اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 26-06-2012, 11:47 PM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي من عرفتك بدء عمري زاد النبض في صدري سرقت بضحكتك عمري/ بقلمي؛كاملة


ّ
بسم لله الرحمن الرحيم ّ

ها انا رجعت ولا كن لست فاضيت اليدين بل معي روايتي الثانية التي تحتوي على مجموعه من القصص الغامضة والرائعة والرومنسية في رواية واحدة
*فمازال قلمي يطلب مني إن اترك له العنوان *
*ومازال قلمي يود إن يبحر في تأليف القصص والخيال *
*ومازال قلمي يطلب مني عدم التردد في نشر ما كتبته *
*واليوم أضع بين يديكم محاولة اخرى من قلمي *
&روايتي &

**من عرفتك بدء عمري ..زاد النبض في صدري ..سرقت بضحكتك عمري**

اترككم مع روايتي الثانيه <<<<<لا تنسووون تجبون الكوفي والفشار هـع ~~
ملاحظة هامه:*لا احلل من ينقل روايتي بدون ذكر اسمي عليها *

^
^
^
^
^
^
**من عرفتك بدء عمري زاد النبض في صدري سرقتك بضحكتك عمري**

البارت الاول
صرت اهز رجولي من التوتر وكل اشوي اناظر الساعه يوووو مررررة تأخرت ناظرت في ابوي وقلت :يبه بلييييييز اسرع اشوي
الاب :يا بنتي وش تبين اكثر من كذا بنسوي حادث الحين
رجعت اهز رجولي ولما قربنا للمدرسة وقبل لا توقف السيارة فتحت الباب ورحت اركض وانا اسمع ابوي وهو يقول :انتبـــهي
دخلت بسرعه المدرسة ولقيت الساحه فاضيه من الطالبات كالعادة تأخرت وكل يوم مثل الوقت رحت بسرعه ولما قربت من غرفة المراقبة صرت امشي على اطراف اصابعي مثل الحراميه علشان لا تحس بس مافي فايدة اذون فيل هذي مسكتني وبدت المحاظرة اليوميه ... ليش متأخرة ....وانتي مثل كل مرة تتأخرين ...شوفي ساعتك كم الساعه الحين ...بذمتك ماعديتي كم مرة تأخرتي على المدرسة ...ومن هذا الكلام الي بطلتنا ملت منه واخيرا سمحت لها المراقبة انها تروح لفصلها وراحت تركض لفصلها بكل نشاط وحيويه كالعادة رفسة الباب بقوة وهي تقول :هااااااااااااااااااااااااااااااااااي بنــااااات كيــــــــــــــــفكم ؟؟؟ اكيييييييييييييد وحشتكم خميس وجمعه مو ؟؟
استغربت من البنات ليش مايتكلمون وبعدين ليش كل وحدة جالسة محلها لمحت صديقتي ومبين عليها التوتر وتأشر على وراي ضحكت وقلت :شنو فيك اسرار شايفة جني
شفتها وهي تضرب راسها بأيدها على غبائي حسيت بوحدة وراي درت وانصدمت من وجود المدرسة في الفصل هذي ثالث مرة تصير معي ومع نفس المدرسة والمصيبة الاكبر كانت الموجهه موجودة تمنيت الارض تنشق وتبلعني وشفت المدرسة وهي ترص على اسنانها من الغضب وتقول بصوت نزيل :حسـابك بعدين يا ست حنيـــن
رحت مكاني وانا اشوف وجوه البنات اشوي وتنفجر من الضحك ضحكت بقلبي وجلست مكاني وصرت اهزء في الست اسرار لانا ما قالت لي وانا كنت موصيتنها إن اذا كانت المدرسة موجودة تلمح لي <<مسكينه اسرار
يووووووو نسيت اعرفكم بنفسي انا حنيــــــن اخر سنه يعني ثالث ثنوي علمي عمري 18 احب الدجة والضحك والوناسة والاكشن وكل انواع المغامرات شكلي كيف أقول لكم اممم ايه انا بيضة وعيني خضراء وشعري طويل تحت ظهري بشوي لونه كستنائي فاتح وفيه خصلات شقراء على ذهبي وهوناعم ووو جسمي حلو على قولت اسرار كأني وحدة من عارضات الازياء بسبب جسمي المتناسق اما طولي فهو زين بالنسبه لسني والكل يفكرني امريكيه او من أي مكان من اوربا لدرجة شككوني ورحت سألت امي وابوي وضحكو علي بس انا ابدا ما عندي عرق امريكي على قولتهم المهم انا مو من العائلات المشهورة الحالة المادية انزل من المتوسط بشوي مو واااجد بس راضيه فيه وانا وحيدة امي وابوي ماعندي غيرهم بهذي الدنياء المهم وشنو بعد تبون تعرفو عني اممم ايه صحيح انا شاطرة في كل شي الا في شي واحد وهو السباحه اخاف من الاماكن الغزيرة ووووبس هذا كل شي عني واذا تبون عن اخلاقي فأنا ام الاخلاق <<لا يا شيخه تمدح نفسها .. يحق لي
ناظرت في المعلمة وهي منذمجه مع الشرح اول مرة تشرح عـــــــــدل مو لله علشان الموجهه موجودة ...لحظة كأن الي جنبي سرحانه لفيت وجهي لها و صحيح طلعت سرحااااااااانه مثل كل مرة وياليت تقول لي كل ما اسئلها تقول ما في شي بس انا حاسه إن في شي من ثلاث سنوات وهي كذا حالتها ..يووووووووو نسيت اعرفكم عليها هذي اعز صديقه لي الروح بالروح اسمها اسرار انا وهي انولدنا في نفس الشهر الفرق بيني وبينها يوم خخ انا وهي صديقات من الطفولة ونسمي بعض *توأم روحي* هي جميله كثيرررر لون شعرها عسلي فاتح لنص الظهر وعينها بعد عسلي لون بشرتها حنطي مايل للبياض جسمها يهبل بس هي مايعجبها يعجبها جسمي و طولها تقريبا مثلي و هوايتها ركوب الخيل حالتهم المادية متوسطة وعلى نياتها مسكينه و رومنسية حييييل بس في الدراسة هي مو اشطر مني احسكم مليتو وانا اشرح لكم يوووو الابلة تناديني وقفت بسرعه وهي تقول لي :يلا جاوبي على السوال !
