غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 27-06-2012, 04:30 AM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


اقتباس:
المشاركة الأساسية كتبها رهوووفا مشاهدة المشاركة
صراحة رواية جدأً رائعة وننتظر الباقي على احر احر احر من الجمر ..........
يعطيك الف الف الف عافية ...

انتي الاروع حبيبتي
تسلمين على ردك الرائع والحماااسي
الله يعافيك يا غاليتي
تحياااتي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 27-06-2012, 08:23 AM
صورة shooda الرمزية
shooda shooda غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


في انتظارك ترى والله تحمست

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 28-06-2012, 02:38 AM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


بكرة راح انزل البارت الثاني
انتظرووووني
تحياااتي لكم
=)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 28-06-2012, 09:44 PM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


البارت الثاني

شفتهم من بعيد باين عليهم هيبة ورجولة و وسامة خصوصاً الاول ..لحـــــــــــــــظة !!
هذا هذا .............
اسرار بصدمه :حنين مو هذا الي تعاركتي معه
مارديت عليها مو لأنا ماسمعتها بس اثار الصدمه للحين فيني
هزتني ولفيت لها وقلت : ايه بس ..لا تقولي لأحد إن الي تعاركت معه هو اخو سديم ..اوكي
اسرار :اوكي
رجعت اناظر فيه ولا شلت عيني عنه لدرجة انه حس فيني

احس إن في عين تلاحقني
ماهتميت واجد لأني متعود على هذي النظرات بس هذي ابد ما شالت عينها عني اففف وانا شعلي منها خلها تولي
لما وصلنا لأختي سلمنا عليها وباركنا لها و وقفت جنب اختي وامي اما طلال ومشعل راحو يرقصون << ماعندهم وقت
تأفففت من نظراتها فدرت لها وصرت اناظرها

يااااربي شكله عرفني لااا اكيد ماعرفني لاني متلثمه وهو مايعرفني بس ليش يناظرني صدق غبيه انا اطالع فيه مدة وين مايناظرني

سديم ضربت صقر بكوعها وقالت: بسك لا تناظر في البنت فشلتنا
عصبت من كلمتها وقلت وانا مو مهتم :انا طالع خلاص
سديم :وين بتروح توك داخل لا تفشلنا شنو بيقولو الناس
صقر حقرها ومشي
رحت بسرعه وهمست لطلال ومشعل انهم يطلعون وراء صقر علشان يكون الوضع طبيعي طبعا تأفففو وطلعو
تنهدت حنين براحه وصارت تشغل نفسها بالكلام مع صاحباتها
بعد ساعه ودعو سديم و طلعو
في بيت ابو حنين
كانت في غرفتها الصغيرة تفكر :آآه شنو هذي الصدفة هه طلع اخو صديقتي آآه شكثر حلووووووو يوو يووو انا شنو أقول استغفر الله خلني انام احسن لي

ومرت الايام وجاء وقت الاختبارات والجميع متوتر
حنين
مخلصة الكوفي الي في بيتهم من كثر شربها له ومقطعة الكتب و مصممه انها تجيب 100% <<لانها كل تجيب 99,99 % ههههه يعني مابقى شي والكل متحديها
اسرار
عطت امها الجوال ولاب علشان لا تلتهي وبدت بالمذاكرة الجادة بس من بين فترة وفترة تسرح في اسامه وفي حياتها من بعدة وكيف بتصير
اما صديقاتهم العنود والهنوف و سلمى و حور
مثلهم يذاكرون بجد لانهم من الشطار
سديم
كانت تذاكر مو لانها شاطرة لا لانها خايفة إن صقر يشوفها ويعصب عليها <<خخ
/
~
/
~
/
يوم الاختبار
الكل متوتر
في بيت حنين
ابو حنين :يلا يبه تأخرتي عن المدرسة
حنين وهي ماسكه بيدها الكتاب وفي فمها ساندويشة :إنشاء لله يبه بس اخلص هذي الفقرة
ام حنين :تراء ما راح يدخلونك القاعة
حنين :يمه هذي مو اول مرة خلاص تعودوعلي ههههه
ام حنين :هههههه الله يهديك
حنين خلصت وناظرت في ابوها و ببتسامه :يلا يبه خلصت
ام حنين +ابو حنين :واخيراً
حنين:ههههههه
في المدرسة
وصلت حنين مثل العادة اخر وحدة وراحت تركض لقاعتها وصلت وجلست وهي تتنفس بسرعه من الركيض سمت بالله وقرت المعوذات لين جابو الاوراق وزعو على الطالبات والكل قلبه يطق بقوة وخوف
بعد ساعه ونصف انتهى الاختبار بس الشاطرة حنين ماطلعت تبي اول تتأكد من الحل وبعد ربع ساعة توكلت على الله وسلمت الورقة وهي مرتاحه
نزلت ولقت صديقاتها ينتظرونها وبدت كل وحدة تقول كيف حلت
حور :الختبار كان صعب نحســـــــه هذي المعلمه ماتحب احد ينجح يمكن اجيب 26
العنود :أي والله دوخت راسي من كثر الاسئلة يمكن اجيب 25
الهنوف :بس حسيت إن مو لديك الدرجة صعب يعني يمكن اجيب 27 ونص
سديم :لا الصراحة صعب حتى احس بجيب فيه 22 من 30
اسرار فتحت عينها :ول الحمد لله انا حليت عدل بس كم فقرة اتوقع خطأت فيها يعني يمكن اجيب 29 ونص من 30
سلمى : ماشاء الله انا يمكن 26 ونص ماتوقعت كذا صعب
حنين بكل ثقة :اما انا متأكدة بجيب 30 من 30
الكل دار لحنين بصدمه وشهقوا بقوة خاصة سديم لانها ماتعرفها من زمان
حنين بخرعه : بسم الله الرحمن الرحيم خرعتوني قولو ماشاء الله لا تصيبوني بعين
الكل وعينهم مفتحه حدها :ماااااااااااشااااااء الله
حنين :ههههههههه يلا بنات كل وحدة تذاكر حق المادة الثانيه مابقى شي
سديم بخوف :يااااربي خايفة ما ذاكرت هذي المادة عدل
لفت لها حنين :تعالي انا بعلمك
سديم ابتسمت :مشكورة
حنين ردت لها الابتسامه :العفو
وبدء الكل يذاكر بجد
رن الجرس والكل صرخ وهزوا المدرسة هز من الصريخ
وتجه الكل لقاعته
انتهى هذا اليوم وجاء اليوم الاخر ومضى بسرعه ومرت الايام

