عرض نتائج التصويت: حلوه الروايه ؟
ممتازة
33.33%
1
جيده
33.33%
1
عاديه
33.33%
1
سيئه
0%
0
M$HM$H ..! ©؛°¨غرامي جديد¨°؛©

بسم الله الرحمن الرحيم ...
حبدأ اليوم اول رواية ليَ و اتمنى انها تنال اعجـاب الكل ..
مَ حطول كثيير لاني مَ احب المقدمات ..
اخليكم مع الرواية ..

{ نبرته ذيك الحنونة اوحشتني }

..
..
..
البارت الاول ..
دخل البيت و استغرب النور كله طافي ..
راح ع الكيبل و فتح النور بس مَ لقى احد فَ الصاله استغرب و قعد ينادي اخواته ..

زيـاد : يَ وسسن سووسوو ..طيب نجرب رسن .. رسسن يَ رورو .. طيب معليش نشوف شجن ..
شيجوو شيجوو .. كأني مصفوف { مسحوب عليه ^_^ } خلاص شكلهم كلهم نامو .. اطلع غرفتي استرلي ..
وجاء بيطلع سمع صوت فـ المطبخ طالع ساعته : غريبه مين من الخدامات بتكون صاحيه !
دخل و شاف اخته سديم طالع فيها و هيَ تشرب العصير و تطالع فيه بغباء
زياد : لايكون انصنجتي حبيبتي !
سديم : بسم الله عليَ .. و بعدين ليش ؟
زياد: لكي عين تسألين ليش كمان !
سديم : يب لي عينين وربي ..ايوا .. ليش ؟
زياد : لاابداً طال عمرك .. ليا ساعه انادي و ع بالي محد فيه و انتي حضرتكي هنا و صافتني هاا
سديم : اعتقد انك ناديت التوأم مَ ناديتني اناا
زياد : ايوا بس لما شفتي محد رد ليش مَ رديتي
سديم بطفش : خلااااص حااضر لو ناديت ايرنا كمان لو تبغا بقول نعم كذا حلو دكتور زياد ؟
زياد بأابتسامه : ايوا كذا حلوين .. الا مَ سألتك ؟
سديم : عن !
زياد : وين التوأم ؟
سديم : فـ زواج صحبتهم ..
زياد خاف و بربكه قال : اي صحبه ؟
سديم بدون اهتمام : حنان
زياد سكت شويَ و بعدين قال بضيقه : اها .. طيب بروح انام
سديم بأابتسامه فهمت عليه : لحظه زيزو
زياد بضيقه : ها اخلصي !!
سديم : اححم .. ترا مو حنان الي بالي بالك لا هاذي حنان وحدهه ثانيه جديده يعني من بنات الجامعه
زياد ابتسم براحه : اي حنان الي بالي بالك ؟؟
سديم : انت ادرى فيها و ابتسمت و مشيت تغسل الكاسه ..
ابتسم و سكت شويَ بعدها تذكر و كشر و قال : و بأمر مين يروحو و مع مين اصلا ؟
سديم : بأمرك انتَ
زياد : محد كلمني انا
سديم : يب يقولو جوالك مقفل و صحبتهم مرا و كذا و ارسلولك و راحو
زياد : اها يب صح قفل جوالي .. بس برضو لازم مَ يخرجو الا لما يكلموني
سديم : صحبتهم مرا طيب
زياد : حتى لو .. و اصلا مع مين راحو ؟
سديم : مع الي بالي بالك و ضحكت
زياد بأابتسامه : اهاا .. اوك كذا عادي .. و انتي ليش مَ روحتي معاهم ؟
سديم بدون اهتمام : تعرف مَ احب المناسبات الي كذا و لااحب اختلط مع الناس
زياد قرب لعندها: سيمو حبيبتي
سديم بربكه : هـ ـ هلا
زياد : انسي الي صار و خلاص الي راح راح
سديم نزلت راسها و زياد مسكها من كتفها و قال :سيمو انتي لازم مَ توقفين حياتك ع شي كذا المفروض تطلعين تشوفين الناس انتي حتى صحباتك
مَ قد قولتيلي بروح عند فلانه و لافلانه بتجيني حتى جمعتنا ببيت جدي تجلسين هنا لوحدك و مَ تروحي و هاذا و هم اهلك و لازم مَ نقطع حس امي و ابويا الله يرحمهم ولازم كلنا نروح
مو بس انا و التوأم .. خلاص سديم انسي الي صار و عيشي حياتك ربك كريم اطلعي شوفي الناس و لو تبغينا نروح ايطاليا نروح لعيونك اعرفكي عشقك ايطاليا
, ها اش رايك , اخذ اجازة و نروح ؟
سديم بضيقه : لا زياد عندي مدرسه و البنات جامعتهم , ماهي زابطه لا
زياد : طيب بكرا جمعه يعني حنروح بيت جدي روحي معانا عشاني والله حتنبسطي
سديم: بليز زيزو ماابغى اخرج لاحد , مَ ابغى اردلك طلب بس اعذرني مَ اقدر
زياد تنهد: براحتك حبيبتي مَ حأضغط عليك و لاحاأجبرك ع شي مَ تبغينو ..
و قرب يبغى يحضنها سديم رجعت ع ورا بسرعه و صقعت بالكاسه الي كانت بيدها و طاحت و انكرست .. صارت تتنفس بصعوبه و يدها صارت تنزف
زياد بخوف : سديم اهدي فيك شي .. يدك تعورت ؟
سديم تتكلم بصعوبه : اابــ ـ ـ ـبـ ـ ـغـ ـ ـ ـ ــى اطــ ـ ـ ـ ـلع غــ ـ ـ ـ ـ ــرفتي
زياد بخوف : طيب اعقملك جرحك و بعدين
سديم هزت راسها بلأ و اشرت ع الدرج
زياد هز راسه بأسى : طيب شويَ شويَ و غسلي يدك لما تطلع
و بعد عن طريقها و سديم طلعت بسرعه ع غرفتها و سكرت الباب و راحت ع سريرها و اتكورت ع نفسها و قعدت تبكي بصوت منخفض ..
زياد طلع غرفته و مر من غرفة اخته و سمع انينها و تنهد بأسى ع حال اخته و دخل غرفته

