mouka ©؛°¨غرامي فعال ¨°؛©

السلام عليكم ..

اول مره ادخل عالم كاتبات الروايات ..
و الي بداية الامر لما كنت مسافرة و طفشانه قلت اجرب اكتب ... و بعرض لكم ما كتبت و اذا اعجبكم كملت و اذا ما اعجبكم وقفت ..
  
و البارتات بتكون كل [سبت و ثلاثاء]نهاية العصر او المغرب .. ..اذا حصلت لي ظروف بنزله الليل ..

[و ما احلل احد ينقل الروايه من دون ذكر اسمي ..]


                البــــــــــــارت الأول.. 
كانت مبسوطه اليوم خالتها بدريه عازمتهم .. 
يعني بتجي نوره و الجوهره و دانه و لينا و كل الشله يعني وناااسه .. 
كان شعور الفرح مستوطن عليها لها ثلاث اسابيع ما شافتهم لانها كانت مسافره ..
راحت تلبس .. كانت تدور لها شئ كشخه تخاف احد غريب يجي .. معارف خالتها كثير و خاصه العزيمه بعد العطله يعني الناس اكيد بيجون .. 
طلعت لها فستان اسود قصير و كانت تدور لها اكسسوارات سمعت الجوال يرن .. 
جوجو يتصل بك ..
ردت عليها فرح .. 
نجد : هلا والله بالطش و الرش و البيض المفقش .. 
جوجو : هلا بك شخبارك؟؟ 
نجد : تمام .. والله مشتاقه ..انتي شخبارك؟؟
جوجو: متحمسه للعزيمه..
نجد : اي صح على طاري .. امك عازمه ناس كثير يعني عازمه حريم عمامك طبعا غير عمك سلطان .. 
جوجو: اممم لا بسس عمي سلطان
و عمي عبدالله و خالاتي كلهم .. 
نجد : اها يعني ما اكشخ .. 
جوجو: انتي في كل حالاتك حلوه تعالي بسس لو بقميص من البطحاء ..
نجد : الله مير يسلمتس .. طيب يعني البس بنطلون وبلوزه عادي .. 
جوجو : يب يب محد جاي .. 
نجد : اوكك يالله باي اشوفك اليوم .. 
جوجو : هيييه بنت انتظري ..
نجد : هلاا .. 
جوجو: تراي ما دقيت عليك لسواد عيونك يا ماما داقه ابيك اذا طلعتو من البيت تمرون على اي بقاله و تجيبين المشروبات .. 
نجد: وانا قايله البنت مو لله داقه .. ابشري من عيوني .. بسس اجيب كلها بيبسي.. 
جوجو : يب يب ... 
نجد :اوكك .. غالي و الطلب رخيص .. 
جوجو : الله يسلمك .. المهم يالله بسرعه روحي البسي عشان تجوون بسرعه .. 
نجد:ههههههه ابشري ..
سكرت من الجوهره و راحت تركض لأمها .. 
نجد بصراخ : ماااامااا .. ماااامي .. يماااااه .. 
ساره: نععععععم .. 
نجد: وييينك !! 
ساره: في باريس << كلمة امي دايم تقولها .. انا في المطبخ تعالي .. 
دخلت للمطبخ تركض .. ما انتبهت للمويه الي على الارض .. 
حست بنفسها بتطيح تمسكت في الي قدامها ..

