غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 51
قديم(ـة) 23-07-2012, 06:04 PM
Ra&La Ra&La غير متصل
عضو موقوف من الإداره
 
الافتراضي رد: رواية :غيرك أشوفه وأعوفه وأتركه إلا انتي كل خطواتي معاك /بقلمي


تابـــــــــــــــــــــع



"عند الرجال"



بالخيمه كانوا كل الشباب متجمعين وسوالف وطبعا كان معاهم طبول عشان السهره وكانوا مولعين حطب لان الجو بارد وكلهم متجمعين ومصكرين انوار المزرعه وكانت الدنيا ظلمه بالمرره بس الجو جدااا رومانسي ..
وكانوا مسوين لعبه كل واحد يجيب بيت او قصيده واخر حرف او كلمه يبدا فيها االثاني بقصيده جديده ..

اول واحد فهد :احم احم يله صفقوا لي شباب ...بقول بس طبعا ماني بقايل لمين اهديها ^_*

أحبك و حبك غيـر كل كياني ..... واحلوت و زانت أيامـي معاك

أقولها بكل ما تحمـل من معاني ...... أحبك و أعشقك و أموت بهواك..



طلال يصفق : ياكوشخــه لازم لازم اقول لاعبــير ..
فهد رفع حاجبه :ومن قالك انها لعبير ؟؟
مشاري شهق وحط يده على صدره : اههئ تخون اختي قصمن لاافرشك هنيا ..
فهد:انتم وش دخلكم بعدين عبير لها كل مشاعري موبيت قصيده حبها مااعبر عنه ببيت واحد هذي لابناتي ..
مشاري تكتف :وخال بناتك ماله شي ؟؟
فهد:الا له ... له طراق يخلي وجهه من غير معالم ؟؟
متعب:هههههههههههههه...هزئك
مشاري عصب:انت مالك دخل انا وزج اختي نتفاهم
فهد يرفع حاجب وينزله :احسسن خل اللقافه تنفعك
صالح:يله شباب خلونا نكمل نشوف اسم مين الي يطلع ..
دحوم : وووخرر بس انا بسحب..."وسحب دحوم اسم وطلع اسم عبدالله"...عبدالله يله دوررك ..
عبدالله:طيب اممممممممممم طيب وش اخر حرف
صالح:الكاف ...
عبدالله:طيب .....
كلن تلذذ في عذابي وتركنـــــــي
أعاني جروحه ولا فادني النــــــــــــــــوح

أضحك مع الناس واخفي هم قتلني
همٍ بوسط العين بين ومفضــــــــــــوح
......
صالح:صح لسانك ياخوي ... يله دحوم اسحب اسم ثاني ..
دحوم: اممممم.....اســـــــــــمـ سالم
سالم:يووووه والله مافي بالي شي ..
صالح:اقول تلعب ولاتنسحب
سالم بسرعة : لالا بلعب بس دقيقه.....اممممممممم

حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه


حاولت .. لكن المحاصيل هيّ هـيّ
الطير طـار ولا بقـى الا شجرتـه


وقفّت اشوف شويّ واغمّض شـويّ
واللي انكسر في خاطـري ماجبرتـه


لين الحقت شمسي على بارد الفـيّ
وشفت ان كل اللي جمعته خسرتـه

صالح يصفر :صح لسانك سلوووم
سالم ابتسم :صح بدنك ..
وجلسوا العيال يكملون اللعبه طبعا كان بعد سالم متعب الي تورط وانسحب بالاخير وبعده كان رائد الي كان شاطر بالشعر وبعدين محمد وكانت قصيده موبيت بس كلهم خقوا معها ..


...................



"عند البنـــــــات "

ندى :هيييي انتي خير ترفسين لاارفسك واوصلك هناااااااااك !
لينا:اقول انتي ناويه طقاق شكلك اليوم ..تراني مالي خلقك .. واصلة هنا (وحطت يدها على خشمها )
ندى :ليه وش فيك ؟؟
لينا بقهر: متعبوووه لازم لازم اردها له !
ندى:هههههههههه...وانتي الى الحين تفكرين بالموضوع
لينا:لانه دخل هناا "وتأشرعلى راسها"وماراح يطلع الا لما اخذ حقي !
ندى بأستهتار:هنا"تأشر على راسها"..ولاهنـــا"تأشر على قلبها"..؟؟؟؟؟
لنوبعصبيه: نديووووووو وخري عن وجهي لااطلع حرت متعب فيك مالي خلق تعليقاتك !
ورن جوال ندى: اقول فكك الله مني خليني ارد على توأمي ....الووو هلا بحياتي
ريم:هلابك ازيك ياعسل ؟؟؟
ندى:تماام منيحه انتي اخبارك .. يازينك والله
ريم تتنهد: موبخير..
ندى :هو ياكافي وش فيك ليه يابعد من قام وقعد
ريم:ياخذ عمر اللغه حقتك هذي يالعجوز المهم اسمعي وربي اني مرررررره مشتاقه لك..
ندى:ههههههه...حتى انا ياقلبي...امممم وش رايك تجون عندنا بالمزرعه ...!!!!
ريم: لاوين ماقدر ..
ندى:ماعليك انااخلي امي تكلم امك وتقنعها تجون غداء وترجعون باليل وش قلتي
ريم:قدااااام وينعن ابو وراء ياشيخه خليني اشوف بنات عمك من زمان ماشفتهم
ندى:اووووك يله عاد طسي خليني اكلم امي ........طرررررررررراخ
لينا:انتي ماتعرفين تقولين مع السلامه ؟؟
ندى:وليه يختي الخساير والرسميات وشوله السلام ومع السلامه
لينا:ياخذ عمر اخلاقك ...اقول ندى عندي فكرررررره؟؟؟؟
ندى نطت في وجهه لينا :وووشووو قولي خلصيني بسرررررعه
لينا:بسم الله علي مابعد قلت شي...المهم اسمعي بس ماتقولين لااحد حتى باقي الشله
ندى:اعتمدي ياشيخه سرك في بيرر(بئر)
لينا:اسمعي ....وجلست تقول لها الخطه وندى طبعا تحمست لان فيها طقاق وفيها مخاطره ..
ندى طيرت عيونها:واااو وش هالتفكير ويقولن من طالعه عليه ..
لينا:خلاص موافقه..؟
ندى:وبدون اي تردد


