غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-09-2012, 03:20 PM
صورة Gogo Al-rashed الرمزية
Gogo Al-rashed Gogo Al-rashed غير متصل
©؛°¨غرامي متألق ¨°؛©
 
الافتراضي رواية مها / كاملة


سلام عليكم..

اليوم يايبه لكم روايه للامانه منقوله ..

خل ابـدأ ..

+*+*+*+*+*+*+*+*+*+*+*+

هاايوووو حبايبي الاعضاااء كلكم،،،

هاذي قصه من كتابات اختي الصغيرررررره...و حبيتهاا حيل و تصلح فلم:d
عباره عن اجزاااء وانشالله تعجبكم....هاذا اول جزء و ناطره الردود عشااان نكمل مع بعض...وياهلا فيكم


مها
بقلم:مها
(استخدمت اسماء عوايل وهميه واذا كان لها وجود فهذا من باب الصدفــه)..مها


ساعات تتحقق الاحلام المستحيله بس بعد ماتتحقق نشوفها بشكل ثاني ونتمنى نرجع لواقعنا و نتركها بعيد عنا،،،،ساعات نكره وايد شغلات تتعلق فيناا بس لما نشوفها من زاويه ثانيه نشوفها احلى شي بالوووجوود
ساعات تكون احلامنا جنونيه بس تتحقق ونشوف الجنون بالواقع و يكون مر وسخيف ،،،،اللي بوصله .. والزبده من الحجي...مافي احد مرتاح حتى المرتاح مو مرتااح و كل واحد يشوف همه كبير حتى لو كان تافه بنظرك انت او بنظر غيرك....كل واحد معاااه همه على قددده...بس عاد طويله المقدمه مو صح؟؟؟...


حابه بهالقصه اتكلم عن نفسي..خصوصا انها كانت تجربه بالنسبه لي،،،خانتني مشاعري تجاه هالتجربه مادري زينه ولا شينه..او يمكن زينه وشينه بنفس الوقت.....

هاذي انااا مها بنت 15سنه بيتنا بالقادسيه الوسطانيه بين ثلاث بنات ريم 18 سنه فرح 13 سنه ودايما يشوفوني العله في كل شي واهاهاهي

ماعمري حبيت المطر..ودايما يوتر اعصابي ..لدرجة اني اخاف منه...بس في كل يوم ممطر شتوي افضل اني ادعل على اختي ريومه ..واقعد عندها بالغرفه واغثها خصوصا انه المطر يسبب لها ازمه نفسيه ...


(مها بغرفة ريم18سنه فاتحه الدريشه والشتر ومطلعه راسها ..الوقت:الساعه 6 المغرب )

مها:طق يامطر طق بيتنا يديد
ريم(حاطه المخده على راسها):مهووووو يالبقره طلعي بررره تكفين بناام

مها:وهاهااههاهاي مابي اصلان انا انطر المطر يطق عشان اقهرج واقعد بغرفتج واغنييييلج..طق يامطر طق..

ريم:مهوو عن الملاقه والله صج مليقه

مها:ادري تحبيني بس مو عارفه تعبرين عن شعورج واهاهاي

ريم(صوتها من تحت المخده):هالجوو يعيشني بكآبه

مها:بالعكس احلى شي بالووجود اربع اشياء

ويقولون بصوت واحد(الغروب و الحروب و المطر و البحر)


ريم:حفظناها يا بابا شنسوي بعد بنت الغزو ما الومج فيج روح صداميه


مها:عشووون عييل(وتقعد تتحلطم)..باجر امتحاني علم نفس ياربييييييييي متى اخلص هالسنتين وافتك واتخرررج ..ودي اساااافر اهج بروحي مابي احد ابي اطيييييير


ريم:والله ومالت اهم شي انج بتطيريين تصدقين مهوو ساعات صج احس اني بقتلج؟

مها:شي جميل هاذا

ريم:ااااااااااخ

مها:بعلج لين تطق جبدج و تموتيين وافتك منج واصير انا البجر اليديده..بسافر بسافررر حرام عليكم سفروني بموت لو خدامه جان سافرت ع الاقل

ريم:كفوج .وبعدين انتي طول عمرج ماييبين بعينج مهو وين يعجبها العجب اقول اقول منو من ربعج عندها جيتار و عود منوو من ربعج تهيت على كيفهاا محد يسأل منو من ربعج..الخ

مها:طاع السخافه حاسدتني على عودي اخذيه مابيه شفيج اليوم صايره نكديه قطيعه

ريم(تطلع راسها من تحت المخده):مو اقولج الجو اييب لي الكآبه
مها(بصوت عااالي):طق يامطر طقققققق (وتطل من الدريشه وتشوف سياره تسفط جدام بيتهم)


مها:اقوول اكو زوار عندنا لا بالله درسنااا انا لو اقتل خاللاتي مو احسن؟


ريم:لحوول لايكون رازين ويهم كالعاده

مها:والله شكلهم جذي مادري عااد شنو سيارة خالتي فوزيه؟
ريوم:لكزس ابيض

مها:لا يبه هاذي السياره مقحفه
ريم (حاقرتها)

