غائبه في دنيا الظلام ©؛°¨غرامي جديد¨°؛©

مراهقة بنات ..~_}


السلام عليكم كنت زهقانه وقعدت افكر المراهقين زيي الباقين كيف يقضون وقتهم زهق 
بعدين قعدة اتأمل في كلمت مراهقه ... مراهقه... مراهقه ... مافيه شئ
غير المغامرات الي اشوفها في الافلام و ماقدر اسويه او لازم يصير احد معاي 
قلت اسوي روايه تبين المراهقه و اغلب الاشياء الي تصير في المراهقه و الكل او الاغلب يشهد ان اغلب حياته بدت من المراهق بداية حياته مو يعني يتنفس وياكل و يشر
لاء يعني يفهم كل شئ اشياء كثير عرفها الناس بدت تحمله مسؤله حتى لو كانت صغير 
المراهق يمكن تكون عند الاوروبين و الاسيوين وناسه لانه يقدرون يطلعون و يجون على راحتهم<<هنا انا اقصد البنات عندنا و عندهم
 و يقدرون يسون مغامراتهم و استهبالم بسهووله  فكرت ممكن احنا كمان لكن في اماكن بشكل معقول لكن مالقيت او لانه محد معي المهم انا كتبتها تسليه لي و لكم مو شهره او استهبال و ماراح ابين كبار الشخصيات او الي مالهم دااعي كبير في الروايه مثل الاباء و الامهات و الاجداد و العمام الخ .. الخ راح ابين المراهقين نفسهم عاد إذا ماطلعت زينه لاتزعلون ترى اول مره اكتب وقولو الاشياء الي غلط او ماظبطتها و الي راح تروي الروايه بطلتها مو انا يعني ماراح تكون راحت فلانه و جات فلانه لاء رحت انا و جات فلانه و راح تكون بالعاميه لان الاغلب يفضلون العاميه و ماراح اوصف اشكالهم ممكن اللبس او الميك اب وهذي الروايه خياليه اعذرو الاشياء الغبيه 

و راح انزل الحين ثلاث بارتات

السلام انا فاطمه عمري 15 ثالث متوسط عايلتي عايشين بمدينه غير عن المدينه الي اهل امي و ابوي عايشين فيها لان ابوي يشتغل فيها و الي هي حبيبة القلب { الجبيل الصناعيه } و الي اهل امي و ابوي عايشين فيها { الاحساء } اول شئ راح اعرفكم عن اهل الجبيل انا فيني دفاشه ومزووووحيه وامووووت في شئ اسمه ضحك و وناسه لكن انتمي الى الوحده وهذا الشئ الي املكه كأنسانه من الحزن لانه كل انسان يملك حزن باي شكل من الاشكال خواتي 3 و انا الرابعه فوقي ثنتين  و تحتي وحده صغيره لكن بيني و بينها اخوي  و اخوي اكبير واحد بنت جيرانه فاطمه لما اكتب اسمها راح احط (ج) بمعنا جيرانا عشان تفرقون هي اصغر مني بسنتين لكن تعتبرني المخبأ لها فهي دايما تفضفض لي وتقوولي عن اسرارها لكن انا مش ولابد الي اقوله لها من اسراري الصغنونه اقولها للمعي اما اسراري الكبير مايعلم فيها الا انا و الله بس وهي دفش اكثر مني بشوي و صديقتي الثاني كوثر اكبر مني بسنه بس تأخرات في الروضه فصارت تدرس مثلي و اهي الانسانه الي حسيت نفسي صريحاه بزياده معاها لكن ماقلت لها ولا شئ لاننا مانلتقي و اهي مو وياي في المدرسه و حده عرفتني عليها  و الحين نروح لمدينه لمدة 3 ساعات اول شئ اهل امي وكما قلت راح اعرفكم على المهمين بس لموي ( لمياء ) 2 ثانوي ضحوكه اهي و شلتها في المدرسه بس استهبال و خبال فطوم ( فاطمه ) <<راح اكتب ( خ) يعني بنت خالي >> 3متوسط مستانسه في حياته وكافخه بكل شئ الطوووفه ولا همها احد وخبله و مرجوجه اغلب الاشياء انا وياها نتشابه فيه الا الي كافخه بكل شئ فطوفه ههههه و جموون (جمانه ) 1متوسط ضحوكه جريئه الي بقلبها على السانها صريحاه اخوهم الصغير ماله داعي بس كذا ابي اقوله رضا عمره سنتين ونص الي مو وياه في البيت و كبار إذا شافهم يقرصه و الصغار يتهاوش و ياهم طق الطبيعي اما خواتهم كل انواع الطق هههههه بس هم قايمين عليه افاعليكم  و نركب السياره و نرووح لبيت اهل ابوي و نرقى فوق شقتين شقتينا و شقت عمي بنت عمي زيزو (زهراء ) 2متوسط عقلها اكبر من عمرها بشوي مو واااااااااجد يعني و ماتحب احد يعاندها بس تحب تعاند الناس مستانسه في الحياه وماخذه حريتها ولا همها احد ورجتها مو نفس بنت خااالي اقل  و انا وياها إذا استخفينا و كأنما نحن سكارى و نحن لسنا بسكارى ههههه نستهبل استهبال ماله اول ولا تالي ونزعج غيرنا ولا علينا منهم اهم شئ وناستنا الا إذا كان جدي و جدتي و بعض الاحيان حتى هم ماعلينا منهم إذا كنا مررررره فالينها هههه ههههه رجووي (رجاء )3جامعه هادييه ماتنزل وااااجد لكن وقت الهيلب موجوده هههههه وقت المساعده موجوده و حبوبه و تدخل القب وووووو و تفهم مشاعر الناس هي مو ويانا في الشله لكن تجلس ويانه اكثر الوقت و باقي العائله مو لازم و نطلع ونروح بيت ثاني بيتو (بتول ) تصير لزيزو بنت خالها و تصير لي بنت ولد عم ابوي طويله هه 2متوسط فيها رجه اكثر من زيزو و اقل من فطوم (خ) و انسنه عاديه ونطلع ونروح مكان ثاني انووري (انوار ) المفروض 3 متوسط لكنها تأخرت سنه فصارت 2متوسط كيوت تحبب تحط مناكير وتحب الازياء لكن مو النوع الدلوع لا بالعكس وناااااااسه و إذا إذا بغت تصير رجه صارت رجه ههههه و انا و انوري و زيزو اغلب شئ مع بعض لان انا وزيزو نفس البيت و انورا تجينا مشي او احنى نروح و انوري و زيزو و بيتو نفس المدرسه 

و طبعا انا بتكلم عنهم في الاجازه يعني طالعين من صف لصف يعني انا بثاني متوسط رايح لثالث متوسط و الكل كذا

