غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-09-2012, 01:53 PM
صورة ReRe Subki الرمزية
ReRe Subki ReRe Subki غير متصل
©؛°¨غرامي جديد¨°؛©
 
B11 ما من محبة الا بعد عداوة / بقلمي


سلام سلام ..
مم عندي رواية من كتابتي :)
الرواية رح تكون خلط مابين الخيال والواقع
ان شالله تعجبكم :)
حانزل اول بارت وان شاء الله يكون بداية خير

برب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 13-09-2012, 02:16 PM
صورة ReRe Subki الرمزية
ReRe Subki ReRe Subki غير متصل
©؛°¨غرامي جديد¨°؛©
 
الافتراضي رد: ما من محبة الا بعد عداوة - بقلمي


في مكان ما في الكرة الارضية , في المملكة العربية السعوديه - جدة
تحديدا في بيت نغم , الساعه كانت 6:30 !

بندق باب غرفتها , طق طق طق
لا جواب
يندق مرة تانية !
لاجواب برضو
يندق للمرة الثالثة

نغم بعصبية:هاااااااااااااااااااااااااااااااااااااااااا اا !
ام نغم تدخل الغرفة:هوا ان شالله قومي خلاص
نغم ترمي تغطي وجهها:لاا لاا الله يخليكي بدري
ام نغم طلعت عيونها:تستهبلي ؟ بدري فين يالله يالله تقومي وكمان لازم السواق يمر على عبودي قومي خلصيني
نغم:اللللله ياخذ هالعبودي ماما لو سمحتي روحي روحي خليه يوديه اول شي بعدين انا خلاص روحي
ام نغم تزعق:قوووووووووووووووووووووووومي
نغم:حسسسبي الله ونعم الوكيل قمت اهو :@ !

,’
في مكان ثاني .. في المدرسة عند البنات

ريفال:نغم فينها دي؟
تسنيم:يعني ماتعرفيها تتأخر مادري متى تنام المخلوقة دي
ريفال:اكيد تكلم واحد من الشباب الي تعرفهم
تسنيم:ايش تحسي بالزبط ؟ قومي قومي بس
حنين جات:هاااااااااااااااي
ريفال وتسنيم:هيللللوو
حنين:نغم ماجات ؟
تسنيم:لسا , يلا نوقف بلاش مانتهزأ !
ريفال وحنين:يلا !

,’
نغم لبست خلاص والجوال محطوط عالتسريحة فجأه جوالها يرن !!
تطالع "ثـآمر"

كشرت وطنشت رجع يرن يرن اخر شي قفلت ف وجهو
ونزلت وراحت ..

(معلومة بسيطة:كل وحدة فيهم ليها قصة وحتعرفوها مع احدث روايتي ان شاء الله) !

,,
في مكان ثاني بالشرقية بالتحديد ف شقة عزابية
تشيل 4 شباب عزابية اكبر واحد فيهم عمره 27 ..

ثامر يكلم نفسه:فين راحت دي ؟ افف وبعدين يعني حتتغلى دي البزر عليا
أحمد يدخل:اشبك انت تكلم نفسك ؟
ثامر يلف:هادي البزرة مادري فين راحت !
أحمد يضحك:ههههه اشبك نسيت الساعه 7:15 وهي ثانوية عامة اكيد فالمدرسة
ثامر يبتسم عالجنب:بس هي ماتروح دا الوقت !
أحمد بلا مبالاة:اكيد راحت فقعت من وجهك ! ويلا امشي لانتأخر
ثامر يطالع اسم نغم بالجوال:يلا

,’
في المدرسة .. حصة فراغ
البنات:هههههههههههههههههههههههههههههههههههههههههه
نغم:والله ليش تضحكوا انتو كمان ؟
تسنيم:مادري والله اسألي نفسك مالقيتي غير كائن عمرو 27 ؟ بعقلك انتي (تضحك) يخلفك دا !
حنين تدق كف مع تسنيم:من جد والله
نغم تركز ظهرها عالجدار:والله هادا اسمو طفش انا وحدة طفشانة ومدام لقيت واحد خروف قلت يلااا ايش ورايا
ريفال:بس مو اي واحد
نغم بنص عين:مافي اولاد عيلة ف دا الزمن لو على قولتك مو اي واحد كان اتشطرتي وجبتيلك واحد بلاش ماتقعدي تتفلسفي !
تسنيم مبلمة:نغم اشبك تدوري الزلة عادي ماقالت شي البنت كل واحد ولو وجهة نظر
نغم تقلب عيونها (تشمق):والله تستس حبيبي يفرق مابين وجهات النظر ومابين الفسفلسة الافلاطونية الي تحسسني انها هي البيرفيكت وسطنا ! خليها تسري
(قامت وراحت فصلها) !