مها:اااااخ بروح غرفتي لاني لوو بقعد هني ثانيه وحده راح اموت من المغثثثثثثثه وين ابووي خل يقعد معاي


ريموو(تأشر بيدها):طسييي




وادش غرفتي اللي متروسه صوري بكل مكان على الطوفه على المنظره على الكبت على السرير كل مكاااااان تدرون فيني معجبه بجمالي الخارق كيفي احب نفسي..ابطل الدرج واطلع صورة عليوي
(عليوي رفيجي من لما كان عمري 11 و توأم روحي واهو اقرب لي منها علاقتنا نت وحيل مع بعض مثل الاخوان بالضبط)


مها(تكلم روحها):وينك ياعليوي ياحمار ع الاقل جان قزرنا على بعض
وتدش فرح فجأه

فرح:مهووو

مها:عمىى بعييييينج خرعتيني شتبين


فرح:يعميج يالشيفه ..ماعندج اشعار نلحنهم لانه بطني يعورني من الملل


مها(تعفس ويهها):حدج فاضيه فرحوو طلعي عفيه

فرح:شفييييييكم انتووو فرح من صوب وانتي من صووب


مها:اليوم يوم السبت و بره مطر و توه مأذن المغرب و عليوي

محاربني وعلى علم نفس امتحان باجر و بطني يعورني .اكو جو كئيب اكثر من هالجو؟


فرح:اوش


مها:شنو!


فرح:صوت احد تحت


مها:يعني منو بيكون يا خالتج فوزيه يا خالتج مررريم


فرح:لأا يبه خالتي فوزيه عندها عزى اهل ريلها و خالتي مريييم شيييبها بهالمطر!!


مها:عيل تدرين شلون!!نروح نطل احسن

واقووم و اربط شعري اللي واصل لي ظهري و كيرلي كله...نزلت تحت جان اشوف مره كبيره شكلها عميه ماتشوف معاها بنت صغيره يمكن فيها25 سنه


نزلت....مها(تبتسم نص ابتسامه):هلا والله (واقول بقلبي:ياربي منو هالحوش)


البنت الصغيره:هلا فيج يمه روحي نادي امج


مها(تعفس ويهها) :حياكم..منو اقول لها؟


البنت الصغيره:ادري ماتعرفنا بس قولي لها اسراء مع امها ام رامي
مها(تقول بقلبها:ام رامي واع)


مها:حياااكم البيت بيتكم اروح اشوف امي
صعدت فووق ولا القى ريمو بويهي

ريم:مها


مها(تحط ايدها على قلبهاعمىىىىىى خرعتيني


ريم:وانتي كله مخترعه وبس..منو تحت؟


مها:مادري!! بس تصدقين ..لاعت جبدي من ريحتهم
ريم:يبون منوو؟مها:امي بعد منووو


ريم:لأا يكون ياايين يخطبونج كااااااااااااك


مها:اي تصدقين عاد اسم ريلي رامي كيكيكيكيككي يلا بس عاد يلا مناك



واروح افتح باب غرفة امي وبنفس الوقت امي تفتح الباب
مها:يمممممه

موضي:اشفيج اشفيج انتي متى تكبرين ووتتعلمين تطقين الباب
مها:الباب لو اموت ما اطقه و اكو ناس تحت يبونج
موضي:تصدقين مهوو


مها:لو شعري يطول كثر مايطول لساني جان الحين شعري واصل لي آخر الفرييييج..بس عاد حفظنا هالاسطوانه


موضي:عفيه على الشاطره..انزين ماقالوو اهما منو؟؟

مها:لاااء

تتركني امي و تنزل تحت بدراعتها العنابيه
موضي:يا هلا حياكم الله

اسراء:الله يحييج ويخليج حضرتج موضي الـــ____ ال___
موضي:اي نعم ..منو حضرتج؟

اسراء:والله يا ام - - - -

موضي:ناديني بأسمي الله ماعطاني ولد

اسراء:والله يا اختي ياموضي هذي امي (وتأشر على امها) واحنا مانقرب لكم وانا اول مره اشوفج..بس امي اللي شافتج قبل15سنه



موضي(تحط العصير بصينية التقديم):كانت رفيجتي يعني ولا معاي بنادي او - - -


اسراء:لا هاذي ولا هاذي


ام اسراء(تبتسم ابتسامة قلق):لغز!!


اسراء: يا اختي احنا مو كويتين وعايشين بالكويت من زمااان وانا انولدت هني


موضي:اها..وشدخل هاذا بالموضوع؟!


