حيآه جديده ©؛°¨غرامي جديد¨°؛©

حيــــــــــــــــــــاة جـــــــــــــــــــــــــــــــــــديدة..
للكاتبة..دلـــع..
ابتدأت تاريخ..15\10\1429هـ
والله اعلم متى أخلصها..

::

في مستشفى الـ(...) امراءه تولد بنت لكن الصدمة أن الأم تتوفى.. في حين ولادتها

’’
وفي منزل قديم تطرق الباب مرأه وتضع طفله عند البااب وتهرب

’’
وفي مستشفى آخر أم تلد وتنجب طفله والأب يصيب بحادث ويموت من سرعته الجنونية عندما سمع بخبر ولادة زوجته..

,,
وفي حين آخر طفله تلد بين أسرتها وتملأها السعادة

,,

لكـــن مالذي ينتظرهم جميعــــاً..


الجــــــزء الــــــأ ول ..
في المستشفى وبالتحديد عندما ولدت المرأه ومآتت..
يقف الأب مكتوف الأيدي عند فقد زوجته . الجميع يبكي لفقدنها والأب في صدمه لا يعرف مالذي يحصل من شدة صدمتة وبالتأكيد مع الايام النسيـــان سوف يتغلب عليه.. لكن ماجزآء الصغيره..


الضحية الآخرى .. عندما طرقت المرأه الباب وتركت الطفله فتحت امراه عجوز الباب احبت ان تحتفظ بها لكن اولادها لم يرضوا بها فألقوها في الملجئ.. لكن مآجزآء الصغيره..

الطفله الضحية الآخرى ..الأب يتوفى من سرعته والأم في حآلة فرح وحزن لا تعرف ماذا تعمل ..لكن ماجزآء الصغيره..

الطفله الرابعه وليست الضحيه نوعا ما عندما ولدت في حضن اسرتها ولكن تبقى ضحية الحيااه.. ويبقى السؤال ما جزآء الصغيره..



(رؤى 10 سنوآت)
صحت من النوم بتنبيهات عاليه وازعاج معتاد وقسوه مستمرة من..(زوجة الأب)

أم فهد: رؤى اصحي صارت الساعه 7 ونص وانت بعدك نايمه يلا قومي ولا تشووفي الويل مني يلااا
رؤى بملل وتعب: طيب قايمه الحين آف..
أم فهد بعصبيه: أقول قومي الحين وراي بسرعة فاهمه..
رؤى: زين زين..أف

طلعت ام فهد من الغرفة وسكرت الباب بقوه
قامت رؤى وهي تعبانه والسواد واضح تحت عينها شالت البطانية الثقيلة من عليها وهم في عز الصيف قامت من المرقد إلي كأنها كانت نايمه على الأرض ..

طلعت من الغرفة وهي تدوس ع السيراميك البارد من التكيف من غير شي في رجلها
نزلت من الدرج بخطوات كلها برود مصطنع عشان تقهر زوجة أبوها

زوجة الأب وهي تنزل سمعت صوت ام فهد تصرخ: رؤى وصمخ يصيبك قومي لا أجي أقتلك
رؤى سرعة على الدرج لان ام فهد تسويها الظالمة

وصلت لعندها في الصالة قاعدة تتقهوى وتشاهد t.v

رؤى: خير شنو تبيني أسوي من الصبح؟؟
ام فهد وهي تناظر فيها باحتقار: غسلي الحمامات وامسحي السيراميك مآبي أشوف غبره فاهمه
رؤى ببراءة:أن شاء الله..

راحت تجهز أدوات التنظيف كانت تحب تنظف وتحب تقوم بدور الخدامة رغم صغر سنها ..


(دآنـــه 10 سنوآت)
في الدار وفي غرف النوم كانت قاعدة لوحدها كالعادة ماتحب الاجتماع مع الناس من أول مافهمت للحياة

كانوا بنات الدار يحبوها ويحبوا يجتمعوا معاها لكن كانت تكره الاختلاط مع الناس ..

دخلت عليها بنت عشان تناديها تلعب معاها

سديم ببراءة: دانه قومي العبي معي في الحديقة هينا ملل مره
دانه بدون نفس: بعدي عني مآبي العب خليني لوحدي
سديم وهي تسحب دانه من يدها : دانه يلا قومي برى حليو مرره في أطفال واجد فيه هناك نوره وفطووم ومنى وبنات وآآجد يلاااااااااااا قومي..
دانه: سديم روحي عن وجهي مابي اطلع ملاانه حدي خليني لوحدي أف..
سديم بفقدان أمل:طيب ع راحتج اصلا أنتِ ألخسرانه

طلعت وسكرة الباب ..

دانه تبي تروح معاها لكن كانت ماتحب تتكلم مع الناس واجد وخاصة مع سديم إذا ترجتها تروح ورآها بسرعة بس كانت تمسك نفسها

في نفس الدار لكن في الحديقة كانت سديم قاعدة لوحدها عكس شخصيتها الأجتماعيه
كانت تحب دانه لكن دانه ماتعطيها وجه
جات لها نوره وضربت ع ظهرها بقوه:سديموووه قومي العبي معانا كيف قاعدة لوحدك قومي بس قومي ..
سديم أشرت لها بيدها:روحي العبي لوحدك
نوره: زين كيفج..

سديم لمت ألعابها اللي كانت مجهزتهم للعب مع دانه
قامت بهدوء تمشي للغرفة وشوي وتصيح تمشي وتسحب لعبة الدب ع الدرج

جات لها مديره الدار وهي تطبطب ع كتفها: حبيبتي سديم شفيك؟؟
(روآن 10 سنوآت)
صارت الساعه 2 الظهر وران بعدها نايمه ..انطق عليها الباب بهدوء: روونه كفآيه نوم حبيبتي بسك قومي خلينا نطلع..
روان بدلع: طيب ماما الحين قايمه بس خليني نص ساعة
أمها دخلت الغرفة وشالت البطانية عنها : بسك خلص كفاايه ماراح تقدري تنامي في الليل..
روان بتا فأف: طيب قايمه

قامت ببرود معتاد للحمام خلصت ونزلت لأمها,,
روآن: ماما وينك..
أم روان: إنا هينا في الطبخ..
روان بدلع:ماما جوعاانه شنو الفطور
آم روان: هههه أي فطور قولي غذاء ههه الحين الظهر
روان وهي تبتسم: امممم أبي أتغذى في مطعم يلا بقوم أجهز
أم روان:لا حبيبتي بنتغذى هينا بعدين بروح الحديقة
روان: لاااااا أبي في المطعم ماما>_<
أم روان: طيب شرايك نأخذ الغذى اللي أسويه ونأكله في الحديقة..؟
روان: قلت لك مابي إلا في المطعم يلا قومي أجهزي

وطلعت من المطبخ من دون نقاش

الأم ماتعرف شنو تسوي كانت مدلعه روان كثير الحين خلها تستحمل دلعها
شالت مريلة الطبخ وحطتها ع الكرسي وطلعت تجهز وهي طالعه من المطبخ
شافت روان نازله من الدرج ولبست وخلصت
ام روان: مسرع لبستي بس شاطره للطفرات
روان: وأنتِ ليه بطيئة يلا قومي لبسي
ام روان وهي تفتح خزانة العبايات: ههههههه أنا البس العباه وخلص
روآآن بتفكير: ماما ليه ماتطلعي مثلي بدون هذي العباه
ام روان وهي ترتب البرقع:ههه لا ياعمري عيب أنا كبيره وانت بعد إذا كبرني بتلبسي مثلي
روان: زين خلصيني
ام روان وهي تأخذ الشنطه: أي يلا مشينا


(ريوف 10 سنوآت)
قاعدة في الصاله مع اخوها يشاهدون تلفزيون ..
ريوف وهي ترفع الريموت وتطفي التلفزيون: آف شنو هالملل ابي اطلع .

أحمد اخوها: انتِ كله ملانه توك ماشفتي شي
ريوف وهي تقوم تجلس جمب اخوها: حموود ابي اطلع طلعني تكفى..
أحمد: شنو تعطيني؟؟
ريووف : أي شي تبيه
احمد بمكر: ابي مااي وبعدين اقول لك البااقي
ريووف: بس تآمر آمر..

قامت تجيب الماي
واحمد يضحك عليها متحمسه للطلعه يعني وين بيوديها
جات وعطته الماي
ريوف: خذ شنو تبي بعد
أحمد وهو ياخذ الكاس : شكرا بس وين تبي تروحي؟؟
ريوف وهي تحط صبعها في فمها :اممممممممم بكيفك مدري انا
احمد: نروح البحر؟؟
ريوف:أي يلا بقوم البس
احمد :قولي لامك اول
ريوف:اكيد بتقول روحي مابتعيي
احمد: اهي وين
ريوف:مدري يمكن نايمه
احمد:زين روحي لبسي سريع
ريوف: اوكي


لما رجعوا البيت شافت ام أحمد قاعده ع الكنبه وفي حضنها الاب توب ..
دخلت ريوف قبل احمد..
ام احمد بدون ماتناظرها:وين كنتوا؟
احمد دخل وسمع امه و رد عليها:كنا في البحر ريو..
قاطعته امه:وليش حضرتك ماقلت لي انكم بتطلعوا ؟!
ريوف:فكرناك نايمه
ام احمد:الله شنو هالادب الي حل عليكم ؟؟فجأه
احمد:خلااص يمه كل يوم هذا الشريط يتكرر كفاايه..!
ام احمد واهي تضغط ع حبات الاب توب :آف روحوا من وجهي ولا عاد اشوف واحد منكم تحت هالحين صاحباتي بيجوا..
ريوف وأحمد ناظروا في بعض وردو:ان شاء الله..