كان ريان واقف يسمع امه وهي تسولف له عن بعض الحريم .. حس بأحد يسحبه على وراء .. مسك نفسه لا يطيح .. حس بالي كان ماسكه تركه و سمع صارخ وراه التفت .. شاف نجد طايحه من المويه الي كبها قبل شوي  .. طاح على الارض من الضحك .. حتى الام و الشغاله قامو يضحكون على شكلها .. 
نجد بصراخ : وجعووووووه توجعكم جعلكم تطيحون مثل ما طحت .. اححح والله يعور جعله الحمى .. 
ريان : هههههههه جايه ههه دااااعسه مليونين هههه بغيتي تطيحيني عليك يالمهبوله هههههههه 
نجد بعصبيه : تدري لو انك طايح علي كان صرت من شهداء غزه .. 
ريان: الله يقلع بليسك .. هههههههههههههه والله شكلك مضحك نجييد .. 
نجد : شكلي مارح اروح بيت خاله بدريه سليمه اليوم .. 
رياان : ليش وش عندك في بيت خاله بدريه !! 
نجد : عازمتنا .. اي صح يمه ترى الجوهره بنت خاله بدريه كلمتني توو و تقول محد بيجي بسس عمها سلطان  و عمها عبدالله .. 
ام ريان : ايه زين .. 
نجد : يالله بروح اخذ لي شور بعد ما مسحت كل المطبخ .. 
ريان : يالله حتى انا احمد عازمني عند عيال عمه يقوول ابيك تعرفهم .. 
ام ريان : اييه بسلامتك بسس انتبه .. 
ريان : ابشري..
نجد : لحظظظظه ريااان .. 
ريان : هاه نعم ؟؟! 
نجد : ممكن طلب !!! 
ريان : وش تبين !! 
نجد : يعني لو سمحت لو سمحت ممكن تجيب لنا انا و البنات من البقاله اغراض ! 
ريان : وش تبون ! 
نجد :اممم لحظظه اعد .. قعدت تعد .. 
نجد : اييه جب 6 بيبسي.. 
ريان : طيب . 
نجد : تسلم لي والله .. و باسته على راسه .. 
ريان : الله من المصالح .. 
نجد : ياخي انا البنت الوحيده من بين ثلاث اولاد خلني اتدلع .. 
ريان : اي بسس لا تصدقي نفسك .. 
نجد : طيب طيب خلاص .. 
طلعت من المطبخ بحماس و ركضت على فوق تلبس مافيه وقت الساعه 5 المغرب .. 
و بيت خالتها بعيد يعني على الاقل يبي لهم نص ساعه من دون الزحمه .. 
لبست لها بنطلون جينز غامق و عليه بلوزه فوشي صارخه و سوت شعرها بالستريت و مسكته ببنسه ورديه .. صار شكلها كيووت ..
نزلت و شافة في الصاله ابوها و امها و اخوانها راشد و طلال و ريان .. 
نجد : هاااه شرايكم في شكلي ؟؟ 
ريان : ااااااع طلال طلال بالله المنديل .. 
طلال : نجدوووه وش هاذا ليش كذا !! ترى اذا وصلنا هناك ما اعرفك .. وش هاللبس كنك مهرج .. 
راشد : يا حبيبي مهرج مرتب شوي .. 
نجد بزعل : بااابا شوفهم !! 
ابو راشد : خلاص يا عيال اتركوها .. 
راشد : ولا تزعلين يا اخت راشد والله طالعه كيوووت .. 
نجد و الابتسامه شاقه الوجهه : تسلم لي والله .. و كملت : يالله نروح .. 
الكل قام .. راحت هي و امها يلبسون العبايه .. 
ام راشد : ريان بتروح معنا !! 
ريان : ايه..
ام راشد : ما تقول اليوم انك بتروح لصديقك !! 
ريان : الا كنت بروح بسس دق علي و قال ان عمه كنسل العزيمه عشان ولده في المستشفى .. 
ام راشد : اييه الله يشفيه .. 
طلعو من الفله ..
اعرفكم على العايله .. 
عبدالعزيز / ابو راشد .. عمره 55 سنه .. طيوب مرره بسس  اذا عصب لا احد يوقف قدامه .. و اغلى شئ عنده عياله ممكن يبيع نفسه عشانهم .. عنده شركه خاصه .. اسمر عيونه عسليه على جدته .. عيونه كبيره .. شعره كثير .. 
ساره / ام راشد .. عمرها49 سنه .. طيبه تموت في عيالها طباخه ماهره .. تشتغل معلمه في مدرسه متوسط حكوميه.. بيضاء .. رموشها كثيفه .. عيونها صغيره .. خشمها صغير ..شعرها ناعم .. 
راشد / الاخ الاكبر .. عمره 24سنه .. 
اغلى شئ عنده امه و ابوه .. يشتغل في شركة ابوه .. له هيبته الخاصه .. و اذا قال لا مستحيل يرجع عن قراره حتى لو هوو عارف انه على خطأ .. في الشكل نسخه ثانيه من ابوه ..  
ريان / الاخ الاوسط .. عمره 22 .. جامعي .. مغرز في الجامعه ما طاع يطلع منها .. طيووب مرره .. خفيف دم .. دايم طالع مع احمد صديقه .. عيونه صغيره .. شعره كثير بسس مو ناعم على ابوه .. و رموشه كثيفه ..
  
