غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 15-10-2012, 05:20 PM
صورة صمت الإنين الرمزية
صمت الإنين صمت الإنين غير متصل
©؛°¨غرامي ماسي ¨°؛©
 
الافتراضي رد: رجل الظلام / بقلم : سماخير


يعطيك العافيه ع النقل تقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 15-10-2012, 09:16 PM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: رجل الظلام / بقلم : سماخير


ربي يعاااافيك
...

يسلمو ع المرور

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 15-10-2012, 11:44 PM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


ساعات الإنتظار متعبة مملة تبعث القلق والوسواس ..
.
.
كذلك كانت أبلة منيرة تنتظر التحاليل بخوف لإنها تشعر بإنها متعبة ومريضة منذو فترة طويلة لكنها كانت تهمل نفسها بحجة أن الألم سيزول وبإنها لا تريد تكبير الشر وتضخيمه ..!
.
.
أما زوجها فهو مسحور في عالم آخر ..يعيش قصة حب وهو في نهاية الأربعين وعلى أعتاب الخمسين ..يعيش ماكان يحلم أن يعيشه وهو مراهق ..حلم وردي جميل !
.
.
ولين تحمل هم الجميع ..تنتظر عودة الأب ..قبل ظهور تحليلات الأم ..
.
.
وهي تهرب كعادتها للنت ..
.
.
عندما دخلت موقعها المفضل وجدت رجل الظلام عاد للكتابة لإنه كان موقوف من عدة أسابيع ..
.
.
رجل الظلام : معليش كنت موقوف من المراقب التبن آدمن ..
.
.
لين : التبن ؟؟ غريبة ليش وقفك ؟
.
.
رجل الظلام : ثور الله في برسيمه ..أقول لك مراقب جاهل مايعرف كوعه من بوعه ويحسب نفسه في حكومة فيدرالية ههههههههههه
.
.
لين : هو مرتين عطاك كرت ..ووقفك قبل فتره ليش ؟
.
.
رجل الظلام :يقول إني ليبرالي ...أسمعي أسمعي آدمن هذا ماحد يعرفه في المنتدى مع إنه مسوي إن الجميع أصدقائي ..!!
.
.
لين : يعني كيف ؟
.
.
رجل الظلام : هذا إنسان معقد يعاني من أمراض نفسية ..أصدقائة الي تعرف عليهم في المنتدى وحطوه مراقب علينا مايدرون إنه معطيهم إسم مستعار ورقم مستعارعايش النت حتى في حياته الحقيقية ..هو إسمه غازي ويقول لهم إسمي عبدالله ..يقول لهم إنه مو متزوج بالرغم من إنه متزوج وعنده أربع أطفال ..وزوجته سمراء مايلة للسواد ويحمد ربه إنها وافقت عليه بعد
.
.
لين : أستغفر الله أنت إنسان مغرور ووش يدخلك فيه وفي زوجته ..؟ تعرفه شخصياً وبينك وبينه مشكلة شخصية هذي مو مشاكل نت ..!..
.
.
رجل الظلام : أعرفه زين هو مثل ماتقولين كذا من جماعتنا ..ترى على فكرة فيه سر مآحد يعرفه عنه له ست أصابع في يده اليمين ..وست أصابع في رجله اليسار ..
.
.
لين : يؤ ست أصابع سبحان الله...
.
رجل الظلام : هههههههههههه الأصبع السادس يساعده على الكتابة بشكل أسرع ماتشوفينه كل شوي موقف واحد و مسوي موضوع عن نفسه وموضوع أسئلة شخصية عنه وكلها كذب في كذب يحب الشهرة وحب الظهور لإنه مهمش في الحياة الحقيقية
.
.
لين : أستغفر الله العظيم ..أنا أشوفه محترم ومايظلم أحد بالعكس عمره ما أعطاني كرت ولا وقفني ولا تعرض لي لا بخير ولا بشر يكفي إن توقيعه آية قرآنية..
.
.
رجل الظلام : آيه ياحليلك هذا مثل الرقاصات الي يرقصون في الليل وسهر وعربده وبعدين تقول لك خذت عمره وحجيت وصليت وصمت ...كله كذب ونفاق ورياء ..
.
.
لين : إن كان على الكذب كثير كذابين وإنت أولهم أجل مرسل لي صور ناصر القصبي تقول إنه أنت ؟
.
.
رجل الظلام : والله إنه أنا ....جعلني أصير تحت تريلة إذا ماكانت صوري ..أقول لك أشبه له تقولين صور ناصر القصبي ..وين حناحتى لو بكذب مو بهالطريقة الغبية
.
.
لين : في هالزمن الغريب ماتدري تصدق مين وتكذب مين الكل يحلف أيمان مغلظه ..
.
.
متعب: وش رآيك تشوفيني ؟
.
.
لين : والله هذا الي متأكدة إنك راح تقوله ..كلكم كذا خفافيش الظلام ..أسمع أنا بنت ناس وماعندنا هالسوالف وقلة الحيا ..
.
.
متعب : ههههههههههه ترى أحب الخفاش على فكره وأحب تعصيب البنات بعد يقولون الكلام قمة في السذاجة ههههههههههههه
.
.
لين : لأ طبعاً مآودي أشوفك ..تشبه ناصر القصبي ولا تشبه بشير الغنيم
.
.
متعب :هههههههه نسيت أقول لك أمي تقول إن جيراننا عندهم بنت أسمها لين وإنها في الجامعة وإنها عانس ولا أحد خطبها ولا أحد بيخطبها ..لإن أمها راعية شر وتدور على المشاكل تدوير ومتقاطعه مع أهلها ...وأبوها قليل خاتمة ..!
.
.
لين : عانس ..وش هالمصطلحات السوقية ..بعدين إنت شكلك واحد يعرفني ..!
.
.
متعب : ليش هو من جد أمك شرانية ؟
.
.
لين : وش يدخلك أعوذ بالله ..أنا عانس أمي شرانية أبوي قليل خاتمة هذا مو شغلك ..شكلي عطيتك وجه بقوه
.
.
متعب : ومن غيري تعطينه وجه لا أم سنعه ولا أب موجود إلا أحمدي ربك إنتِ الي قاعد أسمع لك ومنصت للحين ....أقول وش رآيك أخطبك بما إننا أصدقاء هنا وأعرفك من فتره ونشأت بيني وبينك علاقة حلوة مابقول حب عشان ماتزعلين بس الحب بعد الزواج يجي ..ووالشوفة الشرعية وقد تمت والمثل يقول إال تعرفه أحسن من الي ماتعرفهوش
.
.
لين : الزواج من النت أنا أرفضه جملة وتفصيلاً الزواج شي مقدس رباط نظيف عفيف يكفيه قداسة وطهر ونقاء إنه على سنة الله ورسولة ومن أغلى من الله ورسولة ؟؟..أما النت فليس مقدس وأحياناً أشعر بإنه مستنقع قذر
.
.
متعب : ههههههههههههه وليش تخوضين في هالمستنقع القذر ..ترى في يوم من الأيام بيوسخك ..!
.
.
لين : تصدق مآدري ليش أخوض فيه وبحماس! ....بس هو مرض العصر الكل قاعد يخوض فيه ..
.
.
متعب : يعني رافضه تتزوجيني ..
.
.
لين : قلت لك الزواج بهالشكل هو لعب عيال وتهريج ..!
.
.
متعب : أجل أسمعي إنتِ مستحيل تتزوجين ..ومآحد بيتقدم لك ..بتقعدين في هذا البيت سنين لين يبيض شعرك الناعم الطويل هذا ..جاك العلم !
وترى إنتِ جاهلة مثل آدمن والكثيرين هنا أغبياء حمقى مغفلين متخلفين ..!
.
.
لين منفعلة : لا يكون تعلم الغيب على غفلة ..
.
.
أنقطع أتصال متعب ..ولين لازالت تريد أن تقول المزيد ...!
.
.
لين : متعب ..متعب ..
.
.
ذهبت للمنتدى فوجدته قد غير توقيعه ووضع بدلاً منه :

أدرتُ ظهريْ لِ الكثيرَ ليسَ غـروراً !
وإنمَآ خشيةِ آنَ آتعآركْ معَ صِغآرَ العـقول
فقدِ إزدآد عددهمَ في الآونةِ الأخيرة
ووجدت انَ التجَــــآهل آفضل الحـــلولَ
للإبتعَـــــآد عنَ ذويَ الأمــرأضَ العقلية


