منتديات غرام روايات غرام أرشيف الروايات المغلقة - لعدم إكتمالها روايتي : أحبك لكني بحبك اكابر واقول إنها مجرد مشاعر
وردة عشقك ©؛°¨غرامي جديد¨°؛©

بسم الله الرحمن الرحـــــــــــيم





السلام عليــــكم ورحمة الله وبركاته













اليوم فكرت وفكرت قلت ياترى انزل روايتي ولالا وبعد تفكير عميق قلت خلاص بنزلها وماابي ابخل عليهم واذا ماعجبتهم انا بتقبل نقدهم برحابة صدر واذا عجبتهم ابي متابعتهم و حماسهم وتشجيعهم وهذي بدايتي واول روايه لي واتمنى من كل قلبي انها تعجبكمم..~















مقدمه بقلمي :
الحيآة يرآها البعض انها مره
ويرآها البعض الآخر انها حلوه
يرونها مره ربما لانهم يأسوا منها وربما احزانهم ملئت قلوبهم
وربما يكونوا قد تألمو من الحب!!
(الحب) هذه الكلمه دائما تراودنا في اذهاننا وتملى قلوبنا نحب ونحب وفي النهاية نتعذب
وربما نكره ونكـره وفي النهايــــــه نحب
والبعض الآخر يراها حلوه
ربما السعادة ملئت روحهم سواء احبو شخص اسعدوه او اسعدو شخص احبوه
الحياة احيانا يكون بها عواصف مريبه
واحيانا يكون بها امطار جميله
(الحـــــياة ) يكون بـــها ألــم , سعادة ، حزن , فرح , حب , كره ,تحدي , حقد , شر والكثيــــــر الكثـــــير
مــثل مافي مولودتي الاولى






اعزائي واحبائي ترقبوني في روايتي الاولى
{أحبك لكني بحبك اكابر واقول انها مجرد مشاعر}
اليووم ... سارسل لكمم بين ايديكم روايتي محلقه لكم ..
وانتم ... بدروكم تحلقون فيها بمخيلاتككم





(مــااحلل من ينقلها بدون ذكر اسمي في الروايه )









.





.......البــــارت 1 الاول.......






















.














.
.


فــي العاصمه ( الــرياض)



في بيـــــــت كبير كــــان بقمةة الرووعه
السـاعه الثامنه باليل
كانت نــآيمه بـ عممق ضامه مخدتها الورديه بين يدينها
فـــتح البــاب اقوى ماعنده شافها نايمه ومرتاحه ابتسم على جنب وجلس يفكر ايش يسوي فيها
شاف مويه في الطاوله وبكل خبث اخذ المويه وشوي شوي سكب المويه عليها وهههرب طالع من غرفتها
قــامت مفجوووعه من االي صار وهي تتنفس بسرعه, مسحت ووجهها من المويه وهي حدها معصبببه عرفت مين اللي سوا فيها كذا وماراح تعديها له جلست تدعي وتتوعد فيه
راحت بدلت ملآبسها وربطت شعرها ذيل حصان
طلعت من غرفتها وهي ناوييه عليهه