وقفت محتارة والكل يناظرني ابي اعرف شنو السوال بس النحسه مو راضيه تعيدة لأنها عارفة إن بجاوب عليه تشوفني متى اسرح مع نفسي وتعكر مزاجي تجي لها الفرصة علشان تفشلني
تررررررررررررررررررررررررن <<جرس المدرسة
الحمدلله انقذني الجرس فديته والله طلعت الابله عساها ماترجع ولفيت بسرعه لاسرار وقلت لها :الحين الحين تقولين لي في شنو سرحانه ؟؟!
شفت علامات وجهها تغيرت وصارت متوترة مثل كل مرة اسئلها هذا السوال ردت لي مثل كل مرة :ما في شي
جننتني هذي البنت كل مرة تقول نفس الشي انا حاسه إن في شي بس هذي المرة ما راح اتركها واعرف نقطت ضعفها وقلت بزعل مصطنع :اجل خلاص لا تكلمين دامك تخبين علي وحنا الي اتفقنا مانخبي عن بعض
اسرار مسكينه ماترضى على زعلي وقالت :خلاص خلاص بقول لك بس لا تزعلي مني اوكي
استانست واخيرا بعد ثلاث سنوات بتقول لي قلت لها :لا حبيبتي ما راح ازعل منك وراح اتفهمك وبيكون سرك في بير لا تخافي
شفتها تاخذ نفس عميق وتقول :انا ....
ما كملت بسبب البنت النحسه الي قطعت علينا وقالت بدلع ما يليق :حنيـن عادي اخذ دفترك الرياضيات اشوي عندي نقص و ....
قطعت عليها كلامها وصرخت في وجهها :موووووووووو وقتك يعلك الماااااااحي
ضحكت اسرار وانا حدي معصبه راحت البنت وهي تتحلطم طنشتها ورجعت لاسرار وقلت لها: يلا قولي
قالت لي :اناااا ...انـ ـااااا ..شفتها تغمض عينها بقوة شكله الكلام كبير و خفت لما انفجرت بسرعه وقالت :اناااااااا احب
صدمه
صدمه
اسرار البريئة تحب <<كأن حرااام تحب هع
قلت لها :انتي من صجك تتكلمين ؟؟!!
قالت :ايه
قلت :ومنو سعيد الحظ هذا
اسرار:اممم واحد تعرفت عليه من النت
وقفت بكل صدمه ونسيت اللي حولي وقلت بصوت خلا كل اللي في الفصل يسد اذنه معنا صوتي ناعم بس من الصدمه :نــــــــــــــــــــــــــعم !!!!!!
سحبتني من ايدي وجلستني وقالت :فضحتينا
قلت لها وانا مصدومه منها :اسرار انتي تكلمين واحد من النت
نزلت راسها وقالت :ايه
قلت بحزن :ليش يا اسرار فكرتك اكبر من كذا
رفعت راسها الي نزلته وانصدمت من دموعها اللي تنزل بدون انذار مسحت دموعها وقلت لها :اسفة مو قصدي بس انا خايفه عليك الاولاد كلهم كذابين خاصة اذا عرفتيه من نت
قالت لي بحزن :لا الا هو غير وربي غير يحبني موووووووووت ولا يقدر يعيش بدوني بس انا ...وصارت تشاهق وكملت :تركتـ ـه علشـ ـاااان اهلي ولاني عارفة إن مستحيل نكون لبعض
حنين بستغراب :ليش ماتكونو لبعض ؟؟
اسرار :لأن هو من عآيله معروووفه وكبيرة واهله ما راح يوافقوا وغير كذا هو من جدة مو من الشرقيه وانا ما ابي ابتعد عن اهلي
حنين بشك :انتي متأكدة انه يحبك ؟
اسرار :مثل ما انا متأكدة بأنك تحبيني
كسرت خاطري شكلها تحبه موووووت ما عرفت شنو اسوي لها قلت لها :من متى تعرفينه ؟؟
قالت لي :لما كنت بثالث متوسط تعرفت عليه وفي ثاني ثنوي تركته لاني مو قادرة اخون اهلي اكثر من كذا ... وكملت بسرعه ..بس وربي هو يحبني واختبرته كم مرة وشفت صدق حبه لي و وفائه انتي تعرفيني زين إن ما اثق بأي احد ولا اصدق بأي احد بس هذا غير وربي غير عن كل البشر
حنين :شنو اسمه ؟؟
قالته وكان روحها بتطلع من كثر شوقها له :اسامه
سكت اشوي افكر شنو راح اسوي مرت سنتين وهي للحين مو ناسيته وهذا دليل على حبها الصادق بس انا للحين مو واثقة انه يحبها قطع تفكير كلامها الي صدمني وخلاني اصحى من تفكيري
حنين بصدمه :شنو قلتي ؟؟؟!!
اسرار بحزن ودموعها تسيل على خدها :افكر إن اذا خلصت ثنوي اسافر برا علشان انساه وبتحجج على اهلي بحجت الدراسة برا
حنين بصوتها الناعم والحزين :و تتركيـ ـني !!
اسرار حضنت حنين صعب تفارقها بس غصب عنها تبي تنساه ماتبي تضل على ذكراه
تباعدت عني ومسحت دموعي وقالت :لا تبكين انتي تعرفي إن ما اقدر اشوفك تبكين
قلت وانا كاتمه دموعي:بس أنـ ـااا ما اقـ ـدر على بعدكـ
اسرار :حنين انتي تحبيني بليز علشان مصلحتي تحملي اشوي وانا اوعدك إن بضل اتصل لك واخبرك عن كل شي يصير معي
سكت وسكتت هي وكل وحدة تفكر في بكرة شنو بنسوي بدون الثانيه
قطعت علينا وحدة من الشلة جت من الفصل الثاني وقالت :حنون اسور
قربت لنا ولمحت اثر الدموع على وجهنا وقالت بخوف :شفيكم ؟؟
حنين ترقع : هاا..لا ولا شي بس اسرار تعبانه اشوي فخفت عليها
:سلامتك اسووور فيني ولا فيك
اسرار:تسلمين يا العنود
العنود :أقول شكلها ابلتكم غايبه
انا واسرار تونا ننتبه إن مضى نص الحصه بدون معلمه صرنا نصرخ من الونااااسه <<<توهم يبكون هههه
العنود ضحكت علينا وقالت :المهم حتى احنا غايبة الابلة
حنين :صدق اجل وين الهنوف و حور و سلمى ما اشوفهم معك ؟؟