أقفلت الصفحة وهي خائفة ..من يكون متعب هذا ؟
.
.
قد يكون أحد أبناء عمومتها أو أحد أبناء خالاتها أو يمكن تركي ؟ لإنه وقت شهرشهر العسل كان موقوف وبعدين رجع يمكن متفق مع آدمن المراقب ..طيب كيف يعرف كل المعلومات هذي عن آدمن وعني ؟
أختلط الخوف مع الحيرة في ذهن لين ..
.
.
ظلت تتسآئل ..وسألت والدتها عن الجيران ..قد يكون فعلاً هو إبن الجيران ..ويعرف عنهم الكثير
.
.
أبلة منيرة : أسمعي خليك من الجيران الحين ترى يوم السبت نتيجة التحاليل ..وأبوك للحين ماجى ومقفل جواله
.
.
أخذت لين الجوال وحاولت الإتصال لكنه لازال خارج نطاق الخدمة السعودية والمغربية ..!
.
.
لين : ماما ليش خايفه تفائلوا خيراً تجدوه ..
.
.
الأم : يالين أنا عمري مادخلت مستشفى إلا وهو معي حملت فيكم كلكم وولدتكم وهو معي عمره ما تخلف يوم واحد ..لين وقوف أبوك معي يعطيني دفعة قوية تصدقين يوم كان يجي معي وأنا أولد كنت ما أحس بآلام الولاده مثل الحريم ..كان يمسك يدي بقوه ويقعد يقرأ علي ..
.
.
سكتت الأم قليلاً وكأنها تتذكر ثم أبتسمت وقالت : يوم كنت أولد صالح قال لي يالله منيرة بطلة منيرة بطلة قوية شجاعة ..عمره في حياته ماقال لي هالكلمات إلا وأنا أولد ..
.
.
بكت منيرة ..فضمتها لين وهي تقول :الي يشوفك يقول مو إنتِ الي قعدتي تدعين عليه
.
.
أبلة منيرة : كلام يابنتي كلام حرمه وهي منفعله ومعصبه ولا من لنا غيره شوفي خواتي قاطعوني عشان حصه ..!
.
.
لين : ماما.. الله بيجيبه بالسلامة لا تخافين عليه الله بيحفظه وبيرجعه لنا سالم غانم ..
.
.
بعد صلاة العصر طلبت لين من والدتها أن تغسل ملابس أخوانها لإن العاملات لم يأتين بعد
.
.
الأم " طيب شغلي الغسالة وشغلي النشافة وتراها تجفف الملابس بنسبة مائة بالمائة ...وإياني وإياك تدخلين السطح ..!
.
.
لين : ماما بس تخلي الملابس تتلزق مو هذا كلامك للشغالات لازم ننشر الملابس في الواء الطلق ..ليش ماما ما أدخل السطح ؟
.
.
الأم : بس يابنتي لا تدخلين ..الشغالات غير وإنتِ غير
.
.
لين بإندهاش : ماما للحين اللحاف والمفرش الأحمر في السطح ..؟
.
.
الأم : إيه للحين ..
.
.
لين : من صدق ؟ تلاقينه الحين مقطن ومغبر ..وصاكته الشمس
.
.
الأم : أصلاً ما أبيهم خلاص بصدقهم ..ّ!
.
.
لين : يمه طيب حتى لو بتصدقينهم لازم نشيلهم من السطح ؟
.
.
الأم : لالا مو لازم نشيلهم ووين نوديهم .. ننتظر أبوك إذا جاء ويصير خير يالين لا تشغلينا ..!
.
.

صعدت للين لغرفة الغسيل وهي ترتب الملابس وجدت شماغ والدها ضمته وأشتمت رائحة والدها وعطره موشومة و متغلغلة في نسيج الشماغ ..
فأخذت تدعوا الله أن يأتي والدها في أسرع وقت فقد توقفت أمور مهمة في حياتهم وتعطلت بسبب غيابه ..
.
.
نزلت للأسفل فوجدت والدتها تطلب منها أن تحمل معها أنبوبة الغاز ..
.
.
الأم : أبوك كان يبي يحط غاز مركزي بس أنا خفت وقلت له لأ ..!
.
.
لين : ياماما هذا ثقيل ..
.
.
الأم : معليش ولا يدخل السواق الغريب بيتنا وأبوك مو فيه ..شيلي لين زين
.
.
لين وهي : ثقيل مره .. ...
نظرت لسيارة والدها التي دفنت بالغبار فقالت بتنهد : يوووه وينك بابا ...؟
.
.
لماذا كل هذا الحنين لوالدي ..هل لإنه أول مره يسافر ويتركنا ؟
هل لإنه كان من يدافع عني ..؟
هل لإني كنت أشعر أن والدتي كانت تظلمه كثيراَ
هل لإنه والدي ..
وينك يبه في المغرب ونحن في المشرق ..يووووووه بيني وبينك بلادك وبلاد وبلاد وحشتني كثير أشتقت لك وشعرت بضعفي وضعف أمي وأخواني في غيابك ..
كل شي محتاج لك كل شي يناديك ..
ودي أرسل لك رسالة لكن جوالك مقفل ..لكن أكيد قلبك مفتوح لنا وحنا نعيش فيه مثل ما أنت تعيش فينا ..
.
.
ببساطة الحب يزيد أكثر وأكثر في الغياب
.
.
م ـسافه طويله / طريق بعيد
يَفصِلُ بيني . . وبينك
وَحْ ـدَها المشاعر تجلب الدفء . .وتقَرب الـ/ مَسافات
أُحسكَ نَبضاً في خافقي ’’
مَ ـهما إبتَعدت
مَ ـهما إبتَعدت
مَ ـهما إبتَعدت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 18-10-2012, 05:24 AM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