..
..
..
عند التوأم ^_^

شجن ترقص مع صحباتها و وسن و رسن جالسين مع صحباتهم خلصت الاغنيه و نزلت شجن و جلست بين اخواتها و حطت راسها ع كتف رسن و رفعت رجلها ع وسن ..
شجن : اااهه مو طبيعيه هالدخوون لبببببببببببااههااا والله
وسن دفت رجلها : وجع استحي ع وجهك اكبر منك اناا
شجن بضحكة : بنص ساعه بس
و دق جوال شجن بنغمة انت كافي طالعو ببعض و راحو الثلاثة ع الحمامات و فتحو السبيكر
زياد : بدري مدموزيل شجن
شجن دفت وسن ع تتكلم ..
وسن : هلا والله يالغالي .. سامحنا فديتك بس والله البنت عزيزه علينا ممرا و مَ قدرنا مَ نحضر زواجها
زياد : قبل مَ اهزئكي مين انتي ؟
طالعو فـ رسن لانو زياد مسستحيل يهزئها ..
رسن تكلمت بربكه : اناا رسن زيزو حبيبي
زياد : هلا .. ليش تطلعون بدون علمي رورو تخيلو صار فيكم شي اش يصير فيني اناا اتجنن وربي
رسن : بسم الله عليك يَ الغالي .. و بعدين مَ باقي شي ع الزفه تنزف و نجي ع طول والله حتى مَ نتعشى
زياد : اسمعوني ي الثلاثي انتو
الثلاثة بصوت واحد : آمر
زياد ضحك : لبـآكم والله , مَ يأمر عليكم عدو حبيباتي , دحين اسمعو خلي صحبتكم تنزف و اتعشو و اجلسو معاها شويا و بعدين تعالو
الثلاثة بصوت واحد : ححاااضر
جاهم صوت حنان : شييججو سسريع الاغنيه الي يحبها قلبك تعاالي
زياد ابتسم و انبسط ع صوتها : رسن حبيبتي ابغاكي شويا يلا شجن وسن امشو سريع
شجن و وسن : اوك تيك كير و راحو مع حنان
رسن قفلت السبيكر : شو زيزو فيك شي ؟
زياد : يالتيني انا الي فيني
رسن : اشبك زياد احد فيلو شي ؟
زياد: سديم ي رسن سديم
رسن بخوف حطت يدها ع قلبها : اشبها اش صارلها ؟
زياد حكالها الي صار
رسن تكت ع الجدار : ي الله طيب فينها دحين ؟
زياد: بغرفتهاو مقفله الباب
رسن : طيب خلاص جايين دحين
زياد : لالا , خليكم انتو و لما تجو كلموها مَ ابغاها تحس انو فيها شيء او شيء زي كذا
رسن : اوك خلاص الي تشوفه
زياد : اوك حبيبتي انتبهي لنفسك و لأخواتك و انبسطو طيب حبيبتي
رسن : اوك و انت تعشى و نام اوك ؟
زياد : اوووك حبيبتي .. يلا باي
رسن : بااي حبيبي و قفلت و راحت عند البنات و تفكر بحال اختها ...