اسراء:ما اعرف شلون اقول السالفه ولو ماكنت مجبوره جان يمكن ظليتي طول عمرج ماتدرين


موضي:ادري عن شنو!! لو سمحتي تكلمي


اسراء:انا راح احكي بس اتمنى تسمعي لي النهايه من دون مقاطعه واحنا راح نتقبل ردة فعلج لو شو ما كانت


موضي(حاطه ايدها على قلبها):الله يستر!!تكلمي..اسمعج


اسراء:امي كانت تشتغل ممرضه..(وسكتت فتره طويله واهي تقول لا حول ولا قوه الا بالله)..كانت تشتغل ممرضه بمستشفى مبارك قبل 15 سنه دخلتي انتي المستشفى بحالة ولادة..كان غزو وحرب كنتوا بمحنه..كانت الامور متلخبطه (تسكت شوي وتمد ايدها داخل الجنطه اللي معاها وتطلع اسوار بيبي اللي يحطونه ساعة ولادة الطفل ويكتبون فيه اسم الام وو قت وتاريخ الولادة...وتكمل كلامها: يااختي قبل15سنه اخفت امي هذيل الشريطين بغرض انها تبدل بين مولودين..الولد او البنت اللي عاشو معاك 15 سنه ماهي بنتك او ولدك ..وهااذا اسوار الحرمه اللي عندها ولدك او بنتك و اكيد اهي ماتدري بهالشي ..امي وصلت لحاله من المرض خلتني اضطر احكي من شان تموت مرتاحه انا اسفه يا اختي والله اسفه بس ماني عارفه الدافع لهالشي ...واتمنى تسامحيها



موضي(ساكته ولا كلمه...كانت صدمه خلتها تشوف بنتها مها بنت ال15 سنه


بكل مراحل عمرها بعفويتها و جمالها الغريب عن العايله كان تشوف مها تتلاشى صورتها جدامها وتحاول تجمعها من يديد وتحاول

تستوعب اللي حصل ..رجعت بالزمن لي ورى 15 سنه يوم صحت بالمستشفى ..موضي:يمه (كانت تكلم يدتي)


يدتي:هلا يمه صحيتي ..


موضي:يمه ..ولد؟


يدتي:لا يا يمه بنت مثل القمر


موضي:يمه وينها بشوفها


يدتي:كاهي نايمه قمر لا اله الا الله قاعده افكر تشبه منو ورجعت لي زمن يدي ويدتي خيخيخ

موضي:يمه كنتي موجوده ساعة ولادتي


يدتي:انولدت هالبنت على ايدي يا يمه ...........ردت امي لواقعها الغريب على صوت بناتها الثلاث


مها:يمــه يا يمه ردي علي شفيج ساهيه


ريم:الله يستر هالينيتين شنو سوو بأمي


مها:قلتلج شاكه فيهم من ريحتهم


فرح:او طالعوو امي ترجف منوو معلي على السنترال(المكيف)


ريم:جبوو شوي




موضي:مها

انتظروا الجزء الثاني
راح اكمل ورا الردود
مع تحياتي:
gogo al-rashed
C U



تعديل Gogo Al-rashed; بتاريخ 02-09-2012 الساعة 03:38 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-09-2012, 03:41 PM
صورة Gogo Al-rashed الرمزية
Gogo Al-rashed Gogo Al-rashed غير متصل
©؛°¨غرامي متألق ¨°؛©
 
الافتراضي رد: قصه باللهجه الكويتيه الحضريه اتحداك ماتندمج


ما اوصيكم ردوود بلييز..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-09-2012, 06:10 PM
صورة مرجوجة بس محبوبة الرمزية
مرجوجة بس محبوبة مرجوجة بس محبوبة غير متصل
©؛°¨غرامي فعال ¨°؛©
 
الافتراضي رد: قصه باللهجه الكويتيه الحضريه اتحداك ماتندمج


’،


روعــــــــــــــــــــہ

تسٍلـمَ آآنٍـًاملًـگ

يًعُطَيگ رًبَيٌ آلُفً عًآآفيًــــہ

وًدَي


’،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-09-2012, 06:21 PM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: قصه باللهجه الكويتيه الحضريه اتحداك ماتندمج


السلام عليكم ورحمة الله

حياك الله .. بس حبوبه ماذكرتي اسم الروايه او الكاتبه
لحفظ حقوقها وحقوق الروايه ..


https://forums.graaam.com/458176.html


موفقه بنقلك ان شاء الله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-09-2012, 07:43 PM
صورة Gogo Al-rashed الرمزية
Gogo Al-rashed Gogo Al-rashed غير متصل
©؛°¨غرامي متألق ¨°؛©
 
الافتراضي رد: قصه باللهجه الكويتيه الحضريه اتحداك ماتندمج


اقتباس:
المشاركة الأساسية كتبها همسات وردة مشاهدة المشاركة
السلام عليكم ورحمة الله

حياك الله .. بس حبوبه ماذكرتي اسم الروايه او الكاتبه
لحفظ حقوقها وحقوق الروايه ..


https://forums.graaam.com/458176.html


موفقه بنقلك ان شاء الله
اسم الروايه ما ادري لانه في وحده ناقلتهاا باحدا المنتديات جذي وانا نقلت منهاا يعني مو موقع الرئيسي ناقلتهاا حاولت اطلع اسم الروايه بس ما قدرت و اسم كاتبه مهاا ..


