غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 171
قديم(ـة) 13-11-2012, 09:50 PM
صورة بيبي الشقية الرمزية
بيبي الشقية بيبي الشقية غير متصل
©؛°¨غرامي مجتهد¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


روعة البارت
تسلم ايدج
اتمنى الاوضاع بين محمد وغادة تتحسن
وبانظارج عزيزتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 172
قديم(ـة) 14-11-2012, 11:30 PM
صورة كلي سنع الرمزية
كلي سنع كلي سنع غير متصل
©؛°¨غرامي جديد¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


يهبل البارت
تسلميييييييييييييييين فديتج
حمستيني ابا اعرف شو بصير

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 173
قديم(ـة) 21-11-2012, 09:31 PM
صورة كتكوته والشفايف توته الرمزية
كتكوته والشفايف توته كتكوته والشفايف توته غير متصل
©؛°¨غرامي مشارك¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


الجـــــزء الثالث والثلاثين



((مليــت قل العطاء وآحسآسك آلمخـفي .. مليــت تقسـي علي وأسـأل عن علوومكـ .. يـآ سهــل مـآ تقتــرب يـآ سهل مـآ تقفي ..كنـك ملكـت آلفرآآق ولذة قدوومك!! ))

\
\
\



نشيت وأنا اسمع فوني يأذن .. منزله فيه برنامج الأذان ..خوزت اللحاف عني وحطيت ايدي ع راسي ..حسيت عمري حاره .. مسكت تليفوني أشوف الساعه حصلتها 12 ونص بتوقيتنا .. رفعت راسي أدور محمد بس ما حصلته ..قمت من ع الشبرية وأنا احس بدووخه ورحت صوب الشنط ..أبا أظهرلي ملابس عشان أسبح .. أنتبهت أن ووحده مفتوحة امممم اكيد مالت محمد ..رحت صوب الثانية وفتحتها ..يلست أجلب فالأغراض بعصبيه .
الخايس يايبلي أغراض على كيفه .. تميت أمسك بيدي نوعية الملابس اللى أقدر اللبسها وأفر الباقيات بعيد لين ما أنتبهت أن الشنطه صارت فاضيه .. وأغلب الملابس ما أقدر البسها جدامة..اففففف حقير واحد .. شو هالملابس اللى يايبنها لي ..حريمته ألبسها حقه .. حسيت بضيقة وقهر..أدريبه متعمد يسوي فيني جيه ..بس ما عليه محمد ..براويك
شليت لي بدله محترمه ورحت الحمام أسبح .. خلصت وظهرتلي كريم وتميت أدهن جسمي .. ودمي أحسه يثوور من محمد ..بصفته شو يحطلي ملابس ع كيفيه .. قااهرني والله ..رحت صوب تليفوني ومسكته .. أبا أطمن أهلي علي ..اكيد يحاتوني .. لا سلمت عليهم ولا أتصلت حتى .. اكيد بيتشرهون علي .. شف بطارية الفون حمراء ..ياربي وين الشاحن ماله .. دورت فشنطتي وما لقيته ..رحت صوب شنطت محمد ..وأول ما فتحت الشنطه
أنفتح الباب ..صديت شفته يدخل الغرفة
أرتبكت شوي وقتله : عبالي شنطتي
ابتسم وهو يطالع شنطتي .. كانت مفتوحه والأغراض ظاهره منها
قهرني ببتسامته ..شو يفكر حضرته .. شو أبا يعني فأغراضه
وقفت : أبا أرمس أهلي
محمد : أتصل منصور علي من شويات كان يبا يرمسج بس قتلهم انج راقدة
عصبت : وليش ما وعيتني أن شاء الله ؟؟
محمد : ما بغيت أخرب عليج نومتج
غادة : لا والله ما بغيت تخرب علي نومتي ولا بالعمالة ما وعيتني
محمد : وليش يعني ما ابا أوعيج ؟؟
غاده : ما دري عنك .. أسأل عمرك هالسؤال .. ما يسدك مسفرني بدون ما أشوف أهلي .. والحين ما تباني أرمسهم ..أنت ما عندك قلب ما تحس " طالعت شنطتي وأشرت عليها " وبعدين خبرني شو هالأغراض اللى حاطنها بشنطتي .. وبصفتك شووو عشان تحط أغراضي بالشنطة ..وتحدد شو البس وشو ما ألبس
محمد :بصفتي ريلج وأبو عيالج فالمستقبل
من قال أبو عيالج صرخت عليه : جببببب أسكت
حسيت الكلمة من قوتها هدت حيلي وقطعت يوفي ..ريولي ما قدرت تشيلني وطحت ع الأرض .. ما أكتفت بهذا بس ..أمتصت بعد كل الطاقة اللى فيني..ما رمت أتحمل قوتها وتميت أصيح وأصارخ شرات المينونة وقول كلام مب مفهوم .. صحت بهستيريه مب بس من الكلمة اللى قالها ..
صحت من كثر شوقي لأهلي ..ومن كثر خوفي من المستقبل .. خوفي من الأيام المجهولة اللى بعيشها معاه
نزل وقعد حذالي :قطعتي قلبي أهدي
كنت أحس بأرهاق بتعب ..مسحت دموعي وقتله : أبا ارمس اهلي
رد علي : أن شاء الله
شفته وهو يمسكت تليفونه ويتصل ..
عطاني الفون
مسكته .. سمعته يرن شوي عقب رد منصور
منصور : الووو حمود
غاده : منصور
منصور : هلا حبيبتي شحالج ؟؟ شخبارج ؟؟
غاده : الحمد لله بخير ..أنت شحالك ؟ وشحال أهلي مشتاقتلكم ووايد
منصور: كلنا بخير وعافيه .. أتصلت عشان أطمن عليج بس كنتي راقده
كنت أمسح دمعه وتنزل الثانيه ..ما كنت أبا أحسسه أني اصيح ..رديت عليه : خبرني محمد
منصور : شو فيه صوتج حبيبتي
غاده : ما فيه شي
منصور :أنتي تصيحين ؟؟؟؟
ما قدرت أستحمل وأنفجرت ع التليفون أصيح : أشتقتلكم ووايد
منصور بخوف : غااادوه رمسي فيج شي
رديت عليه : لا والله بس مشتاقة .. مب متعودة ع بعدكم
منصور براحه : حبيبتي غادوة أهدي خوفتيني عليج .. كلها كم يوم وبترجعيلنا بالسلامة ..الحين أستانسي ولا ضيجين ع روحج
أبتسمت : أن شاء الله بس عطني أرمس أبوي وام
قاطعني : ما بخليج ترمسينهم وأنتى جيه حالتج ..تعرفين أمايه بتتعب بعد ما تسمع حسج ..أنا بطمنهم عليج وبقوللهم انج تسلمين عليهم ووايد
يت عيني فعين محمد وشفته يطالعني بضيج
غاده : منصور
مشاعل : غادوووو شحالج
غاده : مشاااااعل ..الحمدلله حبيبتي وانتي شحالج ؟
مشاعل : يسرج حالي ..هاه شو ماليزيا ؟؟ان شاء مستانسه
غادة : مستانسه ووايد
مشاعل : شعليج راعية ماليزيا ..الله يدووم عليج هالوناسه يارب
ارمسها وأصيح : امين حبيبتي .. مشاعل ولهانه عليكم وايد
مشاعل : ونحن مشتاقيلج بعد.. بسج صايح غادوه كلنا بخير وما فينا إلا العافيه
شفت محمد يقرب علبة لكنينكس صوبي .. مسكتها ودزيتها صوبه .. ومسحت دموعي بيدي : أن شاء الله حبيبتي ما بطول عليج ..سلمي ع الكل
مشاعل : يوصل حبيبتي ..بعطيج منصور يبا يرمسج
كملت جملتها عقب سمعت حس منصور : غاادوه
رديت عليه : وياك منصور
منصور : لا تتضايجين .. كلها أيام وبترجعيلنا .. وما أوصيج شوفي الدنيا هناك وصوري عاد لا تستوين نذلة نبا نشوف
أبتسمت : ان شاء الله
منصور : ريحي الحين وخلاف دقي حق أمايه وطمنيها عليج .. تراج من عرستي مسويه طاف للكل عاد قلنا عروس خفي علينا
غاده : ههههههههههههه والله مب ناستنها ناويه أتصل عليها
منصور : زين تسوين ..عطيني حمود شوي ؟؟
صديت صوبه وما حصلته
غاده : محمد فالحمام الحين
منصور : تمام عيل سلمي عليه وايد
غاده : يوصل
منصور : مع السلامه حبيبتي ربي يحفظج
غادة : مع السلامه

