منتديات غرام روايات غرام أرشيف الروايات المغلقة - لعدم إكتمالها أحيا وأموت وعزتي راس مالي عهد على نفسي بنفسي قطعته / الكاتبة : الخيزرانه qtr
اسطوره ! ©؛°¨غرامي ماسي ¨°؛©

السلام عليكم

كيفكم غراميات

رواية قطريه جديده لا زالت الكاتبة مستمره بالتنزيل


قراءة ممتعة

اسطوره ! ©؛°¨غرامي ماسي ¨°؛©

السلام عليكم ورحمة الله وبركاته

اعضاء منتدى ***** الكرام يشرفني انزل اول روايه لي في منتداكم الغالي علي
ويسعدني متابعتكم لي وقراءة روايتي وأتقبل نقدكم لي ومدحكم بكل سعة صدر

"أحيا وأموت وعزتي راس مالي عهدً على نفسي بنفسي قطعته"*

الحياه لعبه ونحن الابطال لا احد لديه القدره فالتحكم والسيطره عليها فيها تمشي بنا بهواها ونحن مجبورين نرضى بذالك .. القدره على تقلب المزاج والرضى بالقدر ميزه ولكن لا يملكها الجميع فهناك من يصارع القدر ولكن لا يستطيع التغلب عليه وفي النهايه يرضخ لذالك.*

ماحلل اي حد ينشر ورايتي بدون اسمي او اي احد يترك صلاته و واجباته وتلهيه عن اهله وربه

الكاتبه :آلخيزـرآنه qtr

الباااارت الاول)


( بيت مبارك ابو نايف )
شوق: يممممممممه يممممممممممه نااايف يببببببببببه*

عبدالله وبيده كاس ماء: وجججججع وصصصصمخ فقعتي أذني*

شوق وهي تركض في الصاله وتصارخ: عبوووود وناسسسه غلبتك والشرط بيتنفذ*

اقترب منها عبدالله وكب قلاص الماء على وجها : بعدددددي والله أختي*

شوق وهي معصبه : عممممممممى*

عبدالله يمثل العصبيه : من اللي عمى

شوق بقهر : القلاص من بعد*

عبد الله وهو فاطس ضحك : ههههههههههههه جعلني فدا بنت خالد على ذا التربيه

شوق بغبن : حيوان قليل أدب ذا القلاص خرب علي وناستي يا مال الكسر*

عبد الله : هههههههههههه اسمحي له يا أخيش ماتربا جاهل ولا حد يتشره ع جماد*

شوق وهي معصبه طلعت فوق : المشكله ما قدر أطول لساني عكر مزاجي وانا مستانسه*

ركض وراها عبدالله وهو يضحك وشالها : هههههههههه آفا يا شوق ماهقيت قلاص يعكر جوش*

شوق وهي تصارخ : عبدددددالله نزلني تدري أني اتروع*

عبدالله : ههههههههههه خابر يوم شلش ابي ماوعينا الا انتي حابه القاع*

شوق : ههههههههههههه نزلني ياختك قلبي قلب سامري

عبدالله نزلها ويحب راسها : مبرووووك يا أغلا أخت مقالتي لي كم جبتي*

شوق وهي تضم أغلا اخ عندها وعبرتها في حلقها : أبشرك 88*

عبدالله وعينه بعينها: ومصره ع شرطش*

شوق ما قدرت تمسك نفسها قامت تبكي : أنا ماشديت حيلي الا عشان ما تروح برا عبدالله انت تدري وش انت بالنسبة لي كمل مستقبلك هنا لا تسافر اذا مصر باسافر معك

عبدالله يلطف الجو : اعقبببببي مابقى الا ذا تروحي معي أنا وخوياي*

شوق : ههههههههههه المهم غلبتك وفزت فالتحدي*

عبدالله : على خير كل شي بيد ربي*







( بيت حمد ابو محمد)


مريم وهي داخله بيت اهلها ومعها عيالها محمد وريم : وسميه وسميه*

وسميه وهي طالعه من غرفة الجده ام حمد: لبيه*

مريم : تعالي مسكي القرود موذيني من صبح وهم يبغون يجون عندش*

وسميه : هههههههه قولي سلام عليكم سلمي علي بعدين قولي اللي تبغين*

مريم انحرجت : هههههه السموحه يا أختش نرفزوني ونرفزو ابيهم*

سلمو على بعض*

وسميه : تعالو يا روح خالتكم امكم ما تعرف ولا أنتو قرود
حمودي وهو معصب : شفتي يا خاله هذا وانا رجال تقول عني قرد حتى قدام الناس

وسميه : ههههههههه كفو والله بالرجال لا لا مامعها حق امك ولا محمد بن سالم يقال عنه قرد

ريم : خاله خاله*

وسميه وهي تشيل ريم : عيون خاله*

ريم : ماما ليش تقول أنا قرد

وسميه : هههههههه انتي أحلا قرد

ريم عصبت : نذليني نذليني انتي قرده*

وسميه : ههههههههههه خلاص اسفه لا تزعلين علي بكيت

ريم خذت مقلب بنفسها : خلاث بث مره ثانيه ما تقولين قرد*

وسميه فاطسه ضحك وتاشر على عيونها


داخل عند ام محمد وبنتها مريم*


مريم : من جددش يمه*

ام محمد : والله هذا كلام ابيش*

مريم : طيب من هذا اللي خطب وسميه وحيرها بندر*

ام محمد بحزن : هذا صالح رفيق أخيش محمد*

مريم : يمه وش اللي مكدر خاطرش

ام محمد : بنتي وسميه اعرفها عسره وهي ما تبلع بندر وابيش فيه الضغط اخاف تعانده ويتعب*

مريم : يمه انتي تعرفين حب وسميه ل ابي *وماراح تدور اللي يتعبه*

ام محمد : يابنتي مابغيها تقهر مابغي حبها لبيها يكسر ظهرها أنا داريه انها ما تطيق بندر وهو ما يناسبها*
كلهم نار هو عصبي ودمه حار وهي عنيده واللي في راسها بيمشي*

مريم : ماتدرين يا يمه الحب يغير ويخلي الحديد ماء*

ام محمد : لونه يحبها كان ماقلت شي بس هو محيرها كذا نحاسه في صالح وانتي تدرين انه العام مقوم الدنيا ومقعدها يبغي ذا الكافرة اللي كان مخاويته برا لولا طيحت ابيه ولا كان الحين متزوجها*

مريم : قسمة ربي يا يمه واللي ربي كاتبه بيصير لا تعبين عمرش والخيره لها ربي بيسره*

وسميه رايحه لامها وأختها بس سمعت*

طيب من هذا اللي خطب وسميه وحيرها بندر*

وقفت ما قدرت تشيلها رجولها قعدت في مكانها لحد ماخلصو نقاش موضوع خطبتها*

طلعت لغرفتها وهي تبكي وتندب حظها تذكرت كلمة أختها*

"قسمة ربي يا يمه واللي ربي كاتبه بيصير لا تعبين عمرش والخيره لها ربي بيسره "*

وسميه : ونعم بالله ونعم بالله*

مسحت دموعها ورتبت شكلها ونزلت ولا كن شي صار*

ابو محمد كان جالس معهم*

دخلت وسميه وحبة راس أبيها وجلست جنبه

ابو محمد بحنان : الله لا يحرمني زولش يا بنتي*
*
وسميه وهي تحب يد أبيها : ولا يحرمني شوفك يالغالي*

ام محمد والعبره خانقتها من بنتها اللي ماتدري وش بيصير فيها*

وسميه انتبهت لحزن أمها بس ما بينت*

ابو محمد : يا بنتي يا وسميه كبريت وصرتي مره مشالله*

وسميه اللي قامت تقهوي أبيها ولا كنها عارفه : هههههههه عند القهوه اكبر في عينك يا بو محمد*

ابو محمد كاسره خاطره بنته ولا وده يجبرها بس هاذي العادات والتقاليد لو خالفها بيقال عنه منت برجال*

ابو محمد : وسميه يا بنتي صالح رفيق محمد خطبش وبندر حيرش*

وسميه بصدمه كنت اتمناه حلم كنت اتمناه ما يصير صح بندر الف من تماناه بس موب انا موب انا*

ابو محمد : ليه ساكته وش قتلي*

وسميه وقلبها ينزف بس ردت بصوت يعكس ما بداخلها : ماعقب قولك قول يا ابو محمد اللي تبغيه يحصل*

