صديقه الطفوله ©؛°¨غرامي فعال ¨°؛©

السلام عليكم ورحمه الله و بركاته
بعد التحيه لك اخت متزوجه و مخطوبه و مقبله على الزواج

في البدايه احب اتكلم عن موقف صار لي في شهر رمضان و تحديدا في صلاه التراويح
كان جنبي مثل الفراغ في الصف و بمجرد ما ابتدت الصلاه سد الخلل وحده عمرها ماهو كبير وكان معها طفل .
المهم اني ما ركزت في الصلاه و السبب كان رائحه الحرمه الفضييعه
ما ابي احد يتضايق لكن الريحه كانت خليط من روائح المطبخ و عرق و رائحه فم كريهه..
وقعدت افكر و اقول من الضيق اللي صابني لاني ما قدرت اركز في الركعتين ..
ما الوم زوجها ان تزوج عليها او تركها ..

و لهذا السبب حبيت احط هذا الموضوع ..


انا اعرف ان العرق و رائحه الفم ممكن تكون بسبب امراض وراثيه و هرمونيه ولهذا السبب ما ابي اتطرق له ..

ريحه المطبخ .. الانسانه اللي تقبل انها تروح لبيت ربها ( المسجد ) والصلاه وتكون فيها رائحه مطبخ قويه كيف تكون في البيت و عند الزوج؟
علما انها اكيد تركت الملابس اللي كانت لابستها و لبست عباه ...
و كانت هذي الرائحه بهذي القوه فكيف تكون في البيت؟؟


و هنا نبدأ النقاش؟

الزوجه اللي تقول ما يستاهل زوجي اني البس و اتكشخ علشانه لانه لما البس و اتكشخ ما يدلعني ولا يبين في عينه ...

اسمحي لي اقولج و من غير زعل .. انتي مانتي جوليت و هو روميو و لا انتي ليلى و هو قيس علشان يحس فيج لما تهملينه ويجي يزحف يحب ايدك و يقول حبيتي سامحيني لاني ما عبرتج و من اليوم و رايح بمدحج ....................... تدرين ليش ..

1- الشرع محلل له اربع يعني لو ما لقى عندج شيء مبدأ البنات واجد و اصغر و احلى منج كثيييييييييييييييييييييييييييييييير ( طبعا واللي يزيده اذا كان الاهل ماهم متقبليينج ) ولا تقولين ما يقدر ما عنده فلوس.. لان الرجال ان بغى الزواج يتسلف و يتزوج

2- الزواج المسيار.. في عوائل و دول تقول ما في زواج مسيار عندنا و انا اقول لهم لا تكونين واثقه .. لانها حصلت مع وحده اعرفها عدل و اللي كانت ثقتها عمياء بزوجها .. واذا كنتي تقولين زوجي ما يعرف هذي الاشياء فانتي غلطانه... الحريم هذا الوقت هم اللي يتصلون عشوائي و احيانا في المولات و في الاماكن المختلطه الشغل و الطبيب و يقولون انا ما ابي اي شيء غير الستر .. البيت و المصرف كله علي...


3- المولات و المطاعم و واي مكان مكان عام.. كل دوله و لبسها المختلف بس كلهم يشتركون ان في ناس مميزه في المولات .. لبسها و شكلها و عطورها يطير عيون االحرمه و تدوخها فما بالك في الزوج الفاقد لهذا الشيء .. تبدا عنده المقارنات و التفكير في البحث عن البديل ..

4- اقل شيء هو المسلسلات و التلفزيون اللي صارت استغراض اكثر منها قصه انا انسانه اعرف مشاكل صارت بسبب مسلسل حريم االسلطان و باقي المسلسلات التركيه و الكلام الحلو اللي يسمعونه في التلفيزيون واللبس الا و الحركات اللي تطير العقل



البدااااااااااااااائل كثثثثثيره مثل ما تشووووفين ..

يعني ماهو ميت عليج حتى يموت انه ينتظر هذا الشيء منج ..
هذا شيء مليون بالميه اذا ما كان اكثر موجود و لا اللي تقول زوجي ما يسوي جذي براحتها خلها تبقى غبيه للحد ما يطير زوجها منها

انا ما اطلب من اي وحده انها تلبس و كانها رايحه عرس كل يوم مكياج فل و تسريحات و ليله حمرا لاااااااااااااا
لان هذا شيء مستحيل كلنا عندنا دوامات و مشاكل و شغل و عيال

اهم شيء و قبل كل شيء النظاااااااااااااااااااااااااااااافه
الاستحمام السريع
ما يحتاج اكثر من عشر دقايق
غسل الجسم بماء مع صابون برائحه زكيه كافي

تفريش الاسنان باستمرار بعد كل وجبه...و غسول الفم

** الاهتمام بالمظهر**
اشياء لازم تتواجد على التسريحه او اي مكان يكون الوصول له سريع


1- الكحل ( بالون مختلفه اسودد- اخضر ازرق - )
الاكتحال دايما لانه زينه للعين ايا كان اللون و يفضل التغير حتى يلاحظ التغير

2-عطر
عطر يكون ماهو قوي وثقيل حتى ما يسبب صداع او تحسس لاسنان او من النوع اللي يتفاعل مع الحر و العرق و يكون سبب في النفور بدل التقريب