العنود :ايه لانا في طالبه ناقله اليوم لمدرستنا وفي فصلنا لو تعرفو بنت منو تطلع عيونكم من اماكنها
حنين واسرار بفضول :منــــــو؟؟!
العنود :بنت عبد الرحمن ال...... صاحب الشركااات العالميه الكبيررررة المشهورة بين دول العالم
اسرار من صج طلعت عيونها وقالت بصدمه :كـــــــــــــــــذاااااااااااااابـة !
العنود :والله ..حتى الكل ملتم عليها وهي مسكينه حسيتها خجلانه مرررة
حنين ببرائه :اممم بنات ..منو هذا عبد الرحمن ال.....
العنود واسرار فتحو فمهم من الصدمة وقالو :ماتعــرفي عبد الرحمن ال..!
حنين بملل :لا ما اعرف
العنود :هذا ملياردير مو حي الله
حنين :وخير يعني شنو فيها لو كان ملياردير
العنود :هذي الي بتذبحني أقول لك ملياردير تقولي شنو فيها
اسرار :المهم تعالي انتي شنو جيبها هنا في مدرسة عامه
العنود :وانا ايش دراني يمكن البنت متواضعه ..المهم بتجون تشوفونها
اسرار :هي حلوة
العنود :تهبببببل بس مو احلا من حنوون
رحنا بسرعه فصلهم ودخلنا وشفنا شلة بنات مجتمعين على بنت وانواع الاسئلة لها
دخلت وسط الحلبه هههه قصدي الشلة وشفتها صحيح حلوة بس ما توصل لي <<بدأ الغرور هع
حسيتها متورطة فحبيت اطلعها من الورطه سحبتها من ايدها بدون سابق انذار ورحت فيها لفصلي وجاو باقي الشله لي وبنات فصلي التمو علينا بس بكلمه مني خلت الكل يتباعد تعرفو الشاطرة لها كلمه في الفصل خخ المهم شفتها وسلمت عليها وقلت :هلااااا والله بـ... اممم شنو اسمك
قالت بخجل :سـديم
حنين :عاشت الاسامي ..ومدت ايدها وقالت :وانا حنين
سديم بأعجاب :تسلمين اسمك انتي بعد حلو مثل شكلك ما شاء لله عليك
خجلت من كلامها وقلت :تسلمين هذا من ذوقك
سديم :انتي امريكيه ؟؟
هنا الكل ضحك حتى هي استغربت منا وقالت :ليش تضحكو انا قلت شي يضحك ؟!
قلت لها :لا حبيبتي بس من كثر الناس الي تسألني هذا السوال نفسه ..بس انا مو امريكيه ولا فيني عرق امريكي
سديم ضحكت بخفيف :ههه اهاا
حنين بحيويتها قالت :شرايك تنضمين لشلتنا
سديم :شلتكم ؟ّ
الهنوف :يب يب
اسرار :شلتنا هي 6 بنات وماعندنا مشكله انها تكون 7 بنات
سلمى :بعرفك على شلتنا انا سلمى وهذي حنين رئيسة الشله وهذي اسرار وهذي الهنوف وهذي حور وهذي العنود
سديم :اهااا.. الله يحفظكم إنشاء لله لبعضكم
البنات كلهم :ااااااميــــــــــــــــــــــن
الكل :ههههههههههههههههههه
سديم بعد تفكير قصير :امم اوكي انا موافقه
الكل :هيييييييييييييييييييييييييييياااااااااااااااا
حنين :اهلا فيك مع شلة بنات خبال راقي
ضحكت سديم على اسم المجموعه وصرنا نتكلم وبعد فترة قصيرة رن جرس المدرسة يعلن عن انتهاء الحصة وبدء حصة جديدة وراحت كل وحدة لفصلهم
^
^
^
^
^
في مكان ثاني في احد الشركات العالميه الكبيرة انفتحت الابواب له و دخل للشركة بهيبته الكبيرة الي تخلي الواحد يطر انه يوقف له ويترك شغله ويبتسمون له ويسلمون عليه بس هو كان العكس كان جامد ونظرة دائما سيدة دخل لمكتبه وعبر على مكتب السكرتير الي حقه وقال له :بسرعه جيب لي دفتر المواعيد
دخل مكتبه الفخــــم الي بالاسود والابيض وكان مررررة كبيرر وهذا يدل على كبر شركتهم جلس على كرسيه الجلد الاسود ومسك الجريدة وبتسم وهو يشوف وين وصلت شركتهم ترك الجريدة على دخول السكرتير وقال :يا طويل العمر عندك موعد بعد نصف ساعه بجون مندوبين شركه من اليابان وبعد ساعتين بكون عندك اجتماع مع المهندسين وبعدها لازم نروح ونشوف المجمع الي انتهى للتو من بنائه وهذا كل شي لليوم وفيه اوراق يحتاجون توقيعك وكمان في عرض وصل لنا من شركه في بريطانيا ارباحها بالملايين
قال بثقته :شنو اسم الشركة ؟؟
السكرتير :اسمها أريانا
:اوكي عطني العرض اطلع عليه قبل لا يجي وقت اجتماعي مع المندوبين
السكرتير :إنشاء لله طال عمرك ...محتاج شي ثاني ؟؟
:لا خلاص روح
طلع السكرتير ورجع باملف العرض الي من بريطانيا
اخذه وصار يطلع عليه وابتسم على هذا العرض الي بربحهم ملايين وقع بقبول العرض بدون أي تردد
قطع عليه تفكيرة صوت جوالة
اخذة وابتسم على المتصل ورد على طول :هلا والله بجراح
جراح :هلا بيك اكثر ..شخبارك؟ من زمااان ما شفناك !
:انا طيب الحمدلله ..والله اشغال وماحصل لي وقت فاضي علشان اتواصل معك
جراح :اهااا بس هذي المرة مالك عذر انا عازم الشباب نطلع على الكرنيش اشوي نغير جو عن الشغل ..شرايك ؟؟
:والله فكرة حلوة بس ..
قاطعه وقال :لا بس ولا خس بتروح يعني بتروح
ضحك بضحكته المميزة الي سرقت قلوب بناااات كثير وقال :اوكي خلاص ..بس متى بتروحو ؟؟
جراح :يوم الاربعاء الساعة 4 العصر إنشاء لله لانا هذي الايام اكثر الشباب مشغولين
:اوكي خلاص اتفقنا
وسكر منه ورجع يناظر في الملفات الي يحتاج لهم توقيعه

