غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 21-06-2012, 04:39 AM
صورة براءة نفس الرمزية
براءة نفس براءة نفس غير متصل
©؛°¨غرامي جديد¨°؛©
 
الافتراضي رواية دنيا العاشقين أقدار / بقلمي


بسم الله الرحمن الرحيم

السلام عليكم كيفكم انشاء الله تكونو بخير ومبسوطين انا اليوم راح ابدى اكتب روايتي الاولى وحابه انها تكون بمنتدى غرام لأني حاسه انو اللي بالمنتدى يقدرو الروايات كثير وحابه انكم تساعدوني سواء كانت اراء ايجابيه او سلبيه راح اتقبلها بصدر رحب واكثر شي يهمني انكم انتو تستمتعو فيها اذا عندكم اي تعليق او اي شي قولو لي صدقوني ارائكم راح تساعدني كثير وحابه كمان اني اشوفكم متحمسين معي وبنزل لكم البارت الاول واكيد انتظر ارائكم ..
.


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 21-06-2012, 05:02 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية دنيا العاشقين اقدار ... بقلمي


صباح الخير .......ياهر فيك عزيزتي بغرام .......موفقة بطرحك .......بس لاتتأخري بتنزيل البارت الله يرضى عليك

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 21-06-2012, 05:13 AM
صورة Ms.hajar الرمزية
Ms.hajar Ms.hajar غير متصل
©؛°¨غرامي متألق ¨°؛©
 
الافتراضي رد: رواية :دنيا العاشقين اقدار/ بقلمي


بنتظارك
وزي ماقلت مشرفتنا العزيزه لاتتاخير بطرح البارات

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 21-06-2012, 06:37 AM
صورة براءة نفس الرمزية
براءة نفس براءة نفس غير متصل
©؛°¨غرامي جديد¨°؛©
 