...........................................



عند الحريم
ندى:يمه ......
الام:هلااا وش تبين؟؟؟؟
ندى:اممممممم يمه بطلبتس طلب قولي تم..
الام:خلصيني بروح انام بسرعه قولي
ندى:يمه ابيك تكلمين ام ريم وتعزمينهم على الغدا موبكرا غداء ابوي اعزميها وقولي لها يجون الظهر ..
الام:حسبت عندك سالفه اصلا هي كلمتني العصر تسلم وعزمتها وقالت انشالله بتشوف عن البنات
ندى:قولي قاء
الام طيرت عيونها :وجع انتي صدز ماتحترمينن هذا واناامتس ...
ندى:اسفين ياست الحبايب "حبت راس امها وركض تكلم ريم"..
ريم:لبيه ياروحي
ندى:أسمعي بس بلا رومانصيات ...امي كلمت امتس العصر وقالتلها وامتس وافقت ابيك الحين تروحين لها وتسالينها وتقولي الاغصب والا قسمن ندى راح تزعل
ريم:هي هي على هونك علي متى امك كلمت امي؟؟؟؟؟؟
ندى:سالفه طوويله المهم روحي لمك الحين وتاكدي منها
ريم:اوووك..طراااااااااااااااخ
ندى:وووووجع الدبى هذي قفلت بوجهي بس ماعليها شرهه اذا انا صديقتها !.


.......................................



نرجع للشبــــــــــــــــاب
طلال: هلااااريومه
ريما:هلا اخوي.. اقول طلال في اغراض معك بالسياره ابغاهم بليز قرب السياره هنا بنزلهم ..
طلال بملل :طيب يابثرك انتي وطلباك...باي
ريما:روانوووه كله منك اكلت هوشه عشانك
روان:خلاص خلاص احنا اسفين الي نطلب منك
مها:طيب بنات انا الي بصلح لكم اليوم الكوفي بس على طريقتي خلي تجي الاغراض واضبطها لكم....
جلسوا يسولفون بعدها بشوي جاء طلال بالسياره لان فيها اغراض البنات جايبينها معهم طبعا وقف السياره بمدخل السيارت ونزل ورجع عند الشباب بالخيمه ..جت مها وشروق وروان وكانوا يسولفون...
روان:هذي الشنطه فيها السكر والكوفي شيليها ياشروق..
شروق وهي تقرب للجيب :اووك
روان:وانتي يامهوو شيلي الغلايه ووديها المطبخ واذا خلصتوا رجاء قفلوا السياره..
شروق وفوقها علامه تعجب(!):خدامين عند ابوك حنا وجع احترمينا حنا اكبر منك..
روان:والله انا اكلت تهزيئه قبل شوي من اخوي مابي تخرب سيارته واخذ تهزيئه ثانيه ..وراحت روان لم البنات تكمل سوالف واخذت شروق الشنطه توديها المطبخ
.....بنفس الوقت ....
تذكر طلال ان جواله بالسياره حطه يوم ركب ونسى ياخذه ورجع عشان ياخذه ومها كانت عند الشنطه ورا وكانت لابسه بنطلون جينز ولابسه بلوفر صوف لونه وردي ورافعه شعرها بربطه ورديه وحاطه قلوس وردي ومسكرا وهي طبعا عيونها كبيره ومكحله وطالع شكلها مرررررره نعوم
جا طلال ويحسبها اخته روان وكانت موجه وجهها للشنطه تصلح شعرها وتغني اغنيه ..
"وش صار وش اللي غيرني ماعدت اعرفني طبيت بالمطب عيار كانو يسموني كلهم يعرفوني مالي انا والحب مادار في بالي الخالي اتعلق بغالي ... الخ "
وخلصت من تصليح شعرها وكان طلال واقف وراها ومتنح الاخ يبي يجمع من هذي الي قدامه لما خلصت مها اخذت الغلايه والتفت وراها
مها :حبيت لاتسئلـــــ ......(انصــــــــــــدمت) رمت الغلايه الي معها بالارض وراحت تركض للمطبخ راحت لشروق
شروق:مهااااا وش فيك تركضين؟؟
مها(ووجهها اصفر من الروعه):هاا .. امم لالامافي شي بس مدري سمعت صوت
شروق:اها يابعد قلبي روحي اشربي مويه ..
مها:اوك ميرسي ياقلبي
وفي مكان اخر عند السياره الاخ الي الحين واقف مومصدق الي شافها هذي بشر ولاملاك ...وبعدها بشوي رن جواله
طلال وهو لسا يفكر :هااااااا
روان:انت جاي تاخذ سيارتك ؟؟
طلال:لالا بس نسيت جوالي ورجعت اخذه..
روان:اها لان مهاا جايه خايفه تقول سمعت صوت ..عاد قلت اكيد طلول جاي ياخذ سيارته
طلال:اهاا من مها ذي؟؟
روان:مها بنت خاله فاطمه ام راكان ...نسيتهم؟؟
طلال(بنفسه):كل هالزين عندنا ولاندري عنه مالت على حظوظنا آآآآه يامها يازينك مشاء الله ..
روان:هيييييي الوووووو...وين رحت؟؟؟
طلال:لالا ولاشي يله.. باي