مــلاك بصراخ : تتتتتتتتتتتتتتتتتترككككككككككي
نزلت بخطوات سريعه بالدرج الحلزوني
شافتهم متجمعين بالصاله
راحت ملاك باست راس ابوها اللي كان يقرا جريده وباست راس امها اللي كانت تناظر مسلسل
جلست ع الكنبه وهي تناظر تركي بنظرات كلها تهديد وطبعا هو سوى نفسه بريئ مايناظرها
أم تــركي : وش فيك تصارخين لسانك يلوط اذانك
مــلاك بقهر: ولدك تروك الدفش اللي مايعرف الذووق والاحترام والحشيمه دخل غرفتي وكب علي المويه
تــركي يتصنع البراءه ياشر على نفسه : ميــــن انــــا
ملاك: والله العظيم البراءه مب لآيقه عليك يالجني
تـركي : انـا جني يالبقرهه
ملاك شهقت: هههههي انا بقره يالثور
قــاطعهم ابو فيصل بصراخ : باااااااااااااااااااس مااافيه احترام لنــا عيب عليكم كبار منتم صغااار
ملاك وتركي اللي افتشلوا من انفسهم : اسففففففين
ام تركي بقلة حيله: الله يهديهم بس , شوفوا سمر الهاديه ليتكم تصيرون مثلها
سمر اللي كانت تناظر المسلسل مع امها : احم احم شفتوا اسمعوا كلام امي صيرو مثلي
مــلاك : وانـا يمه ليه ماتمدحيني وش فيني يازيني اهبل
سمر: انتي لو ينقطع لسانك تصيرين احلى وحده
تــركي: كفك كفك سمور والله انك جبتيها
سمر صفقت كفها بكف تركي
ملاك : اووف ياربي انا وش مجلسني معكم
سمر: والله محد طقك على يدك وقالك اجلسي معنا
تـركي حب ينرفزها : يالله روحي على غرفتك قومي ذاكري
مــــلاك : تركي يعني قد كلمتك
تــركي : ااي نننعم قدها وقدود بعد
مــلاك : زيننن ياتركي صدقني راااح تحتاجني بذاك الشي وماراح اقولك عنه خبر
والحين بطلع اذاكر تشاوو
تــركي وكانه تذكر شي مهم: ملااااك اصبريي ملوووكه امزح مععك
ملاك وهي مطنشه راحت غرفتها وقفلت الباب وهي ميته ضحك
***














...الحــين نتعرف على عائلة خالد...
خالد (ابو تركي) حنون على عياله وزوجته يحبهم ويهمه سعادتهمم, اوقات يكون عصبي
نوره (ام تركي) طــيبه وحبوبه تحب زوجها وعيالها وخاصة ولدها تركي لانه الولد الوحيد
{عيـــالهم}
تـــركي : عمـره 21 سنه مــرح وحبووب ,يحب يسوي مقالب بالناس
سمـر: عــمرها 19 سنه هاديه وتحب تقرا الروايات الرومانسيه
مــلاك: عمــرها 18 سنه شـــــــقيه وعنيده تحب اخوها تركي
*
*














فـــي بيت ثـــاني ماكان اقل فخاامه من البيت الاول
تحديدا بالصاله الكبيره
فـهد والوليد يـلعبون بلايستيشن بحماس,
طبعا الله لآيوريكم عندهمم انـواع الازعاج

فهد: هههههين اوريكك ان ماكسرت رااسك مااكون انا فهد بن ناصر
الوليد: حبيبي حلم ابليس بالجنه
فهد : طيب طيب نشووووف
جت ساره وبيدها كاسات عصير : هــا مين اللي فاااز
ووراها جت ليــان اللي معها صحن فشاار: بششششر فهود مافزت
فهد : ليان لاتخافين انا فايز فايز
الوليد: ساره ماعليك منه تقدرين تقولين اني على وشك الفووز
فهد: ها ها ها باحلامك
ساره: انـا معك يـالوليد يالله حااااول تفوز علشان فهد يعشينا برا
ليان : اقول سويره ترى اذا خسر الوليد انتي اللي بتطبخين لنا العشاء
فهد: سمعتي يااستاذه ساره
سـاره: دااام الكلام كذااا خلاص اعلن انسحابي
كلهم : هههههههههههه
كل ذا الحماس فجاه مايشوفون الا التلفزيون مفصول بوجيههم
كلهم : لاااااااااااااااااااااا
ام فهد: وششش ذا الازعععاج
فهد : يمممه حرام عليك قطعتي علينا التحدي
الوليد: من حظظظك ياافهد كنت راح افوز
ام فهد: استحوا على وجيهكم ازعجتوا ابوكم
الوليد باس راس امه :اسفين يالغاليه حقك علينا يـالله انـا طالع تامريني بشي
ام فهد : سلامتك ياوليدي انتبه لنفسك
الوليد: لاتوصين حريص
ام فهد: وانت يافهد ابوك يبيك بمكتبه
فهد : حاظر يمه
فهد رآح مكتب ابوه مثل ماقالت له امه
~ طق البــاب
ابو فهد: ادخل
فهد باس راس ابوه: السلام عليكم
ابو فهد: وعليكم السلام
فهد: الوالده قالت انك تبيني عسى ماشر
ابو فهد: ايه ياوليدي اجلس ابيك بموضوع
فهد جلــس: قول يبه اسمعك
ابو فهد :اسمع وانا ابوك حصلت مزرعه للبيع تبعد عن الرياض حوالي 70 كيلو ابيك تروح بكره تشوف ان كانت زينه وحجمها كبير بإذن الله شريتها
فهد:ليه يبه وش تبي بالمزرعه
ابو فهد: اتفقت انا و اخوي خالد نشتريها نطلع فيها كل خميس العيال ينبسطون وحنا ننبسط
فهد: والله فكره حلوه ان شاء الله بكره وانا رايح اشوفها
ابو فهد : تسلم ياولدي













