غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 13-09-2012, 10:33 PM
صورة قولوله يرجع ! الرمزية
قولوله يرجع ! قولوله يرجع ! غير متصل
©؛°¨غرامي جديد¨°؛©
 
الافتراضي يخرب بيت العشق يقطع سنينه /بقلمي


يخرب بيت الهوي يقطع إبليسه
شلي دبسني يا ناس تدبيسه

خذني بغفله أخذ سنيني من عمري
سرق هالقلب من بدري
وأنا مسيكين وما أدري

وكيف لعب حسبة اللي حب
تركني بين قسمة وضرب
وأنا ما عندي غيره قلب

العشق ذا مسألة إنتهنا بأوله
ولما نتواهق صحيح تصير أكبر مشكلة

إيش اﻷ‌عوز بشر وكتبو فيه الشعر
وعنتر وقيس ونزار شافو منه إيش كثر

يخرب بيت العشق يقطع سنينه
كام سقاني من العسل وأبعد يدينه


العشق يمكن نقص بس بعده ما خلص
أحسن نعيشه هناك في خياﻻ‌ت القصص

غامض وحلو وكذوب حالف عنه أتوب
بس كل مرة أطيح يخرب بيته لعوب

يخرب بيت العشق يقطع دروبه
لو مايجي عالمزاج ما يجي نوبه


.
.
.
.
.





ثبتت الكاميرا فوق الطاولة ... وركضت شافت شكلها بالمراية كل شي بيرفيكت
جلست على الكرسي قدام الكام وبدات تتكلم
"" أحم أنا غادة قررت كل أسبوع اصور نفسي بالفيديو واعبر عن مشاعري واهم المواقف اللي صارتلي خصوصا بعد زواجي من حبيب قلبي عادل .. طبعا عمري 23 سنة .. لي سنة متزوجة .. امم قصيرة نوعا ما .. سمرا .. شعري تقريبا لنص ظهري تقريبا او اقصر شوي .. اممم مملوحة ماعلي بس انني اعرف كيف ابرز جمالي .. عادل " زوجي .. 27 سنة .. اسمر طويل .. مملوح .. مدري كيف طحت بغرامه صراحة ..وبتكلم لكم عن صديقاتي وعالمي الصغير وكل دنيتي عادل .. بحكيلكم على اهم المواقف والاشياء اللي صارتلي من قبل ما اتزوج عادل"

..


كنت بثالث ثانوي ... كان دخولي للنت مررة قليل بحكم اني اخر سنة .. ويوم من الايام جلست سهرانة على النت اكلم صديقاتي على الماسنجر .. وكنا نتكلم وين نروح بكرة الخميس .. وعن التسجيلات والجامعات وكل شي
شوي جاتني اضافة غريبة والنك حقهSultan على اسمه .. طبعا ماعطيت الموضوع أهمية وبما اني طفشانه قلت خليني اطقطق عليه شوي واقول لصديقاتي
انا : هلا
سلطان: اهلين .. كيفك
سلطان : الحمدلله تمام .. مين معاي
سلطان : معاك سلطان من كندا
انا: هههه اجل انا غادة من امريكا
سلطان غير صورة العرض : لا والله جد شوفي صورتي أنا ادرس بكندا
وشفت صورته كانت جد بكندا
انا : طيب ليش ضايفني
سلطان: والله طفشان ماعندي شي قلت اضيفك
انا : امممممم حتى انا طفشانه
سلطان : طيب خلاص خلينا نسولف شوي
جلسنا نسولف عن دراسته وليش راح كندا وكذا .. وماقلت لصديقاتي عنه
صرت تقريبا كل يوم الظهر اكلمه لمدة ساعتين تعرفون عشان فرق الوقت بيننا وبين كندا
من ذاك اليوم صرنا مرررة أصحاب واللي خلاني اكلمه انه محترم ولا مررة طلب مني احط صورتي او طلب مني يسمع صوتي مع انه 24 ساعة يحط صوره اخوانه وحتى خواته .. صرت ماعاد انام الظهر عشان اكلمه .. صراحة حبيته بس مو حب حب .. حب اخوة تقريبا .. اصلا حسيت ان عندي 3 اخوان مو بس 2







