منتديات غرام روايات غرام أرشيف الروايات المغلقة - لعدم إكتمالها روايتي الأولى : حنين الماضي قتلني و غيرني ماعدت اعرفني !
حنين الماضي .. ©؛°¨غرامي جديد¨°؛©

سلام عليكم ورحمه الله و بركاته

هاذي اول روايه لي ف مجال الكتابه
تحكي عن قصه فتاة صغيره عمرها ما بين 12 و 13

فقده جميع اهلها وليس لديها اخوال و اعمام ...



آوقات البآرتتِ"

السبت // الثلاثثآ



الحــب الأول والأخير ©؛°¨غرامي مشارك¨°؛©

أووووووووووووه متى حتنزلي البارت
تحياتي

حنين الماضي .. ©؛°¨غرامي جديد¨°؛©

آلبآرتتِ آلآول
من روآيه وش حيله اللي يشتاق لانسان عند ربه


نزلت دمعه و دموع ما تتجرى تنزل متعلقه في عيونها من العصبيه كسرت كل شي قدامها تحس قلبها ينعصر تحس بغصه بتذبحها تحس بتأنيب اضمير تحس انها فاشله و ضعيفة انهارت تمأمن وهي تسترج الذكريات
.. : ياحقيره ليش دخلتي غرفتي
.. بتلميح : هههههههههههههههههههه انا مادخلتها يمكن فارس يبي منها شي او يشوف يعني شي معين
.. بصدمه : اسيل وش ذا الكلام لا تذليني
اسيل بنصف ابتسامه : خلاص ي بنت امزح ايه دخلت عشان اخذ شرش الفون
ريم : وليش ما استذنتي
اسيل : احلمي استأذن منج
ريم بعصبيه : تراني اكبر منج احترميني
اسيل بدلع : خلاص تحاول تترفع و تبوس ريم على خدها
ريم بضحكه : هههههههههه شكرا ي سنفوره
اسيل بلامبالاه : حببتي استغفري ترى ربي خلقني قصيره ولا تطنزين على خلقت ربج
دخل ابوهم في اخر جمله ابتسم : سلام عليكم اهيه ههههه منتي هينه اسيل عقلج اكبر من سنج
ريم و اسيل يتسابقون من بيوصل ليبوس راس ابوهم اول و طبعا بغش ريم فازت و بعدها اسيل
ابتسم ابوهم : ربي لا يحرمني منكم
ريم و آسيل : ولا منك
افاقت من ذكرياتها تسمع صوت الباب في نفسها "اكيد المطعم " راحت تشوف و كما توقعت خذت الاكل و عطته الفلوس
و جلست علي الكنبه و طفت الليت و شغلت التي في و جلست تتنقل من قناة الى قناة و تقول : جب
وانت جب و انت جب و انت ويععععع و انت موت و انت انتحر
و استرجعت ذكراها
عائلتهم الصغيره مجتمعين امام التي في و فارس يتنقل من قناة الى قناة
فارس : انت طير عني و انت طس و انت جب و انت انتحر و انت انتحر من الرصيف و يقلب القنوات
ام فارس : ههههههههههه الولد استخف
ابوفارس : فارس كم حرارتك
ريم و لقافتها اللي تجيب لها المصايب : اقول فارس مين اللي كنت اليوم تكلمه اصبح و تصارخ و تقول كيف و ليش و متى
فارس بصدمه مصطنعه : تتسمعين يا قليلة الادب
اسيل تتلفت يمين و يسار لقت قدامها علبه البطاطس خذتها و هي تفرها على فارس : امسك اضربها اضربها
اخذ فارس العلبه و رماها على ريم : ههههه تعجبيني اسول
اسيل بخبث : افا عليك
ام فارس : اصلا هذي ماتصدق احد متهاوش إلا وهي داخله
نزلت دمعته و ضحكت : هههههههه اهه وينكم ليش تركتوني انا والله اختكم ماما ليش رحتي والله ما اتدخل لما احد يتهاوش بسكت والله بابا وينك انا اسيل اللي تقول لها ذكيه عقلج اكبر من عمرج و تتفأخر فيني فارس لا تتركني تذكر لما قلت لك فارس انا اكرهك كنت امزح والله احبك والله فارس تعال اخذني انا اختك لا تتركني ريم وينج لا تروحين انتي بعد ليش ما تحسون فيني ليش انا مالي احد غيركم تعالو ابيكم
مسحت دموعها و سكرت التي في كانت بتروح ترتب المطبخ بس سمعت صوت الجرس فتحت الباب ما حست إلا و امسك شعرها الصغير الناعم و شده الى جهته مسكت ايد اللي شد شعرها تبي تعرف مين بس ماقدرت لف ويهها (وجهها)
لتشوف مين اسيل : مين انت وش تببي
بصوت كله رجوله : انطمي و شد اكثر على شعرها
عضت شفتيها آلسفليه علشان ماتقول " اااااه " تستحمل قال لها اسمعيني ابيك تكتبين كل املكك لـ فهد بن بندر