تعديل Gogo Al-rashed; بتاريخ 02-09-2012 الساعة 07:53 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-09-2012, 07:44 PM
صورة Gogo Al-rashed الرمزية
Gogo Al-rashed Gogo Al-rashed غير متصل
©؛°¨غرامي متألق ¨°؛©
 
الافتراضي رد: قصه باللهجه الكويتيه الحضريه اتحداك ماتندمج


اقتباس:
المشاركة الأساسية كتبها مرجوجة بس محبوبة مشاهدة المشاركة
’،


روعــــــــــــــــــــہ

تسٍلـمَ آآنٍـًاملًـگ

يًعُطَيگ رًبَيٌ آلُفً عًآآفيًــــہ

وًدَي


’،
حبيبتي نورتي الحين بنزل البارت..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-09-2012, 07:47 PM
صورة Gogo Al-rashed الرمزية
Gogo Al-rashed Gogo Al-rashed غير متصل
©؛°¨غرامي متألق ¨°؛©
 
الافتراضي رد: قصه باللهجه الكويتيه الحضريه اتحداك ماتندمج


الجزء الثاني .. (للكاتبه :- مهاا )

مها:هلا يمه عيون مهاااا المربعه

موضي:تمنيتج تكونين يوسف اول ما ييتي الحين بس مابي احد ياخذج مني


مها: ها!!


ريم:انتي لو صايره يوسف و فاكتنا مو احسن طالعي امج قامت تحلم فيه المسكينه

فرح:تعقدت امي بعد هالعمر


موضي(صرخت فجأه):والله ينييت كافي بس كافي منو مها وينها مها بنتي انتي اي انا ربيتج على ايد يدتج يا يمه انولدتي


مها(واهي تاكل علج قاعده تستعبط):طول عمري وانا اقول يدتي جذابه لا انولدت على ايدها ولا شي اصلااان خالتي تقول يوم انولدت اناا كانت يدتي نايمه


ريم:يكيكيي شياب الطاري الحين


فرح:لا سكتوو ترا السالفه صج

مها:شنو اي سالفه شصاير


موضي(زاد صراخها...عبدالله ..عبدالللللله

وتصعد ريم فووق ركض و تنادي ابوووي حسينا انه السالفه بدت تصير جد وكان خوفي يزيييد كل ثانيه مادري شنو كان تفكيري وقتها..

عبدالله:شفيج ياموضي شصاير يا بنات شفيها امكم

مها:مادري يبه قبل شوي مادري منو ياااناا حرييم مادري شنو يبه مادري كلم امي قولها شسالفه

(كانت الدمعه بعيوني والكلام يطلع من حلجي واهوو يرجف من نبرة خوف واضحه)

عبدالله(يمسك امي):شفييج ياموضي

شصاير منوو يانا قولي تكلميي


موضي:مها يااا عبداللله مهاااا


مها(قمت ابجي):شفيني يمه شصاير
خرعتينيييي شسويت انا والله ماسويت شي


عبدالله:شفيها مها شنو سووووت مها يبه شفيج شصايررر كلميني ردوا

(ريم و فرح منصدميين و واقفيين )


موضي: بعد 15 سنه تطلع مها مو بنتيي


(وقتهااا طحت من طولي وكل شي يه على بالي مشاعري اختلطت و مادري بالضبط بشنو حسيييت ...)


عبدالله:منووو يقووول ..تكلمي شقالووو بنات ابليس اللي كانوو هني قبل شووي


موضي(بهستيريا غريبه):مها مو بنتي بدلوو اليهال قبل 15 سنه مادري ولدي ولا بنتي قوم يا عبدالله نروح نسأل قوم لا تطالعني جذي مها مو بنتي مهااا


عبدالله(بنبرة جنوووووون):منوو يقووول ..ادري انها انولدت بغزو بس انولدت على اييد امج ومحد لمسها غيرهااا تعوذي من ابليس وقومي صلي ركعتين هذيل مخرفيين قومي بس يابنت الحلال قومي يامها هاذا حجي فاضي شلون يايبه


(وصراااخ ريم و فرح و مهااا صدمه بدون اي حركه او ردت فعل حتى افكاري كانت بصووب وانا بصوب كل شي اخترب وقتها)


موضي(قعدت تحت ريل ابووي):قوم يا عبدالله بروح اشوف بعد 15 سنه انا شنو يبت بنت ولا ولد قووم الله يخلييك اهي عطتني العنوان و كل شي خلاص خلاص انا بروح بروحي بس مهااا لحد ياخذها مني تعالي مهااا يمه لا تخليين احد ياخذج مني تعالي ابيج يمي يايمه..