***

















نتعرف على عائلة ناصر
حصه (ام فــهد) حنوونه وحبوووبه على نياتها
ناصر (ابــو فهد) انسان طيب لابعد درجه ومايحب يقول لعياله لا
{عيالهمم}
فــهد: عمره 24 سنه جريئ يحب اهله ومايحب يرفض لهم طلب
لــيان:عمرها 18 سنه عفويه وقلبها ابيض
سـاره: عمرها 20 سنه
الوليد: عمره 22 سنه اللي بقلبه على لسانه وماعنده شي اسمه كره وحقد
***















فــ بيت قممه في الذوق والاناقه
كــانت جالسه بالمرجيحه اللي بحديقتهم ماسكه معها ورده بيضا
رجع من الشغل وشافها جالسه وسرحانه اتجه نحوها و غمض عيونها بيدينه
ريوف تتحسس يده وعرفته من يده الكبيره عند يدها الصغيره
ريوف: يسوووور عرفتك
ياسر: ههههههههههه وش مجلسك لحالك
ريوف: آمممم بس كذاا طفشت وقلت اشمم شويةة هوا عادي اطلب طلب
يـــاسر: اكيد وكم عندي ريوف
ريوف: ابيك توديني لبيت عمي خالد
يــاسر: من العين هذي قبل العين هذي بس انتي تجهزي
ريوف ضمته: مشكووور يااحلى اخوو
يـاسر ابتسم لها : زين بروح اسلم على امي وابوي
ريوف هزت راسها بالايجاب وراحت طايره لغرفتها تشوف وش راح تلبس
يـاسر راح عند امه وابوه اللي كانوا جالسين يتعشون
يــاسر باس راس امه وابوه: السلام عليكم
كلهم: وعليكم السلام
يــاسر: وكــانكم عارفين ان ولدكم مميييت جووع
ام يــاسر وهي تغرف له اكل وتعطيه: يـالله ابيك تاكله كله
يــاسر : افا عليك واذا تبين اكل الصحن بعد ماعندي مشكله
كلهم: هههههههههههههههه
ابو يــاسر: شلون الشغل معك وعساك مرتاح
يــاسر: ايه الحمدلله بخير مــرتاح
ام يــاسر : عسى الله يوفقك واشوفك معرس
يــاسر وماعجبته الفكره بس ابتسم لامه مجامله وقـال من ورا قلبه: آمين
***








عــائلة ابو يــاسر
محمد (ابو ياسر) يموت على زوجته وعياله انسان طيب وحنون
دلال(ام ياسر) حنوونه وحبوبه تحب زوجها وعيـالها
يــاسر : عمره 26 سنه غــامض وهادي لكن اذا احد استفزه بينفجر فيه
ريوف: عمرها 20 سنه دلوعة البيت طيوبه حيل





.

.



**انتهى البــارت الاول **

انتظروني بالبارت الثاني غداً





همسات وردة ©؛°¨غرامي فضي¨°؛©

السلام عليكم ورحمة الله

حياك الله بغرام .. بدايه جميله وهاديه بس لو تحطي مواقف حماسيه وتختمي
البارت بقفله مثيرة اكيد بتلاقي الردود الي تتمنيها ..


https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


بالتوفيق ان شاء الله


وردة عشقك ©؛°¨غرامي جديد¨°؛©

بســــــم الله الـــــــــرحمن الـــــرحيـــــم




الســـــــــــــلام عليـــــكم ورحمة الله وبـــــركاااته











البـــــــــــــــــارت الـــ2ــــثاني

~الفصل الاول~





لاشـــيء أبداً



يقوى على إنتزاعك ..