# تكملة البارت راح تكون بكرا باذن الله


تعديل قولوله يرجع !; بتاريخ 13-09-2012 الساعة 10:48 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 14-09-2012, 12:20 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: يخرب بيت العشق يقطع سنينه .. By me


صباح الخير ......ياهلا فيك عزيزتي بغرام .......موفقة بطرحك ......بس طولي البارت وكبري الخط شوي


القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا


موفقة ان شاء الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-09-2012, 04:04 AM
صورة قولوله يرجع ! الرمزية
قولوله يرجع ! قولوله يرجع ! غير متصل
©؛°¨غرامي جديد¨°؛©
 
الافتراضي رد: يخرب بيت العشق يقطع سنينه /بقلمي


#

بعرفكم على عايلتنا

ابوي محمد ,,ابو خالد
امي منيرة .. ام خالد
اخوي خالد .. عمره 26 سنة يشتغل بشركة جدي .. كتوم .. يوم تلاقيه فلله ويضحك .. وعشر تلاقيه نفسية .. بس مرررة طيب ..

اخوي مازن .. 20 سنة .. يدرس ادارة اعمال .. مريح راسه ع الاخر .. يعيش يومه بالطول والعرض ولا عليه من احد

انا غادة .. لما كنت 18 سنة .. كان تفكيري كله دراسة .. وكنت ابي ادخل طب ..كنت اكره العيال .. بس اللي يشوف دولابي وحركاتي وكلامي والمصطلحات اللي استخدمها يقول بوية ..

اختي .. رزان .. 16سنة اول ثانوي .. همها الموضة وايش اخر شي نزل بالسوق

_

عمي احمد
زوجته نورة

فيصل: 27 سنة .. مو متزوج كل وحدة من بنات عيلتنا تحاول تتميلح عنده بس ماش الولد رززززة وجمال .. صراحة اللي بتتزوج امها داعيتلها عند الكعبة

ناصر: 25 سنة .. متزوج له سنة من بنت عمتي لينا وراح يكمل الماستر برا

تسنيم : 23 سنة اخر سنة جامعة

وليد : 18 سنة اخر سنة ثانوي

___
عمتي فهده

عندها شذي 24 سنة .. جميلة ماشاء الله عليها عيون .. ومع سمارها طالعة فتنة ماشاء الله .. مرررة مثقفة وفاهمة .. جدي يحبها مررا ودايم يقول يبينا مثلها واحسن .. كلنا متوقعين انها تتزوج فيصل بس ماش دايم يتهاوشون وتصير بينهم مشادات كلامية .. فاذا تزوجو اجل باقي امل اني اتزوج ماجد المهندس

لينا : 22 سنة .. مملوحة وهادية متزوجة من ناصر

طلال 22 سنة .. يدرس ادارة اعمال .. فالها ع الاخر وعايش حياته

سلاف .. 18 سنة كبري .. بس مو مررة معاها لان اهتماماتها مو زي اهتماماتي ابد فعلاقتي فيها سطحية

:

:

:


يوم من الايام وانا بالمدرسة قلت لصديقاتي عن سلطان

غادة : بنات بقولكم سالفة واحد ضافني قبل شهر تقريبا
هديل نطت : شكله شكله اهم شي كيف
عبير : اي والله اهم شي
غادة : اممممم والله مملوح ماعليه بس عليه رزززه صراحة ( وسويت نفسي كني بطيح من الخقه)
هديل(وتسوي نفس حركتي ) : اللللللله جيبيه لي بسرعة
غاده: هههههههه خلاص اذا رجعتو اليوم البيت على طول ادخلو المسن ونسوي محادثة جماعية معاه
هديل وعبير : خلاص اوكيه

:
:

نفس الوقت .. في شركة جدي

دق جدي على شذى وفيصل .. يجون عنده بالمكتب
فيصل ماسك قسم العلاقات العامة
شذى نائبة فيصل في نفس القسم
الجد بكل هيبة ووقار : ها يافيصل وش صار على تجهيزات افتتاح الفرع الجديد .. والوفود اللي جايه
فيصل : من ناحيتي كل شي تمام
شذى : وانا بعد كل شي تمام .. وبرسلك السي دي مع السكرتير عشان تشوف الترتيبات اللي سوينها للاستقبال
فيصل : انا اعرف انه مافي شي يمر من القسم الا وماخد موافقة مبدئية من رئيس القسم
ابتسم الجد لانه عارف وش راح يصير الحين : هالمرة سماح يا فيصل
فيصل برفعة حاجب : لا ياجدي انا ما ارضى اي احد متهاون بهذا الشكل بكره اشاياء مهمة ينساها
شذى ووقفت ونظرها مركز على جدها : السي دي راح يكون على مكتبك خلال 10 دقايق
ولفت عليه : وانت اذا امداني ارسلته لك اليوم
وطلعت بسرعة
زفر فيصل بقهر
الجد : انت اللي بديت يافيصل .. كان فيه اسلوب افضل انك تحاكيها فيه
وقف فيصل : اي دافع عنها دافع عنها وبعد شوي بتقول لو انت تروح تاخذ السي دي من مكتبها احسن بعد مو حبيبتك ماشاء الله عليها .. وماكله علينا الجو مالت عليها .. يلا عن اذنك ..
الجد بابتسامه : اذنك معاك ياولدي

:
:
:
5 العصر

بعد ماخلص الدوام في الشركة
وقف فيصل قدام بيتهم وقاعد يحوس بجواله لقى اسم سارة تذكر انو له اسبوعين ماراح لها .. رجع شغل السيارة وغير اتجاهه لسارة
وصل العمارة ودخل
سمعت صوت الباب يتنفتح خافت وركضت على الغرفة ودخلت تحت السرير
دخل البيت ولقى كل شي مشغل المكيفات والتلفزيون والانوار قال شكلها بالحمام
دخل الغرفة الا يلاقي الشي اللي قاعد يرجف ويقرا قرآن بصوت مرتفع
ضحك بصوت عالي وهو يرفع الغطا عنها : انتي لو حتى الحرامي بيسرق شي يهون قومي
لما سمعت صوته كشرت وعدلت جلستها : طيب قول انكك جاي مو كذا تطب فجاه
جلس على السرير وفسخ شماغه : بيتي وانا حر ادخل متى ما ابي
ساره بتضخيم لصوتها وتحاول تعدله : ادري انه بيتك بس من الذوق يعني
طالع فيها باستحقار : انتي جاايه تعلميني الذوق
ساره كرهت النظرة اللي طالعها فيها والتزمت الصمت
فيصل : روحي جيبيلي شي بارد اشربه بس قال ذوق قال هه
قامت ساره جابتله كاس فيه ثلج وشرحة ليمون مع علبه بيبسي للصاله
وجلست قدامه بادب
طالع فيها بحاجب مرفوع : خير
ابتسمت وبانت غمازتها : الخير بوجهك بس ممكن اطلب طلب
فيصل: لأ
ساره : اوكي .. اممم ابي اروح السوبر ماركت والصيدليه
فيصل : اذكر اني قلت لا
ساره : اي ادري ماعليه بس هالممرة والله تكفى
فيصل جا بيتكلم
قاطعته ساره : ادري اني ما استاهل بس شفقة فيني بتوديني .. يلا طيران بلبس عبايتي
وراحت غرفتها تلبس العباية
ابتسم فيصل على بارئتها هالبنت
طلعو اخذها على مطعم تغدو فيه بما ان فيصل توه طالع من الشركة
وراحو السوبر ماركت واخذتلها سارة حلويات وشوكولاتات وشبسات وعصيرات
وهم راجعين للبيت
سارة : فيصل ابي صيدليه
فيصل بزهق : ليه وش تبين
سارة : ابي كريمات وابي الدوا حقي وابي وسكتت
فيصل بملل: ووشو بعد
سارة : بس هذي
فيصل : طيب
وقفو عند الصيدليه وطفى السيارة فيصل وجا بيسحب المفتاح عشان ينزل
سارة بسرعة : بتزل معاي
فيصل : وش رايك
سارة : لا
فيصل : وشو اللي لا على كيفك هو
سارة : لا امانه ماتنزل
فيصل : اقول بتنزلين ولا شلون
ساره وخلاص دمعتها شوي وتنزل : فيصل لاتنزل معاي امانه
فيصل ناظر فيها وشاف وجهها احمر وحالتها حاله فهم عليها وبعناد : فتح باب السيارة يلا انزلي
سارة : فيييييصل
ضحك عليها : خلاص انزلي لا تصيحين علينا
نزلت سارة ورمت عليه علبة المناديل وسكرت الباب
ضحك ومسك علبه المناديل وجلس يستناها بالسيارة