مني شايفه أحد متحمس لها بس بما أني بدأتها لازم اكملها







.
.
.
دائماً الأم تخاف على أبنائها وأحياناً من غير مبرر وأبناء أبلة منيرة هم كنزها الغالي الذي لاثمن له ..!
.
.
كانت تخبأ سلسلة مفتاح السطح في خزانة المجوهرات ..!!
.
.
لين : ماما ليش مفتاح السطح هنا ؟
.
.
الأم : ممنوع الإقتراب من السطح ..
.
.
لين : ماما حسستيني إن فيه قنبلة موقوتة ولا لغم حربي.! ليش ماما ليش
.
.
الأم بصوت مرتفع : من غير ليش فاهمة بعدين ترى اليوم نتيجة التحاليل قولي الله يسمعنا خير ..
.
.
لين : ماما قالوا لنا غدد في الصدروأخذوا منها شوي بالإبرة وإن شاء الله خير لا تكبرين الموضوع ...
.
.
الأم : والمكتب كلمته اليوم يقول الشغالات بعد أسبوعين إن شاء الله
.
.
لين : وبابا ..
.
.
الأم : أتصلت الصبح عليه شغل جهازه بس مارد
.
.
لين :يس ... الحمد لله إنه شغل الجهاز
.
.
.
الأم وهي ترتب غرفتها: قومي سوي همبرجر لأخوانك وأقلي بطاطس ..
.
.
ذهبت لين للمطبخ وهي تفكر في المتعب ..رجل الظلام ..من عساه يكون ؟
.
.
وبعد إنهاء وجبة أخوانها ذهبت للنت فوجدت رجل الظلام متصلاً فبادرته بالسلام ..
.
.
لين : السلام عليكم
.
.
رجل الظلام : هــلا ..
.
.
لين : ليش ماتقول وعليكم والسلام
.
.
رجل الظلام : كيفي المهم أرد لو بكلمة ...هذي فلسفتي في السلام
.
.
لين : بس إذا حييتم بتحية فحيوا بأحسن منها ..
.
.
رجل الظلام : بدينا في المثالييات ..ترى أنا إنسان غير مثالي طيب أوكي
بعدين غريبة أول مره تبدين بالسلام ..والي يبدأ بالسلام هو صاحب الحاجه ..!
.
.
لين بتهكم : صاحب الحاجه أي حاجة ؟ هذي بعد من فسلفة السلام عندك ..
.
.
رجل الظلام : ههههههههه في النهاية شكلي بدرج فلسفاتي في كتاب ..
وأعرف وش تبين تسألين ؟؟ودك تعرفين أنا من مين صح؟
.
.
لين : برافوا عليك ..
.
.
رجل الظلام : أنا متعب ولد جيرانكم
.
.
لين : أي جيران ؟؟
.
.
رجل الظلام : أقرب جيران لكم ..وحنا أول من سكن هذي الحارة
.
.
لين : وش لون فلتكم ..
.
.
رجل الظلام : لونها بني غامق وعليها حجر قديم بني فاتح وفي الحوش ست نخلات ..واليوم أبوي زرع شجرة منقا ..
.
.
لين : منقـا في الرياض ؟؟ تصدق ماعرفت البيت ..أنا ما أدقق ! وبصراحة أشك في كلامك
.
.
رجل الظلام : والله هذي مشكلتك...قلت لك أشبه ناصر القصبي ماصدقتي قلت لك ولد جيرانكم ماصدقتي ..قلت لك شوفيني هاوشتي ..
.
.
لين : كيف أشوفك ؟
.
.
رجل الظلام : ممكن تشوفيني في الشارع ..مثلاً نتفق على وقت وأفتحي الشباك
.
.
لين : أنت ماتفهم حنا ناس محافظين وممنوعه عندنا هالحركات وقلة الحيا والمصخرة ..!
.
.
رجل الظلام : مصخرة إيش أنا بس أبيك تتأكدين لا أكثر ولا أقل ..!
.
.
لين : أسمع أمي تناديني عندها موعد مهم في المستشفى
.
.
رجل الظلام : وش فيها سلامات ..
.
.
لين : عندها موعد تحاليل وأشعة ..
.
.
رجل الظلام : الله يعافيها بشرينا عنها ..
.
.
لين : مع السلامة ..
.
.
نزلت لين بعد العصر وقد أرتدت عبائتها وأخذت حقيبتها مسرعة فوجدت والدتها تجر أقدامها وهي تلبس عبائتها ..
.
.
لين : ماما ترى شكلك خايفه ..ذكرتيني بنفسي وأنا أنتظر نتيجة الثانوية العامة
.
.
الأم : لا موخايفة ولاشي ..قومي يالله مانبي نتأخر ..
.
.
ذهبت للمستشفى ..ودخلت غرفة إنتظار السيدات وبعد دقائق قدمت الممرضة تنادي : منيرة محمد سعد..منيرة محمد سعد
.
.
نظرت لين في والدتها التي كانت تسرح بخيالها بعيداً وأخبرتها أنهم ينادون عليها فذهبت للطبيبة
.
.
بعد أنا جلستا أمام الطبيبة ..
.
.
الطبيبة وهي تفتح ظرف أبيض كبير : لا إن شاء الله مافيش إلا كل شي خير
.
.
قرأت الظرف والتقرير فتحولت ملامح وجهها ونظرت في الأم ولين وقالت : وين زوجك سيدة منيرة ؟
.
.
منيرة : زوجي مسافر ...
.
.
الطبيبة : متى بدوه يرجع ..
.
.
منيرة : ماندري سفرته هذي كانت مفاجأة وتأخر ..
.
.
الطبيبة : طيب وين الوالد بعد موجود ..
.
.
منيرة بقلق: لأ أبوي الله يرحمة متوفي ..ليش ؟
.
.
الطبيبة : ماعنك أخ ؟
.
.
منيرة : ليش كل هالأسئلة ؟؟
.
.
الطبيبة : لأنو بدي يكون موجود معنا
.
.
لين : أخوالي كلهم مشغولين وأبوي مسافر مايصير نعرف النتائج ؟
.
.
الطبيبة : ما أحبذ إنه تعرفوا حتى يجي ولي أمر ..
.
.
لين : ولي أمر؟؟ ليش حنا في مدرسة ..؟
.
.
الأم : أنا يادكتورة مديرة مدرسة ومؤمنة بالقضاء والقدر وبطريقتك هذي تروعين المريض أكثر وتخليه يصر على معرفة التحاليل ..!
.
.
الطبيبة : طيب أنا بدي أقرأ لك النتائج ..وبنتك موجوده معنا تبين لنا من التحاليل إنك مصابة بورم في الثدي طوله تلاته سم وبتذكري إنه أخذنا خزعة من الثدي وتبين إن الخلايا يالي فيه خلايا متغيرة
.
.
لين وقلبها يخفق بشدة : متغيرة يعني إيش ..
.
.
الطبيبة : متغيرة يعني سرطانية
.
.
أبلة منيرة متفاجئة لا تتكلم ..
.
.
لين : طيب وفيه علاج ..
.
.
الطبيبة : يعتبر الورم تلاته سم متوسط ولازم تتحول للتخصصي بسرعة وفيه علاج أكيد كتير تعالجوا وشفوا بنسبة مية بالمية بس بدكون تعجلوا مابتتأخر الحالة لحتى ماينتشر ..
.
.
لازالت الأم صامتة ..
.
.
أخذت صورة من التقرير وخرجت من العيادة وهي لازالت تجر أقدامها ولين ممسكة بيدها ..
.
.
ركبت السيارة وهي لا تتكلم بل تنظر في الطريق وفي المارة وفي الإشارات ..
.
.
ولين تمسك بيد والدتها بقوة وتقول : ماما لا تخافين ترى فيه علاج وناس كثير مثل ماقالت الدكتورة تعافوا بإذن الله ..
.
.
حتى وصلوا البيت ..
.
.
صعدت الأم لغرفتها ..
.
.
لين : ماما ليش ماتتكلمين .
.
.
الأم : أتصلي على جوال أبوك بعلمه ..أتصلي ..
.
.
لين : يمكن مقفل ..
.
.
الأم : قلت لك فتح الجوال ..
.
.
أتصلت لين فإذا بالجوال يستقبل المكالمة ..
.
.
فرحت لين وأعطت والدتها السماعة ..
.
.
أخذت أبلة منيرة السماعة وأنتظرت ثواني وفي هذه الثواني كانت جنات تخبر عبد العزيز أن هناك أتصال نظر فوجد رقم زوجته الأولى ..
.
.
جنات : هذا رقم أم صالح
.
.
عبد العزيز : إيه ..
.
.
جنات بزعل : خايف عليأااا أرد ؟
.
.
عبد العزيز : لا لا ياعمري ردي خليها تعرف إنك زوجتي وقلبي وعيوني
..
.
.
أخذت جنات الجوال بدلع وردت : ألووووو
.
.
أبلة منيرة بإستغراب وهي تسمع صوت نسائي ناعم : آلو السلام عليكم ..هذا جوال عبد العزيز ؟؟؟؟؟؟؟؟؟؟؟؟
.
.
جنات : أيواااااااهذا موبايل عبد العزيز
.
.
ابلة منيرة بغضب: إنتي مين ؟؟
.
.
جنات : أنا مدام ..عبد العزيز ..
.
.
أبلة منيرة : زوجته ؟
.
..
جنات : أنا زوجته الجديدة ..
.
.
أبلة منيرة أعطت الجوال للين وهي لازالت غير مصدقة من كم المفاجآت ..!
.
.
لين : إنتِ مين كذابه إنتِ وحده شريرة لعابة حقيرة أكيد سارقه الجوال
.
.
أخذ عبد العزيز الجوال من زوجته وهو معصب: آلو
.
.
لين بشوق تريد أن تخبره عن أشياء كثيرة وعن مرض والدتها : بابا كيف حالك أشتقنا لك ...
.
.
الأب : عيب عيب كذا...ليش تقولين لخالتك حقيرة وتسبينها أسمعي هذي زوجتي على سنة الله ورسولة وعلمي أمك وقولي لها أبوي أعرس ...
.
لين وهي تبكي وترتجف : بابا...بس ..بس
.
.
عبد العزيز : لا بس ولا مابس ..أنا بجي الرياض بعد يومين بخلص أوراق المدام وبنتفاهم ..أشوفكم على خير ..مع السلامة
.
.
أنهى الحوار بسرعة وبشكل جاف كي يسعد قلب جنات ..
.
.

جنات بمكر : هذي حالهم وأنا بعد ماوصلت ع الرياض شحال لو رحنا بلادهم بيقطعوني ..
.
.
.
عبد العزيز : ماعاش الي يقطعك ...مايقدرون يلمسون ظفرك...
.
جنات وهي تنظر إليه بإعجاب: هدا عشمي فيك ياحبيبي ..إنت إنسان قوي بالزاف بالزاف
.
.
عبد العزيز وهو يضحك : أعجبك ياجناتي أنا عرفت الحب يوم عرفتك ..
.
.
إنه غارق في حلم ووهم جميل ..نسى وتناسى أنه رجل يحمل مسئوليات كثيرة لكنه ألغى كل شيء وتفرغ لأجل جنات وحب جنات وراحة جنات ..
.
.
وفي الجهة الأخرى منيرة ..لاتدري ماذا تفعل ..هي وأبنتها المسكينة ..
.
.
لازالت تحت سيطرة الصدمة كأنها في حلم ..
.
.
نظرت المديرة القديرة القوية للسماء ..وعيناها مليئة بالدموع وقلبها يخفق ..خائفة وحزينة كل المصائب والأحزان هجمت عليها هجمة واحدة .لكنها لا تفكر في نفسها بل تفكر في قلب لين الصغير على المشاكل والأمراض والهموم ....
.
.
.
نظرت في عيني لين التي أغرورقتا بالدموع فمسحتها بيديها وضمت أبنتها وأحتوتها فسمعت صوت خوفها وهلعها عليها وعلى مرضها وسمعت صوت دعوات روحها أن يشفيها الله لهم
.
.
وأخيراً شبكت يديها في يدي لين الحبيبة وكأنها تريد أن تقول لإبنتها إن تخلى عنا أهل الأرض فنحن لانرجوا سوى رحمة من في السماء ..
.
.
حِينْ أتآمَلْ اتسآعْ السمآء ،
ادركْ آن الضِيق سيتلآشىْ
وآبتسِمْ ؛
لآنِي أجزِم أنْ آلحِزن ابتلآء ،
وأن آلله إذآ أحَبْ قوماً ابتلآهِمُ. !