صدددددددمه وسميه ترضى بهالسهوله*
* *
ابو محمد : كفو يا وسميه كفو هذا الهقوه فيش يا بيش ماهقيت انش بتنزلين راسي وبتخيلنهم يتكلمون فيني*

وسميه وهي تبوس راس أبوها : ما عاش من يوطي راسك يا بو محمد تربيتك يالغالي*

تركتهم وطلعت فوق خلاص ما تقدر تمثل اكثر تعبانه عمرها ماتوقعت تتزوج بهالطريقه*


ام محمد بفرح : الحمد الله الحمد الله والله ماهقيت ان الموضوع سهل الله يوقفها*

ابو محمد وكئان جبل انزاح من ظهره : الحمد الله اللهم لك الحمد والشكر ريحتني من كلام الناس آغليتها على خوانها *والحمد الله ماسودت وجهي يشهد ربي ان غلاها كل ماله ويزيد*

اسطوره ! ©؛°¨غرامي ماسي ¨°؛©


(بيت راجح ابو بندر)

مريم : كفو مخترت يا ولدي ونعم بوسميه والله

بندر : ههههههه مشالله مستانسه يالغاليه*

مريم وهي تبكي : كيف مافرح وانت اخترت من لحمك ودمك موب مهبل فينا تبغي ضايعة الاصل*

بندر رجعت له ذكريات حبه وزعل لان امه تكلم عنها بهالطريقه : الغاليه جعلني فداش وشو له ذا الدموع أدور فرحتش وانتي تبكين آفا يأم بندر*

ام بندر وهي تمسح دموعها : هههه ياولدي جعلني ماذوق حزنك مستانسه ولدي بياخذ شيخة النسوان*

بندر : ونعم بس هي اللي تستأنس خذت بندر ولد راجح < وينفخ صدره يمثل الغرور*

ام بندر : ههههههه لا تشوف روحك تراها الف من يتمناها احمد ربك جأت من نصيبك لونك مأخذ ذا اللي ماتتسمى الحين كان انت منبوذ وانا اول من يبعد عنك*

بندر بضيق خاطر من كلام امه عن حبيبته وكله لعيون وسميه : يمه فديتش بس خلاص خلي منش ذا السيره*

ام بندر : ايه ماترضى عليها أسمعني يا بندر لا تدري وسميه ولا تحس انه الكافره للحين في قلبك والله ثم والله لا انت ولدي لا انا امك*

بندر : ابشري يالغاليه ابشري*

وقام لانه ماعد تحمل كلام امه باسه راسها ومشى : يالله يالغاليه السموحه عندي شغل*


ركب سيارته وماشي فالطريق يا ذا الوسميه حشى متزوج حورية الجنه وش ذا البلشه اللي طحت فيها كلهم معها وأمي تقول شيخة النسوان هههههههههه طيب ماقلت عنها شي صح أني ماعرفها ولا اذكرها بس تربيت خالي حمد والله ما خلاني احيرش يابنت خالي لا نحاسه في صالح وخذتني الحميه لا تطلع بنتنا برا العايله *

نتكلم شوي عن بندر
" بندر شخصيه قاسيه وشرس وهاذي تقريباً طبيعة اغلب شباب ورجال العايله معروف بحكمته بس صدمهم يوم قال انه يبي يتزوج وحده كانت معه برا ماحد يعرفها وماحد يعرف بقصته معها اللي يعرفونه انه جن يبغي يزوجها قبل سنه بندر كان عنده دوره برا في لندن وبعد مارجع أصر يتزوجها لولا طيحت ابوه كان الحين هي مرته"*
موضوع خطبة بندر لوسميه انتشر والعايله كلها عرفت


( بيت مبارك ابو نايف )*
فالصاله
شوق كان تكلم ساره اللي هي بنت خالتها وبنت عمتها في نفس الوقت*

شوق : الله يوفقها مادري ليش موب مرتاحه لها الزواج تعرفين بندر يروع عصصصبي وبعدين كان يبغي هاذي اللي ماتتسمى موب عاجبينه بنات العايله*

ساره : ههههههههههههه وانتي وش حارش لا يكون تبغينه*

شوق : نعممممممم لا حبيبتي من قال أني باتزوج من العايله انا باتزوج دكتور العيون حبيب قلبي ( كان تقصد الممثل خوان ميقيل اللي في مسلسل ماري تشوي )*

ساره : هههههههههههههه صرتي مثل بندر حبيتي الكافر *

شوق وهي طالعه لغرفتها : يختي الحب ما يستأذن حبيته وش اسوي*

ساره : انهبلتي انتي هههههههههههه

شوق : استغفر الله ربي لا يحشرني معه يخسي قليل الخاتمه مابقى الا شوق بنت مبارك تحبه*

ساره : ههههههههههههه اي يابنت الحلال والله ان تروعين*

قبل لحظات كان تركي اخ ساره جاي يسلم على خالته مزنه اللي تكون ام نايف وقف عند باب الصاله وهو يسمع شوق تقول
"*نعممممممم لا حبيبتي من قال أني باتزوج من العايله انا باتزوج دكتور العيون حبيب قلبي "

تركي وهو يسمعها تغزل في حبيبها طلع والنار تشتعل في صدر
" اخوو نوووره على رفقه لا اربيش يا شويقان تبغين تسودين وجيهنا والله ماتحلين لحد غيري "*

في المجلس الشباب كلهم مجتمعين في مجلس عمهم حمد لان عندهم عشا لجارهم اللي توه راجع من العلاج*

فهد وهو يتوضا اتصلت فيه وسميه تقول له الناقص حطه سبيكر لان المغاسل بعيد من المجلس وماحد بسامعه*

فهد : هلا ياحرم بندر*

وسميه : مابعد صرت حرمه لا تذكرني به

فهد الي عارف كره أخته لخطيبها لانه اقرب شخص لها ومع ذا لك يحب يناحسها

فهد : وليه ما تبغيني اذكرش به رجال الف من يتمناه

وسميه بعصبيه : الف غيري انا ما تمناه ولا ابغيه*

فهد يكتم ضحكته : وانتي منهم ولا بندر المزيون الرجال ما تبغينه لا تمثلين علي اعرفش*

وسميه بقهر وعصبيه : يخسي موب رجال ولا ابغيه اكرهه اكرهه فهيدان *فارقني وتكسر الخط*

فهد : هههههههههههههههههه لايسمعش بندر نحرش*

فهد بعد ماتوضى رجع للمجلس يكمل ترتيب لحد ماياذن ويصلون*

بندر اللي كان فالحمام 'وانتم بكرامه' سمع المكالمه كامله*
" انا ماني برجال يا وسميه والله لا اعلمش وش الرجاله تبغين صالح والله ما يحصل لش"*

بعد العشا وبعد ماغادرو الضيوف بقت العايله بس*

تركي : عمي مبارك طلبتك*

مبارك بحميه: ابشر ما تطالبني به*

تركي : بنتك شوق*

مبارك ماتوقع طلبه : وبنتي لك

تركي : الله يطول بعمرك انا مستعجل ع العرس ابغي املك والعرس عقب شهر*

مبارك : بنتي عادها صغيره على العرس*

تركي في خاطره وين صغيره ياعمي بنتك تعرف الحب مابقى الا سواد الوجه والفضيحه

تركي : ياعمي ماعد حد بصغير ذا الوقت واللي هي تامر به تبشر به *

ابو سالم اللي هو ابو تركي : مبارك بنتك في بيت عمها وخالتها كنها عند أبيها وأمها*

مبارك : على خير ان شالله بنشاورهم وماراح يحصل كون الخير كله بإذن الله*

تركي اللي متوقع رفضها قال بخبث : عمي بس انا طالبك إياها قدام ذا الحا الغانمه وقلت لي تم*
اذا رفضتني وش قولك

مبارك برجوله : بنتي لك ومهوب انا اللي كلمته تثنى يا تركي شوق لك بالطيب ولا بالغصب

تركي ارتاح من كلام عمه : كفو ياعمي وهذا العشم فيك*

حب راس عمه وارتسمة على شفاته ابتسامة خبث وانتصار" والله لا انسيش حب ذا الدكتور يا بنت مبارك"

بندر: يابو محمد وش رايك نخلي فرحنا فرحين عرسي انا وبندر عقب شهر والملكه بكره*

تركي عجبه تسريع وقت الملكه : اي ياعمي دام مابه شي يردنا خير البر عاجله*

ابو محمد: اللي تشوفه*

تركي : وش رايك يابو نايف

ابو نايف( مبارك) : اللي تشوفونه

تركي وبندر سعادتهم لا توصف بيحققون اللي خططو له

الكل راح لبيته ابو نايف ما عجبه اللي سواه تركي احرجه قدام الرياجيل لازم يقسى على بنته الوحيده ولا يتثنى كلامه تركي رجال ونعم فيه له هيبته وشخصيته بس حركته فالمجلس ماعجبته و واضح انه ما شاور ابيه فالموضوع اللي انصدم فالبدايه بعدين جازت له الفكره وماشا ولده فيها