حيآه جديده ©؛°¨غرامي جديد¨°؛©

"الجـــــــــــــــــــــزء الثــــــــــــــــــــــــــــــــآني"

(رؤى)
بعد التعب والشغل القاسي اللي اكبر من سنها دخلت غرفتها تسحب روحها سحاب للمرقد الي مايريح الظهر بعد هالتعب ..:آخ ياظهري تعبت اليوم حدي ياربي جازيها يا رب ..
ام فهد تدور رؤى في البيت :رؤى يارؤى الزفت وينك؟؟؟

رؤى ماهي قادره تفتح فمها من التعب وترد قالت بصوت تعبان ومشلول :نعم طيب جايه
قامت برجلها الصغيره الي تخطو خطوات صغيره وترجف...
نزلت من الدرج بهدوء وبطئ علشان رجلها راحت لعند ام فهد:نعم شنو فيه بعد؟
ام فهد تناظر فيها من فوق لتحت بحتقار :ابوك توه جاي من الشغل اعملي له شاي يلا تحركي من قدامي...
رؤى:انتِ ماتقدري تروحي تعملي انا تعبانه رجلي مو شايلتني
ام فهد بعصبيه:تقومي تسوي ولا شلون؟
رؤى بخوف:طيب طيب تبين شي ثاني؟
ام فهد:لا مابي سوي وروحي نامي شكلك تعبانه..

راحت للمطبخ علشان تعمل الشاي لابوها الي مايدري عنها بشي

لما استوى الشاي حملته بتعب وهي مو قادره تشيل روحها كيف تشيله وماسكرتها كويس وهي تمشي طاحت وحترقت من الشاي الحآآر...

قامت تصرخ من الحراره الي في فخدها وفي يدها جات لها ام فهد:هاااا ويش سويتي الله يغربل ابليسك
رؤى:خالتي احترقت آخ هينا احس بحرااره
ام فهد:هاا احترقتي ويلي انا شنو اسوي لكا هالحين ابوك هالحين اكيد نام مين يوديك المستشفى
رؤئ وهي تصيح:آآي خآلتي الحقي علي
ام فهد مو عارفه شنو تسوي في رؤى راحت صحت ابوها وقالت له زقام وشالوها للسياره والاب يعاتب رؤئ ليش حامله الشاي

وهو لو يدري ان شغل البيت كله عليها شنو عمل كانت ساكته وهي تصيح من الحراره الي تحس بها
وصلو المستشفى وفي الطوارئ ودوها غرفة الغيار وحظو لها مغذي وطروا ينوموها في المستشفى لان الشاي كانت ساخنه كثير..


(دانـــــــــــــه)
مديرة الدار:سديم شنو فيك؟
سديم لفت لها والدمهة نزلت ع خدها :دانه ماتحب تلعب معي..
المديرة:حبيبتي دانه كل البنات ماتحب تلعب معاهم مو بس انتِ..وبعدين عندك نوره ومنى وبقية الاطفال ليه ماتلعبي معهم؟
سديم نزلت راسها في الارض :لكن انا احب دانه بس مااحب العب مع غيرها
المديره:حبيبتي لا تبكين خلاص بروح اكلها لك علشان تعلب معك شرايك؟
سديم بفرح:جد ايواا ابله يلاا نروح لها..

راحت المديره وسديم للغرفة الي قاعده فيها دانه
كانت دانه تلعب في الدب الي كان في حضنها

دخلت المديره قبل سديم وقعدت جمب دانه بهدوء مسحت ع شعرها :دانه ليه ماتلعبي مع صاحباتك
دانه شالت يد المديره من ع شعرها بدون ماتناظر فيها:مااحب اللعب مع احد
المديره :طيب ماتجي تلعبي معي انا وسديم بس؟!
دانة سكتت شوي وناظرت في سديم: انا مابي العب اليوم ملانه ابي انام
المديره بحنان:بس الحين مو وقت نوم توها الساعه ست يعني توها الليل جايه مو زين يناموا الحين
دانه:طيب شنو اقعد اسوي؟
المديره:انا بقول لكم سر انتِ وسديم بس لا تقولوا لاحد اتفقنا؟
سديم قربت من دانه وناظروا في بعض وردو:اتفقنا
المديره:انا احب اللعب شنو رايكم نلعب لوحدنا بس هينا في الغرقه
سديم بلا تردد:أي نلعب يلاااا
دانه ناظرتها وابتسمت:ايواا نلعب..
المديره ابتسمت لهم وكانت عارفه انهم بيوافقوا يلعبوا

لعبوا مع بعض ساعتين من الوناسه لكن الغريب ان دانه حبت اللعب وكل شوي تقول مره ثانيه وهذا كلع بفضل المديره..


(روآن)

لما رجعوا من المطعم وطلبات روان الغريبه في السياره نبي تروح السوق والحديقه ولو ع كيفها دارت الدوله كلها في يوم..

رجعت البيت وامها حاملتها ع ظهرها لما نزلوا من السيارة حطتها ع الكنبه بهدوء وباستها ع خدها :تصبحي ع خير قلبي..
فتحت روان عينها بمكر:مــــــــــــااااامـــــــــــــــااااااااااا اا
ام روان التفتت لها :بسم الله مو كنتِ نايمه ؟؟ ههههههه
روان :انا زعلانه منك
ام روان نزلت لعند بتها:ليه الحلو زعلان؟
روان:لانك ماوديتيني السوق
ام روان:افاااا بكره اويك بس لا تزعلي !
روان بفرح:جـــــــد طيب خلص بنام علشان اقعد من وقت بكره..
ام روان ابتسمت :تصبحي ع خير..


(ريـــــوف)..
تمشي يمين يسار في الغرفه من الملل..
أحمد:وبعدين معك اثبتي دورتي راسي..
ريوف وهي تتأفـأف:آف ملآآنه مافي شي اسويه
أحمد:روحي العبي..
ريوف:مع مين العب؟
احمد: مه الجهال الي تحت..
ريوف:هههههه ضحكتني هبل انت امي ماترضى انزل تقول تفشل مني ..
احمد:ليه تفشل انتِ بنتها
ريوف:مدري عنها
احمد بصوت خفيف:لين متى بتظل مستهتره ببنتها معنى انها الوحيده مسكينه ياريوف..!؟
ريوف:شنو تقول ماسمعت؟؟
احمد:لالا ماشي ...ريوف..!
ريوف:نعم؟
احمد:تلعبي معي؟
ريوف:جــد أي اكيد..
احمد بأبتسامه :امممم تلعبي صيده؟
ريوف:اوكي يله..

قاموا يلعبوا والازعاج عم في الطابق الفوقي
جات الام بعصبيه فتحت الباب بقوه:ايش فيــــــــــــــه!! شنو هذا الأزعآآآج؟؟؟؟
احمد وريوف ناظروال في بعض وناظروا في الارض..
ام احمد:اذا سمعت صوتكم مره ثانيه ياويلكم فاهمين فشلتوني ربي يفشلكم..

ريوف:مـــامآآ
ام احمد:آشششش ولا كلمه مابي اسمع صوتك احمد تعال وراي
احمد ناظر في ريوف: طيب ماما جاي
ريوف ناظرت في امها وكأنها بتبكي لكن مسكت حالها..
احمد قبل مايطلع:مارح اتأخر لا تبكي جآآي
ريوف هزت راسها بأقتناع

طلع من الغرفه وخلها لوحدها
ريوف:ياربي شنو فيني انا تفشل مني..!

حيآه جديده ©؛°¨غرامي جديد¨°؛©

"الجـــــــزء الثــــــــــالـــث"

تمر السنوات سريعاً وتكبر الفتيات مع آلآمهم.. لكن بآآلآم جديده وأكبــر..

رؤى..15 سنه,,
دآنه..15 سنه,,
روآن..15 سنه,,
ريوف..15سنه,,

(رؤى)..

صارت شخصيتها قويه ولا ممكن أم فهد تتحكم فيها ابداً..
بس ابوها اهو الي كان يبي يغصبها ع الزواج من أول مازاد عمرها عن 10 سنوآت..

جمـال رؤى زآد وكلمة جمآل ماتوصف جمالها وشعرها الاسود وجسمها النحيف الي محليها اكثر وعينها الوسآع..ولونهم... البني الفاتح..

قآعده عند النافذه..الرايح والجاي ملاااانه ماعندها شي تسويه كانت تشتغل ليل نهار لكن الحين ماتلمس شي لأول مره تحس بملل فضيع هذا والفراغ

نزلت من غرفتها الي كان فيها تطورات من المرقد لسرير وتلفزيون وكمبيوتر واشياء ماكانت موجوده..

رؤى:خآلتي وين ابوي؟
ام فهد:راح مع الي جى يخطبج..
رؤى:آف بعد وين راحوا؟؟
ام فهد:بصراحه مدري بس يمكن خلاص اتفقوا هذي المره..
رؤى بصدمه:لآآآآآه وانا مالي رآآي؟
ام فهد: وانتِ من متى كان عندك راي عند ابوج؟
رؤى:آف شنو هالعيشه..
ام فهد ناظرتها بحتقار ونزلت راسها بسرعه علشان لا تسوي لها سالفه

رؤى صعدت فوق لغرفتها شوي وتصيح من هذا ابوها الي كأنه بيبيعها:مدري ليش مرخصيني لهذي الدرجه.. مليت من هالعيشه آف..

حطت راسها مابين اديها وصاحت صياح من غير صوت.. بس دموع..

وهذا الوقت انطق الباب عليها رفعت راسها بهدوء مسحت دموعها ماتحب احد يعرف انها تبكي كانت تعمل روحها قويه :مــــين!!

رد عليها صوت جامد: انا ابوك..
قامت بخطوات بطيئه وهي تدعي ربها مايبين عليها انها كانت تبكي..

فتحت الباب:هلا يبه فيه شي؟
ابو فهد: لا مافيه بس حبيت اكلمج بموضوع..
رؤى هزت راسها:عارفه الموضوع..
ابو فهد: عارفته طيب يابنتي انا اعرف مصلحتك اكثر منك..
رؤى:ماحد يعرف مصلحتي اكثر مني وانا قلت لك يايبه اكثر من مره توني صغيره ع الزواج خلني اشوف حياتي..آف
ابوفهد بعصبيه:اشوف السانك طول علي اقول راح تاخذيه ورجلك فوق راسك..
رؤى بنبره قويه وعلا صوتها :مافيه شي غضب يا يبه..
مابي قلت مابي خلوني بحالي..
ابو فهد: بصوت اعلى:شوفي اذا مابتآخذيه لا انا ابوك ولا اعرفك فاهمه..؟؟

وطلع وسكر الباب بقوه..