3- كريم معطر لليدين و العنق ( كثير ناس يهملون هذي المنطقه)
يفضل انه يكون برائحه الفواكه حتى تبين ريحه العطر في الملابس

4- كريم ملطف للوجه ما يشترط فيهي كون بعطر او بلون .. المهم انه يعطي لمعه و اناره للوجه

5- بخور للغرفه او معطر للي ما يحبون العطور او ياثر على الرئـه حتى يشتاق للبيت و رائحته
فلما تكون رائحه البيت جميله يشتاق له الانسان و ان كانت الرائحه كريهه راح يبحث عن الاسباب حتى يتجنب البقاء فيه


** الكلمه الجميله و الابتسامه**

الانسان يحب الكلام الجميل اكثر من الغزل التأفف و التذمر المستمر اكيد يأثر على العلاقه بين اي فرد فكيف يكون بين زوج و زوجته

لا تتركي الابتسامه تغادر وجهك بمجرد ما تشوفينه حتى وان تضايقتي من شيء


لا تنادينه بو فلان او ياا فلان كانك واحد من الربع!!

مافيها شيء ان كنتي تنادينه حبيبي حياتي يا الغالي
ماهي صعبه


المهم اتمنى اني اكون مفيده في موضوعي

وتستفيد اي وحده من الاخوات ولو بنصيحه وحده


و اقوووول لكم انا ماني مع الزوج ضد الزوجه بالعكس

انتوا مثل الخوات و ابي الخير للكل
و ربي و يوفقكم


و ما ابي منكم الا الدعاء للي بالتوفيق مع زوجي و شغلي و ربي يرزقني بالذريه الصالحه

الي عندها اي اقتراح او مناقشه اتمنى تضيفها حتى استفيد و يستفيد الكل


ابو شروووق ✿ إدارة الإقسام ✿

كتيرت من الموضوعات تناولت مشكلة الرائحة والنظافة والملبس وما إلي ذلك
لكن هناك من ابتعدت عن تلك الأمور ولو لفترة
ربما التغيرات التى تطرأ علي حياتها بعد انجاب الأطفال
وأحيانا كثيرة يكون الزوج السبب الرئيسي لحدوث مثل هذه الأمور

حيث لا يهتم بزوجته ولا يعنيه البيت ..
مقارنة زوجته بما يشاهده سواء في المولات أو التلفاز
والكثير والكثير بما يتضمن هذه الموضوع الهام

ولكن ان شاء الله مع هذا الموضوع
سنجد الكثير من المشكلات والحلول التى يراها الأعضاء

لي عودة مرة أخري

Traveller ©؛°¨غرامي مجتهد¨°؛©

اعوذ بالله ....كأن الريحه ما تطلع الا من الزوجه ....>>حتى في الريحه على الزوجه
وكان الزوج ماله ريحت عرق او ريحة سجاير تخنق .....لكن لو زوجه ريحتها خايسه يحق له يتزوج عليها
لكن هي عليها تنطم وتأكل تبن هذا زوجها .....ياليت لو كان هالكلام موجه ايضا للرجال مو بس النساء ....ترى الريحه تطلع من الطرفين .......اسفه اذا كلامي ماعجبج لكن نادرا مانشوف موضوع يتكلم عن واجبات الزوج ....

بنت الزياني

SMiIe ©؛°¨غرامي فعال ¨°؛©

عندي سؤال انتم ليه بس
تتكلمون على الزوجه وماتشوفون الرجال
معليش هذا ظلم للزوجه المراءة تتزين وتسوي
وتعمل هو حتى عطر مايحط اعوذ بالله مستخسر
بخه عطر لزوجته ليه احنا نسوي وهم لا هذا ظلمممممم
اتقوا ربكم فينا
سوليتا

غلاك مالكني ©؛°¨غرامي ذهبي¨°؛©

فكرتيني مررة وانا عند الكوفيرة اثنين عرايس كانو يسو مكيااج وريحتهم فظيعة مرررة حتى الكوفيرات كانو يسولهم وهما متضايقيين منهم قلت في نفسي عرايس وريحتهم كدة الله يهديهم بس

مشكورة يالغلا ويعطيك العافية على الطرح

انثى وديعة ©؛°¨غرامي نشيط¨°؛©


معاكي حق في نوعيات كذا من النساء ومن الرجال ايضا

اعرف زوجة تشتكي من رائحة زوجها المقرفة لبخله وعدم اهتمامه بنظافته الشخصية

ولكن صبرت عليه لان ماعندها خيار طبعا فهو ابو اولادها

والحمدلله كل شئ متوفر الماء ومواد النظافة والعطورات لو بسعر زهيد

وديننا دين النظافة فقد وضع احكام للوضوء والغسل من الحيض والجنابة

تشكري عزيزتي على الطرح


صديقه الطفوله ©؛°¨غرامي فعال ¨°؛©

يا أخواتي أنا ما قصدت أبدا أجرح اي وحده فيكم
أنا نقلت لكم تجربه صارت لي في الصلاة
و اقول كم
أنا مافي داعي اهمل في نفسي عليان هو يحس

أعيش حياتي و هو بالطقاق

عاشق الخيل.., ©؛°¨غرامي متألق ¨°؛©

موضوع جميل ومفيد للمراه لتراجع نفسها ^_^

والنظافه والطهاره من الايمان


الله يعطيك العافيه

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1