......................................



جلست مها تاخذ نفس بعد الروعه وبعدها راحت تصلح كبتشينو للبنات بس طبعا لها طريقتها الخاصه بعد ماسوته راحت للبنات وبالها مومعها ..
مها (في نفسها):والله فشله قدام الولد اغني وارقص وبدون لالثمه ولاحجاب ولاشي يووووووه افف بعد وانا غبية ليه اغني وارقص حسباللي بلحالي بالمزرعة ..
شروق:مهاااا
مها:ها لبيه امري
شروق:وش فيك سرحانه؟؟؟؟؟؟؟؟
مها:لاولاشي مدري ...
شروق:علينا قولي قولي ترا حنا موصغار
مها:وش اخبي وجع شروقوه وخري عن وجهي ترا النفس خايسه ...<<<كل البنات جايتهم ام العبيد اليوم ههههه
..........................
طبعا جلسوا البنات سوالف ليـــــــــــــــن الفجر واول مأذن قاموا البنات يصلون وراحوا ينامون بس موكلهم طبعا الاشلتنا (ندى-لينا-سارة-شهد-هنوف-ريما)...
ندى:لنووووو..وش بتسوين بالخطه خلينا ندق الحين !
لينا:امممممم لالا اخاف يشكون تعرفين حنا عيد والفجر واجوائنا خليها وقت ثاني
ندى:تدرين انا ابي اكلم ياسر لازم اجيبه على وجهه
شهد:هي انتي وياها وش سالفتكم ووووجع من وراي ..
ريما:قولولنا خلونا نخطط معكم..
ندى:لاموشي بس...اسألوا لينوو
لينا:لاتسألوني .. بقولكم اصلا محتاجه مساعدتكم !
ريما:افا ياذا العلم تبين فزعه افزعلك وافزع للي جابوك !
لينا:لاتكفين اعرف فزعاتك خليها لك ههههههه
شهد مافيها صبر تبي تعرف السالفة على طول :ترا بتتلفعوووووووون قولوا وش فيكم؟؟
لينا:اسمعوا انا فكرت اني بطيح متعب على وجهه وبعدها بقوله انا مين عشان ينقهرررر بس يبيلها وقت .. تعرفون متعب راعي بنات ^_*
شهد:وحتى انا ناويه على مشاري وانتم عارفين هالشي وهو بيطول معه الموضوع مرررررره
ساره:لنو ...
لينا:هلااا وش فيك؟؟؟
ساره:وعبدالله ؟؟
للينا:ماعليك انتي انا بخليييه يمووت فيك
ريما:هي انتي نسيتي اني مخططه على دحوم خليه يحبني عشان بذله
لينا غمزت لريما :مايحتاج يحبك لانه اصلا هو يحبك......
ريما انصدممت وانحرجت بنفس الوقت :هااااا ؟؟
لنو:ههههههه وربي..
ريما ووجهها احمرررررر:كيف عرفتي؟؟ وشلون
لنو:اممممم طيب بقولتس تخيلي انا مره...
دحوم:الو نعم
:هااااايوووو
دحوم:خلصيني تبين شي؟؟
:اممممممم هذا جوال حمودي ...
دحوم:لا ارتحتي ..
:طيب انا متأكده انه جوال حمودي واذا موهو ليه ماتكون حمودي طيب
دحوم:انا مابي اتعرف ..
:ليه انت مرتبط؟
دحوم:ايه مرتبط واحب وقريبا بخطب الي احبها وهي حلم عمري
:طيب ايش اسمها؟؟
دحوم عصب:انتي ايش دخلك
:لابس بعرف من حبيبه القلب الي بتاخذ حمودي
دحوم:بنت عمتي رورو
:رورو؟؟؟؟
دحوم:ايه ريما خلصتي ارتحتي .........طرررررراخ
لينا:هههههههههههههه
ندى:ههههههههههههه منتي بصاحيه متى هالكلام؟؟
لنو:تقريبا بالعطله بس منال صديقتي ضبطت الدور مررررره
ريما محمر وجهها: لارد .......
شهد:هههههههههههه البنت راحت فيها حالتها صعبه من الحب
ندى:ههههههههه والله وصرنا نحب متى يجي دوري ههههههه
لينا :انتي شكلك بتطيحين طيحه قوويييييييييييييييييييييه
ندى:شوفوا من يتكلم انا حاسه طيحتي ماراح تكون اقوى من طيحتك
شهد وهي ماسكه خط: ههههههههههههههههههههههههه
ريما:.....................
مشوا البنات وراحوا لم قسم الرجال ودقوا على شروق
شهد:شروووووق
شروق:هااااااااا
شهد:اسمعوا العيال نايمين تبون نلعب كوره ؟؟
شروق:اممممممممم والله فكره عاد البنات لسا ماناموا
شهد:خلاص شوفي عنهم وتعالواا
شروق :اووووك ...طراااخ
هنوف:بنات انا ماعرف اخاف ...