اخر يوم في الاختبار
:ااااااااااااااااااااااااااااااااااااااااااااااااا ااااااااااااااااااااااااااااااااااااااه<<البنات يصرخون من الوناسه
سديم بفرح :بنااااااااااااات وناسة خلصنا خلاص
حور :بشتاق لكم يالدوببة
سلمى :ههههههههه لا تخافين راح نزور بعض ولا نتقاطع
اسرار :واااااااي مو مصدقة خلاص خلصت ثنوي وراح اسافر
حنين راحت ابتسامتها وتضايقت ونزلت راسها
الكل بصدمة :صــــــــــدق
اسرار بحزن :ايه
الهنوف :ليـــــش؟؟
اسرار :بكمل دراستي براء
العنود :ياااربي بتوحشينا
سديم :الله يوفقك وين بتروحي ؟
اسرار : ايطاليا
سلمى :يااااااااي ودي اروح لها .. لا اوصيك صوري كل شي
اسرار :ولا يهمك
الهنوف :متى راح تروحي
اسرار :بعد سبوعين
سديم :يا الله يعني قريب
سلمى :كم بظلين هناك ؟؟
اسرار :والله مادري على حسب يمكن 4 سنوات مادري
حور :لا تقطعينا
اسرار :ههههه لا تخافين ما راح اقطعكم وسكتت انتبهت لسكوت اعز صديقة لها راحت لها ورفعت راسها ونصدمت انها تبكي
اسرار بحزن والدموع تجمعت بعينها:ليش الدموع ليش؟؟
حنين :مااا قـ ـدر على فراااقك
اسرار حضنتها وبكت وقالت :راح اتصل لك دائما ولا راح اتركك
حنين وهي تشاهق :لا تروحي اهئ لا تتركيني وحدي اهئ
اسرار ودموعها تنزل : حنين حبيبتي انتي قوية لا تضعفين
حنين :من لي غيرك منو يفهمني غيرك اهئ اهئ
اسرار مسحت دموع حنين وباست خدها وقالت :لك ربك ما راح يتركك
حنين :راح اشتااااااق لك اهئ
اسرار وهي تبكي :وانا بعد
الكل تأثر وبدء يبكي

أتت مرة أخرى !!
لتؤكد الفراق ..
بعدك ياصديقتي
لمن أحكي ... لمن أشكي
لمن أضحك ... لمن أبكي
أجيبيني يا توأم روحـي

بعد 3 ايام رحت لأستلم شهادتي مع صديقاتي ما اخبي عنكم كنت خايفة إن ما اجيب 100% خاصة إن تحديتهم
رحنا ونادو على أسمائنا رحنا ركيض وكل وحدة بدت تستلم شهادتها جاء دوري واخذتها و وسعت عيني وصرخة صرخة صميت اذن المعلمة هههه وقلت :آآآآآآآآآآآآآآآآآآآآآآآآآآآآآآآآ جبت 100% يااااااااااااااااااااي
التمو علي صديقاتي وهم فرحانين وصفقون لي وهنوني اما المعلمة فداخت من صرختي واعتقد إن اغمي عليها خخ
وطلعت مع صديقاتي وحنا فرحانين
بقول لكم نسب البنات
حنين 100%
اسرار 99,85%
سلمى +الهنوف 96%
حور +العنود 95%
اما سديم 89,97 % <<اصلا لو ماكانت معهم كان جابت ازفت ..من عاشر قوماً أصبح منهم خخ
رحت ركض ودخلت داخل وانا اصرخ
:يمـــــــــــــــــــــه يبــــــــــــــــــــــــه
نزلو مساكين خايفين من صراخي وقالو :شنو صار؟؟!!
حنين بفرح :يمــــه نجحت وجبت 100%
ام حنين والدموع تجمعت في عينها راحت بسرعه وحضنت حنين بفرح وقالت :الله يخليك لي مبروووووووك بنتي
ابو حنين :مبرووووووك بنتي عقبال شهادت الجامعة
حنين :امييييييييييين الله يخليكم لي يارب ولا يحرمكم منكم
الكل :امييييييييين
عند سديم
الكل متفاجئ من الدرجة
مشعل سحب اذنها وقال :اعترفي انتي تغشين
سديم :اااااااي اترك اذني .. وبعدين ليش بغش ها قولي
مشعل بستغراب :بس مايصير انتي دائما فاشلة وتجيبين 70% كيف الحين قفزتي 89%
سديم دفته وقالت :اولا انا مو فاشلة ثانيا الحمد لله صار عندي صديقات شطار واذا احتجت لهم ما يقصرون
ام صقر بفرح :دووووم يا بنتي مبرروووووك
سديم بفرح :الله يبارك فيك أي هذا الكلام الحلو مو مثل بعض الناس وصارت تناظرة
طلال :مبروووووووووك سدووووم بمناسبة نجاحك بوديك المول واشتري الي تبينه على احسابي
سديم قفزت من الفرح وراحت وحضنته وقالت :هذا الاخو ولا بلاش
مشعل بغيرة :هه لو كنتي تلمحين على إن اجيب لك شي فحلمي
سديم :ماتوقع احد طلب منك
دخل ابو صقر مع صقر البيت
سديم بفرح :يبه نجحت تعال شوف شهادتي
ابو صقر بدون اهتمام ((عارفها)) :اكييد مثل العادة هذي المرة جيد ولا مقبول
سديم :لا يبه هذي المرة جيد جداً مرتفع النسبة 89,97
ابو صقر فتح عينه وراح لها واخذ الشهادة يتأكد انه مو مغلب ولما تأكد فرح من كل قلبه وحضن بته دلوعته واخيراً قدرت تجيب درجة حلوة
وقال :دووووووووووم يا بنتي
سديم بفرح :الله يدومك معنا يااااااااارب
صقر كان يطالعهم بجمود هذا هو صقر اذا ابتسم لنا كانت معجزة
ناديته :صـقر
لف لي بدون لا يتكلم
سديم :ما راح تبارك لي
ابتسم وقال :مبروك
طرت من الفرح وهو ركب فوق وجلست اسولف مع اهلي تذكرت رانيا الي في شهر العسل رحت غصب اخرب عليهم جوهم وخبرتها مثل ماتوقعت ماصدقت بس بعد حلفي لها صدقت وباركت لي وفرحت لي من كل قلبها
عند صقر
دخل جناحه وراح لغرفته دخل ورما نفسه على السرير وطلع تنهيدة قوية جلس وفتح الدرج الي بجنبه وطلع صورة لبنت صغيرة تقريبا عمرها 4 سنوات ابتسم وطق قلبه دخل الصورة ورما نفسه على السرير مرة ثانيه وغمض عينه