الافتراضي رد: رواية :دنيا العاشقين اقدار/ بقلمي


رواية دنيا العاشقين اقدار ...
البارت الأول ...
بأحدى حارات الرياض البسيطه في بيت متواضع وبسيط ملك منسدحه بفراشها وبصوت خافت جدا
ايه اسمعك بس مو قادره ارفع صوتي والله لو وحده من اخواتي سمعتني غير اروح فيها
فارس اوكي حياتي انتبهي زين لحد يسمعك
ملك ولا يهمك صوتي واطي
فارس طيب ليش ما تطلعي برى احسن
ملك وين اطلع تخيل عاد يمه
فارس وش فيك
ملك ليش تبي واحد من اخواني يطيح علي ولا امي ولا ابوي يممه اموت انا
فارس بسم الله عليك لا تقولي كذا انا مدري انتي عايشه ببيت ولا بسجن
ملك كم مره قلت لك احنا دوله مو عيله يا كثرنا
فارس هههه قولي مشاء الله لا تحسدينكم
ملك لا ما عليك هذول مايصير لهم شي
وفجأه صحت مي تصيح
خلوود اففف ياربي مي مو وقتك
قامت من فراشها تولع الضو
ملك على طول اول ماسمعت صوت مي قفلت بوجه فارس
خلود ولعت الضو واخذت مي المطبخ تسوي لها حليب
الله اكبر الله اكبر اشهد ان لا اله الا الله ...
اذن الفجر خلوود سوت حليب لمي وردت حطتها بفراشها
لا اله الا الله شمر عن اكمامه ودخل الحمام >> اكرمكم الله
ابو محمد رجل عملي ويحب كل شي يكون مثل ماهو يبي يشتغل موظف بأحد الشركات وراتبه على قده اب ل اربع عيال و خمس بنات وعايشين معه اخته وامه
فتحت باب الغرفه ولعت الضو
بنات يالله يالله بسرعه قومو المؤذن اذن قومو صولو يالله
ملك يالييل يمه تراه توه اذن خلينا ننام شوي
ام محمد اقول خلصيني يالله بلا كلام فاضي انا رايحه اصحي العيال اجي الاقيكم قايمات
ملك افففف استغفر الله بس صحت ساره وش عندك تأفئفي من الصبح يا هانم
ملك اقول تراه مو وقتك يالنشبه انتي
ساره بزر ما عليك شرهه وقامت تروح الحمام >> اكرمكم الله
امل بصوت مبحوح يا ليل البزران ذي اللي ننام على هواشهم ونصحى على هواشهم
ملك اففف كن احد ناقصك انتي بعد
طلعت ملك من الغرفه
ام محمد يا ولد قم انت وياه تراكم تعبتوني
جا ابو محمد بصوته الضخم محمد للحين نايم انت واخوانك
فزو كلهم من فرشهم وراحو يوضون عشان يروحو المسجد مع ابوهم >> هو شديد بس عند الصلاه يكون متشدد اكثر اهم شي عنده الصلاه بالمسجد
ام خلف قامت من غرفتها وشافت خلود وامل واقفين عند باب الحمام
ام خلف وهي ماسكه عصاها ولافه ملفعها عليها وشعرها الابيض طالع وهي معصبه وشبتس انتي وياها واقفاتن لي هنا تقل اصنام وخرن ودي اروح للماخوذ ذا
خلود ياجده اصبري حنا نستنى ملك تطلع
ام خلف وشو هذي اختس ما تستحي تجلس لها ساعه بالحمام
خلود اللحين تطلع ياجده
خلود ملك ووجعه اطلعي خلصينا
امل بملل افففف
ام خلف تطق الباب بعصاها يا بنت اطلعي جعلتس ماكملت كلمتها
طلعت ملك وهي معصبه وتصارخ خير انشاء الله حتى الحمام مسوين لنا نشبه عليه قرف
ام خلف اقول وخري بس قليلة الحيا
ام محمد يا بنات تعالو بسرعه حطو الفطور
خلود وامل ناظرو فبعض واففففف
دخلت ملك الغرفه وشافت مي صاحيه وماسكه رجلها بيدها وترضع
ملك ياحياتي انتي يالمزيونه امواااح
ساره اقول ملكوه وش رايك جايه التنوره مع البلوزه
ملك بسخريه وااو تصدقين ماعرفتك
ساره ملك بلا استهبال خلصيني
ملك لابستها مليوون مره ماتعرفين اذا جايه ولا لا
ساره ياغبيه مغيره الاساور وبلبس ايشارب
ملك هففف اقول ترى بعدين اسمه سكارف
ساره طيب فهمنا بس كيف