طولت صح اوكيه اوكيه نبدأ

انا :يبه عادي توديني بيت اهلي 
ابوي : انا بروح الجبيل الساعه 8متى اوديك و قبل كذا شوفي بيت اهلك نايمين صاحين  
انا: ودني الساعه8وياك وانا كل يوم اكلمهم هالوقت فالكيد قاعدين لكن بتاكد
رقيت و فتحت الاب توب و دخلت  الفيس و شفت لميوه داخل كلمتها ولا ردت و كلمت جمون واهي طالعه و رحت جهزت اغراضي و قعدت اتمشي في قوقل و اشوف الصور الي انا حافظتهم ورجعت الفيس شفت لميوه راده وقالت انهم موجودين وقلت اني بجيهم الساعه 8 وطبعاً محد يدري الا انا وهم و ابوي و قعدت على الاب توب لحد الساعه 7ونص 
احمد (اخوي): فطووم عندك فلوس
انا :ليش ؟!
حمود :ابي اشتري من البقاله 
انا :جد لحظه اشتر لي معاك
حمود : بس تعطيني فلوس 
انا:اوكيه اوكيه بس اخلص علي
حمود:طيب وش تبين ؟!
انا: جب 4بيبسي و بطاطس ليز ملح و خل كبير
ورجعت لنفس الحال الي اغلب وقتي كذا او كله 
حمود :فطوووووووووووووووم
انا :نعععععععععععععم
حمود :جبت  الاغراض
رحت اركض
انا :يووووه ليه حبات انا ابي كيسه كبيره
حمود : مالقيت جبت لك 10 لانه الوحده بنص
انا:طيب
اخذت البيبسي و حطيته بالثلاجه و البطاطس بشنطتي
ولما صارت الساعه 8 
ابوي : يلا فطوم قومي اوديك 
انا : نزيين 
ولبست عباية الكتف على البجامه لانه الصبح من الي قاعد في الشارع و انا رايحه بيت اهلي
المهم نزلت من السياره و دقيت الجرس و ضليت شووي و فتحت جمون
 انا:جموووووون ( و احضنها)
جموون: فطييييم من زمان عنش 
انا : اي ادري بعد شسوي المهم وين خواتش
جمون: فطيم فوق على الايباد و الميه على البلاك بيري
انا: انزين يلا امشي
رقيت فوق غرفتهم و مو شئ جديد فطوم (خ) حاطه سماعات الايباد و جمون على الاب توب 
و لميوه رايح جايه و شوي تجلس تسولف معااي عن المدرس و الاشياء الخبله الي يسونها و رجعت جمب جمون 
جمون : تعالي اوريك قصر...... على اليوتيوب يقولون انه مسكون و ان شافو فيه جثث و عضام و قبوور
وهذا اليوتيوب
و شفناه بس موكله طفشت
 بعدين انسدحنا على الاسرها بالمقلوب بس حر مانمنا
ونزلنا تحت و نمنا

غائبه في دنيا الظلام ©؛°¨غرامي جديد¨°؛©

ادري البارت الي قبل مافيه شئ بس ان شاء الله هذا يكون افضل

البارت الثاني

قعدت الساعه ١٢ الظهر شفتهم نايمين 
انا : جميييين ... جمنوووه ...  جمينوه
جمون : نعععععم خير وش تبي 
انا : يعني وش ابي انت و الغورلات الي وياك 
قومو قعدو بس نوم طبينات
جمون : انت الي كانك ديك قاعده من الحين
انا : اقول قومي صلي و شوفي لي طريق يمكن اخوك اهناك<< اخوهم الكبير ... الا وين لميه
جمون : اكيد قعدت بتبلعها الارض مثلاً
انا : هههههههههههههههههه ... اقول روحي لا يجيك شئ
راحت تتوضأ و تصلي
انا : فطووووم ... فطووووووم ... فطيييم و صمخ في اذونش ان شاء الله
لميه : لو تقعديها من الحين الا السنه الي بعد قبل الي جايه ماراح تقعد
انا : انا اوريش اخليه تقعد ولا ترجع تنام بس خل اصلي
رحت توضيت وصليت
ورحت المطبخ اخذت كم عصير و مووويه وحليب فكرت اخذ طحين بس قلت لالالالا حراام
كان فيه مساحه مربع فيها ٣ ابواب باب الغرفه الي احنا فيها و باب الحمام و باب يطلع لفوق و الصاله و الاماكن غيرها
حطيت الاغراض و ناديتهم يجون عشان ماتسمعنا فطيم 
انا : لميه 
لميوه : لميه في عينش
انا : بتصيرين وياي نكب العصير جمين بتطلعين بره لما اطلع صوت طقي على النافذ هذي ( و اشرت على نافذت الغرفه الي نايمه فيها فطيم )  ولما طقين تقبين عشان محد يصيدك و تعدين لي العشرين و ترجعين
كلن راح مكانه انا عند الباب و لمياء منسدحه جمبها و جمين عند النافذ
فتحت الباب كله عشان اقدر اقب ووقفت عند الباب عشان اهرب بسرعه فتحت العصير الي فيه غطى مو مزاز و كبيته عليها و انا فيني الضحكه و بالقوه ماسكتها
وفطوم تتلفت و مافيه احد رجعت تنام و ستنينا لين تاكدنا انها نامت مره ثانيه و اشرت للمياء تكب الحليب الي عنده و هي من الخوف من فطيم قطته هو و علبته فطيم جلست تتلفت
قامت تطالع في لمياء و لمياء ماااسكه ضحكتها بقووووه وتهز على خفييييييييييييييييييييييييييييف
 بس شنقول امر القوي على الضعيف <<< شدخل فطيم (خ) : لمييو يالحيوانه الله ياخذش ليش تقطين وصخش عندي و رفست فطيم لمياء و رجعت نامت 
اشرت للمياء تقوم خلص دورها هنا  
انا قمت اطلع اصوات مرعبه ولما سكت قامت جمون طق على النافذه
وسوينا هالحركه ٣ ولا حس ولا خبر شكلها وحده من بسم الله الرحمن الرحيم ههه
 وقمت اصفر

لفت فاطمه 
وتششششششششششششششش
انا كبيت عليها علبة ماي و لمياء عصير الكبير ههه كان باقي فيها شوي 
 وننحاش و طلعنى الحوش وكل وحده تركض و فطوم مو عارفه تلحق مين ولا مين ههههههههه و في النهايه 
انا و انا لافه راسي اطالعها : فطييييم لا تحلممييين مااا طخخخخخخخخخخخخ
ان : ايي لميه ماتشو ......
لالالالا هذي مولميوه واركض ركض
مرت خالي : تعالي انت وياها ليش تراكضون وموصخين الغرفه 
انا و فطيم نركض و ندز بعض نبي نقب 
وشافونا لميه و جمينوه قامو يركضون ولا يدرون شسالفه ورقينه فوق اول ماوصلنا بندخل الغرف الا
خالي : تعالي انت وياها <<عاد الحين مايمدينا نهرب
خالي : وش مدينة الملاهي الي انتو مسوينها تحت 
و احنا منزلين رووسنه
على باله مستحين من الي سوينها احنا فاطسيين ضحك بس مانقدر نضحك قدامه ولا كفخنا كلنا ولزقنا بالجدار مامداه دخل غرفته الا واككككككككااي
وضحكنا و فطسنا بعد مو بس ضحكنا ولا << كل ولا كل ولا
ولا ماصار شئ بس نزلنا تحت خخخخخخخخ
وتمسكنا مرت خالي تهاوشنا و احنا لاعلم ولا خبر فاطسين و اهي منقهره منا انا احنا فاطسين مو قادرين نمسك نفسنا المهم خلونا ننظف الغرفه وفطيم تميلحة تقول انا ماكبيت شئ
المهم خلينها تنظفه نصه لحالها راحت صلت الظهر 
وبعدين 
لمياء : شلون يعني يستوي الغدا ولا تحطي لنا او تنادينا
مرت خالي : اقول ابلعي لسانش عشان تتعلمي تتكلمي بادب مع امش
لمياء : مام بتحطي لنا غدا بتحطي بكيفش هو
جات فطووم (خ) : لا والله انا ابي آكل وين الاكل
مرت خالي: ايه بطين ماتعرفي الا تاكلي بس هذا شغلش
فطوم (خ): ايه بعد وش وراي لا عيال ولا شئ اكل احسن لي
المهم بعد هواش انحط لنا غدا ولا عقاباً قالت نفس السفره الي جلس عليها خالي بس جبنا رز جديد
فطوم (خ) : اها مافيه جح  ... (بصراخ ) اممممممم عليييييييييي جيبي جح
انا : هههههااااي امش يالدلخه 
فطوم ( خ) : عادي ماناديها  الا ام علي 
انا : ول وش ترد عليش
فطوم(خ) : ماعلى لش شان وش تبي
انا : هههههههههههههههههههههههههههههههههههههههههههههههههه ههههههههههه