طلال / الاخ الاصغر .. عمره 20 سنه .. 
جامعي .. اقرب واحد من اخوانه لنجد .. خفيف دم و ممكن يضحي بعمره عشان اهله .. و خاصه اخته .. نسخه من امه في الشكل ..  
نجد / البنت الوحيده .. عمرها بتخلص 18 تدخل 19 بعد كم يوم .. 
طبعا هي الدلوعه .. قريبه من طلال مرره .. 
مزاجيه .. اذا احد قال لها لا مستحيل تاخذ منه الشئ حتى لو كان يمزح .. في الثانويه
علمي .. عشقها الرياضيات ... تحب تعد اي ارقام تشوفها تعدها .. حتى لو مو مطلوبه منها .. بيضاء عيونها عسليه .. رموشها كثيفه .. شعرها الى نص ظهرها .. كثير و ناعم و اسود .. خشمها طويل .. خشتها صغيره .. نحيفه مرره يمكن ما تتعدى 40 كيلو .. جسمها صغير مرره .. الي يشوفها يقول في المتوسط .. 
...…………………………………….
في السياره .. كانو منقسمين في سيارتين .. 
الاولى .. فيها ريان و نجد و امهم و الثانيه فيها ابو راشد  و راشد و طلال ..
في سيارة ابو راشد .. 
راشد: يبه اليوم في الشركه جاء واحد يسأل عنك .. مين !! 
ابو راشد برتباك : ايه  هاذا واحد من عيال ابو منصور يبي بيننا شراكه ...
راشد : و انت وافقة ..!! 
ابو راشد : لا طبعا ..
راشد : ايه احسن خلنا في حالنا احسن من المشاكل .. 
ابو راشد كأنه تذكر شئ : يووووووووووووه نسيت اوراق في المكتب .. 
راشد : يبه وش اوراقه ؟؟ 
ابو راشد : اوراق مهمه يبغاها ابو عبدالله.. رح رح للشركه بسرعه .. 
و انت يا طلال دق على اخوك قل له ان انحن بنروح للشركه يمكن نتأخر شوي .. 
طلال : ان شاء الله .. 
دق على ريان و قال له .. 
عند ريان .. 
نجد : ياربييييه الساعه 7 تأخرنا مرره .. 
ريان : نجد تراااك توتريني .. اهجدي .. 
ام راشد : نجيد اقضبي ارضك خلي اخوك يركز في سواقته ..  
كانو في مكان منقطع من الناس .. 
يعني يجيه نااس بسس قليل .. لأن الحي الي ساكنه فيه خالتهم جديد و قليل مره سكانه ..  
كان ريان يكلم احمد في الـbb و لهى في الكتابه و ما انتبه للمبه الي قدامهم .. سمع صراخ نجد و امه توتر زياده و ما قدر يتحكم في السياره .. 
………………………….……………
قابل امه في طريقه و هو نازل .. 
امه : هااه وين رايح .!! 
...: والله خالد عازمني على العشاء.. 
نطت اخته : ما يصلح انا اجي !! 
...: امم كني سمعت عبير تناديك فوق .. 
اخته : نوافوووه اوريك يا دب .. 
نواف : ههه روحي روحي بسس.. و طلع .. 
سلم على صديقه و ركب معه السياره .. 
نواف : هاه وين معشيني اليوم .. 
خالد: الي تبي ..
نواف : اول خلنا نطلع من الحي بعدين نتفاهم .. 
وهم يمشوون بالسياره... 
نواف بصراخ : خالد خالد وقف .. 
خالد : وشو !! 
نواف : شف فيه حادث و ماعندهم احد .. 
وقف خالد على جنب .. 
نواف : الله يستر .. 
كان فيه حرمه و رجال على الشارع .. 
نواف : خالد رح شف يمكن فيه احد في السياره ..  
ركض خالد للسيارة : نوااف فيه بنت .. 
ركض نواف عنده .. حاولو يفتحون الباب ما قدرو .. نط خالد من الشباك مع انه تجرح ... 
رفع البنت و طلعها لنواف من الشباك.. 
…………………………………
نهــــاية البــارت .. 
اتمنـــى يعجبكــم .. 
لا تحرمونــي رايكم .. 

تحياتي.. 
فيـــــــنكا.. 


mouka ©؛°¨غرامي فعال ¨°؛©

يعني ما اعجبتكم ابطل كتابه !! :(

آهآت مبعثرة ©؛°¨غرامي فعال ¨°؛©

ي بنتي مو طبيييييعييييييية وربي عذآآآب
والقصصة ارووع .. يكفي سرد الاحداث والوصف شيء ضروري بالروآية :$

والشخصيآآت رووعه حبيتهمم

خصوصآ نجد تهبل .. وريآآن

لآآ ان شاء الله مآ يموت ريآن وربي حبتيه حرآم علييك هههههههههههههههه

يلا بانتظآرك .. فعلا مبدعه واسلوبك اروع .. واصلي :$


Orkid ©؛°¨غرامي مشارك¨°؛©

بدآآية حلووة غلآآي .. واصلي واذا على المتابعين
اكيد اعضاء منتدى غرام ماراح يقصرون مع كثرة البارتات ووضوح الاحداث
راح تلاقين الي يسرج
يارب ما يصير شيء لريان ونجد وامهم :(

أريام العتيبي ©؛°¨غرامي فعال ¨°؛©

البارت الاول رائع .. حبيت اسلوبك مرة حلو واهم شيء بالرواية الاسلوب والوصف والسرد
وابتعدي كثير عن الحوارات لانها تفقد الرواية جماليتها
واتجهي للوصف والسرد .. انا ما اقول لا تكتبين حوارات .. كتبي بس لا تغطي على الوصف والسر !

نجد : شخصيتها حلوة .. تنحب وخفيفة دم وتدخل القلب الاكيد ان نواف وخالد راح ينقذونها وممكن تصير قصة حب مع نوآآف وهذا الي اتوقعه !

ريان : ما ابغاه يموت .. شخصيته حلوه خصوصا تحرشه باخته وعلاقته الحلوة معها يارب مايصير له شيء

ابونجد : حاسة ان وراه شيء .. ما راح نعرفه الا منك


بانتظارك يوم السبت


بستان الهموم ©؛°¨غرامي فعال ¨°؛©

بداية موفقة غلاي
كملي حبيبتي ناطرييينج

mouka ©؛°¨غرامي فعال ¨°؛©

آهآت مبعثرة/
مررره مشكووره .. منوووره قسم .. و اذا على رياان .. اممم ودي اقول وش بيصير بسس ودي تتحمسون للبارت .. 

 اميرة شوقي / هلا والله .. ان شاء الله تعجب الاعضاء .. منوووورة.. 


 ميرآ / مرررره شكراً على النصيحه .... 

بستان الهموم / مشكورة على تواجدك .. و منوورة اكييد .. 


mouka ©؛°¨غرامي فعال ¨°؛©

اليوم ان شاء الله بنزل بارت
و ان شاء الله يعجبكم ..
انتظروني العصر .. I love you all

فينكــــا ..  


mouka ©؛°¨غرامي فعال ¨°؛©

السلام عليكـم ..

ربمــا نفقد البعـــض في اوقــات صعبــة.. ولكــن تركــهم للحيــاة قــد يكون افضـل مـن مواجة بعــض المشــاكـل ..



البــــــــارت الثـــــــــانـي ..
 