جلس يناظر فيها وهي رايحة الصيدليه وهو يتذكر شلون تزوجها
سارة .. بنت حلوة ملامحها طفوليه ... عمرها 18 سنة .. متزوجها بالسر .. ابوها حارس في شركتهم .. يوم من الايام .. عرف فيصل انه ابوها مو كويس ويسكر .. دقت عليه زوجته .. طلبت منه يتزوج بنتها عشان تحميها من ابوها خصوصا انه يجيب اصحابه السكاري للبيت .. تزوجها وسكنها بالعمارة .. طبعا فيصل مايحب احد يجبره على شي عشان كذا كان يقسى على سارة بالكلام مع انه يرحمها مرة بس مو قادر يتقبلها .. موفرلها سواق كل يوم يجيبها ويوديها للمدرسة .. واي شي تبيه ترسله مسج وممنوع تدق عليه نهائي .


رجعت سارة السيارة ووصلها فارس للبيت
جات بتنزل ناداها : انتبهي على نفسك
رجعت باست خده وقالت : شكرا
ابتسملها وحرك سيارته للبيت

:
:
:
:

بيوم من الايام وانا جالسة على النت .. اكلم سلطان
قاعدين نسولف ونستهبل شوي قالي :: هههههههههه مايمديني يا ام العيون الخضر
"طبعا ماقلتلكم انه عيوني خضر .. سبحان الله انا الوحيدة اللي عيوني كدا .. مع انه اخواني وبنات عمي فيه اللي عيونهم بني فاتح وعسلي بس انا فردة من نوعي بسم الله علي "
انا : انفجعت .. وشدراك
ارسلي صورة كنت فيها انا وعبير وهديل ووحده ثانية اسمها زهراء
انا بللللمت قلتله : من وين جبتها
سلطان : وحدة من صديقاتك ارسلتلي
انا : مين اللي ارسلك اياها
سلطان : مادري .. مارح اقولك .. بس حاب اقولك كلمتين .. انا عارف نفسي وعارف اني مارح اسوي فيها شي لانك اختي واكثر بعد .. انتبهي يا غادة مو اي احد تعطينه صورك حتى لو صديقتك
تدرين وش قلت لها .. قلت لها ودي اشوف غادة على طول ورتني الصورة بس امنتني اني ما اعلم من هي .. لو انها صديقتك جد كان مارضت توريني الصورة
انا بقهر : وحتى انت حقير جاي تطلب الصورة من صديقتي
سلطان : انا ماطلبتها .. اللي صار اني قلتلها .. انك مررة قريبة مني وصرت اتكلم معاك حتى عن اشيائي الخاصة واللي المفروض ما اقولها لاي احد .. وودي اشوفك واحكيلك كل اللي بقلبي اكثر واحس اننا بنكون مررة اصحاب ..
انا : حتى لو مايشفعلك خسارة ثقتي فيك .. طبعا قفلت المسن وانا جدا مقهورة منه ومن الحقيرة الثانية
مافي يا عبير او هديل او زهراء لانهم هم الي سويت محادثة جماعية معاهم امس
بعد دقايق .. جاني مسج عادي على البريد .. من سلطان .. ابغيت افتحه بعديت قلت يمكن مصيبة جديدة خليني اشوف .. ارسلي صورة من المحادثة حقتهم امس .. وتاكدت انه لما قال يبي يشوفني كانت عفوية مو قاصدها .. بس حقي كان ماسح ايميلها عشان ما اعرف منهي .. والاعتذار اللي كتبه لي .. الحين ماعندي اي شي اقوله الا اشوف مين الحقيرة اللي سوت كذا .. بس المفروض يقولي مين عشان انتبه منها .. ارسلتله مسج ثاني فيه تهزيئ وابيه يقولي مين البنت اللي سوت كذا .. طبعا احس انه ودي اروح المدرسة الحين الساعة 12 في الليل بس اعرف مين اللي سوت كذا