غائبه في دنيا الظلام ©؛°¨غرامي جديد¨°؛©

اهلا طولت البارت طولته اكثر هديه لPark Eun Bin
عيد ميلاد سعيد


جات مرت خالي و جلست جمبنا 
قامت فطوم و حبت راسها 
كلنا استغربنا
فطوم : ابوس راسش غسلي الصحون 
كلنا : هههههههههههههههههههههههههههههههههههههههههههههههههه ههههههههههههههههههههه
انا :اقول وش الادب و الاحترام الي نازل عليها
مرت خالي :اقول استحي على وجهش و غسلي الصحون 
شلنا الصحون و غسلناهم انا و ياها لان الميه و جمين سحبو علينا
فطوم : مافيه احنا نغسل وهم حاطين رجل على رجل
مرت خالي : يله انا اخليهم يغسلون العشا
فطوم : انا الي بغسلهم وتشوفي
مرت خالي : اي لا بتغسليهم هذي ومنت قادره عليهم
رقينا فوق الغرفه
انا مسكة جمين من شعرها : الله ياخذك انت و اختك قاعدين هنا و احنا نكرف تحت
جمين : الله ياخذش هديني
وقمنا نطاقق
فطوم تركض ورا لميوه تبي تمسكها : تعالي يالبايخه انا تسوين فيني كذا
لمياؤه : فطيم بعدي عني تراك ان مسكتيني اكلتيني
فطوم : هذا المطلوب
وتطاققنا لين فطسنا وانسدحنا على الاسره قعدنا نطالع السقف و احنا ساكتي

((. الللللللللللللله اكبببببببببر اللللللللللللللللللللله اكبر ))

انا : يلآ يلآ صلاة
رحنا صلينا و قعدنا نسولف عن مغامرات المدرسه 
انا : بنات خنسوي مغامره زهق 
فطوم : وش انسوي ابهرينا 
لمياؤه : امممممممممم ماعندي مخي مقفل 
انا : وش رايكم نطب على خالي
جمون : الله يرحمك مقدماً 
انا : افففففف اجل شنسوي
فطوم : عليوي ماغيره نلعب في حسبته
لمياء : اوووف مالقت غير الابو الا ولده  غيري
جمون : وبعدين ففطيم تتغطى
انا : فطيم في عينش و عين اخوش 
فطوم : و هذا المطلوب مايقدر يسوي شئ
لمياء : لا ياحبيبتي فطوم مو قاعده هنا ... يعني بس تمشي بيتولانا
فطوم : ذيك الساعه يصير خير ... وبعدين انتو تتكلمون عنها وهي موجوده ... ها فطوم وش رايك
انا : صراح الفكره حلوه
جمون : ايه انت بتستانسين و احنى نروح فيها 
انا : لالا عادي ببلش روحي بس وش نسوي
فطوم: مو لازم نحدد انسوي اي شئ اهم شئ نزهقه ونرفع ضغطه

ماراح اقولكم الخطه شوفو وش راح يصير

قلنا نبي نسبح اول بس قلنا بنراكض فنسبح بعدين
فطوم كنا انا وياها نفس الطول عطيتها عباية الكتف حقتي و تسللنا لغرفت مرت خالي
و اخذنا كريم اساس لانه هم بيض اكثر مني انا بيض بس مو نفس بياضهم و غمقناها شوي لين صار نفسي وانا البس عدسات طبيه بس قلنا ماراح يصير شي و ان صار تلبس نضارات << بعد اقناع مني عشان نطفر اخوها
و لفت الشيله و لبست النقاب و حطت عطر من عند خالتي عشان مايعرفها ولبسناها جوارب عشان قلت لكم بياضها اكثر من بياضي كانت كل وحده حاطه يدها على قلبها خايفه من الاعصار الي بيصيركلنا رحنا عند غرفة خالتي لانه في باب بين غرف خالي و مرته و غرف البنات و علي وغرفة خالتي الباب مفتوح على طول فتغيبنا على جنب راحت فاطمه و هي تتمخطر 
انا : فطييييم فطيييم وصمخ كلاب
جات و هي تتمخطر
انا : الله ياخذك امشي عدل انا ما امشي كذا 
لمياء : اهي بس كذا ماراح تمثلك و الله
انا : لالا حتى لو مام ... ولا لاتسون الخطه
جمون : خلاص امشي عدل و الله احنا نبي نستانس
راحت و فتحت الباب ووقفت عنده هو كان يلعب بلاي ستيشن ولف شاف وحده اول مره يشوفها
قال اكيد بنت عمتي اهي جايتنا بس قعد يفكر انا ما ادري انها جريئه بس وش بلاها واقفه هنا لالا شنو هذي بزره من وين لها كل هالجرئه والله تخرع وش اسوي الحين
فطيم فيها الضحك وماسكتها بالياله و هي ماكانت مخططه للي بتسويه من قبل فمتوهقه وش تسوي 
اما علي يقول في نفسه اف وش الدبره خل اسوي نفسي مو شايفها ادخلت فطيم وهي مو عارفه وش تسوي تخاف تفضح نفسها 
فطوم وبصوت تقول ساده خشمها : شخبارك ؟!
علي اوف هذي شكلها من بنات هلاام وش اسوي الحين
الحين جا دورنا لبست كل وحده عبايتها الا انا لبست عباية فطوم
دخلنا كلنا غرفة علي
لمياؤوه : علي تقولك امي قوم ودنا العثيم
عليو وهو مو مستوعب شسالفه وهم شايفين بنت جالسه على السرير قعد يفكر ليكون جني بسم الله الرحمن الرحيم لالالالالا شنو جني لا بجد صوتها يخوف
لف يطالع الي وراه و يطالعهم وهو مو مستوعب شئ و احنا وخرنا عشان يمدي فاطمه عشان  تهرب اخذت من جيبها عصير و فتحته ووقفت وراه و كبته وقبت و احنا ورها انا رحت غرف خالتي هي مسافره ماتدري عنا وهم قبو الحوش و كل وحده تلعن فيني لاني سحبت عليهم وهم يراكضون وهو وراهم دخلو داخل و رقوا فوق ويدقون على الباب افتح لكن مالي خلق و هم اشوي ويصيحون يلا عاد فطوم فتحي و في آخر لحظه فتحت وسكرت الباب وقفلته 
عليو : فتحوا الله ياخذكم
فطوم : لا فاطمه بنت عمتي هنا وهي تتغطى وماعندنا عبايه<< الكذب و درزن العبايات الي لابسين
عليو : اوريكم بس طلعوا
انا : هذا إذا طلعنا
عليو : نعم << اول مره يسمع هذا الصوت
و انا حطيت يدي على فمي لا تطلع ضحكتي
وضلينا نسولف ونتكلم و نتهاوش لين الساعه ٩ 
لمياء : يوووه الله ياخذكم ابي الاب توب كل منكم 
انا : اقول نامو و بكره يصير خير و نمنى
قعدنا 
فطوم : يووه اي صلاة نصلي الحين 
لمياء وهي واقفه عند النافذه : الفجر اكيد بس مو متأكده الظهر و العصر نصليهم ولا لاء
جموون : احس انا حن بصحرا ه ه ه ه ه ه ه ه 
انا : حشى ولا وحده عندها ساعه
لمياء : احنا في بيتنا ماله داعي الساعه انت ليش ماعندش ساعه
فطوم : ايه و الله ساعه وساعه وهي ماعندها
جمون : عمتي ليه ماعندها ساعه
انا : اقول قومو نتوضأ و نصلي الفجر وبعدين ندور حل 
طلعنا بشويش و رحنا المطبخ جمب غرفة خالتي و توضينا بهدوء وبسرعه رجعنا و صلينا الفجر
قعدنا نفكر شلون نعرف إذا صارت صلاة الظهر ولا لاء 
لمياء : اقول فطوم ( تقصدني انا ) تروح لو شافها مايقدر يسوي شئ 
انا : لا و الله جانيه على روحي
جمون : لا بجد روحي انتِ
فطوم : ايه ... مايقدر يسوي شئ
انا : لالا مابي 
قامو ثلاثتهم و طلعوني برى و سكرو الباب انا لو الود ودي كان صرخت ورقعت بالباب  بس ماقدر نزلت بشويش ماشفت احد شكلهم نايمين رحت شفت الساعه ٩ لسه على صلاة الظهر قلت و الله لردها لكم بس استنو فكرت بسررررررعه وقمت اخذت شنطتي و اخذت التليفون و دقيت على ابوي يجي و طلعت استناه في الحوش عند باب الشارع و اتمني انه يمشي صاروخ قبل لا يصيدوني و كل شوي اطل إذا جا ولا لاء بعدد فتره شفت احد يطل على من النافذه و كأنه بعد قلت ليكون وحده منهم و جايه لي ؟! و على طول فتحت باب الشارع الا ابوي توه واصل و على طول طلعت وركبت السياره و انا ادعي بقلبي انه جا في هالوقت ورحنى و بالسياره بس سين و جيم ليش و ليش و انا ارقع المهم و صلت ورحت على طول تروشت و نشفت شعري و لفيته و لبست عبايتي الكفت لان ولد عمي  في البيت و رحت لمكان و مخبأنا و امانا و حبنا و لي ما نتخل عنه السطح فيه نفس القبه و فيها درايش تطل على شقتنا و في درج يودي فوق لصخان المويه انا رحت و شفت زيز و نووير < ذكرتوهم زهراء و انوار > 
انا : زيزو واآآأإأا اخيرآ شفتس 
زيز : فطووووس اشتقت لس 
انوري : ول و انا الله ياخذكم
انا : و انتِ بعد اشتقت لس وآآآآجد
انوار : ليش ال س تكلمو عدل 
زيز : هههههههههههه احنا كذا إذا اشتقنا لبعض 
انوار : وااااااااي بنات زهق
انا : وش رايكم نرقى فوق ونستانس
زيز : جد
انوار : لالا اخاف احد يشوفنا
انا : يوووه انوري انت كل شئ تخافين منه امشوي نرقى فوق يلى
زيز : بجد يلا
انوار : لالا اخاف
انا وزيز رحنا ولا عطيناها وجه لانها بتشوفنا رقينا بترقى
ورقينى الا شوي رقت ورانا وقعدنا نتأمل في خلق الله 
انا : بنات و انا ببيت اهلي لعبنا بحسبت خالي وفطوم و علي و مرت خالي وش رايكم نعيد الكره هنا
زيز : اي و الله اشتقت لمغامراتنا
انوار : الله ابي اسوي مغامره
انا وش رايكم نطب من هنا للبيت الثاني
انوار : لا عاد ذي قوه
زيز : فطوس غيرها غيرها ماتناسب
انا : طيييييب ... بعد بكره عيد الاضحى
انوار : وش الجديد
زيز : مكتشفه كوكب جديد حضرتك
انا : اقول تلايطي انت و هي اقصد نهبل بالعالم الي بتجي ههه و نطب على الراجل
زيز : واااو و الله انك جد تستحقين لقب مكتشفه عالم جديد
انوار : اي و الله بس لا تطبين على الرجال ممكن نلعب فيهم بس مو نطب عاد قووويه
انا : اوكيه بس تكفوون متى يجي بعد بكره 