ندى:ماعندي بنات خالات يخافون اقول خلك رجاله وقد كلمتك يامره
هنوف:حشى جالسه مع واحد من العيال موبنيه
بعد ربع ساعه جوا باقي البنات عشان يلعبون وكلهم متجهزين انقسموا فريقين فريق فيه (ندى-لينا-ريما-سارة-شهد-شجون)وفريق(شروق-لميا-روان-مها-وجدان -منى)طبعا هنوف مالعبت لانها تخاف ماتحب الكوره وخلوها حكم وبدوا اللعبه طبعا ماخذين راحتهم ولاكأن احد نايم وكانوا العيال جالسين بالخيمه ومقفلينها ومومبين ان فيها احد ......
هم استغلوا الفرصه وجلسوا يتفرجون على البنات كان طلال يحاول يقز مها بس ماعرف يفرق بينهم لانهم كلهم متحجبين وهم بعيدين شوي يعني ماراح يقدر يميزها
وجلسوا لعب وفالييينها
يوم سجلت لينــــــــا هدف قامت تصارخ قامت ندى نطت عليها وضمتها ..
ندى:مبروك هذا بفضل تعليماتي
لينا:مسكينه بفضل قدراتي هههههه
وكملوا لعب وفاز فريق ندى لان البنات الي فيه عربجيات شوي اما الفريق الثاني نعومات طبعا هنوف كانت متفرجه والفريق الي يسجل هدف تشجعه والعيال منقسمين فريقين
الي يشجع فريق ندى (سالم-دحوم -مشاري -رائد-ياسر-عبوود)والي مررررره كارهين هالفريق هم مشعل ومتعب عشان كذا صارو يشجعون الفريق الثاني(صالح-مشعل-متعب-تركي-طلال)
ويوم فاز فريق ندى قررو العيال يبلغوهم انهم كانوا متابعين المباره وحابين يفطرونهم على حساب عدوينهم لانهم متراهنين الي يفوز يجيب للثاني فطور
سالم:هاااااااا ثبتت ههههههه
متعب:والله ماجيب للينا شي معصي
مشعل: وحتى انا مااجيب لندى شي يخسون افطرهم على حسابي
عبود:هي انت وياه هذولي اخواتنا احترموا انفسكم
سالم:مااااااعلي حنا وياهم تجيبون لنا فطور
صالح:اول اشاور لمياء...طلع الاخ الجوال وكلم لميا
لميا:هلا روحي..
صالح:هلا لولوو .....انتم انهزمتم صح؟؟
لميا تفشلت:هاااااااا وش دراك ؟؟
صالح:عرفت وبس انتي جاوبيني ؟
لميا:ايه انهزمنا بس وش عرفك
صالح:خلاص بجيبلكم فطور بمناسبه الهزيمه وش قلتي ؟؟؟
لميا شوي وتذبحه:لاتتريق علمني وشلون عرفت ؟؟
صالح:اقول اسالي احد اخوانك مواانا ...بايوحبي
لميا وهي مستغربه:باي ..
ياسر:اقول مشعل ملاحظ شي...
مشعل :اي والله انت مثلي
صالح:وش فيكم انتم؟؟
ياسر:لاابد بس وش رايك بواحد خاطب وحده بس خطبه ويكلمها قدام اخوانها
دحوم ميت ضحك:ههههههههههههههههه
صالح ارتبكك :هااااااااالاوالله نسيت بس كنت هاااااا .. لالابس كنت بشوف اذا هي جوعانه
ياسر بعصبية تضحك:صلووووح اياني وياك اعرف انك داق على اختي قبل الملكه قسمن لااتوطى في بطننك .. فاهم
صالح:خلاص فهمنا فهمنا
مشعل:ولاترا بنفصخ خطوبتكم ونخليها تاخذ ولد ابومساعد
صالح طلع من عيونه شرار:وشوووووو اقول انت وياه لاتهددوني باختكم ترا اذبح نفسي
ياسر:ههههههههههههههههههه
دحوم:تراه خبل يسويها ......هههههههههههههههه
كلموا العيال البنات وسألوهم وش يبون فطور وطلع صالح ومشعل الي مغصوب وتركي وطلال ومتعب
البنات مكيفين جالسين بالملعب وحاطين بساط (فرشه-سجاده)يستنون الفطور يجي والعيال محكورين في الخيمه
بعد ساعه تقريبا جوا العيال بعد ماجابو فطور للبنات ..
صلحوا البنات شاهي وارسلوه للشباب وجلسوا البنات على الفرشه الي حاطينها
ندى:وش هذا مالت عليهم فول مابي فول ..
لنو:اقول كولي وانتي ساكته تدرين من جايبه ههههههههههههه
ندى:ايه عارفه مشعل ومتعب هههههههههه
لنو:ماقلت لك والله لااوريه بس هين يامتعبووووه
شهد:اقول خلي اخوي مسيكين كولي وانتي ساكته ..
شجون:لميا ..صبي لي شاهي
لميا:طيب ...
وكملوا فطور وضحك وخلصوا وجلسوا يسولفون <<<راعين طويله