ريفال:سلام قول من رب رحيم ! ايش قلت انا دحين اكلتني ماقشرتني
تسنيم تهدي:خلاص مشيلها ماتعرفيها تتحسس من دي المواضيع
حنين:حتى ولو ماصار داكا الشي حتى ترمي كلام زي السم
تسنيم بحزم:دي صحبتنا ولازم نتحملها خلاص ترا حتتضاربو عشان موضوع بزورة
حنين وريفال سكتو بس برضو مو عاجبهم الوضع

,’
في مكان تاني برضو في جدة ..

خالد:انا مادري ليه انت متعب نفسك سرلك سنة ف دا العذاب خلاص ياخي سيبك منها
مشعل:انا واعدها اشبك انت غبي ؟
خالد عقد حواجبه:لا والله مو غبي لو في احد غبي فالموضوع ف هو انت الصراحة
مشعل:وانا قلت لا يعني لا هي صح بتخونني وانا ماليا نفس لها خلاص بس بكون عند وعدي واستنى يجي منها مو مني !
خالد يضحك:هادي تكلم عشرة مدري عشرين مدري اعداد لا نهائية يعني ناسيتك كليا مارح يجي شي منها
مشعل:برضو ماني خسران شي لو استنيت
خالد افتكر:صح ! انت شفتها ؟
مشعل يضحك بأستهزاء:لا تخيل سنة كاملة ماعرف شكلها
خالد طلع عيونو:نعم ؟
مشعل بحزن:والله , سويت كل شي عشان اخليها ترسلي صورة وحدة عالاقل ماهي راضية رافضة تماما
خالد:ههههههههههههههههههههههههههههه
مشعل مستغرب:ايش ؟
خالد:لا يعني مستغرب هههههههه كيف رافضة او بالاصح كيف حبيتها بدون ماتشوفها ؟
مشعل يتنهد:لاتسألني لاني ما اعرف !

!!
نهاية البارت الاول :)
ان شالله يكون كويس بنسبة لبداية !
والبنت الي بيتكلم عنها مشعل حتعرفوها مع الاحداث
ودي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 13-09-2012, 02:18 PM
صورة السعادة الدائمة الرمزية
السعادة الدائمة السعادة الدائمة غير متصل
©؛°¨غرامي مشارك¨°؛©
 
الافتراضي رد: ما من محبة الا بعد عداوة - بقلمي


آهلننَ :(
ننتظركك يَ قللبي :/!
بتوفييق *

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 13-09-2012, 02:23 PM
صورة مجبوره اعيش من دونك الرمزية
مجبوره اعيش من دونك مجبوره اعيش من دونك غير متصل
©؛°¨غرامي متألق ¨°؛©
 
الافتراضي رد: ما من محبة الا بعد عداوة - بقلمي


مره رووعه وجميله

وبعطيك تخميني انو مشعل يقصد نغم لانه هي راعية شباب

مثل ماهو مذكور بالأحداث

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-09-2012, 02:37 PM
صورة السعادة الدائمة الرمزية
السعادة الدائمة السعادة الدائمة غير متصل
©؛°¨غرامي مشارك¨°؛©
 
الافتراضي رد: ما من محبة الا بعد عداوة - بقلمي


بدآيـةة جميلـةة :(
آتوقع مشعل يقصد نغم :/"
وان شآء الله روآيتكك تكون مميزة عن الروآيآت البآقيـة "(
دمتي بحفظ الرحمن *

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-09-2012, 02:42 PM
صورة ReRe Subki الرمزية
ReRe Subki ReRe Subki غير متصل
©؛°¨غرامي جديد¨°؛©
 
الافتراضي رد: ما من محبة الا بعد عداوة - بقلمي


تسلمو والله حبايبي حمستوني الصراحة انزل البارت التاني :*
حاليا جالسة اكتبو , استنوني :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 13-09-2012, 03:11 PM
صورة ReRe Subki الرمزية
ReRe Subki ReRe Subki غير متصل
©؛°¨غرامي جديد¨°؛©
 
الافتراضي رد: ما من محبة الا بعد عداوة - بقلمي


البارت الثاني :) !
,’
ريفال رجعت بيتها ورمت شنطتها عالسرير وانسدحت وغمضت عيونها تفكر كيف ممكن تفتك ؟!
لقت جوالها يرن بنغمة البلاك بيري ..
أخذت الجوال وشافت اسم المرسل واتأففت ..
ردت بدون نفس ..