(وقتها عرفت انه امي تأثير الصدمه بدى يبين عليها ماتدري شنو تبي تبيني و تبي تعرف شنو يابت قبل 15 سنه ..وانا خذتني افكاري وقعدت اشووف احلا مراحل عمري بهالبيت كل شي صاار حسيت انه ال15 سنه كلها شفتها جدامي بحلووها و مرها قعدت اتذكر حتى الشغلات الغايبه عني دايما كل شي راح ..خلاص..شفت احلا المواقف بعيووني كل اللحظات ..سهرنا مع بعض ..عبطنا مع بعض..لعبنااا..غشمرتناا ..كل شيييي


..وصحيت على كلام ابووي واهو يقوول:لازم نحلل عشان نتطمن لازم نروح نكلم البيت اللي فيه بنتج على قولتج


و امي حاطه ايدها على راسها و خواتي ليلحين الصدمه مأثره عليهم ..وانا بدييت افكر بأمي و ابوي..لالا اقصد امي الثانيه ..شلون راح تكون لو طلع كلامهم صح!!..شلون راح اتحمل اروح هناك..منو اخواني منو خواتي
منو آنـا؟؟..مها البرواز..ولا شنو؟
وتتركني افكاري لثواني..


عبدالله:تعوذوا من ابليس انا ادري انه مها بنتي بس بخليج تتطمنيين اكثر

(حسيت انه مثل امي مايدري شنو يبي..مثلي انا مثل خواتي اللي اكيد تفكيرهم الحين منو اختنا اليديده او منو اخونا اليديد...وين راح تروح مها..و وين راح نلتقي..وراح تتكرر ايامنا مع بعض ولا خلاص كل شي انتهى...ابتسمت ابتسامة يأس..وخووووف واحساس بالضياع..خايفه من المجهول ..وصوووتنا واحنا كلنا نضحك غطى لي افكاري ودي اسمعهم يقولون تذكرين في يوم لما صار كذا وكذا و نضحك كلنا على هالموقف..بس تاخذني افكاري مره ثانيه وارجع اشوف الواقع بعيين ثاانيه من زاويه ثاانيه ..وتخطف نظراتي شكل ابوي واهوو ماسك بيده ورقه فيها عنوان و رقم بيت و اسم مره...خطفت انفاسي مابيها تزعجني ابي اسمع شراح يصير وشنو راح يكون مصيري و وين !


اكتشف انه الرقم مقطوع ..


موضي:عبدالله عندنا العنوان امش خلنا نروح
(وقتها كرهت امـي ..وقعدت اقول بنبرة حقد :متفائله انه بيكون لج ولد بعد 15 سنه وليلحين عندج امل )


عبدالله(ساااكت):موضي صلي على النبي شلون نروح من غير موعد


موضي(بصراخ على بجي على هسيريا):وانا بروح اخطببببب انا بروح اشوووف منووو ولدي


عبدالله:لا حول ولا قوة الا بالله حسبي الله ونعم الوكييل قومي يمه مها غسلي ويهج وتعالي معانا ولا تخاافين بس عشان نطمن امج

قمت من مكاني وانا اطالع امي بحقد وقلت:بس والله اذا طلعت السالفه مو صج والله ماراح اسامحج

غسلت ويهي وربطت شعري صليت ركعتين طلبت فيهم من ربي انه السالفه ماتكون صج و خذتنييي غصة بجيي ودخل علي ابووي


عبدالله:تقبل الله يبه.. يبه مها كلام امج قبل شوي لاتحطينه في بالج كلنا منصدمين و كلنا ماعرفنا شنقول وانا متأكد انج بنتي وانشالله مايصير الا كل خير انتي الحين لبسي وامشي معانا


مها(طالعت ابوي بنظرة حسسته فيها بأنه احساسه مو صادق او انه صادق بس بيحاول يجذب على عمره كلنا كان احساسنا جذي من قبل بس ما اخذناه بمحمل جد خصوصا انه ولا شي فيني يدل على اني بنتهم..

وذبت بدموعي مره ثانيه بس هالمره حسيت انيي بنت ال4 سنوات عفست ويهييي و بجييت ..


عبدالله(واهو حاظنني):يبه مهااا بعده ماصار شي كله حجي يا يبه شفييج لا يصير عقلج صغير مثل امج قومي يبه


قمت مثل ما قال ربطت شعري..و مشيت معاهم ..وقفت عند الباب اطالع البيت كله وانا قلبي حاس انه بيي احد غيري وياخذ مكاني و كل شي خاص فيني..حسيت بلحظة اني اكره كل اللي بالبيت من زود خوفي وحبي لهم..حسيت بلحظة اني بصرخ من كل قلبي اقول اناا منووووو..

بالسياره..الصمت ماخذ حقه وزياده وابوي يحاول يقنعناا نهدي نفسنا وانه بعده ماصار شي ..سهيت افكر ..

بساعه كل شي اخترب قبل ساعه كنت افكر بهم الامتحاان وكنت مها البرواز وكنت بغرفتي وانا ادري انها غرفتي
قبل ساعه كانت حياتي مستقره و همومي اتفه من اني افكر فيها..الحين!! انا منو؟؟وين غرفتي حاسه بضيااع وكان ودي وقتها انزل وامشي بالشارع حاسه بخنقه غريبه و دموعي تغطيها..الله يستر..وين راح اكون بعد ساعه !! وشنو راح يكون همي..



