صقيقة طيوش ©؛°¨غرامي جديد¨°؛©

المشاركة الأساسية كتبها فرحة لقى اقتباس :
احداث رووووووووعه

واصلي و استمري

يسلمووو انتي اروع

تشرفني متابعتك لي

صقيقة طيوش ©؛°¨غرامي جديد¨°؛©

يا حى يا قيوم برحمتكَ استغيث ، اصلح لى شأنى كُلَه ولا تَكِلنى إلى نفسي طرفة َ عين

صقيقة طيوش ©؛°¨غرامي جديد¨°؛©

صباااااااااح الخير جميعااااااا

دقايق وينزل البارت

صقيقة طيوش ©؛°¨غرامي جديد¨°؛©


البـــــــــارت الســــــــادس

فارس
طلع من الخيمة
وشاف
سياره غريبة
تقدم لها وشاف اطفال وحرمه واقفه عند البنات
استغرب من هالناس الي جايين هنا
قرب شوي ونادا بصوت عالي عشان ينبهم وكان فيه رجال يروح له
بس ماامداه يتكل الاوالحرمه
تلف عليه وتصرخ بكلمه مااستوعبه من الصددمه جت تركض وتعلق برقبته
انهبل وش ذي وش تبي
بس انصدم يوم سمعها تتكلم بصياح
:خالي والله اني غرفتك عرفتك ياريحت امي من صوتك اشتقت لك والاامي ياخالي
فارس مو مستوعب خالي من اكيد شوق بس شلون بعدها شوي عن حضنه وهو يطالع وجهها:شووق انتي صح
شوق ببكا:ايه شوق يخالي شوق
فارس رجع ضمها بقوه:الحمد الله اني شفتك الحمد الله ياقلب خالك انتي
شوق بعدت عن حضنه وتناظر وجهه:خالي ماني مصدقه اني اشوفك وانك قدامي الحين

ريم ركضت
للخيمه وخلت ريناد واقفه

دخلت وهي فحمانه وبصراخ :خالتي خالتي ريم الحقييي عمي عمي فارس
ريم ام تركي انهبلت وقمزت برعب تركض لها :وشوو وش فيه فاررس وينه وينه وش صاير عليه
وام عبد الرحمن وراها:وش صاير تكلمي فارس وشـ
ريم قاطعت صراخهم :بخير بخير لاتخافون بس
ام عاصم :بس وشو وش فيه
ريم بتردد:هو برا ومعه اـ معه وحده
ام عاصم بستنكار:وحده ومنهي
ريم :مدري بس سمعتها تقول خالي
ام عاصم بصددمه :من ليكون شوووق ,واسرعت على برا
ام عبد الرحمن بصدمه اكبر:اكيد مافيه غيرها ,تاحول تقوم ,ابقوم اشوفها
ريم ركضت لجدتا تساعدها وطلعت فيها
اغلب الجالسات مايدرن وشي السالفه محد يعرف شوق

_
وقفت مصدومه
اهاذي ماهي شوق وان كانت شوق منهم هالطفال الي معها
قرب لهم
:فارس
فارس لف عليها وبفرحه:ريييييم ,يمسك يد شوق ,ريم شوق ارجعت لنا واخير عقب هالسنين الي تعذبت وانا ادورها
ام عاصم تقدمت لها وبعبر:شوق يابنتي تعالي
شوق تقدمت لها وضمتها:خالتي اشتقت لك ,وبكت
ام عاصم:الحمد الله الي ردك لنا
جت ام عبد الرحمن
شوق ماعرفتها بس حست انها خالتها
لنها توقعت انها راح تكون عجوووز
شوق قربت لها وبترقب قالت:خالتي
ام عبد الرحمن :ياروح خالتك تعالي بحضني
ركضت شوق لها وارتمت بحضنها
وبكت من جديد

بعد وقت من السلام والدموع
فارس اخيرا انتبه لعادل
الي كان جالس بسيارته ومانزل احترام لهم
راحله وسلم عليه ودخله على الرجال
وشوق راحت مع خالتها للحريم وعرفتها فيهم