ريفال:هلا
المرسل:رجعتي؟
ريفال:ايوا في شي ؟
المرسل:اشبك متضايقة؟
ريفال بنفاذ صبر:مشعل خلصني ترا وربي تعبانة من المدرسة وقرفها لاتزيدني انت كمان
مشعل:دحين انا بزيدك ؟ انا جاي اتطمن عليكي
ريفال:مابغاك تتزفت تتطمن عليا روح شوفلك احد تاني اتطمن عليه انا اهتمامك الزايد يجبلي القرف
مشعل بخيبه:اوك
ريفال:باي
مشعل لا جواب !

,’
نغم:احس الريفال دي بيض
تسنيم تضحك:حرام عليكي والله ماتعرفيها!
نغم:حرمت عيشة ابليس ! لا معليش مرة لاتطاق اكره لما تتفلسف زي كدة
تسنيم:سيبيكي دحين , كلمت انوس
نغم بطفش:يادين اهلي ! وايش قلك ؟
تسنيم:ولا شي احتمال نرجع سوا
نغم رمت الشي الي كانت تلعب فيه:نعم ؟ يع !
تسنيم:هههههه ايش اليع في الموضوع
نغم:مادري من اسمو احس شكلو غبي شوية
تسنيم:عالاقل قريب من عمري مو زي حالاتك
نغم:هههههههه دا انتي غلبانة اوووي لايكون مصدقة اني احب وجه النحس ثامر ؟
تسنيم رفعت حاجب:أومال ؟
نغم:هههههههههههههه وربي انك حمارة لا طبعا وع انتي لو شفتي شكلو بس حايجيكي استفراغ نزلة معوية شديدة
تسنيم بقرف:الله يقرفك , طيب هو يحبك ؟
نغم:لا طبعا ومستحيل اصدق انو يحبني حياتي دا كل همو شهوتو ف دي الحياة
تسنيم:وانتي ايش دراكي يخرب بيتك خبرة
نغم:انا اعرف الاشكال دي كويس ماعليكي ..
تسنيم:سوووووسة
نغم:هههههههههههههههههه

,’
ثامر بعصبية:بنت اللذين ماترد الساعة داخله على 4 !
أحمد بطفش:اوهووو فكني دحين بيجو باقي الشباب فكني يرحملي امك وسيبها
ثامر:بتعطيني بزي يعني مستحيل تكون نايمة
أحمد بخبث:أقول ثامر
ثامر:خير ؟
أحمد:بما انها بزر وينلعب على عقلها بسرعة , ايش رايك تقترح عليها انك تجي جدة وتروح معاها شقة ولا فندق !
ثامر عجبتو الفكرة:هي بزر صح بس ينلعب عليها مستحيل , دي سوسة من تحت لتحت فيها خبث الدنيا كلو
أحمد:مافي بنت الا وينلعب عليها خليك ذكي وقلها احنا عايشين عشان كدة اصلا !
ثامر يفكر:ماشي دحين لو ردت حاكلمها
أحمد يبتسم:تم !

,’
غرفة مظلمة ..
باردة..
فيها وحدة متقوقعة فالغرفة وحاطة السماعات وتسمع اغاني حزينة وتبكي
رن الايبود حقها بنغمة الماسنجر ..
مهدي:حنين ..
حنين:شو ؟
مهدي:وينك ماتردين ؟ (مهدي كويتي الجنسيه)
حنين:مافيا شي بس شوية اعصابي تعبانة كمان شوية وبكلمك
مهدي:أووك ..

شافت الرد وبكت بزيادة !
تحس انه مايهتم فيها !
ياترى ايش السر ؟

,’,’
نغم شهقت:تسنيم يازفت ! ورايا مذاكرة قد الدنيا لنا ساعة نتكلم رووووووحي
تسنيم:من متى الدفرنة ؟
نغم:من زمان ياروحي يلا طيري
تسنيم:ههههه باي !
نغم:باي يا البي
وقفلت الخط ..
فتحت لستتة البلاك بيري حقتها الي مليانة شباب !
طقطقت عليه شوية وهي تضحك وتقول "خرفان" رمت الجوال وفتحت الشنطة تذاكر
وهي تذاكر دق جوالها وكان ثامر هو المتصل !

