( ماقصر ابو لميس عطاه السياره)) راحت امي وسالم وبقيت انا في البيت ماادري وش اسوي ادق على ابوي والا علا ملاك
سلمى ..ياربي وش اسوي مابي ادق على ابوي
بس ملاك وش دخلها
وانا افكر اسمع صوت الباب لا اراديا قمت طايره وعلى غرفتي دخل ابوي وقام ينادي امي وطبعا محد رد طلعت من غرفتي
ورحت لابوي
ابوي:هي انتي يا بنت وين امك
انا:امي راحت المستشفى عشان سالم تعبان
ابوي:وتروح بدون ماتشور ولا شئ امك هذي عليها حركات ناس ماتربو واخوك سالم بعد بس انا بربيهم
انا في نفسي: اخي مربي والله مربي احسن تربيه
دخلت مناير في الوقت الغلط وابوي يهاوشها ويهزأها ليش تروحين ومناير ياعمري ماسكه كيست البطاطس الي شرتها وجايه تبي توزعها علينا تفاجأت ان ابوي الي مطب البيت من تقريبآ
ثلاث اشهور فيه هلحين وبعد هوشة ابوي
راحت بسرعه لم الغرفه وصكت الباب بقوه
اخذ ابوي جولة التفقد على البيت وفجأه رن التلفون رحت برد بس ابوي اخذ السماعه مني ورد على امي
امي وهي تصيح بقوه:الو
ابوي:خير
امي :ياعبد العزيز سالم تعبان
ابوي:انا اعرف هلولد نصاب ارجعو البيت هل حين والله انكم تفشلون ماخذين سيارة الرجال ورايحن للمستشفى عشان سويلم اما صويلح شغله عندي
امي:تصيح بقوه
ابوي:وشفيك هي تكلمي
امي تصيح بقوه وابوي يصرخ يبغا يعرف وشفيها
ابوي :الو هي ...............طووووووط وانقطع الاتصال
سكت ابوي شوي وبعدين صك السمعاعه وراح ..ستغربت من تصرف ابوي وعلى طول اخت السماعه حاولت ادق على ملاك
بس شكلها نايمه
ياربي وشفيه سالم اخوي توأمي يارب مايكون فيه شي يارب وبعد الدعاء من قلب تذكرت مناير ابوي هاوشها
دخلت الغرفه لقيتها نايمه في الزاويه وهي ضامه كيست البطاطس طاحت ادموعي وصرت اصيح شلتها وحطيتها على السرير جيت ابطلع نادتني
مناير :سلمى
انا:نعم
مناير:ابوي راح
انا:ايه
مناير :سلمى صدق تحبين ابوي
انا:ايه وانتي
مناير:الصدق لا انا اكره ابوي ابغا اصير زي لميس ابوها يحبها ودايم يوديها البقاله ويشتريلها العاب بس انا ابوي اذا شافني بس يصرخ علي
انا:مناير خلاص لا تتكلمين عن ابوي كذا
مناير:طيب خوذي بطاطس شريته لك من جدة لميس
ولصالح وسالم وامي بعد
ايه صح سلمى وين امي وصالح وسالم ماشفتهم وينهم
انا :سالم تعب شوي وودوه للمستشفى عاد تعرفين سالم خواف
(قلتها مو من قلبي بس عشان ما تخاف) يله نامي وطلعت وسكرت الباب ورحت لصاله احتريهم يرجعون شوي ويرن التلفون ثانيه قمت طايره ورديت
انا:الو
ملاك :هلا خير عسا ماشر وشفيك صوتك متغير
انا فكرت تدري والا لا ياربي طيب اقولها لامنيب قيلتلها :انا ماشر
ملاك: الحمد الله
انا اسلكلها احاول ما ابين شي
ملاك:وين خالتي
انا :امي ؟؟
ملاك ايه
انا:امي في الحمام
ملاك :اجل مع السلامه
انا:مع السلامه
صكيت السماعه وعلا طول يرن مره ثانيه رديت
صالح:الو
انا:الو. هلا.. صالح وينكم.. وش صار ...وشفيه سالم
صالح ساكت وحسيته يصيح
عرفت ان صالح بيقول سالم مات بديت ارتجف واتمنا مايقول شئ
بس كانت الصدمه
صالح :سلمى امي .......وتنهد اخذها ربي وربك
انا:مقدرت استوعب شي طاحت مني السماعة وجلست على الارض
افكر وشلون امي سالم وشو السالف وصرت اصيح
صالح:سلمى ...سلمى
أخذت السماعة
أنا :......
صالح:سلمى والي يخليك لا تدري منور ولا سالم يدري وأنا الحين بجي
أنا :........
صالح:مع السلامة
أنا:لا لتروح وأنا
صالح اقولك بجي بس أهم شي مناير وسالم لا يدرون ودقي على ملاك وقوليها
أنا وبصدمه:لا انت دق
صالح: طيب مع السلامة
أنا:....مصدومة... وصكية السماعة ......
وجلست في الصالة أصيح وأفكر وشلون بنعيش الحين ؟؟!وشلون بعيش بدون امي
شوي دخل صالح وهومتاثر وجاء وجلس معي يحاول يهديني
صالح:سلمى خلاص هذا بيد ربي
انا:صالح وشلون ماتت
صالح:................
صالح يكلمها شوي طاحت على الارض مسكها وصار يهزها