بخيمتة الحريم
ريم تهمس لريناد:ماني مستوعبه
ريناد بنفس الهمس:انا مستوعبه انها قدامي بس ماني مستوعبه كومت هالبزارين الي طالعين منه وهي بهاشكل من جمال وجسم
مكانها جايبه اطفال و توم بعد
ريم ضربتها على ظهرها وبصوت علي:اذكري الله
كلهم التفتو عليها بستغراب
ريناد مفجوعه من الضربه:اااه الله اكبر وش قلت انا
ريم واهمها سمعو او لا :لا اسم الله عليك مااقلتي شي بس بتصكين البنت عين
ريناد تحك ضهرها:مصع يد انا ماقصدي
ريم دفتها :قصدك ولا مو قصدك على طريقت كلامك ذاي لوهي امك صكيتيها عين
ريناد :استغفر الله اقول قومي نشوف البنات جن ولا لا
ريم:يالله
طلعن وشافن عيال شوق يلعبون برا
راحت لهم ريم
:هاي شباب
حسن رد عليها:وعليكم الهاي
ريم:هههههه رد ضريف معلينا شو رايكم نتعرف على بعض
حسن ناظر فيها:اوكيي عرفينا عليك
ريم تنفخ صدرها وبستهبال تمد يدها تصافح:معك الدكتوره ريم وليد التركي عمري 18
ابتسم حسن :18 ودكتور ه ماتجي
ريم :ههه سلك ياولد انا قصدي مستقبلا
حسن: هههه اها كذا طيب معك حسن وافـي الـ...
ريم بصرخه:وااااو والله ماهي هينه شوق وشلون طبت
ريناد:ههههههه يحقلها بالله ذاك الجمال الاملائكي ياخذه اي احد اكيد لا ماشاء الله
ريم :الله اكبر من عينك يارنيدوه بتذبحين الحرمه
ريناد عصبت:ريموووه اكلي تراب تراك دبلتي قاعت تسبدي ياخي ذكرت الله ماتسمعين
ريم طنشتها :حياك الله ياحسن .وتناظر الباقي .والحلوين ماتعرفنا عليهم
حسن :تالا وتولين 5سنوات وحسان 6 توئمي
ريم :ماشاء الله كلكم عيال شوق
:لا بعضهم ايجار
لفت ريم وشافت شوق تناظر لها ببتسامه انفشلت على سوالها البايخ
ريناد:ههههههههههههههههههه حلووووووه
ريم قرصته بكل قوته تفرغ حرتها منها
ريناد:ااااااااه ياحيوانه تراك شوهتيني ياحماره من اليوم تضربين وتقرصين وانا معطيتك وجه
ريم بنتقام:احسسسن تستاهلين
ريناد :ياخذ هالخشه بتطيحين سوقي واطيح بتسبد امي
شوق ضحكت على رجتهن:هههههه


________

البنااات يتمشن وابعدن عن المخيم
وصارن يرقن طعس ورا طعس

شروق رقت قبلهن براس الطعس:بنااات تعالن شوفن
اركضن لها يتسابقن من اول ترقى
وكلن تحاول تاصل قبل الثانيه
ساره صرخت وراه شوق وريما :وااااو انا اول منـ
شروق :قبل تكمل دفتها وجت على وجهها من فوق وتروح تدربا لين وصل الارض
صرخت ريما:ساااره وركضت عليها شوق ودفتها
ريما طاحت صوب البنات وصدمت فيهن وهن يحاولن يرقن وكلهن طاحن
شوق وشروق ضربنا كف لكف :وااااوههههههههههههههههههههه
ويسمعن صراخ البنات يسبن فيهن ويتوعدن
شوق تناظر من فوق الطعس وبصدمه :شروووووق ضعنا
شروق بخوف:وشووو من قال
شوق :ناظري مانشوف المخيم وماندري من وين جينا
شرووق برعب:لاااا لاتقولين كذا اكيد بندل خلينا ننزل
شوق :لحضة,وبشر:خلينا نقول للبنات عشان نخوفهن وينسن ينتقمن هههه
شرووق :يامجرمه بس والله انتس صادقه اذا مخوفناهن مراح يتركنا
شوق صرخ بصةةةت علي:بناااااااااااات مانشوف المخيممم ضعنا يبنات
البنات يسبن فيهن ويتوعدن بس من سمعن صراخ شوق انهبلن
وقمن الي تصيح والي مو مصدقه
وسون مناحه
نزلن من فوق
وصلن لبنات
شروق :الله لك الحمد وليش الصياح