نغم بطفش:ألو ..
ثامر واحمد جمبه:فييين الناس اليووم ؟
نغم بدون نفس:هنا موجودين , ليش ؟
ثامر:ولا شي بس شغلتيلي بالي
نغم بعدم تصديق:اهااااا منجد ثموري ؟
ثامر وهو عارف انها كذابة:طبعا ياروح ثموري
نغم تضحك:ههههههههههههههههه ماشي ايش المطلوب
ثامر بخبث وهو يطالع فأحمد:ما ودك تشوفيني وجها لوجه ؟
نغم بكذب:طبعاااا الا
ثامر يبتسم حتى بان طقم اسنانه كلها:طيب خلاص انا حاحجز على جدة فأقرب فرصة ممكنة
نغم جاها بكى ماودها تشوفه:لالا لاتستعجل انا عادي فأي وقت ماعندي شي لو بعد شهر ولا شهرين استناك حبيبي ماورايا حاجه
ثامر:لالا انا ماقدر اصبر عالقمر دا
نغم فردت شعرها الاسود الطويل بدلع:هههههههه ماشي مدامك ماتقدر تصبر !
ثامر بخبث اكبر:بس انا مابغا مول !
نغم بتفكير:كافيه ؟
ثامر:بالاصح مابغا محل عام
نغم رفعت حاجب:اجل فين ان شالله ؟
ثامر:فندق
نغم شهقت:نعععععم نعععععم ؟
ثامر:لاتنفجعي مارح اسوي شي عشان ناخد راحتنا
نغم ضحكت ضحكة عالية:هههههههههههههههههههههههههههههههههههههههههههه هههههههههههههههههههههههه قديمة قديمة دي الحركات حبيبي
ثامر وخر السماعة وقال لأحمد:شفت قلتلك سوووسة ماينلعب عليها
أحمد:قلها انتي مو واثقة فيا ومدري ايش من الكلام دا الحلو دا يعني تراها فالاخير هبلة
ثامر أشر أنو اوكي .. ورجع حط الجوال
ثامر بحزن مصطنع:لاا يانغووم ماتوقعتك كدة مو واثقة فيا انتي ماتحبيني ؟ انا مستحيل أأذيكي ف شرفك !
نغم بخبث:انا ماقلت انك حتأذي شرفي ! شفت ! الي على راسو بطحة يحسس عليها وربي انتو الشباب خرفان ههههههههههههههه
ثامر اتبلعم:مو قصدي يعني اكيد جا ف بالك كدة انو مكان خاص وهيك
نغم تبرد اظافيرها بإتقان:انا مارح اشوفك ف مكان خاص حاب مكان عام اهلا وسهلا مو حاب لاتتعب نفسك وتجي يلا باي (وقفلت ف وجهو السماعة)

,’
ثامر بصدمة:بنت اللذين قفلت ف وجهي !
أحمد يضحك:انت دي من فين جايبها ؟
ثامر:نت يعني من فين بالله , كيف اقنعها اني ابغا اروح فندق معاها ترا دي صيدة وايش صيدة ! عسسسسل مستحيل اخليها تعدي كدة
أحمد:بسيطة ! قابلها ف مكان عام وجرها معاك للمكان الي انت تبغاه وقتها مارح تقدر تقول شي نسيت الهيئه ؟
ثامر:مددررري بس انا جايبها جايبها
أحمد يغمزله:تعجبني !

,’,’,’
ريفال مسكت جوالها .. فتحت على محادثة مشعل !
وصار بينهم الحوار دا :
ريفال:مشعل
مشعل:هلا ؟
ريفال:بقولك شي
مشعل:اتفضلي
ريفال:أنا اسفة بس انا ما اقدر اكمل معاك :)
مشعل ابتسم ابتسامة جانبيه:اوك الله يسهلك طريقك
ريفال:باي
مشعل:مع السلامة !
وحذفو بعض ..

*وحدة راعية شباب اعطاها ربي من الجمال الشي الي يكفي وزيادة انها تسحر الشباب وتفتنهم ومستغلة دا الشي ف غلط لكون جمالها البريء الى نفسها الخبيثة يمديها تخدع الكثير, والتانية ماهتمت لمشاعر الانسان الي يحبها , ووحدة تحب واحد بس يعتبرها صديقة لا اكثر , والثالثة بتعاني من اهمال حبيبها !
هل يسمى حب ؟ لا يعقل !