# البارت القادم بعد بكرة ان شاء الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-09-2012, 04:52 AM
صورة ذربــة الرمزية
ذربــة ذربــة متصل الآن
♤عيونٌ تختبأ خلف غُرّةٍ سوداء ! ♤
 
الافتراضي رد: يخرب بيت العشق يقطع سنينه /بقلمي


.




هههههه حمااااااس وانا بعد متحمسة اعرف منو هع

كملي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 17-09-2012, 04:52 AM
صورة قولوله يرجع ! الرمزية
قولوله يرجع ! قولوله يرجع ! غير متصل
©؛°¨غرامي جديد¨°؛©
 
الافتراضي رد: يخرب بيت العشق يقطع سنينه /بقلمي


# السلام عليكم ورحمة الله وبركاته ..


ثاني يوم في الشركة ..

طلبت شذى من ابوها وعمانها ينتظرونها عند قاعة الاحتفالات بالشركة عشان يشوفون الترتيبات اللي سوتها مع الفقرات اللي بتكون موجودة
طلعت من مكتبها وراحت مكتب فيصل
دقت الباب بهدوء
فيصل : تفضل
دخلت بابتسامه : السلام عليكم
فيصل بدون اي تعبير: وعليكم السلام
شذى : ممكن تتفضل معاي عشان تشوف الترتيبات للحفل مع الفقرات .. وجدي وعماني هناك
فيصل باستهزاء : لا يكفي السي دي اللي ارسلتيه ليه اذا امداك
شذى: احم , ماعليه اسفة استاذ فيصل
فيصل : جاي بس مو عشانك عشان عماني اللي ينتظرون هناك
شذى: لارد

:
:
:

شذى وفيصل كانو يمشون بالممرات
شذى طبعا ماتتغطى بس تتحجب .. وكانت في بعض الخصلات طالعة من شعرها
دخلو المصعد
فيصل : لو سمحتى ياليت تغطين شعرك
شذى فكت الطرحة ونفضت شعرها وحطت الطرحة على كتفها
انفتح المصعد وطلع قدامهم حامد سكرتير الجد
حامد : احم اسف
شذى : لا حياك تفضل
حامد : لا تفضلو
سحب فيصل يد شذى بقوة لانها كانت ضاغطة على الزر اللي يخلي باب المصعد مفتوح
انقفل باب المصعد ... وصل المصعد للمكان اللي يبونه ووصلو
وهم ماشين بالممر عشان يوصلون للقاعة
فيصل : ترا بقولك شي .. ترا اللي سويتيه قبل شوي ماقهرتيني فيه قهرتي نفسك
بتكسبين ذنوب ع الفاضي عشان تحريني ومحد بيندم الا انتي .. وش استفدتي الحين يوم شافك حامد يعني .. يارب لا تبلانا بعقول زي كذا .. وتركها ودخل القاعة
شذى سكتت ومن جد كلامه صح
(واحنا كثير نسويه هالشي .. اننا نبي نقهر شخص ونسوي اشياء حرام وهي ف الاخير رح تضرنا وتكسبنا ذنوب وبس)

:
:
:
:

بامريكا عند ناصر ولينا

طبعا ناصر يدرس ماستر ادارة .. ولينا لسى توها تدرس انقلش

خلصو فطورهم وطلعو من البيت ..
وهم في حرم الجامعة .. جات سناء .. سناء عمرها 24 سنة زميلة ناصر بالدراسة
سناء : السلام عليكم
ناصر ولينا : وعليكم السلام
سناء : واخيرا لقيتك .. تفضل مسيو ناصر ..انهلكت وانا ادور عليك .. هذي الماب حقت البحث اللي بنسويه .. باقرب فرصة لازم نجتمع ونبدأ فيه
ناصر : ان شاء الله .. بس ليش تعبتي نفسك كان اعطيتي واحد من الشباب يوصلها لي
سناء : من جدك انت تدري من قروبنا للاسف عبدالله وخالد وعبدالرحمن للاسف اسوا ناس بالمجموعة
تبيهم هم يوصلون لك الاوراق .. الحمدلله ان الرسالة كل واحد يشتغل فيها لوحده
ابتسم ناصر : الله يعطيك العافية
سناء : الله يعافيك يلا مع السلامة
وناظرت لينا بابتسامه ومشت
ناصر : امممممم .. والله الموضوع صعب شوي يبيله شغل .. وهو متحمس ويقرا .. ومع زحمة الشوارع .. واصوات السيارات والباصات ..
التفت يكلم لينا : ايش رايك امسك هذي الجزيئية عن .. والتفت يدورها مافي احد جنبه .. وطالع انه مشى مسافه كبيرة مو شوي
طلع جوله ودق عليها
ناصر : لينا وينك
لينا : ف البيت
ناصر انفجع : وشو بيته
لينا بصراخ : في البيت يعني وين
ناصر : اي بيت الله يهديك .. ليه
لينا : افضيلك الجو مع سناء عشان تسوي بحثك .. وقفلت السماعة
ناصر ناظر التلفون بقهر .. وناظر ساعته بس مافي وقت يرجعلها .. باقي نص ساعة وتبدا المحاضرة
.
.
.
.
.

رحت المدرسة وانا اخلاقي اقفل شي بالحياة
جو عبير وهديل .. سلمت عليهم وانا اتفحص وجيههم واوشوف من اللي سوت كذا المشكله كل وجيههم عادية .. المشكله عبير ابد ما يطاوعني قلبي اشك فيها .. لانها اقرب وحدة لي من صديقاتي .. كل اسراري عندها .. هي الوحيدة اللي اذا قلت لامي بروح عند صاحبتي توافق على طول من غير اي مشاكل ..وبعد هديل .. مستحيل انه تغدر فيني .. هذي غادة الثانية .. ياما تحملتني ونصحتني .. لا لا ماقدر اتخيل حياتي بدونهم .. ومابي اشك فيهم .. لاني اعرف طبعي انا زين لو شكيت بالشخص 1 بالمية بس خلاص اعتبر علاقتي فيه منتهية .

بوقت الفسحة .. ناديت عبير وقلتلها بقولك شي .. جتنا هديل من بعيد
وبصراخ : ياخونه تروحون وتخلوني طيب انا اوريكم ياكلاب .. وراحت مع شلة بنات ثانية نعرفهم
لفيت على عبير : سالتك بالله ياعبير وباغلى شي عندك
عبير بخوف مسكت يدي بقوة : غادة بسم الله عليك وشفيك
ناضرتها بقوة : سلطان
عبير نزلت عيونها وبدون رد وعرفت انها هي
انا بصوت شوي عالي : لييش ليش ياعبير
عبير : مو قصدي بس عشان ابين لك انه مو كفو تكلمينه
مسكتها من ياقه المريول : ومالقيتي الا هذي الطريقة ياحقيرة
عبير : انا
قاطعتها ودمعتي تحوس بوسط عيني : ولا كلمة عبير ولا كلمة .. زي ما دخلتي حياتي من 12 سنة بتطلعين منها وللابد
عبير بصراخ : افهمي ياحقيرة اول بعدين روحي
انا : وش افهم وش اخلي تستهبلين انتي ولا ايش .. رجال غريب موريته صورتي تقولين افهمي
اخذت نفس عميق : وك اوك عشان العشرة اللي بيننا اشرحيلي اشوف
عبير :توقعتك تحبينه عشان كذا انا
قاطعتها مرة ثانية : كذاااابة
عبير بلعت ريقها : مو كذابة يا غادة وترا العشرة ماتهون الا على عيال الحرام ياغادة وانا مابي اخسرك عشان واحد لا راح ولا جا
غادة : عبير عندك كلام تقولينه تكلمي ولا اقلبي وجهك
عبير بدمعة حارة .. ضمتها : الله يوفقك ويسرلك ان شاء الله
وناظرت فيني بابتسامة : واذا يوم وتقابلنا بقولك
انا وقتها خلاص قلبي عورني صدق ودموعي على خدي : عبير تكلمي
دق جرس الفسحة غسلت وجهي ودخلت الفصل بهدوء
هديل دخلت كالعادة اخر وحدة .. وقفتها الاستاذة جنب السبورة ك عقاب لها 10 دقايق
ناظرت بوجيهنا وانفجعت .. كانت جالسة على احر من الجمر تنتهي الحصة تخلص
ومن يوم ماخلص الجرس لفت علينا
شفيكم انتو الثنتين
عبير كلمت منار .. طالبة جالسة قدام واصلا مو وجه دراسة بس المعلمات جايبينها قدام عشان لا تشاغب
عبير : منار تبادليني مكاني
منار باستهبال : ترا الحصة بمية ريال
عبير بابتسامه : لا ارتاحي للابد
منار بققت عيونها : من جدك للابد
عبير بضحكة :: لابد يعني لين نهاية السنة ولا انتي بتسكنين بالفصل
منار بضحكة : لا وييين بسم الله علي ..بس اقصد
عبير قاطعتها بضيقه : ايه .. بتجين ولا لأ
منار : الا يلا تعالي
غادة ناظرتها بحزن .. وققتها بس تاكدت انه ماعاد عندي صديقة اسمها عبير
:
في بيتنا