((*&%%%&*))
في بيت ملاك بعد ماجاها الخبر
ملاك اختي من ابوي امها توفت وهي بعدها صغيره اخذها ابوي لم مرته الثانيه بس انها مابغتها عشان كذا عاشت عند امي

ملاك جالسه على السرير وتصيح وتفكر ..يااحرام الحين اخوني وش بصيرلهم معقوله ابوي بوديهم عند اريج((زوجته الثانيه))ياحرام اختي منور توها صغيره ياربي تووت لازم اتصرف((رن جوالها وردت على صالح))

((_في المستشفى_))
راحت ملاك لصالح ودخلو عند سلمى الي كان وجهها هادي جدآ راحت ملاك لها ومسكت يدها
ملاك....الله يقومك بسلامه ياقلبي
طلعو وشوي رن جوال ملاك **المتصل سعود**
ملاك:هلا
سعود:وينك
ملاك:قلتلك بروح لم اخواني في المستشفى
سعود:طيب يله ارجعي شفتيهم خلاص **%%
ملاك:سعود شفيك هذولا اخواني اذا ماوقفت انا معهم مين بيوقف
سعود:اقول بلا كلام فاضي عندهم ابوك الي يسمعك يقول يتامى ارجعي احسن لك لايصيرلك الي مايرضيك احتريك.,’&* وسكر طوط طوط
ملاك:الو سعود..اف ياربي منه
ملاك لفت على صالح الي سرحان ويفكر ((امي توفت الله يرحمها وسلمى تعبانه وسالم الشين)) ياربي وش اسوي
ملاك :صااااااااااااااالح
صالح نز:هااه وشفيك
ملاك سنه اناديك
صالح:وش تبين
ملاك:صالح الحين انا بروح سعود يبغاني
صالح:طيب الحين انا وش اسوي مناير عند الجيران والوقت متاخر اروح عندها ولى اجلس عند اخواني فعشان؟؟ كذا الله يعافيك خليها تنام عندك لين القالي صرفه
ملاك :انشاله
(( جلس صالح على كرسي....
الاستقبال وهموم الدنيا.....
على راسه فيه احد تموت.....
امه بنفس اليوم..........
إلي تعبو خوانه فيه....))
صالح يفكر........ ياربي بكرا العزا واخواني كل واحد مريض وابوي ولا على باله يووه وش بسوي اذا جو الناس يعزون’’’
((اسأله مالها اجوبه يسألها صالح ))
(ننتضر ونشوف القدر وش بسويله ووين بوديه)
..كانت مصيبته الكبرا يوم امه متت ما عرف ان المصيبه الكبرا بعد وفات امه..
انتها البارت انتضروتي في البارت القادم
**وانتضر ردودكم باحر من الجمر**
وابغا الصراحه^_- بليز
((اتمنى تنال اعجابكم))^_^