(ملاحضة شوق وليد وشوق متعب ام حسن شوق وليد اختصار شوق و وشوق متعب اختصار شوق م)


ريما:تهئ تقولين ضعنا وتبينا نصيح الحين لواحد جا وخطفنا وش بيصير
شروق :شوووو يخطفك انتي مو لوحدك وش هالخبال ترانا فو العشرين بنت اقبيله بحالها
وسن تحاول تكون قويه:صادقه شروق مراح نضعف راح نتكاتف ونمشي لين ندل بس مبنات رجزو بطريقنا الي جينا منه عشان ندل
سديم :اي تركيز الله يهديك ياوسن الارض رمل وينمسح اي اثر
وسن :قصدي الماكن الشجر الطعوس وفيه طرق سيارات انا شفته وحنا جايين يمكن يدلنا ان شاءالله
البنات :يارب
مشت وسن وربى و رنى وشروق وشوق وسديم (احتياط ريم يسمونها) قدام لنهن اقوى قلوب من الباقيي الي يبكون بخوف
شوق وراها نغم وتبكي قبووه وتشاهق شوق عجزت لاتحمل صياحها وصرخت عليهن:بــــــــس لاتبكن ياتبوووون لو مر احد الحين
وشافكن تبكن بيدري انا ضايعين ويمكن يخطفون كانهم شله بس اسكتن لااسمع حس
وبعدين وترتوني ماخليتني افكر بطريق وينه

شروق شافت اثر منمسح بس باقي خفيف
لفت معه:بنات من هنا
لفن البنات وتبعناها
وبعد مسافه قصير
اشهقت نغــم بقوه من الي شافت:هئئئئئئئ بناااات
الكل وقف برعب من شهقته:وشفيييييييييك
نغم بيد ترجف نزلت ورفعتها من الارض وبرعب قالت:شوفووو
البنات من شافو الي بيدها قامو يبكوووون برعب
نورس:لااا والله رحنى وطي
حلا ببكا يقطع القلب :ابي امييي تهئ
غلا بجنبها تبكي:ليتني ماجيت تهي
سديم بقوه:خييير قلبتنها مناحه ترا كلها سجاره وش صار عاد
صرخت ناهد:سجاره معناتها صاحبها فيه وقريب وبيطلع علينا بيوقت
شوق :انتن بس انطمن وخليكن قويات ومراح يضرنا