ملك لبست جلال الصلاه وسحبت على ساره
ساره طيب يا ملك الزفت
تجمع الكل على السفره وافطرو بصمت
ملك الحمد الله شبعت
ابومحمد صالح فز ود اخواتك يالله
صالح بتردد يبه انا عندي شغل خل سعد يوديهم
سعد يبي يتكلم سبقه ابو محمد شغل وش
صالح يبه واحد من اخوياي مواعدني لاقي لي وظيفه وبروح اشوفها
ابو محمد وين فيه هالوظيفه
صالح مدري يبه بشركه من هالشركات
ابو محمد سعد فز ود خواتك يالله
ام محمد خل الولد يكمل فطوره اول مافي شي طاير
سعد لا يمه خلص شبعت
يالله خلصوني امشو
لبسو ساره وملك عباياتهم وامجاد اختهم الصغيره خذت شنطتها ونايف يمشي وهو ناسف الغتره على كتفه دز ملك بكتفه لفت ملك وجع
رجع لها نايف لقى ابوه بوجهه
ابو محمد يالله انتي وياها لا تتأخرو
ساره انشاء الله يبه
جت غلا تركض بسرعه وصكت ب ابو محمد
لف عليها عميا ماتشوفين انتي
غلا باست راسه العذر والسموحه ماشفتك والابتسامه شاقه وجهها
ابو محمد يالله يالله لا تتأخري
غلا بنفس الابتسامه انشاء الله
ابو محمد تعالي
غلا هلا
ابو محمد معك مصروف
غلا ايه تسلم يالغالي
ابو محمد عرف انها كذابه ومد عليها الفلوس
غلا قلت لك يا اخوي معي
ابو محمد خذي بسرعه ولا تكثري كلام
غلا باست راسه بسرعه واخذتهم وراحت
غلا تصير اخت ابو محمد من ابوه امها توفت وهي صغيره وربتها ام خلف لأن محد من خوالها طلب يربيها او يهتم فيها ابو محمد يحبها كثير ويعزهها حيل كأنها بنته مو اخته بس مايحب يظهر هالشي لها او لغيرها حتى مايغيرو منها عياله ويخاف يكرهوها او يعاملوها بقسوه يحسها مثل الامانه عنده
بالسياره قدام ساره وجنبها امجاد ورى نايف وجنبه ملك جت غلا مسرعه وركبت وصكت الباب بقوه
سعد كسرتي الباب شوي شوي
غلا سوري
نايف متى كنتي حابه تشرفي يا مدام غلا صار لنا ساعه منتظرينك برى
غلا قلنا سوري
سعد نايف كل تبن واسكت
نايف سعد احترم نفسك تراني رجال مو بزر
سعد فهمنا يالكبير
غلا هههه رجال ورامينيك ورى كان ركبت قدام يالرجال
نايف انطمي انتي مالك دخل
ساره خير غلا حابه تسوي مشكله من الصبح ماتفرق ركب ورى ولا قدام وبعدين انا اكبر منه
غلا بسم الله وش قلت انا اكلتوني
سعد تعرفون تنطمون ولا لا
محد رد وكملو الطريق بصمت
ابو محمد جالس بالصاله يتقهوى وعنده صالح ومحمد وام خلف >> جدتهم
ابو محمد هاه متى رايح يا صالح
صالح شوي يبه بيمر علي ياخذني معه
ابو محمد ايه يالله خير
ام خلف وين ودك تروح وش عندك
صالح شغل يا جده بدور شغل
ام خلف اه ماعوزك كل يوم نفس الهرجه
صالح هفف استغفر الله بس
محمد نزل كاست الشاي يالله عن اذنكم رايح شغلي
الكل الله معك
محمد يشتغل مدرس عربي يساعد ابوه بالمصروف كثير غالبا يكون هادي وما يتكلم كثير ما يعطي احد وجه واذا عصب يخرب الدنيا
بالغرفه خلود جالسه تفطر مي
امل ترفع الفرش هفففف قسم بالله مليت شكلي بنتحر احسن
خلوود امل استغفر الله انتي تقولي كذا
امل ياخلود وربي مليت احيانا احس اني انا وانتي خدامات
خلود امل حالك مو احسن من حالي انا مطلقه وعندي بنت وحالتي الله اعلم بها
امل بحسره يالله الله يعين
بأحد القصور الفخمه بأحد الأحياء الراقيه
على طاولة الطعام الفخمه
ابو ناصر ناصر اخلص ورانا اجتماع
ناصر انشاء الله يبه
ام ناصر ووه وش فيك خل الولد يكمل فطوره
نازله تركض على الدرج وبكل دفاشه تجلس على الطاول