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 18-10-2012, 07:09 AM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


.
.
.
أحياناً تتفق المحن والمصائب لتأتي في توقيت واحد
.
.
قد تكون كل هذه الإمتحانات كالسماد للزرع تقويه وتفيده إذا عرف الإنسان كيف يستفيد منها ويجيرها لصالحه ...
.
.
وكذا كانت والدة لين ...مزجت حلاوة الصبر والإحتساب بمرارة المرض والمصائب !
.
.
لين : ماما الدكتور يقول لازم العلاج يكون سريع لازم واسطه في التخصصي ..
.
.
الأم : أعرف معلمة أخوها بيخلص أمورنا في التخصصي ..
.
.
لين : بس لازم نعلم أبوي ..
.
.
الأم : لين أنا وش قلت لك نسيتي أتفاقنا ..؟ أبوك ما أبيه يعرف أي شي عن مرضي ..
.
.
لين : طيب بتصل على خالتي لولوه ..أو خالي أبراهيم ..
.
.
الأم بغضب : لأ قلت لك لأ
.
.
لين : ليه طيب ..ماما الموضوع كبير ولازم أحد يوقف معنا
الحمل ثقيل لازم أحد يساعدنا ...
.
الأم : لأ يابنتي ..أنا خايفه خايفه خايفه يتشمتون فيني ..
.
.
لين : ليش هالمرض بالذات فيه شماته ..مايتحمل أحد يتشمت فيك والي بيتكلم وبيتشمت ربي بيبتليه بماهو أعظم ..
.
.
الأم(بصوت مرتفع) :أستغفر الله ..لا تقولين كذا الله لا يبلي مسلم ..
.
.
مر الأسبوع الأول ولين ووالدتها في مستشفى التخصصي تحاليل وأشعات ميموجرافي والترا ساوندوحتى الأشعة المقطعية والذرية ..
.
.
وفي العيادة حضر أربعة أطباء لمعاينة وعلاج منيرة ..
.
.
الأول طبيب السرطان ..والثاني للكيماوي ..والثالث للعلاج الإشعاعي ..والأخير هو الجراح الذي سيجري العملية ..
.
.
شرحوا لمنيرة خطة العلاج ..وأنها ستقوم أولاً بأخذ الكيماوي لتصغير حجم الورم ومن ثم أستئصاله وأخذجرعات كيماوي وآخيراً العلاج الإشعاعي ..
.
.
وأبتدأت خطة العلاج ومنيرة القوية تأخذ جرعات الكيماوي القوية التي كادت أن تقتلها فهي تستفرغ كثيراً وتنام كثيرا ً وتعاني كثيراً
.
.
فرافقت والدتها كظلها ..تواسيها وتداويها وتسهر معها تدهن جسمها الذي أصبح نحيلاً وتحدثها حتى طلوع الفجر ..
.
.
.
.
ظلت لين تعاني ولا أحد يعلم ..تخاف على والدتها كثيراً ..وتخاف على أخوتها كثيراً ..وتشتاق لوالدها الذي وصل الرياض ولم يكلمهم حتى الآن لإنه كان مشغول بتأثيث منزل جنات ..!
.
.
وفي اليوم الدراسي الأول ..أستيقظت منيرة بحماس وأيقظت أولادها ولين لازالت نائمة لإنها سهرت ترتب أغراض أخوتها المدرسية ..
.
.
لبست أبلة منيرة لباسها الرسمي ..وأيقظت لين ..
.
.
فتحت لين عيناها وقالت : ماما بتروحين الدوام
.
.
أبلة منيرة : لازم أروح ..
.
.
لين : ماما بس إنتِ تعبانه
.
.
أبلة منيرة : أنا مو تعبانه ولا فيني إلا العافية عملي هو حياتي هو دنيتي القى نفسي فيه مارح أروح العمل في حاله وحده بس ..
.
.
سكتت قليلاً ثم قالت : إذا مت ..
.
.
لين وهي تقوم من فوق السرير : بسم الله عليك يمه ألف بعد الشر عليك ..
.
.
ذهب الجميع لدواماتهم ..وابلة منيرة دخلت مدرستها فدمعت عيناها عندما شاهدتها لأول مرة بعد مرضها تذكرت قوتها وجبروتها وسطوتها في تلك الفصول ..تخيلت الساحة الكبيرة وهي تمشي وكأنها ملكة متوجة داخلها تعلم هذه وتلك ..
.
.
هي المديرة ..والمسئولة كانت تقول في نفسها ربما ظلمت أحداهن فدعت علي ..كنت شديدة على الجميع لا أرضى بأنصاف الحلول أحاسب الجميع وأعاقب المخطأ ..وولا بد من القوة والنظام وإلا كيف حازت تلك المدرسة على المركز الأول من وزراة التعليم ..
.
.
دخلت مكتبها وهناك المفاجأة ..وجدت تورتة كبيرة مكتوب عليها إلى المعلمة الفاضلة مديرة المدرسة أبلة منيرة ألف بعد الشر..
.
.
ووجدت المعلمات مجتمعات يسلمون عليها ويسألون عنها ..
.
.
كانت ترتدي إيشارب أسود على رأسها الخالي من الشعر ..وبدت كأنها إنسانة أخرى مخلوقة ضعيفة نهشها السرطان والكيماوي ..
لكن موقف المعلمات ووقفتهم معها أعادت لها شيئاً من القوة والثقة والراحة النفسية وهذا العلاج النفسي والدعم الإنساني أهم من الكيماوي والإشعاعي في محاربة السرطان ..!
.
.
ذهبت للفصول والطرقات وهي مرفوعة الرأس بروح عالية حتى وصلت الساحة الكبيرة خرجت إليها وأستنشقت كمية كبيرة من هواء الصباح ونظرت للشمس وكأنها تبتسم لها فبتسمت لإن الشمس تشرق كل يوم بأمل جديد وروح جديدة ..
.
.
رجعت البيت وهي راضية بل سعيدة ..
.
.
وعادت تمارس حياتها بشكل طبيعي ..
.
.
وهذا ما أشعر لين بالراحة النفسية والسعادة الداخلية فوالدتها تحارب السرطان يوماً بعد يوم وتكاد تنتصر عليه لو نفسياً وفي زيارتهم الأخيرة للطبيب أخبرهم أن الورم صغر كثيراً عن السابق وحدد لهم موعداً للعملية ..
.
.
لين تتعلم كل يوم من صبروالدتها على المرض تتعلم من جرح والدها لهم تفكر في لغز رجل الظلام تعلمها الحياة دروس بالمجان
.
.
..
لكن الإنتظار والترقب والخوف ..يسيطرون عليها..
.
.

ولا زال هذا الصدر يكتم سر والدتها ووالدها ..ولكن هل ستصمد كثيراً أم سيضيق هذا الصدر من ثقل السر ويبوح بما فيه..!
.
.
.
الحَيّاة هِيّ الإختِبّار الوَحيد المكْشُوفّة أوراقِه , تُربيِنّا و تُعلمنّا و تُهدينّا تجْربّة ..
الحَيّاة تُرينّا بأعيِننّا ما فِيها من خَير و شَر , و تَجعلنّا نواجِه مُختَلّف البَشّر من صَديقْ و عَدّو ..
الحَيّاة جَمّال عندما نُريدها تكُون جَميلّة , و ألمٌ عندّمّا نريدُهّا تكُون مُؤلمّة ..
الحَيّاة مَدٌ و جَزْر , لا تَبْقّى عَلّى حال , و هَذآ أحد أعْظم مَا يُميزهّا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 18-10-2012, 09:01 PM
أحلى ذاآت أحلى ذاآت غير متصل
©؛°¨غرامي جديد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


السلام عليكم
الروااية حلوة وجميلة اتمنى تكملينها
متااابعتك ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 19-10-2012, 06:24 AM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


اقتباس:
المشاركة الأساسية كتبها أحلى ذاآت مشاهدة المشاركة
السلام عليكم
الروااية حلوة وجميلة اتمنى تكملينها
متااابعتك ان شاء الله



وعليكم السلام

تسلمي من ذوقك ...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 19-10-2012, 06:26 AM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