جسم رؤى قام يرجف بقوف والدموع تسيل من غير ماتحس فيها
تحس انها انسانه غلط في هذي الدنيــــا..



(دآنـــه)..
بعد ماعاشت في الدار 15 سنه مابين خواتها واخوانها مابين الرعايه الكامله الي كانت تحس فيها والحنان من المديره الي علمتها كيف تتخلص من الوحده الي كانت فيها مع اختها الي اغلى من روحها "ســــديم" الي حولت حياتها من دمار الي احلى حياه..

حان وقت الفرآآآآآآق..
حان وقت الفرآآآآق..
حان وقت الفرآآق..
الي خايفه منه هذا اليوم الصعب الي بتتفرق اهي واحلى خوات..
سلمت ع اختها الغاليه بمشاعر بارده..ومعتاده
الدمعة واقفة عند طرف عينها لكن مقسيه روحها لدرجة خلت الدمعه ماتنزل ..
مع امها الثانيه الي كانت متعلقة فيها بدرجه كبيره..

جى اليوم الي راح تتفرق فيه اهي واغلى الناس لكن لحيآه جديده يمكن احلى واحسن من حياتها او حيآآه دمآر مثل حيآتها الأولى..

ركبت السيارة مع مرآه الي اخذتها ..
تضحك تصييح ماتدري شنو تسوي ؟!!

المرآه بهدوء:اسمك دانه صح؟

دانه ابتسمت لها:ايوااا انا اناديك بشنو؟
المرأه:بالي تبين انا اسمي ريم ام عبد الله ممكن انك تسميني بأسمي
دانه هزت رسها بالنفي:لا مايصير راح اناديك ام عبدالله او خآلتي؟؟لالا احسن خآآلتي صح؟؟
ام عبد الله :براحتك حبيبتي..!
دانه ابتسمت لطيب ام عبد الله:انتِ عندك اولآد؟
ام عبد الله: ايواا عندي بنتين وولد..
دانه ابتسمت ابتسامه كبيره وما ردت..

وصلوا لبيت كبييييره كانت ماتتخيله كذا
دانه في قلبها:وآآآو انا راح اعيش هينا ونآآسه؟؟؟

فتح السوآق باب السيارة نزلت من السياره بهدوء وقفت جمبها ام عبد الله :يله خلينا ندخل
دانه بخطوات سريعه ع الدرج الطويل:اوكي..

دخلت البيت قامت تناظر يمين يسار :الله حلو بيتك..
ام عبد الله بأبتسامه:هذا بيتك بعد مثل ماهو بيت اولادي تعالي اوريك غرفتك..
دانه:طيب..
ام عبد الله:راح تنامي مع فجر بنتي اوكي؟
دانه:اوكي اصلاً انا اخاف انام لوحدي..

ام عبد الله خلت دانه عند باب الغرفه علشان تدخل بنفسها..
دانه طقت الباب بهدوء 3 مرات
رد عليها صوت ناعم:ادخل؟

دانه دخلت وهي منزله راسها في الارض وظلت واقفه عند الباب
فجر:اووو البنت الي قآلت امي عليها تعالي تعالي هينا لا تستحي
دانه سكرت الباب وراحت قعدت جمب فجر..
فجر:عرفيني ع اسمك؟
دانه:اسمي دانه انتِ فجر صح؟
فجر:ايواا صح انا عمري 19 وانتِ؟
دانه :وآآآو مو باين عليك شكلك صغيره
فجر:ههههه الكل قال لي كذا بس قلتي كم عمرك؟
دانه:عمري 15
فجر:العمر كله حبيبتي اشلحي عباتك وعلقيها هناك وعطيني شنطنك..

دانه شلحت عباتها وعطت فجر الشنطه

فجر حطت الشنطه داخل الخزانه :دانه قومي بعرفك ع اختي ماريا واخوي عبود
وبرويك بقايا البيت
دانه:اوكيي يله
فجر ودانه قاموا يمشوا في البيت من غرفه الي غرفه
مــــآريآ عمرها 17 سنه كانت انطوآئيه بعد
لكن حبت دانه فجلسوا يحكوا مع بعض

عبد الله لساتوا صغير عمره 5 سنوات بسرعه تعود ع دانه
وعتبرها مثل اخته..

دانه انعجبت بهذي العايله وتمسكت فيهم وبتقاليدهم..


(روآن)..
روآآن تغيرت 24 درجة من روآن الدلوعة الي روآن الرومنسيه روآن اللي سابحة في عالم العشق..

كانت قاعده ع النت كالعاده في الشات
تكلم حبيب القلب فواز ..
الأم بس فنانه في دلع بتها بس ..
ماتهتم فيها ابد مخليتها ع راحتها تروح المكان الي تبي وتشتري الي تبي
ومتوفر في البيت الي تبي..

يعني أُسس الأنحراف قدام عينها كيف ماتنحرف..

ام روان:روان ماما وين تبي تروحي اليوم
روان بملل:ماما بليز خليني بسهر ع النت
ام روان:حبيبتي من اول ماشريت لك هذا الي مايتسمى ماأشوفك تقعدي معي مثل قبل ولا حتى تطلعي الا لوحدك ليه؟
روان:آف ماما خلآآص مابي اطلع الحين ملانه خليني لوحدي بلييز..
ام روان:طيب براحتك انا بطلع مع خالتك..مع السلامه انتبهي لنفسك
روان:بآآي..

ام روان طلعت وخلتها لوحدها في البيت روان تاخذ راحتها في الكلام مع فواز وتنسى روحها اذا قعدت ع النت..
روآآن:آف ماما طلعت من البيت وأخيراً
فوآز:طيب خلينا نتلاقى هالحين..
روان:والله ودي بس مو الحين لا تستعجل
فواز:ليه؟مو الحين تقولي مافي احد في البيت
روان:ايواا بس حط في بالك اذا بنتلاقى مو في بيتنا طبعاً
فواز:طيب وين؟
روان:بعدين اقرر وارد عليك
فواز:بس انا ولهان نفسي اشوفك لو لمحه
روان:هههه ولهان وانت ماشفتني ولا مره؟
فواز:احلم فيك باليل كيف شكلك
روان:طيب ليه ماتجي تخطبني؟
فواز:لا مايصير شنو اقول لأهلي؟!
روان:آف أي شي بس تعال ... يعني انت كيف تقول ان احنا لازم نتزوج وين الوعد؟
فواز:انتِ الحين صغيره وماأتوقع امك توافق
روان:ماما اذا اصريت ع شي ماتردني توافق
فواز:لكن..
روان:لا لكن ولا لكن اذا ماتبيني قول من الحين
فواز:آفااا انا ما ابيك بس المشكله اهلي شنو اقول لهم مين انتِ؟؟
روان:قلت لك لأهل مو دافع يفرقنا ..اي كلمه تقولها تمشيهم..
فواز:انتِ امك كذا بس انا اهلي غير لازم يسألوا عنك وبعدين شنو اقول لهم من وين عرفتك؟؟
روان:من النت..!
فوآز.:بكل سهوله مستسهله الموضوووع..
روان:شفيها؟
فواز:ياربي عليك المفروض انتِ تخآفي مو انا
روان:ليش اخآف!؟
فواز:اقول كلامي معك ضايع
روان:فوآآآآآآز
فواز:نعم
روآآن :أحبـــــك حس فيني..
فوآآز:وانا كمآآن اموت عليك,, حييييل..وحآآس فيك..




ويستمر الحديت بينهم كل يوم وكل ساعه الي وين بيوصلوا ..؟؟!!اللـــــه اعلم..

(ريوف)..
بنت تفوقت في دراستها الكل فخور بها لكن الأم كالعاده نفشل منها لحد هالحين..

اليوم جايين زوآر بيتهم لأمها طبعاً بس هذي المره الأم قالت لريوف تجهز وتلبس احلى ماعندها ليه ماتدري..

ام احمد:شوفي البسي هذاك الثوب الأسود القصير اعملي شعرك بالكاوي وخليه يسحب وراك وحطي لك ميك اب خفيف والبسي الكعب العالي ولا تنسي المناكير فاهمه ولا عاد تفشليني ؟؟
ريوف:ماما كل هذا وافشلك ياربي كثيير علي..
ام احمد:اقول روحي تعدلي الجماعه وآصلين في الطريق روحي دام النفس راضيه عليك
ريوف بملل:حاضر آآف

ريوف دخلت غرفتها فتحت الخزانه طلعت الثوب الي قالت عليه امها ..ماتحب تلبسه لكن حكم القوي ع الضعيف

دخلت الحمام تاخذ شاور طلعت سوت شعرها مثل ماقالت امها وسوت كل شي قالت اما لها

ناظرت نفسها في المرايه كأنها ملكة جمال روووووعه جسمها وشعرها بياضها وكل شي بارز انوثتها وملامحها الطفوليه الهادئه بس الميك اب مخرب عليها ..

نزلت من الدرج بخطوات مدروسة وسمعت صوت الجرس

ريوف: ماما شنو رايك فيني؟
ام احمد:روعة اقول تكلمي عدل اذا احد كلمك..
ريوف:طيب

فتحت الشغاله الباب
دخلوا الكل يناظر فيها وجمالها الي لافت الأنظآآر كأنه اول مره يشوفها لكن اهي اول مره ..<<هع
سلمت بهدوء واتكيت وجلست جمب الضيفه بحسب كلام امها
ريوف:كيفك خالتي؟
الضيفه:الحمد الله يابنتي شو هالحلااه
ريوف:تسلمين ياخالتي هذا من ذوقك شنو تبين تشربين؟عصير شاي قهوه ولا ماي؟؟
الضيفه:الي يجي منك حلو..
ريوف ناظرت في امها:تبين عصير؟؟
الضيفه:ماشي..