من قلببي



لك الحُب ولك النبض



لك اللذه تُستضاع !



لك م تحتاجه من ( لذة العِشق ) !












فـــي بيــــت نــاصر...

.
.
تحديداً بغرفة ليــان , اللي كانت حامله بيدها صوره تناظرها بكل حب تناظظظر اللي حبته تناااظر اللي حبها :احــــــــبك يــالي سرقت قلبي وعقلي وروحي
آآآآآآه متى يجي ذاك اليوم اللي اكوووون لك وانت تكوووون لــــــــي مـــــــــــــــتى بس

فجأه انفتح البـــــاب : ليـــــــــــــــوووون

ليـــان ارتبكت ووزت الصوره ورا ظهرها : هههههههي انتي يالددددفشه اطلعععي براا

ســـارهـ: وينكك يــــلا تعالي ساعديـــني ع العشا

ليـــان: ززززززززين زين الحين بجيك انتي اطلعي براا

ســاره انتبهت انها مخبيه شي وراها: أيــــــــــش معااااك ليوووووون وووريني
راحت عندها وهي تمسك يدها تبي تاخذ اللي معها وليان تحاول تبعدها


ليــان من الخوف طاحت الصوره ووداستها برجلها تبي تخبيها,, مدت يدها لساره: شوووفي يدددي مافيها شي بـــــس كنت بختبر درجة اللقافه عندك
ســاره: مــالت عليك مالت حسبت عندك ســــالفه يلاه استناك بالمطبخ
لـــيان يوم شافت ساره طلعت بســرعه اخذت الصوره وحطتها بالصندوق وقفلته
تنهدت براحه وهي تحط يدها على صدرها : آآآآآآآآآآآه الحمدلله انها ماكشفتني ولا كنت رحت فيها




*****

فـــ بيت خــــــــالد
.
.
كــانوا ســـمر وريوف بالغرفه
ريـــوف: والله لو تشوفين بنــات الجامعه كيف خقوو ماتصدقين تقولين ذولي ماقد شافوو واحد مزيون
سمــر: هاتي هاتي صورة اخوتس المقرود خلني اشوف مزيون ولا من جنبها
ريوف وهي تطق راس سمر بخفيف:حدك الا اخوووي , عاد اللي يشوف يقول ماعمرك شفتيه
سمر: الا شفته بس تعرفين استحي اقعد اطالعي فيه يعني حدي اطالعه من بعيد لبعيد
ريوف جابت جوالها وتطلع صورته : هااااه شووفيه
سمـر طيرت عيونها: يقطع بليسسسه تف تف مــاشاء الله يهبل
ريوف وهي تسحب الجوال: يالحمماره صـــــار جووووالي كله سعاابيل منك
ســمر: اقول خلني اجيـــــــب المسجل مشتهيه ارقص
ريووف: يسسسسسسسسسسس يلاااه نرقصص
راحت سمممر جابت المسجل وحطت شريط راشد الماجد وبتدت
باغنية آه منك منقهر
وقامووو يرقصووون وشوي يستهبلوون ويضحكون


******
كـــانت جآلسه بغرفتها وهي حدها متملله ودها تسوووي اي شي جنوني وعقلها يوديها ويجيبها على فكره جنونيـــه
فكرت ان اخوها طالع مع اصحابه وتارك السياره بالبيت ابتسمت بكل خبث
مشت بخطوات خفيفه حتى محد يسمعها ويكشفها
تسللت شوووي شووي شوي شوي

لين ماوصلت الغرفه المطلوبه وعيونها تدوور ع الشي اللي هي تبيه , لمعت عيونها لما شافت مفتـــاح السياره
اخذت المـــــفتاح واخذت ثوب وشماغ وطلعت بنفس الهدووء اللي دخلت منه

راحت غرفتها لبست الثوب وتلثمت بالشماغ وجلست تضحك على شكلها : ههههههههههههه والله طلع شكلي خطططير
مشت بشويش لين وصلت للباب فتحته بهدووء وطلعت بالشارع واول ماطاحت عينها ع سيـــارة اخوها