^
^
^
^
واخيرا رن جرس الفسحه شفت البنات يتراكضون لبراء ضحكت على اشكالهم
نادت علي اسرار علشان ننزل
مرينا على فصل صاحباتنا البقايه ورحنا وجلسنا في الزاوية براء في مكانا المخصوص لنا وصرت اكلم سديم عن مغالبنا ومغامراتني وضحكنا وهواياتنا وكل شي عنا نبيها تعرفنا كثير الصراحه حبيتها حسيتها متواضعه خاصه لما عرفت إن حنا مو من عائلات مشهورة ماشفت علامه الغرور في وجها وهذا الي زاد اعجابي فيها
اما هي بترك لها المجال انها تقول لكم عن شعورها
سديم
الصراحه ماشفت ناس مثلهم طيبين وحبوبين ولا حسيتهم انهم يهتمون بالمال او الشهرة متواضعين وهذا هو النوع الي احبه يووو صحيح ماعرفتكم على نفسي
انا سديم من العائلات المشهورة هذا الشي ماكان يفرحني كثر ما كان يحزني كل الي صاحبتهم كان يصاحبوني علشان شهرتي موعلى شان شخصيتي بس هذيلا غير وحبيتهم من قلبي اما بالنسبه لشكلي جسمي حلو لا ضعيف ولا متين وعيني لونها عسلي وشعري لونه بني فيه خصلات بالعسلي طالع جنان وطوله انزل من الكتف بشوي طولي حلو متوسط و هوايتي الرسم وبشرتي حنطيه حلوة وملامحي هادئه وناعمه وووبس
بعد سوالف البنات الي ماتخلص قلت لهم :بنات انتبهو لي اشوي
الكل التفت لي وقال :شوو؟؟
قلت ببتسامتي المميزة :شرايكم بانضمام سدوم نطلع تمشيه ؟؟
الكل :ايه ايه حلوة الفكرة
سديم بخجل :ما يحتاج
حنين :لا ولو لازم نرحب فيك
اسرار :اوكي بس وين بنروح
الهنوف و العنود :شرايكم المجمع
حنين :لا غير المجمع
حور :شرايكم الكرنيش
حنين :والله فكرة حلوة ..هاا شنو قلتم بنات نروح الكرنيش
الكل :أيــــــــــــه
حنين :خلاص يوم الاربعاء العصر الساعة 4
اسرار :اوكي بس منو الي بودينا
هنا سكت الكل بس تكلمت سديم وقالت :خلوها علي انا بخلي سواقي الخاص يودينا
الكل :يـــس خلاص اتفقنا
ورن جرس المدرسة ورجعو كل البنات لفصولهم
^
^
^
وبعدها مرت الحصه الرابعه واسرار وحنين يفكرون وكل وحدة مو قادرة تناظر في الثانيه لانهم يخافون يذكرون انهم بيفترقون
(للمعلوميه هم الحين في النص الثاني ومابقي غير شهر وتبدء الاختبارات النهائية يعني قرب وقت الفراق وكل وحدة تتمنى إن ما ينتهي هذا الترم )
بعد انتهاء الدوام الكل مشي لبيته
في السيارة عند حنين كانت ساكته غير عادتها
ابو حنين :شنو فيك حبيبتي ؟؟
حنين انتبهت لأبوها وقالت :لا يبه مافيني شي بس تعبانه اشوي
ابو حنين :سلامتك من التعب
حنين ببتسامه :الله يسلمك يبه
دخلت البيت وسلمت على امي وبسرعه رحت لغرفتي وسكرت علي الباب
وجلست افكر بحياتي بدون اسرار
في مكان غير بكل شي
دخلت القصر وراحت بسرعه لغرفتها وغيرت ملابسها ونزلت تحت وهي تسولف لأمها عن كل شي صار لها في المدرسة
ام سديم :اجل الحمد لله لقيتي اصدقاء لك
سديم :أي ويهبلووون بعد
مشعل :أقول سدوم كيف اشكالهم ..هم حلوين
طلال يستهبل معه :صدق كيف اشكالهم
سديم :هههههههههه في المشمش أقول لكم موووتو بحرتكم
مشعل :يهون عليك اجلس افكر طول اليوم كيف اشكالهم
سديم :أي يهون علي
ام سديم :يلا عاد عقلو ..خل ابوكم يسمعكم علشان يذبحكم
انخرسو <<يعني سكتو
نزلت من الدرج بخطواتها الواثقة
دارت سديم تشوف صاحب الصوت معنها عارفه منو
راحت لها ركض من شافتها ومشعل صار يزغرط مثل الحريم
مشعل :كلـــــــــــــــــــــــــــــــــلووووووووووووو ووووووش
وصلت لها وحضنتها وقالت :واخيرا بفتك منك وارتاح
دفتها وقالت لها :لا والله انا بجلس على قلبك وكل يوم بجي هنا
طلال ناظر امه وقال :يمه ليه تبكين ؟
ام سديم وهي تمسح دموعها:صعبه علي افارق رانيا
راحت لها رانيا وحضنتها وقالت :لا تخافي يمه راح اجي كل يوم
سديم بغيرة :ليش يمه انا ما اكفيك
مشعل +طلال :هههههههههه بدت الغيرة
سديم دارت وجها عنهم ولما شافت ابوها نازل من فوق راحت له تركض وحضنته وقالت :اهم شي إن دلوعة البابا
ضحك عليها وقال :شلونك اليوم في المدرسة ؟؟
سديم :تماااااام التمااام
ابو سديم :أقول نورة للحين ما رجع صقر
ام سديم (نورة ):لا والله للحين ما رجع
بعد ثواني بسيطة انفتح الباب ودخل منه بطلنا صقر
ابو صقر :وينك ليش توك جاي؟؟
صقر :كانت عندي اشغال كثيرة اليوم
ام صقر :الله يعطيك العافيه يا صقر
صقر ببتسامته الي تذوب :الله يسلمك يالغاليه
ام صقر :يلا يا اولاد الغداء جاهز
وتوجه الكل لطاولة الطعام الفخمه والكبيرة والي كان يرأسه ابو صقر وعل جنبه اليمين ام صقر وعل جنبه اليسار صقر وجنبه طلال وجنبه مشعل ومقابل طلال رانيا ومقابل مشعل سديم
سديم وهي منذمجه مع رانيا وتكلمها عن البنات :واقولك يا رانيا في بنت الي هي رئيسة المجموعه مو طبيعية تهبل بمعنى الكلمه الي يشوفها يفكرها امريكيه سبحااااان الي خلقها عليها عيون تخقق خضراء وشعرها يجننن كستنائي وفيها خصل شقراء وعليها جسـ...
قطعتها رانيا الي طقتها بكوعها
سديم :اااي وجع ليش ..
انتبهت إن مشعل ناط اذنه معنا قلت له :مشعل الحق !!!
مشعل :شنووووو؟؟
سديم :اذنك مرميه عندنا شيلها عنا
الكل ما عداء صقر الي نادر يضحك :ههههههههههههههههههههه
مشعل بقهر :هذي من الغيارة
سديم :وعلى شنو بغار من اذنك !!
وهذا هو حالهم كل يوم نفس العراك سديم × مشعل
احم احم اخت اسرار الدموع ممكن اعرف القراء بأسرتي الكريمه والرائعة
هههههههه اوكي تفضلي
احم احم
اول شي بعرفكم بأبوي
ابو صقر
اسمه عبد الرحمن طيب وحنوووووووون حيل و لا يعرف معنى للظلم ويحب اولادة وبناته وخاصة انا سديم احم احم ,,ويمتلك اكبر الشركااات في السعودية عمره 57سنه
اما
ام صقر فديتها
شمعة البيت بدونها البيت مظلم تحبنا مثل ابوي ويمكن اكثر بعد الي يشوفها يعطيها في 30 بس هي عمرها 48
صقر
اخوي الكبير الجامد الي ما يعطي وجه لأحد ولا يبتسم لأي احد ولا يضحك كثير بس اذا ضحك ياويلي تموت البنت في ارضه وبدون مبالغة هو احلا واحد في العيلة ،،عفوا قصدي في العالم له غمازة تخلي الصاحي مجنون وله حواجب حادة وشعر اسود سوااااااد الليل وطويل لرقبته وحييل ناعم والعين آآه منها عين غطت على الكل لونها رصاصي محددة بأسود وله سكسوكه وله خشم مثل السيف وشفايفة وسط وله غمازة على خدة اليمين اما جسمه فهو رياضي وله عضلات محليه جسمه وملامح وجهه حااااااده اما عمره 26 سنه رافض الزواج رفض باتاً والسبب مجهول <<اصلا هو كله مجهول
بس تراه طيب بس ما يظهر طيبته لأي احد