ام احمد تناظر في بنتها الي اتقنت الدور صح بنظرات تركيز
ريوف:ماما تبين شاي ولا عصير..
ام احمد:لا مابي حبيبتي ارتاحي انتِ

ريوف استغربت من امها اول مره تسمع كلمة حبيبتي منها ماهتمت وآآجد وقعدت جمب الضيفه وعطتها العصير..

ام احمد:الله يخليها لي ريوفه مساعدتني في البيت وكل البيت ع ظهرها الله يهني الي باخذدها

ريوف رفعت حاجب وردت نزلته وابتسمت بمكر
الضيفه:أي والله الله يهنيه خوش بنيه جمال و رزانه واخلااق

ظلت الزياره بالمكر والخداع الي حصلته في امها ماشاء الله حبكتها صح
فهمت ريوف ان امها قصدها تتخلص منها بأي طريقه لكن حست بالحريه..

وطبعاً اول خطيب تقدم لها بتوافق.. بدون نقاش..

طلعوا الضيوف بعد ساعتين من النفااق

ريوف:ماما شفيك انقلبتي
ام احمد:شوفي لا تصدقي حالك انا بس قلت كذا علشان افتك منك
ريوف:اهاااا حطي في بالك اني انا الي بفتك منك مو انتِ

صعدت غرفتها وهي الأبتسامه شاقه حلجها
قبل ماتدخل الغرفه طقت الباب ع احمد اخوها

ودخلت ..
ريوف:احمد بسك نووم قوم بقول لك شي
احمد فتح عينه ورد سكرها:ريووف خليني بناام بعدين قولي
ريوفكقووم الحين
احمد:بعدين انقلعي وسكري الباب
ريوف:آف مآآلت..

طلعت وسكرت الباب بقوه ورااحت غرفتها بس كانت فرحاانه بس حزناانه:من زمان انتظر هذا اليووم هههههه ياليت اليوم افتك من هالعايله المتخلفه..

لبست مبجآمتها الورديه وتسطحت ع السرير نامة وحلمت احلآآم ورديه..

حيآه جديده ©؛°¨غرامي جديد¨°؛©

بآقي الأجزآآء رآح انزلهم إذآ لقييت تفآآعل :$

mana chan. ©؛°¨غرامي مجتهد¨°؛©



رواية رائع وبنتظار التكلمة

تسلم اناملك على هيك بارتات

ودي واحترامي


حيآه جديده ©؛°¨غرامي جديد¨°؛©

لعيوونك حبيبتي
بكرآ أنزل بآآرت

حيآه جديده ©؛°¨غرامي جديد¨°؛©

"الجـــــــــــــــــزء الرآبـــــــــــع"
(رؤى)..

بعد نوم طويل وفي الصباح الساعه 11 قعدت من النوم الكل نايم في البيت
قعدت ع السرير والتفكير شاغل بالها شنو مستقبلها وشنو ممكن يصير لها لما تاخذ هذاك الرجال غصب..
لكن تفكيرها انقلب الي حلم ممكن يصير احسن من حياتها ممكن تحبه ويحبها او اهو يحبها من الحين..
فقررت انها توآآفق ولا ترفض أي طلب لأبوها..

مع الوقت اذن اذان الظهر قامت من السرير راحت تغسل وجها وتتوضأ
صلت ودعت ربها يوفقها في حياتها الجآيه..
بعد فتره انفتح باب الغرفه بدون ماينطق ..
دارت وجهاها للباب وهي تطوي المصلى

ابو فهد:تقبل الله..
رؤى:منا ومنك صالح الأعمال..هلا يبه فيه شي؟؟
ابو فهد:بس كنت بقول لك ان ع الرجاال اليووم النظره الشرعيه
رؤى:خييييير..اليوم؟؟؟!
ابو فهد:أي اليوم
رؤى:جد ومن غير ماتعطوني خبر قبل
ابو فهد:وش حقه خبر بعد
رؤى بعصبيه:لااه شنو وش حقه مو حقي اعرف قبل
ابو فهد:ماله داعي تعصبين ..وشوفي انا عطيته خبر يعني بتشوفينه وبيشوفك فاهمه؟؟
رؤى:طيب شنو اسوي بعد ابتلشت متى بيجي الساعه كم؟
ابو فهد:رفع كتفه ونزله :مدري يمكن 8

طلع من الغرفه بهدوء عكس العصبيه الي اهي كانت متصورته
فتحت الخزانه تناظر الملابس الي فيها :امممم شنو البس اووو بشرتي فيها حبوب كثير يالله كيف يروحو
تغيرت ملامحها وافكارها :ههههههه مسويه فيها مهتمه بالطقعة في سنين داهيه ..ان شاء الله ماينعجب فيها احسن

سكرت الخزانة وفتحت خزانة البجامات طلعت لها بجامه عاديه ودخلت الحمام تسبح
خلصت من الخاور قبل ماتلبس البجامه بالروب مسكت البجامه ورمتها وراها بقوه:اهووو ما بلبس بجامه لازم اشوف حالي قدامه ستايل وكيوت..

طلعت لها ثوب بنك قصير وخلت شعرها كيرلي وقصتها نفختها بالاستشوار
لبست الصندل الي كعبه رفيع وحطت قلوص خفيف ..
قعدت ع السرير تنتظر الوقت يمر بسرعه..


(دآنــــــــــــــــه)
في البيت الكبير والبيت الي تملاه المحبه والترابط..
قاعده دانه وفجر وماريا في الصاله يشاهدون t.v بعد مانام عبود اخوهم..

دانه:آمممممم مو نعسانين-تثاوب-
ماريا:ههههه انتِ كله نعسانه..
فجر:دانه اذا تعبانه روحي نامي
دانه:لا اذا بتناموا بنام
فجر:طيب ماريا قومي لغرفتك بنام ..البنت تعبانه
ماريا:بس انا مو تعبانه..
فجر:ماريا بلا عنااد قومي..
دانه:خلص خليها انا بروح انام لوحدي,,
فجر:انا قايمه معك..

قاموا للغرفة فوق علشان يناموا
ماريا خافت لوحدها وقامت وراهم ..

قعدت دانه ع السرير وطفوا الأنواار وفتحوا الأبجورة والنور خافت..

دانه وهي متسطحه ع السرير:فجر في بالي سؤال..؟
فجر:تفضلي..
دانه وهي تتقلب ع السرير:لو احد جى خطبك بتوافقي ولا لا؟؟
فجر بأستغراب:ههههه ليه جبتي لي عريس؟؟
دانه:ههههه من وين لي اجيب لك خلني اجيب لحالي اول خخ..
فجر:ليه؟ انتِ تبي تتزوجي؟؟
دانه:ياليت
فجر:حرام عليك توك صغيره والف من يتمناك
دانه:لاه العبي ع غيري من يتمنى لقيطة؟؟
فجر:عآدي انتِ انسانه مالك شغل بالي عملوه اهلك..
دانه:ياليت كل الناس تفكر مثلك,, الا ماجوبتي علي..
فجر:آممممم بصراحه ع حسب الرجاال يعني انا لو عجبني الرجاال راح اوافق بس الرجاال اهم صح..!
دانه:مادخل الرجاال انتِ اهم
فجر:لااه احلفي مو الرجاال هو الزوج..
دانه:اووو قصدك كذا..
فجر:ههههههه شنو فكرتي عجل..؟
دانه:رااح فكري بعيد..
في هذا الوقت دخلت عليهم ماريا:اوو مانمتوا؟؟
دانه جلست ع السرير:لا مانمنا هالحين بنام..
ماريا:ليه سكتوا لما جيب؟
دانه:يؤ ماسكتنا اصلاً ماكنا نتكلم..
فجر:هههه أي صح كلام دانه كنا لسه بنام..
ماريا:أي صح ماعليه صدقت يلا تصبحوا ع خير..-طلعت-
فجر ودانه:هههههههههههههه

(روان)..
بعد السهر ع النت والكلام الفاضي مع فواز نآمت..
من التعب والاب توب مفتووح..
جات امها كالعاده غطتها بالبطانيه وسكرت الاب توب وباست خدها..
طلعت من الغرفه وطفت الانوار ..
فتحت روان عينها لما طلعت امها:آف هذي جاات بعد ..آوو فوآز خليته وسكت مسكين الحين اكيد دار راسه..هه

دخلت الشات مره ثانيه وشافته يستناها..:آوو فوآآز بعدك هينا..
فوآز:وين رحتي وخليتيني؟
روان:راحت علي نومه..من التعب من زمان مانمت..
فوآز:يؤ سوري حبيبتي روحي نامي بكره اكلمك.
روان:لا نمت ساعد كفاايه..
فواز:ساعه كفاايه؟؟
روان:أي كفايه..
فواز:الله يعيني عليك هذا كيف اذا تزوجنا؟؟
روان:بنام كثير لان مو وراي شي
فواز:خخخ الله يعين..
روان:انت نمت,,؟
فوىز:انا انام بعد الأذان مو مثلك..
روان:اهاا بكره عندك شي؟
فوىز:اممم لا ليه؟؟
روان:شنو رايك نتقابل في الحديقه بكره..؟
فواز:بكره؟
روان:أي بكره شفيك؟؟
فواز:لكن مو في الحديقه..
روان:وين عجل؟
فواز:خليها في مطعم وانتِ بتتغطي كيف اعرفك؟
روان:اوو صح طييب اتفقنا بس الساعه كم؟
فواز:الساعه 4 العصر في مطعم..الـ(....)
روان:اوكي حبي..
فواز:
يلا سي يوو تعبت..
فواز:سي يوو نوم العوآفي
روان:ربي يعافيك..
فواز:بآآآي 


(ريوف)..
جلست من النوم ورأسها بعورها دورت في الدروج ع بندول ماحصلت..
طلعت من غرفتها لغرفة أخوها..
ريوف:احمد احمد..افتح
احمد فتح الباب:هلا والله صح النوم..
ريوف:أبي بندول راسي يعورني
احمد:ماتشوفي شر لحظه بشوف اذا عندي
ريوف:بسرعه
احمد يفتح درج ويسكر درج دور دور وبعدين حصل..:خذي هذا هو بس رجعي الباقي احتاجه..
ريوف خذته من ايده:طيب عنك ماي؟
احمد:ههه المطبخ تحت ترى
ريوف:آف طيب..