"عند العيال"

طبعا الاكل مع الرجال ماياخذ وقت زي الحريم فبسرعه خلصوا وملو الي يبي ينام والي يبي يغير ملابسه بس مايقدرون يطلعون عشان البنات
ياسر بطفش: اوووف ابي اغيرملابسي
دحوم:اصبر الحين يفهمون ويقومون
سالم:والله مايقومون انا اعرف الحريم اذاجلسوا على سفره ياخذونها سوالف خلوني اكلم ندى بس ..
ندى:الوووو
سالم:نديوو اسمعي متى ناوين تضفون وجيهكم
ندى:افاااااااااااا ياخوي مليتو مننا
سالم:لاوالله بس نبي نطلع ونبي نغير ملابسنا ترا حمت اكبدنا
ندى:احد ماسكم اطلعوا مسوين تستحون لاتخافون حنا علينا شالات ومتحجبين يعني ماراح تعرفونا
سالم:خلاص خلاص انا بس سالتك سوال موعشره ...باي
ندى:هههههههه العيال محكورين بالخيمه ههههه
لينا : احسن تلاقين متعبوه هوالي قاله خلهم يطسون



....................



سالم:اقول اطلعوا شكلهم راعين طويله انا فيني نوم ماعاد استحمل
ياسر:امش امش بس يابوسلوم
طلعوا العيال تقريبا كلهم راحوا ينامون ماعدا طلال وتركي ومشاري
تركي :ياخي ودي ارجع الرياض عندي اشغال الى راسي
طلال:حتى انا بس وش نسوي عشان خوالي
تركي:لازم لازم ارجع الرياض اليوم ولابكرا مااقدر اطول ابد
مشاري:يوووووه ياشين الدراسه لاتجيبون طاريها
تركي:وواحد مكلمك اصلا انت او فتح موضوع دراسه معك؟؟؟؟؟؟؟
مشاري:لابس جبتوا موضوع دوام تذكرت الدراسه على طول
طلال:حمدلله على العافيه بس ..اقول شباب انا فيني نوووم وودي انام خلاص احس فيوزاتي ضربت
مشاري:احد ماسكك قم نم
طلال:وانا مشاورك ولاباخذ رايك اصلا بس من باب الادب اقولها