همسات وردة ©؛°¨غرامي فضي¨°؛©

السلام عليكم ورحمة الله

حياك الله بغرام .. تقولي روايتك الثانيه !! وين الاولى ؟؟
طرحك للاحداث بشكل سريع يضيع للقارئ متعة الاحساس فيه
وياليت تنتبهي لكتابة كلمة " ان شاء الله " بهالشكل ..



https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


بالتوفيق ان شاء الله


Shyqa ©؛°¨غرامي جديد¨°؛©

جمميلة جددا ..
طرحك ححلو شوي الرواية
فيها غموض وانتي تسردينها لكن ححلوة
متابعة لك .. اتمنى تنتبهين للاخطاء الاملائية اكثر
ودي لكِ

جذابه وعيونها خلابه ©؛°¨غرامي فعال ¨°؛©

اشكرك كل الي ردو
وانزل لكم البارت الثاني
دقايق بس

جذابه وعيونها خلابه ©؛°¨غرامي فعال ¨°؛©

((بسم الله الرحمن الرحيم))

###$$$###

(( لا اله الى الله))
/
/
((الجزء الثاني))

بيت سعود
قامت ملاك من النوم اخذتلها شور وطلعت راحت غرفت سعود
طقت عليه الباب محد رد دخلت مالقته
ملاك::اكيد عند نور (_زوجته الثانيه_)
طلعت وراحت الغرفه الي فيها مناير
قومتها ولبستها وتصلت على السواق وراحو الى بيت ام صالح


بيت ام صالح
صالح طول امس في المستشفى عند اخوانه وبعد ماتطمن عليهم
رجع البيت وهو تعبان وطاح ع السرير ونام على طول....
رنت الساعه ::::
انقلب يمين يسار وبعدين قام وطفاها
ورد نام وشوي ويسمع التليفون
صالح ::اوف ياربي
قام ورد
صالح :الو
ملاك :الو وينك لا يكون نايم
صالح:الى نايم وقومتيني اوف منك
ملاك:اقول قوم افتح لي الباب
صالح:طيب الحين جايك((وصك السماعه))
فتح لملاك ومناير
دخلت مناير وسلمت ع صالح وراحت لغرفتها تبي تقوم سلمى
.....دخلت مالقت احد...
وراحت غرفت صالح وسالم ....بس مالقت احد.....
طلعت عندهم
وشافتهم جالسين
مناير:ملاك وين امي وسلمى وسالم
ملاك:تنهدت ونزلت راسها
صالح:منوره ماماراحت
مناير:وين راحت من امس ماشفتها
صالح :راحت انشاء الله للجنه
مناير:طيب متى ترجع
راح صالح ومسك مناير من كتوفها
اسمعي مناير ماما سافرت بعيييد
وما تقدر ترجع
مناير:طيب ليش تاخذ سالم وسلمى ولا تاخذني معها
صالح :لا سالم وسلمى انشاء الله بكرا يرجعون ......ورحي بدلي ملابسك عشان اوديك عند لميس((بنت الجيران))
منايربضيق : طيب((وراحت))
قام صالح وهو راااحم مناير مرره
ملاك:صالح وش سبب وفاة خالتي اميره كنت ابي اسألك امس
بس شفتك مشغول
صالح بضيق:طبعآ انتي تدرين ان امي فيها مرض القلب
ومن عقب مادرت عن مرض سالم اخوي اغمى عليها
وقلت نبضات القلب
حاولو ينشطون النبضاة
بس القلب توقف عن النبض ((ونزل راسه)) وتوفت الله يرحمها
ملاك:الله يرحمها
وبعدين سكتو كلهم
قطع صالح الصمت:ملاك الحين لازم انسوي عزاء
ملاك:طبعآ ليش تسأل
صالح:ما ادري وشلون اتصرف وانا لحالي
ملاك :اجل انا وشوله جايه اليوم..اسمع انا كلمت ابوي وقلتله
وهو قال انه بيسوي كل شي عنده بل بيت
صالح وهم انزال عنه :والله
ملاك:ايه الحين انت لاتشيل هم انتبه لخواني وبعدين يصير خير
صالح:انشاء الله يطلعون من المستشفى
ملاك:امين ويله خلنا نروح لمهم
::::راحو ملاك وصالح للمستشفى وحطو مناير عند ابو لميس::::