نزلت شربت ماي فوق البندول وردت ركبت ..سمعت صوت احمد يناديها :ريوفه؟
ريوف:نعم؟
احمد:تعالي أبيك
ريوف راحت لغرفة أخوها:شنو فيه؟
احمد:أمس جيتي لي وانا نايم في شي؟
ريوف:أي جيت
احمد:شنو كنتي بتقولي
ريوف:خلص أنسى..
احمد باهتمام:لا ماني ناسي تكلمي شنو فيه؟؟
ريوف:أشوفك مهتم..
احمد:أي أكيد مهتم مو اختي..
ريوف:إلا صحيحي متى ناوي تعرس؟
احمد:ماني ناوي
ريوف:ليش شدعوه..
احمد:مو حاط في بالي أعرس..
ريوف:أنا اصغر منك وبعرس قبلك.. 
احمد:هاااااه بتعرسين؟؟
ريوف:ايواا بعرس
احمد:انهبلتي ولا مهبوله من اصل
ريوف:لييه حرام الناس يتزوجوا؟
احمد:لسه صغيره يا قلبي لاحقه..
ريوف:امك تبي مو انا,,
احمد بصدمه:تتكلمي جد؟
ريوف بستهبال:لا امزح ياظريف ..ترى كل بنت مصيرها تعرس..
احمد:بس مو بسنك ..ريوف اعقلي
ريوف:انا عاقله وفاهمه واعرف مصلحتي..
احمد:مصلحتك انك تعرسي وانت في هذا السن مصلحتك انك بترمي حآآلك ع وآحد ماتعرفي عنه شي..مصلحتك..
ريوف قاطعته:بـــــس ,,انا أبي افتك من امك واهي تبي تفتك مني..
احمد:مو عذر حطي في بالك.. ماكو زوآآج في هذا العمر, وانا حي فآآهمه.
ريوف:لا مافهمت ولي بتسويه سوه..مالك دخل فيني..
احمد:لا إلي دخل ..يا بنت الحلاال اعقلي..
ريوف:انا عاقله وافهم منك..
سمعت امهم الصريخ وحمقت ودخلت عليهم الغرفه..

وعم السكون..

حيآه جديده ©؛°¨غرامي جديد¨°؛©

"الجـــــــــــــــــزء الخــــامــــس"
(رؤى)..

بعد ساعات من الانتظار تنتظر احد يناديها عشان تشوف فارس الأحلام الأقشر..
جى الوقت المنتظر:رؤى تعالي يله ..انزلي
رؤى:طيب جايه..

ناظرت نفسها في المرايه :ياااااي اجنن إذا شافني بـ يغمى عليه..
ابو فهد:يله يارؤى الرجال ينتظر..
رؤى وهي تنزل من الدرج..:جآآيه بابا شنو رايك فيني..
ابو فهد :يؤ مالبستي العبايه روحي لبسي سريع
رؤى:وليه عباه؟
ابو فهد:مايصير يابنتي اهو بيشوفك بس بالعبااه وانتِ مستره وانا معك..
رؤى :ليه ماقلت من اول أف طيب الحين بلبس
او فهد:يله بس الحجاب لا
رؤى:فكرت حتى الغطى هههههه
ابوا فهد:يله روحي وانتِ ساكته
رؤى:اوكي إلا وش اسمه؟
ابوا فهد:مؤيد مؤيد يلا روحي...
ركبت فوق وردت نزلت بسرعه بعباية الفراشة والمزينه من فوق لتحت..
:كذا كويس؟
ابوا فهد:أي زين امشي وراي وخليك مؤدبه شوي..
رؤى:ههههه زين
ابو فهد:خلص بلا ضحك..
رؤى مابين اسنانها:زيـــــــــــــــن

طق الباب بشويش دخل ودخلت وراه رؤى منزله راسها..
مؤيد:هلا عمي
ابو فهد:هذي رؤى..-مسكها من ظهرها ودفعها بهدوء قريب من مؤيد-
مؤيد:ماشاء الله ماقلت لي ياعمي ان عندك بنت بهالحلاه..
ابوا فهد:استح بس كيف اقول لك ..رؤى رفعي راسك خله يناظر في وجهك عدل..
رؤى كانت خامرة في مكانها من الحيا..
ابو فهد:رؤى قولي شي شفيك؟؟
مؤيد وهو يرفع راس رؤى:خلها مسكينه مو متعوده..
ناظرت فيه ولسه يده كانت تحت لحيتها وصار العين بالعين ناظرت فيه فتره :كيفك مؤيد؟
مؤيد ابتسم وشال يده:انا بخير وانتِ؟
رؤى:تمام ولله الحمد..
مؤيد:عساه دوم..
رؤى:دامت حياتك,,
ابو فهد مقاطع لحوارهم:خلاص شفتها انتهت الزياره..
مؤيد:هههههههه طيب..هذي اسميها طردة؟
ابو فهد:مثل ماتبي سمها اذا صارت مرتك تعال كل يوم وجلس للفجر بس الحين لا اول املش..
مؤيد:متى الملشه؟
رؤى رفعت راسها تناظر في ابوها وهو يفكر وقاطعت تفكيره:يبه خلها بكره...
ابو فهد يناظر في بنته مستغرب..:أي ليش لا بكره بكره.. ولا شرايك ياعريس..
مؤيد:أي ماشي بس اخبر الأهل وارد عليك في الليل ..بس ممكن رقم موبايلك؟؟
رؤى:أي اكتب عندك..
قاطعهم ابو فهد:قلت لكم اذا ملشتوا اخذوا الأرقام مآشي يلا انتهت الزيارة بكره الملشه ان شاء الله يلا سلام مؤيد..

مؤيد مامداة ينطق الا شاف عمره برى البيت من دفات ابو فهد من ظهره..

ابو فهد:الا عجبك..
رؤى:وهي تشلح العباه :أي وسي وذوق واخلاق اممم كويس اختيارك يامسيو بابا..
ابو فهد:احم احم افاا عليك..
رؤى:ههههههه
ابو فهد:جهزي نفسك لبكره طيب؟
رؤى:اوكي سي يو بابا..
ابو فهد:هذي سي يو استعمليها مع غيري ههه
رؤى:هههههه طيب مسيو بابا بااي دآآآد..
ابو فهد:لاه احلفي..
رؤى:ههههه والله ههههه
ابو فهد:روحي لا تموتي علي من الضحك..


(دآنــــــــــــــه)..
في الغرفة المتواضعه جالسه دانه وفجر ع النت
فجر:دانووه شرايك ندخل الشاات؟
دانه:هآآه أي شات مع وجهك ياغبية..!!
فجر:ههههه بلا ذكاء زايد خلنا ندخل طماشة و وناسه
دانه فاتحة فمها:لالا مانا مابي ادخل
فجر:ياغبيه عادي
دانه:طيب ادخلي وأشوف..
دخلت فجر الشات كان الاسم اللي مسجلة فيه..(الخطيرة):مرحـــبا..
بالصدفة كان نفس الشات اللي فيه روان وفواز..
روان:احم احم مرحبتين..
فواز:ياهلاا تو منور الشات
الخطيرة:ياهلا بكم شو الأخبار ؟؟
روان:فواز اطلع بعدين ادخل .. إحنا تمام وانتِ؟
فواز:ليه تطرديني؟
خطيرة:شكلي ضيفة ثقيلة عليكم..
روان:لالا عادي فواز يلا اطلع إحنا بنات شدخلك بينا؟؟
فواز:هههه أي فهمت قصدك تغاري هههههه
روان:أقول يلا برا براا..
فواز:اوكي سي يو خطيرة
خطيرة:سي يو فواز..هلا روان..
روان:هلا بيج خيتي شنو مسويه انتِ.؟
خطيرة:والله ماشي الحال
روان:
خطيرة: 
روان:اممم خلينا نتعرف..
خطيرة:اوكي كم عمرك؟
روان:15 وانتِ؟
خطيرة:أنت بعمر أختي بس أنا 19
روان:أو وناسه كبيره طيب خلي أختك تدخل نتعرف عليها..
خطيرة:هههه طيب بطلع وهي بتدخل باسم ثاني اوكي؟
روان:اوكي استنى..

دانه:انتِ من جدك انهبلتي ولا هبله من أصلك؟؟
فجر:أي جربي ليش لا والله حلو
دانه:بلا جنان أنا ماني داخله اعتذري منها مابي..
فجر:دندوونه بليز لا تفشليني مع البنت وبعدين شفتي بعمرك وداخلة الشات شنو يخوفها بليز
دانه:مابي انسي السالفه..
فجر:اهون عليك اتفشل مع البنت
دانه:ليه انتِ تعرفيها علشان تتفشلي ..مانا يعني مانا
فجر:بلييييييييييييييييييز
دانه:لا بليز ولا بليس خلاص انسي السالفه
فجر:خلص بزعل ولا تكلميني
دانه:جد والله انك جاهله..
فجر:روحي عني
دانه:بروح بس انتِ الخسرانه..

نزلت لعند ماريا كانت تتفرج ع التلفزيون
دانه:ماريا ماريا الحقي
ماريا بخووف:وشووو صار مين مات؟؟؟؟
دانه:هههههههههههههه محد اسمعي اختك زعلانه مني
ماريا:الله يغربل بليسك خوفتيني أي وزعلانه خلها بعدين ترضى..
دانه:شنو يراضيها هذي ولا قوة حزب الله..
ماريا:هه طيب اهي ليش زعلانه..
دانه قربت من ماريا في اذنها:تبيني ادخل الشات..
ماريا:هاااااااااا ويش شات اعوذ بالله ويييييييع لا تدخلي ماعليك منها خلها تزعل
دانه:بس كيف اراضيها
ماريا:لا تراضيها خلها هي بتجي لك
دانه:جد بس ملاانه اقعد مع مين ؟آف
ماريا:معي
دانه:جد الله وناسه طيب يلا قومي نروح غرفتك قبل لا يجي ابوك
ماريا:اوك..