التكملة فالطريق ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-09-2012, 03:36 PM
صورة ReRe Subki الرمزية
ReRe Subki ReRe Subki غير متصل
©؛°¨غرامي جديد¨°؛©
 
الافتراضي رد: ما من محبة الا بعد عداوة - بقلمي


--------------------------------------------------------------------------------------------

ريفال حست كأنه هم وانزاح !
ريفال تكلم نفسها:واخيرا سنة كاملة وانا بحاول اتخلص منوو اففف واخيييرا حقيقي

,’,’,’,’,’,’,’,’,’,’,’,’
في مكان ثاني ..
خالد:وجع ماعندها احساس
مشعل بضيق:ايش اسوي ؟ خلاص جت منها مو مني
خالد:وان شالله حضرتك فرحان ؟
مشعل بأبتسامة ضيق:فرحان اني افتكيت بس زعلان على نفسي
خالد يدقه:بكرة تجيك الي تتمناك وتحبك وبعدين تعال وربي مادري كيف حبيتها
مشعل:الحب عمي
خالد يضحك:صدقت !

,’,’,’,’,’,’,’,’,’,’,’,’
نغم متوترة بعد مكالمة ثامر ..
نغم تكلم نفسها:ماشي ياثامر الكلب انا اوريك ! تتجرأ تطلب دا الطلب مني !! مستحيل لا مستحيل اخرتي يجيني واحد حششرة حافي منتف زي دا ويطلب مني دا الطلب ! استحالة استحالة انا ليه رخصت نفسي قد كدة !
الحقد عمى قلبها من كل النواحي ! وحبت تنتقم منه بس كيف ماهي عارفة , صار كل تفكيرها هو وبس وكيف تنتقم ..

مسكت العطر ورمتو عالمراية وصرخت:أكرررررررررررررررررررررهك

,’,’,’,’,’,’,’,’,’,’,’,’,’,’,’
شرقت شمس يوم جديد على ابطالنا وكالعادة كل وحدة متكاسلة تروح !

فالمدرسة .. وقت الفسحة متجمعين ,
تسنيم تضرب صدرها:يالهوووووووووووووووووووووووووي كذابة !
نغم تهز رجلها بسرعة:ورببي ! آآآآآآآآآآآآآخخ تستس نفسي اقضي عليه اليوم قبل بكرة
حنين فتحت عيونها:وانتي ايش رديتي ؟
نغم تتريق:وافقت وحددت الفندق والحجز وشوفيني حامل فالشهر الثالث يعني ايش تتوقعي ياروح امك انتي ؟
حنين بلعت ريقها ..
ريفال دوبها تبا تتكلم قاطعتها:انتي اوسسسسسسسسسسس لا اسمعلك حس لو اتفلسفتي حارميكي من فوق هيا اعصابي مو ناقصة (ضحكت باستهزاء) يا افلاطون
سكتو لفترة , تسنيم حست الاجواء متكهربة وحبت تلطفها

تسنيم:بنات الله يهديكم ايش فيه !
نغم:اساليهم ليش سكتو
حنين:عشان كلامك بلسسم عالجروح ماشالله
نغم ضحكت بإستفزاز:ادري (قامت وسحبت تسنيم)
ريفال بعصبيه:حطولها حد دي !
حنين بلا مبالاة:ايش نسوي خلاص طنشي
تأففت ريفال وقامت

,’,’,’,’,’,’,’,’,’
نغم:اسكتي نفسي اقتلو او بالاصح نفسي اقتل اي احد قدامي
تسنم:صلي عالنبي اشبك انتي هادا واحد داخل عالثلاثين متعرف على وحدة ماكملت ال17 ايش تتوقعي ؟
نغم:مدري بس ..
قاطعها صوت ريفال من بعيد
ريفال:تسسسنيييييييم
نغم بنرفزة:ايش تبغا دي كمان
تسنيم هزت كتوفها بمعنى مادري !
ريفال:تسنيم ابغاكي ف موضوع صغير
نغم تخصرت:يعني انا واقفة معاها استحي ع دمك شوية
ريفال طنشت:تسنيم ضروري
نغم فتحت عيونها على وسعهم
تسنيم:دقايق وجاية
نغم بطفش:خير

,’,’,’,’,’,’
تسنيم:ايش الموضوع دا الي مايستنى
ريفال مبتسمة:تركت مشعل
تسنيم:وبعدين؟
ريفال:سويلي خدمة
تسنيم بنفاذ صبر:ايششش ؟
ريفال بخبث:انا اقولك ....

,’,’,’,’,’,’,’,’,’,’,’,’
دا تكملة البارت الثاني ..
ان شالله عجبكم
ايش ممكن تكون تبغا ريفاال من تسنيم ؟
ودي :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 14-09-2012, 02:17 PM
صورة ReRe Subki الرمزية
ReRe Subki ReRe Subki غير متصل
©؛°¨غرامي جديد¨°؛©
 
الافتراضي رد: ما من محبة الا بعد عداوة - بقلمي


البارت الثالث حاينزل اليوم :)
بس ابغا اشوف ردود تشجع بالاول
ودي ليكم :*

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 14-09-2012, 04:34 PM
صورة ReRe Subki الرمزية
ReRe Subki ReRe Subki غير متصل
©؛°¨غرامي جديد¨°؛©
 
الافتراضي رد: ما من محبة الا بعد عداوة - بقلمي


بيب بيب !
البارت الثالث !