عبدالله يشوف الهم في وجه ابيه ويعرف طيبة قلبه وانه ما يقدر يجبر شوق وحيدته ودلوعتهم
عبدالله : يبه ترا تركي رجال والنعم وكلنا عارفينه وشوق خلها علي لاتشل هم انا بافهمها الموضوع*

ابو نايف : حلفتك بالله ما تجبرها*

عبدالله : والله ماتنجبر ان اقتنعت بكلامي ولا منا بجابرها*

وصلو البيت وعبدالله طلع لشوق دق باب غرفتها

شوق : ادخل

دخل عبدالله وهو مايدري كيف يفاتحها فالموضوع

شوق : منا متنازله عن شرطي لا تحاول*

عبدالله ابتسم ع كلامها

شوق حست ان فيه شي : عبدالله وش صاير وش بلاك*

عبدالله : تعالي جنبي*

شوق قامت وقعدت جنبه بدون ولا كلمه وقلبها يضرب بقوه*

عبدالله : شوق انتي كبرتي والبنت مالها الا بيت رجالها*

شوق بصدمه من كلامه : هاااه*

عبدالله يضحك من صدمة أخته وفهاوتها : ههههههههههه الله يعينه ع ما بلاه*

شوق وعصبت : يحصله ولد امه*

عبدالله قط القنبله : تركي خطبش الليله من ابي قدام عمامي

شوق موب مصدقه اللي تسمعه : ويش

عبدالله قال لها كل القصه الحلو في شوق انها تقدر عداتهم وتقاليدهم*

شوق : قل ل ابي ماعقب كلمته كلمه والله ماثني كلامه وافشله في عماني

ابو نايف اللي كان واقف يسمع كلام عبدالله وشوق يبغي يتأكد ان عبدالله ماراح يجبرها فتح الباب على كلامها

ابو نايف : كفو يابنتي كفو بيضتي وجهي وريحتيني الله يوفقش

شوق وهي تضم أبيها : ماعاش من يسوده يالغالي*

ابو نايف : الرياجيل والشيخ بيجون بكره جهزي روحش*

شوق انصدمة بهالسرعه صح انها معجبه في تركي وشخصيته وكان هو فارس أحلامها بس تخاف من العرس*

ابو نايف : ليه سكتي يابنتي ما تبغينه لاتخافين قولي*

شوق : لا يابو نايف بس خبرك دلع بنات*

ابو نايف : هههههههه تدلعي يا بيش ماعطاش الا الله *


( بيت ابو محمد)*

فهد يدخل غرفة وسميه وهو ميت ضحك

وسميه للحين معصبه منه : نعم خير وش تبغي*

فهد ما يقدر يتكلم من الضحك

وسميه مستغربه من ضحكه ومنرفزها: خير ان شالله وش ذا الضحك شوي شوي لا ينقطع فيك عرق

فهد : ههههههههه مادري من اللي بينقطع فيه عرق عقب العلوم اللي عندي

وسميه : خير وش عندك علومك كلها كنها وجهك*

فهد : هههههههههه كنها وجهي عجل زينها زيناه *

وسميه : اخلص وش عندك*

فهد فجرها : بكره ملكتش*

وسميه : نعمممممم*



ان شالله يكون البارت عجبكم اذا فيه تفاعل كملت واذا ما فيه سكرتها طبعاً البارت احداثه موب كثيره صعبه يكون اول بارت يحتوي على عدة احداث*


( ألقاكم بإذن الله يوم السبت اذا فيه تفاعل )

اسطوره ! ©؛°¨غرامي ماسي ¨°؛©

( البارت الثاني )


قراه ممته يالغوالي*


( بيت ابو محمد)*

فهد يدخل غرفة وسميه وهو ميت ضحك

وسميه للحين معصبه منه : نعم خير وش تبغي*

فهد ما يقدر يتكلم من الضحك

وسميه مستغربه من ضحكه ومنرفزها: خير ان شالله وش ذا الضحك شوي شوي لا ينقطع فيك عرق

فهد : ههههههههه مادري من اللي بينقطع فيه عرق عقب العلوم اللي عندي

وسميه : خير وش عندك علومك كلها كنها وجهك*

فهد : هههههههههه كنها وجهي عجل زينها زيناه *

وسميه : اخلص وش عندك*

فهد فجرها : بكره ملكتش*

وسميه : نعمممممم*

فهد اللي عارف كره وسميه لبندر لكن مايعرف السبب ومتوقع انه لان بندر كان السبب في طيحة عمها اللي تحبه بقووه وكان بيموت وبندر بعد ماطح أبوه باسبوع رجع لندن ورجع لهم بعد اسبوعين عشان كذا هي كارهته

فهد : وسميه ترا بندر رجال ونعم فيه وكل بنات عايلتنا يتمنونه وهو ماختار الا انتي*

وسميه بعصبيه : انا ما تمناه ولا اشوف فيه ذرت رجوله عمي راجح طاح بسبته وهو رجع وعمي عاده فالمستشفى والحين مسوي فيها رجال ويحيرني متى تذكر سلومنا وهو كان يبغي ذا الاجنبه*

فهد اللي حن عليها : بس هدي ما تبغيه منتي متزوجته ماحد بجابرش*

وسميه انفجرت في بكى عميق : ابي كسر ضهري يا فهد*

فهد وهو محتضنها: آفا يا وسميه وانتي القويه اللي تبغينه توصلين له تبكين !! لا تلحقين روحش الحزن ذا كله وانا اخيش انا بقول لبي وسميه ماتبغي بندر. ( لا تلحقين روحش = لا توصلين عمرش)*

وسميه تقاطعه : لا تكفى طلبتك لا تقول له شي فهد انت تعرف قدري عند ابي بيبديني على روحه وبيتحمل كلام الرياجيل على شاني وانا مابغي اسبب حساسيه بين ابي وعمي راجح ( بيبديني = بيفضلني)*

فهد : تسببين حساسيه اربها موب اكزيما تراها عسره ههههههههههههههههه

وسميه : هههههههههههه سخيف*

فهد : ايه اضحكي تؤبرني هالدحكه*

وسميه : ههههههههه اخس يالشامي

فهد : ههههههههههه اخسي انتي لا تنسين روحش وتطولين لسانش علي تراني اكبر *

وسميه تمسح دموعها الممزوجه بين ضحك وبكا : الله لا يحرمني وجودك*

فهد الحنون لأبعد حد ضمها بقوه : ولا يحرمني منش يالعسره*

طلع فهد من عند وسميه عاجبته شخصيتها عنيده واللي تبغيه بتوصله بس فالحق يدري انها لو قالت لبوها ماتبغي بندر بينتهي الموضوع بس هي فكرت في علاقة عمها وابيها

فهد وهو نازل من الدرج بتنهيته : الله يوفقش يا وسميه*

أبو محمد : امين

فهد تروع لان اخر الليل والكل رقد *نقز : اخوو مريم ( تروع= خاف)*

ابو محمد ضحك من نقزته : كفوو مشالله عليك يا فهد شجاع*

فهد : هههههههه الله يهداك يابو محمد روعتني العرب ممسين من اللي عاده ذاهن ذا الحزه*

هيا وهي طالعه من الطبخ: ابشر بي عادني ذاهنه ( ذاهنه = مسيقضه)*

فهد : ايووووه جات الشياطين*

ابو محمد : اعقب بنتي هيا مهيب شيطان يا بليس*

هيا: ههههههههههههه فيك خير رد*

فهد : آفا يابو محمد افا كذا تشمت الشياطين فيني

ابو محمد : هههههههههه زين تعال ابغيك في موضوع*

هيا باست راس ابوها : تصبح على خير يالغالي*

فهد : ههههههههه لقطي وجهش لقطي وجهش شخخخخته محترمه ( شخته = طرده)*

هيا : هههههههههههه ماعليه فيك يافهيدان*

ابو محمد: علوم وسميه*

فهد يتصنع الابتسامه حتى لا يبين حزنه : تسسرك يابو محمد علمتها وتقول طيب وما عندها شروط*