/
،
،
/
،
،
/
بعد مرور 12 يوم قبل رحيل اسرار بيوم
قرروا البنات إن يقيمون حفل وداع لها
في بيت اسرار الكل موجود والزعاج والضحك
الهنوف :بنااااات انتبااااااااه
الكل التفت لها
الهنوف :احم شرايكم نحط شريط ونرقص
الكل :فكرة حلوة
الهنوف :انا عندي شريط حلو راح نفلها
اسرار:خلاص بجيب المسجل
جابت المسجل وحطوه وبد الكل يرقص ما عداء حنين السرحانه
: يعني لازم اجي واقومك ولا ما راح تقومي
رفعت راسها وبتسمت لاسرار
وقالت :مالي خلق
اسرار :لا تزعليني مابقى غير اليوم أكون معاك خلينا نضحك وننسي الفراق
تنهدت حنين بحزن وقامت معهم ترقص
الكل تباعد وكون حلقة داخلها حنين واسرار الي انذهلوو برقصهم الثنائي
لما انتهت الغنيه الكل صفق وصفر لهم
وكملو سحرتهم
في نهاية السحرة صار الكل يودع اسرار ويبكي وكانت اخر وحدة حنين الي بكت لين قالت بس
اسرار :انتبهي لنفسك وانا راح اتصل لك كل يوم
حنين وهي تمسح دموعها :انتي الي انتبهي على نفسك .. قولي لي وين راح تسكني ؟؟
اسرار :بحثت في النت وشفت شقة للأجار حلوة وبسعر حلو استأجرتها ودفعت المبلغ من طريق النت
حنين :قريبة من الجامعه ؟
اسرار :لا اشوي بعيدة بس اقدر اركب الباص
حنين :انزين اول ما توصلين اتصلي لي اوكي
اسرار :ولا يهمك انتي اول الناس الي بتصل لهم
ابتسمت لها و ودعو بعض

/
>
/
<
/
>
/
<
/
في مكان ثاني وبعيد عن السعودية
:هلا والله بسياف شخبارك ؟
:تمام الحمد لله انت كيفك وكيف الدراسة ؟؟
:كل شي تمام
:الحمد لله .. أقول يا ...... اقدر اطلب منك طلب ؟؟
:ايه اطلب
:بكرة اختي بتجي ايطاليا وهي ماتعرف احد هناك فياليت لو تقدر تستقبلها في المطار وتوديها للسكن اذا ما عليك كلافه
:انت تامر بس يا سياف انا ما اعرف اختك
:اختي راح تلبس شال حول رقبتها لونه احمر
:اوكي خلاص بس ياليت تعطيني اسمها علشان اتأكد
:اسمها امجاد
:اوكي خلاص بكرة بكون في استقبالها
:مشكور والله مادري كيف اجازيك
:افاا يا سياف احنا ربع ما يحتاج تتشكر لي
:والله لو انا مو واثق فيك كنت ما اتصلت عليك
:تسلم
:الله يسلمك يلا فمان الله
:فمان الكريم

/
>
/
<
/
>
/
<
/
يوم سفر اسرار
راحت المطار و وركبت الطائرة جلست عند النافذة وهي تشوف ارض السعودية خلاص راح تفارقها آآآآآآآه يازمن بفارق الارض الي حبيبي موجد فيها مادري انت تفكر فيني مثلي الحين ولا نسيتني وعشت حياتك آآآه ودي اعرف شنو تسوي الحين
انتبهت إن في احد جلس جنبها لفت وشافت بنت حلوة ابتسمت ورتاحت كانت خايفة انه يكون رجال بس حمدت ربها انها بنت
بدت تمشي الطائرة لين ارتفعت عن ارض السعودية ارض الوطن ارض الخير ارض الحبايب
كنت اناظر من النافذة لين اختفى كل شي وصرت اشوف بس الغيوم تنهدت وناظرت الي جنبي شكلها بتنام
ناظرتني وقالت :تراء ورانا مشوار طوويل يمديك تنامين
ابتسمت لها وقلت لا مافيني النوم
قالت لي :شكلك اول مرة تركبين طائرة مو ؟
اسرار :ايه وانتي ؟؟
:لا ركبت من قبل ..شنو اسمك ؟؟
اسرار :اسرار وانتي ؟
:حلو اسمك شكلك مليئة بالاسرار انا اسمي امجاد
اسرارابتسمت لها وقالت :تشرفنا
امجاد :الشرف لي