اسيل بحده : لا يعني لا
قال : خلاص تعبت منج لزم انهي كل شي اخر زمان يهال يرفضون
اسيل : ماني ياهله و بعد عني
قال سليمان (حارس فهد بن بندر) : انكتمي و شد شعرها و دزها على طاوله قال : اسمعيني و حطي الكلام ف راسج مستحيل اخليج تتهنين
اسيل بصراخ : حقير انت و فهد ربي ياخذكم
سليمان بعصبيه : جب ي حيوانه قلت ادب و طلع سكر الباب بقوة
قامت اسيل و تحس ضهرها بيتكسر دخلت داخل غرفتها قالت لا لزم اتصرف مع فهد طالت و شمخت
اخذت جنز و قميص وردي فاتح مكتوب بكلم انجليزي ب اللون الاسود دخلت تبدل و بعدها حط لها كحل و رتبت شعرها الصغير و اخذ فونها مع شنطه سودا و صندل (انتو و الكرامه ) اسود و طلعت من البيت الصغير و قفلته و تمشت في شوارع العين كان الجو عجيب طلعت من شنطتها عنوان بيت فهد بن بندر ركبت تكسي
التكسي : وين يريد
اسيل : تعرف بيت فهد بن بندر
التكسي ب استغرب : اكيد مين مافي معلوم
اسيل : انقلع هناك
و في الطريق قال الهندي : انتا ليش يركب تكسي زياده صغير
اسيل بقله صبر : مايخصك و شوف طريقك
قال : انزين شو يريد من بيت فهد
اسيل : انكتم وش هاذا الفضول
جلست يتحرطم و وصل قال : ماما 120 بس عشان انته صغير بس جيب 50
اسيل : لا والله انكتم و امسك عطته 120
امامه قصر كبيرو فخم رحت عند الامن
اسيل : هنا فهد بن بندر
الحارس ب ستغراب : ايه
اسيل : بعد ابي ادخل
الحارس : اقول انقلعي شو قالو لج هنا ملاهي عشان تدخلين على كيفج
اسيل ب سخريه : ماشاء الله حارس مؤدب
الحارس : اقول انقلعي انتي اصلا ماحد يقدر يشوفج
اسيل : لا والله ايه تمسخر على خلقه ربك ربي خلقني جي
الحارس : انتي كم عمرج
اسيل : لا وش رايك ايب لك فشار و ببسي و ندردش يلا قول لفهد ابي اشوفه
الحارس بعصبيه : انقلعي
اسيل : انزين قول له وش بتخسر
الحارس : ههههه مصدقه عمرج و كلم فهد
الحارس : سيديه هنا بنت ياهله جننتني تبي تشوفك
فهد بن بندر : مين
الحارس : مو راضيه تقول اسمها تقول اذا شفتها بتعرفها
فهد بحده : وش تبي تظن انه هنا العب ولا ديزني لاند
الحارس يحبس ضحكته : شكله كذا
اسيل بصراخ : دخلوني ي الزفت فهد ابي اكلمك
الحارس : سمعتها وش تقول
فهد بحاول يتذكر ه الصوت ابدا مو غريب : خلاص دخلها
الحارس : حاضر طال عمرك
اسيل : غصب يلا افتح البوابه
فتح البوابه و انصدمت من جمال الحديقه كلها اعشاب و الحوش وسيع و في الوسط نافوره
في نفسها "عيشين بعز و لا دارين عنا "
استقبلتها الخادمه و دخلتها في المجلس
اسيل : لا ابي فهد وينه
الخآدمه : الحين يجي
اسيل : افهمي يا خبله ابي اعرف وين هو
الخادمه : في مجلس مال العائله
اسيل : وينه هاذا بعد
الخادمة : روحي سيده بعدين يمين و بعدين سيده و بعدين يسار
راحت اسيل في ارجاء القصر الكبير و الفخم و وصلت مجلس العائله
جزء فيه الحريم كلهم متغطيني و جزء الثاني الشباب و الثالث الشايب و في وسطهم فهد بن بندر
اسيل بصوت عالي : السلام عليكم
الكل يشوفها محد يعرف مين ه الياهله اللي قدامهم
فهد بتوتر : مين انتي
اسيل : افا ي فهد ماعرفتني !!
فهد : بلا ثرثره و مين انتي
اسيل : ههههههههههههههههههه يعني تمثل انك ماعرفتني
راشد (ولد فهد بن بندر الكبير) : تكلمي
اسيل : اخبارك راشد
راشد بصدمه : و مين انتي !
اسيل ماردت عليه و وجهت الكلم لـ فيصل (ولد فهد الثاني) : اخبارك فيصل و اخبارك محمد (ولد فهد الثالث) و اخبارج سلامه ( بنت فهد الرابعه) و اخبارك سعيد (ولد فهد الخامس و الاخير) اسفه جده ما انتبهت عليك وراحت تقبل راسها
الجده (زوجت فهد) : مين انتي ي بنتي
اسيل بثقه : انا اسيل بنت جاسم بن فهد