ام ناصر يا بنت انتي وش فيك مطفوقه كذا
رناد هاه ماماي وش فيك علي
ام ناصر الحمدالله والشكر
ناصر يمه ذي بزر ماعليك منها
رناد هه بزر لا يا ماما هذي اخر سنه ثنوي خلص بعدين راح اكون بالجامعه
ناصر ياحظك
رناد طنشته يبه
مارد عليها ابو ناصر غرقان يقرى الجريده
رناد بصرخه يبه
ابو ناصر اخترع وجع
رناد ههههههه
ناصر ههههه صدق هبلا
ابو ناصر خير وش تبين
رناد ابي فلوس
ابو ناصر اقول انتي كم عمرك خلني افتح لك حساب وافك راسي من حنتك كل يوم
رناد مشاء الله يبه ماتعرف عمري
ناصر 14 يبه
رناد هييي وش 14 لا يا حلوو انا عمري وتتصنع انها مغروره وتحط شعرها على جنب 18
ام ناصر اقول خلصينا بس هذي اللي ناقص بتفتح للخبله ذي حساب عز الله جلسنا على الحديده
رناد وهي تاكل بسرعه وفمها مليان اكل الله يسامحك يمه
ناصر الله يقرفك يا شيخه بالله يمه هذي اختي انتي اكيد غلطانه
ابو ناصر ايه بفتح لها حساب كيفي انا وبنتي
رناد شفتي يمه هذي الناس اللي تفهم
ام ناصر تضربها على كتفها وش قصدك انا ما افهم
رناد لا يمه حشى
ابو ناصر قام من الطاوله يالله ناصر امش
قام ناصر ومشى معه
رناد بصرخه يببه
لف ابو ناصر معصب وجع
رناد وهي مبتسمه الفلوس يبه
رجع ابو ناصر رمى لها 1000 ريال تعالي بكره قولي تبي فلوس
رناد اقول يمه شوفي ابوي مشبب حاله صابغ اسود
ام ناصر رنادوه بلا قلة ادب تراه ابوك وبعدين ابوك صغير اصلا
رناد ههههه ايه هين
ام ناصر اقول خلصي اكلك بسرعه وضفي وجهك المدرسه خلصينا
نزلت من الدرج بكل هدوء وهي وكاشخه وحاطه مكياج كأنها طالعه سهره
جلست على الطاوله بكل هدوء وبصوت ناعم صباح الخير
ام ناصر الضغط ارتفع عندها وشوي تفجر البيت
رناد هههه وصلت الأميره الناعسه اقول يمه انا بقوم اخاف ارجع فطوري كله بوجه بعض الناس
ام ناصر بحفظه حبيبتي انتبهي لحالك
دلال انتي يالبزر احترمي حالك اوكي ولا اخلي جوجو يتفاهم معك
رناد وعععع يمه سامعه تقول جوجو ليه الاخت مربيه كلب
دلال ياي تقولي عن ابوك كلب
رناد اقول ضفي وجهك بس وطلعت وتركتهم
ام ناصر ابتسمت ابتسامة سخريه وقامت من الطاوله
دلال هفف غجر >> دلال تكون زوجة ابو ناصر الثانيه سخيفه وتفكر ان كل شي بالحياه الكشخه والفلوس ودايما هواش مع رناد وام ناصر ماتسكت رناد لان يعجبها رد رناد
بالمدرسه سحبت كرسيها غلا وجلست جنب ملك
ملك نعم قاطه معي بالبيت والمدرسه
غلا امووت فيك وش اسووي
ملك لا ياشيخه اقول روحي مكانك بس
غلا ملييكه يالله عاد بلا استهبال ابتسمت لين بانو اسنانها كلهم مشتاقه لك زمان عنك
ملك لا ياشيخه اذا نكته ترى سخيفه ماتضحك
غلا ثانكس هذا من ذوقك اقول ملييكه ماودك نطلع نشوف الرياض
ملك لفت هاه اشوف الرياض
غلا ايه وش رايك
جت رناد هاي صبايا
غلا اررحبوو هلا والله
رناد صديقة غلا من زمان ملك ماتحبها ولا تحب تعطي غلا وجه بس مضطره تجلس لين تشوف كيف غلا بتطلعها
رناد غلوي تعالي ابيك
غلا انشاء الله
جلسو على جنب رناد هذي بنت اخوك خاطري اصكها كف اطيح اسنانها بالأرض
غلا ههههه هي كذا من زمان تعودت عادي
رناد الله يعين قلبك بس
غلا ماعلينا المهم وش صار على اتفاقنا
رناد قداام ولا يهمك اخذت فلوس من ابوي
غلا نزلت عيونها بالأرض اممم رناد مايحتاج فلوس اهم شي نطلع
رناد اقوول غلوي لا تقلبين لنا فلم هندي قومي بس
قولو لي رايكم وبعدين اكمل ...