وعند البنات رجعوا لميا وشروق وروان ووجدان ومنى وشجون
روان:بنات بروح احط الترمس حق الشاهي بالمطبخ روحوا انتم واجيكم
البنات:اوووووك
دخلت روان فله الرجال وراحت المطبخ تحط الترمس وباقي الخبز واخذت كاس مويه لانها عطشانه وهي تفك علبه المويه كانت تمشي فجـــــــــــــــــأه ...طراااااااااااااااااااااخ..صدمت في صدر واحد وطاح كاس المويه
:بسم الله عليك
روان مصدومه:هاااااااا
رائد مرتبك :اسف على الي صار والله مومقصود بس كنت باخذ مويه
بعدت روان عن رائد وجلست تصلح حجابها وطلعت بسرعه
طبعا روان تشبه اخوها طلال مرررررررره يعني شوي ملامحها حاده وطويله وشعرها موطويل مره بس كان اسوود ليل وكانت بالمره نحيفه
روان"في نفسها"أأأأأ هذا رائد ياحلو هالصدفه يالبيه ياناس على الاخلاق .. يلموني فيك بس ليتك تحس فيني ...رجعت لم البنات مبسووووطه مره
شروق:وش عندك مبسوطه ..
روان:لاولاشي بس تذكرت سالفه وجلست اضحك
شروق:ضحكيني معك
روان:ابششري ...اسمعي هذيك المره جيت ....<<<<<<يمديكم على التصريفه
ورجعوا البنات وروان كانت في قمه سعادتها
وباقي البنات كانوا جالسين يكملون سوالف وفالينها على الاخر
ندى:اقول لنوو امشي نتمشى شوي بروح اغامر
شهد:يله قدااااااااااااام
ندى:الحين انتي احد قالك شهد قومي معي
شهد:لابس احب اشاركم بعدين كلنا واحد
لينا:هههههه فداء للوطن هههههههه
ندى:يوووووه ماني فاضيه سماجه على الصبح..امشوا نفلها بس
مها:اقول انتم مطولين انا بروح انام اجل ابرك لي
ساره:خذيني معك
هنوف:حتى انا دخت خلاص احس اني بديت افصل
لينا:روحوا نامواا حنا جاين ننبسط مونام
ندى:اي والله لاحقين على النوم
شهد:وانتم صادقين حتى انا مابي انام
رجعوا مها وهنوف وساره طبعا طلال لما شاف مها بترجع حاول يلحقهم .. مشت ساره وهنوف وضربت ساره هنوف وراحت تلحقها ومها كانت تمشي عادي جا طلال من وراها
:احم احم
مها التفتت للصوت وبصدمه:.......
طلال:مها صح
مها وجهها محمر:ايه
طلال:اممم صراحه انااسف على الموقف الي صار امس بس صدقيني ماكنت قاصد
مها بتوتر:لا امم لاعادي ماصار الاكل خير
طلال"في نفسه"اي والله كل خير لان من شفتك وانا خاق معك..<<<صريح الولد
مها:بغيت شي ثاني طلال
طلال"يازين اسمي على لسانها":لالالا مابغيت شي بس حبيت اتأسف لك واسلم عليك
مها:اسفك مقبول يله استأذنك..مشت مها ووقفت لما سمعت احد يناديها
طلال:مهاا
مها التفت:هلااا
طلال:ماعليش اسألك سوال يمكن اكون ملقوف فيه بس حاب اتأكد ...ممكن؟؟
مها:ايه تفضل ..
طلال:اممممم صراحه بغيت اسألك انتي مرتبطه
مها انصدمت وعصبت:طلال وش هالكلام انا بنت ناس ومتربيه موراعيه هالحركات انا غلطانه اني عطيتك وجه وكلمتك انت موكفوو
طلال:اسف والله موقصدي كذاا
مها:اجل شنو..؟؟
طلال:اقصد مرتبطه يعني مخطوبه بس هذا قصدي وربي يشهد علي
مها:لاماانخطبت بس رجاء لاعاد تعيدها مره ثانيه
طلال:الحمدلله ريحتيني .......
مها استغربت من سوال طلال واكثر من اجابته لما قال ريحتيني مشت وخلته وسرحت بافكارها فكره توديها وفكره تجيبها


..........................


وفي مكان ثاني وهي منسدحه على فراشها تتقلب يمين ويسار موقادره تنام من كثر التفكير (وجدان):ياربي ليه انا حظي كذا الشخص الي كنت معجبه فيه طلع راعي خرابيط لالالا بس مااتوقع تركي كذا مستحيل بس انا لازم اعرف من هذي نسرين لازم اعرف بس كيـــــــــــــــــــف؟؟؟؟؟؟