,’,’,’,’,’
نغم واقفة مطلعة المبرد وتبرد اظافيرها شافت تسنيم ونادتها من اول السيب ..
نغم:بنتتتتتتتتتتت
تسنيم التفتت:ها ؟
نغم تأشرلها "تعالي" !
تسنيم:ايش ؟
نغم رفعت حاجب:ايش هو الي ايش ؟ الي كانت تبا منك دي ؟
تسنيم بسرحان:شي
نغم تهزها:اشبك انتي مخك ملحوسسسس قوليلي ايش قالتلك !
تسنيم اتنهدت وحضنتها ..
نغم:بسم اللله الرحمن الرحيم !! تستس يابنتي اشبك ؟
تسنيم:تباني اشوف لو مشعل يديني وجه من بعدها ولالا
نغم بتناحه:ها ؟ مين مشعل دا ان شالله ؟
تسنيم عصبت:يووووووووه نغم بطلي تناحة مشعل واحد تكلمو سنة كاملة حبها وهي تركتو
نغم:هههههههههه اما عاد يحبها ! وهي الي تركتو استحالة اكذبي على غيري
تسنيم:هي تقول انها تركتو امس
نغم:طيب ؟ وانتي ايش مصلحتك ؟
تسنيم:بس اشوف لو يدي وجه
نغم تتثاوب:اكيد حايدي وجه مني فاهمة حسستيني ريفال الاميرة ديانا !
تسنيم بحيرة:مني عارفة ! تقنعيني اسويها ؟
نغم:انا اشوف جرربي مو خسرانه شي حبيبي الشباب كلهم خواريف :)
تسنيم تهز راسها ب اوكي
نغم:لاتخافي اشبك انتي
تسنيم:نغم تعاليلي اليوم
نغم:من عنيا يلا انا رايحة عليا حصة بااااااااااااااااي
تسنيم:يلا روحي


,’,’,’,’,’,’,’,’,’,’,’,’
حنين:انتي مجنونة؟
ريفال تاكل اللبانة:ليش مجنونة ؟ هي مارح اتسوي شي غلط !
حنين:دولا شباب ينخاف منهم
ريفال:الا مشعل فيه شوية غباء
حنين:والله مدري بس ابعدي تسنيم من الموضوع
ريفال:انا ما اعتمد على احد الا تسنيم وانتي تعرفيني ما اطيق نغم ولا هي تطيقني !
حنين:براحتك !
,’,’,’,’,’,’
في مكان ثاني بعيد عن اجواء الدراسة .. في احد مكاتب الشرقية
جالس عالمكتب ويفكر كيف ممكن يقضي عليها وياخذ منها اغلى شي عندها !
نوايا شباب خبيثة !
كل فكرة وفكرة اخبث من التانية , شهوتو عمتو وهو يفكر كييف ممكن يسوي الي ف بالو !
هل ياترى تستاهل ؟

,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’ ,’,’,’,’,’
الساعه 6:30 المغرب تحديدا في منزل تسنيم
تسنيم تفتح الباب وتجر نغم..
تسنيم:يلا يلا على فوق
نغم:اووووووه استني وجع
تسنيم:مافي التوتر طاغي
نغم تزبط شكلها في المراية:حسستيني حاتكلمي تامر حسني !
تسنيم تطلع الورقة الي فيها رقم مشعل:اسكتي شوفي الرقم
نغم تطالع فالورقة:اوخس ! مايلعب رقمو مميز ادييني هو
تسنيم بنص عين:سري يرحملي امك انا فين وانتي فين
نغم:ههههههههههه طيب يلا دقي
تسنيم بخوف:ااااه بسم الله الرحمن الرحيم
نغم رافعة حاجب مستغربة:اشبك انتي كانو محكوم عليكي بالاعدام !
تسنيم:أووسسسس (وضغطت عالزر الاخضر تنتظر رد مشعل)

,’,’,’,’,’,’,’,’,’
في هذه الاثناء ..
حنين برفض شديد:وانا قلت لا يعني لا خلاص مو بالقوة!
مهدي:إيه طيب انتي شنو خسرانة
حنين:هههههههههه ايش شنو خسرانة لاتشلني انت كمان
مهدي:انا كل الي طلبته صور لج بوري الربع
حنين:ياسلام هو انت شايفني لعبة في يدك ياروح امك ؟
مهدي:حشى بس انا كان قصدي انهم يبون يشوفونج
حنين:وانت ليش تقلهم عني ؟ الولد لما يقول لاصحابه على بنت يعني مايحبها
مهدي:خلاص حنين باي
حنين ببكاء:بــــــــــآي !