طلعها لنواف من الشباك و نط مره ثانيه .. انجرحت رجله .. 
نواف بخوف : خالد حال البنت غريب .. 
خالد : اكيد يا بابا طالعه من حادث .. 
نواف : لا يا تنكه البنت غريبه كأن صاير لها شئ .. 
خالد : ما فهمت .. 
نواف : البنت مشققه ملابسها مستحيل يكون من حادث .. 
خالد : والله ما ادري بدق على الاسعاف .. 
التفت خالد بيدق على الاسعاف .. بسس تفاجئ بصراخ لما التفت شاف البنت صحت من الاغمى و تركض عند امها .. و تصارخ: يماااااااه قومي  .. و تركض تسحب اخوها : ريااان قوووم تكفى ..ريااااان رد علي ..  
ضمت امها و اخوها الي كانو قريبين من بعض و صارت تبكي بكاها يقطع القلب .. 
و تصارخ : ريااان قوووم والله ما اتكلم خلاص تكفى توووبه .. يمه تكفين لا تخليني ..كأنها تحسبه بهالصراخ و الاعتذار بيرجعوو..  
بعد هالازعاج كله و الصياح طاحت مره ثانيه مغمى عليها .. جت الاسعاف .. شالوهم الثلاثه كلهم و راحو للمستشفى .. 
 
وصلو للمستشفى .. 
الام و ريان في العنايه .. البنت الي هي نجد .. ما صار لها شئ دخلوها الغرفه بيسوو لها كشف .. 
قبل ما يجي الدكتور دقايق ..
……………….………
فتحت عيوني و انا مو مصدقه انا في وين تمنيته حلم بسس مستحيل حلم و انا في هالمكان .. رفعت راسها من الوساده وهي تنادي على امها و ريان .. تبغاهم يجون .. شالة ابرة المغذي من عليها .. وهي تبكي و تصارخ تبغاهم .. طلعت من الغرفه وهي ماسكه نفسها ما تبغى تطيح .. كانت تشوف الناس يناظرونها بتعجب و الاثنين الي يلاحقونها بسس ما اهتمت كملة مشي للعنايه الي كانت حافظتها عند موت عمتها .. وصلت للعنايه وهي تدور امها و اخوها من بين كل هالمرضى .. اخيرا وصلت .. شافة شبح امها موو امها !! في هالحظه..  
طلع الدكتور .. نجد ركضت للدكتور و ما على لسانها غير : امي .. 
الدكتور : انتي نجد .. 
هزت راسها بنعم .. 
الدكتور : اسف بسس ما قدرنا نوقف النزيف و الله يرحمها .. 
راح الدكتور تركها واقفه ما استوعبت .. مرت نص ساعه وهي واقفه .. ما بكت ولا طلع منها اي تأثير طلع الدكتور الثاني من العنايه .. 
الدكتور : السلام عليكم .. 
رفعة راسها من دون ما تجاوب .. 
الدكتور : دنتي اخت المريض الي بالحادث من شوي جاء << تراه هالحين مصري .. 
هزت راسها تستنى خبر منه تتمنى يقول بسس انه حي .. 
الدكتور : اسف بس ماادرناش نوأف نزيفو و هو عندو ورم في راسو ده صعب علينا الامر و فقدنا المريض .. 
حاولت تستوعب .. امها و اخوها في اقل من ساعه جاها خبر وفاتهم .. و الي صار لها بالحادث زاد عليها .. 
فقدت توازنها و اسودة الدنيا في وجهها .. 
و  ما عاد تحس بشئ ..
كل هاذا تحت انظار نواف و خالد .. 

عند نواف و خالد ..
ركضو لها لما شافوها تطيح .. شالوها وودوها للغرفه .. قعد عندها خالد عندها  و نواف راح للرسبشن .. 
نواف : السلام عليكم .. 
الرجال : وعليكم السلام .. 
نواف : لو سمحت اخوي قبل شوي وصل لكم هنا حادث .. ما لقيتو معهم شئ خاص يعني جوال شئ .. 
الرجال: اي لقينا معهم جوالين .. 
نواف : طيب ما اتصلتو على اهلهم ..!
الرجال : لا والله للحين ما بعد جانا شئ عن حالة البنت عشان نتصل .. 
نواف : طيب اخوي ممكن تعطيني واحد ما الجوالات انا بدق على الاب .. 
الرجال : اسف ما اقدر هاذي قوانين .. 
نواف : افف يعني بدق على ابوها مارح اسوي شئ .. 
الرجال : اسف ما اقدر اعطيك ..  
رجع نواف لخالد وهو معصب .. 
خالد : هاه وش قالو .. 
نواف : يقولون لقينا معهم جوالين بسس ما نقدر ندق على احد الا لما يجينا خبر عن البنت .. 
خالد : لقيت معها جوالها .. طاح منها توو ..
نواف بسرعه : هااات ادق على ابوها .. 
اخذ نواف الجوال و كان اخر اتصال من بلوطي .. 
نواف يضحك .. بصوت مسلوع : بلوطي !!! هههههه 
خالد : وش تخرف انت .. 
نواف : مدري مدري لحظه ..
دق نواف على بلوطي .. 
................
عند طلال .. سمع جواله يرن .. ابتسم لما 
شاف [ علقمتي ] << ملاحظه .. طلال و نجد عيارتهم من هم صغار بلوط و علقم .. لأنهم دايم يتفقون على الشر و الخراب .. 