وصلوا البنات لغرفتهم وناموا مابقى الا ندى وشهد وليناوريما

*****
ندى:امممممم...بنات ودي اسوي شي خطيــــــــــر بس وشوو
لينا بحماس :انا اقولك ...اممممم نصرق سياره واحد من العيال..
ريما ضربتها مع كتفها :هي انتي تبين نهايتنا على ايدك...
فجاة طلع لهم مشاري:ريمووووووه
ريما خافت والتفتت عليه:هاااااااااااااا
مشاري تكتف :ملاحظ عجبتكم الجلسه عندنا هنا اقول ورا ماتضفون خششكم
ندى عصبت :مشاريوووووو مالك دخل طس عن وجيهنا
مشاري:الحين انتي يالحجيه احد محاكيك اكلم اختي بعدين اضف وجهي وين انتم الي ضفوا وجيهكم
لينا:يـــاخي اصبر بنضف وجيهنا لاتخاف بس اصبر ورانا مخططات شيطانيه
مشاري عقد حواجبه باستفهام :شيطانيه ؟؟؟؟؟؟؟والله اني عارف مايجي منكم الا البلاوي الله يستر بس...انا بروح انام اسلم من مخططاتكم قبل لايحوشني واحد ..
ريما:هههههههه احسن لك لان ندى ولينا لاحطوا احد في بالهم الله يعيييييييييييييينه
مشاري:وش قصدك .. متعب ومشعل؟؟
شهد:ههههههههههه
مشاري بدون شعور :لبى هالضحكه
تركي:هي هي هي انت ملاحظ انك تمون بزياااااااده
مشاري حس بالاحراج: هاااااا انااقصد اختي مواختك من زينها هالعبده ذي
شهد مررررررره مستحيه وبنفس الوقت مقهوره وهي تعض على اسنانها: هيييييييي مشاريوووووو اقصر الشر لااحطك براسي مثل الباقين
ريما:هههههههههههه الله يعينك ياخوي
مشاري انحاش بسرعه موخوف من شهد خوف من تركي لايذبحه لان تركي مرره عاقل وموراعي بنات وخرابيط .. >> طيب ونسرين ؟؟
قامت ندى ودخلت فله الرجال وتمشي حبه حبه رقت غرفه الشباب هي ولينا وقاموا صرقوا جوال متعب ومشعل انحاشوا مشعل عنده جوالين هم اخذوا الجوال العادي الي مافيه باسورد اما متعب جواله فيه باسورد بس لعانه اخذوه
ندى بهمس:لينا بسرعه خلينا ننحاش قبل لاحد يحس فينا
لينا تبوتر وخوف :اوك...طبعا نزلوا البنات وقابلهم على الدرج تركي...
تركي:وش تسون هنا؟؟؟؟
لينا نقزت :هاااااااا لالاولاشي تركي والي يرحم امك لاتعلم علينا
تركي كاتم الضحكه اول مره يشوف ليننا تترجى احد:طيب طيب..بس تقولون لي وش تسون هنا !!
ندى ارتبكت :هاااااا لالا ولاشي بس جاين نتفرج..
تركي يغمز لهم:علينا لوانا مااعرفكم كان قلت شي وش تسون بسرعه اعترفواا
لينا:هاا طيب بقولك بس توعدنا ماتقول لاحد ..
تركي حاب يستهبل عليهم : امممممممم على حسب بس قولواا
لينا قالت بسرعه :اسمع احنا رحنا وصرقنا جوال مشعل ومتعب نبي نهبل فيهم
تركي:هههههههههههههههههههههههههه
ندى: مووقت ضحكك خلصنا لاتقول لاحد تراك وعدتنا
تركي:على حسب اذا ساعدتوني بموضوعي ممكن اساعدكم ولااقولهم
ندى قالت بسرعة :هاااا وشو والله اساعدك ياولد عمي ابششر
لينا :افا عليك انت تامر وحنا نطامر
تركي بهمس :ابي منكم خدمه وحده بس ياويل احد يدري
لنو:ابشر بعزك وسرك ببئر.....
تركي:اسمعوا ابي اكلم وجدان...
لنو بصدمه:هاااااااااا
ندى تفتح عيونها وتسكرها :وش فيك انهبلت انت هذي بنت خالتي
تركي:انا عارف عشان كذا طلبت منكم هالخدمه..ولاترا بعلم
ندى بشك :انت تقصد تبي رقمها..؟؟
تركي:لااول شي ابي اكلمها وجها لوجه بس كلها كلمتين الي بقولها لها وحتى لوبوجودك ياندى
ندى:طيب وش بتقولها ؟؟
تركي:بلا لقافه انا مابيها تاخذ فكره موكويسه عني مابي صورتي تتشوه بعينها
ندى تغمزلتركي:اهاااا يعني تحبها؟؟؟؟
تركي انحرج:انتي ماتلاحظين عطيتك وجهه اقول اسمعي انا طلبت هذا الطلب بتساعديني ولااعلم
لينا :لالالالالا خلاص بنساعدك اليوم باليل انت عطني رقمك الحين واحنا نكلمك باليل تشوفها
تركي:اووك يعني اعتمد ....
لينا وندى:اعتمـــــــد.......راحوا ندى ولينا لم البنات جلسوا ينبشون بالجوالات حقات العيال
تركي بنفسه:يــــس بس انشالله ياوجدان تصدقيني وتعرفين اني برئ وموراعي هالحركات
لينا بهمس:ندو تتوقعين تركي يحب وجدان ؟؟؟
ندى:ياغبيه اجل وشوو ...ولامابي تتشوه صورتي عندها هههههه
لينا:هههههههههههههههه
ريما:وش عندكم تضحكون ضحكونا معكم ..
بنفس اللحظه جاهم مشاري :هاااااااي بنات
البنات مستغربين :هايات
شهد:الحين انت مارحت تنام؟؟؟
مشاري:انام واخلي القمر جالس بالله هذا كلام
شهد حمرررر وجهها:.....
لينا:احم احم نحنو هنا
ريما:اقول ميشوو ماتلاحظ اننا معطينك وجهه
مشاري:انا مااخذ رايكم بس راي شوشوو
شهدميته حيا:..........
ريما:هي انت احرجت البنت ترا ان مارحت بعلم امي
مشاري يتطنز عليها:بعلم امي.....علميها اصلا امي تدري اني منتهي من زمان
ندى تبي تحرج شهد اكثر:منتهي من وشوووو؟؟؟
مشاري وهو يطالع شهد:من الحــــــــــــــب
ريما عصبت:مشاريوووووو خلاص رووح ولاترا بعلم طلوول
مشاري مطنش:علمي الي تبيــــــــــن انا اصلا ابي الناس كلها تعرف اني رايييييييييييح فيها من الحب
ندى:ههههههههههه عقبالي
مشاري يطالع ندى:انتي انتي بالذات . مستحيل مافي احساااااااااااس
ندى عصبت:مشاريوووووو طس عن وجهي لااتوطى في خشتك هنيا
مشاري خاف من ندى لان يعرفها لاعصبت وش بتسوي فيه:خلاص خلاص برووح..وراح مشاري وشهد طاحت في مكانها وراحت فيــــها من الخقه
لينا:هههههههههههههه اخوص ياشوشه والله وصرنا نحب وننحب
شهد:هي انتي الثانيه خلاص اسكتوا موناقصه احراجات
ريما:واااااااو وناسه اول مره اشوف شهد مستحيه
ندى:عقبالي يـــارب
ريما:مافي امــــــــل هههههههههههه
ندى:لينا عطيني جوال مشعلووه باارسل لياسر رساله
لينا:ههههههههههههه وش تكتبين له
ندى:بكتب هاي يسور كيفك اخبارك اممممممم حبيت اسلم عليك و سلم على مشعل اخووووووووك وايد وايد وانتبه له وقوله جواله بالحفظ والصون
لينا طيرت عيونها من الحماس:وووالله فكره خذي اكتبي يالله
ندى:هاااااتي ...وجلست تكتب رساله وارسلتها لياسر
بعدها رجعوا البنات للحريم ولقوا امهاتهم صاحين
لينا:صباااااح الخيرات لااحلى ماماااااات بهالدنيا
ام رعد:صباح النور والسرور بتس يابنيتي
ندى:صباح الخير خالتو ومامي
ام ناصر:صباح النور وانامتس
ام راكان:هوو يابنيتي وش مسهركن الى هالحزه قومن نامن
ريما:ياخالتي احنا جاين ننبسط مانبي نفوت ولالحظه علينا بكيف النوم لاحقين عليه
ام طلال:بس يابنياتي كذا نظامكن ماهوب زين شوفن باقي البنات ينامن قبلكن ويقومن معنا الظهر ويساعدننا
لينا:عمتووو تبينا نساعدكم بالمطبخ ووووع
ام طلال:ايه تقولين الحين بكرا اذا تزوجتي غصبن عنتس تدخلين المطبخ
لينا:اذااااااااا تزوجنا لاحقين ..
وقاموا البنات وراحوا ينامون وشهد مومعهم رايحه فيها البنت من بعد كلام مشاري لها