عاد سووووري ماطولته وااجد 

جذابه وعيونها خلابه ©؛°¨غرامي فعال ¨°؛©

ممكن تكبرين الخط6او7
وتنضمينه شوي
بدايه موفقه
تحياتي ..

وردة الزيزفون
✿ إدارة الإقسام ✿

مساء الخير .......ياهلا فيك عزيزتي بغرام .....موفقة بطرحك ......بس حبوبة كبري الخط جدا متعب في القراءة وباعدي بين السطور ....

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

موفقة

غائبه في دنيا الظلام ©؛°¨غرامي جديد¨°؛©

اوكيه ان شاء الله راح اكبر الخط

غائبه في دنيا الظلام ©؛°¨غرامي جديد¨°؛©

البارت الرابع


زيز : بجد و الله متحمسه للمغامرات الي بنسويها 
انوار : انا متحمسه حييييييل بس خايفه احد يمسكنا ... قولو آمين ... يارب محد يمسكنا
انا & زيز : آميييييييييييييييييييييييين
انا : بنات تراني هاربه من بيت اهلي بس لا تقولون حق احد ليش اوكيييه
زيز & نواره : اووكييييه 
نواره : نقطي مصايب ... اقصد عسل 
انا : اقول رووحي زين ... ( قلت لهم كل الي صار ) 
نواره و هي تتثاوب : بنات يلا مع السلامه بروح بيتنا بنام النوم جافيني آآآآآآآه
انا : أسم الله عليك من الا آه
نواره : ههههه وهـ فديييييييييييييييتس
زيز : ايه صرنا نتكلم ب س
نواره : ههههههههههه ...  يلا سلام
انا & زيز : سلاآآآآآآااااام
قعدنا نفكر وش بنسوي بس النووم مغطينى رحنا نمنى
مام: فطووووم ... فطووووووم ... فطووومي ... فطوومه ... ( بصراخ ) فطيييييييييييييم وصمخ كلاب قعدي انوار تحت 
انا وكأنها هامسه فذني على العلم ان نومي خفيف بس على هالمغامرات : ها ... مين ؟!
مام : انوار ... انوار 
انا : اها اوكيه خلاص انني آتيه << حالمه بمسلسل مدبلج خخخخخخخخخخخ
مام : الحمد لله و الشكر بس ... قومي ترى بنحط الغدا
انا : يمه الله يهديك احد يحد عشا هالحزه عصر
مام: اقول انت حالمه انك صمخ ولا ايش
انا : لا تصرخين ابي غدا
مام : الله ... خليني ساكته قومي لا تخليني ادعي عليك
انا في نفسي : و الله اني جننتك و بجننك خخخخخخخخ اجل. انا حالمه اني صمخه هاهاهاهاها
بدلت ملابسي و عدلت كشتي و لبست عبايتي و شيلتي و نزلت لقيت نواره و زيز
انا : اوهااايو ( صباح الخير ) بنااات سووري كنت خامده 
زيز : نفس الوضعيه و جل جلو عرش ربي عشان اجلس
نواره : مي تو ... ماتشوفين عيونا مفقعه من النوم
انا : هههههههه .... انا نفسكم بس انا الي جل جلت عرش ربي على امي طلعت وشوي و تدعي علي هههههه
نواره & زيز : ههههههههههههههههههههه
زيز : هذا طبعك ما تتغيرين تأذين خلق ربي عشان تستانسين ههه 
نواره : لا المشكله حالها حال الخلق
انا : شلون يعني مافهمت ؟!
زيز: مي تو 
نواره : يعني البنت عادي عايشه حياتها بالطول و العرض  طبيعيه مو رجه نفس فوتي ( دلعي ) ولو جاو ناس غربا تستحي اما فوتي مرجووووووجه بس يجون اوادم قدامهم تستحي لكن المصيبه انها تأذيهم من وراهم
زيز : ههههههههههه ... بجد ... يعني انتِ ماتعرفين فوتي مستحيل يجيها يوم ولا تستانس فيه
نواره : اللللللللللللله يااااااااارب يخلف و يعين و يحمي و يساعد ويخفف عن رجلك في المستقبل
انا : ههاااااااااااااااي ... لا قد ذاك الوقت عقلت و خلصت ههههههههههههه
زيز : نشوف
انا : انطري يا زيز لين يجيك الربيع
نواااره : ههههههههه اي و الله انطري يا زيز لين يجيك الربيع لانه يمكن او احتمال كبييييير ماحد يخطبها على سواياها 
انا : اصلاًً
زيز بمقاطعه : اوصصصصصصصصصص ... ولا كلمه اعرفك مابيضل مدح الا بتمدحين نفسك فيه
نواره : و اختصرت زيز عليك الوضع هي هي هي هي هاااااااي محد تفشل 
انا : اصلاً ماتفشلت ... اصلاً انا الغلطانه الي خليت سريري حبيب قلبي و جيتكم
( وقمت بطلع فوق )
زيز: هييييييييييييييييييي فطوووووووووس ... فطووووووووسه
نواره : فطم طم تعالي و ين رايحه
انا سحبت عليهم رقيت فوق ابي انآم اتقلب يمين يسار ماجاني النوم قلت اقعد على الفيس 
فتحت الاب توب وقعدت على الفيس شفت جايتني 7 رسايل قلت اوووووووووف وش صاااير على الدنيا انا فطوم جايتني اكثر من 3 رسايل يارب ياستار استر 
فتحت الرساله الاولى 