رد : هلا نجّوود .. 
نواف : السلام عليكم اخوي .. 
طلال بخوف : مين معي !! 
نواف : معاك نواف من المستشفى .. 
طلال بخوف زياده : وش مستفاه انت بعد نجد شفيها .. 
نواف :اسف اخوي بسس كنت طالع من البيت و شفت حادث و صار امك و اختك و اخوك .. بسس بطمنك اختك بخير و امك و اخوك ما ادري شقوول ..سكت شوي
وقال بصعوبه :الله يرحمهم .. 
طلال بصراخ و واضح انه بيبكي : انت شتقوول مستحيييييييييييل اي مستشفى .. 
نواف بهدوء : مستشفى الـ....... 
طلال سكر من الرجال و جلس على الارض .. 
طلع ابو راشد و راشد من المكتب على صراخه شافوه جالس على الارض و يبكي ..
راشد بخوف : طلال شفييك !!!! 
طلال و صوته مبحوح : امي و ريان راااحو .. 
راشد بصدمه : شلوون راحو ... 
ابو راشد مو اقل صدمه من عياله : طلااااااال تكلم ..

طلال ببكى : سوو حادث .. قال بنحيب : امي و ريان راحوو .. 
راشد كأنه تذكر : و نجد ..؟! 
طلال : كلمني واحد توو يقول انها بخير .. 
ابو راشد بعصبيه : اي مستشفى !! 
طلال : مستشفى الــ.............
راشد : يالله على السيارة بسرعه .. 
ركضوو لسياره .. وصلو للمستشفى .. 
شافوو خالد و نواف عند باب الغرفه .. 
دخل ابو راشد الغرفه و راشد وطلال راحو لنواف و خالد .. 
طلال : اخوي اي واحد فيكم كلمني قبل شوي ..! 
نواف : انا كلمتك ... و حبينا نتطمن على البنت و احسن الله عزاكم في الاهل .. 
راشد بثبات : جزاكم الله خير .. بسس بسألك شلون كان الحادث .. 
نواف قال له كل شئ صار ..  
عند ابو راشد .. 
دخل عليها الغرفه .. 
كانت جثه هامده لولا انه يشوفها تتنفس كان قال انها ميته .. 
كانت متكوره على نفسها و مافيه اي معالم في وجهها .. لا حزن ولا صدمه ولا شئ .. 
سأل الدكتور عنها قالو انها رفضت يسوون لها كشف اذا فيها كسور او لا .. 
ابو راشد : نجد حبيبتي خليهم يسوون لك كشف عشان نتطمن .. 
كانت للحين متكوره على نفسها و كأن محد يتكلم .. 
عجزو حاولو يتكلمون معها بسس مافيه مجيب ابدا .. 
طلعو من المستشفى و سوو العزاء و خلصو و هي بغرفتها متكوره على نفسها و ما تتكلم .. حتى الغريب انها ما بكت .. 
في الصاله اخر ايام العزاء .. 
راشد : يبه للحين نجد على حالها .. 
ابو راشد : للحين على حالها .. 
طلال : انا بوديها المستشفى حالها ما طمني .. العزاء و خلص .. 
ابو راشد : خلاص بكره نوديها .. 
استأذن طلال منهم و صعد لغرفته و زي كل مره يمر على نجد قبل ما يروح .. 
…………………،……
اليوم الثاني .. 
الساعه 7 المغرب .. 
طلال : رووم رووووم .. 
رووم : نئم .. 
طلال : روحي قولي لنجد تلبس و ساعديها بوديها مستشفى .. 
رووم: تيب .. 
بعد ربع ساعه .. 
نزلت روم وهي ماسكه نجد .. 
راح لها طلال و ركبها السياره و كان فيه ابوه .. 
وصلو المستشفى ..  
بعد دقايق دخلو للغرفه على الدكتوره .. 
ابو راشد : السلام عليكم ..
الدكتوره ريم : وعليكم السلام .. سكتت شوي تتأمل نجد : قبل ما تقول شئ واضح ان بنتك تعرضة لصدمه قويه لدرجة اني ما رح اقدر عليها .. فأحسن شئ احولها للدكتور فيصل هوو ممتاز في هالامور و يتابعها من الاول عشان يعرف يتعامل معها .. 
ابو راشد : والله ما ادري يا بنتي انتي ادرى مني في هالامور .. 
الدكتوره ريم : خلاص عمي انت رح للغرفه الثالثه على يدك اليمين و ادخلو عليه بعطيه خبر .. 