~/
/~
~/

جلست من النوم ورحت اركض تحت ما شفت احد رحت للمطبخ وشفت ورقة معلقة على باب الثلاجة مكتوب عليها
حبيبتي حنين
انا وامك ذهبنا الى مشوار لن نتأخر
الاكل ستجدينه في المكرويف
تحياتنا
ابوك وامك الذين يحبونك
:ههههههههه الله لا يحرمني منكم
راحت واكلت وقفت عن الاكل بسبب جرس التلفون
قامت وراحت للتلفون :الووو
:الووو السلام عليكم
نغزها قلبها وقالت :وعليكم السلام
:بيت ابو حنين
:ايه نعم هذا بيته
: ...............
طاح التلفون من عندها والكلام يتردد في اذنها
:ابو حنين وام حنين مسوين حادث فياليت تجون للمستشفى .....
بدت الدموع تنزل ومو عارفة شنو تسوي هي مالها احد اتصلت بسرعه للعنود وهي تبكي
العنود بفرح :هلااااااااا حنوووون
حنين وهي تبكي وتشاهق :عنـ ـود امـ ـي ابـ ـوي اهئ اهئ اهئ
العنود بخوف :حنين شنو فيك خوفتيني ؟؟!!
حنين :امـ ـي ابـ ـوي مسووووين حااادث اهئ اهئ مو عـ ـااارفة شنووو اسوووي ...ماعـنـ ـدي احد اهئ اهئ اهئ
العنود بخوف عليها :خلاص دقايق واكون معك ونروح المستشفى لا تخافين إنشاء الله مافيهم شي لا تخافين ولا تبكين انا الحين بجيك
سكرت بسرعه التلفون وراحت لأخوها وجلسته وراحت معه لبيت حنين دخلت وشافت حنين منهارة من البكي و واقفة محتارة مو عارفة شنو تسوي
راحت لها وحظنتها و لبستها عباتها وطلعو متجهين للمستشفى
في المستشفى راحت تركض للاستقبال وقالت :ابوووووي وامــــي وينهم ؟؟
استغربت الموظفة ومو فاهمتنها
جاء اخو العنود وقال :فيه رجال مسوي حادث هو ومرته توهم وينهم
الموظفة :اهااا .هم الحين في العناية
راحو بسرعه اتجاه العناية ووقفوا محتارين وحنين تبكي وتدعي ربها انهم يعيشون والعنود تهدي فيها
بعد ساعه طلع الدكتور
راحو له بسرعه
حنين برجاء :دكتووووووور طمني والله مالي غيرهم لا تصدمي ارجووووك
الدكتور نزل راسه وبحزن :الباقي بحياتك ابوك مااات
ماااات
ماااات
ماااات
حنين ما حست على نفسها ونهارت وطاحت مغمى عليها بسرعه شالوها ودخلوها غرفة وبدو يحطون لها مغدي
العنود بخوف تكلم الدكتور بعد ما طلع من حنين :كيفها الحين ؟؟
الدكتور :جاء لها انهيار
العنود حطت ايدها على فمها وقالت :دكتور و امها طمني عن امها
تنهد الدكتورة وكانه بقول فاجعه ثانيه :الله يكون بالعون انا سويت الي اقدر عليه والباقي على رب العالمين هي الحين بين الحياة والموت في غيبوبة ولا ندري متى تصتيغظ
بكيت على حنين الي مالها في هذي الدنيا غيرهم كيف تخبرها إن امها في غيبوبة آآآآآآآآه يااااربي ارحمها برحمتك ياااارب
رحت وتصلت على باقي البنات اخبرهم علشان يجون يواسونها
^
^
^
^
^
جلست مفزوعه وفزعت الي جنبي
امجاد بخوف :شنو فيك اسرار ؟؟!
اسرار وهي حاطه ايدها على قلبها وتقول في قلبها حنين حنين فيها شي انا متأكدة درت لامجاد وانا أقول :احس إن في شي
امجاد : لا تخافين هذا لانك توك اول مرة تركبين طائرة
سكت وناظرت في النافذة الي صارت ظلام لانها لليل وانا حاسه إن حنين فيها شي
^
^
^
^
^
^
^
^
:إنا لله وإنا اليه لراجعون لا حول ولا قوة الا بالله العلي العظيم
وجلس على الكنب ونزلت معه دمعته
رفعت راسي له مستغربة وقلت :يبه شنو فيك ؟؟!!
ابو صقر :صديقي مات اليوم مسوي حادث ومااات ..آآآه كان حاس انه بموت حتى قبل كم يوم كان يوصيني على بنته الوحيدة الي مالها احد في هذي الدنيا آآآآه صارت البنت يتيمه
حزنت على بنته وسرحت بس صحاني جوالي الي نقل لي خبر موت ابو صديقتي
:الوو
:الووو اهئ
استغربت وقلت :العنود فيك شي ؟؟
العنود :سديـ ـم الحقي ابو حنين مااات مااات
وقفت وانا مصدومة وقلت :أيـــــــــــــــــــــــــش ؟؟!!!!!
العنود :تعالي حنا في مستشفى .......
سديم بصدمه :اوكي
ابو صقر :شنو فيك ؟؟
سديم والدموع في عينها :يبه صاحبك شنو اسمه ؟
ابو صقر :اسمه احمد ال...
غمضت عينها بقوووة وهي تقول :هذا ابو صاحبتي
ابو صقر :شنوووو؟؟
الكل الي كان موجود في الصالة منصدم وحزين عليها
سديم :يبه ودني لها هي في مستشفى ....
ابو صقر :اوكي لحقيني انا في السيارة
بعد عشر دقايق وصلنا للمستشفى ورحت اركض لهم دخلت الغرفة الي موجودة فيها حنين شفتها نايمه مثل الملاك ناظرت في البنات ورحت لهم حضنتهم وبكيت معهم هذي صديقتنا والي يصير لها يصير لنا
/
/
/
/
/
/
/
/
/
/
/
/
/
/
/
/
جلست من اسوء حلم شفته في حياااتي وناظرت حولي وشفت البنات ودموعهم تنزل والي تقراء قرآن والي تهدي الثانية
لا هذا مو حلم هذي حقيقة ابووووي مااات ابووووي مااااااااااااااااااات
صرخة وانا مو مصدقة :لاااااااااااااااااااااااااااااااااااااااااااااااا ااااااااااا
تجمعو علي وهم يحاولون يهدوني بس مافي فايدة فراق ابوي خلاني مثل المجنونه تذكرت كل ذكرياتنا كل فرحنا وحزنا كيف بعيش بدونه كيف احد يفهمني كيــــــــــــــــــــــــــــــــــــــــــــــــ ــــــــــــــــــــــــــــــــــــــــف
الكل بكى معي يواسوني يهدوني بس مافي فايدة راحت سديم تركض تنادي الدكتور
جاء الدكتور بسرعه وعطاني ابرة مهدئة ونمت من بعدها
تنهد الكل بحزن
الدكتور :لازم تنسونها وتوقفون معها هي الحين محتاجه لكم
الكل :إنشاء لله
طلع الدكتور وراح له ابو صقر وكمل الإجراءات معه

يوم جديد
الساعه 7 الصباح
في غرفة حنين
جلست حنين وناظرت حولها شافت سديم نايمه على الكرسي و الباقي فارشين لهم في الارض ونايمين
تنهدت ونزلت دمعة من عينها وابتسمت من داخلها على وقفة صديقاتها معها حسيت انها محظوظة انها عندها صديقات كذا
بدت ترجع لها ذكرياتها والدموع تزيد ماقدرت تستحمل تكتم صوت بكاها وبدت تشاهق جلست سديم وراحت لها بسرعه وهي خايفة عليها حضنتها و زاد بكاء حنين وجلسو الباقي ولتمو عليها وبدو يهدونها لين هدت
حنين بحزن وهدوء :شكرا لكم لولاكم انا مادري كيف بتكون حالتي
سلمى :ولو حنا اكثر من صديقات حنا خوات
حنين والدموع في عينها : صحيح الله ما عطاني خوات ولا خوان ولا قرايب لي بس عطاني صديقات ما اقدر استغنى عنهم
حضنوها وقالو :وعد مانتركك بروحك
حنين تذكرت اسرار ودمعت عينها كانت تتمنى انها تكون معها في هذا الوقت الصعب بس هي الحين بعيدة بعيدة

عند اسرار
وصلت لايطاليا نزلت من الطائرة وكانت رابطه على رقبتها وشاح احمر
كان ينتظر صاحبة الوشاح الاحمر ومن التفت شافها فرح انه شافها بسرعه راح لها بسرعه وقال :الحمد لله على السلامه
اسرار بستغراب :الله يسلمك بس منو انت ؟
وهو رايح ياخذ شنطتها :انا ريان اخوك وصاني إن استقبلك من المطار
اسرار من شافته حامل شنطتها صرخة :حراااااااااااااااامي
ريان بصدمه :منو الحراامي !!
اسرار :انت ..مسوي فيها انك محترم وبتوصلني وانت اصلا حراااامي تبي تسرق شنطتي
ريان عصب :هي انتي هذا جزاي إن بوصلك للسكن
اسرار :ااااخ بس لو في احد يفهم عربي هنا انت واحد نصاب تبي تسرقني
ريان :احتررررمي نفسك وعن الغلط ....
سكت لما شاف بنت ثانية لابسة وشاح احمر وقال لها بستغراب :انتي شنو اسمك ؟
اسرار بعصبية :وانت شنو دخلك بأسمي هاا!
ريان معصب :ردي علي انتي شنو اسمـك ؟
اسرار :ما بقول يعني مابقووول والي بتسوية سوه تراء مو خايفة منك
ريان :انتي اسمك امجاد ؟
اسرار بستغراب :امجاد !! لا
ريان انصدم وانحرج
تقدمت امجاد لهم وشافته هي تعرفة <<وكيف ماتعرفة وهي اصلا تحبه
وقالت :ريـاان
رفع راسه لها وقال :امجاد؟!
امجاد ابتسمت :ايه امجاد
وناظرت في اسرار الي مبين انها مقهورة :في شي ؟
ريان وهو رايح ياخذ شنطتها :لا مافي شي يلا مشينا
امجاد دارت لاسرار وابتسمت لها وقالت :يلا مع سلامة وانشاء لله اشوفك مرة ثانية
ردت لها الابتسامه وقالت :إنشاء لله
مشت امجاد وراء ريان اما اسرار فهي مقهورة لانه ما كلف على نفسه انه يعتذر مشت وهي تقول :ناس اخر زمن
وقفت لها تاكسي وعطته العنوان
وصلت للشقة وطلعت المفتاح الي عندها الي وصل لها عن طريق البريد
اسرار :واخيرا وصلت للشقة وبرتاح من السفر
:شنوووووو تسوين هنا ؟؟!!
نهاية البارت
تحيااااااتي لكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 28-06-2012, 10:40 PM
صورة shooda الرمزية
shooda shooda غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