بنتقل لعائله جديده وهي عائلة((سعود وعياله))
قام سعود من النوم
وصار يهز نور يبي يقومها
سعود:نور حبيبتي قومي يله
نور:لا حبيبي مابدي اوم روح عن زوجتك وحبيبتك الى مابتسسما
سعود:انت زوجتي حبيبتي
نور:لا على مين حبيبي
سعود بطفش:ايه والله هاذيك متزوجها بلغصب يعني وش ذنبي عشان تزعلين مني
نور:لا خلاص مازعليت بس يعني خليني انام شويا
سعود بعصبيه:يابنت قومي و قومي العيال بلا نوم زايد
نور:طيب طيب مابتعصب علي
""قامت نور وصحت حمود وتولين ""
نزل سعود من الدرج وشاف عياله عند التلفزيون
سعود:حمود حبيبي تعال عندي هنا
قام حمود وجلس عند سعود
سعود:ليش مقربين عند التلفزيون ماقلتلكم ارجعو ورى عشان
ماتعوركم عيونكم
حمود:ايه بس نسيت بابا
سعود:خلاص اوعدني انك ماتقرب
حمود :وعد
سعود:وانتي تولين
تولين وهي ترجع ..انشاء الله بابا
((جلس سعود معهم وهو يلعبهم))

"""في الستشفى""""
وصلو ملاك وصالح
صالح///راح لغرفت سالم
وملاك///راحت غرفت سلمى
دخل صالح شاف سالم قايم
صالح :السلام عليكم
سالم وعليكم السلام
صالح الحمد الله ع السلامه
سالم:الله يسلمك
صالح:هاه بشر وشلونك الحين خوفتنا عليك الله يهديك
سالم:لا الحمد الله احسن بعدين وراك جاي لحالك وينهم ؟؟؟ولا مايبون يطمنون على حبيبهم
صالح:من قال اني لحالي معي ملاك
سالم:وش دخل ملاك؟؟
صالح:ملاك ختك بعد
سالم بكره :صالح عن المصاخه تكفى
صالح:ليش شفها جايه تتطمن عليك
سالم:ايه احسن من سليموه الحمدالله اخوها وما تسأل عنه ولا شي
صالح تنهد:ومن قال انها ما تسأل اقلقتني عليك وكله تسأل عنك
سالم:صدق خخخخخ لهدرجه انا محبوب بينكم
بعدها سكت ونزل راسه بحزن ويفكر
صالح:وشفيك؟؟
سالم:هاه لا مافي شي
""صالح يناضر سالم ...وسالم منزل راسه ويفكر"""