إيش السر مع هدول الاثنين ؟

,’,’,’,’,’,’,’,’,’,’,’,’,’,’,’,’,’,’
نغم ميتة ضحك:ههههههههههههههههههههههههههههههههههههههههه
تسنيم بنرفزة:ايش فيه دحين ؟
نغم تمسح دموعها:أجل ممكن سارة ها هههههههههههههه ترا باينة
تسنيم بخوف:امانة !
نغم بجدية:موووتي طيب ايوة باينة اجل ايش تفسري ممكن سارة اه طيب شكرا يلا باي الولد مهو حمار حبيبي
تسنيم:أفففففففففف الله ياخدك ياريفال
نغم ترفع يدها:اممميييييين !
تسنيم تدفها:انقعلي !
(يرن جوال نغم "ثـآمر")
نغم تكلم نفسها:يارب انك ترحمني من اللزقة دا (وترد) آلوووو
ثـآمر:ياهلا فينك انتي
نغم بتأفف:موجودة ايش فيه ؟
ثآمر:أفاا اشبك كدة مبوزة
نغم:ماني مبوزة ايش عندك انا بزي حاليا
ثامر:فضيلي نفسك
نغم:هههه انت مرة مسكين (وقفلت ف وجهو) الله يصيبك
تسنيم:غيري رقمك وريحي راسك
نغم:اف وجع مايتعاشر !
تسنيم تضحك:الله يعينك ..

,’,’,’,’,’,’,’,’,’,’,’,’,’,’,’,’,’,’
في مكان ثـآني بعيد كلياَ عن اجواء المملكة العربية السعودية
في شوارع بيروت تحديدا في السوليدير ..
قاعدة حاطة رجل على رجل بكل دلع , تلعب في شعرها الاشقر المصبوغ بخصل هايلايت
والسيجارة في فمها وترصد الرايح والجاي

مـايا بدلع:excuse me
النادل:تفضلي مدام
مـايا:check please
النادل:تكرمي

ابتسمت وبانت الكريستالة الي مركبتها على اسنانها وشوي ويرن جوالها !
رفعت جوالها الجالكسي اس3 وردت بدلع ..

مـآيـآ:الوو
المتصل:هلا مايا
مـايآ:شو ؟ شغل جديد ؟
المتصل بخبث:وصيدة إنما إيه , عسل ياعسل
مايا بدلع ماصخ:هههههه بالسعودية هي ؟
المتصل:يب وانا منتظرك فأقرب فرصة
مـايا ترسل بوسة:تؤبرني اكيد ,بس هـا كل شي بحسابو ياروحي (وتشفط من السيجارة)
المتصل:أككيييد انتي بس خلصي بالاول
مـايا:لا عيني , بدك تدفعلي مؤدم ومؤخر ايه انا هيك اسعاري ولو مابدك ..
المتصل قاطعها:لالالا كيف مابدي خلاص الي تبغيه
مـايا بخبث:إيه هيك بتصير منيح , امتى بدك ياني كون موجودة بالسعودية
المتصل:عالاسبوع الجي
مـايـا:من عيوني التنتين , باي ياعسل
المتصل:مع الف سلامة


*مين مايا ؟ الي دخلت الى روايتي بالصورة دي ؟ هل ممكن تكون جزء منها ؟
ترقبو باقي البارتات :)

,’,’,’,’,’,’,’,’,’,’,’,’,’,’,’,’,’,’
نرجع للسعوديه - جدة
منزل نغم ..
قاعدة تطقطق على الاب حقها من منتدى لمنتدى
من فليم لفليم ..
فجأة طاحت عينها على صورة واحد من الشباب الي كانت تكلمه بس كان بينهم حب , وتركها ومن بعدها هي صارت فالحالة دي
غمضت عيونها تسترجع الايـآم الـي فـآتت ..