امي تبجي بصمت وابوي سااكت وانا قاعده افكر بأيامي اليايه وين راح تكون وشلون راح اعيشها...
فجأه تذكرت عليوي وينه ايي يشوف مها اللي عمرها مابجت وينه ايي يشوف دموعها ..ويينه بكلمه ابيه يكلمني بأي شي يهديني يحسسني اني مها يحسسني اني ليلحين ما انتهيت...



ونبضات قلبي كل مالها وتزيد..

وقفنا عند بيت في (الجابريه)..

نزل ابوي و قلبي من زود دقاته حسيت انه بيوقف...

بعد فتره رجع مره ثانيه بيده ورقه..عرفنا انه البيت مأجر و عطانا عنوان صاحبه..

زادت رجفاتي لميت روحي حيييل وانا اخنق دموعي..

ابوي يلتفت لي ويقول:هههه موضي شوفي بنتج مهاوي ما اوصيج تدرسين عدل حق الامتحان اول ما انرد البيت

(ضحك مو من قلبه يحاول بأي كلمه يهديني يقلل من توتري يحسسني اني مها..

وانا غارقه بدموعي آآآه يا يبه ياليتني في داري الحين ادرس ..


ياليتني ادرس..ياليتني مافتحت الباب لهم

ياليتني بغرفة ريم الحين اعبط عليها

ياليتني يايبه ازهب ملابس المدرسه

ياليتني في غرفتي ادرس...



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-09-2012, 07:49 PM
صورة Gogo Al-rashed الرمزية
Gogo Al-rashed Gogo Al-rashed غير متصل
©؛°¨غرامي متألق ¨°؛©
 
الافتراضي رد: قصه باللهجه الكويتيه الحضريه اتحداك ماتندمج


الجزء الثالث (للكاتبه:- مها )



كان البيت بمنطقة(مشرف)..المطر فجأه وقف..ياخوفي لايوقف قلبي ..حسيت بتعب وانا مابي اعرف الحقيقه مابي اعرف انا منوو خايفه انصدم ..طول عمري مها البرواز المغروووره اللي مايعجبها العجب..مابي شي يقلل مني مابي كل شي كرهته..الصدمه خلتني اسكت فتره و ابجي فجأه وامي قالت كلام وااايد ما فهمته ما اعتقد انه اهي بعد كانت فاهمه اهي شتبي بالضبط حاطه ايدها على راااسها و ماتبي تسمع غير الحقيقه ماتبي احد يكلمهااا ....

بعد فتره وقفت السياااره....وفقدت السيطره على
نفسي وقتهااا ..مها:يبه الله يخليك مابي انززل تكفه يبه


عبدالله:مهااا شفيج يبه تعوذي من ابليس ماكو شي مو صاير شي نزلي مايصير نخليج بروحج يلا يبه نزلي..موضي كلمي بنتج خليها تنزل

وانا حاطه ايدي على عيوني وابجي مثل اليهال بالضبط ..واابوي يضحك علي و يقولييي:راح اذكرج بس نخلص من سالفة امج انج بجيتي جذي

غمضت عيوني فتره..وقررت اني انزل..وامي تطالعني بنظره مافهمتها وقتها كنت حاقده وبس بس الحين عرفت انها كانت تبيني و تبي تعرف المجهوول..وخايفه علي بنفس الوقت من اللي راح يصير فيني...نزلت عيوني وقعدت اقوول بقلبي::يايمه ليتني افهمج.....

دخلنا البيت..وسألنا عن صاحبه...بعد فترره.. دخل علينا صاحب البيت عرفت انه اسمه يعقوب راشد الراهي من لوحة الديوان اللي كانت بره..سرحت اقوول مها يعقوب راشد الراهي؟؟مها عبدالله البرواز..الراهي البرواز..عبدالله ...يعقوب...

يعقوب : يا هلا حياكم الله..


عبدالله:الله يحيييك ..يابو يوسف اناا ماعمري عرفتك بس اكو سالفه صايره يابتني عندك و لي بيتك (قعد ابوي فتره يفكر بالاسم ..طول عمره واهو حلم يسمعه..[بو يوسف])


يعقوب:: هاذي الساعه المباركه يا بوو


عبدالله:بو يوسف


يعقوب:اي يابو يوسف تشرفناا ..


يابوو عصير و انا نظراتي راحت صوب يعقوووب قعدت اطالعه وشفت فيه مها..مادري ليش هالاحساس ياربي كافي..


عبدالله:ندش بالموضووع...والله يابوو يوسف السالفه غريبه وراح تغيير وايد اشياء


يعقوب:مثل شنوو


عبدالله: زوجتك اسمها ..غدير الــ الـــــ


يعقوب:اي بالضبط


عبدالله:عندكم ولد او بنت عمرهم حوالي15سنه
(قعدت اطالع امي بشوف ردة فعلهاا اول ماتعرف انـه .....