(روآن)..
انتظرت فتره طويله عشان تدخل دانه بس مادخلت ملت بس بعد فتره دخل فواز
روان:هلا والله فواز
فواز:اهلين خلصني هدره مع البنت
روان:لا والله لعبت علي تقول بتدخل اختها ولا دخلت كنت بطلع بس انت دخلت
فواز:هههههههههههه هذي تغاري منها
روان:لا والله أي اغاار يعني اهي مو بنت ..اقول بس بعد ساعتين بنتقابل
فواز:او نسيت بروح اسبح
روان:وانا بعد نعيماً مقدماً
فواز:ربي ينعم عليك سي يو
روان:سي يوو


بعد ساعتين بالضبط الساعه 4 العصر

روان:ماما انا طالعه
ام روام ع وين ماما الغذى استوى
روان:بتغذى مع صاحبتي باي ماما
ام روان:متى بترجعي
روان:مدري ع حسب صاحباتي يلا ماما تأخرت
ام روان:لكن مين بيوديك
روان:السواق يلا باي

طلعت بدون ماتستنى امها ترد

ام روان: هالبنت هذي مدري متى بتتعدل الله يهديها بس

روان ركبت سيارة السواق:ودني مطعم الـ(.....)
السواق:طيب
شالت الجوال من الشنطة تتصل لفواز؟؟

روان:هلا فوا وينك فيه؟
فواز:انا في السياره في الطريق
روان:او وانا بعد شوي واوصل
فواز:ان شاء الله نوصل مع بعض انتِ شنو لون شنطتك
روان:وردي فيها ورود اذا شفتني تعال..
فواز:اوكي تراني وصلت عند الباب
روان:خليك واقف مناك لا تتحرك انا الحين بوصل..
فواز:اوكي باي

سكرت الجوال خمس دقايق ووقف السواق عند المطعم:تفضل مدام في وصل
روان:طيب روح هالحين برجع مع صاحبتي ..-نزلت من السياره- وبعدين انا مو مدام ياهبل وسكرت باب السياره..

روان:امممممم مين هو هذا ولا هذا اف يقول وصل وينه ماجى..
توها بطلع الجوال من الشنطة شافت واحد يمسها من ورى:هاااااااااي
روان:بسم الله خوفتني
فواز:ههههههههه تعالي ندخل جوا
روان:يله..
مسكها من ايدها ودخلو سوى
دخلوا اول كبينه شافوها قدامهم
فواز فتح لها كرسي:تفضلي
روان:زاد فضلك
فواز جلس ع اليمين وروان ع اليسار
روان وهي تشيل البرقع:هههههه جات اللحظه الي كنت اتمناها..
فواز انسحر بجمال روان مان يتوقعها جميله بس مو لدرجه دي:وااااااااااااو جنااان شكلك..
روان تشيل الحجاب:عيونك الي تجنن وانت بعد وسيم وحركات وكيوت..
فواز:ياااااي جناان شعرك لونه نايس,,
روان:هههههههه شوي شوي ع روحك لا تموت ابيك ترى..
فواز:الا ماقلتي شخبارك؟
روان:انا بخير دامي شفتك..
فوان:وانا بعد عالي العال
روان:فووزي..
فواز:عيونه.
روان:انت الي بتوصلني صح؟
فواز:ماتخافي احد يشوفك وانتِ نازله
روان:ليش اخاف ماما حتى لو شافت العب علييها بكلمتين وتصدق
فواز:ههههه حرام عليك
روان:هههه
فواز:أبي مرتي تصير مثلك جميله..
روان:خيير مو انا مرتك..
فواز:مو شرط
روان:يعني انا مجرد تسلايه
فواز:لا طبعاً انتِ عمري وحياتي بس صعبه اقول زوجتي..
روان:اممم طيب بكيفك بس انت الخسران
فواز:اكيد انا الخسران مو بخسر اغلى انسانه..
روان:ياقلبي انت ان شاء الله مانتفرق
فواز:يارب الا وشو تبي تاكلي؟؟

(ريوف)..


بعد ماسمعت امهم الصراخ الي كان في غرفة احمد ركبت لهم بحمقية
دخلت الغرفة وعم السكون

ام احمد:ايش هذا انتوا ماتستحوا ع وجهكم احنا قاعدين فين ..ريوف فوراً ع غرفتك
ريوف:سمعتي وشو يقول؟؟
ام احمد بمقاطعه:ولا ابي اسمع ع غرفتك يلاا قدامي
ريوف:زين –طلعت لغرفتها-
ام احمد:انت وشو صاير ليه تصرخ ع اختك وشو مسويه؟؟
احمد:تقول لي بتعرس شنو بتعرس احنا وين قاعدين ...؟؟
قاطعته ام احمد:انت شدخلك اذا انا راضيه واهي راضيه ليه تدخل
احمد بحمقية:انا اخوها ومن حقي اتدخل
ام احمد:لا مو من حقك اذا ابوك ماتدخل انت شعليك خلص انتهت..وبعدين احنا للحين ماسوينا شي ولا صار شي لا تحمل الموضووع اكثر مما يستحق فـــــــآهم..-طلعت وسكرت الباب-
احمد: انا قلت مافي يعني مافي والله مااكون احمد ان ماخليت هذا الشي يصير وانا عايش..


ريوف في غرفتها تمشي يمين يسار من القهر:هذا منو علشان يمنعني من نصيبي والله مو بكيفة آف
كانت تكلم صاحبتها ريماس في الجوال وتشتكي لها الحال
ريماس:انتِ بعد غلطانه فكري زين قبل انتِ تو..
قاطتها ريوف:انتِ ماتفهمين ولا ايش اقول لك امي تبي الفكه مني وانا بعد ابي يعني راحت بال
ريماس:عارفة بس مو شرط تلقين راحت البال مع الزوج يمكن يكنون اعظم من امك..
ريوف بعصبيه:يالله واللع اني ماني عارفه شسوي آف
ريماس:فكري زين انتِ توك صغيره والف من يتمناك لا تستعجلي طيب؟؟!
ريوف:طيب اخليك الحين صاع راسي زاد
ريماس:سلامتك..مع السلامه

سكرت الجوال وراسها بينفجر جد من العصبية والصراخ الي صرخته..
تبي بندول ثاني بس المشكلة ان كاعندها عند احمد :آه يارسي آه..

تسطحت ع السرير وربطت راسها بقماش اسود :يالله راااسي...

احمد سمع ونين ريوف كسرت خاطره يبي يروح لها بس اكيد اذا شافته بتعصب وبتصرخ..

حيآه جديده ©؛°¨غرامي جديد¨°؛©

"الجـــــــــــــــــــزء الســـادس"
(رؤى)..

اليوم زحمة وعفسة في البيت ,,
رؤى في الصالون..
ام فهد مسكينة حزنانةلأن مابيصير احد في البيت معاها..
البخور رايح وجآآي
ام فهد للشغاله:روحي غرفة رؤى وبخريها وعدليها
الشغاله:حاضر مدام..

رؤى في الصالون..
الكوافيره:انتِ شعرك ناعم شو بدك اعمل في؟
رؤى بتفكير:في تسريحات تلبق لشعري؟
الكوافيره:ايواا في هي وهي بس انصحك بهي..
رؤى:اوكي اعملي هذي
الكوافيره:طيب والميك اب بدك خفيف ولا ثقيل..
رؤى:لا خفيف مرره..
الكوافيره:اوكي مثل مابدك –اشرت لها ع الكرسي-تفضلي..

بعد 3 ساعات..
الكوافيره:خلص خلصنا ياعروس بطيري العأل..
رؤى:ثانكس حبيبتي

ناظرت نفسها في المرايه وانصدمت..:يااي هذي انا لا مو مصدقه اجنن ميرسي كثييييير احس نفسي امييره..

الكوافيره:ولو هذا واجبنا..
مشت عنها الكوافيره عند الرسبشن:تفضلي هون..
رؤى:او الحساب ..طيب كم؟؟
الكوافيره:تفضلي هآي الفاتورة..

في البيت..
البيت جاهز بالمره بس باقي وصول العروس البيت ..الساعه 5 المغرب يعني شوي ورؤى تصير ملك لشخص محكومه به..
ام فهد:ياربي متى توصل هالرؤى مليت لوحدي..
ورن جرس البيت ام فهد استعدت لأستقبال رؤى وراحت عند الباب:ميين؟؟
رؤى:انا خالتي
ام فهد:تفضلي..حبيبتي
رؤى بصدمه:زاد فضلك..

انفتح الباب وماصدقت متى تشيل النقاب والحجاب خافت التسريحة تخترب
مسكتها من ايدها ام فهد:هلا هلا والله ببنيتي الغاليه وش هالحلاه تو مانور البيت
رؤى وهي تلقط انفسها:هلا خالتي شصاير؟
ام فهد:ماصاير شي بس ولهت عليك..
رؤى:يؤ ولهتي علي هههه
ام فهد وهي تساعد رؤى تشلح العباه :تعالي ببخرك شوي ويوصلوا الجماعه..
رؤى:او صح خالتي خالتي انا رايحه اصلي بعد الصلاه يصير خير..
ام فهد:تعالي استني اول املشي
رؤى:لالا الصلاه اول..