..
..
..
..
نهاية البارت الاول ..
اذامَ لقيت تفاعل حقفلها و عادي
1- اش رايكم بالروايه كبدايه و كأول روايه ليَ ..؟ ( اتقبل النقد غير الجارح ^.^ )
2- اش الي يصير بسديم ؟ و اش الماضي الي تكلم عنه زياد ..؟
و توقعاتكم الثـــــــانيه ..

همس الغلآا ©؛°¨غرامي مجتهد¨°؛©

رووووووووووووووووعه
بدايه حلوه واصلي

أنفاسي عطر ©؛°¨غرامي متألق ¨°؛©

بداية حلوة وموفقة

اتوقع سديم صار له موقف احد تحرش فيها علشان كذا بعدت عن الناس


في انتظار البارت القادم يالغلا

دلع ريميه ©؛°¨غرامي فعال ¨°؛©

بدايه موفقه
بس ليش اللون تفاحي ناويه تعميينا انتي هع

همسات وردة ©؛°¨غرامي فضي¨°؛©

السلام عليكم ورحمة الله

حياك الله بغرام .. واضح ان سديم لها ماضي خلاها تسد كل ابواب الحياه
قبل ماتنفتح لها .. اعتقد انها تعرضت لتحرش او اغتصبت ..
خوفها ورعبها حتى من اخوها يبين ان الذكرى رجعت لها مباشرة ..
حبوبه اعتمدي لون واضح ولا عليك امر لان الاخير مزعج للعين ..



http://forums.graaam.com/458176.html


ياليت تطلعي على هالموضوع اكيد بيفيدك


http://forums.graaam.com/420685.html


بالتوفيق ان شاء الله

M$HM$H ..! ©؛°¨غرامي جديد¨°؛©

مممرحححبا ...
فَ البداية مشكوورين ع الردود جد فرحتني مع انها قليله هههههههه
بس فرحتني بجد .. و اللون التفاحي مع اني اعشقو بس ابشرو مَ حنزل بارتات فيلو ..