راحو للغرفه و دخلو .. 
ابو راشد : السلام عليكم ... 
الدكتور فيصل ببتسامه : وعليكم السلام .. 
ابو راشد : عطتك الدكتوره ريم خبر .. 
الدكتور فيصل : اي عطتني خبر .. 
ابو راشد : ماشاء الله امداها .. 
الدكتور فيصل بضحك : التقنيه وما تعمل .. 
جلسو على الكرسي .. 
فيصل كان يناظر نجد وهي سرحانه .. 
فيصل : اي عمي وش الحاله ..! 
ابو راشد : والله يا ولدي .. و بدء يقول له القصه << بعد ما سمعها من نواف ..
وهو بنص القصه .. 
صرخة نجد : لااااااا خلاص اسكتوووووووو ... و كانت حاطه يدينها علئ اذانها كأنها ترفض السمع وهي تبكي .. 
ابو راشد سكت مرعوب على بنته .. 
قرب طلال من نجد بيضمها عشان تهدء بسس فيصل منعه .. 
فيصل : عمي ممكن تخلوني اكلمها شوي لحالنا .. 
طلال : انا مارح اطلع .. 
فيصل : لو سمحت اخوي خلها تاخذ راحتها في الكلام ..
طلال: مارح اتكلم بوقف بعيد .. 
فيصل : بمجرد احساسها ان فيه احد منكم مارح تقدر تتكلم .. 
بستسلام طلعو طلال و ابو راشد من الغرفه .. 
بعد دقايق طلع لهم الدكتور فيصل .. 
ابو راشد: هااه بشر.. 
الدكتور فيصل : والله يا عمي ما نطقت ولا حرف ..بسس بما انك تقول رفضت تسوون لها كشف بنسوي لها كشف الان عشان نتطمن .. 
بعد الكشف ..  
فيصل بصدمه : عندها رضوض قويه في اليد اليسرى كيف ما تألمت !!!
ابو راشد : والله يا ولدي حتى العزاء ما حظرته بسس في غرفتها و ماتكلم احد .. 
الدكتور فيصل : خلاص يا عمي بنسوي الي لازم و بننقلها لغرفه .. 
ابو راشد يكلم طلال : طلال رح جب وحده من خالاتك تجي عندها .. 
الدكتور فيصل : لا يا عمي انا بحط عندها وحده من النيرس و ان شاء الله بكره انتم تعالو هالحين مايمديكم .. 
ابو راشد : الله يجازيك خير ياولدي.. 
الدكتور فيصل : ويااك هاذا واجبنا .. 
بعد ربع ساعه .. 
حطوها في غرفه و كانت يدها ملفوفه بشاش .. 
كانت زي عادتها متكوره على نفسها وساكته .. 
دخل عليها الدكتور فيصل .. 
جلس على الكرسي جنب السرير .. 
فيصل : نجد .. ابي اعرف شلون صار الحادث ..  ابوك قالي شئ بسس ما ادري هوو صحيح او لا .. بدء يقول القصه .. 
حس فيها وهي تتحرك شافها قربة من حافة السرير .. و رمة نفسها من السرير ..لولا انه قريب من السرير كان طاحت .. مسكها قبل ما تطيح .. كانت تتحرك بين يدينه .. حطها على الارض و بعد عنها شوي لاحظ انها تبكي .. قامت من الارض و راحة لأبرة المغذي الي كان في يدها و صارت تجرح يدها و تبكي .. ركض لها و فك الابره منها .. 
و حاول يمسكها بسس تتحرك كثير ..كانت مره منهاره .  ضمها بقوه عشان يثبتها .. حس انها هدت لكن لازالت تتحرك .. بسس كانت الصدمته اكبر من الحركتها ..
نجد : والله ما سويت له شئ .. دخل علي في السيارة و هددني ما يساعد امي .. رفع راسي و ضربه في الباب عشان يغمى علي .. بسس كنت حاسه فيه و ما قدرت اتحرك لأنه كان ماسكني .. قرب مني حيل وصار يكمل فعلته .. صرخة : الله ياخذني و امووت الله ياخذني .. 
فيصل من الصدمه تركها .. 
رجعت على السرير و تكورت على نفسها و كملة بكي .. طلع من عندها بعد ما وصى النيرس عليها .. 
راح من دون شعور لحامل اسراره .. ماجد .. 
دخل عليه وهو سرحان .. 
ماجد : هلا والله بالقاطع .. 
فيصل :... 