الكل شهقو و الي يقول كيف و اللي يقول متى واللي يقول لا ذي تكذب
فهد بحده : بس الكل سكت احترام له
فهد بحده : ليش الكذب جاسم مات من زمان و هو مو متزوج مات و عمره 5 سنوات كيف يتزوج ليش الكذب
اسيل ترفع حاجبه و تمشي اللى نصف المجلس امام فهد بن بندر : نو نو كيف كذا ليش تكذب عليهم ليش قلت انه ابوي مات !
راشد : يعني انتي اونج تقولين بنت اخوي
اسيل بسخريه : ايه اخر زمان يكون عندي جد يرمينا مثل الكلاب و يكذب بعد
فهد بعصبيه : جب ولا كلمه انقلعي برا اقولج جاسم مات تعرفين كيف مات
اسيل ضحكت قهر : ههههههههههههههه وبعدك مصر تنكر
فهد : اسكتي ي الياهله
اسيل : خايف افضحك و تطلع على حقيقتك صح !
فهد : بس عاد وايد عطيتج ويه يلا انقلعي انتي ياهله تحسبينا بنصدقج
اسيل بسخريه : على الاقل عمري 12 و اعرف كل بلويك تحسبني خبله
الجده : ي بنتي وش عندج قولي ليش تقولي هاذا الكلام ماعندج احترام
اسيل : انا ماققلت ادبي معاكم بس اللي انا اللي يأذيني ما احترمه صح ي ي فهد
فهد : انا الحين اذيتج وش سويت لج
اسيل تحاول تمسك اعصابها : عاد خلاص طالت و شمخت و اصراحه ماقدر خلاص ماقدر استحمل لا تحسبني هبله و شفتني صغير قلت بتلعب علي
بعدت عن فهد و جلست على كرسية الخاص الكل بصدمه
قالت بنت يعني عمرها تقريبا 20 : مين انتي و اول مره حد يكلم جدي ب ه الاسلوب جدي
قامت وحده قالت حد يضربني عشان اصدق يعني محد تجرا يجلس ف كرسي جدي و تيي ياهله و بكل بساطه تيلس
قالت : انتي مايهمج إلا الكرسي افهمي ماحد يكلم جدي ب ه الاسلوب
فهد بحده : انطمن ي قليلات الادب مالي احترام