دخلت ملاك ع سلمى
الغرفه بارده ومضلمه وسلمى ع نفس الحاله
راحت لمها ملاك
ملاك:سلمى
سلمى...........
ملاك:سلمى اسمعيني ترا صالح محتاج لك مررره
وكل انسان بيموت
متى تقومين وتساعدين صالح الي يبي يرجع البيت مثل ماكان
او احسن
سلمى :............هدوء وسكينه
سلمى مسكت يد سلمى وباستها ع راسها وصارت تصيح
""وبعدها طلعت وراحت غرفة """ سالم
دخلت شافت سالم نايم وصالح موعنده
طلعت وراحت لم سالم وتوجهو الى قصر ابوهم
""ملاك دايم تزور ابوها في بيته عشان كذا ماخذه عليه مره""
ام عيال ام صالح الي هي((اميره)) ماعمر احد زاره
وقفت السياره عند قصر فخم وكبير
نزل صالح عند البوابه ونزلت معه ملاك
دخلو الحديقه ورنو جرس انفتح لهم الباب
الخادمه:اهلا مدام ملاك تفضلي
ملاك:اهلا وين بابا
الخادمه:في مجلس مع رجال
ملاك:اه طيب ....لفت ع صالح....
ملاك اسمع صالح ادخل مع الباب الي ورى عشان هيناك الرجال
اوكي
صالح بتوتر ورهبه من المكان:هاه طيب
طلع صالح وتوجه للباب الي ورى
كان فيه ناس كثير
دخل صالح واول مره يجيه شعور انه يبي يشوف ابوه
((^_-طبعاآ يا الخو ما تعرف احد من بين هل حشد كله الى هو خخخ))
7
7
7
7
صالح:جذابه انتي وش دخلك معنا طسي وخلينا انكمل القصه
7
7
جذابه: طيب طيب بسم الله علي اكلتني كمل يله الدور
7
7
7
ناس في الجلس وناس في الحديقه الخلفيه
دخل المجلس شاف ان اكثر الي فيه رجال شيبان
طلع الحديقه اكثر الي فيها شباب
تنهد وجلس ع الكرسي
وهو جالس مرو من عنده ثلاث شباب
اشكالهم غير عن الموجودين لبسهم عادي وباين عليهم انهم ناس على قد حالهم
سلمو ع صالح
الولد1:السلام عليكم
صالح :وعليكم السلام
الولد1: ممكن تقولي من انت
صالح :انا ولد المرحومه
الولد2:اوه يعني انت ولد خالتي اميره معقوله
صالح:ايه انا ولد اميره وانتم مين عياله
الولد2:احنا نصير عيال خالتك
بس الله يرحم الحال عيال خالتي ولا اعرفهم والله الدنيا غريبه
صالح:ايه والله انا الدنيا غريبه
الولد1:اوووه لحضه انت اسمك صالح صح
صالح:ايه وانتم
الولد1:انا يزيد
الولد2:انا طلال
الولد3:انا ماجد


بس خلص البااااارت هاذاااا
انتضر انتضر انتضر
انتضر انتضر
انتضر
ردووووووودكم بليززززززززز


جذابه وعيونها خلابه ©؛°¨غرامي فعال ¨°؛©

افاااااااااا وين الردود
على العموم انزل البارت الثالث

جذابه وعيونها خلابه ©؛°¨غرامي فعال ¨°؛©

((لا اله الى الله ))
7
7
7
7
شوي اخذتهم السوالف وصارو يتعرفون على بعض اكثر
صالح وهو جالس شاف ابوه عبد العزيز يمر من عنده
قام وراح له

صالح:يبه
عبد العزيز:صالح؟! وش جابك
خنقته العبره وفي نفسه:وشي الي وش جابني هينا والى ماتبيني اجي عزا امي بعد
قطع تفكيره ابوه :صالح

:سم يبه
:اسمع بكرا تشيل اغراضك انت واخوانتك وبخلي السواق يمركم
عشان تجون عندي خلك جاهز
:وشلون يعني بنعيش عندك
:اجل وش رايك اخليك انت واخوانك تعيشون بلبيت لحالكم
اسمع ترا رحمه مني اني ابي المك انت واخوانك في بيتي وبكرا مايصلون العشاء الى انت واخوانك هنا
بكدر وضيقة صدر:انشاء الله يبه

وصلو صالح وملاك لبيتهم نزل صالح وهو يفكر وشلون بيعيش عند ابوه

دخل الغرفه وصك الباب ورمى نفسه ع السرير
شوي انطق الباب ودخلت ملاك
ملاك:صالح اسمع معليش بس والله ما اقدر اخذ مناير عندي اليوم

تنهد وهو متفهم الوضع:خلاص خليها هنا وروحي
سدحت ملاك مناير الي نايمه بهدوءع سرير صالح وطلعت

صالح وهو يتأمل وجه مناير الي كله براءه وطفوله
حس بل حزن علبيها مره

شوي وراح بسابع نومه


دخلت ملاك بيتها

شافت السعود عند التلفزيون كانت تبي تصعد الدرج بس وقفها سعود:

كم الساعه الحين ؟؟
:مادري
:الى تدرين الساعه الحين ثنتين
:طيب مدامك داري ليش تسأل
:اعتقد مافي حريم يرجعون بهاذا الوقت الى الي (قاطعته)
:اقول لا تقعد تلف وتدور قولي وش تبي علا بلاطه
:الي ابيه الساعه تسع انتي في البيت
بستهزاء:تسع هه ابشر ونامر امر
بصراخ:ارجعي عشر ولا حدعش وشوفي وش يجيك


وصك التلفزيون وراح بيصعد الدرج رفع راسه وتفاجأ بملاك الي تناضره بصدمه اول مره يكلمهاكذا
ملاك لابسه عبايتها ومطيحه الطرحه ع كتوفه وشعرها الاسود الي الى حد ضهرها وعيونها العسلي
طالعه على امها فصايره قمه في الجمال

تنح في وجهها شوي بعدين لف وصعد الدرج
ملاك واقفه ومستغربه من حركته بس طنشت وراحت غرفتها

صالح قايم يطلع له ملابس وهو يتذكر كلام ابوه

طلع من البيت ودى مناير بيت الجيران ووقف تكسي وراح المستشفى
دخل غرفة سالم بس مافيه احد طق باب الحمام بس محد رد فتح الباب مالقى احد
استغرب وسأل الممرضه
قالت له انه طلع من المستشفى
:وشلون طلعو تستهبلين

الممرضه تناضره وهي مو فاهمه شي
تأفف وتوجه غرفت سلمى

شاف فيه ناس واقفين عند الباب تردد يدخل
توجه لم واحد من الواقفين :لو سمحت
.....:نعم
:ممكن تقولي وش اسم المريض الي هينا
...:اسمه محمد ال......
شهق صالح يبي يدخل على اعز اصدقاءه بس اخوانه وينهم وين راحو
طلع من القسم وتوجه لم التلفون ودق ع ملاك
صالح:الو
ملاك :هلا
:ملاك وين اخواني عندك
:وش دراني لا موب عندي
بروعه:انا الحين في المستشفى بس يقولون طلعو
:طيب انا الحين بدق على البيت يمكن رجعو وبعدي بكلمك
:طيب
صكت ملا من صالح وصارت تدق عى البيت


انتهى البارت
ادري انه قليل بس والله عندي اختبارات
ولازم اخليه كذا عشان يصير فيه شوي حماس
انتضر توقعاتكم
((وين راحو اخوان صالح؟؟))
انشاْء الله ينال اعجابكم


مرجوجة بس محبوبة ©؛°¨غرامي فعال ¨°؛©

يســ’ـــلموـو ..

ـآلبدآيــ’ـــه جـ’ــدآ رآئعـــ’ــــه ..

يعطيك ـآلعآفيــ’ـــه يآرب ..

بآنتظــ’ــــآرك ..

متآبعــ’ــــه لك ..

جذابه وعيونها خلابه ©؛°¨غرامي فعال ¨°؛©

السلام عليكم
طولت عليكم صح
اشكر كل الحلوين الي ردو علي
واقدم لكم البارت الرابع الي هو اهداء مني للحلوين الي ردو
اشكركم على التشجيع
بداية البارت .......
((بسم الله الرحمن الرحيم ))
7
7
7
((لا اله الى الله ))
7
7
7
صكت ملاك من صالح وصارت تدق ع البيت
طلع سعود من الغرفه وهو راص بطنه وعيونه حمر
لفت عليه وهي تشوفه فحاله يرحم فيها مررره
كانت تبي تقوم له بس حست انه بيهزءها بكم كلمه
فعشان كذا حاولت تتجاهله وتدق ع البيت
طوط طوط لا رد
حست ملاك بالخوف وين راحو ووشصار لهم
:ياربي استر عليهم يوه الله يعينك يا صالح
شوي رن جوالها
:الو هلا يبه شلونك
:الحمد الله اسمعي يا ملاك ترا اخوانك في البيت عندي
قولي لخوك اني برسل الخدم يساعدونه على نقل اغراضه واغراض اخوانه
:انشاء الله يبه
:يله
:مع السلامه (وصكت )