سكرت عنه وغطيت ويهّي بديني وتميت اصيح ع الحال اللى أنا فيه .. تعبت وأنا توني فبداية المشوار .. وراج درب طووويل يا غاده ..المفروض أكون اقوى عن جيه وما أتأثر بكلامه ولا أتحسس .. اااااااااه ..يارب تصبرني وتقويني .. حسيت بعوار فرآسي .. مسكته بديني الثنتين وضغط عليه .. يمكن يخوز الآلم ..بس للأسف أحس العوار يزيد
محمد : راسج يعورج ؟
خوزت اديني وصديت ع مصدر الصوت وشفته قاعد حذالي ..
ماعرف من وين ظهر توه كان مختفي ..رديت عليه : هيه عندك بندول ؟؟
محمد : لا ما عندي ..خليني أهوس عليج وصدقيني بترتاحين
تقرب مني ومسك راسي وأنا ما منعته ..أبا ارتااح من هالعوار بأي طريقه ..أحس راسي بينفجر
مسكني عدل :يااااااااااربي أنتي حاااره
حط ايده ع خدودي وع رقبتي يتهيس حرارة جسمي .. وحصلني حااره
محمد : انتى محمومه حبيبتي عشان جيه يعورج راسج من قوة الحمى
وقفني من على الارض وساعدني لين ما وصلت السرير
أبتعد عني ثواني ورجعلي وهو ماسك عباتي
طالعته : ليش يايب عباتي
محمد : بوديج العياده او المستشفي اي مكان حياااتي بس أطمن عليج
رديت عليه : مابا اروح مكان ..أبا أرقد الحين
محمد مسك ايدي وحاول يقومني من ع الشبريه بس ما خليته
تلحفت وصديت الصوب الثاني عنه : أبااا ارقد محمد ..خلني ع راحتي
محمد يحط ايده ع راسي : خاااايف عليج
تم كلامه يتردد فبالي "..خايف عليج ..خايف عليج ..خااايف عليج .."
اسمحلى محمد ماقدر أصدقك ..ماقدر ..اللى شفته منك مب شويه ..بس احسه لخبط أفكاري ..
عيونه..حركاته ..كلامه .. كل شي فيه احسه صادق معاي ..كيف جيه ياربي ؟؟كيف يقدر يمثل على بهالطريقة ..وأنا الغبية كيف حسيت بهذا كله ..كيف ألتمست الصدق فحركاته معاي وأنا أعرف زين انه يمثل علي ويبا يقص علي .. يارب ترحمني برحمتك .. هذا لوتي عود وأنا لازم ما أصدق ولا شي من اللى أشوفه جدامي ..لا كلامه ولا حركاته ولا سكوته عني .. اكيد يباني أرحمه عشان جيه يستخدم معاي هالأسلوب ..بس ما عليه محمد ..ما عليه .. براويك كيف تلعب فيني .. غمضت عيوني وأنا أحاول أطرد هالأفكار من بالي ..ورحت بسابع نومه
.
.