رجعت وانا خلاص لو احد يقولي غادة شفيك صحت
كنت جوعانه مررة .. رحت قلت للخدامة تسويلي برجر وتطلعه غرفتي فوق
ورحت عند امي لقيتها تعدل كتب ابوي واوراقه قلتلها بسرعة قبل ماتلف عيونها وتشوفني وتبدا اساله اممي اللي ماتخلص : يما ترا بطني توجعني وراسي مصدع بلييز لاتصحوني الين اقوم انا .. طبعا قلت كذا عشان تخليني انام ولا تصحيني
امي توقعت ان فيني احم احم : طيب خوذيلك شي دافي وافتحي الشباك لا تشغلين المكيف
انا : ان شاء الله
اول مادخلت غرفتي ولعت المكيف على ابرد شي وحطيت راسي ونمت
فتحت عيني .. دخلت يدي تحت المخدة .. ناظرت الجوال لقيت الساعة 11 باليل .. قمت صليت الصلوات اللي علي .. خلصت وجلست اتذكر اللي صار اليوم .. نزلت دمعة حارة وراها شلال دموع وشهقاتي احاول اكتمها للاسف مو قادرة .. وكل ماله صوتي يرتفع

اخوي خالد .. مريت من جنب غرفة غادة سمعت شهقاتها وصوت بكاها يقطع القلب اللي يسمعها يقول ميت لها احد .. واللي اعرفه عن غادة انها قوية مو اي شي يبكيها ودموعها غاليه عليها .. عشان كذا خفت عليها .. دقيت الباب وهي مستمرة بالبكي

فتحت الباب وانا رايحة فيها من الصياح .. بس صراحة تفاجات ان خالد اللي جاي عندي
خالد اول ماشفت حالتها انفجعت وضميتها : خلاص اهدي حبيبتي وشفيك
غادة: ماني قادرة اركب كلمتين على بعض من الاساس عشان اتكلم
خالد :مدري وش اسوي قعدت امسح على شعرها
خالد : سحبتها معاي تحت للحديقة ورميتها بالمسبح
غادة : انفجعت من حركته
ناظر فيني خالد : طلعي كل اللي بقلبك
غادة ماتصدقون اني فجأة نسيت السالفة وقعدت اضحك .. ماقلت لكم ان اخوي هذا نفسية
خالد ابتسم : انا مدري ايش مصيبتك بالضبط اللي خلت غادة القوية تنزل دموعها
بس ادري مانزلت دموعك الا على شي غالي عليك حيل .. الدموع لما تنزل على شي غالي توجع وببحة غريبة بصوته كنه بيبكي :توجع حيييييل ياغادة طلع وتركني
جلست تقريبا ساعتين وانا بالمسبح : شوي اصيح شوي اتذكر عبير واحس ان وراها سالفة .. وشوي اتذكر خالد اللي عرفت جانب من غوضه شكله موجووع مررة او فيه شي .. طلعت من المسبح وسويت لي هوت تشوكلت .. واخذتلي بانادول ونمت