وسن شافت طريق سيارات:بنات هاذا طريق امشن له
__________
اساعه 5ونص
بالمخيم
ام عاطف:البنات تاخرن
ام وليد:ايوالله غريبه
ام احمد:ليكون ضاعن بس
ام عاصم:وش هالفال ياام احمد تفائلي خير
ام احمد بكره:اي خير وبناتس هن الي مسحباتهن ياخوفي على بنياتي والله مايعرفن يدبرن انفسهن
ام عاطف :وش هالكلام يام احمد الله يستر عليهن كلهن ترا كل بناتنا طالعات مو بس بناتتس
ام احمد بحقد:بناتكن متعودات على الهياته بس بناتي مايعرفن شي ياحسرتي عليهن
ريم انقهرت منها بس ماتقدر ترد خايفه تخرش بهمس لريناد:الا قولي متعودات على الهياته بالسواق والمغازل مالت عليك انتي وبناتك
شوق سمعتها وبستغراب:ريم وش السالفه ليش هي حاقده
ريم :ههه من قالك بلعكس ماشفتي شي هي هاديه الحين
ام عبد الرحمن:ام احمد عن الغلط وكلنا عايله وحده يوم تفرقين ليش
ام احمد بكره:ومن قال انا عايله لاوالله مايشرفني بس ابو احمد هو الي غصبني اجي
شوق فاتحه افمها وش فيها هاذي
ام عزام عصبت عليها:نوال احترررررمي نفسك
نوال ناظرت فيها بغرور وقامت:انا محترمه نفسي قبل اعرفتس يا سوير
ريم ولعتت صرخت فيها:لميي فممممك ياعجوز بليس واحترمي امي
ام عاصم :ريييييييم
ريم بقهر:خالتي ماسمعتيها وش قالت
ام عاصم:حتى ولو احترمي فارق السن
ريم بقهر وهمس:وهي خلت فيها احترام
شوق همست لريم:الحين منو الي ضايع
ريم :قطيع نيعاجنا
شوق بصدمه :وشوووو
ريم رغم الجو الي متكهرب الاان وجه شوق خلاها تفقع ضحك:ههههههههههههههههههههههههههههههههه
شوق:ريم من جدك وعشان نعج يتخانقون
ريم :ههههه امزح بناتنا بس من كثرهن قلت كذا يمكن فوق العشرين
شوق شهقت:شووووو فوق العشرين وكلهم ضاعو
ريم تكش عليها :فالك مااقبل لان شاءالله مضاعو يارب يرجعون
ريناد بعبره:بنات خل نطلع احس اني ابموت
شوق لفت عليها:بسم الله عليك وش فيك
ريناد:مدري مكتومه وخايفه على البنات
ريم خافت عليها وهي فيها قلب:رنوده ياقلبي وش فيك ليكون مااخذتي اعلاجك
ريناد بتوتر:لا نسيته
ريم سحبتها مع يدها :طيب يالله خخلينا نطلع
طلعن كلهن لخيمتهن
ركضت ريم قدامهن وشوق تسندها

دخلت الخيمه ودورت شنطتها ريناد بعد دقايق من البحث لقتها
اخذت الحبه وعلبة ماء كانت طايحه بالارض بس جديد
وركضت لها قبل تاصل
ريم تمسك يدها وجلسها على الارض وجلست قدامها وعطتها الحبه والماء
:سمي رنوده
ريناد اخذت الحبه واكلتها وشربت على اثرها ماء:مشكوره ريومه
ريم طقتها على ظهرها :مابينا شكر يالدوبا
ابتسمت لها وسكتت
شوق :سلامتك رنود وش فيك
ريناد ببتسامه متعبه:الله يسلمك فيني القلب
شوق بصدمه :قلب لا إله الا الله الله يشفيك ياقلبي

ريم وريناد:امييين
هدووو
بعد دقايق
ريناد:بنات وش تتوقعون صار على البنات
شوق بتهديه وتوتر :ماعليهن شر ان شاءالله يرجعن بالسلامه
ريم .ريناد:ياررررب

__

بخيمة الرجال
الكبار بجه يسولفون والشباب
جواد:ياحيالله من جانا انا ماني مصدق اني اتعرف على واحد قطري باقي بحريني وتكمل الخليج عندي
الشباب:هههههههههههههههههههههههههههههههه
عادل علامة؟؟فوق راسه مو فاهم كلامه بس قال :الله يحييك تشرفت بمعرفتك
فهد :عزالله جواد مراح يترك بحالك ليتعرف على قبيلت بعد
جواد بخبال يتفل بجيبه:تف تف بسم الله علي بتصكني عين انت وهالغير الي ذبحتك
رعد بالخط مع فهود:وعلى وشو يحسدك ياكافي
جواد:على روحي المرحه الي خلت اصحابي من جميع اقطار الخليييييج
عاطف:ايه وانت الصادق ولا كيف تعرفت على عاصم وخليته صديقك وهو مايصادقق اي احد
لف بقوه عليه من سمع كلامه وبنفس الحضه لف جواد عليه وطاحت عيونهم على بعض
احمد بصدمه جوااااااد وعاصم لاااااااا مستحيل مراح يصير الي تبيه يالـ...
صد جواد وتصريفه قال:وانا مو اي احد يامستر عاطف
عاصم لمحه الحركه الي صارت بينهم وعرف ان فيه شي وشي كبير بعد مخبيه جواد وهاذا الي مخليه ناشب فييه دايم بس سكت ولا بين
شي بقلبه يقول الايام هي الي بتكشفك لي ياجواد انت واحمد وسلطان وتركي