نشيت وأنا احس بحرارة ..فريت اللحاف عني بعيد ..
محمد لما أنتبه علي يااني وقعد ع طرف الشبريه : زين يوم نشيتي كنت أحاتيج وايد ..شووو تحسين عمرج الحين ؟؟
حطيت ايدي ع حلجي وتميت أكح بقوو .. أحس الكحه ما تظهر من صدري تظهر بطني من قوتها
محمد تقرب مني أكثر وحط ايده علي وبنره عاليه : غااادوه انتي حااااره وايد ..قومي قومي بنروح المشفي
حاول ينزلني من ع الشبريه بس ما خليته .. رغم اني تعبانه بس كارهتنه من الخاطر
بصوت خفيف رمسته : بروحي بقوووووم
قمت من ع الشبريه بصعوبه ودشيت الحمام ..ظهرت عقب وما حصلته فالغرفه ..
وأنا أطريه دخل الغرفه : حياتي رحت أتصل ع الفندق عشان يطرشون الباص وتأكدت انه موجود تحت
ما رديت عليه .. رحت صوب عباتي ولبستها ولما وصلت للباب وقفت وشفته بعناد : مااابا أسير
محمد : لا بتسيرين مب ع كيفيج حبيبتي
مسك ايدي بقوو وفتح الباب ونزلنا من الكوخ ووركبنا الباص ووصلنا لين الفندق الأساسي فالرسبشن عقب محمد طلع متفق مع تكسي عشان يوصلنا المشفي اللى عندهم
ركبنا التكسي وأنا هلكانة ..تمينا حوالي ساعة ونص ندور عيادة فاتحه عشان ناخذ دواء منها بس للأسف كل شي مبند .. المحلات اللى مفتوحه تنعد ع الأصابع ..ومحد موجود فالشوارع ..اكيد الوقت متاخر..
طالعت محمد حسيته مضايق ..
سألته : كم الساعه الحين ؟؟؟
محمد : اكيد تتحسبين الوقت متأخر .. شوفي الحين الساعه 6 ونص المغرب .. بس مثل ما تشوفيني كل شي مسكر الحين .. لا محلات لا دكاكين لا عيادات فاجه .. الحياه عندهم تنتهي الساعه 8 ..الكل الحين فبيته
أستغربت : بس الحين 6 ونص
محمد : ما شي فرق حبيبتي ..شوفي المحلات اللى مفتوحة تنعد ع الأصابع .. وبعد شوي بتبند ..
غاده : خلنا نرجع الشاليه دام كل شي مسكر
محمد : ما بنرجع .. بنحوط يمكن نحصل صيدليه مفتوحه
ترجيته : والله تعبانه رجعني
محمد : حياااتي وعمري انتي غمضي عيونج ونامي وخليني أنا أدور ..وأن شاء الله بحصل عياده ولاآ صيدليه فاجه
ابتسمت لا أرادي ونفذت الكلام اللى قاله ..رديت راسي ع السيت وغمضت عيوني
وما أنتبهت إلا لما شفت محمد حاط العشاء حذالي ويحاول يقعدني عشان آكل