ماجد :هيييييييييي فيصل اكلمك .. 
فيصل : كنت متوقع ان فيها شئ .. مستحيل كل هالصدمه من وفاة امها و اخوها .. 
ماجد : انت شتقول !! 
فيصل : حكى له السالفه من الالف الى الياء.. 
ماجد : اوف اوف طيب احد درى !! من اهلها .. 
فيصل : لا يارجال البنت توها تتكلم .. و اول مره تتكلم من وفاة امها و اخوها من اربع ايام .. 
ماجد : حسبي الله عليه .. شلون فكر يعتدي في وضعهم هاذا .. 
فيصل : والله مدري بسس عيال الحرام بيستغلونها ....  
ماجد : البنت حلوه  !! 
فيصل : ليش!! 
ماجد : بخطبها .. 
فيصل : من جدك !!!!
ماجد : مدري عنك .. بسس كذا اسأل ... 
فيصل : اممم تقريبا .. 
ماجد : طيب شلون بتقول لأبوها ؟؟ 
فيصل : والله مدري .. انا عندي مناوبه اليوم كله الى الساعه 5 الفجر .. و بطلع و عاد ما يبدى دوامي الا بكره المغرب .. 
و اكيد بيجي ابوها يسألني .. 
اوووف يا ماجد مره متوتر بعد الي سمعته .. 
ماجد : فيصل انت مالك دخل بالي صار لا تحمل نفسك مسؤلية هالبنت .. 
فيصل : انت ما سمعتها يا ماجد شلون تكلمت توو .. صوتها مكسور .. يعور القلب .. 
ماجد : والله مدري شقول لك .. 
المهم خلنا نطلع ندوج في هالاسياب شوي .. 
فيصل : يالله ..
طلعوا و كانو يدورون مرو من غرفتها .. 
فيصل : لحظه ماجد بتطمن .. 
دخلو عليها الغرفه و كانت النيرس توها معدله جلستها و تغطيها .. 
فيصل يكلم النيرس : ما اخبارها ؟ 
النيرس : نامت قبل قليل .. 
فيصل طل عليها و تطمن .. 
طلع برا ما لقى ماجد تلفت يمين يسار مالقاه .. 
التفت للغرفه لقئ الولد واقف جوا .. 
راح و سحبه .. 
فيصل : هيي خير وش تسوي جوا .؟! 
ماجد : بنت اللذين صاروخ .. 
فيصل : هييييه ولد خير !! 
ماجد : اقولك حلوه تقول << يقلد صوته .. اممم تقريبا .. 
فيصل : ليش ما اعجبتك !! 
ماجد : الله من التناكه .. ياخي البنت تجنن وش كلمة تجنن  عندها .. 
فيصل : اقول اكرمنا بسكوتك .. 
جت النيرس .. 
النيرس : دكتور المريضه بغرفه 28 تطلب رؤيتك .. 
فيصل : حسناً..
ماجد : لا تكون هي .. 
فيصل : الا هي ..
ماجد : ماااايصلح اجي .. 
فيصل : اقول توكل .. 
ماجد : اصلا المدير اليوم كلمني يقول ابيك في غرفة رقم 28 تصير مجسم .. 
فيصل : ههههههههههههههههههههههههه الله يقله شيطانك اقول طس بس طس .. 
ماجد بترجي :  طلبتك فصول خذني معك ..
فيصل : ماجد ممكن تنقلع ولا بتتسطر .. 
ماجد : خلاص يا سيد قشطه بروح .. <<و انحاش .. 
فيصل كان بيلحقه بسس من الضحك ما قدر
……………….………
راح للغرفه و كانت راجعه نفس حالتها متكوره و تناظر في الفراغ .. 
دخل عليها و جلس على الكرسي جنبها .. 
مرر وقت و كانو كلهم ساكتين .. ما يبغى يغصبها على الكلام .. ينتظرها تتكلم من نفسها .. سمع صوتها بسس كان صوتها خافت .. قرب من عندها.. 
فيصل : ما اسمعك ارفعي صوتك .. 
نجد : ابي اروح بيتنا .. 
فيصل : ليش!! 
نجد :  ريان حاط لي هديه ابي اشوف اخر ذكرى منه .. 
فيصل : اوكك اقول لأبوك يجيبها لك .. 
نجد : لا ما ابي .. 
فيصل : وش ما تبين !! 
نجد : ابي اروح بيتنا هالحين .. 
فيصل : هالحين ما تقدرين تطلعين من المستشفى .. 
نجد : مابي اقعد هنا .. 
فيصل : نامي هالحين و بكره تطلعين .. 
رجعت لهدؤها و تناظر في الفراغ .. كأنها استسلمت للأمر الواقع ..