فطوم ( خ ) 

الله ياخذك ولا يخلي منك مغز ابره
ويقطع خشمك و يفصلك قطعه قطعه
و عسى يارب مسوووويه حادث و انت 
رااجعه لبيتكم ياااااااااارب وتاخذش
شاااحنه 
طووووووووووول في عرررررررررررض
و تموتين و لا ترجعين ( مافهمتها الظاهر سكرانه وهي تكتبها )
و   مااني مكمله خلي خواتي يكملون فيك

انا : اووووف اقول ليش كل هالرسايل اثاري  جماعة ام جمعه طلعت

الرساله الثانيه

لموي 

يا جعلني فدييييتك يافطووم ( اووووف وش بلاها )

مو انتِ اختي بعد قلبي خلتني اتولاك ياااجعلك ياحمار القايله
يالحيوانه يالكلبه يالدبه 
يالزرافه ياسنفوره يالبقره يالثوره ( هذي سباتها لحالها تموت )
يالصرصور ياااااااجعلك الماحي الي يمحيك
يااااجعلك البرص ان شاااااااء الله


جمووون

ياااجعلك البقاره و الثواره و الحيونه و الغباء
و ياااااارب تسقطيين و ييشلخك ابووك بالخيزرانه
و ياااارب يطيحون عليك امك وابوك طق ولا مره شفتييه
يااجعل امك تشووووف غيرك ياااااارب 
يااجعلك تتهاوشين مع اهلك و تنحااشين ولا ترجعين
ولا تعرفين وين تروحين


كملت الرسايل كلها سب و لعن و آآآخر رساله

فطوم

فطيييم اسمعي احنا شفناك بطيتي ( تأخرتي ) كسرتي خاطرنا قلنا يمكن صار شي نروح نساعدها و رحنا و صدناك واقفه عند باب الشارع 
قلنا نروح نهديها تجي تجلس و يانا نعتذر منها بس طرتي و ما مدانا دخلنا اكلنا ام و ابو الطق من علييييو و ياااعل مااكو لا عليييو و لا فطييييم 
الله ياخذش انتِ و ياها ولا يتزوجك وتنقلعون الصومال الصين الهند افغانستان السودان ( النذله ماقالت اليابان كوريا فرنسا امريكا او اي دوله من دول اوروبا سنعه ) 
قولي آمييييييييييييييييييييييييييييييييييييييين (ولا بعد تبيني اقول آمين ناويه على نفسي اخوووك حتى البقاله مو راضي يروح عشان بطنه هالمره اتزوجه عشان لما احمل و بولد يقووول يوووه مالي خلق ولدي هنااااا لا و الله لا و الف لااا)

المهم نزلت اتغدى تغديت و جلست وياهم ولا كأن شي صار حن كذا على طوول و سوالف و ظحك
انا : ههههااااي ... بنات بنات ... ماقلت لكم ... بنات خالي مكلميني على الفيس و سب من قلب و لا آخر رساله لالا تكفون ذي قصه ثانيه
زيز : من جدك 
نواره : بالله بالله وش صار 
زيز : اكيد من الي صار انطقو طق من اخوهم و الحين جايين يطلعون حرتهم
نواره : اكيد مافيه غيرها
انا : ( و اقول لهم وش قالو ووش قلت بقلبي عن اخوهم ) 
نواره : ههههههههه ياويلك منهم شكلهم ينتظرونك على احر من الجمر
انا : لا ... انا قررت ماراح اروح بيتهم الا بعد 5 سنوات 6 سنوات
زيز : ههههههه ول ... بس الصراحه لو انا منك جد جد 10 سنوات شويه على هالرسايل و هالكلام
انا : لا يعمري لا تخافيني مايقدرون علي هـ هـ هـ هـ هـ هـ اقول خل عنكم سالفتي هاجهزتو ليوم الجَمعه
( وبدينا نسولف في ايش بنسوي و مش عارفه ايه )




و اخيراً ( يوم الجَمعه )

فوق السطح

انا : ها بنات مستعدين ... للمجزره الي بنسويه
انوار : يس ... افا عليك بس مستعدين
زيز : مي تو ... كويكلي بليييييز ... متحمسه لوقت الظحك ماراح اسكت راح اهبل فيييهم كلللهم
انا & انوار & زيز : ظحك تايم ... ههههههههههههههههههههههـ

اكمل ولا اقول لالالالا خل الاستهبال بارت لحاله استنوني لين انزله











ههههههههههههههههه امزح  معكم اهبطو للأسفل ههه




كنا انا و البنوتات نطل من غرف الحريم هذي الغرفه ما يدخلها الا الحريم إذا جانا ضيوف مهوب من العايله المهم لها بابين باب يودي لسيب فيه الصاله و غرفه فاضيه دايما نجتمع انا و البنات فيها و المطبخ و غرفة جدتي و باب يطلع على برى و الدرج على الدور الثاني الي فيه شققنا و الباب الثاني اول ما نفتحه مغسله و حمام و قدامنا المجلس حق الرجال و يفصل بين الصاله و المجلس باب و البيت فيه 3 ابواب عشان ندخل داخل البيت واحد من المطبخ و الثاني جمب المجلس و الثالث قلته مسااعه 
انا كنت منسدحه و فوقي زيز و فوقها نواره و كنا مطفين الانوار ونطل من فتحت الباب
انا بهمس : الله ياخذكم ماشوف زين
زيز : انطمي انخليك تشوفين بعدين 
جا واحد من قرايبنا و طبعاً احنا ما نعرف احد غير عمامي و عيالهم
انا مديت يدي بشوييييييييش و دزيت الزباله ( و انتو بكرامه )
الرجال نقز : يمه ... ( تنهد براحه وهوحاط يهد على قلبه ) آآآآه يمه خفت
انوري بصوت كأنه صوت جنيه ولا شيطانه دلوعه بسم الله الرحمن الرحيم : بعيد عنك الآه و رحنا ( كانت بتقول بسم الله عليك بس مسكناها انا وزيز وش هالجنيه الي بتقول اسم الله عليك ) عند الباب الثاني و كاتمين ضحكتنا ولا شفنا وش صار بس سمعنا صوت شي صقع بالمغسله و استنتجنا انا الراجل مات من الرعب ههههههه
انا : انا طيحت الزباله ( و انتو بكرامه ) و نواره صرخت و انتِ زيوووزه دوورك
زيز و هي تضربني على جبهتي : شنو زيوووزه شنو ها 
انا : خلاص خلاص  قومينيه ( آسفه )
نواره : يلا اشوف وش بتسوين 
زيز : لحظه افكر 
رحنا عند الباب عشان يصير التفكير اسهل << الله و التفكير
كان واحد صغير يصير ولد ولد عم ابوي 
زيز : حسوون ... حسووون
حسن : نأم ( نعم)
زيز : بنات ماعرفتوه؟!
انا : لاء
نواره : إذا الي تقربله ماعرفته انا اعرفه 
زيز : هذا ابوه يهبل  ... بس بهبل فيه لحظه بخليه يجي و تشوفونه
حسن : بثرعه وث تبين
زيز : ماعرفتني
حسن : لاء
زيز : انا آنسه جنيه
حسن : طيب ثثوي( مايخاف)
زيز : روح ناد ابوك خله يوقف عند هذا الباب ( و اشرت على باب الحمام )
وقوله تقولك آنسه جنيه انها تحبك لانك تهبببببببببل و تعطيك بوسه زين
حسن : ذييين ... و راح
طبعاً انا و انووري طووووول الوقت فااااطسين ظحك بس ماسكينها و هدينا نفسنا شوي عشان نشوف وش بيصير