اتمنى انه نال اعجابكم البارت ..
التوقعات :~
* ايش راح يسوون مشعل ومتعب اذا مالقو جوالاتهم ؟؟
* ايش ردة فعل ياسر لما يقرا الرسالة اللي ارسلتها ندى من جوال مشعل ؟؟
* وطلال وش قصده بكلمة ريحتيني لـمها ؟؟
* وايش راح يصير لو تجي ريم بالمزرعه هل بيصير شي ولا لا ؟؟
* وايش راح يكون ردة فعل وجدان ؟؟
والباقي اتركم فيه حرية التوقع ..
سلاااااااام ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 52
قديم(ـة) 24-07-2012, 02:45 AM
صورة دموعي باتت في ليالي الرمزية
دموعي باتت في ليالي دموعي باتت في ليالي غير متصل
©؛°¨غرامي مشارك¨°؛©
 
الافتراضي رد: رواية :غيرك أشوفه وأعوفه وأتركه إلا انتي كل خطواتي معاك /بقلمي


وااااااااااااااااااااااااااااااااو حمستيني مررررررررررررررررة .. انا احب ندى ولينا امووووووووووت عليهم وعلى شقاوتهم .. و ساره وعبدالله .. ومها وطلال ... اعجبوني بس هذولي الشخصيات بس .. ونسيت تركي ووجدان .. اخخخخ حبيتهم .. و اتوقع ..
* ايش راح يسوون مشعل ومتعب اذا مالقو جوالاتهم؟
راح >>>>> مدري

* ايش ردة فعل ياسر لما يقرا الرسالة اللي ارسلتها ندى من جوال مشعل ؟؟

راح ينجن .. ثم مع الوقت .. و .يخق عليها >>>> هههه علي تفكير

* وطلال وش قصده بكلمة ريحتيني لـمها ؟؟

هذي ما فهمتها .. بس يمكن قصده انه اعجب فيهأ ..

* وايش راح يصير لو تجي ريم بالمزرعه هل بيصير شي ولا لا ؟؟

راح تتغير المزرعه مليون بالمية وفيه احد بيحبها بس مدري مين ..

* وايش راح يكون ردة فعل وجدان ؟؟

راح تنهار قدامه . >>>>> ههههه

بس اللي حمسني اكثر الدفاتر والملفات .. وسالفة عبدالله ورغد ..


تعديل دموعي باتت في ليالي; بتاريخ 24-07-2012 الساعة 03:00 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 53
قديم(ـة) 28-11-2012, 02:06 AM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: رواية :غيرك أشوفه وأعوفه وأتركه إلا انتي كل خطواتي معاك /بقلمي


اقتباس:
3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

تغلق الروايه


رواية :غيرك أشوفه وأعوفه وأتركه إلا انتي كل خطواتي معاك /بقلمي

الوسوم
معاك , اشوفه , انتي؟ , خطوآتي , غيرك , واتركه , واعوفه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 11:18 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1