ابو محمد : الله يوقفها*

فهد : امين*

ابو محمد رجع لغرفته يرقد بعد ماطمنه فهد وفهد رجع لخواته*

رن جوال وسميه
*هيا : من اللي داق لش ذا الحزه*

وسميه : ههههههههههه العروس الثانيه*

هيا : شوق*

وسميه تهز راسها بنعم وتفتح الخط وهي تتصنع النوم : همممم

شوق بحرج : راقده ؟؟*

وسميه وتكمل تمثيل : انتي ماتشوفين الساعه قبل تدقين*

شوق ومبين انها كانت تبكي : اسفه والله ما شفت الوقت*

وسميه تروعت : افاا شوق تبكين وش بلاش ؟؟*

شوق انفجرت في بكا عميق*

وسميه : شوق وش بلاش والله كنت امزح منا براقده معقوله تبكين منفشله ( منفشله= منحرجه)*

شوق وهي تبكي : لا*

وسميه : طيب وش بلاش*

هيا اللي لزقت في وسميه بعد ما سمعتها تقول ان شوق تبكي شوق لها معزه خاصه عندهم
هيا : وش بلاها*

وسميه : شواقي وش بلاش فديتش*

شوق ويزداد بكاها وسميه : شوق ليه تبكين تكلمي روعتيني

هيا : وسميه وش بلا شوق

وسميه معصبه من هيا : انتي ابعدي مني دعستيني وعقب باعلمش حشى سوبر قلو*

هيا : حطي سبيكر احاكيها

وسميه وهي يزداد خوفها من بكى بنت عمتها : شويقان انطقي روعتينا*

هيا : شوق انطقي ولا ترا بافقع وجهش*

وسميه : حشى بلونه موب وجه*

شوق : ههههههههههه*

وسميه وهيا منصدمين من بنت عمهم مره تبكي ومره تضحك
هيا : بلا ضروس وش بلاش*

شوق وهي ترجع تبكي : خايفه **

هيا و وسميه : هههههههههههههههههههههههههههههههه

شوق عصبة : وجع سخيفات*

وسميه : هاه موب ذا العرس اللي تبغين*

شوق : كلام بس ما عندي الا الحكا*

فهد يدخل عليهم وهو يسمع كلامهم*

فهد : ههههههههههه حي الله العروس الثانيه*

شوق بحرج : سخيف وتكسر الخط*

هيا وفهد و وسميه : هههههههههههههههههههههه

اسطوره ! ©؛°¨غرامي ماسي ¨°؛©

( يوم الملكه وفي مجلس ابو محمد )*

الشيخ : وين العروستين اسمع موافقتهم*

ابو محمد : فهد وده للمقلط ودع وسميه وعقب ادخل يا عبدالله وادع أختك*

( ادع = ناد)

عبدالله وفهد : ان شالله*

فهد وهو عند باب الصاله : وسميه تعالي الشيخ فالمقلط*

وسميه قامت بكل هدؤ ومشت مع فهد فهد حط يده على كتفها*
فهد : وسميه ياخيش تكفين لاشوفش حزينه والله ان قلبي يتقطع*

وسميه لفت علي اول ماجات عينها في عينه طاحت دمعتها
فهد ضمها : اخوو مريم تبكين يا وسميه والله ما....*

وسميه حطت يدها على ثمه عشان مايكمل حلفته*
وسميه : فهد شوفت عينك ماحد جبرني بس لازم هالدموع يوم الملكه عند اغلب البنات*

مسحت دمعتها وعدلت عباتها ونقابها وابتسمت له ابتسم لها*
فهد: مشينا*

وسميه خذت نفس عميقه : بسم الله*

عند الشيخ : وسميه بنت حمد بن سالم ال......*
هل تقبلين بندر بن راجح بن سالم زوج لكي*

وسميه : ......................*

فهد : وسميه ردي على الشيخ تبغينه ولا لا ولايهمش حد كل شي في وجهي*

وسميه : اقبل ياشيخ*

الشيخ : عندك شروط يابنتي*

وسميه هزت راسها بمعنى لا*

الشيخ : وقعي هنا يابنتي*

فهد اخذ الكتاب من يد الشيخ وعطاه وسميه اللي وقعت ونزلت دمعتها على الكتاب*

فهد اخذ الكتاب منها وسلمه الشيخ وموب عاجبته وسميه ابداً ماكان يبغيها تضغط على نفسها هالكثر الامر بيدها ليش توافق ومع ذاك مستغرب كرها لبندر اللي يعتقد انه بزياده*

الشيخ : مبروك يابنتي الله يجمع بينكم بالحق*

فهد : امين*

الشيخ : وين العروس الثانيه*

فهد طلع وسميه وراح ينادي عبدالله عشان يجب اخته*

عبدالله : شوق شوق*

شوق عند البنات : لبيه*

عبدالله : *يالله تطلعي لي*

شوق وهي ترجف : عبدالله تكفى خلاص مابغي*

عبدالله : ههههههههه على كيفش مابغي امشي يالله الشيخ ينتظر*

شوق : عبدالله فديتك مابغي والله باموت من الخوف*

عبدالله : شوق انتي كبيره وعاقله تبغين تفضحينا بعدين بتمشكلين بين عمي وابي وأمي وخالتي

شوق وهي ترجف : وش اسوي خايفه*

عبدالله : وش خايفه منه هاذي وسميه راحت لشيخ ورجعت ولا نقصت ضلع*

شوق بدت تبكي: منا برايحه خايفه ياخي ما تحس انت*

عبدالله يعرف كيف يتصرف معها : طيب خلاص انا باروح لبي وعمي وباقول شوق عيت*
ولفه رايح لهم*

شوق : لا لا تعال باروح معك*

ابتسم عبدالله بانتصار وراحو لشيخ*
وتممممممممممت ملكة ( وسميه وبندر & شوق وتركي )


بعد ماتعشو الناس وراحو فهد طلع لوسميه اللي من رجعة لشيخ وهي قافله على عمرها غرفتها*

فهد دق الباب : وسميه انا فهد افتحي

بعد دقائق افتح الباب : تعال فديتك*

فهد : وسميه من يوم انا خابر وانتي تبكين وش اللي ملحقش ذا كله*

وسميه : تعرف السبب*

فهد : السبب سخيف وانتي مبالغته في كرهش لبندر*

بلاك ماتدري يافهد ليت السبب لانه اللي طيح عمي فالمستشفى
وسميه : وش اسوي قسمة ربي اكرهه بزياده*

فهد موب عاجبه برودها وسميه موب كذا فيه شي مادري عنه*
: تعشيتي*

وسميه : مابغي*

فهد : لا يكثر البسي وامشي عازمش على العشا مممية جوع ما تعشيت*

وسميه : فهد فديتك مابغي*

فهد : قلت لا يكثر*

وسميه : ان شالله*




( بيت محمد ابو سالم)*

غرفة مريم وسالم*

سالم : مسكين بندر طالح في مصيبه مثل مصيبتي*

مريم ما تعرف ليش تزوجها وهاذي معاملته لها من يوم عرفته*
مريم: يحصل لك وله يا ولد عمي*

سالم : قطع الله ذاك اليوم اللي صرت فيه ولد عمش*

مريم: واليوم اللي تزوجتك فيه*

سالم *بعصبيه : اييييه تبغينه للحين تحبينه يا الشيخه مريم*

مريم ببرود: اي نعم ابغيه بس انت عذول جيت بيني وبينه*

سالم رفع يده يبغي يعطيها كف مريم : جرب تمدها والله ماتمسي الا فالسجن*

سالم : شغلش عندي يامريوم*

مريم : اعلى مافي خيلك اركبه يا سويلم*

سالم طلع وصفق الباب وراه مريم : وكسسسر*
*
( مريم من يوم تزوجت سالم وهي على هالحال هو يعتقد انها تحب ولد خالها اللي دايم يجي عندهم يسلم على مريم لانها اخته من الرضاعه وأخت سالم هيفا هي اللي الفت عليه سالفة حبها لود خالها سعد )*

هيفا : أشوفك طالع معصب*

سالم : ايه معصب وش بغيتي*

هيفا : لا تقعد تنافخ علي روح لمرتك ادبها ترا موب انا اللي عاشقه ولد خالي واقابله في بيتنا هي*

ابو سالم اللي دخل وسمع كلامها : هيفاااااا*

هيفا ارتجت من الخوف : لبيه*

ابو سالم : تعالي عندي*

هيفا وهي تقترب منه : سم يبه*

ابو سالم وهو يصكها طراق : سم يسري في دمش يا قليلة لأدب ذا كلام تقولينه عن مريم شيختش انتي والسلق أخيش*