احم احم اول وحدة ترد
يسلمو على البارت الحلو
بس متى البارت اللي بعدوا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 29-06-2012, 06:04 PM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


اقتباس:
المشاركة الأساسية كتبها shooda مشاهدة المشاركة
احم احم اول وحدة ترد
يسلمو على البارت الحلو
بس متى البارت اللي بعدوا


الله يسلمك غاليتي
راح ينزل يوم الاحد
ودي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 02-07-2012, 06:14 AM
صورة shooda الرمزية
shooda shooda غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


اليوم اثنين وما في بارت :(

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 02-07-2012, 09:24 PM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


اقتباس:
المشاركة الأساسية كتبها shooda مشاهدة المشاركة
اليوم اثنين وما في بارت :(
اسفة حبيبتي والله امس انشغلت كثير انا اصلا كاتبه البارتات بس ما مداني امس اني انزله لكم
ربع ساعه وراح ينزل
ودي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 02-07-2012, 11:56 PM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


البارت الثالث
دارت اسرار وهي خايفة من الصوت الغاضب وانصدمت انه نفس الشخص الي كان في المطار
قالت : هذا انت ..وبعدين انت الي شنو تسوي هنا ؟!
ريان :هذي شقتي وبعدين من وين لك المفتاح هاا!!
اسرار :بس هذي شقتي وانا مستأجرتنها من صاحبها
ريان :بس انا صاحب الشقة وبعدين انا ما اجرتها لاحد
اسرار :وكيف تثبت لي ؟
ريان راح وطلع المفتاح وفتح الشقة ودخل داخل طول اشوي ورجع لها ومعه اوراق وقال : هذي الاوراق هي الدليل إنا الشقة ملكي انا
اسرار سحبت الاوراق وصارت تقراها وهي مو مصدقة الي تشوفة رفعت راسها له وقالت :بس انا عندي مثل هذول الاوراق
ريان :رويني اذا كان كلامك صحيح
فتحت شنطتها وطلعت الاوراق وعطتها اياه
ريان انصدم إن الاوراق صحيحه رفع راسه وقال بستغراب :بس كيف انا وانتي عندنا نفس الورقة
سكتو فترة وبعدها قالو مع بعض :جيســــــــــــــــــــــــون <<اسم الي باعهم الشقة

:
:
:
:
:
سديم :يبه احنا لازم مانترك حنين بروحها
ابو صقر :ادري يا بنتي هذي بنت الغالي راح اخذها معي وتسكن معنا في البيت
سديم بفرح :صدق يبه ؟!
ابو صقر :اكيييد يا بنتي ما راح اتركها بروحها
سديم :يبه هي متى بتطلع من المستشفى ؟
ابو صقر :بعد 3 ايام إنشاء لله روحي لها وصبريها
سديم :اوكي
دخلت غرفة حنين شفتها واقفة تناظر من النافذة وسرحانه الله يعينها فقدت ابوها وامها في الغيبوبة ولا يندرى متى بتجلس
سديم :حنين
ناظرتها والحزن بعيونها
سديم :انتي راح تعيشين في بيتنا لين تستفيق امك من الغيبوبة
حنين :لا مابي انا ابي اروح بيتنا
سديم :حنين حبيبتي اذا رحتي بيتكم راح تكوني بروحك وابوي خايف عليك لا تنسي انه صديق ابوك وانه موصي عليك
حنين دمعت عينها امس كانو معها حولها يضحكون ويسلفون معها واليوم راحو ولا ضل في البيت احد سوء الذكريات
سديم حست فيها :حنين لا تبكين لا تكسرين قلبي وتعالي معنا
حنين هزت راسها بحزن