عزام ببتسامه :ماتسمعنا ياطلال اخر اناشيدك
طلال :ابشر ماطلبت بس يبيلها جو
تركي يتكي على المركا:انت غرد وشف بعينك اذا ماجهدو ولانفس
طلال ابتسم و بصوت ساحر:
هاذي الدنيا غريبة كل مافيها بكى
...ان تلاقينا بكينا ونتفارقنا بكى
ان عطينها وفانا مدت يديها بجفاء
....وان تحملنى عناها وجهتنا بالفداء
كل ماوجه ابتسملي صكت ابواب الهنا
.....وكل ماشمس اشرقتلي احجبت عني سنا
كنت اقول انها عظيمه حطمت فيني الرجا
...اكسرت فيني اماني غيرت كلمةانا كلمة اناآآ
غربتنا بعثرتنا رجعتنا للوراآ ه
اااه اااه اا
سلمتنا للمهـــاك وهجرتنا في عناء
..تركتنا في مناااها وكل يحصد ماجناء
خيبت فينا ضنون نزلتنا من سماء
...ارفعتنا للمعالي وصرخت لالا كفىى
احرمتنا من وجيهن شوفها كله منى
...ياغريبة ياعجيبة ليه سويتي كذا
تسرقين من هوانا وتنشرينه في الفضاء
..ياصديقه ياعدوه اتركينا في هناء
تزرعين الشر فينا وخيرنا ماهو لناآآ
...ياطموح مات فيني نظرتها ابعد مدا
ناظر بنفسه وشافك اخرك دار الفناآآآآ

هدوووووووو بعد ماخلص
صفقوووو بقوووه له
والكبار يذكرون الله على صوته
ابتسم لهم:الف شكر لكم هههه والله على هاتصفيق حسيتني بمسرح
ابو وليد :تستاهل الي يصفقلك والله انك اطربتنا بصوتك الرائع
فهد :ههههههه اي طرب ياخالي الا قل حزنا انا عن نفسي بغيت ابكي
رعد وشو يشهق:هئ انا بكيت وخلصت
غيث:حزنتنا يابو البراء ولازم تونسنا وتطربنا وتجيب انشود باسمي
طلال :هههههههه ومن وين اجيب بالله
غيث :دبر ماعلي منك
طلال طالع بعاصم وشافه سارح :شف عندي انشوده للعزيز حامد وابحرف بها شوي بس ماتجي على اسمك مع الاسف تجي على
اسم عصوم ,ورفع له حواجبه
غيث بقهر:والله افتن عليك عند حامد تحرف في اناشيده
طلال بضحكه :وش عليك انا وياه من دونك وهو مراح يزعل
عاصم انتبه على اسمه وسمع كلام طلال ماسمع اول كلام طلال استغرب وسكت اول على باله يناديه بس شافه يسولف سكت
طلال :
غآآآآآلي عاصم ماني لفرقاك قاوي
... مايحتمل بعدك خفوقن شقاوي
غاآآآلي عاصم عذبتني في غيابك
....امشي وسط الناس كني خلاوي
غاآآآآلي عاصم ماقد بكيت المحبه
...الاعلى قلبك وشوقه وحبه
اذكرك لشفت النجوم السواري
...ولجيت حائل تالي اليل ساري
لـ

فهد قاطعه :بس بس حزييييييينه بعد
صرخات اعتراض على فهد الي قاطعه من الجميع
عزام :ليييييش وقفت
تركي :يوووه معليك منه كمل
طلال:خلاص راحت ماتنعاد
وليد :صدق ملقوف معجبنا انت وش تبي
رعد بعتراض:لاياحبيبي لازم على ذوق الجميع واحنى ماعجبنا
عزام :ومنو انتم
ماجد غيث فهد رعد بصوت واحد:احنآآآآ
عزام :طيب ومنو انتم عشان يسكت عشانكم
ماجد :موت قهر هاذهو سكت
تركي:مو عشانكم من لاقافتكم
جواد :معليك ابو البراء روووووعه يسلم صووووتك وعاش لجمهوره دايم يلعلع
طلال:هههههههههه ربي يسلمك