هيفا وهي تبكي: يسري في دمها ان شالله وانا صادقه*

ابو سالم : اخسسي وقطعي يالجربا تقذفين بنت عمش يا قليلة الخاتمه هذا أخيها من الرضاعه*

سالم اللي اول مره يسمع بهالخبر: يبه تكلم من جدك*

ابو سالم : وححطبه عجل وش شايفنا نخلي بنتنا تسلم على ولد خالتها ونسكت*

سالم منصدم : أني يوم شفتها معه فالمقلط اول ماشافتني راحت داخل تخب وهو انصفق وجهه *وكلمني بشين نفس يوم سالت هيفا عنه قالت اللي تعرفه انهم يحبون بعض بس توصل انها تختلي به في بيتهم قويه*
( تخب =تركض)

ابو سالم اللي مسك بنته وطاح فيها ضرب : يالخسيسه تقذفينها وانتي ماتدرين يالله ما تربيني مابقى الا مريم تكذبني عليها*

هيفا : ااااااه يبه تكفى فكني فكني*
(فكني= أتركني)

ابو سالم وهو يزداد ضرب: تخسين منا بفاكش مابقى الا ذا يالرديه مابقى الا ذا*

مريم وهي طالعه على صراخ عمها وبنت عمها : عمي تكفى خلها خلها*

ابو سالم وهو يرفعها من شعرها ويقربها من وجهه : تتتتتتتف على ذا الوجه يالخسيسه هاذي اللي تبليتيها تفزع لش*
فك شعرها : ان قلعي لغرفتش ولا اشوفش*

مريم منصدمه من كلام عمها ومن سالم اللي واقف عندهم ولا فزع لاخته معقوله مايرضى علي*

سالم طلع منهم وهو يردد في باله اخته من الرضاعه اخته من الرضاعه ليه ما عرفة هالشي من قبل ليه ماقلت لي وهي تسمع ها الكلام مني من ليلة الزواج معقوله تعاقبني على ظلمي لها هيفا ليش سوت كذا معقوله تدري وحاقده عليها بس مريم طيبه طيبه بقوه مع ظلمي لها متحملتني وعايشه وانا اللي تعبت أونا ادعس على مشاعري واخبي حبي لها عشان كرامتي ااااااه وش ذا الحظ كرهتها فيني وطلعت ظالمها*


( بيت مبارك ابو نايف )*

ام نايف : شوق تطلعي يامش ماصارت من امس وانتي في غرفتش وش ذا السحى ترا عادي اطلعي أبيش ينشد منش وتراه حزين يقول اكيد ان ذا كله حزن وهي موافقه عشاني*
( ينشد = يسال)*

شوق : يمه مستحيه بيقولون ماقوا وجها طالعه لهم وهو توها متملكه*

ام نايف : لا مهم بقايلينه وانتي ماسويتي منكر عشان تسوين ذا السواه ترا أبيش معه القلب لا يحزن جدا ويتعب وانتي السبب*
*
شوق طارت من مكانها : اسم الله عليه*
ونزلت له بسرعه*

ام نايف : هههههههههههه الله يصلحش ان شالله*




( فالطياره )*

الكابتن حمد : مبروك يا تركي توك متملك امس لوني منك كان أخذت أجازه شهر ههههههههههه*

الكابتن تركي : ههههههههههه لا اي أجازه الطياران عمري مستحيل أخذ أجازه حتى اذا اعرست*

حمد : ههههههههههه يا رجال اذا اعرست خليت الطيران بكبرك شوق خابرها مزيونه بتنسيك اصلك لوني داري انك بسبعين عليها كان خطبتها عادها ابتدائي*

تركي : تخخخسي لاعد تكلم علي مرتي وتمدحها بعد يا قليل الخاتمه*

حمد : ههههههههههههه أني صادق انت طلقها وانا اتزوجها على طول موووت ماتنتفوت*

تركي : اقططططع يالخايس والله ماتحل الا لي انقلع ياوجه العنز*

حمد اللي عارف تركي عدل ويعرف كيف يقهره : شف انا علمتك إيني كان ابغيها بس انت الله يهداك جيت بيني وبينها إيني بأخري بينكم لين تحل لي*

تركي ثار دمه : حممممميد اعقببب مابقى الا مرتي تاخذها مني*

حمد : ههههههههههههههههههههههه امزح امزح بس صدقني بتاخذ أجازه اذا شفت وجها*

تركي وعرف حمد يحب يثير غضبه : خير ان شالله أحرقت دمي الله يهداك*




( بيت حمد ابو محمد )*

جالسه في غرفتها وتتذكر ليلة امس وتتذكر عقب ماطلعت من المطعم*
وهم فالسياره فهد : بعض الناس قال مايبغي عشا ومشالله كل اللي فالطاوله كله*

وسميه : ههههههههههههه وش اسوي منسده نفسي يوم جا الأكل الا هو يفتح النفس ما قدرت اقاوم*

رجعها من خيالها صوت المسج وهي تقول الله لا يحرمني منك يا فهد*
فتحت المسج :*
( تراش صرتي متزوجه لا تطلعين مكان الا بأذني وراش رجال تأخذين منه)*




السموحه على قصر البارت والله مواصله من البارحه عشان اكتب لكم والسموحه لأني اخليت في وعدي لكم بس كانت عندي ضروف منعتني من الكاتبه تنومت أختي فالمستشفى وماقدرت اكتب لكم اعتذر مره ثانيه*

( ألقاكم بإذن الله يوم الثلاثاء )*

اسطوره ! ©؛°¨غرامي ماسي ¨°؛©

اتمنى البارت يعجبكم واتمنى الروايه بدت تحلو صعب تبتدي الاحداث فالبارتات الاولى بس الخير مقبل ان شالله ردودكم تحمسني وتجعلني اجيب الافضل لا تبخلون واسمحو لي اذا فيه اي اخطأ فالكتابه اكون مانتبهت له*


*




( البارت الثالث )*


قراءة ممتعه بإذن الله*


( بيت حمد ابو محمد )*

جالسه في غرفتها وتتذكر ليلة امس وتتذكر عقب ماطلعت من المطعم*
وهم فالسياره فهد : بعض الناس قال مايبغي عشا ومشالله كل اللي فالطاوله كله*

وسميه : ههههههههههههه وش اسوي منسده نفسي يوم جا الأكل الا هو يفتح النفس ما قدرت اقاوم*

رجعها من خيالها صوت المسج وهي تقول الله لا يحرمني منك يا فهد*
فتحت المسج :*
( تراش صرتي متزوجه لا تطلعين مكان الا بأذني وراش رجال تأخذين منه لاذن)

وسميه : هههههههههههههه تبطي عضم مهوب انا اللي تصير خاتم في اصبعك

طنشت للمسج وفي راسها فكره بتسويها نزلت عند امها وسميه : يمه ابغي اروح لسوق*

ام محمد : وش تبغين*

وسميه : ناقصتني اغراض ابغي اخذها *

ام محمد : طيب حاكي فهد يوديش ولا محمد*

وسميه : لا فديتش باروح مع الدريول انا وهيا وباودي بنات عمي راجح معي ماراح يروحون مع حد من خواني*

ام محمد : ترخصي من ابيش ( ترخصي= استاذني)*

وسميه : ان شالله*

وسميه اتصلت في ابوها واستاذنة منه وبعدها اتصلت في العنود*


( بيت راجح ابو بندر )*

جوال العنود يرن وكان في يد بندر ابتسم بندر " اكيد تبغي تسال من وين خذيت رقمها واضح اني نرفزتها ههههه"*

العنود : وش ودا جوالي عندك*

بندر : مادري كان جنبي ورن وخذيته اشوف من*

العنود : هههههه شاق الحلق من شفت الاسم*
رفعت الخط : هلا وسميه هلا بمرت الغالي*

بندر ابتسم وطلع "مرت الغالي هههههههه الحين بتقول لش من وين جبت رقمها وبتسوي لش محضر ماتدري انش بروحش ماتدرين "
بندر اخذ رقم وسميه من تلفون العنود اللي كان عنده فالصاله ورجعه مكانه ولا كانه سوا شي راح بندر لشباب وترك اخته و وسميه يكلمون بعض*

وسميه : والله انا ابغي اروح اخذ لي اغراض من السوق قلت نطلع انتخاوا ونوسع صدورنا وعازمتكم على العشا وش قلتي*

العنود : هههههههه يالبييييه من زمان من طلعات البنات وعاد فيها عشا تمم بس اترخص من امي وابي وارد لش خبر*