ما كنت مستوعبه عدل ..طالعت المكان وعرفت أني رجعت الشاليه .. كيف ومتى ماااعرف ..كل اللى أذكره أني غمضت عيوني لما كنا ندور صيدليه .. مسكت راسي .. أحسه يدوور بقوو
محمد : حياتي تعشي عشان تشربين دواج
ما رديت عليه واكتفيت بالوضعية اللى أنا فيها
مسك ايدي ونزلها وأنا تنهدت بضيج : ما أبا آكل مالي خاطر
محمد : لا تتصرفين مثل اليهال .. حياتي لازم تأكلين عشان تشربين دواج
ما ناقشته زود .. قمت آكل شوي شوي وآنا مالي خاطر بس شو أسوي مابا أضارب معاه ما فيني طاقه ومب متفيجتله
كلت كم لقمه عشان أسكته عقب حاولت أنش بس منعني
محمد : آكلي بعد حيااتي
صرخت عليه : مااابا ياخي مب غصب
محمد : هدي هدي أنزين لا تعصبين
نش بساعدني أوصل الحمام بس تحركت بسرعه ..عشان ما أعطيه مجال
دخلت الحمام وتغسلت وظهرت وأنا أكح وحاطه أيدي ع صدري
محمد تقرب مني وبيده الدواء : شربي حياتي
لما خفت الكحه مسكت كيس الدواء ..وشربته
أنتبهت عليه وهو يطالعني بنظرات شفقه ..لالا مب شفقه هاي نظرات خوف ..لالا اففففف شوفيني أنا .. الله ياخذه يارب وأفتك من شيفته
رحت صوب السرير وأنخشيت تحت اللحاف وهو يراقب خطواتي من بعيد
تلحفت وغطيت راسي مابا أشوفه ..
تميت فتره وأنا أحاول أرقد بس ما قدرت الكحه ما خلتني فحالي ..ما كنت قادرة أتنفس ..خوزت اللحاف ويلست ع السرير ..عقب حسيت براحه طشونة ..رجعت عقب أنسدحت على أمل أني أرقد لأن الكحه خفت عني الحمدلله.. اكيد الحين بنام ..حاولت وتجلبت يمين ويسار بس للأسف ما رمت ..وعلى هالحال اللى أنا فيه كنت طول الوقت أسمع تحركات محمد فالغرفه بس عقب فتره أختفى الصوت وما سمعت شي .. اكيد رقد ..خوزت اللحاف شوي شوي ..وطالعت الكرسي حصلته يالسه عليه ..بس وضعيته غريبه .. كان ماسك يبهته بدينه الثنتين ..و يأخذ نفس بقو ويظهره .. يا ربي شوو بلاه اكيد فيه شي .. لاحظت وأنا أشوفه ..دمعه تنزل من عينه ..لالالا مستحييييييييييييل محمد يصيح مستحيل ..توترت ..ليش يصيح شوو مستوي .. كانت دموعه خفيفه فالبدايه بس عقب تمت تزيد ..وجتوفه صارت تتحرك ..ااااااااااه ..ماعرف بشو يالسه أحس الحين .. رديت انسدح ع السرير وغمضت عيوني ..ما با افكر باللى شفته ..ما با .. اصلا ليش افكر فيه يعني ؟؟ شو يخصني أنا.. صاح ما صاح أنا مالى دخل فيه هو حر ..كانت أفكاري تتصارع مع بعضها ..وهدت فجئة لما سمعت خطواته ..وحسيتها تتقرب صوبي .. كنت مغمضه وخايفه فنفس الوقت ..
حط إيده ع راسي وعقب تقرب وباس راسي بوسه طويله
أحس عمري تيبست فمكاني .. والغريبة راح أحساس الخوف اللى كنت أحس فيه من ثواني وتم بس التوتر مسيطر علي
سمعته يهمس بنبره خفيفه : آنا آسف لاني قصرت معاج ..كنت المفروض أوديج المستشفي أول ما تعبتي وما أخليج ع راحتج ..كان المفروض ما أسمع رمستج وشلج غصب " حط ايده مره ثانيه على راسي "مب هاينه علي أشوفج تعبانه وأنا مب قادر أسوي شي ..تنهد بضيج اااااااااه .. يارب يشفيج يارب ..أنتى أغلا أنسانه فحياتي .. ياربي يحنن قلبج علي وتتقبليني وتحبيني ..لو شويه قسم بالله انا راضي ..رااااااااضي .. يارب حنن قلبها يا رب .. احبها وأنت أعلم بهذا الشي .. يارب ساعدني وصبرني .. أنت القادر على كل شي
رد باسني مره ثانيه ولحفني عدل
حسسيت براحه كبيره غمرتني ..ورقدت بعدها
.
.
.



تعديل كتكوته والشفايف توته; بتاريخ 21-11-2012 الساعة 09:37 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 174
قديم(ـة) 21-11-2012, 09:53 PM
صورة كتكوته والشفايف توته الرمزية
كتكوته والشفايف توته كتكوته والشفايف توته غير متصل
©؛°¨غرامي مشارك¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


أنتظر تعليقاتكم وآراءكم بفاااارغ الصبر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 175
قديم(ـة) 21-11-2012, 10:52 PM
صورة fto0o.B.M الرمزية
fto0o.B.M fto0o.B.M غير متصل
©؛°¨غرامي فضي¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


~ وآآآآآآآآآآي حمآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآس البـــأرت ..
فديـتج يا عسـل ..


يالله عقبال ما تتطور الاحداث بين محمد و غاده وه قصم وناسه هع

تسلميـــن حبيبتى ..

يعطيكى الف الف عافيــه ..



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 176
قديم(ـة) 21-11-2012, 11:26 PM
صورة بيبي الشقية الرمزية
بيبي الشقية بيبي الشقية غير متصل
©؛°¨غرامي مجتهد¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


مشكورة حبيبتي ع البارت الروعة
تسلم ايدج

محمد : ﻣ̶̲ﺂ̲ اتوقعته حنون لهذي الدرجة ويخاف ع غادة خوف مب طبيعي

وبانتظارج عزيزتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 177
قديم(ـة) 22-11-2012, 03:16 PM
صورة كتكوته والشفايف توته الرمزية
كتكوته والشفايف توته كتكوته والشفايف توته غير متصل
©؛°¨غرامي مشارك¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


اقتباس:
المشاركة الأساسية كتبها حلاتـــ برمشتى ـــى مشاهدة المشاركة
~ وآآآآآآآآآآي حمآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآس البـــأرت ..
فديـتج يا عسـل ..


يالله عقبال ما تتطور الاحداث بين محمد و غاده وه قصم وناسه هع

تسلميـــن حبيبتى ..

يعطيكى الف الف عافيــه ..