طلال اخوي الي عمري ماشفت مثله اخو طيــــــــــــــــــــــب اتعب وانا أقول طيب هو الثاني ياقلبي عليه حنوووووون و اخلاق ومن ناحية الجمال تره فلته جمييييل بس مو كثر صقر عينه رمادية والشعر بني فاتح ملامحه انعم من ملامح صقر جسمه اضعف من صقر بشوي عمره 24 سنه ابوي مو راضي يزوجة يقول الكبير اول

رانيا
اختي الي بعده عمرها 23سنه حلوووة كثير هي مخطوبة لولد عمتي اسمه محمد عاشو قصة حب حلوووة بس حمد لله ما واجهوا أي مشاكل احبها كثير لانها اختي الوحيدة وطيوبة اما شكلا فهي حلووة بس مو كثري ((وااااثقة))شعرها قصير تحت رقبتها بشوي لونه اسود وعينها بني غامق وبيضاء

مشعل
اخوي الثالث او أقول عدوي في كل شي نتهاوش 24 ساعه ويحب الاكشن و المغالب و مغزلشي ويحب يضحك واااجد هو مع بنت عمي اكثر من اخواان احسه يعتبرها اخته اكثر مني ((كأن بدت تغار هع))
هي طووووووول الوقت عندنا ((يمكن ماعندهم بيت خخ)) واذا جت ماتجي لي على طول لغرفة مشعل اوفر عندهم واصلا هي لا تتحجب ولا حتى تلبس العباه عن اخواني الي يشوفها يقول صغيرة مو في 17
صفات اخوي حلوة بس مو كثر اخواني الثانين شعره بني فاتح وعينه بني غامق كله يشيل لحيته وشواربه خخ عمره 22 سنه