وسميه : طيب يالله انتظرش*

العنود : طيب .. يالله مع السلامه

وسميه : الله يسلمش .. وسكرت الخط*
" ههههه قال استأذن منه طلعتي عناد فيك وطلعت خواتك عشان يوصلك ردي "*

هيا : هاه خلصتي*

وسميه : بالبس الحين*

هيا : انتي فيش ميمه منتي خاليه ( ميمه = فيه امر مخبيته )

وسميه : ههههههههههههههههههه*

هيا : ضحككتي قولي قولي وش مهببه*

وسمه قالت لها قصة المسج وسبب الطلعه*

هيا : وووووووووووويش خبل انتي هذا بندر ناسيته ولا اذكرش خبش انتي تحدينه ( خبش+خبل = مجنونه او موب صاحيه)

وسميه : لا اعرفه واذا هو مايعرفني انا اعلمه*

هيا تعرف اختها عنيده واللي تبغيه بتسويه : اللي بتسوينه بيطيح على راسش فالنهايه .. لا تحطين بينش وبين رجال فالنهايه هو شريك حياتش مشاكل *

وسميه : قسمة ربي واللي ربي يبغيه بيحصل هو اللي ابتدا ناويها مشاكل وتحدي يبشر بها*

هيا : الله يصلحش*

وسميه : اجمعين ان شالله يالله مشينا*


( بيت ابو سالم )*

نوره وساره عند اختهم اللي تصيح*

نوره : وش السالفه وش مهببه مستحيل ابي يمد يده عليش كذا اكيد مسويه مصيبه*

هيفا : انقلعي مني منا فاضيه لش*

نوره : بتقولين ورجلش فوق راسش وش مسويه*

هيا قالت كل السالفه لهم وعن كلامها عن مريم والكذبه اللي الفتها*

ساره وهي تبكي : حسبي الله عليش حسبي الله عليش كل مشاكلهم من تحت راسش ست سنوات وهم في مشاكل وفالاخير كذبه منش فضحتينا*

هيفا تمسك شعر ساره : لا تحسبين علي طالع لش لسان يا سوير يبغي له قص*

نوره : هيفااااااااااااا نزلي يدش عنها*

ساره وهي تبعد من هيفا عقب مافكت شعرها : مريضه نفسياً تضرين بنت عمش واخيش وش سوو لش*

هيفا : يكفي انها اخت هيا انتقم من اختها فيها*

نوره بصدمه من كلامها : وججع ان شالله وهيا وش مسويه لش*

هيفا : هيا اهدمة حياتي هيا خذت حبيبي مني ااااااااه ...... اوقفها الكف من نوره *

نوره : والله لا زيد اسمع ذا الكلام مايحصل لش طيب نايف عايفش عايفش نايف لهيا من يوم ماخلقو اصحي على حالش*

هيفا وهي تبكي : نايف لي نايف لي*

ساره : انتي ماعندش دم نايف زوج هيا يحبها من وهم صغار*

هيفا : انطممممممي نايف لي للحين بينهم ملكه وبيطلقها ويتزوجني*

نوره مسكتها من شعرها : هيفاا الخبال اللي في راسش انسي منه ولا والله *لا اقول لهم عن علومش

هيفا سكتت تدري لو يوصل الخبر لبوها وامها زوجوها ولد خالتها جاسم اللي تكرهه كره العمى*
قررت تماشيهم لين توصل اللي في راسها طلاق هيا وزواجها من نايف*

اسطوره ! ©؛°¨غرامي ماسي ¨°؛©

( في غرفة مريم )*

مريم تفكر فاللي صار لها قبل 6 سنوات ونص*

قاعده مع اخوها سعد فالمقلط*

سعد : والله يامريوم انش اقرب وحده لي مع انش منتي باختي من امي وابي*

مريوم : ههههههههههه والله مادري عقب ماتجيك المره هي بتبعدك ولا لا*

سعد : تبطططططي ماتبعدني مابقى لا المره تعسفني يخسسون النسوان*

مريوم : ايه ايه حددد لا تسبنا*

سعد : ههههههههه امداني اسب قحصتي تدافعين وانا صادق مابه مره تعسفني غير انتي اللي اذا اعرستي بتسحبين علي*

مريم : يخسسسسون الرياجيل يعسفوني*

سعد : ههههههههههههه تردينها لي*

مريم : هههههههههه تقدر تقول*

سعد وهو يحتضنها : يالله يالغاليه تامرين بشي*

ماكمل كلامه لا وهي رايحه داخل وهي تركض استقرب منها لف لا سالم وراه كشر وجهه لانه شاف مريم بدون برقع واثار غيرته على اخته سلم وطلع مسحت مريم دمعتها " ابعدني عنك يالغالي غصبا ابعدني منك يا سعد" انتبهت لطرقات الباب : تفضل*

نوره : مريم فديتش لا تزعلين على سالم لاتبكين وانا اختش والله انه من هيفا هي اللي كاذبه عليه*

مريم انصدمة : هيفااا*

نوره وهي تبكي : تكفيين امسحيها في وجهي مريم انتي غاليه ولا ابغي يصير بينش وبين اخي شي والله مادري باللي سوته*

مريم تضمها :صار وخلص لاتبكين دموعش غاليه*

قاطعهم دخول سالم نوره : اترخص .... وطلعت*

سالم : مريم*

مريم : ااصصصص ولا كلمه*

سالم : خليني افهمش*

مريم : لا تفهمني عرفة كل حاجه خسارت الشنب فيك*

سالم بغضب : مريم احترمي ولا علمتش وش يسوي ذا الشنب*

مريم : وش بيسوي اخرتها بزر اصغر منك تشرق بك وتغرب بك 6 سنين ونص وحياتي جحيم معك واخرتها كذبه من اختك يالكمخه ......... كف من سالم اوقعها ارض*

سالم : انتي اللي حديتيني يامريم*

مريم : تضربني يا سالم ماكفاك الجحيم اللي عشته معك من يوم ماعرفتك والله ماقعد ولا دقيقه زياده*

سالم : مريم استهدي بالله انتي لسانش متبري منش حديتيني على مدة اليد*

مريم تتصل في محمد : محمد تراضى اختك تنهان ترضى اختك تنضرب*

محمد : اخوو مريم من اللي مد يده عليش اكسرها*

سالم اثارة غضبه ومابغى يزيدها فطلع*

مريم : ابغيك تاخذني الحين*

محمد : ابشري مسافة الطريق*

مريم خذت اغراضها المهمه واغراض عيالها على السريع وتنتظر وصول اخوها*

محمد يدخل البيت ويستقبله سالم*
سالم : حي الله ابو حمد احياك اقلط*

محمد وهو غاضب : قهوتك مشروبه منا بقالط وخي ممدوده عليها يد*

سالم بغضب مشابه : ترضى ينقال عنك خساره ذا الشنب فيك*

محمد : اعقب*

سالم : عجل ترضى ينقال عنك يالكمخه*

محمد : سالم وش سالفتك ناويها بشر*

سالم : لا حشى بس هذا اللي حدني على مدة اليد يابو حمد*

محمد : السموحه منك بس مريم خابرها صبوره وش اللي الحقها ذا*

مريم : مشينا يا ولد امي وابي انا اقول لك اللي الحقني ذا كله *

محمد : يالله اركبي فمان الله

سالم : فمان الكريم ..... راقبها يوم ركبت لحد ماختفت السياره عن نظره*

سالم : اااااااااااااااه متعذب وانتي قريبه وباتعذب يوم ابعدتي والله يا هيفا ماتعدا لش*


( فالمطعم )*

العنود : اااااااااااه يابطني الله يكثر خيرش يا وسميه ماعندي بماشيه مافيني جهد*

وسميه : ههههههههههه فيه العافيه ماقصؤتي ضربتي بالعشرين ماعدهو بالخمس*

البنات : هههههههههههههههههههههه

هيا : سخيفه حنان ليه ماجات معنا*

نجلا : ههههههههه حنان عجوز بيتنا تقول باقعد مع امي وابي*

وسميه : فدديتها ماحبني لها*

العنود تطلع جوالها اللي يرن من الشنطه : اووووووووووه الحكومات تتصل*

البنات : ههههههههههههههههههههه*

نجلا : من بندر ؟؟*

العنود تاشر براسها بنعم : الوه*

بندر : وينكم*

العنود : فالمطعم مع بنات عمي حمد وسميه عازمتنا على العشا ( وتغمز لوسميه يابلفيت انها ذكرت اسمها واسطه )*