 
طلع من عندها و راح لمكتبه .. 
مييت جووع من الساعه 5 المغرب و كل شوي عند مريض .. و هالحين الساعه 3 الفجر ... 
دق على ماجد .. 
ماجد : هلا والله بالجاحد .. شبع من الزين وجاء .. 
فيصل : اقول عن الهذره الزايده خلصت مناوبتك ؟؟ 
ماجد : لا بتخلص معك يا درج .. 
فيصل : ايه زين .. المهم انا مييييييت جوع نط جب لنا شئ ناكله .. 
ماجد : وش تبي .. 
فيصل : اي شئ .. لو تجيب من البوفيه القريبه هاذي .. 
ماجد : اوح اوح كل هاذا جوع .. 
فيصل : يالله ماجد تكفى اقمز قمزة الحمار .. 
ماجد : يقلع تشبيهك .. 
فيصل : هههه يالله بسرعه ..
راح ماجد و جاب لهم شوية فطاير من محل قريب و جاء .. 
وهم ياكلون .. 
ماجد : وش تبي منك سميره ؟؟ 
فيصل بتعجب : مين سميره !!!!! 
ماجد : هاذي الزينه .. 
فيصل الي كان ياكل .. غص و صار يكح .. ماجد عطاه البيبسي .. 
فيصل يشرب .. 
فيصل : الله يخس بليسك وش سميرته انت و خشتك .. اسمها نجد .. بعدين وش دخل سميره مافيه اي تشابه .. 
ماجد : والله مدري جاء في بالي و قلته .. 
المهم وش تبي .. 
فيصل : تقول تبي ترجع بيتهم ان اخوها الي توفى حاط لها هديه و تبي تاخذها .. 
ماجد الي انقلب عجوز قصيميه : يا قليبي و عميري تبي تذكر اخيّها ..
فيصل الي خش جوو : اي والله يا حليلي و عميري ولا بعد يديّتها فيها رضيضان ملفوفتن بشاش .. 
ماجد : اقول ما تحس صرنا في دورية ام السليمان .. 
فيصل ما استحمل و انسدح ضحك على هالمهبول ..
بعد ما شبعو و خلصو .. 
فيصل منسدح على الكنب ... و ماجد على جواله .. 
قام فيصل ولاحظ انقلاب وجه ماجد .. 
فيصل : ماجد شفيك !! 
ماجد : مافيني شئ ..
فيصل : ما اعرفك .. تكلم بسس .. 
ماجد بضيقه : عمي سعد رافع قضيه يبغى الورث يتوزع و عمامي رافضين يبغون عمتي خلود ترجع من السفر .. 
فيصل : طيب وين الي يزعل في الموضوع .. رح تتسكر القضيه لان كلهم متفقين على تأجيل الورث .. 
ماجد : الموضوع مو هنا .. 
فيصل : اجل !! 
ماجد : ابوي .. 
فيصل : شفيه !! 
ماجد : يبي يزوج امل لعبدالكريم ولد عمي .. 
فيصل : ليش ؟؟
ماجد : عشان يصير له نصيب من الورث .. 
فيصل : ليش هوو ماله نصيب ؟؟ 
ماجد : لا ماله نصيب .. 
فيصل : ليش ؟؟ 
ماجد : لأنه اخوهم من ابوهم و مكتوب في الوصيه يتوزع الورث على عيالها و عيال عيالها  بسس .. 
فيصل : طيب امل ترفض .. 
ماجد : ما تعرف ابوي .. الي يبيه بيسويه غصب .. و افكر اخذ امل و مي و نروح نسكن بشقه ..  
فيصل : انا عندي شقه ببيعها لك .. 
ماجد : بكم ؟؟ 
فيصل : بـ3 ريال ..
ماجد : خلها لك ... 
فيصل : اسمع عندي اقتراح 
ماجد : مانيب سامع بروح ادور لي شقه .. 
فيصل : يا ابن الحلال خذ شقتي .. والله ما احتاجها و اذا احتجتها طردتكم منها .. 
ماجد : طيب بسس بستاجرها ..
فيصل : امم طيب يا رجال استاجرها .. 
ماجد : الاجار 1500 كل شهر ...
فيصل : بتستاجر بنك انت !! اقول 400 ريال في الشهر و كثيره ..
ماجد : 1000 ريال في الشهر طيب ..! 
فيصل : قلت لك 400 ريال و كثيره .. 
ماجد : اجل خلها لك .. 
فيصل بعصبيه : والله يا ماجد ان ما رحت و جلست في شقتي و دفعت 400 ريال بسس ليكون هاذا اخر شئ بيننا ..  
 ماجد :900ريال طيب !! 
فيصل : 400وبسس .. 
ماجد : 850 طيب !! 
 فيصل : قلت 400ريال بسس لا تخليني احذف الاصفار هالحين .. 
ماجد : امري لله 400 .. 
فيصل ببتسامه : تقدر تروح لها من بكره .. اعذرني تراها وصخه يعني فيها بيبسي مكبوب و شبس من ثلاث اسابيع يعني اسف .. 
ماجد : بتعطينا شقه وصخه .. 
فيصل : اقول احمد ربك رضيت 400 لأجي افرشك هنا .. 
ماجد : لا يا ابن الحلال خلاص .. 
فيصل : امم و بعد بقولك اي شئ في الثلاجه لا تاكلونه الا شايفين تاريخه لأني صراحه ما اوثق في نفسي اشياء من سنين في الثلاجه .. 
ماجد : لا الرجال بيذبحنا .. اقعد عند ابوي احسن من اموت انا و اخواتي .. 
فيصل : ههههه اقول توكل .. 
ناظر ساعته .. 
ماجد : يالله انا بروح البيت تامر شئ .. 
فيصل : سلاامتك .. 
ماجد : تعال اوديك .. 
فيصل : لا يمكن اتأخر .. بروح اشوف بعض المرضى و بطلع .. 
ماجد يغمز : بعض المرضى !! ولا مريضه .؟ 
فيصل : انقلع لأطب في بطنك .. 
ماجد : شكلي مارح اطلع من المستشفى .. 
فيصل بفهاوه : ليش !! 
ماجد : منك .. مره تقول بفرشك هنا و هالحين بتطب في بطني .. 
فيصل : الله من ظرافتك .. انقلع بسس لأخواتك .. 
ماجد : على راسي والله ابو منصور .. 
فيصل بعصبيه : ماجد .. منصور هاذا ما تجيب لي طاريه .. 
ماجد : اقول فيصل وش منصور بسس عيب ياخي تراه ابووك ..
فيصل : انا ما عندي ابو و لو بيصير لي ابو بيصير عمي خالد .. 
ماجد : هالحين تفضل زوج خالتك على ابوك .. 
فيصل بعصبيه : هالي تقول عنه ابوي ما دريت عنه الا من اربع سنين ولا عمري شفته الا مره وحده في حياتي .. وزوج خالتي هوو رباني وهو ابوي وقسم بالله على فقره الا انه اطيب من ابوي بمليون مره .. 
طلع و ترك ماجد في الغرفه ..
راح يمشي في الممرات بين الغرفه بعصبيه .. 
شاف وحده من الغرفه يدخلونها الاطباء .. و النيرس تطلع تركض .. 
فيصل : لا حول ولا قوة الا بالله .. 
تعدى الغرفه و راح للرسبشن .. 
وقف بصدمه مايقدر يستوعب الي شافه .. تذكر الغرفه و تذكر رقم الغرفه ..
غرفه رقم 28 يدخلونها حوالي 3 اطباء..…………………………………….


اتمنــــى يعجبكم البارت ..
لا تحرموني رايـــكم ..
محبتكم ..
فينكـــــا ..


mouka ©؛°¨غرامي فعال ¨°؛©

مشكورين على الردود ما قصرتو بسس بكمل ..

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1