*
*
*
*
*
*
*
*
*
*
يوم الاربعاء

ودعت حنين صاحباتها بعد ما أكدت عليهم انهم يتجهزون
الساعه 4 بالضبط سمعت صوت هرن السيارة وعرفت انها سديم طلعت وركبت معها ومرو على الباقي
في الكرنيش
نزلو البنات وهم يستنشقون الهواء المنعش وراحو مع بساطهم وفرشوة قريب للبحر وصارو يسولفو ويضحكو (طبعاً كلهم متلثمين )
حنين :بناااات انا بروح اشتري ايسكريم منو يبي ؟؟
سديم :اناااا
حور :وانا بعد
الهنوف :وانا
حنين :خلاص فيه احد بقى يبي اسكريم
الباقي :لااا
اسرار :حنين انا بروح معك
حنين :اوكي
صارو يمشون لعند سيارة الاسكريم اسرار مسكت اثنين وحنين نفس الشي
جت حنين بدور ووووو......
طااااااااااااااااااااخ
حنين بصدمه وتوتر وخجل :انااا اسفة وربي مو قصدي
الشاب وهو حدة معصب :انتي عميه ماااااتشوفين
حنين :اسفة والله مو قصدي
الشاب :لا والله شنو فايدت اعتذارك الحين
سكتت حنين بخوف
الشاب :اسمعي ياقليلة الذوق و التربية
انصدمت من كلماته هذا كله لأنها طيحت الايسكريم على قميصة هنا بدت تنفجر وتعصب قالت :قليل الذوق والتربية هو انت مو انا
الشاب بعصبيه :صدق قليلة ادب وطولين السانك علي بعد هذا الي ناقص وناظرها من فوق لتحت وكمل ..مابقى الا بنت الشوارع تطول لسانها علي
حنين بعصبيه :صدق انك واحد حقيررررر
الشاب شوي ويضربها :منو الحقير يا حقيررررة ..انتي ماتعرفي انا منو وشنو اقدر اسويي فيك يا بنت الشوارع
حنين :ومنو يعني يا ولد الشوارع لا يكون الامير وانا ما ادري انت واحد حثالة
الشاب بعصبيه واصحابه يحاولون يهدونه :انا الحثاله يا حشرة
حنين الي تبعد اسرار الي تحاول تبعدها :ايه حثاله ومو متربي بعد لو كنت صحيح متربي كان ما صرخت على بنت يا حقيررر
الشاب :اذا انا حقيررر انتي شنو تطلعي يا حثالة
حنين :اصلا انت مو رجال
هنا وصل حدة وقال :صدق انك حقيررررررة ومو متربيه يا بنت الـ...
حنين لهنا وبس وصلت حدها اخذت الايسكريم الثاني و رمته على وجهه بين صدمت اسرار واصحاب الشاب
وقالت حنين بثقة :شوف نفسك بالاول وبعدها تعال قول لبنات الناس انهم مو متربين
وعطته نظره ومشت عنه واخذت اسرار معها ورجعو للبنات بأيدين فاضين
*
*
عند البنات
سديم :وين الايسكريم ؟!
تنهدت حنين وقالت للبنات شنو صار معها
سديم :تعـجبيني يا قوية
ضحكت حنين بخفة
العنود: اهم شي انهم مايعرفونكم؟؟
اسرار :لا تخافي مايعرفونا
سلمى :الحمد لله ماسوا فيك شي
الهنوف بهبال :هو حلو ؟؟
الكل :هههههههههه
حنين :شنو الفايدة اذا كان حلو وماعنده اخلاق
حور :يعني حلو
حنين : ايه بس اخلاقة غطت على حلاوته صار بالنسبة لي اقبح إنسان شفته على وجه الارض
سلمى :قولي لنا شكله
حنين :لا الله يخليكم ما ابي اتذكرة وتنسد نفسي
اسرار :ههههههه
حنين :خلاص غيرو السالفة
سديم :صحيح بنات انا عازمتكم على عرس اختي رانيا الاسبوع الجاي يوم الخميس
اسرار :صدق الف الف مبروووك
سديم :الله يبارك لك
حنين :عقبالك يا وردة
سديم بخجل :هههه آمــــــــــين
الكل :هههههههههههه
سلمى :في وين ؟؟
سديم :في قصر ال.....
سكتنا لانا مانعرف هذا القصر اول مرة نسمع به
حست سديم وصارت تشرح لنا موقعه
سديم :ها فهمتوا وين
الكل مافهم عداء اسرار :انا فهمت ..خلاص بنات انا بخلي اخوي يودينا اوكي ؟
الكل :اوكي
وكملو سوالف
*
*
*
اليوم الموعود (زواج رانيا)
كانت طقات قلبها تتزايد واخيرا بتكون مع حبيبها * محمد *
دخلت عليها اختها وهي تزغرط :كلللووووووووووووووووووش
وحضنتها وقالت :بشتاااااااااق لك يالدوبة