************************************************** *********

في ايطاليا وبالتحديد في الشرطة
(بكتب بالفصحى يعني انهم يتكلمون أطالي )
الشرطي :الذي باعكم الشقة لقد خدعكم وليس لديكم الا حلين الى ان نعثر عليه
ريان :ماهما ؟!
الشرطي :الاول هو ان يتخلى احد منكم عن الشقة الى ان نعثر عليه ونسترد لكم ثمنها
ريان :وماهو الاخر؟!
الشرطي :ان تسكنا معا الى ان نعثر على من خدعكم <<مفكر هم مثلهم
ريان بصدمه :مـــاااااااااااااااااااااااااااااااااااذااا !!!!!!
اسرار مو فاهمه شنو يقولون لانها مو عارفة ايطالي
طلعو من الشرطة وهو ساكت ومتوتر شنو يقول لها
اسرار :شنو قال لك ؟؟!
ريان :يقول ان عندنا حلين
اسرار :شنو هم ؟!
ريان بتوتر :الاول ان احد يتخلا عن الشقة ..
سكت
اسرار بستغراب :ليش سكت شنو الحل الثاني ؟!
زاد توتر ريان وقال :الحل الثاني ان نسكن مع بعض لين يشوفون جيسون
اسرار بصدمه :شنوووووووووووووووووو؟!
مسك اذنه بأنزعاج وقال :صميتي اذني
اسرار برجاء :ارجوووك تخلا عنها انت ارجووووك
ريان :وليش انا ؟!
اسرار :انا ما عندي ثمن شقة ثانيه اما انت تقدر تدبر عمرك
ريان :لا والله شكلك نسيتي اني دافع فيها وبعدين من قال بتخلا عنها اذا تبين تخلي انتي مو انا
اسرار برجاء :ارجووووك انت اكيييد عندك خوات وماترضاء عليهم
ريان :ايه بس انتي مو اختي ولا راح اتخلا عنها تدرين ليش
اسرار :ليش ؟؟!
ريان :لانك اهنتيني في المطار ولا اعتذرتي لي
عصبت اسرار هي في شنو وهو في شنو : اسمع اولا انت الي كنت غلطان ولا اعتذرت لي والحين قلبتها علي
ريان :انا ما راح اتخلا عن الشقة اذا تبين تخلي عنها انتي
اسرار بقهر :وانا بعد ما راح اتخلا عنها وبنشوف مين الي يترك الشقة
ريان انصدم ماتوقع انها بتوافق بس ماتراجع
ناظرو في بعض بحقد وراحو للشقة
:
/
:
/
:
/
بعد 3 ايام
في السيارة
ابو صقر :توه مانور البيت
ابتسمت له وقالت :منور بأهله ياعمي
ابوصقر :الحين اذا وصلنا راح اعرفك على اولادي راح يكونو مثل اخوانك واذا بغيتي شي لا يردك الا لسانك
ابتسمت حنين على طيبته الي تحسسها ان ابوها للحين موجود
وصلت السيارة للقصر الكبير
حنين في قلبها ((واااااااو البيت حلوو لالا هذا مو بيت هذا قصر ..يووو انا شنو أقول ))
سديم :ها عجبك البيت
حنين :ايه حلوو
سديم :اذا دخلنا برويك اياه من الداخل
حنين اكتفت بأبتسامه
دخلو البيت وناداء ابو صقر على الكل
الكل توجه للصالة وقال اليوم عندي امانه وابيكم تصونوها وتحافظو عليها تراها غالية
ام صقر :شنو هي يا ابو صقر ؟؟
ابو صقر :ادخلي يا بنتي
دخلت حنين وهي متغطيه وبهدوء
الكل ناظرها
ابو صقر :فتحي وجهك يا بنتي هذيلا مثل اخوانك
فتحت وجها وخلت كل من حولها ما ينزل عينه وفي شخص من هذيلا الثلاث طق قلبه بقوة وبسرعه
صقر رفع عينه لها وتعلقت فيها وطلال نفس الشي اما مشعل فكان مفهي فيها
اما حنين كانت خايفة إن صقر يكشفها من دخلت وقلبها مو مخليها ترتاح
سديم حست انها منحرجة وقالت :بسكم خلاص لا تناظرون
صقر نزل عينه ولا اهتم وقال :يبه انا طالع الشركة تبي شي ؟
ابو صقر :خلك اليوم هنا لاحق على الشغل
صقر :لا يبه في شغل وااجد لا زم اخلصة
ابو صقر :اوكي لا تتأخر عن الغداء
سديم :يلا حنين شكلك تعبانه خليني ارويك غرفتك
ابو صقر :لا تنسين تنزلين على الغداء
حنين بخجل :لا عمي ما ابي اكل شي
ابو صقر :تراء بزعل منك
حنين :والله يا عمي مو مشتهيه شي
ابو صقر :اوكي بس راح تنزلين على العشاء
حنين ابتسمت وقالت :ان شاء الله
ركبت مع سديم
فتحت الباب وقالت :هذي هي غرفتك
ناظرتها وانا منصدمه هذي غرفة ولا صالة حتى اكبر من صالة بيتنا
سديم :بخليك الحين ترتاحين واذا بقيتي شي قولي لي
حنين ابتسمت وشكرتها
طلعت سديم وخلت حنين مع افكارها و مع حياتها الجديدة
طلعت دفتر وكتبت
انت ستكون صديقي الان وستعرف جميع همومي وجميع اللامي وافراحي
سأبد بك بذكر ابي
فتحت صفحة جديدة وكتبت
يبه شلونك
ملل هالكون من دونك ..
يبه شلونك ؟؟
وتمضي رحلة الدنيا..
بليا طلة عيونك..
يبه شلونك ؟؟
عساها تغمض جفونك ؟؟
تبي تدري عن احبابك ؟؟
عن عيون تغنا بك ؟؟
عن قلوب دفنها الشوق..
واذا جاها الغفا جابك ؟؟
يبه واللي خذاك بيوم..
خذا بكريتك عفرا..
خذا.. وياماخذا.. وياما..
خذا ناس يحبونك
يبه حنا غدينا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا..
على ذاك العهد نسري..
نبيع العمر والدنيا..
ولا تخلف بنا ظنونك
يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمة تجبر..
مراعيها .. يراعيها..
واشوفك للرجوله اسم..
اذا شد الزمن تقسى..
واحلم من معاني الحلم..
احسك مقبل بكرى..
وعيا لايجي بكرى !!
يبه تذكر زمان مر؟؟
لاقالو احمد ؟؟
هو احلى مابهذا العمر..
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يابيي ..
ملل هالكون من دونك
ملل هالكون من دونك
نزلت دمعه على خدها وهي تردد **ملل هالكون من دونك** ابوها الي راح في غمضت عين للحين مو مصدقة مو مصدقة انه راح وتركني مو مصدقة إن صرت يتيمه الاب مو مصدقة إن فقدة الغالي مو مصدقة إن بجلس بكرة ولا اشوفة واجلس كل يوم ولا اشوف ابتسامته لي آآآآآآآآآآآآه وينـــك يا يمه شنو بتكون حالتك لو دريتي إن ابوي راح ولا بيرجع وانتو الي وعدتوني انكم تظلو معي ولا تتركوني وحيدة آآآآآآآآآه وينكم الحين انا ابيكم بتكم حنين تبيكم ارجعو لها وربي ما اقدر اعيش بدونكم اهئ اهئ وبدت تبكي وتفرق كل الي في قلبها
((الله يخلي لكم امكم وابوكم ولا يحرمكم منهم فهم حياتنا كلها ..احبكي امي احبـــك ابي ))

:
:
:
:
:
:
:
:
:
:
تحت عند سديم
مشعل :والله انها حلوووة ماتوقعتها كذا ..اقول سدووم تقدرين تعطيني رقمها
سديم عصبت وقالت :انت في شنو وهي في شنو !
طلال :مشعل مو وقت مزحك ..اقول سديم هي ما عندها احد؟
سديم بحزن :لا ما عندها احد غيرنا ابوها مات وامها في غيبوبة والله مو عارفة كيف اطلعها من هذا الحزن الي هي فيه
طلال ابتسم وقال :ولا يهمك انا عندي فكرة
سديم :شنوووو