يعقوب:اي عدل ولد عمره 15 سنه


(آآه يا يمه يبتي ولد بعد15 سنه حمل...آآه يا يمه ليتج لا حملتي ولا يبتي ...


عبدالله:انولد بمستشفى مبارك


يعقوب:اي عدل من وين لك كل هالمعلومات؟


عبدالله:آآه..عيل اسمع..اليوم..آآ..ييوونا البيت حريم ثنتيين


يعقوب:اييي شفيهم


عبدالله(بعد فترة صمت): يدعون انهم بدلو اليهال واهما صغار


يعقوب:عفوا؟


عبدالله:اقصد ولدك اللي عمره 15 سنه ببنتي اللي عمرها 15 وانولدت بنفس اليوم و المستشفى ..انا اقول يابو يوسف نروح نحلل عشان نتطمن


يعقوب:شنو نحلل و شنو نتطمن يبه يوسف ولدي وانا ابووه من 15 سنه الحين يايبلي بنت تقولي هاذي بنتك...


عبدالله:مثل ماسمعت و شفت و المطلوب الحين نروح نحلل


يعقوب:لا حول ولا قوة الا بالله(راح بفترة صمت وارتفع صوته شووي ) انت شتقووول ابي افهم اناا وين قاعدين احناا فلم هندي اهووو.. اخووي اعذرني انا مو مصدق


عبدالله:وعشان تصدق و نتطمن ونعرف الموضوع و نفهمه لازم نحلل باجر الصبح


يعقوب:يبه يوسف ولدي ولدي انا انت شتقوول


عبدالله:يابو يوسف مثل ماقلت لك احنا مضطرين انا نفسك مو مصدق ولا ابي هالشي يصير بعد هالسنيين اللي راحت ومها بنتي و يوسف ولدك


يعقوب(رد صوته طبيعي):شورتك وهداية الله ولو انه المفروض مانمشي على حجي حريم ثنتين قالوه و مشووا بس كلامهم مو هين لازم نحلل باجر عشان تتطمن و تطمني


عبدالله:عدل هاذا الكلام اللي نبيه ويالله اخووي على خير انشالله



يعقوب:على خير حياكم الله




طلعناا وانا بمنتهى الصممممت حتى افكاري سكتت ..بس قعدت اقووول..الدكــتــوور يعقوب راشــــــد الراهـــــي ،،،



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-09-2012, 07:51 PM
صورة Gogo Al-rashed الرمزية
Gogo Al-rashed Gogo Al-rashed غير متصل
©؛°¨غرامي متألق ¨°؛©
 
الافتراضي رد: قصه باللهجه الكويتيه الحضريه اتحداك ماتندمج


الجزء الرابع (للكاتبه:- مها)

بعد مارجعنا البيت ..بخطواتي الثقيله ..وفرحة حزن امي..و خوف ابوي علي..بعد طريييج طوووويل حسيته بالسياره...لقيت خواتي جدامي،،وقتها ماكنت ابي غير غرفتي مابي اشوف ردت فعلهم مابيها تكون مثل ردت فعل امهم مابي انصدم مااابي

ريم(بهدووء):مها شصار !!


مها(حطيت ايدي على ويهي وانا اتحسر):شنوو تبوون انتووو شنو تبوون ..اخوكم؟؟...اي اخوكم..يوسف يعقوب الراهي اخوكم يوسف عبدالله البرواز ..ريم انا مها يعقوب الراهي..تبوون اخوكم صح ماتبووووني ..ماتبون مها..حتى انا ما ابيييكم ما ابي احد وخروا عني ....( فقدت الوعي لساعات و صحييت الفير(الفجر) ...


فتحت عيوني لقيت امي و خواتي يمي..صداااااع ذبحني ...مادري شلون حسيت انه اللي صاار كان حلم ...

مها:ريم صج اللي صار ..صج ولا انا كنت احلللم


وهدوووءها خلاني اعرف انه الكابووس كان حقيقه ..طالعت امي اللي كانت بعالم ثااني بأفكااار بعييده ..والخوف مبين بعيونها من كل شي راح يصير تمنييت اغمض عيوني و افتحهاا القى الشمس شرقت اقوم اروح المدرسه و اضحك على حلمي السخيف..آآه..


مها:يمه مبروك يتربى بعزج


موضي(راحت بنوبة بجيي ولمتنيي حيل ..بللت شعري بدموعها اللى انمزجت مع دموعي ..وخواتي نفس الشي..


بعد ساعات عصيبببه عشتها بكابوووس وهمي شرقت الشمس...كانت امي يمي..وخواتي بعد..قمت بكل هدوء غسلت ويهي وبديت اتقبل واقعي المر..كانوو نايميين وانا اغسل ويهي..نزلت مني دمعه بكل هدوء مسحتها وانا اقوول (يااربي ...آنا صغيره على جذي صدمه..