(دانـــــــــه)..
دانه :آف مليت للحين زعلانه مني الدبه..
ماريا:ماعليك منها اهي اذا ملت بتجي لنا
دانه:واذا كاجات.؟؟
ماريا:مو لا زم تجي ولا مو عاجبتك انا؟؟!
دانه:الا عاجبتني بس
ماريا:بس شنو؟؟امممم جات لي فكره..
دانه تربعت قدام ماريا بأندماج:وشي الفكره؟
ماريا:ههههه شرايك نروح له الغرفة بعد اذا ماكلمتنا وبعدها زعلانه بنقول لها بنقول لأمي واهي بتخاف لأن زعلانه علشان الشات فبتطر تكلمنا هااا ويش قلتي؟؟
دانه:طلعتي مو سهله..والله ماريا..
ماريا:هههه يلا قومي نروح لها..
دانه:يله
في طريقهم لغرفة فجر
ماريا:مو تضحكي تخربي الخطه
دانه:ههههههههههههههههههه زين بس ماأقدر
ماريا وقفت عند الباب بصوت هامس:اششششش ولا كلمه خلينا ندخا
دانه:هع طيب

ماريا طقت الباب بأدب
فجر:آف خير مييييين؟؟
ماريا:me افتحي..
فجر وهي تفتح الباب:شنو فيه؟
ماريا ودانه بصوت واحد:ممكن ندخل
فجر:لا مو ممكن سوري..
ماريا:ترى بنزل وبقول لأمي لأنك امــ...
فجر قاطعتها:اشششششششش خلاااص خلااص ادخلوا
دانه:هههههههههههههههههههه ياااي تخافي من الماما يابيبي..
فجر:لا مااخاف بس ولهت عليكم..^_^
ماريا:أي صح ولهتي علينا هههههههه
دانه:او صادقه ماعليك منها ههه
فجر:انتوا شنو عندكم آف جايين تتمصخروا؟؟
دانه:آفااااا انا اتمصخر ع الغاليه فجووره مستحييل ترى حتى انا ولهت عليك ههه
فجر:يابعد قلبي دندونه احبك كثيير,,
دانه:وانا بعد احبك وهذي بوسه موااااااااااح خخخ
ماريا بمقاطعه:هي هي نحن هنا
دانه:ونحن هنااك هههههه
فجر:ههههه ماريووه اطلعي برى ابي دندونه بموضووع خااص
دانه:أي خااص يلا بره
ماريا:لاه ماعليه اوريك يادانوه P:
دانه:يلا يلا بره هع
طلعت وسكرت الباب بحمقيه
فجر:هي ماريووه الباب بينكسر
دانه:هههههههههه والله انكم حمااس

حرر بتاريخ..21\10\1429هـ

فجر:بتتعودين لاحقاً ههههه زين اسمعي وشو كنت باقول
دانه بحماس:وشو؟؟
فجر:تطلعي معي اليوم؟؟
دانه:لوين
فجر:مع صاحباتي بروح مجمع الـ(.....)تروحي؟
دانه:اكييدين اروح ليش لا بس متى
فجر:في الليل الساعه 8 دانه انتِ تكشفي صح؟؟
دانه:ههه لا اكشف
فجر:اوكي بليز ممكن تغطي وجهك اذا طلعتي معي لان احنا بنات والمجمع كله..
دانه قاطعتها:أي أي عارفه خلص مثل مابدك هههه
فجر:شطووره ياعمري..
(روان)..
في السيارة مع فواز,,
روان:آف مابي اروح البيت ابي اروح معاك
فواز:شنو تقولي انتِ ؟؟ يله انزلي لا يجي حد يشوفك
روان:فواز حرك مابنزل سوري
فواز:وين اوديك؟؟يلا انزلي لا ابتلش بعدين يله
روان بعناد:مابي ودني أي مكان مابي انزل
فواز:اف شوفي ترى بنزل وباخليك في السياره الوقت تأخر يلا انزلي سريع
روان:زين ماعليه بنزل لكن اوريك
فواز:شنو توريني يله انزلي لا يشوفك حد
نزلت وسكرت الباب بقوه
روان:آف ضهرت ع حقيقتك يافواز..

طلعت المقتاح وفتحت الباب ودخلت وهي داخله البيت..
جات لها امها ووقفت في وجها الي واضح عليه الخوف..
غيرت ملامح وجها الخايفه وابتسمت:هلا ماما تأخرت عليك ادري اكيد ولهتي علي ياقلبي ماما امواااااااح
ام روان و وجها ماتغيرت ملامحه:مع من كنتي
روان:هااه ..مع صاحباتي يعني مع من.. الله يهديك ياماما
ام روان:متأكدة..
روان وهي ترجف:ماما شفيك؟؟شنو صاير؟
ام روان بجديه وحمقيه زايده:روان تكلمي جد مثل ما أنا اكلمك وين كنتي ومع من!! تكلمي سريع
روان بلعت ريقها:مع صاحباتي ياماما كنا في المطعم..
ام روان:ومين وصلك عند البيت
روان بتردد:سواق صاحبتي...
ام روان:لكن انا ماشفت احد معاك بالسيارة وكنتي قدام لا تلفي ودوري معي تراني فاهمتك..
روان:ماما انا نعسانه حدي بلسز خليني اروح انام وبكره يصير خير..

مشت لعند غرفتها
ام روان:ما في شي بكرة هالحين تقولين مع مين كنتي..تراك ماخذه الموضوع مسخرة
روان:ماما بليز راسي يألمني قلت لك مع صاحبتي قاعده في المطعم مع صاحبتها وانا تأخرت وماعندي احد يوديني قالت روحي مع سواقي
ام روان:كنتي قاعده قدام..
روان:شفيها يمه خير ياطير عادي ايزي فري شفيييييييك؟؟
ام روان رجعت ابتسامة الحنان ع شفايفها:روحي نامي شكلك تعبانه مرره
روان ردت لها الأبتسامه ودخلت الغرفه.


(ريوف)..
بعد الألم الفضيع الي كان في راسها نامت للليل ولا قعدت..
اخوها احمد شاف الهوء في البيت وباب غرفة ريوف مسكر ..
متردد يروح يطق الباب ويدخل :اروح ولا ماروح اممممممم يمكن تعبانه ويمكن نايمه يمكن بعدها معصبه امممم ويش اسوي ادخل ولا لا اممم اذا معصبه بهديها بس بشوف اذا راسها بعده يألمها ولا بعده طيب طيب بروح..

تقدم لغرفة ريوف ووقف عند الباب طقه بشويش ودخل..
الغرفه بارده وطلاام
احمد بهدوء:يؤيؤ شكلها نايمه مسكينه..
فتح النور وانتشر الضوء في الغرفة ريوف تحركت ع السرير يمين وشمال
بعدين فتحت عينها
احمد تقدم لسرير ريوف وجلس جمبها
ريوف بتعب:احمد شفيه شصاير؟؟
احمد:لا ولا شي بس نمتي كثير خفت عليك
ريوف:لا تخاف ما مت..
احمد:ههه اسم الله عليك يلا قومي صارت الدنيا ليل وانتِ بعدك نايمه
ريوف قعدت وهي تتمدد:آه تعبانه
احمد:سلامتك من الآه يلا قومي بلا كسل
ريوف تحك راسها كانها تذكرت شي:اشوفك انقلبت
احمد بستعباط:ع شنو؟؟
ريوف:وانسيت بعد شكلك .. ماشاء الله عليك ياليتني مثلك..
احمد:او ذكرت ... انا ماأغصبك ع راحتك الي تشوفينه زين لك اعمليه..
ريوف:صج يابعد قلبي اخووي اموااااح
احمد:هههه بس مين خطبك؟؟
ريوف:ماحد بس امك سوتني عرضه ههه
احمد:كيف يعني؟
ريوف:يعني لما جات المراه قامت تمدح فيني بنفاق والمره حسيتها حطتني في بالها وان شاء الله
احمد يقاطعها:انت من جدك بتوافقي ولا تمزحي
ريوف بأستعباط:امزح
احمد:لا صحيح اتكلم..
ريوف:حمود تالي اكلمك بقوم اصلي اآكل لي شي جوعانه
احمد:وهو يقوم من السرير:اوكي خذي راحتك.. باي حلوه..
ريوف:باي هههه

حيآه جديده ©؛°¨غرامي جديد¨°؛©

"الجـــــزء السآبـــــــع"
(رؤى)..
خلصت صلاة وقعدت تتبيرد وتناظر نفسها بالمرايه صارت الصاعه 7 ونص وهي بعدها فوق سمعت مرة ابوها تناديها :رؤى يله انزلي سريع العريس وصل
رؤى وهي رافعه خشمها بغرور:جايه لا تصرخي
نزلت من الدرج وهي تتبيرد كالعادة
رؤى: ها خالتي وين اروح؟؟
ام فهد:داخل المجلس هناك مؤيد وابوك
رؤى بأبتسامة:ثـــــــآنكس..

حرر بتاريخ 25\10\1429هـ..

وصلت عند الباب وعدلت ثوبها لبنفسجي الطويل وشقت حلجها بأبتسامه وطقت الباب دخلت:مرحبـــا

ابو فهد:تعالي يابنتي مافي احد غريب خلاص صار زوجك
رؤى تقدمت عند مؤيد عشان تسلم مدت ايدها:كيفك مؤيد؟؟
مؤيد وقف ومسك ايدها:هلا والله انا تمام وانتِ كيفك؟
رؤى:بخير
ابو فهد:يله انا اترخصكم خلكم لوحدكم..
مؤيد:اذنك معك عمي
رؤى:لا يبه خلك
ابو فهد اتجة للباب:شنو يخليني بعد يلا سلام
وسكر الباب وراه بهدوء
رؤى نزلت راسها في الأرض صارت معاه لوحدهم في المجلس وجها انقلب احمر

مؤيد بعده ماسك يد رؤى وسرحان فيها
رؤى رفعت راسها وشافته يناظر فيها ونزلته مرة ثانية
مؤيد رفه راسها بأيده:رؤى شفيك ساكته كل ذا حيا خلص انا زوجك الحين..
رؤى:ماني متعوده عليك ان شاء الله مع الأيام اتعود..
مؤيد:ان شاء الله الحين تقدري تقعدي وتريحي اعصابك؟خلص كفايه توتر..
رؤى قعدت:وهااي جلسه آمر شنو تبي بعد؟
مؤيد قعد جمبها:من وين جايبه هالحلآه..
رؤى:الكل يقول طالعه ع ماما الله يرحمها بس انا مدري ماشفتها..
مؤيد:الله يرحمها يعني ماشفتيها ابد؟
رؤى:جابتني وماتت
مؤيد:امممم الله كريم ..اعوضك انا الي راح..
رؤى:ههه ان شاء الله
مؤيد انتبه للحرقق الي في ايدها من كانت صغيره:رؤى..
رؤى:هلا..
مؤيد:شنو هذا الي في ايدك؟؟
رؤى:شنو؟؟
مؤيد اشر ع الحرق:هذا
رؤى:هذا قصته طويله
مؤيد:طيب قولي اسمعك..
رؤى:هذا ياطويل العمر..