و هذا البارت الثانيَ لعيونكم
..
..
قراءة ممتعه للجميع


البارت الثاني :
بعد ساعه و نص عند التوأم ...
شجن دفت رسن بقوه : هههيي اتكلم اناا
رسن بعصبيه : و بعدين معاكي انتي كم مرا اقول لا تدفيني بالطريقه هاذي
شجن بعصبيه كمان : مو منكك تعصبين من الي تفكرين فيلو انا بفهم زيزو اش قالكك و قلب حالك كذا
رسن : شيء بيني و بينو اش دخلك انتي
وسن : بسس انتي و هيا ازعجتوني ..
و تقوم شجن من مكانها و تجلس هيا بالنص
وسن : الي تفتح فمها بعد كذا عشان تتضارب مع الثانيه حأكب العصير كلو فِ وجهها فهمتو
رسن لفت بعصبيه و جاتهم حنان
حنان : خير خير اشبكم اخلاقكم قافله اش حصل
شجن جات بتتكلم وسن رفعت العصير و سكتت
وسن : تضاربو كالعاده
حنان : وربي انكم سخيفات و مَ عندكم سالفه
و تمسكك شجن : قومي بس خلينا نرقص
و تقوم شجن معاها و يروحو يرقصو
وسن بعد مَ راحو : اشبكك انتي قافله و عصبتي عليها
رسن : بعدين تعرفو
وسن : متى بعدين ؟
رسن بنرفزة مالها داعي : قولت بعدين
وسن : ول مسرع عصبتي خلاص طيب ي كلمه ارجعي مكانكك
رسن مَ ردت
و بعد نص ساعه
شجن : ها نمشي دحين ؟
رسن : يب بس نسينا نكلم زيزو يجينا
وسن : يعني مع مين نرجع يقوم الله لا يهينو
رسن : لا حرام دوبو نام شكلو و بعدين بكرا جمعه حيصحى بدري
شجن : خلاص اش نسوي لازم نصحيه
و رفعت وسن جوالها بس حنان منعتها
حنان : لا خلاص انا اوصلكم حيتعب حرام
رسن : بس مع مين لو ابوكي لا
حنان : ممرا دحين ابويا قام من نومتو عشاني هههه لا يَ ستي هيمو الي جاي
شجن : لا فشله اخر الليل و من زواج خارجين و نرجع مع اخوكي
وسن : يب مرا فشله اش يقول عننا
حنان : امشو بس مَ لقيتو الا هيمو لو غيرو يمكن بس هيمو
بالعكس
رسن : لالالا مَ يصير
حنان : لا يصير يلا البسو عباياتكم بس
شجن : خلاص ندق ع زيزو روحي انتي
حنان : ترا حزعل لو مَ مشيتو معايا الي يشوفكم مَ يقول
جيتو معايا
رسن : بس جينا مع السواق
حنان : يَ اومي اعتبريه السواق و امشي
شجن و رسن طالعو فِ وسن
وسن : خلاص اش نسوي مافي حل غيرو البسو عباياتكم يلا بس
حنو كلمي اخوكي قبل اوكك
حنان : اووكي
و راحو يلبسو وحنان كلمت اخوها
و اول مَ دخلو السياره وسن بصوت واطي : السلام عليكم
ابراهيم : وعليكم السلام
و لف ع اختو : ها احرك ؟
حنان : يب خلاص
و لما وصلو نزلت رسن ووراها وسن
اما شجن قبل مَ تنزل : مشكور ابراهيم .. تعبناكك
ابراهيم : ولو مَ سويت شيء
شجن ابتسمت : باي حنونه
حنان : باي حبيبتي
و نزلت شجن و دخلو البيت
رسن طلعت ع غرفة سديم و استغربو البنات تصرفها فمشيو وراها شجن : رورو فين رايحه البنت نايمه اكيد دحين
رسن : لا مونايمه
وسن : اش عرفكك انتي يمكن نايمه وي
رسن وقفت و لفت عليهم : زياد لما كلمني قالي انها تعبت و سكتت شويا وتنهدت و قالت تعبت زي المره الي فاتت
شجن وقفت بصدمه : لالالا مَ تعبت تمزحي
و طلعت ع الغرفه و فتحت الباب لقيت اختها متكورة ع نفسها و تبكي شجن حن قلبها ع اختها الي تحبها اكثر من نفسها و تحسها اقرب لها من توأمها تحس بدموعها هاذي خناجر تجرح قلبها ..
شجن راحت لعندها و بصوت واطي : سيمو
سديم رفعت راسها و كان عيونها و خشمها محمرين من البكاء و اول ماشافت اختها حضنتها و قعدت تبكي
شجن حضنتها و مسحت ع راسها و مَ تحملت منظر اختها كالعاده و قعدت تبكي معاها و اما رسن كانت واقفه عند الباب و مو عارفه تتصرف
تحركت وسن و مسكت شجن و هدتها و جلستها بعيد و مسكت سديم و حضنتها و مسحت ع راسها : اهدي حبيبتي و قوليلي اش حصل
سديم و هيا تشهق : وسن اشوف زياد فيلو اشوفو بكل الناس و رجعت تبكي
وسن حضنتها : خلاص حبيبتي هدي
سديم بصوت مبحوح : الله لا يوفقكك ع الي سويتو و رجعت تبكي
وسن : الله ينتقم لكك منو لا تعذبين نفسكك و لا تسوين كذا اهدي حبيبتي
رسن اخذت شجن و طلعت من الغرفه
و راحو ع غرفتهم
فِ غرفة التوأم بعد مده مو طويله ..
شجن : رسن
رسن : هلا
شجن : .......
رسن لفت عليها : اشبكك تكلمي
شجن : لو امي و ابويا لسى عايشين كان محد تجرأ و عذبها و لا مسها بشر مو ؟
رسن تنهدت : لو امي و ابويا عايشين ماكان شوفنا التعاسة و لا ذقنا العذاب بيوم
شجن نزلت راسها و قعدت تبكي : الله لا يوفقهم
رسن حضنتها : استغفري ربكك و لاتدعي ع احد ربكك مايخلي عبدو و راح يجي اليوم الي نرتاح فيلو من ظلمهم و عذابهم
دخلت عليهم وسن و شافت شجن تبكي بحضن رسن و رسن تداري دموعها عشان تهدي اختها ..
قربت منهم و حضنتهم و هما ارتخو فحضنها طول عمرهم يحسوها امهم مو اختهم ولا حتى توأمهم يمكن عشان هيا الوحيده الي تتحمل المسؤليه بينهم ..
باست راس كل وحده و قالت : يلا روحو نامو و انا حنام عند سديم
شجن : كيفها ؟
وسن : كويسه هدت و نامت ع طول
رسن : الله يكون فعونها
و نامو رسن و شجن فغرفتهم و نامت وسن عند سديم
..
..
يوم الجمعه
يندق الباب بغرفة التوأم و تقوم رسن تفتح الباب
زياد : صباح الخير
رسن : صباح الورد
زياد : يلا تأخرنا اليوم
رسن : اوك اوك بس اقوم شيجو و نجيك
زياد : طيب عجلو بالله .. اقولك
رسن : قول
زياد : ناديلي وسن
رسن : نامت عند سديم امس
زياد : اها اوك
و راح زياد لغرفة سديم دق الباب بشويش
تفتح وسن الباب : هلا زيزو
زياد: كويس انكك صاحيه .. كيفها
وسن : الحمدلله احسن
زياد تنهد : الله يعينها
وسن : امين
زياد : اقولكك ..روحي شوفيلي اخواتك مرا تأخرنا ترا
وسن : اوك بس اسمع
زياد : سمي
وسن : انا مَ حروح معاكم و اذا احد سأل قولهم سديم مسخنه و انا جلست عندها
زياد : ليش فيها شي سديم ؟
وسن : لا بس حابه اجلس معاها
زياد : اوك
و نزل زياد دخل المطبخ
ايرنا : قودمورننج سير يبا سوي بريكفاست
زياد بضحكه : محد يونسني بنص همي الا انتي
ايرنا : اس بي قول انت سير انا مافي يفهم
زياد : انا في قول صبيلي عصير
ايرنا : اوك سير
شرب زياد العصير و طلع من المطبخ
زياد : شجن و رسن وربي اعد الين خمسه مانزلتو بمشي و اسيبكم
وواحد