في الامارات العربية المتحدة - دبي
في دبي مول ..
إبراهيم:شفيكي انتي كذا
نغم تتلفت:خايفة خايفة
إبراهيم يضحك:ههههههههههههه بأكلك انا من ايش خايفة حتى هيئة مافي هنا فكيها يرحملي امك
نغم تضربه:أوووه مو وقتك حقيقي
إبراهيم يمسك يدها:يلا تعالي
نغم مصدومة:فيين ؟
إبراهيم بخبث مصطنع:مكان ظلام
نغم مفجوعه:لااااااااااااا يامجنون لا لا لا لا
إبراهيم فطس:امزح امزح والله شفيكي انتي
نغم مدت بوز:هادا وانت نجدي كدة تقول لو انك جداوي كان ايش سويت
إبراهيم يضحك:كان اكلتك جد وقتها
نغم بحيا:هيهيهيهيهي ياسخيف يلا طيب انا احب امشي ف دا السوق
إبراهيم بطفش:انتو البنات مادري وش تحسون فيه ! الحين انا معك تقولي امشي فالسوق
نغم تضحك:وانت معايا طيب
إبراهيم يغني:بتونس بييييك , (ويغمز) وانت معايا
نغم تكمل:بتونس بيك وبتلاقي بقربك دنيايا
نغم وابراهيم:هههههههههههههه

(عودة الى الواقع)
نغم بكره:أكرهك !
قفلت الاب بقوة واتلحفت وراحت بـسابع نومــة !!

--
الساعه 3:30 الفجر ,
يرن الجوال , يطالع ويلقى نفس الرقم الي اتصل فيه اليوم العصر
استغرب ! ورد
مشعل:آلو ؟
المتصل:؟؟؟
مشعل:آلوووو انتي اليوم دقيتي بس ترى مافي سارة ايش تبي دحين كمان ؟
المتصل:مشعل انا تسنيم
مشعل بإستغراب اكثر:مين تسنيم ؟ اعرفك ؟ تعرفيني ؟
تسنيم بلعت ريقها:آآه انا صحبت ريفال
مشعل انصدم:آيووووووون ؟
تسنيم بخوف:ايش ايون ؟
مشعل:يعني ؟ هي ارسلتك ولا ايش الحكاية ؟
تسنيم:ايوة وانا ماقدرت امشي فالموضوع دا فدقيت اقولك
مشعل يضحك ..
تسنيم مستغربه:ايش ؟
مشعل:ولا حاجة يلا سلام انا بنام
تسنيم:ماشي بــآي ..

,’,’,’,’,’,’,’,’
اليوم الثــآني في المدرسة , أثناء الفسحه ..

نغم بصدمة:نععععععم ؟
تسنيم بطفش:ايش ؟
نغم تضربها:تستهبلي انتي ؟ تخيلي وداكي ف داهية
تسنيم:وانا مالي ؟ لو حايودي ف داهية حايودي ريفال مو انا !
نغم:وربي انك مو غبية وبس
تسنيم:الي صار صار , المهم انتي ايش صار معاكي
نغم:ولا شي تخيلي غريبة امس طول اليوم مادق خخخ من بعد ماخرجت من عندك شكلو طفش
تسنيم:باين عليه اسساسا مو وجه حب
نغم تاكل:حسيت برضو ,

,’,’,’,’,’,’,’,’,’,’,’,’,’,’,’,’
خـالد:أما عاد , حمارة دي ؟
مشعل:وربي انها دقت علي العصر تقلي ابغا سارة وبعدها فالفجر تقلي انا صحبت ريفال
خالد:الموضوع مطبوخ بينهم
مشعل بحيرة:انفصام , دحين مو هي تبغا تفتك ليش راسلة البنت دي ؟
خـالد:ههه علمي علمك بس تبغا نصيحتي
مشعل:غرد ؟
خـالد:طق صحبة مع البنت دي
مشعل:نعم ؟
خـالد:اشبك طلعتلي عيونك , ايوة اتكلم من جد
مشعل:انا اقول اسكت اريحلك
خالد:وربي انك اهبل انا لو مكانك استغل الفرصه دي
مشعل:فرصة ايه ياعم ارحمني !

,’,’,’,’,’,’,’,’,’,’,’,’,’,’,’
يتبع ..


ما من محبة الا بعد عداوة / بقلمي

الوسوم
رواية حلوة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية كل ما قرب مني أنا بعدت و كل ما قربت منه هو بعد ما أدري هي رعشة خوف و إلا جنون الشوق / بقلمي ||~ فخآمة كبريآء ~|| أرشيف الروايات المغلقة - لعدم إكتمالها 22 16-03-2013 02:44 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
عجائب الدنيا السبع بنظر طفله صمت المعاناه قصص - قصيرة 9 10-07-2008 05:34 PM
من عجائب الأرقام هدوء الظلام مواضيع عامة - غرام 13 23-03-2008 03:09 AM

الساعة الآن +3: 11:05 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1