وميته تضحك " الحين وصلك ردي يا بندر "*

بندر : نعمممم*

العنود : الله يعافيك اي اي لا تحاتي اكلناها عدل*

وسميه فاطسه ضحك لانها واثقه ان ردها موب صدق*

بندر بغضب يتكلم وهو يصر على اسنانه : ارجعو الحين*

العنود ماتت خوف : اصلاً خلاص راجعين*
طوووووط طووووط طوووووط*

البنات : ههههههههههههههههههه*

العنود : طيرو الحين تودوني البيت بندر مفول حدددده*

وسميه : هههههههههه طيب خلاص بنوديش لا حد يبكي*

*رجعو للبيت مع نزول وسميه للبيت وصلها مسج اول ماسمعت صوته
: هههههههههههههههههههه كنت متوقعته*

هيا وهي تنط تشوف المسج: بررررردش تضحكين افتحيه اشوف*

وسميه تفتح المسج " تعاندين طيب طيب " وسميه ماتنكر انها خافت توقعت كاتب معلقه بس هو كتب ثلاث كلمات*

هيا : يمممممممه وش بيسوي*

وسميه : اعلا مافي خيله يركبه*

هيا وهي تمشي وتحب قفا يدها : الحمدالله على نعمة العقل*

اسطوره ! ©؛°¨غرامي ماسي ¨°؛©

( بيت ابو نايف )*

شوق : الله يبارك فيك فديتك متى بترجع وحشتنى*

نايف : قريب قريب ان شالله هانت باقي اسبوعين واجي عندكم*

شوق : ان شالله بس لا عد تقطع ترا توحشنا*

نايف : هههههههه ان شالله يالله فمان الله*

شوق : في امان الكريم فديتك*

شوق سكرت الخط واخذت تفكر في زوجها " يالله ماكرمك اتزوج تركي اللي من صغري وانا اتمنى اتزوج مثله ههههههه حتى ماكنت اتمناه من كثر ماني مستبعده اتزوجه بس شكله كان ميت علي ينتظرني اخلص الدارسه عشان يخطبني على طول *"*
رن تلفونها المتصل ساره ..ابتسمت تحب هالبنت والله خلاها تصير حماتها*

شوق : مرحبا هلا وغلا*

ساره : هههههههه اهلين*

شوق : وش اللي يضحك بش*

ساره : *ههههههههه تركي يبغي يكلمش*

شوق ببلاهه *: نعممم*

ساره : ههههههه نعم الله عليش*

شوق : تستهبلين*

ساره : هههههههه لا قسسم بالله صادقه*

شوق : قولي له يترخص من ابي واخواني الدنيا سايبه يتصل فيني على طول ترا اللي عند هلي وشوري في يدهم .. وتسرك الخط في وجه ساره وهي ترجف " لا صدق صدق ميت علي كيف قدرت ارتب الجمله اللي قلتها مادري هههههه"



( بيت ابو تركي )*

ساره : هههههههههههههههههه اخس ياشوق حركات تسكرين فالوجهه*

تركي : وش قالت*

ساره : هههههههههههه انت مصدق عمرك صاير مراهقة ابو 18 سنه

تركي وهو يضربها على مؤخرت راسها : اخلصي وش قالت*

ساره : تقول لك ترخص من ابيها واخوانها الدنيا سايبه تتصل فيها*على طول ترا اللي عند هلي وشوري في يدهم*

تركي : طيب طيب*

قام " المفروض اقول انش بنت سنعه وتعرفينوالاصول مثليىعلى غيري يا شويقان "
تركي يتصل في عمه*
*: مساك الله بالخير ياعمي*

ابو نايف : مساك الله بالنور والسرور*

تركي : المعونه وشلونكم اربكم طيبين*

ابونايف : طيبين جعلك طيب وشلونك*

تركي : جعلك طيب يسرك الحال .. عمي ابغي اترخصك في حاجه*

ابو نايف : امر وش بغيت*

تركي : ابغي اكلم مرتي اذا مافي خاطرك شي*

ابو نايف : هههههههههههه على راحتك*

تركي : الله لايهينك يالله فمان الله*

ابو نايف : فمان الكريم*




( بيت ابو نايف )*


صوت مسج *افتحته " مساء الخير انا تركي "*

شوق : ووووه يالبى قلبك ماراح ارد باتثيقل*

بعد ساعه رن هاتفها*
شوق بخجل : الوه*

تركي انقبص قلبه *" وش ذا الصوت اللي عليها يودي في ستين داهيه" : مساش الله بالخير يابنت عمي*

شوق " يالبببببى الرجوله " *: *مساك الله بالنور*

تركي يحس دقات قلبه تزداد على صوتها : وشلونش*

شوق : يسرك الحال*

تركي يقلل الكلام عشان تكلم مايدري ليش يسوي كذا هو اصلا كلمها عشان ينرفزها : قولي شلونك تحفيني ولا ماتعرفين السنع ( تحفيني = اسالي عن حالي)*

شوق : هههههههه السموحه شلونك*

تركي راح وطي من سمع ضحكتها " وش ذا النعومه صوتهاوحلو ضحكتها تجنن يارب لطفك"*

شوق مستغربه سكوته : تركي*

تركي " لها الدرجه اسمي حلو ولا توني احس به " : ياويل قلبي*

شوق استحت من كلمته وطارت من الفرحه تركي يرقع كلامه : نسيت المفتاح

شوق حست بغصه في قلبها " احسن ماحد قال لي اخذ مقلب في نفسي " : اهاا*

تركي خاف لا يجيب العيد : باتصل فيش عقب الحين مشغول وسكر الخط*

شوق ترفع التلفون في وجها *بحزن : حتى ماقال مع السلامه*



( بيت ابو محمد )*

ابو محمد وهو يدخل البيت : وسميه وسميه*

وسميه *بصوت طويل : لبيك*

*الجده ؛ وجع فقعتي اذني جعلش الصقه *

وسميه تبوس راسها : هههههههههههه السموحه نفداش*

ابو محمد : بندر فالمقلط يتناش*

اسطوره ! ©؛°¨غرامي ماسي ¨°؛©

( البارت الرابع )*

( بيت ابو محمد )*

ابو محمد وهو يدخل البيت : وسميه وسميه*

وسميه *بصوت طويل : لبيك*

*الجده ؛ وجع فقعتي اذني جعلش الصقه *

وسميه تبوس راسها : هههههههههههه السموحه نفداش*

ابو محمد : بندر فالمقلط يتناش

وسميه : ووووويش
وسميه تحس بالخوف كانت تعرف انه ماراح يعديها لها من اسلوبه فالرساله " وش يبغي ذا مايستحي جاي بيتنا ويقول لابي بيشوفني وش ناوي عليه "*

ابو محمد : تراه رجالش ويحق له يشوفش*

وسميه : يبه قول له مايعتبرني زوجته الا عقب العرس غير كذا ماعندي

الجده : بعدي بنتي وهي صادقه ولا هو سافر للغرب وسج من سلومنا ( سج = نسى )*

ابو محمد : يايمه جعلني فداش رجالها ويبغي يتفاهم معها على ترتيبات العرس*

وسميه انتفظت من قال يبغي يتفاهم معها على ترتيبات العرس : يبه اي عرس*

ابو محمد : عرسش*

وسميه بصدممه : نعمممم*

ابو محمد : وش اللي مروعش ما ورا الملكه الا العرس*

وسميه بصرخه : اسسفه قل له مافيه عرس الاعقب ماتعرس اختي هيا*

ابو محمد غضب من طول صوتها وهو يعرف انها تكلم فالحق : وسسسميه مابقى الا ترفعين صوتش علي*
عرس وبتعرسين وغير كذا لا اسمع .... مشى رايح للمقلط وعقب وقف : وترا العرس عقب شهر انتي وشوق في ليله وحده والمهر قدهو هنا*

وسميه طاحت في حظن الجده تبكي بحرقه : ياجده كسرني كسرني*

الجده ماعجبها تصرف ولدها وراحمه وسميه اللي تعرف كبريائها حبها لبوها قالت تخفف عنها : يابنتي وهو الصادق مابقى غير العرس*

وسميه وهي تبكي : يمه انتي تعرفين السنع مهوب حق اني اتزوج قدام هيا عيب عيب*

الجده : هيا متملكه قبلش بس رجالها عنده التزامات ودراسه ومهوب عيب اذا اعرستي قدام اختش*