*
*
*
في بيت ثاني او نقدر نقول قصر ثاني
كانت جالسة تهز رجلها من الملل
:اوووف لمتى بضل كذا ...يـــس لقيتها
نزلت تركض تحت وراحت المطبخ لقت امها موجودة هناك :يمه
لفت لها :هلا بنتي شنو بقيتي ؟
:يمه بروح بيت عمي عبد الرحمن
:مو كأن الوقت مو مناسب الحين هم يتغدون وانتي بتروحي تلزقي فيهم ابي اسألك انتي ماتملين ؟
:نو نو ماما كيف تبيني امل وخوي حبيب قلبي هناك
:منو قصدك لا يكون مشعل
: يب يب
:أقول عقلي وبعدين يمكن امه حاطتنك في بالها له
هنا ضحكت بقوة :ههههههههههههههههه ههههههههه يمه لا تخاافين هي تعرف إن حنا مثل الاخوان
:بس يا بنتي انتي الحين عمرك 17 مو المفروض تتحجبين عنه
:يوووووو يمه كم مرة تفتحين هذي السيرة
:خلاص خلاص على كيفك بس من تتخرجين من ثنوي غصب عنك بتتحجبين سمعتــــــي
:اوك اوك خلاص على امرك الحين اقدر اروح
:روحي بس حاولي تقللين روحاتك
:على امرك في شي ثاني ؟
:لا روحي الله يحفظك
:ويحفظك لنا يا احلا ام في الدنيا
وراحت بسرعه تتجهز وتتكشخ
لبست بنطلون جنز ازرق فاتح مع تيشيرت ابيض ومرسوم عليه قلب اخضر وكاب اخضر وفالة شعرها

/
/
/
/
/
/
/
/
/
/
في بيت ثاني
كانت جالسة سرحانه دخلت عليها اختها التوأم وقالت :شنو فيك ؟؟
تنهدت بقوة وقالت :اشتقت له
طق قلبها بسرعه ودارت كانت خايفه انها تنكشف
:ياليته يحس ..آآآه وحشنـــــي حييييييييل متى يرجع من السفر
حسيت نفسي بختنق
قلت بصوت وكلي عبره :انا بروح غرفتي
رحت بدون لا اناظرها خايفة تشوف دموعي وتسألني عن سببها دخلت الغرفة وقفلت الباب ورميت نفسي على السرير ابكي ابكي آآآه يا اختي يا توأمي شنو اسوي انتي تحبيه وانا ...
.
.
.
.
احبـــــه

.
.
.
.
.
في بيت عبد الرحمن
الكل على طاولة الطعام عداء حنين
ابو صقر :ما اكلت شي
الشغالة :لا بابا مافيا كل شي هذا
ابو صقر تنهد وقال: خلاص رجعي الاكل
سديم :بقوم اشوفها
ابو صقر:لا خليها لا تغصبينها هي تبي ترتاح الحين
رجعت جلسة مكانها
ترن ترن <<الجرس
ابو صقر :منو جاينا في هذا الوقت؟؟!
سديم وهي كاتمه ضحكتها :للحين يبه ما عرفت منو يجي في هذا الوقت !
ابو صقر وهو يفكر :لا يكون ..بنت اخوي عبد الله
سديم بضحكة :هههههه يب يب
طلال :من غيرها ما تعرف التوقيتات انا شاك إن عندهم ساعه في البيت
مشعل :أقول خلاص كأنكم زوتوها
سديم :احلا يالمحامي
مشعل :أقول أقول اكلي خس وانتي ساكته .. وبعدين وين الخدم مسكينه البنيه صار لها ساعه واقفة براء ..ميســــااااا
الشغالة :نعم بابا
مشعل :كم مرة أقول لك انا مو ابوك افهميها ..روحي فتحي الباب
ام صقر :مشعل اذا بتكلم الخدم كلمهم بحترام تراء هذول بشر مثلك
مشعل :إنشاء لله إنشاء لله
دخلت رنيم وفسخت عباتها وعطتها الشغالة وتوجهت لعمها باست راسه وراحت لمرت عمها وسلمت عليها وسلمت على سديم وبعدها رفعت راسها وغمزت لمشعل ومشعل فهم وقال :يلا الحمد لله انا شبعت
وركب فوق الكل ناظر في رنيم لانهم عارفين انها بتركب الحين ابتسمت لهم ابتسامه عريضة وركبت بسرعه
ابو صقر:هههههههههه متى تكبر هذي
ام صقر :ههههههههه والله مادري
صقر :الحمد لله ..يلا يبه بروح للشركه تبي شي؟؟
ابو صقر :لا سلامتك
طلع صقر وركب السيارة واتجه للشركه

/
/
/
/
/

قفلت الباب وسحبت الجوال واتصلت عليه
:الووو
:الووو اهلين حبيبتي اخبارك ؟
وهي خجلانه :تماام وانت ؟
:دامني سمعت صوتك فأنا احسن واحد في الدنيا كلها
:ههههههه
:تسلم لي الضحكة ..ياانااااااااااااااس احبهاااااااااااااااااا
:اشووووو بتفضحنا
:عااادي خلنا ننفضح انا احبك ابي الكل يعرف
:وفي احد ما عرف العيله كلها عارفة
:هههههههههه شنو اسوي احبك
:والله حتى انا ..نواف
نواف :قلب نواف روح نواف
:امم انا اسـفـ ...
نواف قاطعها :نوف لا تكملين ليش تعتذرين انتي مالك ذنب
نوف والدموع على خدها :كيف ماتبيني اتأسف وابوي هانك وطردك ورفضك للمرة الثالثة
نواف بحزن :الي محزني انه رافضني ..احنا شنو ذنبنا ليش يفرقونا بسبب خلافاتهم ليـــــش ؟؟!!
نوف :حبيبي لا تزعل بجي اليوم الي بنصير مع بعض صدقني
نواف :إنشاء لله يااارب
وكملو سوالف
<<تبون تعرفون منو هذيل لا تستعجلون كل شي في وقته حلوو


ابو صقر:الحمد لله يلا انا بروح الشركة
ام صقر :بحفظ الله
طلال :يلا انا بعد شبعت الحمد لله
ام صقر :بتطلع ؟
طلال :ايه يمه بقيتي شي ؟
ام صقر :ويـن ؟
طلال :مع الربع
ام صقر :والشركة ما بتروح ؟
طلال :لا يمه ماعندي شي اليوم
ام صقر :اهاا انتبه لنفسك
طلال :إنشاء الله
سديم وهي تلحق على طلال :طلال انتظـر
دار طلال لها :هلا بقيتي شي ؟
سديم :لا بس شنو صار عن موضوع الخطة
طلال ضحك وقال :لا ولايهمك كلمت ابوي و وافق وقال بس عنده كم شغلة الحين في الشغل واذا خلصهم بيقول لأعمامي وعمتي ونروح
سديم بفرح : يــــــس تسلم لي يا اخوي عساني افرح فيك وامسك ايدك و اوديك لزوجتك
طلال :ههههههههههه كل هذا علشان حنين
سديم :والله ابي اخرجها من الحزن
طلال :والله انك طيوبة الله يهني الي بياخذك
سديم استحت وقالت تصرفة خخ: يلا تراء تأخرت على ربعك
طلال :ههههههههه ايه ايه صرفي يلا باي
سديم :باي