غائبه في دنيا الظلام ©؛°¨غرامي جديد¨°؛©


أيوه قلت انزله هديه لصقيقتي و قريبتي نقاء عيد ميلاد سعيد ههههههه

البارت الخامس


هدينا عشان نشوف وش بيصير

شوييي


الا


الا يجي الخقه الي ماكنا نتوقع انه كذا بس قلنا نبي نستهبل عليه شوي

حسن : بابا
الابو : نعم وش فيك ... فشلتني قدام الرجاجيل انثه جنيه ( آنسه ) ... و آنثه جنيه ... وش تبي ؟!
حسن : و الله العظيم فيه دنيه داخل اهي قالت تبي تشوفك عند باب الهمام و تقوول انها تهببببببك موووووت( زيز : الله ياخذ الحين تطلعني عاشقه ) و تقول تبووووسك بعد و انا مارضيت بعدين ماما تزأل
زيز بهمس : أيا الخراط
الابو وهو فيه الظحكه على ولده : بابا ... يا بعد قلبي مافيه شئ اسمه آنسه جنيه
حسن : بابا صدقني فيه هناك ( و أشر على الغرفه الي حن فيه حن على طول بعدنا عن الباب )
الابو : طيب خل اشوف آخرت مع آنسه جنيه
قعد يطل النور كان مطفه و الفتحه صغيره كان يحس بخوف شوي ينط عليه احد ولا شئ كان فيه ساعه شاريتها جدتي و تولع يوم شافها خاف اكثر بس تشجع قدام ولده وقرب ... وقرب ... وقرب انا و البنات قلنا بس يقرب بنصرخ بصوت مرعب ... وستعدينا و تونا بنصرخ وهو قاعد يقرب ... الا
جدي : عبد الله ... وش تسوي هناك تعال ذي غرفة الحريم و يمكن بنات عيال عمك هناك هم اغلب شئ يجلسون هناك
عبد الله وهو متفشل : لا ماظنتي النور مطفى
جدي : وش نواياك؟! ... ليش رايح هناك؟!
عبد الله و هو متوهق مايبي يقول القصه و يتفشل : ها ... لا ولا شئ بس كأني سمعت صووت و حسون خاف قلت اوريه انا مافيه شئ
جدي : ايييه زين اجل يلا امش
مامدى دخلو الا انا و البنات فاطسييييييين ظحك
انا : آهـ ... آهـ ... آهـ ... ماقدر ... ماقدر مسكوني ... آهـ ... آهـ ... هههههههههههههههههـ
نواره : هههههه و الله مو مصدقه .... من جدك زيز سويتيها ... آههههههـ
زيز : هههههههههههههه ... آفا عليكم بس اسويها وزود ... هههههههاي ... بعدكم ماعرفتوني

طبعاًماسويته طويل لانه توني منزله البارت الرابع

اوكيه قد بااااي 😃

سووووووري البارت قصير بس مافيه متابعين

انـــكـسـار الورد ©؛°¨غرامي مشارك¨°؛©

موفقه يالغلا اذا نزل البارت ال بعدة خبريني على الخاص بدايتك حلوة
موفقه
ودي: انكسار الورد

غائبه في دنيا الظلام ©؛°¨غرامي جديد¨°؛©

]هلا فيك حبيبتي نورتي

بونجووور و سوووووووري البارت الخامس قصير قومينيه ( آسفه ) 

البارت السادس 


المهم اكتفينا قلنا حرام خلاص بس يكفون هذيلا طلعنا رحنا الغرفه الفاضيه حن دايم نجلس فيها جلسنا و شوي جاووو عيال عمي التووأم المختلف هم مو توأم و ولا كبر بعض بس هم بدون بعض مايسوون لازم ويا بعض و لا إذا بدون بعض عاقلين و شطار 
زوز تتكلم بسرعه : يلآ يلآ يلآ يلآ يلآ يلآ يل
انا : برآ برآ برآ برآ برآ برآ بر
انا : حميد صدقني ان ماطلعت يا ويلك
حميد وهو يمد لسانه و يتميلح : مابطلع ... (ويمد لسانه مره ثانيه ) 
انا : اوريك شلون تمد اللسانك و قوم عليه طق و طيخ
زوز : الحسن ... ماشوفك طلعت
الحسن : مام مابطلع 
زوز : وش قلت ماسمعت ؟!
الحسن : مابطلع
زوز وهي تقوم عليه : شنو؟! 
الحسن : بطلع ... بطلع << خواف 
و انا لحد الحين طق و يا حمييد
انوار : زوز موفره على نفسها وقت 
زوز : و الله انك كاسره خاطري
انا : اوريكم مين الي كاسر خاطركم
و اشيله من بدلته من ورآ و من بدايت البنطلون من ورآ و اشقحه برآ و اسكر الباب و الباب ماله قفل ظليت واقفه وهو يحاول يفتحه و هو تعب و راح و رجعت مكاني 

سولفنا و استهبلنا و جلسنا انفكر شلون بندمر الحريم 


بعد تفكير ستمر 20 دقيقه و اخذ من وقتنا كفايه 

رحنا انا و البنات الحوش ورحنا للمخزن جدي يحط فيه اغراضه و كان جنبه الطبلون
و فتحناه بعد صراع قوي 

زوز : وييييييه ... شلون الحين بنعرف حق الصاله و غيره
انوره : صح ؟!
انا : مو حن نبي نلعب في كل من في البيت خلينا نطفي و بس 
زوز : بس ... مادري احنا ما رتبنا على كذا 
انوار : ايه جد و يمكن يمسكونا 
انا : لا تخافون الي حقين فوق هذيلا ( و اشرت عليهم ) و الي حقين تحت ذولا ( و اشرت عليهم ) حن راح نطفي الي تحت كلهم بس  و نرجع الغرفه لانه مستحيل نطفي على نفسنا فماراح يشكون
زوز : اي و الله بجد اوكيه
و اشتغلنا تطفي و جرييينا لين و صلنا و ظحكنا و حنا ماسكين نفسنا و قفنا شوي عن الظحك عشان إذا جا احد مايقول هذول مجانين اكيد هم 

طبعاً اصوات صريخ البزران و الحريم و الرجال يبون يدخلون يشوفون شسالفه لانه حتى هم عندهم الكهربه طفت و الي في الحمامات يصيحون يخافون يطلع لهم جني ( بسم الله ) و الرجال قالو الكهربه منطفيه ماراح نشوف شئ

ودخلو وكل واحد يسمع صوت حرمته ولا عياله ياخذهم فيحضنه و يروحون على جنب يخاف احد ياخذهم ولا ياخذون مرته على بالهم مرتهم << ��

المهم خلوهم بصريخهم 

عندنا 

انوري : بنااات الساعه كم ؟!
انا : آآآ 5 المغرب ... يعني كم مثلاً الكهربه طافيه ماراح نقدر نشوف
انوري : طيب قبل لانطفي الكهربه بشوي كم كانت ؟!
زوز : آآآآآآ ... لحظه اذكر ... أيه كانت 8 ونص
انوار اشهقت : لاااااا ... يوووه الحين شلون بشوفها
انا : منو ؟! ... شسالفه ؟!
انوار : خالتي ريوم قالت بتجي 
زوز : جد ... لي ماقلتي من الاول كان ستنيناها عشان نستهبل كلنا
انا : زوز و الله انك فاضيه ... احنا الحين نبي نعرف شلون نعرف إذا جات و الرجاجيل برى يمكن
تصقع بأحد و لا شئ وتهون ماتجي الله ياخذ بليسك يا انوار لو انك قايله عشان مانطفي الكهربه الا إذا صارت معنا  الحين البنت بتستخف