دخل يركض
وقف يناظر فيهم مايدري من يكلم
من قالت له امه رح لرجال وقلهم ان البنات مارجعو جا يركض
فز عادل يوم شافه:حسآآآآن وش فيه
حسان:اااـ .سكت
عادل قرب له:حبيبي تكلم وش صاير جاي تركض اخوانك فيهم شي ولا امك
حسان بخوف من الموقف والرجال الي ملي المجلس مادري انهم كثار ولا كان ماجاء:لا بس امي قالت اني اجي واقولكم
ان بناتهم اقصد البنات ماجو
الشباب من سمعو كلامه فزو بقوه :شووو اي بنات
حسان يحاول يذكر كلام امه:بنات بنات البنات كلهم
راحو يتمشون ومارجعو للحين
انهبلو الشباب شلون مارجعو يعنياكيد ضاعو الحين قريب المغرب
ماجد بصدمه:كلهم كلهم ماحد فيه
حسن الي دخل ورا حسان وقف بجنبه تذكر ريم وريناد
:بس فيه ريم مدري وش اسمها الثانيه رنوده يمكن اورناد
عصام حس براحه ان ريم فيه بس خواته والباقي
ووسسن يوم تذكر وسن فر زي المقروص او توه يفيق من صدمت الخبر وبصرخه :شووووووو
وركض.على برا لسياره صدم بنت بس مانتبه من هي وتعداها

ريم كانت على الارض طايحه من صدمت عاصم
تطالعه يركض زي المجنون
شوق انزلت لمستواها ورفعتها:بسم الله عليك عسى ماتعورتي اعما مايشوف هاذا
ريناد:ماينلام خواته كلهم
ريم بغيره من وسن:اقص يدي لو ماهالخوف كل على وسن
طلعو الباقي من المجلس
شوق رجعت على ورا:بنات خل نرجع شوفو الرجال طلعو
ريناد تشوفهم يتراكضون لسياراتهم:يارب يستر ويلقونهن ان شاء الله


_______





البناااااااات


وسن اول ماوصلت الخط اوقفت تطالع في طلع مو نفس الي شافت:لاااااا
غلا برعب:وش فيييييه
رهف بدموع :وسن لاتقولين طلع الطريق خطا
وسن :ايه مو طريقنا
ساره:لاااااااا يمااااه ابموت
نوف بعبر:الحمد الله ريناد مو معنا ولا كان صاير لها شي
سمر:ايوالله الحمد الله
انغام:بنااات وش بنسوي

سديم :عندي لكم خطه خل نعترض الطريق ونمشي سييييده
ربى:يالله نجرب مو احنا ضايعن ضايعين
رنى:اش ياخبله بترعبين قلوب العصافير هاذي يقوم يبتسن علينا ماصدقنا يسكتن
شوق بروح المغامره ومادري وش بيصير لها:الله مغاااامره قسم
شروووق بنفس حماسها:ههههههههههه جد ماكانت على البال
نجلا بصياح:تهئئ انتو صدق فاااضين احنى بنمووووت
غلا:تهئئئ لا مراح نموت تركي بيجي اكيد
هنادي:انا مدري وش طقني على راسي وخلاني اجي معكم اااااف وش بيصير الحين
ريما :تهئئئئ ابي عااااصم

وفي مكااان
مجموعة شباااااب يتسابقون على التفحيط

وواحد من الشباب رايح بسيارته الهمر يتمشى مايحب التفحيط فقرر انه يروح الوحده



البنات شافو سياره جايه لهم وصارو يتنافضووون من الرعب

لوجين صارت تصيح بقوه الي كانت هاااديه من اليوم :خلااااااص ضعنا والله انخطفنا
ريما اكثثثثثثر وحده خواافه من شافت السياره اغمى عليها
البنات قامن يصارخن من طاحت
اركضت لها سديم وسندتها عن الارض


استوووووووووووووب


انتتهــــــى البارت السادس

نلتقي الثنين ان كتب ربي لنا عمر ان شاء الله

Ms.Ryzo ©؛°¨غرامي جديد¨°؛©

مشالله روايتك حلوه وبنتظارك

وردة الزيزفون
✿ إدارة الإقسام ✿

تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك


تغلق

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1