.
.
.
دائماً الأم تخاف على أبنائها وأحياناً من غير مبرر وأبناء أبلة منيرة هم كنزها الغالي الذي لاثمن له ..!
.
.
كانت تخبأ سلسلة مفتاح السطح في خزانة المجوهرات ..!!
.
.
لين : ماما ليش مفتاح السطح هنا ؟
.
.
الأم : ممنوع الإقتراب من السطح ..
.
.
لين : ماما حسستيني إن فيه قنبلة موقوتة ولا لغم حربي.! ليش ماما ليش
.
.
الأم بصوت مرتفع : من غير ليش فاهمة بعدين ترى اليوم نتيجة التحاليل قولي الله يسمعنا خير ..
.
.
لين : ماما قالوا لنا غدد في الصدروأخذوا منها شوي بالإبرة وإن شاء الله خير لا تكبرين الموضوع ...
.
.
الأم : والمكتب كلمته اليوم يقول الشغالات بعد أسبوعين إن شاء الله
.
.
لين : وبابا ..
.
.
الأم : أتصلت الصبح عليه شغل جهازه بس مارد
.
.
لين :يس ... الحمد لله إنه شغل الجهاز
.
.
.
الأم وهي ترتب غرفتها: قومي سوي همبرجر لأخوانك وأقلي بطاطس ..
.
.
ذهبت لين للمطبخ وهي تفكر في المتعب ..رجل الظلام ..من عساه يكون ؟
.
.
وبعد إنهاء وجبة أخوانها ذهبت للنت فوجدت رجل الظلام متصلاً فبادرته بالسلام ..
.
.
لين : السلام عليكم
.
.
رجل الظلام : هــلا ..
.
.
لين : ليش ماتقول وعليكم والسلام
.
.
رجل الظلام : كيفي المهم أرد لو بكلمة ...هذي فلسفتي في السلام
.
.
لين : بس إذا حييتم بتحية فحيوا بأحسن منها ..
.
.
رجل الظلام : بدينا في المثالييات ..ترى أنا إنسان غير مثالي طيب أوكي
بعدين غريبة أول مره تبدين بالسلام ..والي يبدأ بالسلام هو صاحب الحاجه ..!
.
.
لين بتهكم : صاحب الحاجه أي حاجة ؟ هذي بعد من فسلفة السلام عندك ..
.
.
رجل الظلام : ههههههههه في النهاية شكلي بدرج فلسفاتي في كتاب ..
وأعرف وش تبين تسألين ؟؟ودك تعرفين أنا من مين صح؟
.
.
لين : برافوا عليك ..
.
.
رجل الظلام : أنا متعب ولد جيرانكم
.
.
لين : أي جيران ؟؟
.
.
رجل الظلام : أقرب جيران لكم ..وحنا أول من سكن هذي الحارة
.
.
لين : وش لون فلتكم ..
.
.
رجل الظلام : لونها بني غامق وعليها حجر قديم بني فاتح وفي الحوش ست نخلات ..واليوم أبوي زرع شجرة منقا ..
.
.
لين : منقـا في الرياض ؟؟ تصدق ماعرفت البيت ..أنا ما أدقق ! وبصراحة أشك في كلامك
.
.
رجل الظلام : والله هذي مشكلتك...قلت لك أشبه ناصر القصبي ماصدقتي قلت لك ولد جيرانكم ماصدقتي ..قلت لك شوفيني هاوشتي ..
.
.
لين : كيف أشوفك ؟
.
.
رجل الظلام : ممكن تشوفيني في الشارع ..مثلاً نتفق على وقت وأفتحي الشباك
.
.
لين : أنت ماتفهم حنا ناس محافظين وممنوعه عندنا هالحركات وقلة الحيا والمصخرة ..!
.
.
رجل الظلام : مصخرة إيش أنا بس أبيك تتأكدين لا أكثر ولا أقل ..!
.
.
لين : أسمع أمي تناديني عندها موعد مهم في المستشفى
.
.
رجل الظلام : وش فيها سلامات ..
.
.
لين : عندها موعد تحاليل وأشعة ..
.
.
رجل الظلام : الله يعافيها بشرينا عنها ..
.
.
لين : مع السلامة ..
.
.
نزلت لين بعد العصر وقد أرتدت عبائتها وأخذت حقيبتها مسرعة فوجدت والدتها تجر أقدامها وهي تلبس عبائتها ..
.
.
لين : ماما ترى شكلك خايفه ..ذكرتيني بنفسي وأنا أنتظر نتيجة الثانوية العامة
.
.
الأم : لا موخايفة ولاشي ..قومي يالله مانبي نتأخر ..
.
.
ذهبت للمستشفى ..ودخلت غرفة إنتظار السيدات وبعد دقائق قدمت الممرضة تنادي : منيرة محمد سعد..منيرة محمد سعد
.
.
نظرت لين في والدتها التي كانت تسرح بخيالها بعيداً وأخبرتها أنهم ينادون عليها فذهبت للطبيبة
.
.
بعد أنا جلستا أمام الطبيبة ..
.
.
الطبيبة وهي تفتح ظرف أبيض كبير : لا إن شاء الله مافيش إلا كل شي خير
.
.
قرأت الظرف والتقرير فتحولت ملامح وجهها ونظرت في الأم ولين وقالت : وين زوجك سيدة منيرة ؟
.
.
منيرة : زوجي مسافر ...
.
.
الطبيبة : متى بدوه يرجع ..
.
.
منيرة : ماندري سفرته هذي كانت مفاجأة وتأخر ..
.
.
الطبيبة : طيب وين الوالد بعد موجود ..
.
.
منيرة بقلق: لأ أبوي الله يرحمة متوفي ..ليش ؟
.
.
الطبيبة : ماعنك أخ ؟
.
.
منيرة : ليش كل هالأسئلة ؟؟
.
.
الطبيبة : لأنو بدي يكون موجود معنا
.
.
لين : أخوالي كلهم مشغولين وأبوي مسافر مايصير نعرف النتائج ؟
.
.
الطبيبة : ما أحبذ إنه تعرفوا حتى يجي ولي أمر ..
.
.
لين : ولي أمر؟؟ ليش حنا في مدرسة ..؟
.
.
الأم : أنا يادكتورة مديرة مدرسة ومؤمنة بالقضاء والقدر وبطريقتك هذي تروعين المريض أكثر وتخليه يصر على معرفة التحاليل ..!
.
.
الطبيبة : طيب أنا بدي أقرأ لك النتائج ..وبنتك موجوده معنا تبين لنا من التحاليل إنك مصابة بورم في الثدي طوله تلاته سم وبتذكري إنه أخذنا خزعة من الثدي وتبين إن الخلايا يالي فيه خلايا متغيرة
.
.
لين وقلبها يخفق بشدة : متغيرة يعني إيش ..
.
.
الطبيبة : متغيرة يعني سرطانية
.
.
أبلة منيرة متفاجئة لا تتكلم ..
.
.
لين : طيب وفيه علاج ..
.
.
الطبيبة : يعتبر الورم تلاته سم متوسط ولازم تتحول للتخصصي بسرعة وفيه علاج أكيد كتير تعالجوا وشفوا بنسبة مية بالمية بس بدكون تعجلوا مابتتأخر الحالة لحتى ماينتشر ..
.
.
لازالت الأم صامتة ..
.
.
أخذت صورة من التقرير وخرجت من العيادة وهي لازالت تجر أقدامها ولين ممسكة بيدها ..
.
.
ركبت السيارة وهي لا تتكلم بل تنظر في الطريق وفي المارة وفي الإشارات ..
.
.
ولين تمسك بيد والدتها بقوة وتقول : ماما لا تخافين ترى فيه علاج وناس كثير مثل ماقالت الدكتورة تعافوا بإذن الله ..
.
.
حتى وصلوا البيت ..
.
.
صعدت الأم لغرفتها ..
.
.
لين : ماما ليش ماتتكلمين .
.
.
الأم : أتصلي على جوال أبوك بعلمه ..أتصلي ..
.
.
لين : يمكن مقفل ..
.
.
الأم : قلت لك فتح الجوال ..
.
.
أتصلت لين فإذا بالجوال يستقبل المكالمة ..
.
.
فرحت لين وأعطت والدتها السماعة ..
.
.
أخذت أبلة منيرة السماعة وأنتظرت ثواني وفي هذه الثواني كانت جنات تخبر عبد العزيز أن هناك أتصال نظر فوجد رقم زوجته الأولى ..
.
.
جنات : هذا رقم أم صالح
.
.
عبد العزيز : إيه ..
.
.
جنات بزعل : خايف عليأااا أرد ؟
.
.
عبد العزيز : لا لا ياعمري ردي خليها تعرف إنك زوجتي وقلبي وعيوني
..
.
.
أخذت جنات الجوال بدلع وردت : ألووووو
.
.
أبلة منيرة بإستغراب وهي تسمع صوت نسائي ناعم : آلو السلام عليكم ..هذا جوال عبد العزيز ؟؟؟؟؟؟؟؟؟؟؟؟
.
.
جنات : أيواااااااهذا موبايل عبد العزيز
.
.
ابلة منيرة بغضب: إنتي مين ؟؟
.
.
جنات : أنا مدام ..عبد العزيز ..
.
.
أبلة منيرة : زوجته ؟
.
..
جنات : أنا زوجته الجديدة ..
.
.
أبلة منيرة أعطت الجوال للين وهي لازالت غير مصدقة من كم المفاجآت ..!
.
.
لين : إنتِ مين كذابه إنتِ وحده شريرة لعابة حقيرة أكيد سارقه الجوال
.
.
أخذ عبد العزيز الجوال من زوجته وهو معصب: آلو
.
.
لين بشوق تريد أن تخبره عن أشياء كثيرة وعن مرض والدتها : بابا كيف حالك أشتقنا لك ...
.
.
الأب : عيب عيب كذا...ليش تقولين لخالتك حقيرة وتسبينها أسمعي هذي زوجتي على سنة الله ورسولة وعلمي أمك وقولي لها أبوي أعرس ...
.
لين وهي تبكي وترتجف : بابا...بس ..بس
.
.
عبد العزيز : لا بس ولا مابس ..أنا بجي الرياض بعد يومين بخلص أوراق المدام وبنتفاهم ..أشوفكم على خير ..مع السلامة
.
.
أنهى الحوار بسرعة وبشكل جاف كي يسعد قلب جنات ..
.
.