ربي يعااافيج حبيبتي

منوووره


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 178
قديم(ـة) 22-11-2012, 03:22 PM
صورة كتكوته والشفايف توته الرمزية
كتكوته والشفايف توته كتكوته والشفايف توته غير متصل
©؛°¨غرامي مشارك¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


اقتباس:
المشاركة الأساسية كتبها بيبي الشقية مشاهدة المشاركة
مشكورة حبيبتي ع البارت الروعة
تسلم ايدج

محمد : م̶̲آ̲ اتوقعته حنون لهذي الدرجة ويخاف ع غادة خوف مب طبيعي

وبانتظارج عزيزتي

ربي يسلمج حبيبتي

محمد مع الأيام راح تكتشفون جوانب فشخصيته ما كنتوا منتبهين عليها قبل

نورررتي والله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 179
قديم(ـة) 22-11-2012, 09:33 PM
صورة مرجوجة بس محبوبة الرمزية
مرجوجة بس محبوبة مرجوجة بس محبوبة غير متصل
©؛°¨غرامي فعال ¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


البارت اينن ياقلبي
محمد وغاده راح يصير تحول في حياتهم وانشاءالله تتغير
مشاعل ومنصور اللع لايغيرهم
هنود وريموه كشفوا سعود ولالا

وبنتظارج

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 180
قديم(ـة) 02-12-2012, 08:38 PM
صورة كتكوته والشفايف توته الرمزية
كتكوته والشفايف توته كتكوته والشفايف توته غير متصل
©؛°¨غرامي مشارك¨°؛©
 
الافتراضي رد: سكر عيونك حبيبي وشوف كيف دنياي بدونك/بقلمي


الجــــزء الرابع والثلاثين

(( آلــشوق فضــحني بطـاريكـ ...كـل ما قـالوا آسمكـة فززيت مفضوح ... عقلـي وفــكري مع طيـفك يباريكـ ...بـآلمختصر كلي معك ووين ما تـروح ))
\
\
\




عمر : الحين أنتى صدق ترمسين ولا تقصين علي ؟؟
فاطمه : حياااتي ودر عنك هالسوالف أنت تعرف أني بسير
عمر مصدوم: فطامي قولي أنج تمزحين
فاطمة : ما أمزح حبيبي مخبرتنك أني بروح صلالة مع أهلي
عمر بضيج : قسم بالله عبالي تمزحين ..ما خذت الموضوع بجديه
فاطمه ترفع جتوفها : أنا مالي ذنب ..هذي مشكلتك ..بذمتك يعني معقولة أمزح ومقدمه على إجازة
عمر بضيج : ااااه قلتيها مشكلتك ؟؟!! وأنتى طبعا عادي عندج
فاطمة: حرام عليك شوو عادي عندي
عمري بنبره جادة : لا تسيرين
فاطمة : عمر بلاك؟؟ الكل بسير ..يعني تباني أتم بروحي
عمر : أنزين أنا ما أباج تسيرين ..قوليلهم المدير ما طاع يعطيني أجازة
فاطمه : عمووري
عمر يقاطعها : شفيج فطووم مب عايبنج كلامي ..تبين تبتعدين عني أسبوع كامل يالظالمة
فاطمه ابتسمت
عمر: تبتسمين بعد
فاطمة : لأنك تصعب علي الموضوع ..بروحي مضايقه لأني بكون بيعدة عنك وأنت قاعد تزيدني بهالحركات
عمر : شوو أسوي أحبج فطوم
فاطمه : حياتي انته
عمر: فطامي بتخبل ..معقوله أسبوع ما بشوفج
فاطمه : أسملا عليك حبيبي
عمر : خايفة علي ؟؟
فاطمه : اكيد
عمر : عيل لا تروحين وتخليني
فاطمه تنهدت بضيج
عمري نش من على الكرسي وقعد ع الكرسي اللى مجابلنها وحط عينه فعينها
فاطمه نزلت عيونها
عمري : طالعيني
فاطمه : أخاف أصيح
عمري : قتلج طالعيني
رفعت عيونها وكانت ممزوره دموع
عمر : حيوانه لا تصيحين
فاطمه مسحت دمعتها بعد ما نزلت
عمر يبتسم : بعد ما ترجعين محد راح يمسح دموعج غير أنا ..وبيدي
فاطمة عقدت حياتها مستغربة
عمر يكمل : قنعت أماية ع زواجنا وبعد ما ترجعين بتقدملج ان شاء الله
فاطمة فتحت عيونها ع الآخر مب مستوعبه اللى قاله
عمر : بلاج مبققه عيونج "ابتسم " هذي المفاجئه اللى كنت ارمسج عنها ..خلاص بنكون مع بعض ع طول حياتي
فاطمه غطت ويّهها بدينها الثنتين ووتمت تصيح
عمر : فطاااامي أهدي
كانت تصيح من قلب ..مب قادرة تستوعب أن حلم حياتها بيتحقق وبترتاح من الهم اللى كانت عايشتنه
نش عمر وقعد ع الارض مجابلنها وهي ع الكرسي وتم يطالع ملامحها وهي منهارة من الصايح ..
عمر : خاطري امسح دموعج وأحضنج وخذ ما بخاطرج بس مستحيل أسوي شي يقلل من مقدارج ويغضب ربي فالنفس الوقت ..صبرت طول ذيج الفتره وبصبر بعد لاني ااحبج فطامي ااحبج ..
هو يتكلم وفاطمة يزيد صايحها
عمر : بس بس أهدي ولا تعذبيني ..هذا حلمنا الى خططنالة رباعه بيتحقق قريب
فاطمه طالعته بنظرات كلها حب : الله العالم بالحب اللى أشيله بقلبي لك ...الله لا يحررمني منك
عمر : ولا منج حياتي
فاطمه ابتسمت لما انتبهت ع القرب اللى بينهم : حيووووووان خوز عن ويهي
عمر ابتسم ووقف : بتخليني أسبوع بروحي وتسبني بعد
فاطمه ضبطت شيلتها ووقفت
عمر: ووووين
فاطمه : بروح البيت
عمر: خلج شوي معاي .. والله ما شبعت
فاطمه : حبيبي لدريول يترياني برع
عمر تنهد :مب عارف شو أقولج حياااتي ..بس ديري بالج ع نفسج
فاطمه : ان شاء الله ..
مدت ايدها عشان تسلم عليه ..عمر تم يطالع أيدها فتره ..مستغرب من حركتها .. ما توقع تمد أيدها ..
فاطمه : ما تبا تودعني
عمر : أنا فحياتي ما مسكت أيدج وما أبا أمسكها إلا لما تكونين حلالي
فاطمه قفطت وردت أيدها
فاطمه : مع السلامه
ومشت صوب الباب عشان تظهر بس وقفت لما زقرها
عمر : فطااامي
ووقفت وما ألتفت صوبه
عمر : أسف لأني رديتج
فاطمه صدت صوبه وهي مبتسمه : حياااتي من عرفتك ولين اليوم وأنت تكبير فعيني ..ااحبك عمر
عمر يبادلها الأبتسامه : وأنا اموووت فيج
وقفت أطالعه ثواني عقب طلعت من المكتب