رانيا :هههههههه مو توك تقولين بفتك منك مسرع غيرتي في كلامك
سديم :وانتي عاد على طول صدقتي ..انا من لي غيرك اشتكي له اذا تضايقت
رانيا حضنتها وقالت بمزح :يلا عاد لا تبكيني بعدين يخترب ميك آبي
سديم ضربتها بخفه :هذا الي يهمك
رانيا :هههههههه لا والله بس امزح معك
سديم +رانيا :هههههههههه
دخلت عليهم امهم وابتسمت على ضحكهم وقالت :الله لا يحرمني منكم
ردو عليها :ولا منك يالغاليه
ابتسمت وقالت :سديم صاحباتك تحت روحي استقبليهم
سديم الي طارت من الفرحه :صدق
ام صقر :ايه نزلي شوفيهم
سديم راحت ركيض لهم و اول ما شافتهم حظنتهم بفرح :ماتوقعت تجون!
حنين :ولو كيف مانجي عرس اخت صاحبتنا
لحظة كأنا البقايه مو معاي درت وشفتهم يناظرون في المكان بستغراب وصدمه وكل وحدة فاتحه فمها انحرجت من سديم الي تناظرهم مستغربة دزيتهم ودارو لنا وصارو يرقعون لها وهي ضحكت عليهم
سديم :اوكي تعالو بعرفكم على اختي العروس
ركبو معها على الدرج الي يوصلهم لغرفة العروس دخلو وشافو ملكة جمال جالسه على الكرسي
البنات :السلام
رانيا ببتسامه :وعليكم السلام
سديم :اعرفك على صاحباتي هذي حنين وهذي اسرار وهذي الهنوف وهذي حور وهذي سلمى وهذي العنود وهذي يابنات رانيا العروس
الكل :مبرووووووووووك الزواج
رانيا :الله يبارك فيكم حبايبي ..عقباااالكم إنشاء لله
بعض البنات :آمـــــــــــين
الكل :ههههههههههه
دخلت ام صقر وسلمت على بنات وقالت لرانيا :يلا حبيبتي علشان تنزلين للناس
رانيا بتوتر :سدوووم شكلي حلو مافي شي غلط
سديم :لا حبيبتي حلوة طالعه ملكة جمال مو بنات ؟
البنات :أيــه
وقفت رانيا بفستانها الابيض المليء بالكرستال والفصوص الفضية كان ماسك عند الصدر بدون اكمام ويجي منفوش من تحت ومن وراء يمتد 3 امتار كاان بقمة الفخامه والاناقة والطرحه طووويله حيييييل
ناظرت في البنات ولقيتهم مفهين تفشلت خفت يلتفتون لنا ويقولون هذيلا ماشافو خير دزيتهم وصحو ونزلنا تحت وجلسنا على الكراسي الفخمه
والطاولات المزينه بأحلا الزين بالون البنفسجي و الذهبي وعلى كل طاولة باقة ورد كبيرة
وبدت المسيقة الهادئة مع بيت من الشعر اهداء من زوجها محمد دخلت بجمالها الفاتن وصارت تمشي بهدوء فوق الجسر ولما وصلت راح الكل يسلم عليها ويبارك لها تخيلت نفسي مكانها وضحكت على نفسي وعلى تفكيري
سديم
اتصل لي طلال وقال لي اروح اخذ الاغراض من عند الباب الخلفي رحت بسرعه وفجأة وانا اركض انفتح الباب الخلفي وطلع منه شخص بدون لا احس تعكرفت رجلي وطحت عليه وطحنا سواء على الارض كنت فوقه وراسي على صدرة
الشاب وهو متعور :يادوبة مابتقومين مني تراك ثقيلة
قمت بسرعه وبخجل ورحت اركض داخل وانا مصدومة
اما براء
اخذ شماغه مع عقالة و وقف وهو يناظر المكان الي دخلت فيه ياربي شنو هذا الجمال منو صاحبت الفستان النيلي ؟؟!
ابتسم ورجع
اما عند سديم الي قلبها بيطلع من مكانه افف ياربي انا غبية كنت ما باخذ هذا الصندل لأن كعبه عالي بس افف مني غبيه غبيه
رحت للبنات وجلست اسولف معهم علشان لا يحسون بشي
حنين
سمعنا إن اخوان العروس بيدخلو كل وحدة تحجبت وتلثمت
سديم :يلا بنات عن اذنكم بروح ادخل اخواني
البنات :اذنك معك
اسرار :حنين
حنين :هلا
اسرار:امم قررت وين بسافر
حنين تضايقة من هذي السيرة :وين ؟
اسرار: امم ايطاليا
حنين بحزن :اهاا
العنود :بنات دخلو اخوان العروس
التفتنا كلنا للمدخل الي دخلو منه اخوانها
شفتهم من بعيد باين عليهم هيبة ورجولة و وسامة خصوصاً الاول ..لحـــــــــــــــظة !!
هذا هذا ..............
نهاية البارت