ريم خالت انوار عمرها 17 ثاني ثنوي هي و انوار استهبال وو ناسه و فله وهي ماتجي وااجد 


الا انفتح الباب 

سكتنا نستنا الي فتح الباب يتكلم و كنا خايفين مايبين شئ و ولا الي فتح الباب تكلم يستنا الي داخل يتكلمون

و مرة فترة و احنا طوووول الوقت نبي نسمع صوت لانه ماسكر الباب وشكله يا بسط عند الباب 

ياجلس و كنا ضامين بعض و لزقين بقوووووه من الخوف يجلس جمبنا ولا شئ

و الي خوفنا اكثر يكون احد الشباب و احنا حتى عباياتنا مو جمبنا فوق بس انوار الي عندها عبايتها ولا مو لابستها كانت قاطتها في الزاويه و احنا مو جاين نتحرك شبر عشان نروح نجيب العبايه 

وننتظر و ننتظر و مرت ساعتين و نص ولا صوت وحن ميتين من الرعب و نسمع صوت رجووول تمشي بس اكيد الي برى وشوي





 الا عم الهدووووووووووووووووء على كلللل البييييييييييييييييييييت


و انا و البنات بدال مانظحك وحن حاسين بلآمان لانه احنا اصحاب المقلب احن اكثر من ارتعب في البيت

وسمعنا صوت رجال خفيييييييف و شتغلت الانوار


و الشخص الي دخل  هو ....


انا & زوز & انوري : آآآآآآآآآآآآآآآآآآآآآآآآآآآآآآآآآآآآآآآآآآآآآآآ ( صرخنا صرخه من قمة ابو راسنا)

محمد هو لاف للجه الثانيه : آسف ... ماسمعت حس توقعت انه مافيه احد

احنا ركيض لعباية انوار وكلنا تحتها و نصارخ كأننا مجانين

محمد اخو زوز في ثاني جامعه بس زوز تغبت ويانا لانه

كل شباب العيله هنا خايفين تطلع لهم بنت في مكان من السيب الآ طلعنا لهم ... اوه اقصد ... هم طلعو لنا 

و ام الاحراج و الفشيل و الغباء و القهر و كل شئ 

وهم مو عارفين يطلعون و يفتكون من صراخن الي لحد الحين نصارخ ولا يطلعون و يبتلشون بوحده ثانيه بره الغرفه

و احنا في سبات من الصراااخ

جدي : فطوم ... نواره ... زهور ... بسكم عاد شلون يعني كل هذا خلاص الشباب وش دراهم انكم هنا خلاص احنا الحين نطلعهم خلاص احنا سكتنا من الفشيله و العبايه تعرفون لما تصيرون مغطين وجهكم بالعبايه و النور مشغل كيف يبين احنا طلين و الا الفشيله الاكبر كل الشباب هناك خلصت ذي الفشيله لكن الفشيله الي بعدها عمام ابوي و عمامي و عيال عمام ابوي متجمعين يبون  يعرفون ليش الصراخ لانه كان صوتنا عالي 

احنا من الفشيله ماستحملنا و صرخنا اكبر من هالصرخه


جدي وهو ساد اذونه : بببببببببببببببس خلاااااااااااااااااااص ازعجتوووووننااااااااا

و الكل مرتبك من صرختنا صرختنا الثلاثيه مالها مثيل 

الكل يخاف منها و يهاب لكنها ماتطلع الا وقت الرعب  الحقيقي و الفشيله

حريم قد هم تغطو يعني لو الشباب مسااعه طلوع كان ماصار شئ بس ها وش نسوي امر القوي على الضعيف طلعو كللهم راحو المجلس و مابقا الاجدي و احنا هدينها تعرفون لما تصيحووون بأأأآلم من قلب و يعور و لما تهدون كيف تصيرون بس تبون تنامون حن كذا و كل وحده تاخذ نفس من هالصراخ الي سويناه و بعدنا العبايه 

جدي بحنيه وهو فيه الظحك علينا : يابناتي الله يهديكم وش فيكم هدو شوي مو كل ماصار شئ تصرخون

انا و انا القط انفاسي : يبه ... الله يهديك ... احنا ... مرتعبين ... من مساااعه ... و احنا ... ماندري ... وش بيصير ... ولا عباياتنا... مو عندنا ... و لابسين و متكشخين ... لااا خوش اجل ... كملت 
زوز وهي تلقط انفاسها : ايه ياجدي ... بعد حن نتغط ... و مانقدر نطلع ... و لا نسوي شئ ... ركضنا ... للعبايه ... زين انا ... انوار عبايتها ... هنا
انوار كمان وهي تلقط انفاسها : ايه ياعمي ... اول مره يصير ... كذا ... لو حن ... متسترين ... و الباب جمبنا ... كان اهون ... و سكتنا عن الوضع ... بس آآآآآآآآآآه يازمن 
انا & زوز : سلاااامتك ... من ... الآآآآآآآآآه ( طلعناها من قلب )
جدي بفخر و فيه الظحك لحد الحين : ايييه ... هذووووولا بناااتي الي افتخر فيهم ... وهـ فديتكم بناتي تربيتي 
انا وياله اتكلم : ايه ... افا عليك ... ماعرفتنا 
طلع جدي و فكرو وسوو تحقيق على مين الي مطفي الكهربه طبعاً احنا محد شك فينا لانه الغرف الي حنا فيها طفة عليها الكهربه و كمان على المجزره الي سويناها 

رحنا فوق السطح بس هالمره ماطلعنا للحوش لاء رحن غرف هو فيه غرفتين وحد لنا وو حد لعمي عمي ابو زوز حاط فيها اغراضهم وكذا يعني نفس المخزن بس مرتب و مزين و احنا مانجلس هناك واجد عشان كذا احنا غرفتنا او مخزنا فاضي فنجلس فيها انا و البنات 

انا : آآآخ ... وهـ ... تعبت مو مصدقه الي صار شنو هذا لالالالالا موومصدقه
انوار : بجد قمممة الرعب و ال مادري شنو اقول اصلاً انا انحرجة اكثر عمامكم و عمام ابائكم لالالالالالا احررااااج
زوز : وهـ ... تعبت و انا اصرخ احس مادري شلون صراخ ... حلقي يوجعني 

طق طق طق

انا : مييييييين ؟!
جدي : انا جدك 
زوز : ادخل جدي مافيه احد
جدي : بناتي .. بقولكم شئ بس تجااوبوني بصراحه
انا & زوز & نواره و الخوف كاسينا : سم
جدي : انتو الي فصلتو الكهرب صح؟!
انا : لا ... افا عليك ياجدي حن بنطفي الكهرب ليش ان شاء الله
زوز : ايه ... و بعدين بنطفي الكهرب و نجلس في نفس المكان ... اكيد بنرقى فوق عشان بنقول حن وين و انتو وين
جدي : هاا ... انتو قلتو بتجاوبوني بصراحه
نواره : صدقني ياعمي موحن ... وبعدين ليش شاكين فينا بزران العيله شكثرهم
جدي : لا بس عشان السالفه الي صارت قبل سنتين
انا بخوف لا يصيدنا : لالا جدي حن وعدناك مانعيدها


طيب وش صار قبل سنتين خلونا نرجع ورآ لمدة سنتين 


في ليله من ليالي ايام العيد و احنا بالحوش و كالعاده نقوم بأحدى مقالبنا

انا : يلآ يلآ ... بنات 

ووقفنا جنب باب المخرج حق الرجاجيل 

ويطلع واحد 

 و تشششششششششششششش كبين علب المويه و جرينه بسرعه 

 و الي ماحسبنا حسابه انه ...