وسميه تبكي بقهر : ماحد بفاهمني ماحد .... وطلعت لغرفتها تبكي*

دخلت لغرفتها ورمت نفسها على سريرها وكملت نوبت بكاهت " الله يسامحك يا يبه الله يسامحك طعتك عشان ماحد يتكلم عشان انت وعمي ماتفترقون اخرتها تحرمني من ابسط حق اني ارفض يكون العرس قبل عرس هيا يبه هذا اللي موقف معه ضدي يخدعكم انت وعمي هذا متزوج اللي يبها غصب عنكم ولا همه طيحت ابيه بكره يكسر ظهوركم ولا عد ينفع ندمكم في قهري "*

نامت وهي تبكي بعد فتره من الوقت حست انها تنشال وتتغطى بالحاف افتحت عينها شافت فهد اخوها وحبيبها واغلا ناسها فهد يفهمها قبل لا تكلم يقدرها محترم عزت نفسها وكبريائها ولا مره قهرها نزلت دمعتها اللي مسحها فهد
*: وسميه هالشي لازم يصير الحين ولا بعدين لاعد تنزل دمعتش تراها غاليه علي جدا*

وسميه : فهد ابي كسرني اول وبيكسرني تالي*

فهد : لا ان شالله ليه تقول ذا الكلام بندر رجال وكلنا نعرفه ماشفنا منه شي يعذربه*

وسميه : ماتعرفونه كثري ماحد منكم عرفه .. وتنزل دموعها بهدوء*

فهد : وسميه انا اشوف كرهش مبالغ فيه بس الحين متاكد فيه شي مادري به وشو يا وسميه ؟؟

وسميه *: بتعرفونه كلكم بس موب الحين *..وسميه بدا النوم يغلبها فهد غطاها وباسها على جبينها*



قبل دخول فهد على وسميه .....*

فالصاله*

الجده : مهوب حق اللي سويتع في وسميه يا حمد

ابو محمد : يمه نفداش نصيبها*

الجده : تحرمها تقول ايه ولا لا

ابو محمد : الملكه وتملكت ماعد الا العرس*

الجده : ويلا مالك حق تغصبها وسميه طاحت تبكي وانت خابرها مايبكيها الهين ( ويلا= واذا،،، الهين = البسيط)

فهد : افا ايا يبه ماهقيت انك تسوي في وسميه ذا السواه وسميه اللي بدتك على روحها و وافقت على بندر وهي تبغضه تحزنها وتجبرها عقب ذا كله ماهقيتها منك *( تبغضه = تكرهه ) *

فهد قام على طول راح لها*



( بيت راجح أبو بندر )

العنود : بندر وش سالفتك يأخي كل شي سريع سريع
متى يمدينا نفصل ونحجز ونعدل

بندر ببرود : مهوب لازم تفصلون أهم شي ترتيبات العرس

العنود معصبه : يأخي ماتقدر تصبر لين تعرس مع تركي

بندر : تركي أجل عرسه لأن عنده رحلات ويبغي يفضي روحه لعروسته
وانا رجال مستعجل عاد وراي سفر

العنود : بندر حن مايمدينا نجهز ولا يمدي وسميه تتجهز أجل عرسك

بندر : العنودددد خلاص قراري ولا راح يتأجل وآنتو بيكفكم تأجل مافيه تأجيل
وانتهينا

العنود طلعت وهي معصبه : مادري مستعجل على وشو لونك شايفه كان عذرتك بس أدري لونها تمر قدامك ماعرفتها

بندر وهو يلحقها : عيدي عيدي عيدي

العنودي : ولا شي فكني باروح إسنع شي

بندر فكها وهوي يفكر في كلامها "وش قصدها آبغي آشوف ذا البنت اللي هلي كلهم في صفها ويمدحونها وش سالفتها "

اسطوره ! ©؛°¨غرامي ماسي ¨°؛©

(بيت مبارك أبو نايف )

رن هاتفها رنه واحده واغلق الخط
شوق ركضت له شافت المتصل " تركي "
: وحححححشتني مآبغيت تدق
كانت هاذي كلمتها لما شافت المكالمه كانت منه

رجعت الخط لها رن طويل وفالأخير رد

شوق : هلا تركي اتصلت " كان تحاول تخفي شوقها "

تركي في داخله أنا ليش دقيت لها ليش صاير اشتاق لها وانا أدري أن قلبها مع غيري ليش من أسمع صوتها أذوب وانا أدري أنها تصنع النعومه
:شوق لإعد تدقين علي أنا متصل بالغلط أزعجتيني وسكر الخط

شوق بصدمه من انفجاره ليه يتكلم معها كذا وهي مشتاقه له رد له المكالمه
رد على طويل : بقره ماتفهمين قلت لاتدقين زواجي منش غلططه نادم عليها أفهمي مابلعش مابلعش . . كان يعاملها بهاذي الطريقه لأنه غاضب من انشداده لها بسرعه

شوق : تركي ليه تقول كذا ليه تعاملني كذا وش سويت تركي أنا أحبك

تركي انصدم من كلامها وغضب من رعشة قلبه لكلمتها اللي متأكد أنها قالته لغيره : حححبش برص أن شـألله ماتستحين إنتي ولا متعوده على كذا أقول لش أنا مابلعش تقول أحبك تبغين تلوعين كبدي اللي بروحها لايعه . . سكر الخط للمره الثانيه

شوق انفجرت بكاء من معاملته لها وكلامه القاسي عليها . . شوق فتاه حالمه تتوهم بسرعه وتحلم بأشياء وتفعل كما هي تخيلت توقعت أن تركي يحبها وفكرت أنه غاضب لأنها ماتصلت لها فاتصل برنه واحده ليذكرها ردت له المكالمه وصدمها ردت فعله وكلامه "أكيد هذا كله زعل لأني ماتصلت له بس ليش كلامه كذا قاسي معي ليش "



ممممممرت الايام وهاهو يوم زفاف ( وسميه وبندر)



كانت اسطوره جميله جمالها ناضج الليله ليلتها الكل يهلل عليها جميله كماهو معروف جمال هذه العائله ولكل وحده منهن جمالها الخاص فيها بسيطات في مكياجهم ولباسهم وسميه ترتدي فستان أبيض بسيط جداً يفصل تفاصيل جسمها خصرها الصغير صدرها البارز ليس بالكبير و لا الصغير أردافها إلمتوسطة الحجم كان جسمها جداً متناسق تتميز وسميه ببشرتها البيضاء
الناعمه ووجها الصغير كان مكياجها بسيط يبرز جمال عينيها الكبيره ليست بالكبيره جداً ولكن مناسبها لصغر وجهها رموشها كثيفه ولذالك لم تقوم بتركيب الرموش لأنها في غنا عنها خشمها الحاد و فمها الصغير كانت غايه فالجمال والانوثه *

: يالله يا وسميه زوجش برا*

وسميه : وين امي*

فهد : راحت تجيب اغراضش يالله انا معش منا مخليش بروحش لين اوصلكم الفندق*

وسميه " ليه ارتجف عادي عرس العالم يعرسون وش ذا الخوف كله الا بندر طول الفتره حاقرته ومارد على مسجاته اكيد بيبرد الحره الحين ياررربي ميته جوع فضيحه بعدين عصافير بطني تصوصو وش بيقول *عني ليتني طعت امي بس غصب عني الاكل موب راضي ينزل احس بارجعه "*

فهد : وسسميه امشي يالله*

وسميه زادت رجفتها : هاه*

فهد : ههههههههههه مايليق عليش خايفه اخبرش قويه يا وسميه وش صار

وسميه تحاول تستمد قوتها من كلام فهد : لا بس خله ولا عادي( خله = جوع)

فهد : يالله مشينا بندر ينتظر برا

وسميه : بسم الله

تمسك فيه بقوه وقلبها يزداد فالخفقان وتزيد في التمسك به

فهد : ههههههههه اسم الله عليش كل هذا توتر عصرتي يدي

وسميه بجديه : فهد لاتخليني معه بروحنا

فهد بصدق : لين السياره وينتهي دوري

مشو لين السياره وركبت معه وبأسها فهد على جبينها
: بندر ماوصيك عليها الله الله فيها

بندر : أبشر

مشت السياره في هدوء تام كل منهم سارح في خياله
وصلو الفندق
: يالله أنزلي



آعتذر لكم على التأخير وذالك لعدم تمكني من التسجيل
ليلة أمس كان يطلع لي خطأ ولكن اكتشفت أن سبب ألعطل من جهازي
دخله فيروس وضطريت أعيد كتابة البارت لأنه للأسف تمكن من تعطيل الجهاز

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1