(دآنــــــه)...
في غرفة فجر ..
دانه:آف مليت متى نطلع؟؟
فجر:شفيك مستعجله قلت لك اذا اتصلت صاحبتي
دانه:آف هذي شفيها بطلعنا نص الليل يعني
فجر:توها الساعه 7 ونص ثمان يمكن نطلع اشفيك ياعبيطه
دانه:إنا لله آف ملل
فجر:اممممم شنو تبي اسوي ارقص
دانه:هههه مدري آف
فجر:افتح الشات؟
دانه:لا يا طويلة العمر مابي لا شات ولا شي وترى ازعل منك
فجر:امزح معك براحتك بس انتِ ملانه مدري شنو اسوي علشان لا تستملي
دانه:مابي شي تسويه امشي ننزل نقعد مع امك وماريا
فجر:مالي خلقهم
دانه:خليك قاعده عجل انا بروح
فجر:لالا اخذيني معك
دانه:ههه يله

نزلوا تحت وهو ع الدرج بالصدفه كان ابو فجر راكب ع الدرج وهم نازلين
فجر:هلا يبه
دانه غاورت وجها ع ورا عشان لا ينتبه له
ابو عبد الله:هلا فجر تقول امك اليو بتطلعي؟
فجر وهي تهز راسها :أي يبه بطلع مع دانه
ابو عبد الله:مين دانه أي هذي الي معك محتاجين فلوس
فجر:لا عندي انا
ابو عبد الله:ودانه؟
دانه:لا عمي انا مابي اذا ابي شي اباخذ من فجر..مو صح فجر
فجر :أي صح
ابو عبد الله:طيب اذا بغيتي شي قولي لا تستحي ترى صرتي منا وفينا
دانه:تسلم عمي يله فجر

كملوا طريقهم ع الدرج
دانه:مو عيب يشوفني بلا حجاب ولا عبايه
فجر:عادي ياغبيه العمر كله بتقعدين معنا كل يوم بتلبسي العباه وبتقعدي ..
دانه:مدري مدري
وصلوا للصاله
دانه:هلا خالتي اخبارك؟
ام عبد الله:هلا بيك انا بخير
فجر:يمه باخذ دانه معي
ماريا:وانا تخلوني لوحدي
فجر:انتِ شب مالك دخل
دانه:هههههه
ام عبد الله انتو ماتوبوا عن الهواش خلاص
فجر:انا ادري عنها ملقوفه كل تبي تطلع معي روحي مع صاحباتك
ماريا:انتِ تدري ان ابوي مايرضى اروح مع صاحباتي
فجر:أي بعدك صغيره
دانه:هههههههههههههههههههههههه
ام عبد الله:خلني اقوم عنكم احسن لي ..آف منكم
دانه:ههه فجر خذيها معك مسكينه
ماريا:عشاك سكينة انا مو مسكينة
دانه:ههههههههههههههههههه آفااا اوريك
فجر وهي تناظر في الساعه:دانوه قومي نجهز هالحين بنطلع يله
دانه وهي تقفز:جد يآآآآآآي ونااسه سي يو ماريووه خخخ
ماريا:مالت عليكم
فجر:من الحره
مسكت يد دانه وركبوا لغرفتهم

في الغرفه
دانه وهي ترتب البرقع:ماأعرف اسويه آف اعمليه لي
فجر:هههههههه مو كذا يالخبلة تعالي اسويه لك
دانه:ههههههههههههه شنو عرفني انا
فجر:ايواا كذا مزبوط لا تحركيه
دانه:يااي كأني مو انا جنيه هههه
فج:ههه لا مثل القمر يلا امشي
دانه:وهي تاخذ شنطتها يلا انطلقنا go
فجر:شكلك متحمسه
دانه:أي والله بمووت من الونااسه

ركبوا السياره وراحوا المجمع..


(روآن)..
روان:مامي
ام روان:ايش فيه؟
روان:شنو رايك نروح البحر الجو جناان
ام روان:والله الي تشوفينه انا مدري احس حالي تعبانه
روان:ماما شدي حيلك لساتك شباب
ام روان:وين الشباب وانا وين يابنتي اذا ملانه روحي مع صاحباتك انا ماعاد فيني فايده
روان:لا مامي يلا بليز تقوي وخلينا نروح سوا
ام روان:لا يابنتي روحي انتِ استانسي انا ماعليك مني
روان:آف زين تبين اجيب لك شي معي؟
ام روان:لا سلامتك
روان:اوكي مع السلامه

طلعت من البيت والأبتسامة شاقه شفايفها المليانه:خلني اتصل لفواز صار لي زمان ماكلمته وحشني
طلعت الجوال وهي لسه ع باب البيت
روان وهي تناظر سيارة السواق الي واقفه:مو كأنه هذي سيارة دينا يؤ
دينا نزلت من السياره بعدما شافت روان عند الباب:هااي روان
روان بصدمه:هايات شنو جيبك هينا؟؟
دينا:جايه اخذك معي ونطلع سواا
روان:تحركي انتِ وسيارتك يلاا مابي اطلع
دينا:ليه؟ مو احنا متفقين نطلع اليوم؟؟
روان:بتفكير:اممممممممم لا ماتفقنا يلا تحركي
دينا:زين بتحرك باي

روان دقت ع رقم فواز بس 3 رنات:هلا والله بالغلآآ كله..
روان:هلا بيك قلبي اخبارك
فواز:بخير حبي وانـِ..
روان:ماشي حالي فواز انا عند باب البيت تعال خذني
فواز:جد زين دقايق وانا عندك باي انا قريب منك
روان:هههههه باي

بعد فتره
شافت السياره من بعيد واقفه وفواز فيها ياشر لها تجي
مشت ووصلت لعند بابا السياره ودخلت
روان:هااي فواز..
فواز:هلا والله وينك من زمان..
روان:موجوده بس انت ماتسأل..
فواز:صار لك زمان مادخلتي الشات
روان:أي ماما تعبانه شوي والبيت ع راسي
فواز:سلامات ماتشوف شر
روان:الله يسلمك طيب وين بتوديني ؟؟
فواز:بوديك بيتنا
روان:هااه
فواز: أي شنو هاااه؟؟؟
روان:ليش امك هناك؟؟
فواز:أي هناك امي واختي
روان:جد بتعرفني عليهم
فواز بمكر:أي انتِ جاهزه
روان:اكييد جاهزه افا عليك
فواز بأبتسامه خبيثه:اوكي..


(ريــــوف)..
كانت قاعدة عند النافذه ملانه:ياربي متى يجي فارس احلامي الحين آه..كان اروح معه ع طوول ياليت ياليــــــــــــــت..

احمد دخل عليها الغرفة من دون ماتحس:هلا بالورد..
ريوف:بس الله الرحمن شنو سمعت ويلي..
احمد:سمعت كلامك كله
رويف:هاااا ايش سمعت؟؟
احمد:ياويلي عليك ياخطيره
ريوع:اوووووووه جننتني تكلم شنو سمعت...
احمد:ههههههههه ماسمعت شي ليه شنو كنتِ تقولي؟؟
ريوف رمت عليه المخده:يا حماار خوفتني فكرتك صحيح سمعت..
احمد:رد عليها المخده :وش كنتي تقولي يعني؟؟
ريوف:كلام مايخصك
احمد:افاا انا ما يخصني
ريوف:أي مايخصك
احمد:ماعليه اوريك..
ريوف:شنو بتسوي يعني خوفتني يماااا
احمد:ياابقرة الوادي اوريك من اكوون
ريوف:ههههههههههههههههههههههههههههه من يعني احمج ويووو
احمد بعصبيه:الحين بكفخك بخليك تبكي دم
ريوف فتحت عينها:ايش يا سفاااح تفاعلت وااجد مع الموضووع
احمد وعيونه تطلع شراار :عندك طريقة استفزاز غير طبيعية
ريوف:ههه اسم الله عليك يلي مو مستفز
احمد:متى افتك منك بس
ريوف:آه أي والله متى
احمد رمى عليها المخدة:سخيفة بقوه
ريوف مسكت المخده قبل مانوصل لها:ماحد سخيف غيرك
احمد:أي ماقلت لك..
ريوف بتفاعل:وشو؟؟
احمد:بعرس
ريوف:جد كلللللللللللللللللللللوش من جدك الف الف الف الف مبروك هذي الساعه المباركه انت اشر وحنا نجيب
احمد:هي وطي صوتك ياخبلة
ريوف:يؤ ليه فرحانه لي اخوي كلللللللللللللللوش
احمد:انكتمي شفيك مجنوونه؟؟
ريوف:ليه شنو عملت
احمد:ماصار شي للحين الجين تجي امي وتسوي سالفه
ريوف:يؤ نسيت امك الا ماقت تبي من؟؟
احمد:ابي ريماس صاحبتك
ريوف:هاااااع ريماس شنو عرفك فيها
احمد:شفتها بالصدفه وعجبتني
ريوف:ياخاينين ولا تقول
احمد:خذيها لي
ريوف:كل تبن ياخووي مافيه اختر وحده ثانيه
احمد:ليه شفيها البنت
ريوف:ماتصلح لك
احمد:ليه ماتصلح فاجره ولا بايره ولا
قاطعته ريوف:كل تبن مااسمح لك
احمد:ريوفووه تكلمي ليش ماتصلح لي؟؟
ريوف بجديه:مدري ماتصلح لك وخلااص اقول انكتم ولا تجيب اسم ريماس ع لسانك فاهم..
احمد:ماني تقولي الحين ليه ولا شنو
ريوف:هي كرهتك من كثر ماأكلمها عنك وبعدين توها صغيره وماأظن توافق..

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1