الرجال الي كبينه عليه المويه هو عم ابوي وهو شافنا و عرفنا 

وقال لجدي و ابوي و عمامي عصبو و صارت سااالفه ذاك اليوم لا لها اول و لا تالي

و حن كالعاده بعد ما نخلص اي مقلب حاطين يدينا و رجولنا في ماي باارد و بااارد حده بعد ماندري وش المجزره الي قاعده تصير تحت بسببنا وكنا في السطح فوق القبه

انا : آآآآه ... بنات شرايكم ننزل نسوي مقلب خامس حق الحريم
انوري : لالا خلاص حرام 
زوز : خليها وقت ثاني تعبت وخاصه من الظحك اخاف ننكشف بسبتي
انا : يااااااااي احلى شئ المغامرات و المقالب و الاحلى منهم وقت الظحك

بتول اختي الصغيره : فطوووم ... تحت جدي يدور عليييكم

انا و البنات نطالع في بعض مستغربين بس ما هتمينا
زوز : وش يبي ؟!
بتول : مادري بث معثبييييييييين حيييييل و كلهم يدورون عنكم

قعدنا نطالع في بعض وحدنا مرتاعين و ميتين خووووف

المهم نزلن وحنا نفكر انا احنا ننحاش لكن ننزل بعدين كل وحده لبست عبايتها
و لفت شيلتها و تغطت 
ونزلنا بشويش شوي شوي شوي شوي وكل ماقربنا من باب الشارع يقل الخوف
لحد ماوصلنا لين باب الشارع هنا رجع كل الخوف انا احنا بنطلع وش بيصير إذا طلعنا مافكرنا واجد
على طول اول مافتحنا الباب 

محمد اخو زوز ( هذا وقتك )  : هيييه ... تعالي انت و ياها ونكم من مساعه
احنا انحشنا على طووول برا بنروح بيت انوار و مع كل هالرعب الا انه فينا الظحكه

ونركظ في الشارع طبعاً الساعه12 محد في الشارعه حمدنا ربي انها الساعه 12 و نركض وهو ورانا ونركض وهو ورانا 

لحد ماوصلناوفتحت شنطتها تطلع المفتاح و محمد بسرعه و هو يقرب و حنا نصرخ بسرعه فتحيه



لحد مافتحته  و او ماسكرنا الباب وصل
ودق ودق ولا حياة لمن تنادي

بعد فتره وحنا بغرفتها و مقفلين الباب للأحتياط 

انوار : جاني النوم بس خايف مابي انام 
زوز : و انا بعد
انا : و انا بعد
زوز : خلاص بنات خالنام الباب مقفل 
انوار : امي عندها المفاتيح نسيتي
انا : اووووف ابي اناا...

طق طق طق

على طووول لا محالا ارتعبنى 
وشوي مايمدينى نهرب او نفكر شنسوي 
فتحو الباب
وهاك ياطق و طيخ و تحقيق
واحنا مانرد غير 

كنا نمزح
مغامرات 
نستهبل 
نسوي مقلب
لحد ماعلقنا على
مراهقة بنات

وهم دخل من هنا و طلع من هنا و كمل طاخ و طيخ

المهم رجعونا البيت و فصلونا عن بعض لا آيباد و لا لاب توب و لا كومبيوتر و لا آيبود ولاااااااشئ كل شئ ( تم السحب ) عشان ما نتواصل
و بس كل وحده في غرفتها ولا يطلعونا بس الاكل الي يجيبونه لنا ما نطلع الا للحمام

في نص اليل في نفس هاليوم و الساعه نكون فوق السطح جمب الخزان كانو كلهم نايمين انا قلت بس بروح اشتقت للمكان و رحت 
و تدرون من شفت 
رجاوي 

رجاوي : اوه هلا فوتي افراج
انا بهمس : لا وين اسكتي بس لحد يسمعك
وجلست جمبها 
انا : وشلون زوز ... عساها طيبه اشتقت لها
رجاوي : لا تخافين بخير

وسمعنا صوت احد يرقى الدرج انا خفت ليكون احد ويعلم علي
انا بهمس : وين اروح 
رجااوي بهمس : روحي هناااك وراا و إذا مشى ناديتك 

رحت بسرعه
بعد شوي 

رجاوي : هههههه فطوم تعاالي 
انا : مين ؟!
رجاوي : تعالي و تعرفين
انا شهقت على خفيف : زووووووووز 
زوز : فوووووووتي
وحضنا بعض و كادت الدموع تتساقط هههههه
انا : ياااارب تجي انوار
زوز: ياااارب

 بس للأسف ماجات هي طريقتها اصعب
لازم الي في بيتهم نايم
وتمشي الشارع في نص اليل و لازم الي في بيتنا نايم و إذا جات يمكن مانكون هناك

زوز : يووه قهر مام ياليت الزمن يرجع و ماسوي كذا لو ادري انه عمي ماكان سويت كذا
انا : اي و الله بجد
رجاوي : اعتذرو ... روحو لجدي و عمامي ... يعني كبار الشخصيات و اعتذرو
انا : بس ماراح يقبلون 
رجاوي : انتو اعتذرو و انا بكلمهم

المهم اعتذرنا و ترجينا و متنا ترجي و صحننا صياح

ورجاء كلمت كبار الشخصيات و اقتنعو شووي و صياحنا زادهم قناعه << نعرف نصيح صح ��


خلونا نرجع لوقتنا الحاضر

نواره : وآآآآآآ ذكريات 
زوز : يااااااارب ما يرجع يصير هالشئ مره ثااانيه يااااااارب
انا : يااااارب

طق طق طق 

حلت علينا كومت رعب هههه

انا : أ .. أ .. أدخل 
ريوم : السلام ...  شفيكم تع تعون تراني مو وحش 
زوز براحه : آهـ .. خرعتينا يا بنت الحلال
انوار : خفنا لايصير نفس ماصار قبل سنتين
ريم بصدمه : ولا تبتو 
انا : تونا اليوم اول مره يووه
ريم : اللهم لا شماتى ... تجيبون العله لنفسكم
انوار : خلينا عنك ( وسلمت عليها وقمنا كلنا سلمنا عليها )
و ستانسنا و استهبلنا 
انوار : يلآ بنوتات بآي 
انا & زوز : بآي
ريوم : بآي
انا & زوز : بآي
انا : اقول ليش ما تضلون ... ماصدقنا شفنا ريوم
ريوم : ههههه المره الجايه
زوز : اصلاً انتِ ماشبعتي من هانوري كل و ياها ولا الحين بتروح ياها البيت
ريوم : ههههههه لا ما أشبع منها
انا : ليش بسكوت هاهاهاهاهاهاها
نواره : هاهاهاهاهاهاهاها... يلآ مع السلامه
ريوم : مع السلآمه
انا & زوز : مع السلامه
رحنى انا و زوز فوق القبه وقعدنا نتأمل النجوم و القمر وحنا في هدوء
انا : ماراح انسى السنتين الي مافكرنا حتى بمغامراتنا و هبالنا 
زوز : بقووهـ ... اذكر ابوي و عمامي و جدي ماكلمونا شهر 
انا : ههه واللهـ شكلنا يكسر الخاطر 
زوز : ههه اذكر مانطلع من غرفنا 
انا : اووووهـ ... ذكريات
نزلنا اكلنا و رحنا نمنا  

اليوم الثاني بليل و حن جالسين بالغرفه انا و زوز و نواره و رجاوي

رجااوي : وش رايكم نسهر ببيت انوار
انوار : بجد تعالو الحالي بالبيت
زوز : خلاص انا بجي
انا : انا بقول لابوي اول شئ
رحت سألت ابوي رضى و رحت لبست لاني كنت لابسه بجامه وشلت اغراضي و نزلت
لما نزلت كانو مجهزين اغراضهم و قالو للأولاد يشترون بلعه من البقاله

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1