اثنيين


ثلااثثه


ارربعه


تنزل رسن بسرعه و تحط يدها ع فمه : خخلاص جينا وي
زياد : وين شجن ؟
شجن : اهو نزلت
زياد : طيب يلا نمشي
شجن و رسن : يلا
و راحو بيت جدهم
فِ بيت الجد
دخلو زياد و اخواتو
توقف الجده : هلا والله .. نور البيت
زياد يسلم عليها : منور فيكي
الجده و هيا تسلم ع البنات: اشبكم تأخرتو اليوم مو عادتكم
شجن : لا بس امس روحنا زواج صحبتنا و راحت علينا نومه
الجده : كويس اذا مافيكم شر بس .. الا انتو اثنين بس وين الثالثه رسن صح ؟ شجن اعرفها شعرها غير لاكن وسن و رسن الي ربي مو مَ قدرني افرق بينكم الين دحين
رسن : هههههههه لا ي جده انا رسن وسن هيا الي مَ جات
الجده : عسى ماشر
شجن : الشر مَ يجيكي بس سديم تعبانه شويا و قعدت عندها وسن
الجده : مَ تشوف شر اجل
و يجلسو البنات عند الحريم و زياد يروح عند الرجال
فِ صالة الحريم .....

..
..
نهايه البارت الثاني ..
توقعـاتككم ..

M$HM$H ..! ©؛°¨غرامي جديد¨°؛©

اتعبني خيالك ©؛°¨غرامي مشارك¨°؛©

بداية موووفقـه ...

M$HM$H ..! ©؛°¨غرامي جديد¨°؛©

الســــــــــــــــــــــــــــــــلام عليــكم ..
كل عام و انتو بخير .. و مباركك عليكم الشهر .. و ينعاد عليكم بالصحه و العافيه يـــــــــــــــــــااااارب

حبايبي معليش هالفترهه مَ اعتقد اقدر انزل بارتات لانو رمضان و تعرفو كيف حوستو ع العموم اي وقت بكون فاضيه بنزلكم بارت باذن الله

تقبل الله صيامكم و استودعتــــــــــــــكم الله :)

همسات وردة ©؛°¨غرامي فضي¨°؛©

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك
تغلق الروايه

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1