غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 241
قديم(ـة) 09-12-2013, 02:34 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )







لأقعدنَ على الطريقِ و أشتكي
وأقول مظلومٌ وأنت ظلمتني
و لأدعونَ عليك في غسق الدُجى
يُبليك رَبي مثل ما أبليتني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 242
قديم(ـة) 13-12-2013, 07:20 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


أول مره في حياتي يمر عليا الطقس الغريب دا
مطر غزير دا طبيعي شفته كتير
نزول ثلوج مممم برضو مش غريب اوي
لكن توصل درجه الحراره ل6 درجات بس
دا غير طبيعي بالمره
والاصعب ان توصل درجه الحراره في شمال سيناء ل 2 درجه تحت الصفر
للدرجه دي وصلنا لمرحلة التجمد

آخر مره خرجت فيها بره البيت كانت أول امبارح
وكان في عاصفه بارده جدا كنت هتجمد
وكنت لابسه 2 بدي وتي شيرت صوووف وفوقه جاكيت طويل
كنت ماشيه في الشارع عامله زي البطريق ههههههههههههه والله ماكنت قادره اتحرك من كتر الهدوم اللي لابساها
ربنا يسترها علينا



تعديل ~ يـــويـــو ~; بتاريخ 13-12-2013 الساعة 09:58 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 243
قديم(ـة) 16-12-2013, 06:31 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


الشتا والبرد ليهم معايا أجمل ذكريات
وبالتحديد شتاء إسكندريه " عاصمة الجمال "

هاخدكم معايا النهارده في جوله لأجمل مدينة شوفتها في حياتي
التاريخ : 20 - 3 - 2010
سبب الزياره : رحلة لمكتبة الأسكندريه وباقي اليوم رحلة ترفيهيه
مجموعة الرحله : انا وأعز أصحاب على قلبي
مدة الرحله : يوم واحد فقط
المسئول عن الرحله : كلية التربيه جامعة المنوفيه تحت إشراف قسم لغه إنجليزيه



هحكيلكم بالضبط اللي حصل معانا من بداية اليوم لنهايته
صحينا الصبح الساعه 5 لبسنا واتجهزنا وأخدنا اللي هنحتاجه في اليوم دا
خرجنا من بيوتنا بعد توصيات مالها أول من آخر من أهالينا
اتجمعنا من كل الأماكن عند استاد الجامعه الرياضي
ركبنا اتوبيس الجامعه وتوكلنا على الله
ووصلنا بحمد الله مدينة الاسكندريه حوالي الساعه 9 ونصف
المفروض أول شئ كنا هنزور قلعة قايتباي







دي صورة القلعه
بس للأسف كان في مشوار ضروري ولازم نخلصه انا وصديقاتي
إستأذنا من المشرف اننا نروح نخلص الأوراق اللي محتاجينها ورفض طبعا
بس كان لازم نخلص الورق دا ألحينا عليه في الطلب لحد ما وافق بصعوبه " وطبعا دا أكبر غلط لأي حد خصوصا اننا بنات بس الحمد لله الحمد لله كانت أخلاقنا تجبر الكل على إحترامنا والثقه فينا "
نزلنا وأخدنا مواصلات للمكان المطلوب
وهو جامعة خاصه في منطقة أبو قير







دي صورة لميدان أبو قير قريب من الجامعه اللي كنا رايحين ليها
كان مشوار مرهق طبعا
ومواصلات تقريبا ساعه لحد ما وصلنا ليها
بس كان المشوار ضروري جدا بالأخص لي
او بمعنى أصح انا اللي كان لي ورق لازم اخلصه من الجامعه دي
وطبعا مستحيل حبايبي يسيبوني أروح لوحدي
راحوا كلهم معايا
كان موضوع موترني جدااا وكنت خايفه
دخلت الجامعه وانا ايدي على قلبي
انتظرنا وقت طويل لحد ما قابلنا عميد الكليه اتكلم معانا شويه
وبصراحه عمل لي جميل مستحيل أنساه طول حياتي
المهم وافق على طلبي وقاال لي لو عاوزه أوراقك تخلص تروحي حالا تخلصيها قبل ما شئون الطلبه تقفل
والله انا سمعت كلامه وعيوني دمعت اول ما طلعنا اصحابي أخدوني بالحضن وفرحولي جداااا
روحت بسرعه اصور ورق وأجري هنا وهنا
وأخيرا الحمد لله سلمت الورق وقالولي انتظري شوي
طلعنا قعدنا شوي في الكفاتريا وكنا مبسوطين اوووووي وطول الوقت قاعده بحمد ربنا
قعدنا شويه نتأمل الحياة الغريبه اللي حوالينا
أول مره كنت أدخل الجامعه دي
شوفت مناظر غريبه جنسيات من بلاد مختلفه
شباب مطولين شعرهم ورابطينه ولابسين حلقان زي البنات هههههه
وبنات اشكال غريبه
حمدت ربنا اني بعيد عن المناظر دي
انتظرنا وقت طويل لحد ما استمت الاوراق
وخرجت من الجامعه وانا هطير من الفررررحه " الحمد لله "
بشوف الساعه لقيتها وصلت ل 2 ونصف
زعلت لأني تقريبا ضيعت وقت طويل لأصحابي من غير مايستمتعوا بالرحله
بس هما قالوا مافيش اي مشكله بالعكس فرحانين
المهم اتصلنا بالمشرف وقال انهم وصلوا قصر المنتزة من شويه