:
:
:
قبل لحظات
رنيم
وانا راكبة بروح غرفة مشعل سمعت صوت صوت انثوي يبكي ويقطع القلب
رحت متجهه للغرفة الي يطلع منها الصوت كان الباب مردود ناظرت من الفتحه و نصدمت لا مو معقولة
:
:
ملاااااااااااااااااااااااك
من وين جت هذي والله مثل الملاك سبحاان الله بس منو هذي يمكن خدامه جديدة لالالا ما اعتقد انها خدامه بهذا الجمال وبعد الغرفة فخمه مو حق خدامه لا يكووووووووون .....
طااااااااااااخ
وي فشله الحين وش بتقول (( طاحت وانفتح الباب ))
عند حنين
وقفت بسرعه وهي تشوف الي طايحه
وقفت وانا ابتسم من الفشلة وقلت لها : Hiii How are you؟<<مفكرتنها امريكيه
ناظرتها حنين بستغراب وفي قلبها تقول *منو هذي ماتوقع إن سديم عندها اخت ثانيه وهذي فاسخه *
رنيم باستغراب ليـش ماترد علي اوكي شكلها مستحيه بس ليش كانت تبكي والله قطعت قلبي ؟؟؟؟؟؟؟؟؟؟؟؟!
رنيم: Sorry
وطلعت رايحه لمشعل
فتحت بسرعه باب غرفة مشعل ودموعها على خدها
مشعل سكر من الجوال وهو مستغرب شنو فيها ؟
مشعل :رنوووم شنو فيك ؟
رنيم :يا قلبي يا مشعل
وراحت له وحظنته وهو انصدم شنو فيها هذي مريضة <<لووووول
رنيم :اكيييييييد انت حزين بعد ما عرفت إن ابوك متزوج على امك بس لا تزعل يا اخوي والله لأوريها ..هو ابوك ماخذ امريكيه ؟
مشعل دفاها عنه وقال :شنو فيك تخرفين منو الي متزوج على منو ومنو هذي الامريكيه
رنيم ودموعها تنزل تفكره معصب لان ابوه متزوج على امه :لا تعصب ولا يضيق بالك هذي مهما صار اختك لازم تعاملها عدل <<الحين هي مع من بالضبط *-*
مشعل هنا عصب عدل :انتــــــــي خرفتي شنو تقولين ابـــوي مو متزوج
رنيم توها تستوعب :هــــاااااااااااا !!
مشعل :كان مفروض تقولين لي شنو شفتي علشان افهمك
رنيم:البنت الامريكيه الي في الغرفة منو تكون اذا كانت مو بنت ابوك
مشعل :اووووووه رديتي على انها بنت ابوي ..هذي البنت هي بنت صديق ابوي
رنيم :وشنو تسوي هنا وليش تبكي ؟
مشعل :ابوها متوفي وامها في غيبوبة وهي ما عندها قرايب ابداً ومالها غيرنا والحين هي تبكي يمكن علشان ابوها وامها
رنيم حزنت عليها :مسكينه هي تعرف عربي ؟؟
مشعل بستغراب :وليش ماتعرف ؟
رنيم :لانها امريكيه يا غبي
مشعل :والله مال الغبي الا انتي لانها اصلا مو امريكيه ولا حتى فيها عرق امريكي
رنيم :بس كيف شكلها شكل وحدة امريكيه
مشعل :ليش طايحين من عيونك بنات السعودية والله انهم احلا من الي براء
رنيم :ههههههههههه اوكي قولي شنو اخر الاخبار
مشعل :كل شي تمام في بنت لاعب في حسبتها لعب
رنيم :صدق وينها روني اياها
مشعل :كيف ارويك اياها انتي بعد *-*
رنيم :شرايك تواعدها في مجمع ونروح نهبل فيها
مشعل :اوكي بس انتي تشوفينها من بعيد لبعيد ما تتقربين منها اوكي
رنيم بتفكير :اوكي

/
/
/
عند حنين
رجعت مكانها وجلست على السرير وتنهدت بحزن وسالت دمعتها مسحتها بسرعه وهي تحس إن في احد جاي وقفت بسرعه وناظرت الباب
سديم وهي مطلعه بس راسها :ممكن ادخل ؟؟
حنين ابتسمت :ايه حبيبتي ادخلي
سديم :شلونك الحين؟
حنين :احسن
سديم :حمد لله ..انزين عندي لك خبر حلوو
حنين :شنو هو ؟؟
سديم :اذا ابوي خلص شغلة بعد كم يوم بنروح مزرعتنا شراااايك بالمفاجئة
حنين بستغراب :مزرعه ! ليش؟
سديم :اول شي علشان تروحين عن نفسك اشوي وتستانسين وثانيا علشان تتعرفين على عيلتنا
حنين ابتسمت :مافي داعي تكلفون على نفسكم اصلا مالي خلق اطلع
سديم :لا لا كلافة ولا شي وبعدين احنا بنروح علشان يصير لك خلق
حنين ابتسمت :اممم سديم
سديم :هلا
حنين :اسرار ماتصلت فيني او شي
سديم : لا تلاقينها وصلت الصبح وتعبت ونامت
حنين :بس انا وصيتها تتصل فيني اول ما توصل
سديم :اكيييد من اثر التعب نامت ونست او يمكن جوالها فيه شي
حنين :يمـكن ..صحيح سديم البنات ماشفتهم اليوم
سديم :اتصلو علي وقالو في الليل بجون
حنين فرحت :صـدق
سديم ببتسامه :يب يب
حنين :وحشوووووني مووووووووت
سديم :مي تو
نهاية البارت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 03-07-2012, 05:07 AM
صورة shooda الرمزية
shooda shooda غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


يسسلموا قلبي روعة

\\


متى البارت الجاي

الرد باقتباس
إضافة رد

من عرفتك بدء عمري زاد النبض في صدري سرقت بضحكتك عمري/ بقلمي؛كاملة

الوسوم
..زاد , ..سرقت , النبض , بضحكتك , صدري , عمرى , عرفتك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أشتكي اللي بين ضلوعي / للكاتبة : wozo ، كاملة القلوب العاشقه روايات كامله - يتم نقل الرواية هنا بعد اكتمالها 195 05-08-2016 11:49 PM
اشتكى اللي بين ضلوعي قصة سعودية Tootoo22 ارشيف غرام 31 05-09-2013 06:13 AM
اعرف شخصيتك من خلال ترتيب غرفتك الـأرجـوانَ ارشيف غرام 1 30-04-2008 06:30 PM
والله إني من عرفتك sandybill منقولات أدبية 14 28-07-2007 09:05 PM
اعرف شخصيتك من غرفتك كويتية كوووول مواضيع عامة - غرام 4 16-07-2007 07:42 AM

الساعة الآن +3: 11:11 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1