آخر من قام بالتعديل *اسرار الدموع*; بتاريخ 27-06-2012 الساعة 01:43 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 27-06-2012, 12:00 AM
صورة مرجوجة بس محبوبة الرمزية
مرجوجة بس محبوبة مرجوجة بس محبوبة غير متصل
©؛°¨غرامي فعال ¨°؛©
 
الافتراضي رد: من عرفتك بدء عمري ..زاد النبض في صدري ..سرقت بضحكتك عمري


احم احم اول وحده ترد على الرواية ...,


يسلمووووووو...,


انشاء تكووووون ابداع مثل كاتبتها ...,


وانا من قراء روايتك ...,


وانشاء الله راح اكون معاج الى ان يجف قلمج عن الكاتبه يعني النهاية هع هع ...,


تقبلي مروري ...,

مرجوجة بس محبوبة ...,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 27-06-2012, 12:19 AM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري ..زاد النبض في صدري ..سرقت بضحكتك عمري


مشكووووورة حبيبتي على مروورك الحلووو واتمنى تتابعيني للنهاية
راح انزل البارت الثاني يوم الجمعة
تحيااااتي للجميع


آخر من قام بالتعديل *اسرار الدموع*; بتاريخ 27-06-2012 الساعة 01:42 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 27-06-2012, 12:44 AM
صورة shooda الرمزية
shooda shooda غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري ..زاد النبض في صدري ..سرقت بضحكتك عمري


سلآم روايتك مرة جنان واهم شي انو البارت طويل <<~~ متعقدة الاخت :d
المهم اللي دخل شسمه هذاك ناسية الاسم صقر واخيرا جبت الاسم هع هع
يلآ ننتظر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 27-06-2012, 02:14 AM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري ..زاد النبض في صدري ..سرقت بضحكتك عمري


وعليكم السلام
تسلمين على الرد الحلوو وعلى توقعك
تحيااااتي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 27-06-2012, 02:35 AM
صورة دلع ريميه الرمزية
دلع ريميه دلع ريميه غير متصل
©؛°¨غرامي فعال ¨°؛©
 
الافتراضي رد: من عرفتك بدء عمري ..زاد النبض في صدري ..سرقت بضحكتك عمري


روايتك مرة روعه
بس نزلي باراتت اكثر((

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 27-06-2012, 02:58 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: من عرفتك بدء عمري ..زاد النبض في صدري ..سرقت بضحكتك عمري


صباح الخير .........ياهلا فيك عزيزتي مرة ثانية بيننا ........بس انتبهي لكتابة ان شاء الله بالطريقة الصحيحة ......

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 27-06-2012, 03:41 AM
صورة رهوووفا الرمزية
رهوووفا رهوووفا غير متصل
©؛°¨غرامي نشيط¨°؛©
 
الافتراضي رد: من عرفتك بدء عمري زاد النبض في صدري سرقت بضحكتك عمري/بقلمي


صراحة رواية جدأً رائعة وننتظر الباقي على احر احر احر من الجمر ..........
يعطيك الف الف الف عافية ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 27-06-2012, 04:26 AM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري ..زاد النبض في صدري ..سرقت بضحكتك عمري


اقتباس:
المشاركة الأساسية كتبها دلع ريميه مشاهدة المشاركة
روايتك مرة روعه
بس نزلي باراتت اكثر((

تسلمين على الرد الحلوو
واكيد راح انزل بارتات اكثر
تحياااتي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 27-06-2012, 04:28 AM
صورة *اسرار الدموع* الرمزية
*اسرار الدموع* *اسرار الدموع* غير متصل
©؛°¨غرامي مشارك¨°؛©
 
الافتراضي رد: من عرفتك بدء عمري ..زاد النبض في صدري ..سرقت بضحكتك عمري


اقتباس:
المشاركة الأساسية كتبها وردة الزيزفون مشاهدة المشاركة
صباح الخير .........ياهلا فيك عزيزتي مرة ثانية بيننا ........بس انتبهي لكتابة ان شاء الله بالطريقة الصحيحة ......

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
صبااح النوور
نورتي صفحتي وان شاء الله راح اطلع عليه اكيد
تحيااتي لك

الرد باقتباس
إضافة رد
الإشارات المرجعية

من عرفتك بدء عمري زاد النبض في صدري سرقت بضحكتك عمري/ بقلمي؛كاملة

الوسوم
..زاد , ..سرقت , النبض , بضحكتك , صدري , عمرى , عرفتك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أشتكي اللي بين ضلوعي / للكاتبة : wozo ، كاملة القلوب العاشقه روايات كامله - يتم نقل الرواية هنا بعد اكتمالها 195 05-08-2016 11:49 PM
اشتكى اللي بين ضلوعي قصة سعودية Tootoo22 ارشيف غرام 31 05-09-2013 06:13 AM
اعرف شخصيتك من خلال ترتيب غرفتك الـأرجـوانَ ارشيف غرام 1 30-04-2008 06:30 PM
والله إني من عرفتك sandybill منقولات أدبية 14 28-07-2007 09:05 PM
اعرف شخصيتك من غرفتك كويتية كوووول مواضيع عامة - غرام 4 16-07-2007 07:42 AM

الساعة الآن +3: 06:07 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1