:
:
:
:
بيوم من الايام

شذى كانت بمكتب فيصل يراجعون بعض الاوراق سوى

دق جوال فيصل
ورد : ايوة يا عثمان
عثمان : استاذ فيصل مدام سارة ماطلعت من المدرسة
فيصل ناظر الساعة كانت 2: كيف !! اسال الحارس
عثمان : كل البنات طلعو من المدرسة مافي احد
فيصل : خلاص خلاص الحين جاي
فيصل يكلم شذى : معليش عندي شغل ضروري .. وطلع بسرعة من غير ماينتظر ردها

طلع فيصل مسرع من الشركة .. وكان يدق على جوال سارة ماترد ويدق عليها وماترد
وهو راجع على شقة سارة شاف الشارع زحة وراح من جوا الاحياء وطلع من عند الشارع اللي يفصل بين السوقين حياة مول وصحارى

بنفس الوقت صديقات سارة قررو انهم يتغدون بحياة مول ويرجعون بيوتهم .. سارة بالبداية ماوافقت بعدين فكرت وقالت مدام فيصل مايجيها الا كل اسبوعين مرة .. بتعطي السواق 50 ويسكت .. اعطت السواق 50 وللاسف علم عليها .. وراحت معاهم .. البنات ويبون يقطعون الشارع اللي بين السوقين .. كانو ماشين ويستهبلون وحاله عباياتهم حاله .. ناظرت بالسيارة اللي واقفة بالسرا من بعيد : يالله زي سيارة فيصل .. سيارة بي ام كحلي .. ولما قربت قرت اسم اللوحة .. سيارة فيصل لا يارب .. لف فيصل وبقق عيونه سارة .. فتح باب السيارة ونزل من السيارة .. سارة مع الفجعة ركضت ترجع على ورا ولا انتبهت للسيارة اللي كانت مسرعة من اللفة .. وما شاف الا سارة اللي طارت بالهوا وارتطمت بالارض





# التكملة غدا ان شاء الله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 17-09-2012, 08:56 AM
صورة دمعة الحزن الرمزية
دمعة الحزن دمعة الحزن غير متصل
©؛°¨غرامي فعال ¨°؛©
 
الافتراضي رد: يخرب بيت العشق يقطع سنينه /بقلمي


مشكورة على البارت الروعة .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 11-03-2013, 11:48 PM
صورة همسات وردة الرمزية
همسات وردة همسات وردة غير متصل
©؛°¨غرامي فضي¨°؛©
 
الافتراضي رد: يخرب بيت العشق يقطع سنينه /بقلمي


اقتباس:
3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك
تغلق الروايه


يخرب بيت العشق يقطع سنينه /بقلمي

الوسوم
العشق , يخرب , يقطع , زودوه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
شقائق النعمان / الكاتبة : ساعة بلا عقارب , كاملة ЯoOηY روايات كامله - يتم نقل الرواية هنا بعد اكتمالها 108 16-11-2016 06:18 AM
السائل عن العشق 7bisat al_dmo0o3 خواطر - نثر - عذب الكلام 4 20-05-2012 04:06 AM
وآتبسسمـ ,, ولو مآبهـ عصــآفيرْ و آغآنــيَ ||~ بــدر التميمي سكون الضجيج - مملكة العضو 1674 12-02-2011 06:32 AM
كلمات في حقيقة العشق وأضراره وفيه( 7 ) أجوبة الدرة المكنونه مواضيع إسلامية - فقه - عقيدة 8 26-11-2009 05:28 PM
الي حورية العشق )روح الحب( خواطر - نثر - عذب الكلام 10 05-03-2008 04:48 PM

الساعة الآن +3: 01:19 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1