جنات بمكر : هذي حالهم وأنا بعد ماوصلت ع الرياض شحال لو رحنا بلادهم بيقطعوني ..
.
.
.
عبد العزيز : ماعاش الي يقطعك ...مايقدرون يلمسون ظفرك...
.
جنات وهي تنظر إليه بإعجاب: هدا عشمي فيك ياحبيبي ..إنت إنسان قوي بالزاف بالزاف
.
.
عبد العزيز وهو يضحك : أعجبك ياجناتي أنا عرفت الحب يوم عرفتك ..
.
.
إنه غارق في حلم ووهم جميل ..نسى وتناسى أنه رجل يحمل مسئوليات كثيرة لكنه ألغى كل شيء وتفرغ لأجل جنات وحب جنات وراحة جنات ..
.
.
وفي الجهة الأخرى منيرة ..لاتدري ماذا تفعل ..هي وأبنتها المسكينة ..
.
.
لازالت تحت سيطرة الصدمة كأنها في حلم ..
.
.
نظرت المديرة القديرة القوية للسماء ..وعيناها مليئة بالدموع وقلبها يخفق ..خائفة وحزينة كل المصائب والأحزان هجمت عليها هجمة واحدة .لكنها لا تفكر في نفسها بل تفكر في قلب لين الصغير على المشاكل والأمراض والهموم ....
.
.
.
نظرت في عيني لين التي أغرورقتا بالدموع فمسحتها بيديها وضمت أبنتها وأحتوتها فسمعت صوت خوفها وهلعها عليها وعلى مرضها وسمعت صوت دعوات روحها أن يشفيها الله لهم
.
.
وأخيراً شبكت يديها في يدي لين الحبيبة وكأنها تريد أن تقول لإبنتها إن تخلى عنا أهل الأرض فنحن لانرجوا سوى رحمة من في السماء ..
.
.
حِينْ أتآمَلْ اتسآعْ السمآء ،
ادركْ آن الضِيق سيتلآشىْ
وآبتسِمْ ؛
لآنِي أجزِم أنْ آلحِزن ابتلآء ،
وأن آلله إذآ أحَبْ قوماً ابتلآهِمُ. !

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 19-10-2012, 07:26 AM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


.
.
.
.
كانت الأم تصارع المرض مع أبنتها البكر لين ....ويبدو أنها ستنتصر عليه ..بإذن الله
.
.
في الوقت الذي كان الاب غافل عن أسرته وأهله وزوجته ..!
.
.
كان منصرف بالكلية لزوجته الثانية جنات ..فقد أشترى لها قصراً مصغراً وأثثه بالكامل من أفخم بيوت الأثاث التي طالما طلبت منيرة منه أن يأثث بيتها منها ..!
.
.
عند دخولة الإستراحة بعد غيبة طويلة رحب به الجميع ...
.
أما صديق الإستراحة المخلص منصور يبدو غير سعيد أو غير مبالي لكنه سلم على صديقه وقال : ماشاء الله تبارك الله والله وطلع لك كرش ياعبد العزيز ..شكلك مرتاح أي بالله هالحين مرتاح
.
.
عبد العزيز ضاحكاً : هذي الكرش طلعت بسبب وصفاتك يالحبيب ..
.
.
منصور : هاه وش رآيك بالمغرب ؟
.
.
عبد العزيز : بصراحة ما ألومك يوم إنك كل فتره وفتره تزرق لهذيك الديره الزوينة
.
.
منصور : زوينة ؟ وصرت تحكي مغربي ماشاء الله ..
.
.
عبد العزيز : ياحليلك ولا آكل إلا أكلات مغربية بعد ...!
.
.
.
منصور : وأبو آمنة شلونه ..؟
.
.
عبد العزيز :أبو آمنة مين ؟ ماشفته أنا تزوجت بنت راعي أول بيت دخلته ..
.
.
منصور : ماعنده إلا بنت وحده مطلقة ؟؟؟!!!!
.
.
عبد العزيز : إيه هي الي تزوجتها ...
.
.
منصور : اهاااااااااااا وراك ماعلمتني ..
.
.
عبد العزيز :ليش ناوي تصير مأذون هههههههه ياشيخ أرتحت لهم وربك كاتب نصيبي عندهم ..
.
.
بعد هذا الحوار بدقائق خرج منصور من الإستراحة وكأنه مشغول ومهموم ..لكن لا أحد يعلم لماذا ....؟؟
.
.
أما والدة لين فخرجت من المستشفى وقد طمأنهم الطبيب بإنهم سيطروا على المرض تقريباً وأن العملية ناجحة بنسبة 95%...
.
.
ولين كانت سعيدة بذلك ..
.
.
الأم : الحمد لله أولاً وأخيراً العافية من عند الله
.
.
لين : قلت لك يمه كثير ناس تعافوا من السرطان ..هالحين الحمد لله العلاج غير عن أول يقول لك كل سنة والعلاج يتطور ..
.
.
الأم : يارب يارب يكتشفون علاج أبرد وأهون من هالكيماوي حرق جسومنا ..وكل ماشفت بزر يآخذ كيماوي قلبي يعورني عليه كيف يتحمل جسمه موية النار ...
.
.
لين : موية النار ؟؟
.
.
الأم : الكيماوي يابنتي موية نار تحرق الجسم كله..! الله لا يكتبه على حبيب ولا على قريب ولا على مسلم ..
.
.
لين تحتضن والدتها بقوة وهي تنظر لها بفخر إنها جندية منتصرة ..حقاً لقد غيرها المرض ورقق قلبها كثيراً تجربة صعبة وأيام حزينة ومصيبة جلت قلبها فتركته أبيضاً ناصعاً ..
.
.
بعد أيام سجلت لين دخول في النت ...
.
رجل الظلام : وين الناس ..أول شي بشرينا عن الوالده ..
.
.
لين : الحمد لله بخير ..طيبه الحين ..أحسن من أول بكثير
.
.
رجل الظلام : الحمد لله ..الحمد لله
.
.
لين : كنت بسألك سؤال ..
.
.
رجل الظلام :تفضلي ..!!!
.
.
لين : إنت جيت المستشفى يوم عملية أمي ؟
.
.
رجل الظلام : هاه ..؟ لأ لأ ؟؟ ليش ؟؟
.
.
لين : طيب أنت تشتغل هناك ؟؟
.
.
رجل الظلام : لأ ياشيخة ههههههههه قصدك دكتور ..ولا ممرض
.
.
لين : شفت واحد يشبه ناصر القصبي تصدق ..!
.
.
رجل الظلام : طيب يمكنه هو يسجل حلقات من مسلسل 39 درجة !
.
.
لين : قصدك 37 درجة ..
.
.
رجل الظلام : 39 أو 37 كله واحد
.
.
لين : لأ بس 37 درجة حرارة الإنسان الطبيعية
.
.
رجل الظلام : أحد قالك إني إنسان هههههههههههه بعدين يمكن شبه عليك أو شي يمكن إنه فعلاً يشبه ناصر القصبي على فكرة مدير مستشفى الملك فيصل التخصصي من بيت القصبي ..!
.
.
لين : صدق ؟
.
.
رجل الظلام : والله ..أقول أتركينا من هالموضوع ..وش أخبار العريس ؟
.
.
لين : أي عريس ؟
.
.
رجل الظلام بسخرية : البابا ..
.
.
لين : تقصد أبوي ..ايه والله ماندري عنه للحين ماكلمنا ولاشي ..
.
.
رجل الظلام : ما ألومه ..مشغول مع زوجته القمر ..
.
.
لين : قمر مكسوف مخسوف ..الله يآخذها ..
.
.
رجل الظلام : ليش الغيرة يعني هي الى جرت ورى أبوكم هو الي تعنى وراح ليييين بلادها آخر الدنيا عشان يتزوجها ..خلينا عادلين شوي بعدين هذي بتصير أم لأخوك ..
.
.
لين : لاااااااا إن شاء الله ..وأستدركت قائلة : ليش هي حامل ؟؟؟؟؟
.
.
رجل الظلام : الله أعلم ..
.
.
لين : ماتلاحظ إنك تعرف كل أخبارنا ..وأسامينا وحتى مصايبنا وحنا ماندري من إنت ؟تعرف كل أسراري ومشاكلي وأنا ما أعرف عنك شي تعرف أمي وأبوي وأنا ما أعرف أحد من أهلك ولا حتى إن كانوا ميتيتن ولا عايشين ..
.
.
رجل الظلام : البنات يالين كذا يتكلمون كثير ويسولفون بعشوائية يفضحون أنفسهم ..ينكبون العفش ويفلون كل الشريط ..وصدقيني هذا غباء منهم ..ويمكن يضرون أنفسهم من حيث لا يعلمون
.
.
لين : بس أنا أرتحت لك وماعندي أحد أشتكي له وأسولف له غيرك أو بالأحرى ما آحد يسمع لي غيرك وشي ثاني إنت تعرف أِشياء كثيرة عني بعد ماعلمتك عليها إنت علمتني ..!
.
.
رجل الظلام : هههههههههه يعني قصدك إني عراف ولا ساحر أسمعي الشباب كذا ذياب مع إني أكره الذيب كره العمى وماتعرفين لهم طريق وبعدين قلت لك إني أشبه ناصر القصبي ماصدقتي ليش أعلمك عن أشياء ثانية ..!
لإنك ياعزيزتي ببساطة مارح تصدقين
.
.
لين : لا لا بصدق ..
.
.
رجل الظلام : أنا متعب رجل الظلام ..ولد جيرانكم أقرب جيران لكم ..وقلت له شوفيني تأكدي
.
.
لين : كيف أشوفك؟؟
.
.
رجل الظلام : أنا أكتشتفت إن مابيننا وبين بيتكم غير جدار ..إسمعي وش رآيك أنط لسطح بيتكم وإنتِ أطلعي السطح ..
.
.
لين : السسسسسسسسسسسسسسطح لالا ..
.
.
رجل الظلام : ليش لأ ؟
.
.
لين : سطحنا له قصة طويلة عريضة ..وماما مانعه ومحذرة ومسوية حضر تجول فيه .
.
رجل الظلام : أسرائيل هو ؟ لين أسمعيني إنتِ قلبك قوي ..وتعرفيني يعني واثقة فيني ..صح ولا مو صح ..؟وبعدين هذا سطح بيتكم ماقلت لك أطلعي سوق ولا كوفي ولا خرابيط
.
.
لين بتردد : وش بيجيبك السطح ؟ حرامي على غفلة !!
.
.
رجل الظلام : خلينا نسوي آكشن في حياتنا ولو مره ...أنا بقفز قفز مظلي خخخخخ ..وبوقف شوي يوم الخميس في الليل ..وإنتِ أطلعي الساعة عشرة تقريباً ..
.
.
لين : طيب يمكنه مو بيتنا ..يطلع بيت ناس ثانيين وحنا ولا جيرانكم ولا هم يحزنون ..
.
.
رجل الظلام : معليش خلي هذي علي
.
.
لين : والله مآدري بشوف على حسب الشجاعة ..ايه صح نسيت أمي مخبيه المفتاح في التجوري ..!
.
.
رجل الظلام : لين والي يرحم أمك وأبوك وش هالسبب السخيف تقدرين تجيبينه
.
.
لين : ما أوعدك بس بحاول ..
.
.
لين تغلق الجهاز وهي تقول في نفسها نعم أحب المغامرة وأكنت أبحث عنها وهاهي تأتي إلي مرغمة بل طائعة ذليلة وودي بعد أشوف الشخص الي يسمع لي وينصحن وكنت معجبه في كتاباته وفي غموضه ولا زلت!
.
.
.
الأشخَآصُ القرِيبينَ جدّآ - خَآصة ’ الذِينَ نَحتَفظ بِـ صُوّر ثآبتة لَهمْ ’ أبدَآ ..
وَ بِـ حُبٍ وَآحِد وَ صآدقْ ..
الذِينَ نَعرِف ردّآتَ فعلهِمْ حتّى قبَل أنْ نفعَل ..!
الذينَ لديهِم ْدآئمَآ مكآنُ لإسِسِتِقبَآلنآ ..
الذينَ يَعرفوِنَ ممآ نَحزَنْ وَ ممآ نَشكوِ ؟
وَ يعرفوِنَ كَيفَ يُؤلمَنآ بَعضُ الغِيَآب !
فَـ يُضمّدونَ فينَآ الجِرَآحَ قَبلَ أنْ نَآتيْ ..
الذِينَ يَعلمُوِنَ كَيف نَفرحْ ؟
وَ بِـ رُؤيَتِهمْ نُدرِكٌ سِعَة العَآلَمْ ..