.
.
.


وعيت من النوم وأنا أسمع تليفون محمد يرن .. أنجلبت الصوب الثاني متضايقة من الصوت وتلحفت زين ..الحمدلله سكت تليفونه بس دقايق ورجع يرن مره ثانيه .. افف شو هالصدعه .. خوزت اللحاف وشفت التليفون ع الكرسي ومحمد راقد حذالة .. قمت من ع الشبريه عشان اخلي التليفون سايلنت وأرجع أكمل رقاد ..بس لما مسكت التليفون ..أنتبهت أن الرقم المتصل دولي .. اااكيد منصوور أخوي ..
ردت عليه بصوت خفيف عشان ما يسمع محمد : الوو ..لووو
خوزت التليفون من أذني وشفته .. حد معاي ع الخط بس ما يرمس
رجعت الفون ع أذني : الووو ..الووو
سمعت : توو تووو توو تووو
سكروا الفون فويهي ..استغربت ..اممم يمكن من الشبكه .. رجعت الفون مكانه
وطالعت محمد وذكرت كيف كانت حالته البارحه .. خاطري أعرف ليش كان يصيح ..مستحيل يكون خايف علي .. أكيد بالعماله قالي ذيج الرمسه عشان أسمعه .. خيبه تخيبه ما يضيع فرصه بدون ما يستغلها .. تنهدت بضيج .. طار النوم من عيني .. تهيست عمري .. الحمدلله أحس عمري أحسن ..حطيت أيدي ع حنجرتي وكحيت بقو لدرجه ان محمد نش من النوم ..أبتعدت عنه وأنا أكح ..
محمد كان منسدح ع الكرسي ..نش وقعد عليه
غاده : اسفه لأني قومتك
محمد يطالعني بنظرات غريبة
سفهته وكملت رمستي : أرجع أرقد
محمد نش وتقرب صوبي ..ومد ايده عشان يمسكني بس رديت وراء خطوتين
محمد : طمنيني عليج
رديت عليه من دون نفس : بخير
محمد : صدق
غاده : الحمدلله
محمد : شربتي دواج
غاده : توني ناشه ..بسبح وعقب بشربه
تقرب صوبي بسرعه وحط أيده ع راسي وبتسم : الحين بس تطمنت
قهرني ودزيت ايده : سخيف
محمد : برايني سخيف أهم شي تطمنت عليج
رحت عنه صوب شنطتي وبالغصب حصلت شي سنع عشان البسه
طالعته : أباك توديني السوق ؟؟
محمد مستغرب : السووق
رديت عليه : هيه أبا أشتريلي ملابس عندك مانع
راح صوب الكرسي ورجع أنسدح عليه وسوالي طااف
حسيت بغيض بس تعوذت من الشيطان ورحت الحمام اسبح ..خلصت وظهرت حصلته متكشخ
محمد : موجود بوفيه فالفندق جهزي عمرج بسرعه عشان نروح نتريق
نفذت كلامه وطلعت علبه المكياج وتعدلت ع السريع ولبست عباتي
محمد : شربي دواج لا تنسين
رحت صوب الكيس وشربت الدواء ..معني عارفه مب زين أشربه ومعدتي خاليه بس شو أسوي
خلصت ونزلنا من الشاليه وكان الباص يتريانا ..ركبناه وتحرك .. وأنا منبهرة بالطبيعه اللى أشوفها ..ياربي شووهالروعه والجمال .. لما وصلت ماليزيا ما قدرت أشوف كل هالزين لأن الوقت اللى وصلنا فيه كان متأخر .. تنهدت برااااحه كبيره ..والله ما في شي أحلا من الطبيعه ..ترد الرووح ..حسيت بحساس حلوو ونحن نمشي والخضره حوالينا من كل صووب وأبتسمت وأنا أشوف القرود موجوده فكل مكان .. تمشي ع الشجر وع الارض .. وعااااادي ما تخاف من الناس .. أشكالهم تهبل والله
وصلنا مطعم مفتووح حواليه الشجر من كل صوب ..والقرود موجوده بعد
نزلنا وأختار محمد طاولة وقعدنا عليها .. لاحظت أن أغلب اللى موجودين فالمطعم عرب .. يت عبالي شيخه اللى تعرفت عليها أول ما وصلت ماليزيا بعد ما شفت العرب اللى موجودين فالمطعم ..تميت أحرك عيوني وأدورها بين الناس
محمد: غاده شو تسوين ؟
لفيت صوبه : أشوف الناس
محمد :يا سلام .. تشوفينها حلوه يالسه تبحلقين عيونج بالخلق شو تبينهم ؟؟
غادة : استغفر الله ..يآخي أنته شو يخصك ؟؟ طالعت فوق .. تحت ..ولا بحلقت عيوني بالناس ع قولتك ..ياخي كيييييفي ..أنا حرة وأنت مالك خص
عض شفايفه اللى تحت : أول شي أنتى زوجتي يعني غصبن عنج لي خص فيج ..ثاني شي أناااا ....!!!
"سكت وهو يطالعني بعصبيه "
بعدت نظراتي عنه وطالعت الطاولة ..ما أحب أشوف عيونه وهو معصب أحسه بياكلني
مسكت سجين كانت بطاوله وسألته: أنت شوو كمل ؟؟
أتريت رده بس حضرته ما نطق