تعديل براءة نفس; بتاريخ 21-06-2012 الساعة 07:02 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-06-2012, 12:19 AM
صورة براءة نفس الرمزية
براءة نفس براءة نفس غير متصل
©؛°¨غرامي جديد¨°؛©
 
الافتراضي رد: رواية :دنيا العاشقين اقدار/ بقلمي


اووووم التحطيم ولا رد بس مو مشكله بكمل لكم البارت
بالشركه
ابو ناصر هذا وبعدين معه ابو زفت
ناصر يبه هالمره لو رست المناقصه عليه مراح اسكت له
ابو ناصر هذا رجال معروف بالسوق ومدعوم اكيد راح ترسي عليه
ناصر ماعليك يبه كل شي وله حل انت بس اصبر
دق الباب
ابو ناصر تفضل
مرزوق السلام عليكم
ابو ناصر اختصر مرزوق وش عندك
مرزوق حضرتك في واحد يبي يقابلك
ابو ناصر من هالواحد
مرزوق يقول جاي من طرف علي اللي يشتغل عندنا هنا
ابو ناصر دخله بسرعه
مرزوق طلع تفضل حضرتك
صالح السلام عليكم
ابو ناصر هلا قلي وش عندك
صالح مو عاجبته طريقة الاستقبال ابد بس مظطر يتحمل عشان ياخذ الوظيفه تنحنح سمعت ان عندكم وظايف وحبيت اقدم
ناصر ومن قال لك عندنا وظايف ويناظره بطريقة استحقار
صالح ماسك نفسه ومارد
ابو ناصر المهم وش معك شهادات
صالح ثنوي ودورة كمبيوتر
ناصر لا والله وفيك الخير كل ذي شهادات وضحك بسخريه
صالح مرتفع ضغطه وللحين ساكت ومظطر يتحمل اهانات عشان ابوه وعيلته
ابو ناصر روح لمرزوق وقوله يوريك مكان شغلك بقسم المحاسبه
صالح انشاء الله طال عمرك وطلع
ناصر يبه انت من جدك وظفة هذا انت شايف شكله مبين انه غبي مايفهم شي
ابو ناصر المهم خلنا بالمناقصه اللحين وخلك من الرجال
جالسه بالجامعه على الطاوله وتحط مناكير احمر صارخ وتهز رجلها وكأن محد عاجبها
اميره هااي فجوره
فجر انتي وينك صار لي ساعه انتظرك
اميره محاضرتنا متأخره فقلت ماله داعي اجي بدري
فجر اوكي يالله نروح الكوفي
اميره اوكي يالله
وهي ماشيه صكت بكتفها
فجر لفت وجع عميا انتي ما تشوفي
ساره وجع يوجعك يالبزره محد اعمى غيرك
فجر لفت بغرور ولبست النظاره بنت فقر ماعليك شرهه
فاتن يالله امشي ساره
مشت ساره مع فاتن وجلسو على الطاوله
فاتن وهي تاكل وش فيك سويره
ساره قاهرتني البزر ذي شايفه روحها على وش مدري
فاتن عاد انتي مالقيتي غير فجر تتهاوشي معها
ساره لا والله ومن هالفجر هذي انشاء الله
فاتن بسخريه اذا شبعتي خبز تعرفين من فجر هاذي
ساره اقول تراني مو ناقصتك انتي بعد اللي يسمعك يقول بنت وزير امشي بس بروح المحاضره لا نتأخر
فاتن اصبري بكمل اكلي
ساره كملي اكلك انا طالعه
في بيت ابو محمد