قامن البنتبين و قالن : محشوم و جلسن
اسيل : ماشاء الله اعمامي عرفتو تربون اولادكم الكل صرخ على اسيل
قام راشد و و فيصل و محمد (عيال فهد) يبون يضربون اسيل بس فهد قالهم بحده بــــــــسسسسسس
و وقفوا ما اسيل ماتحركت ولا شي لا بعد فتحت شنطتها و طلعت علوج (علكه ) و فتحتها و فرت (رمت) القشره على الارض اما الكل يشوفها
ماتخاف ابدا منهم !!
قامت اسيل و بسخريه : ارجوله ماهي ب الضرب
فهد بعصبيه و بصراخ : انكتمي و انقلعي برا والله ترا بنادي الامن
اسيل : ايه نادهم ماني خايفة بس بسألك سوأل ليش كذبت على الكل و قلت ابويه مات ليش ماقلت لهم بعد الغيبوبه انه عايش ليش قلت لهم انها العمليه مانجحت ليش خليت ابويه يعيش وحيد من قام ولا يعرف شي عنكم ليش مافكرت فيه ولد صغير عمره 5 سنين وش بيسوي وين بيعيش !
فهد بصدمه : كيف عرفتي كل هاذا
اسيل : مايخصك جاوبني ليش ليش عذبتني ليش عذبته و عذبت خواني و امي وش سوينا لك ماعندك قلب ولا رحمه لا تحسبني خبله و خلاص انهم ماتو اسكت و انطم و ما اقول شي ولا ادور عنك صح انه ابويه قال انك ميت و ماعندي اعام و امي ماعندها خوات بس عرفت كل شي و عرفت حقيقتك عرفت انه فهد بن بندر المشهور و الطيب كله كذب
راشد : ابويه صدق آللي تقوله !
محمد : ابويه صدق انه جاسم اخويه حي و انت اللي قلت ميت
فيصل : ابويه يعني هو حي ما متت
سعيد : انزين ليش قلت انه ميت
الجده : تكلم فهد وش فيك ساكت
اسيل بحده : وله ويه يتكلم !
فهد بعصبيه عطى اسيل كف حار
الكل قال: لا
الجده : ليش ضربها تراها ياهله
فهد : تستاهل تدخل بيتي و تتبلا علي شكلها ماعرفت مين فهد بن بندر

هنآ آنتههى آلبآرتتِ

حنين الماضي .. ©؛°¨غرامي جديد¨°؛©

أووووووووووووه متى حتنزلي البارت
تحياتي


نورتتيَ يَ قلبي
نزل آلبآرتتِ
تسللميَ على آلرد

Ms.hajar ©؛°¨غرامي متألق ¨°؛©

كبري الخط وبسرعه امشي وكبري عمري اسيل

حنين الماضي .. ©؛°¨غرامي جديد¨°؛©

كبري الخط وبسرعه امشي وكبري عمري اسيل
آن شآء آلله

نورتتي آسعدنيَ مرورككِ .. ~
آكيد رح آكبر عمر آسيل
بس بعدنآ مآقدر آسرع عشآن آلروآيه بتفصيل
لآني آذآ مشيت بسرعه رح تخترب كل شي
تسسلمي منورههِ

جفاني زماني ©؛°¨غرامي مشارك¨°؛©

باين انها حلووووه
راح ابطلع اقراها
واصلي
تحيتي
جفاني زمااني

همسات وردة ©؛°¨غرامي فضي¨°؛©

السلام عليكم ورحمة الله

حياك الله حبوبه بغرام .. بداية حلوة واسلوبك جميل ..
حاولي توصفي المكان والانفعالات والاشخاص حتى توصل معلومتك بشكل واضح ..



http://forums.graaam.com/458176.html


ياليت تطلعي على هالموضوع اكيد بيفيدك


http://forums.graaam.com/420685.html


بالتوفيق ان شاء الله

لمسآت آلآبدآع ©؛°¨غرامي جديد¨°؛©

شكلها حلوه
ان شاء الله بقراها

لمسآت آلآبدآع ©؛°¨غرامي جديد¨°؛©

يااااااي مرهه حلو
و اعجبني اسلوبك
فنانه اما اسول مره اعجببتني قوتها
متى بييجي الثلاثا

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1