رفعت عيوني وشفته .. حصلته يطالعني بنفس النظرات ..لحظه لحظه لا مب هاي النظرات اللى كان يشوفني فيها من شوي ..نظراته الحين غيرر .. ما احسه بياكلني .. ولا أحسه معصب ..عصبيته كلها راحت فثواني ..كأنه واحد ثاني اللى قاعد جدامي مب محمد .. ماعرف ليش أرتبكت وبعدت نظراتي عنه مره ثانيه بس هالمره مب خوف .. هالمره أحساس صعب على أفسره
رمس بصوت يدوب أسمعه : أنا أغاااااااااار
ابتسمت لا أرادي ع كلامه وحطيت عيني فعينه.. أونه يغار
محمد : ليش تضحكين
رديت عليه : تذكرت شي وضحكت " رفعت حياتي " ليش ممنوع ؟؟
رجع خزني بعيونه ..يعلهن البط .. عقب نش وشل الصحن اللى جدامي
محمد : بيبلج من كل شي موجود هناك ما باج أتعبين عمرج وأنتى بروحج مريضه
خلاني ...وراح صوب البوفيه .. حسيت بلووم شوي ع اللى سويته معاه ..وتنهدت بضيج ..افففففف أنا شفيني .. لازم ما أرحمه وما أخليه يستغل طيبتي ويقص علي .. محمد ممثل بارع .. بس ليش يعاملني بهالأسلوب .. مستغربه وايد من هدوءه الزايد وصبره معاي ..يا الله ..صدق أني سخيفه يعني ما عرف ليش مستغربه من معاملته ... أكيد حاط فباله بالطريقه هذي بيكسبني .. خصوصا بعد ما عطاني وعد انه ما يلمسني إلا برضاي .. رجعت أفكاري تتلخبط للمره الثانيه بسبته .. غمضت عيوني ..مابا أفكر بشي بتاتا ..رديت فتحتها وأنا أسمع صوت الصحن بعد ما حطه فالطاولة جدامي ..
أبتسملي وشل صحنه عشان يحطله ريوق : ثواني وبيج عمري
مشى من جدامي ورجع للبوفيه وأنا أتابع خطواته وهو يمشي .. وأراقب تحركاته من بعيد ..ووفجئه وبدون سابق أنذار حسيت بشي يعفد ع الطاولة ويتقرب مني ..نقزت بدون حاسيه من ع الكرسي ووصرخت بأعلا حسي لدرجه أن كل الناس الموجودين فالمطعم صدوا صوبي ..وعم الهدوء بعد ما كانت أصواتهم مازره المكان .. الكل يطالعني ومستغرب
حطيت ايدي ع قلبي بخووف ..
وأنتبهت عقب ما أبتعدت عن الطاولة ..ااالشي اللى كان عافد ع الطاولة ؟؟؟؟؟؟؟؟؟؟؟؟!!!!!!!!!!!!! ...قرررررررررد
ضحكلي وشل صحن الآكل مالي وراح
فجيت عيوني ع الآخر وأنا أطالع حركته ...
وسمعت عقب ضحكه جماعية من كل الموجودين .. قفط وحسيت بأحراج كبير ..تمنين الأرض تنشق وتبلعني من الفشله اللى حسيتها
لمحت محمد طاير صوبي ..مسك أيدي ووظهرني برع المطعم .. وأنا ساكته ولا علقت ..شوو أقول بعد الفضيحه اللى سويتها داخل ..أشرف لي أسكت ..مشينا لين ابتعدنا مسافة كبيره عن المطعم ..
وبطل محمد أيدي وتم يطالعني فتره عقب نقع من الضحك .. تم يضحك بصووت عالي ..حسيت الدم يثور فيني ..شو هالسخاف ماطني جدام الناس عشان أيبني أهني ويضحك علي
صرخت : تضحك على خيبتك
صخ وتم يطالعني عقب رجع يضحك .. قهرررني ..هذا أهبل ولا شوو ..ماعرف كيف راحت عصبيتي وأبتسمت وأنا أشووفه يضحك ومستانس .. أول مره اشوفه يضحك بهاي الطريقة .
مر على بالي أخوي منصور .. كان دوم لما يرمس عن محمد يقولي .. الوحيد اللى يقدر يخليني أضحك وأنا فعز ضيقي ..هو محمد ربيعي .. هذا اكيد جانب فشخصيته للحين ما شفته
ضحك لين ما شبع عقب تم يطالعني فتره ولا خوز عيوني ..
تقرب مني ووقف مجابلني
أستغربت وسألته : شفيك ؟؟
محمد : أول مره أشوفج تبتسميلي والأبتسامه تكون ظاهره من قلبج
أبتسمت لا أرادي ع كلامه ووسكت ماعرف ليش تصرفت بهاي الطريقة
محمد : أنا احبج
رديت بعفويه : وأنا اكرههك
محمد بضيج : والله
رفعت حاجب: ليش عندك شك فكلامي ؟؟
محمد لف الصوب الثاني وعطاني ظهره : عارف أنج تكرهيني ما يحتاي تذكريني
غاده : بتوديني السوق ؟
محمد يلبس نظارته : بوديج وين ما تبين
رجع صد صوبي : يلا نرجع عشان نتريق
حسيت عمري للحظه وقحه وحقيره .. توه كان مستانس ويضحك ..
خربت عليه وناسته ..
تنهدت وميشت معاه راجعين المطعم
.
.
.
.