ام خلف وضحى يا وضحى
خلود ها يا جده وش تبين امي مو فاضيه بالمطبخ
ام خلف اقول شيلي بنتس عني تراها آذتني ولا ترى اقول لخلف
خلود وهي تشيل مي ومعصبه وش تقولين له ياجده محد ضايقك بشي
ام خلف اقول تلقي دربتس بس ترادديني بعد
دخلت خلود المطبخ اففففف استغفر الله بس
ام محمد وش فيك
خلود مافي شي يمه انا بروح انوم مي واجي
ام محمد زين
دخل ابو محمد الصاله السلام عليكم
ام خلف هلا يمه وش جايبك بدري لا يكون طردوك بس
ابو محمد لا يمه محد طردني بس عازم رجال على الغدى
ام خلف ايه خير انشاء الله
دخل ابو محمد المطبخ وهو ينزل الاكياس السلام عليكم
ام محمد وهي تمسح ايديها بالفوطه هلا والله ابو محمد غريبه جاي بدري ووش هذا كله
ابو محمد عازم رجال على الغدى خلي البنات ينظفون المجلس زين ويبخرون البيت والغدى بجيبه من برى والباقي انتم رتبوه عاد
ام محمد حاضر انشاء الله ما يصير الا كل خير
ابو محمد يالله مع السلامه
ام محمد الله معك وراحت تقول للبنات
بحمام المدرسه مقفله على حالها الباب وطلعت الجوال من بنطلونها
لقت اربع مكالمات
ملك هذا الغبي شكله مايفهم حمار
مسكت الجوال تدق
جالس بالأجتماع طفشان ويشخمط على الورق دق جواله
اعطاه بدر نظره
فارس قرى الاسم ماتحمل عن اذنكم وطلع
فارس لا والله لو مادقيتي احسن ياست ملك
ملك انت وش فيك ماتفهم تبي تفضحني كم مره قلت لك لا تدق علي
فارس لا ياشيخه كم مره قلت لك لاتقفلي الخط بوجهي
ملك فهمنا يا الرجال انت بصراحه مالي حق كان كلمتك واختي قاعده عندي
فارس رجال غصبن عنك ولا عندك شك يا هانم وليش مافي اختراع اسمه رساله
ملك اقول لا يكثر بس تراك صجيت راسي
فارس انتي ليش وقحه كذا
ملك ومنكم نتعلم
فارس ملك انا كم مره قلت لك قلت ادبك ذي خليها على اهلك بس انا فارس ما تتواقحي كذا معي فاهمه
ملك اففف ياثقل دمك انا مو جابرتك تكلمني يا غبي وقفلت الخط بوجهه وقفلت جوالها مره وحده
فارس ارتفع ضغطه وشوي وينفجر والله لا اربيك يا كلبه
جالسه تعدل شعرها على المرايه
غلا حلووه مافيك شي
ملك ماطلبت رايك
رناد خفي علينا يا جسيكا
ملك اقول وخري بس
رناد تقلدها اقول وخري بس
غلا يالله رناد مشينا الفصل
ملك كأنها تذكرت شي غلا لحظه ابيك
غلا نعم ملك
ملك غلا ماقلتيلي كيف راح نطلع
سمعتها رناد لانها كانت قريبه منهم
رناد خيييير وين تطلعين انشاء الله
ملك انتي مالك شغل محد كلمك
غلا رناد انا قلت لملك تجي معنا
رناد غلووي هبلا انتي هاذي تروح معي
ملك من زينك عاد ميته عليك انا