أسيبكم شويه تستمتعوا بأجمل مكان





دي بوابة القصر






دي صورة قريبه للبوابه






ودي صورة القصر


أول ما دخلنا اتصلنا بالجروب وقالوا على مكانهم
بس احنا كنا خلاص هنموت من الجوع
فرشنا على الارض وسط الخضره
وطلعنا الاكل وقعدنا ناكل
خلصنا أكل روحنا لباقي الجروب
في المكان دا





طبعا الصور دي مش من تصويري
دي مجمعاها من عالنت
لكن الصور اللي مصوراها
انا وحبايبي لازقين في كل الصووووور ههههههههههه


المهم المكان اللي اتقابلنا فيه كان على الكوبري دا قريب من الفنار
قعدنا شوي نتمشى وكان وقت العصر
جرينا ولعبنا وفرحنا
فاكره وقتها كنا واقفين على البحر
وانا وعبير في صوت واحد غنينا أغنية فيروز " شايف البحر "
وقتها ضحكنا
وقررنا نلعب لعبة الأغاني
قضنا تقريبا ساعتين
نخلص من اغنيه ندخل في التانيه على طول
كان وقت ممتع جدااا بالأخص كلنا كنا مرتاحين البال ومبسطوين

قالوا هنمشي دلوقتي
طبعا احنا لما رجعنا شرحنا للمشرف كل شئ وسبب غيبانا
روحنالهم واتحايلنا تاني على المشرف انه يسيبنا هنا واحنا هنروحلهم مكان تجمعهم بعدين
المره دي وافق بسرعه ههههههههه
واحنا طرنا من الفرح وطلعنا نجري ونلعب استغمايه
ماتركنا مكان في القصر الا وروحناه
وطبعا لازم التصوير
كل مكان نخطيه لازم نتصور فيه

اتصورنا هنا



وهنا





وهنا






لحد ما جه وقت المغرب

وشكل القصر كان يجنن


كان أجمل من الصوره كمان





كان جمييييييل جدا
بس بصراحه يخوف
قولتلهم يلا نخرج
كان الوقت تقريبا 6 مساءا
وكان ميعاد التجمع الساعه 10
قولتلهم يلا بينا نتمشى من المنتزه لخالد بن الوليد
أي مصري او اسكندراني بالاخص هيقول دا جنااااااان
المسافه طويله جدااااااااا
تقريبا ساعه الا ربع بالمواصلات
بالمشي على رجولنا تاخد 3 او 4 ساعات
بس وقتها كنا حابين نتستمتع بكل
خطوه نخطيها وكل ثانيه تمر علينا لازم نفرح فيها
خرجنا من القصر ومشينا على الكورنيش











نمشي شويه ونقعد نلعب شوي
نتعب نقعد نرتاح على الكونيش






وكنا لسه وقتها في أواخر الشتا
ومافيش أجمل من أيس كريم في عز التلللللللللللج اللي كنا فيه
وكان الوقت ليل
وبنتمشى في أروع مكان وأأمن مكان
نرخم شويه على بعض ونلحوس بعض بالأيس
نغني شويه ونضحك شويه
كنا خاليين من الهموم


وصلنا بعد 3 ساعات لمكان التجمع
وكنا خلااااااااص هلكنا
وكان باقي ساعه على معاد الباص
كنا جعانين جدااااا
قولنا ناكل بصينا لبعض شويه
وكأننا قرانا أفكار بعض
وفي صوت واحد قولنا بيتزااااااااااا
وبعدها تقريبا دخلنا في هسترية ضحك لمده نص ساعه
ولما نسكت نبص لبعض ونرجع نضحك
دخلنا مطعم راقي جدا
وطلبنا البيتزا
وطبعا احلى حاجه فيه كانت السلطه
بناخذ طبق ونختار الانواع اللي نحبها
وكان في اكتر من 20 نوع سلطه
طبيعة أكلي انا خفيفه
اخترت كام نوع بسيط بس كانوا وااااااااااااو روعه
وبيرو العسل بقى أخدت من معظم الانواع وتقول لازم أذوق كل نوع علشان المره الجايه اختار الحلو بس هههههههههههههه
حبيبتي عبير دي بموووووووووت فيها والله
الله يسعدها
أخدنا البيتزا والسلطه وخرجنا
قعدنا على الكونيش في منطقة بير مسعود
وكان الباص موجود بس محد ركب لسه