دقت ملاك ع صالح وقالتله
يرجع البيت ويجهز اغراضه عشان يروح عن ابوه

رجع البيت ...
وقعد يضف اغراضه وهو متضايق
شوي رن الجرس
فتح الباب
:السلام عليكم
:وعليكم السلام
:لو سمحت هذا بيت اميره ال...رحمت الله عليها
:امين ايه من انت
:انا جايب الخدم عشان يساعدونك في ضف الاغراض
:ااااه خلاص تفضلو
:مشكور(ودخلهم)
ضفو الاغراض بعشر دقايق من كثرهم
وهو واقف ويناضرهم وهو مستغرب مرررره
شوي طلعو كلهم الى الشاب الي جابهم
لف عليه ناضر وكأنه يقوله وزش تبي بعد
:لو سمحت تتفضل معي ع البيت انت واختك
:ليه
:الوالد عبد العزيز طال عمره طلب مني اجيبك معي
:طيب دقايق اجيب اختي واجي
جاب مناير وركبو السياره
صالح:انت وش تشتغل عند ابوي
:والله يا طويل العمر ابوي يشتغل مدير اعمال ابوك فأذا بغا ابوك شغلات صغيره يطلب مني ويزيد راتب ابوي يعني انا ما استفدت شي بس ابوي يبيني اسويله عشان يزيدون راتبه وياويلي اذا ماسويت
:هههههه رحمتك
:شفت عاد
:ما قلت لي وش اسمك
:والله اسمي من كلمتين الاولى تبدأ بحرف العين وتنتهي
بحرف الدال والثانيه تبدى بحرف الالف وتنتهي بحرف الهاء
:خير انشاء الله نحل رموز حنا قل احسن
مناير :انا عرفت وش اسمك
:كل هتقريب وما عرفته والله انك غبي
مناير:عدنان صح
:خطأ
صالح:اقول مل الغبي الى انت اصلى عارفه من اول ما قلت كلمتين
قلت يا عبد الله يا عبد الرحمن بس يوم قلت ينتي بحرف الهاء عرفت ان اسمك عبدود
:لا اجل عبدود مدري وش هاذي العياره اجل كل هل كشخه وتقولي عبدود يا صلصوح
والله انك ماتستاهل
:وشو الي ما استاهله
:ماتستاهل تشوف وجهي او تسمع صوتي العذب
:ااااوه من تكلم اقول عبدود اسكت لا يسمعك احد كان يقول هاذا ما عمره شاف نفسه بالمرايه
:اقول ضف وجهك يله اصلا انت غاير مني
::مرررره متقطع من الغيره
:اقول تفل علي لا تجيني عين منك الحين
:مالت عااااد هههههههع وجهك
مناير:صالح متى نوصل
عبد الله :الحين اصبري شوي
((صالح يناضر عبد الله حس انه ارتاح له كثير
مع انه فالها وطاق الميانهوكانهم يعرفون بعض من 5سنوات ))
وقف عبد الله :يله دحدر
:تسلم يله فمان الله
:فمان الله نشوفك مره ثانيه لاتطول علينا
:انشاء الله
دخل صالح ومناير البيت وتجهو لم الباب الداخلي رنو الجرس
انفتح الباب
:وين بابا عبد العزيز
:الوالد برا مين انت
استغرب ان الخدم عرب :انا ولده صالح
:ااااه انت صالح خلاص تفضل
دخل صالح وما يدري وين يروحله
جلس ع الطرف هو ومناير
:تبي شي طال عمرك
:وين العيال الي ابوي جابهم اليوم
:في الغرفه تبغاني اوديك لهم
:ايه

والله ودي اكمل بس ايديني وجعتني
انتضروني بتابع هاذا البارت
انتضر ردودكم وتوقعاتكم
تحيــــــــــــــــــاتي لكــــــــــم احبــــــــــــــــــتي


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1