غلا بنات بلا حركات بزران خلاص كلنا بنروح سوى
رناد غلووي انتي بعيوني بس ذي لا
ملك ضفي وجهك من زينك انتي عاد اصلا ماني رايحه ومشت
غلا مسكتها مع يدها لا ملك بتروحين
رناد غلا
غلا رناد اذا ملك ماراحت انا ما اروح ويالله قدامي عالفصل انتي وياها ولا ابي اسمع أي كلمه واستسلمو لها البنات ومشو الفصل
جالسه بالكوفي وحاطه رجل على رجل وقدامها قهوتها الفرنسيه المفضله وماسكه كتابها المفضل تقرى فيه
اميره هففف فجر وش ذا الملل
فجر اششش لا تشتتي افكاري ابي اركز بالقراءه
اميره اقول الكتاب ذا ماصار لك الف مره قاريته ما مليتي
فجر نو مستحيل امل منه
اميره طيب يا المتنبي خلصينا قومي ورانا محاضره
فجر اففف ميمو دايما تخربي جوي انتي
اميره اقول امشي بس ابو الجو اللي تعرفينه
دق جرس الحصه السادسه
غلا يالله بنات اتجهزو
ملك ويين باقي حصه
رناد احضريها انتي اذا تبين
ملك لا ياشيخه
غلا بنات افففف منكم بجد عصبتوني ترى اسمعو اطلعو اللحين وحده وحده قبل لا تجي الأبله بنات الصفوف الثانيه كلهم طلعو اكيد الساحه مليانه ومحد راح ينتبه وانا بقول لوحده من البنات تقول للأبله اننا اسأذنا اووكي
رناد اووكي قدام
غلا اووكي ملك
ملك اوككي يالله
وفعلا طلعو البنات ومحد حس عليهم ووصلو للسياره بأمان
رناد حسن طير عالمطعم بسسرعه
ملك مسكت يد غلا انا خايفه اول مره اخاف كذا
رناد اووه طحتي من عيني اكثر خوافه بعد
غلا ملك اذا خايفه نرجعك للمدرسه
ملك انتو قلتو نتمشى مو ننزل مطعم
رناد انا حدي بفقع جووع بروح اعبي كرشتي
غلا ملك لا تخافي ماعليك
ملك ليش انتي مو خايفه طالعه قبل كذا
غلا ايه مره بس لمى انتي كنتي غايبه
ملك طيب وكيف نرجع للمدرسه وسعد اخاف يشوفنا او صالح او ابوي
غلا ملك قلت لك خلاص اذا خايفه نرجعك
ملك لا لا خلاص بروح بس لو يصير شي ياويلكم
رناد لا ياشيخه ليه ساحبينك من شعرك حنا وماخذينك غصب
غلا خلص رناد ماعليك مراح يصير شي
جالس بمكتبه ويهز رجله وحده معصب
دخل بدر سلام
فارس هلا
بدر وش فيك زعلت من كلام ابوي
فارس لا
بدر طيب فيك شي
فارس لا
بدر متأكد
فارس بدر انت وش قصتك ماسكني تحقيق
بدر طيب طيب انا طالع تبي شي
فارس لا
طلع جواله ودق
جالس بالصاله دق جواله
فيصل الوو هلا والله
فارس انت وين مندفن اذا انا مادقيت ماتدق ولا تسأل
فيصل حيلك حيلك علي انت وينك اللحين
فارس بالشركه
فيصل اووكي امر عليك آخذك ونطلع نتغدى اووكي
فارس ماشي انتظرك
نهاية البارت الأول اتمنى اشوف ردودكم