هَؤَلآء لآ يُغفَرٌ غِيَآبٌهمْ أبدَآ
؟
؟
؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 19-10-2012, 07:28 AM
صورة brood asab الرمزية
brood asab brood asab غير متصل
©؛°¨غرامي مجتهد¨°؛©
 
الافتراضي رد: ياصاحبي بسألك هو شان الزمن ولا البشر طبعهم شان؟ / بقلم المصممه


.
.
.
الكــل مشغول في هذه الدنيا ..ولكن أيعقل أن ينشغل أب عن أبنائه لفترة طويلة ولا يسأل عنهم ..!
.
.
والسبب هو زواجه من ثانية ..!
.
.
هكذا كانت تفكر لين إذ لم يغيب طيف والدها عن بالها دقيقة ..!
.
.
والأب منشغل مع جنات التي بشرهم الطبيب بحملها ..
.
.
عبد العزيز : الحمد لله ياجنات كنت خايف عليك لكن ارتحت هالحين مبروك الحمل مبروك
.
.
جنات : الله يبارك فيك حبيبي
.
.
عبد العزيز : تدرين ياجنات مع إني أب وعندي أولاد بس أشعر بإن هذي أول مره أصير فيها أب !يمكن لإني أحب أمه ...؟؟
.
.
جنات : ليش حبيبي إنتا مكنت بتحب أم صالح ..
.
.
عبد العزيز : أحبها بس حب مختلف عن هذا الحب ..كنت صغير وفيني فورة الشباب يووه كنت غشيم وسلمت أمري كله لها ..وكنت برضى بأي وحده بس كنت بتزوج وبس
.
.
جنات : ليش هيا وحشه كتير..
.
.
عبد العزيز : لأ بالعكس ..كانت جميلة جداً بس الحمل والولادة وكثرة التسقيطات والعمل والمسئوليات هدتها وغيرت كثير في شكلها والجمال مايدوم ..
.
.
جنات بزعل : خلص ديالي تتكلم في أم صالح ..
.
.
عبد العزيز مقاطعاً : ياعمري إنتِ تسأليني ..عارفه إنتِ غير غير وحبك غير إنتِ كنزي أحبك ياجنات حب الرجل الأربعيني الي وجد ضالته بعد بحث طول عمره يحلم فيه مستعد أضحي بعمري بمالي بكل شي عشانك ..صرت في هالعمر أقدر المرأة أقدر كل شي حتى الحب ...غير عن أول
.
.
أوصلها للبيت وذهب لإستراحة الهنـا ..
.
.
وعند البوابة وجد خان شليل الحارس القديم يبكي ..!
.
.
عبد العزيز :خـان سلمات وش فيك تبكي..؟
.
.
خان شليل : هذا نفر جيب حارس سوداني وكلام إنتا خلاص روه دور شغل تاني أنا تعبان وين دور شغل أنا فيه ضغط فيه سكر فيه أولاد كسير في بومباي..
.
.
عبد العزيز : لا تبكي ولا شي ..إنت لك معنا سنين من يوم عرفت الإستراحة وأنا أعرفك ..لكن السوداني عصمان طباخ ويضبط الشاي وهالحين الربع يبون كركدية وسحلب وتمر هندي تطوروا وعصمان كان عند أمير ويعرف كل شي ..
.
.
خان شليل : أنا مايحب هذا نفر سوداني
.
.
عبد العزيز : أسمع أنا بشغلك حارس في بيتي الجديد ..وش رآيك؟؟
.
.
مسح خان شليل دموعه وكاد عقله أن يطير من شدة الفرح ..
.
.
وعبد العزيز دخل الإستراحة ..
.
.
حضر الجميع ومنهم مقرن صديق عبد العزيز ومنصور ..
.
.
وعندما دخل عبد العزيز جلس منصور قليلاً وخرج مسود الوجه وكأنه حزين ..!
.
.
مقرن : وش في منصور متغير هالأيام ..؟
؟
؟
عبد العزيز : والله مدري ..؟ يمكن عنده مشكله مو هذي عوايده ..!
.
.
مقرن : له كم يوم ماش ماهوب تمام..!
.
.
أنتهى السمـر وذهب الجميع ,..
.
.
أما عبد العزيز فكان يحمل هم أن يذهب لبيته الأول وبالفعل ذهب وحاول أن يفتح الباب فوجده مغلق من الداخل بالمزلاج ..
.
.
رن جرس البيت فردت عليه لين ..التي طارت مثل الحمامة تبشر والدتها بقدوم والدها بعد كل هذه الفترة الطويلة
..
.
.
لين : ماما ..ماما ..بابا جا بابا يدق الباب ..
.
.
الأم وهي حزينة تنظر في لين : طيب طيب أفتحي له بس لا يطلع هنا قولي له أمي تقول لا تطلع ولا أقول لا تقولين له شي هو بيفهمها ومارح يطلع لو أنا مانزلت
.
.
لين : ماما بس بس
.
.
الأم : لين لا بس ولا مابس أنا تعبانه وعلى فراش المرض وأبوك تزوج ماعلمني ولا رضاني ولا كلمني كلمة واحدة وبكل سهوله أنزل..ما أبيه يظفر فيني ..لا يشوفني ولا أشوفه ..أصلاً مآقدر أقوم من السرير العملية توها مابردت ..!
.
.
وإذا بالباب يطرق بشدة ..
.
.
الأم : أنزلي أفتحي له وشوفي وش عنده يمكن بيسلم عليكم ..يالله لا تتأخرين لا تلطعينه عند الباب ..!!
.
.
خرجت لين مسرعة وأكتست فرحتها بقدومة كآبة وحزن بعد موقف والدتها ..!
.
.
فتحت الباب ..ولم تنظر في عين والدهـا ..
.
.
سلمت عليه ببرود ..ودخل الصالون ..
.
.
الأب: وش فيكم لاطعيني ساعة وأنا أدق ماحد فتح لي ..
.
.
لين : ماندري إنك جاي ..طيب كان أتصلت علينا علمتنا عطيتنا خبر ؟
.
.
الأب : ماشاء الله أعطيكم خبر ؟ ليش غريب أنا ؟ هذا بيتي أجيه وقت مآبي ..
.
.
لين : بابا حنا لوحدنا في البيت ..أنا وأمي واخواتي وصلوحي ..أمي تخاف علينا حتى من السواق تخاف تعرف أمي وحرصها
.
.
الأب: وينها هي الحين أكيد ترتب أوراق إدارتها ..!!
.
.
لين : أمي مارح تنزل ..
.
.