صليت ودعييت ..وغفيت على السياده(السجاده) وصحتني امي وبكل هدوء قمت من غفوتي لبست ....

بعد دقايق وانا تحت ..نزل ابوي واهو يلبس غترته وانا منزله راسي ..رفعته شووي لقيت امي يمي بعباتها ساهيه فيني..آآخ ليش آآنا ليش اشمعنه انا اللي يصير فيني جذي ...استغفرت ربي ..وقاطعني ابووي

عبدالله:يبه مها اكلي لج شي


مها(بصوت هادي):يبه رايحه احلل


ابوي سكت فترره وانا اشوف بعيونه كلام وايد كان وده يشوفني بملابسي المدرسه أأخره على الدوام كالعاده كان وده يشوفني بعصبيتي و عسارتي الصبح....



بالسياره....هدووء محد تكلم ..وصوت العفاسي واهو يقرى سورة البقره حرك الف احساس فيني و بديت احس اني لازم اتقبل كل شي كلللل شي حتى لو كان مر راح ابلعه وانا ساكته وراضيه وشاكره بعد..

نزلنااا ودخلنا المستشفى لقينا سيارة اسعاف عند الباب تذكرت كلمه كان يقولها ابووي كل ماشافني داخله المستشفى((انشالله ماتدخلينه بعد الا للولاده.....

آه يالولاده.....آآه يايبه ...دخلنا وانا كل مافيني يرجف بصمت..ودي اصررخ عمري ماتعودت على الخوف والهدوء..ودي اصرخ...

لقينا يعقووب الراهي..سهيت فيه ..مادري بعد جم يوم يمكن اناديك (يبه) ..


عبدالله:صباح الخير


يعقوب:صباح الخير هلا بو يوسف وين مها


عبدالله:كاهي

يعقوب(بعد نظره طوويله مادري شنو معناتها):يلا يبه يوسف داخل...


التفت على امي لقيتها تدعي
مها:تدعين!!ليوسف ولا مها؟

موضي:لكل خير

مها:والخير بمها ولا بيوسف


موضي:الخير الله اعلم وينه فيه


مها:يمه ادعيلي..يمه ما ابيهم يمه


موضي:سمي يايمه ودخلي وانشالله مايصير الا الخير

بلعت ريجي بكل هدوء..بعدت خصلات شعري عن ويهي..ودخلت....

شفته!..يوسف...وينج يايمه تيين تشوفينه..وينج يايمه كاهي فرحتج جدامي...حسيت بدمعتي وحاولت اتجاهلها وبانت على خدي


مها:لا تخاف..ااذا طلعت يوسف البرواز راح تحصل كل شي حلو
رفع راسه وشفت فيه خواتي ريم و فرح بملامحه بطريقته بنظرته حتى قبل لا ينطق..


يوسف:واذا طلعتي مها الراهي راح تكونين خاله وراح تحصلين غرفه كبيره (ضحك و دموعه على خده)..


مها:خاله؟


يوسف:اختي عندها بنت وصبي


مها:تدري يايوسف انه امي طول عمرها تشوفني يوسف..جنها كانت حاسه ..


يوسف:ياليت كل هاذا يطلع حجي وافتك


مها(مسكت ويهه):ياليت ! تقول ياليت؟؟ آخ احساسي اكبر من هالكلمه ماني عارفه شقول...


قاطعنا الدكتوور وقال بصوت هادي:انشالله مايصير الا الخير...

مديت ايدي بخوووف كبير ماعرف اعبر عن حجمه ..و دقات قلبي ماله داعي اقول شفيها...يوسف يطالعني بنظراات خووف بملامحه اللي كلها براءه...

بعد الابره...راح الدكتور و قعدنا ساكتيين و نظراتنا تعبر عن اللي فينا ..عن اللي نبيه..بعد فترة صمت قال شغله استغربت منها مادري تدل على عقليته الصغيره ولا قوة الموقف اللي خلاه يخربط
يوسف:اذا طلعتي مها الراهي راح اتزوجج
مها:شنو؟

يوسف:ماكو غير هالحل عشان مانبتعد عن اهلنا


مها:يوسف .. لانستعجل الاحداث

بعد ساعتين انتظااار حسيتهم 15 سنه مو ساعتين سافرت فيهم بعيد عن الواقع



..لمحت الدكتور بيده الاوراق..الـنـتـايج طبعا..




ــــــــــــــــــــــــــــــــــــــــــــــــــ ـــــــــــــ
توقعاتكم علشان اكمل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-09-2012, 08:19 PM
صورة Gogo Al-rashed الرمزية
Gogo Al-rashed Gogo Al-rashed غير متصل
©؛°¨غرامي متألق ¨°؛©
 
الافتراضي رد: قصه باللهجه الكويتيه الحضريه اتحداك ماتندمج


بنات راح اكمل ..

الرد باقتباس
إضافة رد

رواية مها / كاملة

الوسوم
لاتؤجلي , الحضريه , الكويتيه , اتحداك , باللهجه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 06:32 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1