تعديل براءة نفس; بتاريخ 22-06-2012 الساعة 12:38 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-06-2012, 01:50 AM
صورة براءة نفس الرمزية
براءة نفس براءة نفس غير متصل
©؛°¨غرامي جديد¨°؛©
 
الافتراضي رد: رواية :دنيا العاشقين اقدار/ بقلمي


صبااااايااااااااا
وينكم تحمسوو معي بليييز
مو معقووله ولا رد واللي يشوفو ليش ما تردووو
وربي حطمتووني ترى ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-06-2012, 08:25 AM
صورة عبث ~ الرمزية
عبث ~ عبث ~ غير متصل
©؛°¨غرامي متألق ¨°؛©
 
الافتراضي رد: رواية :دنيا العاشقين اقدار/ بقلمي


حبيبتي انتظري شوي .. انتي حتى ما صار لك اسبوع أو حتى ثلاث أيام من طرحتيها ..
انتي استمري .. و ان شااء الله يكوون في تفاعل ..

و يمكن الأعضاء مو منتبهين للروايه ..
و إذا حابه تنشرينها .. رسلي لهم رسائل زوار عن اسم الروايه و رابطها ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 22-06-2012, 08:50 AM
صورة LollaMolla الرمزية
LollaMolla LollaMolla غير متصل
©؛°¨غرامي مجتهد¨°؛©
 
الافتراضي رد: رواية دنيا العاشقين أقدار / بقلمي


بداااية موفقة خيتو ..
بس عندي بعض الملاحظاات ::
أولا ,,, الخط صغييير .. لو تكبري يكووون احسن ... والله عيووني ساارت توجعني هههههه
تانيا ,,, خلي في فواصل بين المقطع والمقطع التااااني ... يعني لمن تبي تنقلي من مشهد لتااني حطي فواااصل ,,
وووه بث ..
صرااحة الرواية شدتني بدااية قووية وان شاء الله تلااقي متااابعيين كتيير ..
اتمنى انك تقبلييني من اول المتاابعيين لك ..
اختك LollaMolla ....
تقبلي مرووري ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 23-06-2012, 02:22 PM
صورة براءة نفس الرمزية
براءة نفس براءة نفس غير متصل
©؛°¨غرامي جديد¨°؛©
 
الافتراضي رد: رواية :دنيا العاشقين اقدار/ بقلمي


اقتباس:
المشاركة الأساسية كتبها ترانيم الحنين ,, مشاهدة المشاركة
حبيبتي انتظري شوي .. انتي حتى ما صار لك اسبوع أو حتى ثلاث أيام من طرحتيها ..
انتي استمري .. و ان شااء الله يكوون في تفاعل ..

و يمكن الأعضاء مو منتبهين للروايه ..
و إذا حابه تنشرينها .. رسلي لهم رسائل زوار عن اسم الروايه و رابطها ..
اهلييين اسعدني مرورك كثير حبيبتي
كلامك صدق بس يعني رد واحد كان كفيل انه يرضيني بس ولا يهمك بسوي مثل ماقلتي فديتك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 23-06-2012, 02:26 PM
صورة براءة نفس الرمزية
براءة نفس براءة نفس غير متصل
©؛°¨غرامي جديد¨°؛©
 
الافتراضي رد: رواية دنيا العاشقين أقدار / بقلمي


اقتباس:
المشاركة الأساسية كتبها lollamolla مشاهدة المشاركة
بداااية موفقة خيتو ..
بس عندي بعض الملاحظاات ::
أولا ,,, الخط صغييير .. لو تكبري يكووون احسن ... والله عيووني ساارت توجعني هههههه
تانيا ,,, خلي في فواصل بين المقطع والمقطع التااااني ... يعني لمن تبي تنقلي من مشهد لتااني حطي فواااصل ,,
وووه بث ..
صرااحة الرواية شدتني بدااية قووية وان شاء الله تلااقي متااابعيين كتيير ..
اتمنى انك تقبلييني من اول المتاابعيين لك ..
اختك lollamolla ....
تقبلي مرووري ..
هلاا والله
اسعدني مرورك
ملاحظاتك يالغلا على راسي وسلامة عينوك
اكييد اقبلك وهذا فخر لي ...


رواية دنيا العاشقين أقدار / بقلمي

الوسوم
رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
حنيتك راحت لوين وشفيك ما تشتاق لي / بقلمي ، كاملة ملتفت صوبك لوعينك تهل دم روايات كامله - يتم نقل الرواية هنا بعد اكتمالها 1735 03-04-2019 02:16 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM

الساعة الآن +3: 02:50 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1