قعدنا في المكان دا بس كنا بالليل طبعا





وكان كل الجروب موجود حوالينا
أكلنا و اشترينا من محلات القريبه اشياء تذكاريه
نحتفظ بيها
ورجعنا على طول
ركبنا الباص ورجعنا لبلادنا سالمين
ودلوقتي بنفتكر الأيام دي ونقول ياريت لو ترجع تاني



وبالنسبه لي انا بقول الحمد لله اني عشت أيام جميله في حياتي
لما افتكرها تصبرني على تعب الايام اللي عايشاها دلوقتي
مش كل حياتي تعب
ولا كل حياتي صبر
الحمد لله معظم سنين دراستي وبالأخص الجامعيه كانت أجمل سنين العمر
وعشت فيهم كل المغامرات والفرحه
الحمد لله على كل شئ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 244
قديم(ـة) 17-12-2013, 03:52 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


فترة الطفوله

من أجمل الفترات اللي بيمر بيها الانسان
وبما اني من جيل الثمانينات والتسعينات
فأكييييييييييييد عشنا فترة طفوله ماتتوصفش
وأقول لجيل ألأيباد والبلاي ستيشن عذرا فأنتم لم تعيشوا فترة الطفوله كما يجب ان تكون

أفتكر أيامنا لما كنا بنطلع الشارع ونتجمع احنا وكل عيال شارعنا
كان عددنا يعدي ال 20 طفل لما نلعب كلنا مع بعض كنا نملى الشارع حيويه وروح
صحيح كنت بنوته هاديه كدا ورقيقه بس لو يرجع بيا الزمن لورا هبقى بنت شقيه وبلطجيه هههههههههههه علشان أعرف آخد حقي وماكونش هبله
بس عموما كانت مرحله جميله جداااا في حياتى


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 245
قديم(ـة) 18-03-2014, 11:29 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


مرحلة صعبه أمر بيها في حياتي
توتر دائم
والتفكير المستمر أرهقني
بس عموما الحمد لله على كل حال
وحاليا افضل من اوقات كتير فاتت ولله الحمد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 246
قديم(ـة) 29-04-2014, 02:04 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


سبحان الله وبحمده سبحان الله العظيم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 247
قديم(ـة) 29-04-2014, 02:17 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


فترة طويله مرت مادخلت المدونه
بشتاقلها بس بحس اني مش عاوزه اكتب
اوقات بعجز عن كتابة اللي جوايا
وحاليا انا مصدومه جداااا في شخص قريب جدا مني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 248
قديم(ـة) 15-06-2014, 03:55 AM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


اللهم بلغني رمضان
وأعني على الصيام وحسن العباده


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 249
قديم(ـة) 01-07-2014, 03:31 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


اللهم آتنا في الدنيا حسنه ووفي الآخره حسنه وقنا عذاب النار

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 250
قديم(ـة) 01-07-2014, 03:36 PM
صورة ~ يـــويـــو ~ الرمزية
~ يـــويـــو ~ ~ يـــويـــو ~ غير متصل
©؛°¨غرامي متألق ¨°؛©
 
الافتراضي رد: يوميات حياتي تكتبها ذكرياتي ( مــن أنـــا .... ؟ )


أجواء رمضان تبعث السعاده في قلبي
اللهم إرحمنا وإغفر لنا واعتق رقابنا من النار

الرد باقتباس
إضافة رد

يوميات حياتي تكتبها ذكرياتي ( مــن أنـــا .... ؟ )

الوسوم
.... , مــن , أنـــا , ذكرياتي , تكتبها , حياتي , يوميات
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
حياتي مابقى الا الصدق وشوفتك وحبي لك الشيخ أبوعذاب خواطر - نثر - عذب الكلام 14 06-05-2010 10:59 PM
مسجات باسامى البنات روعه والرجال جنان أميـ الذوقـ ــرهـ رسائل جوال - مسجات - وسائط - sms - mms 25 05-11-2009 01:13 PM
ذكرياتي مسرحية من حياتي المؤلمة وسائط من زوزو إمبراطورة الشتاء رسائل جوال - مسجات - وسائط - sms - mms 22 26-08-2008 03:03 PM
ذكرياتي مع العيد في أم الدنيا الهيروو مواضيع عامة - غرام 12 20-10-2007 10:29 AM
نهاية حبك إعدامي / كاملة عاشق طموح روايات كامله - يتم نقل الرواية هنا بعد اكتمالها 376 06-07-2007 06:26 PM

الساعة الآن +3: 10:23 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1