كآنت لكزس لونها لؤلؤي فتحت الباب بالمفتاح ,,,,, وركبت وهي تشعر
بخوف لانها اول مره تسوق سياره
وكانت داايما نفسها تسوق سيااره بس محد يسمح لها ,
صحيح كان اخوها دايممما يعلمها السواقه بس ماقد خلاها تسوق بروحها لانه يخاف عليها يعرفها مجنونه ويخاف يصير فيها شيي
ماطولت بالتفكير شغلت السياره وهي تهدي نفسها : انتي تقدرين تسووين كذاا تشجعي تشجعي
بدت السياره تتحرك حركتها خيف ووقفت : بسم الله يالله لازم اكمل خلني اغاامر لو مره بحياااتي


حركت السياره وبدت تمشي عاادي
مشت اول الشارع وحست ان الخوف بدا يزول
ناظرت وراها تخاف احد من عايلتها شافها ,,,,
بس تقريبا الشارع كان فاضي لكن يوم لفت قدام شافت نور سياره قادممه باتجاهها ويضغط بوواري خلتها تتتترتبك وماعرفت

ايش تسوووي كل اللي سوته انها ضغطت بانزززين بقووه



ووووووووووووووطرااااااااااااااااااااااخ



*****


الحيـــــــــن نرووح عند فهـــد

اللي وصل للمكان المحدد اللي وصاه ابوه عليه
شـاف العامل حق المزرعــه وبدا يستفسر منه
العامل وصــله للمزرعــه وشافها من برا كانت محوطه بسور ابيض
دخل جوا المزرعــه اللي كانت قمه في الفخاامه
كانت عيونه تدور بكل المزرعه كان الشججر والنخل بكل مكاان بدا يتمشى ويتفحص المزرعه باكملها
اول شي حصله بيــت شعر
وكان مثل هذا

ومقابله ملعب كببببير
انبسسسط كثير لان يعرف ان عيال عمه يموتون بشي اسمه كووره

مشى ومشى وحصل قدامه بيــت دخل جوا وهو يتفحصه بعيونه الحاده
ابتسم ابتسامة رضا كان كل شي فيه روعه كان داخله 5 غرف نوم وصالتين ومطبخ وحمامين { الله يكرمكم}



ابتعد عن الملعب وهو كان يتفرج ع المزرعه ليــن ماقادته رجوله للمســـبح
اللي كان مثل هذا
اضغط على الصورة لرؤيتها بحجمها الطبيعي

وعرف ان اكثر شي بينبسط فالمسبح بنات عمه


كاان فيــه قريب من المسبح 4 غرف خاارجيه كـانت حلوه ومرتبه


طلع من المزرعه بعد ماشاف كل شي فيها وكل شي كان يبهره
وهو مقرر يقول لابوه توكل على الله وخذها لانها عجبته بفخامتها وحس انها مناسبه لهم

*****

كــانوا يجرونها بالسرير وكان الثوب ملططخ بالدممم


امها اللي بالمستشفى من عرفت الخبر وهي منصعقه وتبكككي


والكل كان جالس بالممر على اعصاابه ينتظرون كلمه من الدكتور اللي كان بالغرفه جالس يفحص حالتها

وبعدد مده طويله طلع لهم الدكتور وهو يناظرهم بنظرات لوم

كلهم: بشششششششر دكتووور






الى هنـــا اتوقف ..

انتظر تعليقاتكم علشان اشوف اذا اقدر اكمل الروايه ولالا








وردة عشقك ©؛°¨غرامي جديد¨°؛©

المشاركة الأساسية كتبها همسات وردة اقتباس :
السلام عليكم ورحمة الله

حياك الله بغرام .. بدايه جميله وهاديه بس لو تحطي مواقف حماسيه وتختمي
البارت بقفله مثيرة اكيد بتلاقي الردود الي تتمنيها ..


https://forums.graaam.com/458176.html


ياليت تطلعي على هالموضوع اكيد بيفيدك


https://forums.graaam.com/420685.html


بالتوفيق ان شاء الله
وعليكم السلام
الله يحييك تسلمين يالغلا
ان شاء الله من عيوني

منووره

همسات وردة ©؛°¨غرامي فضي¨°؛©

السلام عليكم


تغلق الروايه بطلب من الكاتبه


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1