الأب: سبحان الله كنت عارف هالشي ومتأكد منه زين ..هذي حركاتها السقيمة ..ليش كل هالحقد عشان تزوجت مو خالك حمد تزوج ومآحد قال شي ..
.
.
لين : خالي حمد تزوج لإن خالتي فاطمة ماتبيه ..جاتها حالة نفسية ومع ذلك علمهم ورضاها قبل يتزوج وتزوج وحده معروفة وكبيرة ومحترمة مو بنت صغيره قد بنته ..!
.
.
الأب: ماشاء الله يالين ..والله وصرتي تعرفين تردين أكيد هذا الي تعلمتيه من مديرة المدرسة الفاضلة المربية ..المتكبرة المتجبرة ..
.
.
لين : بابا لا تغلط على أمي لو سمحت ..لإنها تغيرت كثير ..
.
.
الأب: تغيرت ههههههههههههههه أكيد تغيرت ماغيرها إلا الحرمة الثانية جت فوق راسها ؟ نسيتي يوم تهزئني وتهزئك ولا أحد يدافع عنك إلا أنا وهالحين توقفين معها ..خليها تتعلم ..
.
.
وهم يتحدثون كانت منيرة تستمع للحوار ..وآرادت أن تنزل للصالون وتتكلم مع عبد العزيز وتدافع عن نفسها لكنها لم تكن تريده أن يرى مرضها وشكلها وتعبها ..
.
.
ومع كلامه وهجومه عليها أمام أبنتها ..فجأة نزلت منيرة وهي تلبس عبائة الرأس مغطية وجهها بالكامل ..!
.
.
منيرة : حمد الله على السلامة ياعريس ..
.
.
عبد العزيز وهو مستغرب من شكلها وعبائتها : الله يسلمك ..
.
.
منيرة : سمعت كل الكلام الي قلته للين ..ولا بناقشك ولا في شي ولا بدافع عن نفسي مع إني أقدربس بسألك سؤال من هي الي جات على راسي ..؟؟
.
.
عبد العزيز صامت ..
.
.
منيرة بإنفعـــــال شديد : علمني من هــي علمني يالله ؟
.
.
عبد العزيز صامت ولين تبكي بصمت ..
.
.
منيرة : تقصد زوجتك صح ..
.
.
عبد العزيز : إيه نعم زوجتي الثانية ..
.
.
منيرة : هذا إذا كنت أنا زوجتك الأولى يمكن تقدر تقول جت على راسي بس أنا بطلب الطلاق والإنفصال منك يعني لا أنا زوجتك ولا أنت زوجي هي الثانية والأولى والأخيرة ....وأنا يكفي إني طلعت من هالدنيا بلين وصالح وصفا ومروة وغيرهم خلاص مآبي من هالدنيا شي وماعاش ولا بيعيش الي يطلع على راسي ويهين منيرة ...!
.
.
عبد العزيز :أنا زوجك وابو عيالك ..غصباً عنك والبيت هذا بيتي..
.
.
منيرة : لا تتكلم عن البيت ,,البيت هذا بالذات أنا الي شريته من فلوسي وساهمت فيه أكثر منك ولو سمحت تطلع منه الحين من غير مطرود ..
.
.
عبد العزيز : هذا أسلوبك وهذي أخلاقك ..أنا طالع طالع من غير شر ..ولا عاد بتشوفون وجهي ..!
.
.
منيرة : حسبي الله ونعم الوكيــل عليك وعلى كل رجال ظالم ..حسبي الله ونعم الوكيل عليك
.
.
خرج عبد العزيز وأقفل الباب بصوت عالِ أرتج كل البيت من قوته .... ومنيرة تبكي وقد أرتفع ضغطها ..
.
.
لين : ماما أكشفي أكشفي وجهك ..ماما ليش نزلتي رفعتي ضغطك والدكتور قال لا تتحركين ..
.
.
الأم : كنت أسمعه وش يقول وعاضه على شحمة وساكته ....وكل شي يهون إلا الإهانة ما أسمح لأي شخص يهينني أنا يالين أهلي ربوني على العزة والكرامة لو ماقلت له هالكلمتين كان مت من القهــر ..أي أي لين شوفي الجرح تحت يدي مكان أستئصال الغدد أي لين يعورني
.
.
لين وهي تنظر للجرح : ماما الجرح ينزف يدك كلها دم ..لازم نراجع المستشفى لو طواريء
.
.
أتصلت على خالها أبراهيم وذهبوا للمستشفى ..
.
.
أبراهيم : منيرة وش سويتي في نفسك؟ قال لك الدكتور راحة راحة أعرفك حارة وعصبية وتبين كل شي في مكانه ...لكن صحتك أهم من كل شي
منيرة : أبراهيم لا يكون علمت أحد بمرضي ..؟
.
.
لين : ماما الحين إنتِ أهم من كل شي ..
.
.
أبراهيم : يابنت الحلال ..والله ماعلمت أحد ..حتى أم تركي ماعلمتها ..
.
.
ذهبوا للمستشفى وغيروا الضماد ..وعادوا للبيت ومنيرة لازالت تفكر في كلام عبد العزيز وتعيد ترتيب أوراقها ..لكن لماذا يحمل عليها كل هذا الحمـل ؟؟
.
.
؟؟؟
.
.
‏لآ تغآدر مكآنآ آوُ شخصآ :
وُفيَ قلبك حديَث له !
فكل آلأحآديَث آلمخزنة فيَ صدوُرنآ ..
قد تخنقنآ يَوُمآ ..

الرد باقتباس
إضافة رد

ياصاحبي بسألك هو شان الزمن ولا البشر طبعهم شان؟ / بقلم المصممه , كامله

الوسوم
البشر , الزمن , بسألك , ياصاحبي , شان؟) , طبعهم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
السفر عبر الزمن إمبراطورة الشتاء مواضيع عامة - غرام 10 08-01-2016 05:52 PM
خادم الحرمين يصل إلى جدة قادماً من الرياض ح ــاكم أخبار عامة - جرائم - اثارة 9 18-05-2012 01:15 AM
من الذي يتغير الزمن ام قلوب البشر ؟ غَروُرأنثـٍـٍى ارشيف غرام 4 10-01-2010 06:58 AM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM
رواية زوجتي من الجن Ramadi73 قصص - قصيرة 59 09-09-2006 01:50 PM

الساعة الآن +3: 11:07 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1