سعود وأهله قاعدين فحوي البيت يركبون أغراضهم السيارة..ويتريون فنس الوقت منصور وأهله عشان يظهرون رباعة فالدرب
ريم : أمايه جنهم تأخروا ؟؟!
أم سعود : توني مرمسه خالتج قالتلي ياين فالدرب
ابو سعود : ريم تعالي
راحت عند أبوها
أبو سعود : روحي المطبخ وظهري فلاس العصير من لفليزر وحطيه فالسيارة
أم سعود : الله يهديك ريمووه ماتروم تشل لفلاس ..خبر وحده من البشاكير تيبه
أبو سعود : شو ما تروم ..ما شاء الله عليها حرمه
ريم : صدقه أبوي أروووم أشله
أم سعود : بعد أدافع عنج أم لسان..
أبتسمت ريم لأمها وهي رايحه المطبخ تنفذ أوامر أبوها
أم سعود : فطوم بلاج حبيبتي ؟؟
فاطمه كانت حاطه ايدها ع خدها وسرحاانه
أم سعود علت حسها : فطووم
فزت وشافت أمها : بلاج امايه ؟؟
أم سعود : وين عقلج انتى من ساعه أزقرج
فاطمة : ما سمعتج
ام سعود : فشو كنتي سرحانه ؟؟
فاطمة : كنت أفكر فالدوام ..أحس سفرتي هالوقت صعبه ..عندي وايد شغل ومحد
أبو سعود يقاطعها بعصبية : شغل وايد ولا شويه ..محد يشتغل فالشركه يعني غيرج ..اكيد مرتبين أمورهم ولا ما عطوج أجازه أسبوع
أم سعود : معاه حق ابوج .. لاتفكرين فداوم طوول وخليه يزول .. هالكه عمرج بالشغل ..ولا مره خذيتي أجازه ..ولو مب هالطلعه مب ناويه تأخذين أعرفج .. بسج عاد ريحي عمرج من التفكير شويه ..لو الشركة شركة أبوج ما بتهتمين فيها بهالطريقة
فاطمة فاجة عيونا مصدومة وهي تسمع الهجوم الأرضي ، الجوي ، البحري
اللى ياها من أمها أبوها بدون سابق أنذار
سعود يحاول يلطف الجو : فطووم تحب تشتغل بضمير طالعة علي
فاطمه أبتسمت لا أرادي :صح ظاهره ع أخوي هابت ريح
سعود :ههههه عاد صدقت عمرها وبتبطر علينا
فهاي اللحظات دخلت سيارة منصور الحوش
فاطمه فخاطرها "الحمدلله أنفذوني "
نزلوا من السيارة وسلموا ع بعض ..وظهرت ريموه من المطبخ يايبه فلاس العصير .. شافها سعود شالتنه وراح صوبها وشله عنها وركبه السيارة
هند ترمس أمها : أبا أركب مع ريمووه
أم منصور : لا خلج معانا
ريم : خالووه خليها بتونسني فالدرب
أم سعود : خليها تركب معانا بتفتكين من الصدعة
هند:هههههههه شكرا خالوة
أم سعود تغمزلها : أساعدج يالسه
الكل كان منتبهم عليهم وضحكوا ع الموقف
أم منصور تصد صوب هند : برايج بنتي ركبي وين ما تبين
ابتسمت هند فرحانه وركبت مع ريم فالسيارة


الرد باقتباس
إضافة رد

سكر عيونك حبيبي وشوف كيف دنياي بدونك/بقلمي,كاملة

الوسوم
بدونك , حبيبي , دنياي , عيونك , وشوف
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رسائل رومنسيه جميله اسماعيل البعيثي رسائل جوال - مسجات - وسائط - sms - mms 16 14-04-2012 11:02 PM
وينها عيونك حبيبي عيون ابوها رسائل جوال - مسجات - وسائط - sms - mms 31 23-10-2008 10:22 AM
تابع / كيف مزاجك اليوم ؟ زهرة القمر العاب - مسابقات 2000 16-03-2008 12:13 PM
زي الهوا يا حبيبي عدنان 22 منقولات أدبية 11 10-01-2008 12:56 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 08:40 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1